UzbekAI

ЎЗБЕКИСТОН РЕСПУБЛИКАСИ АХБОРОТ ТЕХНОЛОГИЯЛАРИ ВА КОММУНИКАЦИЯЛАРИНИ РИВОЖЛАНТИРИШ ВАЗИРИНИНГ

буйруғи

НИЗОМ

РЎЙХАТИ

Универсал телекоммуникация хизматлари ва телекоммуникация хизматларининг айрим турлари учун тарифларни (нархларни) шакллантириш ва тартибга солиш тўғрисидаги низомни тасдиқлаш ҳақида

Ўзбекистон Республикасининг « Телекоммуникациялар тўғрисида »ги, « Давлат тили ҳақида »ги қонунлари, Ўзбекистон Республикаси Президентининг 2018 йил 19 февралдаги ПФ-5349-сон «Ахборот технологиялари ва коммуникациялари соҳасини янада такомиллаштириш чора-тадбирлари тўғрисида»ги Фармони , Вазирлар Маҳкамасининг 2018 йил 1 майдаги 318-сон «Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Алоқа, ахборотлаштириш ва телекоммуникация технологиялари соҳасида назорат бўйича инспекция тўғрисидаги низомларни тасдиқлаш ҳақида»ги қарорига мувофиқ буюраман:

1. Универсал телекоммуникация хизматлари ва телекоммуникация хизматларининг айрим турлари учун тарифларни (нархларни) шакллантириш ва тартибга солиш тўғрисидаги низом 1-иловага мувофиқ тасдиқлансин.

2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.

3. Мазкур буйруқ расмий эълон қилинган кундан эътиборан кучга киради.

Келишилди:

Ўзбекистон Республикаси ахборот технологиялари ва коммуникацияларини ривожлантириш вазирининг 2022 йил 19 февралдаги 221-мҳ-сон буйруғига 1-ИЛОВА

Универсал телекоммуникация хизматлари ва телекоммуникация хизматларининг айрим турлари учун тарифларни (нархларни) шакллантириш ва тартибга солиш тўғрисидаги

Мазкур Низом универсал телекоммуникация хизматлари ва телекоммуникация хизматларининг айрим турлари учун тарифларни (нархларни) шакллантириш ва тартибга солиш тартибини белгилайди.

1-боб. Умумий қоидалар

1. Мазкур Низомда қуйидаги асосий тушунчалар қўлланилади:

телекоммуникациялар тармоғи — узатишларнинг бир ёки бир неча турини: телефон, телеграф, факсимиль турларини, маълумотлар узатиш ва ҳужжатли хабарларнинг бошқа турларини, телевизион ва радиоэшиттириш дастурларини трансляция қилишни таъминловчи телекоммуникация воситаларининг мажмуи;

телекоммуникация хизматлари — оператор ва провайдернинг сигналлар ҳамда бошқа ахборот турларини телекоммуникация тармоқлари орқали қабул қилиш, узатиш, қайта ишлашга доир фаолияти маҳсули;

телекоммуникация хизматларининг айрим турлари — телекоммуникация хизматларининг фойдаланувчиларига пуллик (шартнома) асосида тақдим этиладиган белгиланган сифатга эга телекоммуникация хизматлари тўплами (каналлар, трактларни ижарага бериш, ўрнатиш (инсталляция), тармоқлараро уланишлар, махсус алоқа хизматлари);

умумий фойдаланишдаги телекоммуникация тармоғи — телекоммуникация хизматлари кўрсатишнинг ягона принциплари, уларни тақдим этиш ва ҳақ тўлашнинг тартиби асосида Ўзбекистон Республикаси ҳудудидаги барча юридик ва жисмоний шахсларга телекоммуникация хизматларини кўрсатиш учун мўлжалланган телекоммуникациялар тармоғи;

универсал телекоммуникация хизматлари — умумий фойдаланишдаги телекоммуникация тармоқлари орқали барча фойдаланувчиларга кўрсатиладиган, белгиланган сифатдаги мажбурий хизматлар тўплами (фойдаланувчиларнинг бу тармоқдан фойдаланишини таъминлаш, маҳаллий, шаҳарлараро ва халқаро телефон сўзлашувлари, телеграммалар жўнатиш ва бошқалар);

универсал телекоммуникация хизматлари ва телекоммуникация хизматларининг айрим турлари учун тарифларни (нархларни) тартибга солиш — Ўзбекистон Республикаси Рақамли технологиялар вазирлиги (бундан буён матнда Вазирлик деб юритилади) томонидан ушбу Низомда белгиланган тартибда универсал телекоммуникация хизматлари ва телекоммуникация хизматларининг айрим турлари учун чекланган тарифларни (нархларни) белгилаш, ўрнатиш ва келишиш.

2. Мазкур Низом унинг 1 ва 2-иловаларида келтирилган универсал телекоммуникация хизматлари ва телекоммуникация хизматларининг айрим турлари рўйхатидаги телекоммуникация хизматларини кўрсатувчи устав фондидаги давлат улуши 75 фоиз ҳамда ундан ортиқ бўлган телекоммуникация операторлари ва телекоммуникация хизматлари провайдерларига (бундан буён матнда операторлар ва провайдерлар деб юритилади) нисбатан татбиқ этилади.

Ушбу Низом талаблари мобил телефон алоқа операторлари, идоравий тармоқлар операторлари, шунингдек устав фондидаги давлат улушининг миқдоридан қатъи назар телекоммуникация провайдерлари томонидан қишлоқ жойларида кўрсатиладиган хизматларга нисбатан татбиқ этилмайди.

3. Универсал телекоммуникация хизматлари ва телекоммуникация хизматларининг айрим турлари (бундан буён матнда хизматлар деб юритилади) учун тарифларни (нархларни) тартибга солишнинг асосий мақсадлари қуйидагилардан иборат:

хизматларга бўлган талабни максимал даражада қондириш ва фойдаланувчилар ҳуқуқларини ҳимоя қилиш;

операторлар ва провайдерлар фаолиятининг самарадорлигини ошириш;

умумий фойдаланишдаги телекоммуникация воситалари ва тармоқларининг янада ривожланишини таъминлаш, телекоммуникация хизматлари бозорини кенгайтириш ва уларни тақдим этиш сифатини яхшилаш.

4. Хизматлар учун тарифлар (нархлар) Ўзбекистон Республикаси миллий валютасида белгиланади.

