📅 2022-yil 14-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 14 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 марта 2022 г. · Постановления Президента
Официальный текст. Официальный документ. Редакционные примечания не включены.
📅 14 March 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Баҳодир Жалолов номидаги боксга ихтисослаштирилган спорт мактабини ташкил этиш чора-тадбирлари тўғрисида
Ўзбекистон Республикаси Президентининг 2021 йил 5 ноябрдаги «Спорт-таълим муассасалари фаолиятини 2025 йилгача ривожлантириш дастури тўғрисида»ги ПҚ-5280-сон қарори ҳамда Ўзбекистон Республикаси Президентининг 2021 йил 29 апрелдаги ПҚ-5099-сон қарори билан тасдиқланган Боксни 2025 йилгача ривожлантириш концепциясига мувофиқ, шунингдек, иқтидорли спортчиларни профессионал боксчилар сифатида тайёрлаш, Олимпия ўйинларида ғолиб ва совриндор бўлган спортчиларимиз фаолиятини кенг тарғиб этиш мақсадида:
1. Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги тизимида Баҳодир Жалолов номидаги боксга ихтисослаштирилган спорт мактаби (кейинги ўринларда — бокс мактаби) ташкил этилсин.
2. Қуйидагилар бокс мактабининг асосий вазифалари этиб белгилансин:
зарур спорт анжомлари ва ускуналари билан жиҳозланган, замонавий халқаро талаблар ва стандартларга жавоб берадиган моддий-техника ҳамда ўқув-машғулот базаларини яратиш ва турли даражадаги халқаро ва минтақавий мусобақаларда — Олимпия ва Осиё ўйинлари, жаҳон ва Осиё чемпионатлари, универсиадалар ҳамда бошқаларда Ўзбекистоннинг шарафини муносиб ҳимоя қилишга қодир бўлган халқаро даражадаги боксчиларни тайёрлаш;
халқаро даражадаги боксчиларни тайёрлаш учун юқори малакали мутахассис-тренерлар, психологлар ва услубчиларни, шу жумладан хорижий мамлакатлардан етакчи мутахассисларни кенг жалб этиш орқали бокс бўйича тренерлар таркибини мустаҳкамлаш;
боксчиларнинг ўқув-машғулот жараёнини халқаро стандартлар даражасида ташкил этиш, илғор тажрибани ҳисобга олган ҳолда, ўқув-машқ жараёнларига энг янги илмий-услубий технологияларни жорий этиш йўли билан уларни назарий ва техник-тактик жиҳатдан тайёрлаш сифатини мунтазам ошириб бориш;
боксчиларнинг профессионал фазилатларини ривожлантириш, шунингдек, боксни ривожлантиришнинг халқаро талабларига мувофиқ ҳолда Ўзбекистон миллий терма жамоаларига юқори маҳоратли боксчиларни тайёрлаш;
ёш истиқболли боксчиларни танлаш ва тарбиялаш масалалари бўйича спорт мактаблари, ихтисослаштирилган спорт мактаблари, олимпия ва миллий спорт турларига ихтисослаштирилган давлат мактаб-интернатлари, олимпия ва паралимпия спорт турларига тайёрлаш марказлари, бокс бўйича олий спорт маҳорати мактаблари, спорт яккакурашлари бўйича Республика олий спорт маҳорати мактаби ва бошқа спорт-таълим муассасалари билан узлуксиз ҳамкорликни амалга ошириш;
бокс бўйича миллий терма жамоалар ва уларнинг захиралари иштирокида ўқув-машқ йиғинлари, республика ва минтақавий спорт мусобақаларини ташкил этиш ҳамда мунтазам равишда ўтказиб бориш, тренерлар ҳамда боксчиларнинг касб маҳорати даражасини ошириш учун тажриба алмашиш бўйича хорижий бокс мактаблари, клублари ва марказлари билан ҳамкорликни ривожлантириш.
