📅 2022-yil 2-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 2 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 марта 2022 г. · Постановления Президента
Официальный текст. Официальный документ. Редакционные примечания не включены.
📅 2 March 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
«Ватан таянчи» болалар ва ўсмирлар ҳарбий-ватанпарварлик ҳаракати фаолиятини ташкил этиш тўғрисида
Ўзбекистон Республикаси Президентининг 2021 йил 13 июлдаги «Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида»ги ПФ-6260-сон Фармони ижросини таъминлаш, шунингдек, ёшларга оид давлат сиёсатини изчил ва самарали амалга ошириш, ёшларни ватанпарварлик, миллий анъана ва қадриятларимизни ҳурмат қилиш руҳида тарбиялаш, ҳар томонлама қўллаб-қувватлаш, маънавий етук ва жисмонан соғлом баркамол авлодни вояга етказиш мақсадида:
1. Ўзбекистон Республикаси Мудофаа вазирлиги, Халқ таълими вазирлиги, Ёшлар ишлари агентлиги ва Ўзбекистон Ёшлар иттифоқи Марказий кенгашининг:
Ўзбекистон Республикаси Мудофаа вазирлиги ҳузурида «Ватан таянчи» болалар ва ўсмирлар ҳарбий-ватанпарварлик ҳаракатини (кейинги ўринларда — «Ватан таянчи» ҳаракати) ташкил этиш;
Қорақалпоғистон Республикаси, вилоятлар ва Тошкент шаҳар мудофаа ишлари бошқармаларида бошқарма бошлиғининг тарбиявий ва мафкуравий ишлар бўйича ўринбосари, туман (шаҳар) мудофаа ишлари бўлимларида бўлим бошлиғининг тарбиявий ва мафкуравий ишлар бўйича ўринбосари лавозимларини жорий этиш тўғрисидаги таклифларига розилик берилсин.
2. Қуйидагилар «Ватан таянчи» ҳаракатининг асосий вазифалари этиб белгилансин:
ўсиб келаётган ёш авлодни Ватан тақдирига дахлдорлик, маънавий-ахлоқий, миллий ва умуминсоний қадриятлар ҳамда қонунларимизга нисбатан юксак ҳурмат руҳида тарбиялаш;
эркин фикрлайдиган, мустаҳкам билимли, жамиятда муносиб мавқеини эгаллаш қобилиятига эга, мустақил қарор қабул қилишга қодир, мамлакатининг, халқи ва ўз оиласининг фаровонлиги ва янада ривожланиши орзусида бўлган ватанпарвар ёшларни тарбиялаш;
ўқувчи-ёшларни тузилаётган отряд атрофида бирлаштириш ва жипслаштириш, улар орасида ҳарбий-ватанпарварлик, ўқув-тарбиявий тадбирларни амалга оширишда асосий ташкилотчи сифатида фаолият юритиш, ўқувчиларда ўқиш ва интизом бўйича юқори натижаларга эришишга иштиёқни уйғотиш ҳамда уларга ўрнак бўлиш учун фаол ҳаракат қилиш;
давлат ва нодавлат умумий ўрта таълим ташкилотлари, Президент мактаблари, ижод мактаблари, спорт мактаблари, ихтисослаштирилган мактаблар, мактаб-интернатлар, академик лицейлар ва техникумлар (кейинги ўринларда — таълим ташкилотлари) ўқувчиларини одоб-ахлоқ қоидаларига риоя қилиш, Ватанга садоқат ҳамда ўзига қатъий ишонч руҳида тарбиялаш, ўқиши, интизоми ва жисмоний кўрсаткичлари паст ўқувчиларга юқори натижаларга эришишда кўмаклашиш;
таълим ташкилотларида ўқувчиларнинг бўш вақтларини мазмунли ўтказиш учун қулай шарт-шароит яратиш;
ўқувчиларни турли хавфли ғоялар ва ташқаридан «оммавий маданият» ниқоби остида кириб келаётган салбий таъсирлардан ҳимоя қилиш.
3. Белгилаб қўйилсинки:
«Ватан таянчи» болалар ва ўсмирлар ҳарбий-ватанпарварлик ҳаракати давлат муассасаси бўлиб, унинг асосий таъсисчиси Ўзбекистон Республикаси Мудофаа вазирлиги ҳисобланади;
«Ватан таянчи» ҳаракати ўз мақомига, Қуролли Кучлар хизматчилари (ҳарбий хизматчилар) меҳнатига ҳақ тўлаш (пул таъминоти) шартларига кўра давлат бошқаруви органи — Ўзбекистон Республикаси Мудофаа вазирлиги марказий аппаратининг мустақил бўлимига тенглаштирилади;
«Ватан таянчи» ҳаракати ходимларининг асосий таркиби Мудофаа вазирлиги қўшинлари умумий чекланган штат бирликлари доирасида ташкил этилади;
Ўзбекистон Республикаси мудофаа вазирининг тарбиявий ва мафкуравий ишлар бўйича ўринбосари «Ватан таянчи» ҳаракати фаолиятини мувофиқлаштириб боради;
«Ватан таянчи» ҳаракатининг Қуролли Кучлар хизматчилари (ҳарбий хизматчилар) меҳнатига ҳақ тўлаш (пул таъминоти) Мудофаа вазирлигига Ўзбекистон Республикаси Давлат бюджетидан ҳар йили ажратиладиган маблағлар ҳисобидан амалга оширилади;
«Ватан таянчи» ҳаракатининг фаолиятини самарали ташкил этиш учун юридик шахс мақомига эга бўлмаган «Ватан таянчи» болалар ва ўсмирлар ҳарбий-ватанпарварлик ҳаракатини ривожлантириш жамғармаси (кейинги ўринларда — Жамғарма) ташкил этилади;
таълим ташкилотларида чақирувга қадар бошланғич тайёргарлик раҳбари бошчилигида синфлар сонидан келиб чиқиб, таркиби 20 нафар 10-11-синф ҳамда академик лицей ва техникум ўқувчиларидан иборат бўлган «Ватан таянчи» отрядлари тузилади ва уларнинг фаолияти «Ватан таянчи» ҳаракати томонидан мувофиқлаштириб борилади;
Ўзбекистон Республикаси Мудофаа вазирлигининг Чақирувга қадар бошланғич тайёргарлик ва ёшлар билан ишлаш департаменти «Ватан таянчи» ҳаракатига ташкилий ва услубий жиҳатдан кўмаклашади;
«Ватан таянчи» отрядларига таълим ташкилотлари ўқувчилари ихтиёрийлик асосида аъзо бўлади;
«Ватан таянчи» ҳаракати ҳузурида Васийлик кенгаши, унинг ҳудудий бўлимлари ва бўлинмалари ҳузурида эса мувофиқлаштирувчи кенгашлар тузилади, уларнинг таркибига Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардия, Давлат хавфсизлик хизмати, Ёшлар ишлари агентлиги, Ўзбекистон ёшлар иттифоқи ва Ўзбекистон мудофаасига кўмаклашувчи «Ватанпарвар» ташкилотининг вакиллари киритилади.
