📅 2022-yil 10-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 10 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 марта 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 10 March 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
лойиҳалар рўйхати
2022 йилда туризм ва маданий мерос объектлари инфратузилмасини ривожлантириш чора-тадбирлари тўғрисида
Ўзбекистон Республикаси Президентининг «2022 — 2026 йилларга мўлжалланган Янги Ўзбекистоннинг тараққиёт стратегияси тўғрисида» 2022 йил 28 январдаги ПФ-60-сон Фармони ҳамда «2022 — 2024 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида» 2022 йил 22 январдаги ПҚ-98-сон қарори ижросини таъминлаш мақсадида Вазирлар Маҳкамаси қарор қилади:
1. Туризм объектларининг муҳандислик-коммуникация тармоқларини яхшилаш, маданий мерос объектларини реставрация, консервация қилиш ва ободонлаштириш ҳамда туризм инфратузилмаси ва ёндош инфратузилмани қуриш, реконструкция қилиш, кенгайтириш ва маданий-кўнгилочар инфратузилмаларни ривожлантириш бўйича лойиҳалар рўйхати (кейинги ўринларда — лойиҳалар рўйхат) иловага мувофиқ тасдиқлансин.
Ўзбекистон Республикаси Туризм ва маданий мерос вазирлиги ҳамда Маданий мерос агентлиги раҳбарлари, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари зиммасига лойиҳалар рўйхатининг асосий параметрларини белгиланган муддатларда тўлиқ ва сифатли амалга оширилишини таъминлаш, шунингдек, ажратилган маблағларни мақсадли йўналтириш ҳамда самарали фойдаланиш юзасидан шахсий жавобгарлик юклансин.
2. Ўзбекистон Республикаси Туризм ва маданий мерос вазирлиги, Маданий мерос агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари лойиҳалар рўйхатига киритилган объектлар бўйича:
а) молиялаштириш ҳажмларини қурилиш-монтаж ишларининг календарь жадваллари билан узвий боғлиқликда аниқлаштирган ҳолда, 2022 йил учун йилдан-йилга ўтувчи қурилиш объектларининг манзилли рўйхатини икки ҳафта муддатда Ўзбекистон Республикаси Молия вазирлиги ҳамда Иқтисодий тараққиёт ва камбағалликни қисқартириш вазирлигига келишиш учун киритсин;
б) икки ой муддатда 2022 йилда янгидан бошланадиган лойиҳалар (объектлар) бўйича тасдиқланган лойиҳаолди ва (ёки) лойиҳа ҳужжатлари асосида, белгиланган тартибда танлов (тендер) ҳужжатларини экспертизадан ўтказиш, харид қилиш тартиб-таомилларини якунлаш ва танлов (тендер) ғолиблари билан пудрат шартномаларини тузиш чораларини кўрсин;
в) харид қилиш тартиб-таомиллари якунлангандан сўнг ўн кун ичида 2022 йил учун янгидан бошланадиган қурилиш объектларининг якуний манзилли рўйхатини Ўзбекистон Республикаси Молия вазирлиги ҳамда Иқтисодий тараққиёт ва камбағалликни қисқартириш вазирлигига келишиш учун киритсин;
г) 2022 йил 15 мартга қадар лойиҳалар рўйхатининг асосий параметрларини бажариш, шу жумладан лойиҳалар (объектлар) бўйича капитал қўйилмаларни ўзлаштиришнинг прогноз кўрсаткичларини чораклар кесимида тасдиқлаб, Иқтисодий тараққиёт ва камбағалликни қисқартириш вазирлигига тақдим этсин.
3. Вазирликлар, идоралар, хўжалик бирлашмалари ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Республикаси Президентнинг «Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида» 2021 йил 9 февралдаги ПФ-6165-сон Фармонининг 9-бандига мувофиқ жорий йилда қурилишини давом эттириш учун маблағ (лимит) назарда тутилмаган тугалланмаган ва фойдаланилмаётган объектларни белгиланган тартибда консервация қилиш, шунингдек, уларни консервация даврида лозим даражада сақлаш ва муҳофаза қилиш чораларини кўрсин.
4. Ўзбекистон Республикаси Туризм ва маданий мерос вазирлиги Молия вазирлиги ҳамда Иқтисодий тараққиёт ва камбағалликни қисқартириш вазирлиги билан биргаликда амалга оширилаётган лойиҳалар (объектлар) доимий мониторинг ва таҳлил қилиб борилишини, маблағлар ўз вақтида ажратилиши ҳамда самарали сарфланиши устидан назоратни таъминласин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — туризм ва маданий мерос вазири А.А. Абдухакимов зиммасига юклансин.
Вазирлар Маҳкамасининг 2022 йил 10 мартдаги 110-сон қарорига ИЛОВА
Туризм объектларининг муҳандислик-коммуникация тармоқларини яхшилаш, маданий мерос объектларини реставрация, консервация қилиш ва ободонлаштириш ҳамда туризм инфратузилмаси ва ёндош инфратузилмани қуриш, реконструкция қилиш, кенгайтириш ва маданий-кўнгилочар инфратузилмаларни ривожлантириш бўйича
Т/р Объект номи Ўлчов бирлиги Сони Амалга ошириш муддати Буюртмачи Лимит (млн сўм) I. Туризм хизматлари соҳасини ривожлантириш — 29,4 млрд сўм 1. Йирик туристик салоҳиятга эга бўлган тоғли ва тоғолди ҳудудларни географик, иқлим ва бошқа тадқиқотлари, концепцияси, техник иқтисодий асослари, маркетинг таҳлили, тоғли ва тоғолди ҳудудларнинг транспорт модели, архитектура қиёфаси, лойиҳани истиқболини белгилаш ҳамда тиббий, эко, агро, спорт ва бошқа туризм турларини ривожлантиришни ўз ичига олган мастер-режаларини ишлаб чиқиш ва мослаштириш. *** рўйхат ** 1 2022 йил ноябрь «Бинолардан фойдаланиш ва қурилиш таъмирлаш ишлари дирекцияси» ДУК 8 000,0 2. «Шаҳрисабз тарихий маркази» бутунжаҳон маданий мерос объектини дастлабки регенерация (тарихий шаклини қайта тиклаш бўйича лойиҳа смета ҳужжатларини ишлаб чиқиш ва лойиҳани амалга ошириш учун дастлабки ишларни бошлаш) ишларини амалга ошириш. Тарихий маданий ҳудуд 1 2022 йил сентябрь Маданий мерос агентлиги 10 000,0 3. «Ичан қалъа» ҳамда «Бухоро тарихий маркази» бутунжаҳон маданий мероси жойлашган Хива ва Бухоро шаҳарларининг бошқарув режасини ишлаб чиқиш. объект 2 2022 йил май Маданий мерос агентлиги 600,0 4. А373, М39, А380, М37 Халқаро автомобиль йўллари бўйида миллий карвонсаройлар услубидаги 4 турдаги намунавий лойиҳаларни ишлаб чиқиш (Водий вилоятлари учун алоҳида, Самарқанд-Бухоро йўналиши бўйича, Хоразм-Қорақалпоғистон Республикаси, Қашқадарё-Сурхондарё йўналиши бўйича). Мажмуада АЁҚШ, АГҚШ, Дизел, электр мобиллар учун заряд олиш станциялари, мотел, савдо расталари, она-бола хонаси, санитария-гигиеник шахобчалар, автомобилларга техник хизмат кўрсатиш, тез тиббий ёрдам кўрсатиш пункти, туристик ахборот маркази лойиҳаларини ўз ичига олади. лойиҳа 4 2022 йил май «Бинолардан фойдаланиш ва қурилиш таъмирлаш ишлари дирекцияси» ДУК 800,0 5. 