UzbekAI

Ўзбекистон Республикаси Президентининг

Қарори

МАЪЛУМОТ

РЎЙХАТИ

ТАРКИБИ

Наманган шаҳрида «Янги Наманган шаҳарчаси» замонавий ишбилармонлик маркази ва турар жойлар комплексини барпо этиш чора-тадбирлари тўғрисида

Наманган шаҳрининг меъморий қиёфасини янада яхшилаш ва ободонлаштириш, хорижий ва маҳаллий инвесторлар учун жозибадорлигини ошириш, шунингдек, шаҳарнинг туризм салоҳиятидан самарали фойдаланиш, замонавий бизнес, молиявий ва туристик инфратузилмаларни жадал ривожлантиришни таъминлаш ҳамда сервис хизматлар турлари ва сифатини ошириш мақсадида:

1. Наманган вилояти ҳокимлиги, Иқтисодий тараққиёт ва камбағалликни қисқартириш вазирлиги ҳамда Инвестициялар ва ташқи савдо вазирлигининг:

Наманган шаҳри Давлатобод тумани ва Тўрақўрғон тумани ҳудудида «Янги Наманган шаҳарчаси» замонавий ишбилармонлик маркази ва турар жойлар комплексини (кейинги ўринларда — Янги Наманган шаҳарчаси) барпо этиш;

Наманган вилояти ҳокимлиги ҳузуридаги «Namangan New City» дирекцияси номини Наманган вилояти ҳокимлиги ҳузуридаги «Янги Наманган шаҳарчаси» замонавий ишбилармонлик маркази ва турар жойлар комплексини барпо этиш» дирекцияси (кейинги ўринларда — Дирекция) деб ўзгартириш тўғрисидаги таклифлари маъқуллансин.

2. Белгилансинки:

а) Янги Наманган шаҳарчасини барпо этиш Наманган шаҳри Давлатобод туманининг «Юксалиш» ва «Орзу» маҳаллалари, Тўрақўрғон туманининг «Еттикон», «Ибрат» ва «Парасмон» маҳаллаларининг туташ ҳудудларидаги 1-иловага мувофиқ жами 1 203 гектар ер майдонида қуйидаги босқичларда амалга оширилади:

I босқичда — 330 гектар;

II босқичда — 272 гектар, шундан қишлоқ хўжалигига мўлжалланган ерлар — 129,57 гектар;

III босқичда — 601 гектар, шундан қишлоқ хўжалигига мўлжалланган — 378,83 гектар;

б) ҳар бир босқич олдинги босқич якунланишига ва ер майдонларининг бош режада белгиланган тартибда ўзлаштирилишига кўра амалга оширилади;

в) Янги Наманган шаҳарчаси барпо этиладиган ер участкаларини белгиланган тартибда жамоат эҳтиёжлари учун олиб қўйиш қурилишнинг тегишли босқичини бошлаш олдидан амалга оширилади;

г) бош режага мувофиқ, Янги Наманган шаҳарчаси ҳудудидаги умумий фойдаланишдаги ер участкалари инфратузилма объектлари ва ижтимоий аҳамиятга эга объектларни барпо этиш учун Дирекцияга доимий фойдаланиш ҳуқуқи билан ажратилади, тадбиркорлик ва шаҳарсозлик фаолиятини амалга ошириш учун, шу жумладан кўп квартирали уйлар, ишлаб чиқариш, савдо ва хизмат кўрсатиш объектларини қуриш учун мўлжалланган ер участкалари эса белгиланган тартибда электрон онлайн-аукцион орқали реализация қилинади.

3. Вазирлар Маҳкамаси, Наманган вилояти ҳокимлиги, Қишлоқ хўжалиги вазирлиги ва Сув хўжалиги вазирлигининг Янги Наманган шаҳарчаси барпо этилиши режалаштирилаётган 1 203 гектар ер майдонидан 2-иловага мувофиқ жами 508,4 гектар қишлоқ хўжалигига мўлжалланган, шундан 436,2 гектар суғориладиган ер участкаларини аҳоли пунктларининг қишлоқ хўжалигига мўлжалланмаган ерлари тоифасига ўтказиш тўғрисидаги хулосаси қабул қилинсин.

Кадастр агентлиги мазкур бандда назарда тутилган ер участкалари белгиланган тартибда жамоат эҳтиёжлари учун олиб қўйилиб, Дирекцияга доимий фойдаланиш ҳуқуқи билан ажратилишидан ёки электрон онлайн-аукционга чиқарилишидан олдин уларнинг ер фонди тоифасига ўзгартириш киритилишини ва бу ҳақида давлат ер кадастри маълумотларида қайд этилишини таъминласин.

4. Белгилаб қўйилсинки:

Янги Наманган шаҳарчасини барпо этиш мақсадида ер участкалари жамоат эҳтиёжлари учун олиб қўйилиши муносабати билан жисмоний ва юридик шахсларга етказилган зарар қонунчилик ҳужжатларида белгиланган тартибда тўлиқ қоплангандан сўнг ушбу ерлардан бошқа мақсадларда фойдаланилади;

қишлоқ хўжалигига мўлжалланган ерларнинг ушбу қарорга мувофиқ олиниши сабабли қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича компенсация тўловлари ундирилмайди. Бунда, ушбу ерлардан мақсадли фойдаланилиши учун Наманган вилояти ҳокими Ш.Ш. Абдуразаков шахсан жавобгар ҳисобланади;

Янги Наманган шаҳарчаси ҳудудида ер участкаларини электрон онлайн-аукцион орқали сотишдан тушган тушумлар (Вазирлар Маҳкамаси қарорида белгиланган харажатлар чегириб ташланган ҳолда) Дирекцияга ўтказилади ва Янги Наманган шаҳарчасини барпо этиш ишларига сарфланади.