3. Белгилаб қўйилсинки:
бокс мактаби ўз фаолиятини Вазирлар Маҳкамасининг 2018 йил 2 июндаги «Спорт турлари бўйича ихтисослаштирилган давлат мактаб-интернатлари фаолиятини такомиллаштириш тўғрисида»ги 410-сон қарорида белгиланган тартибга мувофиқ амалга оширади, шу жумладан юридик шахс мақомига эга бўлган ихтисослаштирилган умумтаълим давлат спорт-таълим муассасаси ҳисобланади;
бокс мактаби ўз фаолиятини 2022/2023 ўқув йилидан бошлайди;
бокс мактаби ўқувчиларининг умумий контингенти жами 168 нафарни ташкил этиб, улар 5 — 11-синф ўқувчиларидан иборат бўлади;
бокс мактаби ўқувчиларини умумтаълим дастурлари бўйича ўқитиш уларга энг яқин жойлашган умумий ўрта таълим мактабларида амалга оширилади;
бокс мактаби ўқувчиларини яшаш учун жиҳозлар, спорт кийим-боши ва анжомлари, форма билан таъминлашда олий маҳорат спорт мактабларининг нормативлари татбиқ этилади;
бокс мактаби ўқувчиларини текин (имтиёзли) овқатлантириш харажатларини қисман қоплаш учун ота-оналар тўлови ундирилмайди ҳамда ўқувчилар тўлиқ Давлат бюджети маблағлари ҳисобидан озиқ-овқат билан таъминланади;
бокс мактаби директори, унинг ўринбосарлари, педагог ходимлар, тренер-ўқитувчилар, йўриқчи-услубчилар, тарбиячилар меҳнатига ҳақ тўлаш ҳамда мактаб директорининг маънавий-маърифий ишлар бўйича ўринбосари, педагог ходимлар ва тарбиячилар меҳнатини рағбатлантириш Вазирлар Маҳкамасининг 2005 йил 21 декабрдаги «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида»ги 275-сон қарорига мувофиқ
бокс мактаби директори, унинг ўқув ва спорт ишлари бўйича ўринбосари, тренер-ўқитувчилар, йўриқчи-услубчилар, тиббиёт ходимлари меҳнатини рағбатлантириш Вазирлар Маҳкамасининг 2010 йил 23 сентябрдаги «Спорт мактаблари фаолиятини ҳамда спорт мактаблари тренерлари ва мутахассислари меҳнатини моддий рағбатлантириш тизимини янада такомиллаштириш тўғрисида»ги 211-сон қарорига мувофиқ;
бокс мактаби тиббиёт ходимлари меҳнатига ҳақ тўлаш Вазирлар Маҳкамасининг 2005 йил 21 декабрдаги «Тиббиёт ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида»ги 276-сон қарорига мувофиқ амалга оширилади.
4. Қуйидагилар бокс мактабини молиялаштириш манбалари этиб белгилансин:
Давлат бюджети маблағлари;
фаолият ихтисослиги бўйича товарларни (ишларни, хизматларни) реализация қилишдан ва мактабнинг уставидаги вазифаларга мувофиқ бўлган бошқа фаолият турларидан олинган даромадлар;
асосий машғулотлар ўтказилмайдиган вақтда бўш турган мол-мулкни ижарага беришдан тушган даромадлар;
юридик ва жисмоний шахсларнинг ҳомийлик хайриялари;
Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлигининг Иқтидорли ёшларни қўллаб-қувватлаш жамғармаси маблағлари;
қонунчилик ҳужжатларида тақиқланмаган бошқа манбалар.
5. Спорт вазирлиги (А. Икрамов):
а) уч ой муддатда:
бокс мактабининг уставини тасдиқлаш, шунингдек, уни белгиланган тартибда давлат рўйхатидан ўтказиш;
бокс мактабини замонавий педагогик технологияларни эгаллаган малакали педагог кадрлар ҳамда тренерлар билан босқичма-босқич тўлдириш чораларини кўрсин;
б) Ўзбекистон Миллий олимпия қўмитаси ва Ўзбекистон бокс федерацияси билан биргаликда бокс мактабида спортчиларни тайёрлаш сифати юзасидан доимий давлат назоратини амалга оширсин;
в) Бандлик ва меҳнат муносабатлари вазирлиги ҳамда Молия вазирлиги билан биргаликда бокс мактабининг бошқарув, техник, хизмат кўрсатувчи ва ўқув-ёрдамчи ходимларининг штат жадвалини ишлаб чиқсин ва тасдиқласин;
г) Мактабгача ва мактаб таълими вазирлиги билан биргаликда умумий ўрта таълим мактабларининг ўқувчиларини бокс мактабида шуғулланиш учун жалб этиш чораларини кўрсин.