2022-йилда «Қўқон — Туркий дунё туризм пойтахти» мақомини олгани муносабати билан Қўқон шаҳрининг туризм инфратузилмасини замонавий шаклга келтириш. Бунда, Туристик объектларни боғловчи йўлларни сайёҳлар гавжум жойларда замонавий LED экранлар, санитария-гигиения шахобчалар, декоратив соябонли ўриндиқлар, реклама шитлари ва туристик ахборот марказлари, Wi-Fi зоналар, сервис нуқталарни ташкил этиш, тарғибот материалларини чоп этиш, йўл кўрсаткич белгиларини ўрнатиш. шаҳар 1 2022 йил август Фарғона вилояти ҳокимлиги 10 000,0 II. Маданий мерос соҳаси объектларини ривожлантириш — 117,3 млрд сўм 6. Қўқон шаҳрида жойлашган маданий мерос объекти (Истиқлол кўчаси, 16-уй) реставрация қилиш ва уни Арт резиденция сифатидаги фаолиятини йўлга қўйиш. Мазкур маданий мерос ҳисобланган бинони Туризм ва маданий мерос вазирлиги ҳузуридаги Маданий мерос агентлиги тасарруфига ўтказиш. объект 1 2022 йил октябрь Маданий мерос агентлиги 5 500,0 7. Самарқанд шаҳрида жойлашган «Шохи-Зинда» мажмуасини ободонлаштириш, турникет ўрнатиш, меъморий ёдгорликлардаги безакларни қотириш, намликни қочириш, хатабаларни тиклаш. *** объект 1 2022 йил октябрь Маданий мерос агентлиги 700,0 8. Самарқанд шаҳрида жойлашган «Биби-Хоним» мажмуасининг том, равоқ панжараси ва пойдевор қисмини мустаҳкамлаш, сув кетиш йўлларини тиклаш, гумбазларни ва деворларини таъмирлаш-қайта тиклаш, ободонлаштириш. *** объект 1 2022 йил октябрь Маданий мерос агентлиги 3 000,0 9. Самарқанд шаҳрида жойлашган «Сарой Мулк Хоним» мақбарасида реставрация ишларини амалга ошириш, ободонлаштириш, ёриқларни таъмирлаш, сув кетиш йўлларини таъмирлаш. *** объект 1 2022 йил октябрь Маданий мерос агентлиги 300,0 10. Самарқанд шаҳрида жойлашган «Регистон» мажмуасидаги кўчган кошинларнинг аналоги бўйича асл ҳолатидек таъмирлаш, том қисмини мустаҳкамлаш. *** объект 1 2022 йил октябрь Маданий мерос агентлиги 4 000,0 11. Самарқанд шаҳрида жойлашган «Амир Темур» мажмуасида гумбаз ва девор олд қисми, галереянинг пол қисмлари ва пешток мукарнасларини қайта таъмирлаш. *** объект 1 2022 йил октябрь Маданий мерос агентлиги 3 000,0 12. Самарқанд шаҳрида жойлашган «Ашратхона» мақбара мажмуаси ташқи ва ички безакларини тарихий фото-ҳужжатлар асосида таъмирлаш-тиклаш, ободонлаштириш. *** объект 1 2022 йил октябрь Маданий мерос агентлиги 1 000,0 13. Самарқанд шаҳрида жойлашган «Маҳдуми Хоразмий» масжиди мажмуасида археологик илмий-тадқиқот ишларини олиб бориш, намланган жойларнинг сувларини қочириш, ободонлаштириш ва тарихий ҳовузни тиклаш. *** объект 1 2022 йил октябрь Маданий мерос агентлиги 400,0 14. Самарқанд шаҳрида жойлашган «Рухобод» мажмуасининг том ва пол қисмларини, сув кетиш йўлларини таъмирлаш, намланган жойларнинг сувларини қочириш, девор қисмлари ва минорани таъмирлаш. *** объект 1 2022 йил сентябрь Маданий мерос агентлиги 200,0 15. Самарқанд шаҳрида жойлашган «Хўжа Дониёр» мақбарасининг пойдевор қисмини мустаҳкамлаш, ёриқларни таъмирлаш ва ободонлаштириш. *** объект 1 2022 йил сентябрь Маданий мерос агентлиги 300,0 16. Самарқанд шаҳрида жойлашган «Собиқ Авлиё Николай Черкови» бино мажмуасининг деворларидаги намликни қочириш, ички ва ташқи қиёфасини тарихий фото-ҳужжатлар асосида қайта тиклаш ва ободонлаштириш. *** объект 1 2022 йил сентябрь Маданий мерос агентлиги 800,0 17. Самарқанд шаҳрида жойлашган «Оқ Сарой» мақбарасини ободонлаштириш, том қисмларни мустаҳкамлаш ва сув йўлларини таъмирлаш. *** объект 1 2022 йил сентябрь Маданий мерос агентлиги 500,0 18. Самарқанд шаҳрида жойлашган «Дари Занжир» мажмуасининг том ва пойдевор қисмини мустаҳкамлаш, қулаб тушган қисмини қайта тиклаш, ободонлаштириш. *** объект 1 2022 йил сентябрь Маданий мерос агентлиги 600,0 19. Самарқанд шаҳрида жойлашган «Қўш-Хавуз» масжидининг айвонидаги ёғоч конструкцияларни реставрация қилиш, том қисмини таъмирлаш, ободонлаштириш. *** объект 1 2022 йил ноябрь Маданий мерос агентлиги 200,0 20. Бухоро вилояти Қоракўл туманида жойлашган «Қадимги Пойкент» археология ёдгорлигини консервация қилиш, атрофини ўраб олиш, ободонлаштириш, туризм ахборот марказини ташкил этиш. объект 1 2022 йил октябрь Маданий мерос агентлиги 3 000,0 21. Бухоро шаҳрида жойлашган «Абдуллазизхон» мадрасасининг том ва пойдевор қисмини мустаҳкамлаш, қулаб тушган ва унга туташ девор қисмларини таъмирлаш ва қайта тиклаш, ободонлаштириш. объект 1 2022 йил ноябрь Маданий мерос агентлиги 3 500,0 22. Бухоро шаҳрида жойлашган «Абдуллахон» мадрасасининг том ва пойдевор қисмини мустаҳкамлаш, қулаб тушган девор қисмларини қайта тиклаш, намликни қочириш, бино атрофидаги тупроқ сатҳини тушириш ва оби ғишт билан қоплаш, ободонлаштириш. объект 1 2022 йил октябрь Маданий мерос агентлиги 3 000,0 23. Бухоро шаҳрида «Тош Сарой» мадрасасининг том ва пойдевор қисмини мустаҳкамлаш, қулаб тушган қисмлар ва ички ҳужраларни таъмирлаш-қайта тиклаш, ободонлаштириш. *** объект 1 2022 йил октябрь Маданий мерос агентлиги 3 000,0 24. Бухоро шаҳридаги «Масжиди Калон» (Пои Калон