4. «Ватан таянчи» болалар ва ўсмирлар ҳарбий-ватанпарварлик ҳаракатининг ташкилий тузилмаси иловага мувофиқ тасдиқлансин.
5. Қуйидагилар Жамғарма маблағларини шакллантириш манбалари этиб белгилансин:
давлат органлари ва ташкилотлари, шу жумладан, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ёшларга оид давлат сиёсатини амалга ошириш бўйича дастурлар, «йўл хариталари» доирасида белгиланган тартибда ажратиладиган маблағлар;
«Ватан таянчи» ҳаракатининг вақтинча бўш маблағларини давлат улуши бўлган тижорат банклари депозитларига жойлаштиришдан тушадиган тушумлар;
юридик ва жисмоний шахслар, шу жумладан, Ўзбекистон Республикаси норезидентларининг ҳомийлик хайриялари;
халқаро ташкилотлар ва молия институтлари, шунингдек, бошқа хорижий донорларнинг грантлари;
қонунчилик ҳужжатларида тақиқланмаган бошқа манбалар.
6. Белгилансинки, Жамғарма маблағлари:
а) «Ватан таянчи» ҳаракатининг алоҳида ҳисобварағида жамланади;
б) қуйидаги мақсадлар учун сарфланади:
ўқувчи ёшларга ҳар томонлама таълим-тарбия бериш мақсадида таълим ташкилотларида амалий ва техник йўналишдаги тўгараклар фаолиятини йўлга қўйиш;
«Ватан таянчи» ҳаракатини сақлаш, унинг моддий-техник базасини ривожлантириш ва мустаҳкамлаш;
давра суҳбатлари, конференциялар, амалий машғулотлар, тренинглар, шунингдек, маданий-маърифий, оммавий-маданий ва бошқа тадбирлар ўтказиш.
7. Ўзбекистон Республикаси Мактабгача ва мактаб таълими вазирлиги, Олий таълим, фан ва инновациялар вазирлиги Ёшлар ишлари агентлиги, Ўзбекистон ёшлар иттифоқи, Мудофаа вазирлиги ва ҳарбий-маъмурий секторлар раҳбарлари билан биргаликда:
таълим ташкилотларида «Ватан таянчи» отрядлари фаолият юритиши учун зарур шарт-шароит яратсин ва уларни ҳар томонлама қўллаб-қувватлаб борсин;
«Ватан таянчи» отрядларининг фаолияти доирасида тегишли тадбирларни ўтказиш бўйича таълим ташкилотлари ўқувчиларининг ижтимоий фаоллиги оширилишини таъминласин.
8. Белгилаб қўйилсинки:
а) «Ватан таянчи» отрядларининг аъзолари:
«Ватан таянчи» ҳаракати томонидан Ўзбекистон Республикаси Мудофаа вазирлигининг бюджетдан ташқари жамғармаси ҳисобидан фаолиятининг ўзига хос хусусиятлари акс эттирилган эмблема билан таъминланади;
давра суҳбатлари, конференциялар, амалий машғулотлар, тренинглар ҳамда маданий-маърифий, оммавий-маданий ва бошқа тадбирларда қатнашиш учун бир ҳудуддан бошқа ҳудудга, шунингдек, Ўзбекистон Республикаси Мудофаа вазирлиги тизимидаги ҳарбий қисм, муассасалар ва ҳарбий полигонларга юборилганда, Жамғарма ҳисобидан озиқ-овқат билан «Темурбеклар мактаби» ҳарбий-академик лицейларининг ўқувчилари учун белгиланган меъёрларга мувофиқ таъминланади;
б) Қорақалпоғистон Республикаси, вилоятлар ва Тошкент шаҳар мудофаа ишлари бошқармалари, туман (шаҳар) мудофаа ишлари бўлимлари бошлиқларининг чақирувга қадар бошланғич тайёргарлик ва ёшлар билан ишлаш бўйича ўринбосарлари бир вақтнинг ўзида тегишлича «Ватан таянчи» ҳаракатининг Қорақалпоғистон Республикаси, вилоятлар ва Тошкент шаҳар бўлимлари ҳамда туман (шаҳар) бўлинмалари бошлиқлари ҳисобланади.
