📅 2022-yil 11-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 11 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 11 марта 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 11 March 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«ЙЎЛ ХАРИТАСИ»
Марракеш шартномасини (2013 йил 27 июнь, Марракеш) амалга ошириш бўйича «йўл харитаси»ни тасдиқлаш тўғрисида
Ўзбекистон Республикаси Президентининг «Халқаро шартномага қўшилиш тўғрисида» 2022 йил 12 январдаги ПҚ-80-сон қарори ижросини таъминлаш мақсадида Вазирлар Маҳкамаси қарор қилади:
1. Марракеш шартномасини (2013 йил 27 июнь, Марракеш) амалга ошириш бўйича «йўл харитаси» иловага мувофиқ тасдиқлансин.
2. Ўзбекистон Республикаси Президентининг «Халқаро шартномага қўшилиш тўғрисида» 2022 йил 12 январдаги ПҚ-80-сон қарори 2-бандига мувофиқ Ахборот ва оммавий коммуникациялар агентлиги мазкур халқаро шартномани амалга ошириш юзасидан масъул ваколатли орган этиб белгиланганлиги маълумот учун қабул қилинсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига юклансин.
Вазирлар Маҳкамасининг 2022 йил 11 мартдаги 113-сон қарорига ИЛОВА
Марракеш шартномасини (2013 йил 27 июнь, Марракеш) амалга ошириш бўйича
Т/р Чора-тадбирлар Ижро муддати Масъул вазирлик ва идоралар I. Марракеш шартномаси шартларини ижро этиш бўйича ташкилий чораларни кўриш ҳамда вазирлик ва идоралар ўртасида вазифаларни тақсимлаш 1. Ўзбекистон Республикасининг халқаро шартномага қўшилганлиги ҳамда уни амалга ошириш учун масъул ваколатли орган ҳақидаги тегишли билдиришномани депозитарийга юбориш. 2022 йил март Ташқи ишлар вазирлиги (Камилов) 2. Марракеш шартномасини амалга ошириш бўйича ҳуқуқ ва мажбуриятлар тақсимотини назарда тутувчи идоралараро қўшма буйруқни ишлаб чиқиш ва белгиланган тартибда тасдиқлаш. 2022 йил март Ахборот ва оммавий коммуникациялар агентлиги (Ходжаев), Ахборот технологиялари ва коммуникацияларини ривожлантириш вазирлиги (Шерматов) 3. Оммавий ахборот воситалари орқали Марракеш шартномасига қўшилганлиги тўғрисида маълумотларни эълон қилиш. Марракеш шартномаси бўйича муқобил материалларни шартноманинг бошқа иштирокчиларига тақдим этиш тартибини ишлаб чиқиш ҳамда ташкилотнинг расмий веб-сайтида (ўзбек, рус ва инглиз тилларида) батафсил маълумотларни жойлаштириш. 2022 йил апрель Ахборот ва оммавий коммуникациялар агентлиги (Ходжаев) II. Кўзи ожиз, кўришда нуқсони бўлган ва босма ахборотни идрок этишда бошқа жиҳатдан қобилияти чекланган шахсларни махсус материаллар билан таъминлаш ва қулай шарт-шароитлар яратиш 4. Марракеш шартномаси бўйича к ўзи ожиз, кўришда нуқсони бўлган ва босма ахборотни идрок этишда бошқа жиҳатдан қобилияти чекланган шахслар учун муқобил материалларнинг турлари бўйича каталогини шакллантириш. 2022 йил март Ахборот ва оммавий коммуникациялар агентлиги (Ходжаев), Маданият вазирлиги (Назарбеков) 5. К ўзи ожиз, кўришда нуқсони бўлган шахсларнинг махсус кутубхоналаридаги шарт-шароитлари, бино ва иншоотлари ҳамда мавжуд муқобил материаллар фондини тўлиқ хатловдан ўтказиш. 2022 йил апрель Маданият вазирлиги (Назарбеков) 6. К ўзи ожиз, кўришда нуқсони бўлган шахслар учун махсус кутубхоналарни махсус қурилмалар билан таъминлаш, муқобил материалларни идрок этиш учун шароитларни яхшилаш бўйича таклифларни Вазирлар Маҳкамасига киритиш. 