мажмуаси) қулаб тушган қисмлар ва таъмирталаб деворларини таъмирлаш-қайта тиклаш, атрофини ободонлаштириш. *** объект 1 2022 йил октябрь Маданий мерос агентлиги 2 500,0 25. Бухоро «Арк» қўрғони мажмуасидаги Қушбеги, Саисхона, Саломхона, Тахтхона маданий мерос объектларида таъмирлаш тиклаш ишларини олиб бориш ва «Арк» қўрғони мажмуаси вайроналари қисмида «Археологик парк»ни ташкил қилиш ҳамда объектда тунги ёритиш ускуналари ўрнатиш. объект 1 2022 йил октябрь Маданий мерос агентлиги 6 000,0 26. Бухоро шаҳридаги «Улуғбек тамокифуруш карвон саройи» (қолдиқлари) том ва пойдевор қисмини мустаҳкамлаш, қулаб тушган ва унга туташ девор қисмларини таъмирлаш ва қайта тиклаш, атрофини ободонлаштириш. объект 1 2022 йил октябрь Маданий мерос агентлиги 1 500,0 27. Бухоро шаҳридаги Аҳмаджон карвон саройи том ва пойдевор қисмини мустаҳкамлаш, қулаб тушган ва унга туташ девор қисмларини таъмирлаш ва қайта тиклаш, ободонлаштириш. объект 1 2022 йил октябрь Маданий мерос агентлиги 1 000,0 28. Бухоро вилояти Ғиждувон тумани «Қадимий Ғиждувон қўрғони» эски қалъа деворлари ва дарвозаларини қайта тиклаш ва унга туташ девор қисмларини таъмирлаш, атрофини ободонлаштириш. *** объект 1 2022 йил октябрь Маданий мерос агентлиги 1 000,0 29. Бухоро шаҳри тарихий маркази ҳудудидаги туризм объектлари, маҳалла ва кўчалари ҳамда хонадонларга сополдан тарихий услубда ишланган 1017 та манзил кўрсаткич белгиларини тайёрлаш ва ўрнатиш. дона 1 017 2022 йил сентябрь Маданий мерос агентлиги 500,0 30. Бухоро шаҳридаги «Тўрақулбой уйи»нинг ички ҳовли ва ташқи ҳовли қисмларини асл ҳолатида қайта тиклаш ва унга туташ девор қисмларини таъмирлаш, атрофини ободонлаштириш. объект 1 2022 йил октябрь Маданий мерос агентлиги 1 000,0 31. Бухоро шаҳрида жойлашган «Модарихон» мадрасасининг том ва пойдевор қисмини мустаҳкамлаш, қулаб тушган девор қисмларини қайта тиклаш, намликни қочириш, бино атрофидаги тупроқ сатҳини тушириш ва оби ғишт билан қоплаш, атрофини ободонлаштириш. *** объект 1 2022 йил октябрь Маданий мерос агентлиги 2 000,0 32. Бухоро шаҳар «Гавкушон» мажмуасидаги «Хожа Калон» масжидининг том ва пойдевор қисмини мустаҳкамлаш, қулаб тушган ва унга туташ девор қисмларини таъмирлаш ва қайта тиклаш, атрофини ободонлаштириш. *** объект 1 2022 йил октябрь Маданий мерос агентлиги 2 500,0 33. Навоий вилояти Учқудуқ туманидаги «Тош ўрмон» табиий археология ёдгорлигини теварак атрофини 3D панжара билан ўраш, қуёш батарея панеллари, кузатув камералари, тунги ёритгич чироқлари ўрнатиш. объект 1 2022 ноябрь Маданий мерос агентлиги 1 500,0 34. Навоий вилояти Навбаҳор туманида жойлашган «Сармишсой» давлат музей қўриқхонасини ободонлаштириш, кириш дарвозаси, тош стелла ва ахборот маркази ташкил этиш. объект 1 2022 ноябрь Навоий вилояти ҳокимлиги 2 000,0 35. Сурхондарё вилояти Бойсун туманида жойлашган «Узундара» археология ёдгорлигини консервация қилиш, атрофини ўраб олиш, ободонлаштириш, туризм ахборот маркази ва кичик музей ташкил этиш. объект 1 2022 йил октябрь Маданий мерос агентлиги 2 000,0 36. Хоразм вилояти «Қибла тоза боғ» маданий мерос объектини қайта таъмирлаш, қисман консервация қилиш, музейлаштириш ҳамда туристик маршрутга киритиш учун керакли инфратузилмасини яратиш. объект 1 2022 йил сентябрь Маданий мерос агентлиги 5 000,0 37. Хоразм вилояти «Иброҳимхўжа мадрасаси» археологик ёдгорлигини қайта таъмирлаш ва реставрация қилиш, теварак атрофини ободонлаштириш. объект 1 2022 йил сентябрь Маданий мерос агентлиги 2 000,0 38. Хоразм вилояти «Саид моҳи рўи жаҳон» мақбарасини қайта таъмирлаш ва реставрация қилиш, теварак атрофини ободонлаштириш. объект 1 2022 йил сентябрь Маданий мерос агентлиги 1 500,0 39. Тошкент шаҳри Сайилгоҳ кўчасида жойлашган «Князь Романов саройи» ва флигели йўқотилган меъморий қисмларни тиклаш-таъмирлаш, ертўла ва сарой хоналари, эшик ва деразаларни қайта тиклаш-таъмирлаш, флигель қисмини тарихий ҳолатига келтириш, тарихий ҳужжатлар асосида ободонлаштириш. объект 1 2022 йил ноябрь Вазирлар Маҳкамаси ҳузуридаги Маданият ва санъатни ривожлантириш жамғармаси 10 000,0 40. Тошкент шаҳри Миробод тумани Амир Темур тор кўчаси 6-уй манзилда жойлашган собиқ Тоштрамнинг дизель станцияси биноси негизида «Замонавий санъат маркази»ни ташкил этиш. объект 1 2022 йил ноябрь Вазирлар Маҳкамаси ҳузуридаги Маданият ва санъатни ривожлантириш жамғармаси 7 000,0 41. Тошкент шаҳри «Абулқосим Эшон» мадрасасини тарихий ва асл ҳолатга келтириш ва таъмирлаш, конструктив мустаҳкамлаш ва ободонлаштириш. объект 1 2022 йил ноябрь Вазирлар Маҳкамаси ҳузуридаги Маданият ва санъатни ривожлантириш жамғармаси 4 000,0 42. Тошкент шаҳри Олмазор тумани Лангар кўчаси 111-уйда жойлашган «Лангар ота» масжиди теварак атрофини ободонлаштириш, йўлакларни таъмирлаш ва дарвоза ўрнатиш. объект 1 2022 йил ноябрь Маданий мерос агентлиги 400,0 43. Тошкент шаҳри Шайхонтохур туманида «Азлархон эшон» мақбарасининг теварак атрофини ободонлаштириш, йўлакларни таъмирлаш. объект 1 2022 йил ноябрь Маданий мерос агентлиги 400,0 44. Маданий бойликлар, рангтасвир асарларини юқори аниқликда фотофиксация, материал таркиби, яратилган вақти бўйича спектр ва бошқа усулларда таҳлил қилиш имкониятига эга рентген-спектр таҳлили ускуналарини сотиб олиш. *** рўйхат ** 1 2022 йил июнь Маданий мерос агентлиги 2 000,0 45. Маданий мерос объектларини реставрация қилиш ва туризм ҳудудлари мастер-режаларини лойиҳалаштириш институтининг моддий — техник базасини мустаҳкамлаш ва замонавий ускуна ва жиҳозлар билан таъминлаш. *** рўйхат ** 1 2022 йил июнь Маданий мерос агентлиги 4 000,0 46. Маданий