5. Наманган вилояти ҳокимлиги:

қишлоқ хўжалигига мўлжалланган ер участкалари қисқариб кетишининг олдини олиш мақсадида 2024 йил 1 январга қадар, ҳар бир йил якунида тенг улушларда, ушбу қарор билан тоифаси ўзгартирилаётган суғориладиган ер участкалари майдонига тенг миқдорда янги ерлар ўзлаштирилишини таъминласин;

икки ой муддатда Қишлоқ хўжалиги вазирлиги билан биргаликда Пахта селекцияси, уруғчилиги ва етиштириш агротехнологиялари илмий-тадқиқот институти Наманган илмий-тажриба станциясининг ушбу қарорга мувофиқ олиб қўйилаётган ер майдони ўрнига тенг миқдорда бошқа ҳудуддан белгиланган тартибда ер майдонини ажратиш бўйича Вазирлар Маҳкамасига таклиф киритсин.

Белгилансинки, мазкур бандга мувофиқ янги ерларнинг ўзлаштирилганлиги Наманган вилояти ҳокимининг ўзлаштирилган ер участкаларининг ер фонди тоифасини суғориладиган ерлар тоифасига ўтказиш тўғрисидаги қарорига асосан давлат ер кадастри маълумотларига ўзгартириш киритиш орқали тасдиқланади.

6. «Янги Наманган шаҳарчаси» замонавий ишбилармонлик маркази ва турар жойлар комплексини барпо этиш ишларини мувофиқлаштириш ва инвестиция лойиҳаларини кўриб чиқиш бўйича ишчи гуруҳи 3-иловага мувофиқ таркибда тузилсин ва қуйидагилар унинг асосий вазифалари этиб белгилансин:

Янги Наманган шаҳарчасининг бош режасини ҳамда ҳудудларини батафсил режалаштириш лойиҳаларини кўриб чиқиш;

Янги Наманган шаҳарчасини тасдиқланган шаҳарсозлик ҳужжатлари асосида барпо этиш бўйича комплекс чора-тадбирларни амалга ошириш, Дирекция фаолиятини мувофиқлаштириш ва назорат қилиш;

ваколатли ташкилотларнинг ташқи муҳандислик-коммуникация тармоқларини тортиш бўйича ишларини мувофиқлаштириш;

давлат ва корпоратив харидлар очиқлик ва шаффофлик тамойиллари асосида ўтказилишини ҳамда уларнинг назоратини таъминлаш;

Янги Наманган шаҳарчасини барпо этиш, ҳудудда кўп квартирали уй-жойлар, йўл-транспорт, муҳандислик-коммуникация, ижтимоий ва бозор инфратузилмаси объектларини самарали жойлаштириш, лойиҳалаштириш ва қуриш ишларини ташкил этиш;

лойиҳа-қидирув ва қурилиш ишларининг амалга оширилишини мувофиқлаштириш;

кўп квартирали уй-жойлар, йўл-транспорт, муҳандислик-коммуникация, ижтимоий ва бозор инфратузилмаси объектларини лойиҳалаштириш ва қуриш ишларига малакали хорижий мутахассис ва консультантларнинг жалб қилинишини, шунингдек, илғор хорижий технологияларнинг жорий этилишини таъминлаш.

7. Қуйидагилар Янги Наманган шаҳарчасини барпо этишнинг молиялаштириш манбалари этиб белгилансин:

Янги Наманган шаҳарчасини лойиҳалаштириш, қурилиш ишларини назорат қилиш ва бошқариш учун — Наманган вилояти маҳаллий бюджети маблағлари, Дирекция маблағлари ва қонунчилик ҳужжатларида тақиқланмаган бошқа манбалар;

ижтимоий соҳа объектлари, ташқи автомобиль йўллари, ичимлик сув ва оқова сув таъминоти тармоқларини қуриш учун — Ўзбекистон Республикаси республика бюджетидан ажратиладиган маблағлар, Наманган вилояти маҳаллий бюджети маблағлари, Наманган вилояти ҳокимлиги ҳузуридаги Тадбиркорлик инфратузилмасини ривожлантириш жамғармаси маблағлари, Дирекция маблағлари ва қонунчилик ҳужжатларида тақиқланмаган бошқа манбалар. Бунда, ижтимоий соҳа объектлари давлат-хусусий шериклик асосида қурилганда, молиялаштириш давлат-хусусий шериклик тўғрисидаги битимга мувофиқ амалга оширилади;

ташқи электр энергияси ва табиий газ тармоқларини қуриш учун — Ўзбекистон Республикаси Президентининг 2020 йил 18 декабрдаги «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-4929-сон қарорининг 2-бандида назарда тутилган маблағлар;

ҳудудларни ободонлаштириш ва кўкаламзорлаштириш учун — Наманган вилояти маҳаллий бюджети маблағлари ва унинг қўшимча манбалари, тадбиркорлик субъектларининг маблағлари ва тижорат банкларининг кредитлари;

кўп квартирали уй-жойлар, бозор инфратузилмаси ва ижтимоий соҳа объектларини қуриш учун — тадбиркорлик субъектларининг маблағлари ва тижорат банкларининг кредитлари.

8. Белгилансинки, Ўзбекистон Республикаси Президентининг 2020 йил 14 июлдаги «Ҳар бир оила — тадбиркор» дастурини ҳамда Наманган вилоятидаги кичик саноат зоналарини ривожлантиришни молиялаштиришга доир қўшимча чора-тадбирлар тўғрисида»ги ПҚ-4782-сон қарорига мувофиқ, Наманган вилоятидаги кичик саноат зоналари фаолиятини янада ривожлантириш учун Тикланиш ва тараққиёт жамғармасидан ажратилган 50 миллион АҚШ доллари миқдоридаги маблағларнинг иқтисод қилинган қисми Наманган вилоятининг ижтимоий ва муҳандислик инфратузилмасини ҳамда жамоат объектларини барпо этиш ва таъмирлаш учун йўналтирилади.

9. Наманган вилояти ҳокимлиги икки ой муддатда:

Кадастр агентлиги, Қишлоқ хўжалиги вазирлиги, Қурилиш вазирлиги ҳамда Иқтисодий тараққиёт ва камбағалликни қисқартириш вазирлиги билан биргаликда Янги Наманган шаҳарчаси барпо этилиши муносабати билан Тўрақўрғон туманидан зарур ер майдонини Наманган шаҳри Давлатобод тумани таркибига ўтказиш юзасидан Олий Мажлис палаталарининг қарорлари лойиҳаларини белгиланган тартибда Вазирлар Маҳкамасига киритсин;

манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

10. Ушбу қарор ижросини самарали ташкил қилишга масъул ва шахсий жавобгар этиб Наманган вилояти ҳокими Ш.Ш. Абдуразаков белгилансин.

Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.

Амалга оширилаётган чора-тадбирлар тўғрисида ҳар олти ойда Ўзбекистон Республикаси Президентига ахборот киритиб борилсин.

Ўзбекистон Республикаси Президентининг 2022 йил 11 мартдаги ПҚ-160-сон қарорига 1-ИЛОВА

Янги Наманган шаҳарчасига ажратиладиган ер майдонлари тўғрисида

Т/р Ердан фойдаланувчилар тури Фойдаланувчилар сони Контур сони Жами ер майдони (гектар) шундан: Жами қишлоқ хўжалиги ерлари шу жумладан Бошқа тоифадаги ерлар суғориладиган ерлар суғорилмайдиган ерлар 1. Фермер хўжаликлари ва бошқа қишлоқ хўжалиги корхоналари ерлари 21 49 263,2 263,2 221,15 42,05 2. Наманган илмий-тажриба станциясининг ерлари 1 14 128,88 128,88 119,3 9,58 3. Хусусий боғ майдонлари ва томорқа далалари 80 26 59,43 59,43 38,86 20,57 4. Ёрдамчи хўжаликлар ва иссиқхоналар 29 36 56,89 56,89 56,89 5. «Наманган» ЭИЗ ерлари 1 24 199,8 199,8 6. «Юксалиш» массиви ерлари 1 30 390 390 7. Маҳаллий ҳокимият захирасидаги ерлар 1 37 36 36 8. Каналлар ва умумфойдаланишдаги йўлларга ажратилган ерлар 16 43 68,8 68,8 Жами: 150 259 1203 508,4 436,2 72,2 694,6

Ўзбекистон Республикаси Президентининг 2022 йил 11 мартдаги ПҚ-160-сон қарорига 2-ИЛОВА

«Янги Наманган шаҳарчаси» замонавий ишбилармонлик маркази ва турар жойлар комплексини барпо этиш учун тоифаси ўзгартирилаётган қишлоқ хўжалигига мўлжалланган ер майдонлари

Т/р Ҳудуд номи Мавзе номи Дала контур рақами Ер майдони (га) шундан: суғориладиган кўп йиллик дарахтзорлар бошқа ерлар Жами 508,4 436,2 20,8 51,4 1. Тўрақўрғон тумани Ибрат 219, 225, 253, 255, 246, 247, 269, 270, 271, 272, 317, 318, 319, 320, 323, 329, 330, 334, 331, 332, 333, 335, 336, 337, 371, 372, 373, 239, 240, 241, 322, 243, 245, 316 276,02 266,15 3 6,87 2. Давлатобод тумани Ибрат 379, 374, 375, 377, 328, 376 43,93 39,69 2 2,24 3. Ободон 1016, 1071, 985, 997, 998, 999, 1000, 1013, 1014, 1001, 1005, 1060, 1007, 1008, 1009, 1010, 1015, 1002, 1003, 993, 1012, 1070, 987, 1012, 1069, 986, 972, 974, 1006 181,36 124,71 15 41,65 4. Ижодкор 20, 16, 19, 2, 3, 4, 6, 7, 12, 13, 14, 20, 1 7,09 5,65 0,8 0,64

Ўзбекистон Республикаси Президентининг 2022 йил 11 мартдаги ПҚ-160-сон қарорига 3-ИЛОВА

«Янги Наманган шаҳарчаси» замонавий ишбилармонлик маркази ва турар жойлар комплексини барпо этиш ишларини мувофиқлаштириш ва инвестиция лойиҳаларини кўриб чиқиш бўйича ишчи гуруҳи

1. Ш. Абдуразаков — Наманган вилояти ҳокими, Ишчи гуруҳи раҳбари 2. Д. Адилов — қурилиш вазирининг биринчи ўринбосари, Ишчи гуруҳи раҳбари ўринбосари 3. А. Воитов — инвестициялар ва ташқи савдо вазирининг биринчи ўринбосари 4. А. Бобоев — иқтисодий тараққиёт ва камбағалликни қисқартириш вазири ўринбосари 5. Ж. Абруев — молия вазири ўринбосари 6. А. Аллаберганов — Кадастр агентлиги директори ўринбосари 7. Т. Юсупов — Наманган вилояти ҳокимининг биринчи ўринбосари 8. С. Султанов — Наманган вилояти ҳокими ўринбосари 9. Ғ. Жамолов — Наманган шаҳар ҳокими 10. Лавозимига кўра — Тўрақўрғон тумани ҳокими 11. А. Таджимирзаев — Наманган шаҳри Давлатобод тумани ҳокими 12. Ж. Алиев — Марказий банкнинг Наманган вилояти бош бошқармаси бошлиғи 13. Х. Сабиров — Наманган вилояти адлия бошқармаси бошлиғи 14. А. Тиллаволдиев — Наманган вилояти давлат солиқ бошқармаси бошлиғи 15. Б. Матмусаев — Давлат активларини бошқариш агентлигининг Наманган вилояти бошқармаси бошлиғи 16. Лавозимига кўра — Наманган вилояти ҳокимлиги ҳузуридаги «Янги Наманган шаҳарчаси» замонавий ишбилармонлик маркази ва турар жойлар комплексини барпо этиш» дирекцияси раҳбари

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 11 март,

ПҚ-160-сон

(Қонунчилик маълумотлари миллий базаси, 12.03.2022 й., 07/22/160/0212-сон)

lex.uz

Oʻzbekiston Respublikasi Prezidentining

Qarori

MAʼLUMOT

ROʻYXATI

TARKIBI

Namangan shahrida “Yangi Namangan shaharchasi” zamonaviy ishbilarmonlik markazi va turar joylar kompleksini barpo etish chora-tadbirlari toʻgʻrisida

