📅 2022-yil 24-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 24 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 24 марта 2022 г. · Указы Президента
Официальный текст. Официальный документ. Редакционные примечания не включены.
📅 24 March 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Қишлоқ хўжалигига мўлжалланган ер участкаларини ижарага бериш тартибини соддалаштириш чора-тадбирлари тўғрисида
Ўзбекистон Республикаси Президентининг 2021 йил 8 июндаги «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида»ги ПФ-6243-сон Фармони билан бошланган ер муносабатлари соҳасидаги ислоҳотларни изчил давом эттириш, шунингдек, қишлоқ хўжалигига мўлжалланган ер участкаларини ижарага бериш тартибини янада соддалаштириш мақсадида:
1. Қишлоқ хўжалигига мўлжалланган ерларни ижарага бериш бўйича очиқ электрон танлов натижаларини Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимларининг қарори билан тасдиқлаш тартиби бекор қилинсин.
2. Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.
3. Қишлоқ хўжалиги вазирлиги бир ой муддатда қонунчиликка ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
4. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосарлари Ш.М. Ғаниев ва Ж.А. Қўчқоров зиммасига юклансин.
Ўзбекистон Республикаси Президентининг 2022 йил 24 мартдаги ПФ-91-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2021 йил 8 июндаги «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида»ги ПФ-6243-сон Фармонининг 2-банди бешинчи хатбошисидан «, натижалари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимларининг қарори билан тасдиқланадиган» сўзлари чиқариб ташлансин.
2. Ўзбекистон Республикаси Президентининг 2021 йил 23 ноябрдаги «Мева-сабзавотчилик ва узумчиликда оилавий тадбиркорликни ривожлантириш, қишлоқ хўжалиги ишлаб чиқаришида деҳқон хўжаликларининг улушини ошириш чора-тадбирлари тўғрисида»ги ПҚ-20-сон қарорида :
а) 2-банднинг тўртинчи хатбошиси «оилаларга» сўзидан кейин «ҳамда 2022 йил 1 март санасидан кейин хориждан қайтиб келган меҳнат мигрантларига» сўзлари билан тўлдирилсин;
б) 6-банднинг биринчи хатбошиси «тизимига» сўзидан кейин «ва «E-auksion» электрон савдо платформасига» сўзлари билан тўлдирилсин;
в) 2-илованинг матни қуйидаги таҳрирда баён этилсин:
«E-IJARA» ахборот тизимига ва «E-auksion» электрон савдо платформасига интеграция қилиш орқали идоралараро электрон маълумотлар алмашинуви йўлга қўйиладиган вазирликлар ва идоралар
РЎЙХАТИ
1. Ўзбекистон Республикаси Ахборот технологиялари ва коммуникацияларини ривожлантириш вазирлиги ва унинг ҳузуридаги «Электрон ҳукумат лойиҳаларини бошқариш маркази» давлат муассасаси.
2. Ўзбекистон Республикаси Иқтисодий тараққиёт ва камбағалликни қисқартириш вазирлиги.
3. Ўзбекистон Республикаси Ички ишлар вазирлиги.
4. Ўзбекистон Республикаси Бандлик ва меҳнат муносабатлари вазирлиги.
5. Ўзбекистон Республикаси Олий ва ўрта-махсус таълим вазирлиги.
6. Ўзбекистон Республикаси Сув хўжалиги вазирлиги.
7. Ўзбекистон Республикаси Маҳалла ва нуронийларни қўллаб-қувватлаш вазирлиги.
8. Ўзбекистон Республикаси Халқ таълими вазирлиги.
9. Ўзбекистон Республикаси Адлия вазирлиги.
10. Ўзбекистон Республикаси Ветеринария ва чорвачиликни ривожлантириш давлат қўмитаси.
11. Ўзбекистон Республикаси Давлат активларини бошқариш агентлиги.
12. Ўзбекистон Республикаси Ёшлар ишлари агентлиги.
13. Ўзбекистон Республикаси «Ўзархив» агентлиги.
14. Ўзбекистон Республикаси Давлат солиқ қўмитаси ҳузуридаги Кадастр агентлиги.
15. Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси.
