UzbekAI

Ўзбекистон Республикаси Вазирлар Маҳкамасининг

қарори

ТУЗИЛМАСИ

ЖАДВАЛИ

Энергетика вазирлиги ҳузуридаги Қайта тикланувчи энергия манбалари миллий илмий-тадқиқот институти фаолиятини ташкил этиш чора-тадбирлари тўғрисида

Ўзбекистон Республикаси Президентининг «Ўзбекистон Республикасида қайта тикланувчи ва водород энергетикасини ривожлантириш чора-тадбирлари тўғрисида» 2021 йил 9 апрелдаги ПҚ-5063-сон қарорига мувофиқ қайта тикланувчи ва водород энергетикаси технологияларини жадал жорий этиш ҳамда ушбу соҳа учун юқори малакали кадрлар тайёрлаш тизимини самарали йўлга қўйиш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Ўзбекистон Республикасида қайта тикланувчи ва водород энергетикасини ривожлантириш чора-тадбирлари тўғрисида» 2021 йил 9 апрелдаги ПҚ-5063-сон қарорига мувофиқ:

Фанлар академиясининг «Халқаро қуёш энергияси институти» МЧЖ негизида Энергетика вазирлиги ҳузурида Қайта тикланувчи энергия манбалари миллий илмий-тадқиқот институти (кейинги ўринларда — Институт) ва унинг тузилмасида Водород энергетикаси илмий-тадқиқот маркази ҳамда Қайта тикланувчи ва водород энергетикаси технологияларини синаш ва сертификатлаш лабораторияси ташкил қилинганлиги;

Институт юридик шахс ҳисобланган давлат илмий ташкилоти бўлиб, Фанлар академиясининг «Халқаро қуёш энергияси институти» МЧЖнинг шартномалари ва мажбуриятлари бўйича ҳуқуқий вориси ҳисобланиши;

Институт ходимларига Фанлар академияси илмий-тадқиқот муассасаларининг тегишли лавозимлари учун белгиланган меҳнатга ҳақ тўлаш ва моддий рағбатлантириш шартлари татбиқ этилиши;

Институт фаолиятини молиялаштириш манбалари белгиланганлиги маълумот учун қабул қилинсин.

2. Қуйидагилар:

Энергетика вазирлиги ҳузуридаги Қайта тикланувчи энергия манбалари миллий илмий-тадқиқот институтининг тузилмаси 1-иловага мувофиқ;

Энергетика вазирлиги ҳузуридаги Қайта тикланувчи энергия манбалари миллий илмий-тадқиқот институтининг Ўзбекистон Республикаси Давлат бюджети маблағлари ҳисобидан молиялаштириладиган илмий ходимлари сонини босқичма-босқич мақбуллаштириш жадвали 2-иловага мувофиқ тасдиқлансин.

3. Белгилаб қўйилсинки:

Институт илмий ташкилот сифатида давлат буюртмалари ва дастурларини амалга оширишда ҳамда фундаментал ва амалий тадқиқотлар олиб боришда иштирок этади;

Институт директори ва унинг ўринбосарлари Ўзбекистон Республикаси энергетика вазири томонидан лавозимга тайинланади ва лавозимдан озод этилади, Институт директорининг илмий ишлар бўйича ўринбосари Ўзбекистон Республикаси инновацион ривожланиш вазирининг тақдимномасига мувофиқ Ўзбекистон Республикаси энергетика вазирининг буйруғига асосан лавозимга тайинланади ва лавозимдан озод этилади;

Институтни бюджет маблағлари ҳисобидан сақлаш харажатлари 2022 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Энергетика вазирлигига ажратилган маблағлар доирасида амалга оширилади, 2023 йилдан бошлаб — Ўзбекистон Республикаси давлат бюджети параметрларида назарда тутилади.

4. Мазкур қарорининг бажарилишини назорат қилиш Вазирлар Маҳкамасининг Геология, энергетика, саноат ва унинг базавий тармоқларини ривожлантириш масалалари департаментига ҳамда Ўзбекистон Республикаси энергетика вазири А.С. Султанов зиммасига юклансин.