Namangan shahrining meʼmoriy qiyofasini yanada yaxshilash va obodonlashtirish, xorijiy va mahalliy investorlar uchun jozibadorligini oshirish, shuningdek, shaharning turizm salohiyatidan samarali foydalanish, zamonaviy biznes, moliyaviy va turistik infratuzilmalarni jadal rivojlantirishni taʼminlash hamda servis xizmatlar turlari va sifatini oshirish maqsadida:

1. Namangan viloyati hokimligi, Iqtisodiy taraqqiyot va kambagʻallikni qisqartirish vazirligi hamda Investitsiyalar va tashqi savdo vazirligining:

Namangan shahri Davlatobod tumani va Toʻraqoʻrgʻon tumani hududida “Yangi Namangan shaharchasi” zamonaviy ishbilarmonlik markazi va turar joylar kompleksini (keyingi oʻrinlarda — Yangi Namangan shaharchasi) barpo etish;

Namangan viloyati hokimligi huzuridagi “Namangan New City” direksiyasi nomini Namangan viloyati hokimligi huzuridagi “Yangi Namangan shaharchasi” zamonaviy ishbilarmonlik markazi va turar joylar kompleksini barpo etish” direksiyasi (keyingi oʻrinlarda — Direksiya) deb oʻzgartirish toʻgʻrisidagi takliflari maʼqullansin.

2. Belgilansinki:

a) Yangi Namangan shaharchasini barpo etish Namangan shahri Davlatobod tumanining “Yuksalish” va “Orzu” mahallalari, Toʻraqoʻrgʻon tumanining “Yettikon”, “Ibrat” va “Parasmon” mahallalarining tutash hududlaridagi 1-ilovaga muvofiq jami 1 203 gektar yer maydonida quyidagi bosqichlarda amalga oshiriladi:

I bosqichda — 330 gektar;

II bosqichda — 272 gektar, shundan qishloq xoʻjaligiga moʻljallangan yerlar — 129,57 gektar;

III bosqichda — 601 gektar, shundan qishloq xoʻjaligiga moʻljallangan — 378,83 gektar;

b) har bir bosqich oldingi bosqich yakunlanishiga va yer maydonlarining bosh rejada belgilangan tartibda oʻzlashtirilishiga koʻra amalga oshiriladi;

v) Yangi Namangan shaharchasi barpo etiladigan yer uchastkalarini belgilangan tartibda jamoat ehtiyojlari uchun olib qoʻyish qurilishning tegishli bosqichini boshlash oldidan amalga oshiriladi;

g) bosh rejaga muvofiq, Yangi Namangan shaharchasi hududidagi umumiy foydalanishdagi yer uchastkalari infratuzilma obyektlari va ijtimoiy ahamiyatga ega obyektlarni barpo etish uchun Direksiyaga doimiy foydalanish huquqi bilan ajratiladi, tadbirkorlik va shaharsozlik faoliyatini amalga oshirish uchun, shu jumladan koʻp kvartirali uylar, ishlab chiqarish, savdo va xizmat koʻrsatish obyektlarini qurish uchun moʻljallangan yer uchastkalari esa belgilangan tartibda elektron onlayn-auksion orqali realizatsiya qilinadi.

3. Vazirlar Mahkamasi, Namangan viloyati hokimligi, Qishloq xoʻjaligi vazirligi va Suv xoʻjaligi vazirligining Yangi Namangan shaharchasi barpo etilishi rejalashtirilayotgan 1 203 gektar yer maydonidan 2-ilovaga muvofiq jami 508,4 gektar qishloq xoʻjaligiga moʻljallangan, shundan 436,2 gektar sugʻoriladigan yer uchastkalarini aholi punktlarining qishloq xoʻjaligiga moʻljallanmagan yerlari toifasiga oʻtkazish toʻgʻrisidagi xulosasi qabul qilinsin.

Kadastr agentligi mazkur bandda nazarda tutilgan yer uchastkalari belgilangan tartibda jamoat ehtiyojlari uchun olib qoʻyilib, Direksiyaga doimiy foydalanish huquqi bilan ajratilishidan yoki elektron onlayn-auksionga chiqarilishidan oldin ularning yer fondi toifasiga oʻzgartirish kiritilishini va bu haqida davlat yer kadastri maʼlumotlarida qayd etilishini taʼminlasin.

4. Belgilab qoʻyilsinki:

Yangi Namangan shaharchasini barpo etish maqsadida yer uchastkalari jamoat ehtiyojlari uchun olib qoʻyilishi munosabati bilan jismoniy va yuridik shaxslarga yetkazilgan zarar qonunchilik hujjatlarida belgilangan tartibda toʻliq qoplangandan soʻng ushbu yerlardan boshqa maqsadlarda foydalaniladi;

qishloq xoʻjaligiga moʻljallangan yerlarning ushbu qarorga muvofiq olinishi sababli qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari undirilmaydi. Bunda, ushbu yerlardan maqsadli foydalanilishi uchun Namangan viloyati hokimi Sh.Sh. Abdurazakov shaxsan javobgar hisoblanadi;

Yangi Namangan shaharchasi hududida yer uchastkalarini elektron onlayn-auksion orqali sotishdan tushgan tushumlar (Vazirlar Mahkamasi qarorida belgilangan xarajatlar chegirib tashlangan holda) Direksiyaga oʻtkaziladi va Yangi Namangan shaharchasini barpo etish ishlariga sarflanadi.

5. Namangan viloyati hokimligi:

qishloq xoʻjaligiga moʻljallangan yer uchastkalari qisqarib ketishining oldini olish maqsadida 2024-yil 1-yanvarga qadar, har bir yil yakunida teng ulushlarda, ushbu qaror bilan toifasi oʻzgartirilayotgan sugʻoriladigan yer uchastkalari maydoniga teng miqdorda yangi yerlar oʻzlashtirilishini taʼminlasin;

ikki oy muddatda Qishloq xoʻjaligi vazirligi bilan birgalikda Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti Namangan ilmiy-tajriba stansiyasining ushbu qarorga muvofiq olib qoʻyilayotgan yer maydoni oʻrniga teng miqdorda boshqa hududdan belgilangan tartibda yer maydonini ajratish boʻyicha Vazirlar Mahkamasiga taklif kiritsin.