2-боб. Хизматлар учун тарифларни (нархларни) шакллантириш тартиби

5. Хизматлар учун тарифлар (нархлар) хизматлар гуруҳларининг (маҳаллий, қишлоқ телефон алоқаси, телеграф алоқаси, шаҳарлараро телефон алоқаси, халқаро телефон алоқаси ва бошқалар) таннархи ва соф фойда асосида, шунингдек чет эл алоқа маъмуриятлари ва компаниялари билан келишилган ҳисоб-китоб суммаларини (таксаларни) (халқаро алоқа хизматлари тарифлари (нархлари) учун) инобатга олган ҳолда белгиланади.

6. Хизматлар учун тарифларни (нархларни) шакллантириш ҳисобот даврининг маълумотлари таҳлили, операторлар ва провайдерларнинг келгуси давр учун режалаштирадиган харажатлари ва соф фойдаси асосида амалга оширилади.

Хизматлар учун амалдаги тарифларни (нархларни) ўзгартиришга уларни кўрсатиш учун қилинадиган харажатларнинг (энергетика ресурслари, хомашё, материаллар, транспорт ва бошқа) нархлари, шунингдек, ҳисоб-китоб суммалари (таксалар) миқдори, эркин конвертация қилинадиган валюта курси ёки махсус қарз олиш ҳуқуқининг (СДР) ошиши ёки камайиши асос бўлиб ҳисобланади.

7. Хизматлар учун қилинадиган харажатлар Ўзбекистон Республикаси Вазирлар Маҳкамасининг 1999 йил 5 февралдаги 54-сон қарори билан тасдиқланган Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисидаги низом ва бошқа қонунчилик ҳужжатларига мувофиқ аниқланади.

Хизматлар учун тарифларни (нархларни) шакллантиришда билвосита моддий харажатларни, меҳнатга ҳақ тўлашга билвосита харажатларни, ишлаб чиқариш хусусиятига эга бўлган бошқа харажатларни, давр харажатлари ва молиявий фаолият бўйича харажатларни тақсимлаш хизматнинг солиштирма меҳнат сиғими (муайян хизмат турига тўғри келадиган асосий ишлаб чиқарувчи ходимлар меҳнатига ҳақ тўлаш харажатлари) бўйича амалга оширилади.

8. Фавқулодда хизматларни (ёнғин хавфсизлиги хизмати, ички ишлар органлари, тез тиббий ёрдам, газ тармоғининг авария хизмати, Ўзбекистон Республикаси Фавқулодда вазиятлар вазирлигининг қутқарув хизмати) чақириш, шунингдек шаҳарлараро, халқаро телефон станциясининг буюртма ва маълумот хизматига, маҳаллий телефон тармоғининг таъмирлаш бюросига чиқиш барча фойдаланувчилар учун бепул амалга оширилади.

Фавқулодда хизматлар кўрсатилганлиги учун сарфланган харажатлар бошқа хизматларни кўрсатишдан олинган даромадлар ҳисобидан қопланади.

Ўзбекистон Республикаси Президенти ёки Ҳукуматнинг тегишли қарорларида ишонч телефонларига қўнғироқлар бепул амалга оширилиши тўғридан-тўғри кўрсатиб ўтилган бўлса, мазкур қўнғироқлар бепул амалга оширилади (масалан, Ўзбекистон Республикаси Адлия вазирлигининг ишонч телефони ва ҳ.к.).

3-боб. Хизматлар учун тарифларни (нархларни) давлат томонидан тартибга солиш

9. Универсал телекоммуникация хизматлари учун тарифлар (нархлар) Вазирлик томонидан белгиланади.

Телекоммуникация хизматларининг айрим турлари учун тарифлар (нархлар) Вазирлик билан келишилган ҳолда операторлар ва провайдерлар томонидан белгиланади.

10. Операторлар ва провайдерлар Вазирликни хабардор қилган ҳолда барча фойдаланувчилар учун белгиланган тарифларни (нархларни) камайтириш ҳуқуқига эга. Бунда, операторлар ва провайдерларнинг соф фойдаси улар томонидан тақдим этилган ҳисоб-китобларга мувофиқ амалдаги тарифлар (нархлар) бўйича аниқланади.

11. Хизматлар учун тарифлар (нархлар) аҳоли учун қишлоқ телефон алоқа хизматларига тарифлардан (нархлардан) ташқари, уларни тақдим этиш харажатларини қоплаши, хизматлар бозорини ривожлантириш ва уларнинг номенклатурасини кенгайтириш, фойдаланувчилик қиймати ҳамда хизматларнинг сифатини ошириш учун керакли соф фойдани таъминлаши лозим.

Хизматлар фойдаланувчиларини сақлаб қолиш мақсадида хизматлар учун тарифлар (нархлар) уларнинг таннархи даражасида белгиланиши мумкин.

12. Бир хил турдаги хизматлар учун тарифлар (нархлар) фойдаланувчилар тоифалари (аҳоли, ташкилотлар), маҳаллий телефон алоқа хизматлари учун эса қўлланиш жойи (қишлоқ, шаҳар) бўйича табақалаштирилиши мумкин.

13. Телекоммуникация тармоқларига юкламани оқилона тақсимлаш мақсадида маҳаллий (ҳисоб-китобларнинг вақтбай шаклида), шаҳарлараро ва халқаро телефон алоқа хизматлари учун тарифлар (нархлар) сутканинг соатлари, ҳафтанинг кунлари бўйича табақалаштирилиши мумкин.

4-боб. Хизматлар учун тарифларни (нархларни) кўриб чиқиш ва тасдиқлаш тартиби

14. Вазирлик ўз ташаббуси билан ёки операторлар ва провайдерларнинг таклифига асосан хизматлар учун тарифларни (нархларни) кўриб чиқиш (тасдиқлаш, ўзгартириш, келишиш)ни амалга оширади.

Хизматлар учун тарифларга (нархларга) ўзгартиришлар киритиш янги тарифларни (нархларни) тасдиқлаш ёки келишиш орқали амалга оширилади.

15. Хизматлар учун тарифлар (нархлар) чекланган даражалари бўйича ҳисоб-китоблар операторлар ва провайдерлар томонидан амалга оширилади ва ушбу хизматлар учун тарифларни (нархларни) кўриб чиқиш учун ҳужжатлар Вазирликка тақдим этилади.

Операторлар ва провайдерлар таркибига кирадиган телекоммуникация хизматлари операторлари, провайдерлари хизматлар учун тарифларни (нархларни) кўриб чиқиш тўғрисидаги таклифларини ўзлари таркибига кирадиган операторлар ва провайдерларга тақдим этади.

