📅 2022-yil 18-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 18 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 марта 2022 г. · Постановления Президента
Официальный текст. Официальный документ. Редакционные примечания не включены.
📅 18 March 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Қорақалпоғистон Республикаси Қораўзак туманида қуввати 100 МВт бўлган шамол электр станциясини давлат-хусусий шериклик шартлари асосида қуриш ва бошқариш» лойиҳасини амалга ошириш чора-тадбирлари тўғрисида
Энергетика соҳасига тўғридан-тўғри хорижий инвестицияларни давлат-хусусий шериклик шартлари асосида кенг жалб қилиш орқали қайта тикланувчи энергия манбаларидан электр энергияси ишлаб чиқаришни ривожлантириш, шунингдек, аҳолини ва иқтисодиёт тармоқларини энергия ресурслари билан барқарор таъминлаш мақсадида:
1. Европа тикланиш ва тараққиёт банки (кейинги ўринларда — ЕТТБ) кўмагида «Давлат-хусусий шериклик тўғрисида»ги Ўзбекистон Республикаси Қонуни асосида «Қорақалпоғистон Республикаси Қораўзак туманида қуввати 100 МВт бўлган шамол электр станциясини давлат-хусусий шериклик шартлари асосида қуриш ва бошқариш» лойиҳасини (кейинги ўринларда — Лойиҳа) молиялаштириш, лойиҳалаштириш, қуриш, ишга тушириш ва синовдан ўтказиш, унга эгалик қилиш, техник хизмат кўрсатиш ва ундан фойдаланиш, ишлаб чиқарилган электр энергиясини етказиб бериш (сотиш), шунингдек, шамол электр станциясини ягона электр энергетика тизимига улаш учун қуриладиган ҳаво электр узатиш тармоқлари ва бошқа электр иншоотларини барпо этиш бўйича халқаро тендер натижаларига кўра:
а) «ACWA POWER-Saudi Listed Joint Stock Company» (Саудия Арабистони) компанияси тендер ғолиби (кейинги ўринларда — тендер ғолиби) деб топилганлиги;
б) тендер ғолиби томонидан Лойиҳани амалга ошириш учун хусусий шерик сифатида Ўзбекистон Республикасида «ACWA Power Wind Karatau» МЧЖ ХК (кейинги ўринларда — лойиҳа компанияси) таъсис этилганлиги;
в) Ўзбекистон Республикаси Ҳукумати номидан Молия вазирлиги, тендер ғолиби ва лойиҳа компанияси ўртасида 2021 йил 17 декабрда Давлат томонидан қўллаб-қувватлаш тўғрисидаги битим тузилганлиги ҳамда унга мувофиқ:
тендер ғолиби ушбу битим бўйича ўз ҳуқуқ ва мажбуриятларидан лойиҳа компанияси фойдасига воз кечиши;
Лойиҳани амалга оширишнинг бутун даври мобайнида Қорақалпоғистон Республикаси Қораўзак туманида қуввати 100 МВт бўлган шамол электр станциясини лойиҳа компанияси лойиҳалаштириши, молиялаштириши, қуриши ва эксплуатация қилиши;
Лойиҳани амалга ошириш учун лойиҳа компанияси юзага келиши мумкин бўлган хавф-хатарларни зиммасига олган ҳолда, ўз маблағлари ҳисобидан 40,1 млн АҚШ доллари ва халқаро молия институтларидан олинадиган қарз ҳисобидан 67,7 млн АҚШ доллари миқдорида тўғридан-тўғри хорижий инвестицияларни жалб этиши белгиланганлиги;
г) «Ўзбекистон миллий электр тармоқлари» АЖ (кейинги ўринларда — давлат шериги) ва лойиҳа компанияси ўртасида 2021 йил 17 декабрда Электр энергиясини сотиб олиш тўғрисида тузилган битимга мувофиқ лойиҳа компанияси:
қурилиш давридаги ўз мажбуриятлари лозим даражада бажарилишининг таъминоти сифатида 20 млн АҚШ доллари миқдорида биринчи даражали хорижий банк кафолатини тақдим этиши;
ишлаб чиқарилган электр энергиясини давлат шеригига кафолатланган тарзда сотиши;
Лойиҳа доирасида шамол электр станциясини ягона электр энергияси тармоғига улаш учун қуриладиган ҳаво электр узатиш тармоқлари, оширувчи подстанция ва ўчириб-ёқиш пунктини қуриш ҳамда ишга туширилгандан сўнг уларни давлат шеригига топшириш мажбуриятини ўз зиммасига олганлиги маълумот учун қабул қилинсин.