Belgilansinki, mazkur bandga muvofiq yangi yerlarning oʻzlashtirilganligi Namangan viloyati hokimining oʻzlashtirilgan yer uchastkalarining yer fondi toifasini sugʻoriladigan yerlar toifasiga oʻtkazish toʻgʻrisidagi qaroriga asosan davlat yer kadastri maʼlumotlariga oʻzgartirish kiritish orqali tasdiqlanadi.

6. “Yangi Namangan shaharchasi” zamonaviy ishbilarmonlik markazi va turar joylar kompleksini barpo etish ishlarini muvofiqlashtirish va investitsiya loyihalarini koʻrib chiqish boʻyicha ishchi guruhi 3-ilovaga muvofiq tarkibda tuzilsin va quyidagilar uning asosiy vazifalari etib belgilansin:

Yangi Namangan shaharchasining bosh rejasini hamda hududlarini batafsil rejalashtirish loyihalarini koʻrib chiqish;

Yangi Namangan shaharchasini tasdiqlangan shaharsozlik hujjatlari asosida barpo etish boʻyicha kompleks chora-tadbirlarni amalga oshirish, Direksiya faoliyatini muvofiqlashtirish va nazorat qilish;

vakolatli tashkilotlarning tashqi muhandislik-kommunikatsiya tarmoqlarini tortish boʻyicha ishlarini muvofiqlashtirish;

davlat va korporativ xaridlar ochiqlik va shaffoflik tamoyillari asosida oʻtkazilishini hamda ularning nazoratini taʼminlash;

Yangi Namangan shaharchasini barpo etish, hududda koʻp kvartirali uy-joylar, yoʻl-transport, muhandislik-kommunikatsiya, ijtimoiy va bozor infratuzilmasi obyektlarini samarali joylashtirish, loyihalashtirish va qurish ishlarini tashkil etish;

loyiha-qidiruv va qurilish ishlarining amalga oshirilishini muvofiqlashtirish;

koʻp kvartirali uy-joylar, yoʻl-transport, muhandislik-kommunikatsiya, ijtimoiy va bozor infratuzilmasi obyektlarini loyihalashtirish va qurish ishlariga malakali xorijiy mutaxassis va konsultantlarning jalb qilinishini, shuningdek, ilgʻor xorijiy texnologiyalarning joriy etilishini taʼminlash.

7. Quyidagilar Yangi Namangan shaharchasini barpo etishning moliyalashtirish manbalari etib belgilansin:

Yangi Namangan shaharchasini loyihalashtirish, qurilish ishlarini nazorat qilish va boshqarish uchun — Namangan viloyati mahalliy budjeti mablagʻlari, Direksiya mablagʻlari va qonunchilik hujjatlarida taqiqlanmagan boshqa manbalar;

ijtimoiy soha obyektlari, tashqi avtomobil yoʻllari, ichimlik suv va oqova suv taʼminoti tarmoqlarini qurish uchun — Oʻzbekiston Respublikasi respublika budjetidan ajratiladigan mablagʻlar, Namangan viloyati mahalliy budjeti mablagʻlari, Namangan viloyati hokimligi huzuridagi Tadbirkorlik infratuzilmasini rivojlantirish jamgʻarmasi mablagʻlari, Direksiya mablagʻlari va qonunchilik hujjatlarida taqiqlanmagan boshqa manbalar. Bunda, ijtimoiy soha obyektlari davlat-xususiy sheriklik asosida qurilganda, moliyalashtirish davlat-xususiy sheriklik toʻgʻrisidagi bitimga muvofiq amalga oshiriladi;

tashqi elektr energiyasi va tabiiy gaz tarmoqlarini qurish uchun — Oʻzbekiston Respublikasi Prezidentining 2020-yil 18-dekabrdagi “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-4929-son qarorining 2-bandida nazarda tutilgan mablagʻlar;

hududlarni obodonlashtirish va koʻkalamzorlashtirish uchun — Namangan viloyati mahalliy budjeti mablagʻlari va uning qoʻshimcha manbalari, tadbirkorlik subyektlarining mablagʻlari va tijorat banklarining kreditlari;

koʻp kvartirali uy-joylar, bozor infratuzilmasi va ijtimoiy soha obyektlarini qurish uchun — tadbirkorlik subyektlarining mablagʻlari va tijorat banklarining kreditlari.

8. Belgilansinki, Oʻzbekiston Respublikasi Prezidentining 2020-yil 14-iyuldagi “Har bir oila — tadbirkor” dasturini hamda Namangan viloyatidagi kichik sanoat zonalarini rivojlantirishni moliyalashtirishga doir qoʻshimcha chora-tadbirlar toʻgʻrisida”gi PQ-4782-son qaroriga muvofiq, Namangan viloyatidagi kichik sanoat zonalari faoliyatini yanada rivojlantirish uchun Tiklanish va taraqqiyot jamgʻarmasidan ajratilgan 50 million AQSH dollari miqdoridagi mablagʻlarning iqtisod qilingan qismi Namangan viloyatining ijtimoiy va muhandislik infratuzilmasini hamda jamoat obyektlarini barpo etish va taʼmirlash uchun yoʻnaltiriladi.

9. Namangan viloyati hokimligi ikki oy muddatda:

Kadastr agentligi, Qishloq xoʻjaligi vazirligi, Qurilish vazirligi hamda Iqtisodiy taraqqiyot va kambagʻallikni qisqartirish vazirligi bilan birgalikda Yangi Namangan shaharchasi barpo etilishi munosabati bilan Toʻraqoʻrgʻon tumanidan zarur yer maydonini Namangan shahri Davlatobod tumani tarkibiga oʻtkazish yuzasidan Oliy Majlis palatalarining qarorlari loyihalarini belgilangan tartibda Vazirlar Mahkamasiga kiritsin;

manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

10. Ushbu qaror ijrosini samarali tashkil qilishga masʼul va shaxsiy javobgar etib Namangan viloyati hokimi Sh.Sh. Abdurazakov belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Amalga oshirilayotgan chora-tadbirlar toʻgʻrisida har olti oyda Oʻzbekiston Respublikasi Prezidentiga axborot kiritib borilsin.