16. Операторлар ва провайдерлар хизматлар учун тарифларни (нархларни) кўриб чиқиш тўғрисидаги таклифлар билан Вазирликка мурожаат қилганда, ушбу Низомнинг 3-иловасига келтирилган тарифларни (нархларни) кўриб чиқиш зарурлигини тасдиқловчи ҳужжатларни (ҳисоб-китоблар, бухгалтерия ва статистика ҳисоботи бўйича маълумотлар) ёзма ёки электрон шаклда тақдим этадилар.

17. Вазирлик тақдим этилган ҳужжатларни уларни олган кундан бошлаб 7 кун муддат ичида кўриб чиқади. Заруратга кўра, тарифларни (нархларни) кўриб чиқиш учун телекоммуникациялар соҳасидаги малакали экспертлар келишув асосида жалб этилиши мумкин.

18. Вазирлик томонидан ҳужжатларни кўриб чиқиш натижалари бўйича тарифларни (нархларни) тасдиқлаш ёки келишиш ҳақида қарор қабул қилинади ёхуд уларни тасдиқлаш ёки келишиш рад этилади.

19. Вазирлик томонидан хизматлар учун тарифларни (нархларни) тасдиқлаш ёки келишиш рад этилган тақдирда, операторлар ва провайдерларга рад этиш асослари кўрсатилган ҳолда шу куннинг ўзида ёзма ёки электрон шаклда хабар юборилади.

20. Вазирлик томонидан универсал телекоммуникация хизматлари учун тарифларни (нархларни) тасдиқлаш ҳақида тегишли тарифларни (нархларни) амалга киритиш муддатлари кўрсатилган ҳолда буйруқ қабул қилинади ҳамда шу куннинг ўзида буйруқ нусхаси операторлар ва провайдерларга юборилади.

Телекоммуникация хизматлари айрим турларининг тарифлари (нархлари) Вазирлик томонидан келишилганда, келишиш ҳақидаги тегишли ҳужжатда тарифларни (нархларни) амалга кириш муддатлари кўрсатилади.

21. Хизматлар учун тарифларга (нархларга) ўзгартириш киритилганда, ўзгартириш киритилганлиги тўғрисидаги ахборот операторлар ва провайдерлар томонидан оммавий ахборот воситаларида ёки ўзининг расмий веб-сайтида тарифлар (нархлар) амалга киритилишидан камида ўн беш кун олдин эълон қилиниши лозим.

22. Операторлар ва провайдерлар Вазирликнинг хизматлар учун тарифларни (нархларни) кўриб чиқиш натижалари бўйича қабул қилган қарори ёки бошқа хатти-ҳаракатлари (ҳаракатсизлиги) устидан норози бўлган тақдирда, қонунчилик ҳужжатларида белгиланган тартибда судга ёки бошқа ваколатли давлат органларига шикоят қилишлари мумкин.

5-боб. Якуний қоидалар

23. Ушбу Низом талаблари бузилишида айбдор шахслар қонунчилик ҳужжатларида белгиланган тартибда жавобгар бўлади.

24. Мазкур буйруқ Ўзбекистон Республикаси Молия вазирлиги ва Монополияга қарши курашиш қўмитаси билан келишилган.

Универсал телекоммуникация хизматлари ва телекоммуникация хизматларининг айрим турлари учун тарифларни (нархларни) шакллантириш ва тартибга солиш тўғрисидаги низомга 1-ИЛОВА

Универсал телекоммуникация хизматлари

1. Республика ичидаги хизматлар

Умумий фойдаланишдаги маҳаллий телефон тармоғи хизматлари

Асосий телефон аппаратини улаш орқали симли абонент линияси бўйича телефон тармоғига уланишни тақдим этиш (оператор томонидан битта фойдаланувчига битта рақам ажратилганда):

телефонлаштирилган хонада;

телефонлаштирилмаган хонада.

Симли абонент линияси бўйича телефон тармоғига уланган телефон аппаратидан маҳаллий телефон сўзлашувини тақдим этиш:

сўзлашувлар вақтбай тўлов тизимига ўтказилганда;

сўзлашувлар вақтбай тўлов тизимига ўтказилмаганда.

Шаҳарлараро телеграф алоқа хизматлари

Телеграммани юбориш:

оддий;

шошилинч.

Шаҳарлараро телефон алоқа хизматлари

Шаҳарлараро телефон сўзлашувини тақдим этиш:

а) автоматик шаҳарлараро телефон алоқа бўйича;

б) автоматик алоқа бўлмаган йўналишларда телефончи оператор орқали буюртма бўйича:

оддий буюртма ёки тезкор тизим бўйича;

шошилинч буюртма бўйича;

в) автоматик алоқа очилган йўналишларда телефончи оператор орқали буюртма бўйича:

оддий буюртма ёки тезкор тизим бўйича;

шошилинч буюртма бўйича.

2. Халқаро хизматлар

Халқаро телефон алоқа хизматлари

Халқаро телефон сўзлашувини тақдим этиш.

Халқаро телеграф алоқа хизматлари

Телеграммани юбориш:

оддий;

шошилинч.

Универсал телекоммуникация хизматлари ва телекоммуникация хизматларининг айрим турлари учун тарифларни (нархларни) шакллантириш ва тартибга солиш тўғрисидаги низомга 2-ИЛОВА

Телекоммуникация хизматларининг айрим турлари

Республика ичидаги хизматлар

Телеграф алоқа хизматлари (ҳудудлараро ва зонаичи)

Ўзбекистон Республикаси Вазирлар Маҳкамаси томонидан тасдиқланган рўйхатда келтирилган муассасалар томонидан бериладиган «Тоифадан ташқари», навбатдан ташқари телеграммаларни юбориш;

Ўзбекистон Республикаси Вазирлар Маҳкамаси томонидан тасдиқланган рўйхатда келтирилган мансабдор шахслар томонидан бериладиган «олий ҳукуматга оид», «ҳукуматга оид» телеграммаларни юбориш;

телеграф каналларини ижарага бериш.

Шаҳарлараро телефон алоқа хизматлари

Каналлар (трактлар)ни ижарага бериш (ҳудудлараро ва зонаичи);

аналог канал (тракт)ни ўрнатиш (инсталляция);

аналог канал (тракт)ни ижарага бериш;

рақамли канал (тракт)ни ўрнатиш (инсталляция);

рақамли канал (тракт)ни ижарага бериш.

Тармоқлараро уланишлар

30-каналли тракт (Е-1)нинг қуйи частотали боғловчи линияси ёки битта каналининг уланиш нуқтасини ажратган ҳолда маҳаллий даражада умумий фойдаланиш тармоғига уланишни тақдим этиш;

маҳаллий даражада рақамли канални ижарага олиш.