16. Очиқ электрон танлов ўтказишда иштирок этадиган бошқа идоралар ва мансабдор шахслар — заруратга кўра.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 24 март,
ПФ-91-сон
Oʻzbekiston Respublikasi Prezidentining
Farmoni
Qishloq xoʻjaligiga moʻljallangan yer uchastkalarini ijaraga berish tartibini soddalashtirish chora-tadbirlari toʻgʻrisida
Oʻzbekiston Respublikasi Prezidentining 2021-yil 8-iyundagi “Yer munosabatlarida tenglik va shaffoflikni taʼminlash, erga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida”gi PF-6243-son Farmoni bilan boshlangan yer munosabatlari sohasidagi islohotlarni izchil davom ettirish, shuningdek, qishloq xoʻjaligiga moʻljallangan yer uchastkalarini ijaraga berish tartibini yanada soddalashtirish maqsadida:
1. Qishloq xoʻjaligiga moʻljallangan yerlarni ijaraga berish boʻyicha ochiq elektron tanlov natijalarini Qoraqalpogʻiston Respublikasi Vazirlar Kengashi, viloyatlar va Toshkent shahar hokimlarining qarori bilan tasdiqlash tartibi bekor qilinsin.
2. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.
3. Qishloq xoʻjaligi vazirligi bir oy muddatda qonunchilikka ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
4. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosarlari Sh.M. Gʻaniyev va J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 24-martdagi PF-91-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2021-yil 8-iyundagi “Yer munosabatlarida tenglik va shaffoflikni taʼminlash, erga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida”gi PF-6243-son Farmonining 2-bandi beshinchi xatboshisidan “, natijalari Qoraqalpogʻiston Respublikasi Vazirlar Kengashi, viloyatlar va Toshkent shahar hokimlarining qarori bilan tasdiqlanadigan” soʻzlari chiqarib tashlansin.
2. Oʻzbekiston Respublikasi Prezidentining 2021-yil 23-noyabrdagi “Meva-sabzavotchilik va uzumchilikda oilaviy tadbirkorlikni rivojlantirish, qishloq xoʻjaligi ishlab chiqarishida dehqon xoʻjaliklarining ulushini oshirish chora-tadbirlari toʻgʻrisida”gi PQ-20-son qarorida :
a) 2-bandning toʻrtinchi xatboshisi “oilalarga” soʻzidan keyin “hamda 2022-yil 1-mart sanasidan keyin xorijdan qaytib kelgan mehnat migrantlariga” soʻzlari bilan toʻldirilsin;
b) 6-bandning birinchi xatboshisi “tizimiga” soʻzidan keyin “va “E-auksion” elektron savdo platformasiga” soʻzlari bilan toʻldirilsin;
v) 2-ilovaning matni quyidagi tahrirda bayon etilsin:
“E-IJARA” axborot tizimiga va “E-auksion” elektron savdo platformasiga integratsiya qilish orqali idoralararo elektron maʼlumotlar almashinuvi yoʻlga qoʻyiladigan vazirliklar va idoralar
ROʻYXATI
1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va uning huzuridagi “Elektron hukumat loyihalarini boshqarish markazi” davlat muassasasi.
2. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi.
3. Oʻzbekiston Respublikasi Ichki ishlar vazirligi.
4. Oʻzbekiston Respublikasi Bandlik va mehnat munosabatlari vazirligi.
5. Oʻzbekiston Respublikasi Oliy va oʻrta-maxsus taʼlim vazirligi.
6. Oʻzbekiston Respublikasi Suv xoʻjaligi vazirligi.
7. Oʻzbekiston Respublikasi Mahalla va nuroniylarni qoʻllab-quvvatlash vazirligi.
8. Oʻzbekiston Respublikasi Xalq taʼlimi vazirligi.
9. Oʻzbekiston Respublikasi Adliya vazirligi.
10. Oʻzbekiston Respublikasi Veterinariya va chorvachilikni rivojlantirish davlat qoʻmitasi.
11. Oʻzbekiston Respublikasi Davlat aktivlarini boshqarish agentligi.
12. Oʻzbekiston Respublikasi Yoshlar ishlari agentligi.
13. Oʻzbekiston Respublikasi “Oʻzarxiv” agentligi.
14. Oʻzbekiston Respublikasi Davlat soliq qoʻmitasi huzuridagi Kadastr agentligi.
15. Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi.
