UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

СХЕМАСИ

АРИЗА

СХЕМАСИ

АРИЗА

СХЕМАСИ

БУЮРТМА

СХЕМАСИ

БУЮРТМА

СХЕМАСИ

ПАСПОРТИ

АРИЗА

АРИЗА

НИЗОМ

СХЕМАСИ

БУЮРТМА

СХЕМАСИ

ПАСПОРТИ

АРИЗА

АРИЗА

НИЗОМ

СХЕМАСИ

ПАСПОРТИ

АРИЗА

МАЪМУРИЙ РЕГЛАМЕНТИ

СХЕМАСИ

ПАСПОРТИ

СХЕМАСИ

ПАСПОРТИ

РЎЙХАТИ

Ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштириш чора-тадбирлари тўғрисида

Ер қаъри участкасидан фойдаланиш ҳуқуқи учун рухсатнома бериш тартиб-таомилларини тубдан такомиллаштириш, бу борадаги барча жараёнларни тўлиқ электронлаштириш ҳамда мавжуд бюрократик тўсиқларни бартараф этиш орқали тадбиркорлик субъектлари фаолияти учун янада қулай ва кенг шарт-шароитлар яратиш мақсадида Вазирлар Маҳкамаси қарор қилади:

1. Қуйидагилар:

а) Ўзбекистон Республикаси Президентининг «Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида» 2020 йил 24 августдаги ПФ-6044-сон Фармонига мувофиқ:

ер қаъри участкаларидан фойдаланиш ҳуқуқи учун лицензия олишда талабгордан маҳаллий давлат ҳокимияти органларининг кафолат хатларини олишни талаб қилиш тартиби бекор қилинганлиги;

ер қаъри бўйича геологик материалларнинг лойиҳа-смета ҳужжатларини тасдиқлаш ҳақида қарор ҳамда геология қидирув ишлари лойиҳасини келишиш бўйича рухсат этиш хусусиятига эга ҳужжатлар ер қаъри бўйича геологик материалларнинг лойиҳа-смета ҳужжатларининг давлат экспертизаси хулосасига бирлаштириш орқали бекор қилинганлиги;

фойдали қазилмаларни қазиб олиш билан боғлиқ ер остини ўрганиш ишлари бўйича ҳисобни юритиш ҳамда ер ости бойликларини қазиб олиш жараёнида қазиб олинган ва йўқотилган фойдали қазилмалар захираларини ер қаъридан фойдаланувчининг ҳисобидан чиқаришни келишиш бўйича рухсат этиш хусусиятига эга ҳужжатлар фойдали қазилмаларни қазиб олиш билан боғлиқ ер остини ўрганиш ишлари бўйича ҳисобни юритишга бирлаштириш орқали бекор қилинганлиги;

кон ажратиш далолатномаси, кончилик ва қайта ишлаш корхонасининг техник лойиҳаси ҳамда корхонанинг фойдали қазилмаларни қазиб олиш лойиҳаси, шу жумладан коннинг тажриба синовини мувофиқлаштиришни келишиш кон ажратиш далолатномасига бирлаштирилган ҳолда бекор қилинганлиги;

руда ва норуда фойдали қазилмаларни ўз ичига олган ер қаъри участкаларидан фойдаланиш ҳуқуқи учун лицензия «рухсатнома»га ўзгартирилиб, барча жараёнларни, жумладан тўғридан-тўғри музокаралар асосида рухсатномани беришни тўлиқ электронлаштириш назарда тутилганлиги;

б) «Ер ости бойликлари тўғрисида»ги Қонуннинг 8 1 ва 14-моддаларига мувофиқ Ўзбекистон Республикаси Тоғ-кон саноати ва геология вазирлиги (кейинги ўринларда — Кон-геология вазирлиги) томонидан ер ости бойликлари давлат фонди тасарруф этилиши, шунингдек фойдали қазилма конлари, фойдали қазилма белгилари ва техноген минерал ҳосилалар давлат кадастри юритилиши;

в) Ўзбекистон Республикаси Президентининг «Геология-қидирув ишларини янада рағбатлантириш ва ер қаъридан фойдаланувчиларга солиқ солиш тартибини такомиллаштириш чора-тадбирлари тўғрисида» 2021 йил 6 октябрдаги ПФ-6319-сон Фармонига мувофиқ 2022 йил 1 январдан бошлаб:

муҳим тижорат салоҳиятига эга бўлган углеводородлар, қимматбаҳо, рангли, нодир ва радиоактив металлар ва бошқа турдаги рудали фойдали қазилмалар объектлари бўйича геологик ўрганиш ёки аввал ўрганилган ер қаъри участкасида қазиш ишлари учун ер қаъри участкасидан фойдаланиш ҳуқуқини танлов савдоларига чиқаришнинг махсус тартиби ўрнатилганлиги;

танлов савдолари ташкилотчиси ёки танлов савдолари иштирокчилари қонунчиликда белгиланган тартибда фойдали қазилмаларни қазиб олишда (ажратиб олишда) айрим солиқ турлари бўйича солиқ ставкаларини оширилган миқдорда таклиф қилиш ҳуқуқига эгалиги;

ажратилган майдон ва фойдали қазилма турларидан келиб чиқиб, қонунчилик ҳужжатлари билан белгиланган миқдорда ҳисоблаб чиқиладиган, геологик ўрганишлар учун ер қаъридан фойдаланганлик учун ҳар йиллик лицензия тўлови жорий қилиниши;

Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси томонидан геологик ўрганишлар учун ер қаъридан фойдаланганлик учун ҳар йиллик лицензия тўловининг миқдори тадбиркорлик субъектларига берилган майдон (гектар)дан келиб чиқиб ҳисобланиши ва ер қаъридан фойдаланиш шартларида кўрсатилиши;

фойдали қазилмаларни қазиб олиш ҳуқуқи учун ундириладиган тижоратбоп топилма бонусини ҳамда фойдали қазилмаларни аниқлаш ва разведка қилиш бўйича фаолиятни амалга ошириш ҳуқуқи учун ундириладиган имзоли бонусни бекор қилишга розилик берилганлиги маълумот учун қабул қилинсин.

2. Белгилаб қўйилсинки:

ер қаъри давлат фондининг кадастрига киритилган ер участкалари ер қаъри участкаларидан фойдаланиш соҳасида ваколатли орган — тегишлилигича Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасасига ёки Экология, атроф-муҳитни муҳофаза қилиш ва иқлим ўзгариши вазирлигига уларнинг мурожаатларига асосан жамоат эҳтиёжлари учун доимий фойдаланиш ҳуқуқи асосида маҳаллий давлат ҳокимияти органлари томонидан ажратиб берилади;

ер қаъридан фойдаланиш мақсадлари учун мўлжалланган ер участкаларини Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасасига ажратиш жараёнида ер қаъридан фойдаланиш фаолиятини ушбу ер участкасида олиб бориш мумкинлиги юзасидан Экология, атроф-муҳитни муҳофаза қилиш ва иқлим ўзгариши вазирлиги билан келишилади;

ер қаъридан фойдаланиш мақсадлари учун зарур бўлганда ер участкалари қонунда белгиланган тартибда жамоат эҳтиёжлари учун олиб қўйилади (сотиб олинади);

ер қаъридан фойдаланиш мақсадлари учун олиб қўйилган (сотиб олингандан) ер участкаларининг ер фонди тоифаси ўзгартирилади ва давлат мулки сифатида давлат рўйхатидан ўтказилади;

ер қаъри участкаларидан фойдаланиш ҳуқуқи учун рухсатнома ер қаъридан фойдаланувчига қонунчиликка мувофиқ тегишли ер участкасини ижара ҳуқуқи асосида тақдим этиш учун асос ҳисобланади;

ер қаъри участкаларидан фойдаланиш ҳуқуқи учун рухсатнома бериш билан бир вақтда ер қаъри участкаларидан фойдаланиш соҳасида ваколатли орган ва ер қаъридан фойдаланувчи ўртасида ер участкасининг ижара шартномаси тузилади ва у рухсатномага илова қилинадиган ер қаъридан фойдаланиш шартларининг ажралмас қисми ҳисобланади;

ер участкасини ажратиш материалларини тайёрлаш учун тўлов ер қаъридан фойдаланувчи томонидан тегишли рухсатнома расмийлаштирилгунга қадар амалга оширилади;

ер қаъридан фойдаланиш мақсадлари учун ер участкасини белгиланган тартибда олиб қўйиш (сотиб олиш) билан боғлиқ харажатлар кейинчалик ер қаъридан фойдаланувчи томонидан Вазирлар Маҳкамаси ҳузуридаги Жисмоний ва юридик шахсларга етказилган мулкий зарарларни компенсация қилиш бўйича республика мақсадли жамғармасига рухсатнома расмийлаштирилгунга қадар қоплаб берилади (амалга оширилади);

ер қаъри участкаларидан фойдаланиш соҳасида ваколатли органга доимий фойдаланиш ҳуқуқи билан ажратилган ер қаъри участкалари ер қаъридан фойдаланувчига ижарага берилгунга қадар ер солиғи объекти ҳисобланмайди;

ер қаъридан фойдаланувчи ижарага берилган ер участкаси ва юритадиган фаолияти бўйича Ўзбекистон Республикаси Солиқ кодексида белгиланган ва қонунчиликда назарда тутилган солиқлар ва тўловларни амалга оширади, шу жумладан, ер солиғининг субъекти ҳисобланади;

ер участкаси ер қаъридан фойдаланиш учун ижарага берилганда, ижара тўлови ундирилмайди.

3. Қуйидагилар:

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низом 1-иловага мувофиқ;

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низом 2-иловага мувофиқ;

Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисидаги низом 3-иловага мувофиқ;

Ер қаъри бўйича геологик материалларнинг лойиҳа-смета ҳужжатларининг давлат экспертизаси хулосасини беришнинг маъмурий регламенти 4-иловага мувофиқ тасдиқлансин.

4. Белгилансинки:

юридик шахсларга ер қаъри бўйича геологик материаллар лойиҳа-смета ҳужжатларининг давлат экспертизаси хулосаси «Лицензия» ахборот тизими орқали берилади;

ер қаъридан фойдаланувчиларга илгари расмийлаштирилган эски намунадаги лицензиялар янги намунадаги рухсатномага алмаштирилган ҳолда 2025 йилнинг 31 июлидан ўз кучини йўқотган деб ҳисобланади;

норуда фойдали қазилмаларни қазиб олиш учун ер қаъри участкасидан фойдаланиш ҳуқуқини берувчи рухсатномаси мавжуд тадбиркорлик субъектлари томонидан норуда фойдали қазилма конида автотранспорт воситаларининг оғирлик параметрларини ўлчашга мўлжалланган тарозиларни ўрнатиш ҳамда юк автотранспорт воситалари меъёр талабларида юкланиши ва йўлга чиқиши бўйича мажбуриятларни ўз зиммасига олади;

геологик ўрганишлар учун ер қаъридан фойдаланганлик учун ҳар йиллик лицензия тўловининг умумий миқдори мазкур бандда белгиланган миқдорларни рухсатнома шартларига мувофиқ ажратиладиган (ижарага бериладиган) ер участкасининг майдонига кўпайтириш орқали Ўзбекистон Республикаси Тоғ-кон саноати ва геология вазирлиги ҳузуридаги «Ер қаъридан фойдаланиш маркази» ДМ томонидан ҳисобланади ва ер қаъридан фойдаланиш шартларида кўрсатилади;

геологик ўрганишлар учун ер қаъридан фойдаланганлик учун ҳар йиллик лицензия тўлови 1 февралга қадар Ўзбекистон Республикаси Иқтисодиёт ва молия вазирлигининг йиллик лицензия тўлови учун очилган махсус ҳисоб рақамга тўланади;

стратегик турдаги (асосий) фойдали қазилмалар, шу жумладан углеводородларни ўз ичига олган ер қаъри участкаларида геологик ўрганишлар олиб борувчи тадбиркорлик субъектлари томонидан ҳар йиллик лицензия тўлови ҳисобот давридан кейинги йилнинг 1 мартидан 1 декабрига қадар, ҳар ой тенг улушларда амалга оширилади;

стратегик турдаги (асосий) фойдали қазилмалар, шу жумладан углеводородларни ўз ичига олган ер қаъри участкаларида геологик ўрганишлар олиб борувчи тадбиркорлик субъектлари ҳар йиллик лицензия тўловини тасдиқланадиган йиллик иш режага мувофиқ ҳақиқий эгаллаб турган майдони бўйича амалга оширади;

норуда фойдали қазилмаларни ўз ичига олган ер қаъри участкаларида геологик ўрганишлар олиб борувчи тадбиркорлик субъектлари томонидан ҳар йиллик лицензия тўлови ҳисобот давридан кейинги йилнинг 1 мартига қадар амалга оширилади;

тадбиркорлик субъектлари томонидан рухсатномага мувофиқ ажратилган ер қаъри участкалари бўйича фойдали қазилмаларни кавлаб олиш ҳажмлари тўғрисидаги чораклик ҳисоботларни тақдим этиш тартиби жорий этилади. Ушбу тартиб илгари берилган рухсатномаларга ҳам татбиқ этилади.

Геологик ўрганишлар учун ер қаъридан фойдаланганлик учун йиллик лицензия тўлови рухсатнома шартларида кўрсатиладиган ер майдонининг ҳар бир гектари учун қуйидаги миқдорларда рухсатноманинг амал қилиш даврида ҳар йили тўланади:

асосий — углеводород, қимматбаҳо, рангли ва ноёб металлар ҳамда бошқа рудали фойдали қазилмаларга қонунчиликда белгиланган базавий ҳисоблаш миқдорининг ўн фоизи;

норуда, жумладан, кенг тарқалган фойдали қазилмаларга қонунчиликда белгиланган базавий ҳисоблаш миқдорининг ўн беш фоизи.

5. Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси, Рақамли технологиялар вазирлиги, Адлия вазирлиги ер қаъридан фойдаланувчиларга расмийлаштирилган эски намунадаги лицензияларни янги намунадаги рухсатномага 2024 йил 1 июлга қадар «Лицензия» ахборот тизими ёки Ягона интерактив давлат хизматлари портали орқали бепул алмаштириш чораларини кўрсин.

6. Ўзбекистон Республикаси Ҳукуматининг 5-иловага мувофиқ айрим қарорларига ўзгартириш ва қўшимчалар киритилсин.

7. Ўзбекистон Республикаси Ҳукуматининг 6-иловага мувофиқ айрим қарорлари ўз кучини йўқотган деб ҳисоблансин.

8. Ўзбекистон Республикаси Давлат геология ва минерал ресурслар қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

9. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Геология, энергетика, саноат ва унинг базавий тармоқларини ривожлантириш масалалари департаментига ҳамда Ўзбекистон Республикаси Давлат геология ва минерал ресурслар қўмитаси раиси Б.Ф. Исламов зиммасига юклансин.

Вазирлар Маҳкамасининг 2022 йил 25 мартдаги 133-сон қарорига 1-ИЛОВА

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисида

1-боб. Умумий қоидалар

1. Ушбу Низом ер қаъри участкаларидан фойдаланиш ҳуқуқи учун рухсатнома бериш тартибини белгилайди.

2. Ушбу Низом ер қаъри участкалари фойдаланишга, шу жумладан, алоҳида битимлар асосида фойдаланишга берилган ҳолатларга нисбатан қўлланилади, маҳсулот тақсимотига оид битимлар ҳамда концессия соҳасидаги қонунчилик ҳужжатларида бошқача қоидалар назарда тутилган ҳоллар бундан мустасно.

Ушбу Низомнинг амал қилиши норуда фойдали қазилмаларни ўз ичига олган ер қаъри участкаларидан фойдаланиш ва қимматбаҳо металларни олтин изловчилар усулида қазиб олиш ҳуқуқи учун рухсатномалар беришга нисбатан татбиқ этилмайди.

3. Ушбу Низомда қуйидаги асосий тушунчалар қўлланилади:

«E-auksion» электрон савдо платформаси (кейинги ўринларда — савдо платформаси) — электрон онлайн-аукционларни ташкил этиш ва ўтказиш учун зарур бўлган ахборотни киритиш, сақлаш ва қайта ишлаш, шунингдек, манфаатдор шахсларнинг аукционлар жараёнларидан оператор веб-портали орқали бевосита фойдаланиш имкониятини таъминлайдиган ахборот тизими;

геологик жиҳатдан ўрганиш учун стратегик турдаги (асосий) фойдали қазилмаларни ўз ичига олган ер қаъри участкасидан фойдаланиш ҳуқуқини берадиган рухсатнома — унинг эгасини тадбиркорлик таваккалчилиги шартлари асосида (ер қаъридан фойдаланувчининг ўз маблағлари ҳисобидан) фойдали қазилма конларини қидириш, баҳолаш, разведка қилиш ҳуқуқини тасдиқловчи ҳужжат;

кон ажратиш далолатномаси — рухсатномага мувофиқ ва ер ости бойликларидан фойдаланиш ҳуқуқини берувчи рухсатномада кўрсатилган мақсадларда фойдаланишга берилган майдони ва чуқурлигига кўра чекланган ер қаърининг геометриклаштирилган участкаси;

маҳсулот тақсимоти тўғрисидаги битим, концессия ва бошқа алоҳида инвестиция битимлари — шартнома ҳисобланиб, унга мувофиқ Ўзбекистон Республикаси ҳақ олиш асосида ва муайян муддатга чет эллик инвесторга битимда кўрсатилган ер қаъри участкасида конларни аниқлаш, қидириш ва фойдали қазилмаларни қазиб чиқариш ҳамда шулар билан боғлиқ бўлган ишларни олиб бориш учун мутлақ ҳуқуқлар беради, инвестор эса ушбу ишларни ўз маблағлари ҳисобига ва таваккал қилиб амалга ошириш мажбуриятини олади (кейинги ўринларда — алоҳида битимлар);

муҳофаза этиладиган геологик объектларни барпо этиш учун ер қаъри участкасидан фойдаланиш ҳуқуқини берадиган рухсатнома — унинг эгасини илмий ва ўқув полигонлари, геологик қўриқхоналар, табиат ёдгорликлари ҳамда илмий, тарихий, маданий, эстетик ва бошқа аҳамиятга молик бўлган ўзгача объектларни белгилаш, шунингдек, ғорлар ҳамда бошқа ер ости бўшлиқларидан илмий, даволаш-соғломлаштириш ёки туристик мақсадларда фойдаланиш ҳуқуқини тасдиқловчи ҳужжат;

нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкасидан фойдаланиш ҳуқуқини берадиган рухсатнома — унинг эгасини ер юзасига чиқиб қолган табиий жинслар, табиий ер ости бўшлиқлари (ғорлар), ишлатиб бўлинган конлар, кон қазиш корхоналарининг ағдармаларидан (кон ажратиш далолатномаси эгаси билан келишув бўйича) нодир тош хом ашёсининг якка-ёлғиз намуналарини, палеонтологик қолдиқларни ва бошқа геологик коллекциябоп материалларни ажратиб олиш, шунингдек, кон ишлари ва махсус ишларнинг бошқа турларини амалга оширмасдан (ер қаъри яхлитлигини бузмасдан) дарёларнинг қайирларида намуналарни тўплаш ҳуқуқини тасдиқловчи ҳужжат;

оператор — Ўзбекистон Республикаси Давлат активларини бошқариш агентлиги ҳузуридаги «Электрон онлайн-аукционларни ташкил этиш маркази» давлат унитар корхонаси;

стратегик турдаги (асосий) фойдали қазилмалар — олтин, кумуш, мис, қўрғошин, рух, вольфрам, уран, платина ва платиноидлар, нодир металлар ва нодир ер элементлари, темир, марганец, қимматбаҳо тошлар ҳамда углеводородлар (нефть, газ, конденсат) ва улар билан боғлиқ компонентлар, саноат аҳамиятига молик ер ости сувлари, кўмир, ёнувчи сланецлар;

техноген минерал ҳосилалардан фойдаланиш учун ер қаъри участкасидан фойдаланиш ҳуқуқини берадиган рухсатнома — унинг эгасини кон қазиш ва қайта ишлаш ишлаб чиқаришларининг таркибида фойдали компонентлар мавжуд бўлган чиқиндиларини қонун ҳужжатларида назарда тутилган зарур рухсат берувчи ҳужжатлар олинишини ҳисобга олган ҳолда қайта ишлаш ҳуқуқини тасдиқловчи ҳужжат;

Фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш ҳуқуқини берадиган рухсатнома — унинг эгасини ер ости иншоотларини қуриш ва улардан фойдаланиш, шу жумладан, углеводородларни ер остида сақлаш, чиқиндиларни сақлаш ва кўмиб ташлаш учун ер қаърининг муайян участкасидан фойдаланиш ҳуқуқини тасдиқловчи ҳужжат;

фойдали қазилмаларни кавлаб олиш учун ер қаъри участкасидан фойдаланиш ҳуқуқини берадиган рухсатнома — унинг эгасини фойдали қазилма конини ишлатиш, қазиб олинган минерал хом ашёни қайта ишлаш, шу жумладан, агар рухсатнома шартларида бошқа қоида назарда тутилмаган бўлса, қазиб чиқариш жараёнида олинган техноген минерал ҳосилалардан қонун ҳужжатларида назарда тутилган зарур рухсат берувчи ҳужжатлар олинишини ҳисобга олган ҳолда фойдаланиш (қайта ишлаш) ҳуқуқини тасдиқловчи ҳужжат.

4. Геологик жиҳатдан ўрганиш учун тадбиркорлик таваккалчилиги шартларида фойдали қазилма конларини қазиб олиш, техноген минерал ҳосилалардан фойдаланиш ва бошқа мақсадлар, фойдали қазилмаларни кавлаб олиш билан боғлиқ бўлмаган ва ушбу Низомда назарда тутилган ер қаъри участкасидан фойдаланиш ҳуқуқини бериш учун асос рухсатнома ҳисобланади.

Белгиланган тартибда тасдиқланган лойиҳа-смета ҳужжатлари Ўзбекистон Республикаси Тоғ-кон саноати ва геология вазирлигининг буюртмаси бўйича минерал хом ашё базасини ривожлантириш ва қайта ишлаб чиқариш давлат дастурлари доирасида ер қаърини геологик ўрганиш учун ер қаъри участкаларидан фойдаланиш ҳуқуқи пайдо бўлиши учун асос ҳисобланади.

Рухсатнома маълум бир муддат белгиланган аниқ чегаралар доирасида унинг эгасининг ер қаъри участкаларидан фойдаланиш ҳуқуқини тасдиқлайди ва ер қаъри участкаларидан фойдаланиш шартларини белгилайди.

5. Ер қаъри участкаларидан фойдаланиш ҳуқуқи учун рухсатномалар берувчи ваколатли органлар (кейинги ўринларда — ваколатли орган):

Экология, атроф-муҳитни муҳофаза қилиш ва иқлим ўзгариши вазирлиги (кейинги ўринларда — Экология вазирлиги) томонидан — чиқиндиларни сақлаш ва кўмиб ташлаш мақсадида ер ости иншоотларини қуриш ва фойдаланиш учун;

Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси (кейинги ўринларда — Ер қаъридан фойдаланиш маркази) томонидан — ер қаъри участкасидан фойдаланиш ҳуқуқининг бошқа барча турлари учун берилади.

2-боб. Ер қаъри участкаларидан фойдаланиш ҳуқуқини берадиган рухсатнома

6. Ер қаъри участкасидан фойдаланиш ҳуқуқини берадиган рухсатнома қуйидаги мақсадлар учун берилади:

геологик жиҳатдан ўрганиш;

фойдали қазилмаларни кавлаб олиш;

техноген минерал ҳосилалардан фойдаланиш;

Фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш;

муҳофаза этиладиган геологик объектларни барпо этиш;

нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш.

Рухсатнома, қоидага кўра, ушбу бандда белгиланган ер қаъридан фойдаланишнинг ҳар бир тури учун алоҳида берилади.

7. Рухсатномалар аукцион савдолари, танлов натижалари ёки «биринчи келган биринчи олади» тамойилига асосан талабгор аризасини кўриб чиқиш (юридик шахсларнинг Ваколатли орган билан тўғридан-тўғри музокаралар олиб бориши) натижаси асосида ушбу Низомда белгиланган тартибда берилади.

8. Ер қаъри участкаларидан фойдаланиш ҳуқуқи учун рухсатномалар:

ўрганилганлик даражаси ва кон очиш салоҳияти юқори бўлган истиқболли майдонларни геологик ўрганиш учун электрон платформада ўтказиладиган аукцион натижаларига кўра ушбу Низомга 1-иловага мувофиқ схема бўйича;

ўрганилмаган ёки кам ўрганилган ер қаъри участкаларини геологик ўрганиш учун «биринчи келган биринчи олади» тамойилига асосан талабгор аризасини кўриб чиқиш орқали ушбу Низомнинг 7-бобига ва 4-иловага мувофиқ схема бўйича;

фойдали қазилмаларни қазиб олиш, техноген минерал ҳосилалардан фойдаланиш (ер қаъридан фойдаланувчининг балансида бўламаганда) учун аукцион ёки танлов (тендер) натижаларига кўра мос равишда ушбу Низомнинг 5-боби ва 1-иловасига ҳамда 6-боби , 2 ва 4-иловаларига мувофиқ схемалар бўйича;

фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш, шу жумладан, чиқиндиларни сақлаш ва кўмиб ташлаш мақсадида, муҳофаза этиладиган геологик объектларни барпо этиш, нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун «биринчи келган биринчи олади» тамойилига асосан талабгор аризасини кўриб чиқиш йўли билан ушбу Низомнинг 7-бобига ва 6 , 8 ҳамда 10-иловаларга мувофиқ схемалар бўйича берилади.

9. Ер қаърини геологик жиҳатдан ўрганиш бўйича ишларни молиялаштирган юридик шахслар рухсатномага мувофиқ ўзлари разведка қилиб, аниқлаган конда фойдали қазилмаларнинг захиралари Тоғ-кон саноати ва геология вазирлиги ҳузуридаги Фойдали қазилмалар захиралари бўйича давлат комиссиясида (кейинги ўринларда — Давлат комиссияси) тасдиқланган санадан бошлаб бир йил мобайнида фойдали қазилмаларни кавлаб олиш учун рухсатнома олиш юзасидан мутлақ ҳуқуққа (кейинги ўринларда — мутлақ ҳуқуқ) эгадирлар.

Фойдали қазилмаларни кавлаб олиш учун ер қаъри участкасидан фойдаланиш ҳуқуқи учун рухсатнома юридик шахснинг мутлақ ҳуқуқининг амал қилиш муддати давомида «биринчи келган биринчи олади» тамойилига асосан талабгор аризасини кўриб чиқиш орқали ушбу Низомнинг 7-бобида белгиланган тартибда берилади.

Бунда, мутлақ ҳуқуқ амал қилиш муддати тугагунга қадар ушбу топилган конларда фойдали қазилмаларни кавлаб олиш учун ер қаъри участкасидан фойдаланиш ҳуқуқини берадиган рухсатномани қидириш ишларини ўз ҳисобидан ўтказган юридик шахслардан ташқари бошқа шахсларга бериш тақиқланади.

Ер қаърини геологик жиҳатдан ўрганиш ишларини ўз маблағлари ҳисобига ўтказган юридик шахс ўзи разведка қилган кондаги фойдали қазилмаларни кавлаб олиш ҳуқуқидан воз кечган ёки фойдали қазилмаларни кавлаб олиш учун ер қаъри участкаларидан фойдаланиш ҳуқуқини берадиган рухсатномани олиш учун мутлақ ҳуқуқнинг муддати тугаган тақдирда фойдали қазилмалар конлари бўйича мазкур ҳуқуқ ушбу Низомда белгиланган тартибда аукцион ёки танлов (тендер) савдоси орқали талабгор юридик шахсларга таклиф этилади.

Бунда, ушбу банднинг учинчи хатбошисида кўрсатилган ҳолатларда юридик шахснинг қилган харажатлари, шу жумладан, ер қаъри тўғрисидаги геологик ва бошқа ахборотлар қиймати қопланмайди.

10. Ер қаъри участкаларидан фойдаланиш ҳуқуқи учун рухсатномалар қуйидаги ҳолларда «биринчи келган биринчи олади» тамойилига асосан талабгор аризасини кўриб чиқиш орқали берилиши мумкин:

ер қаърини геологик жиҳатдан ўрганиш ишларини ўз маблағлари ҳисобига ўтказган юридик шахс ўзи разведка қилган кондаги фойдали қазилмаларни кавлаб олиш ҳуқуқига;

Ўзбекистон Республикаси Президенти ва Вазирлар Маҳкамасининг қарор ва фармойишларига мувофиқ. Бунда ушбу қарор ва фармойишларга асосан Ер қаъри участкаларидан фойдаланиш ҳуқуқи учун рухсатномалар расмийлаштирилганда, талабгор томонидан савдога чиқаришнинг бошланғич нархи миқдорида маблағлар тўланади ҳамда мазкур маблағлар «E-auksion» электрон савдо платформасида электрон онлайн-аукцион ва танловларни ташкил этиш ҳамда ўтказиш тартибига мувофиқ тақсимланади;

ер қаърини геологик ўрганишга доир ишларни молиялаштирган юридик шахс ўзи қидириб, аниқлаган кондан фойдали қазилмаларни кавлаб олиш учун мутлақ ҳуқуқни, Тоғ-кон саноати ва геология вазирлиги билан келишилган ҳолда, бошқа шахсга (тўлиқ ёки қисман) бериш истагини билдирган тақдирда.

11. Фойдали қазилмаларни баҳолаш ва разведка қилиш босқичларида лойиҳа-смета ҳужжатларида асосланган ва фойдали қазилмалар захирасини ҳисоблаб чиқиш ва унинг сифатини баҳолаш учун етарли бўлган ҳажмда тажриба (намуна) ва тажриба-саноат усулида кавлаб олиш учун ер қаъри участкаларидан фойдаланиш ҳуқуқини берадиган рухсатнома олиш геологик ўрганишга доир рухсатнома мавжуд бўлганда талаб қилинмайди.

12. Фойдали қазилмаларни кавлаб олиш учун ер қаъри участкасидан фойдаланиш ҳуқуқини берадиган рухсатнома Давлат комиссияси томонидан захираси тасдиқланган фойдали қазилма конларига берилади.

13. Фойдали қазилмаларни кавлаб олиш учун ер қаъри участкасидан фойдаланиш ҳуқуқини берадиган рухсатнома, агар бу конларни ишга туширишнинг техник-иқтисодий кўрсаткичларини ёмонлаштирмаса ва конларнинг бошқа қисмларини ишга тушириш учун тўсқинлик қилмаса, коннинг алоҳида участкасида фойдали қазилмаларни кавлаб олиш учун берилишига йўл қўйилади.

14. Бир коннинг бир нечта ер қаъридан фойдаланувчи томонидан ишга туширилиши учун ер қаъри участкаларидан фойдаланиш ҳуқуқини берадиган рухсатномалар берилишига йўл қўйилади.

15. Агар бажарилган техник-иқтисодий ҳисоб-китобларга мувофиқ конларнинг фақат бир нафар ер қаъридан фойдаланувчи томонидан биргаликда ишга туширилиши рентабелли ҳисобланса, бир-бирига яқин жойлашган конларни ишга солиш учун ер қаъридан бир нафар фойдаланувчига ер қаъри участкаларидан фойдаланиш ҳуқуқини берадиган бир нечта рухсатнома бир вақтда берилишига йўл қўйилади.

16. Ер қаъри участкасидан фойдаланиш ҳуқуқини берадиган рухсатноманинг эгаси фойдали қазилмаларни кавлаб олиш билан боғлиқ бўлган ер қаърини геологик жиҳатдан ўрганиш бўйича ишларни унга берилган кон ажратиш далолатномаси доирасида, ушбу ишлар Ер қаъридан фойдаланиш марказида давлат ҳисобига олиниши шарти билан қўшимча рухсатномасиз амалга ошириш ҳуқуқига эга бўлади.

17. Фойдали қазилмаларни кавлаб олиш учун ер қаъри участкасидан фойдаланиш ҳуқуқини берадиган рухсатномага мувофиқ фойдали қазилмаларни қазиб олиш ва минерал хом ашёни қайта ишлаш жараёнида олинган техноген минерал ҳосилаларга мулк ҳуқуқи ер қаъри участкасидан фойдаланиш муддатида рухсатнома эгасида сақланиб қолади. Ушбу ҳолатда техноген минерал ҳосилалардан фойдаланишга (қайта ишлашга) рухсатнома олиш талаб қилинмайди.

18. Техноген минерал ҳосилалардан фойдаланиш учун ер қаъри участкасидан фойдаланиш ҳуқуқини берадиган рухсатнома ер қаъридан фойдаланувчининг балансида бўлмаган ишлаб чиқариш чиқиндиларини қайта ишлаш учун ёхуд техноген минерал ҳосилалар белгиланган тартибда бошқа ер қаъридан фойдаланувчига сотилган ёки берилган тақдирда берилади.

19. Техноген минерал ҳосилалар бошқа шахсга белгиланган тартибда сотилган ёки берилган тақдирда ёки агар фойдали қазилмаларни кавлаб олиш учун ер қаъри участкасидан фойдаланиш ҳуқуқи учун берилган рухсатноманинг амал қилиш муддатида техноген минерал ҳосилалар ер қаъридан фойдаланувчи томонидан мулкий улуш сифатида янги корхонанинг устав фондига берилган тақдирда, улардан фойдаланиш (қайта ишлаш) учун ер қаъри участкасидан фойдаланиш ҳуқуқини берадиган рухсатнома «биринчи келган биринчи олади» тамойилига биноан аризаларни тўғридан-тўғри кўриб чиқиш натижасида берилади.

20. Ер қаъри участкасидан фойдаланиш ҳуқуқини берадиган рухсатномалар нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплашга бериладиган рухсатномалардан ташқари фақат юридик шахсларга берилади.

21. Ер ости иншоотларини қуриш ва улардан фойдаланишга ер қаъри участкасидан фойдаланиш ҳуқуқини берадиган рухсатнома Давлат экологик экспертизаси ва Давлат комиссиясининг фойдаланиш учун бериладиган ер қаъри участкаси бўйича геологик материаллар экспертиза натижаларининг ижобий хулосалари мавжуд бўлганда берилади.

22. Қуйидагилар ер ости иншоотларига кирмайди:

қурилишнинг тегишли лойиҳалари билан белгиланган чуқурликда жойлашган бино ва иншоотларнинг пойдевори ва ер ости қисми;

ер ости алоқа линиялари, электр, газ, иссиқлик ва сув таъминоти ҳамда канализация объектлари;

метрополитен иншоотлари ва бошқа транспорт туннеллари;

магистрал ва кон қувурлари;

нефть ва нефть маҳсулотларини сақлаш учун ерга чуқур жойлаштирилган резервуарлар;

суғориш каналлари;

кимё корхоналарининг ишлаб чиқариш жараёнида фойдаланиладиган хом ашё ва материалларни сақлаш учун ерга чуқур жойлаштирилган резервуарлар.

23. Ғорлар ҳамда бошқа ер ости бўшлиқларидан даволаш-соғломлаштириш ёки туристик мақсадларда фойдаланиш мақсадида муҳофаза этиладиган геологик объектларни барпо этиш учун ер қаъри участкаларидан фойдаланиш ҳуқуқини берадиган рухсатнома ушбу объектларга муҳофаза этиладиган геологик объектлар мақоми берилгандан кейин «Муҳофаза этиладиган табиий ҳудудлар тўғрисида»ги Ўзбекистон Республикаси Қонунига мувофиқ берилиши мумкин.

24. Нодир тош хом ашёсининг намуналарини, палеонтологик қолдиқларни ва бошқа геологик коллекциябоп материалларни тўплаш мақсадида ер қаъри участкаларидан фойдаланиш учун ер участкаларини ажратиш талаб қилинмайди.

25. Нодир тош хом ашёсининг намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкасидан фойдаланиш ҳуқуқини берадиган рухсатнома:

геология, минералогия, палеонтология ва ўлкашунослик музейларининг илмий коллекцияларини бутлаш ва тўлдириш;

таълим муассасаларининг ўқув коллекцияларини бутлаш ва тўлдириш;

илмий-маърифий ва эстетик мақсаддаги хусусий геология ва палеонтология коллекцияларини бутлаш ва тўлдириш учун (таркибида қимматбаҳо тошлар ва металлар мавжуд бўлган намуналардан ташқари) берилиши мумкин.

26. Нодир тош хом ашёсининг намуналари, палеонтологик қолдиқлар ва бошқа геологик коллекциябоп материалларнинг тўпланган намуналари юридик ва жисмоний шахсларнинг мулки ҳисобланади ҳамда улар томонидан илмий, маърифий, тижорат, бадиий, ҳунармандчилик ва бошқа мақсадларда фойдаланилиши мумкин.

3-боб. Ер қаъри участкаларидан фойдаланиш шартлари

27. Ер қаъри участкаларидан фойдаланиш рухсатномада ва/ёки алоҳида битимларда назарда тутилган ер қаъри участкаларидан фойдаланиш шартларига мувофиқ амалга оширилади.

28. Ер қаъридан фойдаланиш турларига қараб Ўзбекистон Республикасининг « Ер ости бойликлари тўғрисида »ги ва « Хавфли ишлаб чиқариш объектларининг саноат хавфсизлиги тўғрисида »ги Қонунларида белгиланган талаблар ва шартлар ер қаъри участкаларидан фойдаланишнинг асосий шартларига тегишлидир.

Рухсатнома олиш учун бажарилиши зарур бўлган шартлар рўйхати ваколатли органнинг расмий веб-сайтида жойлаштирилади.

29. Ер қаъридан фойдаланиш мақсадларига қараб ер қаъридан фойдаланиш шартларида қуйидаги қўшимча шартлар:

а) геологик жиҳатдан ўрганиш учун:

ер қаърини геологик жиҳатдан ўрганиш бўйича йириклаштирилган техник-иқтисодий асосларни ишлаб чиқиш ва Ер қаъридан фойдаланиш марказига топшириш муддати;

атроф-муҳитга таъсир кўрсатиши тўғрисида ариза лойиҳасига Экология, вазирлиги томонидан бериладиган ижобий давлат экологик экспертиза хулосасини Ер қаъридан фойдаланиш марказига топшириш муддати;

ер қаърини геологик жиҳатдан ўрганиш учун йиллик энг кам харажатлар бўйича мажбуриятлар миқдори, шу жумладан, Ер қаъридан фойдаланиш марказига ер қаъри участкасидан фойдаланиш учун йириклаштирилган техник-иқтисодий асосларни тақдим этган кундан бошлаб икки йил мобайнида бажариладиган минимал инвестиция мажбуриятлари;

Тоғ-кон, геология ва саноат хавфсизлигини назорат қилиш инспекциясига тўқсон кун мобайнида ер қаъридан фойдаланиш бўйича лойиҳаларини тақдим этиш мажбурияти;

фойдали қазилмаларни геологик жиҳатдан ўрганиш бўйича минимал иш ҳажми, уларни амалга ошириш муддатлари;

олинган геологик ва бошқа маълумотларни ҳисобга олиш, сақлаш ва тизимлаштириш учун Ер қаъридан фойдаланиш марказига топшириш тартиби ва муддатлари;

фойдали қазилмаларни, шу жумладан, углеводородларни, саноатда фойдаланиладиган ер ости сувларини тажриба (намуна) учун ва тажриба-саноат усулида кавлаб олиш шартлари;

геологик материалларни давлат экспертизасидан ўтказиш ва фойдали қазилмалар захираларини тасдиқлаш учун материалларни Давлат комиссиясига тақдим этиш тартиби ва муддатлари;

кон ишланмалари ва қудуқларини аҳоли ҳаёти ва соғлиги, атроф муҳит хавфсизлигини таъминлайдиган ҳолатга келтириш, шунингдек, фойдаланилмайдиган кон ишланмалари ва қудуқларини тугатиш тартиби ёхуд ушбу ишларни бажариш дастури (режаси)ни рухсатнома муддати тугашидан бир йил аввал Экология вазирлиги билан келишилган ҳолда Тоғ-кон, геология ва саноат хавфсизлигини назорат қилиш инспекциясига тақдим этиш;

ер қаъридан фойдаланиш соҳасида, хавфли ишлар, ишлаб чиқариш, хавфли товарлар ва моддалар айланмаси, портловчи моддаларга рухсат бериш жараёнларидан ўтиш тартиби;

углеводородлар, портловчи ва кимёвий моддалар, қимматбаҳо металлар ва қимматбаҳо тошларнинг муомаласи соҳасидаги қонунчилик талабларига риоя этиш шартлари;

фойдали қазилмаларни кавлаб олишда фойдаланиладиган ишлар ва хизматларда маҳаллий таъминотнинг энг кам улуши миқдори;

ер қаъридан фойдаланувчининг Ўзбекистон Республикаси ҳудудида маҳаллий кадрларни ўқитиш ва илмий-тадқиқот ишлари, илмий-техник ва (ёки) тажриба-конструкторлик ишларини молиялаштириш бўйича мажбуриятлари миқдори;

ер қаъридан фойдаланувчининг ушбу Низом ва Ўзбекистон Республикасининг «Ер ости бойликлари тўғрисида»ги Қонунидан келиб чиқадиган ҳуқуқ ва мажбуриятлари;

ер қаъри участкасидан фойдаланиш билан боғлиқ тўловлар, шу жумладан йиллик лицензия тўлови тўғрисидаги мажбуриятлар;

геологик ўрганишлар учун берилган ер қаъри участкасининг майдони (гектарда);

геологик ўрганишлар учун ер қаъридан фойдаланганлик учун ҳар йиллик лицензия тўловини тўлаш учун махсус ҳисоб рақам;

ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари;

ер қаъри участкаларидан фойдаланиш ҳуқуқининг чекланиши, тўхтатиб турилиши ёки муддатидан олдин тугатилиши мумкин бўлган шартлар;

б) фойдали қазилмаларни кавлаб олиш учун:

фойдали қазилмаларни кавлаб олиш бўйича техник-иқтисодий асосларни ишлаб чиқиш ва Ер қаъридан фойдаланиш марказига топшириш муддати;

атроф муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосани Ер қаъридан фойдаланиш марказига топшириш муддати;

фойдали қазилмаларни кавлаб олиш учун йиллик энг кам харажатлар бўйича мажбуриятлар миқдори, шу жумладан, Ер қаъридан фойдаланиш марказига ер қаъри участкасидан фойдаланиш учун техник-иқтисодий асосларни тақдим этган кундан бошлаб икки йил мобайнида бажариладиган минимал инвестиция мажбуриятлари;

техник лойиҳаларни ва кавлаб олиш ишларини ривожлантириш режаларини, конларнинг лойиҳаларини тайёрлаш ва ўзлаштириш тартиби ва муддатлари;

маркшейдерлик хизматлари томонидан тасдиқланган чораклик ва йиллик фойдали қазилмаларни кавлаб олиш ҳажмлари тўғрисидаги ҳисоботларни тақдим этиш муддатлари;

углеводородларни қазишда фойдали қазилмаларни кавлаб олишнинг келишилган даражалари;

кавлаб олинган фойдали қазилмаларга мулк ҳуқуқи;

ер қаъридан фойдаланганлик учун ҳақ тўлаш шартлари;

техноген минерал ҳосилаларни сақлаш ва қайта ишлаш шартлари;

қўшилиб чиқадиган газдан фойдаланиш, шу жумладан, углеводородларни кавлаб олиш бўйича мажбуриятлар;

қувурлардан ва умумий инфратузилманинг бошқа объектларидан фойдаланиш шартлари (зарур бўлганда);

саноатда фойдаланиладиган ер ости сувларини олишнинг энг кўп йўл қўйиладиган миқдори;

кесишадиган сувли қатламларнинг ифлосланиши ёки силжишини истисно этадиган углеводородларни кавлаб олиш қудуқлари конструкциясига қўйиладиган талаблар;

сувли қатламда ер ости сувларининг йўл қўйиладиган пасайиши даражаси;

фойдали қазилмаларни кавлаб олиш корхоналарини тугатиш ёки консервация қилиш тартиби;

ер қаъридан фойдаланиш соҳасида, хавфли ишлар, ишлаб чиқариш, хавфли товарлар ва моддалар айланмаси, портловчи моддаларга рухсат бериш жараёнларидан ўтиш тартиби;

рухсатноманинг эгаси ер қаъри участкасидан фойдаланиш ҳуқуқини (тўлиқ ёки қисман) бошқа шахсга бериши мумкин бўлган шартлар;

углеводородлар, портловчи ва кимёвий моддалар, қимматбаҳо металлар ва қимматбаҳо тошларнинг муомаласи соҳасидаги қонунчилик талабларига риоя этиш шартлари;

фойдали қазилмаларни кавлаб олишда фойдаланиладиган ишлар ва хизматларда маҳаллий таъминотнинг энг кам улуши миқдори;

ер қаъридан фойдаланувчининг Ўзбекистон Республикаси ҳудудида маҳаллий кадрларни ўқитиш ва илмий-тадқиқот ишлари, илмий-техник ва (ёки) тажриба-конструкторлик ишларини молиялаштириш бўйича мажбуриятлари миқдори;

ер қаъридан фойдаланувчининг ушбу Низом ва Ўзбекистон Республикасининг «Ер ости бойликлари тўғрисида»ги Қонунидан келиб чиқадиган ҳуқуқ ва мажбуриятлари;

ер қаъри участкасидан фойдаланиш билан боғлиқ тўловлар тўғрисидаги мажбуриятлар;

ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари, шунингдек, ушбу ишларни бажариш дастури (режаси)ни рухсатнома муддати тугашидан беш йил аввал Экология вазирлиги билан келишилган ҳолда Тоғ-кон, геология ва саноат хавфсизлигини назорат қилиш инспекциясига тақдим этиш;

ер қаъри участкаларидан фойдаланиш ҳуқуқининг чекланиши, тўхтатиб турилиши ёки муддатидан олдин тугатилиши мумкин бўлган шартлар.

в) фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун:

углеводородларни, бошқа моддалар ва материалларни сақлашнинг энг кўп йўл қўйиладиган ҳажми;

Давлат экологик экспертизаси ва геология материалларининг давлат экспертизаси хулосалари ҳисобга олинган ҳолда белгиланадиган чиқиндилар ва уларнинг концентрациясини сақлаш ва кўмиб ташлашнинг энг кўп йўл қўйиладиган ҳажми;

фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш туфайли атроф-муҳитга етказилиши мумкин бўлган салбий таъсирни компенсация қилиш шартлари;

ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари;

зарурат бўлганда санитария-муҳофаза зоналарини ташкил этиш шартлари;

ер қаъри участкаларидан фойдаланиш ҳуқуқининг чекланиши, тўхтатиб турилиши ёки муддатидан олдин тугатилиши мумкин бўлган шартлар белгиланиши мумкин.

Ер қаъридан фойдаланиш мақсади, фойдали қазилмаларнинг турлари, ишларни амалга оширишнинг географик-иқтисодий шартлари, тасдиқланган фойдали қазилмалар захираларининг сифати ва миқдори, кон-геологик, гидрогеологик, кон-техник ва бошқа шартларга кўра ер қаъри участкасидан фойдаланиш рухсатномаларида қонунчиликка зид бўлмаган бошқа қўшимча шартлар белгиланиши мумкин.

Шунингдек, ер қаъридан фойдаланиш шартларида ер участкасининг ижара шартномаси, хусусан, ер тўғрисидаги қонунчилик ҳужжатлари талаблари асосида ундан фойдаланиш муддатлари ва шартлари ҳамда ер қаъридан фойдаланиш мақсадлари учун олиб қўйилаётган (сотиб олинаётган) ер участкаси бўйича — маҳаллий давлат ҳокимияти органлари томонидан ушбу ер участкасининг эгаси, фойдаланувчиси, ижарачиси ёки мулкдори билан келишилган компенсация миқдори ва уни тўлаш муддати назарда тутилади.

Ер қаъридан фойдаланиш шартлари, шу жумладан ер участкасининг ижара шартномаси ер қаъри участкаларидан фойдаланиш ҳуқуқи учун рухсатноманинг ажралмас қисми ҳисобланади.

Углеводород хом ашёси мавжуд бўлган ер қаъри участкаларидан фойдаланиш шартлари Ер қаъридан фойдаланиш маркази томонидан Ўзбекистон Республикаси Энергетика вазирлиги билан келишилган ҳолда тасдиқланади.

Геологик ўрганиш учун ер қаъридан фойдаланганлик учун йиллик лицензия тўлови миқдори геологик ўрганиладиган ер қаърининг бир гектари учун қонунчиликда белгиланган базавий ҳисоблаш миқдорининг ўн фоизини ташкил этади ҳамда қуйидагиларга:

70 фоизи — Ўзбекистон Республикасининг республика бюджетига;

15 фоизи — вилоят маҳаллий бюджетига;

15 фоизи — туман (шаҳар) маҳаллий бюджетига йўналтирилади.

Ер қаъридан фойдаланувчи томонидан ер қаъридан фойдаланиш оқибатларини бартараф қилиш бўйича мажбуриятларнинг бажарилиши кафолат, банк омонати гарови ва (ёки) суғурта (бундан буён матнда таъминот деб юритилади) билан таъминланади.

Таъминот ер қаърининг ҳар бир участкаси бўйича алоҳида тақдим этилади.

30. Ер қаъридан фойдаланиш маркази ер қаърини геологик жиҳатдан ўрганиш ва фойдали қазилмаларни кавлаб олиш бўйича ер қаъри участкаларидан фойдаланиш шартларига:

йириклаштирилган техник-иқтисодий асосларни ва техник-иқтисодий асосларга мувофиқ ер қаъридан фойдаланиш параметрлари ўзгарганда;

«Ер ости бойликлари тўғрисида»ги Ўзбекистон Республикаси Қонунида белгиланган ҳолатларда ва тартибда, шунингдек, агар қонунчилик ҳужжатлари билан ишларни бехатар олиб бориш, ер қаърини, атроф муҳитни ва фуқароларнинг соғлиғини муҳофаза қилиш нормалари ва қоидаларига ўзгартиришлар киритилган ҳолларда ўзгартиришлар киритиши мумкин.

31. Ер қаъри участкасидан фойдаланиш шартлари, шунингдек, фойдали қазилмаларни кавлаб олиш иқтисодий жиҳатдан мақсадга мувофиқ бўлмаганда, шунингдек, рухсатнома берилган пайтдагидан жиддий равишда фарқ қиладиган ҳолатлар пайдо бўлганда минерал хом ашё ва уни қайта ишлаш маҳсулотларига конъюнктура ўзгариши муносабати билан ер қаъридан фойдаланувчининг илтимосномаси бўйича қайта кўриб чиқилиши ва ўзгартирилиши мумкин.

Рухсатнома эгаси, бу ҳақда ушбу ҳолатлар пайдо бўлган пайтдан олтмиш кун давомида ваколатли органни «Лицензия» ахборот тизими ёки Ягона интерактив давлат хизматлари портали (кейинги ўринларда — ЯИДХП) орқали хабардор қилиб, фойдали қазилмалар кавлаб олишни вақтинча тўхтатиши ва кон ишланмаларини ва ер қаъридан фойдаланиш билан боғлиқ бўлган инфратузилма объектларини белгиланган тартибда консервация қилиши мумкин. Консервация қилиш вақти рухсатнома амал қилишининг умумий муддатига киритилади.

Бундай ҳолларда рухсатномаларни қайта расмийлаштириш ушбу Низомнинг 11-бобида белгиланган тартибда амалга оширилади.

4-боб. Ер қаъридан фойдаланиш муддатлари

32. «Ер ости бойликлари тўғрисида»ги Ўзбекистон Республикаси Қонунига мувофиқ ер қаъридан фойдаланиш ҳуқуқи:

а) геологик жиҳатдан ўрганиш учун — беш йилгача муддатга;

б) фойдали қазилмаларни кавлаб олиш ва техноген минерал ҳосилалардан фойдаланиш учун:

дастлаб рухсатнома берилганда — ўн йил муддатга, кейинчалик, техник-иқтисодий асослар белгиланган муддатларда тақдим этилгандан сўнг фойдали қазилма конини ёки техноген минерал ҳосилаларни ишга солиш даврини инобатга олган ҳолда, унинг муддатини узайтиришни кафолатлаш шарти билан;

техник-иқтисодий асослар тақдим этилгандан сўнг — фойдали қазилма конини ёки техноген минерал ҳосилаларни ишга солишнинг техник-иқтисодий асосларда белгиланган муддатига;

в) нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун — икки йилгача муддатга;

г) фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш, шу жумладан, нефть, газ, газ конденсати, бошқа моддалар ва материалларни ер остида сақлаш, чиқиндиларни сақлаш ва кўмиб ташлаш учун — муддатсиз фойдаланишга;

д) муҳофаза этиладиган геология объектларини барпо этиш учун — муддатсиз фойдаланишга берилади.

33. Ер қаъридан фойдаланиш муддатлари рухсатномада кўрсатилади ва ер қаъри участкаларидан фойдаланиш ҳуқуқи учун рухсатнома берилган кундан бошлаб ҳисобланади.

34. Ер қаъридан фойдаланиш муддати ер қаъридан фойдаланувчининг ваколатли органга йўллаган аризаси бўйича ер қаъридан фойдаланувчи томонидан рухсатномада белгиланган шартлар бажарилганда ва ер қаърини геологик жиҳатдан ўрганиш ишларини тугаллаш, шунингдек, фойдали қазилмалар конларини ишга тушириш, техноген минерал ҳосилалардан фойдаланиш ёхуд фойдали қазилмаларни кавлаб олиш корхоналарини тугатиш ёки консервация қилиш ишларини амалга ошириш зарур бўлганда ер қаъридан фойдаланиш муддати тугагунга қадар узайтирилиши мумкин.

35. Ер қаъридан фойдаланиш муддатини узайтириш ёки узайтиришни рад этиш ушбу Низомнинг 11-бобида белгиланган тартибда амалга оширилади.

5-боб. Ер қаъри участкаларидан фойдаланиш ҳуқуқини «E-auksion» электрон савдо платформаси орқали реализация қилишнинг ўзига хос хусусиятлари

36. «E-auksion» электрон савдо платформасида онлайн-аукцион орқали реализация қилинадиган ер қаъри участкалари рўйхати ҳар йили, лекин бир йилда бир мартадан кам бўлмаган ҳолда Ер қаъридан фойдаланиш маркази томонидан ер қаъри участкасининг бошланғич нархи аниқланган ва Экология вазирлиги билан келишилган ҳолда шакллантирилади.

Аукцион орқали бериладиган углеводород хом ашёси мавжуд бўлган ер қаъри участкалари рўйхати Ўзбекистон Республикаси Вазирлар Маҳкамаси ва Энергетика вазирлиги билан келишилади.

Ер қаъридан фойдаланиш марказига аукционга қўйилмаган ёки рўйхатга киритилмаган ер қаъри участкасидан фойдаланиш ҳуқуқини олиш учун талабгордан мурожаат келиб тушган тақдирда, ушбу ер қаъри участкасидан фойдаланиш ҳуқуқи учун рухсатнома «E-auksion» электрон савдо платформаси орқали ўрнатилган тартибда аукционга қўйилади.

Ер қаъридан фойдаланиш маркази ер участкаси унга ажратиб берилгандан сўнг уч иш куни давомида мурожаат этилган ер қаъри участкаларидан фойдаланиш ҳуқуқини аукцион савдоларига чиқариш муддатлари ёки ушбу ер участкаларини фойдаланишга беришни рад этиш тўғрисида жавоб хатини талабгорга тақдим этади.

37. Ер қаъри участкаларидан фойдаланиш ҳуқуқини савдога қўйишнинг бошланғич нархи:

а) геологик жиҳатдан ўрганиш учун — фойдали қазилма турига қараб қуйидаги миқдорларда белгиланади:

углеводородлар конларини қидириш ва разведка қилиш ҳуқуқи — базавий ҳисоблаш миқдорининг ўн минг бир баравари;

олтин конларини қидириш ва разведка қилиш ҳуқуқи — базавий ҳисоблаш миқдорининг ўн минг бир баравари;

қимматбаҳо (олтиндан ташқари) ва рангли металлар конларини қидириш ва разведка қилиш ҳуқуқи — базавий ҳисоблаш миқдорининг беш минг баравари;

рудали фойдали қазилмалар конларини қидириш ва разведка қилиш ҳуқуқи (бундан углеводородлар, олтин, қимматбаҳо ва рангли металлар конларини қидириш ва разведка қилиш ҳуқуқи мустасно) — базавий ҳисоблаш миқдорининг икки минг беш юз эллик баравари;

б) фойдали қазилмаларни қазиб олиш ва техноген минерал ҳосилалардан фойдаланганлик учун — углеводородлар, қимматбаҳо, рангли металлар ва рудали фойдали қазилмаларнинг қазиб олинадиган ҳажмининг баҳосига нисбатан 0,6 фоиз миқдорида белгиланади.

38. Ер қаъри участкаларидан фойдаланиш ҳуқуқини реализация қилиш бўйича онлайн-аукцион Ўзбекистон Республикаси Вазирлар Маҳкамаси томонидан тасдиқланадиган «E-auksion» электрон савдо платформасида электрон онлайн-аукцион ва электрон танловларни ташкил этиш ҳамда ўтказиш тартиби тўғрисидаги низомга мувофиқ ўтказилади.

Аукцион натижалари ҳақидаги баённома Ер қаъридан фойдаланиш марказига — аукцион ғолибига тегишли ер қаъри участкаси бўйича геологик ва бошқа маълумотлар тўпламини бериш ҳамда тегишли рухсатномани расмийлаштириш учун асос ҳисобланади.

Аукцион ғолибига махфийлик тўғрисидаги шартнома асосида сўралаётган ер қаъри участкаси бўйича геологик ва бошқа маълумотлар тўплами бепул тақдим этилади.

Геологик ва бошқа маълумотлар тўпламида ер қаъри участкаси майдонининг контури, кон-техник, технологик ва бошқа маълумотлар йириклаштирилган техник-иқтисодий асослаш ёки техник-иқтисодий асослашни ишлаб чиқиш учун етарли ҳажмда бўлиши керак.

Ер қаъридан фойдаланиш мақсадлари учун белгиланган тартибда олиб қўйилган (сотиб олинган) ер участкаси билан боғлиқ харажатлар ер қаъридан фойдаланувчи томонидан Вазирлар Маҳкамаси ҳузуридаги Жисмоний ва юридик шахсларга етказилган мулкий зарарларни компенсация қилиш бўйича республика мақсадли жамғармасига рухсатнома расмийлаштирилгунга қадар қоплаб берилиши лозим.

39. Рухсатнома расмийлаштирилган ер қаъридан фойдаланувчи томонидан тегишли ер қаъри участкаси бўйича қуйидаги ҳужжатлар тўплами Ер қаъридан фойдаланиш марказига «Лицензия» ахборот тизими ёки ЯИДХП орқали тақдим этилади:

а) рухсатнома ер қаъри участкасини геологик ўрганиш учун берилганда, рухсатнома берилган кундан бошлаб 6 (олти) ой мобайнида:

йириклаштирилган техник-иқтисодий ҳисоб-китоблар;

атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосасининг рақами ва санаси;

б) рухсатнома фойдали қазилмаларни қазиб олиш ва техноген минерал ҳосилалардан фойдаланиш учун берилганда, рухсатнома берилган кундан бошлаб 12 (ўн икки) ой мобайнида:

белгиланган тартибда экспертизадан ўтказилган техник-иқтисодий асослар;

атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосасининг рақами ва санаси.

Мазкур банднинг «а» ва «б» кичик бандларида кўрсатилган ҳужжатларни тақдим этиш муддатларини фақат бир маротаба, мос равишда олти ойгача ёки бир йилгача муддатга узайтиришга рухсат берилади.

Бунинг учун, рухсатнома расмийлаштирилган ер қаъридан фойдаланувчи томонидан мазкур банднинг «а» ва «б» кичик бандларида кўрсатилган муддат тугашидан бир ой аввал ушбу банднинг саккизинчи хатбошида кўрсатилган муддатлар чегарасида узайтириш тўғрисида аниқ асослар келтирилган ариза «Лицензия» ахборот тизими ёки ЯИДХП орқали Ер қаъридан фойдаланиш марказига тақдим этилади.

Ер қаъридан фойдаланиш маркази беш иш кунида тақдим этилган аризани ва унда келтирилган асосларни ўрганиб чиқади ҳамда ўрганиш натижаси бўйича ер қаъридан фойдаланувчига «Лицензия» ахборот тизими ёки ЯИДХП орқали ҳужжатларни тақдим этиш муддатини узайтириш ёки аризани рад этиш тўғрисида маълум қилади.

Рухсатнома расмийлаштирилган ер қаъридан фойдаланувчи томонидан тақдим этилиши зарур бўлган ҳужжатлар тўплами мазкур банднинг «а» ва «б» кичик бандларида белгиланган муддатларда Ер қаъридан фойдаланиш марказига топширилмаган тақдирда, унга расмийлаштирилган ер қаъридан фойдаланиш ҳуқуқи учун рухсатнома ушбу Низомнинг 100-бандига мувофиқ муддатидан олдин бекор қилинади.

Ер қаъридан фойдаланиш маркази зарур ҳужжатларни ва бошқа ваколатли органлардаги мавжуд ахборотларни белгиланган тартибда ҳамкорлик қилиш орқали, шу жумладан, электрон шаклда мустақил равишда олади, мазкур бандда назарда тутилган ҳужжатлар ва ахборотлар бундан мустасно;

Ушбу ҳужжатлар тўпламини кўриб чиқиш учун базавий ҳисоблаш миқдорининг 4 баробари миқдорида йиғим ундирилади ва Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

40. Ер қаъридан фойдаланиш маркази ўн иш кунида тақдим этилган ҳужжатлар тўпламини ўрганиб чиқади ва ўрганиш натижаси бўйича «Лицензия» ахборот тизими ёки ЯИДХП орқали:

геологик жиҳатдан ўрганиш учун рухсатнома расмийлаштирилган ер қаъридан фойдаланувчига — ушбу ҳужжатлар асосида фаолиятни давом эттириш мумкинлиги ва ҳужжатлар тўплами қабул қилингани тўғрисида маълумотни;

фойдали қазилмаларни кавлаб олиш ва техноген минерал ҳосилалардан фойдаланиш учун рухсатнома расмийлаштирилган ер қаъридан фойдаланувчига — техник-иқтисодий асосларда кўрсатилган фойдали қазилма конини ёки техноген минерал ҳосилаларни ишга солиш даврини инобатга олган ҳолда белгиланган ер қаъридан фойдаланиш муддати тўғрисида маълумотни ҳамда янгиланган ер қаъри участкасидан фойдаланиш шартларининг, шу жумладан ижара шартномасининг лойиҳасини юборади.

41. Тақдим этилган ҳужжатлар бўйича камчиликлар аниқланган ҳолларда тегишли ер қаъридан фойдаланувчилар ўн иш кунида камчиликларни бартараф этишлари ва Ер қаъридан фойдаланиш марказига бу ҳақда «Лицензия» ахборот тизими ёки ЯИДХП орқали маълумот тақдим этишлари лозим. Бунда, қайта тақдим этилган ҳужжатлар камчиликлар бартараф этилган ва маълумот тақдим қилинган кундан бошлаб беш иш куни мобайнида қайта кўриб чиқилади.

Камчиликларни ушбу банднинг биринчи хатбошисида кўрсатилган муддатдан йигирма иш кунидан ортиқ вақт мобайнида бартараф этмаслик ва Ер қаъридан фойдаланиш марказига маълумот тақдим этмаслик расмийлаштирилган рухсатнома ва ер қаъри участкасини ажратиш ҳақидаги қарорни бекор қилиш учун асос бўлиши мумкин.

42. Фойдали қазилмаларни кавлаб олиш ва техноген минерал ҳосилалардан фойдаланиш учун рухсатнома расмийлаштирилган ер қаъридан фойдаланувчи уч иш куни муддатда ер қаъри участкасидан фойдаланиш шартлари лойиҳасини электрон рақамли имзоси билан тасдиқлайди ва «Лицензия» ахборот тизими ёки ЯИДХП орқали Ер қаъридан фойдаланиш марказига юборади.

43. Ер қаъридан фойдаланиш маркази ер қаъридан фойдаланувчидан электрон рақамли имзо билан тасдиқланган ер қаъри участкасидан фойдаланиш шартлари тақдим этилгандан сўнг бир иш куни муддатда ер қаъридан фойдаланиш учун рухсатнома қайта расмийлаштирилгани тўғрисида тегишли реестрга ўзгартиришлар киритади ва QR-код (матрик штрихли код) қўйилган янги рухсатномани расмийлаштиради.

6-боб. Ер қаъри участкасидан фойдаланиш ҳуқуқи учун рухсатномани танлов (тендер) савдолари орқали бериш тартиби

44. Углеводородлар хом ашёси объектлари, шунингдек, олтин ва бошқа асосий (стратегик) турдаги фойдали қазилмаларнинг юқори тижорат салоҳиятга эга алоҳида объектлари бўйича ҳамда алоҳида битимлар доирасида ер қаъри участкасидан фойдаланиш ҳуқуқи учун рухсатномалар талабгорларга танлов савдолари (кейинги ўринларда — тендер) орқали энг яхши таклифларни танлаш орқали берилади.

Тендерни ташкил этиш, ишчи органни белгилаш ва тендер ғолибини аниқлаш вазифаси Вазирлар Маҳкамасининг 2019 йил 12 декабрдаги 989-сон қарори билан ташкил этилган Ер қаъридан фойдаланиш шартларини ишлаб чиқиш бўйича Давлат комиссиясининг (кейинги ўринларда — Тендер комиссияси) зиммасига юклатилади.

Танлов савдолари ташкилотчиси ёки танлов савдолари иштирокчилари қонунчиликда белгиланган тартибда фойдали қазилмаларни қазиб олишда (ажратиб олишда) махсус рента солиғи бўйича солиқ ставкаларини оширилган миқдорда таклиф қилиш ҳуқуқига эга.

Тендернинг ишчи органи тендер ҳужжатларини ишлаб чиқиш, Экология вазирлиги ва зарур ҳолларда бошқа давлат органлари билан келишишни таъминлайди.

45. Тендер икки босқичли ўтказилади ҳамда дастлабки малакалаш ва тендер ғолибини саралаш босқичларини ўз ичига олади.

Икки босқичли тендер қуйидаги тартибда ўтказилади:

биринчи босқичда талабгорларнинг малака ҳужжатлари кўриб чиқилади ва уларнинг тендер ҳужжатларида кўрсатилган малака мезонларига мослиги баҳоланади. Талабгорлар билан тендер предметининг параметрлари бўйича музокаралар ўтказишга йўл қўйилади;

иккинчи босқичда киритилган техникавий ва тижоратга оид (молиявий) таклифлар тендер предметининг аниқлаштирилган параметрлари ҳисобга олинган, баҳо албатта кўрсатилган ҳолда кўриб чиқилади ҳамда баҳоланади.

Икки босқичли тендерни ўтказиш тартиб-таомили қуйидагиларни ўз ичига олади:

тендер ўтказиш тўғрисидаги эълонни ва дастлабки малака ҳужжатларини беришга доир сўровни оммавий ахборот воситаларида ҳамда Тоғ-кон саноати ва геология вазирлигининг, Инвестициялар, саноат ва савдо вазирлигининг ва бошқа тегишли давлат органларининг (углеводородлар бўйича Ўзбекистон Республикаси Энергетика вазирлигининг) расмий веб-сайтларида эълон қилиш;

талабгорларнинг малакасини тасдиқловчи дастлабки малака буюртмаларини йиғиш ва баҳолаш;

дастлабки малакалашдан ўтган талабгорларнинг рўйхатини шакллантириш;

дастлабки малакалашдан ўтган талабгорларга тендер ҳужжатлари тўпламини юбориш;

дастлабки малакалашдан ўтган талабгорлар томонидан тендер таклифларини тақдим этиш;

дастлабки малакалашдан ўтган талабгорларнинг тендер таклифлари солинган конвертларни очиш;

тендер таклифларини баҳолаш;

тендернинг ғолибини ва захирадаги ғолибини аниқлаш;

тендер ғолиби билан музокаралар ўтказиш;

тендер ғолиби ёки махсус лойиҳалаштириш компанияси билан ер қаъри участкаларидан фойдаланиш шартлари тўғрисида битим тузиш.

Дастлабки малакалашда иштирок этиш учун буюртмалар йиғиш муддати тендер ўтказилиши тўғрисидаги эълон берилган санадан эътиборан икки ойдан кам бўлмаслиги керак.

Дастлабки малакалашни ўтказиш натижасида камида иккита талабгор малака талабларига мувофиқ бўлиши керак.

Тендер ғолибини танлаб олиш босқичида ишчи орган дастлабки малакалашдан ўтган талабгорларга тендер таклифларини тақдим этишга доир сўровни ва ер қаъри участкаларидан фойдаланиш шартлари тўғрисидаги битим лойиҳасини юборади.

Тендер таклифларини бериш учун охирги муддат тендер таклифларини тақдим этишга доир сўровда кўрсатилади ва у дастлабки малакалашдан ўтган талабгорларга ушбу сўров юборилган санадан эътиборан уч ойдан кам бўлмаслиги керак.

Талабгорлардан ҳеч бири биттадан ортиқ тендер таклифини тақдим этишга ҳақли эмас. Талабгор тендер комиссиясига тендер таклифларини тақдим этиш муддати тугагунига қадар исталган вақтда тендер таклифини ўзгартириши ёки қайтариб олиши мумкин.

Тендер таклифини тақдим этган иштирокчи ва у билан аффилланган шахслар айнан битта тендерда алоҳида талабгорлар сифатида иштирок этиш ҳуқуқига эга эмас.

Тендер таклифларини баҳолаш тендер комиссияси томонидан белгиланган муддат ичида ўтказилади. Тендер таклифларини баҳолаш тендер комиссияси томонидан тендер ҳужжатларида белгиланган тендер мезонлари бўйича амалга оширилади.

Тендер иштирокчилари ёки уларнинг вакиллари тендер таклифларини баҳолашда ҳозир бўлиши шарт эмас. Баҳолаш жараёнида тендер комиссияси тушунтиришлар бериш, улардан қўшимча маълумотларни сўраб олиш ва тақдим этилган ҳужжатларнинг ишончлилигини тасдиқлаш учун талабгорларни чақириш ҳуқуқига эга. Тендер якунларини чиқариш чоғида тендер иштирокчилари ва (ёки) уларнинг ишончли шахслари ҳозир бўлиши мумкин.

Тендер комиссияси барча талабгорларнинг тендер таклифларини тендер таклифларининг сўрови талабларига мувофиқ эмас деб топган тақдирда, шунингдек, агар дастлабки малакалашдан ўтган талабгорларнинг сони икки нафардан кам бўлса, тендер бўлиб ўтмаган деб топилади ва тендер комиссияси такрорий тендерни эълон қилишга ҳақли. Такрорий тендер уни ўтказиш тартиб-таомилида белгиланган тартибда ўтказилади.

Малака буюртмаларини ва тендер таклифларини қабул қилиш тендер ҳужжатларида кўрсатилган тартибда ҳамда ҳолларда электрон тарзда амалга оширилиши мумкин.

Талабгорларнинг тендерда иштирок этиши муносабати билан қилган харажатларининг ўрни қопланмайди.

Тендерни ўтказиш тартиб-таомиллари тендер комиссияси томонидан ушбу Низом талабларига мувофиқ белгиланади.

Тендер комиссиясининг қарорига асосан тендернинг иккинчи босқичида талабгорлардан тижоратга оид (молиявий) таклифларни қабул қилиш ва уларнинг ичидан энг яхшисини танлаб олиш жараёни «E-auksion» электрон савдо платформасида (ёпиқ тарзда) дастлабки малакалашдан ўтган талабгорлар иштирокида ўтказилиши мумкин.

46. Тендерни ташкил этиш учун Тоғ-кон саноати ва геология вазирлиги Вазирлар Маҳкамасига ер қаъри участкаларидан фойдаланиш ҳуқуқига рухсатномани танлов натижаларига кўра бериш тавсия қилинаётган ер қаъри участкаси бўйича таклифни (углеводородлар хом ашёси бўйича Энергетика вазирлиги билан келишган ҳолда) киритади.

Вазирлар Маҳкамаси тақдим этилган ҳужжатларни кўриб чиқиб, тендер комиссиясига тавсия қилинаётган ер қаъри участкасидан фойдаланиш ҳуқуқини тендер орқали сотиш масаласини маъқуллайди ва тендерни ташкил этиш тўғрисида кўрсатма беради.

Ишчи орган Вазирлар Маҳкамасининг кўрсатмасига мувофиқ белгиланган муддатда Тендер комиссиясига қуйидагилар илова қилинган мурожаатни киритади:

тендер ўтказиш тўғрисидаги эълон ва дастлабки малака ҳужжатларини беришга доир сўров лойиҳалари;

тендерни ўтказиш регламенти (тендер мезонлари, тартиби ва қоидалари);

тендер ҳужжатлари тўплами, шу жумладан тендер ғолибини танлаб олиш босқичида фойдаланиладиган мезонлар, ер участкасидан ижара ҳуқуқи асосида фойдаланиш шартлари ва ер қаъри участкаларидан фойдаланиш шартлари тўғрисидаги битим лойиҳалари (ушбу ҳужжатлар талабгорларнинг малакасини тасдиқловчи дастлабки малака буюртмаларини йиғиш ва баҳолаш босқичида ҳам тақдим этилишига йўл қўйилади);

таклиф этилаётган ер қаъри участкаси бўйича геологик маълумотлар, қазиб олиш ёки геологик ўрганиш ишларини олиб бориш бўйича лойиҳа концепцияси, дастлабки техник-иқтисодий ҳисоб-китоблар келтирилган лойиҳа-баҳолаш ҳужжатлари;

ер қаъри участкаларидан фойдаланиш ҳуқуқига рухсатномани бериш, тендерни ташкил этиш ва унда қатнашишнинг дастлабки шартлари ва тартиби лойиҳаси.

Тендерни ташкил этиш ва унда қатнашишнинг дастлабки шартларида ғолибни аниқлаш мезонлари, ер қаъри участкаларидан фойдаланишнинг асосий ва қўшимча шартлари, танловни ўтказиш муддатлари ва тартиби акс эттирилади.

Тендер комиссияси тавсия қилинаётган ер қаъри участкасидан фойдаланиш ҳуқуқини сотиш бўйича тендерни ташкил этиш тартиби ва унда қатнашишнинг дастлабки шартларини тасдиқлайди ҳамда тендерни эълон қилиш тўғрисида қарор қабул қилади.

Тендер тўғрисидаги хабарнома оммавий ахборот воситаларида, махсус ахборот портали орқали давлат харидларининг электрон тизимида, Тоғ-кон саноати ва геология вазирлиги, Ўзбекистон Республикаси Инвестициялар ва ташқи савдо вазирлиги ва Энергетика вазирлигининг (углеводород хом ашёси объектлари бўйича) расмий веб-сайтида эълон қилиниши керак. Шунингдек, хабарнома чет элдаги Ўзбекистон Республикасининг элчихоналари ва халқаро молия институтларининг ҳамда хорижий ихтисослашган таҳлилий интернет ресурсларининг расмий веб-сайтида ҳам эълон қилиниши мумкин.

Хабарномада қуйидаги маълумотлар бўлиши керак:

аризани тўлдириш намунаси;

тендерга қўйилаётган ер қаъри участкасининг номи;

тендернинг ўтказиладиган вақти ва жойи, шу жумладан аризалар қабул қилинадиган манзил, аризалар беришнинг тугаш санаси ва соати;

тендерда қатнашиш шартлари;

дастлабки малака ҳужжатларини беришга доир сўров (талабгорларга қўйиладиган талаблар);

таклифлар бериш муддати тугайдиган сана ва вақт;

таклифларни расмийлаштиришга доир талаблар;

ер қаъри участкаси тўғрисидаги йириклаштирилган геологик ва бошқа маълумотлар.

Тендерни ўтказиш тўғрисидаги хабарнома қонунчиликка зид бўлмаган бошқа ахборотни ҳам ўз ичига олиши мумкин.

Тендер комиссияси томонидан тендер объектининг бошланғич нархини белгилаш тўғрисида қарор қабул қилинган тақдирда, объектнинг нархи ушбу Низомнинг 37-бандида кўрсатилган миқдорлардан кам бўлмаган миқдорда белгиланади.

47. Дастлабки малакалашдан ўтган талабгорларнинг тендер таклифларини кафолатлаш учун закалат пули миқдори ер қаъри участкасидан фойдаланишнинг мақсади ва фойдали қазилмаларнинг турларига боғлиқ ҳолда тендер комиссияси томонидан белгиланади.

48. Ғолиб томонидан тендер объекти қиймати аввал тўланган закалат пули чегирилган ҳолда тўланади.

49. Тендерда қатнашиш учун аризалар қуйидаги ҳолларда:

ариза уни қабул қилишнинг белгиланган санасидан ва тугайдиган вақтидан кейин берилганда;

ариза белгиланган талаблар бузилган ҳолда берилганда, шу жумладан агар унинг мазмуни тендернинг шартларига мувофиқ бўлмаса;

аризачи тақдим этган ҳужжатларда ишончсиз ёки нотўғри маълумотлар мавжуд бўлса;

аризачи ўзида тендер шартларида ер қаъри участкасидан фойдаланиш учун зарур молиявий ва техник воситалар мавжудлигини ёки мавжуд бўлишини тасдиқловчи далилларни тақдим этмаганда рад этилиши мумкин.

50. Аризачи ўзи тўғрисида нотўғри маълумотлар берганлигини тасдиқловчи фактлар тендер ўтказиш жараёнида аниқланса, мазкур аризачи танловдан четлатилади.

51. Ариза қабул қилингандан кейин ариза берувчига Махфийлик тўғрисидаги битим асосида сўралаётган ер қаъри участкаси бўйича батафсил геологик ва бошқа маълумотлар тўплами берилади.

Тижорат таклифи ариза берувчи мазкур тендерда ғолиб бўлган тақдирда давлат бюджетига ер қаъри участкасидан фойдаланиш ҳуқуқи учун рухсатномани олишга тўланиши кафолатланадиган маблағ миқдори кўрсатилган ҳужжат ҳисобланади.

52. Тендерда қуйидаги асосий мезонлар бўйича ғолиб аниқланади:

ариза берувчининг кончилик соҳасидаги фаолият тажрибаси, унинг молиявий ҳолати ва молиялаштириш манбалари, техник ва технологик имкониятлари;

ер қаъри участкасидан фойдаланишни ташкил этиш бўйича ечимларнинг техник ва технологик афзалликлари, функционал ва инновацион тавсифлари;

танланган технологияларнинг одам саломатлиги, экология ва атроф муҳитга салбий таъсирини бартараф этиш, сув ва энергияни тежайдиган инновацион ечимлар ҳамда «яшил технологиялар»дан фойдаланиш чораларининг мавжудлиги;

аризачи таклиф этаётган тижорат таклифи суммасининг миқдори;

фойдали қазилмаларни қазиб олишда (ажратиб олишда) махсус рента солиғи бўйича солиқ ставкаларини оширилган миқдорда белгилаш таклифлари.