Махсус алоқа операторлари томонидан тақдим этиладиган хизматлар

телефонлаштирилган хонада;

телефонлаштирилмаган хонада.

сўзлашувлар вақтбай тўлов тизимига ўтказилганда;

сўзлашувлар вақтбай тўлов тизимига ўтказилмаганда.

Универсал телекоммуникация хизматлари ва телекоммуникация хизматларининг айрим турлари учун тарифларни (нархларни) шакллантириш ва тартибга солиш тўғрисидаги низомга 3-ИЛОВА

Универсал телекоммуникация хизматлари ва телекоммуникация хизматларининг айрим турлари учун тарифларни (нархларни) кўриб чиқиш бўйича таклифларни киритишда тақдим этиладиган ҳужжатлар (маълумотлар)

Универсал телекоммуникация хизматлари ва телекоммуникация хизматларининг айрим турлари (бундан буён матнда хизматлар деб юритилади) учун тарифларни кўриб чиқиш бўйича қуйидаги ҳужжатлар (маълумотлар) илова қилиниши зарур:

охирги ҳисобот даврида хизматларнинг барча турлари бўйича молиявий кўрсаткичлар, хизматлар ҳажмининг табиий ифодада (минут, Mбайт, Мбит/с ва бошқалар) ўзгариш динамикаси;

охирги ҳисобот давридаги чиқувчи сўзлашувлар алмашинуви;

кейинги ҳисобот даври учун хизматлар турлари бўйича амалдаги тарифлардаги даромадлар ва соф фойда прогнози;

кейинги ҳисобот даври учун ишлаб чиқариш таннархи тўғрисидаги прогноз маълумотлар;

кейинги ҳисобот даври учун режалаштирилган телекоммуникация воситалари ва иншоотларини ривожлантириш, реконструкция қилиш ва модернизациялаш учун ажратиладиган маблағлар тўғрисидаги маълумот;

чет эллик ҳамкорлар билан тузилган шартномалар бўйича тўловлар графиклари;

охирги ва кейинги ҳисобот даври учун харажатлар, уларнинг таркиби ва миқдорлари юзасидан батафсил маълумотлар.

Халқаро хизматлар учун тарифларга ўзгартириш киритишда қуйидагилар маълумотлар қўшимча равишда тақдим этилади:

тўлов зоналари бўйича ўртача ҳисобланган ҳисоб-китоб суммалари (таксалари, улушлари);

Ўзбекистон Республикаси миллий валютаси курсининг охирги ҳисобот даври учун эркин конвертация қилинадиган валютага ва махсус қарз олиш ҳуқуқига (СДР) нисбатан ўзгариш динамикаси.

Ўзбекистон Республикаси ахборот технологиялари ва коммуникацияларини ривожлантириш вазирининг 2022 йил 19 февралдаги 221-мҳ-сон буйруғига 2-ИЛОВА

Ўз кучини йўқотган деб топилаётган идоравий норматив-ҳуқуқий ҳужжатлар

1. Почта ва телекоммуникация агентлиги томонидан 2000 йил 28 июлдаги 14-8/1553-сон билан тасдиқланган Телекоммуникация хизматлари тарифларини шакллантириш ва тартибга солиш тўғрисидаги низом (рўйхат рақами 959, 2000 йил 18 август) (Ўзбекистон Республикаси вазирликлари, давлат қўмиталари ва идораларининг норматив-ҳуқуқий ҳужжатлари ахборотномаси, 2000 й., 16-сон).

2. Ўзбекистон Республикаси Ахборот технологиялари ва коммуникацияларини ривожлантириш вазирининг 2017 йил 30 январдаги 149-мҳ-сон «Телекоммуникация хизматлари тарифларини шакллантириш ва тартибга солиш тўғрисидаги низомга ўзгартириш ва қўшимчалар киритиш ҳақида»ги қарори (рўйхат рақами 959-1, 2017 йил 9 март) (Ўзбекистон Республикаси қонун ҳужжатлари тўплами, 2017 й., 10-сон, 151-модда).

Вазир Ш. ШЕРМАТОВ

Молия вазири Т. ИШМЕТОВ

Монополияга қарши курашиш қўмитаси раиси Ш. ШАРАХМЕТОВ

Тошкент ш.,

2022 йил 19 февраль,

2022 йил 21 январь

2022 йил 27 январь

221-мҳ-сон

(Қонунчилик маълумотлари миллий базаси, 18.03.2022 й., 10/22/3354/0223-сон; 17.07.2023 й., 10/23/3354-1/0482-сон)

lex.uz

OʻZBEKISTON RESPUBLIKASI AXBOROT TEXNOLOGIYALARI VA KOMMUNIKATSIYALARINI RIVOJLANTIRISH VAZIRINING

buyrugʻi

NIZOM

ROʻYXATI

Universal telekommunikatsiya xizmatlari va telekommunikatsiya xizmatlarining ayrim turlari uchun tariflarni (narxlarni) shakllantirish va tartibga solish toʻgʻrisidagi nizomni tasdiqlash haqida

Oʻzbekiston Respublikasining “ Telekommunikatsiyalar toʻgʻrisida ”gi, “ Davlat tili haqida ”gi qonunlari, Oʻzbekiston Respublikasi Prezidentining 2018-yil 19-fevraldagi PF-5349-son “Axborot texnologiyalari va kommunikatsiyalari sohasini yanada takomillashtirish chora-tadbirlari toʻgʻrisida”gi Farmoni , Vazirlar Mahkamasining 2018-yil 1-maydagi 318-son “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat boʻyicha inspeksiya toʻgʻrisidagi nizomlarni tasdiqlash haqida”gi qaroriga muvofiq buyuraman:

1. Universal telekommunikatsiya xizmatlari va telekommunikatsiya xizmatlarining ayrim turlari uchun tariflarni (narxlarni) shakllantirish va tartibga solish toʻgʻrisidagi nizom 1-ilovaga muvofiq tasdiqlansin.

2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

3. Mazkur buyruq rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi axborot texnologiyalari va kommunikatsiyalarini rivojlantirish vazirining 2022-yil 19-fevraldagi 221-mh-son buyrugʻiga 1-ILOVA

Universal telekommunikatsiya xizmatlari va telekommunikatsiya xizmatlarining ayrim turlari uchun tariflarni (narxlarni) shakllantirish va tartibga solish toʻgʻrisidagi

Mazkur Nizom universal telekommunikatsiya xizmatlari va telekommunikatsiya xizmatlarining ayrim turlari uchun tariflarni (narxlarni) shakllantirish va tartibga solish tartibini belgilaydi.