2. Молия вазирлиги, тендер ғолиби ва лойиҳа компанияси ўртасида 2021 йил 17 декабрда имзоланган Давлат томонидан қўллаб-қувватлаш тўғрисидаги битим тасдиқлансин ва битим ушбу қарор эълон қилинган кундан эътиборан кучга кирган деб ҳисоблансин.
3. Электр энергиясини сотиб олиш тўғрисидаги битим шартларига мувофиқ, Лойиҳанинг амал қилиш муддати давомида электр энергияси АҚШ долларида деноминация қилинган ва миллий валютада тўланадиган қатъий тариф (1 киловатт-соат электр энергияси учун 2,5695 АҚШ центи) бўйича сотиб олиниши белгилаб қўйилсин.
4. Қорақалпоғистон Республикаси Вазирлар Кенгаши бир ой муддатда Давлат томонидан қўллаб-қувватлаш тўғрисидаги битим ва Электр энергиясини сотиб олиш тўғрисидаги битимда кўрсатилган шартларга мос келадиган ер участкасининг ҳамда шамол электр станцияси фаолиятини таъминлашга хизмат қилувчи ҳаво электр узатиш тармоқлари ва электр инфратузилмаси қурилмалари учун зарур бўлган ер майдонлари эгаллайдиган ер координаталаридан келиб чиқиб, уларнинг Энергетика вазирлигига доимий фойдаланиш ҳуқуқи билан ажратилишини таъминласин.
Энергетика вазирлиги мазкур бандга асосан:
шамол электр станцияси қурилиши учун ажратилган ер участкасининг Лойиҳани амалга ошириш муддатига тенг даврга лойиҳа компаниясига;
ҳаво электр узатиш тармоқларини ва электр инфратузилмаси қурилмаларини қуриш учун ажратилган ер участкасининг давлат шеригига ижарага берилишини таъминласин.
Ерни ижарага олиш ҳуқуқи учун ҳақ тўлаш ерга нисбатан амал қилувчи ва лойиҳа компанияси томонидан тўланадиган ижара тўловлари кўринишида ифодаланиши белгилансин.
Бунда, лойиҳа компанияси Лойиҳани амалга ошириш доирасида қишлоқ хўжалигига мўлжалланган ерлардан фойдаланганлик учун қишлоқ хўжалиги ишлаб чиқариши нобудгарчилиги ўрнини қоплашдан (компенсация тўловларидан) озод қилинсин.
5. Давлат шеригига лойиҳани амалга ошириш учун лойиҳа компанияси билан биргаликда Электр энергиясини сотиб олиш тўғрисидаги битимда белгиланган тартибга мувофиқ халқаро мустақил инжиниринг компанияларини жалб қилишга рухсат берилсин.
6. Ўзбекистон Республикаси қонунчилигига мувофиқ, лойиҳа компаниясига барча солиқларни тўлаган тақдирда, Лойиҳани амалга ошириш учун қуйидагиларга рухсат берилсин:
кредитлаш, хорижий валютадаги маблағларни олиш ва улардан фойдаланиш (шу жумладан, хорижий валютада кредит маблағлари тушумлари) учун Ўзбекистон Республикасидан ташқарида нуфузли хорижий банкларда белгиланган тартибда банк ҳисобварақларини очиш ва юритиш;
халқаро молия институтларидан жалб қилинган кредитларни қайтариш учун Ўзбекистон Республикасидаги ҳисобварақларидан маблағларни Ўзбекистон Республикасидан ташқарида юритиладиган ҳисобварақларига ўтказиш;
ҳар бир ҳолатда халқаро молия институтларининг талабларига мувофиқ ва ўтказилган маблағлар ҳисобидан Ўзбекистон Республикасидан ташқаридаги хорижий пудратчи, етказиб берувчи ва кредиторларга тўловларни Ўзбекистон Республикасидаги банк ҳисобварақлари орқали ўтказмасдан тўғридан-тўғри лойиҳа компаниясининг хориждаги банк ҳисобварағидан амалга ошириш;
учувчисиз учиш аппаратларини (дрон) харид қилиш ва белгиланган тартибда улар орқали қурилиш ишларининг мониторингини олиб бориш.