мерос объектлари реставрацияси дирекцияси ва унинг минтақавий реставрация марказлари моддий-техника базасини шакллантириш, реставрация ишларини олиб бориш ҳамда археология илмий-тадқиқот ишларини олиб бориш ҳамда мавжуд археология объектларини ўрганиш ва консервацияси учун зарур техника ва ускуналар сотиб олиш. *** рўйхат ** 1 2022 йил май Маданий мерос объектлари реставрацияси дирекцияси 15 000,0 47. Маданий мерос объектларига шикаст етказилишининг олдини олиш ва хавфни олдиндан аниқлаш мақсадида кузатув камераси, маркер, датчик, ёритиш ва бошқаларни ўрнатиш. *** рўйхат ** 1 2022 йил июнь Маданий мерос агентлиги 10 000,0 III. Музейлар фаолиятини яхшилаш — 43 млрд сўм 48. Музей қўриқхоналари ва алоҳида кўчмас мулк маданий мерос объектларида ёнғин хавфсизлиги, видеокузатув мосламалари ва замонавий турникет ускуналари билан таъминлаш ва ўрнатиш. *** рўйхат ** 1 2022 йил июль Маданий мерос агентлиги 12 000,0 49. Хоразм вилояти Урганч шаҳридаги Ўзбекистон замонавий санъат музейининг том қисмини ва иситиш-совутиш тизимини таъмирлаш ҳамда ёнғин хавфсизлиги ва видео кузатув мосламаларини ўрнатиш. объект 1 2022 йил июль Маданий мерос агентлиги 4 500,0 50. «Санъатсевар миллат» умуммиллий лойиҳаси доирасида Бўстонлиқ тумани, Бухоро, Жиззах ва Сурхондарё вилоятларида лойиҳа асосида енгил конструкцияли галереяни қуриш ҳамда хизмат кўрсатиш учун автобус ва махсус юк машинаси сотиб олиш. объект 4 2022 йил июнь Маданий мерос агентлиги 16 000,0 51. Музейлар фаолиятини жонлантириш дастури доирасида уларнинг реэкспозициясини ташкил қилиш ва фонд сақлаш шароитларини яхшилаш, экспонатларни сақлаш учун муносиб шароитларни яратиш. Бунда, экспонатлар учун стеллаж ва витриналар билан жиҳозлаш, музлатгич хона-дизенфекция учун мўлжалланган махсус камера, музей экспонатлари учун махсус чанг ютгич, электрон ҳаво намлангич, гилам ва матолик экспонатларни сақлаш учун махсус жавонлар, заргарлик буюмларини сақлаш учун махсус сейф, ностандарт ҳажмдаги экспонатларни сақлаш учун стеллаж харид қилиш, кузатув камераларини ўрнатиш, замонавий турникетлар ўрнатиш. *** рўйхат ** 1 2022 йил сентябрь Маданий мерос агентлиги 10 000,0 52. Тошкент шаҳридаги «Муқимий» номидаги Ўзбекистон давлат мусиқали театрини лойиҳа-смета ҳужжатларини ишлаб чиқиш ва таъмирлаш. объект 1 2022 йил ноябрь Маданий мерос агентлиги 1 800,0 53. Самарқанд шаҳридаги Самарқанд археологик тадқиқотлар институти биносини ташқи фасад қисмини таъмирлаш ва теварак атрофини ободонлаштириш. объект 1 2022 йил ноябрь Маданий мерос агентлиги 1 500,0 IV. Туризм соҳасидаги таълим муассасаларини ривожлантириш — 73,1 млрд сўм 54. Мамлакатимизнинг Буюк Ипак йўли ва дунё цивилизациялари чорраҳасидаги аҳамиятини кўрсатиб берувчи Самарқанд шаҳридаги «ШҲТ туризм ва маданий мерос таълим боғи»ни барпо этиш. объект 1 2022 йил июнь «Бинолардан фойдаланиш ва қурилиш таъмирлаш ишлари дирекцияси» ДУК 8 000,0 55. Самарқанд шаҳар Беруний кўчаси 1-уйда жойлашган маданий мерос объектини қайта таъмирлаб унинг негизида «Ипак йўли» санъат галереясини ташкиллаштириш. объект 1 2022 йил декабрь «Бинолардан фойдаланиш ва қурилиш таъмирлаш ишлари дирекцияси» ДУК 6 500,0 56. Самарқанд шаҳар Маҳмуд Қошғарий кўчаси 85А-уйда жойлашган маданий мерос объекти реконструкция қилиб, унинг негизида «Арт резиденция» ташкиллаштириш. объект 1 2022 йил декабрь «Бинолардан фойдаланиш ва қурилиш таъмирлаш ишлари дирекцияси» ДУК 12 000,0 57. 2023 йилда Бутунжаҳон туризм ташкилотининг (UNWTO) Бош ассамблеяси 25-сессияси доирасида очилиши режалаштирилган Самарқанд шаҳри Бобурмирзо кўчаси 3-уйда жойлашган маданий мерос объекти реконструкция қилиб, унинг негизида «Ипак йўли институти»ни ташкиллаштириш. объект 1 2022 йил декабрь «Бинолардан фойдаланиш ва қурилиш таъмирлаш ишлари дирекцияси» ДУК 3 000,0 58. Бухоро туризм ва маданий мерос техникумини замон талабида барча шароитлар яратиб реконструкция қилиш. *** объект 1 2022 йил декабрь «Бинолардан фойдаланиш ва қурилиш таъмирлаш ишлари дирекцияси» ДУК 11 500,0 59. Зомин туман туризм ва сервис коллежини реконструкция қилиш. *** объект 1 2022 йил декабрь «Бинолардан фойдаланиш ва қурилиш таъмирлаш ишлари дирекцияси» ДУК 12 000,0 60. Самарқанд туризм ва маданий мерос техникумини капитал таъмирлаш. *** объект 1 2022 йил декабрь «Бинолардан фойдаланиш ва қурилиш таъмирлаш ишлари дирекцияси» ДУК 8 600,0 61. Хива туризм ва маданий мерос техникумини реконструкция қилиш. *** объект 1 2022 йил декабрь «Бинолардан фойдаланиш ва қурилиш таъмирлаш ишлари дирекцияси» ДУК 11 500,0 жами 300 000,0 *
Ўзбекистон Республикасининг Бош вазири А. АРИПОВ
Тошкент ш.,
2022 йил 10 март,
110-сон
Oʻzbekiston Respublikasi Vazirlar Mahkamasining
qarori
loyihalar roʻyxati
2022-yilda turizm va madaniy meros obyektlari infratuzilmasini rivojlantirish chora-tadbirlari toʻgʻrisida
Oʻzbekiston Respublikasi Prezidentining “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida” 2022-yil 28-yanvardagi PF-60-son Farmoni hamda “2022 — 2024-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida” 2022-yil 22-yanvardagi PQ-98-son qarori ijrosini taʼminlash maqsadida Vazirlar Mahkamasi qaror qiladi:
1. Turizm obyektlarining muhandislik-kommunikatsiya tarmoqlarini yaxshilash, madaniy meros obyektlarini restavratsiya, konservatsiya qilish va obodonlashtirish hamda turizm infratuzilmasi va yondosh infratuzilmani qurish, rekonstruksiya qilish, kengaytirish va madaniy-koʻngilochar infratuzilmalarni rivojlantirish boʻyicha loyihalar roʻyxati (keyingi oʻrinlarda — loyihalar roʻyxat) ilovaga muvofiq tasdiqlansin.