1-bob. Umumiy qoidalar

1. Mazkur Nizomda quyidagi asosiy tushunchalar qoʻllaniladi:

telekommunikatsiyalar tarmogʻi — uzatishlarning bir yoki bir necha turini: telefon, telegraf, faksimil turlarini, maʼlumotlar uzatish va hujjatli xabarlarning boshqa turlarini, televizion va radioeshittirish dasturlarini translyatsiya qilishni taʼminlovchi telekommunikatsiya vositalarining majmui;

telekommunikatsiya xizmatlari — operator va provayderning signallar hamda boshqa axborot turlarini telekommunikatsiya tarmoqlari orqali qabul qilish, uzatish, qayta ishlashga doir faoliyati mahsuli;

telekommunikatsiya xizmatlarining ayrim turlari — telekommunikatsiya xizmatlarining foydalanuvchilariga pullik (shartnoma) asosida taqdim etiladigan belgilangan sifatga ega telekommunikatsiya xizmatlari toʻplami (kanallar, traktlarni ijaraga berish, oʻrnatish (installyatsiya), tarmoqlararo ulanishlar, maxsus aloqa xizmatlari);

umumiy foydalanishdagi telekommunikatsiya tarmogʻi — telekommunikatsiya xizmatlari koʻrsatishning yagona prinsiplari, ularni taqdim etish va haq toʻlashning tartibi asosida Oʻzbekiston Respublikasi hududidagi barcha yuridik va jismoniy shaxslarga telekommunikatsiya xizmatlarini koʻrsatish uchun moʻljallangan telekommunikatsiyalar tarmogʻi;

universal telekommunikatsiya xizmatlari — umumiy foydalanishdagi telekommunikatsiya tarmoqlari orqali barcha foydalanuvchilarga koʻrsatiladigan, belgilangan sifatdagi majburiy xizmatlar toʻplami (foydalanuvchilarning bu tarmoqdan foydalanishini taʼminlash, mahalliy, shaharlararo va xalqaro telefon soʻzlashuvlari, telegrammalar joʻnatish va boshqalar);

universal telekommunikatsiya xizmatlari va telekommunikatsiya xizmatlarining ayrim turlari uchun tariflarni (narxlarni) tartibga solish — Oʻzbekiston Respublikasi Raqamli texnologiyalar vazirligi (bundan buyon matnda Vazirlik deb yuritiladi) tomonidan ushbu Nizomda belgilangan tartibda universal telekommunikatsiya xizmatlari va telekommunikatsiya xizmatlarining ayrim turlari uchun cheklangan tariflarni (narxlarni) belgilash, oʻrnatish va kelishish.

2. Mazkur Nizom uning 1 va 2-ilovalarida keltirilgan universal telekommunikatsiya xizmatlari va telekommunikatsiya xizmatlarining ayrim turlari roʻyxatidagi telekommunikatsiya xizmatlarini koʻrsatuvchi ustav fondidagi davlat ulushi 75 foiz hamda undan ortiq boʻlgan telekommunikatsiya operatorlari va telekommunikatsiya xizmatlari provayderlariga (bundan buyon matnda operatorlar va provayderlar deb yuritiladi) nisbatan tatbiq etiladi.

Ushbu Nizom talablari mobil telefon aloqa operatorlari, idoraviy tarmoqlar operatorlari, shuningdek ustav fondidagi davlat ulushining miqdoridan qatʼi nazar telekommunikatsiya provayderlari tomonidan qishloq joylarida koʻrsatiladigan xizmatlarga nisbatan tatbiq etilmaydi.

3. Universal telekommunikatsiya xizmatlari va telekommunikatsiya xizmatlarining ayrim turlari (bundan buyon matnda xizmatlar deb yuritiladi) uchun tariflarni (narxlarni) tartibga solishning asosiy maqsadlari quyidagilardan iborat:

xizmatlarga boʻlgan talabni maksimal darajada qondirish va foydalanuvchilar huquqlarini himoya qilish;

operatorlar va provayderlar faoliyatining samaradorligini oshirish;

umumiy foydalanishdagi telekommunikatsiya vositalari va tarmoqlarining yanada rivojlanishini taʼminlash, telekommunikatsiya xizmatlari bozorini kengaytirish va ularni taqdim etish sifatini yaxshilash.

4. Xizmatlar uchun tariflar (narxlar) Oʻzbekiston Respublikasi milliy valyutasida belgilanadi.

2-bob. Xizmatlar uchun tariflarni (narxlarni) shakllantirish tartibi

5. Xizmatlar uchun tariflar (narxlar) xizmatlar guruhlarining (mahalliy, qishloq telefon aloqasi, telegraf aloqasi, shaharlararo telefon aloqasi, xalqaro telefon aloqasi va boshqalar) tannarxi va sof foyda asosida, shuningdek chet el aloqa maʼmuriyatlari va kompaniyalari bilan kelishilgan hisob-kitob summalarini (taksalarni) (xalqaro aloqa xizmatlari tariflari (narxlari) uchun) inobatga olgan holda belgilanadi.

6. Xizmatlar uchun tariflarni (narxlarni) shakllantirish hisobot davrining maʼlumotlari tahlili, operatorlar va provayderlarning kelgusi davr uchun rejalashtiradigan xarajatlari va sof foydasi asosida amalga oshiriladi.

Xizmatlar uchun amaldagi tariflarni (narxlarni) oʻzgartirishga ularni koʻrsatish uchun qilinadigan xarajatlarning (energetika resurslari, xomashyo, materiallar, transport va boshqa) narxlari, shuningdek, hisob-kitob summalari (taksalar) miqdori, erkin konvertatsiya qilinadigan valyuta kursi yoki maxsus qarz olish huquqining (SDR) oshishi yoki kamayishi asos boʻlib hisoblanadi.

7. Xizmatlar uchun qilinadigan xarajatlar Oʻzbekiston Respublikasi Vazirlar Mahkamasining 1999-yil 5-fevraldagi 54-son qarori bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi toʻgʻrisidagi nizom va boshqa qonunchilik hujjatlariga muvofiq aniqlanadi.

Xizmatlar uchun tariflarni (narxlarni) shakllantirishda bilvosita moddiy xarajatlarni, mehnatga haq toʻlashga bilvosita xarajatlarni, ishlab chiqarish xususiyatiga ega boʻlgan boshqa xarajatlarni, davr xarajatlari va moliyaviy faoliyat boʻyicha xarajatlarni taqsimlash xizmatning solishtirma mehnat sigʻimi (muayyan xizmat turiga toʻgʻri keladigan asosiy ishlab chiqaruvchi xodimlar mehnatiga haq toʻlash xarajatlari) boʻyicha amalga oshiriladi.