6. Ёшлар сиёсати ва спорт вазирлиги, Ўзбекистон Миллий олимпия қўмитаси, Қурилиш ва уй-жой коммунал хўжалиги вазирлиги ва Тошкент шаҳар ҳокимлиги 2022 йил 1 августга қадар Тошкент шаҳар, Юнусобод тумани, 9-мавзеда жойлашган 259-сон умумий ўрта таълим мактаби ҳудудида замонавий бокс мактаби ташкил этилишини ва 2023 йил якунига қадар тўлиқ жиҳозланишини таъминласин
Бокс мактабини ташкил этиш ва жиҳозлаш учун Давлат бюджетидан жами 25 миллиард сўм йўналтирилсин.
Вазирлар Маҳкамаси Ёшлар сиёсати ва спорт, Иқтисодиёт ва молия вазирликлари билан биргаликда мазкур банд талабларидан келиб чиқиб 2022 — 2024 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурининг тегишли параметрларини қайта кўриб чиқсин.
7. Қурилиш вазирлиги (Б. Закиров) бокс мактабининг лойиҳа ҳужжатлари ишлаб чиқилишида энг мақбул меъморий ҳамда техник ечимлар қўлланилишини, мактабни инновацион технологияларга асосланган, арзон, энергия тежамкор ва тез барпо этиладиган енгил конструкция ва материаллардан қуриш, шинамлик ва экологик хавфсизлик талабларига мувофиқлик юзасидан лойиҳа-смета ҳужжатларини комплекс экспертизадан ўтказишни таъминласин ва қурилиш-монтаж ишларининг сифатли бажарилиши устидан доимий давлат архитектура-қурилиш назоратини ўрнатсин.
8. Молия вазирлиги бокс мактаби фаолиятини сақлаш билан боғлиқ зарур маблағларни 2022 йил республика бюджетида кўзда тутилган маблағлар доирасида, 2023 йилдан бошлаб эса Давлат бюджети параметрларида назарда тутишни таъминласин.
9. Спортни ривожлантириш вазирлиги манфаатдор вазирлик ва идоралар билан биргаликда бир ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини самарали ташкил қилишга масъул ва шахсий жавобгар этиб ёшлар сиёсати ва спорт вазири А.И. Икрамов ҳамда Тошкент шаҳар ҳокими в.б. Ш.Б. Умурзаков белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг маслаҳатчиси К.К. Куранбаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 14 март,
ПҚ-162-сон
Oʻzbekiston Respublikasi Prezidentining
Qarori
Bahodir Jalolov nomidagi boksga ixtisoslashtirilgan sport maktabini tashkil etish chora-tadbirlari toʻgʻrisida
Oʻzbekiston Respublikasi Prezidentining 2021-yil 5-noyabrdagi “Sport-taʼlim muassasalari faoliyatini 2025-yilgacha rivojlantirish dasturi toʻgʻrisida”gi PQ-5280-son qarori hamda Oʻzbekiston Respublikasi Prezidentining 2021-yil 29-apreldagi PQ-5099-son qarori bilan tasdiqlangan Boksni 2025-yilgacha rivojlantirish konsepsiyasiga muvofiq, shuningdek, iqtidorli sportchilarni professional bokschilar sifatida tayyorlash, Olimpiya oʻyinlarida gʻolib va sovrindor boʻlgan sportchilarimiz faoliyatini keng targʻib etish maqsadida:
1. Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi tizimida Bahodir Jalolov nomidagi boksga ixtisoslashtirilgan sport maktabi (keyingi oʻrinlarda — boks maktabi) tashkil etilsin.