9. Шундай тартиб ўрнатилсинки, унга мувофиқ:
Ватан таянчи» ҳаракатининг фаолиятида фаол иштирок этган ҳамда таълим ташкилотларини аъло баҳолар билан тамомлаган ҳар бир «Ватан таянчи» отрядининг бир нафар аъзосига ҳамда «Ватан таянчи» ҳаракатининг «Ватанпарварлар» ҳарбий-спорт мусобақалари ва маҳалла ёшлари ўртасида ўтказиладиган «Шижоат ва ғайрат» мусобақаларининг республика босқичи ғолибларига Мудофаа вазирлиги томонидан белгиланадиган танлаб олиш тартибига мувофиқ Қуролли Кучлар таркибига кирувчи вазирлик ва идораларнинг олий ҳарбий таълим муассасалари ҳамда олий ҳарбийлаштирилган таълим муассасаларига ўқишга кириш учун имтиёзли тавсиянома берилади;
«Ватан таянчи» ҳаракатининг тегишли тавсияномаларига эга бўлган «Ватан таянчи» отряди аъзолари Қуролли Кучлар таркибига кирувчи вазирлик ва идораларнинг олий ҳарбий таълим муассасалари ҳамда олий ҳарбийлаштирилган таълим муассасаларининг тегишли таълим йўналишларига ўқишга киришда тест синовлари ёки якка тартибдаги якуний суҳбат натижаларига кўра тўплаган балларининг 5 фоизи миқдорида қўшимча балл шаклида имтиёзга эга бўладилар;
«Ватан таянчи» ҳаракати томонидан республика олий ҳарбий таълим муассасаларига кириш учун берилган тавсияномалар берилган санадан бошлаб уч йил мобайнида амал қилади.
10. Ўзбекистон Республикаси Мудофаа вазирлиги Халқ таълими вазирлиги билан биргаликда уч ой муддатда «Ватан таянчи» отрядлари аъзолари учун эмблеманинг ягона намунасини ишлаб чиқиб, тасдиқласин.
11. Ўзбекистон Миллий телерадиокомпанияси ва Ўзбекистон Миллий ахборот агентлигига «Ватан таянчи» ҳаракати фаолиятини ҳамда ҳаракат томонидан амалга ошириладиган тадбирларни оммавий ахборот воситаларида кенг ёритиб бориш тавсия этилсин.
12. Ўзбекистон Республикаси Мудофаа вазирлиги икки ой муддатда:
«Ватан таянчи» болалар ва ўсмирлар ҳарбий-ватанпарварлик ҳаракати» давлат муассасаси уставини ишлаб чиқиб, тасдиқласин ва белгиланган тартибда давлат рўйхатидан ўтказилишини таъминласин;
манфаатдор вазирлик ва идоралар билан биргаликда қонунчиликка ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклиф киритсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов, Ўзбекистон Республикаси мудофаа вазири Б.Н. Курбанов ва Ўзбекистон Республикаси халқ таълими вазири Б.О. Саидов зиммасига юклансин.
Ўзбекистон Республикаси Президентининг 2022 йил 2 мартдаги ПҚ-150-сон қарорига ИЛОВА
Ватан таянчи» болалар ва ўсмирлар ҳарбий-ватанпарварлик ҳаракатининг ташкилий
«Ватан таянчи» ҳаракати марказий аппарати Ҳаракат раҳбари 1 (1-0-0) Ҳаракат катта офицери 1 (1-0-0) Бош мутахассис 1 (0-0-1) Бош мутахассис 1 (0-0-1) «Ватан таянчи» ҳаракатининг ҳудудий бўлим ва бўлинмалари Қорақалпоғистон Республикаси, вилоятлар ва Тошкент шаҳри мудофаа ишлари бошқармалари бошлиқларининг чақирувга қадар бошланғич тайёргарлик ва ёшлар билан ишлаш бўйича ўринбосарлари — «Ватан таянчи» ҳаракатининг Қорақалпоғистон Республикаси, вилоятлар ва Тошкент шаҳри бўлимлари бошлиқлари * 3 (1-0-2) Жами 14 та бўлим Туман (шаҳар) мудофаа ишлари бўлимлари бошлиқларининг чақирувга қадар бошланғич тайёргарлик ва ёшлар билан ишлаш бўйича ўринбосарлари — «Ватан таянчи» ҳаракатининг туман (шаҳар) бўлинмалари бошлиқлари ** 2 (0-0-2) Жами 188 та бўлинма «Ватан таянчи» ҳаракатининг алмашувчи таркиби Давлат ва нодавлат умумий ўрта таълим ташкилотлари, Президент мактаблари, ижод мактаблари, спорт мактаблари, ихтисослаштирилган мактаблар, мактаб-интернатлар, академик лицейлар ва техникумларнинг чақирувга қадар бошланғич тайёргарлик раҳбари бошчилигидаги «Ватан таянчи» отрядлари (20 нафар ўқувчидан иборат) Отрядлар таълим ташкилотлари ва ўқувчилар сонидан келиб чиқиб ташкил этилади
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 2 март,
ПҚ-150-сон
Oʻzbekiston Respublikasi Prezidentining
Qarori
TUZILMASI
“Vatan tayanchi” bolalar va oʻsmirlar harbiy-vatanparvarlik harakati faoliyatini tashkil etish toʻgʻrisida
Oʻzbekiston Respublikasi Prezidentining 2021-yil 13-iyuldagi “Yoshlarni har tomonlama qoʻllab-quvvatlash va ularning ijtimoiy faolligini yanada oshirishga oid qoʻshimcha chora-tadbirlar toʻgʻrisida”gi PF-6260-son Farmoni ijrosini taʼminlash, shuningdek, yoshlarga oid davlat siyosatini izchil va samarali amalga oshirish, yoshlarni vatanparvarlik, milliy anʼana va qadriyatlarimizni hurmat qilish ruhida tarbiyalash, har tomonlama qoʻllab-quvvatlash, maʼnaviy yetuk va jismonan sogʻlom barkamol avlodni voyaga yetkazish maqsadida:
1. Oʻzbekiston Respublikasi Mudofaa vazirligi, Xalq taʼlimi vazirligi, Yoshlar ishlari agentligi va Oʻzbekiston Yoshlar ittifoqi Markaziy kengashining:
Oʻzbekiston Respublikasi Mudofaa vazirligi huzurida “Vatan tayanchi” bolalar va oʻsmirlar harbiy-vatanparvarlik harakatini (keyingi oʻrinlarda — “Vatan tayanchi” harakati) tashkil etish;
Qoraqalpogʻiston Respublikasi, viloyatlar va Toshkent shahar mudofaa ishlari boshqarmalarida boshqarma boshligʻining tarbiyaviy va mafkuraviy ishlar boʻyicha oʻrinbosari, tuman (shahar) mudofaa ishlari boʻlimlarida boʻlim boshligʻining tarbiyaviy va mafkuraviy ishlar boʻyicha oʻrinbosari lavozimlarini joriy etish toʻgʻrisidagi takliflariga rozilik berilsin.
2. Quyidagilar “Vatan tayanchi” harakatining asosiy vazifalari etib belgilansin:
oʻsib kelayotgan yosh avlodni Vatan taqdiriga daxldorlik, maʼnaviy-axloqiy, milliy va umuminsoniy qadriyatlar hamda qonunlarimizga nisbatan yuksak hurmat ruhida tarbiyalash;
erkin fikrlaydigan, mustahkam bilimli, jamiyatda munosib mavqeyini egallash qobiliyatiga ega, mustaqil qaror qabul qilishga qodir, mamlakatining, xalqi va oʻz oilasining farovonligi va yanada rivojlanishi orzusida boʻlgan vatanparvar yoshlarni tarbiyalash;
oʻquvchi-yoshlarni tuzilayotgan otryad atrofida birlashtirish va jipslashtirish, ular orasida harbiy-vatanparvarlik, oʻquv-tarbiyaviy tadbirlarni amalga oshirishda asosiy tashkilotchi sifatida faoliyat yuritish, oʻquvchilarda oʻqish va intizom boʻyicha yuqori natijalarga erishishga ishtiyoqni uygʻotish hamda ularga oʻrnak boʻlish uchun faol harakat qilish;
davlat va nodavlat umumiy oʻrta taʼlim tashkilotlari, Prezident maktablari, ijod maktablari, sport maktablari, ixtisoslashtirilgan maktablar, maktab-internatlar, akademik litseylar va texnikumlar (keyingi oʻrinlarda — taʼlim tashkilotlari) oʻquvchilarini odob-axloq qoidalariga rioya qilish, Vatanga sadoqat hamda oʻziga qatʼiy ishonch ruhida tarbiyalash, oʻqishi, intizomi va jismoniy koʻrsatkichlari past oʻquvchilarga yuqori natijalarga erishishda koʻmaklashish;
taʼlim tashkilotlarida oʻquvchilarning boʻsh vaqtlarini mazmunli oʻtkazish uchun qulay shart-sharoit yaratish;
oʻquvchilarni turli xavfli gʻoyalar va tashqaridan “ommaviy madaniyat” niqobi ostida kirib kelayotgan salbiy taʼsirlardan himoya qilish.
3. Belgilab qoʻyilsinki:
“Vatan tayanchi” bolalar va oʻsmirlar harbiy-vatanparvarlik harakati davlat muassasasi boʻlib, uning asosiy taʼsischisi Oʻzbekiston Respublikasi Mudofaa vazirligi hisoblanadi;
“Vatan tayanchi” harakati oʻz maqomiga, Qurolli Kuchlar xizmatchilari (harbiy xizmatchilar) mehnatiga haq toʻlash (pul taʼminoti) shartlariga koʻra davlat boshqaruvi organi — Oʻzbekiston Respublikasi Mudofaa vazirligi markaziy apparatining mustaqil boʻlimiga tenglashtiriladi;
“Vatan tayanchi” harakati xodimlarining asosiy tarkibi Mudofaa vazirligi qoʻshinlari umumiy cheklangan shtat birliklari doirasida tashkil etiladi;
Oʻzbekiston Respublikasi mudofaa vazirining tarbiyaviy va mafkuraviy ishlar boʻyicha oʻrinbosari “Vatan tayanchi” harakati faoliyatini muvofiqlashtirib boradi;
“Vatan tayanchi” harakatining Qurolli Kuchlar xizmatchilari (harbiy xizmatchilar) mehnatiga haq toʻlash (pul taʼminoti) Mudofaa vazirligiga Oʻzbekiston Respublikasi Davlat budjetidan har yili ajratiladigan mablagʻlar hisobidan amalga oshiriladi;
“Vatan tayanchi” harakatining faoliyatini samarali tashkil etish uchun yuridik shaxs maqomiga ega boʻlmagan “Vatan tayanchi” bolalar va oʻsmirlar harbiy-vatanparvarlik harakatini rivojlantirish jamgʻarmasi (keyingi oʻrinlarda — Jamgʻarma) tashkil etiladi;
taʼlim tashkilotlarida chaqiruvga qadar boshlangʻich tayyorgarlik rahbari boshchiligida sinflar sonidan kelib chiqib, tarkibi 20 nafar 10-11-sinf hamda akademik litsey va texnikum oʻquvchilaridan iborat boʻlgan “Vatan tayanchi” otryadlari tuziladi va ularning faoliyati “Vatan tayanchi” harakati tomonidan muvofiqlashtirib boriladi;
Oʻzbekiston Respublikasi Mudofaa vazirligining Chaqiruvga qadar boshlangʻich tayyorgarlik va yoshlar bilan ishlash departamenti “Vatan tayanchi” harakatiga tashkiliy va uslubiy jihatdan koʻmaklashadi;
“Vatan tayanchi” otryadlariga taʼlim tashkilotlari oʻquvchilari ixtiyoriylik asosida aʼzo boʻladi;
“Vatan tayanchi” harakati huzurida Vasiylik kengashi, uning hududiy boʻlimlari va boʻlinmalari huzurida esa muvofiqlashtiruvchi kengashlar tuziladi, ularning tarkibiga Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya, Davlat xavfsizlik xizmati, Yoshlar ishlari agentligi, Oʻzbekiston yoshlar ittifoqi va Oʻzbekiston mudofaasiga koʻmaklashuvchi “Vatanparvar” tashkilotining vakillari kiritiladi.