Вазирлар Маҳкамасининг 2022 йил 24 мартдаги 127-сон қарорига 1-ИЛОВА

Энергетика вазирлиги ҳузуридаги Қайта тикланувчи энергия манбалари миллий илмий-тадқиқот институтининг

Илмий кенгаш Директор Директорнинг илмий ишлар бўйича ўринбосари Директор ўринбосари — Водород энергетикаси илмий-тадқиқот маркази директори Директорнинг умумий ишлар бўйича ўринбосари Илмий котиб Юрисконсульт Кадрлар бўлими инспектори Фотоэлектрик тизимлар лабораторияси 8 Водород энергетикаси технологиялари лабораторияси 5 Лойиҳалаш ва тажриба-ишлаб чиқариш бўлими 2 Бухгалтерия 2 Махсус қисм Қуёш ёрдамида иситиш ва совитиш таъминоти тизимлари лабораторияси 6 «Яшил» водородни олиш ва сақлаш технологиялари лабораторияси 5 Тажриба-синов ва кўргазма полигони * Етакчи иқтисодчи Халқаро алоқалар бўйича мутахассис Ёрдамчи ходимлар * Шамол, сув, биомасса энергияси ва табиий иссиқлик манбалари лабораторияси 6 Ёқилғи элементлари технологиялари лабораторияси 5 Илмий-инновацион ишланмаларни патентлаш, тижоратлаштириш ва лицензиялаш бўлими 2 Ахборот-коммуникация технологиялари бўйича мутахассис Қайта тикланувчи энергия манбаларини электр тармоққа интеграциялаш лабораторияси 7 Энергетик объектларнинг техноген ва экологик хавфсизлиги лабораторияси 3 Қайта тикланувчи ва водород энергетикаси технологияларини синаш ва сертификатлаш лабораторияси 4 Янги материаллар ва энергияни аккумуляциялаш лабораторияси 4 Иқлим ўзгарувчанлиги мониторинги ва барқарор ривожланиш лабораторияси 4

Вазирлар Маҳкамасининг 2022 йил 24 мартдаги 127-сон қарорига 2-ИЛОВА

Энергетика вазирлиги ҳузуридаги Қайта тикланувчи энергия манбалари миллий илмий-тадқиқот институтининг Ўзбекистон Республикаси Давлат бюджети маблағлари ҳисобидан молиялаштириладиган илмий ходимлари сонини босқичма-босқич мақбуллаштириш

Т/р Лаборатория номи Илмий ходимларнинг штат бирлигидаги сони 2022-2023 йй. 2024-2025 йй. 2026 йилдан бошлаб 1. Фотоэлектрик тизимлар лабораторияси 8 5 4 2. Қуёш ёрдамида иситиш ва совитиш таъминоти тизимлари лабораторияси 6 3 2 3. Шамол, сув, биомасса энергияси ва табиий иссиқлик манбалари лабораторияси 6 3 2 4. Қайта тикланувчи энергия манбаларини электр тармоққа интеграциялаш лабораторияси 7 4 3 5. Янги материаллар ва энергияни аккумуляциялаш лабораторияси 4 3 2 6. Иқлим ўзгарувчанлиги мониторинги ва барқарор ривожланиш лабораторияси 4 2 1 7. Энергетик объектларнинг техноген ва экологик хавфсизлиги лабораторияси 3 1 1 8. Қайта тикланувчи ва водород энергетикаси технологияларини синаш ва сертификатлаш лабораторияси 4 3 2 9. Водород энергетикаси технологиялари лабораторияси 5 3 2 10. «Яшил» водородни олиш ва сақлаш технологиялари лабораторияси 5 3 2 11. Ёқилғи элементлари технологиялари лабораторияси 5 3 2 Жами 57 33 23