Тендер комиссияси томонидан танлов шартларидан келиб чиқиб қўшимча мезонлар белгиланиши мумкин.

53. Тендер ғолибини аниқлаш бўйича қарор тендер комиссияси томонидан ўн иш куни мобайнида қабул қилинади ва баённома билан расмийлаштирилади.

Тендер натижалари ҳақида бир иш кунида танлов иштирокчиларига ёзма маълумот берилади.

54. Тендер комиссиясининг баёни ер қаъри участкасидан фойдаланиш ҳуқуқи учун рухсатнома бериш учун асос ҳисобланади.

55. Тендер ғолибига ер қаъри участкасидан фойдаланиш ҳуқуқи учун рухсатнома тендер комиссиясининг баёнига асосан «Лицензия» ахборот тизими ёки ЯИДХП орқали мазкур Низомнинг 56 — 67-бандлари билан белгиланган тартибда берилади.

Ер қаъридан фойдаланиш мақсадлари учун белгиланган тартибда олиб қўйилган (сотиб олинган) ер участкаси билан боғлиқ харажатлар ер қаъридан фойдаланувчи томонидан Вазирлар Маҳкамаси ҳузуридаги Жисмоний ва юридик шахсларга етказилган мулкий зарарларни компенсация қилиш бўйича республика мақсадли жамғармасига рухсатнома расмийлаштирилгунга қадар қоплаб берилиши лозим.

7-боб. Ер қаъри участкаларидан фойдаланиш ҳуқуқи учун рухсатномаларни «биринчи келган биринчи олади» тамойилига биноан аризаларни тўғридан-тўғри кўриб чиқиш натижалари бўйича бериш тартиби

1-§. Геологик жиҳатдан ўрганиш, фойдали қазилмаларни кавлаб олиш ва техноген минерал ҳосилалардан фойдаланиш учун ер қаъри участкасидан фойдаланиш ҳуқуқини берадиган рухсатнома

56. Ушбу Низомнинг 8 , 9 ва 10-бандларида келтирилган ҳолатларда геологик жиҳатдан ўрганиш, фойдали қазилмаларни кавлаб олиш ва техноген минерал ҳосилалардан фойдаланиш учун ер қаъри участкасидан фойдаланиш ҳуқуқини берадиган рухсатномани олиш учун талабгорлар Ер қаъридан фойдаланиш марказига «Лицензия» ахборот тизими ёки ЯИДХП орқали мазкур Низомнинг 3-иловасига мувофиқ ариза беради ва уни ўз электрон рақамли имзоси билан тасдиқлайди.

Геологик жиҳатдан ўрганиш, фойдали қазилмаларни кавлаб олиш ва техноген минерал ҳосилалардан фойдаланиш учун ер қаъри участкаларидан фойдаланиш ҳуқуқини берадиган рухсатномаларни «биринчи келган биринчи олади» тамойилига биноан аризаларни тўғридан-тўғри кўриб чиқиш натижалари асосида бериш ушбу Низомга 4-иловага мувофиқ схема бўйича амалга оширилади.

Ер қаъридан фойдаланиш маркази зарур ҳужжатларни ва бошқа ваколатли органлардаги мавжуд ахборотларни белгиланган тартибда ҳамкорлик қилиш орқали, шу жумладан, электрон шаклда мустақил равишда олади, мазкур бандда назарда тутилган ҳужжатлар ва ахборотлар бундан мустасно.

57. Геологик жиҳатдан ўрганиш, фойдали қазилмаларни кавлаб олиш ва техноген минерал ҳосилалардан фойдаланиш учун ер қаъри участкаларидан фойдаланиш ҳуқуқини берадиган рухсатнома олиш учун берилган аризани кўриб чиқиш учун базавий ҳисоблаш миқдорининг 4 баробари миқдорида йиғим ундирилади.

Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

58. Геологик жиҳатдан ўрганиш, фойдали қазилмаларни кавлаб олиш ва техноген минерал ҳосилалардан фойдаланиш учун ер қаъри участкаларидан фойдаланиш ҳуқуқини берадиган рухсатномалар олиш учун ариза берувчиларга сўралаётган ер қаъри участкаси бўйича геологик ва бошқа маълумотлар тўплами ҳамда ер қаъри участкасидан фойдаланиш шартлари Ер қаъридан фойдаланиш маркази томонидан йигирма кундан кечиктирмай «Лицензия» ахборот тизими ёки ЯИДХП орқали берилади.

Зарур ҳолларда, маълумотлар тўпламини олиш учун ариза берувчи томонидан махфийлик тўғрисидаги битим имзоланиши талаб этилиши мумкин. Бунда, Ер қаъридан фойдаланиш маркази ариза берилган кундан бошлаб 10 кундан кечиктирмай ариза берувчига махфийлик тўғрисидаги битим лойиҳасини «Лицензия» ахборот тизими ёки ЯИДХП орқали тақдим этади.

Геологик ва бошқа маълумотлар тўплами ариза берувчи билан келишилган ер қаъри участкаси майдонининг контури, кон-техник, технологик ва бошқа маълумотлар йириклаштирилган техник-иқтисодий асослаш ёки техник-иқтисодий асослашни ишлаб чиқиш учун етарли ҳажмда бўлиши керак.

59. Ариза берувчи уч иш куни мобайнида ер қаъри участкасидан фойдаланиш шартларини электрон рақамли имзоси билан имзолайди ва «Лицензия» ахборот тизими ёки ЯИДХП орқали Ер қаъридан фойдаланиш марказига юборади.

Агар, ариза берувчи ўттиз кун ичида ер қаъри участкасидан фойдаланиш шартларини имзоламаса, Ер қаъридан фойдаланиш маркази ер қаъри участкасидан фойдаланиш ҳуқуқи учун рухсатнома беришни рад этиш тўғрисида қарор қабул қилиш ҳуқуқига эга.

60. Ер қаъридан фойдаланиш маркази ариза берувчи томонидан ер қаъри участкаларидан фойдаланиш шартлари имзоланган кундан бошлаб бир иш куни муддатда QR-код (матрик штрихли код) қўйилган рухсатномани расмийлаштиради.

61. Рухсатнома расмийлаштирилган ер қаъридан фойдаланувчи томонидан тегишли ер қаъри участкаси бўйича ушбу Низомнинг 40-бандига мувофиқ талаб этиладиган ҳужжатлар тўплами Ер қаъридан фойдаланиш марказига «Лицензия» ахборот тизими ёки ЯИДХП орқали тақдим этилади.

62. Рухсатнома расмийлаштирилган ер қаъридан фойдаланувчи томонидан тақдим этилган ҳужжатларни кўриб чиқиш ушбу Низомнинг 41 , 42 ва 43-бандларига мувофиқ белгиланган тартибда амалга оширилади.

63. Геологик жиҳатдан ўрганиш, фойдали қазилмаларни кавлаб олиш ва техноген минерал ҳосилалардан фойдаланиш учун ер қаъри участкаларидан фойдаланиш ҳуқуқини берадиган рухсатномаларни бериш қуйидаги ҳолларда рад этилиши мумкин:

ариза берувчи томонидан нотўғри расмийлаштирилган ҳужжатлар, шу жумладан, рухсатнома олиш учун зарур бўлган маълумотлар тўлиқ бўлмаганда;

ариза берувчи ўзи ҳақида нотўғри маълумот тақдим этганда;

ариза берувчи ишларни самарали олиб борилиши учун малакали мутахассислар, зарур молиявий ва техник воситаларнинг мавжудлигини тасдиқловчи маълумотни тақдим этмаганда;

ариза берувчи ер қаъридан фойдаланиш шартларини ўттиз кун муддатда имзоламаганда.

Геологик жиҳатдан ўрганиш, фойдали қазилмаларни кавлаб олиш ва техноген минерал ҳосилалардан фойдаланиш учун ер қаъри участкаларидан фойдаланиш ҳуқуқини берадиган рухсатнома берилиши рад этилганлигига норозилик бўлганда, ариза берувчи қонун билан белгиланган тартибда рад этилганлик юзасидан шикоят қилиш ҳуқуқига эга.

64. Геологик жиҳатдан ўрганиш, фойдали қазилмаларни кавлаб олиш ва техноген минерал ҳосилалардан фойдаланиш учун ер қаъри участкаларидан фойдаланиш ҳуқуқини берадиган рухсатномалар беришни рад қилиш тўғрисида қарор қабул қилинганидан сўнг Ер қаъридан фойдаланиш маркази бир иш куни ичида ариза берувчига рад этилганлик тўғрисида «Лицензия» ахборот тизими ёки ЯИДХП орқали хабарномани йўллайди, унда рад этилиш сабаблари ҳамда уларни бартараф этган ҳолда ҳужжатларни такроран кўриб чиқиш учун тақдим этиш муддати кўрсатилади.

Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу боби 1-параграфида назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда, эга бўлади.

Ариза берувчи рад этилишига асос бўлган сабабларни бартараф этиб, қайта кўриб чиқиш учун топширишга ҳақли бўлган муддат бунда ўттиз кун этиб белгиланади.

65. Ариза берувчи томонидан ер қаъри участкасидан фойдаланиш ҳуқуқи учун рухсатнома беришни рад этилишига асос бўлган сабаблар белгиланган муддатларда бартараф этилган ҳолда, ҳужжатларни қайта кўриб чиқиш, рад қилиниш сабаблари бартараф этилганлиги тўғрисидаги маълумот билан бирга топшириладиган ариза олинган кундан эътиборан ўн иш кунидан ортиқ бўлмаган муддатда амалга оширилади.

66. Аризани такроран кўриб чиқишда рухсатнома беришнинг олдинги рад этилишига асос бўлган сабаблар билан хабарда кўрсатилган янги сабаблар бўйича рад этилишига йўл қўйилмайди, олдинги қоидабузишлар бартараф этилишини тасдиқловчи маълумотлар билан боғлиқ рад этиш сабаблари кўрсатилиши бундан мустасно.

Ҳужжатларни такроран кўриб чиқиш учун ҳақ олинмайди.

67. Ариза берувчи томонидан рад этилганлик тўғрисида хабарномада кўрсатилган муддат ўтиб бўлганидан сўнг берилган ариза янгидан берилган ариза деб ҳисобланади ва ушбу Низомнинг 7-боби 1-параграфида белгиланган тартибда кўриб чиқилади.

2-§. Фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш ҳуқуқини берадиган рухсатнома

68. Фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкасидан фойдаланиш ҳуқуқини берадиган рухсатнома олиш учун талабгор шахс Ваколатли органга «Лицензия» ахборот тизими ёки ЯИДХП орқали мазкур Низомнинг 5-иловасига мувофиқ ариза беради ва уни ўз электрон рақамли имзоси билан тасдиқлайди. Бунда, ер қаъри маконидан фойдали қазилмаларни кавлаб олиш билан боғлиқ бўлмаган қуйидаги мақсадларда Ваколатли органга:

Экология вазирлигига — чиқиндиларни сақлаш ва кўмиб ташлаш учун;

Ер қаъридан фойдаланиш марказига — углеводородларни ер остида сақлаш учун мурожаат қилинади.

Ер ости иншоотларини қуриш ва ишлатиш учун ер қаъри участкасидан фойдаланиш ҳуқуқи учун рухсатнома бериш ушбу Низомга 6-иловага мувофиқ схема бўйича амалга оширилади.

Ваколатли орган керакли бўлган ҳужжатларни ва бошқа тегишли давлат органларидаги мавжуд ахборотларни белгиланган тартибда ҳамкорлик қилиш орқали мустақил равишда, шу жумладан электрон шаклда олади (мазкур бандда кўзда тутилган ҳужжатлар ва ахборотлар бундан мустасно).

69. Фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкасидан фойдаланиш ҳуқуқини берадиган рухсатнома олиш учун берилган аризани кўриб чиқиш учун базавий ҳисоблаш миқдорининг 4 баравари миқдорида йиғим ундирилади.

Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

70. Ариза қабул қилинганидан сўнг ваколатли орган ўн кун муддатда рухсатномага киритилаётган ер қаъри участкасидан фойдаланиш шартлари лойиҳасини ишлаб чиқади.

71. Ер қаъри участкасидан фойдаланиш шартлари лойиҳаси танишиш ва имзолаш учун ариза берувчига «Лицензия» ахборот тизими ёки ЯИДХП орқали тақдим этилади.

Ариза берувчи беш кундан ошмайдиган муддатда ер қаъри участкасидан фойдаланиш шартлари лойиҳасини кўриб чиқади ва электрон рақамли имзоси билан имзолайди.

72. Ариза берувчи томонидан ер қаъри участкасидан фойдаланиш шартлари имзоланганидан сўнг ваколатли орган (Экология вазирлигига — чиқиндиларни сақлаш ва кўмиб ташлаш учун, Ер қаъридан фойдаланиш марказига — углеводородларни ер остида сақлаш учун) уч кун муддатда QR-код (матрик штрихли код) қўйилган рухсатномани расмийлаштиради.

73. Фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш ҳуқуқини берадиган рухсатномаларни бериш қуйидаги ҳолларда рад этилиши мумкин:

ариза берувчи томонидан нотўғри расмийлаштирилган ҳужжатлар тақдим этилса, шу жумладан, рухсатнома олиш учун зарур бўлган маълумотлар тўлиқ бўлмаганда;

ариза берувчи томонидан тақдим этилган ҳужжатларда нотўғри маълумотлар аниқланганда;

ариза берувчи ер қаъридан фойдаланиш шартларини ўттиз кун муддатда имзоламаганда.

Фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкасидан фойдаланиш ҳуқуқини берадиган рухсатнома бошқа сабабларга кўра рад этилишига йўл қўйилмайди.

Фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш ҳуқуқини берадиган рухсатнома берилиши рад этилганлигидан норози бўлинганда, ариза берувчи қонун билан белгиланган тартибда рад этилганлик юзасидан шикоят қилиш ҳуқуқига эга.

74. Фойдали қазилмаларни кавлаб олиш билан боғлиқ мақсадларда бўлмаган ер ости иншоотларини қуриш ва ишлатиш учун ер қаъри участкаларидан фойдаланиш ҳуқуқини берадиган рухсатномалар беришни рад қилиш тўғрисида қарор қабул қилинганидан сўнг ваколатли орган бир иш куни ичида ариза берувчига рад этилганлик тўғрисида «Лицензия» ахборот тизими ёки ЯИДХП орқали хабарномани йўллайди, унда рад этиш сабаблари ҳамда уларни бартараф этган ҳолда ҳужжатларни такроран кўриб чиқиш учун тақдим этиш муддати кўрсатилади.

Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу боб 2-параграфида назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда, эга бўлади.

75. Ариза берувчи томонидан ер қаъри участкасидан фойдаланиш ҳуқуқи учун рухсатнома бериш рад этилишига асос бўлган сабаблар белгиланган муддатларда бартараф этилган ҳолда, ҳужжатларни қайта кўриб чиқиш, рад қилиниш сабаблари бартараф этилганлиги тўғрисидаги маълумот билан бирга топшириладиган ариза олинган кундан эътиборан ўн иш кунидан ортиқ бўлмаган муддатда амалга оширилади.

Ҳужжатларни такроран кўриб чиқиш учун ҳақ олинмайди.

3-§. Муҳофаза этиладиган геологик объектларни барпо этиш учун ер қаъри участкасидан фойдаланиш ҳуқуқини берадиган рухсатнома

76. Муҳофаза этиладиган геологик объектларни барпо этиш учун ер қаъри участкасидан фойдаланиш ҳуқуқини берадиган рухсатнома олиш учун рухсатнома олувчи Ер қаъридан фойдаланиш марказига «Лицензия» ахборот тизими ёки ЯИДХП орқали мазкур Низомнинг 7-иловасига мувофиқ буюртма беради ва уни ўз электрон рақамли имзоси билан тасдиқлайди.

Муҳофаза этиладиган геологик объектларни барпо этиш учун ер қаъри участкаларидан фойдаланиш ҳуқуқини берадиган рухсатномаларни бериш ушбу Низомга 8-иловага мувофиқ схема бўйича амалга оширилади.

Ваколатли орган керакли бўлган ҳужжатларни ва бошқа ваколатли органлардаги мавжуд ахборотларни белгиланган тартибда ҳамкорлик қилиш орқали мустақил равишда, шу жумладан электрон шаклда олади (мазкур бандда кўзда тутилган ҳужжатлар ва ахборотлар бундан мустасно).

77. Муҳофаза этиладиган геологик объектларни барпо этиш учун ер қаъри участкасидан фойдаланиш ҳуқуқини берадиган рухсатнома олиш учун берилган буюртмани кўриб чиқиш учун базавий ҳисоблаш миқдорининг 4 баробари миқдорида йиғим ундирилади.

Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

78. Буюртмалар экспертизаси улар тақдим этилган вақтдан бошлаб бир ҳафталик муддатда Ер қаъридан фойдаланиш маркази томонидан амалга оширилади.

79. Буюртмалар экспертизадан ўтказилганидан сўнг Ер қаъридан фойдаланиш маркази томонидан бир иш куни муддатда рухсатномага киритилаётган ер қаъри участкасидан фойдаланиш шартлари лойиҳаси тайёрланади ва танишиб чиқиш ҳамда имзолаш учун ариза берувчига тақдим этилади.

80. Ариза берувчи томонидан ер қаъри участкасидан фойдаланиш шартлари электрон рақамли имзоси билан тасдиқланганидан сўнг Ер қаъридан фойдаланиш маркази бир иш куни муддатда QR-код (матрик штрихли код) қўйилган рухсатномани расмийлаштиради.

81. Муҳофаза этиладиган геологик объектларни барпо этиш учун ер қаъри участкаларидан фойдаланиш ҳуқуқини берадиган рухсатномаларни бериш қуйидаги ҳолларда рад этилиши мумкин:

ариза берувчи томонидан нотўғри расмийлаштирилган ҳужжатлар тақдим этилганда, шу жумладан, рухсатнома олиш учун зарур бўлган маълумотлар тўлиқ бўлмаганда;

ариза берувчи томонидан тақдим этилган ҳужжатларда нотўғри маълумотлар аниқланганда;

ариза берувчи ер қаъридан фойдаланиш шартларини ўттиз кун мобайнида имзоламаганда.

Муҳофаза этиладиган геологик объектларни барпо этиш учун ер қаъри участкасидан фойдаланиш ҳуқуқини берадиган рухсатнома бошқа сабабларга кўра рад этилишига йўл қўйилмайди.

Муҳофаза этиладиган геологик объектларни барпо этиш учун ер қаъри участкаларидан фойдаланиш ҳуқуқини берадиган рухсатнома берилиши рад этилганлигидан норози бўлганда ариза берувчи қонун ҳужжатларида белгиланган тартибда рад этилганлик юзасидан шикоят қилиш ҳуқуқига эга.

82. Ер қаъри участкаларидан фойдаланиш ҳуқуқи учун рухсатномалар беришни рад қилиш тўғрисида қарор қабул қилинган тақдирда Ер қаъридан фойдаланиш маркази бир иш куни ичида ариза берувчига рад этилганлик тўғрисида «Лицензия» ахборот тизими ёки ЯИДХП орқали хабарномани йўллайди, унда рад этилиш сабаблари ҳамда уларни бартараф этган ҳолда ҳужжатларни такроран кўриб чиқиш учун тақдим этиш муддати кўрсатилади.

Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу боб 3-параграфида назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда, эга бўлади.

83. Ариза берувчи томонидан ер қаъри участкасидан фойдаланиш ҳуқуқи учун рухсатнома бериш рад этилишига асос бўлган сабаблар белгиланган муддатларда бартараф этилган тақдирда, ҳужжатларни қайта кўриб чиқиш, рад қилиш сабаблари бартараф этилганлиги тўғрисидаги маълумот билан бирга топшириладиган буюртма олинган кундан эътиборан ўн иш кунидан ортиқ бўлмаган муддатда амалга оширилади.

Ҳужжатларни такроран кўриб чиқиш учун ҳақ олинмайди.

4-§. Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкасидан фойдаланиш ҳуқуқини берадиган рухсатнома

84. Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкасидан фойдаланиш ҳуқуқини берадиган рухсатнома олиш учун рухсатнома олувчи Ер қаъридан фойдаланиш марказига «Лицензия» ахборот тизими ёки ЯИДХП орқали мазкур Низомнинг 9-иловасига мувофиқ буюртма беради ва уни ўз электрон рақамли имзоси билан тасдиқлайди.

Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкасидан фойдаланиш ҳуқуқини берадиган рухсатнома бериш ушбу Низомга 10-иловага мувофиқ схема бўйича амалга оширилади.

Ваколатли орган керакли бўлган ҳужжатларни ва бошқа ваколатли органлардаги мавжуд ахборотларни белгиланган тартибда ҳамкорлик қилиш орқали мустақил равишда, шу жумладан электрон шаклда олади (мазкур бандда кўзда тутилган ҳужжатлар ва ахборотлар бундан мустасно).

85. Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкасидан фойдаланиш ҳуқуқини берадиган рухсатнома олиш учун берилган буюртмани кўриб чиқиш учун базавий ҳисоблаш миқдорининг 4 баравари миқдорида йиғим ундирилади.

Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

86. Буюртма экспертизаси тақдим этилган вақтдан бошлаб бир ҳафта муддатда Ер қаъридан фойдаланиш маркази томонидан амалга оширилади.

87. Буюртма экспертизадан ўтказилганидан сўнг Ер қаъридан фойдаланиш маркази томонидан бир иш куни муддатда рухсатномага киритилаётган нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш ер қаъри участкасидан фойдаланиш шартлари лойиҳаси тайёрланади ва танишиб чиқиш ва имзолаш учун ариза берувчига «Лицензия» ахборот тизими ёки ЯИДХП орқали тақдим этилади.

88. Ариза берувчи томонидан ер қаъри участкасидан фойдаланиш шартлари электрон рақамли имзоси билан тасдиқланганидан сўнг Ер қаъридан фойдаланиш маркази бир иш куни муддатда QR-код (матрик штрихли код) қўйилган рухсатномани расмийлаштиради.

89. Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкаларидан фойдаланиш ҳуқуқини берадиган рухсатномаларни бериш қуйидаги ҳолларда рад этилиши мумкин:

ариза берувчи томонидан зарур тарзда расмийлаштирилмаган ҳужжатлар тақдим этилганда, шу жумладан, рухсатнома олиш учун зарур бўлган маълумотлар тўлиқ бўлмаганда;

ариза берувчи томонидан тақдим этилган ҳужжатларда нотўғри маълумотлар аниқланганда;

ариза берувчи ер қаъридан фойдаланиш шартларини ўттиз кун мобайнида имзоламаганда.

Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкасидан фойдаланиш ҳуқуқини берадиган рухсатнома бошқа сабабларга кўра рад этилишига йўл қўйилмайди.

Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкаларидан фойдаланиш ҳуқуқини берадиган рухсатнома берилиши рад этилганлигидан норози бўлинганда, ариза берувчи қонунда белгиланган тартибда шикоят қилиш ҳуқуқига эга.

90. Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкаларидан фойдаланиш ҳуқуқини берадиган рухсатномалар беришни рад қилиш тўғрисида қарор қабул қилинган тақдирда, Ер қаъридан фойдаланиш маркази бир иш куни ичида ариза берувчига рад этилганлик тўғрисида «Лицензия» ахборот тизими ёки ЯИДХП орқали хабарномани йўллайди, унда рад этилиш сабаблари ҳамда уларни бартараф этган ҳолда ҳужжатларни такроран кўриб чиқиш учун тақдим этиш муддати кўрсатилади.

Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу боб 4-параграфида назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда, эга бўлади.

91. Ариза берувчи томонидан ер қаъри участкасидан фойдаланиш ҳуқуқи учун рухсатнома бериш рад этилишига асос бўлган сабаблар белгиланган муддатларда бартараф этилган тақдирда, ҳужжатларни қайта кўриб чиқиш рад қилиш сабаблари бартараф этилганлиги тўғрисидаги маълумот билан бирга топшириладиган ариза олинган кундан эътиборан ўн иш кунидан ортиқ бўлмаган муддатда амалга оширилади.

Ҳужжатларни такроран кўриб чиқиш учун ҳақ олинмайди.

8-боб. Ер қаъри участкаларидан фойдаланиш ҳуқуқи учун рухсатномаларни расмийлаштириш ва бериш, ушбу ҳуқуқни давлат рўйхатидан ўтказиш ҳамда давлат ҳисобига олиш тартиби

92. Рухсатнома мазкур Низомнинг 11-иловасида келтирилган шаклда QR-код (матрик штрихли код) қўйиб расмийлаштирилади.

Стратегик турдаги (асосий) фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатнома паспорти 12-иловага мувофиқ тасдиқлансин.

93. Ер қаъри участкасидан фойдаланиш ҳуқуқи давлат рўйхатидан ўтказилиши шарт. Ер қаъри участкаларидан фойдаланиш ҳуқуқини давлат рўйхатидан ўтказиш рухсатнома беришга ваколатли органлар томонидан амалга оширилади.

94. Ер қаъри участкасидан фойдаланиш ҳуқуқини давлат рўйхатидан ўтказиш ер қаъри участкасидан фойдаланиш ҳуқуқи учун рухсатномалар реестрига тегишли ёзувни киритиш йўли билан амалга оширилади.

Рухсатнома беришга ваколатли орган реестрларни ер қаъри участкаларидан фойдаланишнинг ҳар бир тури бўйича белгиланган тартибда алоҳида-алоҳида юритади.

95. Ҳар бир реестрда қуйидагилар кўрсатилган бўлиши керак:

ер қаъридан фойдаланувчи тўғрисидаги асосий маълумотлар (номи, ташкилий-ҳуқуқий шакли, солиқ тўловчининг идентификация рақами, почта манзили, телефон ва факс рақамлари);

фойдаланишга берилган ер қаъри участкасининг номи;

ер қаъри участкасининг тури ва ундан фойдаланиш мақсади;

рухсатнома берилган сана ва тартиб рақами;

рухсатноманинг амал қилиш муддати;

рухсатномани қайта расмийлаштиришнинг асоси ва санаси;

ер қаъри участкасидан фойдаланиш ҳуқуқини чеклаш, тўхтатиб туриш ёки тугатишнинг асоси ва санаси.

96. Ер қаъри участкасидан фойдаланиш ҳуқуқи учун рухсатнома реестрларидаги маълумотлар, очиқ бўлган маълумотлар базаси ҳисобланиб, мазкур реестр билан юридик ва жисмоний шахслар танишиб чиқиши мумкин.

97. Ер қаъридан фойдаланиш ҳуқуқи давлат рўйхатидан ўтказилгандан кейин фойдаланишга берилган ер қаъри участкаси давлат ҳисобига олинади.

98. Фойдаланишга берилган ер қаъри участкаларини давлат ҳисобига олиш ваколатли орган томонидан тегишли ер қаъри участкасидан фойдаланиш ҳуқуқини давлат рўйхатидан ўтказиш материаллари олинган кундан бошлаб ўн кун муддатда амалга оширилади.

9-боб. Ер қаъри участкаларидан фойдаланиш ҳуқуқини чеклаш, тўхтатиб туриш ва тугатиш

99. Ер қаъри участкаларидан фойдаланиш ҳуқуқи «Ер ости бойликлари тўғрисида»ги Ўзбекистон Республикаси Қонунида назарда тутилган ҳолларда, шунингдек, алоҳида битимларда назарда тутилган ҳолларда чекланиши, тўхтатиб турилиши ёки муддатидан олдин тўхтатилиши мумкин.

100. Ер қаъри участкаларидан фойдаланиш ҳуқуқини чеклаш, тўхтатиб туриш ёки муддатидан олдин тўхтатиш ваколатли орган (Ер қаъридан фойдаланиш маркази ёки Экология вазирлиги — чиқиндиларни сақлаш ва кўмиб ташлаш учун) томонидан судга берилган аризалари асосида суд тартибида амалга оширилади.

101. Ер қаъри участкаларидан фойдаланиш ҳуқуқини чеклаш, тўхтатиб туриш ёки муддатидан олдин тўхтатиш ваколатли орган томонидан ер қаърини геологик ўрганиш, улардан фойдаланиш ва уларни муҳофаза қилиш давлат назорати органларининг тақдимномалари асосида амалга оширилади, қонун ҳужжатларига мувофиқ фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкалари бундан мустасно.

102. Ер қаъри участкаларидан фойдаланиш ҳуқуқини чеклаш барча участкада ёхуд унинг бир қисмида пайдо бўлган хавф-хатарлар ёки ер қаъридан фойдаланиш талаблари ва шартларининг, ер қаърини геологик ўрганиш бўйича ишларни юритиш нормалари ва қоидаларининг йўл қўйилган бузилишлари бартараф этилгунгача, бироқ уч ойдан кўп бўлмаган муддатга ишларнинг муайян турлари амалга оширилиши тақиқлаб қўйилишига сабаб бўлади.

103. Ер қаъри участкаларидан фойдаланиш ҳуқуқининг тўхтатиб турилиши тўхтатиб туриш учун асос бўлган сабаблар бартараф этилгунгача, бироқ олти ойдан кўп бўлмаган муддатда ишларнинг барча турлари амалга оширилишининг тақиқлаб қўйилишига сабаб бўлади, кон ишланмаларининг сақланишини таъминлаш, иморатлар, иншоотлар ва асбоб-ускуналарни авариясиз, одамлар ва атроф-муҳит учун хавфсиз ҳолатда сақлаш ишлари бундан мустасно.

104. Ер қаъри участкаларидан фойдаланиш ҳуқуқи муддатидан олдин бекор қилинишига асос бўлувчи қўпол қоидабузарликларнинг рўйхати:

агар ер қаъридан фойдаланувчи бир йил давомида ер қаъри участкасидан фойдаланишни бошламаган бўлса;

ер қаъридан фойдаланувчи томонидан ер қаъри участкасидан фойдаланишнинг асосий шартлари бузилганлиги (ер қаъри участкасини давлат рўйхатига қўйиш, экологик талабларга риоя қилиш, геология-қидирув ишлари ва/ёки қазиб олишнинг мўлжалланаётган ҳажмини таъминлаш, ижтимоий ва инвестиция мажбуриятларини бажариш);

ер қаъридан фойдаланиш билан боғлиқ ишларнинг таъсири доирасида аҳоли ҳаёти ва соғлиғига, атроф-муҳитга таҳдид юзага келиши;

ер қаъридан фойдаланганлик учун тўловларни мунтазам равишда тўламаган тақдирда;

«Ер ости бойликлари тўғрисида»ги Ўзбекистон Республикаси Қонунида назарда тутилган талаблар қоидалар бажарилмаган тақдирда;

агар қоидабузарликлар мунтазам равишда амалга оширилса ёхуд ушбу ер қаъри участкасидан фойдаланиш ҳуқуқига нисбатан олдин чеклов ва/ёки тўхтатиб туриш қўйилган бўлса.

Ер қаъридан фойдаланиш ҳуқуқи тўхтатилган тақдирда фойдаланувчи ер қаъридан фойдаланишда бузилган ер участкаларини ва бошқа табиий объектларни улардан келгусида фойдаланиш учун яроқли ҳолга келтириш ишларини амалга оширишга, шунингдек, кон ишланмаларини ҳамда ушбу ер қаъри участкаларидан фойдаланиш билан боғлиқ бўлган инфратузилма объектларини консервация қилиш ва/ёки йўқ қилиш ишларини бошлаши шарт.

105. Ер қаъри участкаси фойдаланишга берилган юридик шахс тугатилиши сабабли ер қаъри участкасидан фойдаланиш ҳуқуқи тўхтатилган тақдирда Ер қаъридан фойдаланиш маркази томонидан тузилган махсус комиссия ёки алоҳида битимлар шартларига биноан ер қаъри участкалари тақдим этилган тақдирда «Маҳсулот тақсимотига оид битимлар тўғрисида»ги Ўзбекистон Республикаси Қонунига мувофиқ бошқарув қўмитаси ер қаъри участкасидан фойдаланиш билан боғлиқ кон ишланмалари ва инфратузилма объектларини тугатиш тартиби ва шартлари тўғрисидаги масалаларни ҳал этиши керак.

Кўрсатиб ўтилган ҳолларда ер қаъри участкаси рухсатнома берган орган балансига ўтади.

106. Ер қаъри участкасидан фойдаланиш ҳуқуқи тўхтатиб турилганда ва (ёки) тўхтатилганда бу тўғрида Ер қаъридан фойдаланиш маркази уч иш куни мобайнида маҳаллий ижро этувчи ҳокимият органлари, Экология вазирлиги, Солиқ қўмитаси, Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси ва ер қаъри фойдаланишга берилган юридик шахсга қабул қилинган қарор тўғрисида тегишли ахборотни жўнатади.

10-боб. Ер қаъри участкасидан фойдаланиш ҳуқуқидан ўзга шахс фойдасига воз кечиш

107. Фойдали қазилмаларни геологик жиҳатдан ўрганиш, қазиб олиш, техноген минерал ҳосилалардан фойдаланиш ҳуқуқи учун берилган рухсатнома эгаси Ер қаъридан фойдаланиш маркази билан келишган ҳолда ер қаъри участкасидан фойдаланиш ҳуқуқини (тўлиқ ёки қисман) бошқа шахсга, агар ушбу шахс рухсатномада белгиланган шартларни бажариш мажбуриятини ўз зиммасига олса, бериши мумкин.

Ер қаъри участкасидан фойдаланиш ҳуқуқи қисман бошқа юридик шахсга берилганда фойдали қазилмаларнинг қолдиқ захирасининг бўлинишига қараб, иккала юридик шахсга ҳам техник-иқтисодий асосни ишлаб чиқиш мажбурияти юкланади ҳамда рухсатномаларнинг муддати ушбу техник-иқтисодий асослардан келиб чиқиб расмийлаштирилади.

Бунда ер қаъри участкасидан фойдаланиш ҳуқуқи ўзига ўтаётган шахс рухсатнома эгасига қўйилган талабларга мувофиқ бўлиши керак.

«E-auksion» электрон савдо платформасида аукцион орқали реализация қилинган ер қаъри участкаларидан фойдаланиш ҳуқуқи учун рухсатномаларни улар берилган санадан бошлаб икки йил мобайнида бошқа шахслар фойдасига воз кечиш, шу жумладан ер қаъри фойдаланувчиларининг таъсисчилари (операцион фаолиятини бошқариш овозига эга мажоритар акциядорлари)ни тўлиқ ўзгартириш тақиқланади.

108. Ўзи томонидан қидирилган конда фойдали қазилмаларни кавлаш ишларига рухсатнома олишга мутлақ ҳуқуқи мавжуд бўлган ер қаърини геологик ўрганишга доир ишларни молиялаштирган юридик шахс ушбу ер қаъри участкасидан фойдаланиш ҳуқуқини Ер қаъридан фойдаланиш маркази билан келишган ҳолда бошқа шахсга (тўлиқ ёки қисман) бериши мумкин.

109. Алоҳида битимлар шартларида берилган ер қаъри участкасидан фойдаланиш ҳуқуқини (тўлиқ ёки қисман) бошқа шахсга бериш «Маҳсулот тақсимоти тўғрисидаги битимлар ҳақида»ги Ўзбекистон Республикаси Қонунининг 23-моддасига ва/ёки «Ер ости бойликлари тўғрисида»ги Ўзбекистон Республикаси Қонунига мувофиқ белгиланади.

110. Ер қаъри участкасидан фойдаланиш ҳуқуқини (тўлиқ ёки қисман) бошқа шахсга беришни келишиб олиш рухсатнома эгаси томонидан Ер қаъридан фойдаланиш марказига «Лицензия» ахборот тизими ёки ЯИДХП орқали мазкур Низомнинг 13-иловасига мувофиқ ариза бериш йўли билан амалга оширилади.

Аризада ер қаъри участкасидан фойдаланиш ҳуқуқини бошқа шахсга бериш сабаблари, ер қаъридан фойдаланиш ҳуқуқи бошқа шахсга қисман берилган тақдирда эса — талабгорнинг фойдали қазилмаларни ёки техноген минерал ҳосилаларни қазиб олиш, қайта ишлаш билан боғлиқ фаолиятининг мўлжалланаётган тури кўрсатилади. Аризага ер қаъри участкасидан фойдаланиш ҳуқуқи ўзига ўтаётган шахснинг рухсатнома эгасига қўйиладиган талабларга мувофиқлигини тасдиқловчи ҳужжатлар илова қилинади.

111. Ер қаъридан фойдаланиш маркази ариза олинган кундан бошлаб ўн кун муддатда ер қаъри участкасидан фойдаланиш ҳуқуқи учун рухсатномани (тўлиқ ёки қисман) бошқа шахсга қайта расмийлаштириб беради ёки асослантирилган хулосасини тақдим этган ҳолда рад этади.

Рухсатнома ариза берувчига «Лицензия» ахборот тизими ёки ЯИДХП орқали юборилади.

Ер қаъри участкасидан фойдаланиш ҳуқуқига рухсатномани қайта расмийлаштириш рад этилганда хулоса асослантирилган бўлиши керак. Ер қаъри участкасидан фойдаланиш ҳуқуқини беришни қайта келишиб олишда ер қаъри участкасидан фойдаланиш ҳуқуқини беришни келишиб олиш рад этилган аввалги сабаблар кўрсатилмаган янги асослар бўйича уни рад этишга йўл қўйилмайди.

11-боб. Ер қаъри участкасидан фойдаланиш ҳуқуқи учун рухсатномани қайта расмийлаштириш

112. Ер қаъри участкасидан фойдаланиш ҳуқуқи учун рухсатномани қайта расмийлаштириш қуйидаги ҳолларда амалга оширилади:

юридик шахс қайта ташкил этилганда ёки унинг номи ўзгарганда;

ер қаъри участкасидан фойдаланиш ҳуқуқи бошқа шахсга берилганда;

ер қаъри участкасидан фойдаланиш шартлари ўзгарганда;

ер қаъри участкасидан фойдаланиш муддати узайтирилганда.

113. Ер қаъри участкасидан фойдаланиш ҳуқуқи учун рухсатномани қайта расмийлаштириш рухсатномани берган ваколатли орган томонидан рухсатнома эгасининг «Лицензия» ахборот тизими ёки ЯИДХП орқали мазкур Низомнинг 14-иловасига мувофиқ берилган аризаси асосида амалга оширилади.

Юридик шахс қайта ташкил этилганда ёки унинг номи ўзгарганда ариза рухсатнома эгаси томонидан қайта рўйхатдан ўтказилгандан кейин ўн кун муддатда берилиши керак.

Ер қаъри участкасидан фойдаланиш ҳуқуқи учун рухсатномани қайта расмийлаштириш тўғрисидаги аризага тегишли тасдиқловчи ҳужжатлар илова қилинади.

114. Рухсатномани қайта расмийлаштириш учун зарур ҳужжатлар илова қилинган ариза тушган кундан бошлаб беш иш куни мобайнида ваколатли орган томонидан кўриб чиқилади (ушбу Низомда белгиланган ҳоллар бундан мустасно).

Ер қаъри участкасидан фойдаланиш муддатини узайтириш учун рухсатнома қайта расмийлаштирилганда ер қаъри участкаларидан фойдаланиш шартларининг бажарилиши тўғрисида берилган маълумотлар ваколатли орган томонидан ўрганиб чиқилади.

Тақдим этилган ариза ва ҳужжатлар бўйича камчиликлар аниқланган ҳолларда тегишли ер қаъридан фойдаланувчилар ўн иш кунида камчиликларни бартараф этишлари ва ваколатли органга бу ҳақда «Лицензия» ахборот тизими ёки ЯИДХП орқали маълумот тақдим этишлари лозим. Бунда, ариза камчиликлар бартараф этилган ва маълумот тақдим қилинган кундан бошлаб уч иш куни мобайнида қайта кўриб чиқилади.

115. Ер қаъри участкасидан фойдаланиш ҳуқуқи учун рухсатномани қайта расмийлаштириш учун ариза ва зарур ҳужжатларни кўриб чиқиш натижасига кўра ваколатли орган ер қаъри участкасидан фойдаланиш шартлари лойиҳасини имзолаш учун ариза берувчига «Лицензия» ахборот тизими ёки ЯИДХП орқали тақдим этади.

Ариза берувчи уч иш куни муддатда ер қаъри участкасидан фойдаланиш шартлари лойиҳасини электрон рақамли имзоси билан тасдиқлайди ва «Лицензия» ахборот тизими ёки ЯИДХП орқали ваколатли органга юборади.

116. Ер қаъридан фойдаланиш учун рухсатнома қайта расмийлаштирилганда бир иш куни муддатда тегишли реестрга ўзгартиришлар киритилади ва ваколатли орган QR-код (матрик штрихли код) қўйилган рухсатномани расмийлаштиради.

117. Ер қаъри участкасидан фойдаланиш ҳуқуқи учун рухсатнома қайта расмийлаштирилганда рухсатнома беришга буюртманома кўриб чиқилганлиги учун тўланадиган сумманинг эллик фоизи миқдорида йиғим ундирилади.

Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

12-боб. Якунловчи қоидалар

118. Ер қаърини геологик жиҳатдан ўрганиш, ундан фойдаланиш ва уни муҳофаза қилиш устидан давлат назорати маҳаллий давлат ҳокимияти органлари, шунингдек, ваколатли органлар томонидан қонунчилик ҳужжатларида белгиланган тартибда амалга оширилади.

119. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 1-ИЛОВА

Стратегик турдаги (асосий) фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномаларни электрон онлайн-аукцион орқали бериш

Босқичлар Субъектлар Тадбирлар Муддатлар 1 босқич (тайёргарлик босқичи) Ер қаъридан фойдаланиш маркази Ер қаъри участкалари рўйхатини шакллантиради ва тасдиқлайди. Ҳар йили Ер қаъридан фойдаланиш маркази Ер қаъридан фойдаланиш ҳуқуқини аукционда реализация қилиш учун буюртманомаларни Давлат активларини бошқариш агентлиги ҳузуридаги «Электрон онлайн-аукционларни ташкил этиш маркази» давлат унитар корхонасига (операторга) тақдим этади. Тайёр бўлиши билан Оператор Аукцион ўтказилиши тўғрисидаги хабарномани ўз веб-порталида жойлаштиради. Буюртма олинган кундан бошлаб 2 босқич (аукционни ўтказиш) Ариза берувчи Аукционда иштирок этиш учун электрон шаклда ариза топширади, унда лот рақами ва ер қаъри участкаси номини кўрсатади. 60 кун мобайнида Оператор Лот бўйича электрон аукцион савдолари ўтказади ва аукцион ғолибини эълон қилади. 1 иш куни мобайнида Аукцион ғолиби Таклиф суммасининг 100 фоизини ҳамда ер участкасини ажратиш материалларини тайёрлаш учун сарфланган тўловларни тўлайди. Сотилган объектнинг қиймати БҲМнинг 5 минг бараваригача бўлганда 10 иш куни, 5 минг бараварига тенг ёки ундан ортиқ бўлганда 15 иш куни мобайнида 3 босқич (рухсатнома бериш) Оператор Аукцион ғолиби (захирадаги ғолиб) томонидан сотиб олиш тўловлари тўлиқ тўлангандан сўнг аукцион ғолибига баённома расмийлаштиради ҳамда мазкур баённомани ва у томонидан имзоланган ер қаъридан фойдаланиш шартларини аукцион ғолибининг ва Ер қаъридан фойдаланиш марказининг шахсий кабинетига электрон шаклда юборади. 1 иш куни мобайнида Ер қаъридан фойдаланиш маркази Баённома асосида Ер қаъри участкаларидан фойдаланиш ҳуқуқи учун тегишли рухсатномани, ЭРИ билан имзоланган ва QR-код (матрик штрихли код) билан расмийлаштирилган ҳолда, «E-auksion» электрон савдо платформаси орқали Операторга юборади. 1 иш куни мобайнида Оператор Аукцион ғолибига расмийлаштирилган рухсатномани унинг шахсий кабинетига юборади. 1 иш куни мобайнида

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 2-ИЛОВА

Ер қаъри участкасидан фойдаланиш ҳуқуқи учун рухсатномани танлов (тендер) савдолари орқали бериш тартиби

Босқичлар Субъектлар Тадбирлар Муддатлари 1 босқич (малакалаш) Тендер комиссияси Тендерни ташкил этиш учун ишчи органни белгилайди. Зарур бўлганда Ишчи орган Тендер ҳужжатларини ишлаб чиқиб, Экология вазирлиги ва зарур ҳолларда бошқа давлат органлари билан келишади ҳамда тендер ўтказилиши тўғрисида эълон беради. 1 ой мобайнида Талабгорлар Тендерда қатнашиши учун буюртмани ишчи органга юборади. 2 ой мобайнида Ишчи орган Талабгорларнинг малака ҳужжатлари кўриб чиқади ва дастлабки малакалашдан ўтган талабгорларга тендер таклифларини тақдим этишга доир сўровни ва ер қаъри участкаларидан фойдаланиш шартлари тўғрисидаги битим лойиҳасини юборади. 3 ой мобайнида 2 босқич (саралаш) Ишчи орган Талабгорларнинг малака ҳужжатлари кўриб чиқади ва уларнинг тендер ҳужжатларида кўрсатилган малака мезонларига мослигини баҳолаш учун тендер комиссиясига юборади. 10 кун мобайнида Тендер комиссияси Талабгорларнинг киритилган техникавий ва тижоратга оид (молиявий) таклифларини кўриб чиқади ҳамда баҳолайди. Шунингдек, тендер ғолибини аниқлайди ва қарор қабул қилади ҳамда баённома билан расмийлаштиради. 10 кун мобайнида Ишчи орган Тендер натижалари ҳақида маълумотни танлов иштирокчиларига юборади. 1 кун мобайнида

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 3-ИЛОВА

«Лицензия» ахборот тизими орқали геологик жиҳатдан ўрганиш, фойдали қазилмаларни кавлаб олиш ва техноген минерал ҳосилалардан фойдаланиш учун ер қаъри участкасидан фойдаланиш ҳуқуқини берадиган рухсатнома олиш учун

Рухсатномаларни «биринчи келган биринчи олади» тамойилига биноан аризаларни тўғридан-тўғри кўриб чиқиш натижалари бўйича олиш учун 1. Давлат рўйхатидан ўтганлиги тўғрисидаги гувоҳномага мувофиқ тўлиқ номи: 2. Манзили, телефон рақами, электрон почтаси: 3. Сўралаётган ер қаъри участкасининг номи ва ер қаъридан фойдаланишнинг назарда тутилган тури: 4. Режалаштирилаётган фаолиятни амалга ошириш учун мавжуд ходимлар (геологлар, кончилар, маркшейдерлар) тўғрисидаги маълумотлар, мутахассис (мутахассислар) бўлмаганда эса — тегишли лицензияга эга бўлган ихтисослашган ташкилот билан шартнома: (илова қилинади) 5. Йириклаштирилган техник-иқтисодий асослар ёки техник-иқтисодий асосларга мувофиқ сўралаётган ер қаъри участкасидан фойдаланишни таъминлаш учун техник, технологик имкониятлари тўғрисида маълумот: 6. Вазирлар Маҳкамаси ҳузуридаги Жисмоний ва юридик шахсларга етказилган мулкий зарарларни компенсация қилиш бўйича республика мақсадли жамғармасига қоплаб берилганлигини тасдиқловчи тўлов. 7. Аризани кўриб чиқиш учун базавий ҳисоблаш миқдорининг тўрт баробар миқдоридаги тўлов.

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 4-ИЛОВА

Стратегик турдаги (асосий) фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномаларни «биринчи келган биринчи олади» тамойилига биноан тўғридан-тўғри музокаралар натижалари бўйича бериш

Босқичлар Субъектлар Тадбирлар Муддатлари 1 босқич (рухсатнома олгунга қадар) Ариза берувчи Ер қаъри участкасидан фойдаланиш ҳуқуқи учун лицензия олиш учун Ер қаъридан фойдаланиш марказига «Лицензия» ахборот тизими ёки ЯИДХП орқали буюртма беради. Зарур бўлганда Ер қаъридан фойдаланиш маркази Сўралаётган ер қаъри участкаси бўйича йириклаштирилган техник-иқтисодий асосларни ва (ёки) техник-иқтисодий асосларни ишлаб чиқиш учун геологик ёки бошқа маълумотлар тўпламини ҳамда ер қаъри участкасидан фойдаланиш шартларини, шунингдек, ер участкасини ажратиш материалларини тайёрлаш учун сарфланган тўлов қийматини «Лицензия» ахборот тизими ёки ЯИДХП орқали юборади. 20 кун мобайнида 2 босқич Ариза берувчи Ер қаъри участкасидан фойдаланиш шартларини электрон рақамли имзоси билан имзолайди ҳамда ер участкасини ажратиш материалларини тайёрлаш учун сарфланган тўловни тўлайди ва «Лицензия» ахборот тизими ёки ЯИДХП орқали Ер қаъридан фойдаланиш марказига юборади. 5 кун мобайнида Ер қаъридан фойдаланиш маркази Ер қаъри участкасидан фойдаланиш ҳуқуқи учун QR-код (матрик штрихли код) қўйилган рухсатномани расмийлаштиради ва уни ўз электрон рақамли имзоси билан тасдиқлайди. 1 кун мобайнида 3 босқич (рухсатнома олгандан кейин) Ариза берувчи Йириклаштирилган техник-иқтисодий асослар ҳамда режалаштирилаётган фаолиятнинг атроф муҳитга таъсирини баҳолаш ижобий хулосаси; 6 ой мобайнида Белгиланган тартибда экспертизадан ўтказилган техник-иқтисодий асослар ҳамда режалаштирилаётган фаолиятнинг атроф муҳитга таъсирини баҳолаш ижобий хулосасини илова қилган ҳолда Ер қаъридан фойдаланиш марказига «Лицензия» ахборот тизими ёки ЯИДХП орқали тақдим этади. 12 ой мобайнида

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 5-ИЛОВА

Фойдали қазилмаларни қазиб олиш билан боғлиқ бўлмаган ер ости иншоотларини қуриш ва ишлатиш учун ер қаъри участкасидан фойдаланиш ҳуқуқини берадиган рухсатнома олиш учун

Ариза берувчи тўғрисида маълумот: 1. Давлат рўйхатидан ўтганлиги тўғрисидаги гувоҳномага мувофиқ тўлиқ номи: 2. Манзили, телефон рақами, электрон почтаси: 3. Режалаштирилаётган фаолият тури учун участка танланишининг асосланганлиги бўйича Давлат комиссиясининг баённомаси нусхаси: (илова қилинади) 4. Давлат экология экспертизаси ваколатли органлари томонидан атроф-муҳитга таъсири тўғрисида ариза лойиҳасига берилган ижобий хулоса: (илова қилинади) 5. Иш олиб бориладиган ҳудуднинг 1:1000000 масштабдаги шарҳли харитаси ва жойдаги бурғилаш қудуғи(лар) жойлашиши схемаси: (илова қилинади) 6. Аризани кўриб чиқиш учун базавий ҳисоблаш миқдорининг тўрт баробар миқдоридаги тўлов.

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 6-ИЛОВА

Фойдали қазилмаларни қазиб олиш билан боғлиқ бўлмаган ер ости иншоотларини қуриш ва ишлатиш учун ер қаъри участкаларидан фойдаланиш ҳуқуқига рухсатномаларни бериш

Босқичлар Субъектлар Тадбирлар Муддатлари 1 босқич Ариза берувчи Ваколатли органга (Экология вазирлигига — чиқиндиларни сақлаш ва кўмиб ташлаш учун, Ер қаъридан фойдаланиш марказига — углеводородларни ер остида сақлаш учун) зарур ҳужжатларни илова қилган ҳолда «Лицензия» ахборот тизими ёки ЯИДХП орқали буюртма беради. Зарур бўлганда 2 босқич Ваколатли орган Рухсатномага киритиладиган ер қаъри участкасидан фойдаланиш шартлари лойиҳасини ишлаб чиқади. 10 кун мобайнида 3 босқич Ваколатли орган Ер қаъри участкасидан фойдаланиш шартлари лойиҳасини танишиш учун ариза берувчига «Лицензия» ахборот тизими ёки ЯИДХП орқали тақдим этади. 3 кун мобайнида Ариза берувчи Ер қаъри участкасидан фойдаланиш шартларини электрон рақамли имзоси билан имзолайди. 5 кун мобайнида Ваколатли орган Ер қаъри участкасидан фойдаланиш ҳуқуқи учун QR-код (матрик штрихли код) қўйилган рухсатномани расмийлаштиради ва уни ўз электрон рақамли имзоси билан тасдиқлайди. 3 кун мобайнида

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 7-ИЛОВА

Муҳофаза этиладиган геологик объектларни барпо этиш учун ер қаъри участкасидан фойдаланиш ҳуқуқини берадиган рухсатнома олиш учун

Ариза берувчи тўғрисида маълумот: 1. Давлат рўйхатидан ўтганлиги тўғрисидаги гувоҳномага мувофиқ тўлиқ номи: 2. Манзили, телефон рақами, электрон почтаси: 3. Сўралаётган ер қаъри участкасининг муҳофаза этиладиган геологик объект эканлигини тасдиқловчи ҳужжат нусхаси: (илова қилинади) 4. Ер қаъри участкасини танлаш тегишлича асосланган ҳолда муҳофаза этиладиган геологик объектни барпо этиш лойиҳаси: (илова қилинади) 5. Давлат экология экспертизаси ваколатли органлари томонидан атроф-муҳитга таъсири тўғрисида ариза лойиҳасига берилган ижобий хулоса: (илова қилинади) ариза берувчининг йириклаштирилган техник-иқтисодий асослар ёки техник-иқтисодий асосларга мувофиқ сўралаётган ер қаъри участкасидан фойдаланишни таъминлаш учун техник, технологик ва молиявий имкониятлари тўғрисида маълумот 6. Аризани кўриб чиқиш учун базавий ҳисоблаш миқдорининг тўрт баробар миқдоридаги тўлов.

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 8-ИЛОВА

Муҳофаза қилинадиган геологик объектларни ташкил қилиш учун ер қаъри участкаларидан фойдаланиш ҳуқуқи учун рухсатномалар бериш

Босқичлар Субъектлар Тадбирлар Муддатлари 1 босқич Ариза берувчи Зарур ҳужжатларни илова қилган ҳолда Ер қаъридан фойдаланиш марказига «Лицензия» ахборот тизими ёки ЯИДХП орқали буюртма беради. Зарур бўлганда 2 босқич Ер қаъридан фойдаланиш маркази Ариза берувчининг ҳужжатларини экспертизадан ўтказади. 7 кун мобайнида 3 босқич Ер қаъридан фойдаланиш маркази Рухсатномага киритиладиган ер қаъри участкасидан фойдаланиш шартлари лойиҳасини ишлаб чиқади. 1 кун мобайнида Ер қаъридан фойдаланиш маркази Ер қаъри участкасидан фойдаланиш шартлари лойиҳасини танишиш учун ариза берувчига «Лицензия» ахборот тизими ёки ЯИДХП орқали тақдим этади. 1 кун мобайнида Ариза берувчи Ер қаъри участкасидан фойдаланиш шартларини электрон рақамли имзоси билан имзолайди. 3 кун мобайнида Ер қаъридан фойдаланиш маркази Ер қаъри участкасидан фойдаланиш ҳуқуқи учун QR-код (матрик штрихли код) қўйилган рухсатномани расмийлаштиради ва уни ўз электрон рақамли имзоси билан тасдиқлайди. 1 кун мобайнида

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 9-ИЛОВА

Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкасидан фойдаланиш ҳуқуқини берадиган рухсатнома олиш учун

Ариза берувчи тўғрисида маълумот: 1. Давлат рўйхатидан ўтганлиги тўғрисидаги гувоҳномага мувофиқ тўлиқ номи: 2. Манзили, телефон рақами, электрон почтаси: 3. Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш лойиҳаси: (илова қилинади) 5. Аризани кўриб чиқиш учун базавий ҳисоблаш миқдорининг тўрт баробар миқдоридаги тўлов.

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 10-ИЛОВА

Нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун ер қаъри участкасидан фойдаланиш ҳуқуқи учун рухсатномалар бериш

Босқичлар Субъектлар Тадбирлар Муддатлари 1 босқич Ариза берувчи Зарур ҳужжатларни илова қилган ҳолда Ер қаъридан фойдаланиш марказига «Лицензия» ахборот тизими ёки ЯИДХП орқали буюртма беради. Зарур бўлганда 2 босқич Ер қаъридан фойдаланиш маркази Ариза берувчининг ҳужжатларини экспертизадан ўтказади. 7 кун мобайнида 3 босқич Ер қаъридан фойдаланиш маркази Рухсатномага киритиладиган ер қаъри участкасидан фойдаланиш шартлари лойиҳасини ишлаб чиқади. 1 кун мобайнида Ер қаъридан фойдаланиш маркази Ер қаъри участкасидан фойдаланиш шартлари лойиҳасини танишиш учун ариза берувчига «Лицензия» ахборот тизими ёки ЯИДХП орқали тақдим этади. 1 кун мобайнида Ариза берувчи Ер қаъри участкасидан фойдаланиш шартларини электрон рақамли имзоси билан имзолайди. 3 кун мобайнида Ер қаъридан фойдаланиш маркази Ер қаъри участкасидан фойдаланиш ҳуқуқи учун QR-код (матрик штрихли код) қўйилган рухсатномани расмийлаштиради. 1 кун мобайнида

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 11-ИЛОВА

‎‎ ‎ ‎‎OʻZBEKISTON RESPUBLIKASI TOGʻ-KON SANOATI VA GEOLIGIYA VAZIRLIGI ‎‎Yer qaʼri uchastkasidan foydalanish huquqi uchun ‎RUXSATNOMA‎ ‎ ‎ ‎‎SERIYASI ‎ ‎ ‎‎TARTIB RAQAMI ‎ ‎ ‎ RUXSATNOMA TURI‎‎ ‎ ‎‎Ruxsatnoma_____________________________________________________________________________________________________________________________________________________________________ga berildi. ‎ ‎ ‎ ‎ ‎‎(ushbu ruxsatnomani olgan yuridik yoki jismoniy‎ shaxs) ‎ ‎ ‎ ‎ ‎ Ruxsatnoma __________________________________________________________________________________ uchun yer qaʼri uchastkasidan foydalanish huquqini tasdiqlaydi. ‎‎ ‎‎Yer qaʼri uchastkasi ____________________________________________________________________________ ‎‎(nomi va foydali qazilma turi) ‎‎________________________________________________________________________________ da joylashgan. ‎‎(Qoraqalpogʻiston Respublikasi yoki viloyat tumani, aholi punkti nomi) ‎‎Ruxsatnomaning amal qilish muddati ________________________________________________________________ ‎ ‎ ‎ ‎ ‎ ‎ ‎ ‎‎(kun, oy, yil)‎ ‎‎Quyidagilar ruxsatnomaning ajralmas tarkibiy qismlari hisoblanadi: ‎‎Yer qaʼridan foydalanish shartlari __________________________________________________________________ ‎ ‎ ‎ ‎ ‎ ‎ ‎‎(ilovaning tartib raqamlari, varaqalar soni)‎ ‎‎Ruxsatnoma berilgan sana ___________ y. «______» _____________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎QR kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎(Ruxsatnoma uning ajralmas tarkibiy qismi hisoblangan zarur ilovalar mavjud boʻlgan taqdirda haqiqiy hisoblanadi). ‎ ‎

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 12-ИЛОВА

Стратегик турдаги (асосий) фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатнома

1. Рухсат этиш хусусиятига эга ҳужжатнинг номи: Стратегик турдаги (асосий) фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатнома 2. Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар): Стратегик турдаги (асосий) фойдали қазилмаларни ўз ичига олган ер қаъри участкаларидан фойдаланиш 3. Ариза берувчилар тоифаси: Юридик шахс 4. Рухсат этиш тартиб-таомиллари соҳасидаги ваколатли орган: Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси 5. Рухсат этиш хусусиятига эга ҳужжатни олиш учун тақдим қилинадиган ҳужжатлар: Рухсатномалар аукцион савдолари, танлов натижалари ёки «биринчи келган биринчи олади» тамойилига асосан берилади: 1. Аукцион савдолари натижалари бўйича баённома асосида рухсатнома берилади ҳамда ер қаъридан фойдаланувчи томонидан: а) рухсатнома ер қаъри участкасини геологик ўрганиш учун берилганда, рухсатнома берилган кундан бошлаб 6 (олти) ой мобайнида: йириклаштирилган техник-иқтисодий ҳисоб-китоблар ҳамда атроф муҳитга таъсир кўрсатиши тўғрисида ариза лойиҳасига Давлат экология қўмитаси томонидан бериладиган ижобий давлат экологик экспертиза хулосасининг рақами ва санаси; б) рухсатнома фойдали қазилмаларни қазиб олиш ва техноген минерал ҳосилалардан фойдаланиш учун берилганда, рухсатнома берилган кундан бошлаб 12 (ўн икки) ой мобайнида: белгиланган тартибда экспертизадан ўтказилган техник-иқтисодий асослар ҳамда атроф муҳитга таъсир кўрсатиши тўғрисида ариза лойиҳасига Давлат экология қўмитаси томонидан бериладиган ижобий давлат экологик экспертиза хулосасининг рақами ва санаси. 2. Талабгорлар танлов (тендер) савдоларида қатнашиш учун буюртмани ишчи органга юборади. Буюртмада талабгорларнинг соҳа бўйича малака ҳужжатлари бўлади. 3. Рухсатномаларни «биринчи келган биринчи олади» принципига биноан аризаларни тўғридан-тўғри кўриб чиқиш натижалари бўйича олиш учун мазкур Низомнинг 3-иловасига мувофиқ ариза шаклини тўлдиради. 6. Аризани кўриб чиқиш учун тўланадиган йиғим миқдори: 1. Аукцион савдолари натижалари бўйича бериладиган рухсатномага йиғим ундирилмайди. 2. Танлов натижалари ёки «биринчи келган биринчи олади» тамойилига асосан аризани кўриб чиқиш учун базавий ҳисоблаш миқдорининг тўрт баробар миқдоридаги тўлов. 7. Рухсат этиш хусусиятига эга ҳужжат берилганлиги учун ундириладиган йиғим миқдори: 1. Аукцион савдолари натижалари бўйича бериладиган рухсатномага йиғим ундирилмайди. 2. Танлов натижалари ёки «биринчи келган биринчи олади» тамойилига асосан аризани кўриб чиқиш учун базавий ҳисоблаш миқдорининг тўрт баробар миқдоридаги тўлов. 8. Аризани кўриб чиқиш муддати: 1. Аукцион савдолари натижалари бўйича бериладиган рухсатнома — 3 кун. 2. Танлов натижалари ёки «биринчи келган биринчи олади» тамойилига асосан аризани кўриб чиқиш — 4 кун. 9. Рухсат этишга оид талаб ва шартлар: а) геологик жиҳатдан ўрганиш учун: ер қаърини геологик жиҳатдан ўрганиш учун йиллик энг кам харажатлар бўйича мажбуриятлар миқдори, шу жумладан икки йил мобайнида бажариладиган минимал инвестиция мажбуриятлари; Кон-геология фаолиятини назорат қилиш инспекциясига тўқсон кун мобайнида ер қаъридан фойдаланиш бўйича лойиҳаларини тақдим этиш мажбурияти; фойдали қазилмаларни, шу жумладан, углеводородларни, саноатда фойдаланиладиган ер ости сувларини тажриба (намуна) учун ва тажриба-саноат усулида кавлаб олиш шартлари; кон ишланмалари ва қудуқларини аҳоли ҳаёти ва соғлиги, атроф муҳит хавфсизлигини таъминлайдиган ҳолатга келтириш, шунингдек, фойдаланилмайдиган кон ишланмалари ва қудуқларини тугатиш тартиби; углеводородлар, портловчи ва кимёвий моддалар, қимматбаҳо металлар ва қимматбаҳо тошларнинг муомаласи соҳасидаги қонунчилик талабларига риоя этиш шартлари; ер қаъри участкасидан фойдаланиш билан боғлиқ тўловлар, шу жумладан йиллик лицензия тўлови тўғрисидаги мажбуриятлар; ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари; б) фойдали қазилмаларни кавлаб олиш учун: фойдали қазилмаларни кавлаб олиш учун йиллик энг кам харажатлар бўйича мажбуриятлар миқдори, шу жумладан бажариладиган минимал инвестиция мажбуриятлари; техник лойиҳаларни ва кавлаб олиш ишларини ривожлантириш режаларини, конларнинг лойиҳаларини тайёрлаш ва ўзлаштириш тартиби ва муддатлари; фойдали қазилмаларни кавлаб олиш ҳажми; углеводородларни қазишда фойдали қазилмаларни кавлаб олишнинг келишилган даражалари; ер қаъридан фойдаланганлик учун ҳақ тўлаш шартлари; техноген минерал ҳосилаларни сақлаш ва қайта ишлаш шартлари; қўшилиб чиқадиган газдан фойдаланиш, шу жумладан, углеводородларни кавлаб олиш бўйича мажбуриятлар; қувурлардан ва умумий инфратузилманинг бошқа объектларидан фойдаланиш шартлари (зарур бўлганда); саноатда фойдаланиладиган ер ости сувларини олишнинг энг кўп йўл қўйиладиган миқдори; кесишадиган сувли қатламларнинг ифлосланиши ёки силжишини истисно этадиган углеводородларни кавлаб олиш қудуқлари конструкциясига қўйиладиган талаблар; сувли қатламда ер ости сувларининг йўл қўйиладиган пасайиши даражаси; ер қаъридан фойдаланиш соҳасида, хавфли ишлар, ишлаб чиқариш, хавфли товарлар ва моддалар айланмаси, портловчи моддаларга рухсат бериш жараёнларидан ўтиш тартиби; углеводородлар, портловчи ва кимёвий моддалар, қимматбаҳо металлар ва қимматбаҳо тошларнинг муомаласи соҳасидаги қонунчилик талабларига риоя этиш шартлари; ер қаъри участкасидан фойдаланиш билан боғлиқ тўловлар тўғрисидаги мажбуриятлар; ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари. 10. Рухсат этиш хусусиятига эга ҳужжатни беришда келишиладиган органлар: Мавжуд эмас 11. Рухсат этиш хусусиятига эга ҳужжатнинг амал қилиш муддати: а) геологик жиҳатдан ўрганиш учун — беш йилгача муддатга; б) фойдали қазилмаларни кавлаб олиш ва техноген минерал ҳосилалардан фойдаланиш учун: дастлаб рухсатнома берилганда — ўн йил муддатга, кейинчалик, техник-иқтисодий асослар белгиланган муддатларда тақдим этилгандан сўнг фойдали қазилма конини ёки техноген минерал ҳосилаларни ишга солиш даврини инобатга олган ҳолда, унинг муддатини узайтиришни кафолатлаш шарти билан; техник-иқтисодий асослар тақдим этилгандан сўнг — фойдали қазилма конини ёки техноген минерал ҳосилаларни ишга солишнинг техник-иқтисодий асосларда белгиланган муддатига; в) нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш учун — икки йилгача муддатга; г) фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш, шу жумладан, нефть, газ, газ конденсати, бошқа моддалар ва материалларни ер остида сақлаш, чиқиндиларни сақлаш ва кўмиб ташлаш учун — муддатсиз фойдаланишга; д) муҳофаза этиладиган геология объектларини барпо этиш учун — муддатсиз фойдаланишга берилади. 12. Изоҳ: Ер қаъри участкасидан фойдаланиш ҳуқуқини берадиган рухсатнома қуйидаги мақсадлар учун берилади: геологик жиҳатдан ўрганиш; фойдали қазилмаларни кавлаб олиш; техноген минерал ҳосилалардан фойдаланиш; Фойдали қазилмаларни кавлаб олиш билан боғлиқ бўлмаган мақсадларда ер ости иншоотларини қуриш ва ишлатиш учун ер қаъри участкаларидан фойдаланиш; муҳофаза этиладиган геологик объектларни барпо этиш; нодир тош хом ашёси намуналарини, палеонтологик қолдиқларни ва бошқа геологик коллекциябоп материалларни тўплаш. Рухсатнома, қоидага кўра, ушбу бандда белгиланган ер қаъридан фойдаланишнинг ҳар бир тури учун алоҳида берилади.

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 13-ИЛОВА

«Лицензия» ахборот тизими орқали ер қаъри участкасидан фойдаланиш ҳуқуқини (тўлиқ ёки қисман) бошқа шахсга беришни келишиб олиш учун

1. Рухсатнома эгасининг Давлат рўйхатидан ўтганлиги тўғрисидаги гувоҳномага мувофиқ тўлиқ номи: 2. Манзили, телефон рақами, электрон почтаси: 3. Ер қаъри участкасидан фойдаланиш ҳуқуқи (тўлиқ ёки қисман) берилаётган шахснинг Давлат рўйхатидан ўтганлиги тўғрисидаги гувоҳномага мувофиқ тўлиқ номи: 4. Ер қаъри участкасидан фойдаланиш ҳуқуқини бошқа шахсга бериш сабаблари: 5. Ер қаъридан фойдаланиш ҳуқуқи бошқа шахсга қисман берилган тақдирда — талабгорнинг фойдали қазилмаларнинг стратегик турларини ёки техноген минерал ҳосилаларни қазиб олиш, қайта ишлаш билан боғлиқ фаолиятининг мўлжалланаётган тури: 6. Ер қаъри участкасидан фойдаланиш ҳуқуқи ўзига ўтаётган шахснинг рухсатнома эгасига қўйиладиган талабларга мувофиқлигини тасдиқловчи ҳужжатлар : (илова қилинади): 6.1. Режалаштирилаётган фаолиятни амалга ошириш учун мавжуд ходимлар (геологлар, кончилар, маркшейдерлар) тўғрисидаги маълумотлар, мутахассис (мутахассислар) бўлмаганда эса — тегишли лицензияга эга бўлган ихтисослашган ташкилот билан шартнома; 6.2. Ер қаъри участкасидан фойдаланишни таъминлаш учун техник, технологик имкониятлари тўғрисида маълумот. 6.3. Техник-иқтисодий асослар ер қаъри участкасидан фойдаланиш ҳуқуқи қисман берилаётганда (илова қилинади): 7. Аризани кўриб чиқиш учун базавий ҳисоблаш миқдорининг икки баробар миқдоридаги тўлов.

Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга 14-ИЛОВА

«Лицензия» ахборот тизими орқали ер қаъри участкасидан фойдаланиш ҳуқуқи учун рухсатномани қайта расмийлаштириш учун

1. Давлат рўйхатидан ўтганлиги тўғрисидаги гувоҳномага мувофиқ тўлиқ номи: 2. Манзили, телефон рақами, электрон почтаси: 3. Ер қаъри участкасидан фойдаланиш ҳуқуқи учун рухсатномани қайта расмийлаштириш сабаблари: 4. Аризани кўриб чиқиш учун базавий ҳисоблаш миқдорининг икки баробар миқдоридаги тўлов.

Вазирлар Маҳкамасининг 2022 йил 25 мартдаги 133-сон қарорига 2-ИЛОВА

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида

1-боб. Умумий қоидалар

1. Ушбу Низом норуда фойдали қазилмаларни ўз ичига олган ер қаъри участкаларидан фойдаланиш (дарё ўзанларини тозалаш жараёнида қум-шағал материалларини қазиб олиш бундан мустасно) ҳуқуқи учун рухсатномалар бериш тартибини белгилайди.

2. Ушбу Низомда қуйидаги асосий тушунчалар қўлланилади:

«E-auksion» электрон савдо платформаси (кейинги ўринларда — савдо платформаси) — электрон онлайн-аукционларни ташкил этиш ва ўтказиш учун зарур бўлган ахборотни киритиш, сақлаш ва қайта ишлаш, шунингдек, манфаатдор шахсларнинг аукционлар жараёнларидан оператор веб-портали орқали бевосита фойдаланиш имкониятини таъминлайдиган ахборот тизими;

норуда фойдали қазилмалар — таркибида металл бўлмаган табиий ҳолича, тозалаб ёки қайта ишлаб олинадиган фойдали қазилмалар (норуда фойдали қазилмаларга — кимё, цемент, ойна, оловбардош ва чинни буюмлар саноатида фойдаланиш учун яроқли бўлган хом ашё, кварцитлар, кварц-дала шпати жинслари, мармар, гранит, сиенитлар, диоритлар, габбро, андезитлар, диабазлар, базальт, вулқон туфлари, шлаклар, шағал, қум-шағал аралашмаси, қум ва қумтош, гил ва гилли жинслар (суглинкалар, алевролитлар, бентонитлар, аргиллитлар), тош тузи, гипс, мергель, оҳактошлар, шу жумладан чиғаноқлар, бўрли жинслар, доломитлар, кремнийли жинслар, табиий бўёқлар киради);

норуда фойдали қазилмаларни ўз ичига олган ер қаъри участкалари — таркибида норуда фойдали қазилмалар мавжуд бўлган ва аниқ геометрланган чегараларга эга ер қаъри майдони;

оператор — Ўзбекистон Республикаси Давлат активларини бошқариш агентлиги ҳузуридаги «Электрон онлайн-аукционларни ташкил этиш маркази» давлат унитар корхонаси.

3. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи рухсатнома асосида:

геологик ўрганиш;

қазиб олиш;

техноген минерал ҳосилалардан фойдаланиш учун берилади.

4. Рухсатномалар Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси (кейинги ўринларда — Ер қаъридан фойдаланиш маркази) томонидан мазкур Низомнинг 3-бандида белгиланган ер ости бойликларидан фойдаланишнинг ҳар бир тури учун алоҳида-алоҳида берилади.

2-боб. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномалар

1-§. Геологик ўрганиш учун ер қаъри участкаларидан фойдаланиш ҳуқуқини берувчи рухсатномалар

5. Геологик ўрганиш учун ер қаъри участкаларидан фойдаланиш ҳуқуқини берувчи рухсатнома тадбиркорлик таваккалчилиги асосида (ер қаъридан фойдаланувчиларнинг ўз маблағлари ҳисобидан) норуда фойдали қазилмалар конларини излаш, баҳолаш ва қидиришга оид ҳуқуқни тасдиқлайди.

Минерал хом ашё базасини ривожлантириш ва қайта тўлдириш давлат дастурлари доирасида Ўзбекистон Республикаси Давлат бюджети ва ташкилотларнинг ўз маблағлари ҳисобига геологик ўрганиш учун ер қаъри участкаларидан фойдаланиш ҳуқуқи юзага келишига белгиланган тартибда тасдиқланган ер қаърини геологик ўрганишга доир лойиҳа-смета ҳужжатлари асос ҳисобланади.

Норуда фойдали қазилмаларни геологик ўрганиш босқичида лойиҳа-смета ҳужжатларида асосланган ҳамда норуда фойдали қазилмалар захираларини ҳисоблаб чиқиш ва уларнинг сифатини баҳолаш учун етарли ҳажмларда тажриба (синов) ва тажриба-саноат йўсинида қазиб олиш ишларини ўтказиш учун ер қаъри участкаларидан фойдаланиш ҳуқуқига оид рухсатнома олиш талаб қилинмайди.

Дарё ўзанларини тозалаш жараёнида қум-шағал материалларини қазиб олиш учун ер қаъри участкаларидан фойдаланиш ҳуқуқи учун рухсатнома олиш талаб қилинмайди.

Дарёлар ўзанларида қум-шағал материалларини қазиб олиш фақат уларни тозалаш жараёнида Ўзбекистон Республикаси Фавқулодда вазиятлар вазирлиги «Хавфсиз дарё бошқармаси» давлат муассасаси томонидан Ўзбекистон Республикаси Вазирлар Маҳкамасининг 2018 йил 3 декабрдаги 981-сон қарори билан тасдиқланган Дарёлар ўзанларини тозалаш ишларига тадбиркорлик субъектларини электрон онлайн-аукцион орқали жалб қилиш тартиби тўғрисидаги низом талаблари асосида жалб этилган тадбиркорлик субъектлари ва бошқа ташкилотлар томонидан амалга оширилади.

2-§. Норуда фойдали қазилмаларни қазиб олиш учун ер қаъри участкаларидан фойдаланиш ҳуқуқига оид рухсатнома

6. Норуда фойдали қазилмаларни қазиб олиш учун ер қаъри участкаларидан фойдаланиш ҳуқуқига оид рухсатнома, унинг эгасига конни қазиб олиш, қазиб олинаётган минерал хом ашёни қайта ишлаш, шу жумладан агар рухсатнома шартларида бошқа ҳолатлар назарда тутилмаган бўлса, қазиб олиш жараёнида олинган минерал ҳосилалардан фойдаланиш (қайта ишлаш) ҳуқуқини беради.

Норуда фойдали қазилмаларни қазиб олиш учун ер қаъри участкасидан фойдаланиш ҳуқуқига оид рухсатнома норуда фойдали қазилмаларнинг захиралари қонун ҳужжатларида белгиланган тартибда тасдиқланган кон бўйича уларни қазиб олиш учун берилади.

7. Ер қаъри участкаларидан фойдаланиш ҳуқуқига оид рухсатномани коннинг алоҳида участкасидаги норуда фойдали қазилмаларни қазиб олиш учун берилишига рухсат этилади, агар ушбу ҳолат конни қазиб олишнинг техник-иқтисодий кўрсаткичларини ёмонлаштирмаса ва коннинг қолган қисмлари (участкалари)ни ўзлаштиришга тўсқинлик қилмаса.

8. Битта конни бир нечта ер қаъридан фойдаланувчилар томонидан қазиб олиш учун ер қаъри участкаларидан фойдаланиш ҳуқуқига оид рухсатномалар берилишига йўл қўйилади. Бунда конни қазиб олиш Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси (кейинги ўринларда — Кон-геология инспекцияси) ва Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги (кейинги ўринларда — Экология вазирлиги) билан келишилган, ер қаъридан оқилона фойдаланишни ва атроф-муҳитнинг муҳофаза қилинишини таъминловчи қазиб олиш тизимида амалга оширилиши керак.

9. Ер қаъри участкаларидан фойдаланиш ҳуқуқи учун бир неча рухсатномаларнинг бир вақтнинг ўзида битта ер қаъридан фойдаланувчига берилишига йўл қўйилади, шу жумладан ўзаро яқин жойлашган норуда фойдали қазилмалар конларини қазиб олиш учун, агар бажарилган техник-иқтисодий ҳисоб-китобларга кўра уларни фақат биргаликда бир ер қаъридан фойдаланувчи томонидан қазиб олиш рентабелли бўлса.