Oʻzbekiston Respublikasi Turizm va madaniy meros vazirligi hamda Madaniy meros agentligi rahbarlari, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari zimmasiga loyihalar roʻyxatining asosiy parametrlarini belgilangan muddatlarda toʻliq va sifatli amalga oshirilishini taʼminlash, shuningdek, ajratilgan mablagʻlarni maqsadli yoʻnaltirish hamda samarali foydalanish yuzasidan shaxsiy javobgarlik yuklansin.
2. Oʻzbekiston Respublikasi Turizm va madaniy meros vazirligi, Madaniy meros agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari loyihalar roʻyxatiga kiritilgan obyektlar boʻyicha:
a) moliyalashtirish hajmlarini qurilish-montaj ishlarining kalendar jadvallari bilan uzviy bogʻliqlikda aniqlashtirgan holda, 2022-yil uchun yildan-yilga oʻtuvchi qurilish obyektlarining manzilli roʻyxatini ikki hafta muddatda Oʻzbekiston Respublikasi Moliya vazirligi hamda Iqtisodiy taraqqiyot va kambagʻallikni qisqartirish vazirligiga kelishish uchun kiritsin;
b) ikki oy muddatda 2022-yilda yangidan boshlanadigan loyihalar (obyektlar) boʻyicha tasdiqlangan loyihaoldi va (yoki) loyiha hujjatlari asosida, belgilangan tartibda tanlov (tender) hujjatlarini ekspertizadan oʻtkazish, xarid qilish tartib-taomillarini yakunlash va tanlov (tender) gʻoliblari bilan pudrat shartnomalarini tuzish choralarini koʻrsin;
v) xarid qilish tartib-taomillari yakunlangandan soʻng oʻn kun ichida 2022-yil uchun yangidan boshlanadigan qurilish obyektlarining yakuniy manzilli roʻyxatini Oʻzbekiston Respublikasi Moliya vazirligi hamda Iqtisodiy taraqqiyot va kambagʻallikni qisqartirish vazirligiga kelishish uchun kiritsin;
g) 2022-yil 15-martga qadar loyihalar roʻyxatining asosiy parametrlarini bajarish, shu jumladan loyihalar (obyektlar) boʻyicha kapital qoʻyilmalarni oʻzlashtirishning prognoz koʻrsatkichlarini choraklar kesimida tasdiqlab, Iqtisodiy taraqqiyot va kambagʻallikni qisqartirish vazirligiga taqdim etsin.
3. Vazirliklar, idoralar, xoʻjalik birlashmalari va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Prezidentning “Oʻzbekiston Respublikasida ichki va ziyorat turizmini yanada rivojlantirish chora-tadbirlari toʻgʻrisida” 2021-yil 9-fevraldagi PF-6165-son Farmonining 9-bandiga muvofiq joriy yilda qurilishini davom ettirish uchun mablagʻ (limit) nazarda tutilmagan tugallanmagan va foydalanilmayotgan obyektlarni belgilangan tartibda konservatsiya qilish, shuningdek, ularni konservatsiya davrida lozim darajada saqlash va muhofaza qilish choralarini koʻrsin.
4. Oʻzbekiston Respublikasi Turizm va madaniy meros vazirligi Moliya vazirligi hamda Iqtisodiy taraqqiyot va kambagʻallikni qisqartirish vazirligi bilan birgalikda amalga oshirilayotgan loyihalar (obyektlar) doimiy monitoring va tahlil qilib borilishini, mablagʻlar oʻz vaqtida ajratilishi hamda samarali sarflanishi ustidan nazoratni taʼminlasin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — turizm va madaniy meros vaziri A.A. Abduxakimov zimmasiga yuklansin.
Vazirlar Mahkamasining 2022-yil 10-martdagi 110-son qaroriga ILOVA
Turizm obyektlarining muhandislik-kommunikatsiya tarmoqlarini yaxshilash, madaniy meros obyektlarini restavratsiya, konservatsiya qilish va obodonlashtirish hamda turizm infratuzilmasi va yondosh infratuzilmani qurish, rekonstruksiya qilish, kengaytirish va madaniy-koʻngilochar infratuzilmalarni rivojlantirish boʻyicha
T/r Obyekt nomi Oʻlchov birligi Soni Amalga oshirish muddati Buyurtmachi Limit (mln soʻm) I. Turizm xizmatlari sohasini rivojlantirish — 29,4 mlrd soʻm 1. Yirik turistik salohiyatga ega boʻlgan togʻli va togʻoldi hududlarni geografik, iqlim va boshqa tadqiqotlari, konsepsiyasi, texnik iqtisodiy asoslari, marketing tahlili, togʻli va togʻoldi hududlarning transport modeli, arxitektura qiyofasi, loyihani istiqbolini belgilash hamda tibbiy, eko, agro, sport va boshqa turizm turlarini rivojlantirishni oʻz ichiga olgan master-rejalarini ishlab chiqish va moslashtirish. *** roʻyxat ** 1 2022-yil noyabr “Binolardan foydalanish va qurilish taʼmirlash ishlari direksiyasi” DUK 8 000,0 2. “Shahrisabz tarixiy markazi” butunjahon madaniy meros obyektini dastlabki regeneratsiya (tarixiy shaklini qayta tiklash boʻyicha loyiha smeta hujjatlarini ishlab chiqish va loyihani amalga oshirish uchun dastlabki ishlarni boshlash) ishlarini amalga oshirish. Tarixiy madaniy hudud 1 2022-yil sentabr Madaniy meros agentligi 10 000,0 3. “Ichan qalʼa” hamda “Buxoro tarixiy markazi” butunjahon madaniy merosi joylashgan Xiva va Buxoro shaharlarining boshqaruv rejasini ishlab chiqish. obyekt 2 2022-yil may Madaniy meros agentligi 600,0 4. A373, M39, A380, M37 Xalqaro avtomobil yoʻllari boʻyida milliy karvonsaroylar uslubidagi 4 turdagi namunaviy loyihalarni ishlab chiqish (Vodiy viloyatlari uchun alohida, Samarqand-Buxoro yoʻnalishi boʻyicha, Xorazm-Qoraqalpogʻiston Respublikasi, Qashqadaryo-Surxondaryo yoʻnalishi boʻyicha). Majmuada AYQSH, AGQSH, Dizel, elektr mobillar uchun zaryad olish stansiyalari, motel, savdo rastalari, ona-bola xonasi, sanitariya-gigiyenik shaxobchalar, avtomobillarga texnik xizmat koʻrsatish, tez tibbiy yordam koʻrsatish punkti, turistik axborot markazi loyihalarini oʻz ichiga oladi. loyiha 4 2022-yil may “Binolardan foydalanish va qurilish taʼmirlash ishlari direksiyasi” DUK 800,0 5. 