Ўзбекистон Республикасининг Бош вазири А. АРИПОВ

Тошкент ш.,

2022 йил 24 март,

127-сон

(Қонунчилик маълумотлари миллий базаси, 24.03.2022 й., 09/22/127/0232-сон)

lex.uz

Oʻzbekiston Respublikasi Vazirlar Mahkamasining

qarori

TUZILMASI

JADVALI

Energetika vazirligi huzuridagi Qayta tiklanuvchi energiya manbalari milliy ilmiy-tadqiqot instituti faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “Oʻzbekiston Respublikasida qayta tiklanuvchi va vodorod energetikasini rivojlantirish chora-tadbirlari toʻgʻrisida” 2021-yil 9-apreldagi PQ-5063-son qaroriga muvofiq qayta tiklanuvchi va vodorod energetikasi texnologiyalarini jadal joriy etish hamda ushbu soha uchun yuqori malakali kadrlar tayyorlash tizimini samarali yoʻlga qoʻyish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Oʻzbekiston Respublikasida qayta tiklanuvchi va vodorod energetikasini rivojlantirish chora-tadbirlari toʻgʻrisida” 2021-yil 9-apreldagi PQ-5063-son qaroriga muvofiq:

Fanlar akademiyasining “Xalqaro quyosh energiyasi instituti” MChJ negizida Energetika vazirligi huzurida Qayta tiklanuvchi energiya manbalari milliy ilmiy-tadqiqot instituti (keyingi oʻrinlarda — Institut) va uning tuzilmasida Vodorod energetikasi ilmiy-tadqiqot markazi hamda Qayta tiklanuvchi va vodorod energetikasi texnologiyalarini sinash va sertifikatlash laboratoriyasi tashkil qilinganligi;

Institut yuridik shaxs hisoblangan davlat ilmiy tashkiloti boʻlib, Fanlar akademiyasining “Xalqaro quyosh energiyasi instituti” MChJning shartnomalari va majburiyatlari boʻyicha huquqiy vorisi hisoblanishi;

Institut xodimlariga Fanlar akademiyasi ilmiy-tadqiqot muassasalarining tegishli lavozimlari uchun belgilangan mehnatga haq toʻlash va moddiy ragʻbatlantirish shartlari tatbiq etilishi;

Institut faoliyatini moliyalashtirish manbalari belgilanganligi maʼlumot uchun qabul qilinsin.

2. Quyidagilar:

Energetika vazirligi huzuridagi Qayta tiklanuvchi energiya manbalari milliy ilmiy-tadqiqot institutining tuzilmasi 1-ilovaga muvofiq;

Energetika vazirligi huzuridagi Qayta tiklanuvchi energiya manbalari milliy ilmiy-tadqiqot institutining Oʻzbekiston Respublikasi Davlat budjeti mablagʻlari hisobidan moliyalashtiriladigan ilmiy xodimlari sonini bosqichma-bosqich maqbullashtirish jadvali 2-ilovaga muvofiq tasdiqlansin.

3. Belgilab qoʻyilsinki:

Institut ilmiy tashkilot sifatida davlat buyurtmalari va dasturlarini amalga oshirishda hamda fundamental va amaliy tadqiqotlar olib borishda ishtirok etadi;

Institut direktori va uning oʻrinbosarlari Oʻzbekiston Respublikasi energetika vaziri tomonidan lavozimga tayinlanadi va lavozimdan ozod etiladi, Institut direktorining ilmiy ishlar boʻyicha oʻrinbosari Oʻzbekiston Respublikasi innovatsion rivojlanish vazirining taqdimnomasiga muvofiq Oʻzbekiston Respublikasi energetika vazirining buyrugʻiga asosan lavozimga tayinlanadi va lavozimdan ozod etiladi;

Institutni budjet mablagʻlari hisobidan saqlash xarajatlari 2022-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Energetika vazirligiga ajratilgan mablagʻlar doirasida amalga oshiriladi, 2023-yildan boshlab — Oʻzbekiston Respublikasi davlat budjeti parametrlarida nazarda tutiladi.

4. Mazkur qarorining bajarilishini nazorat qilish Vazirlar Mahkamasining Geologiya, energetika, sanoat va uning bazaviy tarmoqlarini rivojlantirish masalalari departamentiga hamda Oʻzbekiston Respublikasi energetika vaziri A.S. Sultanov zimmasiga yuklansin.