7. Адлия вазирлиги Лойиҳани амалга ошириш доирасида Давлат томонидан қўллаб-қувватлаш тўғрисидаги битим ва унинг қоидаларига мувофиқ имзоланган битимлар юзасидан юридик хулосалар берсин.
8. Лойиҳа компаниясининг буюртманомасига биноан Лойиҳани амалга ошириш доирасида:
Ташқи ишлар вазирлиги — жалб қилинадиган хорижий мутахассислар учун кириш визалари, зарур ҳолларда, Ислом Каримов номидаги «Тошкент» халқаро аэропортида белгиланган тартибда расмийлаштирилишини;
Ички ишлар вазирлиги — жалб қилинадиган пудрат ташкилотларининг хорижий мутахассислари ҳамда уларнинг оила аъзоларига кўп марталик виза берилиши ва муддати узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини;
Камбағалликни қисқартириш ва бандлик вазирлиги — хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) таъминласин.
9. Қуйидагиларга:
Молия вазирлигига Ўзбекистон Республикаси Ҳукумати номидан ЕТТБ билан Давлат томонидан қўллаб-қувватлаш тўғрисидаги ва Электр энергиясини сотиб олиш тўғрисидаги битимларга асосан мажбуриятларни қўллаб-қувватлаш учун мўлжалланган, Лойиҳа юзасидан ЕТТБнинг кафолатланган аккредитивига мувофиқ шакли ва мазмуни бўйича тегишли равишда томонларни қониқтирадиган суверен компенсация кафолати шартномасини тузиш;
Молия вазирлиги, давлат шериги ва Қорақалпоғистон Республикаси Вазирлар Кенгашига лойиҳа компанияси ва Лойиҳани молиялаштиришда иштирок этадиган кредиторлар билан Лойиҳани амалга ошириш доирасида имзоланган битимлар бўйича мажбуриятлар лойиҳа компанияси томонидан бажарилмаган тақдирда лойиҳа компанияси ҳуқуқларини кредиторларга бериш юзасидан битимлар тузиш ҳуқуқи берилсин.
10. Мазкур қарорнинг ижросини самарали ташкил қилишга масъул ва шахсий жавобгар этиб энергетика вазири А.С. Султанов ва молия вазири Т.А. Ишметов белгилансин.
Қарор ижросини назорат қилиш ва ижро учун масъул идоралар фаолиятини мувофиқлаштириш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 18 март,
ПҚ-169-сон
Oʻzbekiston Respublikasi Prezidentining
Qarori
“Qoraqalpogʻiston Respublikasi Qoraoʻzak tumanida quvvati 100 MVt boʻlgan shamol elektr stansiyasini davlat-xususiy sheriklik shartlari asosida qurish va boshqarish” loyihasini amalga oshirish chora-tadbirlari toʻgʻrisida
Energetika sohasiga toʻgʻridan-toʻgʻri xorijiy investitsiyalarni davlat-xususiy sheriklik shartlari asosida keng jalb qilish orqali qayta tiklanuvchi energiya manbalaridan elektr energiyasi ishlab chiqarishni rivojlantirish, shuningdek, aholini va iqtisodiyot tarmoqlarini energiya resurslari bilan barqaror taʼminlash maqsadida:
1. Yevropa tiklanish va taraqqiyot banki (keyingi oʻrinlarda — YETTB) koʻmagida “Davlat-xususiy sheriklik toʻgʻrisida”gi Oʻzbekiston Respublikasi Qonuni asosida “Qoraqalpogʻiston Respublikasi Qoraoʻzak tumanida quvvati 100 MVt boʻlgan shamol elektr stansiyasini davlat-xususiy sheriklik shartlari asosida qurish va boshqarish” loyihasini (keyingi oʻrinlarda — Loyiha) moliyalashtirish, loyihalashtirish, qurish, ishga tushirish va sinovdan oʻtkazish, unga egalik qilish, texnik xizmat koʻrsatish va undan foydalanish, ishlab chiqarilgan elektr energiyasini yetkazib berish (sotish), shuningdek, shamol elektr stansiyasini yagona elektr energetika tizimiga ulash uchun quriladigan havo elektr uzatish tarmoqlari va boshqa elektr inshootlarini barpo etish boʻyicha xalqaro tender natijalariga koʻra:
a) “ACWA POWER-Saudi Listed Joint Stock Company” (Saudiya Arabistoni) kompaniyasi tender gʻolibi (keyingi oʻrinlarda — tender gʻolibi) deb topilganligi;
b) tender gʻolibi tomonidan Loyihani amalga oshirish uchun xususiy sherik sifatida Oʻzbekiston Respublikasida “ACWA Power Wind Karatau” MCHJ XK (keyingi oʻrinlarda — loyiha kompaniyasi) taʼsis etilganligi;
v) Oʻzbekiston Respublikasi Hukumati nomidan Moliya vazirligi, tender gʻolibi va loyiha kompaniyasi oʻrtasida 2021-yil 17-dekabrda Davlat tomonidan qoʻllab-quvvatlash toʻgʻrisidagi bitim tuzilganligi hamda unga muvofiq:
tender gʻolibi ushbu bitim boʻyicha oʻz huquq va majburiyatlaridan loyiha kompaniyasi foydasiga voz kechishi;
Loyihani amalga oshirishning butun davri mobaynida Qoraqalpogʻiston Respublikasi Qoraoʻzak tumanida quvvati 100 MVt boʻlgan shamol elektr stansiyasini loyiha kompaniyasi loyihalashtirishi, moliyalashtirishi, qurishi va ekspluatatsiya qilishi;
Loyihani amalga oshirish uchun loyiha kompaniyasi yuzaga kelishi mumkin boʻlgan xavf-xatarlarni zimmasiga olgan holda, oʻz mablagʻlari hisobidan 40,1 mln AQSH dollari va xalqaro moliya institutlaridan olinadigan qarz hisobidan 67,7 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi belgilanganligi;
g) “Oʻzbekiston milliy elektr tarmoqlari” AJ (keyingi oʻrinlarda — davlat sherigi) va loyiha kompaniyasi oʻrtasida 2021-yil 17-dekabrda Elektr energiyasini sotib olish toʻgʻrisida tuzilgan bitimga muvofiq loyiha kompaniyasi:
qurilish davridagi oʻz majburiyatlari lozim darajada bajarilishining taʼminoti sifatida 20 mln AQSH dollari miqdorida birinchi darajali xorijiy bank kafolatini taqdim etishi;
ishlab chiqarilgan elektr energiyasini davlat sherigiga kafolatlangan tarzda sotishi;
Loyiha doirasida shamol elektr stansiyasini yagona elektr energiyasi tarmogʻiga ulash uchun quriladigan havo elektr uzatish tarmoqlari, oshiruvchi podstansiya va oʻchirib-yoqish punktini qurish hamda ishga tushirilgandan soʻng ularni davlat sherigiga topshirish majburiyatini oʻz zimmasiga olganligi maʼlumot uchun qabul qilinsin.
2. Moliya vazirligi, tender gʻolibi va loyiha kompaniyasi oʻrtasida 2021-yil 17-dekabrda imzolangan Davlat tomonidan qoʻllab-quvvatlash toʻgʻrisidagi bitim tasdiqlansin va bitim ushbu qaror eʼlon qilingan kundan eʼtiboran kuchga kirgan deb hisoblansin.
3. Elektr energiyasini sotib olish toʻgʻrisidagi bitim shartlariga muvofiq, Loyihaning amal qilish muddati davomida elektr energiyasi AQSH dollarida denominatsiya qilingan va milliy valyutada toʻlanadigan qatʼiy tarif (1 kilovatt-soat elektr energiyasi uchun 2,5695 AQSH senti) boʻyicha sotib olinishi belgilab qoʻyilsin.
4. Qoraqalpogʻiston Respublikasi Vazirlar Kengashi bir oy muddatda Davlat tomonidan qoʻllab-quvvatlash toʻgʻrisidagi bitim va Elektr energiyasini sotib olish toʻgʻrisidagi bitimda koʻrsatilgan shartlarga mos keladigan yer uchastkasining hamda shamol elektr stansiyasi faoliyatini taʼminlashga xizmat qiluvchi havo elektr uzatish tarmoqlari va elektr infratuzilmasi qurilmalari uchun zarur boʻlgan yer maydonlari egallaydigan yer koordinatalaridan kelib chiqib, ularning Energetika vazirligiga doimiy foydalanish huquqi bilan ajratilishini taʼminlasin.