2022 йил май Маданият вазирлиги (Назарбеков), Молия вазирлиги (Ишметов) 7. 2023 — 2025 йилларда кўзи ожиз ва кўришда нуқсони бўлган шахслар учун 12 та янги типдаги замонавий кутубхоналарни ташкил этиш ва жиҳозлаш. 2023 — 2025 йиллар Инвестиция дастури доирасида Маданият вазирлиги (Назарбеков), Иқтисодий тараққиёт ва камбағалликни қисқартириш вазирлиги (Бобоев) 8. Кўзи ожизлар кутубхоналарни Брайл ёзувида адабиётларни чоп этиш учун «I N DEX BOX V5» мини типографиялари билан таъминлаш. 2022 йил ноябрь Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 9. Кўзи ожизлар кутубхоналари тизимида фаолият юритувчи ходимларнинг малакасини ҳар беш йилда бир маротаба оширилишини ҳамда кутубхона ходимларини қайта тайёрлаш курсларини ташкил этиш . 2022 йилдан бошлаб доимий Маданият вазирлиги (Назарбеков) , Давлат бошқарув академияси (Бекмуродов) 10. Давлат бошқаруви органлари ҳамда бошқа ташкилотларнинг расмий веб-сайтларини кўзи ожизлар учун мослаштирган ҳолда интеграция қилиш механизми ни жорий этиш. 2022 йил сентябрь Ахборот технологиялари ва коммуникацияларни ривожлантириш вазирлиги ( Шерматов ), Ахборот ва оммавий коммуникациялар агентлиги (Ходжаев), Маданият вазирлиги (Назарбеков) 11. Кўришда нуқсони бўлган шахслар учун нашр маҳсулотларининг рақамли шакллардаги муқобил форматларини, хусусан DAISY (Digital Accessible Information System), full-text DAISY (highlighted text synchronized with text-to-speech or human narration audio), EPUB3 (e-book format with embedded accessibility features) ва LKF форматларидаги китобларни ишлаб чиқиш ва жорий этиш. 2022 йил апрель — 2023 йил август Маданият вазирлиги (Назарбеков), Ахборот технологиялари ва коммуникацияларни ривожлантириш вазирлиги ( Шерматов ), Ахборот ва оммавий коммуникациялар агентлиги (Ходжаев) 12. Маҳаллий ҳамда хорижий кутубхоналараро муқобил форматдаги китобларни ўзаро қулай алмашиш имконини берадиган онлайн платформалардан, жумладан Accessible Books Consortium Global Book Service , Accessible Content ePortal , Bookshare, Нathi Trust, Internet Archive кабилардан фойдаланиш учун шароитлар яратиш ва мазкур тизимларни кенг жорий этиш. 2022 йил апрель — 2023 йил декабрь Ахборот ва оммавий коммуникациялар агентлиги (Ходжаев), Маданият вазирлиги (Назарбеков), Ахборот технологиялари ва коммуникацияларни ривожлантириш вазирлиги ( Шерматов )
Ўзбекистон Республикасининг Бош вазири А. АРИПОВ
Тошкент ш.,
2022 йил 11 март,
113-сон
Oʻzbekiston Respublikasi Vazirlar Mahkamasining
qarori
“YOʻL XARITASI”
Marrakesh shartnomasini (2013-yil 27-iyun, Marrakesh) amalga oshirish boʻyicha “yoʻl xaritasi”ni tasdiqlash toʻgʻrisida
Oʻzbekiston Respublikasi Prezidentining “Xalqaro shartnomaga qoʻshilish toʻgʻrisida” 2022-yil 12-yanvardagi PQ-80-son qarori ijrosini taʼminlash maqsadida Vazirlar Mahkamasi qaror qiladi:
1. Marrakesh shartnomasini (2013-yil 27-iyun, Marrakesh) amalga oshirish boʻyicha “yoʻl xaritasi” ilovaga muvofiq tasdiqlansin.
2. Oʻzbekiston Respublikasi Prezidentining “Xalqaro shartnomaga qoʻshilish toʻgʻrisida” 2022-yil 12-yanvardagi PQ-80-son qarori 2-bandiga muvofiq Axborot va ommaviy kommunikatsiyalar agentligi mazkur xalqaro shartnomani amalga oshirish yuzasidan masʼul vakolatli organ etib belgilanganligi maʼlumot uchun qabul qilinsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.