10. Бир вақтнинг ўзида норуда фойдали қазилмаларнинг турли конларини, айрим турдаги қурилиш ва бошқа материаллар ва буюмларни ишлаб чиқариш учун зарур компонент сифатидаги минерал хом ашё қазиб олишга оид ер қаъри участкаларидан фойдаланиш ҳуқуқи учун бир неча рухсатномалар битта ер қаъридан фойдаланувчига берилиши мумкин.

11. Норуда фойдали қазилмаларни қазиб олиш учун ер қаъри участкаларидан фойдаланиш ҳуқуқини берувчи рухсатнома эгаси, унга берилган кон ажратиш далолатномаси доирасида қўшимча рухсатномасиз ер қаърини геологик ўрганишга доир ишларни, уларни Ер қаъридан фойдаланиш марказининг Давлат геология фондида ҳисобига қўйиш шарти билан олиб бориш ҳуқуқига эга.

3-§. Техноген минерал ҳосилалардан фойдаланиш учун ер қаъри участкаларидан фойдаланиш ҳуқуқига оид рухсатнома

12. Техноген минерал ҳосилалардан фойдаланиш учун ер қаъри участкаларидан фойдаланиш ҳуқуқига оид рухсатнома, ўз эгасининг кон қазиб чиқариш ва қайта ишлаш корхоналарининг таркибида норуда фойдали компонентлари мавжуд чиқиндиларини қайта ишлаш ишларини амалга ошириш ҳуқуқини тасдиқлайди.

Норуда фойдали қазилмаларни қазиб олиш ва минерал хом ашёни қайта ишлаш жараёнида олинган техноген минерал ҳосилаларга эгалик ҳуқуқи норуда фойдали қазилмаларни қазиб олиш учун ер қаъри участкасидан фойдаланиш ҳуқуқига оид рухсатномага мувофиқ рухсатнома эгасида ер қаъри участкасидан фойдаланиш муддати мобайнида сақлаб қолинади. Бундай ҳолда техноген минерал ҳосилалардан фойдаланиш (қайта ишлаш)га рухсатнома олиш талаб қилинмайди.

13. Техноген минерал ҳосилалардан фойдаланишга оид ер қаъри участкаларидан фойдаланиш ҳуқуқи учун рухсатнома, ер қаъридан фойдаланувчи балансида ҳисобда турмайдиган ёки техноген минерал ҳосилалар сотилган ёки белгиланган тартибда бошқа ер қаъридан фойдаланувчига топширилган ҳолда, кон қазиб чиқариш ва қайта ишлаш корхоналарининг чиқиндиларини қайта ишлаш учун берилади.

3-боб. Норуда фойдали қазилмаларни ўз ичига олган ер қаъри участкаларидан фойдаланиш шартлари

14. Ер қаъридан фойдаланиш рухсатномада назарда тутилган ер қаъри участкаларидан фойдаланиш шартларига мувофиқ амалга оширилади.

15. Норуда фойдали қазилмаларни ўз ичига олган ер қаъри участкаларидан фойдаланишнинг асосий шартларига ер қаъридан фойдаланиш турларидан келиб чиққан ҳолда «Ер ости бойликлари тўғрисида»ги Ўзбекистон Республикасининг Қонуни билан белгиланган шартлар киради.

Норуда фойдали қазилмаларни ўз ичига олган ер қаъри участкаларидан фойдаланишнинг намунавий шартлари Ер қаъридан фойдаланиш маркази ва уни ҳудудий бўлинмаларининг расмий веб-сайтларида жойлаштирилади, шунингдек зарурат бўлганда белгиланган тартибда оммавий ахборот воситаларида ҳам эълон қилиниши мумкин.

16. Норуда фойдали қазилмаларни ўз ичига олган ер қаъри участкаларидан фойдаланиш шартларида геологик ўрганиш учун қуйидагилар назарда тутилади:

ер қаърини геологик ўрганиш бўйича йириклаштирилган техник-иқтисодий ҳисоб-китобларни ишлаб чиқиш ва Ер қаъридан фойдаланиш марказига топшириш муддати;

атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосасини Ер қаъридан фойдаланиш марказига топшириш муддати;

кон иншоотлари ва қудуқларни аҳоли ҳаёти ва саломатлиги, атроф-муҳит хавфсизлигини таъминлайдиган ҳолатга келтириш (рекультивация қилиш), шунингдек, фойдаланишга яроқсиз кон иншоотлари ва қудуқларни тугатиш тартиби ёхуд ушбу ишларни бажариш дастури (режаси)ни рухсатнома муддати тугашидан бир йил аввал Экология вазирлиги билан келишилган ҳолда Тоғ-кон, геология ва саноат хавфсизлигини назорат қилиш инспекциясига тақдим этиш;

ер қаъри участкасидан фойдаланиш билан боғлиқ тўловлар, шу жумладан, йиллик лицензия тўлови тўғрисидаги мажбуриятлар;

геологик ўрганишлар учун рухсатномага мувофиқ ажратиладиган (ижарага бериладиган) ер участкасининг майдони (гектарда);

геологик ўрганишлар учун ер қаъридан фойдаланганлик учун ҳар йиллик лицензия тўловини тўлаш учун махсус ҳисоб рақам;

норуда фойдали қазилмалар захираларини тасдиқлаш учун материалларни Кон-геология вазирлиги ҳузуридаги Фойдали қазилмалар захиралари бўйича Давлат комиссиясига топшириш тартиби ва муддатлари;

ер қаъри участкаларидан фойдаланиш ҳуқуқининг чекланиши, тўхтатиб қўйилиши ёки муддатидан олдин бекор қилиниши мумкин бўлган шартлар.

17. Ер қаъри участкаларидан норуда фойдали қазилмаларни қазиб олиш шартларида қуйидагилар назарда тутилади:

фойдали қазилмаларни қазиб олиш бўйича техник-иқтисодий асосларни ишлаб чиқиш ва Ер қаъридан фойдаланиш марказига топшириш муддати;

атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосасини Ер қаъридан фойдаланиш марказига топшириш муддати;

Тоғ-кон, геология ва саноат хавфсизлигини назорат қилиш инспекциясига тўқсон кун мобайнида ер қаъридан фойдаланиш бўйича лойиҳаларни тақдим этиш ва белгиланган тартибда келишиш мажбурияти;

фойдали қазилмаларни кавлаб олиш учун йиллик энг кам харажатлар бўйича мажбуриятлар миқдори, шу жумладан, Ер қаъридан фойдаланиш марказига ер қаъри участкасидан фойдаланиш учун техник-иқтисодий асосларни тақдим этган кундан бошлаб икки йил мобайнида бажариладиган минимал инвестиция мажбуриятлари;

техник лойиҳалар ва кон ишларини ривожлантириш режаларини, захираларни қазиб олиш ва кон майдони (участкалар)да қулайликлар яратиш лойиҳаларини тузиш тартиби ва муддатлари;

маркшейдерлик хизматлари томонидан тасдиқланган чораклик ва йиллик фойдали қазилмаларни кавлаб олиш ҳажмлари тўғрисидаги ҳисоботларни тақдим этиш муддатлари;

қазиб олинган фойдали қазилмага эгалик қилиш ҳуқуқи;

ер қаъридан фойдаланганлик учун тўловларни тўлаш шартлари;

зарур малакали мутахассисларга эга бўлиш;

ер қаъридан фойдаланувчининг ижтимоий мажбуриятлари (маҳаллий аҳоли учун иш жойларини ташкил қилиш, керакли малакали мутахассисларни жалб қилиш ва ходимларни касбга тайёрлаш);

техник ва технологик имкониятлар, шунингдек, белгиланган тартибда шартнома асосида жалб қилинадиган техника ва асбоб-ускуналар мавжудлиги;

бир йил ичида ер қаъри участкасидан фойдаланишнинг бошланиш муддатлари;

янги иш ўринларини яратиш мажбуриятлари;

техноген минерал ҳосилаларни сақлаш ва қайта ишлаш шартлари;

ер қаъридан фойдаланувчининг инвестиция мажбуриятлари;

ер қаъридан фойдаланиш соҳасида, хавфли ишлар, ишлаб чиқариш, хавфли товарлар ва моддалар айланмаси, портловчи моддаларга Тоғ-кон, геология ва саноат хавфсизлигини назорат қилиш инспекциясида рухсат бериш жараёнларидан ўтиш тартиби;

рухсатноманинг эгаси ер қаъри участкасидан фойдаланиш ҳуқуқини (тўлиқ ёки қисман) бошқа шахсга бериши мумкин бўлган шартлар;

ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари, шунингдек, ушбу ишларни бажариш дастури (режаси)ни рухсатнома муддати тугашидан беш йил аввал Экология вазирлиги билан келишилган ҳолда Тоғ-кон, геология ва саноат хавфсизлигини назорат қилиш инспекциясига тақдим этиш;

ер қаъри участкаларидан фойдаланишнинг чекланиши, тўхтатиб қўйилиши ёки муддатидан олдин бекор қилиниши мумкин бўлган шартлар.

18. Техноген минерал ҳосилалардан фойдаланиш учун ер қаъри участкаларидан фойдаланиш шартларида қуйидагилар назарда тутилади:

техноген минерал ҳосилалардан фойдаланиш бўйича техник-иқтисодий асосларни ишлаб чиқиш ва Ер қаъридан фойдаланиш марказига топшириш муддати;

атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосасини Ер қаъридан фойдаланиш марказига топшириш муддати;

техник лойиҳалар ва кон ишларини ривожлантириш режаларини, техноген минерал ҳосилалар (конлар) захираларини қазиб олиш ва кон майдони (участкалар)да қулайликлар яратиш лойиҳаларини тузиш тартиби ва муддатлари;

қазиб олинган фойдали қазилмага эгалик қилиш ҳуқуқи;

зарур малакали мутахассисларга эга бўлиш;

ер қаъридан фойдаланувчининг ижтимоий мажбуриятлари (маҳаллий аҳоли учун иш жойларини ташкил қилиш, ходимларни касб бўйича тайёрлаш ва зарур малакали мутахассисларни жалб қилиш);

техноген минерал ҳосилаларни сақлаш ва қайта ишлаш шартлари;

ер қаъри участкаларидан фойдаланишнинг чекланиши, тўхтатиб қўйилиши ёки муддатидан олдин бекор қилиниши мумкин бўлган шарт-шароитлар.

19. «Ер ости бойликлари тўғрисида»ги Ўзбекистон Республикаси Қонунида белгиланган ҳолларда Ер қаъридан фойдаланиш маркази норуда фойдали қазилмаларни қазиб олиш учун ер қаъридан фойдаланиш шартларига ўзгартиришлар киритиши мумкин.

Шунингдек, ер қаъридан фойдаланиш шартларида ер участкасининг ижара шартномаси, хусусан, ер тўғрисидаги қонунчилик ҳужжатлари талаблари асосида ундан фойдаланиш муддатлари ва шартлари ҳамда ер қаъридан фойдаланиш мақсадлари учун олиб қўйилаётган (сотиб олинаётган) ер участкаси бўйича — маҳаллий давлат ҳокимияти органлари томонидан ушбу ер участкасининг эгаси, фойдаланувчиси, ижарачиси ёки мулкдори билан келишилган компенсация миқдори ва уни тўлаш муддати назарда тутилади.

Ер қаъридан фойдаланиш шартлари, шу жумладан ер участкасининг ижара шартномаси ер қаъри участкаларидан фойдаланиш ҳуқуқи учун рухсатноманинг ажралмас қисми ҳисобланади.

Геологик ўрганиш учун ер қаъридан фойдаланганлик учун йиллик лицензия тўлови миқдори геологик ўрганиладиган ер қаърининг бир гектари учун қонунчиликда белгиланган базавий ҳисоблаш миқдорининг ўн беш фоизини ташкил этади ҳамда қуйидагиларга:

70 фоизи — Ўзбекистон Республикасининг республика бюджетига;

15 фоизи — вилоят маҳаллий бюджетига;

15 фоизи — туман (шаҳар) маҳаллий бюджетига йўналтирилади.

20. Минерал хом ашё ва уни қайта ишлаш маҳсулотлари коньюнктурасининг ўзгариши, яъни норуда фойдали қазилмаларни қазиб олиш иқтисодий жиҳатдан мақсадга мувофиқ эмаслиги сабабли, шунингдек рухсатнома берилган вақтдагига нисбатан кескин фарқ қилувчи вазият юзага келган ҳолларда ер қаъридан фойдаланувчи сўровига мувофиқ ҳам ер қаъри участкаларидан фойдаланиш шартлари қайта кўриб чиқилиши мумкин.

Рухсатнома эгаси норуда фойдали қазилмаларни қазиб олишни вақтинча тўхтатиши, бу ҳақда олтмиш кун олдин Ер қаъридан фойдаланиш марказига «Лицензия» ахборот тизими ёки Ягона интерактив давлат хизматлари портали (кейинги ўринларда — ЯИДХП) орқали маълум қилган ҳолда, белгиланган тартибда кон иншоотларини ва ер ости бойликларидан фойдаланиш билан боғлиқ инфратузилма объектларини консервация қилиши мумкин. Консервация қилиш муддати рухсатноманинг умумий амал қилиш муддатига киради.

Бундай ҳолларда рухсатномаларни қайта расмийлаштириш ушбу Низомнинг 11-бобида белгиланган тартибда амалга оширилади.

4-боб. Норуда фойдали қазилмаларни ўз ичига олган ер қаъридан фойдаланиш муддатлари

21. Геологик ўрганиш, норуда фойдали қазилмаларни қазиб олиш ва техноген минерал ҳосилалардан фойдаланиш учун ер қаъри участкалари қуйидагилар учун белгиланган муддатларга берилади:

а) геологик жиҳатдан ўрганиш учун — беш йилгача муддатга;

б) фойдали қазилмаларни кавлаб олиш ва техноген минерал ҳосилалардан фойдаланиш учун:

дастлаб рухсатнома берилганда — беш йил муддатга, кейинчалик, техник-иқтисодий асослар белгиланган муддатларда тақдим этилгандан сўнг фойдали қазилма конини ёки техноген минерал ҳосилаларни ишга солиш даврини инобатга олган ҳолда, унинг муддатини узайтиришни кафолатлаш шарти билан;

техник-иқтисодий асослар тақдим этилгандан сўнг — фойдали қазилма конини ёки техноген минерал ҳосилаларни ишга солишнинг техник-иқтисодий асосларда белгиланган муддатига, бироқ йигирма беш йилдан ошмайдиган муддатга берилади.

22. Ер қаъридан фойдаланиш муддатлари рухсатномада кўрсатилади ва у берилган кундан бошлаб ҳисобланади.

23. Ер қаъридан фойдаланиш муддати тугагунга қадар ер қаъридан фойдаланувчи томонидан Ер қаъридан фойдаланиш марказига «Лицензия» ахборот тизими ёки ЯИДХП орқали йўлланган буюртма бўйича ер қаъридан фойдаланувчи томонидан рухсатномада белгиланган шартлар бажарилган тақдирда ва ер қаърини геологик ўрганишга доир ишларни якунлаш, шунингдек, фойдали қазилмаларни қазиб олиш, техноген минерал ҳосилалардан фойдаланиш ёки фойдали қазилмаларни қазиб олиш бўйича корхоналарни тугатиш ёки консервациялаш бўйича ишларни амалга ошириш зарур бўлган ҳолларда ер қаъридан фойдаланиш муддатлари узайтирилиши мумкин.

Ер қаъридан фойдаланиш муддатларини узайтириш ёки уни рад этиш ушбу Низомнинг 11-бобида белгиланган тартибда амалга оширилади.

5-боб. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатномалар беришнинг умумий шартлари

24. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатномалар «E-auksion» электрон савдо платформасида ўтказиладиган аукционлар якунлари бўйича «Лицензия» ахборот тизими ёки ЯИДХП орқали ушбу Низомга 1-иловада келтирилган схемага мувофиқ берилади, мазкур Низомнинг 25 ва 26-бандларида келтирилган ҳолатлар бундан мустасно.

25. Тоғ-кон саноати ва геология вазирлигининг инвестиция лойиҳалари бўйича ҳамда Кон-геология вазирлиги ва маҳаллий ижро этувчи ҳокимият органлари билан тузилган икки томонлама келишув асосида норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатномалар «Лицензия» ахборот тизими ёки ЯИДХП орқали «биринчи келган биринчи олади» тамойилига биноан аризаларни тўғридан-тўғри кўриб чиқиш натижасида берилиши мумкин.

Икки томонлама келишувлар Ўзбекистон Республикаси Президентининг ҳудудларга ташрифлари вақтидаги топшириқлари, Ўзбекистон Республикаси Президенти Администрациясининг топшириқлари, Вазирлар Маҳкамаси қарорлари ва баёнларини ҳисобга олган ҳолда амалга ошириш мақсадга мувофиқлиги бўйича хулосаларини инобатга олган ҳолда тузилади.

Бундай ҳолларда аукционга қўйилган норуда фойдали қазилмаларни ўз ичига олган ер қаъри участкаси бўйича «биринчи келган биринчи олади» тамойилига биноан аризаларни тўғридан-тўғри кўриб чиқиш ташаббус қилинганда, у Кон-геология вазирлигининг қарорига асосан аукциондан чиқарилиши мумкин. Бунда ушбу аризаларга асосан рухсатнома расмийлаштирилганда ер қаъридан фойдаланувчи ер қаъри участкаларидан фойдаланиш ҳуқуқини савдога қўйишнинг бошланғич нархи миқдоридаги тўловни амалга оширади. Ушбу маблағлар Вазирлар Маҳкамасининг «Электрон онлайн-аукцион ва танловларни ташкил этиш ҳамда ўтказиш тартибини такомиллаштириш бўйича қўшимча чора-тадбирлар тўғрисида» 2022 йил 12 январдаги 18-сон қарори бўйича тақсимланади.

Икки томонлама келишувлар лойиҳаларини тайёрлаш, келишиш ва жамлаш Ер қаъридан фойдаланиш марказига юклатилади.

Ер қаъридан фойдаланиш ҳуқуқини олиш учун талабгордан фойдали қазилма тури ва ер қаъри участкаси майдони (гектари) тўғрисида мурожаат қабул қилинади. Бунда, ер қаъри участкаларидан самарали фойдаланиш мақсадида Ер қаъридан фойдаланиш маркази томонидан майдоннинг кенглиги кўриб чиқилади.

26. Ер қаърини геологик ўрганишга оид ишларни молиялаштирган ер қаъридан фойдаланувчилар аниқланган кон бўйича фойдали қазилмалар захиралари белгиланган тартибда тасдиқланган санадан бошлаб икки йил мобайнида улар томонидан аниқланган конда норуда фойдали қазилмаларни қазиб олиш ҳуқуқига рухсатномалар олиш учун мутлақ ҳуқуққа эга бўладилар.

Норуда фойдали қазилмаларни қазиб олиш учун ер қаъри участкаларидан фойдаланиш ҳуқуқига рухсатнома «биринчи келган биринчи олади» тамойилига биноан аризаларни тўғридан-тўғри кўриб чиқиш натижасида, аукцион ўтказилмасдан ер қаърини геологик ўрганишга доир (тўлиқ ёки қисман, норуда фойдали қазилмалар захираларини ҳисоблаш ва тасдиқлаш билан боғлиқ) ишларни молиялаштирган шахснинг «Лицензия» ахборот тизими ёки ЯИДХП орқали берган буюртмаси бўйича берилади, буюртмага молиялаштириш манбаи кўрсатилган ҳолда конни қидириш бўйича ишларнинг молиялаштирилганлигини тасдиқловчи ҳужжатлар илова қилиниши лозим.

Ер қаърини геологик ўрганиш ишларини ўз маблағлари ҳисобидан олиб борган шахс у томонидан қидирилган конда норуда фойдали қазилмаларни қазиб олиш ҳуқуқидан воз кечилган ҳолда кон мазкур низомда назарда тутилган тартибда савдо платформасида ўтказиладиган аукционлар орқали бошқа шахсга берилиши мумкин, бунда воз кечган шахсга у томонидан сарфланган харажатлар, шу жумладан ер қаъри тўғрисидаги геологик ва бошқа маълумотлар қиймати қопланади.

27. Ер қаърини геологик ўрганишга доир ишларни молиялаштирган ер қаъридан фойдаланувчида ушбу Низомнинг 26-бандида назарда тутилган мутлақ ҳуқуқ муддати тугагандан сўнг, тегишли кон бўйича фойдали қазилмалар захиралари Ўзбекистон Республикаси фойдали қазилмалар захираларининг Давлат балансига қайтарилади ва улардан фойдаланиш ҳуқуқи ушбу Низомда кўзда тутилган тартибда савдо платформасида ўтказиладиган аукционлар орқали реализация қилинади.

6-боб. Ер қаъри участкаларидан фойдаланиш ҳуқуқини «E-auksion» электрон савдо платформаси орқали реализация қилишнинг ўзига хос хусусиятлари

28. «E-auksion» электрон савдо платформасида аукцион орқали реализация қилинадиган норуда фойдали қазилмаларни ўз ичига олган ер қаъри участкалари рўйхати Ер қаъридан фойдаланиш маркази томонидан нархи аниқланган ҳолда шакллантирилади ва ҳар йили бир мартадан кам бўлмаган ва Экология вазирлиги билан келишилган ҳолда тасдиқланади.

Норуда фойдали қазилмаларни ўз ичига олган ер қаъри участкаларини аукцион савдоларига чиқаришда фойдали қазилмаларнинг турларига қараб, улардан самарали фойдаланиш, шунингдек, ер қаъридан фойдаланувчиларга узоқ муддатли хом ашё захираси билан ҳамда ишлаб чиқариш фаолиятини узлуксиз таъминлаш мақсадида кон ва майдонлар бир нечта участкаларга бўлиб қўйилади.

Ер қаъридан фойдаланиш марказига аукционга қўйилмаган ёки рўйхатга киритилмаган ер қаъри участкасидан фойдаланиш ҳуқуқини олиш учун талабгордан мурожаат келиб тушган тақдирда, ушбу ер қаъри участкасидан фойдаланиш ҳуқуқи учун рухсатнома «E-auksion» электрон савдо платформаси орқали ўрнатилган тартибда аукционга қўйилади.

Ер қаъри участкасидан фойдаланиш ҳуқуқини олиш учун талабгордан фақат геологик ўрганиш ишларини амалга ошириш учун ер қаъри участкалари бўйича мурожаат қабул қилинади. Ер қаъри участкаларидан самарали фойдаланиш мақсадида майдоннинг кенглигига (гектар) қараб, бир нечта ер қаъри участкаларига бўлиб қўйилиши мумкин.

Бунда, мазкур Низомнинг 21-бандида белгиланган фойдали қазилмаларни қазиб олиш ва техноген минерал ҳосилалардан фойдаланиш учун бериладиган муддат инобатга олинади.

Ер қаъридан фойдаланиш маркази ер участкаси унга ажратиб берилгандан сўнг беш иш куни давомида мурожаат этилган ер қаъри участкаларидан фойдаланиш ҳуқуқини аукцион савдоларига чиқариш муддатлари ёки ушбу ер участкаларини фойдаланишга беришни рад этиш тўғрисида жавоб хатини талабгорга тақдим этади.

Ер қаъридан фойдаланиш маркази «E-auksion» электрон савдо платформасида аукцион орқали реализация қилинадиган норуда фойдали қазилмаларни ўз ичига олган ер қаъри участкалари рўйхатини тасдиқлаганидан сўнг, ўзининг расмий веб-сайтида ва ижтимоий тармоқлардаги каналида эълон қилинади.

29. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини савдога қўйишнинг бошланғич нархи:

геологик қидирув ишлари учун — базавий ҳисоблаш миқдорининг уч юз баравари миқдорида;

фойдали қазилмаларни қазиб олиш учун — қазиб олинадиган ҳажмининг баҳосига нисбатан 0,3 фоиз миқдорида белгиланади.

30. Аукцион натижалари ҳақидаги баённома Ер қаъридан фойдаланиш марказига — аукцион ғолибига тегишли ер қаъри участкаси бўйича геологик ва бошқа маълумотлар тўпламини бериш, ҳамда тегишли рухсатномани расмийлаштириш учун асос ҳисобланади.

Аукцион ғолибига сўралаётган ер қаъри участкаси бўйича геологик ва бошқа маълумотлар тўплами бепул тақдим этилади.

Геологик ва бошқа маълумотлар тўпламида ер қаъри участкаси майдонининг контури, кон-техник, технологик ва бошқа маълумотлар йириклаштирилган техник-иқтисодий асослаш ёки техник-иқтисодий асослашни ишлаб чиқиш учун етарли ҳажмда бўлиши керак.

31. Ер қаъридан фойдаланиш мақсадлари учун белгиланган тартибда олиб қўйилган (сотиб олинган) ер участкаси билан боғлиқ харажатлар ер қаъридан фойдаланувчи томонидан Вазирлар Маҳкамаси ҳузуридаги Жисмоний ва юридик шахсларга етказилган мулкий зарарларни компенсация қилиш бўйича республика мақсадли жамғармасига рухсатнома расмийлаштирилгунга қадар қоплаб берилиши лозим.

32. Аукцион ғолиби — ер қаъри участкасидан фойдаланиш ҳуқуқига онлайн-аукцион натижалари бўйича рухсатнома расмийлаштирилган ер қаъридан фойдаланувчи томонидан 6 ой ичида тегишли ер қаъри участкаси бўйича қуйидаги ҳужжатлар тўплами Ер қаъридан фойдаланиш марказига «Лицензия» ахборот тизими ёки ЯИДХП орқали тақдим этилади:

йириклаштирилган техник-иқтисодий ҳисоб-китоблар — рухсатнома ер қаъри участкасини геологик ўрганиш учун берилганда;

техник-иқтисодий асослар — рухсатнома норуда фойдали қазилмаларни қазиб олиш ва техноген минерал ҳосилалардан фойдаланиш учун берилганда;

Экология, атроф-муҳитни муҳофаза қилиш ва иқлим ўзгариши вазирлиги томонидан атроф муҳитга таъсир кўрсатиши тўғрисидаги ариза лойиҳасига берилган ижобий давлат экологик экспертиза хулосасининг рақами ва санаси.

Ушбу ҳужжатлар тўпламини кўриб чиқиш учун базавий ҳисоблаш миқдорининг тўрт баробари миқдорида йиғим ундирилади ва Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

33. Ер қаъридан фойдаланиш маркази ўн иш кунида тақдим этилган ҳужжатлар тўпламини ўрганиб чиқади ва ўрганиш натижаси бўйича «Лицензия» ахборот тизими ёки ЯИДХП орқали:

геологик жиҳатдан ўрганиш учун рухсатнома расмийлаштирилган ер қаъридан фойдаланувчига — ушбу ҳужжатлар асосида фаолиятни давом эттириш мумкинлиги ва ҳужжатлар тўплами қабул қилингани тўғрисида маълумотни;

фойдали қазилмаларни кавлаб олиш ва техноген минерал ҳосилалардан фойдаланиш учун рухсатнома расмийлаштирилган ер қаъридан фойдаланувчига — техник-иқтисодий асосларда кўрсатилган фойдали қазилма конини ёки техноген минерал ҳосилаларни ишга солиш даврини инобатга олган ҳолда белгиланган ер қаъридан фойдаланиш муддати тўғрисида маълумотни ҳамда янгиланган ер қаъри участкасидан фойдаланиш шартларининг, шу жумладан ижара шартномасининг лойиҳасини юборади.

Тақдим этилган ҳужжатлар бўйича камчиликлар аниқланган ҳолларда тегишли ер қаъридан фойдаланувчилар ўн иш кунида камчиликларни бартараф этишлари ва Ер қаъридан фойдаланиш марказига бу ҳақда «Лицензия» ахборот тизими ёки ЯИДХП орқали маълумот тақдим этишлари лозим. Бунда, қайта тақдим этилган ҳужжатлар камчиликлар бартараф этилган ва маълумот тақдим қилинган кундан бошлаб беш иш куни мобайнида қайта кўриб чиқилади.

Камчиликларни кўрсатилган муддатда бартараф этмаслик ва Ер қаъридан фойдаланиш марказига маълумот тақдим этмаслик расмийлаштирилган рухсатнома ва ер қаъри участкасини ажратиш ҳақидаги қарорни бекор қилиш учун асос бўлиши мумкин.

Рухсатнома расмийлаштирилган ер қаъридан фойдаланувчи томонидан 4 ой ичида ушбу Низомнинг 32-бандида кўрсатилган ҳужжатлар тўплами Ер қаъридан фойдаланиш марказига топширилмаган тақдирда, расмийлаштирилган рухсатнома ушбу Низомнинг 57-бандига мувофиқ муддатидан олдин бекор қилинади.

34. Фойдали қазилмаларни кавлаб олиш ва техноген минерал ҳосилалардан фойдаланиш учун рухсатнома расмийлаштирилган ер қаъридан фойдаланувчи уч иш куни муддатда ер қаъри участкасидан фойдаланиш шартлари лойиҳасини электрон рақамли имзоси билан тасдиқлайди ва «Лицензия» ахборот тизими ёки ЯИДХП орқали Ер қаъридан фойдаланиш марказига юборади.

Ер қаъридан фойдаланувчи томонидан ер қаъри участкасидан фойдаланиш шартлари бир ой муддатда имзоланмаса ер қаъридан фойдаланиш учун рухсатнома бериш рад этилади ва ер қаъри участкаси қайтадан аукционга қўйилади.

Ер қаъридан фойдаланиш маркази ер қаъридан фойдаланувчи томонидан электрон рақамли имзо билан тасдиқланган ер қаъри участкасидан фойдаланиш шартлари тақдим этилгандан сўнг бир иш куни муддатда ер қаъридан фойдаланиш учун рухсатнома қайта расмийлаштирилгани тўғрисида тегишли реестрга ўзгартиришлар киритади ва QR-код (матрик штрихли код) қўйилган янги рухсатномани расмийлаштиради.

7-боб. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномаларни «биринчи келган биринчи олади» тамойилига биноан аризаларни тўғридан-тўғри кўриб чиқиш натижалари бўйича бериш тартиби

35. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига «биринчи келган биринчи олади» тамойилига биноан аризаларни тўғридан-тўғри кўриб чиқиш натижалари асосида рухсатнома олиш учун ариза берувчиларга сўралаётган ер қаъри участкаси бўйича геологик ва бошқа маълумотлар тўплами Ер қаъридан фойдаланиш маркази томонидан тақдим этилади.

Геологик ва бошқа маълумотлар тўплами сўралаётган ер қаъри участкасининг ариза берувчи билан келишилган чегараларини, у бўйича йириклаштирилган техник-иқтисодий ҳисоб-китобларни ёки техник-иқтисодий асосларни ишлаб чиқиш учун етарли бўладиган ҳажмдаги кон-техник, технологик ва бошқа маълумотларни ўз ичига олган бўлиши зарур.

36. Ариза берувчилар норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатнома олиш учун «Лицензия» ахборот тизими ёки ЯИДХП орқали мазкур Низомнинг 2-иловасига мувофиқ буюртма беради ва уни ўз электрон рақамли имзоси билан тасдиқлайди.

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномаларни «биринчи келган биринчи олади» тамойилига биноан аризаларни тўғридан-тўғри кўриб чиқиш натижасида бериш мазкур Низомнинг 3-иловасида келтирилган схемага мувофиқ амалга оширилади.

Ер қаъридан фойдаланиш маркази зарур ҳужжатларни ва бошқа ваколатли органлардаги мавжуд ахборотларни белгиланган тартибда ҳамкорлик қилиш орқали, шу жумладан, электрон шаклда мустақил равишда олади, мазкур бандда назарда тутилган ҳужжатлар ва ахборотлар бундан мустасно.

37. Буюртмани кўриб чиқиш учун Ўзбекистон Республикаси ҳудудида белгиланган базавий ҳисоблаш миқдорининг тўрт баробари миқдорида йиғим ундирилади.

Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

38. Мазкур Низомнинг 36 ва 37-бандларида келтирилган ҳужжатлар тўплами ариза берувчи томонидан тўлиқ тақдим этилмаган ҳолда норуда фойдали қазилмаларни ўз ичига олган ер қаъри участкасидан фойдаланиш учун буюртмаларни қабул қилиш рад этилиши мумкин.

Буюртмани бошқа сабаблар бўйича рад этилишига йўл қўйилмайди.

39. Кон-геология вазирлигининг ҳудудий бўлинмалари ўн кунлик муддатда:

жойлардаги маҳаллий ижро ҳокимияти органлари билан биргаликда сўралаётган ер қаъри участкасини, ундан фойдаланиш имкониятларини аниқлаш учун текшириб чиқадилар;

глобал позицион тизим асбобларини қўллаб бурчак координатларини аниқлаган ҳолда ер қаъри участкасининг жойлашиш ўрнини аниқлаштирадилар;

норуда фойдали қазилмалар рухсатсиз қазиб олинганлик изларининг мавжуд бўлиши мумкинлигини аниқлаштирадилар;

ариза берувчининг тақдим этилган ҳужжатларидаги техник ва технологик имкониятларини мувофиқлигини ҳамда зарур малакали мутахассисларга эга бўлишини ўрганадилар.

Олиб борилган ишлар натижалари бўйича Кон-геология вазирлигининг ҳудудий бўлинмалари тегишли маълумотларни тайёрлайди ва Кон-геология вазирлигига юборадилар.

40. Норуда фойдали қазилмаларни рухсатсиз қазиб олиш ҳоллари аниқланганда, Кон-геология вазирлигининг ҳудудий бўлинмалари уларни олдини олиш ва айбдор шахсларни Ўзбекистон Республикаси қонунларига мувофиқ жавобгарликка тортиш бўйича тегишли чораларни кўрадилар.

41. Ер қаъридан фойдаланиш маркази беш иш куни муддатда буюртмани ва Кон-геология вазирлигининг ҳудудий бўлинмаларининг тегишли маълумотларини ўрганиб чиқади ҳамда норуда фойдали қазилмаларни ўз ичига олган ер қаъри участкасидан фойдаланиш ҳуқуқига рухсатнома бериш ёки уни рад этиш тўғрисида қарор қабул қилади.

42. Ер қаъридан фойдаланиш маркази норуда фойдали қазилмаларни ўз ичига олган ер қаъри участкасидан фойдаланиш ҳуқуқига рухсатнома бериш тўғрисида қарор қабул қилинганидан сўнг ер қаъри участкасидан фойдаланиш шартлари имзоланган муддатни кўрсатган ҳолда ариза берувчига «Лицензия» ахборот тизими ёки ЯИДХП орқали маълум қилади.

43. Ариза берувчи уч иш куни муддатда ер қаъри участкасидан фойдаланиш шартларини электрон рақамли имзоси билан имзолайди.

Агар, ариза берувчи ўттиз кун ичида ер қаъри участкасидан фойдаланиш шартларини имзоламаса, Ер қаъридан фойдаланиш маркази норуда фойдали қазилмаларни ўз ичига олган ер қаъри участкасидан фойдаланиш ҳуқуқига рухсатнома беришни рад қилиш тўғрисида қарор қабул қилиш ҳуқуқига эга.

44. Ер қаъридан фойдаланиш маркази ариза берувчи томонидан ер қаъри участкасидан фойдаланиш шартларини имзолаган кундан бошлаб бир иш куни муддатда QR-код (матрик штрихли код) қўйилган рухсатномани расмийлаштиради.

Йириклаштирилган техник-иқтисодий ҳисоботлар ва (ёки) техник-иқтисодий асослар тегишли ер қаъри участкаларидан фойдаланиш шартларига киритилиши шарт.

45. Норуда фойдали қазилмаларни ўз ичига олган ер қаъри участкасидан фойдаланиш ҳуқуқига рухсатномаларни бериш қуйидаги ҳолларда рад қилиниши мумкин, агар:

ариза берувчи ўзи ҳақида ёлғон ёки нотўғри маълумотлар берса;

ариза берувчи ишларни самарали бажариш учун малакали мутахассислар, зарур молия ва техник воситаларнинг мавжудлигини тасдиқловчи маълумотларни тақдим этмаса;

геологик ва бошқа маълумотларни олмасдан туриб техник ҳужжатлар ишлаб чиқилган бўлса;

сўралаётган ер қаъри участкасининг чегаралари геологик ва бошқа маълумотлар тўпламида кўрсатилган чегараларга мос келмаса;

ер қаъри участкаларидан фойдаланишга доир иш олиб бориш услубиёти геология-қидирув ишларини олиб бориш ёки ер қаъри участкаларини оқилона ўзлаштиришнинг белгиланган талабларига мос келмаса;

қазиб олинаётган хом ашё таннархи нотўғри ҳисобланган бўлса;

геология қидирув ишлари натижалари тўғрисидаги ҳисобот Давлат геология фондига тақдим этилмаган бўлса;

ариза берувчи ер қаъридан фойдаланиш шартларини ўттиз кун муддатда имзоламаганда.

Бошқа сабаблар бўйича норуда фойдали қазилмаларни ўз ичига олган ер қаъри участкасидан фойдаланиш ҳуқуқига рухсатномалар беришнинг рад қилинишига йўл қўйилмайди.

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатномалар беришнинг рад қилинишига рози бўлмаслик ҳолатида, ариза берувчилар рад этилиши юзасидан қонун билан белгиланган тартибда шикоят қилиш ҳуқуқига эгалар.

46. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатномалар беришнинг рад қилиниши ҳақида қарор қабул қилинганда, Ер қаъридан фойдаланиш маркази бир иш куни муддатда ариза берувчига «Лицензия» ахборот тизими ёки ЯИДХП орқали рад этилиш сабаблари ҳамда ариза берувчи томонидан кўрсатиб ўтилган сабабларни бартараф этиш ва қайта кўриб чиқиш учун ҳужжатларни топшириши мумкин бўлган муддатлар кўрсатилган хабарномани йўллайди.

Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу бобда назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда эга бўлади.

47. Ариза берувчи томонидан норуда фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномалар беришнинг рад қилиниш сабаблари белгиланган муддатларда бартараф этилганда, рад қилиниш сабаблари бартараф этилганлиги тўғрисидаги маълумот олинган кундан бошлаб ўн иш кунидан ошмаган муддатда ҳужжатларни қайта кўриб чиқиш ишлари амалга оширилади.

Ҳужжатларни қайта кўриб чиқиш учун тўлов ундирилмайди.

8-боб. Ер қаъри участкаларидан фойдаланиш ҳуқуқи учун рухсатномалар бериш, давлат рўйхатидан ўтиш, давлат ҳисобига олиш ва расмийлаштириш тартиби

48. Рухсатнома мазкур Низомнинг 4-иловасида келтирилган шаклда QR-код (матрик штрихли код) қўйиб расмийлаштирилади.

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатнома паспорти 5-иловага мувофиқ тасдиқлансин.

49. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига оид рухсатномаларга мувофиқ Тоғ-кон, геология ва саноат хавфсизлигини назорат қилиш инспекцияси томонидан берилган кон ажратиш далолатномалари норуда фойдали қазилмаларни қазиб олиш ва техноген ҳосилалардан фойдаланиш учун ер қаъридан фойдаланувчига зарур ер участкасининг ажратилишига асос ҳисобланади.

Норуда фойдали қазилмалари ер участкаларининг чегараларини жойида белгилаш ишлари Иқтисодиёт ва молия вазирлиги ҳузуридаги Кадастр агентлиги ҳамда Тоғ-кон, геология ва саноат хавфсизлигини назорат қилиш инспекциясининг ҳудудлардаги бўлинмалари томонидан бир вақтнинг ўзида ер қаъридан фойдаланувчи иштирокида амалга оширилади.

50. Норуда фойдали қазилмаларни ўз ичига олган ер қаъри участкасидан фойдаланиш ҳуқуқини амалга ошириш уни давлат рўйхатидан ўтказилгандан сўнг амалга оширилади. Ер қаъри участкасидан фойдаланиш ҳуқуқини давлат рўйхатига олиш Ер қаъридан фойдаланиш маркази томонидан амалга оширилади.

51. Норуда фойдали қазилмаларни ўз ичига олган ер қаъри участкасидан фойдаланиш ҳуқуқини давлат рўйхатига олиш реестрга тегишли қайдларни киритиш йўли билан амалга оширилади.

52. Ҳар бир реестрда қуйидагилар кўрсатилган бўлиши керак:

ер қаъридан фойдаланувчи тўғрисидаги асосий маълумотлар (номи, ташкилий-ҳуқуқий шакли, солиқ тўловчининг идентификация рақами, жойлашган ери (почта манзили), телефон ва факс рақамлари);

фойдаланишга берилган ер қаъри участкаси номи;

ер қаъри участкасидан фойдаланиш тури ва мақсади;

ер қаъридан фойдаланиш ва рухсатноманинг амал қилиш муддати;

рухсатноманинг қайта расмийлаштиришга асос ва унинг санаси;

ер қаъри участкасидан фойдаланиш ҳуқуқини чеклаш, тўхтатиш ёки тугатиш асоси ва санаси.

53. Норуда фойдали қазилмаларни ўз ичига олган ер қаъри участкасидан фойдаланиш ҳуқуқига рухсатнома реестрига киритилган маълумотлар, очиқ бўлган маълумотлар базаси ҳисобланиб, мазкур реестр билан юридик ва жисмоний шахслар танишиб чиқиши мумкин.

54. Фойдаланишга берилган тегишли ер қаъри участкасидан фойдаланиш ҳуқуқи давлат ҳисобига олиниши шарт.

55. Фойдаланишга берилган норуда фойдали қазилмаларни ўз ичига олган ер қаъри участкаларини давлат ҳисобига олиш Ер қаъридан фойдаланиш марказининг Давлат геология фонди томонидан, норуда фойдали қазилмаларни ўз ичига олган ер қаъри участкаларидан фойдаланиш ҳуқуқини давлат рўйхатидан ўтказилишига оид материаллар олинган кундан бошлаб ўн иш куни муддатда амалга оширилади.

9-боб. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини чеклаш, тўхтатиб туриш ва тугатиш

56. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи «Ер ости бойликлари тўғрисида»ги Ўзбекистон Республикаси Қонунида назарда тутилган ҳолларда чекланиши, тўхтатиб қўйилиши ёки муддатидан олдин бекор қилиниши мумкин.

57. Ер қаъри участкаларидан фойдаланиш ҳуқуқини чеклаш, тўхтатиб туриш ёки муддатидан олдин тўхтатиш Ер қаъридан фойдаланиш маркази томонидан судга берилган аризалари асосида суд тартибида амалга оширилади.

58. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқининг чекланиши юзага келган хавф-хатарларни олдини олиш ёки ер қаъридан фойдаланишда йўл қўйилган талаблар ва шартлар, ишларни олиб бориш меъёрлари ва қоидалари бартараф этилгунча бутун участкада ёки унинг бир қисмида ишларнинг маълум турларини 3 ойдан ошмаган муддатга чекланишига олиб келади.

59. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини тўхтатилиши ер қаъри участкаларидан фойдаланиш билан боғлиқ бўлган барча турдаги ишларни тўхтатиб қўйилиш сабаблари бартараф этилгунга қадар олти ойдан ошмайдиган муддатга амалга ошириш тақиқланишига олиб келади, бунда тоғ-кон иншоотлари хавфсизлигини таъминлаш, қурилишларни, иншоотлар ва ускуналарни одамлар ва атроф муҳит учун хавфсиз сақлаб туришга оид ишлар бундан мустасно.

60. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи муддатидан олдин бекор қилинишига асос бўлувчи қўпол қоидабузарликларнинг рўйхати:

ер қаъридан фойдаланувчи бир йил ичида ер қаъри участкасидан фойдаланишни бошламаган;

йиллик фойдали қазилмаларни қазиб олиш ҳажмлари тўғрисидаги ҳисоботларни икки йил мобайнида тақдим этмаган;

ер қаъридан фойдаланувчи томонидан ер қаъри участкасидан фойдаланишнинг асосий шартларининг бузилиши, экология талабларига риоя қилиш, режалаштирилган ишлаб чиқариш ҳажмини таъминлаш, инвестиция ва ижтимоий мажбуриятларни бажариш);

ер қаъри участкаларидан фойдаланиш билан боғлиқ ишларнинг таъсир зонасида аҳоли ҳаёти ва соғлиғига, атроф-муҳитга хавф-хатарнинг мавжудлиги;

ер қаъридан фойдаланиш учун тўловларни мунтазам тўламаслик;

«Ер ости бойликлари тўғрисида»ги Ўзбекистон Республикаси Қонунида назарда тутилган қоидаларига риоя қилмаслик;

агар, йўл қўйилган қоидабузарликлар тизимли тавсифга эга бўлса ёки ушбу ер қаъри участкасидан фойдаланиш ҳуқуқига илгари чеклов ва (ёки) тўхтатилиш қўлланган бўлса.

Ер қаъридан фойдаланувчиларга берилган рухсатномаларнинг амал қилиш муддати тугаганда ёки муддатидан олдин бекор қилинганда Ер қаъридан фойдаланиш маркази бу ҳақда уч иш куни муддатда Солиқ қўмитаси, Экология вазирлиги ҳамда тегишли маҳаллий ижро этувчи ҳокимият органларини ёзма хабардор қилади.

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатноманинг амал қилиш муддати тугаганда ёки муддатидан олдин бекор қилинганда тегишли ер майдонлари Ер қаъридан фойдаланиш маркази томонидан захирага қайтарилади.

Норуда фойдали қазилмаларни қазиб олиш ҳажмлари ер қаъридан фойдаланувчилар томонидан узлуксиз икки йил давомида бажарилмаган тақдирда (форс-мажор ҳолатларидан ташқари) ҳақиқатда қазиб олинган ҳажмдан келиб чиқиб ўртача статистик миқдор ҳисобланади ва бу орқали йиллик қазиб олиш ҳажми аниқланади.

Рухсатноманинг амал қилиш муддати якунига қадар, йиллик қазиб олиш ҳажмидан келиб чиқиб, ер қаъридан фойдаланувчининг балансида қоладиган ва давлат балансига қайтариладиган захира миқдори аниқланади ҳамда ўзлаштирилмай қоладиган қисми давлат балансига ва улар жойлашган ер участкалари захирага қайтарилади.

Бунда, илгари берилган рухсатнома қайта расмийлаштирилмасдан ер қаъри участкаларидан фойдаланиш шартларига тегишли ўзгартиришлар киритилади. Агар ушбу жараён рухсатноманинг муддати билан боғлиқ бўлса, рухсатнома қайта расмийлаштирилади.

Ер қаъри участкасидан фойдаланиш ҳуқуқи тугаганда фойдаланувчи, ер қаъридан фойдаланиш чоғида бузилган ер участкаларини ва бошқа табиий объектларни кейинчалик улардан фойдаланишга яроқли ҳолга келтириш, шунингдек ушбу ер қаъри участкасидан фойдаланиш билан боғлиқ бўлган тоғ иншоотлари ва инфратузилма объектларини консервация қилиш ёки тугатиш ишларини бажаришга киришиши шарт.

61. Ер қаъридан фойдаланувчи фаолиятининг тугатилиши ёки бекор қилиниши муносабати билан норуда фойдали қазилмаларни ўз ичига олган ер қаъри участкаларидан фойдаланиш ҳуқуқи бекор қилинганда. Ер қаъридан фойдаланиш маркази томонидан Экология вазирлиги ва бошқа манфаатдор органларга тоғ иншоотлари ва инфратузилма объектларини консервация қилиш ёки тугатиш тартиби ва муддатлари тўғрисида қарор қабул қилинганлиги билдирилиши шарт. Бундай ҳолатларда ер қаъри участкалари Ер қаъридан фойдаланиш маркази балансига ўтказилади.

10-боб. Норуда фойдали қазилмаларни ўз ичига олган ер қаъри участкасидан фойдаланиш ҳуқуқидан ўзга шахс фойдасига воз кечиш

62. Норуда фойдали қазилмаларни қазиб олиш, техноген минерал ҳосилалардан фойдаланиш учун рухсатнома эгаси Ер қаъридан фойдаланиш маркази билан келишган ҳолда норуда фойдали қазилмаларни ўз ичига олган ер қаъри участкасидан фойдаланиш ҳуқуқини (тўлиқ ёки қисман) бошқа юридик шахсга бериши мумкин, агар ушбу юридик шахс рухсатнома билан белгиланган шартларни бажаришга доир мажбуриятларни ўз зиммасига олса.

Ер қаъри участкасидан фойдаланиш ҳуқуқи қисман бошқа юридик шахсга берилганда фойдали қазилмаларнинг қолдиқ захирасининг бўлинишига қараб, иккала юридик шахсга ҳам техник-иқтисодий асос ишлаб чиқиш мажбурияти юкланади ҳамда рухсатномаларнинг муддати ушбу техник-иқтисодий асосдан келиб чиқиб расмийлаштирилади;

Шу билан бирга, норуда фойдали қазилмаларни ўз ичига олган ер қаъри участкасидан фойдаланиш ҳуқуқини олган юридик шахс, рухсатноманинг олдинги эгасига нисбатан қўйилган талабларга мос келиши зарур.

«E-auksion» электрон савдо платформасида аукцион орқали реализация қилинган ер қаъри участкаларидан фойдаланиш ҳуқуқи учун рухсатномаларни улар берилган санадан бошлаб икки йил мобайнида бошқа шахслар фойдасига воз кечиш, шу жумладан ер қаъри фойдаланувчиларининг таъсисчилари (операцион фаолиятини бошқариш овозига эга мажоритар акциядорлари)ни тўлиқ ўзгартириш тақиқланади.

63. Норуда фойдали қазилмаларни ўз ичига олган ер қаъри участкасидан фойдаланиш ҳуқуқини (тўлиқ ёки қисман) бошқа юридик шахсга беришни келишиш рухсатнома эгасининг Ер қаъридан фойдаланиш марказига «Лицензия» ахборот тизими ёки ЯИДХП орқали мазкур Низомнинг 6-иловасига мувофиқ бериладиган аризаси бўйича амалга оширилади.

Аризада норуда фойдали қазилмаларни ўз ичига олган ер қаъри участкасидан фойдаланиш ҳуқуқини бошқага берилиш сабаблари, ер қаъридан фойдаланиш ҳуқуқи қисман берилганда талабгор томонидан фойдали қазилмаларни ёки техноген минерал ҳосилаларни қазиб олиш, қайта ишлаш билан боғлиқ назарда тутилган фаолият тури келтирилади. Аризага ер қаъри участкасидан фойдаланиш ҳуқуқи ўтаётган юридик шахснинг рухсатнома эгасига нисбатан қўйилган талабларга мос келишини тасдиқловчи ҳужжатлар илова қилинади.

64. Ер қаъридан фойдаланиш маркази ариза олинган кундан бошлаб ўн беш кун муддатда ер қаъри участкасидан фойдаланиш ҳуқуқи учун рухсатномани (тўлиқ ёки қисман) бошқа шахсга қайта расмийлаштириб беради ёки асослантирилган хулосасини тақдим этган ҳолда рад этади.

Рухсатнома ариза берувчига қарор қабул қилинган кундан бошлаб уч иш куни мобайнида «Лицензия» ахборот тизими ёки ЯИДХП орқали юборилади.

Норуда фойдали қазилмаларни ўз ичига олган ер қаъри участкасидан фойдаланиш ҳуқуқига рухсатномани қайта расмийлаштириш рад этилганда хулосада асослантирилган бўлиши керак. Ер қаъри участкасидан фойдаланиш ҳуқуқини беришни қайта келишиб олишда ер қаъри участкасидан фойдаланиш ҳуқуқини беришни келишиб олиш рад этилган аввалги сабаблар кўрсатилмаган янги асослар бўйича уни рад этишга йўл қўйилмайди.

11-боб. Норуда фойдали қазилмаларни қазиб олиш учун ер қаъри участкасидан фойдаланиш ҳуқуқига оид рухсатномани қайта расмийлаштириш

65. Норуда фойдали қазилмаларни қазиб олиш учун ер қаъри участкасидан фойдаланиш ҳуқуқига оид рухсатномани қайта расмийлаштириш қуйидаги ҳолларда амалга оширилади:

юридик шахс қайта ташкил қилинганда ва номи ўзгарганда;

ер қаъри участкасидан фойдаланиш ҳуқуқи бошқа шахсга берилганда;

ер қаъри участкаларидан фойдаланиш шартлари ўзгарганда;

ер қаъри участкаларидан фойдаланиш муддати узайтирилганда.

66. Норуда фойдали қазилмаларни қазиб олиш учун ер қаъри участкасидан фойдаланиш ҳуқуқига оид рухсатномани қайта расмийлаштириш Ер қаъридан фойдаланиш маркази томонидан рухсатнома эгасининг «Лицензия» ахборот тизими ёки ЯИДХП орқали мазкур Низомнинг 7-иловасига мувофиқ берган аризаси асосида амалга оширилади.

Юридик шахсни қайта ташкил қилиш ёки қайта тузилишида ариза рухсатнома эгаси томонидан қайта рўйхатдан ўтказилгандан сўнг етти кун муддатда берилиши лозим.

Норуда фойдали қазилмаларни қазиб олиш учун ер қаъри участкасидан фойдаланиш ҳуқуқига оид рухсатномани қайта расмийлаштириш тўғрисидаги аризага тегишли тасдиқловчи ҳужжатлар илова қилинади.

67. Рухсатномани қайта расмийлаштириш қуйидаги муддатларда амалга оширилади:

ариза келиб тушган кундан бошлаб беш иш кунидан кўп бўлмаган муддатда — юридик шахс қайта ташкил қилинганда ва номи ўзгарганда, ер қаъри участкасидан фойдаланиш ҳуқуқи бошқа шахсга берилганда, ер қаъри участкаларидан фойдаланиш шартлари ўзгарганда;

ариза келиб тушган кундан бошлаб йигирма иш кунидан кўп бўлмаган муддатда — ер қаъри участкаларидан фойдаланиш муддатини узайтиришда.

68. Ер қаъри участкасидан фойдаланиш ҳуқуқи бошқа шахсга берилганда Ер қаъридан фойдаланиш маркази томонидан бир иш куни муддатда ер қаъри участкасидан фойдаланиш шартлари лойиҳаси имзолаш учун ариза берувчига тақдим этилади. Ариза берувчи уч иш куни муддатда ер қаъри участкасидан фойдаланиш шартлари лойиҳасини электрон рақамли имзоси билан тасдиқлайди.

69. Ер қаъридан фойдаланиш маркази томонидан рухсатнома қайта расмийлаштирилганда бир иш куни муддатда тегишли реестрга ўзгартиришлар киритилади ва QR-код (матрик штрихли код) қўйилган рухсатномани расмийлаштиради.

70. Норуда фойдали қазилмаларни қазиб олиш учун ер қаъри участкасидан фойдаланиш ҳуқуқига оид рухсатномани қайта расмийлаштиришда, рухсатнома олишга доир буюртмани кўриб чиқиш учун тўланган сумманинг эллик фоизи миқдорда йиғим ундирилади.

Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

12-боб. Якунловчи қоидалар

71. Ер қаърини геологик ўрганиш, ер ости бойликларидан фойдаланиш ва муҳофаза қилиш юзасидан давлат назорати маҳаллий ижро этувчи ҳокимият органлари, шунингдек, Тоғ-кон, геология ва саноат хавфсизлигини назорат қилиш инспекцияси ва Экология вазирлиги томонидан қонунчилик ҳужжатларида белгиланган тартибда амалга оширилади.

72. Ариза берувчилар, норуда фойдали қазилмаларни ўз ичига олган ер қаъри участкасидан фойдаланиш ҳуқуқига оид рухсатнома олиш учун улар томонидан тайёрланган, Ер қаъридан фойдаланиш марказига тақдим этилган ҳужжатлар ишончлилиги ва қонунчилик ҳужжатларига мувофиқлиги учун жавобгардирлар.

73. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида низомга 1-ИЛОВА

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини электрон онлайн-аукцион орқали бериш

Босқичлар Субъектлар Тадбирлар Муддатлар 1-босқич (тайёргарлик босқичи) Ер қаъридан фойдаланиш маркази Норуда фойдали қазилмаларни ўз ичига олган ер қаъри участкалари рўйхатини шакллантиради ва тасдиқлайди. Ҳар йили Ер қаъридан фойдаланиш маркази Ер қаъридан фойдаланиш ҳуқуқини аукционда реализация қилиш учун буюртманомаларни Ўзбекистон Республикаси Давлат активларини бошқариш агентлиги ҳузуридаги «Электрон онлайн-аукционларни ташкил этиш маркази» давлат унитар корхонасига (операторга) тақдим этади. Тайёр бўлиши билан Оператор Аукцион ўтказилиши тўғрисидаги хабарномани ўз веб-порталида жойлаштиради. Буюртма олинган кундан бошлаб 2-босқич (аукцион ўтказиш) Талабгорлар Аукционда иштирок этиш учун электрон шаклда ариза топширади, унда лот рақами ва ер қаъри участкаси номини кўрсатади. 30 кун мобайнида Оператор Лот бўйича электрон аукцион савдолари ўтказади ва аукцион ғолибини эълон қилади. 1 иш куни мобайнида Аукцион ғолиби Аукционда ғолиб деб топилган сумманинг 100 фоизини ҳамда ер участкасини ажратиш материалларини тайёрлаш учун сарфланган тўловларни тўлайди. Сотилган объектнинг қиймати БҲМнинг 5 минг бараваригача бўлганда 10 иш куни, 5 минг бараварига тенг ёки ундан ортиқ бўлганда 15 иш куни мобайнида 3-босқич (рухсатнома бериш) Оператор Аукцион ғолиби (захирадаги ғолиб) томонидан сотиб олиш тўловлари тўлиқ тўлангандан сўнг аукцион ғолибига баённома расмийлаштиради ҳамда мазкур баённомани ва у томонидан имзоланган ер қаъридан фойдаланиш шартларини аукцион ғолибининг ва Тоғ-кон саноати ва геология вазирлигининг шахсий кабинетига электрон шаклда юборади. 1 иш куни мобайнида Ер қаъридан фойдаланиш маркази Баённома асосида Ер қаъри участкаларидан фойдаланиш ҳуқуқи учун тегишли рухсатномани, ЭРИ билан имзоланган ва QR-код (матрик штрихли код) билан расмийлаштирилган ҳолда, «E-auksion» электрон савдо платформаси орқали Операторга юборади. 1 иш куни мобайнида Оператор Аукцион ғолибига расмийлаштирилган рухсатномани унинг шахсий кабинетига юборади. 1 иш куни мобайнида

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида низомга 2-ИЛОВА

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатнома олиш учун

I. Аукцион натижарига кўра рухсатнома олиш учун 1. Аукцион ғолиби аукцион натижалари ҳақидаги баённома тартиб рақамини кўрсатади II. «Биринчи келган биринчи олади» тамойилига биноан аризаларни тўғридан-тўғри кўриб чиқиш орқали рухсатнома олиш учун 1. Давлат рўйхатидан ўтганлиги тўғрисидаги гувоҳномага мувофиқ тўлиқ номи: 2. Манзили, телефон рақами, электрон почтаси: 3. Сўралаётган ер қаъри участкасининг номи ва ер қаъридан фойдаланишнинг назарда тутилган тури: 4. Техник ва технологик имкониятлар, шунингдек, белгиланган тартибда шартнома асосида жалб қилинадиган техника ва асбоб-ускуналар мавжудлиги: 5. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатномани тўғридан-тўғри музокаралар асосида олиш учун асос бўладиган ҳужжатнинг нусхаси: (илова қилинади) 6. Йириклаштирилган техник-иқтисодий ҳисоб-китоблар — ер қаъри геологик ўрганиш учун берилганда: (юкланади) 7. Техник-иқтисодий асослар — ер қаъри норуда фойдали қазилмаларни қазиб олиш ва техноген минерал ҳосилалардан фойдаланиш учун берилганда: (юкланади) 8. Давлат экология экспертизаси ваколатли органлари томонидан атроф-муҳитга таъсири тўғрисида ариза лойиҳасига берилган ижобий хулоса: (юкланади) 9. Вазирлар Маҳкамаси ҳузуридаги Жисмоний ва юридик шахсларга етказилган мулкий зарарларни компенсация қилиш бўйича республика мақсадли жамғармасига қоплаб берилганлигини тасдиқловчи тўлов. 10. Аризани кўриб чиқиш учун базавий ҳисоблаш миқдорининг тўрт баробар миқдоридаги тўлов.

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида низомга 3-ИЛОВА

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатномаларни «биринчи келган биринчи олади» тамойилига биноан аризаларни тўғридан-тўғри кўриб чиқиш натижасида бериш

Босқичлар Субъектлар Тадбирлар Муддатлари 1-босқич (рухсатнома олгунга қадар) Ариза берувчи 1. Ер қаъридан фойдаланиш марказига норуда фойдали қазилма конларида қазиш ишларини олиб бориш учун «Лицензия» ахборот тизими ёки ЯИДХП орқали буюртма беради (ер қаърини геологик ўрганишга оид ишларни молиялаштирган ер қаъридан фойдаланувчи). Зарур бўлганда 2. Ер қаъри участкаларидан фойдаланиш ҳуқуқини олиш учун Ер қаъридан фойдаланиш марказига икки томонлама тайёрланган келишувга асосан «Лицензия» ахборот тизими ёки ЯИДХП орқали буюртма беради. Келишувга асосан 1-босқич (рухсатнома олгунга қадар) Ер қаъридан фойдаланиш маркази Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига тўғридан-тўғри музокаралар асосида рухсатнома олиш учун буюртма берувчиларга сўралаётган ер қаъри участкаси бўйича геологик ёки бошқа маълумотлар тўпламини ҳамда ер участкасини ажратиш материалларини тайёрлаш учун сарфланган тўлов қийматини «Лицензия» ахборот тизими ёки ЯИДХП орқали тақдим этади. 20 кун мобайнида 2-босқич (рухсатнома олишга буюртма топшириш ва уни кўриб чиқиш) Ариза берувчи Илова қилинаётган ҳужжатлар рўйхати билан Ер қаъридан фойдаланиш марказига «Лицензия» ахборот тизими ёки ЯИДХП орқали буюртма беради ҳамда ер участкасини ажратиш материалларини тайёрлаш учун сарфланган тўлов қийматини тўлайди. Зарур бўлганда Ер қаъридан фойдаланиш маркази Тоғ-кон, геология ва саноат хавфсизлигини назорат қилиш инспекциясига ариза берувчи томонидан тақдим этилган буюртма ва илова қилинган ҳужжатларни ўрганиб чиқиш учун юборади. 2 кун мобайнида Тоғ-кон, геология ва саноат хавфсизлигини назорат қилиш инспекцияси Жойлардаги маҳаллий ижро этувчи ҳокимият органлари билан биргаликда сўралаётган ер қаъри участкасини, ундан фойдаланиш имкониятларини аниқлаш учун текшириб чиқади; глобал позицион тизим асбобларини қўллаб бурчак координатларини аниқлаган ҳолда ер қаъри участкасининг жойлашиш ўрнини аниқлаштиради; норуда фойдали қазилмалар рухсатсиз қазиб олинганлик изларининг мавжуд бўлиши мумкинлигини аниқлаштиради; ариза берувчининг тақдим этилган ҳужжатларидаги техник ва технологик имкониятларининг мувофиқлигини ҳамда зарур малакали мутахассисларга эга бўлишини ўрганади. Олиб борилган ишлар натижалари бўйича маълумотларни тайёрлайди ва Ер қаъридан фойдаланиш марказига юборади. 10 кун мобайнида 3-босқич (рухсатнома бериш) Ер қаъридан фойдаланиш маркази Тоғ-кон, геология ва саноат хавфсизлигини назорат қилиш инспекциясининг тегишли ахборотларини ўрганиб чиқади ҳамда норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатнома бериш ёки уни рад қилиш тўғрисида қарор қабул қилади. 5 кун мобайнида Рухсатнома бериш ва ер қаъри участкасидан фойдаланиш шартларини имзолаш зарурлиги тўғрисида ариза берувчига «Лицензия» ахборот тизими ёки ЯИДХП орқали маълум қилади. 5 кун мобайнида Ариза берувчи Ер қаъри участкасидан фойдаланиш шартларини электрон рақамли имзоси билан имзолайди. 3 кун мобайнида Ер қаъридан фойдаланиш маркази Ер қаъри участкасидан фойдаланиш ҳуқуқи учун QR-код (матрик штрихли код) қўйилган рухсатномани расмийлаштиради 1 кун мобайнида

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида низомга 4-ИЛОВА

‎‎ ‎ ‎‎OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI Noruda foydali qazilmalarni o ʻ z ichiga olgan yer qaʼri uchastkasidan foydalanish huquqi uchun ‎‎ ‎RUXSATNOMA‎ ‎ ‎ ‎‎SERIYASI ‎ ‎ ‎‎TARTIB RAQAMI ‎ ‎ ‎ RUXSATNOMA TURI‎‎ ‎ ‎‎Ruxsatnoma_____________________________________________________________________________________________________________________________________________________________________ga berildi. ‎ ‎ ‎ ‎ ‎‎(ushbu ruxsatnomani olgan yuridik yoki jismoniy‎ shaxs) ‎ ‎ ‎ ‎ ‎ Ruxsatnoma __________________________________________________________________________________ uchun yer qaʼri uchastkasidan foydalanish huquqini tasdiqlaydi. ‎‎ ‎‎Yer qaʼri uchastkasi ____________________________________________________________________________ ‎‎(nomi va foydali qazilma turi) ‎‎________________________________________________________________________________ da joylashgan. ‎‎(Qoraqalpogʻiston Respublikasi yoki viloyat tumani, aholi punkti nomi) ‎‎Ruxsatnomaning amal qilish muddati ________________________________________________________________ ‎ ‎ ‎ ‎ ‎ ‎ ‎ ‎‎(kun, oy, yil)‎ ‎‎Quyidagilar ruxsatnomaning ajralmas tarkibiy qismlari hisoblanadi: ‎‎Yer qaʼridan foydalanish shartlari __________________________________________________________________ ‎ ‎ ‎ ‎ ‎ ‎ ‎‎(ilovaning tartib raqamlari, varaqalar soni)‎ ‎‎Ruxsatnoma berilgan sana ___________ y. «______» _____________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎QR kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎(Ruxsatnoma uning ajralmas tarkibiy qismi hisoblangan zarur ilovalar mavjud boʻlgan taqdirda haqiqiy hisoblanadi). ‎ ‎

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида низомга 5-ИЛОВА

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатнома

1. Рухсат этиш хусусиятига эга ҳужжатнинг номи: Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатнома 2. Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар): Норуда фойдали қазилмаларни ўз ичига олган ер қаъри участкаларидан фойдаланиш 3. Ариза берувчилар тоифаси: Юридик шахс 4. Рухсат этиш тартиб-таомиллари соҳасидаги ваколатли орган: Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси 5. Рухсат этиш хусусиятига эга ҳужжатни олиш учун тақдим қилинадиган ҳужжатлар: Рухсатномалар аукцион савдолари ёки «биринчи келган биринчи олади» тамойилига асосан берилади: 1. Аукцион савдолари натижалари бўйича баённома асосида рухсатнома берилади ҳамда ер қаъридан фойдаланувчи томонидан: йириклаштирилган техник-иқтисодий ҳисоб-китоблар — рухсатнома ер қаъри участкасини геологик ўрганиш учун берилганда; техник-иқтисодий асослар — рухсатнома норуда фойдали қазилмаларни қазиб олиш ва техноген минерал ҳосилалардан фойдаланиш учун берилганда; Экология, атроф-муҳитни муҳофаза қилиш ва иқлим ўзгариши вазирлиги томонидан атроф муҳитга таъсир кўрсатиши тўғрисидаги ариза лойиҳасига берилган ижобий давлат экологик экспертиза хулосасининг рақами ва санаси; 2. Рухсатномаларни «биринчи келган биринчи олади» тамойилига биноан аризаларни тўғридан-тўғри кўриб чиқиш натижалари бўйича олиш учун мазкур Низомнинг 2-иловасига мувофиқ ариза шаклини тўлдиради. 6. Аризани кўриб чиқиш учун тўланадиган йиғим миқдори: 1. Аукцион савдолари натижалари бўйича бериладиган рухсатномага йиғим ундирилмайди. 2. «Биринчи келган биринчи олади» тамойилига асосан аризани кўриб чиқиш учун базавий ҳисоблаш миқдорининг тўрт баробар миқдоридаги тўлов. 7. Рухсат этиш хусусиятига эга ҳужжат берилганлиги учун ундириладиган йиғим миқдори: 1. Аукцион савдолари натижалари бўйича бериладиган рухсатномага йиғим ундирилмайди. 2. «Биринчи келган биринчи олади» тамойилига асосан аризани кўриб чиқиш учун базавий ҳисоблаш миқдорининг тўрт баробар миқдоридаги тўлов. 8. Аризани кўриб чиқиш муддати: 1. Аукцион савдолари натижалари бўйича бериладиган рухсатнома — 3 кун. 2. «Биринчи келган биринчи олади» тамойилига асосан аризани кўриб чиқиш — 9 кун. 9. Рухсат этишга оид талаб ва шартлар : а) геологик жиҳатдан ўрганиш учун: Кон-геология фаолиятини назорат қилиш инспекциясига тўқсон кун мобайнида ер қаъридан фойдаланиш бўйича лойиҳаларини тақдим этиш мажбурияти; кон иншоотлари ва қудуқларни аҳоли ҳаёти ва саломатлиги, атроф муҳит хавфсизлигини таъминлайдиган ҳолатга келтириш (рекультивация қилиш), шунингдек фойдаланишга яроқсиз кон иншоотлари ва қудуқларни тугатиш тартиби; ер қаъри участкасидан фойдаланиш билан боғлиқ тўловлар, шу жумладан йиллик лицензия тўлови тўғрисидаги мажбуриятлар; б) фойдали қазилмаларни кавлаб олиш учун: фойдали қазилмаларни кавлаб олиш учун йиллик энг кам харажатлар бўйича мажбуриятлар миқдори, шу жумладан икки йил мобайнида бажариладиган минимал инвестиция мажбуриятлари; техник лойиҳалар ва кон ишларини ривожлан?ириш режаларини, захираларни қазиб олиш ва кон майдони (участкалар)да қулайликлар яратиш лойиҳаларини тузиш тартиби ва муддатлари; фойдали қазилмаларни кавлаб олиш ҳажми; ер қаъридан фойдаланганлик учун тўловларни тўлаш шартлари; ер қаъридан фойдаланувчининг ижтимоий мажбуриятлари (маҳаллий аҳоли учун иш жойларини ташкил қилиш, керакли малакали мутахассисларни жалб қилиш ва ходимларни касбга тайёрлаш); техник ва технологик имкониятлар, шунингдек, белгиланган тартибда шартнома асосида жалб қилинадиган техника ва асбоб-ускуналар мавжудлиги; бир йил ичида ер қаъри участкасидан фойдаланишнинг бошланиш муддатлари; янги иш ўринларини яратиш мажбуриятлари; техноген минерал ҳосилаларни сақлаш ва қайта ишлаш шартлари; ер қаъридан фойдаланиш соҳасида, хавфли ишлар, ишлаб чиқариш, хавфли товарлар ва моддалар айланмаси, портловчи моддаларга рухсат бериш жараёнларидан ўтиш тартиби; ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари. в) норуда фойдали қазилма конида автотранспорт воситаларининг оғирлик параметрларини ўлчашга мўлжалланган тарозиларни ўрнатиш ҳамда юк автотранспорт воситалари меъёр талабларида юкланиши ва йўлга чиқиши бўйича мажбуриятлар. 10. Рухсат этиш хусусиятига эга ҳужжатни беришда келишиладиган органлар: Мавжуд эмас 11. Рухсат этиш хусусиятига эга ҳужжатнинг амал қилиш муддати: а) геологик жиҳатдан ўрганиш учун — беш йилгача муддатга; б) фойдали қазилмаларни кавлаб олиш ва техноген минерал ҳосилалардан фойдаланиш учун: дастлаб рухсатнома берилганда — беш йил муддатга, кейинчалик, техник-иқтисодий асослар белгиланган муддатларда тақдим этилгандан сўнг фойдали қазилма конини ёки техноген минерал ҳосилаларни ишга солиш даврини инобатга олган ҳолда, унинг муддатини узайтиришни кафолатлаш шарти билан; техник-иқтисодий асослар тақдим этилгандан сўнг — фойдали қазилма конини ёки техноген минерал ҳосилаларни ишга солишнинг техник-иқтисодий асосларда белгиланган муддатига. 12. Изоҳ: Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи рухсатнома асосида: геологик ўрганиш; қазиб олиш; техноген минерал ҳосилалардан фойдаланиш учун берилади. Норуда фойдали қазилмаларни қазиб олиш ва минерал хом ашёни қайта ишлаш жараёнида олинган техноген минерал ҳосилаларга эгалик ҳуқуқи норуда фойдали қазилмаларни қазиб олиш учун ер қаъри участкасидан фойдаланиш ҳуқуқига оид рухсатномага мувофиқ рухсатнома эгасида ер қаъри участкасидан фойдаланиш муддати мобайнида сақлаб қолинади. Бундай ҳолда техноген минерал ҳосилалардан фойдаланиш (қайта ишлаш)га рухсатнома олиш талаб қилинмайди. Техноген минерал ҳосилалардан фойдаланишга оид ер қаъри участкаларидан фойдаланиш ҳуқуқи учун рухсатнома, ер қаъридан фойдаланувчи балансида ҳисобда турмайдиган ёки техноген минерал ҳосилалар сотилган ёки белгиланган тартибда бошқа ер қаъридан фойдаланувчига топширилган ҳолда, кон қазиб чиқариш ва қайта ишлаш корхоналарининг чиқиндиларини қайта ишлаш учун берилади.

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида низомга 6-ИЛОВА

«Лицензия» ахборот тизими орқали ер қаъри участкасидан фойдаланиш ҳуқуқини (тўлиқ ёки қисман) бошқа шахсга беришни келишиб олиш учун

1. Рухсатнома эгасининг Давлат рўйхатидан ўтганлиги тўғрисидаги гувоҳномага мувофиқ тўлиқ номи: 2. Манзили, телефон рақами, электрон почтаси: 3. Ер қаъри участкасидан фойдаланиш ҳуқуқи (тўлиқ ёки қисман) берилаётган шахснинг Давлат рўйхатидан ўтганлиги тўғрисидаги гувоҳномага мувофиқ тўлиқ номи: 4. Ер қаъри участкасидан фойдаланиш ҳуқуқини бошқа шахсга бериш сабаблари: 5. Ер қаъридан фойдаланиш ҳуқуқи бошқа шахсга қисман берилган тақдирда — талабгорнинг фойдали қазилмаларнинг стратегик турларини ёки техноген минерал ҳосилаларни қазиб олиш, қайта ишлаш билан боғлиқ фаолиятининг мўлжалланаётган тури: 6. Ер қаъри участкасидан (шу жумладан, унинг бир қисмидан) фойдаланишнинг техник-иқтисодий асоси (илова қилинади): 7. Аризани кўриб чиқиш учун базавий ҳисоблаш миқдорининг икки баравари миқдоридаги тўлов.

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида низомга 7-ИЛОВА

«Лицензия» ахборот тизими орқали норуда фойдали қазилмаларни қазиб олиш учун ер қаъри участкасидан фойдаланиш ҳуқуқига оид рухсатномани қайта расмийлаштириш учун

1. Давлат рўйхатидан ўтганлиги тўғрисидаги гувоҳномага мувофиқ тўлиқ номи: 2. Манзили, телефон рақами, электрон почтаси: 3. Ер қаъри участкасидан фойдаланиш ҳуқуқи учун рухсатномани қайта расмийлаштириш сабаблари: 4. Аризани кўриб чиқиш учун базавий ҳисоблаш миқдорининг икки баробар миқдоридаги тўлов.

Вазирлар Маҳкамасининг 2022 йил 25 мартдаги 133-сон қарорига 3-ИЛОВА

Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисидаги

1-боб. Умумий қоидалар

1. Ушбу Низом ер қаъри участкаларида юридик ва жисмоний шахслар томонидан қимматбаҳо металларни олтин изловчилар усулида қазиб олиш фаолиятини амалга ошириш тартибини белгилайди.

2. Ушбу Низомда қуйидаги асосий тушунчалар қўлланилади:

бузилган ерларни рекультивация қилиш (қайта тиклаш) — ерларнинг табиий ландшафтини сақлаш мақсадида ер қаъридан фойдаланиш натижасида бузилган (ағдарилган, ковланган) ер участкаларини кейинчалик ундан фойдаланишга яроқли ҳолга келтириш билан боғлиқ комплекс ишларни бажариш;

«E-auksion» электрон савдо платформаси (кейинги ўринларда — савдо платформаси) — электрон онлайн-аукционларни (кейинги ўринларда — аукцион) ташкил этиш ва ўтказиш учун зарур бўлган ахборотни киритиш, сақлаш ва қайта ишлаш, шунингдек, манфаатдор шахсларнинг аукционлар жараёнларидан оператор веб-портали орқали бевосита фойдаланиш имкониятини таъминлайдиган ахборот тизими;

олтин изловчилар усулида қазиб олиш — ер қаъри участкалари, шу жумладан, сочма олтин конларидан тадбиркорлик таваккалчилиги асосида қимматбаҳо металларни носаноат усулда қазиб олиш;

оператор — Ўзбекистон Республикаси Давлат активларини бошқариш агентлиги ҳузуридаги «Электрон онлайн-аукционларни ташкил этиш маркази» давлат унитар корхонаси;

сочма олтин кони — туб олтин кон ёки олтин маъданли тоғ жинси парчаланиши натижасида ҳосил бўлувчи ер юзасидаги ёки кўмилган тоғ жинси ва минераллари майда бўлакларининг тўпламлари;

электрон онлайн-аукцион — салоҳиятли харидорларга тенг имконият яратган ҳолда мол-мулк ва ҳуқуқ Интернет жаҳон ахборот тармоғидаги «E-auksion» электрон савдо платформасида сотиладиган аукцион шаклидаги электрон савдо усули;

қимматбаҳо металларни сотиб олувчи ихтисослаштирилган қабул кассалари (кейинги ўринларда — қабул кассалари) — қимматбаҳо металларни қайта ишлаш ташкилоти ҳамда шартнома асосида юридик ва жисмоний шахслардан таркибида олтин бўлган хом ашёни қабул қилувчи пункт.

3. Қимматбаҳо металларни олтин изловчилар усулида қазиб олиш учун берилаётган ер қаъри участкаларидан фойдаланиш ҳуқуқи учун рухсатномалар Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси (кейинги ўринларда — Ер қаъридан фойдаланиш маркази) томонидан электрон онлайн-аукцион натижаларига асосан ушбу Низомнинг 1-иловасига мувофиқ схема бўйича берилади.