8. Favqulodda xizmatlarni (yongʻin xavfsizligi xizmati, ichki ishlar organlari, tez tibbiy yordam, gaz tarmogʻining avariya xizmati, Oʻzbekiston Respublikasi Favqulodda vaziyatlar vazirligining qutqaruv xizmati) chaqirish, shuningdek shaharlararo, xalqaro telefon stansiyasining buyurtma va maʼlumot xizmatiga, mahalliy telefon tarmogʻining taʼmirlash byurosiga chiqish barcha foydalanuvchilar uchun bepul amalga oshiriladi.

Favqulodda xizmatlar koʻrsatilganligi uchun sarflangan xarajatlar boshqa xizmatlarni koʻrsatishdan olingan daromadlar hisobidan qoplanadi.

Oʻzbekiston Respublikasi Prezidenti yoki Hukumatning tegishli qarorlarida ishonch telefonlariga qoʻngʻiroqlar bepul amalga oshirilishi toʻgʻridan-toʻgʻri koʻrsatib oʻtilgan boʻlsa, mazkur qoʻngʻiroqlar bepul amalga oshiriladi (masalan, Oʻzbekiston Respublikasi Adliya vazirligining ishonch telefoni va h.k.).

3-bob. Xizmatlar uchun tariflarni (narxlarni) davlat tomonidan tartibga solish

9. Universal telekommunikatsiya xizmatlari uchun tariflar (narxlar) Vazirlik tomonidan belgilanadi.

Telekommunikatsiya xizmatlarining ayrim turlari uchun tariflar (narxlar) Vazirlik bilan kelishilgan holda operatorlar va provayderlar tomonidan belgilanadi.

10. Operatorlar va provayderlar Vazirlikni xabardor qilgan holda barcha foydalanuvchilar uchun belgilangan tariflarni (narxlarni) kamaytirish huquqiga ega. Bunda, operatorlar va provayderlarning sof foydasi ular tomonidan taqdim etilgan hisob-kitoblarga muvofiq amaldagi tariflar (narxlar) boʻyicha aniqlanadi.

11. Xizmatlar uchun tariflar (narxlar) aholi uchun qishloq telefon aloqa xizmatlariga tariflardan (narxlardan) tashqari, ularni taqdim etish xarajatlarini qoplashi, xizmatlar bozorini rivojlantirish va ularning nomenklaturasini kengaytirish, foydalanuvchilik qiymati hamda xizmatlarning sifatini oshirish uchun kerakli sof foydani taʼminlashi lozim.

Xizmatlar foydalanuvchilarini saqlab qolish maqsadida xizmatlar uchun tariflar (narxlar) ularning tannarxi darajasida belgilanishi mumkin.

12. Bir xil turdagi xizmatlar uchun tariflar (narxlar) foydalanuvchilar toifalari (aholi, tashkilotlar), mahalliy telefon aloqa xizmatlari uchun esa qoʻllanish joyi (qishloq, shahar) boʻyicha tabaqalashtirilishi mumkin.

13. Telekommunikatsiya tarmoqlariga yuklamani oqilona taqsimlash maqsadida mahalliy (hisob-kitoblarning vaqtbay shaklida), shaharlararo va xalqaro telefon aloqa xizmatlari uchun tariflar (narxlar) sutkaning soatlari, haftaning kunlari boʻyicha tabaqalashtirilishi mumkin.

4-bob. Xizmatlar uchun tariflarni (narxlarni) koʻrib chiqish va tasdiqlash tartibi

14. Vazirlik oʻz tashabbusi bilan yoki operatorlar va provayderlarning taklifiga asosan xizmatlar uchun tariflarni (narxlarni) koʻrib chiqish (tasdiqlash, oʻzgartirish, kelishish)ni amalga oshiradi.

Xizmatlar uchun tariflarga (narxlarga) oʻzgartirishlar kiritish yangi tariflarni (narxlarni) tasdiqlash yoki kelishish orqali amalga oshiriladi.

15. Xizmatlar uchun tariflar (narxlar) cheklangan darajalari boʻyicha hisob-kitoblar operatorlar va provayderlar tomonidan amalga oshiriladi va ushbu xizmatlar uchun tariflarni (narxlarni) koʻrib chiqish uchun hujjatlar Vazirlikka taqdim etiladi.

Operatorlar va provayderlar tarkibiga kiradigan telekommunikatsiya xizmatlari operatorlari, provayderlari xizmatlar uchun tariflarni (narxlarni) koʻrib chiqish toʻgʻrisidagi takliflarini oʻzlari tarkibiga kiradigan operatorlar va provayderlarga taqdim etadi.

16. Operatorlar va provayderlar xizmatlar uchun tariflarni (narxlarni) koʻrib chiqish toʻgʻrisidagi takliflar bilan Vazirlikka murojaat qilganda, ushbu Nizomning 3-ilovasiga keltirilgan tariflarni (narxlarni) koʻrib chiqish zarurligini tasdiqlovchi hujjatlarni (hisob-kitoblar, buxgalteriya va statistika hisoboti boʻyicha maʼlumotlar) yozma yoki elektron shaklda taqdim etadilar.

17. Vazirlik taqdim etilgan hujjatlarni ularni olgan kundan boshlab 7 kun muddat ichida koʻrib chiqadi. Zaruratga koʻra, tariflarni (narxlarni) koʻrib chiqish uchun telekommunikatsiyalar sohasidagi malakali ekspertlar kelishuv asosida jalb etilishi mumkin.

18. Vazirlik tomonidan hujjatlarni koʻrib chiqish natijalari boʻyicha tariflarni (narxlarni) tasdiqlash yoki kelishish haqida qaror qabul qilinadi yoxud ularni tasdiqlash yoki kelishish rad etiladi.

19. Vazirlik tomonidan xizmatlar uchun tariflarni (narxlarni) tasdiqlash yoki kelishish rad etilgan taqdirda, operatorlar va provayderlarga rad etish asoslari koʻrsatilgan holda shu kunning oʻzida yozma yoki elektron shaklda xabar yuboriladi.

20. Vazirlik tomonidan universal telekommunikatsiya xizmatlari uchun tariflarni (narxlarni) tasdiqlash haqida tegishli tariflarni (narxlarni) amalga kiritish muddatlari koʻrsatilgan holda buyruq qabul qilinadi hamda shu kunning oʻzida buyruq nusxasi operatorlar va provayderlarga yuboriladi.