2022-yilda “Qoʻqon — Turkiy dunyo turizm poytaxti” maqomini olgani munosabati bilan Qoʻqon shahrining turizm infratuzilmasini zamonaviy shaklga keltirish. Bunda, Turistik obyektlarni bogʻlovchi yoʻllarni sayyohlar gavjum joylarda zamonaviy LED ekranlar, sanitariya-gigiyeniya shaxobchalar, dekorativ soyabonli oʻrindiqlar, reklama shitlari va turistik axborot markazlari, Wi-Fi zonalar, servis nuqtalarni tashkil etish, targʻibot materiallarini chop etish, yoʻl koʻrsatkich belgilarini oʻrnatish. shahar 1 2022-yil avgust Fargʻona viloyati hokimligi 10 000,0 II. Madaniy meros sohasi obyektlarini rivojlantirish — 117,3 mlrd soʻm 6. Qoʻqon shahrida joylashgan madaniy meros obyekti (Istiqlol koʻchasi, 16-uy) restavratsiya qilish va uni Art rezidensiya sifatidagi faoliyatini yoʻlga qoʻyish. Mazkur madaniy meros hisoblangan binoni Turizm va madaniy meros vazirligi huzuridagi Madaniy meros agentligi tasarrufiga oʻtkazish. obyekt 1 2022-yil oktabr Madaniy meros agentligi 5 500,0 7. Samarqand shahrida joylashgan “Shoxi-Zinda” majmuasini obodonlashtirish, turniket oʻrnatish, meʼmoriy yodgorliklardagi bezaklarni qotirish, namlikni qochirish, xatabalarni tiklash. *** obyekt 1 2022-yil oktabr Madaniy meros agentligi 700,0 8. Samarqand shahrida joylashgan “Bibi-Xonim” majmuasining tom, ravoq panjarasi va poydevor qismini mustahkamlash, suv ketish yoʻllarini tiklash, gumbazlarni va devorlarini taʼmirlash-qayta tiklash, obodonlashtirish. *** obyekt 1 2022-yil oktabr Madaniy meros agentligi 3 000,0 9. Samarqand shahrida joylashgan “Saroy Mulk Xonim” maqbarasida restavratsiya ishlarini amalga oshirish, obodonlashtirish, yoriqlarni taʼmirlash, suv ketish yoʻllarini taʼmirlash. *** obyekt 1 2022-yil oktabr Madaniy meros agentligi 300,0 10. Samarqand shahrida joylashgan “Registon” majmuasidagi koʻchgan koshinlarning analogi boʻyicha asl holatidek taʼmirlash, tom qismini mustahkamlash. *** obyekt 1 2022-yil oktabr Madaniy meros agentligi 4 000,0 11. Samarqand shahrida joylashgan “Amir Temur” majmuasida gumbaz va devor old qismi, galereyaning pol qismlari va peshtok mukarnaslarini qayta taʼmirlash. *** obyekt 1 2022-yil oktabr Madaniy meros agentligi 3 000,0 12. Samarqand shahrida joylashgan “Ashratxona” maqbara majmuasi tashqi va ichki bezaklarini tarixiy foto-hujjatlar asosida taʼmirlash-tiklash, obodonlashtirish. *** obyekt 1 2022-yil oktabr Madaniy meros agentligi 1 000,0 13. Samarqand shahrida joylashgan “Mahdumi Xorazmiy” masjidi majmuasida arxeologik ilmiy-tadqiqot ishlarini olib borish, namlangan joylarning suvlarini qochirish, obodonlashtirish va tarixiy hovuzni tiklash. *** obyekt 1 2022-yil oktabr Madaniy meros agentligi 400,0 14. Samarqand shahrida joylashgan “Ruxobod” majmuasining tom va pol qismlarini, suv ketish yoʻllarini taʼmirlash, namlangan joylarning suvlarini qochirish, devor qismlari va minorani taʼmirlash. *** obyekt 1 2022-yil sentabr Madaniy meros agentligi 200,0 15. Samarqand shahrida joylashgan “Xoʻja Doniyor” maqbarasining poydevor qismini mustahkamlash, yoriqlarni taʼmirlash va obodonlashtirish. *** obyekt 1 2022-yil sentabr Madaniy meros agentligi 300,0 16. Samarqand shahrida joylashgan “Sobiq Avliyo Nikolay Cherkovi” bino majmuasining devorlaridagi namlikni qochirish, ichki va tashqi qiyofasini tarixiy foto-hujjatlar asosida qayta tiklash va obodonlashtirish. *** obyekt 1 2022-yil sentabr Madaniy meros agentligi 800,0 17. Samarqand shahrida joylashgan “Oq Saroy” maqbarasini obodonlashtirish, tom qismlarni mustahkamlash va suv yoʻllarini taʼmirlash. *** obyekt 1 2022-yil sentabr Madaniy meros agentligi 500,0 18. Samarqand shahrida joylashgan “Dari Zanjir” majmuasining tom va poydevor qismini mustahkamlash, qulab tushgan qismini qayta tiklash, obodonlashtirish. *** obyekt 1 2022-yil sentabr Madaniy meros agentligi 600,0 19. Samarqand shahrida joylashgan “Qoʻsh-Xavuz” masjidining ayvonidagi yogʻoch konstruksiyalarni restavratsiya qilish, tom qismini taʼmirlash, obodonlashtirish. *** obyekt 1 2022-yil noyabr Madaniy meros agentligi 200,0 20. Buxoro viloyati Qorakoʻl tumanida joylashgan “Qadimgi Poykent” arxeologiya yodgorligini konservatsiya qilish, atrofini oʻrab olish, obodonlashtirish, turizm axborot markazini tashkil etish. obyekt 1 2022-yil oktabr Madaniy meros agentligi 3 000,0 21. Buxoro shahrida joylashgan “Abdullazizxon” madrasasining tom va poydevor qismini mustahkamlash, qulab tushgan va unga tutash devor qismlarini taʼmirlash va qayta tiklash, obodonlashtirish. obyekt 1 2022-yil noyabr Madaniy meros agentligi 3 500,0 22. Buxoro shahrida joylashgan “Abdullaxon” madrasasining tom va poydevor qismini mustahkamlash, qulab tushgan devor qismlarini qayta tiklash, namlikni qochirish, bino atrofidagi tuproq sathini tushirish va obi gʻisht bilan qoplash, obodonlashtirish. obyekt 1 2022-yil oktabr Madaniy meros agentligi 3 000,0 23. Buxoro shahrida “Tosh Saroy” madrasasining tom va poydevor qismini mustahkamlash, qulab tushgan qismlar va ichki hujralarni taʼmirlash-qayta tiklash, obodonlashtirish. *** obyekt 1 2022-yil oktabr Madaniy meros agentligi 3 000,0 24. Buxoro shahridagi “Masjidi Kalon” (Poi Kalon majmuasi) qulab tushgan qismlar va taʼmirtalab devorlarini taʼmirlash-qayta