📅 2022-yil 7-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 7 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 марта 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 7 March 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасида атроф табиий муҳитнинг давлат мониторинги тўғрисидаги низомга ўзгартириш ва қўшимчалар киритиш ҳақида
Атроф табиий муҳитнинг давлат мониторинги тизимини такомиллаштириш мақсадида Вазирлар Маҳкамаси қарор қилади:
1. Вазирлар Маҳкамасининг 2019 йил 5 сентябрдаги 737-сон қарори билан тасдиқланган Ўзбекистон Республикасида атроф табиий муҳитнинг давлат мониторинги тўғрисидаги низомга иловага мувофиқ ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси Экология ва атроф муҳитни муҳофаза қилиш давлат қўмитаси раиси Н.Н. Обломурадов зиммасига юклансин.
Вазирлар Маҳкамасининг 2022 йил 7 мартдаги 99-сон қарорига ИЛОВА
Ўзбекистон Республикасида атроф табиий муҳитнинг давлат мониторинги тўғрисидаги низомга киритилаётган ўзгартириш ва қўшимчалар
1. 19-банднинг биринчи хатбошиси қуйидаги таҳрирда баён этилсин:
«19. Ифлосланиш манбалари мониторинги олиб бориладиган хўжалик юритувчи субъектлар рўйхати Давлат экология қўмитаси ҳудудий органларининг маълумотлари асосида Давлат экология қўмитаси томонидан шакллантирилади (Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилни хабардор этиш тартибида маълумот учун тақдим этилади) ва тасдиқланади».
2. 21-банднинг иккинчи хатбошиси қуйидаги таҳрирда баён этилсин:
«Давлат инспекторининг қонуний фаолиятига тўсқинлик қилганлик, шунингдек, унинг кўрсатмаларини бажармаслик Ўзбекистон Республикасининг Маъмурий жавобгарлик тўғрисидаги кодексининг 197 6 -моддасида назарда тутилган жавобгарликка сабаб бўлади».
3. 23-банднинг иккинчи хатбошисидаги «унумдорликни пасайтиришга» сўзлари «ишлаб чиқариш қувватини камайтиришга» сўзлари билан алмаштирилсин.
4. 26-бандда :
биринчи ва иккинчи хатбошиларидаги «ҳамжамият» сўзи «мажмуи» сўзи билан алмаштирилсин;
учинчи хатбошисидан «Ўзбекистон Республикаси» сўзлари чиқариб ташлансин.
5. 27-банднинг олтинчи ва еттинчи хатбошиларидаги , 30-банднинг иккинчи ва еттинчи хатбошиларидаги , 37-банднинг олтинчи хатбошисидаги тегишли келишикдаги «ҳамжамият» сўзи тегишли келишикдаги «мажмуи» сўзи билан алмаштирилсин.
6. 32-бандда :
иккинчи хатбошиси «ҳамда» сўзидан кейин «қонунчилик ҳужжатларида белгиланган бошқа ҳудудларда,» сўзлари билан тўлдирилсин;
тўртинчи хатбошисидан «Ўзбекистон Республикаси» сўзлари чиқариб ташлансин.
7. 34-банднинг бешинчи ва олтинчи хатбошиларидан «Ўзбекистон Республикаси» сўзлари чиқариб ташлансин.
8. 45-банднинг биринчи хатбошисидаги «Қишлоқ» сўзи «Сув» сўзи билан алмаштирилсин.
9. 49-банддаги «шўрланганлиги, ўт босганлиги, ерларнинг пестицидлар» сўзлари «шўрланганлиги, ерларнинг пестицидлар» сўзлари билан алмаштирилсин.
10. 69-банднинг биринчи хатбошиси «аккредитация қилинган» сўзларидан кейин «ёки техник жиҳатдан малакалилиги маъқулланган» сўзлари билан тўлдирилсин.
11. 72-банд қуйидаги таҳрирда баён этилсин:
«72. Атроф табиий муҳит мониторинги маълумотлари асосида:
Давлат экология қўмитаси ҳар уч йилда Ўзбекистон Республикасида атроф табиий муҳит ҳолати ва табиий ресурслардан фойдаланиш тўғрисидаги миллий маърузанинг;
Марказ ҳар йили 15 майгача атроф табиий муҳит ҳолати тўғрисида бюллетеннинг тайёрланишини ва нашр этилишини таъминлайди».