Vazirlar Mahkamasining 2022-yil 11-martdagi 113-son qaroriga ILOVA
Marrakesh shartnomasini (2013-yil 27-iyun, Marrakesh) amalga oshirish boʻyicha
T/r Chora-tadbirlar Ijro muddati Masʼul vazirlik va idoralar I. Marrakesh shartnomasi shartlarini ijro etish boʻyicha tashkiliy choralarni koʻrish hamda vazirlik va idoralar oʻrtasida vazifalarni taqsimlash 1. Oʻzbekiston Respublikasining xalqaro shartnomaga qoʻshilganligi hamda uni amalga oshirish uchun masʼul vakolatli organ haqidagi tegishli bildirishnomani depozitariyga yuborish. 2022-yil mart Tashqi ishlar vazirligi (Kamilov) 2. Marrakesh shartnomasini amalga oshirish boʻyicha huquq va majburiyatlar taqsimotini nazarda tutuvchi idoralararo qoʻshma buyruqni ishlab chiqish va belgilangan tartibda tasdiqlash. 2022-yil mart Axborot va ommaviy kommunikatsiyalar agentligi (Xodjayev), Axborot texnologiyalari va kommunikatsiyalarini rivojlantirish vazirligi (Shermatov) 3. Ommaviy axborot vositalari orqali Marrakesh shartnomasiga qoʻshilganligi toʻgʻrisida maʼlumotlarni eʼlon qilish. Marrakesh shartnomasi boʻyicha muqobil materiallarni shartnomaning boshqa ishtirokchilariga taqdim etish tartibini ishlab chiqish hamda tashkilotning rasmiy veb-saytida (oʻzbek, rus va ingliz tillarida) batafsil maʼlumotlarni joylashtirish. 2022-yil aprel Axborot va ommaviy kommunikatsiyalar agentligi (Xodjayev) II. Koʻzi ojiz, koʻrishda nuqsoni boʻlgan va bosma axborotni idrok etishda boshqa jihatdan qobiliyati cheklangan shaxslarni maxsus materiallar bilan taʼminlash va qulay shart-sharoitlar yaratish 4. Marrakesh shartnomasi boʻyicha k oʻzi ojiz, koʻrishda nuqsoni boʻlgan va bosma axborotni idrok etishda boshqa jihatdan qobiliyati cheklangan shaxslar uchun muqobil materiallarning turlari boʻyicha katalogini shakllantirish. 2022-yil mart Axborot va ommaviy kommunikatsiyalar agentligi (Xodjayev), Madaniyat vazirligi (Nazarbekov) 5. K oʻzi ojiz, koʻrishda nuqsoni boʻlgan shaxslarning maxsus kutubxonalaridagi shart-sharoitlari, bino va inshootlari hamda mavjud muqobil materiallar fondini toʻliq xatlovdan oʻtkazish. 2022-yil aprel Madaniyat vazirligi (Nazarbekov) 6. K oʻzi ojiz, koʻrishda nuqsoni boʻlgan shaxslar uchun maxsus kutubxonalarni maxsus qurilmalar bilan taʼminlash, muqobil materiallarni idrok etish uchun sharoitlarni yaxshilash boʻyicha takliflarni Vazirlar Mahkamasiga kiritish. 2022-yil may Madaniyat vazirligi (Nazarbekov), Moliya vazirligi (Ishmetov) 7. 2023 — 2025-yillarda koʻzi ojiz va koʻrishda nuqsoni boʻlgan shaxslar uchun 12 ta yangi tipdagi zamonaviy kutubxonalarni tashkil etish va jihozlash. 2023 — 2025-yillar Investitsiya dasturi doirasida Madaniyat vazirligi (Nazarbekov), Iqtisodiy taraqqiyot va kambagʻallikni qisqartirish vazirligi (Boboyev) 8. Koʻzi ojizlar kutubxonalarni Brayl yozuvida adabiyotlarni chop etish uchun “I N DEX BOX V5” mini tipografiyalari bilan taʼminlash. 2022-yil noyabr Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 9. Koʻzi ojizlar kutubxonalari tizimida faoliyat yurituvchi xodimlarning malakasini har besh yilda bir marotaba oshirilishini hamda kutubxona xodimlarini qayta tayyorlash kurslarini tashkil etish . 2022-yildan boshlab doimiy Madaniyat vazirligi (Nazarbekov) , Davlat boshqaruv akademiyasi (Bekmurodov) 10. Davlat boshqaruvi organlari hamda boshqa tashkilotlarning rasmiy veb-saytlarini koʻzi ojizlar uchun moslashtirgan holda integratsiya qilish mexanizmi ni joriy etish. 2022-yil sentabr Axborot texnologiyalari va kommunikatsiyalarni rivojlantirish vazirligi ( Shermatov ), Axborot va ommaviy kommunikatsiyalar agentligi (Xodjayev), Madaniyat vazirligi (Nazarbekov) 11. Koʻrishda nuqsoni boʻlgan shaxslar uchun nashr mahsulotlarining raqamli shakllardagi muqobil formatlarini, xususan DAISY (Digital Accessible Information System), full-text DAISY (highlighted text synchronized with text-to-speech or human narration audio), EPUB3 (e-book format with embedded accessibility features) va LKF formatlaridagi kitoblarni ishlab chiqish va joriy etish. 2022-yil aprel — 2023-yil avgust Madaniyat vazirligi (Nazarbekov), Axborot texnologiyalari va kommunikatsiyalarni rivojlantirish vazirligi ( Shermatov ), Axborot va ommaviy kommunikatsiyalar agentligi (Xodjayev) 12. Mahalliy hamda xorijiy kutubxonalararo muqobil formatdagi kitoblarni oʻzaro qulay almashish imkonini beradigan onlayn platformalardan, jumladan Accessible Books Consortium Global Book Service , Accessible Content ePortal , Bookshare, Nathi Trust, Internet Archive kabilardan foydalanish uchun sharoitlar yaratish va mazkur tizimlarni keng joriy etish. 2022-yil aprel — 2023-yil dekabr Axborot va ommaviy kommunikatsiyalar agentligi (Xodjayev), Madaniyat vazirligi (Nazarbekov), Axborot texnologiyalari va kommunikatsiyalarni rivojlantirish vazirligi ( Shermatov )
Oʻzbekiston Respublikasining Bosh vaziri A. ARIPOV
Toshkent sh.,
2022-yil 11-mart,
113-son