2-боб. Қимматбаҳо металларни олтин изловчилар усулида қазиб олишга рухсат бериладиган ер қаъри участкаларидан фойдаланиш ҳуқуқи учун рухсатномалар

4. Қимматбаҳо металларни олтин изловчилар усулида қазиб олишга рухсат бериладиган ер қаъри участкаларидан фойдаланиш ҳуқуқи учун рухсатнома (кейинги ўринларда — рухсатнома) унинг эгасига белгиланган ҳудудда қимматбаҳо металларни олтин изловчилар усулида қазиб олиш ҳуқуқини беради.

5. Қимматбаҳо металларни олтин изловчилар усулида қазиб олишга рухсат бериладиган ер қаъри участкаларидан фойдаланиш ҳуқуқи учун рухсатнома Ер қаъридан фойдаланиш маркази томонидан ҳар чоракда тасдиқланадиган қимматбаҳо металларни олтин изловчилар усулида қазиб олишга рухсат бериладиган ер қаъри участкалари (кейинги ўринларда — ер қаъри участкалари) бўйича уларни қазиб олиш учун берилади.

Талабгорлар ҳамда «Ўзбекзаргарсаноати» уюшмаси Ер қаъридан фойдаланиш марказига «E-auksion» электрон савдо платформасида аукцион орқали реализация қилинадиган ер қаъри участкалари рўйхатига қўшимча киритиш бўйича таклиф киритиши мумкин.

Тасдиқланган рўйхатга кирмаган ер қаъри участкалари бўйича талабгорлар ёки «Ўзбекзаргарсаноати» уюшмасидан ариза келиб тушган ҳолларда Ер қаъридан фойдаланиш маркази Қорақалпоғистон Республикаси Вазирлар Кенгаши ва вилоятлар ҳокимликлари, вазирлик ва идоралари билан биргаликда бир ойлик муддатда ўрганиб чиқиб, аукционда реализация қилинадиган ер қаъри участкалари рўйхатига киритиш ёки рад этиш тўғрисида қарор қабул қилади.

Қимматбаҳо металларни олтин изловчилар усулида қазиб олиш фаолиятини амалга ошириш учун ишончли, аниқ контурлари ва чегаралари кўрсатилган ер қаъри участкалари ва майдонлари, шу жумладан, ўлчамлари 5 гектаргача бўлган сочма олтин конлари берилади.

6. Қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқи учун рухсатномаларга фақат Ўзбекистон Республикаси резидентлари, хусусан Ўзбекистон Республикаси фуқароси бўлган якка тартибдаги тадбиркор мақомига эга жисмоний шахслар ҳамда устав капитали (жамғармаси)да Ўзбекистон Республикаси фуқароси бўлган жисмоний шахснинг улуши 70 ва ундан ортиқ фоизга эга бўлган юридик шахслар талабгор бўлиши мумкин.

Бунда битта талабгорга рухсатнома асосида берилган ер қаъри участкаларининг умумий майдони йил давомида 20 гектардан ошмаслиги лозим.

7. Рухсатномани ёки ер қаъри участкасидан (тўлиқ ёки қисман) фойдаланиш ҳуқуқини учинчи шахсга бериш (топшириш), шунингдек, битта ер қаъри участкасидан фойдаланиш ҳуқуқига рухсатномани бир неча шахсга беришга йўл қўйилмайди.

3-боб. Қимматбаҳо металларни олтин изловчилар усулида қазиб олишга рухсат бериладиган ер қаъри участкаларидан фойдаланиш шартлари

8. Ер қаъри участкаларидан фойдаланиш рухсатномада назарда тутилган ер қаъри участкаларидан фойдаланиш шартларига мувофиқ амалга оширилади.

9. Ер қаъри участкаларидан фойдаланишнинг асосий шартларига Ўзбекистон Республикаси «Ер ости бойликлари тўғрисида» Қонуни билан белгиланган шартлар киради.

Ер қаъри участкаларидан фойдаланишнинг намунавий шартлари Ер қаъридан фойдаланиш марказининг расмий веб-сайтида жойлаштирилади ва зарурат бўлганда белгиланган тартибда оммавий ахборот воситаларида эълон қилиниши мумкин.

10. Ер қаъри участкаларидан фойдаланиш шартларида:

қимматбаҳо металларни олтин изловчилар усулида қазиб олишнинг рухсат этилган усуллари ва воситалари, шунингдек, фойдаланиладиган асбоб-ускуналар, механизмлар ва техникага қўйиладиган талаблар;

қазиб олинган қимматбаҳо металларга эгалик қилиш ҳуқуқи;

ер қаъри участкаларидан фойдаланишнинг чекланиши, тўхтатиб қўйилиши ёки муддатидан олдин тўхтатилиши мумкин бўлган шартлар;

ер қаъри участкасидан фойдаланиш ҳуқуқи тугатилгандан сўнг ер қаъридан фойдаланувчилар зиммасига ер қаъри участкаларини рекультивация қилиш ва уларни кейинчалик фойдаланиш учун яроқли ҳолатга келтириш мажбурияти назарда тутилади.

Шунингдек, ер қаъридан фойдаланиш шартларида ер участкасининг ижара шартномаси, хусусан, ер тўғрисидаги қонунчилик ҳужжатлари талаблари асосида ундан фойдаланиш муддатлари ва шартлари ҳамда ер қаъридан фойдаланиш мақсадлари учун олиб қўйилаётган (сотиб олинаётган) ер участкаси бўйича — маҳаллий давлат ҳокимияти органлари томонидан ушбу ер участкасининг эгаси, фойдаланувчиси, ижарачиси ёки мулкдори билан келишилган компенсация миқдори ва уни тўлаш муддати назарда тутилади.

Ер қаъридан фойдаланиш шартлари, шу жумладан ер участкасининг ижара шартномаси ер қаъри участкаларидан фойдаланиш ҳуқуқи учун рухсатноманинг ажралмас қисми ҳисобланади.

4-боб. Қимматбаҳо металларни олтин изловчилар усулида қазиб олишга рухсат бериладиган ер қаъри участкаларидан фойдаланиш муддатлари

11. Рухсатномалар Ер қаъридан фойдаланиш маркази томонидан «E-auksion» электрон савдо платформасидаги аукцион якунлари бўйича 3 йил муддатга берилади.

Ер қаъри участкаларидан фойдаланиш ҳуқуқи рухсатнома берилган кундан бошлаб ҳисобланади.

12. Рухсатнома муддати тугагандан сўнг уч ойдан ошмаган муддатда ер қаъридан фойдаланувчилар томонидан ер қаъри участкалари белгиланган тартибда рекультивация қилиниб, улар кейинчалик фойдаланиш учун яроқли ҳолатга келтирилган ҳолда тегишли туман (шаҳар) ҳокимлигига топширилади.

5-боб. Ер қаъри участкаларидан фойдаланиш ҳуқуқини «E-auksion» электрон савдо платформаси орқали реализация қилишнинг ўзига хос хусусиятлари

13. «E-auksion» электрон савдо платформасида аукцион орқали реализация қилинадиган ер қаъри участкалари рўйхати Ер қаъридан фойдаланиш маркази томонидан нархи аниқланган ҳолда шакллантирилади ва ҳар чоракда бир мартадан кам бўлмаган ҳолда тасдиқланади.

Ер қаъри участкаларидан фойдаланиш ҳуқуқини савдога қўйишнинг бошланғич нархи ҳар бир гектарига базавий ҳисоблаш миқдорининг 100 баравари миқдорида белгиланади. Бунда тўлиқ бўлмаган гектарлар учун бошланғич нарх 1 гектар ер учун белгиланган нархни ер майдонининг ўлчамига кўпайтириш орқали аниқланади.

Ер қаъридан фойдаланиш марказига аукционга қўйилмаган ёки рўйхатга киритилмаган ер қаъри участкасидан фойдаланиш ҳуқуқини олиш учун талабгордан ёки «Ўзбекзаргарсаноати» уюшмасидан мурожаат келиб тушган тақдирда, ушбу ер қаъри участкасидан фойдаланиш ҳуқуқи учун рухсатнома «E-auksion» электрон савдо платформаси орқали ўрнатилган тартибда аукционга қўйилади.

Ер қаъридан фойдаланиш маркази ер участкаси унга ажратиб берилгандан сўнг уч иш куни давомида мурожаат этилган ер қаъри участкаларидан фойдаланиш ҳуқуқи аукцион савдоларига чиқариш муддатлари ёки ушбу ер участкаларини фойдаланишга беришни рад этиш тўғрисида жавоб хатини талабгорга ёки «Ўзбекзаргарсаноати» уюшмасига тақдим этади.

14. Ер участкаларининг чегараларини жойида белгилаш ишлари Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги ҳамда Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекциясининг ҳудудлардаги бўлинмалари томонидан бир вақтнинг ўзида ер қаъридан фойдаланувчи иштирокида амалга оширилади.

15. Ер қаъридан фойдаланиш мақсадлари учун белгиланган тартибда олиб қўйилган (сотиб олинган) ер участкаси билан боғлиқ харажатлар ер қаъридан фойдаланувчи томонидан Вазирлар Маҳкамаси ҳузуридаги Жисмоний ва юридик шахсларга етказилган мулкий зарарларни компенсация қилиш бўйича республика мақсадли жамғармасига рухсатнома расмийлаштирилгунга қадар қоплаб берилиши лозим.

6-боб. Қимматбаҳо металларни олтин изловчилар усулида қазиб олиш фаолиятини амалга ошириш учун рухсатномалар бериш, давлат рўйхатидан ўтиш, давлат ҳисобига олиш ва расмийлаштириш тартиби

16. Рухсатнома мазкур Низомнинг 2-иловасида келтирилган шаклда QR-код (матрик штрихли код) қўйиб расмийлаштирилади.

Қимматбаҳо металларни олтин изловчилар усулида қазиб олиш фаолиятини амалга ошириш учун рухсатнома паспорти 3-иловага мувофиқ тасдиқлансин.

Ер қаъри участкаларидан фойдаланиш ҳуқуқига берилган рухсатномаларни бошқа шахсларга берилишига йўл қўйилмайди.

17. Қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкасидан фойдаланиш ҳуқуқини амалга ошириш у давлат рўйхатидан ўтказилгандан кейин амалга оширилади. Ер қаъри участкаларидан фойдаланишни Давлат рўйхатига олиш Ер қаъридан фойдаланиш маркази томонидан рухсатнома бериш жараёнида амалга оширилади.

18. Қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкасидан фойдаланиш ҳуқуқини Давлат рўйхатига олиш реестрга тегишли қайдларни киритиш йўли билан амалга оширилади.

19. Ҳар бир реестрда қуйидагилар кўрсатилган бўлиши керак:

ер қаъридан фойдаланувчи тўғрисидаги асосий маълумотлар (номи, юридик шахснинг ташкилий-ҳуқуқий шакли, солиқ тўловчининг идентификация рақами, почта манзили, телефон ва факс рақамлари);

фойдаланишга берилган ер қаъри участкасининг номи (рақами);

ер қаъри участкасидан фойдаланиш мақсади;

рухсатнома берилган сана ва унинг рақами;

рухсатноманинг амал қилиш муддати;

рухсатномани қайта расмийлаштиришнинг асоси ва унинг санаси.

20. Реестрга киритилган маълумотлар, очиқ бўлган маълумотлар базаси ҳисобланиб, мазкур реестр билан юридик ва жисмоний шахслар танишиб чиқиши мумкин.

7-боб. Қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкасидан фойдаланиш ҳуқуқини берувчи рухсатномани қайта расмийлаштириш

21. Рухсатномани қайта расмийлаштириш қуйидаги ҳолларда амалга оширилади:

юридик шахс қайта ташкил қилинганда ва номи ўзгарганда;

жисмоний шахснинг фамилияси, исми ёки отасининг исми ўзгарганда.

Рухсатномани қайта расмийлаштириш Ер қаъридан фойдаланиш маркази томонидан рухсатнома эгасининг «Лицензия» ахборот тизими ёки Ягона интерактив давлат хизматлари портали (кейинги ўринларда — ЯИДХП) орқали мазкур Низомнинг 4-иловасига мувофиқ берган аризаси асосида тегишли тасдиқловчи ҳужжатлар илова қилинган ҳолда 2 кун муддатда амалга оширилади.

Ер қаъридан фойдаланиш маркази томонидан рухсатнома қайта расмийлаштирилганда икки кун муддатда тегишли реестрга ўзгартиришлар киритилади ва QR-код (матрик штрихли код) қўйилган рухсатномани расмийлаштиради.

Рухсатномани қайта расмийлаштиришда базавий ҳисоблаш миқдорининг 2 баробари миқдорида йиғим ундирилади.

Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ Кон-геология вазирлигининг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ Кон-геология вазирлигининг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

22. Ер қаъридан фойдаланиш муддати тугагунга қадар фойдаланувчи томонидан Ер қаъридан фойдаланиш марказига «Лицензия» ахборот тизими ёки ЯИДХП орқали йўлланган ариза бўйича ер қаъридан фойдаланувчи томонидан рухсатномада белгиланган шартлар бажарилган тақдирда ва қимматбаҳо металларни олтин изловчилар усулида қазиб олиш бўйича қўшимча ишларни амалга ошириш зарур бўлган ҳолларда ер қаъридан фойдаланиш муддатлари бир марта 3 йилга узайтирилиши мумкин.

Ушбу ҳолатда, Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси томонидан 1 ой муддатда рухсатномада белгиланган шартларнинг бажарилиши ўрганилади ва Тоғ-кон саноати ва геология вазирлигига тегишли хулосани киритади.

Хулоса ижобий бўлганда, Ер қаъридан фойдаланиш маркази томонидан 10 кун муддатда ер қаъридан фойдаланувчига «Лицензия» ахборот тизими ёки ЯИДХП орқали ер қаъри участкаларидан фойдаланиш муддатини узайтириш учун тўлов суммасини жўнатади.

Ер қаъридан фойдаланувчи рухсатномада кўрсатилган ер қаъри участкаларидан фойдаланиш муддати тугашга 10 кун қолган муддатгача Ер қаъридан фойдаланиш маркази томонидан кўрсатилган даромад ғазна ҳисобварағига рухсатномани узайтириш учун тўлов суммасини тўлайди.

Ер қаъри участкаларидан фойдаланиш муддатини узайтириш учун тўлов охирги 1 йил ичида аукцион орқали реализация қилинган ер қаъри участкаларидан фойдаланиш ҳуқуқи қийматларининг ўртача арифметик миқдорига тенг бўлиб, Ер қаъридан фойдаланиш маркази томонидан баённомалар таҳлили асосида ҳисоблаб чиқилади.

Ер қаъридан фойдаланиш маркази томонидан тўлов суммаси даромад ғазна ҳисобварағига келиб тушганда қуйидагича тақсимланади:

даромад ғазна ҳисобварағига келиб тушган маблағлар Ер қаъридан фойдаланиш марказининг бюджетдан ташқари жамғармасига ҳамда ер қаъри участкаси жойлашган тегишли туман (шаҳар)лар маҳаллий бюджетлари ўртасида автоматик тарзда тенг улушларда тақсимланади.

Ер қаъридан фойдаланувчига рухсатнома «Лицензия» ахборот тизими ёки ЯИДХП орқали янги 3 йиллик муддатга қайта расмийлаштириб берилади.

23. Қуйидаги ҳолларда ер қаъридан фойдаланиш муддатларини узайтириш рад этилиши мумкин:

қимматбаҳо металларни олтин изловчилар усулида қазиб олиш бўйича қўшимча ишларни амалга ошириш зарурияти бўлмаса;

ер қаъридан фойдаланувчи томонидан рухсатномада белгиланган шартлар ўз вақтида ва тўлиқ бажарилмаган бўлса;

Ер қаъридан фойдаланиш маркази томонидан тақдим этилган ер қаъри участкаларидан фойдаланиш муддатини узайтириш учун тўлов суммаси ўз вақтида тўланмаса.

Бошқа сабаблар билан ер қаъридан фойдаланиш муддатларини узайтиришни рад этилишига йўл қўйилмайди.

8-боб. Қимматбаҳо металларни олтин изловчилар усулида қазиб олиш қоидалари ва нормалари, рухсат этилган усуллари ва воситалари, фойдаланиладиган асбоб-ускуналар ва техникага қўйиладиган талаблар

24. Ер қаъридан фойдаланувчилар томонидан рухсатнома берилган ер қаъри участкаларида қимматбаҳо металларни қазиш ишлари бошланишидан олдин маҳаллий ижро этувчи ҳокимият органлари, Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси ёзма равишда хабардор қилиниши шарт.

25. Рухсатнома билан берилган ер қаъри участкаларида қимматбаҳо металларни олтин изловчилар усулида қазиб олишда:

ер қаърини муҳофаза қилиш, табиатни муҳофаза қилиш, атроф муҳитни муҳофаза қилиш, ёнғин хавфсизлиги бўйича қоидалар ва чора-тадбирларга амал қилиш зарур;

қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқи учун рухсатномага эга бўлган юридик шахслар ишчи-ходимларининг 70 фоизи Ўзбекистон Республикаси фуқароси бўлиши лозим;

сочма олтинга истиқболли ер қаъри участкалари ва конларида ер ости тоғ-кон қазилмалари йўлакларисиз ва портловчи моддалардан фойдаланмаган ҳолда зинасимон шаклда хавфсиз (йўл қўйиладиган) чуқурликкача (туб жинсларгача) фаолиятни амалга ошириш мумкин;

туб жинслар участкаларида тоғ-кон лаҳмлари тик томонларини 2 (икки) метрдан кўп бўлмаган чуқурликда ўтишга йўл қўйилади. Агар тоғ-кон лаҳмларини зинасимон шаклида ўтаётган бўлса, бу ҳолатда умумий чуқурлиги 6 (олти) метргача рухсат этилади. Бунда ҳар бир зинанинг баландлиги 2 (икки) метрдан ошмаслиги ва зинанинг эни 0,5 (ярим) метрдан кам бўлмаслиги зарур;

сувли ҳудудларда, шу жумладан, дарё қирғоқларида ва сойлар ўзанларида олтин қазиб олиш ҳудудида ковиш сиғими (ҳажми) 2 кубгача бўлган экскаваторлар ёки унинг функциясини бажарадиган техникадан фойдаланиш мумкин.

Ер қаъридан фойдаланувчилар олтин изловчилар усулида қазиб олинган қимматбаҳо металлар бўйича қуйидагиларни тақдим қилишлари зарур:

хар йили ҳисобот давридан кейинги йилнинг 15 февралига қадар Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш ҳудудий инспекцияларига қимматбаҳо металлар захираларининг ҳаракатланиш ишлари тўғрисида йиллик ҳисобот (сочма олтин конлари бўйича);

ҳар чоракда ҳисобот чорагидан кейинги ойнинг 10-санасига қадар Ўзбекистон Республикаси Марказий банкига қабул кассалари, харид қилиш марказлари, аффинаж корхоналар, шунингдек, қимматбаҳо металлар ва қимматбаҳо тошлардан ясалган заргарлик буюмлари ҳамда бошқа буюмларни ишлаб чиқариш ҳуқуқига эга бўлган тадбиркорлик субъектларига топширилган қимматбаҳо металлар миқдори тўғрисида ҳисобот.

26. Ер қаъридан фойдаланувчилар қазиб олинган тоғ жинсларидан қимматбаҳо металларни ажратиб олишда фақат майдалаш ва гравитация усулини қўллаш, шунингдек, кичик ювиш ускуналари ва насослардан фойдаланиш ҳуқуқига эга.

27. Рухсатнома билан берилган ер қаъри участкаларида қимматбаҳо металларни олтин изловчилар усулида қазиб олишда ва ажратиб олишда қуйидагилар тақиқланади:

ушбу Низомнинг 24 ва 25-бандларида назарда тутилмаган усуллар, шу жумладан, ер ости тоғ-кон йўлакларини қазиш, портлатиш ишларини олиб бориш;

қазиб олинган тоғ жинсларини ажратилган ер участкаси ҳудудидан олиб чиқиб кетиш ёки сотиш (харид қилиш марказлари ёки аффинаж корхоналарга топшириш ёки сотиш мақсадида бирламчи гравитациявий усулда қайта ишланган бўш тоғ жинсларини ер участкаси ҳудудидан олиб чиқиш бундан мустасно);

кимёвий реагентлар қўлланилган ҳолда қимматбаҳо металларни ажратиб олиш технологиясидан фойдаланиш;

ажратилган ер участкаси ҳудудида капитал қурилиш ишларини амалга ошириш;

ер қаъри участкасидан фойдаланишда амалдаги қоидалар ва норматив ҳужжатлар талабларини бузиш.

9-боб. Олтин изловчилар усулида қазиб олинган қимматбаҳо металлар нархини белгилаш, уларни харид қилиш, ҳисобини юритиш, сақлаш ва реализация қилиш тартиби

1-§. Қимматбаҳо металларни сотиб олувчи қабул кассалари

28. Ер қаъридан фойдаланувчилар томонидан белгиланган тартибда қазиб олинган қимматбаҳо металлар қабул кассалари, харид қилиш марказлари, аффинаж корхоналар, шунингдек, қимматбаҳо металлар ва қимматбаҳо тошлардан ясалган заргарлик буюмлари ҳамда бошқа буюмларни ишлаб чиқариш ҳуқуқига эга бўлган тадбиркорлик субъектларига келишилган нархларда сотилади.

29. Қабул кассаси ер қаъридан фойдаланувчилардан таркибида олтин бўлган хом ашёни (шлих, концентрат) қабул қилувчи пункт ҳисобланади.

30. Қабул кассалари ер қаъридан фойдаланувчилар томонидан республика ҳудудида қазиб олинган таркибида қимматбаҳо металлар бўлган хом ашёни қабул қилиш, сақланишини таъминлаш ва қайта ишлашга жўнатиш мақсадида тузилади.

31. Қабул кассалари аффинаж корхоналар, шунингдек, қимматбаҳо металлар ва қимматбаҳо тошлардан ясалган заргарлик буюмлари ҳамда бошқа буюмларни ишлаб чиқариш ҳуқуқига эга бўлган тадбиркорлик субъектлари томонидан ҳам ташкил этилиши мумкин.

32. Қабул кассалари таркибида қимматбаҳо металлар бўлган хом ашёларни қайта ишлаш ва аффинажга юборишга мажбур.

33. Ер қаъридан фойдаланувчилар қазиб қўлга киритган қимматбаҳо металлар аралашмасининг барчасини, жумладан, соф ҳолда топилганларини ҳам қабул кассалари, харид қилиш марказлари, аффинаж корхоналар ёки қимматбаҳо металлар ва қимматбаҳо тошлардан ясалган заргарлик буюмлари ҳамда бошқа буюмларни ишлаб чиқариш ҳуқуқига эга бўлган тадбиркорлик субъектларига топширишга мажбур.

34. Қабул кассалари ер қаъридан фойдаланувчидан таркибида қимматбаҳо металл бўлган хом ашёларни қабул далолатномасини расмийлаштирган ҳолда воситачилик асосида қабул қилади.

2-§. Қабул кассаларида қимматбаҳо металларни сақлашни таъминлаш

35. Қимматбаҳо металлар ва уларнинг концентратларини сақлаш жойларида ўрнатилган сейфларда, яъни махсус жиҳозланган қабул кассаларида, мустаҳкам деворли, бетон полли, деразасиз, металлдан ясалган ёки темир билан қопланган махсус ички қулфли эшикли хоналарда амалга оширилиши керак.

36. Қабул кассаларига кириш эшиги махсус қулф билан жиҳозланган ҳамда сақлаш жойларининг эшикларидаги илгакларни ва муҳрларнинг ҳолатини кўздан кечириш имкони бўлган кўриш дарчасига эга бўлиши керак. Қабул кассаларининг эшигига киришгача ва ундан кейин пўлат симдан тайёрланган панжарали эшиклар ўрнатилади.

37. Қабул кассаларида иш столи, тушган ва жўнатиладиган металлни ўлчаш учун тарози, металл идиши ва асбобларни, бошқа ускуналарни сақлаш шкафлари ўрнатилади.

38. Қабул кассалари телефон алоқаси, камида икки поғонали қўриқлов ва ёнғин-қўриқлаш сигнализациялари ҳамда туну-кун қуролланган қўриқлов пости билан таъминланади.

39. Қабул кассаларининг деразалари металл панжаралардан иборат бўлиши керак. Қабул кассаларининг хонаси ҳамда унинг пости симсиз, ишончли ишлайдиган, бинодан ташқарига, масъул шахсларнинг доимий туну кун навбатчилик жойларига чиқарилган сигнализация билан таъминланади, масалан: милиция бўлими, идоравий ҳарбий қўриқловнинг соқчи жойи, муассаса коммутатори.

40. Алоҳида ҳолларда қимматбаҳо металларни (концентратларни) сақлаш учун сейф ўрнига ички махсус қулфлар билан жиҳозланган металл шкафларнинг ишлатилишига вақтинча йўл қўйилади.

41. Иш куни тамом бўлгандан сўнг сейфлар, қимматбаҳо металларни сақлаш жойи ҳамда қабул кассалари ёпилади, муҳрланади ва қўриқлаш учун топширилади. Хоналарни қабул қилиш ва топшириш, режимли хоналарни қўриқлаш учун қабул қилиш ва топшириш журналида расмийлаштирилади.

42. Қабул кассасига кириш учун рухсат фақат чегараланган доирадаги, рўйхати муассаса раҳбари ёки унинг режим ва қўриқлаш бўйича ўринбосари томонидан аниқланувчи шахсларга берилади. Қабул кассаси хоналарига кириш учун рухсат берилган шахсларнинг рўйхати ушбу объектнинг туну кун ишлайдиган қуролланган қўриқлаш постида бўлиши керак.

43. Таркибида қимматбаҳо металл бўлган хом ашёни қабул кассаларига етказиш ер қаъридан фойдаланувчилар томонидан амалга оширилади.

3-§. Қимматбаҳо металларни нархлаш, ҳисоблаш ва сотиб олиш тартиби

44. Қимматбаҳо металларнинг хом ашёдаги нархи шартнома асосида ер қаъридан фойдаланувчилар ва қабул кассалари томонидан хом ашёни қабул кассасига топшириш пайтида белгиланади.

Бунда, таркибида қимматбаҳо металлар бўлган қайта ишланган масса, таҳлил натижаларига кўра қимматбаҳо металлни тайёр кўринишгача ажратиб олишни ҳисобга олган ҳолда оғирлик ҳисоб-китоби тузилади.

45. Таркибида қимматбаҳо металлар бўлган хом ашё нархини ҳисоблашда қуйидаги формула қўлланади:

Хом ашё нархи қимматбаҳо металларнинг миқдори, ажратиб олиш коэффициенти ва қимматбаҳо металларнинг халқаро бозорлардаги нархи — қайта ишлаш харажатларини кўпайтириш орқали аниқланади:

Бунда, қимматбаҳо металлар миқдори — оғирлик ҳисоб-китобига кўра;

ажратиб олиш коэффициенти — хом ашёга кўра қайта ишлаш корхоналарида тасдиқланган металларни ажратиб олиш меъёрларига мувофиқ аниқланади;

қимматбаҳо металларнинг халқаро бозорлардаги нархи — қимматбаҳо металларнинг Лондон биржасидаги нархлардан келиб чиқиб (АҚШ долларида, эрталабки ўрнатилган фиксингда), металлни реализация қилиш (топшириш) санаси бўйича Ўзбекистон Республикаси Марказий банкининг расмий маълумотларига кўра чет эл валютаси курси билан сўмга қайта ҳисобланган нархда аниқланади;

қайта ишлаш харажатлари (1 граммга) — зарур бўлган фойдани ҳисобга олган ҳолда қайта ишлашга кетадиган харажатлардан келиб чиқиб қабул қилинади.

Ҳар бир қабул кассасида ушбу формула ва ҳисоб-китобларнинг намуналари ҳақидаги маълумотлар жойлаштирилиши шарт.

46. Таркибида қимматбаҳо металлар бўлган хомашё қабул кассалари, харид қилиш марказлари, аффинаж корхоналар ёки қимматбаҳо металлар ва қимматбаҳо тошлардан ясалган заргарлик буюмлари ҳамда бошқа буюмларни ишлаб чиқариш ҳуқуқига эга бўлган тадбиркорлик субъектларига топширилгандан сўнг ер қаъридан фойдаланувчи билан ҳисоб-китоб шартнома асосида 3 кундан ошмаган муддатда амалга оширилиши лозим.

4-§. Қимматбаҳо металларни қабул қилиш тартиби ва мажбуриятлар

47. Қабул кассаларига тушадиган таркибида қимматбаҳо металлар бўлган хом ашё уни топширувчи ер қаъридан фойдаланувчининг иштирокида ўлчаб олинади. Топшириш ва қабул қилиш махсус журналда топширувчи ҳамда қабул қилувчининг имзолари асосида расмийлаштирилади.

Бунда, топшириш ва қабул қилиш махсус журналининг варақлари рақамланган, тикилган ва муҳрланган бўлиши шарт.

48. Ер қаъридан фойдаланувчилардан қабул кассаларига тушувчи таркибида қимматбаҳо металлар бўлган хом ашёлар ҳисоби раҳбарнинг буйруғи асосида муайян ижрочига юклатилади (жавобгарликни юклаш ҳамда мулкка жавобгар шахснинг тегишли мажбуриятини расмийлаштириш билан).

49. Намуналарни синаш ва кимёвий таҳлилга тайёрлаш қайта ишловчи корхоналарнинг амалдаги стандартлари, йўриқномалари ҳамда синаш усулларига мувофиқ техник назорат хизмати орқали амалга оширилади.

50. Намунани кимёвий лабораторияга етказиш техник назорат хизмати назоратчиси томонидан ҳарбий қўриқчи ҳамроҳлигида амалга оширилади.

51. Марказий таҳлил лабораторияси тасдиқланган усулга асосан барча турдаги хом ашё таркибидаги қимматбаҳо металларни аниқлаш бўйича таҳлил ўтказади.

52. Таркибида олтин бўлган хом ашёни синашда уч хил намуна шаклланади: бири — қайта ишлаш корхоналар таҳлили учун; иккинчиси — ер қаъридан фойдаланувчилар учун; учинчиси эса — арбитраж учун.

53. Қабул кассасининг моддий жавобгар шахси таркибида қимматбаҳо металлар бўлган хом ашёларни келгуси қайта ишлаш ва қимматбаҳо металларни ажратиб олишга юборгунга қадар барча чора-тадбирларни кўради.

54. Қабул кассалари таркибида қимматбаҳо металлар бўлган хом ашёларни қабул қилиш, сарф қилиш ҳамда уларнинг қолдиқлари бўйича қатъий ҳисоб олиб бориш ва белгиланган муддатда инвентаризация ўтказишга мажбур.

55. Қимматбаҳо металлардан ва қимматбаҳо тошлардан заргарлик буюмларини ҳамда бошқа буюмларни ишлаб чиқариш фаолиятини бошлаганлик ҳақида хабарномага эга бўлган юридик шахслар томонидан тузилган қабул кассаларида қимматбаҳо металларни сақлаш ва қабул қилиш тартиби ва мажбуриятлари ушбу юридик шахс томонидан ишлаб чиқилади.

Шу билан бирга, қимматбаҳо металларни олтин изловчилар усулида қазиб олиш фаолияти билан шуғулланувчи тадбиркорларга қулайлик яратиш мақсадида қимматбаҳо металлардан ва қимматбаҳо тошлардан заргарлик буюмларини ҳамда бошқа буюмларни ишлаб чиқариш фаолиятини бошлаганлик ҳақида хабарномага эга бўлган юридик шахслар томонидан сайёр қабул кассалари ташкил этишга рухсат берилади.

56. Ушбу Низомнинг 35 — 42 , 45 , 50 — 54-бандларидаги қимматбаҳо металларни сақлаш, қабул қилиш тартиби ва мажбуриятлар қабул кассаларини ташкил этган ташкилотларда давлат улуши бўлган субъектларга нисбатан мажбурий ҳисобланади ва қимматбаҳо металлардан ва қимматбаҳо тошлардан заргарлик буюмларини ҳамда бошқа буюмларни ишлаб чиқариш фаолиятини бошлаганлик ҳақида хабарномага эга бўлган давлат улушига эга бўлмаган юридик шахсларга ихтиёрий равишда амал қилиш тавсия этилади.

10-боб. Қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкасидан фойдаланиш ҳуқуқини чеклаш, тўхтатиб туриш ва бекор қилиш, шунингдек, ер қаъридан фойдаланувчиларнинг қонунчилик ҳужжатлари талабларини бузганлик учун жавобгарлиги

57. Ер қаъри участкасидан фойдаланиш ҳуқуқи Ўзбекистон Республикаси «Ер ости бойликлари тўғрисида»ги Қонунида назарда тутилган ҳолларда чекланиши, тўхтатиб қўйилиши ёки муддатидан олдин бекор қилиниши мумкин.

58. Ер қаъри участкасидан фойдаланиш ҳуқуқини чеклаш, тўхтатиб қўйиш ер қаърини геологик ўрганиш, ундан фойдаланиш ва муҳофаза қилиш юзасидан давлат назорат органлари томонидан қонунчилик ҳужжатларида белгиланган тартибда амалга оширилади.

59. Ер қаъри участкасидан фойдаланиш ҳуқуқини муддатидан олдин бекор қилиш суд тартибида Ер қаъридан фойдаланиш марказининг ва бошқа давлат назорати органларининг аризалари асосида амалга оширилади.

60. Ер қаъри участкаларидан фойдаланиш ҳуқуқининг чекланиши юзага келган хавф-хатар ёки ер қаъридан фойдаланишда йўл қўйилган талаблар ва шартлар, ишларни олиб бориш меъёрлари ва қоидалари бартараф этилишигача ишларнинг чекланишига олиб келади. Бунда чекланиш муддати 3 ойдан ошмаслиги шарт.

61. Ер қаъри участкаларидан фойдаланиш ҳуқуқининг тўхтатилиши ер қаъри участкаларидан фойдаланиш билан боғлиқ бўлган барча турдаги ишлар тўхтатиб қўйилиши сабаблари бартараф этилгунига қадар амалга оширилиши тақиқланишига, бироқ 3 ойдан ошмайдиган муддатга тақиқланишига олиб келади, ускуналарни одамлар ва атроф муҳит учун хавфсиз сақлаб туришга оид ишлар бундан мустасно.

62. Қимматбаҳо металларни яшириш, шу жумладан, уни 3 ой ичида реализация қилмаслик, шунингдек, қимматбаҳо металларни олтин изловчилар усулида қазиб олиш чоғида ишларни бехатар олиб бориш талабларининг бузилиши оқибатида инсонларнинг оғир тан жароҳати олиши ёки ўлимига олиб келиши ер қаъри участкаларидан фойдаланиш ҳуқуқини муддатидан олдин бекор қилиш ва мазкур фаолият билан шуғулланишни 1 йил давомида чеклаш учун асос бўлади.

Ер қаъри участкаларидан фойдаланиш ҳуқуқи муддатидан олдин бекор қилинган кундан бошлаб 1 ой муддат давомида ушбу ер қаъри участкалари уларни рекультивация қилинмаган ҳолда электрон онлайн-аукцион савдоларига чиқарилади.

63. Ер қаъри участкаларидан фойдаланиш ҳуқуқи:

ер қаъридан фойдаланувчи 3 ой ичида ер қаъри участкасидан фойдаланишни бошламаган;

ер қаъридан фойдаланувчи томонидан ер қаъри участкасидан фойдаланишнинг асосий шартлари бузилган;

ер қаъри участкаларидан фойдаланиш билан боғлиқ ишларнинг таъсир зонасида аҳоли ҳаёти ва соғлиғига, атроф муҳитга хавф-хатарнинг мавжуд бўлиши;

Ўзбекистон Республикаси «Ер ости бойликлари тўғрисида»ги Қонунида назарда тутилган қоидаларга риоя қилинмаслиги;

агар йўл қўйилган қоидабузарликлар тизимли тавсифга эга бўлса ёки ушбу ер қаъри участкасидан фойдаланиш ҳуқуқига илгари чеклов ва (ёки) тўхтатиб туриш қўлланган ҳолатларда муддатидан олдин бекор қилиниши мумкин;

Ер қаъри участкаларидан фойдаланиш ҳуқуқи муддатидан олдин бекор қилинган кундан бошлаб 1 ой муддат давомида ушбу ер қаъри участкалари уларни рекультивация қилинмаган ҳолда электрон онлайн-аукцион савдоларига чиқарилади.

64. Ер қаъри участкасидан фойдаланиш ҳуқуқи тўхтатилганидан кейин фойдаланувчи ер қаъридан фойдаланиш чоғида бузилган ер участкаларини кейинчалик уларни фойдаланишга яроқли ҳолга келтириш ишларини (қайта тиклаш) бажаришга киришиши шарт.

11-боб. Ер қаъридан фойдаланувчилар томонидан ер участкасини рекультивация қилиш (қайта тиклаш) ва уларни маҳаллий ижро этувчи ҳокимият органларининг захира фондига қайтариш тартиби

65. Ер қаъри участкасидан фойдаланиш ҳуқуқи тугатилгандан сўнг ер қаъридан фойдаланувчилар ўз ҳисобларидан тегишли ер участкаларини рекультивация қилиш (қайта тиклаш) йўли билан кейинчалик фойдаланиш учун яроқли ҳолатга келтиришга мажбур.

66. Ер участкаларини рекультивация қилиш (қайта тиклаш) лойиҳалари Ўзбекистон Республикаси Давлат солиқ қўмитаси ҳузуридаги Кадастр агентлиги тизимидаги «Ўздаверлойиҳа» давлат илмий-лойиҳалаш институти ва унинг ҳудудий бўлинмалари томонидан 15 кун ичида амалга оширилади.

67. Бузилган ерларни рекультивация қилиш (қайта тиклаш) лойиҳаларида қуйидагилар назарда тутилади:

тупроқнинг ҳосилдор қатламининг кесиб олиниши ва махсус жойга жойлаштирилиши (сақланиши);

тошлоқ ва заҳарли жинсларни потенциал ҳосилдор тупроқлардан ажратиш мақсадида ер қаъри юзини очишдаги қатлам жинсларининг селектив ишланиши;

заҳарли жинслар кўмилишини таъминлайдиган ағдарилган тупроқ қатламларини шакллантириш;

ўпирилган жойларни тўлдириш;

ер қаъри участкасидан фойдаланиш тугаган майдонларнинг нишабликда текисланиши;

тупроқ қатламининг текисланган юзаси қирқиш чуқурлигига тенг ёки потенциал ҳосилдорлик даражасидан кам бўлмаган миқдорда ётқизилиши;

қияликлар (ён бағирлар)ни мустаҳкамлаш бўйича махсус тадбирларни амалга ошириши;

рекультивация қилиш (қайта тиклаш)ни амалга ошириш жараёнида ва у якунлангандан сўнг ишчилар ва аҳоли хавфсизлигини таъминлаш чоралари.

68. Бузилган ерларни рекультивация қилиш (қайта тиклаш) лойиҳаларининг амалга оширилиши юзасидан лойиҳачи томонидан муаллифлик назорати олиб борилади.

Ер участкаларини рекультивация қилиш (қайта тиклаш) ишлари тегишли лойиҳалар билан кўзда тутилган муддатларда бажарилади. Бунда ер участкаларини рекультивация қилиш (қайта тиклаш) ишларининг муддати 3 ойдан ошмаслиги шарт.

Ердан фойдаланган юридик ёки жисмоний шахслар ҳисобидан бузилган ерларда рекультивация қилиш (қайта тиклаш) лойиҳалари асосида ишлар амалга оширилгандан сўнг ваколатли органларнинг тегишли тартибдаги қарорларига асосан маҳаллий ижро этувчи ҳокимият органларининг захира ер фондига қайтарилади.

12-боб. Якунловчи қоида

69. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисида Низомга 1-ИЛОВА

Қимматбаҳо металларни олтин изловчилар усулида қазиб олиш учун берилаётган ер қаъри участкаларидан фойдаланиш ҳуқуқи электрон онлайн-аукцион орқали бериш

Босқичлар Субъектлар Тадбирлар Муддатлар 1-босқич (тайёргарлик босқичи) Ер қаъридан фойдаланиш маркази Қимматбаҳо металларни олтин изловчилар усулида қазиб олиш учун бериладиган ер қаъри участкалари рўйхатини тасдиқлайди. Ҳар йили Ер қаъридан фойдаланиш маркази Ер қаъридан фойдаланиш ҳуқуқини аукционда реализация қилиш учун буюртмаларни «Электрон онлайн-аукционларни ташкил этиш маркази» давлат унитар корхонасига (операторга) тақдим этади. Тайёр бўлиши билан Оператор Аукцион ўтказилиш тўғрисидаги хабарномани ўз веб-порталида жойлаштиради. Буюртма олинган кундан бошлаб 2-босқич (аукцион ўтказиш босқичи) Юридик ва жисмоний шахслар Аукционда иштирок этиш учун электрон шаклда ариза топширади, унда лот рақами ва ер қаъри участкаси номини кўрсатади. 30 кун мобайнида Оператор Лот бўйича электрон аукцион савдолари ўтказилади. 1 иш куни мобайнида Аукцион ғолиби Аукционда ғолиб бўлиш учун таклиф этилган суммани 100 фоиз тўлайди. Сотилган объектнинг қиймати БХМнинг 5 минг бараваригача бўлганда, 10 иш куни, 5 минг бараварига тенг ёки ундан ортиқ бўлганда 15 иш куни мобайнида тўлайди 3-босқич (рухсатнома бериш босқичи) Оператор Аукцион ғолиби (захирадаги ғолиб) томонидан сотиб олиш тўловлари тўлиқ тўлангандан сўнг аукцион ғолибига баённома расмийлаштиради ҳамда мазкур баённомани ва у томонидан имзоланган ер қаъридан фойдаланиш шартларини аукцион ғолибининг ва Ер қаъридан фойдаланиш марказининг шахсий кабинетига электрон шаклда юборади. 1 иш куни мобайнида Ер қаъридан фойдаланиш маркази Баённома асосида Ер қаъри участкаларидан фойдаланиш ҳуқуқи учун тегишли рухсатномани, ЭРИ билан имзоланган ва QR-код (матрик штрихли код) билан расмийлаштирилган ҳолда, «E-auksion» электрон савдо платформаси орқали Операторга юборади. 1 иш куни мобайнида Оператор Аукцион ғолибига расмийлаштирилган рухсатномани шахсий кабинетига юборади. 1 иш куни мобайнида

Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисида Низомга 2-ИЛОВА

‎ ‎‎OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI ‎ ‎ ‎‎Qimmatbaho metallarni oltin izlovchilar usulida qazib olishda ‎ yer qaʼri uchastkasidan foydalanish huquqi uchun ‎ ‎RUXSATNOMA ‎ ‎ ‎ ‎ ‎‎SERIYASI ‎ ‎ ‎ ‎ ‎ ‎‎TARTIB RAQAMI ‎ ‎ ‎‎Ruxsatnoma___________________________________________________________________________________________________________________________________________________________________ ga berildi. ‎‎(ushbu ruxsatnomani olgan yuridik yoki jismoniy shaxs) ‎ ‎ ‎ ‎ ‎‎Ruxsatnoma qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkasidan foydalanish huquqini tasdiqlaydi. ‎ Yer qaʼri uchastkasining nomi (yoki raqami) __________________________________________________________‎‎ ‎‎Yer qaʻri uchastkasi ____________________________________________________________________________ ‎________________________________________________________________________________ da joylashgan. ‎‎(Qoraqalpogʻiston Respublikasi yoki viloyat tumani, aholi punkti nomi)‎ ‎ ‎ ‎ ‎‎Ruxsatnoma berish uchun asos____________________________________________________________________ ‎‎____________________________________________________________________________________________ ‎‎(tegishli hujjatning turi, nomi, tartib raqami va qabul qilingan sanasi) ‎‎Yer qaʻri uchastkasining maydoni __________________________________________________________________ ‎ ‎ ‎ ‎ ‎ ‎ ‎‎(gektarda, son va soʻz bilan)‎ ‎ ‎‎Ruxsatnomaning amal qilish muddati ________________________________________________________________ ‎ ‎ ‎ ‎ ‎ ‎ ‎‎(kun, oy, yil) Quyidagilar ruxsatnomaning ajralmas qismi hisoblanadi:‎‎ ‎‎Yer qaʻridan foydalanish shartlari __________________________________________________________________ ‎ ‎ ‎ ‎ ‎ ‎ (ilovaning tartib raqamlari, varaqalar soni)‎‎ ‎‎Yer qaʻri uchastkasining geografik koordinatali nuqtalari _________________________________________________ ‎____________________________________________________________________________________________ ‎ Ruxsatnoma berilgan sana ___________ y. «______» ___________________‎‎ ‎ ‎‎ ‎‎‎‎QR-код ‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(Ruxsatnoma uning ajralmas tarkibiy qismi hisoblangan zarur ilovalar mavjud boʻlgan taqdirda haqiqiy hisoblanadi)

Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисида Низомга 3-ИЛОВА

Қимматбаҳо металларни олтин изловчилар усулида қазиб олиш фаолиятини амалга ошириш учун рухсатнома

1. Рухсат этиш хусусиятига эга ҳужжатнинг номи: Қимматбаҳо металларни олтин изловчилар усулида қазиб олиш фаолиятини амалга ошириш учун рухсатнома 2. Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар): Қимматбаҳо металларни олтин изловчилар усулида қазиб олиш фаолиятини амалга ошириш 3. Ариза берувчилар тоифаси: Ўзбекистон Республикаси резидентлари, хусусан Ўзбекистон Республикаси фуқароси бўлган якка тартибдаги тадбиркор мақомига эга жисмоний шахслар ҳамда устав капитали (жамғармаси)да Ўзбекистон Республикаси фуқароси бўлган жисмоний шахснинг улуши 70 ва ундан ортиқ фоизга эга бўлган юридик шахслар. 4. Рухсат этиш тартиб-таомиллари соҳасидаги ваколатли орган: Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси 5. Рухсат этиш хусусиятига эга ҳужжатни олиш учун тақдим қилинадиган ҳужжатлар: Аукцион савдолари натижалари бўйича баённома асосида рухсатнома берилади 6. Аризани кўриб чиқиш учун тўланадиган йиғим миқдори: Йиғим ундирилмайди 7. Рухсат этиш хусусиятига эга ҳужжат берилганлиги учун ундириладиган йиғим миқдори: Йиғим ундирилмайди 8. Аризани кўриб чиқиш муддати: 3 кун 9. Рухсат этишга оид талаб ва шартлар: Қимматбаҳо металларни олтин изловчилар усулида қазиб олишнинг рухсат этилган усуллари ва воситалари, шунингдек, фойдаланиладиган асбоб-ускуналар, механизмлар ва техникага қўйиладиган талаблар; қазиб олинган қимматбаҳо металларга эгалик қилиш ҳуқуқи; ер қаъри участкаларидан фойдаланишнинг чекланиши, тўхтатиб қўйилиши ёки муддатидан олдин тўхтатилиши мумкин бўлган шартлар; ер қаъри участкасидан фойдаланиш ҳуқуқи тугатилгандан сўнг ер қаъридан фойдаланувчилар зиммасига ер қаъри участкаларини рекультивация қилиш ва уларни кейинчалик фойдаланиш учун яроқли ҳолатга келтириш. 10. Рухсат этиш хусусиятига эга ҳужжатни беришда келишиладиган органлар: Мавжуд эмас 11. Рухсат этиш хусусиятига эга ҳужжатнинг амал қилиш муддати: 3 йил 12. Изоҳ: Қимматбаҳо металларни олтин изловчилар усулида қазиб олиш фаолиятини амалга ошириш учун ишончли, аниқ контурлари ва чегаралари кўрсатилган ер қаъри участкалари ва майдонлари, шу жумладан, ўлчамлари 5 гектаргача бўлган сочма олтин конлари берилади. Қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқи учун рухсатномаларга фақат Ўзбекистон Республикаси резидентлари, хусусан Ўзбекистон Республикаси фуқароси бўлган якка тартибдаги тадбиркор мақомига эга жисмоний шахслар ҳамда устав капитали (жамғармаси)да Ўзбекистон Республикаси фуқароси бўлган жисмоний шахснинг улуши 70 ва ундан ортиқ фоизга эга бўлган юридик шахслар талабгор бўлиши мумкин. Бунда битта талабгорга рухсатнома асосида берилган ер қаъри участкаларининг умумий майдони йил давомида 20 гектардан ошмаслиги лозим. Рухсатномани ёки ер қаъри участкасидан (тўлиқ ёки қисман) фойдаланиш ҳуқуқини учинчи шахсга бериш (топшириш), шунингдек, битта ер қаъри участкасидан фойдаланиш ҳуқуқига рухсатномани бир неча шахсга беришга йўл қўйилмайди.

Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисида Низомга 4-ИЛОВА

«Лицензия» ахборот тизими орқали қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкасидан фойдаланиш ҳуқуқига оид рухсатномани қайта расмийлаштириш учун

1.1. Давлат рўйхатидан ўтганлиги тўғрисидаги гувоҳномага мувофиқ тўлиқ номи: (юридик шахслар учун) 1.2. Ф.И.О. (жисмоний шахслар учун) 2. Манзили, телефон рақами, электрон почтаси: 3. Ер қаъри участкасидан фойдаланиш ҳуқуқи учун рухсатномани қайта расмийлаштириш сабаблари: 4. Аризани кўриб чиқиш учун базавий ҳисоблаш миқдорининг икки баробар миқдоридаги тўлов.

Вазирлар Маҳкамасининг 2022 йил 25 мартдаги 133-сон қарорига 4-ИЛОВА

Ер қаъри бўйича геологик материалларнинг лойиҳа-смета ҳужжатларининг давлат экспертизаси хулосасини беришнинг

1-боб. Умумий қоидалар

1. Ушбу Регламент юридик шахсларга ер қаъри бўйича геологик материалларнинг лойиҳа-смета ҳужжатларининг давлат экспертизаси хулосасини (кейинги ўринларда — эксперт хулосаси) «Лицензия» ахборот тизими ёки Ягона интерактив давлат хизматлари портали (кейинги ўринларда — ЯИДХП) орқали бериш тартибини белгилайди.

2. Ушбу Регламентнинг асосий мақсади лойиҳа-смета ҳужжатларини тасдиқлаш ва кейинчалик Давлат геология фондидан рўйхатдан ўтказиш учун эксперт хулосасини бериш билан боғлиқ жараёнлар ва тартибларни соддалаштиришдан иборат.

3. Ушбу Регламентда қуйидаги асосий тушунчалар қўлланилади:

ариза берувчи — эксперт хулосасини олиш учун электрон ариза берган юридик шахс;

геологик топшириқ — геология қидирув ишларини лойиҳалаштириш ва натижаларини қабул қилиш учун асосий ҳужжат ҳисобланиб, унда ишни ташкил қилиш ва режалаштириш, фойдали қазилма тури, ҳудуднинг номи ва жойлашган жойи, ишнинг номи, геологик топшириқлар учун асос, ишнинг мақсади, ҳудуднинг чегаралари, асосий прогноз параметрлари, геологик вазифаларнинг кетма-кетлиги ва уларни ҳал қилишнинг асосий усуллари, кутилаётган натижалар ва ишнинг бажарилиш муддатлари кўрсатилади;

техник топшириқ — буюртмачи ёки инвестор томонидан пудратчига муҳандислик-геологик тадқиқотлар ўтказиш учун бериладиган ҳужжат бўлиб, турли хилдаги участкаларда фойдали қазилмаларни қидириш, лойиҳани бошлаш учун ишчи ҳужжатлар лойиҳасини яратиш ва расмийлаштиришни ўз ичига олади.

4. Эксперт хулосаси Ўзбекистон Республикаси Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси (кейинги ўринларда — Ер қаъридан фойдаланиш маркази) томонидан «Лицензия» ахборот тизими ёки ЯИДХП орқали берилади.

5. Эксперт хулосасининг амал қилиш муддати геологик ёки техник топшириққа мувофиқ тузилган лойиҳада кўрсатилган давр учун берилади.

6. Эксперт хулосаси мазкур Регламентга 1-иловага мувофиқ схема асосида берилади.

Ер қаъри бўйича геологик материалларнинг лойиҳа-смета ҳужжатларининг давлат экспертизаси хулосасини бериш 2-иловага мувофиқ тасдиқлансин.

2-боб. Эксперт хулосасини бериш тартиби

7. Эксперт хулосасини олиш учун ариза берувчи Ер қаъридан фойдаланиш марказига «Лицензия» ахборот тизими ёки ЯИДХП орқали лойиҳа-смета ҳужжатларининг электрон шаклини геологик экспертиза текширувидан ўтказиш учун тақдим этади.

Минерал хом ашё базасини ривожлантириш ва қайта тўлдириш давлат дастурлари доирасида геологик лойиҳа-смета ҳужжатлари бўйича эксперт хулосасини олиш учун Ер қаъридан фойдаланиш марказига тўғридан-тўғри мурожаат қилади.

Геология қидирув ишлари ва углеводород хом ашё учун нефть қудуқларини бурғилаш лойиҳаси ва сметаси ҳамда илмий-тадқиқот, тажриба-методик ва тажриба-конструктор ишлари дастурлари тақдим этилади.

8. Лойиҳа-смета ҳужжатлари ариза берувчи томонидан электрон рақамли имзо билан тасдиқланган бўлиши керак.

9. Лойиҳага қуйидагилар илова қилиниши керак:

тасдиқланган геологик ёки техник топшириқ;

корхона раҳбари томонидан тасдиқланган корхона илмий кенгашининг баённомаси;

лойиҳанинг «Меҳнатни муҳофаза қилиш ва техника хавфсизлиги чоралари бўлимлари»;

график иловалар.

10. Сметага қуйидагилар илова қилиниши керак:

ходимларнинг иш ҳақи ставкаси бўйича сарфларнинг тўлиқ шакли маълумотномаси;

транспорт харажатлари ва дала ишлари харажатлари тўғрисида маълумотнома;

харажатлар даври коэффициенти ва стандарт фойда (10 фоизи);

бошқа ишлаб чиқариш харажатлари коэффициенти;

жорий йил учун геология қидирув ишлари дастури.

11. Ер қаъридан фойдаланиш марказига юридик шахслар томонидан тақдим қилинган лойиҳа-смета ҳужжатларига эксперт хулосасини бериш шартнома асосида амалга оширилади.

Бунда битта лойиҳанинг экспертизаси учун харажатлар лойиҳанинг бир фоизгача бўлган қийматида ҳисобланади. Ушбу қиймат шартнома асосида тўлиқ Ер қаъридан фойдаланиш марказининг ҳисобварағига ўтказилади.

Экспертиза хулосасини беришдан тушган маблағлар Ер қаъридан фойдаланиш марказининг моддий-техник базасини мустаҳкамлаш, ишчи-ходимларини рағбатлантириш ва уларнинг малакасини оширишга мақсадли йўналтирилади.

Давлат хизматларини кўрсатиш учун базавий ҳисоблаш миқдорининг 30 фоизи миқдорида йиғим ундирилади.

Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;

11,25 фоизи Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.

Ер қаъридан фойдаланиш маркази етти кун муддатда шартномани ариза берувчига «Лицензия» ахборот тизими орқали тақдим этади.

Ариза берувчи ўн кун муддатда шартномада кўрсатилган пул маблағини Ер қаъридан фойдаланиш марказининг ҳисобварағига ўтказади ва ўтказилганлигини тасдиқловчи ҳужжатни «Лицензия» ахборот тизими орқали тақдим қилади.

12. Ер қаъридан фойдаланиш маркази беш кун муддатда лойиҳа-смета ҳужжатлари лойиҳасини Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекциясига келишиш учун «Лицензия» ахборот тизими орқали юборади.

Тоғ-кон, геология ва саноат хавфсизлигини назорат қилиш инспекцияси уч кун муддатда лойиҳа-смета ҳужжатлари лойиҳасини кўриб чиқади ва келишилган лойиҳани «Лицензия» ахборот тизими орқали Ер қаъридан фойдаланиш марказига юборади.

Ер қаъридан фойдаланиш маркази беш кун муддатда лойиҳа-смета ҳужжатларини кўриб чиқади ва натижаси бўйича ариза берувчига эксперт хулосасини «Лицензия» ахборот тизими ёки ЯИДХП орқали юборади.

13. Экспертизага юборилган лойиҳа-смета ҳужжатларида камчиликлар бўлган тақдирда, бу ҳақида ариза берувчига «Лицензия» ахборот тизими ёки ЯИДХП орқали хабар берилади. Камчиликлар бартараф этилгандан кейин лойиҳа-смета ҳужжатлари Ер қаъридан фойдаланиш марказига «Лицензия» ахборот тизими ёки ЯИДХП орқали тақдим этилади. Лойиҳа экспертиза қилиш учун қабул қилинган сана лойиҳа-смета ҳужжатлари қабул қилинган сана ҳисобланади.

14. Лойиҳа-смета ҳужжатлари кўриб чиқиш жараёнида аниқланган ва етишмаётган маълумотлар кўрсатилган ҳолда бошқа ҳужжатлар билан 10 кун ичида «Лицензия» ахборот тизими ёки ЯИДХП орқали Ер қаъридан фойдаланиш марказига тақдим этилиши керак.

15. Ҳудуднинг лойиҳа-смета ҳужжатларини кўриб чиқиш муддати унинг мураккаблиги ва ҳажмига қараб белгиланади, бироқ ушбу муддат лойиҳа-смета ҳужжатлари олинган кундан бошлаб 30 кундан ошмаслиги керак.

16. Лойиҳа-смета ҳужжатларини кўриб чиқиш натижалари асосида эксперт хулосаси расмийлаштирилади.

Эксперт хулосаси ариза берувчига «Лицензия» ахборот тизими ёки ЯИДХП орқали юборилади.

17. Агар тақдим этилган лойиҳа-смета ҳужжатлари Ер қаъридан фойдаланиш маркази томонидан тасдиқланган йўриқнома ва смета нормалар тўпламларига мувофиқ тайёрланмаган, ҳужжатларнинг сифати қониқарсиз бўлса, лойиҳа-смета ҳужжатлари қайта кўриб чиқиш учун ариза берувчига дастлабки эксперт хулосаси асосида қайтарилади.

18. Дастлабки эксперт хулосасида камчиликларнинг моҳияти кўрсатилади. Экспертиза хулосаларидан келиб чиқиб ариза берувчи зарур ўзгартириш ва қўшимчаларни киритади ва лойиҳа-смета ҳужжатларини қайта кўриб чиқиш учун «Лицензия» ахборот тизими орқали тақдим этади.

19. Ер қаъридан фойдаланиш маркази 15 кун ичида лойиҳа-смета ҳужжатларига киритилган ўзгартиш ва қўшимчаларни кўриб чиқади, якуний эксперт хулосасини тузади ва ушбу лойиҳа ариза берувчининг ўзларининг Илмий-техник кенгаши бўлимида муҳокама қилиниб тасдиқланади.

20. Ариза берувчининг лойиҳа-смета ҳужжатлари экспертизаси натижаларидан келиб чиқадиган баҳсли масалалар Ер қаъридан фойдаланиш марказининг тегишли бўлимларида кўриб чиқилади.

21. Баҳсли масалаларни кўриб чиқиш натижалари Ер қаъридан фойдаланиш марказининг илмий-техник кенгаши бўлимининг баённомалари билан расмийлаштирилади. Ер қаъридан фойдаланиш маркази илмий-техник кенгаши бўлими қарорининг ижроси муаллифлар ва экспертлар учун мажбурийдир.

22. Учинчи томон ташкилотларининг лойиҳа-смета ҳужжатлари экспертизаси натижаларидан келиб чиқадиган баҳсли масалалар Ер қаъридан фойдаланиш маркази илмий-техник кенгашининг қўшма мажлисида кўриб чиқилади. Қўшма йиғилиш қарори ижроси ҳар икки томон учун ҳам мажбурийдир.

23. Ер қаъридан фойдаланиш маркази илмий-техник кенгаши қўшма мажлисининг қарори ҳисобга олинган ҳолда эксперт хулосаси қайта кўриб чиқилиши мумкин.

3-боб. Эксперт хулосасини бериш талаблари ва шартлари

24. Лойиҳа-смета ҳужжатлари лойиҳалари Тоғ-кон саноати ва геология вазирлиги томонидан тасдиқланадиган Геология-қидирув ишларига лойиҳа ва сметалар тузиш бўйича йўриқнома, Геология қидирув учун смета нормалари тўпламлари ва бошқа норматив-техник ҳужжатларга мувофиқ тузилиши керак.

25. Нефть ва газ қудуқлари қурилишининг лойиҳа-смета ҳужжатлари Энергетика вазирлиги ва «Ўзбекнефтгаз» АЖ томонидан тасдиқланадиган норматив-техник ҳужжатларга мувофиқ тузилиши керак.

26. Қидирув харажатларини ҳисоблаш Тоғ-кон саноати ва геология вазирлиги томонидан тасдиқланадиган лойиҳа-смета ҳужжатлари Қидирув харажатларини амалдаги нархларда ҳисоблаш тартиби тўғрисидаги йўриқнома, Қидирув харажатларини жорий нархларда ҳисоблаш тартиби тўғрисидаги йўриқнома ва бошқа норматив-техник ҳужжатларга мувофиқ амалга оширилиши керак.

27. Лойиҳа-смета ҳужжатларининг смета қиймати Тоғ-кон саноати ва геология вазирлиги томонидан тасдиқланадиган смета нархлари тўпламида назарда тутилган Геология қидирув ишлари нархларини жорий нархларда ҳисоблашнинг автоматлаштирилган дастурлари методик қўлланмасига ва бошқа норматив-техник ҳужжатларга асосан ҳисобланади.

28. Смета нархларининг тўпламида кўзда тутилмаган ишларнинг қийматлари смета ва молиявий ҳисоб-китоб бўйича ҳисобланади.

29. Агар нефть қудуқларини қуриш лойиҳалари учун смета ҳужжатларини ишлаб чиқишга ҳожат бўлмаса (қарор буюртмачи томонидан белгиланган тартибда қабул қилинади), иш лойиҳасини экспертиза ўтказиш учун смета ҳисобисиз тақдим этишга рухсат берилади.

30. Ер қаъридан фойдаланиш маркази томонидан тасдиқланган йўриқнома ва смета нормалар тўпламлари Ер қаъридан фойдаланиш марказининг расмий веб-сайтида жойлаштирилади.

31. Лойиҳа-смета ҳужжатлари Ўзбекистон Республикаси Тоғ-кон саноати ва геология вазирлиги томонидан ҳудуд учун тасдиқланган геологик, техник топшириққа, тадқиқотнинг мукаммаллигига (топшириқни бажариш учун зарур бўлган барча турдаги ишлар киритилиши), бошқа йўриқнома ва норматив ҳужжатлар талабларига мувофиқлигини аниқлаш ҳамда илгари бажарилган ишлар такрорланишининг олдини олиш учун кўриб чиқилади.

4-боб. Якунловчи қоидалар

32. Ариза берувчилар тайёрлаган ва Ер қаъридан фойдаланиш марказига тақдим этилган лойиҳа-смета ҳужжатларининг ишончлилиги ва қонунчилик ҳужжатларига мослиги учун жавобгардирлар.

33. Ушбу Регламентнинг талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ер қаъри бўйича геологик материалларнинг лойиҳа-смета ҳужжатларининг давлат экспертизаси хулосасини бериш маъмурий Регламентига 1-ИЛОВА

Геологик лойиҳаларни экспертизадан ўтказиш

Босқичлар Субъектлар Тадбирлар Муддатлари 1-босқич Ариза берувчи Ер қаъридан фойдаланиш марказига «Лицензия» ахборот тизими орқали лойиҳа-смета ҳужжатларини геологик экспертиза текширувидан ўтказиш учун тақдим этади. Хоҳишга кўра 2-босқич Ер қаъридан фойдаланиш маркази Шартномани ариза берувчига «Лицензия» ахборот тизими ёки ЯИДХП орқали тақдим этади. 7 кун 3-босқич Ариза берувчи Шартномада кўрсатилган пул маблағини Ер қаъридан фойдаланиш марказининг ҳисоб варағига ўтказади ва ўтказилганлигини тасдиқловчи ҳужжатни «Лицензия» ахборот тизими ёки ЯИДХП орқали маълум қилади. 10 кун 4-босқич Ер қаъридан фойдаланиш маркази Геологик қидирув ишлари лойиҳасини Инспекцияга келишиш учун «Лицензия» ахборот тизими ёки ЯИДХП орқали юборади. 5 кун 5-босқич Инспекция Геологик қидирув ишлари лойиҳасини кўриб чиқади ва келишилган лойиҳани «Лицензия» ахборот тизими ёки ЯИДХП орқали Ер қаъридан фойдаланиш марказига юборади. 3 кун 6-босқич Ер қаъридан фойдаланиш маркази Геологик қидирув ишлари лойиҳа-сметасини кўриб чиқиш натижалари бўйича ариза берувчига эксперт хулосасини «Лицензия» ахборот тизими ёки ЯИДХП орқали юборади. 5 кун

Ер қаъри бўйича геологик материалларнинг лойиҳа-смета ҳужжатларининг давлат экспертизаси хулосасини бериш маъмурий Регламентига 2-ИЛОВА

Ер қаъри бўйича геологик материалларнинг лойиҳа-смета ҳужжатларининг давлат экспертизаси хулосасини бериш

1. Рухсат этиш хусусиятига эга ҳужжатнинг номи: Ер қаъри бўйича геологик материалларнинг лойиҳа-смета ҳужжатларининг давлат экспертизаси хулосасини бериш 2. Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар): Ер қаъри участкаларида геологик ишларни амалга ошириш 3. Ариза берувчилар тоифаси: Юридик шахс 4. Рухсат этиш тартиб-таомиллари соҳасидаги ваколатли орган: Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси 5. Рухсат этиш хусусиятига эга ҳужжатни олиш учун тақдим қилинадиган ҳужжатлар: Ер қаъри бўйича геологик материалларнинг лойиҳа-смета ҳужжатлари. а) лойиҳага қуйидагилар илова қилиниши керак: тасдиқланган геологик ёки техник топшириқ; корхона раҳбари томонидан тасдиқланган корхона илмий кенгашининг баённомаси; лойиҳанинг «Меҳнатни муҳофаза қилиш ва техника хавфсизлиги чоралари бўлимлари»; график иловалар. б) Сметага қуйидагилар илова қилиниши керак: ходимларнинг иш ҳақи ставкаси бўйича сарфларнинг тўлиқ шакли маълумотномаси; транспорт харажатлари ва дала ишлари харажатлари тўғрисида маълумотнома; харажатлар даври коэффициенти ва стандарт фойда (10 фоизи); бошқа ишлаб чиқариш харажатлари коэффициенти; жорий йил учун геология қидирув ишлари дастури. 6. Аризани кўриб чиқиш учун ундириладиган йиғим миқдори: Базавий ҳисоблаш миқдорининг 30 фоизи . 7. Рухсат этиш хусусиятига эга ҳужжат берилганлиги учун ундириладиган йиғим миқдори: Лойиҳанинг бир фоизгача бўлган қиймати. Ушбу қиймат шартнома асосида тўлиқ Ер қаъридан фойдаланиш марказининг ҳисоб варағига ўтказилади. 8. Аризани кўриб чиқиш муддати: 30 кун 9. Рухсат этишга оид талаб ва шартлар: Лойиҳа-смета ҳужжатлари лойиҳалари Тоғ-кон саноати ва геология вазирлиги томонидан тасдиқланадиган Геология-қидирув ишларига лойиҳа ва сметалар тузиш бўйича йўриқнома, Геология қидирув учун смета нормалар тўпламлари ва бошқа норматив-техник ҳужжатларга мувофиқ тузилиши керак. Нефть ва газ қудуқлари қурилишининг лойиҳа-смета ҳужжатлари Энергетика вазирлиги ва «Ўзбекнефтгаз» АЖ томонидан тасдиқланадиган норматив-техник ҳужжатларга мувофиқ тузилиши керак . Қидирув харажатларини ҳисоблаш Тоғ-кон саноати ва геология вазирлиги томонидан тасдиқланадиган лойиҳа-смета ҳужжатлари Қидирув харажатларини амалдаги нархларда ҳисоблаш тартиби тўғрисидаги йўриқнома, Қидирув харажатларини жорий нархларда ҳисоблаш тартиби тўғрисидаги йўриқнома ва бошқа норматив-техник ҳужжатларга мувофиқ амалга оширилиши керак . Лойиҳа-смета ҳужжатларининг смета қиймати Тоғ-кон саноати ва геология вазирлиги томонидан тасдиқланадиган смета нархлари тўпламида назарда тутилган Геология қидирув ишлари нархларини жорий нархларда ҳисоблашнинг автоматлаштирилган дастурлари методик қўлланмасига ва бошқа норматив-техник ҳужжатларга асосан ҳисобланад и. 10. Рухсат этиш хусусиятига эга ҳужжатни беришда келишиладиган органлар: Мавжуд эмас 11. Рухсат этиш хусусиятига эга ҳужжатнинг амал қилиш муддати: Эксперт хулосасининг амал қилиш муддати геологик ёки техник топшириққа мувофиқ тузилган лойиҳада кўрсатилган давр учун берилади 12. Изоҳ: Тоғ-кон саноати ва геология вазирлиги томонидан тасдиқланган йўриқнома ва смета нормалар тўпламлари Тоғ-кон саноати ва геология вазирлигининг расмий веб-сайтида жойлаштирилади. Лойиҳа-смета ҳужжатлари Тоғ-кон саноати ва геология вазирлиги томонидан ҳудуд учун тасдиқланган геологик, техник топшириққа, тадқиқотнинг мукаммаллигига (топшириқни бажариш учун зарур бўлган барча турдаги ишлар киритилиши), бошқа йўриқнома ва норматив ҳужжатлар талабларига мувофиқлигини аниқлаш ҳамда илгари бажарилган ишлар такрорланишининг олдини олиш учун кўриб чиқилади.

Вазирлар Маҳкамасининг 2022 йил 25 мартдаги 133-сон қарорига 5-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2011 йил 25 майдаги 146-сон қарорига 2-иловага мувофиқ тасдиқланган Ер участкалари эгалари, фойдаланувчилари, ижарачилари ва мулкдорларига етказилган зарарлар, қишлоқ хўжалиги ва ўрмон хўжалиги ишлаб чиқариши нобудгарчиликларига, шунингдек, ерларнинг қишлоқ хўжалиги муомаласидан чиқишига сабаб бўлган ҳолларда етказилган зарар ўрнини қоплаш тартиби тўғрисидаги низомнинг 18-бандида :

қуйидаги мазмундаги ўнинчи хатбоши қўшилсин:

«ер қаъри участкаларида геологик қидирув ишларини амалга ошириш»;

ўнинчи — ўн иккинчи хатбошилар тегишинча ўн биринчи — ўн учинчи хатбошилар деб ҳисоблансин.

4. Вазирлар Маҳкамасининг 2018 йил 23 майдаги 388-сон қарори билан тасдиқланган Ўзбекистон Республикаси Давлат геология ва минерал ресурслар қўмитаси ҳузуридаги Фойдали қазилмалар захиралари бўйича давлат комиссияси тўғрисидаги низомда :

а) 1-банди қуйидаги таҳрирда баён этилсин:

«1. Ушбу Низом юридик шахслар томонидан тақдим этилган фойдали қазилмалар захираларини ҳисоблаб чиқишга оид материалларни (якуний геологик ҳисобот) Ўзбекистон Республикаси Давлат геология ва минерал ресурслар қўмитаси ҳузуридаги Фойдали қазилмалар захиралари бўйича давлат комиссиясида (кейинги ўринларда Давлат комиссияси деб аталади) экспертизадан ўтказиб, натижада баённомани «Лицензия» ахборот тизими ёки Ўзбекистон Республикаси Ягона интерактив давлат хизматлари портали орқали (кейинги ўринларда ЯИДХП деб аталади) бериш тартибини, шунингдек, Давлат комиссиясининг асосий вазифалари, функциялари, ҳуқуқлари, жавобгарлиги ва фаолиятининг ташкилий асосларини белгилайди»;

б) 6-банд «б» кичик бандининг тўртинчи хатбошидаги «лицензия» сўзи «рухсатнома» сўзи билан алмаштирилсин.

в) қуйидаги мазмундаги 28-банд қўшилсин:

«28. Давлат комиссиясининг 5 та ҳудудий захиралар комиссияси (кейинги ўринларда ҲЗК деб аталади) мавжуд. ҲЗК кенг тарқалган фойдали қазилмалар геологик материалларини кўриб чиқади ва уларнинг захираларини белгиланган тартибда тасдиқлайди.

Қуйидагилар ҲЗКнинг асосий вазифалари ҳисобланади:

ер қаъридан фойдаланувчиларнинг ўз маблағлари ҳисобидан геология қидирув ишларини олиб боришда аниқланган, кенг тарқалган фойдали қазилмалар захираларини ҳисоблаш учун геологик материаллар ва кондицияларни кўриб чиқиш;

фойдали қазилмалар захираларини ҳисоблаш кондицияларни тасдиқлаш;

ер қаъридан фойдаланувчиларнинг ўз маблағлари ҳисобидан геология қидирув ишларини амалга оширишда аниқланган ва кенг тарқалган фойдали қазилмалар захираларини тасдиқлаш.

ҲЗКнинг низоми ва таркиби Давлат комиссиясининг раиси томонидан тасдиқланади.

ҲЗКга кўриб чиқиш учун тақдим этилган минерал-хом ашё кондициялари, фойдали қазилмалар захираларини ҳисоблаш учун материаллар ва бошқа геологик материаллар лойиҳалари Давлат комиссияси экспертлари томонидан экспертизадан ўтказилади.

ҲЗК тегишли бланкалардан фойдаланади. ҲЗК баённомалари уларнинг муҳри билан тасдиқланади»;

г) қуйидаги мазмундаги 5-боб қўшилсин:

«5-боб. Давлат комиссиясининг баённомасини тақдим этиш тартиби

29. Давлат комиссиясининг баённомасини олиш учун ариза берувчи Давлат геология қўмитасига «Лицензия» ахборот тизими ёки ЯИДХП орқали ҳисоботнинг электрон шаклини Давлат комиссиясида кўриб чиқиш учун тақдим этади.

Давлат комиссиясининг баённомаси ушбу Низомга 1-иловага мувофиқ схема бўйича тақдим этилади.

Давлат комиссиясининг баённомасини тақдим этиш паспорти 2-иловага мувофиқ тасдиқлансин.

30. Ҳисобот ариза берувчи томонидан электрон рақамли имзо билан тасдиқланган бўлиши керак.

31. Материалларнинг тузилиш шакли, уларни текшириш, зарур бўлганда захираларни муаллифларнинг иштирокисиз қайта ҳисоблаш имконини таъминлаши керак.

32. Ҳисоботнинг матнли қисми қуйидагилардан тузилган бўлиши керак:

кириш;

коннинг геологик тузилиши;

геология-қидирув ишларининг услуби, уларнинг самарадорлигини баҳолаш;

фойдали қазилмаларнинг моддий таркиби ва технологик хусусиятлари;

конни ўзлаштиришнинг гидрогеологик шароитлари;

конни ўзлаштиришнинг тоғ-кон-геологик шарт-шароитлари ва кон-техник ўзига хослиги;

бирга учрайдиган фойдали қазилмалар;

атроф муҳитни муҳофаза қилиш масалалари;

захираларни ҳисоблаш учун кондицияларни техник-иқтисодий асослаш;

захираларни ҳисоблаш;

конни қидириб чамалаш ва ўзлаштириш маълумотларини қиёслаш;

саноат миқёсида ўзлаштириш учун коннинг ўрганилганлик ва тайёрланганлик даражасини баҳолаш;

хулоса;

фойдаланилган адабиётлар рўйхати.

Матнли қисм амалга оширилган ишлар натижаларининг таҳлилини, ҳисоблаш параметрларини, баҳоланган ва қидириб чамаланган захираларнинг ишончлилигини ва конни (участкани) саноатда ўзлаштиришга тайёрланганлигини белгиловчи барча масалалар бўйича чиқарилган хулосалар асосланишини ўз ичига олиши зарур.

Захираларни ҳисоблаш материаллари матнли қисмининг ҳажми 120 — 150 бет билан чекланиши тавсия қилинади. Геологик тузилиши мураккаб бўлган объектлар учун ушбу ҳажм 170 — 200 бетгача кўпайтирилиши мумкин.

Матнли қисм ҳажмини қисқартириш учун муаллифлик концепциясининг асосий маъносини ёритиб берувчи жадваллар ва чизма материаллардан оқилона фойдаланиш тавсия этилади. Ҳисоботда келтириладиган умумлашмалар ва хулосаларнинг асоси бўлган ёрдамчи жадвалли материаллар иловаларда жойлаштирилади.

Ҳар бир бўлимнинг ҳажми муаллифлар томонидан мустақил тарзда, ўтказилган геология-қидирув ишларининг мақсадлари ва хусусиятларини, кўрилаётган масалаларнинг мураккаблигини ва конни саноат миқёсида ўзлаштириш учун тайёрланганлик даражасини ишончли геологик-иқтисодий баҳолаш учун уларнинг аҳамиятидан келиб чиққан ҳолда белгиланади.

Услуби ва унинг натижалари ихтисослашган ташкилотлар томонидан тузилган, мустақил ҳисоботларда баён қилинган технологик, гидрогеологик, муҳандислик-геологик ва бошқа махсус тадқиқотлар турлари бўйича захираларни ҳисоблаш материалларининг матнли қисмида фақат тадқиқотларнинг услуби, ишончлилиги баҳоланган ҳолдаги умумлаштирилган хулосаларгина келтирилади.

33. Ҳисоботнинг чизма иловалари қуйидагилардан ташкил топган бўлиши керак:

кон ҳудудидаги сув тармоқлари, алоқа йўллари, аҳоли пунктлари,

кон ва бошқа фойдали қазилма конлари туширилган 1:100000 — 1:200000 масштабли изоҳли харитаси. Ўлчамлари кичик бўлганда, у ҳисоботнинг матнли қисмида (кириш) жойлаштирилиши мумкин;

ҳудуд, маъдан майдони ва коннинг геологик тузилишини акс эттирувчи материаллар;

фойдали қазилмаларнинг ўрганилганлик даражасини, уларнинг захираларини чегаралаш ва ҳисоблаш усулини акс эттирувчи график материаллар.

34. Ҳисобот билан биргаликда коннинг ўзига хос геологик тузилиши ва фойдали қазилмалар захиралари ҳисобга олинган ҳолда амалга оширилган геология-қидирув ишлари натижалари тўғрисидаги қисқача маълумот тақдим қилинади ва ариза берувчи томонидан электрон рақамли имзо билан тасдиқланади.

35. Давлат геология қўмитасига юридик шахслар томонидан тақдим қилинган ҳисоботни кўриб чиқиш ва Давлат комиссияси баённомасини бериш шартнома асосида амалга оширилади.