tiklash, atrofini obodonlashtirish. *** obyekt 1 2022-yil oktabr Madaniy meros agentligi 2 500,0 25. Buxoro “Ark” qoʻrgʻoni majmuasidagi Qushbegi, Saisxona, Salomxona, Taxtxona madaniy meros obyektlarida taʼmirlash tiklash ishlarini olib borish va “Ark” qoʻrgʻoni majmuasi vayronalari qismida “Arxeologik park”ni tashkil qilish hamda obyektda tungi yoritish uskunalari oʻrnatish. obyekt 1 2022-yil oktabr Madaniy meros agentligi 6 000,0 26. Buxoro shahridagi “Ulugʻbek tamokifurush karvon saroyi” (qoldiqlari) tom va poydevor qismini mustahkamlash, qulab tushgan va unga tutash devor qismlarini taʼmirlash va qayta tiklash, atrofini obodonlashtirish. obyekt 1 2022-yil oktabr Madaniy meros agentligi 1 500,0 27. Buxoro shahridagi Ahmadjon karvon saroyi tom va poydevor qismini mustahkamlash, qulab tushgan va unga tutash devor qismlarini taʼmirlash va qayta tiklash, obodonlashtirish. obyekt 1 2022-yil oktabr Madaniy meros agentligi 1 000,0 28. Buxoro viloyati Gʻijduvon tumani “Qadimiy Gʻijduvon qoʻrgʻoni” eski qalʼa devorlari va darvozalarini qayta tiklash va unga tutash devor qismlarini taʼmirlash, atrofini obodonlashtirish. *** obyekt 1 2022-yil oktabr Madaniy meros agentligi 1 000,0 29. Buxoro shahri tarixiy markazi hududidagi turizm obyektlari, mahalla va koʻchalari hamda xonadonlarga sopoldan tarixiy uslubda ishlangan 1017 ta manzil koʻrsatkich belgilarini tayyorlash va oʻrnatish. dona 1 017 2022-yil sentabr Madaniy meros agentligi 500,0 30. Buxoro shahridagi “Toʻraqulboy uyi”ning ichki hovli va tashqi hovli qismlarini asl holatida qayta tiklash va unga tutash devor qismlarini taʼmirlash, atrofini obodonlashtirish. obyekt 1 2022-yil oktabr Madaniy meros agentligi 1 000,0 31. Buxoro shahrida joylashgan “Modarixon” madrasasining tom va poydevor qismini mustahkamlash, qulab tushgan devor qismlarini qayta tiklash, namlikni qochirish, bino atrofidagi tuproq sathini tushirish va obi gʻisht bilan qoplash, atrofini obodonlashtirish. *** obyekt 1 2022-yil oktabr Madaniy meros agentligi 2 000,0 32. Buxoro shahar “Gavkushon” majmuasidagi “Xoja Kalon” masjidining tom va poydevor qismini mustahkamlash, qulab tushgan va unga tutash devor qismlarini taʼmirlash va qayta tiklash, atrofini obodonlashtirish. *** obyekt 1 2022-yil oktabr Madaniy meros agentligi 2 500,0 33. Navoiy viloyati Uchquduq tumanidagi “Tosh oʻrmon” tabiiy arxeologiya yodgorligini tevarak atrofini 3D panjara bilan oʻrash, quyosh batareya panellari, kuzatuv kameralari, tungi yoritgich chiroqlari oʻrnatish. obyekt 1 2022 noyabr Madaniy meros agentligi 1 500,0 34. Navoiy viloyati Navbahor tumanida joylashgan “Sarmishsoy” davlat muzey qoʻriqxonasini obodonlashtirish, kirish darvozasi, tosh stella va axborot markazi tashkil etish. obyekt 1 2022 noyabr Navoiy viloyati hokimligi 2 000,0 35. Surxondaryo viloyati Boysun tumanida joylashgan “Uzundara” arxeologiya yodgorligini konservatsiya qilish, atrofini oʻrab olish, obodonlashtirish, turizm axborot markazi va kichik muzey tashkil etish. obyekt 1 2022-yil oktabr Madaniy meros agentligi 2 000,0 36. Xorazm viloyati “Qibla toza bogʻ” madaniy meros obyektini qayta taʼmirlash, qisman konservatsiya qilish, muzeylashtirish hamda turistik marshrutga kiritish uchun kerakli infratuzilmasini yaratish. obyekt 1 2022-yil sentabr Madaniy meros agentligi 5 000,0 37. Xorazm viloyati “Ibrohimxoʻja madrasasi” arxeologik yodgorligini qayta taʼmirlash va restavratsiya qilish, tevarak atrofini obodonlashtirish. obyekt 1 2022-yil sentabr Madaniy meros agentligi 2 000,0 38. Xorazm viloyati “Said mohi roʻi jahon” maqbarasini qayta taʼmirlash va restavratsiya qilish, tevarak atrofini obodonlashtirish. obyekt 1 2022-yil sentabr Madaniy meros agentligi 1 500,0 39. Toshkent shahri Sayilgoh koʻchasida joylashgan “Knyaz Romanov saroyi” va fligeli yoʻqotilgan meʼmoriy qismlarni tiklash-taʼmirlash, yertoʻla va saroy xonalari, eshik va derazalarni qayta tiklash-taʼmirlash, fligel qismini tarixiy holatiga keltirish, tarixiy hujjatlar asosida obodonlashtirish. obyekt 1 2022-yil noyabr Vazirlar Mahkamasi huzuridagi Madaniyat va sanʼatni rivojlantirish jamgʻarmasi 10 000,0 40. Toshkent shahri Mirobod tumani Amir Temur tor koʻchasi 6-uy manzilda joylashgan sobiq Toshtramning dizel stansiyasi binosi negizida “Zamonaviy sanʼat markazi”ni tashkil etish. obyekt 1 2022-yil noyabr Vazirlar Mahkamasi huzuridagi Madaniyat va sanʼatni rivojlantirish jamgʻarmasi 7 000,0 41. Toshkent shahri “Abulqosim Eshon” madrasasini tarixiy va asl holatga keltirish va taʼmirlash, konstruktiv mustahkamlash va obodonlashtirish. obyekt 1 2022-yil noyabr Vazirlar Mahkamasi huzuridagi Madaniyat va sanʼatni rivojlantirish jamgʻarmasi 4 000,0 42. Toshkent shahri Olmazor tumani Langar koʻchasi 111-uyda joylashgan “Langar ota” masjidi tevarak atrofini obodonlashtirish, yoʻlaklarni taʼmirlash va darvoza oʻrnatish. obyekt 1 2022-yil noyabr Madaniy meros agentligi 400,0 43. Toshkent shahri Shayxontoxur tumanida “Azlarxon eshon” maqbarasining tevarak atrofini obodonlashtirish, yoʻlaklarni taʼmirlash. obyekt 1 2022-yil noyabr Madaniy meros agentligi 400,0 44. Madaniy boyliklar, rangtasvir asarlarini yuqori aniqlikda fotofiksatsiya, material tarkibi, yaratilgan vaqti boʻyicha spektr va boshqa usullarda tahlil