Energetika vazirligi mazkur bandga asosan:
shamol elektr stansiyasi qurilishi uchun ajratilgan yer uchastkasining Loyihani amalga oshirish muddatiga teng davrga loyiha kompaniyasiga;
havo elektr uzatish tarmoqlarini va elektr infratuzilmasi qurilmalarini qurish uchun ajratilgan yer uchastkasining davlat sherigiga ijaraga berilishini taʼminlasin.
Yerni ijaraga olish huquqi uchun haq toʻlash yerga nisbatan amal qiluvchi va loyiha kompaniyasi tomonidan toʻlanadigan ijara toʻlovlari koʻrinishida ifodalanishi belgilansin.
Bunda, loyiha kompaniyasi Loyihani amalga oshirish doirasida qishloq xoʻjaligiga moʻljallangan yerlardan foydalanganlik uchun qishloq xoʻjaligi ishlab chiqarishi nobudgarchiligi oʻrnini qoplashdan (kompensatsiya toʻlovlaridan) ozod qilinsin.
5. Davlat sherigiga loyihani amalga oshirish uchun loyiha kompaniyasi bilan birgalikda Elektr energiyasini sotib olish toʻgʻrisidagi bitimda belgilangan tartibga muvofiq xalqaro mustaqil injiniring kompaniyalarini jalb qilishga ruxsat berilsin.
6. Oʻzbekiston Respublikasi qonunchiligiga muvofiq, loyiha kompaniyasiga barcha soliqlarni toʻlagan taqdirda, Loyihani amalga oshirish uchun quyidagilarga ruxsat berilsin:
kreditlash, xorijiy valyutadagi mablagʻlarni olish va ulardan foydalanish (shu jumladan, xorijiy valyutada kredit mablagʻlari tushumlari) uchun Oʻzbekiston Respublikasidan tashqarida nufuzli xorijiy banklarda belgilangan tartibda bank hisobvaraqlarini ochish va yuritish;
xalqaro moliya institutlaridan jalb qilingan kreditlarni qaytarish uchun Oʻzbekiston Respublikasidagi hisobvaraqlaridan mablagʻlarni Oʻzbekiston Respublikasidan tashqarida yuritiladigan hisobvaraqlariga oʻtkazish;
har bir holatda xalqaro moliya institutlarining talablariga muvofiq va oʻtkazilgan mablagʻlar hisobidan Oʻzbekiston Respublikasidan tashqaridagi xorijiy pudratchi, yetkazib beruvchi va kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan toʻgʻridan-toʻgʻri loyiha kompaniyasining xorijdagi bank hisobvaragʻidan amalga oshirish;
uchuvchisiz uchish apparatlarini (dron) xarid qilish va belgilangan tartibda ular orqali qurilish ishlarining monitoringini olib borish.
7. Adliya vazirligi Loyihani amalga oshirish doirasida Davlat tomonidan qoʻllab-quvvatlash toʻgʻrisidagi bitim va uning qoidalariga muvofiq imzolangan bitimlar yuzasidan yuridik xulosalar bersin.
8. Loyiha kompaniyasining buyurtmanomasiga binoan Loyihani amalga oshirish doirasida:
Tashqi ishlar vazirligi — jalb qilinadigan xorijiy mutaxassislar uchun kirish vizalari, zarur hollarda, Islom Karimov nomidagi “Toshkent” xalqaro aeroportida belgilangan tartibda rasmiylashtirilishini;
Ichki ishlar vazirligi — jalb qilinadigan pudrat tashkilotlarining xorijiy mutaxassislari hamda ularning oila aʼzolariga koʻp martalik viza berilishi va muddati uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini;
Kambagʻallikni qisqartirish va bandlik vazirligi — xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) taʼminlasin.
9. Quyidagilarga:
Moliya vazirligiga Oʻzbekiston Respublikasi Hukumati nomidan YETTB bilan Davlat tomonidan qoʻllab-quvvatlash toʻgʻrisidagi va Elektr energiyasini sotib olish toʻgʻrisidagi bitimlarga asosan majburiyatlarni qoʻllab-quvvatlash uchun moʻljallangan, Loyiha yuzasidan YETTBning kafolatlangan akkreditiviga muvofiq shakli va mazmuni boʻyicha tegishli ravishda tomonlarni qoniqtiradigan suveren kompensatsiya kafolati shartnomasini tuzish;
Moliya vazirligi, davlat sherigi va Qoraqalpogʻiston Respublikasi Vazirlar Kengashiga loyiha kompaniyasi va Loyihani moliyalashtirishda ishtirok etadigan kreditorlar bilan Loyihani amalga oshirish doirasida imzolangan bitimlar boʻyicha majburiyatlar loyiha kompaniyasi tomonidan bajarilmagan taqdirda loyiha kompaniyasi huquqlarini kreditorlarga berish yuzasidan bitimlar tuzish huquqi berilsin.