16. Ochiq elektron tanlov oʻtkazishda ishtirok etadigan boshqa idoralar va mansabdor shaxslar — zaruratga koʻra.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 24-mart,
PF-91-son
Президента Республики Узбекистан
Указ
О мерах по упрощению порядка предоставления в аренду земельных участков сельскохозяйственного назначения
В целях последовательного продолжения реформ в сфере земельных отношений, начатых в соответствии с Указом Президента Республики Узбекистан от 8 июня 2021 года № УП-6243 «О мерах по обеспечению равенства и прозрачности в земельных отношениях, надежной защите прав на землю и превращению их в рыночный актив», а также дальнейшего упрощения порядка предоставления в аренду земельных участков сельскохозяйственного назначения:
1. Отменить порядок утверждения решением Совета Министров Республики Каракалпакстан, хокимов областей и города Ташкента результатов открытых электронных конкурсов по предоставлению в аренду земельных участков сельскохозяйственного назначения.
2. Внести изменения и дополнения в некоторые акты Президента Республики Узбекистан согласно приложению .
3. Министерству сельского хозяйства в месячный срок внести в Кабинет Министров предложения об изменениях и дополнениях в законодательство, вытекающих из настоящего Указа.
4. Контроль за исполнением настоящего Указа возложить на заместителей Премьер-министра Республики Узбекистан Ш.М. Ганиева и Д.А. Кучкарова.
ПРИЛОЖЕНИЕ к Указу Президента Республики Узбекистан от 24 марта 2022 года № УП-91
Изменения и дополнения, вносимые в некоторые акты Президента Республики Узбекистан
1. Из абзаца пятого пункта 2 Указа Президента Республики Узбекистан от 8 июня 2021 года № УП-6243 «О мерах по обеспечению равенства и прозрачности в земельных отношениях, надежной защите прав на землю и превращению их в рыночный актив» слова «, результаты которых утверждаются решением Совета Министров Республики Каракалпакстан, хокимов областей и города Ташкента» исключить.
2. В постановлении Президента Республики Узбекистан от 23 ноября 2021 года № ПП-20 «О мерах по развитию семейного предпринимательства в плодоовощеводстве и виноградарстве, увеличению доли дехканских хозяйств в сельскохозяйственном производстве»:
а) абзац четвертый пункта 2 дополнить словами «, а также трудовым мигрантам, вернувшимся из-за рубежа после 1 марта 2022 года»;
б) абзац первый пункта 6 после слова «E-IJARA» дополнить словами «и электронную торговую платформу «E-auksion»;
в) текст приложения № 2 изложить в следующей редакции:
«ПЕРЕЧЕНЬ
министерств и ведомств, в которых налаживается межведомственный электронный обмен данными посредством интеграции в информационную систему «E-IJARA» и электронную торговую платформу «E-auksion»
1. Министерство по развитию информационных технологий и коммуникаций и государственное учреждение «Центр управления проектами электронного правительства» при министерстве.
2. Министерство экономического развития и сокращения бедности Республики Узбекистан.
3. Министерство внутренних дел Республики Узбекистан.
4. Министерство занятости и трудовых отношений Республики Узбекистан.
5. Министерство высшего и среднего специального образования Республики Узбекистан.
6. Министерство водного хозяйства Республики Узбекистан.
7. Министерство по поддержке махалли и старшего поколения Республики Узбекистан.
8. Министерство народного образования Республики Узбекистан.
9. Министерство юстиции Республики Узбекистан.
10. Государственный комитет ветеринарии и развития животноводства Республики Узбекистан.
11. Агентство по управлению государственными активами Республики Узбекистан.
12. Агентство по делам молодежи Республики Узбекистан.
13. Агентство «Узархив» Республики Узбекистан.
14. Агентство по кадастру при Государственном налоговом комитете Республики Узбекистан.
15. Инспекция по контролю за агропромышленным комплексом при Кабинете Министров Республики Узбекистан.
16. По необходимости иные ведомства и должностные лица, участвующие в проведении открытых электронных конкурсов.
Президент Республики Узбекистан Ш. МИРЗИЁЕВ
г. Ташкент,
24 марта 2022 г.,
№ УП-91