4. “Vatan tayanchi” bolalar va oʻsmirlar harbiy-vatanparvarlik harakatining tashkiliy tuzilmasi ilovaga muvofiq tasdiqlansin.
5. Quyidagilar Jamgʻarma mablagʻlarini shakllantirish manbalari etib belgilansin:
davlat organlari va tashkilotlari, shu jumladan, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan yoshlarga oid davlat siyosatini amalga oshirish boʻyicha dasturlar, “yoʻl xaritalari” doirasida belgilangan tartibda ajratiladigan mablagʻlar;
“Vatan tayanchi” harakatining vaqtincha boʻsh mablagʻlarini davlat ulushi boʻlgan tijorat banklari depozitlariga joylashtirishdan tushadigan tushumlar;
yuridik va jismoniy shaxslar, shu jumladan, Oʻzbekiston Respublikasi norezidentlarining homiylik xayriyalari;
xalqaro tashkilotlar va moliya institutlari, shuningdek, boshqa xorijiy donorlarning grantlari;
qonunchilik hujjatlarida taqiqlanmagan boshqa manbalar.
6. Belgilansinki, Jamgʻarma mablagʻlari:
a) “Vatan tayanchi” harakatining alohida hisobvaragʻida jamlanadi;
b) quyidagi maqsadlar uchun sarflanadi:
oʻquvchi yoshlarga har tomonlama taʼlim-tarbiya berish maqsadida taʼlim tashkilotlarida amaliy va texnik yoʻnalishdagi toʻgaraklar faoliyatini yoʻlga qoʻyish;
“Vatan tayanchi” harakatini saqlash, uning moddiy-texnik bazasini rivojlantirish va mustahkamlash;
davra suhbatlari, konferensiyalar, amaliy mashgʻulotlar, treninglar, shuningdek, madaniy-maʼrifiy, ommaviy-madaniy va boshqa tadbirlar oʻtkazish.
7. Oʻzbekiston Respublikasi Maktabgacha va maktab taʼlimi vazirligi, Oliy taʼlim, fan va innovatsiyalar vazirligi Yoshlar ishlari agentligi, Oʻzbekiston yoshlar ittifoqi, Mudofaa vazirligi va harbiy-maʼmuriy sektorlar rahbarlari bilan birgalikda:
taʼlim tashkilotlarida “Vatan tayanchi” otryadlari faoliyat yuritishi uchun zarur shart-sharoit yaratsin va ularni har tomonlama qoʻllab-quvvatlab borsin;
“Vatan tayanchi” otryadlarining faoliyati doirasida tegishli tadbirlarni oʻtkazish boʻyicha taʼlim tashkilotlari oʻquvchilarining ijtimoiy faolligi oshirilishini taʼminlasin.
8. Belgilab qoʻyilsinki:
a) “Vatan tayanchi” otryadlarining aʼzolari:
“Vatan tayanchi” harakati tomonidan Oʻzbekiston Respublikasi Mudofaa vazirligining budjetdan tashqari jamgʻarmasi hisobidan faoliyatining oʻziga xos xususiyatlari aks ettirilgan emblema bilan taʼminlanadi;
davra suhbatlari, konferensiyalar, amaliy mashgʻulotlar, treninglar hamda madaniy-maʼrifiy, ommaviy-madaniy va boshqa tadbirlarda qatnashish uchun bir hududdan boshqa hududga, shuningdek, Oʻzbekiston Respublikasi Mudofaa vazirligi tizimidagi harbiy qism, muassasalar va harbiy poligonlarga yuborilganda, Jamgʻarma hisobidan oziq-ovqat bilan “Temurbeklar maktabi” harbiy-akademik litseylarining oʻquvchilari uchun belgilangan meʼyorlarga muvofiq taʼminlanadi;
b) Qoraqalpogʻiston Respublikasi, viloyatlar va Toshkent shahar mudofaa ishlari boshqarmalari, tuman (shahar) mudofaa ishlari boʻlimlari boshliqlarining chaqiruvga qadar boshlangʻich tayyorgarlik va yoshlar bilan ishlash boʻyicha oʻrinbosarlari bir vaqtning oʻzida tegishlicha “Vatan tayanchi” harakatining Qoraqalpogʻiston Respublikasi, viloyatlar va Toshkent shahar boʻlimlari hamda tuman (shahar) boʻlinmalari boshliqlari hisoblanadi.