10. Mazkur qarorning ijrosini samarali tashkil qilishga masʼul va shaxsiy javobgar etib energetika vaziri A.S. Sultanov va moliya vaziri T.A. Ishmetov belgilansin.
Qaror ijrosini nazorat qilish va ijro uchun masʼul idoralar faoliyatini muvofiqlashtirish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 18-mart,
PQ-169-son
Президента Республики Узбекистан
Постановление
О мерах по реализации проекта «Строительство и эксплуатация ветряной электростанции мощностью 100 МВт в Караузякском районе Республики Каракалпакстан на основе условий государственно-частного партнерства»
В целях развития производства электрической энергии из возобновляемых источников энергии посредством широкого привлечения прямых иностранных инвестиций в электроэнергетическую отрасль на основе условий государственно-частного партнерства, а также устойчивого обеспечения энергоресурсами населения и отраслей экономики:
1. Принять к сведению, что по результатам международного тендера на финансирование проекта «Строительство и эксплуатация ветряной электростанции мощностью 100 МВт в Караузякском районе Республики Каракалпакстан на основе условий государственно-частного партнерства» (далее — Проект) на основание Закона Республики Узбекистан «О государственно-частном партнерстве» при поддержке Европейского банка реконструкции и развития (далее — ЕБРР), а также проектирование, строительство, запуск и испытание, владение, техническое обслуживание и эксплуатацию, поставку (реализацию) произведенной электроэнергии, строительство воздушных линий электропередач и иных электросооружений для присоединения ветряной электростанции к единой системе электроэнергетики:
а) компания «ACWA POWER-Saudi Listed Joint Stock Company» (Саудовская Аравия) признана победителем тендера (далее — Победитель тендера);
б) Победителем тендера для реализации Проекта в качестве частного партнера учреждено ИП ООО «ACWA Power Wind Karatau» (далее — Проектная компания) в Республике Узбекистан;
в) от имени Правительства Республики Узбекистан в лице Министерства финансов, Победителем тендера и Проектной компанией 17 декабря 2021 года заключено Соглашение о государственной поддержке, в соответствии с которым:
Победитель тендера уступает свои права и обязательства по настоящему соглашению в пользу Проектной компании;
Проектная компания осуществляет проектирование, финансирование, строительство и эксплуатацию ветряной электростанции мощностью 100 МВт в Караузякском районе Республики Каракалпакстан на протяжении всего периода реализации Проекта;
Проектная компания для реализации Проекта привлекает прямые иностранные инвестиции в размере 40,1 млн долларов США за счет собственных средств и 67,7 млн долларов США за счет займа, предоставленного международными финансовыми институтами, с принятием на себя возможных рисков;
г) между АО «Национальные электрические сети Узбекистана» (далее — Государственный партнер) и Проектной компанией 17 декабря 2021 года заключено Соглашение о закупке электроэнергии, в соответствии с которым Проектная компания принимает на себя обязательства по:
предоставлению банковской гарантии первоклассного иностранного банка в размере 20 млн долларов США в качестве обеспечения исполнения своих обязательств в период строительства на надлежащем уровне;
гарантированной продаже произведенной электрической энергии Государственному партнеру;
строительству воздушных линий электропередачи, повышающей подстанции и переключательного пункта для подключения ветряной электростанции к единой электроэнергетической сети и передаче их Государственному партнеру после ввода в эксплуатацию — в рамках Проекта.
2. Утвердить Соглашение о государственной поддержке, подписанное 17 декабря 2021 года между Министерством финансов, Победителем тендера и Проектной компанией и считать настоящее Соглашение вступившим в силу со дня опубликования настоящего постановления.