Oʻzbekiston Respublikasi Prezidentining 2022-yil 11-martdagi PQ-160-son qaroriga 1-ILOVA

Yangi Namangan shaharchasiga ajratiladigan yer maydonlari toʻgʻrisida

T/r Yerdan foydalanuvchilar turi Foydalanuvchilar soni Kontur soni Jami yer maydoni (gektar) shundan: Jami qishloq xoʻjaligi yerlari shu jumladan Boshqa toifadagi yerlar sugʻoriladigan yerlar sugʻorilmaydigan yerlar 1. Fermer xoʻjaliklari va boshqa qishloq xoʻjaligi korxonalari yerlari 21 49 263,2 263,2 221,15 42,05 2. Namangan ilmiy-tajriba stansiyasining yerlari 1 14 128,88 128,88 119,3 9,58 3. Xususiy bogʻ maydonlari va tomorqa dalalari 80 26 59,43 59,43 38,86 20,57 4. Yordamchi xoʻjaliklar va issiqxonalar 29 36 56,89 56,89 56,89 5. “Namangan” EIZ yerlari 1 24 199,8 199,8 6. “Yuksalish” massivi yerlari 1 30 390 390 7. Mahalliy hokimiyat zaxirasidagi yerlar 1 37 36 36 8. Kanallar va umumfoydalanishdagi yoʻllarga ajratilgan yerlar 16 43 68,8 68,8 Jami: 150 259 1203 508,4 436,2 72,2 694,6

Oʻzbekiston Respublikasi Prezidentining 2022-yil 11-martdagi PQ-160-son qaroriga 2-ILOVA

“Yangi Namangan shaharchasi” zamonaviy ishbilarmonlik markazi va turar joylar kompleksini barpo etish uchun toifasi oʻzgartirilayotgan qishloq xoʻjaligiga moʻljallangan yer maydonlari

T/r Hudud nomi Mavze nomi Dala kontur raqami Yer maydoni (ga) shundan: sugʻoriladigan koʻp yillik daraxtzorlar boshqa yerlar Jami 508,4 436,2 20,8 51,4 1. Toʻraqoʻrgʻon tumani Ibrat 219, 225, 253, 255, 246, 247, 269, 270, 271, 272, 317, 318, 319, 320, 323, 329, 330, 334, 331, 332, 333, 335, 336, 337, 371, 372, 373, 239, 240, 241, 322, 243, 245, 316 276,02 266,15 3 6,87 2. Davlatobod tumani Ibrat 379, 374, 375, 377, 328, 376 43,93 39,69 2 2,24 3. Obodon 1016, 1071, 985, 997, 998, 999, 1000, 1013, 1014, 1001, 1005, 1060, 1007, 1008, 1009, 1010, 1015, 1002, 1003, 993, 1012, 1070, 987, 1012, 1069, 986, 972, 974, 1006 181,36 124,71 15 41,65 4. Ijodkor 20, 16, 19, 2, 3, 4, 6, 7, 12, 13, 14, 20, 1 7,09 5,65 0,8 0,64

Oʻzbekiston Respublikasi Prezidentining 2022-yil 11-martdagi PQ-160-son qaroriga 3-ILOVA

“Yangi Namangan shaharchasi” zamonaviy ishbilarmonlik markazi va turar joylar kompleksini barpo etish ishlarini muvofiqlashtirish va investitsiya loyihalarini koʻrib chiqish boʻyicha ishchi guruhi

1. Sh. Abdurazakov — Namangan viloyati hokimi, Ishchi guruhi rahbari 2. D. Adilov — qurilish vazirining birinchi oʻrinbosari, Ishchi guruhi rahbari oʻrinbosari 3. A. Voitov — investitsiyalar va tashqi savdo vazirining birinchi oʻrinbosari 4. A. Boboyev — iqtisodiy taraqqiyot va kambagʻallikni qisqartirish vaziri oʻrinbosari 5. J. Abruyev — moliya vaziri oʻrinbosari 6. A. Allaberganov — Kadastr agentligi direktori oʻrinbosari 7. T. Yusupov — Namangan viloyati hokimining birinchi oʻrinbosari 8. S. Sultanov — Namangan viloyati hokimi oʻrinbosari 9. Gʻ. Jamolov — Namangan shahar hokimi 10. Lavozimiga koʻra — Toʻraqoʻrgʻon tumani hokimi 11. A. Tadjimirzayev — Namangan shahri Davlatobod tumani hokimi 12. J. Aliyev — Markaziy bankning Namangan viloyati bosh boshqarmasi boshligʻi 13. X. Sabirov — Namangan viloyati adliya boshqarmasi boshligʻi 14. A. Tillavoldiyev — Namangan viloyati davlat soliq boshqarmasi boshligʻi 15. B. Matmusayev — Davlat aktivlarini boshqarish agentligining Namangan viloyati boshqarmasi boshligʻi 16. Lavozimiga koʻra — Namangan viloyati hokimligi huzuridagi “Yangi Namangan shaharchasi” zamonaviy ishbilarmonlik markazi va turar joylar kompleksini barpo etish” direksiyasi rahbari

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 11-mart,

PQ-160-son

(Qonunchilik maʼlumotlari milliy bazasi, 12.03.2022-y., 07/22/160/0212-son)

lex.uz

Президента Республики Узбекистан

Постановление

СВЕДЕНИЯ

ПЕРЕЧЕНЬ

СОСТАВ

О мерах по строительству современного делового центра и жилого комплекса «Янги Наманган шахарчаси» в городе Намангане

В целях дальнейшего улучшения архитектурного облика и благоустройства города Намангана, повышения его привлекательности для зарубежных и отечественных инвесторов, эффективного использования туристского потенциала, обеспечения опережающего развития современной деловой, финансовой и туристской инфраструктуры города, а также увеличения видов и повышения качества сервисных услуг:

1. Одобрить предложения хокимията Наманганской области, Министерства экономического развития и сокращения бедности, а также Министерства инвестиций и внешней торговли о:

строительстве современного делового центра и жилого комплекса «Янги Наманган шахарчаси» (далее — «Янги Наманган шахарчаси») на территории Давлатабадского и Туракурганского районов города Намангана;

переименовании Дирекции «Namangan New City» при хокимияте Наманганской области в Дирекцию по строительству современного делового центра и жилого комплекса «Янги Наманган шахарчаси» при хокимияте Наманганской области (далее — Дирекция).