2. Quyidagilar boks maktabining asosiy vazifalari etib belgilansin:
zarur sport anjomlari va uskunalari bilan jihozlangan, zamonaviy xalqaro talablar va standartlarga javob beradigan moddiy-texnika hamda oʻquv-mashgʻulot bazalarini yaratish va turli darajadagi xalqaro va mintaqaviy musobaqalarda — Olimpiya va Osiyo oʻyinlari, jahon va Osiyo chempionatlari, universiadalar hamda boshqalarda Oʻzbekistonning sharafini munosib himoya qilishga qodir boʻlgan xalqaro darajadagi bokschilarni tayyorlash;
xalqaro darajadagi bokschilarni tayyorlash uchun yuqori malakali mutaxassis-trenerlar, psixologlar va uslubchilarni, shu jumladan xorijiy mamlakatlardan yetakchi mutaxassislarni keng jalb etish orqali boks boʻyicha trenerlar tarkibini mustahkamlash;
bokschilarning oʻquv-mashgʻulot jarayonini xalqaro standartlar darajasida tashkil etish, ilgʻor tajribani hisobga olgan holda, oʻquv-mashq jarayonlariga eng yangi ilmiy-uslubiy texnologiyalarni joriy etish yoʻli bilan ularni nazariy va texnik-taktik jihatdan tayyorlash sifatini muntazam oshirib borish;
bokschilarning professional fazilatlarini rivojlantirish, shuningdek, boksni rivojlantirishning xalqaro talablariga muvofiq holda Oʻzbekiston milliy terma jamoalariga yuqori mahoratli bokschilarni tayyorlash;
yosh istiqbolli bokschilarni tanlash va tarbiyalash masalalari boʻyicha sport maktablari, ixtisoslashtirilgan sport maktablari, olimpiya va milliy sport turlariga ixtisoslashtirilgan davlat maktab-internatlari, olimpiya va paralimpiya sport turlariga tayyorlash markazlari, boks boʻyicha oliy sport mahorati maktablari, sport yakkakurashlari boʻyicha Respublika oliy sport mahorati maktabi va boshqa sport-taʼlim muassasalari bilan uzluksiz hamkorlikni amalga oshirish;
boks boʻyicha milliy terma jamoalar va ularning zaxiralari ishtirokida oʻquv-mashq yigʻinlari, respublika va mintaqaviy sport musobaqalarini tashkil etish hamda muntazam ravishda oʻtkazib borish, trenerlar hamda bokschilarning kasb mahorati darajasini oshirish uchun tajriba almashish boʻyicha xorijiy boks maktablari, klublari va markazlari bilan hamkorlikni rivojlantirish.
3. Belgilab qoʻyilsinki:
boks maktabi oʻz faoliyatini Vazirlar Mahkamasining 2018-yil 2-iyundagi “Sport turlari boʻyicha ixtisoslashtirilgan davlat maktab-internatlari faoliyatini takomillashtirish toʻgʻrisida”gi 410-son qarorida belgilangan tartibga muvofiq amalga oshiradi, shu jumladan yuridik shaxs maqomiga ega boʻlgan ixtisoslashtirilgan umumtaʼlim davlat sport-taʼlim muassasasi hisoblanadi;
boks maktabi oʻz faoliyatini 2022/2023 oʻquv yilidan boshlaydi;
boks maktabi oʻquvchilarining umumiy kontingenti jami 168 nafarni tashkil etib, ular 5 — 11-sinf oʻquvchilaridan iborat boʻladi;
boks maktabi oʻquvchilarini umumtaʼlim dasturlari boʻyicha oʻqitish ularga eng yaqin joylashgan umumiy oʻrta taʼlim maktablarida amalga oshiriladi;
boks maktabi oʻquvchilarini yashash uchun jihozlar, sport kiyim-boshi va anjomlari, forma bilan taʼminlashda oliy mahorat sport maktablarining normativlari tatbiq etiladi;
boks maktabi oʻquvchilarini tekin (imtiyozli) ovqatlantirish xarajatlarini qisman qoplash uchun ota-onalar toʻlovi undirilmaydi hamda oʻquvchilar toʻliq Davlat budjeti mablagʻlari hisobidan oziq-ovqat bilan taʼminlanadi;
boks maktabi direktori, uning oʻrinbosarlari, pedagog xodimlar, trener-oʻqituvchilar, yoʻriqchi-uslubchilar, tarbiyachilar mehnatiga haq toʻlash hamda maktab direktorining maʼnaviy-maʼrifiy ishlar boʻyicha oʻrinbosari, pedagog xodimlar va tarbiyachilar mehnatini ragʻbatlantirish Vazirlar Mahkamasining 2005-yil 21-dekabrdagi “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi 275-son qaroriga muvofiq
boks maktabi direktori, uning oʻquv va sport ishlari boʻyicha oʻrinbosari, trener-oʻqituvchilar, yoʻriqchi-uslubchilar, tibbiyot xodimlari mehnatini ragʻbatlantirish Vazirlar Mahkamasining 2010-yil 23-sentabrdagi “Sport maktablari faoliyatini hamda sport maktablari trenerlari va mutaxassislari mehnatini moddiy ragʻbatlantirish tizimini yanada takomillashtirish toʻgʻrisida”gi 211-son qaroriga muvofiq;
boks maktabi tibbiyot xodimlari mehnatiga haq toʻlash Vazirlar Mahkamasining 2005-yil 21-dekabrdagi “Tibbiyot xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi 276-son qaroriga muvofiq amalga oshiriladi.