Telekommunikatsiya xizmatlari ayrim turlarining tariflari (narxlari) Vazirlik tomonidan kelishilganda, kelishish haqidagi tegishli hujjatda tariflarni (narxlarni) amalga kirish muddatlari koʻrsatiladi.

21. Xizmatlar uchun tariflarga (narxlarga) oʻzgartirish kiritilganda, oʻzgartirish kiritilganligi toʻgʻrisidagi axborot operatorlar va provayderlar tomonidan ommaviy axborot vositalarida yoki oʻzining rasmiy veb-saytida tariflar (narxlar) amalga kiritilishidan kamida oʻn besh kun oldin eʼlon qilinishi lozim.

22. Operatorlar va provayderlar Vazirlikning xizmatlar uchun tariflarni (narxlarni) koʻrib chiqish natijalari boʻyicha qabul qilgan qarori yoki boshqa xatti-harakatlari (harakatsizligi) ustidan norozi boʻlgan taqdirda, qonunchilik hujjatlarida belgilangan tartibda sudga yoki boshqa vakolatli davlat organlariga shikoyat qilishlari mumkin.

5-bob. Yakuniy qoidalar

23. Ushbu Nizom talablari buzilishida aybdor shaxslar qonunchilik hujjatlarida belgilangan tartibda javobgar boʻladi.

24. Mazkur buyruq Oʻzbekiston Respublikasi Moliya vazirligi va Monopoliyaga qarshi kurashish qoʻmitasi bilan kelishilgan.

Universal telekommunikatsiya xizmatlari va telekommunikatsiya xizmatlarining ayrim turlari uchun tariflarni (narxlarni) shakllantirish va tartibga solish toʻgʻrisidagi nizomga 1-ILOVA

Universal telekommunikatsiya xizmatlari

1. Respublika ichidagi xizmatlar

Umumiy foydalanishdagi mahalliy telefon tarmogʻi xizmatlari

Asosiy telefon apparatini ulash orqali simli abonent liniyasi boʻyicha telefon tarmogʻiga ulanishni taqdim etish (operator tomonidan bitta foydalanuvchiga bitta raqam ajratilganda):

telefonlashtirilgan xonada;

telefonlashtirilmagan xonada.

Simli abonent liniyasi boʻyicha telefon tarmogʻiga ulangan telefon apparatidan mahalliy telefon soʻzlashuvini taqdim etish:

soʻzlashuvlar vaqtbay toʻlov tizimiga oʻtkazilganda;

soʻzlashuvlar vaqtbay toʻlov tizimiga oʻtkazilmaganda.

Shaharlararo telegraf aloqa xizmatlari

Telegrammani yuborish:

oddiy;

shoshilinch.

Shaharlararo telefon aloqa xizmatlari

Shaharlararo telefon soʻzlashuvini taqdim etish:

a) avtomatik shaharlararo telefon aloqa boʻyicha;

b) avtomatik aloqa boʻlmagan yoʻnalishlarda telefonchi operator orqali buyurtma boʻyicha:

oddiy buyurtma yoki tezkor tizim boʻyicha;

shoshilinch buyurtma boʻyicha;

v) avtomatik aloqa ochilgan yoʻnalishlarda telefonchi operator orqali buyurtma boʻyicha:

oddiy buyurtma yoki tezkor tizim boʻyicha;

shoshilinch buyurtma boʻyicha.

2. Xalqaro xizmatlar

Xalqaro telefon aloqa xizmatlari

Xalqaro telefon soʻzlashuvini taqdim etish.

Xalqaro telegraf aloqa xizmatlari

Telegrammani yuborish:

oddiy;

shoshilinch.

Universal telekommunikatsiya xizmatlari va telekommunikatsiya xizmatlarining ayrim turlari uchun tariflarni (narxlarni) shakllantirish va tartibga solish toʻgʻrisidagi nizomga 2-ILOVA

Telekommunikatsiya xizmatlarining ayrim turlari

Respublika ichidagi xizmatlar

Telegraf aloqa xizmatlari (hududlararo va zonaichi)

Oʻzbekiston Respublikasi Vazirlar Mahkamasi tomonidan tasdiqlangan roʻyxatda keltirilgan muassasalar tomonidan beriladigan “Toifadan tashqari”, navbatdan tashqari telegrammalarni yuborish;

Oʻzbekiston Respublikasi Vazirlar Mahkamasi tomonidan tasdiqlangan roʻyxatda keltirilgan mansabdor shaxslar tomonidan beriladigan “oliy hukumatga oid”, “hukumatga oid” telegrammalarni yuborish;

telegraf kanallarini ijaraga berish.

Shaharlararo telefon aloqa xizmatlari

Kanallar (traktlar)ni ijaraga berish (hududlararo va zonaichi);

analog kanal (trakt)ni oʻrnatish (installyatsiya);

analog kanal (trakt)ni ijaraga berish;

raqamli kanal (trakt)ni oʻrnatish (installyatsiya);

raqamli kanal (trakt)ni ijaraga berish.

Tarmoqlararo ulanishlar

30-kanalli trakt (E-1)ning quyi chastotali bogʻlovchi liniyasi yoki bitta kanalining ulanish nuqtasini ajratgan holda mahalliy darajada umumiy foydalanish tarmogʻiga ulanishni taqdim etish;

mahalliy darajada raqamli kanalni ijaraga olish.

Maxsus aloqa operatorlari tomonidan taqdim etiladigan xizmatlar

Asosiy telefon apparatini ulash orqali simli abonent liniyasi boʻyicha telefon tarmogʻiga ulanishni taqdim etish (operator tomonidan bitta foydalanuvchiga bitta raqam ajratilganda):

telefonlashtirilgan xonada;

telefonlashtirilmagan xonada.

Simli abonent liniyasi boʻyicha telefon tarmogʻiga ulangan telefon apparatidan mahalliy telefon soʻzlashuvini taqdim etish:

soʻzlashuvlar vaqtbay toʻlov tizimiga oʻtkazilganda;

soʻzlashuvlar vaqtbay toʻlov tizimiga oʻtkazilmaganda.