2. Установить, что:

а) строительство «Янги Наманган шахарчаси» ведется на прилегающих территориях махаллей «Юксалиш» и «Орзу» Давлатабадского района и махаллей «Еттикон», «Ибрат» и «Парасмон» Туракурганского района города Намангана на земельной площади в общей сложности 1 203 гектара согласно приложению № 1 , с поэтапным освоением:

на I этапе — 330 гектаров;

на II этапе — 272 гектаров, из них сельскохозяйственного назначения — 129,57 гектара;

на III этапе — 601 гектара, из них сельскохозяйственного назначения — 378,83 гектара;

б) каждый этап реализуется после завершения предыдущего этапа и освоения земельной площади в порядке, установленном генеральным планом;

в) изъятие земельных участков под строительство «Янги Наманган шахарчаси» для общественных нужд в установленном порядке осуществляется до начала соответствующего этапа строительства;

г) в соответствии с генеральным планом земельные участки общего пользования на территории «Янги Наманган шахарчаси» выделяются Дирекции под строительство объектов инфраструктуры и социального назначения с правом постоянного пользования, земельные участки, предназначенные для осуществления предпринимательской и градостроительной деятельности, включая строительство многоквартирных жилых домов, производственных, торговых объектов и объектов оказания услуг, — подлежат реализации в установленном порядке посредством электронного онлайн-аукциона.

3. Принять заключение Кабинета Министров, хокимията Наманганской области, Министерства сельского хозяйства и Министерства водного хозяйства о переводе из 1 203 гектаров земельной площади планируемого строительства «Янги Наманган шахарчаси», в общей сложности 508,4 гектара сельскохозяйственных, из них 436,2 гектара орошаемых земельных участков, в категорию земель несельскохозяйственного назначения населенных пунктов согласно приложению № 2 .

Агентству по кадастру обеспечить внесение изменения в категорию земельного фонда земельных участков, предусмотренных в настоящем пункте, а также регистрацию внесенного изменения в данные государственного земельного кадастра перед изъятием указанных участков в установленном порядке для общественных нужд, выделением Дирекции с правом постоянного пользования или выставлением их на электронный онлайн-аукцион.

4. Определить, что:

земельные участки, предназначенные для строительства «Янги Наманган шахарчаси», используются в иных целях после полного возмещения ущерба, причиненного физическим и юридическим лицам в связи с их изъятием для общественных нужд в порядке, установленном актами законодательства;

в связи с изъятием данных земель сельскохозяйственного назначения на основании настоящего постановления компенсационные выплаты по возмещению потерь сельскохозяйственного и лесохозяйственного производства не взыскиваются. При этом на хокима Наманганской области Абдуразакова Ш.Ш. возлагается персональная ответственность за целевое использование указанных земель;

поступления от реализации на электронном онлайн-аукционе земельных участков на территории «Янги Наманган шахарчаси» перечисляются Дирекции (за вычетом расходов, установленных в постановлении Кабинета Министров) и расходуются на строительство «Янги Наманган шахарчаси».

5. Хокимияту Наманганской области:

в срок до 1 января 2024 года обеспечить освоение новых земель соразмерно площади орошаемых земельных участков, категория которых в соответствии с настоящим постановлением подлежит изменению, в равных долях — к окончанию каждого года, в целях предупреждения сокращения земельных участков сельскохозяйственного назначения;

в двухмесячный срок совместно с Министерством сельского хозяйства внести в Кабинет Министров предложение о выделении в установленном порядке Наманганской научно-опытной станции Научно-исследовательского института селекции, семеноводства и агротехнологии выращивания хлопка земельной площади на другой территории взамен земельной площади, изымаемой у нее в соответствии с настоящим постановлением.

Определить, что освоение в соответствии с настоящим пунктом новых земель подтверждается путем внесения изменения в данные государственного земельного кадастра на основании решения хокима Наманганской области о переводе категории земельного фонда освоенных земельных участков в категорию орошаемых земель.

6. Создать Рабочую группу по координации работы по строительству современного делового центра и жилого комплекса «Янги Наманган шахарчаси» и рассмотрению инвестиционных проектов в составе согласно приложению № 3 и определить ее основными задачами:

рассмотрение проектов генерального плана и детальной планировки территорий «Янги Наманган шахарчаси»;

реализацию комплекса мер по строительству «Янги Наманган шахарчаси» на основе утвержденной градостроительной документации, осуществление координации и контроля за деятельностью Дирекции;

осуществление координации работы компетентных организаций по подведению наружных инженерно-коммуникационных сетей;

обеспечение осуществления государственных и корпоративных закупок на основе принципов открытости и прозрачности, а также их контроля;

организацию строительства «Янги Наманган шахарчаси» и работ по эффективному размещению, проектированию и строительству многоквартирных жилых домов, объектов дорожно-транспортной, инженерно-коммуникационной, социальной и рыночной инфраструктуры на территории;

осуществление координации проектно-изыскательских и строительных работ;

обеспечение привлечения квалифицированных зарубежных специалистов и консультантов к работам по проектированию и строительству многоквартирных жилых домов, объектов дорожно-транспортной, инженерно-коммуникационной, социальной и рыночной инфраструктуры, а также внедрение передовых зарубежных технологий.

7. Определить источниками финансирования строительства «Янги Наманган шахарчаси»:

средства местного бюджета Наманганской области, средства Дирекции и иные источники, не запрещенные актами законодательства, — для контроля и управления работами по проектированию и строительству «Янги Наманган шахарчаси»;

средства, выделяемые из республиканского бюджета Республики Узбекистан, средства местного бюджета Наманганской области, средства Фонда развития инфраструктуры предпринимательства при хокимияте Наманганской области, средства Дирекции и иные источники, не запрещенные актами законодательства, — для строительства объектов социальной сферы, внешних автомобильных дорог, сетей питьевого водоснабжения и канализации. При этом при строительстве объектов социальной сферы на основе государственно-частного партнерства финансирование производится в соответствии с соглашением о государственно-частном партнерстве;

средства, предусмотренные в пункте 2 постановления Президента Республики Узбекистан от 18 декабря 2020 года № ПП-4929 «О мерах по дальнейшему развитию инженерно-коммуникационной инфраструктуры в регионах», — для строительства наружных сетей электрической энергии и природного газа;

средства и дополнительные источники местного бюджета Наманганской области, средства субъектов предпринимательства и кредиты коммерческих банков — для благоустройства и озеленения территорий;

средства субъектов предпринимательства и кредиты коммерческих банков — для строительства многоквартирных жилых домов, объектов рыночной инфраструктуры и социальной сферы.