4. Quyidagilar boks maktabini moliyalashtirish manbalari etib belgilansin:
Davlat budjeti mablagʻlari;
faoliyat ixtisosligi boʻyicha tovarlarni (ishlarni, xizmatlarni) realizatsiya qilishdan va maktabning ustavidagi vazifalarga muvofiq boʻlgan boshqa faoliyat turlaridan olingan daromadlar;
asosiy mashgʻulotlar oʻtkazilmaydigan vaqtda boʻsh turgan mol-mulkni ijaraga berishdan tushgan daromadlar;
yuridik va jismoniy shaxslarning homiylik xayriyalari;
Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligining Iqtidorli yoshlarni qoʻllab-quvvatlash jamgʻarmasi mablagʻlari;
qonunchilik hujjatlarida taqiqlanmagan boshqa manbalar.
5. Sport vazirligi (A. Ikramov):
a) uch oy muddatda:
boks maktabining ustavini tasdiqlash, shuningdek, uni belgilangan tartibda davlat roʻyxatidan oʻtkazish;
boks maktabini zamonaviy pedagogik texnologiyalarni egallagan malakali pedagog kadrlar hamda trenerlar bilan bosqichma-bosqich toʻldirish choralarini koʻrsin;
b) Oʻzbekiston Milliy olimpiya qoʻmitasi va Oʻzbekiston boks federatsiyasi bilan birgalikda boks maktabida sportchilarni tayyorlash sifati yuzasidan doimiy davlat nazoratini amalga oshirsin;
v) Bandlik va mehnat munosabatlari vazirligi hamda Moliya vazirligi bilan birgalikda boks maktabining boshqaruv, texnik, xizmat koʻrsatuvchi va oʻquv-yordamchi xodimlarining shtat jadvalini ishlab chiqsin va tasdiqlasin;
g) Maktabgacha va maktab taʼlimi vazirligi bilan birgalikda umumiy oʻrta taʼlim maktablarining oʻquvchilarini boks maktabida shugʻullanish uchun jalb etish choralarini koʻrsin.
6. Yoshlar siyosati va sport vazirligi, Oʻzbekiston Milliy olimpiya qoʻmitasi, Qurilish va uy-joy kommunal xoʻjaligi vazirligi va Toshkent shahar hokimligi 2022-yil 1-avgustga qadar Toshkent shahar, Yunusobod tumani, 9-mavzeda joylashgan 259-son umumiy oʻrta taʼlim maktabi hududida zamonaviy boks maktabi tashkil etilishini va 2023-yil yakuniga qadar toʻliq jihozlanishini taʼminlasin
Boks maktabini tashkil etish va jihozlash uchun Davlat budjetidan jami 25 milliard soʻm yoʻnaltirilsin.
Vazirlar Mahkamasi Yoshlar siyosati va sport, Iqtisodiyot va moliya vazirliklari bilan birgalikda mazkur band talablaridan kelib chiqib 2022 — 2024-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturining tegishli parametrlarini qayta koʻrib chiqsin.
7. Qurilish vazirligi (B. Zakirov) boks maktabining loyiha hujjatlari ishlab chiqilishida eng maqbul meʼmoriy hamda texnik yechimlar qoʻllanilishini, maktabni innovatsion texnologiyalarga asoslangan, arzon, energiya tejamkor va tez barpo etiladigan yengil konstruksiya va materiallardan qurish, shinamlik va ekologik xavfsizlik talablariga muvofiqlik yuzasidan loyiha-smeta hujjatlarini kompleks ekspertizadan oʻtkazishni taʼminlasin va qurilish-montaj ishlarining sifatli bajarilishi ustidan doimiy davlat arxitektura-qurilish nazoratini oʻrnatsin.