Шартномада кўрсатилган тўлов миқдори қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлиги Ягона биллинг тизими орқали тасдиқланади.

Давлат геология қўмитаси ўн кун муддатда шартномани ариза берувчига «Лицензия» ахборот тизими орқали тақдим этади.

36. Ариза берувчи ўн кун муддатда шартномада кўрсатилган маблағни Давлат геология қўмитасининг ҳисобварағига ўтказади ва ўтказилганлигини тасдиқловчи ҳужжатни «Лицензия» ахборот тизими ёки ЯИДХП орқали тақдим этади.

37. Давлат геология қўмитаси беш кун муддатда ҳисоботни Давлат комиссиясининг экспертига кўриб чиқиш учун тақдим этади.

38. Давлат комиссиясининг эксперти 30 кундан ошмаган муддатда фойдали қазилмалар захираларини ҳисоблаб чиқишга оид материалларни (якуний геологик ҳисобот) кўриб чиқиб, Давлат геология қўмитасига эксперт хулосасини тақдим этади.

39. Давлат геология қўмитаси Давлат комиссияси экспертининг ижобий хулосаси олингандан сўнг беш кун мобайнида ҳисоботни Давлат комиссиясида кўриб чиқиш учун Давлат комиссиясининг баённомаси лойиҳасини тайёрлайди.

Давлат геология қўмитаси фойдали қазилмалар захираларини ҳисоблаб чиқишга оид материаллар етарли бўлмаганда ва Давлат комиссияси экспертлари томонидан салбий хулоса олинган тақдирда, аниқланган хато ва камчиликларни бартараф этиш учун экспертлар хулосаларини 3 кун муддатда «Лицензия» ахборот тизими ёки ЯИДХП орқали ариза берувчига юборади.

40. Давлат комиссияси 10 кун муддатда Давлат комиссиясининг йиғилиш кунини белгилайди ва ҳисоботни йиғилишда кўриб чиқади.

41. Давлат геология қўмитаси 5 кун муддатда Давлат комиссиясининг тасдиқланган баённомасини «Лицензия» ахборот тизими ёки ЯИДХП орқали ариза берувчига юборади.

42. Давлат комиссиясининг баённомаси қуйидаги талаблар ва шартлар асосида берилади:

Давлат комиссиясининг 2015 йил 3 апрелдаги 227-сон баённомаси билан тасдиқланган Металл ва нометалл фойдали қазилмалар захираларини ҳисоблашга оид материалларнинг таркиби, расмийлаштирилиши ва уларни Давлат комиссиясига тақдим қилиш тартиби тўғрисидаги йўриқномага мувофиқ;

Давлат комиссиясининг 2015 йил 13 ноябрдаги 268-сон баённомаси билан тасдиқланган Нефть ва ёнувчи газларнинг кон захиралари, истиқболли ва прогноз ресурслари таснифига мувофиқ;

Давлат комиссиясининг 2018 йил 18 августдаги 28-сон баённомаси билан тасдиқланган Қаттиқ фойдали қазилмалар конларида йўлдош фойдали қазилмалар ва улар билан боғлиқ фойдали компонентларни ўрганиш тартиби тўғрисидаги низомга мувофиқ.

43. Давлат комиссияси томонидан тасдиқланган норматив-ҳуқуқий ҳужжатлар рўйхати Давлат геология қўмитасининг расмий веб-сайтида жойлаштирилади»;

д) Низомнинг 5-боби қуйидаги мазмундаги 6-боб билан алмаштирилсин:

«6-боб. Якунловчи қоидалар

44. Ариза берувчилар тайёрлаган ва Давлат геология қўмитасига тақдим этилган ҳисобот ва унинг иловаларининг ишончлилиги ҳамда қонунчилик ҳужжатларига мослиги учун жавобгардирлар.

45. Ушбу Низомнинг талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар»;

е) қуйидаги мазмундаги 1-илова қўшилсин:

«Ўзбекистон Республикаси Давлат геология ва минерал ресурслар қўмитаси ҳузуридаги Фойдали қазилмалар захиралари бўйича давлат комиссияси тўғрисидаги низомга 1-ИЛОВА

Давлат комиссиясининг баённомасини бериш

Босқичлар Субъектлар Тадбирлар Муддатлари 1-босқич Ариза берувчи Давлат комиссиясига «Лицензия» ахборот тизими ёки ЯИДХП орқали фойдали қазилмалар захираларини ҳисоблаб чиқишга оид материалларни (якуний геологик ҳисобот) Давлат комиссиясида кўриб чиқиш учун тақдим этади. Хоҳишга кўра 2-босқич Давлат комиссияси Шартномани ариза берувчига «Лицензия» ахборот тизими ёки ЯИДХП орқали тақдим этади. 10 кунда 3-босқич Ариза берувчи Шартномада кўрсатилган маблағни Давлат геология қўмитасининг ҳисобрақамига ўтказади ва ўтказилганлигини тасдиқловчи ҳужжатни «Лицензия» ахборот тизими ёки ЯИДХП орқали тақдим этади. 10 кунда 4-босқич Давлат комиссияси Фойдали қазилмалар захираларини ҳисоблаб чиқишга оид материалларни (якуний геологик ҳисобот) Давлат комиссияси экспертига кўриб чиқиш учун тақдим этади. 5 кунда 5-босқич Давлат комиссияси эксперти Фойдали қазилмалар захираларини ҳисоблаб чиқишга оид материалларни (якуний геологик ҳисобот) кўриб чиқиб, Давлат комиссиясига эксперт хулосасини тақдим этади. 30 кунда 6-босқич Давлат комиссияси Давлат комиссияси экспертининг ижобий хулосаси олингандан сўнг фойдали қазилмалар захираларини ҳисоблаб чиқишга оид материаллар (якуний геологик ҳисобот) Давлат комиссиясида кўриб чиқиш учун Давлат комиссиясининг баённомаси лойиҳасини тайёрлайди. 5 кунда Фойдали қазилмалар захираларини ҳисоблаб чиқишга оид материаллар етарли бўлмаганда ва Давлат комиссияси экспертлари томонидан салбий хулоса олинган тақдирда, аниқланган хато ва камчиликларни бартараф этиш учун экспертлар хулосаларни «Лицензия» ахборот тизими ёки ЯИДХП орқали ариза берувчига юборади. 3 кунда 7-босқич Давлат комиссияси Давлат комиссиясининг йиғилиш кунини белгилайди ва фойдали қазилмалар захираларини ҳисоблаб чиқишга оид материалларни (якуний геологик ҳисобот) йиғилишда кўриб чиқади. 10 кунда 8-босқич Давлат комиссияси Давлат комиссияси аъзолари билан келишилган ва унинг раиси томонидан тасдиқланган баённомани «Лицензия» ахборот тизими ёки ЯИДХП орқали ариза берувчига юборади. 5 кунда »;

ж) қуйидаги мазмундаги 2-илова қўшилсин:

«Ўзбекистон Республикаси Давлат геология ва минерал ресурслар қўмитаси ҳузуридаги Фойдали қазилмалар захиралари бўйича давлат комиссияси тўғрисидаги низомга 2-ИЛОВА

Давлат комиссиясининг баённомасини бериш

1. Рухсат этиш хусусиятига эга ҳужжатнинг номи: Давлат комиссиясининг баённомаси. 2. Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар): Давлат комиссияси йиғилишида фойдали қазилмалар захираларини тасдиқлаш ва Давлат балансига қўйиш. 3. Ариза берувчилар тоифаси: Юридик шахс. 4. Рухсат этиш тартиб-таомиллари соҳасидаги ваколатли орган: Давлат комиссияси. 5. Рухсат этиш хусусиятига эга ҳужжатни олиш учун тақдим қилинадиган ҳужжатлар: Фойдали қазилмалар захираларини ҳисоблаб чиқишга оид материаллар (якуний геологик ҳисобот) 1. Ҳисоботнинг матни. 2. Ҳисоботнинг чизма иловалари. 3. Коннинг ўзига хос геологик тузилиши ва фойдали қазилмалар захираларини ҳисобга олинган ҳолда амалга оширилган геология-қидирув ишлари натижалари тўғрисида қисқача маълумот. 6. Аризани кўриб чиқиш учун тўланадиган йиғим миқдори: Ҳисоботни Давлат комиссияси йиғилишида кўриб чиқиш ҳамда Давлат комиссияси баённомасини ариза берувчига топшириш шартнома асосида амалга оширилади. 7. Рухсат этиш хусусиятига эга ҳужжат берилганлиги учун ундириладиган йиғим миқдори: Ҳисоботни кўриб чиқиш учун тўлов миқдори кўрилаётган коннинг геологик тузилиши мураккаблигидан келиб чиққан ҳолда аниқланади. 8. Аризани кўриб чиқиш муддати: Давлат комиссиясига тақдим этилган материалларни кўриб чиқиш муддати уч ойдан ошмаслиги керак. 9. Рухсат этишга оид талаб ва шартлар: Давлат комиссиясининг 2015 йил 3 апрелдаги 227-сон баённомаси билан тасдиқланган Металл ва нометалл фойдали қазилмалар захираларини ҳисоблашга оид материалларнинг таркиби, расмийлаштирилиши ва уларни Давлат комиссиясига тақдим қилиш тартиби тўғрисидаги йўриқнома . Давлат комиссиясининг 2015 йил 13 ноябрдаги 268-сон баённомаси билан тасдиқланган Нефть ва ёнувчи газларнинг кон захиралари, истиқболли ва прогноз ресурслари таснифи . Давлат комиссиясининг 2018 йил 18 августдаги 28-сон баённомаси билан тасдиқланган Қаттиқ фойдали қазилмалар конларида йўлдош фойдали қазилмалар ва улар билан боғлиқ фойдали компонентларни ўрганиш тартиби тўғрисидаги низом. 10. Рухсат этиш хусусиятига эга ҳужжатни беришда келишиладиган органлар: Мавжуд эмас. 11. Рухсат этиш хусусиятига эга ҳужжатнинг амал қилиш муддати: Доимий. 12. Изоҳ: Давлат комиссияси томонидан тасдиқланган норматив-ҳуқуқий ҳужжатлар Давлат геология қўмитасининг расмий веб-сайтида жойлаштирилади. ».

6. Вазирлар Маҳкамасининг «Ер қаърини геологик ўрганиш, фойдаланиш ва муҳофаза қилиш соҳасидаги бошқарув ва назорат қилиш тизимини янада такомиллаштириш тўғрисида» 2018 йил 4 декабрдаги 983-сон қарорида :

барча матнлари бўйича тегишли сон ва келишикдаги «кон ажратиш» ва «кон ажратмаси» сўзлари тегишли сон ва келишикдаги «кон ажратмаси ажратиш далолатномаси» сўзи билан алмаштирилсин;

а) қарорга 1-иловада :

2-банддаги «лицензияда» сўзи «рухсатномада» сўзи билан алмаштирилсин;

3-бандда :

биринчи хатбошидаги «лицензияга» сўзи «рухсатномага» сўзи билан алмаштирилсин;

5-банддаги «лицензиясиз» сўзи «рухсатномасиз» сўзи билан алмаштирилсин;

6 — 8-бандлардаги «лицензия» сўзи «рухсатнома» сўзи билан алмаштирилсин;

9-банддаги «Давлат геология ва минерал ресурслари қўмитаси томонидан уч йилдан ортиқ бўлмаган муддатга бериладиган лицензия» сўзлари «Давлат геология ва минерал ресурслари қўмитаси томонидан «Лицензия» ахборот тизими орқали уч йилдан ортиқ бўлмаган муддатга бериладиган рухсатнома» сўзлари билан алмаштирилсин;

12 ва 13-бандлар қуйидаги таҳрирда баён этилсин:

«12. Фойдали қазилмаларни кавлаб олувчи ва фойдали қазилмалар конларини ишлатувчи корхоналарни қуриш учун ер участкасига кон ажратмаси далолатномаси берилгандан кейин маҳаллий ижро этувчи ҳокимият органларининг ер участкасини ажратиш тўғрисидаги қарори талаб этилмайди.

Кон ажратмаси далолатномаси ер участкаси ажратилганлигини тасдиқловчи ҳужжатдир.

Уран ва углеводород конлари бўйича кон ажратмаси далолатномаси берилганда, конга ҳуқуқи бўлган шахс томонидан ер участкасининг чегаралари туман (шаҳар) ер тузиш ва кўчмас мулк кадастр органлари билан келишилади.

13. Ер қаъридан фойдаланувчи томонидан унга берилган кон ажратмасини бошқа юридик ва жисмоний шахсларга бериш тақиқланади.

Корхонанинг номи ўзгарган тақдирда, QR-код (матрик штрихли код) қўйилган кон ажратмаси далолатномаси ва топография режаси нусхасидаги ёзув қайта расмийлаштирилади ва уни ўз электрон рақамли имзоси билан тасдиқлайди»;

18-банднинг биринчи хатбошидаги «лицензия» сўзи «рухсатнома» сўзи билан алмаштирилсин;

20-банддаги «лицензияси» сўзи «рухсатномаси» сўзи билан алмаштирилсин;

26-банднинг иккинчи хатбошидаги «лицензияда» сўзи «рухсатномада» сўзи билан алмаштирилсин;

33-бандда :

тўртинчи ва бешинчи хатбошилар чиқариб ташлансин;

олтинчи хатбоши тегишинча тўртинчи хатбоши деб ҳисоблансин;

34-банд ўз кучини йўқотган деб ҳисоблансин;

35-бандда :

учинчи хатбоши чиқариб ташлансин;

тўртинчи хатбоши учинчи хатбоши деб ҳисоблансин;

36-банд қуйидаги таҳрирда баён этилсин:

«36. Инспекция буюртманома олинган кундан бошлаб тақдим этилган материалларни 10 кун муддатда кўриб чиқади ва тегишли қарор чиқаради»;

39-банд қуйидаги таҳрирда баён этилсин:

«39. Инспекция томонидан 2 кун муддатда QR-код (матрик штрихли код) қўйилган кон ажратмаси берилганлигини тасдиқловчи далолатнома расмийлаштиради ва «Лицензия» ахборот тизими орқали» берилади»;

40-банд ўз кучини йўқотган деб ҳисоблансин;

41-банд қуйидаги таҳрирда баён этилсин:

«41. Инспекция томонидан фойдали қазилмалар конини ишлатиш учун берилган кон ажратмасини ҳисобга олиш ушбу Низомга 4-иловада келтирилган шаклда (реестр) электрон тарзда тўлдириб борилади.

Фойдали қазилмаларни қазиб олиш учун кон ажратмаси далолатномасининг паспорти 5-иловага мувофиқ тасдиқлансин»;

43-банддаги «лицензияни» сўзи «рухсатномани» сўзи билан алмаштирилсин;

44-банд ўз кучини йўқотган деб ҳисоблансин;

Низомга 1-илова матни қуйидаги таҳрирда баён этилсин:

«‎ ‎ ‎‎OʻZBEKISTON RESPUBLIKASI ‎DAVLAT GEOLOGIYA VA MINERAL RESURSLAR QOʻMITASI НUZURIDAGI ‎KON-GEOLOGIYA FAOLIYATINI NAZORAT QILISН INSPEKSIYASI ‎ ‎ ‎‎KON AJRATMASI AJRATISН DALOLATNOMASI ‎ ‎ ‎ ‎‎SERIYASI ‎ ‎ ‎ ‎ ‎ ‎ ‎‎TARTIB RAQAMI ‎ ‎ ‎ ‎‎Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspektsiyasi tomonidan ____________________________________________________________________ ____________________________________________________________________________________________ ‎‎(tashkilot yoki korxonaning to'liq nomi va uning mansubligi) _______________________________ burchakli punktlarning ilova qilinayotgan rejasida belgilangan chegaralardagi ____________________________________________________________________________________________ ‎‎(foydali qazilma nomi) ___________________________________________________________________________________ni ishlatish ‎‎ ‎‎(shaxta, kon karʼer nomi) va sanoat yoʻli bilan razvedka qilish uchun kon ajratildi. ‎‎ ‎‎Ajratilgan kon ________________________________________________________________________________ ‎ ‎ ‎ ‎‎(qishloq, tuman, viloyat, respublika nomi) ‎ ‎‎________________________________________________________________________________da joylashgan. ‎‎Yer yuzasida _________________________________________________________________________________ ___________________________________________________________________________________________ ____________________________________ burchakli punktlar bilan belgilangan ajratilgan kon proektsiyasi maydoni _______________________________________________________________________ni tashkil etadi. ‎‎(soʻz bilan yoziladi) ‎ ‎ ‎ ‎ ‎ ‎ ‎ ‎‎ ‎ ‎Аjratilgan konning amal qilish muddati ___________________________________ ‎ ‎ ‎ ‎ ‎ ‎ ‎ ‎ ‎ ‎‎(kun, oy, yil) ‎ ‎ ‎ ‎ ‎ ‎ ‎‎Dalolatnoma berilgan sana ____________ y. «______» __________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎QR kod‎ ‎ ‎»;‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Низомга 2-илова матни қуйидаги таҳрирда баён этилсин:

‎‎«Топографик режа нусхасидаги ёз‎ув ‎ НАМУНАСИ ‎ ‎‎Ўзбекистон Республикаси Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси томонидан кон ажратмаси бўйича 20___ йил «___» _________даги далолатномага асосан _____________________________________________________________________________________ ‎ ‎‎(ер ости бойликларидан фойдаланувчининг номи ва унинг идоравий мансублиги) ‎‎__________________________________________________________________________________________га ‎‎________________________________________________________________________________________ даги ‎‎(қишлоқ, туман, вилоят, республика номи) ‎‎_____________________________________________________________________________ конни қазиш учун ‎‎(фойдали қазилма номи) ‎ ‎ ‎ ‎ ‎‎кон ажратмаси берилди. Ушбу режада _________________________ бурчак нуқталари билан белгиланган ажратилган кон чегаралари доирасида қуйидагиларга ишлов берилиши керак:‎‎ ‎‎‎Т/р ‎‎Қатлам, тоғ жинси, ‎ линза ва бошқалар номи ‎‎Узунлиги, м ‎ ‎‎Майдони, га бўйламаси ‎бўйича қиялиги ‎бўйича 1.‎ 2.‎ 3.‎ ‎‎ ‎‎ ‎ ‎‎ ‎‎Кон ажратмаси _______ м чуқурликда берилди. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎QR kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ўзбекистон Республикаси Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ »;‎

Низомга 3-илова матни қуйидаги таҳрирда баён этилсин:

«Фойдали қазилмаларни қазиб олиш учун кон ажратмасини бериш тартиби

СХЕМАСИ

Босқичлар Субъектлар Тадбирлар Бажариш муддатлари 1-босқич Ариза берувчи Фойдали қазилмалар конини ёки унинг участкасини қазиш ҳуқуқини берадиган лицензияни олган юридик ёки жисмоний шахслар Инспекцияга «Лицензия» ахборот тизими орқали буюртма беради. Зарур бўлганда Инспекция Инспекция буюртманома олинган кундан бошлаб тақдим этилган материалларни 10 кун муддатда кўриб чиқади ва тегишли қарор чиқаради. 10 кунда 2-босқич Инспекция QR-код (матрик штрихли код) қўйилган кон ажратмаси берилганлигини тасдиқловчи далолатномани расмийлаштиради ва «Лицензия» ахборот тизими орқали беради. 2 кунда » ;

Низомга 4-иловада :

номи қуйидаги таҳрирда баён этилсин:

«Фойдали қазилмалар конларини қазиб олиш учун берилган кон ажратмаларини электрон ҳисобга олиш реестри»;

изоҳ чиқариб ташлансин;

Низомга қуйидаги мазмундаги 5-илова қўшилсин:

«Фойдали қазилмаларни қазиб олиш учун кон ажратмаларини бериш тартиби тўғрисидаги низомга 5-ИЛОВА

Фойдали қазилмаларни қазиб олиш учун кон ажратмаси далолатномасининг

ПАСПОРТИ

1. Рухсат этиш хусусиятига эга ҳужжатнинг номи: Фойдали қазилмаларни қазиб олиш учун кон ажратмаси далолатномаси. 2. Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар): Фойдали қазилмаларни қазиб олиш учун кон кон ажратмасини бериш. 3. Ариза берувчилар тоифаси: Юридик шахс. 4. Рухсат этиш тартиб-таомиллари соҳасидаги ваколатли орган: Ўзбекистон Республикаси Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси 5. Рухсат этиш хусусиятига эга ҳужжатни олиш учун тақдим қилинадиган ҳужжатлар: Буюртманомада юридик ёки жисмоний шахсларнинг номланиши, уларнинг идоравий мансублиги ва манзили, кон жойлашган жой кўрсатилади. Буюртманомага икки нусхада зарур иловалар билан биргаликда кон ажратмаси лойиҳаси илова қилинади. 6. Аризани кўриб чиқиш учун тўланадиган йиғим миқдори: Йиғим ундирилмайди. 7. Рухсат этиш хусусиятига эга ҳужжат берилганлиги учун ундириладиган йиғим миқдори: Йиғим ундирилмайди. 8. Аризани кўриб чиқиш муддати: 12 иш куни. 9. Рухсат этишга оид талаб ва шартлар: Тушунтириш хатида сўралаётган кон ажратмасини бериш назарда тутилган мақсад кўрсатилади ҳамда уни олиш зарурлиги асосланади, шунингдек, қуйидаги маълумотлар баён қилинади: фойдали қазилмаларни қазувчи корхонани лойиҳалаштирувчи, лойиҳани келишган ва тасдиқлаган ташкилотнинг номи, шунингдек, кон ажратмаси лойиҳасини тайёрлаган ташкилотнинг номи; сўралаётган кон ажратмаси ҳудуди тўғрисидаги умумий маълумотлар (географик ва маъмурий ҳолати, майдоннинг катталиги, қишлоқ хўжалиги экинлари ва ўрмонзорлар тавсифи, ободлиги, фойдаланишдалиги ва бошқалар); коннинг қисқача геологик тавсифи (қатламлар, руда жисмлари, тоғ жинслари ва бошқаларнинг ўлчами ва элементлари), конни қазишнинг кон-геология ва гидрогеология шарт-шароитлари, ёндош кон ажратмалари тўғрисидаги умумий маълумотлар; коннинг қидирилганлиги, асосий фойдали қазилмалар ва улар билан бирга жойлашган фойдали қазилмалар захираларининг қидирилган ва тасдиқланган, оператив ҳисобга олинган миқдори, сифати, тоифалилиги ва ашёвий таркиби тўғрисидаги маълумотлар, очиқ усулда қазишда эса фойдали қазилма устида жойлашган жинслар ҳақидаги маълумотлар; кон ажратмаси чегараларини асослаш; қазиш чоғида ва кейинчалик ишлов беришда минерал хом ашёдан комплекс фойдаланиш чора-тадбирлари. 10. Рухсат этиш хусусиятига эга ҳужжатни беришда келишиладиган органлар: Мавжуд эмас. 11. Рухсат этиш хусусиятига эга ҳужжатнинг амал қилиш муддати: Фойдали қазилмалар конларини ишлатиш учун кон ажратмасини бериш муддати чекланмаган ва чекланган муддатли бўлиши мумкин. Фойдаланиш муддати чекланган ҳолларда кон ажратмаси рухсатномада кўрсатилган муддатга, нефть ва газ конлари учун эса — 5 йилдан кўп бўлмаган муддатга берилади. 12. Изоҳ: Кон ажратмаси ер ости бойликларидан фойдаланувчига конни саноат йўли билан ўзлаштириш мақсадида бериш-қабул қилиб олиш далолатномасига асосан саноат йўли билан ўзлаштириш учун бериладиган тасдиқланган захиралар жойлашган бутун майдонга ва унинг чуқурлигига берилади. Ушбу талаб фойдали қазилмаларнинг биргаликда жойлашган бир неча турларидан иборат бўлган комплекс конларга нисбатан ҳам татбиқ этилади. Йирик конларни ишлатиш учун кон ажратмаси мустасно холларда ушбу коннинг муайян участкасидан фойдаланиш ҳуқуқига лицензияси бўлган икки ёки бир неча ер қаъридан фойдаланувчиларга берилиши мумкин. Бир майдонда жойлашган ҳар хил турдаги фойдали қазилма конларини ишлатиш зарурати туғилганда, кон ажратмаси ҳар бир конни ишлатиш учун алоҳида берилади. Ушбу ҳолда, шунингдек, йирик фойдали қазилма конлари бир неча ер қаъридан фойдаланувчилар томонидан қазилганда, конни ёки унинг қисмларини қазиш изчиллиги ҳамда кон ишларининг ўзаро боғлиқлиги ер қаъридан топилган захираларнинг энг тўлиқ, комплекс ва иқтисодий жиҳатдан мақсадга мувофиқ қазиб олинишини, ер ости бойликлари тўғрисидаги қонун ҳужжатлари ва ишларни бехатар олиб бориш талаблари бажарилишини таъминлаши керак. Бир майдондаги нефть ва газ горизонтлари иккита ер қаъридан фойдаланувчи томонидан қазиб олинган ҳолларда, ушбу Низомда белгиланган тартибда иккита мустақил кон ажратмаси расмийлаштирилиши зарур. »;

б) қарорга 2-иловада :

1-банддаги «лицензияга» ва «лицензияда» сўзлари тегишинча «рухсатномага» ва «рухсатномада» сўзлари билан алмаштирилсин;

3-бандда :

биринчи хатбошидаги «лицензияга» сўзи «рухсатномага» сўзи билан алмаштирилсин;

5-банддаги «лицензияларга» сўзи «рухсатномаларга» сўзи билан алмаштирилсин;

12-банддаги «лицензия» сўзи «рухсатнома» сўзи билан алмаштирилсин;

13-банднинг иккинчи хатбоши қуйидаги таҳрирда баён этилсин:

«Корхонанинг номи ўзгарган тақдирда, QR-код (матрик штрихли код) қўйилган кон ажратмаси далолатномаси ва топография режаси нусхасидаги ёзув қайта расмийлаштирилади»;

16-банддаги «лицензия» сўзи «рухсатнома» сўзи билан алмаштирилсин;

20-банд қуйидаги таҳрирда баён этилсин:

«20. Ер қаъридан муддатли фойдаланишда кон ажратмаси лицензияда кўрсатилган муддатга, газни ер остида сақлаш ва нефтни ер остида сақлаш учун 8 йилдан кўп бўлмаган муддатга берилади. Зарурат бўлганда, кон ажратмасининг амал қилиш муддати узайтирилиши мумкин.

Кон ажратмасининг амал қилиш муддати узайтирилганда, фақат кон ажратмаси далолатномаси ва топография режаларидаги ёзувлар қайта расмийлаштирилади.

Бунда ер қаъридан фойдаланувчи «Лицензия» ахборот тизими орқали Инспекцияга ариза беради.

Инспекция 10 кун муддатда аризани ўрганиб чиқиб, QR-код (матрик штрихли код) қўйилган кон ажратмаси далолатномасини расмийлаштиради»;

30-банд ўз кучини йўқотган деб ҳисоблансин;

33-банддаги «Лицензия олган корхона Инспекцияга буюртманома» сўзлари «Рухсатнома олган корхона Инспекцияга «Лицензия» ахборот тизими орқали буюртманома» сўзлари билан алмаштирилсин;

34 ва 35-бандлар қуйидаги таҳрирда баён этилсин:

«34. Фойдали қазилмаларни қазиб олиш билан боғлиқ бўлмаган мақсадларда кон ажратмаси ушбу Низомга 3-иловадаги схемага мувофиқ берилади.

35. Инспекция буюртманома олинган кундан бошлаб тақдим этилган материалларни 10 кун муддатда кўриб чиқади ва тегишли қарор чиқаради»;

38-банддаги «кон ажратмаси» сўзлари чиқариб ташлансин;

39-банд қуйидаги таҳрирда баён этилсин:

«39. Инспекция 2 кун муддатда QR-код (матрик штрихли код) қўйилган кон ажратмаси берилганлигини тасдиқловчи далолатномани расмийлаштиради ва «Лицензия» ахборот тизими орқали беради»;

40-банд ўз кучини йўқотган деб ҳисоблансин;

41-банд қуйидаги таҳрирда баён этилсин:

«41. Инспекция томонидан фойдали қазилмалар конини ишлатиш учун берилган кон ажратмасини ҳисобга олиш ушбу Низомга 4-иловада келтирилган шаклда (реестр) электрон тарзда тўлдириб борилади.

Фойдали қазилмаларни қазиб олиш билан боғлиқ бўлмаган мақсадлар учун кон ажратмаси далолатномасининг паспорти 5-иловага мувофиқ тасдиқлансин.»;

44-банддаги «лицензияни» сўзи «рухсатномани» сўзи билан алмаштирилсин;

45-банд ўз кучини йўқотган деб ҳисоблансин;

Низомга 1-илова матни қуйидаги таҳрирда баён этилсин:

«‎ ‎ ‎‎OʻZBEKISTON RESPUBLIKASI ‎DAVLAT GEOLOGIYA VA MINERAL RESURSLAR QOʻMITASI НUZURIDAGI ‎ KON-GEOLOGIYA FAOLIYATINI NAZORAT QILISН INSPEKSIYASI ‎‎ ‎‎KON AJIRATMASI AJRATISН DALOLATNOMASI ‎ ‎ ‎ ‎ ‎ ‎‎SERIYASI ‎ ‎ ‎ ‎ ‎ ‎‎TARTIB RAQAMI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspektsiyasi ____________________________________________________________________________ _______________________________________________________________________________________ga ‎‎(tashkilot yoki korxonaning toʻliq nomi va uning mansubligi) ‎‎__________________________________________________________________ maqsadlarda foydalalnish uchun ‎‎(kon ajratmasi berilganligining maqsadi) ‎ ‎ ‎ ‎ ‎ ‎ ‎‎rejada burchak (o'ziga xos) nuqtalar bilan ____________________________________________________________ _____________________________________________________________________ shuningdek, tarkibiy xaritalar ‎‎ ‎‎(nuqtalar raqami) ‎ ‎ ‎ ‎ ‎ ‎‎va vertikal kesimlarda ___________________________________________________________________________ ‎ ‎ ‎ ‎ ‎‎(xaritalar va kesimlar raqami) ‎‎belgilangan chegaralarda kon ajratmasi berildi, rejada belgilangan kon ajratmasi proeksiyasining maydoni va yer osti kengligining hajmi _________________________________________________________________ ‎‎_______________________________________________________________________________ni tashkil etadi. ‎‎(ming m 2 , ming m 3 — yozuv bilan) ‎ ‎ ‎ ‎‎Kon ajratmasi _________________________________________________________________________________ ‎‎_______________________________________________________________________________da joylashgan. (qishloq, tuman, viloyat, respublika nomi) ‎‎ ‎ ‎ ‎ ‎ ‎ ‎‎Kon ajratmasining amal qilish muddati __________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(kun, oy, yil)‎ ‎ ‎ ‎ ‎ ‎ ‎ ‎‎Dalolatnoma berilgan sana ________ y. «____» ______________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎QR kod ‎ ‎ ‎ »; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Низомга 2-илова матни қуйидаги таҳрирда баён этилсин:

«Фойдали қазилмалар қазиб олиш билан боғлиқ бўлмаган мақсадлар учун кон ажратмаларини бериш

СХЕМАСИ

Босқичлар Субъектлар Тадбирлар Бажариш муддатлари 1-босқич Ариза берувчи Фойдали қазилмалар конини ёки унинг участкасини қазиш ҳуқуқини берадиган лицензияни олган юридик ёки жисмоний шахслар Инспекцияга «Лицензия» ахборот тизими орқали буюртма беради. Зарур бўлганда Инспекция Инспекция буюртманома олинган кундан бошлаб тақдим этилган материалларни 10 кун муддатда кўриб чиқади ва тегишли қарор чиқаради. 10 кунда 2-босқич Инспекция QR-код (матрик штрихли код) қўйилган кон ажратмаси берилганлигини тасдиқловчи далолатномани расмийлаштиради ва «Лицензия» ахборот тизими орқали беради. 2 кунда » ;

Низомга 3-илова матни қуйидаги таҳрирда баён этилсин:

‎‎«Топографик режа нусхасидаги ёзув ‎ НАМУНАСИ ‎‎ ‎‎20___ йил «___» ___________ да Ўзбекистон Республикаси Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси томонидан _____________________________ ‎‎__________________________________________________________________________________________ га (ер қаъридан фойдаланувчининг номи ва унинг қайси идорага бўйсуниши)‎‎ ‎‎____________________________________________________________________________________________ ‎‎(кон ажратмаси нима мақсадда берилганлиги)‎ ‎‎мақсадларида ер қаъридан фойдаланиш учун кон ажратмаси берилди. ‎‎Берилган кон ажратмаси________________________________________________________________________ ‎ ‎ ‎ ‎ ‎‎(кон ажратмасининг маъмурий ҳолати, манзили)‎ ‎‎____________________________________________________________________________________________ ‎‎да ушбу режада _______________________________________________________________________________ ‎ ‎ ‎ ‎‎(нуқталарнинг рақами) ‎‎нуқталари билан белгиланган чегараларда жойлашган, бунда қуйидагилардан фойдаланилиши керак:__________ ‎____________________________________________________________________________________________ ‎‎(объектлар саналади, уларнинг ер юзасига чиқувчи проекцияси майдони, ‎‎____________________________________________________________________________________________ ‎‎кон ажратмасининг юқори ва қуйи чегаралари чуқурлиги) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎QR kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ўзбекистон Республикаси Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси»; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Низомга 4-иловада :

номи қуйидаги таҳрирда баён этилсин:

«Фойдали қазилмалар конларини қазиб олиш билан боғлиқ бўлмаган мақсадлар учун кон ажратмаларини электрон ҳисобга олиш реестри»;

изоҳ чиқариб ташлансин;

Низомга қуйидаги мазмундаги 5-илова қўшилсин:

«Фойдали қазилмаларни қазиб олиш билан боғлиқ бўлмаган мақсадлар учун кон ажратмаларини бериш тартиби тўғрисидаги низомга 5-ИЛОВА

Фойдали қазилмаларни қазиб олиш билан боғлиқ бўлмаган мақсадлар учун кон ажратмаси далолатномаси

ПАСПОРТИ

1. Рухсат этиш хусусиятига эга ҳужжатнинг номи: Фойдали қазилмаларни қазиб олиш билан боғлиқ бўлмаган мақсадлар учун кон ажратмаси далолатномаси. 2. Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар): Фойдали қазилмаларни қазиб олиш билан боғлиқ бўлмаган мақсадлар учун кон кон ажратмасини бериш. 3. Ариза берувчилар тоифаси: Юридик шахс. 4. Рухсат этиш тартиб-таомиллари соҳасидаги ваколатли орган: Ўзбекистон Республикаси Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси. 5. Рухсат этиш хусусиятига эга ҳужжатни олиш учун тақдим қилинадиган ҳужжатлар: Буюртманомага ер қаъридан фойдали қазилмаларни қазиб олиш билан боғлиқ бўлмаган мақсадларда фойдаланадиган корхонанинг раҳбари ёки юқори турувчи ташкилот раҳбари имзо чекади. Буюртманомага иловалар билан биргаликда икки нусхада кон ажратмаси лойиҳаси илова қилинади. 6. Аризани кўриб чиқиш учун тўланадиган йиғим миқдори: Йиғим ундирилмайди. 7. Рухсат этиш хусусиятига эга ҳужжат берилганлиги учун ундириладиган йиғим миқдори: Йиғим ундирилмайди. 8. Аризани кўриб чиқиш муддати: 12 иш куни. 9. Рухсат этишга оид талаб ва шартлар: Ер қаъридан фойдали қазилмаларни қазиб олиш билан боғлиқ бўлмаган мақсадларда фойдаланиш учун қон ажратмаси лойиҳаси қуйидаги бўлимлардан иборат бўлиши керак: тушунтириш хати; кон ажратмасининг уч ўлчамли чегараларини ва ўлчамлари ҳисоб-китобини асослаш; сўралаётган кон ажратмаси чегараларида юза топографик режаси, геология хариталари ва кесимлари нусхалари. Тушунтириш хатида қуйидагиларни кўрсатиш зарур: кон ажратмасини сўрашдан мақсад, унинг маъмурий жойлашган жойи, ер ости иншоотини лойиҳалаштирган ва кон ажратмаси лойиҳасини тайёрлаган ташкилотнинг номи; сўралаётган кон ажратмаси устидаги ҳудуд тўғрисидаги, шу жумладан, қишлоқ хўжалиги ва ўрмон ер майдонлари, дарёлар, кўллар ва бошқа сув объектлари, аҳоли пунктлари ва саноат объектлари, алоҳида иморатлар ва иншоотлар, шунингдек, ер тўғрисидаги қонун ҳужжатларига мувофиқ ер қайси тоифага киритилганлиги тўғрисидаги умумий маълумотлар; кон ажратмаси доирасида, шунингдек, унга туташиб кетган зоналарда ер қаъри участкасининг қисқача геологик тавсифи, шунингдек, ушбу участканинг геологик тузилиши, кон-техника ва гидрогеологик шароитлар ҳамда уларнинг ўрганилганлиги даражаси акс эттирилиши керак; унинг учун кон ажратмаси сўралаётган ер ости иншооти қурилиши мўлжалланаётган жойдаги фойдали қазилмалар конлари, шунингдек, фойдали қазилмалар қазиб олиш билан боғлиқ бўлмаган мақсадлар учун ва фойдали қазилмаларни қазиб олиш учун ер қаъридан фойдаланиш мақсадида берилган аралаш кон ажратмаси тўғрисидаги маълумотлар. 10. Рухсат этиш хусусиятига эга ҳужжатни беришда келишиладиган органлар: Мавжуд эмас. 11. Рухсат этиш хусусиятига эга ҳужжатнинг амал қилиш муддати: Кон ажратмаси муддатсиз ёки муддатли фойдаланишга берилади. Ер қаъридан муддатли фойдаланишда кон ажратмаси лицензияда кўрсатилган муддатга, газни ер остида сақлаш ва нефтни ер остида сақлаш учун 8 йилдан кўп бўлмаган муддатга берилади. Зарурат бўлганда, кон ажратмасининг амал қилиш муддати узайтирилиши мумкин. Кон ажратмасининг амал қилиш муддати узайтирилганда фақат кон ажратмаси далолатномаси ва топография режаларидаги ёзувлар қайта расмийлаштирилади. 12. Изоҳ: Кон ажратмаси фақат ер қаърининг, геологик тузилишнинг, кон-техник ва гидрогеология шароитларининг зарур даражада синчиклаб ўрганилган қисмигагина берилади, ундан фойдали қазилмалар қазиб олиш билан боғлиқ бўлмаган мақсадларда фойдаланиш эса шу яқин орадаги фойдали қазилма конларини қазишни қийинлаштирмайди ҳамда кон ишланмаларига, ер юзаси ва сув объектларига нефть, газ ва бошқа моддалар ва материалларнинг уларни сақлашда сингиб киришини, ер ости бойликларига ташланадиган оқова сувлар, ер қаърига кўмилган зарарли моддалар ва ишлаб чиқариш чиқиндиларини истисно этади. Кон ажратмаси чегаралари тоғ жинсларининг силжиш ва қулаш зоналарини, шунингдек, ушбу иншоотларнинг нормал ишлаб туришини таъминлайдиган сақловчи ва тўсувчи қисмларни (целикларни) ҳисобга олган ҳолда лойиҳалаштирилаётган ер ости иншоотининг техник чегаралари билан белгиланади. Зарарли моддаларни, радиоактив чиқиндилар ва ишлаб чиқариш чиқиндиларини кўмишда, оқова сувларни чиқариб ташлашда кон ажратмаси контури уларни қатъий белгиланган чегараларда локализация қилиш мумкин бўлган ер қаъри қисми билан белгиланади. Газни ер остида сақлаш учун тақдим этилган кон ажратмаси чегаралари бундай сақлаш жойи қурилиши учун лойиҳа ҳужжатларига мувофиқ буғ қатламлари билан тугалланадиган газнинг энг кўп ҳажмда тарқалиш контурлари билан, пъезометрик қудуқлар мавжуд бўлган тақдирда эса — ушбу қудуқларни қамраб олувчи контурлар билан белгиланади. Газни ер остида сақлаш омборларини қуриш учун улар жойлашган бир майдонга тўғриланган бир ёки бир неча буғ қатламларидан, шунингдек, ишланган нефть, газ еки сувли қатламлардан (горизонтлардан) фойдаланиш мумкин. Нефть, газ ҳамда бошқа моддалар ва материалларни ер остида сақлаш учун берилган кон ажратмаси чегаралари зарарли моддалар ва ишлаб чиқариш чиқиндиларини кўмиш, оқова сувларни чиқариб юбориш аҳоли яшаш жойлари, халқ хўжалиги объектлари, табиий объектлар ва бошқа объектлар учун белгиланган санитария зоналарини ҳисобга олган ҳолда белгиланиши керак. Фойдали қазилмаларни қазиб олиш бўйича ишлаб турган корхоналарнинг кон қазилмаларида, шунингдек, фойдали қазилма конлари яқинидаги ер қаъри участкаларида ер ости иншоотларини қуриш ва улардан фойдаланишга кон ажратмасини бериш учун фойдаланилаётган иншоотлар ва ишланаётган конларнинг ўзаро зарарли таъсири истисно этилган ҳолларда йўл қўйилади. »;

в) қарорга 3-иловада :

барча матнлари бўйича тегишли сон ва келишикдаги «лицензия» сўзи тегишли сон ва келишикдаги «рухсатнома» сўзи билан алмаштирилсин;

1-банддаги «фойдаланувчининг балансидан» сўзларидан кейин «Лицензия» ахборот тизими орқали» сўзлари қўшилсин;

7-бандга қуйидаги мазмундаги хатбошилар қўшилсин:

«Фойдали қазилмалар захиралари ер қаъридан фойдаланувчининг ҳисобидан схема асосида ушбу Низомга 1-иловага мувофиқ чиқарилади.

Фойдали қазилмалар захираларини ер қаъридан фойдаланувчининг ҳисобидан чиқариш паспорти 2-иловага мувофиқ тасдиқлансин»;

8-бандда :

биринчи хатбоши қуйидаги таҳрирда баён этилсин:

«8. Саноат учун аҳамиятини йўқотган ёки кейинчалик ўтказилган геология-қидирув ишларида ёхуд конни қазишда тасдиқланмаган фойдали қазилма захираларини ер қаъридан фойдаланувчининг балансидан чиқариш учун ер қаъридан фойдаланувчи «Лицензия» ахборот тизими орқали ДЗКга тушунтириш хатини тақдим этади. Тушунтириш хатида қуйидагилар бўлиши керак»;

«г» кичик бандининг учинчи хатбоши чиқариб ташлансин;

9 ва 10-бандлар қуйидаги таҳрирда баён этилсин:

«9. ДЗК тушунтириш хати келиб тушган кундан бошлаб ўн кун муддатда уни Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси билан келишиш учун тақдим этади.

10. Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси йигирма кун муддатда тушунтириш хатини кўриб чиқиб, ДЗКга фойдали қазилма захираларини ер қаъридан фойдаланувчининг балансидан чиқариш тўғрисида хулоса беради.

Тақдим этилган материаллар ДЗКда Ўзбекистон Республикаси Давлат геология ва минерал ресурслар қўмитаси билан ер қаъридан фойдаланувчи ўртасида тузиладиган шартнома асосида кўриб чиқилади.

ДЗК бир ҳафта муддатда шартномани ер қаъридан фойдаланувчига тақдим этади.

Ер қаъридан фойдаланувчи ўн кун муддатда шартномада кўрсатилган маблағни Ўзбекистон Республикаси Давлат геология ва минерал ресурслар қўмитасининг ҳисобварағига ўтказади.

ДЗКга тақдим этилган кондициялар лойиҳаларини ва фойдали қазилмалар захиралари ҳисоб-китоби материалларини кўриб чиқиш, шунингдек, геологик материалларнинг давлат экспертизаси тегишли ташкилотлардан ҳамда жалб этиладиган экспертлар билан тузилган шартномага мувофиқ амалга оширилади.

Экспертлар томонидан материалларни кўриб чиқиш муддати уларнинг ҳажмига ва мураккаблигидан келиб чиққан ҳолда белгиланади, бироқ бир ойдан ошмаслиги керак»;

19-банд қуйидаги таҳрирда баён этилсин:

«19. ДЗКнинг фойдали қазилмалар захираларини ер қаъридан фойдаланувчи балансидан чиқариш тўғрисидаги қарори баённома билан расмийлаштирилади ва бир ҳафта муддатда ер қаъридан фойдаланувчига унинг электрон нусхаси «Лицензия» ахборот тизими орқали юборилади.

Материалларни кўриб чиқиш муддати ер қаъридан фойдаланувчи билан тузилган шартномада белгиланади, бироқ уч ойдан ошмаслиги керак.

Тақдим этилган ҳужжатлар бўйича камчиликлар аниқланган ҳолларда, тегишли ер қаъридан фойдаланувчилар ўн иш кунида камчиликларни бартараф этишлари ва ДЗКга «Лицензия» ахборот тизими орқали бу ҳақда маълумот тақдим этишлари лозим»;

20-банддаги «протоколи» сўзи «баённомаси» сўзи билан алмаштирилсин;

21-банд ўз кучини йўқотган деб ҳисоблансин;

Низомга қуйидаги мазмундаги 1-илова қўшилсин:

«Ер ости бойликларини қазиб олиш жараёнида қазиб олинган ва йўқотилган фойдали қазилмалар захираларини ер қаъридан фойдаланувчининг ҳисобидан чиқариш тартиби тўғрисидаги низомга 1-ИЛОВА

Фойдали қазилмалар захираларини ер қаъридан фойдаланувчининг ҳисобидан чиқариш

СХЕМАСИ

Босқичлар Субъектлар Тадбирлар Муддатлар 1-босқич Ер қаъридан фойдаланувчи Саноат учун аҳамиятини йўқотган ёки кейинчалик ўтказилган геология-қидирув ишларида ёхуд конни қазишда тасдиқланмаган фойдали қазилма захираларини ер қаъридан фойдаланувчининг балансидан чиқариш учун «Лицензия» ахборот тизими орқали ДЗКга тушунтириш хатини тақдим этади. Зарур бўлганда Давлат захиралари комиссияси Тушунтириш хатини Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси билан келишиш учун тақдим этади. 10 кунда Кон-геология фаолиятини назорат қилиш инспекцияси Тушунтириш хатини кўриб чиқиб, ДЗКга фойдали қазилма захираларини ер қаъридан фойдаланувчининг балансидан чиқариш тўғрисида хулоса беради. 20 кунда 2-босқич Давлат захиралари комиссияси Шартномани ер қаъридан фойдаланувчига тақдим этади. 7 кунда Ер қаъридан фойдаланувчи Шартномада кўрсатилган маблағни Ўзбекистон Республикаси Давлат геология ва минерал ресурслар қўмитасининг ҳисобварағига ўтказади. 10 кунда 3-босқич Давлат захиралари комиссияси Тақдим этилган кондициялар лойиҳаларини ва фойдали қазилмалар захиралари ҳисоб-китоби материалларини кўриб чиқиш, шунингдек, геологик материалларнинг давлат экспертизасини ўтказиш учун экспертларни жалб қилади. 1 кунда Экспертлар Тақдим этилган материалларни кўриб чиқади ва эксперт хулосасини ДЗКга тақдим этади. 1 ойда Давлат захиралари комиссияси Баённомани расмийлаштиради ва ер қаъридан фойдаланувчига унинг электрон нусхасини «Лицензия» ахборот тизими орқали юборади. 7 кунда » ;

Низомга қуйидаги мазмундаги 2-илова қўшилсин:

«Ер ости бойликларини қазиб олиш жараёнида қазиб олинган ва йўқотилган фойдали қазилмалар захираларини ер қаъридан фойдаланувчининг ҳисобидан чиқариш тартиби тўғрисидаги низомга 2-ИЛОВА

Фойдали қазилмалар захираларини ер қаъридан фойдаланувчининг ҳисобидан чиқариш

ПАСПОРТИ

1. Рухсат этиш хусусиятига эга ҳужжатнинг номи: Фойдали қазилмалар захираларини ер қаъридан фойдаланувчининг ҳисобидан чиқариш. 2. Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар): Саноат учун аҳамиятини йўқотган ёки кейинчалик ўтказилган геология-қидирув ишларида ёхуд конни қазишда тасдиқланмаган фойдали қазилма захираларини ер қаъридан фойдаланувчининг балансидан чиқариш. 3. Ариза берувчилар тоифаси: Юридик шахс. 4. Рухсат этиш тартиб-таомиллари соҳасидаги ваколатли орган: Давлат геология ва минерал ресурслар қўмитаси ҳузуридаги Фойдали қазилмалар захиралари бўйича давлат комиссияси. 5. Рухсат этиш хусусиятига эга ҳужжатни олиш учун тақдим қилинадиган ҳужжатлар: Ер қаъридан фойдаланувчи Давлат захиралари комиссиясига Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси билан келишилган тушунтириш хатини тақдим этади. Тушунтириш хатида қуйидагилар бўлиши керак: а) фойдали қазилмалар захираларининг мўлжалланган ҳисобдан чиқарилишини Давлат захиралари комиссияси томонидан тасдиқланган контурларда ҳамда геология ва маркшейдерлик ҳужжатлари маълумотларини тезкор ҳисобга олиш, захираларни синаб кўриш ва қайта ҳисоблаш контурларида алоҳида асослаш; б) ушбу Низомнинг 4-банди «а» кичик бандида кўрсатилган сабаблар бўйича саноат аҳамиятини йўқотган фойдали қазилмалар захираларини ҳисобдан чиқаришда — тегишли техник-иқтисодий ҳисоб-китоблар; в) қазиб олинаётган кон тўғрисидаги қисқача маълумотлар (қазиб олиш тизими, фойдали қазилмаларни кавлаб олишда нобуд бўлиш ва яроқсиз ҳолга келиш кўрсаткичлари, нефть, газ, конденсат ва бошқаларни қазиб олиш коэффициентлари); г) чизмалар ва бошқа иловалар: фойдали қазилмалар захиралари улар бўйича ҳисобдан чиқариладиган участкалар, руда жисмларининг (ҳисобланган блоклар) жойлашиш схемаси, проекциялар, горизонт бўйича натижалар, қидирув ва ишлатиб синаб кўриш маълумотлари ҳамда ДЗК томонидан тасдиқланган фойдали қазилмалар захиралари контурлари, шунингдек, эксплуатация-қидирув ишлари натижалари бўйича ҳисоблаб чиқилган захиралар контурлари билан бирга; кон ажратмаси нусхаси. 6. Аризани кўриб чиқиш учун тўланадиган йиғим миқдори: Ер қаъридан фойдаланувчи билан тузиладиган шартномада белгиланади. 7. Рухсат этиш хусусиятига эга ҳужжат берилганлиги учун ундириладиган йиғим миқдори: Ер қаъридан фойдаланувчи билан тузиладиган шартномада белгиланади. 8. Аризани кўриб чиқиш муддати: Материалларни кўриб чиқиш муддати ер қаъридан фойдаланувчи билан тузилган шартномада белгиланади, бироқ уч ойдан ошмаслиги керак. 9. Рухсат этишга оид талаб ва шартлар: Фойдали қазилмалар захиралари: а) қуйидагилар: Фойдали қазилмалар захиралари бўйича давлат комиссияси томонидан янгидан тасдиқланган қидирув ёки фойдаланиш конденцияларига мувофиқ эмаслиги туфайли (нефть, нефть-газ, нефть-газ конденсати, газ конденсати, газ ва битум конлари учун — Фойдали қазилмалар захиралари бўйича давлат комиссияси томонидан янгидан тасдиқланган тегишли фойдали қазилмаларни ер остидан қазиб олиш коэффициентига мувофиқ эмаслиги туфайли); айрим участкаларда аниқланган кон-геологик, гидрогеологик, муҳандислик-геологик, экологик мураккабликлар ва бошқа табиий шарт-шароитлар оқибатида захираларга техник-иқтисодий сабаблар бўйича ишлов беришнинг мақсадга мувофиқ эмаслиги туфайли; агар фойдали қазилмаларни қазиб олишда уларнинг сақланишини таъминлаш мумкин бўлмаса, аҳоли ҳаётига ва соғлигига ёки объектларга зарар етказиш хавфини туғдирса, уларни бузиб ташлаш ёки кон ишлари таъсири доираси чегарасидан ташқарига кўчириш мумкин бўлмаса ёки бу иқтисодий жиҳатдан мақсадга мувофиқ бўлмаса, захираларни саноат иншоотлари, турар жойлар ва жамоат бинолари, тарих ва маданият ёдгорликлари, табиий объектлар учун сақлаш устунлари сифатида қолдириш туфайли; б) фойдали қазилмаларнинг миқдори, сифати ва жойлашиш шарт-шароитлари тўғрисида янги маълумотлар олиниши натижасида захираларнинг кейинчалик геология-қидирув ишлари чоғида ва (ёки) фойдали қазилмалар конларини қазишда тасдиқланмаслиги туфайли ер қаъридан фойдаланувчилар балансидан чиқарилиши мумкин. Фойдали қазилмаларни кавлаб олувчи корхоналарни қуришни лойиҳалаштириш, реконструкция қилиш, кенгайтириш ва консервация қилишда балансдаги захиралар балансдан ташқари захираларга ўтказилмайди. Фойдали қазилмаларни кавлаб олувчи корхоналарни консервация қилишда фойдали қазилмалар захиралари ҳисобдан чиқарилмайди. 10. Рухсат этиш хусусиятига эга ҳужжатни беришда келишиладиган органлар: Мавжуд эмас. 11. Рухсат этиш хусусиятига эга ҳужжатнинг амал қилиш муддати: Мавжуд эмас. 12. Изоҳ: Саноат учун аҳамиятини йўқотган фойдали қазилмаларнинг балансдаги захиралари ер қаъридан фойдаланувчи балансидан уларни балансдан ташқари захираларга ўтказишнинг мақсадга мувофиқ эмаслиги тўғрисида белгиланган тартибда тасдиқланган техник-иқтисодий асослаш мавжуд бўлган тақдирда чиқарилади. Фойдали қазилмалар захираларининг тасдиқланмаган захираларини ҳисобдан чиқаришда, ер қаъридан фойдаланувчи томонидан ДЗК тасдиқлаган захиралар контурлари доирасида конни қидириш ва қазиб олиш маълумотлари қиёсланиши керак. Қиёслаш кон жисмлари (қатламлари), ҳисобланган блоклар, захиралар тоифалари бўйича алоҳида-алоҳида амалга оширилиши керак. Қиёслаш асосида конни қидириб топган (баҳолаган) корхона билан биргаликда фойдали қазилмалар захираларининг тасдиқланмаганлиги сабаблари таҳлил қилинади. Фойдали қазилмалар балансдаги захираларининг ҳисобдан чиқарилганлари ва (ёки) ҳисобдан чиқаришга мўлжалланаётганларининг жами миқдори тасдиқланган захираларнинг (нефть ва газ, шу жумладан, уларнинг қазиб олинадигани учун) 20 фоизидан ортиқ бўлган ҳолларда, умуман кон бўйича захиралар белгиланган тартибда қайта ҳисоблаб чиқилади ва қайта тасдиқланади. ДЗКнинг фойдали қазилмалар захираларини ер қаъридан фойдаланувчи балансидан чиқариш тўғрисидаги қарори баённома билан расмийлаштирилади, унинг нусхалари экспертиза материаллари билан биргаликда бир ҳафта муддатда ер қаъридан фойдаланувчига ва Ўзбекистон Республикаси Давлат геология ва минерал ресурслар қўмитасига юборилади. ДЗКнинг фойдали қазилмалар захираларини ер қаъридан фойдаланувчи балансидан чиқариш тўғрисидаги қарори Фойдали қазилмалар захираларининг давлат балансига белгиланган тартибда зарур тузатишлар киритиш учун асос ҳисобланади. »;

г) қарорга 4-илованинг 7-банди иккинчи хатбошидаги ва 10-бандининг ўн тўққизинчи хатбошидаги «лицензияларда» сўзи «рухсатномаларда» сўзи билан алмаштирилсин;

д) қарорга 5-иловада :

3-банднинг иккинчи хатбошидаги , 5 ва 7-бандларнинг биринчи хатбошиларидаги лицензия» сўзи «рухсатнома» сўзи билан алмаштирилсин;

6-банд қуйидаги таҳрирда баён этилсин:

«6. Фойдали қазилмаларни қазиб оладиган ва фойдали қазилмалар конларини ишлатадиган корхоналарни қуриш учун ер участкасига кон ажратмаси далолатномаси берилгандан кейин маҳаллий ижро этувчи ҳокимият органларининг ер участкасини ажратиш тўғрисидаги қарори талаб этилмайди»;

8-банд қуйидаги таҳрирда баён этилсин:

«8. Кон ишларини ривожлантириш режаси ер қаъридан фойдаланувчи томонидан тузилади ва «Лицензия» ахборот тизими орқали Инспекцияга ва Ўзбекистон Республикаси Саноат хавфсизлиги давлат қўмитасига келишиш учун тақдим этилади.

Кон ишларини ривожлантириш режалари ер қаърининг муҳофаза қилинишини таъминлаш қисми бўйича — Инспекция билан ва саноат хавфсизлигини таъминлаш қисми бўйича — Ўзбекистон Республикаси Саноат хавфсизлиги давлат қўмитаси билан келишилади.

Инспекция ва Ўзбекистон Республикаси Саноат хавфсизлиги давлат қўмитаси тақдим этилган материалларни бир вақтнинг ўзида 10 кун муддатда кўриб чиқади ва кон ишларини ривожлантириш режасини ўз электрон рақамли имзоси билан тасдиқлаб, «Лицензия» ахборот тизими орқали юборади.

Кон ишларини ривожлантириш режалари лойиҳага мувофиқ бир йилга ишлаб чиқилади.

Кон ишларини ривожлантиришнинг йиллик режасига ҳар бир ер ажратмаси бўйича ҳисобланган нобудгарчилик ва сифатнинг бузилиш нормативлари киритилади.

Кон ишларини ривожлантириш режаларида қазиб чиқариш, қазишга жалб этишда фойдали қазилмаларнинг камайиши ва сифатининг бузилишини оптималлаштириш чора-тадбирлари, зарур бўлганда илгари консервация қилинган ва балансдан ташқари захиралар, биргаликда жойлашган фойдали қазилмалардан фойдаланиш ва юзаси очилган жинслар, махсус ағдарилган тупроқдаги нокондицион минерал хом ашёнинг йиғилиши, фан ва техника ютуқларини ишлаб чиқаришга жорий этиш, шунингдек, истиқболли технологик қарорлар ва ер қаърини муҳофаза қилиш соҳасидаги илмий-тадқиқот ва тажриба ишларининг натижалари назарда тутилиши лозим.

Кон ишларини ривожлантириш режалари ҳамда камайиш ва сифатнинг бузилиш нормативларини тузиш ва келишиш тартиби Инспекция томонидан тасдиқланган намунавий методик кўрсатмалар, шунингдек, вазирликлар ва идоралар томонидан Инспекция билан келишган ҳолда тасдиқланган тармоқ методик кўрсатмалари билан белгиланади»;

22-банд қуйидаги таҳрирда баён этилсин:

«22. Корхона лойиҳаси ва конни тажриба-саноат йўли билан қазиш лойиҳаси ер қаъридан фойдаланувчи томонидан ишлаб чиқилади ва «Лицензия» ахборот тизими орқали Инспекцияга ва Ўзбекистон Республикаси Саноат хавфсизлиги давлат қўмитасига келишиш учун тақдим этилади.

Корхона лойиҳаси ва конни тажриба-саноат йўли билан қазиш лойиҳаси ер қаърининг муҳофаза қилинишини таъминлаш қисми бўйича — Инспекция билан ва саноат хавфсизлигини таъминлаш қисми бўйича — Ўзбекистон Республикаси Саноат хавфсизлиги давлат қўмитаси билан келишилади.

Инспекция ва Ўзбекистон Республикаси Саноат хавфсизлиги давлат қўмитаси тақдим этилган материалларни бир вақтнинг ўзида 10 кун муддатда кўриб чиқади ва корхона лойиҳаси ва конни тажриба-саноат йўли билан қазиш лойиҳасини ўз электрон рақамли имзоси билан тасдиқлаб, «Лицензия» ахборот тизими орқали юборади»;

150-бандда :

биринчи хатбоши қуйидаги таҳрирда баён этилсин:

«Корхона ёки унинг бир қисмини тугатиш ва консервация қилиш махсус лойиҳа асосида амалга оширилади. Махсус лойиҳа ер қаъридан фойдаланувчи томонидан ишлаб чиқилади ва «Лицензия» ахборот тизими орқали Инспекцияга ва Ўзбекистон Республикаси Саноат хавфсизлиги давлат қўмитасига келишиш учун тақдим этилади»;

қуйидаги мазмундаги иккинчи хатбоши қўшилсин:

«Инспекция ва Ўзбекистон Республикаси Саноат хавфсизлиги давлат қўмитаси тақдим этилган материалларни бир вақтнинг ўзида 10 кун муддатда кўриб чиқади ва махсус лойиҳани ўз электрон рақамли имзоси билан тасдиқлаб, «Лицензия» ахборот тизими орқали юборади»;

иккинчи — тўққизинчи хатбошилар тегишича учинчи — ўнинчи хатбошилар деб ҳисоблансин;

152-банднинг иккинчи хатбоши чиқариб ташлансин.

8. Вазирлар Маҳкамасининг 2019 йил 15 январдаги 29-сон қарори билан тасдиқланган Ўзбекистон Республикаси Экология ва атроф муҳитни муҳофаза қилиш давлат қўмитаси тўғрисидаги низомда :

а) 11-банднинг «г» кичик банди «7» кичик бандининг учинчи хатбошидаги «лицензияларни» сўзи «рухсатномаларни» сўзи билан алмаштирилсин;

б) 13-банд «28» кичик бандининг учинчи хатбошидаги «лицензияларни» сўзи «рухсатномаларни» сўзи билан алмаштирилсин.

9. Вазирлар Маҳкамасининг «Ер қаъридан фойдаланиш шартларини ишлаб чиқиш бўйича давлат комиссияси фаолиятини янада такомиллаштириш чора-тадбирлари тўғрисида» 2019 йил 12 декабрдаги 989-сон қарорида :

а) қарорга 1-илованинг 6-банди «б» кичик бандининг ўнинчи хатбошидаги «лицензияни» сўзи «рухсатномани» сўзи билан алмаштирилсин;

б) қарорга 2-илованинг матни қуйидаги таҳрирда баён этилсин:

«Ер қаъридан фойдаланиш шартларини ишлаб чиқиш бўйича давлат комиссиясининг

ТАРКИБИ

Ж.А. Қўчқоров — Ўзбекистон Республикаси Бош вазирининг ўринбосари, Комиссия раиси лавозими бўйича — Ўзбекистон Республикаси Бош вазирининг маслаҳатчиси — Геология, энергетика, саноат ва унинг базавий тармоқларини ривожлантириш масалалари департаменти бошлиғи, Комиссия раисининг ўринбосари Б.Ф. Исламов — Ўзбекистон Республикаси Давлат геология ва минерал ресурслар қўмитаси раиси, Комиссия раисининг ўринбосари А.С. Султанов — Ўзбекистон Республикаси энергетика вазири Л.Ш. Қудратов — Ўзбекистон Республикаси инвестициялар ва ташқи савдо вазирининг биринчи ўринбосари О.З. Насритдинходжаев — Ўзбекистон Республикаси молия вазирининг биринчи ўринбосари А.К. Абдиназаров — Ўзбекистон Республикаси иқтисодий тараққиёт ва камбағалликни қисқартириш вазири ўринбосари лавозими бўйича — Ўзбекистон Республикаси Давлат солиқ қўмитаси ҳузуридаги Кадастр агентлиги директори Ш.К. Мирхадиев — Ўзбекистон Республикаси Вазирлар Маҳкамасининг Геология, энергетика, саноат ва унинг базавий тармоқларини ривожлантириш масалалари департаменти бош мутахассиси, Комиссия котиби

10. Вазирлар Маҳкамасининг 2020 йил 18 февралдаги 95-сон қарори билан тасдиқланган Экологик хавфсизлик тўғрисида умумий техник регламентнинг 44-банди еттинчи хатбошидаги «лицензиянинг» сўзи «рухсатноманинг» сўзи билан алмаштирилсин.

11. Вазирлар Маҳкамасининг «Ер ости сувларидан фойдаланишга оид рухсат этувчи ҳужжатларни бериш тартибини янада такомиллаштириш чора-тадбирлари тўғрисида» 2021 йил 8 январдаги 9-сон қарорида :

а) қарорга 2-иловада :

барча матнлари бўйича тегишли сон ва келишикдаги «Давлат хизматлари марказлари» сўзлари тегишли сон ва келишикдаги ««Лицензия» ахборот тизими» сўзи билан алмаштирилсин;

8-бандидаги «Давлат хизматлари марказига ўзи келиб мурожаат этади» сўзлари ««Лицензия» ахборот тизими» сўзлари билан алмаштирилсин;

9-бандда :

биринчи хатбошидан «Ариза берувчи ўзи келиб мурожаат этган тақдирда, Давлат хизматлари маркази ходими ариза берувчи номидан,» сўзлари ««Лицензия» ахборот тизими ёки» сўзлари билан алмаштирилсин;

қуйидаги мазмундаги тўртинчи хатбоши қўшилсин:

«ер ости сувларига қудуқларни бурғилаш учун лойиҳа ҳужжатларининг электрон нусхалари;»;

тўртинчи ва бешинчи хатбошилар тегишинча бешинчи ва олтинчи хатбошилар деб ҳисоблансин;

10-банднинг иккинчи хатбошиси чиқариб ташлансин;

12-банд қуйидаги таҳрирда баён этилсин:

«12. Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи ваколатли органнинг бюджетдан ташқари жамғармасига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи ваколатли органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлиги Ягона биллинг тизими орқали тасдиқланади»;

16-банд қуйидаги таҳрирда баён этилсин:

«16. Ариза берувчи томонидан ариза тасдиқлангандан сўнг ушбу Регламентнинг 9-бандида назарда тутилган маълумотлар илова қилинган ҳолда, автоматик тарзда Давлат геология қўмитасига электрон шаклда юборилади»;

18-бандидаги «уч» сўзи «икки» сўзи билан алмаштирилсин;

19-бандидаги «Давлат хизматлари марказига (ўзи келиб мурожаат этган тақдирда) ёки ариза берувчига (электрон тарзда мурожаат этган тақдирда)» сўзлари ««Лицензия» ахборот тизими ёки» сўзлари билан алмаштирилсин;

21-банд қуйидаги таҳрирда баён этилсин:

«21. Рухсатнома «Лицензия» ахборот тизими ёки ЯИДХП орқали автоматик тарзда электрон шаклда ариза берувчининг электрон манзилига юборилади»;

26-банд қуйидаги таҳрирда баён этилсин:

«26. Техник паспорт «Лицензия» ахборот тизими ёки ЯИДХП орқали автоматик тарзда электрон шаклда ариза берувчининг электрон манзилига юборилади»;

35-банддаги «ва Давлат хизматлари марказлари» сўзлари чиқариб ташлансин;

Маъмурий регламентга 1-иловада «Бажариш муддатлари» бўлимида «3 кун» сўзлари «2 кун» сўзлари билан алмаштирилсин;

Маъмурий регламентга 2-иловада :

учинчи қисмидаги «3. Реквизитлари (СТИР ёки ИНН)» сўзлари «3. Юридик шахснинг номи, СТИРи, почта манзили, электрон почта манзили (агар мавжуд бўлса), хизмат кўрсатувчи банкнинг номи ва ҳисобварағи, телефон рақами» сўзлари билан алмаштирилсин;

тўртинчи қисмидаги «Ариза берувчи билан боғланиш маълумотлари (телефон, электрон почта ва бошқалар)» сўзлари «4. Тегишли мутахассисининг (гидрогеолог) Ф.И.О., диплом серияси рақами ва санаси» сўзлари билан алмаштирилсин;

б) қарорга 3-иловада :

«Давлат хизматлари марказлари» сўзлари тегишли равишда ««Лицензия» ахборот тизими» сўзлари билан алмаштирилсин;

3-банд қуйидаги таҳрирда баён этилсин:

«3. Рухсатнома Ўзбекистон Республикаси Давлат геология ва минерал ресурслар қўмитаси тизимидаги гидрогеология корхоналари (кейинги ўринларда — гидрогеология корхоналари) томонидан «Лицензия» ахборот тизими» ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали берилади»;

8-банддаги «Давлат хизматлари марказига ўзи келиб мурожаат этади» сўзлари ««Лицензия» ахборот тизими» сўзлари билан алмаштирилсин;

9-банддаги «Ариза берувчи ўзи келиб мурожаат этган тақдирда, Давлат хизматлари маркази ходими ариза берувчи номидан,» сўзлари ««Лицензия» ахборот тизими ёки» сўзлари билан алмаштирилсин;

10-банднинг иккинчи хатбошиси чиқариб ташлансин;

12-банд қуйидаги таҳрирда баён этилсин:

«12. Давлат хизматларини кўрсатиш учун ундирилган йиғим суммаси қуйидаги тартибда тақсимланади:

а) «Лицензия» ахборот тизими орқали мурожаат этилганда:

20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига;

11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади.

Давлат хизматларини кўрсатиш учун йиғим тўланганлиги Ягона биллинг тизими орқали тасдиқланади»;

16-банд қуйидаги таҳрирда баён этилсин:

«16. Ариза берувчи томонидан ариза тасдиқлангандан сўнг ушбу Регламентнинг 9-бандида назарда тутилган маълумотлар илова қилинган ҳолда, автоматик тарзда гидрогеология корхоналарига электрон шаклда юборилади»;

17-банд қуйидаги таҳрирда баён этилсин:

«17. Гидрогеология корхоналари бир иш куни мобайнида ариза, рухсатнома лойиҳалари ва ҳужжатларни Давлат геология қўмитасининг ҳудудий гидрогеология станцияларига (кейинги ўринларда — гидрогеология станциялари) уларда келтирилган маълумотларни ўрганиб чиқиш, шунингдек, тегишли сув хўжалиги эксплуатация ташкилотларига уларнинг ўз ваколатлари доирасида суғориш мақсадларида сув олиш лимитларини келишиш учун юборади»;

18-бандда :

биринчи хатбошидаги «Гидрогеология корхоналари» сўзлари «гидрогеология станциялари» сўзлари билан алмаштирилсин;

19-банд қуйидаги таҳрирда баён этилсин:

«19. Гидрогеология корхоналари сув хўжалиги эксплуатация ташкилотларининг тегишли маълумотлари асосида бир иш куни мобайнида рухсатнома бериш ёки беришни рад этиш бўйича хулоса тайёрлаб, рухсатномани мазкур Регламентга 4-иловага мувофиқ шаклда QR-код (матрик штрихли код) қўйиб расмийлаштиради ва уни ўз ЭРИси билан тасдиқлайди ҳамда «Лицензия» ахборот тизими ёки ЯИДХП орқали юборади»;

20-бандда :

иккинчи хатбошидаги «Давлат хизматлари марказига» сўзлари ««Лицензия» ахборот тизими» сўзлари билан алмаштирилсин;

21-банд қуйидаги таҳрирда баён этилсин:

«21. Рухсатнома «Лицензия» ахборот тизими ёки ЯИДХП орқали автоматик тарзда электрон шаклда ариза берувчининг электрон манзилига юборилади.»;

24-банднинг олтинчи хатбошидаги «Давлат хизматлари марказига» сўзлари ««Лицензия» ахборот тизими» сўзлари билан алмаштирилсин;

28-банддаги «Давлат хизматлари марказлари» сўзлари «Давлат хизматлари агентлиги» сўзлари билан алмаштирилсин;

29-банддаги «ва Давлат хизматлари марказлари» сўзлари чиқариб ташлансин;

Маъмурий регламентга 1-иловада :

«Субъектлар» бўлимида:

«Давлат хизматлари маркази» сўзлари тегишли равишда «Лицензия ахборот тизими» сўзлари билан алмаштирилсин;

«Давлат геология қўмитаси» сўзлари тегишли равишда «Гидрогеология корхоналари» сўзлари билан алмаштирилсин;

«Гидрогеология корхоналари» сўзлари «Гидрогеология станциялари» сўзлари билан алмаштирилсин;

«Тадбирлар» бўлимида:

1-босқичдаги «Давлат хизматлари марказига ўзи келган ҳолда» сўзлари ««Лицензия» ахборот тизими» сўзлари билан алмаштирилсин;

2-босқичдаги «Давлат геология қўмитасига» сўзлари «Гидрогеология корхоналарига» сўзлари билан алмаштирилсин;

3-босқичдаги «Давлат геология қўмитасига» сўзлари «Гидрогеология корхоналарига» сўзлари билан алмаштирилсин;

4-босқичдаги «Давлат хизматлари марказига» сўзлари ««Лицензия» ахборот тизимига» сўзлари билан алмаштирилсин;

5-босқичдаги «2. Ариза берувчи ўзи келиб мурожаат қилганда, рухсатномани электрон ёки қоғоз шаклда ариза берувчига тақдим этади.» сўзлари чиқариб ташлансин;

«Бажариш муддатлари» бўлимининг 5-босқичидаги «2. Ариза берувчининг сўровига кўра» сўзлари чиқариб ташлансин.

Маъмурий регламентга 4-иловада «OʻZBEKISTON RESPUBLIKASI DAVLAT GEOLOGIYA VA MINERAL RESURSLAR QOʻMITASI» сўзларидан кейин қуйидаги таҳрирдаги хатбоши қўшилсин:

«________________________________________________________________________________________________________________________________________________________________________________________

(gidrogeologiya korxonasining nomi)»;

Маъмурий регламентга қуйидаги мазмундаги 6-илова қўшилсин:

«Ер ости сувларидан махсус фойдаланиш ёки уларни махсус истеъмол қилиш учун рухсатнома бериш бўйича давлат хизматлари кўрсатишнинг маъмурий регламентига 6-ИЛОВА

Ер ости сувларидан махсус фойдаланиш ёки уларни махсус истеъмол қилиш учун рухсатнома бериш

ПАСПОРТИ

1. Рухсат этиш хусусиятига эга ҳужжатнинг номи: Ер ости сувларидан махсус фойдаланиш ёки уларни махсус истеъмол қилиш учун рухсатнома бериш. 2. Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар): Ер ости сувларидан махсус фойдаланиш ёки уларни махсус истеъмол қилиш. 3. Ариза берувчилар тоифаси: Жисмоний ва юридик шахс. 4. Рухсат этиш тартиб-таомиллари соҳасидаги ваколатли орган: Ўзбекистон Республикаси Давлат геология ва минерал ресурслар қўмитаси тизимидаги гидрогеология корхоналари. 5. Рухсат этиш хусусиятига эга ҳужжатни олиш учун тақдим қилинадиган ҳужжатлар: Маъмурий регламентга 3-иловага мувофиқ маълумотлар. 6. Аризани кўриб чиқиш учун тўланадиган йиғим миқдори: Йиғим ундирилмайди. 7. Рухсат этиш хусусиятига эга ҳужжат берилганлиги учун ундириладиган йиғим миқдори: Базавий ҳисоблаш миқдорининг 30 фоизи миқдори. 8. Аризани кўриб чиқиш муддати: 6 иш куни. 9. Рухсат этишга оид талаб ва шартлар: Рухсатнома олган ер ости сувларидан фойдаланувчилар ёки уларни истеъмол қилувчилар рухсат беришнинг қуйидаги талаб ва шартларига риоя қилиши шарт: сув объектларидан рухсатномада келтирилган мақсадларда фойдаланиши; белгиланган ер ости сув олиш лимитларига риоя этиши; ифлослантирувчи моддалар мавжуд бўлган оқова сувларнинг сув объектларига чиқариб юборилишини бутунлай тугатиш чораларини кўриши; сув объектлари техник қурилмаларини техник жиҳатдан соз ҳолатда сақлаши, уларни ишлатиш сифатини яхшилаши ҳамда улардан фойдаланишнинг белгиланган қоидаларига риоя этиши; сув объектларининг сувни муҳофаза қилиш зоналари, соҳилбўйи минтақалари ва санитария муҳофазаси зоналарини сақлашнинг белгиланган режимига риоя қилиши; ер ости сувларининг ва сув объектларининг ҳолатига таъсир этадиган фавқулодда вазиятлар юзага келганлиги тўғрисида гидрогеология корхоналари ва маҳаллий давлат ҳокимияти органларини ўз вақтида хабардор қилиши, уларнинг оқибатларини бартараф этиш ишларини амалга оширишда, шунингдек, сув объектларида таъмирлаш ва тиклаш ишларида қонунчилик ҳужжатларида белгиланган тартибда иштирок этиши; ер ости сувларидан фойдаланиш ва уларни муҳофаза қилиш бўйича давлат назоратини амалга оширувчи органларнинг вакилларини ўз сув хўжалиги объектларига белгиланган тартибда киритиши ҳамда уларга зарур ахборотни тақдим этиши; ер ости сувларини олиш ва беришда сув миқдори ҳисобини юритиши, шунингдек, гидрогеология корхоналарига йиллик ҳисоботни йил якунлари бўйича кейинги йилнинг 15 февралига қадар Маъмурий регламентга 5-иловага мувофиқ шаклда тақдим этиши. 10. Рухсат этиш хусусиятига эга ҳужжатни беришда келишиладиган органлар: Ўзбекистон Республикаси Давлат геология ва минерал ресурслар қўмитаси тизимидаги ҳудудий гидрогеология станциялари. 11. Рухсат этиш хусусиятига эга ҳужжатнинг амал қилиш муддати: Рухсатноманинг амал қилиш муддати ер ости сувларини олиш технологияси ва лимити, санитария-гигиена ва атроф муҳитни муҳофаза қилиш талабларига риоя қилган ҳолда, якка қудуқлар ёки захиралари тасдиқланган гуруҳли сув олиш иншоотлари учун 5 йил (бунда ер ости сувлари захиралари баҳоланмаган ҳолларда 2 йил) муддатга берилади. Гуруҳли сув олиш иншоотлари бўйича ер ости сувларидан махсус фойдаланиш ёки уларни махсус истеъмол қилиш учун 2 йил муддатда ер ости сувлари захираларини баҳолаш мажбурийдир. 12. Изоҳ: Рухсатнома беришнинг асосий мақсади ер ости сувларидан махсус фойдаланиш ёки уларни махсус истеъмол қилиш билан боғлиқ жараёнларни тартибга солиш, ер ости сувларидан оқилона фойдаланиш, ер ости сувлари захираларининг камайиб кетиши ёки сатҳининг кўтарилиб кетишининг олдини олиш, сув олиш миқдори ва сифатини назорат қилиб бориш ҳамда ер ости сувларидан фойдаланувчилар ёки уларни истеъмол қилувчилар ҳисобини юритишдан иборат. Икки ва ундан ортиқ сув олиш объектлари битта тизимга уланганда ва бир объектнинг сув таъминоти учун ер ости сувларидан махсус фойдаланиш ёки уларни махсус истеъмол қилиш учун ишлатилганда, ягона рухсатнома расмийлаштирилади. Агар жисмоний ва юридик шахсларнинг сув олиш иншоотлари бир тизимга уланмаган ҳолларда ёки икки ва ундан ортиқ объектларнинг сув таъминоти учун ишлатилганда, алоҳида рухсатномалар олинади. Ушбу Регламент талаблари коммунал сув қувурлари ва канализациянинг марказлаштирилган тармоқларидан фойдаланишга, жисмоний шахслар томонидан чуқурлиги 25 (йигирма беш) метргача бўлган қудуқлардан суткасига 5 (беш) куб метр ҳажмдаги ер ости сувларидан умумий фойдаланилганда татбиқ этилмайди (бунда қудуқда ўрнатилган асбоб-ускуналарнинг техник қуввати кўрсаткичлари асос қилиб олинади). Рухсатнома олмасдан ер ости сувларидан махсус фойдаланиш ёки уларни махсус истеъмол қилиш қатъиян тақиқланади, бунда зах қочириш (дренаж) мақсадлари учун рухсатнома олиш талаб қилинмайди. ».