Vazirlar Mahkamasining 2022-yil 24-martdagi 127-son qaroriga 1-ILOVA

Energetika vazirligi huzuridagi Qayta tiklanuvchi energiya manbalari milliy ilmiy-tadqiqot institutining

Ilmiy kengash Direktor Direktorning ilmiy ishlar boʻyicha oʻrinbosari Direktor oʻ�inbosari — Vodorod energetikasi ilmiy-tadqiqot markazi direktori Direktorning umumiy ishlar boʻyicha oʻrinbosari Ilmiy kotib Yuriskonsult Kadrlar boʻlimi inspektori Fotoelektrik tizimlar laboratoriyasi 8 Vodorod energetikasi texnologiyalari laboratoriyasi 5 Loyihalash va tajriba-ishlab chiqarish boʻlimi 2 Buxgalteriya 2 Maxsus qism Quyosh yordamida isitish va sovitish taʼminoti tizimlari laboratoriyasi 6 “Yashil” vodorodni olish va saqlash texnologiyalari laboratoriyasi 5 Tajriba-sinov va koʻrgazma poligoni * Yetakchi iqtisodchi Xalqaro aloqalar boʻyicha mutaxassis Yordamchi xodimlar * Shamol, suv, biomassa energiyasi va tabiiy issiqlik manbalari laboratoriyasi 6 Yoqilgʻi elementlari texnologiyalari laboratoriyasi 5 Ilmiy-innovatsion ishlanmalarni patentlash, tijoratlashtirish va litsenziyalash boʻlimi 2 Axborot-kommunikatsiya texnologiyalari boʻyicha mutaxassis Qayta tiklanuvchi energiya manbalarini elektr tarmoqqa integratsiyalash laboratoriyasi 7 Energetik obyektlarning texnogen va ekologik xavfsizligi laboratoriyasi 3 Qayta tiklanuvchi va vodorod energetikasi texnologiyalarini sinash va sertifikatlash laboratoriyasi 4 Yangi materiallar va energiyani akkumulatsiyalash laboratoriyasi 4 Iqlim oʻzgaruvchanligi monitoringi va barqaror rivojlanish laboratoriyasi 4

Vazirlar Mahkamasining 2022-yil 24-martdagi 127-son qaroriga 2-ILOVA

Energetika vazirligi huzuridagi Qayta tiklanuvchi energiya manbalari milliy ilmiy-tadqiqot institutining Oʻzbekiston Respublikasi Davlat budjeti mablagʻlari hisobidan moliyalashtiriladigan ilmiy xodimlari sonini bosqichma-bosqich maqbullashtirish

T/r Laboratoriya nomi Ilmiy xodimlarning shtat birligidagi soni 2022-2023-yy. 2024-2025-yy. 2026-yildan boshlab 1. Fotoelektrik tizimlar laboratoriyasi 8 5 4 2. Quyosh yordamida isitish va sovitish taʼminoti tizimlari laboratoriyasi 6 3 2 3. Shamol, suv, biomassa energiyasi va tabiiy issiqlik manbalari laboratoriyasi 6 3 2 4. Qayta tiklanuvchi energiya manbalarini elektr tarmoqqa integratsiyalash laboratoriyasi 7 4 3 5. Yangi materiallar va energiyani akkumulatsiyalash laboratoriyasi 4 3 2 6. Iqlim oʻzgaruvchanligi monitoringi va barqaror rivojlanish laboratoriyasi 4 2 1 7. Energetik obyektlarning texnogen va ekologik xavfsizligi laboratoriyasi 3 1 1 8. Qayta tiklanuvchi va vodorod energetikasi texnologiyalarini sinash va sertifikatlash laboratoriyasi 4 3 2 9. Vodorod energetikasi texnologiyalari laboratoriyasi 5 3 2 10. “Yashil” vodorodni olish va saqlash texnologiyalari laboratoriyasi 5 3 2 11. Yoqilgʻi elementlari texnologiyalari laboratoriyasi 5 3 2 Jami 57 33 23

Oʻzbekiston Respublikasining Bosh vaziri A. ARIPOV

Toshkent sh.,

2022-yil 24-mart,

127-son

(Qonunchilik maʼlumotlari milliy bazasi, 24.03.2022-y., 09/22/127/0232-son)

lex.uz