8. Moliya vazirligi boks maktabi faoliyatini saqlash bilan bogʻliq zarur mablagʻlarni 2022-yil respublika budjetida koʻzda tutilgan mablagʻlar doirasida, 2023-yildan boshlab esa Davlat budjeti parametrlarida nazarda tutishni taʼminlasin.
9. Sportni rivojlantirish vazirligi manfaatdor vazirlik va idoralar bilan birgalikda bir oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini samarali tashkil qilishga masʼul va shaxsiy javobgar etib yoshlar siyosati va sport vaziri A.I. Ikramov hamda Toshkent shahar hokimi v.b. Sh.B. Umurzakov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi K.K. Kuranbayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 14-mart,
PQ-162-son
Президента Республики Узбекистан
Постановление
О мерах по созданию специализированной спортивной школы бокса имени Баходира Жалолова
В соответствии с постановлением Президента Республики Узбекистан от 5 ноября 2021 года № ПП-5280 «О Программе развития деятельности спортивно-образовательных учреждений до 2025 года» и Концепцией развития бокса до 2025 года, утвержденной постановлением Президента Республики Узбекистан от 29 апреля 2021 года № ПП-5099, а также в целях подготовки талантливых спортсменов в качестве профессиональных боксеров, широкой пропаганды деятельности отечественных спортсменов — победителей и призеров Олимпийских игр:
1. Создать в системе Агентства специализированных образовательных учреждений при Министерстве дошкольного и школьного образования Специализированную спортивную школу бокса имени Баходира Жалолова (далее — школа бокса).
2. Определить основными задачами школы бокса:
создание материально-технической и учебно-тренировочной баз, оснащенных необходимым спортивным инвентарем и оборудованием, отвечающих современным международным требованиям и стандартам, и подготовку боксеров международного уровня, способных достойно защищать честь Узбекистана на международных и региональных соревнованиях различного уровня — Олимпийских и Азиатских играх, чемпионатах мира и Азии, универсиадах и других;
укрепление тренерского состава по боксу путем широкого привлечения высококвалифицированных специалистов-тренеров, психологов и методистов, включая ведущих специалистов зарубежных стран, для подготовки боксеров международного уровня;
организацию учебно-тренировочного процесса боксеров на уровне международных стандартов, постоянное повышение качества их теоретической и технико-тактической подготовки путем внедрения новейших научно-методических технологий в учебно-тренировочный процесс с учетом передового опыта;
развитие профессиональных качеств боксеров, а также подготовку боксеров высокого уровня мастерства для национальных сборных команд Узбекистана в соответствии с международными требованиями развития бокса;
осуществление непрерывного сотрудничества с спортивными школами, специализированными спортивными школами, специализированными государственными школами-интернатами по олимпийским и национальным видам спорта, центрами по подготовке к олимпийским и паралимпийским видам спорта, школами высшего спортивного мастерства по боксу, Республиканской школой высшего спортивного мастерства по спортивным единоборствам и иными спортивно-образовательными учреждениями по вопросам отбора и воспитания молодых перспективных боксеров;
развитие сотрудничества с зарубежными школами бокса, клубами и центрами по организации и регулярному проведению учебно-тренировочных сборов, республиканских и региональных спортивных соревнований с участием национальных сборных команд и их резервов по боксу, обмену опытом для повышения уровня профессионального мастерства тренеров и боксеров.
3. Определить, что:
школа бокса осуществляет свою деятельность в соответствии с порядком, установленным постановлением Кабинета Министров от 2 июня 2018 года № 410 «О совершенствовании деятельности государственных специализированных школ-интернатов по видам спорта», в том числе является специализированным общеобразовательным государственным спортивно-образовательным учреждением со статусом юридического лица;
школа бокса начинает свою деятельность с 2022/2023 учебного года;
общий контингент школы бокса составляет 168 учащихся 5 — 11 классов;
обучение учащихся школы бокса по общеобразовательным программам проводится в ближайших к ним общеобразовательных школах;
по обеспечению принадлежностями для проживания, спортивной экипировкой, инвентарем и формой к учащимся школы бокса применяются нормативы обеспечения, установленные для школ высшего спортивного мастерства;
для частичного покрытия расходов на бесплатное (льготное) питание учащихся школы бокса родительская плата не взимается и учащиеся обеспечиваются питанием полностью за счет средств Государственного бюджета;
оплата труда директора школы бокса, его заместителей, педагогических работников, тренеров-преподавателей, инструкторов-методистов, воспитателей и стимулирование труда заместителя директора по духовно-просветительской работе, педагогических работников и воспитателей школы осуществляются в соответствии с постановлением Кабинета Министров от 21 декабря 2005 года № 275 «Об утверждении усовершенствованной системы оплаты труда работников народного образования
стимулирование труда директора школы бокса, его заместителя по учебной и спортивной работе, тренеров-преподавателей, инструкторов-методистов, медицинских работников осуществляется в соответствии с постановлением Кабинета Министров от 23 сентября 2010 года № 211 «О дальнейшем совершенствовании деятельности спортивных школ и системы материального стимулирования труда тренеров и специалистов спортивных школ»;
оплата труда медицинских работников школы бокса осуществляется в соответствии с постановлением Кабинета Министров от 21 декабря 2005 года № 276 «Об утверждении усовершенствованной системы оплаты труда медицинских работников».