3. Определить, что в соответствии с условиями Соглашения о закупке электрической энергии в период реализации Проекта электрическая энергия закупается по деноминированному в долларах США фиксированному тарифу (2,5695 цента США за 1 киловатт-час электрической энергии) и оплачивается в национальной валюте.
4. Совету Министров Республики Каракалпакстан в месячный срок обеспечить выделение Министерству энергетики на праве постоянного пользования земельного участка, а также земельной площади, необходимой для воздушных линий электропередачи, обеспечивающей работу ветряной электростанции, исходя из координат земли, занятой сооружениями электрической инфраструктуры, соответствующих условиям, указанным в Соглашении о государственной поддержке и Соглашении о закупке электрической энергии.
Министерству энергетики в соответствии с настоящим пунктом обеспечить передачу в аренду:
Проектной компании — земельного участка, выделенного для строительства ветряной электростанции, на период, равный сроку реализации Проекта;
Государственному партнеру — земельной площади, выделенной для строительства воздушных линий электропередачи и сооружений электрической инфраструктуры.
Определить, что плата за право аренды земли по рыночной стоимости выражается в форме арендной платы, действующей в отношении земли и уплачиваемой Проектной компанией.
При этом освободить Проектную компанию от возмещения потерь сельскохозяйственного производства (компенсационных выплат) при использовании земель сельскохозяйственного назначения в рамках реализации Проекта.
5. Разрешить Государственному партнеру совместно с Проектной компанией привлекать к реализации Проекта международные независимые инжиниринговые компании в соответствии с порядком, установленным Соглашением о закупке электрической энергии.
6. Разрешить Проектной компании в целях реализации Проекта в соответствии с законодательством Республики Узбекистан после оплаты всех налогов, подлежащих уплате:
открывать и распоряжаться в установленном порядке банковскими расчетными счетами в авторитетных зарубежных банках за пределами Республики Узбекистан для кредитования, получения (включая кредитные поступления в иностранной валюте) и использования денежных средств в иностранной валюте;
перечислять денежные средства со счетов в Республике Узбекистан на счета за пределами Республики Узбекистан в целях погашения кредитов, привлеченных из международных финансовых институтов;
осуществлять платежи иностранным подрядчикам, поставщикам или иностранным кредиторам за пределами Республики Узбекистан напрямую с зарубежных банковских счетов Проектной компании без проведения таких платежей через банковские счета в Республике Узбекистан — в каждом случае в соответствии с требованиями международных финансовых институтов и за счет перечисленных средств;
приобретать беспилотные летательные аппараты (дроны) и проводить мониторинг строительных работ посредством их использования в установленном порядке.
7. Министерству юстиции выдать юридические заключения по Соглашению о государственной поддержке и соглашениям, подписанным в соответствии с его положениями, в рамках реализации Проекта.
8. По заявкам Проектной компании в рамках реализации Проекта обеспечить:
Министерству иностранных дел — оформление в установленном порядке въездных виз привлекаемым зарубежным специалистам, при необходимости — в Международном аэропорту «Ташкент» имени Ислама Каримова;
Министерству внутренних дел — выдачу и продление срока действия многоразовых виз, а также регистрацию и ее продление по месту пребывания зарубежным специалистам привлекаемых подрядных организаций, а также членам их семей;
Министерству занятости и сокращения бедности — выдачу (продление) иностранным гражданам подтверждений на право осуществления трудовой деятельности на территории Республики Узбекистан.
9. Предоставить право на заключение:
Министерству финансов — от имени Правительства Республики Узбекистан суверенного соглашения о гарантии компенсации с Европейским банком реконструкции и развития на основе соглашений о государственной поддержке и закупке электрической энергии, предназначенного для поддержки обязательств, в соответствии с гарантированным аккредитивом ЕБРР по Проекту, по форме и содержанию удовлетворяющим стороны соответственно;
Министерству финансов, Государственному партнеру и Совету Министров Республики Каракалпакстан — соглашений с Проектной компанией и кредиторами, принимающими участие в финансировании Проекта, по уступке кредиторам прав Проектной компании в случае неисполнения Проектной компанией обязательств по соглашениям, подписанным в рамках реализации Проекта.
10. Возложить на министра энергетики А.С. Султанова и министра финансов Т.А. Ишметова персональную ответственность за эффективную организацию исполнения настоящего постановления.
Осуществление контроля за исполнением настоящего постановления и координации деятельности ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
18 марта 2022 г.,
№ ПП-169