qilish imkoniyatiga ega rentgen-spektr tahlili uskunalarini sotib olish. *** roʻyxat ** 1 2022-yil iyun Madaniy meros agentligi 2 000,0 45. Madaniy meros obyektlarini restavratsiya qilish va turizm hududlari master-rejalarini loyihalashtirish institutining moddiy — texnik bazasini mustahkamlash va zamonaviy uskuna va jihozlar bilan taʼminlash. *** roʻyxat ** 1 2022-yil iyun Madaniy meros agentligi 4 000,0 46. Madaniy meros obyektlari restavratsiyasi direksiyasi va uning mintaqaviy restavratsiya markazlari moddiy-texnika bazasini shakllantirish, restavratsiya ishlarini olib borish hamda arxeologiya ilmiy-tadqiqot ishlarini olib borish hamda mavjud arxeologiya obyektlarini oʻrganish va konservatsiyasi uchun zarur texnika va uskunalar sotib olish. *** roʻyxat ** 1 2022-yil may Madaniy meros obyektlari restavratsiyasi direksiyasi 15 000,0 47. Madaniy meros obyektlariga shikast yetkazilishining oldini olish va xavfni oldindan aniqlash maqsadida kuzatuv kamerasi, marker, datchik, yoritish va boshqalarni oʻrnatish. *** roʻyxat ** 1 2022-yil iyun Madaniy meros agentligi 10 000,0 III. Muzeylar faoliyatini yaxshilash — 43 mlrd soʻm 48. Muzey qoʻriqxonalari va alohida koʻchmas mulk madaniy meros obyektlarida yongʻin xavfsizligi, videokuzatuv moslamalari va zamonaviy turniket uskunalari bilan taʼminlash va oʻrnatish. *** roʻyxat ** 1 2022-yil iyul Madaniy meros agentligi 12 000,0 49. Xorazm viloyati Urganch shahridagi Oʻzbekiston zamonaviy sanʼat muzeyining tom qismini va isitish-sovutish tizimini taʼmirlash hamda yongʻin xavfsizligi va video kuzatuv moslamalarini oʻrnatish. obyekt 1 2022-yil iyul Madaniy meros agentligi 4 500,0 50. “Sanʼatsevar millat” umummilliy loyihasi doirasida Boʻstonliq tumani, Buxoro, Jizzax va Surxondaryo viloyatlarida loyiha asosida yengil konstruksiyali galereyani qurish hamda xizmat koʻrsatish uchun avtobus va maxsus yuk mashinasi sotib olish. obyekt 4 2022-yil iyun Madaniy meros agentligi 16 000,0 51. Muzeylar faoliyatini jonlantirish dasturi doirasida ularning reekspozitsiyasini tashkil qilish va fond saqlash sharoitlarini yaxshilash, eksponatlarni saqlash uchun munosib sharoitlarni yaratish. Bunda, eksponatlar uchun stellaj va vitrinalar bilan jihozlash, muzlatgich xona-dizenfeksiya uchun moʻljallangan maxsus kamera, muzey eksponatlari uchun maxsus chang yutgich, elektron havo namlangich, gilam va matolik eksponatlarni saqlash uchun maxsus javonlar, zargarlik buyumlarini saqlash uchun maxsus seyf, nostandart hajmdagi eksponatlarni saqlash uchun stellaj xarid qilish, kuzatuv kameralarini oʻrnatish, zamonaviy turniketlar oʻrnatish. *** roʻyxat ** 1 2022-yil sentabr Madaniy meros agentligi 10 000,0 52. Toshkent shahridagi “Muqimiy” nomidagi Oʻzbekiston davlat musiqali teatrini loyiha-smeta hujjatlarini ishlab chiqish va taʼmirlash. obyekt 1 2022-yil noyabr Madaniy meros agentligi 1 800,0 53. Samarqand shahridagi Samarqand arxeologik tadqiqotlar instituti binosini tashqi fasad qismini taʼmirlash va tevarak atrofini obodonlashtirish. obyekt 1 2022-yil noyabr Madaniy meros agentligi 1 500,0 IV. Turizm sohasidagi taʼlim muassasalarini rivojlantirish — 73,1 mlrd soʻm 54. Mamlakatimizning Buyuk Ipak yoʻli va dunyo sivilizatsiyalari chorrahasidagi ahamiyatini koʻrsatib beruvchi Samarqand shahridagi “SHHT turizm va madaniy meros taʼlim bogʻi”ni barpo etish. obyekt 1 2022-yil iyun “Binolardan foydalanish va qurilish taʼmirlash ishlari direksiyasi” DUK 8 000,0 55. Samarqand shahar Beruniy koʻchasi 1-uyda joylashgan madaniy meros obyektini qayta taʼmirlab uning negizida “Ipak yoʻli” sanʼat galereyasini tashkillashtirish. obyekt 1 2022-yil dekabr “Binolardan foydalanish va qurilish taʼmirlash ishlari direksiyasi” DUK 6 500,0 56. Samarqand shahar Mahmud Qoshgʻariy koʻchasi 85A-uyda joylashgan madaniy meros obyekti rekonstruksiya qilib, uning negizida “Art rezidensiya” tashkillashtirish. obyekt 1 2022-yil dekabr “Binolardan foydalanish va qurilish taʼmirlash ishlari direksiyasi” DUK 12 000,0 57. 2023-yilda Butunjahon turizm tashkilotining (UNWTO) Bosh assambleyasi 25-sessiyasi doirasida ochilishi rejalashtirilgan Samarqand shahri Boburmirzo koʻchasi 3-uyda joylashgan madaniy meros obyekti rekonstruksiya qilib, uning negizida “Ipak yoʻli instituti”ni tashkillashtirish. obyekt 1 2022-yil dekabr “Binolardan foydalanish va qurilish taʼmirlash ishlari direksiyasi” DUK 3 000,0 58. Buxoro turizm va madaniy meros texnikumini zamon talabida barcha sharoitlar yaratib rekonstruksiya qilish. *** obyekt 1 2022-yil dekabr “Binolardan foydalanish va qurilish taʼmirlash ishlari direksiyasi” DUK 11 500,0 59. Zomin tuman turizm va servis kollejini rekonstruksiya qilish. *** obyekt 1 2022-yil dekabr “Binolardan foydalanish va qurilish taʼmirlash ishlari direksiyasi” DUK 12 000,0 60. Samarqand turizm va madaniy meros texnikumini kapital taʼmirlash. *** obyekt 1 2022-yil dekabr “Binolardan foydalanish va qurilish taʼmirlash ishlari direksiyasi” DUK 8 600,0 61. Xiva turizm va madaniy meros texnikumini rekonstruksiya qilish. *** obyekt 1 2022-yil dekabr “Binolardan foydalanish va qurilish taʼmirlash ishlari direksiyasi” DUK 11 500,0 jami 300 000,0 *
Oʻzbekiston Respublikasining Bosh vaziri A. ARIPOV
Toshkent sh.,
2022-yil 10-mart,
110-son