UzbekAI

Ўзбекистон Республикаси давлат Геология ва минерал ресурслар қўмитасининг

Қарори

Ўзбекистон Республикаси фойдали қазилмалари захираларини ҳисобга олиш ва ҳисобот балансларини тузиш бўйича йўриқноманинг 16-бандига ўзгартириш киритиш тўғрисида

Ўзбекистон Республикасининг «Лицензиялаш, рухсат бериш ва хабардор қилиш тартиб-таомиллари тўғрисида»ги Қонунига мувофиқ Ўзбекистон Республикаси Давлат геология ва минерал ресурслар қўмитаси қарор қилади:

1. Ўзбекистон Республикаси Давлат геология ва минерал ресурслар қўмитасининг 2015 йил 3 июлдаги 1-сон қарори (рўйхат рақами 2699, 2015 йил 22 июль) (Ўзбекистон Республикаси қонун ҳужжатлари тўплами, 2015 й., 29-сон, 388-модда) билан тасдиқланган Ўзбекистон Республикаси фойдали қазилмалари захираларини ҳисобга олиш ва ҳисобот балансларини тузиш бўйича йўриқноманинг 16-банди биринчи ва иккинчи хатбошилари қуйидаги таҳрирда баён қилинсин:

«Қаттиқ (металл ва нометалл) фойдали қазилмалар ҳамда кўмир ва ёнувчи сланецлар захиралари ҳисобот баланслари геодезия ва картография фаолиятини бошлаганлик ҳақидаги хабарномаси қабул қилинганлиги тўғрисидаги тасдиқномага эга бўлган ер қаъридан фойдаланувчиларнинг геология-маркшейдерлик хизматлари томонидан тасдиқланиши ҳамда Кон-геология фаолиятини назорат қилиш инспекцияси билан келишилиши керак.

Ер қаъридан фойдаланувчиларда геодезия ва картография фаолиятини бошлаганлик ҳақида хабарнома қабул қилинганлиги тўғрисидаги тасдиқнома мавжуд бўлмаганда, ҳисобот баланслари шундай тасдиқномага эга бўлган жалб этилган бошқа корхоналар томонидан тасдиқланишига рухсат берилади.».

2. Мазкур қарор расмий эълон қилинган кундан эътиборан кучга киради.

Раис Б. ИСЛОМОВ

Тошкент ш.,

2022 йил 24 февраль,

2-сон

(Қонунчилик маълумотлари миллий базаси, 04.03.2022 й., 10/22/2699-2/0183-сон)

lex.uz

Oʻzbekiston Respublikasi davlat Geologiya va mineral resurslar qoʻmitasining

Qarori

Oʻzbekiston Respublikasi foydali qazilmalari zaxiralarini hisobga olish va hisobot balanslarini tuzish boʻyicha yoʻriqnomaning 16-bandiga oʻzgartirish kiritish toʻgʻrisida

Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonuniga muvofiq Oʻzbekiston Respublikasi Davlat geologiya va mineral resurslar qoʻmitasi qaror qiladi:

1. Oʻzbekiston Respublikasi Davlat geologiya va mineral resurslar qoʻmitasining 2015-yil 3-iyuldagi 1-son qarori (roʻyxat raqami 2699, 2015-yil 22-iyul) (Oʻzbekiston Respublikasi qonun hujjatlari toʻplami, 2015-y., 29-son, 388-modda) bilan tasdiqlangan Oʻzbekiston Respublikasi foydali qazilmalari zaxiralarini hisobga olish va hisobot balanslarini tuzish boʻyicha yoʻriqnomaning 16-bandi birinchi va ikkinchi xatboshilari quyidagi tahrirda bayon qilinsin:

“Qattiq (metall va nometall) foydali qazilmalar hamda koʻmir va yonuvchi slanetslar zaxiralari hisobot balanslari geodeziya va kartografiya faoliyatini boshlaganlik haqidagi xabarnomasi qabul qilinganligi toʻgʻrisidagi tasdiqnomaga ega boʻlgan yer qaʼridan foydalanuvchilarning geologiya-marksheyderlik xizmatlari tomonidan tasdiqlanishi hamda Kon-geologiya faoliyatini nazorat qilish inspeksiyasi bilan kelishilishi kerak.

Yer qaʼridan foydalanuvchilarda geodeziya va kartografiya faoliyatini boshlaganlik haqida xabarnoma qabul qilinganligi toʻgʻrisidagi tasdiqnoma mavjud boʻlmaganda, hisobot balanslari shunday tasdiqnomaga ega boʻlgan jalb etilgan boshqa korxonalar tomonidan tasdiqlanishiga ruxsat beriladi.”.

2. Mazkur qaror rasmiy eʼlon qilingan kundan eʼtiboran kuchga kiradi.

Rais B. ISLOMOV

Toshkent sh.,

2022-yil 24-fevral,

2-son

(Qonunchilik maʼlumotlari milliy bazasi, 04.03.2022-y., 10/22/2699-2/0183-son)

lex.uz