Вазирлар Маҳкамасининг 2022 йил 25 мартдаги 133-сон қарорига 6-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган қарорлари

1. Вазирлар Маҳкамасининг «Ғишт хом ашёсини геологик жиҳатдан ўрганиш, тажриба-саноат ва саноат асосида кавлаб олиш учун ер қаъри участкаларидан фойдаланиш ҳуқуқини берадиган лицензиялар беришнинг соддалаштирилган тартиби тўғрисидаги вақтинчалик низомни тасдиқлаш ҳақида» 2009 йил 27 октябрдаги 284-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2010 йил 17 декабрдаги 301-сон қарорига илованинг 37-банди .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2017 йил 14 ноябрдаги 915-сон қарорига 1-илованинг 36-банди .

4. Вазирлар Маҳкамасининг «Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисидаги низомни тасдиқлаш ҳақида» 2019 йил 16 мартдаги 224-сон қарори .

5. Вазирлар Маҳкамасининг «Қимматбаҳо металларни олтин изловчилар усулида қазиб олиш учун 2019 йилда фойдаланишга бериладиган ер қаъри участкаларининг рўйхатини тасдиқлаш тўғрисида» 2019 йил 16 мартдаги 225-сон қарори .

6. Вазирлар Маҳкамасининг «Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини бериш жараёнини янада такомиллаштириш чора-тадбирлари тўғрисида» 2019 йил 1 июлдаги 546-сон қарори .

7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2019 йил 28 декабрдаги 1046-сон қарорига илованинг 90 ва 278-бандлари .

8. Вазирлар Маҳкамасининг «Ер қаъри участкаларидан фойдаланиш ҳуқуқи учун лицензиялар бериш тартибини янада такомиллаштириш чора-тадбирлари тўғрисида» 2020 йил 23 июндаги 403-сон қарори .

9. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2020 йил 26 июндаги 411-сон қарорига 1-илованинг 68-банди .

Ўзбекистон Республикасининг Бош вазири А. АРИПОВ

Тошкент ш.,

2022 йил 25 март,

133-сон

(Қонунчилик маълумотлари миллий базаси, 26.03.2022 й., 09/22/133/0237-сон; 12.12.2022 й., 07/22/439/1081-сон; 17.01.2023 й., 09/23/17/0031-сон; 26.08.2023 й., 09/23/424/0655-сон; 29.12.2023 й., 09/23/685/1010-сон; 15.05.2024 й., 09/24/282/0347-сон; 31.10.2024 й., 09/24/710/0867-сон; 01.03.2025 й., 09/25/131/0200-сон; 10.04.2025 й., 09/25/211/0323-сон; 23.04.2025 й., 09/25/247/0383-сон; 25.06.2025 й., 09/25/381/0539-сон; 28.07.2025 й., 09/25/467/0654-сон; 06.01.2026 й., 09/26/840/0012-сон; 31.07.2026 й., 09/26/421/0804-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

SXEMASI

ARIZA

SXEMASI

ARIZA

SXEMASI

BUYURTMA

SXEMASI

BUYURTMA

SXEMASI

PASPORTI

ARIZA

ARIZA

NIZOM

SXEMASI

BUYURTMA

SXEMASI

PASPORTI

ARIZA

ARIZA

NIZOM

SXEMASI

PASPORTI

ARIZA

MAʼMURIY REGLAMENTI

SXEMASI

PASPORTI

SXEMASI

PASPORTI

ROʻYXATI

Yer qaʼri uchastkalaridan foydalanish huquqi uchun ruxsatnomalar berish tartibini yanada takomillashtirish chora-tadbirlari toʻgʻrisida

Yer qaʼri uchastkasidan foydalanish huquqi uchun ruxsatnoma berish tartib-taomillarini tubdan takomillashtirish, bu boradagi barcha jarayonlarni toʻliq elektronlashtirish hamda mavjud byurokratik toʻsiqlarni bartaraf etish orqali tadbirkorlik subyektlari faoliyati uchun yanada qulay va keng shart-sharoitlar yaratish maqsadida Vazirlar Mahkamasi qaror qiladi:

1. Quyidagilar:

a) Oʻzbekiston Respublikasi Prezidentining “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida” 2020-yil 24-avgustdagi PF-6044-son Farmoniga muvofiq:

yer qaʼri uchastkalaridan foydalanish huquqi uchun litsenziya olishda talabgordan mahalliy davlat hokimiyati organlarining kafolat xatlarini olishni talab qilish tartibi bekor qilinganligi;

yer qaʼri boʻyicha geologik materiallarning loyiha-smeta hujjatlarini tasdiqlash haqida qaror hamda geologiya qidiruv ishlari loyihasini kelishish boʻyicha ruxsat etish xususiyatiga ega hujjatlar yer qaʼri boʻyicha geologik materiallarning loyiha-smeta hujjatlarining davlat ekspertizasi xulosasiga birlashtirish orqali bekor qilinganligi;

foydali qazilmalarni qazib olish bilan bogʻliq yer ostini oʻrganish ishlari boʻyicha hisobni yuritish hamda yer osti boyliklarini qazib olish jarayonida qazib olingan va yoʻqotilgan foydali qazilmalar zaxiralarini yer qaʼridan foydalanuvchining hisobidan chiqarishni kelishish boʻyicha ruxsat etish xususiyatiga ega hujjatlar foydali qazilmalarni qazib olish bilan bogʻliq yer ostini oʻrganish ishlari boʻyicha hisobni yuritishga birlashtirish orqali bekor qilinganligi;

kon ajratish dalolatnomasi, konchilik va qayta ishlash korxonasining texnik loyihasi hamda korxonaning foydali qazilmalarni qazib olish loyihasi, shu jumladan konning tajriba sinovini muvofiqlashtirishni kelishish kon ajratish dalolatnomasiga birlashtirilgan holda bekor qilinganligi;

ruda va noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziya “ruxsatnoma”ga oʻzgartirilib, barcha jarayonlarni, jumladan toʻgʻridan-toʻgʻri muzokaralar asosida ruxsatnomani berishni toʻliq elektronlashtirish nazarda tutilganligi;

b) “Yer osti boyliklari toʻgʻrisida”gi Qonunning 8 1 va 14-moddalariga muvofiq Oʻzbekiston Respublikasi Togʻ-kon sanoati va geologiya vazirligi (keyingi oʻrinlarda — Kon-geologiya vazirligi) tomonidan yer osti boyliklari davlat fondi tasarruf etilishi, shuningdek foydali qazilma konlari, foydali qazilma belgilari va texnogen mineral hosilalar davlat kadastri yuritilishi;

v) Oʻzbekiston Respublikasi Prezidentining “Geologiya-qidiruv ishlarini yanada ragʻbatlantirish va yer qaʼridan foydalanuvchilarga soliq solish tartibini takomillashtirish chora-tadbirlari toʻgʻrisida” 2021-yil 6-oktabrdagi PF-6319-son Farmoniga muvofiq 2022-yil 1-yanvardan boshlab:

muhim tijorat salohiyatiga ega boʻlgan uglevodorodlar, qimmatbaho, rangli, nodir va radioaktiv metallar va boshqa turdagi rudali foydali qazilmalar obyektlari boʻyicha geologik oʻrganish yoki avval oʻrganilgan yer qaʼri uchastkasida qazish ishlari uchun yer qaʼri uchastkasidan foydalanish huquqini tanlov savdolariga chiqarishning maxsus tartibi oʻrnatilganligi;

tanlov savdolari tashkilotchisi yoki tanlov savdolari ishtirokchilari qonunchilikda belgilangan tartibda foydali qazilmalarni qazib olishda (ajratib olishda) ayrim soliq turlari boʻyicha soliq stavkalarini oshirilgan miqdorda taklif qilish huquqiga egaligi;

ajratilgan maydon va foydali qazilma turlaridan kelib chiqib, qonunchilik hujjatlari bilan belgilangan miqdorda hisoblab chiqiladigan, geologik oʻrganishlar uchun yer qaʼridan foydalanganlik uchun har yillik litsenziya toʻlovi joriy qilinishi;

Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi tomonidan geologik oʻrganishlar uchun yer qaʼridan foydalanganlik uchun har yillik litsenziya toʻlovining miqdori tadbirkorlik subyektlariga berilgan maydon (gektar)dan kelib chiqib hisoblanishi va yer qaʼridan foydalanish shartlarida koʻrsatilishi;

foydali qazilmalarni qazib olish huquqi uchun undiriladigan tijoratbop topilma bonusini hamda foydali qazilmalarni aniqlash va razvedka qilish boʻyicha faoliyatni amalga oshirish huquqi uchun undiriladigan imzoli bonusni bekor qilishga rozilik berilganligi maʼlumot uchun qabul qilinsin.

2. Belgilab qoʻyilsinki:

yer qaʼri davlat fondining kadastriga kiritilgan yer uchastkalari yer qaʼri uchastkalaridan foydalanish sohasida vakolatli organ — tegishliligicha Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasiga yoki Ekologiya, atrof-muhitni muhofaza qilish va iqlim oʻzgarishi vazirligiga ularning murojaatlariga asosan jamoat ehtiyojlari uchun doimiy foydalanish huquqi asosida mahalliy davlat hokimiyati organlari tomonidan ajratib beriladi;

yer qaʼridan foydalanish maqsadlari uchun moʻljallangan yer uchastkalarini Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasiga ajratish jarayonida yer qaʼridan foydalanish faoliyatini ushbu yer uchastkasida olib borish mumkinligi yuzasidan Ekologiya, atrof-muhitni muhofaza qilish va iqlim oʻzgarishi vazirligi bilan kelishiladi;

yer qaʼridan foydalanish maqsadlari uchun zarur boʻlganda yer uchastkalari qonunda belgilangan tartibda jamoat ehtiyojlari uchun olib qoʻyiladi (sotib olinadi);

yer qaʼridan foydalanish maqsadlari uchun olib qoʻyilgan (sotib olingandan) yer uchastkalarining yer fondi toifasi oʻzgartiriladi va davlat mulki sifatida davlat roʻyxatidan oʻtkaziladi;

yer qaʼri uchastkalaridan foydalanish huquqi uchun ruxsatnoma yer qaʼridan foydalanuvchiga qonunchilikka muvofiq tegishli yer uchastkasini ijara huquqi asosida taqdim etish uchun asos hisoblanadi;

yer qaʼri uchastkalaridan foydalanish huquqi uchun ruxsatnoma berish bilan bir vaqtda yer qaʼri uchastkalaridan foydalanish sohasida vakolatli organ va yer qaʼridan foydalanuvchi oʻrtasida yer uchastkasining ijara shartnomasi tuziladi va u ruxsatnomaga ilova qilinadigan yer qaʼridan foydalanish shartlarining ajralmas qismi hisoblanadi;

yer uchastkasini ajratish materiallarini tayyorlash uchun toʻlov yer qaʼridan foydalanuvchi tomonidan tegishli ruxsatnoma rasmiylashtirilgunga qadar amalga oshiriladi;

yer qaʼridan foydalanish maqsadlari uchun yer uchastkasini belgilangan tartibda olib qoʻyish (sotib olish) bilan bogʻliq xarajatlar keyinchalik yer qaʼridan foydalanuvchi tomonidan Vazirlar Mahkamasi huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga ruxsatnoma rasmiylashtirilgunga qadar qoplab beriladi (amalga oshiriladi);

yer qaʼri uchastkalaridan foydalanish sohasida vakolatli organga doimiy foydalanish huquqi bilan ajratilgan yer qaʼri uchastkalari yer qaʼridan foydalanuvchiga ijaraga berilgunga qadar yer soligʻi obyekti hisoblanmaydi;

yer qaʼridan foydalanuvchi ijaraga berilgan yer uchastkasi va yuritadigan faoliyati boʻyicha Oʻzbekiston Respublikasi Soliq kodeksida belgilangan va qonunchilikda nazarda tutilgan soliqlar va toʻlovlarni amalga oshiradi, shu jumladan, yer soligʻining subyekti hisoblanadi;

yer uchastkasi yer qaʼridan foydalanish uchun ijaraga berilganda, ijara toʻlovi undirilmaydi.

3. Quyidagilar:

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizom 1-ilovaga muvofiq;

Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizom 2-ilovaga muvofiq;

Qimmatbaho metallarni oltin izlovchilar usulida qazib olish faoliyatini amalga oshirish tartibi toʻgʻrisidagi nizom 3-ilovaga muvofiq;

Yer qaʼri boʻyicha geologik materiallarning loyiha-smeta hujjatlarining davlat ekspertizasi xulosasini berishning maʼmuriy reglamenti 4-ilovaga muvofiq tasdiqlansin.

4. Belgilansinki:

yuridik shaxslarga yer qaʼri boʻyicha geologik materiallar loyiha-smeta hujjatlarining davlat ekspertizasi xulosasi “Litsenziya” axborot tizimi orqali beriladi;

yer qaʼridan foydalanuvchilarga ilgari rasmiylashtirilgan eski namunadagi litsenziyalar yangi namunadagi ruxsatnomaga almashtirilgan holda 2025-yilning 31-iyulidan oʻz kuchini yoʻqotgan deb hisoblanadi;

noruda foydali qazilmalarni qazib olish uchun yer qaʼri uchastkasidan foydalanish huquqini beruvchi ruxsatnomasi mavjud tadbirkorlik subyektlari tomonidan noruda foydali qazilma konida avtotransport vositalarining ogʻirlik parametrlarini oʻlchashga moʻljallangan tarozilarni oʻrnatish hamda yuk avtotransport vositalari meʼyor talablarida yuklanishi va yoʻlga chiqishi boʻyicha majburiyatlarni oʻz zimmasiga oladi;

geologik oʻrganishlar uchun yer qaʼridan foydalanganlik uchun har yillik litsenziya toʻlovining umumiy miqdori mazkur bandda belgilangan miqdorlarni ruxsatnoma shartlariga muvofiq ajratiladigan (ijaraga beriladigan) yer uchastkasining maydoniga koʻpaytirish orqali Oʻzbekiston Respublikasi Togʻ-kon sanoati va geologiya vazirligi huzuridagi “Yer qaʼridan foydalanish markazi” DM tomonidan hisoblanadi va yer qaʼridan foydalanish shartlarida koʻrsatiladi;

geologik oʻrganishlar uchun yer qaʼridan foydalanganlik uchun har yillik litsenziya toʻlovi 1-fevralga qadar Oʻzbekiston Respublikasi Iqtisodiyot va moliya vazirligining yillik litsenziya toʻlovi uchun ochilgan maxsus hisob raqamga toʻlanadi;

strategik turdagi (asosiy) foydali qazilmalar, shu jumladan uglevodorodlarni oʻz ichiga olgan yer qaʼri uchastkalarida geologik oʻrganishlar olib boruvchi tadbirkorlik subyektlari tomonidan har yillik litsenziya toʻlovi hisobot davridan keyingi yilning 1-martidan 1-dekabriga qadar, har oy teng ulushlarda amalga oshiriladi;

strategik turdagi (asosiy) foydali qazilmalar, shu jumladan uglevodorodlarni oʻz ichiga olgan yer qaʼri uchastkalarida geologik oʻrganishlar olib boruvchi tadbirkorlik subyektlari har yillik litsenziya toʻlovini tasdiqlanadigan yillik ish rejaga muvofiq haqiqiy egallab turgan maydoni boʻyicha amalga oshiradi;

noruda foydali qazilmalarni oʻz ichiga olgan yer qaʼri uchastkalarida geologik oʻrganishlar olib boruvchi tadbirkorlik subyektlari tomonidan har yillik litsenziya toʻlovi hisobot davridan keyingi yilning 1-martiga qadar amalga oshiriladi;

tadbirkorlik subyektlari tomonidan ruxsatnomaga muvofiq ajratilgan yer qaʼri uchastkalari boʻyicha foydali qazilmalarni kavlab olish hajmlari toʻgʻrisidagi choraklik hisobotlarni taqdim etish tartibi joriy etiladi. Ushbu tartib ilgari berilgan ruxsatnomalarga ham tatbiq etiladi.

Geologik oʻrganishlar uchun yer qaʼridan foydalanganlik uchun yillik litsenziya toʻlovi ruxsatnoma shartlarida koʻrsatiladigan yer maydonining har bir gektari uchun quyidagi miqdorlarda ruxsatnomaning amal qilish davrida har yili toʻlanadi:

asosiy — uglevodorod, qimmatbaho, rangli va noyob metallar hamda boshqa rudali foydali qazilmalarga qonunchilikda belgilangan bazaviy hisoblash miqdorining oʻn foizi;

noruda, jumladan, keng tarqalgan foydali qazilmalarga qonunchilikda belgilangan bazaviy hisoblash miqdorining oʻn besh foizi.

5. Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi, Raqamli texnologiyalar vazirligi, Adliya vazirligi yer qaʼridan foydalanuvchilarga rasmiylashtirilgan eski namunadagi litsenziyalarni yangi namunadagi ruxsatnomaga 2024-yil 1-iyulga qadar “Litsenziya” axborot tizimi yoki Yagona interaktiv davlat xizmatlari portali orqali bepul almashtirish choralarini koʻrsin.

6. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirish va qoʻshimchalar kiritilsin.

7. Oʻzbekiston Respublikasi Hukumatining 6-ilovaga muvofiq ayrim qarorlari oʻz kuchini yoʻqotgan deb hisoblansin.

8. Oʻzbekiston Respublikasi Davlat geologiya va mineral resurslar qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

9. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Geologiya, energetika, sanoat va uning bazaviy tarmoqlarini rivojlantirish masalalari departamentiga hamda Oʻzbekiston Respublikasi Davlat geologiya va mineral resurslar qoʻmitasi raisi B.F. Islamov zimmasiga yuklansin.

Vazirlar Mahkamasining 2022-yil 25-martdagi 133-son qaroriga 1-ILOVA

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisida

1-bob. Umumiy qoidalar

1. Ushbu Nizom yer qaʼri uchastkalaridan foydalanish huquqi uchun ruxsatnoma berish tartibini belgilaydi.

2. Ushbu Nizom yer qaʼri uchastkalari foydalanishga, shu jumladan, alohida bitimlar asosida foydalanishga berilgan holatlarga nisbatan qoʻllaniladi, mahsulot taqsimotiga oid bitimlar hamda konsessiya sohasidagi qonunchilik hujjatlarida boshqacha qoidalar nazarda tutilgan hollar bundan mustasno.

Ushbu Nizomning amal qilishi noruda foydali qazilmalarni oʻz ichiga olgan yer qaʼri uchastkalaridan foydalanish va qimmatbaho metallarni oltin izlovchilar usulida qazib olish huquqi uchun ruxsatnomalar berishga nisbatan tatbiq etilmaydi.

3. Ushbu Nizomda quyidagi asosiy tushunchalar qoʻllaniladi:

“E-auksion” elektron savdo platformasi (keyingi oʻrinlarda — savdo platformasi) — elektron onlayn-auksionlarni tashkil etish va oʻtkazish uchun zarur boʻlgan axborotni kiritish, saqlash va qayta ishlash, shuningdek, manfaatdor shaxslarning auksionlar jarayonlaridan operator veb-portali orqali bevosita foydalanish imkoniyatini taʼminlaydigan axborot tizimi;

geologik jihatdan oʻrganish uchun strategik turdagi (asosiy) foydali qazilmalarni oʻz ichiga olgan yer qaʼri uchastkasidan foydalanish huquqini beradigan ruxsatnoma — uning egasini tadbirkorlik tavakkalchiligi shartlari asosida (yer qaʼridan foydalanuvchining oʻz mablagʻlari hisobidan) foydali qazilma konlarini qidirish, baholash, razvedka qilish huquqini tasdiqlovchi hujjat;

kon ajratish dalolatnomasi — ruxsatnomaga muvofiq va yer osti boyliklaridan foydalanish huquqini beruvchi ruxsatnomada koʻrsatilgan maqsadlarda foydalanishga berilgan maydoni va chuqurligiga koʻra cheklangan yer qaʼrining geometriklashtirilgan uchastkasi;

mahsulot taqsimoti toʻgʻrisidagi bitim, konsessiya va boshqa alohida investitsiya bitimlari — shartnoma hisoblanib, unga muvofiq Oʻzbekiston Respublikasi haq olish asosida va muayyan muddatga chet ellik investorga bitimda koʻrsatilgan yer qaʼri uchastkasida konlarni aniqlash, qidirish va foydali qazilmalarni qazib chiqarish hamda shular bilan bogʻliq boʻlgan ishlarni olib borish uchun mutlaq huquqlar beradi, investor esa ushbu ishlarni oʻz mablagʻlari hisobiga va tavakkal qilib amalga oshirish majburiyatini oladi (keyingi oʻrinlarda — alohida bitimlar);

muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan ruxsatnoma — uning egasini ilmiy va oʻquv poligonlari, geologik qoʻriqxonalar, tabiat yodgorliklari hamda ilmiy, tarixiy, madaniy, estetik va boshqa ahamiyatga molik boʻlgan oʻzgacha obyektlarni belgilash, shuningdek, gʻorlar hamda boshqa yer osti boʻshliqlaridan ilmiy, davolash-sogʻlomlashtirish yoki turistik maqsadlarda foydalanish huquqini tasdiqlovchi hujjat;

nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan ruxsatnoma — uning egasini yer yuzasiga chiqib qolgan tabiiy jinslar, tabiiy yer osti boʻshliqlari (gʻorlar), ishlatib boʻlingan konlar, kon qazish korxonalarining agʻdarmalaridan (kon ajratish dalolatnomasi egasi bilan kelishuv boʻyicha) nodir tosh xom ashyosining yakka-yolgʻiz namunalarini, paleontologik qoldiqlarni va boshqa geologik kolleksiyabop materiallarni ajratib olish, shuningdek, kon ishlari va maxsus ishlarning boshqa turlarini amalga oshirmasdan (yer qaʼri yaxlitligini buzmasdan) daryolarning qayirlarida namunalarni toʻplash huquqini tasdiqlovchi hujjat;

operator — Oʻzbekiston Respublikasi Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” davlat unitar korxonasi;

strategik turdagi (asosiy) foydali qazilmalar — oltin, kumush, mis, qoʻrgʻoshin, rux, volfram, uran, platina va platinoidlar, nodir metallar va nodir yer elementlari, temir, marganets, qimmatbaho toshlar hamda uglevodorodlar (neft, gaz, kondensat) va ular bilan bogʻliq komponentlar, sanoat ahamiyatiga molik yer osti suvlari, koʻmir, yonuvchi slanetslar;

texnogen mineral hosilalardan foydalanish uchun yer qaʼri uchastkasidan foydalanish huquqini beradigan ruxsatnoma — uning egasini kon qazish va qayta ishlash ishlab chiqarishlarining tarkibida foydali komponentlar mavjud boʻlgan chiqindilarini qonun hujjatlarida nazarda tutilgan zarur ruxsat beruvchi hujjatlar olinishini hisobga olgan holda qayta ishlash huquqini tasdiqlovchi hujjat;

Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish huquqini beradigan ruxsatnoma — uning egasini yer osti inshootlarini qurish va ulardan foydalanish, shu jumladan, uglevodorodlarni yer ostida saqlash, chiqindilarni saqlash va koʻmib tashlash uchun yer qaʼrining muayyan uchastkasidan foydalanish huquqini tasdiqlovchi hujjat;

foydali qazilmalarni kavlab olish uchun yer qaʼri uchastkasidan foydalanish huquqini beradigan ruxsatnoma — uning egasini foydali qazilma konini ishlatish, qazib olingan mineral xom ashyoni qayta ishlash, shu jumladan, agar ruxsatnoma shartlarida boshqa qoida nazarda tutilmagan boʻlsa, qazib chiqarish jarayonida olingan texnogen mineral hosilalardan qonun hujjatlarida nazarda tutilgan zarur ruxsat beruvchi hujjatlar olinishini hisobga olgan holda foydalanish (qayta ishlash) huquqini tasdiqlovchi hujjat.

4. Geologik jihatdan oʻrganish uchun tadbirkorlik tavakkalchiligi shartlarida foydali qazilma konlarini qazib olish, texnogen mineral hosilalardan foydalanish va boshqa maqsadlar, foydali qazilmalarni kavlab olish bilan bogʻliq boʻlmagan va ushbu Nizomda nazarda tutilgan yer qaʼri uchastkasidan foydalanish huquqini berish uchun asos ruxsatnoma hisoblanadi.

Belgilangan tartibda tasdiqlangan loyiha-smeta hujjatlari Oʻzbekiston Respublikasi Togʻ-kon sanoati va geologiya vazirligining buyurtmasi boʻyicha mineral xom ashyo bazasini rivojlantirish va qayta ishlab chiqarish davlat dasturlari doirasida yer qaʼrini geologik oʻrganish uchun yer qaʼri uchastkalaridan foydalanish huquqi paydo boʻlishi uchun asos hisoblanadi.

Ruxsatnoma maʼlum bir muddat belgilangan aniq chegaralar doirasida uning egasining yer qaʼri uchastkalaridan foydalanish huquqini tasdiqlaydi va yer qaʼri uchastkalaridan foydalanish shartlarini belgilaydi.

5. Yer qaʼri uchastkalaridan foydalanish huquqi uchun ruxsatnomalar beruvchi vakolatli organlar (keyingi oʻrinlarda — vakolatli organ):

Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda — Ekologiya vazirligi) tomonidan — chiqindilarni saqlash va koʻmib tashlash maqsadida yer osti inshootlarini qurish va foydalanish uchun;

Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi (keyingi oʻrinlarda — Yer qaʼridan foydalanish markazi) tomonidan — yer qaʼri uchastkasidan foydalanish huquqining boshqa barcha turlari uchun beriladi.

2-bob. Yer qaʼri uchastkalaridan foydalanish huquqini beradigan ruxsatnoma

6. Yer qaʼri uchastkasidan foydalanish huquqini beradigan ruxsatnoma quyidagi maqsadlar uchun beriladi:

geologik jihatdan oʻrganish;

foydali qazilmalarni kavlab olish;

texnogen mineral hosilalardan foydalanish;

Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish;

muhofaza etiladigan geologik obyektlarni barpo etish;

nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash.

Ruxsatnoma, qoidaga koʻra, ushbu bandda belgilangan yer qaʼridan foydalanishning har bir turi uchun alohida beriladi.

7. Ruxsatnomalar auksion savdolari, tanlov natijalari yoki “birinchi kelgan birinchi oladi” tamoyiliga asosan talabgor arizasini koʻrib chiqish (yuridik shaxslarning Vakolatli organ bilan toʻgʻridan-toʻgʻri muzokaralar olib borishi) natijasi asosida ushbu Nizomda belgilangan tartibda beriladi.

8. Yer qaʼri uchastkalaridan foydalanish huquqi uchun ruxsatnomalar:

oʻrganilganlik darajasi va kon ochish salohiyati yuqori boʻlgan istiqbolli maydonlarni geologik oʻrganish uchun elektron platformada oʻtkaziladigan auksion natijalariga koʻra ushbu Nizomga 1-ilovaga muvofiq sxema boʻyicha;

oʻrganilmagan yoki kam oʻrganilgan yer qaʼri uchastkalarini geologik oʻrganish uchun “birinchi kelgan birinchi oladi” tamoyiliga asosan talabgor arizasini koʻrib chiqish orqali ushbu Nizomning 7-bobiga va 4-ilovaga muvofiq sxema boʻyicha;

foydali qazilmalarni qazib olish, texnogen mineral hosilalardan foydalanish (yer qaʼridan foydalanuvchining balansida boʻlamaganda) uchun auksion yoki tanlov (tender) natijalariga koʻra mos ravishda ushbu Nizomning 5-bobi va 1-ilovasiga hamda 6-bobi , 2 va 4-ilovalariga muvofiq sxemalar boʻyicha;

foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish, shu jumladan, chiqindilarni saqlash va koʻmib tashlash maqsadida, muhofaza etiladigan geologik obyektlarni barpo etish, nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun “birinchi kelgan birinchi oladi” tamoyiliga asosan talabgor arizasini koʻrib chiqish yoʻli bilan ushbu Nizomning 7-bobiga va 6 , 8 hamda 10-ilovalarga muvofiq sxemalar boʻyicha beriladi.

9. Yer qaʼrini geologik jihatdan oʻrganish boʻyicha ishlarni moliyalashtirgan yuridik shaxslar ruxsatnomaga muvofiq oʻzlari razvedka qilib, aniqlagan konda foydali qazilmalarning zaxiralari Togʻ-kon sanoati va geologiya vazirligi huzuridagi Foydali qazilmalar zaxiralari boʻyicha davlat komissiyasida (keyingi oʻrinlarda — Davlat komissiyasi) tasdiqlangan sanadan boshlab bir yil mobaynida foydali qazilmalarni kavlab olish uchun ruxsatnoma olish yuzasidan mutlaq huquqqa (keyingi oʻrinlarda — mutlaq huquq) egadirlar.

Foydali qazilmalarni kavlab olish uchun yer qaʼri uchastkasidan foydalanish huquqi uchun ruxsatnoma yuridik shaxsning mutlaq huquqining amal qilish muddati davomida “birinchi kelgan birinchi oladi” tamoyiliga asosan talabgor arizasini koʻrib chiqish orqali ushbu Nizomning 7-bobida belgilangan tartibda beriladi.

Bunda, mutlaq huquq amal qilish muddati tugagunga qadar ushbu topilgan konlarda foydali qazilmalarni kavlab olish uchun yer qaʼri uchastkasidan foydalanish huquqini beradigan ruxsatnomani qidirish ishlarini oʻz hisobidan oʻtkazgan yuridik shaxslardan tashqari boshqa shaxslarga berish taqiqlanadi.

Yer qaʼrini geologik jihatdan oʻrganish ishlarini oʻz mablagʻlari hisobiga oʻtkazgan yuridik shaxs oʻzi razvedka qilgan kondagi foydali qazilmalarni kavlab olish huquqidan voz kechgan yoki foydali qazilmalarni kavlab olish uchun yer qaʼri uchastkalaridan foydalanish huquqini beradigan ruxsatnomani olish uchun mutlaq huquqning muddati tugagan taqdirda foydali qazilmalar konlari boʻyicha mazkur huquq ushbu Nizomda belgilangan tartibda auksion yoki tanlov (tender) savdosi orqali talabgor yuridik shaxslarga taklif etiladi.

Bunda, ushbu bandning uchinchi xatboshisida koʻrsatilgan holatlarda yuridik shaxsning qilgan xarajatlari, shu jumladan, yer qaʼri toʻgʻrisidagi geologik va boshqa axborotlar qiymati qoplanmaydi.

10. Yer qaʼri uchastkalaridan foydalanish huquqi uchun ruxsatnomalar quyidagi hollarda “birinchi kelgan birinchi oladi” tamoyiliga asosan talabgor arizasini koʻrib chiqish orqali berilishi mumkin:

yer qaʼrini geologik jihatdan oʻrganish ishlarini oʻz mablagʻlari hisobiga oʻtkazgan yuridik shaxs oʻzi razvedka qilgan kondagi foydali qazilmalarni kavlab olish huquqiga;

Oʻzbekiston Respublikasi Prezidenti va Vazirlar Mahkamasining qaror va farmoyishlariga muvofiq. Bunda ushbu qaror va farmoyishlarga asosan Yer qaʼri uchastkalaridan foydalanish huquqi uchun ruxsatnomalar rasmiylashtirilganda, talabgor tomonidan savdoga chiqarishning boshlangʻich narxi miqdorida mablagʻlar toʻlanadi hamda mazkur mablagʻlar “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibiga muvofiq taqsimlanadi;

yer qaʼrini geologik oʻrganishga doir ishlarni moliyalashtirgan yuridik shaxs oʻzi qidirib, aniqlagan kondan foydali qazilmalarni kavlab olish uchun mutlaq huquqni, Togʻ-kon sanoati va geologiya vazirligi bilan kelishilgan holda, boshqa shaxsga (toʻliq yoki qisman) berish istagini bildirgan taqdirda.

11. Foydali qazilmalarni baholash va razvedka qilish bosqichlarida loyiha-smeta hujjatlarida asoslangan va foydali qazilmalar zaxirasini hisoblab chiqish va uning sifatini baholash uchun yetarli boʻlgan hajmda tajriba (namuna) va tajriba-sanoat usulida kavlab olish uchun yer qaʼri uchastkalaridan foydalanish huquqini beradigan ruxsatnoma olish geologik oʻrganishga doir ruxsatnoma mavjud boʻlganda talab qilinmaydi.

12. Foydali qazilmalarni kavlab olish uchun yer qaʼri uchastkasidan foydalanish huquqini beradigan ruxsatnoma Davlat komissiyasi tomonidan zaxirasi tasdiqlangan foydali qazilma konlariga beriladi.

13. Foydali qazilmalarni kavlab olish uchun yer qaʼri uchastkasidan foydalanish huquqini beradigan ruxsatnoma, agar bu konlarni ishga tushirishning texnik-iqtisodiy koʻrsatkichlarini yomonlashtirmasa va konlarning boshqa qismlarini ishga tushirish uchun toʻsqinlik qilmasa, konning alohida uchastkasida foydali qazilmalarni kavlab olish uchun berilishiga yoʻl qoʻyiladi.

14. Bir konning bir nechta yer qaʼridan foydalanuvchi tomonidan ishga tushirilishi uchun yer qaʼri uchastkalaridan foydalanish huquqini beradigan ruxsatnomalar berilishiga yoʻl qoʻyiladi.

15. Agar bajarilgan texnik-iqtisodiy hisob-kitoblarga muvofiq konlarning faqat bir nafar yer qaʼridan foydalanuvchi tomonidan birgalikda ishga tushirilishi rentabelli hisoblansa, bir-biriga yaqin joylashgan konlarni ishga solish uchun yer qaʼridan bir nafar foydalanuvchiga yer qaʼri uchastkalaridan foydalanish huquqini beradigan bir nechta ruxsatnoma bir vaqtda berilishiga yoʻl qoʻyiladi.

16. Yer qaʼri uchastkasidan foydalanish huquqini beradigan ruxsatnomaning egasi foydali qazilmalarni kavlab olish bilan bogʻliq boʻlgan yer qaʼrini geologik jihatdan oʻrganish boʻyicha ishlarni unga berilgan kon ajratish dalolatnomasi doirasida, ushbu ishlar Yer qaʼridan foydalanish markazida davlat hisobiga olinishi sharti bilan qoʻshimcha ruxsatnomasiz amalga oshirish huquqiga ega boʻladi.

17. Foydali qazilmalarni kavlab olish uchun yer qaʼri uchastkasidan foydalanish huquqini beradigan ruxsatnomaga muvofiq foydali qazilmalarni qazib olish va mineral xom ashyoni qayta ishlash jarayonida olingan texnogen mineral hosilalarga mulk huquqi yer qaʼri uchastkasidan foydalanish muddatida ruxsatnoma egasida saqlanib qoladi. Ushbu holatda texnogen mineral hosilalardan foydalanishga (qayta ishlashga) ruxsatnoma olish talab qilinmaydi.

18. Texnogen mineral hosilalardan foydalanish uchun yer qaʼri uchastkasidan foydalanish huquqini beradigan ruxsatnoma yer qaʼridan foydalanuvchining balansida boʻlmagan ishlab chiqarish chiqindilarini qayta ishlash uchun yoxud texnogen mineral hosilalar belgilangan tartibda boshqa yer qaʼridan foydalanuvchiga sotilgan yoki berilgan taqdirda beriladi.

19. Texnogen mineral hosilalar boshqa shaxsga belgilangan tartibda sotilgan yoki berilgan taqdirda yoki agar foydali qazilmalarni kavlab olish uchun yer qaʼri uchastkasidan foydalanish huquqi uchun berilgan ruxsatnomaning amal qilish muddatida texnogen mineral hosilalar yer qaʼridan foydalanuvchi tomonidan mulkiy ulush sifatida yangi korxonaning ustav fondiga berilgan taqdirda, ulardan foydalanish (qayta ishlash) uchun yer qaʼri uchastkasidan foydalanish huquqini beradigan ruxsatnoma “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijasida beriladi.

20. Yer qaʼri uchastkasidan foydalanish huquqini beradigan ruxsatnomalar nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplashga beriladigan ruxsatnomalardan tashqari faqat yuridik shaxslarga beriladi.

21. Yer osti inshootlarini qurish va ulardan foydalanishga yer qaʼri uchastkasidan foydalanish huquqini beradigan ruxsatnoma Davlat ekologik ekspertizasi va Davlat komissiyasining foydalanish uchun beriladigan yer qaʼri uchastkasi boʻyicha geologik materiallar ekspertiza natijalarining ijobiy xulosalari mavjud boʻlganda beriladi.

22. Quyidagilar yer osti inshootlariga kirmaydi:

qurilishning tegishli loyihalari bilan belgilangan chuqurlikda joylashgan bino va inshootlarning poydevori va yer osti qismi;

yer osti aloqa liniyalari, elektr, gaz, issiqlik va suv taʼminoti hamda kanalizatsiya obyektlari;

metropoliten inshootlari va boshqa transport tunnellari;

magistral va kon quvurlari;

neft va neft mahsulotlarini saqlash uchun yerga chuqur joylashtirilgan rezervuarlar;

sugʻorish kanallari;

kimyo korxonalarining ishlab chiqarish jarayonida foydalaniladigan xom ashyo va materiallarni saqlash uchun yerga chuqur joylashtirilgan rezervuarlar.

23. Gʻorlar hamda boshqa yer osti boʻshliqlaridan davolash-sogʻlomlashtirish yoki turistik maqsadlarda foydalanish maqsadida muhofaza etiladigan geologik obyektlarni barpo etish uchun yer qaʼri uchastkalaridan foydalanish huquqini beradigan ruxsatnoma ushbu obyektlarga muhofaza etiladigan geologik obyektlar maqomi berilgandan keyin “Muhofaza etiladigan tabiiy hududlar toʻgʻrisida”gi Oʻzbekiston Respublikasi Qonuniga muvofiq berilishi mumkin.

24. Nodir tosh xom ashyosining namunalarini, paleontologik qoldiqlarni va boshqa geologik kolleksiyabop materiallarni toʻplash maqsadida yer qaʼri uchastkalaridan foydalanish uchun yer uchastkalarini ajratish talab qilinmaydi.

25. Nodir tosh xom ashyosining namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan ruxsatnoma:

geologiya, mineralogiya, paleontologiya va oʻlkashunoslik muzeylarining ilmiy kolleksiyalarini butlash va toʻldirish;

taʼlim muassasalarining oʻquv kolleksiyalarini butlash va toʻldirish;

ilmiy-maʼrifiy va estetik maqsaddagi xususiy geologiya va paleontologiya kolleksiyalarini butlash va toʻldirish uchun (tarkibida qimmatbaho toshlar va metallar mavjud boʻlgan namunalardan tashqari) berilishi mumkin.

26. Nodir tosh xom ashyosining namunalari, paleontologik qoldiqlar va boshqa geologik kolleksiyabop materiallarning toʻplangan namunalari yuridik va jismoniy shaxslarning mulki hisoblanadi hamda ular tomonidan ilmiy, maʼrifiy, tijorat, badiiy, hunarmandchilik va boshqa maqsadlarda foydalanilishi mumkin.

3-bob. Yer qaʼri uchastkalaridan foydalanish shartlari

27. Yer qaʼri uchastkalaridan foydalanish ruxsatnomada va/yoki alohida bitimlarda nazarda tutilgan yer qaʼri uchastkalaridan foydalanish shartlariga muvofiq amalga oshiriladi.

28. Yer qaʼridan foydalanish turlariga qarab Oʻzbekiston Respublikasining “ Yer osti boyliklari toʻgʻrisida ”gi va “ Xavfli ishlab chiqarish obyektlarining sanoat xavfsizligi toʻgʻrisida ”gi Qonunlarida belgilangan talablar va shartlar yer qaʼri uchastkalaridan foydalanishning asosiy shartlariga tegishlidir.

Ruxsatnoma olish uchun bajarilishi zarur boʻlgan shartlar roʻyxati vakolatli organning rasmiy veb-saytida joylashtiriladi.

29. Yer qaʼridan foydalanish maqsadlariga qarab yer qaʼridan foydalanish shartlarida quyidagi qoʻshimcha shartlar:

a) geologik jihatdan oʻrganish uchun:

yer qaʼrini geologik jihatdan oʻrganish boʻyicha yiriklashtirilgan texnik-iqtisodiy asoslarni ishlab chiqish va Yer qaʼridan foydalanish markaziga topshirish muddati;

atrof-muhitga taʼsir koʻrsatishi toʻgʻrisida ariza loyihasiga Ekologiya, vazirligi tomonidan beriladigan ijobiy davlat ekologik ekspertiza xulosasini Yer qaʼridan foydalanish markaziga topshirish muddati;

yer qaʼrini geologik jihatdan oʻrganish uchun yillik eng kam xarajatlar boʻyicha majburiyatlar miqdori, shu jumladan, Yer qaʼridan foydalanish markaziga yer qaʼri uchastkasidan foydalanish uchun yiriklashtirilgan texnik-iqtisodiy asoslarni taqdim etgan kundan boshlab ikki yil mobaynida bajariladigan minimal investitsiya majburiyatlari;

Togʻ-kon, geologiya va sanoat xavfsizligini nazorat qilish inspeksiyasiga toʻqson kun mobaynida yer qaʼridan foydalanish boʻyicha loyihalarini taqdim etish majburiyati;

foydali qazilmalarni geologik jihatdan oʻrganish boʻyicha minimal ish hajmi, ularni amalga oshirish muddatlari;

olingan geologik va boshqa maʼlumotlarni hisobga olish, saqlash va tizimlashtirish uchun Yer qaʼridan foydalanish markaziga topshirish tartibi va muddatlari;

foydali qazilmalarni, shu jumladan, uglevodorodlarni, sanoatda foydalaniladigan yer osti suvlarini tajriba (namuna) uchun va tajriba-sanoat usulida kavlab olish shartlari;

geologik materiallarni davlat ekspertizasidan oʻtkazish va foydali qazilmalar zaxiralarini tasdiqlash uchun materiallarni Davlat komissiyasiga taqdim etish tartibi va muddatlari;

kon ishlanmalari va quduqlarini aholi hayoti va sogʻligi, atrof muhit xavfsizligini taʼminlaydigan holatga keltirish, shuningdek, foydalanilmaydigan kon ishlanmalari va quduqlarini tugatish tartibi yoxud ushbu ishlarni bajarish dasturi (rejasi)ni ruxsatnoma muddati tugashidan bir yil avval Ekologiya vazirligi bilan kelishilgan holda Togʻ-kon, geologiya va sanoat xavfsizligini nazorat qilish inspeksiyasiga taqdim etish;

yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga ruxsat berish jarayonlaridan oʻtish tartibi;

uglevodorodlar, portlovchi va kimyoviy moddalar, qimmatbaho metallar va qimmatbaho toshlarning muomalasi sohasidagi qonunchilik talablariga rioya etish shartlari;

foydali qazilmalarni kavlab olishda foydalaniladigan ishlar va xizmatlarda mahalliy taʼminotning eng kam ulushi miqdori;

yer qaʼridan foydalanuvchining Oʻzbekiston Respublikasi hududida mahalliy kadrlarni oʻqitish va ilmiy-tadqiqot ishlari, ilmiy-texnik va (yoki) tajriba-konstruktorlik ishlarini moliyalashtirish boʻyicha majburiyatlari miqdori;

yer qaʼridan foydalanuvchining ushbu Nizom va Oʻzbekiston Respublikasining “Yer osti boyliklari toʻgʻrisida”gi Qonunidan kelib chiqadigan huquq va majburiyatlari;

yer qaʼri uchastkasidan foydalanish bilan bogʻliq toʻlovlar, shu jumladan yillik litsenziya toʻlovi toʻgʻrisidagi majburiyatlar;

geologik oʻrganishlar uchun berilgan yer qaʼri uchastkasining maydoni (gektarda);

geologik oʻrganishlar uchun yer qaʼridan foydalanganlik uchun har yillik litsenziya toʻlovini toʻlash uchun maxsus hisob raqam;

yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari;

yer qaʼri uchastkalaridan foydalanish huquqining cheklanishi, toʻxtatib turilishi yoki muddatidan oldin tugatilishi mumkin boʻlgan shartlar;

b) foydali qazilmalarni kavlab olish uchun:

foydali qazilmalarni kavlab olish boʻyicha texnik-iqtisodiy asoslarni ishlab chiqish va Yer qaʼridan foydalanish markaziga topshirish muddati;

atrof muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosani Yer qaʼridan foydalanish markaziga topshirish muddati;

foydali qazilmalarni kavlab olish uchun yillik eng kam xarajatlar boʻyicha majburiyatlar miqdori, shu jumladan, Yer qaʼridan foydalanish markaziga yer qaʼri uchastkasidan foydalanish uchun texnik-iqtisodiy asoslarni taqdim etgan kundan boshlab ikki yil mobaynida bajariladigan minimal investitsiya majburiyatlari;

texnik loyihalarni va kavlab olish ishlarini rivojlantirish rejalarini, konlarning loyihalarini tayyorlash va oʻzlashtirish tartibi va muddatlari;

marksheyderlik xizmatlari tomonidan tasdiqlangan choraklik va yillik foydali qazilmalarni kavlab olish hajmlari toʻgʻrisidagi hisobotlarni taqdim etish muddatlari;

uglevodorodlarni qazishda foydali qazilmalarni kavlab olishning kelishilgan darajalari;

kavlab olingan foydali qazilmalarga mulk huquqi;

yer qaʼridan foydalanganlik uchun haq toʻlash shartlari;

texnogen mineral hosilalarni saqlash va qayta ishlash shartlari;

qoʻshilib chiqadigan gazdan foydalanish, shu jumladan, uglevodorodlarni kavlab olish boʻyicha majburiyatlar;

quvurlardan va umumiy infratuzilmaning boshqa obyektlaridan foydalanish shartlari (zarur boʻlganda);

sanoatda foydalaniladigan yer osti suvlarini olishning eng koʻp yoʻl qoʻyiladigan miqdori;

kesishadigan suvli qatlamlarning ifloslanishi yoki siljishini istisno etadigan uglevodorodlarni kavlab olish quduqlari konstruksiyasiga qoʻyiladigan talablar;

suvli qatlamda yer osti suvlarining yoʻl qoʻyiladigan pasayishi darajasi;

foydali qazilmalarni kavlab olish korxonalarini tugatish yoki konservatsiya qilish tartibi;

yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga ruxsat berish jarayonlaridan oʻtish tartibi;

ruxsatnomaning egasi yer qaʼri uchastkasidan foydalanish huquqini (toʻliq yoki qisman) boshqa shaxsga berishi mumkin boʻlgan shartlar;

uglevodorodlar, portlovchi va kimyoviy moddalar, qimmatbaho metallar va qimmatbaho toshlarning muomalasi sohasidagi qonunchilik talablariga rioya etish shartlari;

foydali qazilmalarni kavlab olishda foydalaniladigan ishlar va xizmatlarda mahalliy taʼminotning eng kam ulushi miqdori;

yer qaʼridan foydalanuvchining Oʻzbekiston Respublikasi hududida mahalliy kadrlarni oʻqitish va ilmiy-tadqiqot ishlari, ilmiy-texnik va (yoki) tajriba-konstruktorlik ishlarini moliyalashtirish boʻyicha majburiyatlari miqdori;

yer qaʼridan foydalanuvchining ushbu Nizom va Oʻzbekiston Respublikasining “Yer osti boyliklari toʻgʻrisida”gi Qonunidan kelib chiqadigan huquq va majburiyatlari;

yer qaʼri uchastkasidan foydalanish bilan bogʻliq toʻlovlar toʻgʻrisidagi majburiyatlar;

yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari, shuningdek, ushbu ishlarni bajarish dasturi (rejasi)ni ruxsatnoma muddati tugashidan besh yil avval Ekologiya vazirligi bilan kelishilgan holda Togʻ-kon, geologiya va sanoat xavfsizligini nazorat qilish inspeksiyasiga taqdim etish;

yer qaʼri uchastkalaridan foydalanish huquqining cheklanishi, toʻxtatib turilishi yoki muddatidan oldin tugatilishi mumkin boʻlgan shartlar.

v) foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun:

uglevodorodlarni, boshqa moddalar va materiallarni saqlashning eng koʻp yoʻl qoʻyiladigan hajmi;

Davlat ekologik ekspertizasi va geologiya materiallarining davlat ekspertizasi xulosalari hisobga olingan holda belgilanadigan chiqindilar va ularning konsentratsiyasini saqlash va koʻmib tashlashning eng koʻp yoʻl qoʻyiladigan hajmi;

foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish tufayli atrof-muhitga yetkazilishi mumkin boʻlgan salbiy taʼsirni kompensatsiya qilish shartlari;

yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari;

zarurat boʻlganda sanitariya-muhofaza zonalarini tashkil etish shartlari;

yer qaʼri uchastkalaridan foydalanish huquqining cheklanishi, toʻxtatib turilishi yoki muddatidan oldin tugatilishi mumkin boʻlgan shartlar belgilanishi mumkin.

Yer qaʼridan foydalanish maqsadi, foydali qazilmalarning turlari, ishlarni amalga oshirishning geografik-iqtisodiy shartlari, tasdiqlangan foydali qazilmalar zaxiralarining sifati va miqdori, kon-geologik, gidrogeologik, kon-texnik va boshqa shartlarga koʻra yer qaʼri uchastkasidan foydalanish ruxsatnomalarida qonunchilikka zid boʻlmagan boshqa qoʻshimcha shartlar belgilanishi mumkin.

Shuningdek, yer qaʼridan foydalanish shartlarida yer uchastkasining ijara shartnomasi, xususan, yer toʻgʻrisidagi qonunchilik hujjatlari talablari asosida undan foydalanish muddatlari va shartlari hamda yer qaʼridan foydalanish maqsadlari uchun olib qoʻyilayotgan (sotib olinayotgan) yer uchastkasi boʻyicha — mahalliy davlat hokimiyati organlari tomonidan ushbu yer uchastkasining egasi, foydalanuvchisi, ijarachisi yoki mulkdori bilan kelishilgan kompensatsiya miqdori va uni toʻlash muddati nazarda tutiladi.

Yer qaʼridan foydalanish shartlari, shu jumladan yer uchastkasining ijara shartnomasi yer qaʼri uchastkalaridan foydalanish huquqi uchun ruxsatnomaning ajralmas qismi hisoblanadi.

Uglevodorod xom ashyosi mavjud boʻlgan yer qaʼri uchastkalaridan foydalanish shartlari Yer qaʼridan foydalanish markazi tomonidan Oʻzbekiston Respublikasi Energetika vazirligi bilan kelishilgan holda tasdiqlanadi.

Geologik oʻrganish uchun yer qaʼridan foydalanganlik uchun yillik litsenziya toʻlovi miqdori geologik oʻrganiladigan yer qaʼrining bir gektari uchun qonunchilikda belgilangan bazaviy hisoblash miqdorining oʻn foizini tashkil etadi hamda quyidagilarga:

70 foizi — Oʻzbekiston Respublikasining respublika budjetiga;

15 foizi — viloyat mahalliy budjetiga;

15 foizi — tuman (shahar) mahalliy budjetiga yoʻnaltiriladi.

Yer qaʼridan foydalanuvchi tomonidan yer qaʼridan foydalanish oqibatlarini bartaraf qilish boʻyicha majburiyatlarning bajarilishi kafolat, bank omonati garovi va (yoki) sugʻurta (bundan buyon matnda taʼminot deb yuritiladi) bilan taʼminlanadi.

Taʼminot yer qaʼrining har bir uchastkasi boʻyicha alohida taqdim etiladi.

30. Yer qaʼridan foydalanish markazi yer qaʼrini geologik jihatdan oʻrganish va foydali qazilmalarni kavlab olish boʻyicha yer qaʼri uchastkalaridan foydalanish shartlariga:

yiriklashtirilgan texnik-iqtisodiy asoslarni va texnik-iqtisodiy asoslarga muvofiq yer qaʼridan foydalanish parametrlari oʻzgarganda;

“Yer osti boyliklari toʻgʻrisida”gi Oʻzbekiston Respublikasi Qonunida belgilangan holatlarda va tartibda, shuningdek, agar qonunchilik hujjatlari bilan ishlarni bexatar olib borish, yer qaʼrini, atrof muhitni va fuqarolarning sogʻligʻini muhofaza qilish normalari va qoidalariga oʻzgartirishlar kiritilgan hollarda oʻzgartirishlar kiritishi mumkin.

31. Yer qaʼri uchastkasidan foydalanish shartlari, shuningdek, foydali qazilmalarni kavlab olish iqtisodiy jihatdan maqsadga muvofiq boʻlmaganda, shuningdek, ruxsatnoma berilgan paytdagidan jiddiy ravishda farq qiladigan holatlar paydo boʻlganda mineral xom ashyo va uni qayta ishlash mahsulotlariga konyunktura oʻzgarishi munosabati bilan yer qaʼridan foydalanuvchining iltimosnomasi boʻyicha qayta koʻrib chiqilishi va oʻzgartirilishi mumkin.

Ruxsatnoma egasi, bu haqda ushbu holatlar paydo boʻlgan paytdan oltmish kun davomida vakolatli organni “Litsenziya” axborot tizimi yoki Yagona interaktiv davlat xizmatlari portali (keyingi oʻrinlarda — YIDXP) orqali xabardor qilib, foydali qazilmalar kavlab olishni vaqtincha toʻxtatishi va kon ishlanmalarini va yer qaʼridan foydalanish bilan bogʻliq boʻlgan infratuzilma obyektlarini belgilangan tartibda konservatsiya qilishi mumkin. Konservatsiya qilish vaqti ruxsatnoma amal qilishining umumiy muddatiga kiritiladi.

Bunday hollarda ruxsatnomalarni qayta rasmiylashtirish ushbu Nizomning 11-bobida belgilangan tartibda amalga oshiriladi.

4-bob. Yer qaʼridan foydalanish muddatlari

32. “Yer osti boyliklari toʻgʻrisida”gi Oʻzbekiston Respublikasi Qonuniga muvofiq yer qaʼridan foydalanish huquqi:

a) geologik jihatdan oʻrganish uchun — besh yilgacha muddatga;

b) foydali qazilmalarni kavlab olish va texnogen mineral hosilalardan foydalanish uchun:

dastlab ruxsatnoma berilganda — oʻn yil muddatga, keyinchalik, texnik-iqtisodiy asoslar belgilangan muddatlarda taqdim etilgandan soʻng foydali qazilma konini yoki texnogen mineral hosilalarni ishga solish davrini inobatga olgan holda, uning muddatini uzaytirishni kafolatlash sharti bilan;

texnik-iqtisodiy asoslar taqdim etilgandan soʻng — foydali qazilma konini yoki texnogen mineral hosilalarni ishga solishning texnik-iqtisodiy asoslarda belgilangan muddatiga;

v) nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun — ikki yilgacha muddatga;

g) foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish, shu jumladan, neft, gaz, gaz kondensati, boshqa moddalar va materiallarni yer ostida saqlash, chiqindilarni saqlash va koʻmib tashlash uchun — muddatsiz foydalanishga;

d) muhofaza etiladigan geologiya obyektlarini barpo etish uchun — muddatsiz foydalanishga beriladi.

33. Yer qaʼridan foydalanish muddatlari ruxsatnomada koʻrsatiladi va yer qaʼri uchastkalaridan foydalanish huquqi uchun ruxsatnoma berilgan kundan boshlab hisoblanadi.

34. Yer qaʼridan foydalanish muddati yer qaʼridan foydalanuvchining vakolatli organga yoʻllagan arizasi boʻyicha yer qaʼridan foydalanuvchi tomonidan ruxsatnomada belgilangan shartlar bajarilganda va yer qaʼrini geologik jihatdan oʻrganish ishlarini tugallash, shuningdek, foydali qazilmalar konlarini ishga tushirish, texnogen mineral hosilalardan foydalanish yoxud foydali qazilmalarni kavlab olish korxonalarini tugatish yoki konservatsiya qilish ishlarini amalga oshirish zarur boʻlganda yer qaʼridan foydalanish muddati tugagunga qadar uzaytirilishi mumkin.

35. Yer qaʼridan foydalanish muddatini uzaytirish yoki uzaytirishni rad etish ushbu Nizomning 11-bobida belgilangan tartibda amalga oshiriladi.

5-bob. Yer qaʼri uchastkalaridan foydalanish huquqini “E-auksion” elektron savdo platformasi orqali realizatsiya qilishning oʻziga xos xususiyatlari

36. “E-auksion” elektron savdo platformasida onlayn-auksion orqali realizatsiya qilinadigan yer qaʼri uchastkalari roʻyxati har yili, lekin bir yilda bir martadan kam boʻlmagan holda Yer qaʼridan foydalanish markazi tomonidan yer qaʼri uchastkasining boshlangʻich narxi aniqlangan va Ekologiya vazirligi bilan kelishilgan holda shakllantiriladi.

Auksion orqali beriladigan uglevodorod xom ashyosi mavjud boʻlgan yer qaʼri uchastkalari roʻyxati Oʻzbekiston Respublikasi Vazirlar Mahkamasi va Energetika vazirligi bilan kelishiladi.

Yer qaʼridan foydalanish markaziga auksionga qoʻyilmagan yoki roʻyxatga kiritilmagan yer qaʼri uchastkasidan foydalanish huquqini olish uchun talabgordan murojaat kelib tushgan taqdirda, ushbu yer qaʼri uchastkasidan foydalanish huquqi uchun ruxsatnoma “E-auksion” elektron savdo platformasi orqali oʻrnatilgan tartibda auksionga qoʻyiladi.

Yer qaʼridan foydalanish markazi yer uchastkasi unga ajratib berilgandan soʻng uch ish kuni davomida murojaat etilgan yer qaʼri uchastkalaridan foydalanish huquqini auksion savdolariga chiqarish muddatlari yoki ushbu yer uchastkalarini foydalanishga berishni rad etish toʻgʻrisida javob xatini talabgorga taqdim etadi.

37. Yer qaʼri uchastkalaridan foydalanish huquqini savdoga qoʻyishning boshlangʻich narxi:

a) geologik jihatdan oʻrganish uchun — foydali qazilma turiga qarab quyidagi miqdorlarda belgilanadi:

uglevodorodlar konlarini qidirish va razvedka qilish huquqi — bazaviy hisoblash miqdorining oʻn ming bir baravari;

oltin konlarini qidirish va razvedka qilish huquqi — bazaviy hisoblash miqdorining oʻn ming bir baravari;

qimmatbaho (oltindan tashqari) va rangli metallar konlarini qidirish va razvedka qilish huquqi — bazaviy hisoblash miqdorining besh ming baravari;

rudali foydali qazilmalar konlarini qidirish va razvedka qilish huquqi (bundan uglevodorodlar, oltin, qimmatbaho va rangli metallar konlarini qidirish va razvedka qilish huquqi mustasno) — bazaviy hisoblash miqdorining ikki ming besh yuz ellik baravari;

b) foydali qazilmalarni qazib olish va texnogen mineral hosilalardan foydalanganlik uchun — uglevodorodlar, qimmatbaho, rangli metallar va rudali foydali qazilmalarning qazib olinadigan hajmining bahosiga nisbatan 0,6 foiz miqdorida belgilanadi.

38. Yer qaʼri uchastkalaridan foydalanish huquqini realizatsiya qilish boʻyicha onlayn-auksion Oʻzbekiston Respublikasi Vazirlar Mahkamasi tomonidan tasdiqlanadigan “E-auksion” elektron savdo platformasida elektron onlayn-auksion va elektron tanlovlarni tashkil etish hamda oʻtkazish tartibi toʻgʻrisidagi nizomga muvofiq oʻtkaziladi.

Auksion natijalari haqidagi bayonnoma Yer qaʼridan foydalanish markaziga — auksion gʻolibiga tegishli yer qaʼri uchastkasi boʻyicha geologik va boshqa maʼlumotlar toʻplamini berish hamda tegishli ruxsatnomani rasmiylashtirish uchun asos hisoblanadi.

Auksion gʻolibiga maxfiylik toʻgʻrisidagi shartnoma asosida soʻralayotgan yer qaʼri uchastkasi boʻyicha geologik va boshqa maʼlumotlar toʻplami bepul taqdim etiladi.

Geologik va boshqa maʼlumotlar toʻplamida yer qaʼri uchastkasi maydonining konturi, kon-texnik, texnologik va boshqa maʼlumotlar yiriklashtirilgan texnik-iqtisodiy asoslash yoki texnik-iqtisodiy asoslashni ishlab chiqish uchun yetarli hajmda boʻlishi kerak.

Yer qaʼridan foydalanish maqsadlari uchun belgilangan tartibda olib qoʻyilgan (sotib olingan) yer uchastkasi bilan bogʻliq xarajatlar yer qaʼridan foydalanuvchi tomonidan Vazirlar Mahkamasi huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga ruxsatnoma rasmiylashtirilgunga qadar qoplab berilishi lozim.

39. Ruxsatnoma rasmiylashtirilgan yer qaʼridan foydalanuvchi tomonidan tegishli yer qaʼri uchastkasi boʻyicha quyidagi hujjatlar toʻplami Yer qaʼridan foydalanish markaziga “Litsenziya” axborot tizimi yoki YIDXP orqali taqdim etiladi:

a) ruxsatnoma yer qaʼri uchastkasini geologik oʻrganish uchun berilganda, ruxsatnoma berilgan kundan boshlab 6 (olti) oy mobaynida:

yiriklashtirilgan texnik-iqtisodiy hisob-kitoblar;

atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasining raqami va sanasi;

b) ruxsatnoma foydali qazilmalarni qazib olish va texnogen mineral hosilalardan foydalanish uchun berilganda, ruxsatnoma berilgan kundan boshlab 12 (oʻn ikki) oy mobaynida:

belgilangan tartibda ekspertizadan oʻtkazilgan texnik-iqtisodiy asoslar;

atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasining raqami va sanasi.

Mazkur bandning “a” va “b” kichik bandlarida koʻrsatilgan hujjatlarni taqdim etish muddatlarini faqat bir marotaba, mos ravishda olti oygacha yoki bir yilgacha muddatga uzaytirishga ruxsat beriladi.

Buning uchun, ruxsatnoma rasmiylashtirilgan yer qaʼridan foydalanuvchi tomonidan mazkur bandning “a” va “b” kichik bandlarida koʻrsatilgan muddat tugashidan bir oy avval ushbu bandning sakkizinchi xatboshida koʻrsatilgan muddatlar chegarasida uzaytirish toʻgʻrisida aniq asoslar keltirilgan ariza “Litsenziya” axborot tizimi yoki YIDXP orqali Yer qaʼridan foydalanish markaziga taqdim etiladi.

Yer qaʼridan foydalanish markazi besh ish kunida taqdim etilgan arizani va unda keltirilgan asoslarni oʻrganib chiqadi hamda oʻrganish natijasi boʻyicha yer qaʼridan foydalanuvchiga “Litsenziya” axborot tizimi yoki YIDXP orqali hujjatlarni taqdim etish muddatini uzaytirish yoki arizani rad etish toʻgʻrisida maʼlum qiladi.

Ruxsatnoma rasmiylashtirilgan yer qaʼridan foydalanuvchi tomonidan taqdim etilishi zarur boʻlgan hujjatlar toʻplami mazkur bandning “a” va “b” kichik bandlarida belgilangan muddatlarda Yer qaʼridan foydalanish markaziga topshirilmagan taqdirda, unga rasmiylashtirilgan yer qaʼridan foydalanish huquqi uchun ruxsatnoma ushbu Nizomning 100-bandiga muvofiq muddatidan oldin bekor qilinadi.

Yer qaʼridan foydalanish markazi zarur hujjatlarni va boshqa vakolatli organlardagi mavjud axborotlarni belgilangan tartibda hamkorlik qilish orqali, shu jumladan, elektron shaklda mustaqil ravishda oladi, mazkur bandda nazarda tutilgan hujjatlar va axborotlar bundan mustasno;

Ushbu hujjatlar toʻplamini koʻrib chiqish uchun bazaviy hisoblash miqdorining 4 barobari miqdorida yigʻim undiriladi va Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

40. Yer qaʼridan foydalanish markazi oʻn ish kunida taqdim etilgan hujjatlar toʻplamini oʻrganib chiqadi va oʻrganish natijasi boʻyicha “Litsenziya” axborot tizimi yoki YIDXP orqali:

geologik jihatdan oʻrganish uchun ruxsatnoma rasmiylashtirilgan yer qaʼridan foydalanuvchiga — ushbu hujjatlar asosida faoliyatni davom ettirish mumkinligi va hujjatlar toʻplami qabul qilingani toʻgʻrisida maʼlumotni;

foydali qazilmalarni kavlab olish va texnogen mineral hosilalardan foydalanish uchun ruxsatnoma rasmiylashtirilgan yer qaʼridan foydalanuvchiga — texnik-iqtisodiy asoslarda koʻrsatilgan foydali qazilma konini yoki texnogen mineral hosilalarni ishga solish davrini inobatga olgan holda belgilangan yer qaʼridan foydalanish muddati toʻgʻrisida maʼlumotni hamda yangilangan yer qaʼri uchastkasidan foydalanish shartlarining, shu jumladan ijara shartnomasining loyihasini yuboradi.

41. Taqdim etilgan hujjatlar boʻyicha kamchiliklar aniqlangan hollarda tegishli yer qaʼridan foydalanuvchilar oʻn ish kunida kamchiliklarni bartaraf etishlari va Yer qaʼridan foydalanish markaziga bu haqda “Litsenziya” axborot tizimi yoki YIDXP orqali maʼlumot taqdim etishlari lozim. Bunda, qayta taqdim etilgan hujjatlar kamchiliklar bartaraf etilgan va maʼlumot taqdim qilingan kundan boshlab besh ish kuni mobaynida qayta koʻrib chiqiladi.

Kamchiliklarni ushbu bandning birinchi xatboshisida koʻrsatilgan muddatdan yigirma ish kunidan ortiq vaqt mobaynida bartaraf etmaslik va Yer qaʼridan foydalanish markaziga maʼlumot taqdim etmaslik rasmiylashtirilgan ruxsatnoma va yer qaʼri uchastkasini ajratish haqidagi qarorni bekor qilish uchun asos boʻlishi mumkin.

42. Foydali qazilmalarni kavlab olish va texnogen mineral hosilalardan foydalanish uchun ruxsatnoma rasmiylashtirilgan yer qaʼridan foydalanuvchi uch ish kuni muddatda yer qaʼri uchastkasidan foydalanish shartlari loyihasini elektron raqamli imzosi bilan tasdiqlaydi va “Litsenziya” axborot tizimi yoki YIDXP orqali Yer qaʼridan foydalanish markaziga yuboradi.

43. Yer qaʼridan foydalanish markazi yer qaʼridan foydalanuvchidan elektron raqamli imzo bilan tasdiqlangan yer qaʼri uchastkasidan foydalanish shartlari taqdim etilgandan soʻng bir ish kuni muddatda yer qaʼridan foydalanish uchun ruxsatnoma qayta rasmiylashtirilgani toʻgʻrisida tegishli reyestrga oʻzgartirishlar kiritadi va QR-kod (matrik shtrixli kod) qoʻyilgan yangi ruxsatnomani rasmiylashtiradi.

6-bob. Yer qaʼri uchastkasidan foydalanish huquqi uchun ruxsatnomani tanlov (tender) savdolari orqali berish tartibi

44. Uglevodorodlar xom ashyosi obyektlari, shuningdek, oltin va boshqa asosiy (strategik) turdagi foydali qazilmalarning yuqori tijorat salohiyatga ega alohida obyektlari boʻyicha hamda alohida bitimlar doirasida yer qaʼri uchastkasidan foydalanish huquqi uchun ruxsatnomalar talabgorlarga tanlov savdolari (keyingi oʻrinlarda — tender) orqali eng yaxshi takliflarni tanlash orqali beriladi.

Tenderni tashkil etish, ishchi organni belgilash va tender gʻolibini aniqlash vazifasi Vazirlar Mahkamasining 2019-yil 12-dekabrdagi 989-son qarori bilan tashkil etilgan Yer qaʼridan foydalanish shartlarini ishlab chiqish boʻyicha Davlat komissiyasining (keyingi oʻrinlarda — Tender komissiyasi) zimmasiga yuklatiladi.

Tanlov savdolari tashkilotchisi yoki tanlov savdolari ishtirokchilari qonunchilikda belgilangan tartibda foydali qazilmalarni qazib olishda (ajratib olishda) maxsus renta soligʻi boʻyicha soliq stavkalarini oshirilgan miqdorda taklif qilish huquqiga ega.

Tenderning ishchi organi tender hujjatlarini ishlab chiqish, Ekologiya vazirligi va zarur hollarda boshqa davlat organlari bilan kelishishni taʼminlaydi.

45. Tender ikki bosqichli oʻtkaziladi hamda dastlabki malakalash va tender gʻolibini saralash bosqichlarini oʻz ichiga oladi.

Ikki bosqichli tender quyidagi tartibda oʻtkaziladi:

birinchi bosqichda talabgorlarning malaka hujjatlari koʻrib chiqiladi va ularning tender hujjatlarida koʻrsatilgan malaka mezonlariga mosligi baholanadi. Talabgorlar bilan tender predmetining parametrlari boʻyicha muzokaralar oʻtkazishga yoʻl qoʻyiladi;

ikkinchi bosqichda kiritilgan texnikaviy va tijoratga oid (moliyaviy) takliflar tender predmetining aniqlashtirilgan parametrlari hisobga olingan, baho albatta koʻrsatilgan holda koʻrib chiqiladi hamda baholanadi.

Ikki bosqichli tenderni oʻtkazish tartib-taomili quyidagilarni oʻz ichiga oladi:

tender oʻtkazish toʻgʻrisidagi eʼlonni va dastlabki malaka hujjatlarini berishga doir soʻrovni ommaviy axborot vositalarida hamda Togʻ-kon sanoati va geologiya vazirligining, Investitsiyalar, sanoat va savdo vazirligining va boshqa tegishli davlat organlarining (uglevodorodlar boʻyicha Oʻzbekiston Respublikasi Energetika vazirligining) rasmiy veb-saytlarida eʼlon qilish;

talabgorlarning malakasini tasdiqlovchi dastlabki malaka buyurtmalarini yigʻish va baholash;

dastlabki malakalashdan oʻtgan talabgorlarning roʻyxatini shakllantirish;

dastlabki malakalashdan oʻtgan talabgorlarga tender hujjatlari toʻplamini yuborish;

dastlabki malakalashdan oʻtgan talabgorlar tomonidan tender takliflarini taqdim etish;

dastlabki malakalashdan oʻtgan talabgorlarning tender takliflari solingan konvertlarni ochish;

tender takliflarini baholash;

tenderning gʻolibini va zaxiradagi gʻolibini aniqlash;

tender gʻolibi bilan muzokaralar oʻtkazish;

tender gʻolibi yoki maxsus loyihalashtirish kompaniyasi bilan yer qaʼri uchastkalaridan foydalanish shartlari toʻgʻrisida bitim tuzish.

Dastlabki malakalashda ishtirok etish uchun buyurtmalar yigʻish muddati tender oʻtkazilishi toʻgʻrisidagi eʼlon berilgan sanadan eʼtiboran ikki oydan kam boʻlmasligi kerak.

Dastlabki malakalashni oʻtkazish natijasida kamida ikkita talabgor malaka talablariga muvofiq boʻlishi kerak.

Tender gʻolibini tanlab olish bosqichida ishchi organ dastlabki malakalashdan oʻtgan talabgorlarga tender takliflarini taqdim etishga doir soʻrovni va yer qaʼri uchastkalaridan foydalanish shartlari toʻgʻrisidagi bitim loyihasini yuboradi.

Tender takliflarini berish uchun oxirgi muddat tender takliflarini taqdim etishga doir soʻrovda koʻrsatiladi va u dastlabki malakalashdan oʻtgan talabgorlarga ushbu soʻrov yuborilgan sanadan eʼtiboran uch oydan kam boʻlmasligi kerak.

Talabgorlardan hech biri bittadan ortiq tender taklifini taqdim etishga haqli emas. Talabgor tender komissiyasiga tender takliflarini taqdim etish muddati tugaguniga qadar istalgan vaqtda tender taklifini oʻzgartirishi yoki qaytarib olishi mumkin.

Tender taklifini taqdim etgan ishtirokchi va u bilan affillangan shaxslar aynan bitta tenderda alohida talabgorlar sifatida ishtirok etish huquqiga ega emas.

Tender takliflarini baholash tender komissiyasi tomonidan belgilangan muddat ichida oʻtkaziladi. Tender takliflarini baholash tender komissiyasi tomonidan tender hujjatlarida belgilangan tender mezonlari boʻyicha amalga oshiriladi.

Tender ishtirokchilari yoki ularning vakillari tender takliflarini baholashda hozir boʻlishi shart emas. Baholash jarayonida tender komissiyasi tushuntirishlar berish, ulardan qoʻshimcha maʼlumotlarni soʻrab olish va taqdim etilgan hujjatlarning ishonchliligini tasdiqlash uchun talabgorlarni chaqirish huquqiga ega. Tender yakunlarini chiqarish chogʻida tender ishtirokchilari va (yoki) ularning ishonchli shaxslari hozir boʻlishi mumkin.

Tender komissiyasi barcha talabgorlarning tender takliflarini tender takliflarining soʻrovi talablariga muvofiq emas deb topgan taqdirda, shuningdek, agar dastlabki malakalashdan oʻtgan talabgorlarning soni ikki nafardan kam boʻlsa, tender boʻlib oʻtmagan deb topiladi va tender komissiyasi takroriy tenderni eʼlon qilishga haqli. Takroriy tender uni oʻtkazish tartib-taomilida belgilangan tartibda oʻtkaziladi.

Malaka buyurtmalarini va tender takliflarini qabul qilish tender hujjatlarida koʻrsatilgan tartibda hamda hollarda elektron tarzda amalga oshirilishi mumkin.

Talabgorlarning tenderda ishtirok etishi munosabati bilan qilgan xarajatlarining oʻrni qoplanmaydi.

Tenderni oʻtkazish tartib-taomillari tender komissiyasi tomonidan ushbu Nizom talablariga muvofiq belgilanadi.

Tender komissiyasining qaroriga asosan tenderning ikkinchi bosqichida talabgorlardan tijoratga oid (moliyaviy) takliflarni qabul qilish va ularning ichidan eng yaxshisini tanlab olish jarayoni “E-auksion” elektron savdo platformasida (yopiq tarzda) dastlabki malakalashdan oʻtgan talabgorlar ishtirokida oʻtkazilishi mumkin.

46. Tenderni tashkil etish uchun Togʻ-kon sanoati va geologiya vazirligi Vazirlar Mahkamasiga yer qaʼri uchastkalaridan foydalanish huquqiga ruxsatnomani tanlov natijalariga koʻra berish tavsiya qilinayotgan yer qaʼri uchastkasi boʻyicha taklifni (uglevodorodlar xom ashyosi boʻyicha Energetika vazirligi bilan kelishgan holda) kiritadi.

Vazirlar Mahkamasi taqdim etilgan hujjatlarni koʻrib chiqib, tender komissiyasiga tavsiya qilinayotgan yer qaʼri uchastkasidan foydalanish huquqini tender orqali sotish masalasini maʼqullaydi va tenderni tashkil etish toʻgʻrisida koʻrsatma beradi.

Ishchi organ Vazirlar Mahkamasining koʻrsatmasiga muvofiq belgilangan muddatda Tender komissiyasiga quyidagilar ilova qilingan murojaatni kiritadi:

tender oʻtkazish toʻgʻrisidagi eʼlon va dastlabki malaka hujjatlarini berishga doir soʻrov loyihalari;

tenderni oʻtkazish reglamenti (tender mezonlari, tartibi va qoidalari);

tender hujjatlari toʻplami, shu jumladan tender gʻolibini tanlab olish bosqichida foydalaniladigan mezonlar, yer uchastkasidan ijara huquqi asosida foydalanish shartlari va yer qaʼri uchastkalaridan foydalanish shartlari toʻgʻrisidagi bitim loyihalari (ushbu hujjatlar talabgorlarning malakasini tasdiqlovchi dastlabki malaka buyurtmalarini yigʻish va baholash bosqichida ham taqdim etilishiga yoʻl qoʻyiladi);

taklif etilayotgan yer qaʼri uchastkasi boʻyicha geologik maʼlumotlar, qazib olish yoki geologik oʻrganish ishlarini olib borish boʻyicha loyiha konsepsiyasi, dastlabki texnik-iqtisodiy hisob-kitoblar keltirilgan loyiha-baholash hujjatlari;

yer qaʼri uchastkalaridan foydalanish huquqiga ruxsatnomani berish, tenderni tashkil etish va unda qatnashishning dastlabki shartlari va tartibi loyihasi.

Tenderni tashkil etish va unda qatnashishning dastlabki shartlarida gʻolibni aniqlash mezonlari, yer qaʼri uchastkalaridan foydalanishning asosiy va qoʻshimcha shartlari, tanlovni oʻtkazish muddatlari va tartibi aks ettiriladi.

Tender komissiyasi tavsiya qilinayotgan yer qaʼri uchastkasidan foydalanish huquqini sotish boʻyicha tenderni tashkil etish tartibi va unda qatnashishning dastlabki shartlarini tasdiqlaydi hamda tenderni eʼlon qilish toʻgʻrisida qaror qabul qiladi.