Universal telekommunikatsiya xizmatlari va telekommunikatsiya xizmatlarining ayrim turlari uchun tariflarni (narxlarni) shakllantirish va tartibga solish toʻgʻrisidagi nizomga 3-ILOVA

Universal telekommunikatsiya xizmatlari va telekommunikatsiya xizmatlarining ayrim turlari uchun tariflarni (narxlarni) koʻrib chiqish boʻyicha takliflarni kiritishda taqdim etiladigan hujjatlar (maʼlumotlar)

Universal telekommunikatsiya xizmatlari va telekommunikatsiya xizmatlarining ayrim turlari (bundan buyon matnda xizmatlar deb yuritiladi) uchun tariflarni koʻrib chiqish boʻyicha quyidagi hujjatlar (maʼlumotlar) ilova qilinishi zarur:

oxirgi hisobot davrida xizmatlarning barcha turlari boʻyicha moliyaviy koʻrsatkichlar, xizmatlar hajmining tabiiy ifodada (minut, Mbayt, Mbit/s va boshqalar) oʻzgarish dinamikasi;

oxirgi hisobot davridagi chiquvchi soʻzlashuvlar almashinuvi;

keyingi hisobot davri uchun xizmatlar turlari boʻyicha amaldagi tariflardagi daromadlar va sof foyda prognozi;

keyingi hisobot davri uchun ishlab chiqarish tannarxi toʻgʻrisidagi prognoz maʼlumotlar;

keyingi hisobot davri uchun rejalashtirilgan telekommunikatsiya vositalari va inshootlarini rivojlantirish, rekonstruksiya qilish va modernizatsiyalash uchun ajratiladigan mablagʻlar toʻgʻrisidagi maʼlumot;

chet ellik hamkorlar bilan tuzilgan shartnomalar boʻyicha toʻlovlar grafiklari;

oxirgi va keyingi hisobot davri uchun xarajatlar, ularning tarkibi va miqdorlari yuzasidan batafsil maʼlumotlar.

Xalqaro xizmatlar uchun tariflarga oʻzgartirish kiritishda quyidagilar maʼlumotlar qoʻshimcha ravishda taqdim etiladi:

toʻlov zonalari boʻyicha oʻrtacha hisoblangan hisob-kitob summalari (taksalari, ulushlari);

Oʻzbekiston Respublikasi milliy valyutasi kursining oxirgi hisobot davri uchun erkin konvertatsiya qilinadigan valyutaga va maxsus qarz olish huquqiga (SDR) nisbatan oʻzgarish dinamikasi.

Oʻzbekiston Respublikasi axborot texnologiyalari va kommunikatsiyalarini rivojlantirish vazirining 2022-yil 19-fevraldagi 221-mh-son buyrugʻiga 2-ILOVA

Oʻz kuchini yoʻqotgan deb topilayotgan idoraviy normativ-huquqiy hujjatlar

1. Pochta va telekommunikatsiya agentligi tomonidan 2000-yil 28-iyuldagi 14-8/1553-son bilan tasdiqlangan Telekommunikatsiya xizmatlari tariflarini shakllantirish va tartibga solish toʻgʻrisidagi nizom (roʻyxat raqami 959, 2000-yil 18-avgust) (Oʻzbekiston Respublikasi vazirliklari, davlat qoʻmitalari va idoralarining normativ-huquqiy hujjatlari axborotnomasi, 2000-y., 16-son).

2. Oʻzbekiston Respublikasi Axborot texnologiyalari va kommunikatsiyalarini rivojlantirish vazirining 2017-yil 30-yanvardagi 149-mh-son “Telekommunikatsiya xizmatlari tariflarini shakllantirish va tartibga solish toʻgʻrisidagi nizomga oʻzgartirish va qoʻshimchalar kiritish haqida”gi qarori (roʻyxat raqami 959-1, 2017-yil 9-mart) (Oʻzbekiston Respublikasi qonun hujjatlari toʻplami, 2017-y., 10-son, 151-modda).

Vazir Sh. SHERMATOV

Moliya vaziri T. ISHMETOV

Monopoliyaga qarshi kurashish qoʻmitasi raisi Sh. SHARAXMETOV

Toshkent sh.,

2022-yil 19-fevral,

2022-yil 21-yanvar

2022-yil 27-yanvar

221-mh-son

(Qonunchilik maʼlumotlari milliy bazasi, 18.03.2022-y., 10/22/3354/0223-son; 17.07.2023-y., 10/23/3354-1/0482-son)

lex.uz

министра по развитию информационных технологий и коммуникаций Республики Узбекистан

Приказ

ПЕРЕЧЕНЬ

Об утверждении Положения о формировании и регулировании тарифов (цен) на универсальные и отдельные услуги телекоммуникаций

В соответствии с Законами Республики Узбекистан « О Телекоммуникациях » и « О Государственном языке », Указом Президента Республики Узбекистан от 19 февраля 2018 года № УП-5349 «О мерах по дальнейшему совершенствованию сферы информационных технологий и коммуникаций», а также постановлением Кабинета Министров Республики Узбекистан от 1 мая 2018 года № 318 «Об утверждении положений о Министерстве по развитию информационных технологий и коммуникаций Республики Узбекистан и Инспекции по контролю в сфере связи, информатизации и телекоммуникационных технологий при Министерстве по развитию информационных технологий и коммуникаций Республики Узбекистан» приказываю:

1. Утвердить Положение о формировании и регулировании тарифов (цен) на универсальные и отдельные услуги телекоммуникаций согласно приложению 1 * .

2. Признать утратившими силу некоторые ведомственные нормативно-правовые акты согласно приложению № 2 .

3. Настоящий приказ вступает в силу со дня его официального опубликования.

Согласовано:

ПРИЛОЖЕНИЕ № 2 к приказу министра по развитию информационных технологий и коммуникаций Республики Узбекистан от 19 февраля 2022 года № 221-мх

ведомственных нормативно-правовых актов, признаваемых утратившими силу

1. Положение о формировании и регулировании тарифов на услуги телекоммуникаций, утвержденное приказом директора Узбекского агентства почты и телекоммуникаций от 28 июля 2000 года № 14-8/1553 (рег. № 959 от 18 августа 2000 года) (Бюллетень нормативных актов министерств, государственных комитетов и ведомств Республики Узбекистан, 2000 г., № 16).

2. Приказ министра по развитию информационных технологий и коммуникаций Республики Узбекистан от 30 января 2017 года № 149-мх «О внесении изменений и дополнений в положение о формировании и регулировании тарифов на услуги телекоммуникаций» (рег. № 959-1 от 9 марта 2017 года) (Собрание законодательства Республики Узбекистан, 2017 г., № 10, ст. 151).

Министр Ш. ШЕРМАТОВ

Министр финансов Т. ИШМЕТОВ

Председатель Антимонопольного комитета Ш. ШАРАХМЕТОВ

г. Ташкент,

19 февраля 2022 г.,

2022 года 21 января

2022 года 27 января

№ 221-мх

(Национальная база данных законодательства, 18.03.2022 г., № 10/22/3354/0223)

lex.uz