8. Установить, что часть средств, сэкономленная из 50 миллионов долларов США, выделенных из Фонда реконструкции и развития для дальнейшего развития малых промышленных зон Наманганской области в соответствии с постановлением Президента Республики Узбекистан от 14 июля 2020 года № ПП-4782 «О дополнительных мерах по финансированию программы «Каждая семья — предприниматель» и развития малых промышленных зон в Наманганской области», направляется на строительство и ремонт социальной и инженерной инфраструктуры, а также объектов общественного назначения Наманганской области.

9. Хокимияту Наманганской области в двухмесячный срок:

совместно с Агентством по кадастру, Министерством сельского хозяйства, Министерством строительства, Министерством экономического развития и сокращения бедности внести в установленном порядке в Кабинет Министров проекты решений палат Олий Мажлиса о передаче необходимой земельной площади Туракурганского района в состав Давлатабадского района города Намангана в связи со строительством «Янги Наманган шахарчаси»;

совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.

10. Возложить на хокима Наманганской области Ш.Ш. Абдуразакова персональную ответственность за эффективную организацию исполнения настоящего постановления.

Обсуждение хода реализации настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

Информацию по осуществляемым мерам представлять Президенту Республики Узбекистан каждые шесть месяцев.

ПРИЛОЖЕНИЕ № 1 к постановлению Президента Республики Узбекистан от 11 марта 2022 года № ПП-160

о земельных площадях, выделяемых для «Янги Наманган шахарчаси»

№ Тип землепользователей Количество пользователей Количество контуров Общая земельная площадь (гектар) из них Всего сельхоз земли В том числе Земли иной категории орошаемые земли неорошаемые земли 1. Земли фермерских хозяйств и иных сельскохозяйственных предприятий 21 49 263,2 263,2 221,15 42,05 2. Земли Наманганской научно-опытной станции 1 14 128,88 128,88 119,3 9,58 3. Частные садовые площади и приусадебные земли 80 26 59,43 59,43 38,86 20,57 4. Подсобные хозяйства и теплицы 29 36 56,89 56,89 56,89 5. Земли СЭЗ «Наманган» 1 24 199,8 199,8 6. Земли массива «Юксалиш» 1 30 390 390 7. Земли муниципального резерва 1 37 36 36 8. Земли, отведенные под каналы и дороги общего пользования 16 43 68,8 68,8 Всего: 150 259 1203 508,4 436,2 72,2 694,6

ПРИЛОЖЕНИЕ № 2 к постановлению Президента Республики Узбекистан от 11 марта 2022 года № ПП-160

земельных площадей сельскохозяйственного назначения, категория которых меняется для строительства современного делового центра и жилого комплекса «Янги Наманган шахарчаси»

№ Наименование региона Наименование массива Номер контура поля Земельная площадь (га) из них: орошаемая многолетние садовые насаждения иные земли Всего: 508,4 436,2 20,8 51,4 1. Туракурганский район Ибрат 219, 225, 253, 255, 246, 247, 269, 270, 271, 272, 317, 318, 319, 320, 323, 329, 330, 334, 331, 332, 333, 335, 336, 337, 371, 372, 373, 239, 240, 241, 322, 243, 245, 316 276,02 266,15 3 6,87 2. Давлатабадский район Ибрат 379, 374, 375, 377, 328, 376 43,93 39,69 2 2,24 3. Ободон 1016, 1071, 985, 997, 998, 999, 1000, 1013, 1014, 1001, 1005, 1060, 1007, 1008, 1009, 1010, 1015, 1002, 1003, 993, 1012, 1070, 987, 1012, 1069, 986, 972, 974, 1006 181,36 124,71 15 41,65 4. Ижодкор 20, 16, 19, 2, 3, 4, 6, 7, 12, 13, 14, 20, 1 7,09 5,65 0,8 0,64

ПРИЛОЖЕНИЕ № 3 к постановлению Президента Республики Узбекистан от 11 марта 2022 года № ПП-160

Рабочей группы по координации работы по строительству современного делового центра и жилого комплекса «Янги Наманган шахарчаси» и рассмотрению инвестиционных проектов

1. Ш. Абдуразаков — хоким Наманганской области, руководитель Рабочей группы 2. Д. Адилов — первый заместитель министра строительства, заместитель руководителя Рабочей группы 3. А. Воитов — первый заместитель министра инвестиций и внешней торговли 4. А. Бобоев — заместитель министра экономического развития и сокращения бедности 5. Ж. Абруев — заместитель министра финансов 6. А. Аллаберганов — заместитель директора Агентства по кадастру 7. Т. Юсупов — первый заместитель хокима Наманганской области 8. С. Султанов — заместитель хокима Наманганской области 9. Г. Жамолов — хоким города Намангана 10. По должности — хоким Туракурганского района 11. А. Таджимирзаев — хоким Давлатабадского района города Намангана 12. Ж. Алиев — начальник главного управления Центрального банка по Наманганской области 13. Х. Сабиров — начальник Управления юстиции Наманганской области 14. А. Тиллаволдиев — начальник Государственного налогового управления Наманганской области 15. Б. Матмусаев — начальник Наманганского областного управления Агентства по управлению государственными активами 16. По должности — руководитель Дирекции по строительству современного делового центра и жилого комплекса «Янги Наманган шахарчаси» при хокимияте Наманганской области

Президент Республики Узбекистан Ш. МИРЗИЁЕВ

г. Ташкент,

11 марта 2022 г.,

№ ПП-160

(Национальная база данных законодательства, 12.03.2022 г., № 07/22/160/0212)

lex.uz