Ўзбекистон Республикасининг Бош вазири А. АРИПОВ
Тошкент ш.,
2022 йил 7 март,
99-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasida atrof tabiiy muhitning davlat monitoringi toʻgʻrisidagi nizomga oʻzgartirish va qoʻshimchalar kiritish haqida
Atrof tabiiy muhitning davlat monitoringi tizimini takomillashtirish maqsadida Vazirlar Mahkamasi qaror qiladi:
1. Vazirlar Mahkamasining 2019-yil 5-sentabrdagi 737-son qarori bilan tasdiqlangan Oʻzbekiston Respublikasida atrof tabiiy muhitning davlat monitoringi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi N.N. Oblomuradov zimmasiga yuklansin.
Vazirlar Mahkamasining 2022-yil 7-martdagi 99-son qaroriga ILOVA
Oʻzbekiston Respublikasida atrof tabiiy muhitning davlat monitoringi toʻgʻrisidagi nizomga kiritilayotgan oʻzgartirish va qoʻshimchalar
1. 19-bandning birinchi xatboshisi quyidagi tahrirda bayon etilsin:
“19. Ifloslanish manbalari monitoringi olib boriladigan xoʻjalik yurituvchi subyektlar roʻyxati Davlat ekologiya qoʻmitasi hududiy organlarining maʼlumotlari asosida Davlat ekologiya qoʻmitasi tomonidan shakllantiriladi (Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni xabardor etish tartibida maʼlumot uchun taqdim etiladi) va tasdiqlanadi”.
2. 21-bandning ikkinchi xatboshisi quyidagi tahrirda bayon etilsin:
“Davlat inspektorining qonuniy faoliyatiga toʻsqinlik qilganlik, shuningdek, uning koʻrsatmalarini bajarmaslik Oʻzbekiston Respublikasining Maʼmuriy javobgarlik toʻgʻrisidagi kodeksining 197 6 -moddasida nazarda tutilgan javobgarlikka sabab boʻladi”.
3. 23-bandning ikkinchi xatboshisidagi “unumdorlikni pasaytirishga” soʻzlari “ishlab chiqarish quvvatini kamaytirishga” soʻzlari bilan almashtirilsin.
4. 26-bandda :
birinchi va ikkinchi xatboshilaridagi “hamjamiyat” soʻzi “majmui” soʻzi bilan almashtirilsin;
uchinchi xatboshisidan “Oʻzbekiston Respublikasi” soʻzlari chiqarib tashlansin.
5. 27-bandning oltinchi va yettinchi xatboshilaridagi , 30-bandning ikkinchi va yettinchi xatboshilaridagi , 37-bandning oltinchi xatboshisidagi tegishli kelishikdagi “hamjamiyat” soʻzi tegishli kelishikdagi “majmui” soʻzi bilan almashtirilsin.
6. 32-bandda :
ikkinchi xatboshisi “hamda” soʻzidan keyin “qonunchilik hujjatlarida belgilangan boshqa hududlarda,” soʻzlari bilan toʻldirilsin;
toʻrtinchi xatboshisidan “Oʻzbekiston Respublikasi” soʻzlari chiqarib tashlansin.
7. 34-bandning beshinchi va oltinchi xatboshilaridan “Oʻzbekiston Respublikasi” soʻzlari chiqarib tashlansin.
8. 45-bandning birinchi xatboshisidagi “Qishloq” soʻzi “Suv” soʻzi bilan almashtirilsin.
9. 49-banddagi “shoʻrlanganligi, oʻt bosganligi, yerlarning pestitsidlar” soʻzlari “shoʻrlanganligi, yerlarning pestitsidlar” soʻzlari bilan almashtirilsin.
10. 69-bandning birinchi xatboshisi “akkreditatsiya qilingan” soʻzlaridan keyin “yoki texnik jihatdan malakaliligi maʼqullangan” soʻzlari bilan toʻldirilsin.
11. 72-band quyidagi tahrirda bayon etilsin:
“72. Atrof tabiiy muhit monitoringi maʼlumotlari asosida:
Davlat ekologiya qoʻmitasi har uch yilda Oʻzbekiston Respublikasida atrof tabiiy muhit holati va tabiiy resurslardan foydalanish toʻgʻrisidagi milliy maʼruzaning;
Markaz har yili 15-maygacha atrof tabiiy muhit holati toʻgʻrisida byulletenning tayyorlanishini va nashr etilishini taʼminlaydi”.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 7-mart,
99-son