Tender toʻgʻrisidagi xabarnoma ommaviy axborot vositalarida, maxsus axborot portali orqali davlat xaridlarining elektron tizimida, Togʻ-kon sanoati va geologiya vazirligi, Oʻzbekiston Respublikasi Investitsiyalar va tashqi savdo vazirligi va Energetika vazirligining (uglevodorod xom ashyosi obyektlari boʻyicha) rasmiy veb-saytida eʼlon qilinishi kerak. Shuningdek, xabarnoma chet eldagi Oʻzbekiston Respublikasining elchixonalari va xalqaro moliya institutlarining hamda xorijiy ixtisoslashgan tahliliy internet resurslarining rasmiy veb-saytida ham eʼlon qilinishi mumkin.

Xabarnomada quyidagi maʼlumotlar boʻlishi kerak:

arizani toʻldirish namunasi;

tenderga qoʻyilayotgan yer qaʼri uchastkasining nomi;

tenderning oʻtkaziladigan vaqti va joyi, shu jumladan arizalar qabul qilinadigan manzil, arizalar berishning tugash sanasi va soati;

tenderda qatnashish shartlari;

dastlabki malaka hujjatlarini berishga doir soʻrov (talabgorlarga qoʻyiladigan talablar);

takliflar berish muddati tugaydigan sana va vaqt;

takliflarni rasmiylashtirishga doir talablar;

yer qaʼri uchastkasi toʻgʻrisidagi yiriklashtirilgan geologik va boshqa maʼlumotlar.

Tenderni oʻtkazish toʻgʻrisidagi xabarnoma qonunchilikka zid boʻlmagan boshqa axborotni ham oʻz ichiga olishi mumkin.

Tender komissiyasi tomonidan tender obyektining boshlangʻich narxini belgilash toʻgʻrisida qaror qabul qilingan taqdirda, obyektning narxi ushbu Nizomning 37-bandida koʻrsatilgan miqdorlardan kam boʻlmagan miqdorda belgilanadi.

47. Dastlabki malakalashdan oʻtgan talabgorlarning tender takliflarini kafolatlash uchun zakalat puli miqdori yer qaʼri uchastkasidan foydalanishning maqsadi va foydali qazilmalarning turlariga bogʻliq holda tender komissiyasi tomonidan belgilanadi.

48. Gʻolib tomonidan tender obyekti qiymati avval toʻlangan zakalat puli chegirilgan holda toʻlanadi.

49. Tenderda qatnashish uchun arizalar quyidagi hollarda:

ariza uni qabul qilishning belgilangan sanasidan va tugaydigan vaqtidan keyin berilganda;

ariza belgilangan talablar buzilgan holda berilganda, shu jumladan agar uning mazmuni tenderning shartlariga muvofiq boʻlmasa;

arizachi taqdim etgan hujjatlarda ishonchsiz yoki notoʻgʻri maʼlumotlar mavjud boʻlsa;

arizachi oʻzida tender shartlarida yer qaʼri uchastkasidan foydalanish uchun zarur moliyaviy va texnik vositalar mavjudligini yoki mavjud boʻlishini tasdiqlovchi dalillarni taqdim etmaganda rad etilishi mumkin.

50. Arizachi oʻzi toʻgʻrisida notoʻgʻri maʼlumotlar berganligini tasdiqlovchi faktlar tender oʻtkazish jarayonida aniqlansa, mazkur arizachi tanlovdan chetlatiladi.

51. Ariza qabul qilingandan keyin ariza beruvchiga Maxfiylik toʻgʻrisidagi bitim asosida soʻralayotgan yer qaʼri uchastkasi boʻyicha batafsil geologik va boshqa maʼlumotlar toʻplami beriladi.

Tijorat taklifi ariza beruvchi mazkur tenderda gʻolib boʻlgan taqdirda davlat budjetiga yer qaʼri uchastkasidan foydalanish huquqi uchun ruxsatnomani olishga toʻlanishi kafolatlanadigan mablagʻ miqdori koʻrsatilgan hujjat hisoblanadi.

52. Tenderda quyidagi asosiy mezonlar boʻyicha gʻolib aniqlanadi:

ariza beruvchining konchilik sohasidagi faoliyat tajribasi, uning moliyaviy holati va moliyalashtirish manbalari, texnik va texnologik imkoniyatlari;

yer qaʼri uchastkasidan foydalanishni tashkil etish boʻyicha yechimlarning texnik va texnologik afzalliklari, funksional va innovatsion tavsiflari;

tanlangan texnologiyalarning odam salomatligi, ekologiya va atrof muhitga salbiy taʼsirini bartaraf etish, suv va energiyani tejaydigan innovatsion yechimlar hamda “yashil texnologiyalar”dan foydalanish choralarining mavjudligi;

arizachi taklif etayotgan tijorat taklifi summasining miqdori;

foydali qazilmalarni qazib olishda (ajratib olishda) maxsus renta soligʻi boʻyicha soliq stavkalarini oshirilgan miqdorda belgilash takliflari.

Tender komissiyasi tomonidan tanlov shartlaridan kelib chiqib qoʻshimcha mezonlar belgilanishi mumkin.

53. Tender gʻolibini aniqlash boʻyicha qaror tender komissiyasi tomonidan oʻn ish kuni mobaynida qabul qilinadi va bayonnoma bilan rasmiylashtiriladi.

Tender natijalari haqida bir ish kunida tanlov ishtirokchilariga yozma maʼlumot beriladi.

54. Tender komissiyasining bayoni yer qaʼri uchastkasidan foydalanish huquqi uchun ruxsatnoma berish uchun asos hisoblanadi.

55. Tender gʻolibiga yer qaʼri uchastkasidan foydalanish huquqi uchun ruxsatnoma tender komissiyasining bayoniga asosan “Litsenziya” axborot tizimi yoki YIDXP orqali mazkur Nizomning 56 — 67-bandlari bilan belgilangan tartibda beriladi.

Yer qaʼridan foydalanish maqsadlari uchun belgilangan tartibda olib qoʻyilgan (sotib olingan) yer uchastkasi bilan bogʻliq xarajatlar yer qaʼridan foydalanuvchi tomonidan Vazirlar Mahkamasi huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga ruxsatnoma rasmiylashtirilgunga qadar qoplab berilishi lozim.

7-bob. Yer qaʼri uchastkalaridan foydalanish huquqi uchun ruxsatnomalarni “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijalari boʻyicha berish tartibi

1-§. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkasidan foydalanish huquqini beradigan ruxsatnoma

56. Ushbu Nizomning 8 , 9 va 10-bandlarida keltirilgan holatlarda geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkasidan foydalanish huquqini beradigan ruxsatnomani olish uchun talabgorlar Yer qaʼridan foydalanish markaziga “Litsenziya” axborot tizimi yoki YIDXP orqali mazkur Nizomning 3-ilovasiga muvofiq ariza beradi va uni oʻz elektron raqamli imzosi bilan tasdiqlaydi.

Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan ruxsatnomalarni “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijalari asosida berish ushbu Nizomga 4-ilovaga muvofiq sxema boʻyicha amalga oshiriladi.

Yer qaʼridan foydalanish markazi zarur hujjatlarni va boshqa vakolatli organlardagi mavjud axborotlarni belgilangan tartibda hamkorlik qilish orqali, shu jumladan, elektron shaklda mustaqil ravishda oladi, mazkur bandda nazarda tutilgan hujjatlar va axborotlar bundan mustasno.

57. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan ruxsatnoma olish uchun berilgan arizani koʻrib chiqish uchun bazaviy hisoblash miqdorining 4 barobari miqdorida yigʻim undiriladi.

Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

58. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan ruxsatnomalar olish uchun ariza beruvchilarga soʻralayotgan yer qaʼri uchastkasi boʻyicha geologik va boshqa maʼlumotlar toʻplami hamda yer qaʼri uchastkasidan foydalanish shartlari Yer qaʼridan foydalanish markazi tomonidan yigirma kundan kechiktirmay “Litsenziya” axborot tizimi yoki YIDXP orqali beriladi.

Zarur hollarda, maʼlumotlar toʻplamini olish uchun ariza beruvchi tomonidan maxfiylik toʻgʻrisidagi bitim imzolanishi talab etilishi mumkin. Bunda, Yer qaʼridan foydalanish markazi ariza berilgan kundan boshlab 10 kundan kechiktirmay ariza beruvchiga maxfiylik toʻgʻrisidagi bitim loyihasini “Litsenziya” axborot tizimi yoki YIDXP orqali taqdim etadi.

Geologik va boshqa maʼlumotlar toʻplami ariza beruvchi bilan kelishilgan yer qaʼri uchastkasi maydonining konturi, kon-texnik, texnologik va boshqa maʼlumotlar yiriklashtirilgan texnik-iqtisodiy asoslash yoki texnik-iqtisodiy asoslashni ishlab chiqish uchun yetarli hajmda boʻlishi kerak.

59. Ariza beruvchi uch ish kuni mobaynida yer qaʼri uchastkasidan foydalanish shartlarini elektron raqamli imzosi bilan imzolaydi va “Litsenziya” axborot tizimi yoki YIDXP orqali Yer qaʼridan foydalanish markaziga yuboradi.

Agar, ariza beruvchi oʻttiz kun ichida yer qaʼri uchastkasidan foydalanish shartlarini imzolamasa, Yer qaʼridan foydalanish markazi yer qaʼri uchastkasidan foydalanish huquqi uchun ruxsatnoma berishni rad etish toʻgʻrisida qaror qabul qilish huquqiga ega.

60. Yer qaʼridan foydalanish markazi ariza beruvchi tomonidan yer qaʼri uchastkalaridan foydalanish shartlari imzolangan kundan boshlab bir ish kuni muddatda QR-kod (matrik shtrixli kod) qoʻyilgan ruxsatnomani rasmiylashtiradi.

61. Ruxsatnoma rasmiylashtirilgan yer qaʼridan foydalanuvchi tomonidan tegishli yer qaʼri uchastkasi boʻyicha ushbu Nizomning 40-bandiga muvofiq talab etiladigan hujjatlar toʻplami Yer qaʼridan foydalanish markaziga “Litsenziya” axborot tizimi yoki YIDXP orqali taqdim etiladi.

62. Ruxsatnoma rasmiylashtirilgan yer qaʼridan foydalanuvchi tomonidan taqdim etilgan hujjatlarni koʻrib chiqish ushbu Nizomning 41 , 42 va 43-bandlariga muvofiq belgilangan tartibda amalga oshiriladi.

63. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan ruxsatnomalarni berish quyidagi hollarda rad etilishi mumkin:

ariza beruvchi tomonidan notoʻgʻri rasmiylashtirilgan hujjatlar, shu jumladan, ruxsatnoma olish uchun zarur boʻlgan maʼlumotlar toʻliq boʻlmaganda;

ariza beruvchi oʻzi haqida notoʻgʻri maʼlumot taqdim etganda;

ariza beruvchi ishlarni samarali olib borilishi uchun malakali mutaxassislar, zarur moliyaviy va texnik vositalarning mavjudligini tasdiqlovchi maʼlumotni taqdim etmaganda;

ariza beruvchi yer qaʼridan foydalanish shartlarini oʻttiz kun muddatda imzolamaganda.

Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan ruxsatnoma berilishi rad etilganligiga norozilik boʻlganda, ariza beruvchi qonun bilan belgilangan tartibda rad etilganlik yuzasidan shikoyat qilish huquqiga ega.

64. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan ruxsatnomalar berishni rad qilish toʻgʻrisida qaror qabul qilinganidan soʻng Yer qaʼridan foydalanish markazi bir ish kuni ichida ariza beruvchiga rad etilganlik toʻgʻrisida “Litsenziya” axborot tizimi yoki YIDXP orqali xabarnomani yoʻllaydi, unda rad etilish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bobi 1-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda, ega boʻladi.

Ariza beruvchi rad etilishiga asos boʻlgan sabablarni bartaraf etib, qayta koʻrib chiqish uchun topshirishga haqli boʻlgan muddat bunda oʻttiz kun etib belgilanadi.

65. Ariza beruvchi tomonidan yer qaʼri uchastkasidan foydalanish huquqi uchun ruxsatnoma berishni rad etilishiga asos boʻlgan sabablar belgilangan muddatlarda bartaraf etilgan holda, hujjatlarni qayta koʻrib chiqish, rad qilinish sabablari bartaraf etilganligi toʻgʻrisidagi maʼlumot bilan birga topshiriladigan ariza olingan kundan eʼtiboran oʻn ish kunidan ortiq boʻlmagan muddatda amalga oshiriladi.

66. Arizani takroran koʻrib chiqishda ruxsatnoma berishning oldingi rad etilishiga asos boʻlgan sabablar bilan xabarda koʻrsatilgan yangi sabablar boʻyicha rad etilishiga yoʻl qoʻyilmaydi, oldingi qoidabuzishlar bartaraf etilishini tasdiqlovchi maʼlumotlar bilan bogʻliq rad etish sabablari koʻrsatilishi bundan mustasno.

Hujjatlarni takroran koʻrib chiqish uchun haq olinmaydi.

67. Ariza beruvchi tomonidan rad etilganlik toʻgʻrisida xabarnomada koʻrsatilgan muddat oʻtib boʻlganidan soʻng berilgan ariza yangidan berilgan ariza deb hisoblanadi va ushbu Nizomning 7-bobi 1-paragrafida belgilangan tartibda koʻrib chiqiladi.

2-§. Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish huquqini beradigan ruxsatnoma

68. Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkasidan foydalanish huquqini beradigan ruxsatnoma olish uchun talabgor shaxs Vakolatli organga “Litsenziya” axborot tizimi yoki YIDXP orqali mazkur Nizomning 5-ilovasiga muvofiq ariza beradi va uni oʻz elektron raqamli imzosi bilan tasdiqlaydi. Bunda, yer qaʼri makonidan foydali qazilmalarni kavlab olish bilan bogʻliq boʻlmagan quyidagi maqsadlarda Vakolatli organga:

Ekologiya vazirligiga — chiqindilarni saqlash va koʻmib tashlash uchun;

Yer qaʼridan foydalanish markaziga — uglevodorodlarni yer ostida saqlash uchun murojaat qilinadi.

Yer osti inshootlarini qurish va ishlatish uchun yer qaʼri uchastkasidan foydalanish huquqi uchun ruxsatnoma berish ushbu Nizomga 6-ilovaga muvofiq sxema boʻyicha amalga oshiriladi.

Vakolatli organ kerakli boʻlgan hujjatlarni va boshqa tegishli davlat organlaridagi mavjud axborotlarni belgilangan tartibda hamkorlik qilish orqali mustaqil ravishda, shu jumladan elektron shaklda oladi (mazkur bandda koʻzda tutilgan hujjatlar va axborotlar bundan mustasno).

69. Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkasidan foydalanish huquqini beradigan ruxsatnoma olish uchun berilgan arizani koʻrib chiqish uchun bazaviy hisoblash miqdorining 4 baravari miqdorida yigʻim undiriladi.

Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

70. Ariza qabul qilinganidan soʻng vakolatli organ oʻn kun muddatda ruxsatnomaga kiritilayotgan yer qaʼri uchastkasidan foydalanish shartlari loyihasini ishlab chiqadi.

71. Yer qaʼri uchastkasidan foydalanish shartlari loyihasi tanishish va imzolash uchun ariza beruvchiga “Litsenziya” axborot tizimi yoki YIDXP orqali taqdim etiladi.

Ariza beruvchi besh kundan oshmaydigan muddatda yer qaʼri uchastkasidan foydalanish shartlari loyihasini koʻrib chiqadi va elektron raqamli imzosi bilan imzolaydi.

72. Ariza beruvchi tomonidan yer qaʼri uchastkasidan foydalanish shartlari imzolanganidan soʻng vakolatli organ (Ekologiya vazirligiga — chiqindilarni saqlash va koʻmib tashlash uchun, Yer qaʼridan foydalanish markaziga — uglevodorodlarni yer ostida saqlash uchun) uch kun muddatda QR-kod (matrik shtrixli kod) qoʻyilgan ruxsatnomani rasmiylashtiradi.

73. Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish huquqini beradigan ruxsatnomalarni berish quyidagi hollarda rad etilishi mumkin:

ariza beruvchi tomonidan notoʻgʻri rasmiylashtirilgan hujjatlar taqdim etilsa, shu jumladan, ruxsatnoma olish uchun zarur boʻlgan maʼlumotlar toʻliq boʻlmaganda;

ariza beruvchi tomonidan taqdim etilgan hujjatlarda notoʻgʻri maʼlumotlar aniqlanganda;

ariza beruvchi yer qaʼridan foydalanish shartlarini oʻttiz kun muddatda imzolamaganda.

Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkasidan foydalanish huquqini beradigan ruxsatnoma boshqa sabablarga koʻra rad etilishiga yoʻl qoʻyilmaydi.

Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish huquqini beradigan ruxsatnoma berilishi rad etilganligidan norozi boʻlinganda, ariza beruvchi qonun bilan belgilangan tartibda rad etilganlik yuzasidan shikoyat qilish huquqiga ega.

74. Foydali qazilmalarni kavlab olish bilan bogʻliq maqsadlarda boʻlmagan yer osti inshootlarini qurish va ishlatish uchun yer qaʼri uchastkalaridan foydalanish huquqini beradigan ruxsatnomalar berishni rad qilish toʻgʻrisida qaror qabul qilinganidan soʻng vakolatli organ bir ish kuni ichida ariza beruvchiga rad etilganlik toʻgʻrisida “Litsenziya” axborot tizimi yoki YIDXP orqali xabarnomani yoʻllaydi, unda rad etish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bob 2-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda, ega boʻladi.

75. Ariza beruvchi tomonidan yer qaʼri uchastkasidan foydalanish huquqi uchun ruxsatnoma berish rad etilishiga asos boʻlgan sabablar belgilangan muddatlarda bartaraf etilgan holda, hujjatlarni qayta koʻrib chiqish, rad qilinish sabablari bartaraf etilganligi toʻgʻrisidagi maʼlumot bilan birga topshiriladigan ariza olingan kundan eʼtiboran oʻn ish kunidan ortiq boʻlmagan muddatda amalga oshiriladi.

Hujjatlarni takroran koʻrib chiqish uchun haq olinmaydi.

3-§. Muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan ruxsatnoma

76. Muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan ruxsatnoma olish uchun ruxsatnoma oluvchi Yer qaʼridan foydalanish markaziga “Litsenziya” axborot tizimi yoki YIDXP orqali mazkur Nizomning 7-ilovasiga muvofiq buyurtma beradi va uni oʻz elektron raqamli imzosi bilan tasdiqlaydi.

Muhofaza etiladigan geologik obyektlarni barpo etish uchun yer qaʼri uchastkalaridan foydalanish huquqini beradigan ruxsatnomalarni berish ushbu Nizomga 8-ilovaga muvofiq sxema boʻyicha amalga oshiriladi.

Vakolatli organ kerakli boʻlgan hujjatlarni va boshqa vakolatli organlardagi mavjud axborotlarni belgilangan tartibda hamkorlik qilish orqali mustaqil ravishda, shu jumladan elektron shaklda oladi (mazkur bandda koʻzda tutilgan hujjatlar va axborotlar bundan mustasno).

77. Muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan ruxsatnoma olish uchun berilgan buyurtmani koʻrib chiqish uchun bazaviy hisoblash miqdorining 4 barobari miqdorida yigʻim undiriladi.

Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

78. Buyurtmalar ekspertizasi ular taqdim etilgan vaqtdan boshlab bir haftalik muddatda Yer qaʼridan foydalanish markazi tomonidan amalga oshiriladi.

79. Buyurtmalar ekspertizadan oʻtkazilganidan soʻng Yer qaʼridan foydalanish markazi tomonidan bir ish kuni muddatda ruxsatnomaga kiritilayotgan yer qaʼri uchastkasidan foydalanish shartlari loyihasi tayyorlanadi va tanishib chiqish hamda imzolash uchun ariza beruvchiga taqdim etiladi.

80. Ariza beruvchi tomonidan yer qaʼri uchastkasidan foydalanish shartlari elektron raqamli imzosi bilan tasdiqlanganidan soʻng Yer qaʼridan foydalanish markazi bir ish kuni muddatda QR-kod (matrik shtrixli kod) qoʻyilgan ruxsatnomani rasmiylashtiradi.

81. Muhofaza etiladigan geologik obyektlarni barpo etish uchun yer qaʼri uchastkalaridan foydalanish huquqini beradigan ruxsatnomalarni berish quyidagi hollarda rad etilishi mumkin:

ariza beruvchi tomonidan notoʻgʻri rasmiylashtirilgan hujjatlar taqdim etilganda, shu jumladan, ruxsatnoma olish uchun zarur boʻlgan maʼlumotlar toʻliq boʻlmaganda;

ariza beruvchi tomonidan taqdim etilgan hujjatlarda notoʻgʻri maʼlumotlar aniqlanganda;

ariza beruvchi yer qaʼridan foydalanish shartlarini oʻttiz kun mobaynida imzolamaganda.

Muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan ruxsatnoma boshqa sabablarga koʻra rad etilishiga yoʻl qoʻyilmaydi.

Muhofaza etiladigan geologik obyektlarni barpo etish uchun yer qaʼri uchastkalaridan foydalanish huquqini beradigan ruxsatnoma berilishi rad etilganligidan norozi boʻlganda ariza beruvchi qonun hujjatlarida belgilangan tartibda rad etilganlik yuzasidan shikoyat qilish huquqiga ega.

82. Yer qaʼri uchastkalaridan foydalanish huquqi uchun ruxsatnomalar berishni rad qilish toʻgʻrisida qaror qabul qilingan taqdirda Yer qaʼridan foydalanish markazi bir ish kuni ichida ariza beruvchiga rad etilganlik toʻgʻrisida “Litsenziya” axborot tizimi yoki YIDXP orqali xabarnomani yoʻllaydi, unda rad etilish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bob 3-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda, ega boʻladi.

83. Ariza beruvchi tomonidan yer qaʼri uchastkasidan foydalanish huquqi uchun ruxsatnoma berish rad etilishiga asos boʻlgan sabablar belgilangan muddatlarda bartaraf etilgan taqdirda, hujjatlarni qayta koʻrib chiqish, rad qilish sabablari bartaraf etilganligi toʻgʻrisidagi maʼlumot bilan birga topshiriladigan buyurtma olingan kundan eʼtiboran oʻn ish kunidan ortiq boʻlmagan muddatda amalga oshiriladi.

Hujjatlarni takroran koʻrib chiqish uchun haq olinmaydi.

4-§. Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan ruxsatnoma

84. Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan ruxsatnoma olish uchun ruxsatnoma oluvchi Yer qaʼridan foydalanish markaziga “Litsenziya” axborot tizimi yoki YIDXP orqali mazkur Nizomning 9-ilovasiga muvofiq buyurtma beradi va uni oʻz elektron raqamli imzosi bilan tasdiqlaydi.

Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan ruxsatnoma berish ushbu Nizomga 10-ilovaga muvofiq sxema boʻyicha amalga oshiriladi.

Vakolatli organ kerakli boʻlgan hujjatlarni va boshqa vakolatli organlardagi mavjud axborotlarni belgilangan tartibda hamkorlik qilish orqali mustaqil ravishda, shu jumladan elektron shaklda oladi (mazkur bandda koʻzda tutilgan hujjatlar va axborotlar bundan mustasno).

85. Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan ruxsatnoma olish uchun berilgan buyurtmani koʻrib chiqish uchun bazaviy hisoblash miqdorining 4 baravari miqdorida yigʻim undiriladi.

Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

86. Buyurtma ekspertizasi taqdim etilgan vaqtdan boshlab bir hafta muddatda Yer qaʼridan foydalanish markazi tomonidan amalga oshiriladi.

87. Buyurtma ekspertizadan oʻtkazilganidan soʻng Yer qaʼridan foydalanish markazi tomonidan bir ish kuni muddatda ruxsatnomaga kiritilayotgan nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash yer qaʼri uchastkasidan foydalanish shartlari loyihasi tayyorlanadi va tanishib chiqish va imzolash uchun ariza beruvchiga “Litsenziya” axborot tizimi yoki YIDXP orqali taqdim etiladi.

88. Ariza beruvchi tomonidan yer qaʼri uchastkasidan foydalanish shartlari elektron raqamli imzosi bilan tasdiqlanganidan soʻng Yer qaʼridan foydalanish markazi bir ish kuni muddatda QR-kod (matrik shtrixli kod) qoʻyilgan ruxsatnomani rasmiylashtiradi.

89. Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkalaridan foydalanish huquqini beradigan ruxsatnomalarni berish quyidagi hollarda rad etilishi mumkin:

ariza beruvchi tomonidan zarur tarzda rasmiylashtirilmagan hujjatlar taqdim etilganda, shu jumladan, ruxsatnoma olish uchun zarur boʻlgan maʼlumotlar toʻliq boʻlmaganda;

ariza beruvchi tomonidan taqdim etilgan hujjatlarda notoʻgʻri maʼlumotlar aniqlanganda;

ariza beruvchi yer qaʼridan foydalanish shartlarini oʻttiz kun mobaynida imzolamaganda.

Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan ruxsatnoma boshqa sabablarga koʻra rad etilishiga yoʻl qoʻyilmaydi.

Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkalaridan foydalanish huquqini beradigan ruxsatnoma berilishi rad etilganligidan norozi boʻlinganda, ariza beruvchi qonunda belgilangan tartibda shikoyat qilish huquqiga ega.

90. Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkalaridan foydalanish huquqini beradigan ruxsatnomalar berishni rad qilish toʻgʻrisida qaror qabul qilingan taqdirda, Yer qaʼridan foydalanish markazi bir ish kuni ichida ariza beruvchiga rad etilganlik toʻgʻrisida “Litsenziya” axborot tizimi yoki YIDXP orqali xabarnomani yoʻllaydi, unda rad etilish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bob 4-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda, ega boʻladi.

91. Ariza beruvchi tomonidan yer qaʼri uchastkasidan foydalanish huquqi uchun ruxsatnoma berish rad etilishiga asos boʻlgan sabablar belgilangan muddatlarda bartaraf etilgan taqdirda, hujjatlarni qayta koʻrib chiqish rad qilish sabablari bartaraf etilganligi toʻgʻrisidagi maʼlumot bilan birga topshiriladigan ariza olingan kundan eʼtiboran oʻn ish kunidan ortiq boʻlmagan muddatda amalga oshiriladi.

Hujjatlarni takroran koʻrib chiqish uchun haq olinmaydi.

8-bob. Yer qaʼri uchastkalaridan foydalanish huquqi uchun ruxsatnomalarni rasmiylashtirish va berish, ushbu huquqni davlat roʻyxatidan oʻtkazish hamda davlat hisobiga olish tartibi

92. Ruxsatnoma mazkur Nizomning 11-ilovasida keltirilgan shaklda QR-kod (matrik shtrixli kod) qoʻyib rasmiylashtiriladi.

Strategik turdagi (asosiy) foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnoma pasporti 12-ilovaga muvofiq tasdiqlansin.

93. Yer qaʼri uchastkasidan foydalanish huquqi davlat roʻyxatidan oʻtkazilishi shart. Yer qaʼri uchastkalaridan foydalanish huquqini davlat roʻyxatidan oʻtkazish ruxsatnoma berishga vakolatli organlar tomonidan amalga oshiriladi.

94. Yer qaʼri uchastkasidan foydalanish huquqini davlat roʻyxatidan oʻtkazish yer qaʼri uchastkasidan foydalanish huquqi uchun ruxsatnomalar reyestriga tegishli yozuvni kiritish yoʻli bilan amalga oshiriladi.

Ruxsatnoma berishga vakolatli organ reyestrlarni yer qaʼri uchastkalaridan foydalanishning har bir turi boʻyicha belgilangan tartibda alohida-alohida yuritadi.

95. Har bir reyestrda quyidagilar koʻrsatilgan boʻlishi kerak:

yer qaʼridan foydalanuvchi toʻgʻrisidagi asosiy maʼlumotlar (nomi, tashkiliy-huquqiy shakli, soliq toʻlovchining identifikatsiya raqami, pochta manzili, telefon va faks raqamlari);

foydalanishga berilgan yer qaʼri uchastkasining nomi;

yer qaʼri uchastkasining turi va undan foydalanish maqsadi;

ruxsatnoma berilgan sana va tartib raqami;

ruxsatnomaning amal qilish muddati;

ruxsatnomani qayta rasmiylashtirishning asosi va sanasi;

yer qaʼri uchastkasidan foydalanish huquqini cheklash, toʻxtatib turish yoki tugatishning asosi va sanasi.

96. Yer qaʼri uchastkasidan foydalanish huquqi uchun ruxsatnoma reyestrlaridagi maʼlumotlar, ochiq boʻlgan maʼlumotlar bazasi hisoblanib, mazkur reyestr bilan yuridik va jismoniy shaxslar tanishib chiqishi mumkin.

97. Yer qaʼridan foydalanish huquqi davlat roʻyxatidan oʻtkazilgandan keyin foydalanishga berilgan yer qaʼri uchastkasi davlat hisobiga olinadi.

98. Foydalanishga berilgan yer qaʼri uchastkalarini davlat hisobiga olish vakolatli organ tomonidan tegishli yer qaʼri uchastkasidan foydalanish huquqini davlat roʻyxatidan oʻtkazish materiallari olingan kundan boshlab oʻn kun muddatda amalga oshiriladi.

9-bob. Yer qaʼri uchastkalaridan foydalanish huquqini cheklash, toʻxtatib turish va tugatish

99. Yer qaʼri uchastkalaridan foydalanish huquqi “Yer osti boyliklari toʻgʻrisida”gi Oʻzbekiston Respublikasi Qonunida nazarda tutilgan hollarda, shuningdek, alohida bitimlarda nazarda tutilgan hollarda cheklanishi, toʻxtatib turilishi yoki muddatidan oldin toʻxtatilishi mumkin.

100. Yer qaʼri uchastkalaridan foydalanish huquqini cheklash, toʻxtatib turish yoki muddatidan oldin toʻxtatish vakolatli organ (Yer qaʼridan foydalanish markazi yoki Ekologiya vazirligi — chiqindilarni saqlash va koʻmib tashlash uchun) tomonidan sudga berilgan arizalari asosida sud tartibida amalga oshiriladi.

101. Yer qaʼri uchastkalaridan foydalanish huquqini cheklash, toʻxtatib turish yoki muddatidan oldin toʻxtatish vakolatli organ tomonidan yer qaʼrini geologik oʻrganish, ulardan foydalanish va ularni muhofaza qilish davlat nazorati organlarining taqdimnomalari asosida amalga oshiriladi, qonun hujjatlariga muvofiq foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalari bundan mustasno.

102. Yer qaʼri uchastkalaridan foydalanish huquqini cheklash barcha uchastkada yoxud uning bir qismida paydo boʻlgan xavf-xatarlar yoki yer qaʼridan foydalanish talablari va shartlarining, yer qaʼrini geologik oʻrganish boʻyicha ishlarni yuritish normalari va qoidalarining yoʻl qoʻyilgan buzilishlari bartaraf etilgungacha, biroq uch oydan koʻp boʻlmagan muddatga ishlarning muayyan turlari amalga oshirilishi taqiqlab qoʻyilishiga sabab boʻladi.

103. Yer qaʼri uchastkalaridan foydalanish huquqining toʻxtatib turilishi toʻxtatib turish uchun asos boʻlgan sabablar bartaraf etilgungacha, biroq olti oydan koʻp boʻlmagan muddatda ishlarning barcha turlari amalga oshirilishining taqiqlab qoʻyilishiga sabab boʻladi, kon ishlanmalarining saqlanishini taʼminlash, imoratlar, inshootlar va asbob-uskunalarni avariyasiz, odamlar va atrof-muhit uchun xavfsiz holatda saqlash ishlari bundan mustasno.

104. Yer qaʼri uchastkalaridan foydalanish huquqi muddatidan oldin bekor qilinishiga asos boʻluvchi qoʻpol qoidabuzarliklarning roʻyxati:

agar yer qaʼridan foydalanuvchi bir yil davomida yer qaʼri uchastkasidan foydalanishni boshlamagan boʻlsa;

yer qaʼridan foydalanuvchi tomonidan yer qaʼri uchastkasidan foydalanishning asosiy shartlari buzilganligi (yer qaʼri uchastkasini davlat roʻyxatiga qoʻyish, ekologik talablarga rioya qilish, geologiya-qidiruv ishlari va/yoki qazib olishning moʻljallanayotgan hajmini taʼminlash, ijtimoiy va investitsiya majburiyatlarini bajarish);

yer qaʼridan foydalanish bilan bogʻliq ishlarning taʼsiri doirasida aholi hayoti va sogʻligʻiga, atrof-muhitga tahdid yuzaga kelishi;

yer qaʼridan foydalanganlik uchun toʻlovlarni muntazam ravishda toʻlamagan taqdirda;

“Yer osti boyliklari toʻgʻrisida”gi Oʻzbekiston Respublikasi Qonunida nazarda tutilgan talablar qoidalar bajarilmagan taqdirda;

agar qoidabuzarliklar muntazam ravishda amalga oshirilsa yoxud ushbu yer qaʼri uchastkasidan foydalanish huquqiga nisbatan oldin cheklov va/yoki toʻxtatib turish qoʻyilgan boʻlsa.

Yer qaʼridan foydalanish huquqi toʻxtatilgan taqdirda foydalanuvchi yer qaʼridan foydalanishda buzilgan yer uchastkalarini va boshqa tabiiy obyektlarni ulardan kelgusida foydalanish uchun yaroqli holga keltirish ishlarini amalga oshirishga, shuningdek, kon ishlanmalarini hamda ushbu yer qaʼri uchastkalaridan foydalanish bilan bogʻliq boʻlgan infratuzilma obyektlarini konservatsiya qilish va/yoki yoʻq qilish ishlarini boshlashi shart.

105. Yer qaʼri uchastkasi foydalanishga berilgan yuridik shaxs tugatilishi sababli yer qaʼri uchastkasidan foydalanish huquqi toʻxtatilgan taqdirda Yer qaʼridan foydalanish markazi tomonidan tuzilgan maxsus komissiya yoki alohida bitimlar shartlariga binoan yer qaʼri uchastkalari taqdim etilgan taqdirda “Mahsulot taqsimotiga oid bitimlar toʻgʻrisida”gi Oʻzbekiston Respublikasi Qonuniga muvofiq boshqaruv qoʻmitasi yer qaʼri uchastkasidan foydalanish bilan bogʻliq kon ishlanmalari va infratuzilma obyektlarini tugatish tartibi va shartlari toʻgʻrisidagi masalalarni hal etishi kerak.

Koʻrsatib oʻtilgan hollarda yer qaʼri uchastkasi ruxsatnoma bergan organ balansiga oʻtadi.

106. Yer qaʼri uchastkasidan foydalanish huquqi toʻxtatib turilganda va (yoki) toʻxtatilganda bu toʻgʻrida Yer qaʼridan foydalanish markazi uch ish kuni mobaynida mahalliy ijro etuvchi hokimiyat organlari, Ekologiya vazirligi, Soliq qoʻmitasi, Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi va yer qaʼri foydalanishga berilgan yuridik shaxsga qabul qilingan qaror toʻgʻrisida tegishli axborotni joʻnatadi.

10-bob. Yer qaʼri uchastkasidan foydalanish huquqidan oʻzga shaxs foydasiga voz kechish

107. Foydali qazilmalarni geologik jihatdan oʻrganish, qazib olish, texnogen mineral hosilalardan foydalanish huquqi uchun berilgan ruxsatnoma egasi Yer qaʼridan foydalanish markazi bilan kelishgan holda yer qaʼri uchastkasidan foydalanish huquqini (toʻliq yoki qisman) boshqa shaxsga, agar ushbu shaxs ruxsatnomada belgilangan shartlarni bajarish majburiyatini oʻz zimmasiga olsa, berishi mumkin.

Yer qaʼri uchastkasidan foydalanish huquqi qisman boshqa yuridik shaxsga berilganda foydali qazilmalarning qoldiq zaxirasining boʻlinishiga qarab, ikkala yuridik shaxsga ham texnik-iqtisodiy asosni ishlab chiqish majburiyati yuklanadi hamda ruxsatnomalarning muddati ushbu texnik-iqtisodiy asoslardan kelib chiqib rasmiylashtiriladi.

Bunda yer qaʼri uchastkasidan foydalanish huquqi oʻziga oʻtayotgan shaxs ruxsatnoma egasiga qoʻyilgan talablarga muvofiq boʻlishi kerak.

“E-auksion” elektron savdo platformasida auksion orqali realizatsiya qilingan yer qaʼri uchastkalaridan foydalanish huquqi uchun ruxsatnomalarni ular berilgan sanadan boshlab ikki yil mobaynida boshqa shaxslar foydasiga voz kechish, shu jumladan yer qaʼri foydalanuvchilarining taʼsischilari (operatsion faoliyatini boshqarish ovoziga ega majoritar aksiyadorlari)ni toʻliq oʻzgartirish taqiqlanadi.

108. Oʻzi tomonidan qidirilgan konda foydali qazilmalarni kavlash ishlariga ruxsatnoma olishga mutlaq huquqi mavjud boʻlgan yer qaʼrini geologik oʻrganishga doir ishlarni moliyalashtirgan yuridik shaxs ushbu yer qaʼri uchastkasidan foydalanish huquqini Yer qaʼridan foydalanish markazi bilan kelishgan holda boshqa shaxsga (toʻliq yoki qisman) berishi mumkin.

109. Alohida bitimlar shartlarida berilgan yer qaʼri uchastkasidan foydalanish huquqini (toʻliq yoki qisman) boshqa shaxsga berish “Mahsulot taqsimoti toʻgʻrisidagi bitimlar haqida”gi Oʻzbekiston Respublikasi Qonunining 23-moddasiga va/yoki “Yer osti boyliklari toʻgʻrisida”gi Oʻzbekiston Respublikasi Qonuniga muvofiq belgilanadi.

110. Yer qaʼri uchastkasidan foydalanish huquqini (toʻliq yoki qisman) boshqa shaxsga berishni kelishib olish ruxsatnoma egasi tomonidan Yer qaʼridan foydalanish markaziga “Litsenziya” axborot tizimi yoki YIDXP orqali mazkur Nizomning 13-ilovasiga muvofiq ariza berish yoʻli bilan amalga oshiriladi.

Arizada yer qaʼri uchastkasidan foydalanish huquqini boshqa shaxsga berish sabablari, yer qaʼridan foydalanish huquqi boshqa shaxsga qisman berilgan taqdirda esa — talabgorning foydali qazilmalarni yoki texnogen mineral hosilalarni qazib olish, qayta ishlash bilan bogʻliq faoliyatining moʻljallanayotgan turi koʻrsatiladi. Arizaga yer qaʼri uchastkasidan foydalanish huquqi oʻziga oʻtayotgan shaxsning ruxsatnoma egasiga qoʻyiladigan talablarga muvofiqligini tasdiqlovchi hujjatlar ilova qilinadi.

111. Yer qaʼridan foydalanish markazi ariza olingan kundan boshlab oʻn kun muddatda yer qaʼri uchastkasidan foydalanish huquqi uchun ruxsatnomani (toʻliq yoki qisman) boshqa shaxsga qayta rasmiylashtirib beradi yoki asoslantirilgan xulosasini taqdim etgan holda rad etadi.

Ruxsatnoma ariza beruvchiga “Litsenziya” axborot tizimi yoki YIDXP orqali yuboriladi.

Yer qaʼri uchastkasidan foydalanish huquqiga ruxsatnomani qayta rasmiylashtirish rad etilganda xulosa asoslantirilgan boʻlishi kerak. Yer qaʼri uchastkasidan foydalanish huquqini berishni qayta kelishib olishda yer qaʼri uchastkasidan foydalanish huquqini berishni kelishib olish rad etilgan avvalgi sabablar koʻrsatilmagan yangi asoslar boʻyicha uni rad etishga yoʻl qoʻyilmaydi.

11-bob. Yer qaʼri uchastkasidan foydalanish huquqi uchun ruxsatnomani qayta rasmiylashtirish

112. Yer qaʼri uchastkasidan foydalanish huquqi uchun ruxsatnomani qayta rasmiylashtirish quyidagi hollarda amalga oshiriladi:

yuridik shaxs qayta tashkil etilganda yoki uning nomi oʻzgarganda;

yer qaʼri uchastkasidan foydalanish huquqi boshqa shaxsga berilganda;

yer qaʼri uchastkasidan foydalanish shartlari oʻzgarganda;

yer qaʼri uchastkasidan foydalanish muddati uzaytirilganda.

113. Yer qaʼri uchastkasidan foydalanish huquqi uchun ruxsatnomani qayta rasmiylashtirish ruxsatnomani bergan vakolatli organ tomonidan ruxsatnoma egasining “Litsenziya” axborot tizimi yoki YIDXP orqali mazkur Nizomning 14-ilovasiga muvofiq berilgan arizasi asosida amalga oshiriladi.

Yuridik shaxs qayta tashkil etilganda yoki uning nomi oʻzgarganda ariza ruxsatnoma egasi tomonidan qayta roʻyxatdan oʻtkazilgandan keyin oʻn kun muddatda berilishi kerak.

Yer qaʼri uchastkasidan foydalanish huquqi uchun ruxsatnomani qayta rasmiylashtirish toʻgʻrisidagi arizaga tegishli tasdiqlovchi hujjatlar ilova qilinadi.

114. Ruxsatnomani qayta rasmiylashtirish uchun zarur hujjatlar ilova qilingan ariza tushgan kundan boshlab besh ish kuni mobaynida vakolatli organ tomonidan koʻrib chiqiladi (ushbu Nizomda belgilangan hollar bundan mustasno).

Yer qaʼri uchastkasidan foydalanish muddatini uzaytirish uchun ruxsatnoma qayta rasmiylashtirilganda yer qaʼri uchastkalaridan foydalanish shartlarining bajarilishi toʻgʻrisida berilgan maʼlumotlar vakolatli organ tomonidan oʻrganib chiqiladi.

Taqdim etilgan ariza va hujjatlar boʻyicha kamchiliklar aniqlangan hollarda tegishli yer qaʼridan foydalanuvchilar oʻn ish kunida kamchiliklarni bartaraf etishlari va vakolatli organga bu haqda “Litsenziya” axborot tizimi yoki YIDXP orqali maʼlumot taqdim etishlari lozim. Bunda, ariza kamchiliklar bartaraf etilgan va maʼlumot taqdim qilingan kundan boshlab uch ish kuni mobaynida qayta koʻrib chiqiladi.

115. Yer qaʼri uchastkasidan foydalanish huquqi uchun ruxsatnomani qayta rasmiylashtirish uchun ariza va zarur hujjatlarni koʻrib chiqish natijasiga koʻra vakolatli organ yer qaʼri uchastkasidan foydalanish shartlari loyihasini imzolash uchun ariza beruvchiga “Litsenziya” axborot tizimi yoki YIDXP orqali taqdim etadi.

Ariza beruvchi uch ish kuni muddatda yer qaʼri uchastkasidan foydalanish shartlari loyihasini elektron raqamli imzosi bilan tasdiqlaydi va “Litsenziya” axborot tizimi yoki YIDXP orqali vakolatli organga yuboradi.

116. Yer qaʼridan foydalanish uchun ruxsatnoma qayta rasmiylashtirilganda bir ish kuni muddatda tegishli reyestrga oʻzgartirishlar kiritiladi va vakolatli organ QR-kod (matrik shtrixli kod) qoʻyilgan ruxsatnomani rasmiylashtiradi.

117. Yer qaʼri uchastkasidan foydalanish huquqi uchun ruxsatnoma qayta rasmiylashtirilganda ruxsatnoma berishga buyurtmanoma koʻrib chiqilganligi uchun toʻlanadigan summaning ellik foizi miqdorida yigʻim undiriladi.

Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

12-bob. Yakunlovchi qoidalar

118. Yer qaʼrini geologik jihatdan oʻrganish, undan foydalanish va uni muhofaza qilish ustidan davlat nazorati mahalliy davlat hokimiyati organlari, shuningdek, vakolatli organlar tomonidan qonunchilik hujjatlarida belgilangan tartibda amalga oshiriladi.

119. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 1-ILOVA

Strategik turdagi (asosiy) foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalarni elektron onlayn-auksion orqali berish

Bosqichlar Subyektlar Tadbirlar Muddatlar 1 bosqich (tayyorgarlik bosqichi) Yer qaʼridan foydalanish markazi Yer qaʼri uchastkalari roʻyxatini shakllantiradi va tasdiqlaydi. Har yili Yer qaʼridan foydalanish markazi Yer qaʼridan foydalanish huquqini auksionda realizatsiya qilish uchun buyurtmanomalarni Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” davlat unitar korxonasiga (operatorga) taqdim etadi. Tayyor boʻlishi bilan Operator Auksion oʻtkazilishi toʻgʻrisidagi xabarnomani oʻz veb-portalida joylashtiradi. Buyurtma olingan kundan boshlab 2 bosqich (auksionni oʻtkazish) Ariza beruvchi Auksionda ishtirok etish uchun elektron shaklda ariza topshiradi, unda lot raqami va yer qaʼri uchastkasi nomini koʻrsatadi. 60 kun mobaynida Operator Lot boʻyicha elektron auksion savdolari oʻtkazadi va auksion gʻolibini eʼlon qiladi. 1 ish kuni mobaynida Auksion gʻolibi Taklif summasining 100 foizini hamda yer uchastkasini ajratish materiallarini tayyorlash uchun sarflangan toʻlovlarni toʻlaydi. Sotilgan obyektning qiymati BHMning 5 ming baravarigacha boʻlganda 10 ish kuni, 5 ming baravariga teng yoki undan ortiq boʻlganda 15 ish kuni mobaynida 3 bosqich (ruxsatnoma berish) Operator Auksion gʻolibi (zaxiradagi gʻolib) tomonidan sotib olish toʻlovlari toʻliq toʻlangandan soʻng auksion gʻolibiga bayonnoma rasmiylashtiradi hamda mazkur bayonnomani va u tomonidan imzolangan yer qaʼridan foydalanish shartlarini auksion gʻolibining va Yer qaʼridan foydalanish markazining shaxsiy kabinetiga elektron shaklda yuboradi. 1 ish kuni mobaynida Yer qaʼridan foydalanish markazi Bayonnoma asosida Yer qaʼri uchastkalaridan foydalanish huquqi uchun tegishli ruxsatnomani, ERI bilan imzolangan va QR-kod (matrik shtrixli kod) bilan rasmiylashtirilgan holda, “E-auksion” elektron savdo platformasi orqali Operatorga yuboradi. 1 ish kuni mobaynida Operator Auksion gʻolibiga rasmiylashtirilgan ruxsatnomani uning shaxsiy kabinetiga yuboradi. 1 ish kuni mobaynida

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 2-ILOVA

Yer qaʼri uchastkasidan foydalanish huquqi uchun ruxsatnomani tanlov (tender) savdolari orqali berish tartibi

Bosqichlar Subyektlar Tadbirlar Muddatlari 1 bosqich (malakalash) Tender komissiyasi Tenderni tashkil etish uchun ishchi organni belgilaydi. Zarur boʻlganda Ishchi organ Tender hujjatlarini ishlab chiqib, Ekologiya vazirligi va zarur hollarda boshqa davlat organlari bilan kelishadi hamda tender oʻtkazilishi toʻgʻrisida eʼlon beradi. 1 oy mobaynida Talabgorlar Tenderda qatnashishi uchun buyurtmani ishchi organga yuboradi. 2 oy mobaynida Ishchi organ Talabgorlarning malaka hujjatlari koʻrib chiqadi va dastlabki malakalashdan oʻtgan talabgorlarga tender takliflarini taqdim etishga doir soʻrovni va yer qaʼri uchastkalaridan foydalanish shartlari toʻgʻrisidagi bitim loyihasini yuboradi. 3 oy mobaynida 2 bosqich (saralash) Ishchi organ Talabgorlarning malaka hujjatlari koʻrib chiqadi va ularning tender hujjatlarida koʻrsatilgan malaka mezonlariga mosligini baholash uchun tender komissiyasiga yuboradi. 10 kun mobaynida Tender komissiyasi Talabgorlarning kiritilgan texnikaviy va tijoratga oid (moliyaviy) takliflarini koʻrib chiqadi hamda baholaydi. Shuningdek, tender gʻolibini aniqlaydi va qaror qabul qiladi hamda bayonnoma bilan rasmiylashtiradi. 10 kun mobaynida Ishchi organ Tender natijalari haqida maʼlumotni tanlov ishtirokchilariga yuboradi. 1 kun mobaynida

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 3-ILOVA

“Litsenziya” axborot tizimi orqali geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkasidan foydalanish huquqini beradigan ruxsatnoma olish uchun

Ruxsatnomalarni “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijalari boʻyicha olish uchun 1. Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 2. Manzili, telefon raqami, elektron pochtasi: 3. Soʻralayotgan yer qaʼri uchastkasining nomi va yer qaʼridan foydalanishning nazarda tutilgan turi: 4. Rejalashtirilayotgan faoliyatni amalga oshirish uchun mavjud xodimlar (geologlar, konchilar, marksheyderlar) toʻgʻrisidagi maʼlumotlar, mutaxassis (mutaxassislar) boʻlmaganda esa — tegishli litsenziyaga ega boʻlgan ixtisoslashgan tashkilot bilan shartnoma: (ilova qilinadi) 5. Yiriklashtirilgan texnik-iqtisodiy asoslar yoki texnik-iqtisodiy asoslarga muvofiq soʻralayotgan yer qaʼri uchastkasidan foydalanishni taʼminlash uchun texnik, texnologik imkoniyatlari toʻgʻrisida maʼlumot: 6. Vazirlar Mahkamasi huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga qoplab berilganligini tasdiqlovchi toʻlov. 7. Arizani koʻrib chiqish uchun bazaviy hisoblash miqdorining toʻrt barobar miqdoridagi toʻlov.

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 4-ILOVA

Strategik turdagi (asosiy) foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalarni “birinchi kelgan birinchi oladi” tamoyiliga binoan toʻgʻridan-toʻgʻri muzokaralar natijalari boʻyicha berish

Bosqichlar Subyektlar Tadbirlar Muddatlari 1 bosqich (ruxsatnoma olgunga qadar) Ariza beruvchi Yer qaʼri uchastkasidan foydalanish huquqi uchun litsenziya olish uchun Yer qaʼridan foydalanish markaziga “Litsenziya” axborot tizimi yoki YIDXP orqali buyurtma beradi. Zarur boʻlganda Yer qaʼridan foydalanish markazi Soʻralayotgan yer qaʼri uchastkasi boʻyicha yiriklashtirilgan texnik-iqtisodiy asoslarni va (yoki) texnik-iqtisodiy asoslarni ishlab chiqish uchun geologik yoki boshqa maʼlumotlar toʻplamini hamda yer qaʼri uchastkasidan foydalanish shartlarini, shuningdek, yer uchastkasini ajratish materiallarini tayyorlash uchun sarflangan toʻlov qiymatini “Litsenziya” axborot tizimi yoki YIDXP orqali yuboradi. 20 kun mobaynida 2 bosqich Ariza beruvchi Yer qaʼri uchastkasidan foydalanish shartlarini elektron raqamli imzosi bilan imzolaydi hamda yer uchastkasini ajratish materiallarini tayyorlash uchun sarflangan toʻlovni toʻlaydi va “Litsenziya” axborot tizimi yoki YIDXP orqali Yer qaʼridan foydalanish markaziga yuboradi. 5 kun mobaynida Yer qaʼridan foydalanish markazi Yer qaʼri uchastkasidan foydalanish huquqi uchun QR-kod (matrik shtrixli kod) qoʻyilgan ruxsatnomani rasmiylashtiradi va uni oʻz elektron raqamli imzosi bilan tasdiqlaydi. 1 kun mobaynida 3 bosqich (ruxsatnoma olgandan keyin) Ariza beruvchi Yiriklashtirilgan texnik-iqtisodiy asoslar hamda rejalashtirilayotgan faoliyatning atrof muhitga taʼsirini baholash ijobiy xulosasi; 6 oy mobaynida Belgilangan tartibda ekspertizadan oʻtkazilgan texnik-iqtisodiy asoslar hamda rejalashtirilayotgan faoliyatning atrof muhitga taʼsirini baholash ijobiy xulosasini ilova qilgan holda Yer qaʼridan foydalanish markaziga “Litsenziya” axborot tizimi yoki YIDXP orqali taqdim etadi. 12 oy mobaynida

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 5-ILOVA

Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchastkasidan foydalanish huquqini beradigan ruxsatnoma olish uchun

Ariza beruvchi toʻgʻrisida maʼlumot: 1. Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 2. Manzili, telefon raqami, elektron pochtasi: 3. Rejalashtirilayotgan faoliyat turi uchun uchastka tanlanishining asoslanganligi boʻyicha Davlat komissiyasining bayonnomasi nusxasi: (ilova qilinadi) 4. Davlat ekologiya ekspertizasi vakolatli organlari tomonidan atrof-muhitga taʼsiri toʻgʻrisida ariza loyihasiga berilgan ijobiy xulosa: (ilova qilinadi) 5. Ish olib boriladigan hududning 1:1000000 masshtabdagi sharhli xaritasi va joydagi burgʻilash qudugʻi(lar) joylashishi sxemasi: (ilova qilinadi) 6. Arizani koʻrib chiqish uchun bazaviy hisoblash miqdorining toʻrt barobar miqdoridagi toʻlov.

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 6-ILOVA

Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchastkalaridan foydalanish huquqiga ruxsatnomalarni berish

Bosqichlar Subyektlar Tadbirlar Muddatlari 1 bosqich Ariza beruvchi Vakolatli organga (Ekologiya vazirligiga — chiqindilarni saqlash va koʻmib tashlash uchun, Yer qaʼridan foydalanish markaziga — uglevodorodlarni yer ostida saqlash uchun) zarur hujjatlarni ilova qilgan holda “Litsenziya” axborot tizimi yoki YIDXP orqali buyurtma beradi. Zarur boʻlganda 2 bosqich Vakolatli organ Ruxsatnomaga kiritiladigan yer qaʼri uchastkasidan foydalanish shartlari loyihasini ishlab chiqadi. 10 kun mobaynida 3 bosqich Vakolatli organ Yer qaʼri uchastkasidan foydalanish shartlari loyihasini tanishish uchun ariza beruvchiga “Litsenziya” axborot tizimi yoki YIDXP orqali taqdim etadi. 3 kun mobaynida Ariza beruvchi Yer qaʼri uchastkasidan foydalanish shartlarini elektron raqamli imzosi bilan imzolaydi. 5 kun mobaynida Vakolatli organ Yer qaʼri uchastkasidan foydalanish huquqi uchun QR-kod (matrik shtrixli kod) qoʻyilgan ruxsatnomani rasmiylashtiradi va uni oʻz elektron raqamli imzosi bilan tasdiqlaydi. 3 kun mobaynida

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 7-ILOVA

Muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan ruxsatnoma olish uchun

Ariza beruvchi toʻgʻrisida maʼlumot: 1. Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 2. Manzili, telefon raqami, elektron pochtasi: 3. Soʻralayotgan yer qaʼri uchastkasining muhofaza etiladigan geologik obyekt ekanligini tasdiqlovchi hujjat nusxasi: (ilova qilinadi) 4. Yer qaʼri uchastkasini tanlash tegishlicha asoslangan holda muhofaza etiladigan geologik obyektni barpo etish loyihasi: (ilova qilinadi) 5. Davlat ekologiya ekspertizasi vakolatli organlari tomonidan atrof-muhitga taʼsiri toʻgʻrisida ariza loyihasiga berilgan ijobiy xulosa: (ilova qilinadi) ariza beruvchining yiriklashtirilgan texnik-iqtisodiy asoslar yoki texnik-iqtisodiy asoslarga muvofiq soʻralayotgan yer qaʼri uchastkasidan foydalanishni taʼminlash uchun texnik, texnologik va moliyaviy imkoniyatlari toʻgʻrisida maʼlumot 6. Arizani koʻrib chiqish uchun bazaviy hisoblash miqdorining toʻrt barobar miqdoridagi toʻlov.

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 8-ILOVA

Muhofaza qilinadigan geologik obyektlarni tashkil qilish uchun yer qaʼri uchastkalaridan foydalanish huquqi uchun ruxsatnomalar berish

Bosqichlar Subyektlar Tadbirlar Muddatlari 1 bosqich Ariza beruvchi Zarur hujjatlarni ilova qilgan holda Yer qaʼridan foydalanish markaziga “Litsenziya” axborot tizimi yoki YIDXP orqali buyurtma beradi. Zarur boʻlganda 2 bosqich Yer qaʼridan foydalanish markazi Ariza beruvchining hujjatlarini ekspertizadan oʻtkazadi. 7 kun mobaynida 3 bosqich Yer qaʼridan foydalanish markazi Ruxsatnomaga kiritiladigan yer qaʼri uchastkasidan foydalanish shartlari loyihasini ishlab chiqadi. 1 kun mobaynida Yer qaʼridan foydalanish markazi Yer qaʼri uchastkasidan foydalanish shartlari loyihasini tanishish uchun ariza beruvchiga “Litsenziya” axborot tizimi yoki YIDXP orqali taqdim etadi. 1 kun mobaynida Ariza beruvchi Yer qaʼri uchastkasidan foydalanish shartlarini elektron raqamli imzosi bilan imzolaydi. 3 kun mobaynida Yer qaʼridan foydalanish markazi Yer qaʼri uchastkasidan foydalanish huquqi uchun QR-kod (matrik shtrixli kod) qoʻyilgan ruxsatnomani rasmiylashtiradi va uni oʻz elektron raqamli imzosi bilan tasdiqlaydi. 1 kun mobaynida

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 9-ILOVA

Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan ruxsatnoma olish uchun

Ariza beruvchi toʻgʻrisida maʼlumot: 1. Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 2. Manzili, telefon raqami, elektron pochtasi: 3. Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash loyihasi: (ilova qilinadi) 5. Arizani koʻrib chiqish uchun bazaviy hisoblash miqdorining toʻrt barobar miqdoridagi toʻlov.

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 10-ILOVA

Nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqi uchun ruxsatnomalar berish

Bosqichlar Subyektlar Tadbirlar Muddatlari 1 bosqich Ariza beruvchi Zarur hujjatlarni ilova qilgan holda Yer qaʼridan foydalanish markaziga “Litsenziya” axborot tizimi yoki YIDXP orqali buyurtma beradi. Zarur boʻlganda 2 bosqich Yer qaʼridan foydalanish markazi Ariza beruvchining hujjatlarini ekspertizadan oʻtkazadi. 7 kun mobaynida 3 bosqich Yer qaʼridan foydalanish markazi Ruxsatnomaga kiritiladigan yer qaʼri uchastkasidan foydalanish shartlari loyihasini ishlab chiqadi. 1 kun mobaynida Yer qaʼridan foydalanish markazi Yer qaʼri uchastkasidan foydalanish shartlari loyihasini tanishish uchun ariza beruvchiga “Litsenziya” axborot tizimi yoki YIDXP orqali taqdim etadi. 1 kun mobaynida Ariza beruvchi Yer qaʼri uchastkasidan foydalanish shartlarini elektron raqamli imzosi bilan imzolaydi. 3 kun mobaynida Yer qaʼridan foydalanish markazi Yer qaʼri uchastkasidan foydalanish huquqi uchun QR-kod (matrik shtrixli kod) qoʻyilgan ruxsatnomani rasmiylashtiradi. 1 kun mobaynida

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 11-ILOVA

‎‎ ‎ ‎‎OʻZBEKISTON RESPUBLIKASI TOGʻ-KON SANOATI VA GEOLIGIYA VAZIRLIGI ‎‎Yer qaʼri uchastkasidan foydalanish huquqi uchun ‎RUXSATNOMA‎ ‎ ‎ ‎‎SERIYASI ‎ ‎ ‎‎TARTIB RAQAMI ‎ ‎ ‎ RUXSATNOMA TURI‎‎ ‎ ‎‎Ruxsatnoma_____________________________________________________________________________________________________________________________________________________________________ga berildi. ‎ ‎ ‎ ‎ ‎‎(ushbu ruxsatnomani olgan yuridik yoki jismoniy‎ shaxs) ‎ ‎ ‎ ‎ ‎ Ruxsatnoma __________________________________________________________________________________ uchun yer qaʼri uchastkasidan foydalanish huquqini tasdiqlaydi. ‎‎ ‎‎Yer qaʼri uchastkasi ____________________________________________________________________________ ‎‎(nomi va foydali qazilma turi) ‎‎________________________________________________________________________________ da joylashgan. ‎‎(Qoraqalpogʻiston Respublikasi yoki viloyat tumani, aholi punkti nomi) ‎‎Ruxsatnomaning amal qilish muddati ________________________________________________________________ ‎ ‎ ‎ ‎ ‎ ‎ ‎ ‎‎(kun, oy, yil)‎ ‎‎Quyidagilar ruxsatnomaning ajralmas tarkibiy qismlari hisoblanadi: ‎‎Yer qaʼridan foydalanish shartlari __________________________________________________________________ ‎ ‎ ‎ ‎ ‎ ‎ ‎‎(ilovaning tartib raqamlari, varaqalar soni)‎ ‎‎Ruxsatnoma berilgan sana ___________ y. “______” _____________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎QR kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎(Ruxsatnoma uning ajralmas tarkibiy qismi hisoblangan zarur ilovalar mavjud boʻlgan taqdirda haqiqiy hisoblanadi). ‎ ‎

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 12-ILOVA

Strategik turdagi (asosiy) foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnoma

1. Ruxsat etish xususiyatiga ega hujjatning nomi: Strategik turdagi (asosiy) foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnoma 2. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar): Strategik turdagi (asosiy) foydali qazilmalarni oʻz ichiga olgan yer qaʼri uchastkalaridan foydalanish 3. Ariza beruvchilar toifasi: Yuridik shaxs 4. Ruxsat etish tartib-taomillari sohasidagi vakolatli organ: Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi 5. Ruxsat etish xususiyatiga ega hujjatni olish uchun taqdim qilinadigan hujjatlar: Ruxsatnomalar auksion savdolari, tanlov natijalari yoki “birinchi kelgan birinchi oladi” tamoyiliga asosan beriladi: 1. Auksion savdolari natijalari boʻyicha bayonnoma asosida ruxsatnoma beriladi hamda yer qaʼridan foydalanuvchi tomonidan: a) ruxsatnoma yer qaʼri uchastkasini geologik oʻrganish uchun berilganda, ruxsatnoma berilgan kundan boshlab 6 (olti) oy mobaynida: yiriklashtirilgan texnik-iqtisodiy hisob-kitoblar hamda atrof muhitga taʼsir koʻrsatishi toʻgʻrisida ariza loyihasiga Davlat ekologiya qoʻmitasi tomonidan beriladigan ijobiy davlat ekologik ekspertiza xulosasining raqami va sanasi; b) ruxsatnoma foydali qazilmalarni qazib olish va texnogen mineral hosilalardan foydalanish uchun berilganda, ruxsatnoma berilgan kundan boshlab 12 (oʻn ikki) oy mobaynida: belgilangan tartibda ekspertizadan oʻtkazilgan texnik-iqtisodiy asoslar hamda atrof muhitga taʼsir koʻrsatishi toʻgʻrisida ariza loyihasiga Davlat ekologiya qoʻmitasi tomonidan beriladigan ijobiy davlat ekologik ekspertiza xulosasining raqami va sanasi. 2. Talabgorlar tanlov (tender) savdolarida qatnashish uchun buyurtmani ishchi organga yuboradi. Buyurtmada talabgorlarning soha boʻyicha malaka hujjatlari boʻladi. 3. Ruxsatnomalarni “birinchi kelgan birinchi oladi” prinsipiga binoan arizalarni toʻgʻridan-toʻgʻri koʻrib chiqish natijalari boʻyicha olish uchun mazkur Nizomning 3-ilovasiga muvofiq ariza shaklini toʻldiradi. 6. Arizani koʻrib chiqish uchun toʻlanadigan yigʻim miqdori: 1. Auksion savdolari natijalari boʻyicha beriladigan ruxsatnomaga yigʻim undirilmaydi. 2. Tanlov natijalari yoki “birinchi kelgan birinchi oladi” tamoyiliga asosan arizani koʻrib chiqish uchun bazaviy hisoblash miqdorining toʻrt barobar miqdoridagi toʻlov. 7. Ruxsat etish xususiyatiga ega hujjat berilganligi uchun undiriladigan yigʻim miqdori: 1. Auksion savdolari natijalari boʻyicha beriladigan ruxsatnomaga yigʻim undirilmaydi. 2. Tanlov natijalari yoki “birinchi kelgan birinchi oladi” tamoyiliga asosan arizani koʻrib chiqish uchun bazaviy hisoblash miqdorining toʻrt barobar miqdoridagi toʻlov. 8. Arizani koʻrib chiqish muddati: 1. Auksion savdolari natijalari boʻyicha beriladigan ruxsatnoma — 3 kun. 2. Tanlov natijalari yoki “birinchi kelgan birinchi oladi” tamoyiliga asosan arizani koʻrib chiqish — 4 kun. 9. Ruxsat etishga oid talab va shartlar: a) geologik jihatdan oʻrganish uchun: yer qaʼrini geologik jihatdan oʻrganish uchun yillik eng kam xarajatlar boʻyicha majburiyatlar miqdori, shu jumladan ikki yil mobaynida bajariladigan minimal investitsiya majburiyatlari; Kon-geologiya faoliyatini nazorat qilish inspeksiyasiga toʻqson kun mobaynida yer qaʼridan foydalanish boʻyicha loyihalarini taqdim etish majburiyati; foydali qazilmalarni, shu jumladan, uglevodorodlarni, sanoatda foydalaniladigan yer osti suvlarini tajriba (namuna) uchun va tajriba-sanoat usulida kavlab olish shartlari; kon ishlanmalari va quduqlarini aholi hayoti va sogʻligi, atrof muhit xavfsizligini taʼminlaydigan holatga keltirish, shuningdek, foydalanilmaydigan kon ishlanmalari va quduqlarini tugatish tartibi; uglevodorodlar, portlovchi va kimyoviy moddalar, qimmatbaho metallar va qimmatbaho toshlarning muomalasi sohasidagi qonunchilik talablariga rioya etish shartlari; yer qaʼri uchastkasidan foydalanish bilan bogʻliq toʻlovlar, shu jumladan yillik litsenziya toʻlovi toʻgʻrisidagi majburiyatlar; yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari; b) foydali qazilmalarni kavlab olish uchun: foydali qazilmalarni kavlab olish uchun yillik eng kam xarajatlar boʻyicha majburiyatlar miqdori, shu jumladan bajariladigan minimal investitsiya majburiyatlari; texnik loyihalarni va kavlab olish ishlarini rivojlantirish rejalarini, konlarning loyihalarini tayyorlash va oʻzlashtirish tartibi va muddatlari; foydali qazilmalarni kavlab olish hajmi; uglevodorodlarni qazishda foydali qazilmalarni kavlab olishning kelishilgan darajalari; yer qaʼridan foydalanganlik uchun haq toʻlash shartlari; texnogen mineral hosilalarni saqlash va qayta ishlash shartlari; qoʻshilib chiqadigan gazdan foydalanish, shu jumladan, uglevodorodlarni kavlab olish boʻyicha majburiyatlar; quvurlardan va umumiy infratuzilmaning boshqa obyektlaridan foydalanish shartlari (zarur boʻlganda); sanoatda foydalaniladigan yer osti suvlarini olishning eng koʻp yoʻl qoʻyiladigan miqdori; kesishadigan suvli qatlamlarning ifloslanishi yoki siljishini istisno etadigan uglevodorodlarni kavlab olish quduqlari konstruksiyasiga qoʻyiladigan talablar; suvli qatlamda yer osti suvlarining yoʻl qoʻyiladigan pasayishi darajasi; yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga ruxsat berish jarayonlaridan oʻtish tartibi; uglevodorodlar, portlovchi va kimyoviy moddalar, qimmatbaho metallar va qimmatbaho toshlarning muomalasi sohasidagi qonunchilik talablariga rioya etish shartlari; yer qaʼri uchastkasidan foydalanish bilan bogʻliq toʻlovlar toʻgʻrisidagi majburiyatlar; yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari. 10. Ruxsat etish xususiyatiga ega hujjatni berishda kelishiladigan organlar: Mavjud emas 11. Ruxsat etish xususiyatiga ega hujjatning amal qilish muddati: a) geologik jihatdan oʻrganish uchun — besh yilgacha muddatga; b) foydali qazilmalarni kavlab olish va texnogen mineral hosilalardan foydalanish uchun: dastlab ruxsatnoma berilganda — oʻn yil muddatga, keyinchalik, texnik-iqtisodiy asoslar belgilangan muddatlarda taqdim etilgandan soʻng foydali qazilma konini yoki texnogen mineral hosilalarni ishga solish davrini inobatga olgan holda, uning muddatini uzaytirishni kafolatlash sharti bilan; texnik-iqtisodiy asoslar taqdim etilgandan soʻng — foydali qazilma konini yoki texnogen mineral hosilalarni ishga solishning texnik-iqtisodiy asoslarda belgilangan muddatiga; v) nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun — ikki yilgacha muddatga; g) foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish, shu jumladan, neft, gaz, gaz kondensati, boshqa moddalar va materiallarni yer ostida saqlash, chiqindilarni saqlash va koʻmib tashlash uchun — muddatsiz foydalanishga; d) muhofaza etiladigan geologiya obyektlarini barpo etish uchun — muddatsiz foydalanishga beriladi. 12. Izoh: Yer qaʼri uchastkasidan foydalanish huquqini beradigan ruxsatnoma quyidagi maqsadlar uchun beriladi: geologik jihatdan oʻrganish; foydali qazilmalarni kavlab olish; texnogen mineral hosilalardan foydalanish; Foydali qazilmalarni kavlab olish bilan bogʻliq boʻlmagan maqsadlarda yer osti inshootlarini qurish va ishlatish uchun yer qaʼri uchastkalaridan foydalanish; muhofaza etiladigan geologik obyektlarni barpo etish; nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash. Ruxsatnoma, qoidaga koʻra, ushbu bandda belgilangan yer qaʼridan foydalanishning har bir turi uchun alohida beriladi.

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 13-ILOVA

“Litsenziya” axborot tizimi orqali yer qaʼri uchastkasidan foydalanish huquqini (toʻliq yoki qisman) boshqa shaxsga berishni kelishib olish uchun

1. Ruxsatnoma egasining Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 2. Manzili, telefon raqami, elektron pochtasi: 3. Yer qaʼri uchastkasidan foydalanish huquqi (toʻliq yoki qisman) berilayotgan shaxsning Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 4. Yer qaʼri uchastkasidan foydalanish huquqini boshqa shaxsga berish sabablari: 5. Yer qaʼridan foydalanish huquqi boshqa shaxsga qisman berilgan taqdirda — talabgorning foydali qazilmalarning strategik turlarini yoki texnogen mineral hosilalarni qazib olish, qayta ishlash bilan bogʻliq faoliyatining moʻljallanayotgan turi: 6. Yer qaʼri uchastkasidan foydalanish huquqi oʻziga oʻtayotgan shaxsning ruxsatnoma egasiga qoʻyiladigan talablarga muvofiqligini tasdiqlovchi hujjatlar : (ilova qilinadi): 6.1. Rejalashtirilayotgan faoliyatni amalga oshirish uchun mavjud xodimlar (geologlar, konchilar, marksheyderlar) toʻgʻrisidagi maʼlumotlar, mutaxassis (mutaxassislar) boʻlmaganda esa — tegishli litsenziyaga ega boʻlgan ixtisoslashgan tashkilot bilan shartnoma; 6.2. Yer qaʼri uchastkasidan foydalanishni taʼminlash uchun texnik, texnologik imkoniyatlari toʻgʻrisida maʼlumot. 6.3. Texnik-iqtisodiy asoslar yer qaʼri uchastkasidan foydalanish huquqi qisman berilayotganda (ilova qilinadi): 7. Arizani koʻrib chiqish uchun bazaviy hisoblash miqdorining ikki barobar miqdoridagi toʻlov.

Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga 14-ILOVA

“Litsenziya” axborot tizimi orqali yer qaʼri uchastkasidan foydalanish huquqi uchun ruxsatnomani qayta rasmiylashtirish uchun

1. Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 2. Manzili, telefon raqami, elektron pochtasi: 3. Yer qaʼri uchastkasidan foydalanish huquqi uchun ruxsatnomani qayta rasmiylashtirish sabablari: 4. Arizani koʻrib chiqish uchun bazaviy hisoblash miqdorining ikki barobar miqdoridagi toʻlov.

Vazirlar Mahkamasining 2022-yil 25-martdagi 133-son qaroriga 2-ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida

1-bob. Umumiy qoidalar

1. Ushbu Nizom noruda foydali qazilmalarni oʻz ichiga olgan yer qaʼri uchastkalaridan foydalanish (daryo oʻzanlarini tozalash jarayonida qum-shagʻal materiallarini qazib olish bundan mustasno) huquqi uchun ruxsatnomalar berish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

“E-auksion” elektron savdo platformasi (keyingi oʻrinlarda — savdo platformasi) — elektron onlayn-auksionlarni tashkil etish va oʻtkazish uchun zarur boʻlgan axborotni kiritish, saqlash va qayta ishlash, shuningdek, manfaatdor shaxslarning auksionlar jarayonlaridan operator veb-portali orqali bevosita foydalanish imkoniyatini taʼminlaydigan axborot tizimi;

noruda foydali qazilmalar — tarkibida metall boʻlmagan tabiiy holicha, tozalab yoki qayta ishlab olinadigan foydali qazilmalar (noruda foydali qazilmalarga — kimyo, sement, oyna, olovbardosh va chinni buyumlar sanoatida foydalanish uchun yaroqli boʻlgan xom ashyo, kvarsitlar, kvars-dala shpati jinslari, marmar, granit, siyenitlar, dioritlar, gabbro, andezitlar, diabazlar, bazalt, vulqon tuflari, shlaklar, shagʻal, qum-shagʻal aralashmasi, qum va qumtosh, gil va gilli jinslar (suglinkalar, alevrolitlar, bentonitlar, argillitlar), tosh tuzi, gips, mergel, ohaktoshlar, shu jumladan chigʻanoqlar, boʻrli jinslar, dolomitlar, kremniyli jinslar, tabiiy boʻyoqlar kiradi);

noruda foydali qazilmalarni oʻz ichiga olgan yer qaʼri uchastkalari — tarkibida noruda foydali qazilmalar mavjud boʻlgan va aniq geometrlangan chegaralarga ega yer qaʼri maydoni;

operator — Oʻzbekiston Respublikasi Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” davlat unitar korxonasi.

3. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi ruxsatnoma asosida:

geologik oʻrganish;

qazib olish;

texnogen mineral hosilalardan foydalanish uchun beriladi.

4. Ruxsatnomalar Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi (keyingi oʻrinlarda — Yer qaʼridan foydalanish markazi) tomonidan mazkur Nizomning 3-bandida belgilangan yer osti boyliklaridan foydalanishning har bir turi uchun alohida-alohida beriladi.

2-bob. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalar

1-§. Geologik oʻrganish uchun yer qaʼri uchastkalaridan foydalanish huquqini beruvchi ruxsatnomalar

5. Geologik oʻrganish uchun yer qaʼri uchastkalaridan foydalanish huquqini beruvchi ruxsatnoma tadbirkorlik tavakkalchiligi asosida (yer qaʼridan foydalanuvchilarning oʻz mablagʻlari hisobidan) noruda foydali qazilmalar konlarini izlash, baholash va qidirishga oid huquqni tasdiqlaydi.

Mineral xom ashyo bazasini rivojlantirish va qayta toʻldirish davlat dasturlari doirasida Oʻzbekiston Respublikasi Davlat budjeti va tashkilotlarning oʻz mablagʻlari hisobiga geologik oʻrganish uchun yer qaʼri uchastkalaridan foydalanish huquqi yuzaga kelishiga belgilangan tartibda tasdiqlangan yer qaʼrini geologik oʻrganishga doir loyiha-smeta hujjatlari asos hisoblanadi.

Noruda foydali qazilmalarni geologik oʻrganish bosqichida loyiha-smeta hujjatlarida asoslangan hamda noruda foydali qazilmalar zaxiralarini hisoblab chiqish va ularning sifatini baholash uchun yetarli hajmlarda tajriba (sinov) va tajriba-sanoat yoʻsinida qazib olish ishlarini oʻtkazish uchun yer qaʼri uchastkalaridan foydalanish huquqiga oid ruxsatnoma olish talab qilinmaydi.

Daryo oʻzanlarini tozalash jarayonida qum-shagʻal materiallarini qazib olish uchun yer qaʼri uchastkalaridan foydalanish huquqi uchun ruxsatnoma olish talab qilinmaydi.

Daryolar oʻzanlarida qum-shagʻal materiallarini qazib olish faqat ularni tozalash jarayonida Oʻzbekiston Respublikasi Favqulodda vaziyatlar vazirligi “Xavfsiz daryo boshqarmasi” davlat muassasasi tomonidan Oʻzbekiston Respublikasi Vazirlar Mahkamasining 2018-yil 3-dekabrdagi 981-son qarori bilan tasdiqlangan Daryolar oʻzanlarini tozalash ishlariga tadbirkorlik subyektlarini elektron onlayn-auksion orqali jalb qilish tartibi toʻgʻrisidagi nizom talablari asosida jalb etilgan tadbirkorlik subyektlari va boshqa tashkilotlar tomonidan amalga oshiriladi.

2-§. Noruda foydali qazilmalarni qazib olish uchun yer qaʼri uchastkalaridan foydalanish huquqiga oid ruxsatnoma

6. Noruda foydali qazilmalarni qazib olish uchun yer qaʼri uchastkalaridan foydalanish huquqiga oid ruxsatnoma, uning egasiga konni qazib olish, qazib olinayotgan mineral xom ashyoni qayta ishlash, shu jumladan agar ruxsatnoma shartlarida boshqa holatlar nazarda tutilmagan boʻlsa, qazib olish jarayonida olingan mineral hosilalardan foydalanish (qayta ishlash) huquqini beradi.

Noruda foydali qazilmalarni qazib olish uchun yer qaʼri uchastkasidan foydalanish huquqiga oid ruxsatnoma noruda foydali qazilmalarning zaxiralari qonun hujjatlarida belgilangan tartibda tasdiqlangan kon boʻyicha ularni qazib olish uchun beriladi.

7. Yer qaʼri uchastkalaridan foydalanish huquqiga oid ruxsatnomani konning alohida uchastkasidagi noruda foydali qazilmalarni qazib olish uchun berilishiga ruxsat etiladi, agar ushbu holat konni qazib olishning texnik-iqtisodiy koʻrsatkichlarini yomonlashtirmasa va konning qolgan qismlari (uchastkalari)ni oʻzlashtirishga toʻsqinlik qilmasa.