9. Shunday tartib oʻrnatilsinki, unga muvofiq:
Vatan tayanchi” harakatining faoliyatida faol ishtirok etgan hamda taʼlim tashkilotlarini aʼlo baholar bilan tamomlagan har bir “Vatan tayanchi” otryadining bir nafar aʼzosiga hamda “Vatan tayanchi” harakatining “Vatanparvarlar” harbiy-sport musobaqalari va mahalla yoshlari oʻrtasida oʻtkaziladigan “Shijoat va gʻayrat” musobaqalarining respublika bosqichi gʻoliblariga Mudofaa vazirligi tomonidan belgilanadigan tanlab olish tartibiga muvofiq Qurolli Kuchlar tarkibiga kiruvchi vazirlik va idoralarning oliy harbiy taʼlim muassasalari hamda oliy harbiylashtirilgan taʼlim muassasalariga oʻqishga kirish uchun imtiyozli tavsiyanoma beriladi;
“Vatan tayanchi” harakatining tegishli tavsiyanomalariga ega boʻlgan “Vatan tayanchi” otryadi aʼzolari Qurolli Kuchlar tarkibiga kiruvchi vazirlik va idoralarning oliy harbiy taʼlim muassasalari hamda oliy harbiylashtirilgan taʼlim muassasalarining tegishli taʼlim yoʻnalishlariga oʻqishga kirishda test sinovlari yoki yakka tartibdagi yakuniy suhbat natijalariga koʻra toʻplagan ballarining 5 foizi miqdorida qoʻshimcha ball shaklida imtiyozga ega boʻladilar;
“Vatan tayanchi” harakati tomonidan respublika oliy harbiy taʼlim muassasalariga kirish uchun berilgan tavsiyanomalar berilgan sanadan boshlab uch yil mobaynida amal qiladi.
10. Oʻzbekiston Respublikasi Mudofaa vazirligi Xalq taʼlimi vazirligi bilan birgalikda uch oy muddatda “Vatan tayanchi” otryadlari aʼzolari uchun emblemaning yagona namunasini ishlab chiqib, tasdiqlasin.
11. Oʻzbekiston Milliy teleradiokompaniyasi va Oʻzbekiston Milliy axborot agentligiga “Vatan tayanchi” harakati faoliyatini hamda harakat tomonidan amalga oshiriladigan tadbirlarni ommaviy axborot vositalarida keng yoritib borish tavsiya etilsin.
12. Oʻzbekiston Respublikasi Mudofaa vazirligi ikki oy muddatda:
“Vatan tayanchi” bolalar va oʻsmirlar harbiy-vatanparvarlik harakati” davlat muassasasi ustavini ishlab chiqib, tasdiqlasin va belgilangan tartibda davlat roʻyxatidan oʻtkazilishini taʼminlasin;
manfaatdor vazirlik va idoralar bilan birgalikda qonunchilikka ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga taklif kiritsin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov, Oʻzbekiston Respublikasi mudofaa vaziri B.N. Kurbanov va Oʻzbekiston Respublikasi xalq taʼlimi vaziri B.O. Saidov zimmasiga yuklansin.
Oʻzbekiston Respublikasi Prezidentining 2022-yil 2-martdagi PQ-150-son qaroriga ILOVA
Vatan tayanchi” bolalar va oʻsmirlar harbiy-vatanparvarlik harakatining tashkiliy
“Vatan tayanchi” harakati markaziy apparati Harakat rahbari 1 (1-0-0) Harakat katta ofitseri 1 (1-0-0) Bosh mutaxassis 1 (0-0-1) Bosh mutaxassis 1 (0-0-1) “Vatan tayanchi” harakatining hududiy boʻlim va boʻlinmalari Qoraqalpogʻiston Respublikasi, viloyatlar va Toshkent shahri mudofaa ishlari boshqarmalari boshliqlarining chaqiruvga qadar boshlangʻich tayyorgarlik va yoshlar bilan ishlash boʻyicha oʻrinbosarlari — “Vatan tayanchi” harakatining Qoraqalpogʻiston Respublikasi, viloyatlar va Toshkent shahri boʻlimlari boshliqlari * 3 (1-0-2) Jami 14 ta boʻlim Tuman (shahar) mudofaa ishlari boʻlimlari boshliqlarining chaqiruvga qadar boshlangʻich tayyorgarlik va yoshlar bilan ishlash boʻyicha oʻrinbosarlari — “Vatan tayanchi” harakatining tuman (shahar) boʻlinmalari boshliqlari ** 2 (0-0-2) Jami 188 ta boʻlinma “Vatan tayanchi” harakatining almashuvchi tarkibi Davlat va nodavlat umumiy oʻrta taʼlim tashkilotlari, Prezident maktablari, ijod maktablari, sport maktablari, ixtisoslashtirilgan maktablar, maktab-internatlar, akademik litseylar va texnikumlarning chaqiruvga qadar boshlangʻich tayyorgarlik rahbari boshchiligidagi “Vatan tayanchi” otryadlari (20 nafar oʻquvchidan iborat) Otryadlar taʼlim tashkilotlari va oʻquvchilar sonidan kelib chiqib tashkil etiladi
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 2-mart,
PQ-150-son
Президента Республики Узбекистан
Постановление
ОРГАНИЗАЦИОННАЯ СТРУКТУРА
Об организации деятельности Детско-юношеского военно-патриотического движения «Ватан таянчи»
В целях обеспечения исполнения Указа Президента Республики Узбекистан от 13 июля 2021 года № УП-6260 «О дополнительных мерах по всесторонней поддержке молодежи и дальнейшему повышению ее общественной активности», а также последовательной и эффективной реализации государственной молодежной политики, воспитания молодежи в духе патриотизма, уважения национальных традиций и ценностей, ее всесторонней поддержки, воспитания духовно развитого и физически здорового гармоничного поколения:
1. Согласиться с предложениями Министерства обороны, Министерства народного образования, Агентства по делам молодежи Республики Узбекистан и Центрального совета Союза молодежи Узбекистана о:
создании при Министерстве обороны Республики Узбекистан Детско-юношеского военно-патриотического движения «Ватан таянчи» (далее — движение «Ватан таянчи»);
введении в управлениях по делам обороны Республики Каракалпакстан, областей и города Ташкента должности заместителя начальника управления по воспитательной и идеологической работе, в районных (городских) отделах по делам обороны — заместителя начальника отдела по воспитательной и идеологической работе.