4. Определить источниками финансирования школы бокса:
средства Государственного бюджета;
доходы, полученные от реализации товаров (работ, услуг) по специализации деятельности и иных соответствующих задачам устава школы видов деятельности;
доходы, полученные от сдачи в аренду имущества, неиспользуемого в период непроведения основных занятий;
благотворительные пожертвования юридических и физических лиц;
средства Фонда поддержки одаренной молодежи Агентства специализированных образовательных учреждений при Министерстве дошкольного и школьного образования;
иные источники, не запрещенные актами законодательства.
5. Министерству спорта (А. Икрамов):
а) в трехмесячный срок принять меры по:
утверждению устава и государственной регистрации школы бокса в установленном порядке;
поэтапному укомплектованию школы бокса квалифицированными педагогическими кадрами и тренерами, владеющими современными педагогическими технологиями;
б) совместно с Национальным олимпийским комитетом Узбекистана и Федерацией бокса Узбекистана осуществлять постоянный государственный контроль за качеством подготовки спортсменов в школе бокса;
в) совместно с Министерством занятости и трудовых отношений и Министерством финансов разработать и утвердить штатное расписание управленческого, технического, обслуживающего и учебно-вспомогательного персонала школы бокса;
г) совместно с Министерством дошкольного и школьного образования принять меры для привлечения учащихся общеобразовательных школ к занятиям в школе бокса.
6. Министерству молодежной политики и спорта, Национальному олимпийскому комитету Узбекистана, Министерству строительства и жилищно-коммунального хозяйства и хокимияту города Ташкента в срок до 1 августа 2022 года обеспечить создание современной школы бокса на территории общеобразовательной школы № 259, расположенной по адресу: город Ташкент, Юнусабадский район, квартал 9, и обеспечить ее полное оснащение к концу 2023 года.
Направить на создание и оснащение школы бокса в общей сложности 25 миллиардов сумов из Государственного бюджета.
Кабинету Министров совместно с Министерством молодежной политики и спорта, Министерством экономики и финансов исходя из требований настоящего пункта пересмотреть соответствующие параметры Программы развития социальной и производственной инфраструктуры Республики Узбекистан на 2022 — 2024 годы.
7. Министерству строительства (Б. Закиров) обеспечить проведение комплексной экспертизы проектно-сметной документации на предмет применения наиболее оптимальных архитектурных и технических решений при разработке проектной документации школы бокса, строительства школы из доступных, энергосберегающих, быстровозводимых легких конструкций и материалов, основанных на инновационных технологиях, их соответствия требованиям комфорта и экологической безопасности, а также установить постоянный государственный архитектурно-строительный контроль за качественным выполнением строительно-монтажных работ.
8. Министерству финансов обеспечить выделение необходимых средств, связанных с содержанием деятельности школы бокса в рамках средств, предусмотренных республиканским бюджетом на 2022 год, а с 2023 года — ежегодно предусматривать в параметрах Государственного бюджета.
9. Министерству развития спорта совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Возложить на министра молодежной политики и спорта А.И. Икрамова и и.о. хокима города Ташкента Ш.Б. Умурзакова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и советника Президента Республики Узбекистан К.К. Куранбаева.
Президент Республики Узбекистан Ш. МИРЗИЁЕВ
г. Ташкент,
14 марта 2022 г.,
№ ПП-162