2. Определить основными задачами движения «Ватан таянчи»:
воспитание подрастающего поколения в духе причастности к судьбе Родины, глубокого уважения духовно-нравственных, национальных и общечеловеческих ценностей, а также законов страны;
воспитание свободно мыслящей патриотичной молодежи, обладающей прочными знаниями, способной занять достойное место в обществе, самостоятельно принимать решения, стремящейся приумножать и развивать благосостояние своей страны, народа и семьи;
объединение и сплочение учащейся молодежи вокруг создаваемого отряда, осуществление деятельности в качестве основного организатора проведения среди нее военно-патриотических и учебно-воспитательных мероприятий, мотивирование на достижение высоких результатов в учебе и дисциплине, а также осуществление активной деятельности в качестве примера для подражания;
воспитание учащихся государственных и негосударственных общих средних образовательных организаций, Президентских школ, творческих школ, спортивных школ и специализированных школ, школ-интернатов, академических лицеев и техникумов (далее — образовательные организации) в духе соблюдения правил этики и нравственных норм, преданности Родине и твердой веры в себя, оказание содействия в достижении высоких результатов учащимся с низкими показателями в учебе, дисциплине и физическом развитии;
создание благоприятных условий для содержательного проведения свободного времени учащихся в образовательных организациях;
защиту учащихся от различных опасных идей и отрицательного влияния из-за рубежа, проникающего под маской «массовой культуры».
3. Установить, что:
Детско-юношеское военно-патриотическое движение «Ватан таянчи» является государственным учреждением, его основным учредителем является Министерство обороны Республики Узбекистан;
движение «Ватан таянчи» по своему статусу, условиям оплаты труда (денежного обеспечения) служащих (военнослужащих) Вооруженных Сил приравнивается к самостоятельному отделу органа государственного управления центрального аппарата Министерства обороны Республики Узбекистан;
основной состав работников движения «Ватан таянчи» формируется в рамках общей предельной штатной численности войск Министерства обороны;
заместитель министра обороны Республики Узбекистан по воспитательной и идеологической работе координирует деятельность движения «Ватан таянчи»;
оплата труда (денежное обеспечение) служащих (военнослужащих) Вооруженных Сил движения «Ватан таянчи» осуществляется за счет средств, ежегодно выделяемых Министерству обороны из Государственного бюджета Республики Узбекистан;
для эффективной организации деятельности движения «Ватан таянчи» создается Фонд развития Детско-юношеского военно-патриотического движения «Ватан таянчи» (далее — Фонд) без статуса юридического лица;
в образовательных организациях под руководством руководителей начальной допризывной подготовки исходя из количества классов создаются отряды «Ватан таянчи», состоящие из 20 учащихся 10-11 классов, а также учащихся академических лицеев и техникумов, деятельность данных отрядов координируется движением «Ватан таянчи;
Департамент начальной допризывной подготовки и работы с молодежью Министерства обороны оказывает организационное и методическое содействие движению «Ватан таянчи»;
учащиеся образовательных организаций принимаются в состав членов отрядов «Ватан таянчи» на добровольной основе;
при движении «Ватан таянчи» создается Попечительский совет, при его территориальных отделах и подразделениях — координационные советы, в их составы включаются представители Министерства обороны, Министерства внутренних дел, Министерства по чрезвычайным ситуациям, Национальной гвардии, Службы государственной безопасности, Агентства по делам молодежи, Союза молодежи Узбекистана и Организации содействия обороне Узбекистана «Ватанпарвар».
4. Утвердить организационную структуру Детско-юношеского военно-патриотического движения «Ватан таянчи» согласно приложению .
5. Определить источниками формирования средств Фонда:
средства, выделяемые в установленном порядке государственными органами и организациями, в том числе Советом Министров Республики Каракалпакстан, хокимиятами областей и города Ташкента в рамках программ и «дорожных карт» по реализации государственной молодежной политики;
поступления от размещения временно свободных средств движения «Ватан таянчи» на депозиты коммерческих банков, имеющих государственную долю;
благотворительные пожертвования юридических и физических лиц, включая нерезидентов Республики Узбекистан;
гранты международных организаций и финансовых институтов, а также иных зарубежных доноров;
другие источники, не запрещенные актами законодательства.
6. Определить, что средства Фонда:
а) аккумулируются на отдельном счете движения «Ватан таянчи»;
б) расходуются на следующие цели:
организацию деятельности кружков практического и технического направления в образовательных организациях в целях всестороннего воспитания и обучения учащейся молодежи;
содержание движения «Ватан таянчи», развитие и укрепление ее материально-технической базы;
проведение «круглых столов», конференций, практических занятий, тренингов, а также культурно-просветительских, культурно-массовых и других мероприятий.
7. Министерству дошкольного и школьного образования, Министерству высшего образования, науки и инноваций совместно с Агентством по делам молодежи, Союзом молодежи Узбекистана, Министерством обороны Республики Узбекистан и руководителями военно-административных секторов:
создать необходимые условия для осуществления деятельности отрядов «Ватан таянчи» в образовательных организациях и всесторонне поддерживать их;
обеспечить повышение социальной активности учащихся образовательных организаций в проведении соответствующих мероприятий в рамках деятельности отрядов «Ватан таянчи»;
8. Установить, что:
а) члены отрядов «Ватан таянчи» обеспечиваются:
движением «Ватан таянчи» эмблемой, отображающей специфику деятельности, за счет средств внебюджетного фонда Министерства обороны Республики Узбекистан;
продовольствием при перемещении с одной территории на другую для участия в «круглых столах», конференциях, практических занятиях, тренингах, культурно-просветительских, культурно-массовых и иных мероприятиях, а также направлении в воинские части, учреждения и военные полигоны в системе Министерства обороны Республики Узбекистан за счет Фонда в соответствии с нормами, установленными для учащихся военно-академических лицеев «Темурбеклар мактаби»;
б) заместители начальников управлений по делам обороны Республики Каракалпакстан, областей и города Ташкента, отделов по делам обороны районов (городов) по начальной допризывной подготовке и работе с молодежью одновременно являются начальниками отделов соответственно Республики Каракалпакстан, областей и города Ташкента, а также районных (городских) подразделений движения «Ватан таянчи».
9. Установить порядок, в соответствии с которым:
одному из членов отрядов «Ватан таянчи», принявшему активное участие в деятельности движения «Ватан таянчи», окончившему образовательную организацию с отличными оценками, а также победителям военно-спортивных соревнований «Ватанпарварлар» движения «Ватан таянчи» и республиканского этапа проводимых среди молодежи махаллей соревнований «Шижоат ва ғайрат» предоставляется льготная рекомендация для поступления на учебу в высшие военные образовательные учреждения и высшие военизированные образовательные учреждения министерств и ведомств, входящих в состав Вооруженных Сил, в соответствии с порядком отбора, устанавливаемым Министерством обороны;
членам отрядов «Ватан таянчи», имеющим соответствующую рекомендацию движения «Ватан таянчи», при поступлении на учебу на соответствующее направление образования высших военных образовательных учреждений министерств и ведомств, входящих в состав Вооруженных Сил, а также высших военизированных образовательных учреждений предоставляется льгота в форме дополнительного балла в размере 5 процентов от баллов, набранных ими по результатам тестовых испытаний или индивидуального итогового собеседования;
рекомендации, выданные движением «Ватан таянчи» для поступления в высшие военные образовательные учреждения республики, действительны в течение трех лет начиная с даты их выдачи.
10. Министерству обороны совместно с Министерством народного образования Республики Узбекистан в трехмесячный срок разработать и утвердить единый образец эмблемы для членов отрядов «Ватан таянчи».
11. Рекомендовать Национальной телерадиокомпании Узбекистана и Национальному информационному агентству Узбекистана широко освещать деятельность и мероприятия, проводимые движением «Ватан таянчи» в средствах массовой информации.
12. Министерству обороны Республики Узбекистан в двухмесячный срок:
разработать, утвердить и обеспечить в установленном порядке проведение государственной регистрации Устава Государственного учреждения «Детско-юношеское военно-патриотическое движение «Ватан таянчи»;
совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова, секретаря Совета безопасности при Президенте Республики Узбекистан В.В. Махмудова, министра обороны Республики Узбекистан Б.Н. Курбанова и министра народного образования Республики Узбекистан Б.О. Саидова.
ПРИЛОЖЕНИЕ к постановлению Президента Республики Узбекистан от 2 марта 2022 года № ПП-150
Детско-юношеского военно-патриотического движения «Ватан таянчи»
Центральный аппарат движения «Ватан таянчи» Руководитель движения 1 (1-0-0) Старший офицер движения 1 (1-0-0) Главный специалист 1 (0-0-1) Главный специалист 1 (0-0-1) Территориальные отделы и подразделения движения «Ватан таянчи» Заместители начальников управлений по делам обороны Республики Каракалпакстан, областей и города Ташкента по начальной допризывной подготовке и работе с молодежью — начальники отделов движения «Ватан таянчи» по Республике Каракалпакстан, областям и городу Ташкенту * 3 (1-0-2) Всего 14 отделов Заместители начальников отделов по делам обороны районов (городов) по начальной допризывной подготовке и работе с молодежью — начальники районных (городских) подразделений движения «Ватан таянчи» ** 2 (0-0-2) Всего 188 подразделений Переменный состав движения «Ватан таянчи» Отряды «Ватан таянчи» под руководством руководителей начальной допризывной подготовки государственных и негосударственных общих средних образовательных организаций, Президентских школ, творческих школ, спортивных школ и специализированных школ, школ-интернатов, академических лицеев и техникумов (состоят из 20 учащихся) Отряды создаются исходя из количества образовательных организаций и учащихся
Президент Республики Узбекистан Ш. МИРЗИЁЕВ
г. Ташкент,
2 марта 2022 г.,
№ ПП-150