8. Bitta konni bir nechta yer qaʼridan foydalanuvchilar tomonidan qazib olish uchun yer qaʼri uchastkalaridan foydalanish huquqiga oid ruxsatnomalar berilishiga yoʻl qoʻyiladi. Bunda konni qazib olish Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi (keyingi oʻrinlarda — Kon-geologiya inspeksiyasi) va Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda — Ekologiya vazirligi) bilan kelishilgan, yer qaʼridan oqilona foydalanishni va atrof-muhitning muhofaza qilinishini taʼminlovchi qazib olish tizimida amalga oshirilishi kerak.

9. Yer qaʼri uchastkalaridan foydalanish huquqi uchun bir necha ruxsatnomalarning bir vaqtning oʻzida bitta yer qaʼridan foydalanuvchiga berilishiga yoʻl qoʻyiladi, shu jumladan oʻzaro yaqin joylashgan noruda foydali qazilmalar konlarini qazib olish uchun, agar bajarilgan texnik-iqtisodiy hisob-kitoblarga koʻra ularni faqat birgalikda bir yer qaʼridan foydalanuvchi tomonidan qazib olish rentabelli boʻlsa.

10. Bir vaqtning oʻzida noruda foydali qazilmalarning turli konlarini, ayrim turdagi qurilish va boshqa materiallar va buyumlarni ishlab chiqarish uchun zarur komponent sifatidagi mineral xom ashyo qazib olishga oid yer qaʼri uchastkalaridan foydalanish huquqi uchun bir necha ruxsatnomalar bitta yer qaʼridan foydalanuvchiga berilishi mumkin.

11. Noruda foydali qazilmalarni qazib olish uchun yer qaʼri uchastkalaridan foydalanish huquqini beruvchi ruxsatnoma egasi, unga berilgan kon ajratish dalolatnomasi doirasida qoʻshimcha ruxsatnomasiz yer qaʼrini geologik oʻrganishga doir ishlarni, ularni Yer qaʼridan foydalanish markazining Davlat geologiya fondida hisobiga qoʻyish sharti bilan olib borish huquqiga ega.

3-§. Texnogen mineral hosilalardan foydalanish uchun yer qaʼri uchastkalaridan foydalanish huquqiga oid ruxsatnoma

12. Texnogen mineral hosilalardan foydalanish uchun yer qaʼri uchastkalaridan foydalanish huquqiga oid ruxsatnoma, oʻz egasining kon qazib chiqarish va qayta ishlash korxonalarining tarkibida noruda foydali komponentlari mavjud chiqindilarini qayta ishlash ishlarini amalga oshirish huquqini tasdiqlaydi.

Noruda foydali qazilmalarni qazib olish va mineral xom ashyoni qayta ishlash jarayonida olingan texnogen mineral hosilalarga egalik huquqi noruda foydali qazilmalarni qazib olish uchun yer qaʼri uchastkasidan foydalanish huquqiga oid ruxsatnomaga muvofiq ruxsatnoma egasida yer qaʼri uchastkasidan foydalanish muddati mobaynida saqlab qolinadi. Bunday holda texnogen mineral hosilalardan foydalanish (qayta ishlash)ga ruxsatnoma olish talab qilinmaydi.

13. Texnogen mineral hosilalardan foydalanishga oid yer qaʼri uchastkalaridan foydalanish huquqi uchun ruxsatnoma, yer qaʼridan foydalanuvchi balansida hisobda turmaydigan yoki texnogen mineral hosilalar sotilgan yoki belgilangan tartibda boshqa yer qaʼridan foydalanuvchiga topshirilgan holda, kon qazib chiqarish va qayta ishlash korxonalarining chiqindilarini qayta ishlash uchun beriladi.

3-bob. Noruda foydali qazilmalarni oʻz ichiga olgan yer qaʼri uchastkalaridan foydalanish shartlari

14. Yer qaʼridan foydalanish ruxsatnomada nazarda tutilgan yer qaʼri uchastkalaridan foydalanish shartlariga muvofiq amalga oshiriladi.

15. Noruda foydali qazilmalarni oʻz ichiga olgan yer qaʼri uchastkalaridan foydalanishning asosiy shartlariga yer qaʼridan foydalanish turlaridan kelib chiqqan holda “Yer osti boyliklari toʻgʻrisida”gi Oʻzbekiston Respublikasining Qonuni bilan belgilangan shartlar kiradi.

Noruda foydali qazilmalarni oʻz ichiga olgan yer qaʼri uchastkalaridan foydalanishning namunaviy shartlari Yer qaʼridan foydalanish markazi va uni hududiy boʻlinmalarining rasmiy veb-saytlarida joylashtiriladi, shuningdek zarurat boʻlganda belgilangan tartibda ommaviy axborot vositalarida ham eʼlon qilinishi mumkin.

16. Noruda foydali qazilmalarni oʻz ichiga olgan yer qaʼri uchastkalaridan foydalanish shartlarida geologik oʻrganish uchun quyidagilar nazarda tutiladi:

yer qaʼrini geologik oʻrganish boʻyicha yiriklashtirilgan texnik-iqtisodiy hisob-kitoblarni ishlab chiqish va Yer qaʼridan foydalanish markaziga topshirish muddati;

atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasini Yer qaʼridan foydalanish markaziga topshirish muddati;

kon inshootlari va quduqlarni aholi hayoti va salomatligi, atrof-muhit xavfsizligini taʼminlaydigan holatga keltirish (rekultivatsiya qilish), shuningdek, foydalanishga yaroqsiz kon inshootlari va quduqlarni tugatish tartibi yoxud ushbu ishlarni bajarish dasturi (rejasi)ni ruxsatnoma muddati tugashidan bir yil avval Ekologiya vazirligi bilan kelishilgan holda Togʻ-kon, geologiya va sanoat xavfsizligini nazorat qilish inspeksiyasiga taqdim etish;

yer qaʼri uchastkasidan foydalanish bilan bogʻliq toʻlovlar, shu jumladan, yillik litsenziya toʻlovi toʻgʻrisidagi majburiyatlar;

geologik oʻrganishlar uchun ruxsatnomaga muvofiq ajratiladigan (ijaraga beriladigan) yer uchastkasining maydoni (gektarda);

geologik oʻrganishlar uchun yer qaʼridan foydalanganlik uchun har yillik litsenziya toʻlovini toʻlash uchun maxsus hisob raqam;

noruda foydali qazilmalar zaxiralarini tasdiqlash uchun materiallarni Kon-geologiya vazirligi huzuridagi Foydali qazilmalar zaxiralari boʻyicha Davlat komissiyasiga topshirish tartibi va muddatlari;

yer qaʼri uchastkalaridan foydalanish huquqining cheklanishi, toʻxtatib qoʻyilishi yoki muddatidan oldin bekor qilinishi mumkin boʻlgan shartlar.

17. Yer qaʼri uchastkalaridan noruda foydali qazilmalarni qazib olish shartlarida quyidagilar nazarda tutiladi:

foydali qazilmalarni qazib olish boʻyicha texnik-iqtisodiy asoslarni ishlab chiqish va Yer qaʼridan foydalanish markaziga topshirish muddati;

atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasini Yer qaʼridan foydalanish markaziga topshirish muddati;

Togʻ-kon, geologiya va sanoat xavfsizligini nazorat qilish inspeksiyasiga toʻqson kun mobaynida yer qaʼridan foydalanish boʻyicha loyihalarni taqdim etish va belgilangan tartibda kelishish majburiyati;

foydali qazilmalarni kavlab olish uchun yillik eng kam xarajatlar boʻyicha majburiyatlar miqdori, shu jumladan, Yer qaʼridan foydalanish markaziga yer qaʼri uchastkasidan foydalanish uchun texnik-iqtisodiy asoslarni taqdim etgan kundan boshlab ikki yil mobaynida bajariladigan minimal investitsiya majburiyatlari;

texnik loyihalar va kon ishlarini rivojlantirish rejalarini, zaxiralarni qazib olish va kon maydoni (uchastkalar)da qulayliklar yaratish loyihalarini tuzish tartibi va muddatlari;

marksheyderlik xizmatlari tomonidan tasdiqlangan choraklik va yillik foydali qazilmalarni kavlab olish hajmlari toʻgʻrisidagi hisobotlarni taqdim etish muddatlari;

qazib olingan foydali qazilmaga egalik qilish huquqi;

yer qaʼridan foydalanganlik uchun toʻlovlarni toʻlash shartlari;

zarur malakali mutaxassislarga ega boʻlish;

yer qaʼridan foydalanuvchining ijtimoiy majburiyatlari (mahalliy aholi uchun ish joylarini tashkil qilish, kerakli malakali mutaxassislarni jalb qilish va xodimlarni kasbga tayyorlash);

texnik va texnologik imkoniyatlar, shuningdek, belgilangan tartibda shartnoma asosida jalb qilinadigan texnika va asbob-uskunalar mavjudligi;

bir yil ichida yer qaʼri uchastkasidan foydalanishning boshlanish muddatlari;

yangi ish oʻrinlarini yaratish majburiyatlari;

texnogen mineral hosilalarni saqlash va qayta ishlash shartlari;

yer qaʼridan foydalanuvchining investitsiya majburiyatlari;

yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga Togʻ-kon, geologiya va sanoat xavfsizligini nazorat qilish inspeksiyasida ruxsat berish jarayonlaridan oʻtish tartibi;

ruxsatnomaning egasi yer qaʼri uchastkasidan foydalanish huquqini (toʻliq yoki qisman) boshqa shaxsga berishi mumkin boʻlgan shartlar;

yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari, shuningdek, ushbu ishlarni bajarish dasturi (rejasi)ni ruxsatnoma muddati tugashidan besh yil avval Ekologiya vazirligi bilan kelishilgan holda Togʻ-kon, geologiya va sanoat xavfsizligini nazorat qilish inspeksiyasiga taqdim etish;

yer qaʼri uchastkalaridan foydalanishning cheklanishi, toʻxtatib qoʻyilishi yoki muddatidan oldin bekor qilinishi mumkin boʻlgan shartlar.

18. Texnogen mineral hosilalardan foydalanish uchun yer qaʼri uchastkalaridan foydalanish shartlarida quyidagilar nazarda tutiladi:

texnogen mineral hosilalardan foydalanish boʻyicha texnik-iqtisodiy asoslarni ishlab chiqish va Yer qaʼridan foydalanish markaziga topshirish muddati;

atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasini Yer qaʼridan foydalanish markaziga topshirish muddati;

texnik loyihalar va kon ishlarini rivojlantirish rejalarini, texnogen mineral hosilalar (konlar) zaxiralarini qazib olish va kon maydoni (uchastkalar)da qulayliklar yaratish loyihalarini tuzish tartibi va muddatlari;

qazib olingan foydali qazilmaga egalik qilish huquqi;

zarur malakali mutaxassislarga ega boʻlish;

yer qaʼridan foydalanuvchining ijtimoiy majburiyatlari (mahalliy aholi uchun ish joylarini tashkil qilish, xodimlarni kasb boʻyicha tayyorlash va zarur malakali mutaxassislarni jalb qilish);

texnogen mineral hosilalarni saqlash va qayta ishlash shartlari;

yer qaʼri uchastkalaridan foydalanishning cheklanishi, toʻxtatib qoʻyilishi yoki muddatidan oldin bekor qilinishi mumkin boʻlgan shart-sharoitlar.

19. “Yer osti boyliklari toʻgʻrisida”gi Oʻzbekiston Respublikasi Qonunida belgilangan hollarda Yer qaʼridan foydalanish markazi noruda foydali qazilmalarni qazib olish uchun yer qaʼridan foydalanish shartlariga oʻzgartirishlar kiritishi mumkin.

Shuningdek, yer qaʼridan foydalanish shartlarida yer uchastkasining ijara shartnomasi, xususan, yer toʻgʻrisidagi qonunchilik hujjatlari talablari asosida undan foydalanish muddatlari va shartlari hamda yer qaʼridan foydalanish maqsadlari uchun olib qoʻyilayotgan (sotib olinayotgan) yer uchastkasi boʻyicha — mahalliy davlat hokimiyati organlari tomonidan ushbu yer uchastkasining egasi, foydalanuvchisi, ijarachisi yoki mulkdori bilan kelishilgan kompensatsiya miqdori va uni toʻlash muddati nazarda tutiladi.

Yer qaʼridan foydalanish shartlari, shu jumladan yer uchastkasining ijara shartnomasi yer qaʼri uchastkalaridan foydalanish huquqi uchun ruxsatnomaning ajralmas qismi hisoblanadi.

Geologik oʻrganish uchun yer qaʼridan foydalanganlik uchun yillik litsenziya toʻlovi miqdori geologik oʻrganiladigan yer qaʼrining bir gektari uchun qonunchilikda belgilangan bazaviy hisoblash miqdorining oʻn besh foizini tashkil etadi hamda quyidagilarga:

70 foizi — Oʻzbekiston Respublikasining respublika budjetiga;

15 foizi — viloyat mahalliy budjetiga;

15 foizi — tuman (shahar) mahalliy budjetiga yoʻnaltiriladi.

20. Mineral xom ashyo va uni qayta ishlash mahsulotlari konyunkturasining oʻzgarishi, yaʼni noruda foydali qazilmalarni qazib olish iqtisodiy jihatdan maqsadga muvofiq emasligi sababli, shuningdek ruxsatnoma berilgan vaqtdagiga nisbatan keskin farq qiluvchi vaziyat yuzaga kelgan hollarda yer qaʼridan foydalanuvchi soʻroviga muvofiq ham yer qaʼri uchastkalaridan foydalanish shartlari qayta koʻrib chiqilishi mumkin.

Ruxsatnoma egasi noruda foydali qazilmalarni qazib olishni vaqtincha toʻxtatishi, bu haqda oltmish kun oldin Yer qaʼridan foydalanish markaziga “Litsenziya” axborot tizimi yoki Yagona interaktiv davlat xizmatlari portali (keyingi oʻrinlarda — YIDXP) orqali maʼlum qilgan holda, belgilangan tartibda kon inshootlarini va yer osti boyliklaridan foydalanish bilan bogʻliq infratuzilma obyektlarini konservatsiya qilishi mumkin. Konservatsiya qilish muddati ruxsatnomaning umumiy amal qilish muddatiga kiradi.

Bunday hollarda ruxsatnomalarni qayta rasmiylashtirish ushbu Nizomning 11-bobida belgilangan tartibda amalga oshiriladi.

4-bob. Noruda foydali qazilmalarni oʻz ichiga olgan yer qaʼridan foydalanish muddatlari

21. Geologik oʻrganish, noruda foydali qazilmalarni qazib olish va texnogen mineral hosilalardan foydalanish uchun yer qaʼri uchastkalari quyidagilar uchun belgilangan muddatlarga beriladi:

a) geologik jihatdan oʻrganish uchun — besh yilgacha muddatga;

b) foydali qazilmalarni kavlab olish va texnogen mineral hosilalardan foydalanish uchun:

dastlab ruxsatnoma berilganda — besh yil muddatga, keyinchalik, texnik-iqtisodiy asoslar belgilangan muddatlarda taqdim etilgandan soʻng foydali qazilma konini yoki texnogen mineral hosilalarni ishga solish davrini inobatga olgan holda, uning muddatini uzaytirishni kafolatlash sharti bilan;

texnik-iqtisodiy asoslar taqdim etilgandan soʻng — foydali qazilma konini yoki texnogen mineral hosilalarni ishga solishning texnik-iqtisodiy asoslarda belgilangan muddatiga, biroq yigirma besh yildan oshmaydigan muddatga beriladi.

22. Yer qaʼridan foydalanish muddatlari ruxsatnomada koʻrsatiladi va u berilgan kundan boshlab hisoblanadi.

23. Yer qaʼridan foydalanish muddati tugagunga qadar yer qaʼridan foydalanuvchi tomonidan Yer qaʼridan foydalanish markaziga “Litsenziya” axborot tizimi yoki YIDXP orqali yoʻllangan buyurtma boʻyicha yer qaʼridan foydalanuvchi tomonidan ruxsatnomada belgilangan shartlar bajarilgan taqdirda va yer qaʼrini geologik oʻrganishga doir ishlarni yakunlash, shuningdek, foydali qazilmalarni qazib olish, texnogen mineral hosilalardan foydalanish yoki foydali qazilmalarni qazib olish boʻyicha korxonalarni tugatish yoki konservatsiyalash boʻyicha ishlarni amalga oshirish zarur boʻlgan hollarda yer qaʼridan foydalanish muddatlari uzaytirilishi mumkin.

Yer qaʼridan foydalanish muddatlarini uzaytirish yoki uni rad etish ushbu Nizomning 11-bobida belgilangan tartibda amalga oshiriladi.

5-bob. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnomalar berishning umumiy shartlari

24. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnomalar “E-auksion” elektron savdo platformasida oʻtkaziladigan auksionlar yakunlari boʻyicha “Litsenziya” axborot tizimi yoki YIDXP orqali ushbu Nizomga 1-ilovada keltirilgan sxemaga muvofiq beriladi, mazkur Nizomning 25 va 26-bandlarida keltirilgan holatlar bundan mustasno.

25. Togʻ-kon sanoati va geologiya vazirligining investitsiya loyihalari boʻyicha hamda Kon-geologiya vazirligi va mahalliy ijro etuvchi hokimiyat organlari bilan tuzilgan ikki tomonlama kelishuv asosida noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnomalar “Litsenziya” axborot tizimi yoki YIDXP orqali “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijasida berilishi mumkin.

Ikki tomonlama kelishuvlar Oʻzbekiston Respublikasi Prezidentining hududlarga tashriflari vaqtidagi topshiriqlari, Oʻzbekiston Respublikasi Prezidenti Administratsiyasining topshiriqlari, Vazirlar Mahkamasi qarorlari va bayonlarini hisobga olgan holda amalga oshirish maqsadga muvofiqligi boʻyicha xulosalarini inobatga olgan holda tuziladi.

Bunday hollarda auksionga qoʻyilgan noruda foydali qazilmalarni oʻz ichiga olgan yer qaʼri uchastkasi boʻyicha “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish tashabbus qilinganda, u Kon-geologiya vazirligining qaroriga asosan auksiondan chiqarilishi mumkin. Bunda ushbu arizalarga asosan ruxsatnoma rasmiylashtirilganda yer qaʼridan foydalanuvchi yer qaʼri uchastkalaridan foydalanish huquqini savdoga qoʻyishning boshlangʻich narxi miqdoridagi toʻlovni amalga oshiradi. Ushbu mablagʻlar Vazirlar Mahkamasining “Elektron onlayn-auksion va tanlovlarni tashkil etish hamda oʻtkazish tartibini takomillashtirish boʻyicha qoʻshimcha chora-tadbirlar toʻgʻrisida” 2022-yil 12-yanvardagi 18-son qarori boʻyicha taqsimlanadi.

Ikki tomonlama kelishuvlar loyihalarini tayyorlash, kelishish va jamlash Yer qaʼridan foydalanish markaziga yuklatiladi.

Yer qaʼridan foydalanish huquqini olish uchun talabgordan foydali qazilma turi va yer qaʼri uchastkasi maydoni (gektari) toʻgʻrisida murojaat qabul qilinadi. Bunda, yer qaʼri uchastkalaridan samarali foydalanish maqsadida Yer qaʼridan foydalanish markazi tomonidan maydonning kengligi koʻrib chiqiladi.

26. Yer qaʼrini geologik oʻrganishga oid ishlarni moliyalashtirgan yer qaʼridan foydalanuvchilar aniqlangan kon boʻyicha foydali qazilmalar zaxiralari belgilangan tartibda tasdiqlangan sanadan boshlab ikki yil mobaynida ular tomonidan aniqlangan konda noruda foydali qazilmalarni qazib olish huquqiga ruxsatnomalar olish uchun mutlaq huquqqa ega boʻladilar.

Noruda foydali qazilmalarni qazib olish uchun yer qaʼri uchastkalaridan foydalanish huquqiga ruxsatnoma “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijasida, auksion oʻtkazilmasdan yer qaʼrini geologik oʻrganishga doir (toʻliq yoki qisman, noruda foydali qazilmalar zaxiralarini hisoblash va tasdiqlash bilan bogʻliq) ishlarni moliyalashtirgan shaxsning “Litsenziya” axborot tizimi yoki YIDXP orqali bergan buyurtmasi boʻyicha beriladi, buyurtmaga moliyalashtirish manbai koʻrsatilgan holda konni qidirish boʻyicha ishlarning moliyalashtirilganligini tasdiqlovchi hujjatlar ilova qilinishi lozim.

Yer qaʼrini geologik oʻrganish ishlarini oʻz mablagʻlari hisobidan olib borgan shaxs u tomonidan qidirilgan konda noruda foydali qazilmalarni qazib olish huquqidan voz kechilgan holda kon mazkur nizomda nazarda tutilgan tartibda savdo platformasida oʻtkaziladigan auksionlar orqali boshqa shaxsga berilishi mumkin, bunda voz kechgan shaxsga u tomonidan sarflangan xarajatlar, shu jumladan yer qaʼri toʻgʻrisidagi geologik va boshqa maʼlumotlar qiymati qoplanadi.

27. Yer qaʼrini geologik oʻrganishga doir ishlarni moliyalashtirgan yer qaʼridan foydalanuvchida ushbu Nizomning 26-bandida nazarda tutilgan mutlaq huquq muddati tugagandan soʻng, tegishli kon boʻyicha foydali qazilmalar zaxiralari Oʻzbekiston Respublikasi foydali qazilmalar zaxiralarining Davlat balansiga qaytariladi va ulardan foydalanish huquqi ushbu Nizomda koʻzda tutilgan tartibda savdo platformasida oʻtkaziladigan auksionlar orqali realizatsiya qilinadi.

6-bob. Yer qaʼri uchastkalaridan foydalanish huquqini “E-auksion” elektron savdo platformasi orqali realizatsiya qilishning oʻziga xos xususiyatlari

28. “E-auksion” elektron savdo platformasida auksion orqali realizatsiya qilinadigan noruda foydali qazilmalarni oʻz ichiga olgan yer qaʼri uchastkalari roʻyxati Yer qaʼridan foydalanish markazi tomonidan narxi aniqlangan holda shakllantiriladi va har yili bir martadan kam boʻlmagan va Ekologiya vazirligi bilan kelishilgan holda tasdiqlanadi.

Noruda foydali qazilmalarni oʻz ichiga olgan yer qaʼri uchastkalarini auksion savdolariga chiqarishda foydali qazilmalarning turlariga qarab, ulardan samarali foydalanish, shuningdek, yer qaʼridan foydalanuvchilarga uzoq muddatli xom ashyo zaxirasi bilan hamda ishlab chiqarish faoliyatini uzluksiz taʼminlash maqsadida kon va maydonlar bir nechta uchastkalarga boʻlib qoʻyiladi.

Yer qaʼridan foydalanish markaziga auksionga qoʻyilmagan yoki roʻyxatga kiritilmagan yer qaʼri uchastkasidan foydalanish huquqini olish uchun talabgordan murojaat kelib tushgan taqdirda, ushbu yer qaʼri uchastkasidan foydalanish huquqi uchun ruxsatnoma “E-auksion” elektron savdo platformasi orqali oʻrnatilgan tartibda auksionga qoʻyiladi.

Yer qaʼri uchastkasidan foydalanish huquqini olish uchun talabgordan faqat geologik oʻrganish ishlarini amalga oshirish uchun yer qaʼri uchastkalari boʻyicha murojaat qabul qilinadi. Yer qaʼri uchastkalaridan samarali foydalanish maqsadida maydonning kengligiga (gektar) qarab, bir nechta yer qaʼri uchastkalariga boʻlib qoʻyilishi mumkin.

Bunda, mazkur Nizomning 21-bandida belgilangan foydali qazilmalarni qazib olish va texnogen mineral hosilalardan foydalanish uchun beriladigan muddat inobatga olinadi.

Yer qaʼridan foydalanish markazi yer uchastkasi unga ajratib berilgandan soʻng besh ish kuni davomida murojaat etilgan yer qaʼri uchastkalaridan foydalanish huquqini auksion savdolariga chiqarish muddatlari yoki ushbu yer uchastkalarini foydalanishga berishni rad etish toʻgʻrisida javob xatini talabgorga taqdim etadi.

Yer qaʼridan foydalanish markazi “E-auksion” elektron savdo platformasida auksion orqali realizatsiya qilinadigan noruda foydali qazilmalarni oʻz ichiga olgan yer qaʼri uchastkalari roʻyxatini tasdiqlaganidan soʻng, oʻzining rasmiy veb-saytida va ijtimoiy tarmoqlardagi kanalida eʼlon qilinadi.

29. Noruda foydali qazilmalarni oʻz ichiga olgan yer qaʼri uchastkalaridan foydalanish huquqini savdoga qoʻyishning boshlangʻich narxi:

geologik qidiruv ishlari uchun — bazaviy hisoblash miqdorining uch yuz baravari miqdorida;

foydali qazilmalarni qazib olish uchun — qazib olinadigan hajmining bahosiga nisbatan 0,3 foiz miqdorida belgilanadi.

30. Auksion natijalari haqidagi bayonnoma Yer qaʼridan foydalanish markaziga — auksion gʻolibiga tegishli yer qaʼri uchastkasi boʻyicha geologik va boshqa maʼlumotlar toʻplamini berish, hamda tegishli ruxsatnomani rasmiylashtirish uchun asos hisoblanadi.

Auksion gʻolibiga soʻralayotgan yer qaʼri uchastkasi boʻyicha geologik va boshqa maʼlumotlar toʻplami bepul taqdim etiladi.

Geologik va boshqa maʼlumotlar toʻplamida yer qaʼri uchastkasi maydonining konturi, kon-texnik, texnologik va boshqa maʼlumotlar yiriklashtirilgan texnik-iqtisodiy asoslash yoki texnik-iqtisodiy asoslashni ishlab chiqish uchun yetarli hajmda boʻlishi kerak.

31. Yer qaʼridan foydalanish maqsadlari uchun belgilangan tartibda olib qoʻyilgan (sotib olingan) yer uchastkasi bilan bogʻliq xarajatlar yer qaʼridan foydalanuvchi tomonidan Vazirlar Mahkamasi huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga ruxsatnoma rasmiylashtirilgunga qadar qoplab berilishi lozim.

32. Auksion gʻolibi — yer qaʼri uchastkasidan foydalanish huquqiga onlayn-auksion natijalari boʻyicha ruxsatnoma rasmiylashtirilgan yer qaʼridan foydalanuvchi tomonidan 6 oy ichida tegishli yer qaʼri uchastkasi boʻyicha quyidagi hujjatlar toʻplami Yer qaʼridan foydalanish markaziga “Litsenziya” axborot tizimi yoki YIDXP orqali taqdim etiladi:

yiriklashtirilgan texnik-iqtisodiy hisob-kitoblar — ruxsatnoma yer qaʼri uchastkasini geologik oʻrganish uchun berilganda;

texnik-iqtisodiy asoslar — ruxsatnoma noruda foydali qazilmalarni qazib olish va texnogen mineral hosilalardan foydalanish uchun berilganda;

Ekologiya, atrof-muhitni muhofaza qilish va iqlim oʻzgarishi vazirligi tomonidan atrof muhitga taʼsir koʻrsatishi toʻgʻrisidagi ariza loyihasiga berilgan ijobiy davlat ekologik ekspertiza xulosasining raqami va sanasi.

Ushbu hujjatlar toʻplamini koʻrib chiqish uchun bazaviy hisoblash miqdorining toʻrt barobari miqdorida yigʻim undiriladi va Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

33. Yer qaʼridan foydalanish markazi oʻn ish kunida taqdim etilgan hujjatlar toʻplamini oʻrganib chiqadi va oʻrganish natijasi boʻyicha “Litsenziya” axborot tizimi yoki YIDXP orqali:

geologik jihatdan oʻrganish uchun ruxsatnoma rasmiylashtirilgan yer qaʼridan foydalanuvchiga — ushbu hujjatlar asosida faoliyatni davom ettirish mumkinligi va hujjatlar toʻplami qabul qilingani toʻgʻrisida maʼlumotni;

foydali qazilmalarni kavlab olish va texnogen mineral hosilalardan foydalanish uchun ruxsatnoma rasmiylashtirilgan yer qaʼridan foydalanuvchiga — texnik-iqtisodiy asoslarda koʻrsatilgan foydali qazilma konini yoki texnogen mineral hosilalarni ishga solish davrini inobatga olgan holda belgilangan yer qaʼridan foydalanish muddati toʻgʻrisida maʼlumotni hamda yangilangan yer qaʼri uchastkasidan foydalanish shartlarining, shu jumladan ijara shartnomasining loyihasini yuboradi.

Taqdim etilgan hujjatlar boʻyicha kamchiliklar aniqlangan hollarda tegishli yer qaʼridan foydalanuvchilar oʻn ish kunida kamchiliklarni bartaraf etishlari va Yer qaʼridan foydalanish markaziga bu haqda “Litsenziya” axborot tizimi yoki YIDXP orqali maʼlumot taqdim etishlari lozim. Bunda, qayta taqdim etilgan hujjatlar kamchiliklar bartaraf etilgan va maʼlumot taqdim qilingan kundan boshlab besh ish kuni mobaynida qayta koʻrib chiqiladi.

Kamchiliklarni koʻrsatilgan muddatda bartaraf etmaslik va Yer qaʼridan foydalanish markaziga maʼlumot taqdim etmaslik rasmiylashtirilgan ruxsatnoma va yer qaʼri uchastkasini ajratish haqidagi qarorni bekor qilish uchun asos boʻlishi mumkin.

Ruxsatnoma rasmiylashtirilgan yer qaʼridan foydalanuvchi tomonidan 4 oy ichida ushbu Nizomning 32-bandida koʻrsatilgan hujjatlar toʻplami Yer qaʼridan foydalanish markaziga topshirilmagan taqdirda, rasmiylashtirilgan ruxsatnoma ushbu Nizomning 57-bandiga muvofiq muddatidan oldin bekor qilinadi.

34. Foydali qazilmalarni kavlab olish va texnogen mineral hosilalardan foydalanish uchun ruxsatnoma rasmiylashtirilgan yer qaʼridan foydalanuvchi uch ish kuni muddatda yer qaʼri uchastkasidan foydalanish shartlari loyihasini elektron raqamli imzosi bilan tasdiqlaydi va “Litsenziya” axborot tizimi yoki YIDXP orqali Yer qaʼridan foydalanish markaziga yuboradi.

Yer qaʼridan foydalanuvchi tomonidan yer qaʼri uchastkasidan foydalanish shartlari bir oy muddatda imzolanmasa yer qaʼridan foydalanish uchun ruxsatnoma berish rad etiladi va yer qaʼri uchastkasi qaytadan auksionga qoʻyiladi.

Yer qaʼridan foydalanish markazi yer qaʼridan foydalanuvchi tomonidan elektron raqamli imzo bilan tasdiqlangan yer qaʼri uchastkasidan foydalanish shartlari taqdim etilgandan soʻng bir ish kuni muddatda yer qaʼridan foydalanish uchun ruxsatnoma qayta rasmiylashtirilgani toʻgʻrisida tegishli reyestrga oʻzgartirishlar kiritadi va QR-kod (matrik shtrixli kod) qoʻyilgan yangi ruxsatnomani rasmiylashtiradi.

7-bob. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalarni “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijalari boʻyicha berish tartibi

35. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijalari asosida ruxsatnoma olish uchun ariza beruvchilarga soʻralayotgan yer qaʼri uchastkasi boʻyicha geologik va boshqa maʼlumotlar toʻplami Yer qaʼridan foydalanish markazi tomonidan taqdim etiladi.

Geologik va boshqa maʼlumotlar toʻplami soʻralayotgan yer qaʼri uchastkasining ariza beruvchi bilan kelishilgan chegaralarini, u boʻyicha yiriklashtirilgan texnik-iqtisodiy hisob-kitoblarni yoki texnik-iqtisodiy asoslarni ishlab chiqish uchun yetarli boʻladigan hajmdagi kon-texnik, texnologik va boshqa maʼlumotlarni oʻz ichiga olgan boʻlishi zarur.

36. Ariza beruvchilar noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnoma olish uchun “Litsenziya” axborot tizimi yoki YIDXP orqali mazkur Nizomning 2-ilovasiga muvofiq buyurtma beradi va uni oʻz elektron raqamli imzosi bilan tasdiqlaydi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalarni “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijasida berish mazkur Nizomning 3-ilovasida keltirilgan sxemaga muvofiq amalga oshiriladi.

Yer qaʼridan foydalanish markazi zarur hujjatlarni va boshqa vakolatli organlardagi mavjud axborotlarni belgilangan tartibda hamkorlik qilish orqali, shu jumladan, elektron shaklda mustaqil ravishda oladi, mazkur bandda nazarda tutilgan hujjatlar va axborotlar bundan mustasno.

37. Buyurtmani koʻrib chiqish uchun Oʻzbekiston Respublikasi hududida belgilangan bazaviy hisoblash miqdorining toʻrt barobari miqdorida yigʻim undiriladi.

Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

38. Mazkur Nizomning 36 va 37-bandlarida keltirilgan hujjatlar toʻplami ariza beruvchi tomonidan toʻliq taqdim etilmagan holda noruda foydali qazilmalarni oʻz ichiga olgan yer qaʼri uchastkasidan foydalanish uchun buyurtmalarni qabul qilish rad etilishi mumkin.

Buyurtmani boshqa sabablar boʻyicha rad etilishiga yoʻl qoʻyilmaydi.

39. Kon-geologiya vazirligining hududiy boʻlinmalari oʻn kunlik muddatda:

joylardagi mahalliy ijro hokimiyati organlari bilan birgalikda soʻralayotgan yer qaʼri uchastkasini, undan foydalanish imkoniyatlarini aniqlash uchun tekshirib chiqadilar;

global pozitsion tizim asboblarini qoʻllab burchak koordinatlarini aniqlagan holda yer qaʼri uchastkasining joylashish oʻrnini aniqlashtiradilar;

noruda foydali qazilmalar ruxsatsiz qazib olinganlik izlarining mavjud boʻlishi mumkinligini aniqlashtiradilar;

ariza beruvchining taqdim etilgan hujjatlaridagi texnik va texnologik imkoniyatlarini muvofiqligini hamda zarur malakali mutaxassislarga ega boʻlishini oʻrganadilar.

Olib borilgan ishlar natijalari boʻyicha Kon-geologiya vazirligining hududiy boʻlinmalari tegishli maʼlumotlarni tayyorlaydi va Kon-geologiya vazirligiga yuboradilar.

40. Noruda foydali qazilmalarni ruxsatsiz qazib olish hollari aniqlanganda, Kon-geologiya vazirligining hududiy boʻlinmalari ularni oldini olish va aybdor shaxslarni Oʻzbekiston Respublikasi qonunlariga muvofiq javobgarlikka tortish boʻyicha tegishli choralarni koʻradilar.

41. Yer qaʼridan foydalanish markazi besh ish kuni muddatda buyurtmani va Kon-geologiya vazirligining hududiy boʻlinmalarining tegishli maʼlumotlarini oʻrganib chiqadi hamda noruda foydali qazilmalarni oʻz ichiga olgan yer qaʼri uchastkasidan foydalanish huquqiga ruxsatnoma berish yoki uni rad etish toʻgʻrisida qaror qabul qiladi.

42. Yer qaʼridan foydalanish markazi noruda foydali qazilmalarni oʻz ichiga olgan yer qaʼri uchastkasidan foydalanish huquqiga ruxsatnoma berish toʻgʻrisida qaror qabul qilinganidan soʻng yer qaʼri uchastkasidan foydalanish shartlari imzolangan muddatni koʻrsatgan holda ariza beruvchiga “Litsenziya” axborot tizimi yoki YIDXP orqali maʼlum qiladi.

43. Ariza beruvchi uch ish kuni muddatda yer qaʼri uchastkasidan foydalanish shartlarini elektron raqamli imzosi bilan imzolaydi.

Agar, ariza beruvchi oʻttiz kun ichida yer qaʼri uchastkasidan foydalanish shartlarini imzolamasa, Yer qaʼridan foydalanish markazi noruda foydali qazilmalarni oʻz ichiga olgan yer qaʼri uchastkasidan foydalanish huquqiga ruxsatnoma berishni rad qilish toʻgʻrisida qaror qabul qilish huquqiga ega.

44. Yer qaʼridan foydalanish markazi ariza beruvchi tomonidan yer qaʼri uchastkasidan foydalanish shartlarini imzolagan kundan boshlab bir ish kuni muddatda QR-kod (matrik shtrixli kod) qoʻyilgan ruxsatnomani rasmiylashtiradi.

Yiriklashtirilgan texnik-iqtisodiy hisobotlar va (yoki) texnik-iqtisodiy asoslar tegishli yer qaʼri uchastkalaridan foydalanish shartlariga kiritilishi shart.

45. Noruda foydali qazilmalarni oʻz ichiga olgan yer qaʼri uchastkasidan foydalanish huquqiga ruxsatnomalarni berish quyidagi hollarda rad qilinishi mumkin, agar:

ariza beruvchi oʻzi haqida yolgʻon yoki notoʻgʻri maʼlumotlar bersa;

ariza beruvchi ishlarni samarali bajarish uchun malakali mutaxassislar, zarur moliya va texnik vositalarning mavjudligini tasdiqlovchi maʼlumotlarni taqdim etmasa;

geologik va boshqa maʼlumotlarni olmasdan turib texnik hujjatlar ishlab chiqilgan boʻlsa;

soʻralayotgan yer qaʼri uchastkasining chegaralari geologik va boshqa maʼlumotlar toʻplamida koʻrsatilgan chegaralarga mos kelmasa;

yer qaʼri uchastkalaridan foydalanishga doir ish olib borish uslubiyoti geologiya-qidiruv ishlarini olib borish yoki yer qaʼri uchastkalarini oqilona oʻzlashtirishning belgilangan talablariga mos kelmasa;

qazib olinayotgan xom ashyo tannarxi notoʻgʻri hisoblangan boʻlsa;

geologiya qidiruv ishlari natijalari toʻgʻrisidagi hisobot Davlat geologiya fondiga taqdim etilmagan boʻlsa;

ariza beruvchi yer qaʼridan foydalanish shartlarini oʻttiz kun muddatda imzolamaganda.

Boshqa sabablar boʻyicha noruda foydali qazilmalarni oʻz ichiga olgan yer qaʼri uchastkasidan foydalanish huquqiga ruxsatnomalar berishning rad qilinishiga yoʻl qoʻyilmaydi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnomalar berishning rad qilinishiga rozi boʻlmaslik holatida, ariza beruvchilar rad etilishi yuzasidan qonun bilan belgilangan tartibda shikoyat qilish huquqiga egalar.

46. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnomalar berishning rad qilinishi haqida qaror qabul qilinganda, Yer qaʼridan foydalanish markazi bir ish kuni muddatda ariza beruvchiga “Litsenziya” axborot tizimi yoki YIDXP orqali rad etilish sabablari hamda ariza beruvchi tomonidan koʻrsatib oʻtilgan sabablarni bartaraf etish va qayta koʻrib chiqish uchun hujjatlarni topshirishi mumkin boʻlgan muddatlar koʻrsatilgan xabarnomani yoʻllaydi.

Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bobda nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda ega boʻladi.

47. Ariza beruvchi tomonidan noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalar berishning rad qilinish sabablari belgilangan muddatlarda bartaraf etilganda, rad qilinish sabablari bartaraf etilganligi toʻgʻrisidagi maʼlumot olingan kundan boshlab oʻn ish kunidan oshmagan muddatda hujjatlarni qayta koʻrib chiqish ishlari amalga oshiriladi.

Hujjatlarni qayta koʻrib chiqish uchun toʻlov undirilmaydi.

8-bob. Yer qaʼri uchastkalaridan foydalanish huquqi uchun ruxsatnomalar berish, davlat roʻyxatidan oʻtish, davlat hisobiga olish va rasmiylashtirish tartibi

48. Ruxsatnoma mazkur Nizomning 4-ilovasida keltirilgan shaklda QR-kod (matrik shtrixli kod) qoʻyib rasmiylashtiriladi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnoma pasporti 5-ilovaga muvofiq tasdiqlansin.

49. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga oid ruxsatnomalarga muvofiq Togʻ-kon, geologiya va sanoat xavfsizligini nazorat qilish inspeksiyasi tomonidan berilgan kon ajratish dalolatnomalari noruda foydali qazilmalarni qazib olish va texnogen hosilalardan foydalanish uchun yer qaʼridan foydalanuvchiga zarur yer uchastkasining ajratilishiga asos hisoblanadi.

Noruda foydali qazilmalari yer uchastkalarining chegaralarini joyida belgilash ishlari Iqtisodiyot va moliya vazirligi huzuridagi Kadastr agentligi hamda Togʻ-kon, geologiya va sanoat xavfsizligini nazorat qilish inspeksiyasining hududlardagi boʻlinmalari tomonidan bir vaqtning oʻzida yer qaʼridan foydalanuvchi ishtirokida amalga oshiriladi.

50. Noruda foydali qazilmalarni oʻz ichiga olgan yer qaʼri uchastkasidan foydalanish huquqini amalga oshirish uni davlat roʻyxatidan oʻtkazilgandan soʻng amalga oshiriladi. Yer qaʼri uchastkasidan foydalanish huquqini davlat roʻyxatiga olish Yer qaʼridan foydalanish markazi tomonidan amalga oshiriladi.

51. Noruda foydali qazilmalarni oʻz ichiga olgan yer qaʼri uchastkasidan foydalanish huquqini davlat roʻyxatiga olish reyestrga tegishli qaydlarni kiritish yoʻli bilan amalga oshiriladi.

52. Har bir reyestrda quyidagilar koʻrsatilgan boʻlishi kerak:

yer qaʼridan foydalanuvchi toʻgʻrisidagi asosiy maʼlumotlar (nomi, tashkiliy-huquqiy shakli, soliq toʻlovchining identifikatsiya raqami, joylashgan yeri (pochta manzili), telefon va faks raqamlari);

foydalanishga berilgan yer qaʼri uchastkasi nomi;

yer qaʼri uchastkasidan foydalanish turi va maqsadi;

yer qaʼridan foydalanish va ruxsatnomaning amal qilish muddati;

ruxsatnomaning qayta rasmiylashtirishga asos va uning sanasi;

yer qaʼri uchastkasidan foydalanish huquqini cheklash, toʻxtatish yoki tugatish asosi va sanasi.

53. Noruda foydali qazilmalarni oʻz ichiga olgan yer qaʼri uchastkasidan foydalanish huquqiga ruxsatnoma reyestriga kiritilgan maʼlumotlar, ochiq boʻlgan maʼlumotlar bazasi hisoblanib, mazkur reyestr bilan yuridik va jismoniy shaxslar tanishib chiqishi mumkin.

54. Foydalanishga berilgan tegishli yer qaʼri uchastkasidan foydalanish huquqi davlat hisobiga olinishi shart.

55. Foydalanishga berilgan noruda foydali qazilmalarni oʻz ichiga olgan yer qaʼri uchastkalarini davlat hisobiga olish Yer qaʼridan foydalanish markazining Davlat geologiya fondi tomonidan, noruda foydali qazilmalarni oʻz ichiga olgan yer qaʼri uchastkalaridan foydalanish huquqini davlat roʻyxatidan oʻtkazilishiga oid materiallar olingan kundan boshlab oʻn ish kuni muddatda amalga oshiriladi.

9-bob. Noruda foydali qazilmalarni oʻz ichiga olgan yer qaʼri uchastkalaridan foydalanish huquqini cheklash, toʻxtatib turish va tugatish

56. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi “Yer osti boyliklari toʻgʻrisida”gi Oʻzbekiston Respublikasi Qonunida nazarda tutilgan hollarda cheklanishi, toʻxtatib qoʻyilishi yoki muddatidan oldin bekor qilinishi mumkin.

57. Yer qaʼri uchastkalaridan foydalanish huquqini cheklash, toʻxtatib turish yoki muddatidan oldin toʻxtatish Yer qaʼridan foydalanish markazi tomonidan sudga berilgan arizalari asosida sud tartibida amalga oshiriladi.

58. Noruda foydali qazilmalarni oʻz ichiga olgan yer qaʼri uchastkalaridan foydalanish huquqining cheklanishi yuzaga kelgan xavf-xatarlarni oldini olish yoki yer qaʼridan foydalanishda yoʻl qoʻyilgan talablar va shartlar, ishlarni olib borish meʼyorlari va qoidalari bartaraf etilguncha butun uchastkada yoki uning bir qismida ishlarning maʼlum turlarini 3 oydan oshmagan muddatga cheklanishiga olib keladi.

59. Noruda foydali qazilmalarni oʻz ichiga olgan yer qaʼri uchastkalaridan foydalanish huquqini toʻxtatilishi yer qaʼri uchastkalaridan foydalanish bilan bogʻliq boʻlgan barcha turdagi ishlarni toʻxtatib qoʻyilish sabablari bartaraf etilgunga qadar olti oydan oshmaydigan muddatga amalga oshirish taqiqlanishiga olib keladi, bunda togʻ-kon inshootlari xavfsizligini taʼminlash, qurilishlarni, inshootlar va uskunalarni odamlar va atrof muhit uchun xavfsiz saqlab turishga oid ishlar bundan mustasno.

60. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi muddatidan oldin bekor qilinishiga asos boʻluvchi qoʻpol qoidabuzarliklarning roʻyxati:

yer qaʼridan foydalanuvchi bir yil ichida yer qaʼri uchastkasidan foydalanishni boshlamagan;

yillik foydali qazilmalarni qazib olish hajmlari toʻgʻrisidagi hisobotlarni ikki yil mobaynida taqdim etmagan;

yer qaʼridan foydalanuvchi tomonidan yer qaʼri uchastkasidan foydalanishning asosiy shartlarining buzilishi, ekologiya talablariga rioya qilish, rejalashtirilgan ishlab chiqarish hajmini taʼminlash, investitsiya va ijtimoiy majburiyatlarni bajarish);

yer qaʼri uchastkalaridan foydalanish bilan bogʻliq ishlarning taʼsir zonasida aholi hayoti va sogʻligʻiga, atrof-muhitga xavf-xatarning mavjudligi;

yer qaʼridan foydalanish uchun toʻlovlarni muntazam toʻlamaslik;

“Yer osti boyliklari toʻgʻrisida”gi Oʻzbekiston Respublikasi Qonunida nazarda tutilgan qoidalariga rioya qilmaslik;

agar, yoʻl qoʻyilgan qoidabuzarliklar tizimli tavsifga ega boʻlsa yoki ushbu yer qaʼri uchastkasidan foydalanish huquqiga ilgari cheklov va (yoki) toʻxtatilish qoʻllangan boʻlsa.

Yer qaʼridan foydalanuvchilarga berilgan ruxsatnomalarning amal qilish muddati tugaganda yoki muddatidan oldin bekor qilinganda Yer qaʼridan foydalanish markazi bu haqda uch ish kuni muddatda Soliq qoʻmitasi, Ekologiya vazirligi hamda tegishli mahalliy ijro etuvchi hokimiyat organlarini yozma xabardor qiladi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomaning amal qilish muddati tugaganda yoki muddatidan oldin bekor qilinganda tegishli yer maydonlari Yer qaʼridan foydalanish markazi tomonidan zaxiraga qaytariladi.

Noruda foydali qazilmalarni qazib olish hajmlari yer qaʼridan foydalanuvchilar tomonidan uzluksiz ikki yil davomida bajarilmagan taqdirda (fors-major holatlaridan tashqari) haqiqatda qazib olingan hajmdan kelib chiqib oʻrtacha statistik miqdor hisoblanadi va bu orqali yillik qazib olish hajmi aniqlanadi.

Ruxsatnomaning amal qilish muddati yakuniga qadar, yillik qazib olish hajmidan kelib chiqib, yer qaʼridan foydalanuvchining balansida qoladigan va davlat balansiga qaytariladigan zaxira miqdori aniqlanadi hamda oʻzlashtirilmay qoladigan qismi davlat balansiga va ular joylashgan yer uchastkalari zaxiraga qaytariladi.

Bunda, ilgari berilgan ruxsatnoma qayta rasmiylashtirilmasdan yer qaʼri uchastkalaridan foydalanish shartlariga tegishli oʻzgartirishlar kiritiladi. Agar ushbu jarayon ruxsatnomaning muddati bilan bogʻliq boʻlsa, ruxsatnoma qayta rasmiylashtiriladi.

Yer qaʼri uchastkasidan foydalanish huquqi tugaganda foydalanuvchi, yer qaʼridan foydalanish chogʻida buzilgan yer uchastkalarini va boshqa tabiiy obyektlarni keyinchalik ulardan foydalanishga yaroqli holga keltirish, shuningdek ushbu yer qaʼri uchastkasidan foydalanish bilan bogʻliq boʻlgan togʻ inshootlari va infratuzilma obyektlarini konservatsiya qilish yoki tugatish ishlarini bajarishga kirishishi shart.

61. Yer qaʼridan foydalanuvchi faoliyatining tugatilishi yoki bekor qilinishi munosabati bilan noruda foydali qazilmalarni oʻz ichiga olgan yer qaʼri uchastkalaridan foydalanish huquqi bekor qilinganda. Yer qaʼridan foydalanish markazi tomonidan Ekologiya vazirligi va boshqa manfaatdor organlarga togʻ inshootlari va infratuzilma obyektlarini konservatsiya qilish yoki tugatish tartibi va muddatlari toʻgʻrisida qaror qabul qilinganligi bildirilishi shart. Bunday holatlarda yer qaʼri uchastkalari Yer qaʼridan foydalanish markazi balansiga oʻtkaziladi.

10-bob. Noruda foydali qazilmalarni oʻz ichiga olgan yer qaʼri uchastkasidan foydalanish huquqidan oʻzga shaxs foydasiga voz kechish

62. Noruda foydali qazilmalarni qazib olish, texnogen mineral hosilalardan foydalanish uchun ruxsatnoma egasi Yer qaʼridan foydalanish markazi bilan kelishgan holda noruda foydali qazilmalarni oʻz ichiga olgan yer qaʼri uchastkasidan foydalanish huquqini (toʻliq yoki qisman) boshqa yuridik shaxsga berishi mumkin, agar ushbu yuridik shaxs ruxsatnoma bilan belgilangan shartlarni bajarishga doir majburiyatlarni oʻz zimmasiga olsa.

Yer qaʼri uchastkasidan foydalanish huquqi qisman boshqa yuridik shaxsga berilganda foydali qazilmalarning qoldiq zaxirasining boʻlinishiga qarab, ikkala yuridik shaxsga ham texnik-iqtisodiy asos ishlab chiqish majburiyati yuklanadi hamda ruxsatnomalarning muddati ushbu texnik-iqtisodiy asosdan kelib chiqib rasmiylashtiriladi;

Shu bilan birga, noruda foydali qazilmalarni oʻz ichiga olgan yer qaʼri uchastkasidan foydalanish huquqini olgan yuridik shaxs, ruxsatnomaning oldingi egasiga nisbatan qoʻyilgan talablarga mos kelishi zarur.

“E-auksion” elektron savdo platformasida auksion orqali realizatsiya qilingan yer qaʼri uchastkalaridan foydalanish huquqi uchun ruxsatnomalarni ular berilgan sanadan boshlab ikki yil mobaynida boshqa shaxslar foydasiga voz kechish, shu jumladan yer qaʼri foydalanuvchilarining taʼsischilari (operatsion faoliyatini boshqarish ovoziga ega majoritar aksiyadorlari)ni toʻliq oʻzgartirish taqiqlanadi.

63. Noruda foydali qazilmalarni oʻz ichiga olgan yer qaʼri uchastkasidan foydalanish huquqini (toʻliq yoki qisman) boshqa yuridik shaxsga berishni kelishish ruxsatnoma egasining Yer qaʼridan foydalanish markaziga “Litsenziya” axborot tizimi yoki YIDXP orqali mazkur Nizomning 6-ilovasiga muvofiq beriladigan arizasi boʻyicha amalga oshiriladi.

Arizada noruda foydali qazilmalarni oʻz ichiga olgan yer qaʼri uchastkasidan foydalanish huquqini boshqaga berilish sabablari, yer qaʼridan foydalanish huquqi qisman berilganda talabgor tomonidan foydali qazilmalarni yoki texnogen mineral hosilalarni qazib olish, qayta ishlash bilan bogʻliq nazarda tutilgan faoliyat turi keltiriladi. Arizaga yer qaʼri uchastkasidan foydalanish huquqi oʻtayotgan yuridik shaxsning ruxsatnoma egasiga nisbatan qoʻyilgan talablarga mos kelishini tasdiqlovchi hujjatlar ilova qilinadi.

64. Yer qaʼridan foydalanish markazi ariza olingan kundan boshlab oʻn besh kun muddatda yer qaʼri uchastkasidan foydalanish huquqi uchun ruxsatnomani (toʻliq yoki qisman) boshqa shaxsga qayta rasmiylashtirib beradi yoki asoslantirilgan xulosasini taqdim etgan holda rad etadi.

Ruxsatnoma ariza beruvchiga qaror qabul qilingan kundan boshlab uch ish kuni mobaynida “Litsenziya” axborot tizimi yoki YIDXP orqali yuboriladi.

Noruda foydali qazilmalarni oʻz ichiga olgan yer qaʼri uchastkasidan foydalanish huquqiga ruxsatnomani qayta rasmiylashtirish rad etilganda xulosada asoslantirilgan boʻlishi kerak. Yer qaʼri uchastkasidan foydalanish huquqini berishni qayta kelishib olishda yer qaʼri uchastkasidan foydalanish huquqini berishni kelishib olish rad etilgan avvalgi sabablar koʻrsatilmagan yangi asoslar boʻyicha uni rad etishga yoʻl qoʻyilmaydi.

11-bob. Noruda foydali qazilmalarni qazib olish uchun yer qaʼri uchastkasidan foydalanish huquqiga oid ruxsatnomani qayta rasmiylashtirish

65. Noruda foydali qazilmalarni qazib olish uchun yer qaʼri uchastkasidan foydalanish huquqiga oid ruxsatnomani qayta rasmiylashtirish quyidagi hollarda amalga oshiriladi:

yuridik shaxs qayta tashkil qilinganda va nomi oʻzgarganda;

yer qaʼri uchastkasidan foydalanish huquqi boshqa shaxsga berilganda;

yer qaʼri uchastkalaridan foydalanish shartlari oʻzgarganda;

yer qaʼri uchastkalaridan foydalanish muddati uzaytirilganda.

66. Noruda foydali qazilmalarni qazib olish uchun yer qaʼri uchastkasidan foydalanish huquqiga oid ruxsatnomani qayta rasmiylashtirish Yer qaʼridan foydalanish markazi tomonidan ruxsatnoma egasining “Litsenziya” axborot tizimi yoki YIDXP orqali mazkur Nizomning 7-ilovasiga muvofiq bergan arizasi asosida amalga oshiriladi.

Yuridik shaxsni qayta tashkil qilish yoki qayta tuzilishida ariza ruxsatnoma egasi tomonidan qayta roʻyxatdan oʻtkazilgandan soʻng yetti kun muddatda berilishi lozim.

Noruda foydali qazilmalarni qazib olish uchun yer qaʼri uchastkasidan foydalanish huquqiga oid ruxsatnomani qayta rasmiylashtirish toʻgʻrisidagi arizaga tegishli tasdiqlovchi hujjatlar ilova qilinadi.

67. Ruxsatnomani qayta rasmiylashtirish quyidagi muddatlarda amalga oshiriladi:

ariza kelib tushgan kundan boshlab besh ish kunidan koʻp boʻlmagan muddatda — yuridik shaxs qayta tashkil qilinganda va nomi oʻzgarganda, yer qaʼri uchastkasidan foydalanish huquqi boshqa shaxsga berilganda, yer qaʼri uchastkalaridan foydalanish shartlari oʻzgarganda;

ariza kelib tushgan kundan boshlab yigirma ish kunidan koʻp boʻlmagan muddatda — yer qaʼri uchastkalaridan foydalanish muddatini uzaytirishda.

68. Yer qaʼri uchastkasidan foydalanish huquqi boshqa shaxsga berilganda Yer qaʼridan foydalanish markazi tomonidan bir ish kuni muddatda yer qaʼri uchastkasidan foydalanish shartlari loyihasi imzolash uchun ariza beruvchiga taqdim etiladi. Ariza beruvchi uch ish kuni muddatda yer qaʼri uchastkasidan foydalanish shartlari loyihasini elektron raqamli imzosi bilan tasdiqlaydi.

69. Yer qaʼridan foydalanish markazi tomonidan ruxsatnoma qayta rasmiylashtirilganda bir ish kuni muddatda tegishli reyestrga oʻzgartirishlar kiritiladi va QR-kod (matrik shtrixli kod) qoʻyilgan ruxsatnomani rasmiylashtiradi.

70. Noruda foydali qazilmalarni qazib olish uchun yer qaʼri uchastkasidan foydalanish huquqiga oid ruxsatnomani qayta rasmiylashtirishda, ruxsatnoma olishga doir buyurtmani koʻrib chiqish uchun toʻlangan summaning ellik foizi miqdorda yigʻim undiriladi.

Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

12-bob. Yakunlovchi qoidalar

71. Yer qaʼrini geologik oʻrganish, yer osti boyliklaridan foydalanish va muhofaza qilish yuzasidan davlat nazorati mahalliy ijro etuvchi hokimiyat organlari, shuningdek, Togʻ-kon, geologiya va sanoat xavfsizligini nazorat qilish inspeksiyasi va Ekologiya vazirligi tomonidan qonunchilik hujjatlarida belgilangan tartibda amalga oshiriladi.

72. Ariza beruvchilar, noruda foydali qazilmalarni oʻz ichiga olgan yer qaʼri uchastkasidan foydalanish huquqiga oid ruxsatnoma olish uchun ular tomonidan tayyorlangan, Yer qaʼridan foydalanish markaziga taqdim etilgan hujjatlar ishonchliligi va qonunchilik hujjatlariga muvofiqligi uchun javobgardirlar.

73. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida nizomga 1-ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini elektron onlayn-auksion orqali berish

Bosqichlar Subyektlar Tadbirlar Muddatlar 1-bosqich (tayyorgarlik bosqichi) Yer qaʼridan foydalanish markazi Noruda foydali qazilmalarni oʻz ichiga olgan yer qaʼri uchastkalari roʻyxatini shakllantiradi va tasdiqlaydi. Har yili Yer qaʼridan foydalanish markazi Yer qaʼridan foydalanish huquqini auksionda realizatsiya qilish uchun buyurtmanomalarni Oʻzbekiston Respublikasi Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” davlat unitar korxonasiga (operatorga) taqdim etadi. Tayyor boʻlishi bilan Operator Auksion oʻtkazilishi toʻgʻrisidagi xabarnomani oʻz veb-portalida joylashtiradi. Buyurtma olingan kundan boshlab 2-bosqich (auksion oʻtkazish) Talabgorlar Auksionda ishtirok etish uchun elektron shaklda ariza topshiradi, unda lot raqami va yer qaʼri uchastkasi nomini koʻrsatadi. 30 kun mobaynida Operator Lot boʻyicha elektron auksion savdolari oʻtkazadi va auksion gʻolibini eʼlon qiladi. 1 ish kuni mobaynida Auksion gʻolibi Auksionda gʻolib deb topilgan summaning 100 foizini hamda yer uchastkasini ajratish materiallarini tayyorlash uchun sarflangan toʻlovlarni toʻlaydi. Sotilgan obyektning qiymati BHMning 5 ming baravarigacha boʻlganda 10 ish kuni, 5 ming baravariga teng yoki undan ortiq boʻlganda 15 ish kuni mobaynida 3-bosqich (ruxsatnoma berish) Operator Auksion gʻolibi (zaxiradagi gʻolib) tomonidan sotib olish toʻlovlari toʻliq toʻlangandan soʻng auksion gʻolibiga bayonnoma rasmiylashtiradi hamda mazkur bayonnomani va u tomonidan imzolangan yer qaʼridan foydalanish shartlarini auksion gʻolibining va Togʻ-kon sanoati va geologiya vazirligining shaxsiy kabinetiga elektron shaklda yuboradi. 1 ish kuni mobaynida Yer qaʼridan foydalanish markazi Bayonnoma asosida Yer qaʼri uchastkalaridan foydalanish huquqi uchun tegishli ruxsatnomani, ERI bilan imzolangan va QR-kod (matrik shtrixli kod) bilan rasmiylashtirilgan holda, “E-auksion” elektron savdo platformasi orqali Operatorga yuboradi. 1 ish kuni mobaynida Operator Auksion gʻolibiga rasmiylashtirilgan ruxsatnomani uning shaxsiy kabinetiga yuboradi. 1 ish kuni mobaynida

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida nizomga 2-ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnoma olish uchun

I. Auksion natijariga koʻra ruxsatnoma olish uchun 1. Auksion gʻolibi auksion natijalari haqidagi bayonnoma tartib raqamini koʻrsatadi II. “Birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish orqali ruxsatnoma olish uchun 1. Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 2. Manzili, telefon raqami, elektron pochtasi: 3. Soʻralayotgan yer qaʼri uchastkasining nomi va yer qaʼridan foydalanishning nazarda tutilgan turi: 4. Texnik va texnologik imkoniyatlar, shuningdek, belgilangan tartibda shartnoma asosida jalb qilinadigan texnika va asbob-uskunalar mavjudligi: 5. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnomani toʻgʻridan-toʻgʻri muzokaralar asosida olish uchun asos boʻladigan hujjatning nusxasi: (ilova qilinadi) 6. Yiriklashtirilgan texnik-iqtisodiy hisob-kitoblar — yer qaʼri geologik oʻrganish uchun berilganda: (yuklanadi) 7. Texnik-iqtisodiy asoslar — yer qaʼri noruda foydali qazilmalarni qazib olish va texnogen mineral hosilalardan foydalanish uchun berilganda: (yuklanadi) 8. Davlat ekologiya ekspertizasi vakolatli organlari tomonidan atrof-muhitga taʼsiri toʻgʻrisida ariza loyihasiga berilgan ijobiy xulosa: (yuklanadi) 9. Vazirlar Mahkamasi huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga qoplab berilganligini tasdiqlovchi toʻlov. 10. Arizani koʻrib chiqish uchun bazaviy hisoblash miqdorining toʻrt barobar miqdoridagi toʻlov.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida nizomga 3-ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnomalarni “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijasida berish

Bosqichlar Subyektlar Tadbirlar Muddatlari 1-bosqich (ruxsatnoma olgunga qadar) Ariza beruvchi 1. Yer qaʼridan foydalanish markaziga noruda foydali qazilma konlarida qazish ishlarini olib borish uchun “Litsenziya” axborot tizimi yoki YIDXP orqali buyurtma beradi (yer qaʼrini geologik oʻrganishga oid ishlarni moliyalashtirgan yer qaʼridan foydalanuvchi). Zarur boʻlganda 2. Yer qaʼri uchastkalaridan foydalanish huquqini olish uchun Yer qaʼridan foydalanish markaziga ikki tomonlama tayyorlangan kelishuvga asosan “Litsenziya” axborot tizimi yoki YIDXP orqali buyurtma beradi. Kelishuvga asosan 1-bosqich (ruxsatnoma olgunga qadar) Yer qaʼridan foydalanish markazi Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga toʻgʻridan-toʻgʻri muzokaralar asosida ruxsatnoma olish uchun buyurtma beruvchilarga soʻralayotgan yer qaʼri uchastkasi boʻyicha geologik yoki boshqa maʼlumotlar toʻplamini hamda yer uchastkasini ajratish materiallarini tayyorlash uchun sarflangan toʻlov qiymatini “Litsenziya” axborot tizimi yoki YIDXP orqali taqdim etadi. 20 kun mobaynida 2-bosqich (ruxsatnoma olishga buyurtma topshirish va uni koʻrib chiqish) Ariza beruvchi Ilova qilinayotgan hujjatlar roʻyxati bilan Yer qaʼridan foydalanish markaziga “Litsenziya” axborot tizimi yoki YIDXP orqali buyurtma beradi hamda yer uchastkasini ajratish materiallarini tayyorlash uchun sarflangan toʻlov qiymatini toʻlaydi. Zarur boʻlganda Yer qaʼridan foydalanish markazi Togʻ-kon, geologiya va sanoat xavfsizligini nazorat qilish inspeksiyasiga ariza beruvchi tomonidan taqdim etilgan buyurtma va ilova qilingan hujjatlarni oʻrganib chiqish uchun yuboradi. 2 kun mobaynida Togʻ-kon, geologiya va sanoat xavfsizligini nazorat qilish inspeksiyasi Joylardagi mahalliy ijro etuvchi hokimiyat organlari bilan birgalikda soʻralayotgan yer qaʼri uchastkasini, undan foydalanish imkoniyatlarini aniqlash uchun tekshirib chiqadi; global pozitsion tizim asboblarini qoʻllab burchak koordinatlarini aniqlagan holda yer qaʼri uchastkasining joylashish oʻrnini aniqlashtiradi; noruda foydali qazilmalar ruxsatsiz qazib olinganlik izlarining mavjud boʻlishi mumkinligini aniqlashtiradi; ariza beruvchining taqdim etilgan hujjatlaridagi texnik va texnologik imkoniyatlarining muvofiqligini hamda zarur malakali mutaxassislarga ega boʻlishini oʻrganadi. Olib borilgan ishlar natijalari boʻyicha maʼlumotlarni tayyorlaydi va Yer qaʼridan foydalanish markaziga yuboradi. 10 kun mobaynida 3-bosqich (ruxsatnoma berish) Yer qaʼridan foydalanish markazi Togʻ-kon, geologiya va sanoat xavfsizligini nazorat qilish inspeksiyasining tegishli axborotlarini oʻrganib chiqadi hamda noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnoma berish yoki uni rad qilish toʻgʻrisida qaror qabul qiladi. 5 kun mobaynida Ruxsatnoma berish va yer qaʼri uchastkasidan foydalanish shartlarini imzolash zarurligi toʻgʻrisida ariza beruvchiga “Litsenziya” axborot tizimi yoki YIDXP orqali maʼlum qiladi. 5 kun mobaynida Ariza beruvchi Yer qaʼri uchastkasidan foydalanish shartlarini elektron raqamli imzosi bilan imzolaydi. 3 kun mobaynida Yer qaʼridan foydalanish markazi Yer qaʼri uchastkasidan foydalanish huquqi uchun QR-kod (matrik shtrixli kod) qoʻyilgan ruxsatnomani rasmiylashtiradi 1 kun mobaynida

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida nizomga 4-ILOVA

‎‎ ‎ ‎‎OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI Noruda foydali qazilmalarni o ʻ z ichiga olgan yer qaʼri uchastkasidan foydalanish huquqi uchun ‎‎ ‎RUXSATNOMA‎ ‎ ‎ ‎‎SERIYASI ‎ ‎ ‎‎TARTIB RAQAMI ‎ ‎ ‎ RUXSATNOMA TURI‎‎ ‎ ‎‎Ruxsatnoma_____________________________________________________________________________________________________________________________________________________________________ga berildi. ‎ ‎ ‎ ‎ ‎‎(ushbu ruxsatnomani olgan yuridik yoki jismoniy‎ shaxs) ‎ ‎ ‎ ‎ ‎ Ruxsatnoma __________________________________________________________________________________ uchun yer qaʼri uchastkasidan foydalanish huquqini tasdiqlaydi. ‎‎ ‎‎Yer qaʼri uchastkasi ____________________________________________________________________________ ‎‎(nomi va foydali qazilma turi) ‎‎________________________________________________________________________________ da joylashgan. ‎‎(Qoraqalpogʻiston Respublikasi yoki viloyat tumani, aholi punkti nomi) ‎‎Ruxsatnomaning amal qilish muddati ________________________________________________________________ ‎ ‎ ‎ ‎ ‎ ‎ ‎ ‎‎(kun, oy, yil)‎ ‎‎Quyidagilar ruxsatnomaning ajralmas tarkibiy qismlari hisoblanadi: ‎‎Yer qaʼridan foydalanish shartlari __________________________________________________________________ ‎ ‎ ‎ ‎ ‎ ‎ ‎‎(ilovaning tartib raqamlari, varaqalar soni)‎ ‎‎Ruxsatnoma berilgan sana ___________ y. “______” _____________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎QR kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎(Ruxsatnoma uning ajralmas tarkibiy qismi hisoblangan zarur ilovalar mavjud boʻlgan taqdirda haqiqiy hisoblanadi). ‎ ‎

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida nizomga 5-ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnoma

1. Ruxsat etish xususiyatiga ega hujjatning nomi: Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnoma 2. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar): Noruda foydali qazilmalarni oʻz ichiga olgan yer qaʼri uchastkalaridan foydalanish 3. Ariza beruvchilar toifasi: Yuridik shaxs 4. Ruxsat etish tartib-taomillari sohasidagi vakolatli organ: Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi 5. Ruxsat etish xususiyatiga ega hujjatni olish uchun taqdim qilinadigan hujjatlar: Ruxsatnomalar auksion savdolari yoki “birinchi kelgan birinchi oladi” tamoyiliga asosan beriladi: 1. Auksion savdolari natijalari boʻyicha bayonnoma asosida ruxsatnoma beriladi hamda yer qaʼridan foydalanuvchi tomonidan: yiriklashtirilgan texnik-iqtisodiy hisob-kitoblar — ruxsatnoma yer qaʼri uchastkasini geologik oʻrganish uchun berilganda; texnik-iqtisodiy asoslar — ruxsatnoma noruda foydali qazilmalarni qazib olish va texnogen mineral hosilalardan foydalanish uchun berilganda; Ekologiya, atrof-muhitni muhofaza qilish va iqlim oʻzgarishi vazirligi tomonidan atrof muhitga taʼsir koʻrsatishi toʻgʻrisidagi ariza loyihasiga berilgan ijobiy davlat ekologik ekspertiza xulosasining raqami va sanasi; 2. Ruxsatnomalarni “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijalari boʻyicha olish uchun mazkur Nizomning 2-ilovasiga muvofiq ariza shaklini toʻldiradi. 6. Arizani koʻrib chiqish uchun toʻlanadigan yigʻim miqdori: 1. Auksion savdolari natijalari boʻyicha beriladigan ruxsatnomaga yigʻim undirilmaydi. 2. “Birinchi kelgan birinchi oladi” tamoyiliga asosan arizani koʻrib chiqish uchun bazaviy hisoblash miqdorining toʻrt barobar miqdoridagi toʻlov. 7. Ruxsat etish xususiyatiga ega hujjat berilganligi uchun undiriladigan yigʻim miqdori: 1. Auksion savdolari natijalari boʻyicha beriladigan ruxsatnomaga yigʻim undirilmaydi. 2. “Birinchi kelgan birinchi oladi” tamoyiliga asosan arizani koʻrib chiqish uchun bazaviy hisoblash miqdorining toʻrt barobar miqdoridagi toʻlov. 8. Arizani koʻrib chiqish muddati: 1. Auksion savdolari natijalari boʻyicha beriladigan ruxsatnoma — 3 kun. 2. “Birinchi kelgan birinchi oladi” tamoyiliga asosan arizani koʻrib chiqish — 9 kun. 9. Ruxsat etishga oid talab va shartlar : a) geologik jihatdan oʻrganish uchun: Kon-geologiya faoliyatini nazorat qilish inspeksiyasiga toʻqson kun mobaynida yer qaʼridan foydalanish boʻyicha loyihalarini taqdim etish majburiyati; kon inshootlari va quduqlarni aholi hayoti va salomatligi, atrof muhit xavfsizligini taʼminlaydigan holatga keltirish (rekultivatsiya qilish), shuningdek foydalanishga yaroqsiz kon inshootlari va quduqlarni tugatish tartibi; yer qaʼri uchastkasidan foydalanish bilan bogʻliq toʻlovlar, shu jumladan yillik litsenziya toʻlovi toʻgʻrisidagi majburiyatlar; b) foydali qazilmalarni kavlab olish uchun: foydali qazilmalarni kavlab olish uchun yillik eng kam xarajatlar boʻyicha majburiyatlar miqdori, shu jumladan ikki yil mobaynida bajariladigan minimal investitsiya majburiyatlari; texnik loyihalar va kon ishlarini rivojlan?irish rejalarini, zaxiralarni qazib olish va kon maydoni (uchastkalar)da qulayliklar yaratish loyihalarini tuzish tartibi va muddatlari; foydali qazilmalarni kavlab olish hajmi; yer qaʼridan foydalanganlik uchun toʻlovlarni toʻlash shartlari; yer qaʼridan foydalanuvchining ijtimoiy majburiyatlari (mahalliy aholi uchun ish joylarini tashkil qilish, kerakli malakali mutaxassislarni jalb qilish va xodimlarni kasbga tayyorlash); texnik va texnologik imkoniyatlar, shuningdek, belgilangan tartibda shartnoma asosida jalb qilinadigan texnika va asbob-uskunalar mavjudligi; bir yil ichida yer qaʼri uchastkasidan foydalanishning boshlanish muddatlari; yangi ish oʻrinlarini yaratish majburiyatlari; texnogen mineral hosilalarni saqlash va qayta ishlash shartlari; yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga ruxsat berish jarayonlaridan oʻtish tartibi; yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari. v) noruda foydali qazilma konida avtotransport vositalarining ogʻirlik parametrlarini oʻlchashga moʻljallangan tarozilarni oʻrnatish hamda yuk avtotransport vositalari meʼyor talablarida yuklanishi va yoʻlga chiqishi boʻyicha majburiyatlar. 10. Ruxsat etish xususiyatiga ega hujjatni berishda kelishiladigan organlar: Mavjud emas 11. Ruxsat etish xususiyatiga ega hujjatning amal qilish muddati: a) geologik jihatdan oʻrganish uchun — besh yilgacha muddatga; b) foydali qazilmalarni kavlab olish va texnogen mineral hosilalardan foydalanish uchun: dastlab ruxsatnoma berilganda — besh yil muddatga, keyinchalik, texnik-iqtisodiy asoslar belgilangan muddatlarda taqdim etilgandan soʻng foydali qazilma konini yoki texnogen mineral hosilalarni ishga solish davrini inobatga olgan holda, uning muddatini uzaytirishni kafolatlash sharti bilan; texnik-iqtisodiy asoslar taqdim etilgandan soʻng — foydali qazilma konini yoki texnogen mineral hosilalarni ishga solishning texnik-iqtisodiy asoslarda belgilangan muddatiga. 12. Izoh: Noruda foydali qazilmalarni oʻz ichiga olgan yer qaʼri uchastkalaridan foydalanish huquqi ruxsatnoma asosida: geologik oʻrganish; qazib olish; texnogen mineral hosilalardan foydalanish uchun beriladi. Noruda foydali qazilmalarni qazib olish va mineral xom ashyoni qayta ishlash jarayonida olingan texnogen mineral hosilalarga egalik huquqi noruda foydali qazilmalarni qazib olish uchun yer qaʼri uchastkasidan foydalanish huquqiga oid ruxsatnomaga muvofiq ruxsatnoma egasida yer qaʼri uchastkasidan foydalanish muddati mobaynida saqlab qolinadi. Bunday holda texnogen mineral hosilalardan foydalanish (qayta ishlash)ga ruxsatnoma olish talab qilinmaydi. Texnogen mineral hosilalardan foydalanishga oid yer qaʼri uchastkalaridan foydalanish huquqi uchun ruxsatnoma, yer qaʼridan foydalanuvchi balansida hisobda turmaydigan yoki texnogen mineral hosilalar sotilgan yoki belgilangan tartibda boshqa yer qaʼridan foydalanuvchiga topshirilgan holda, kon qazib chiqarish va qayta ishlash korxonalarining chiqindilarini qayta ishlash uchun beriladi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida nizomga 6-ILOVA

“Litsenziya” axborot tizimi orqali yer qaʼri uchastkasidan foydalanish huquqini (toʻliq yoki qisman) boshqa shaxsga berishni kelishib olish uchun

1. Ruxsatnoma egasining Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 2. Manzili, telefon raqami, elektron pochtasi: 3. Yer qaʼri uchastkasidan foydalanish huquqi (toʻliq yoki qisman) berilayotgan shaxsning Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 4. Yer qaʼri uchastkasidan foydalanish huquqini boshqa shaxsga berish sabablari: 5. Yer qaʼridan foydalanish huquqi boshqa shaxsga qisman berilgan taqdirda — talabgorning foydali qazilmalarning strategik turlarini yoki texnogen mineral hosilalarni qazib olish, qayta ishlash bilan bogʻliq faoliyatining moʻljallanayotgan turi: 6. Yer qaʼri uchastkasidan (shu jumladan, uning bir qismidan) foydalanishning texnik-iqtisodiy asosi (ilova qilinadi): 7. Arizani koʻrib chiqish uchun bazaviy hisoblash miqdorining ikki baravari miqdoridagi toʻlov.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida nizomga 7-ILOVA

“Litsenziya” axborot tizimi orqali noruda foydali qazilmalarni qazib olish uchun yer qaʼri uchastkasidan foydalanish huquqiga oid ruxsatnomani qayta rasmiylashtirish uchun

1. Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: 2. Manzili, telefon raqami, elektron pochtasi: 3. Yer qaʼri uchastkasidan foydalanish huquqi uchun ruxsatnomani qayta rasmiylashtirish sabablari: 4. Arizani koʻrib chiqish uchun bazaviy hisoblash miqdorining ikki barobar miqdoridagi toʻlov.

Vazirlar Mahkamasining 2022-yil 25-martdagi 133-son qaroriga 3-ILOVA

Qimmatbaho metallarni oltin izlovchilar usulida qazib olish faoliyatini amalga oshirish tartibi toʻgʻrisidagi

1-bob. Umumiy qoidalar

1. Ushbu Nizom yer qaʼri uchastkalarida yuridik va jismoniy shaxslar tomonidan qimmatbaho metallarni oltin izlovchilar usulida qazib olish faoliyatini amalga oshirish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

buzilgan yerlarni rekultivatsiya qilish (qayta tiklash) — yerlarning tabiiy landshaftini saqlash maqsadida yer qaʼridan foydalanish natijasida buzilgan (agʻdarilgan, kovlangan) yer uchastkalarini keyinchalik undan foydalanishga yaroqli holga keltirish bilan bogʻliq kompleks ishlarni bajarish;

“E-auksion” elektron savdo platformasi (keyingi oʻrinlarda — savdo platformasi) — elektron onlayn-auksionlarni (keyingi oʻrinlarda — auksion) tashkil etish va oʻtkazish uchun zarur boʻlgan axborotni kiritish, saqlash va qayta ishlash, shuningdek, manfaatdor shaxslarning auksionlar jarayonlaridan operator veb-portali orqali bevosita foydalanish imkoniyatini taʼminlaydigan axborot tizimi;

oltin izlovchilar usulida qazib olish — yer qaʼri uchastkalari, shu jumladan, sochma oltin konlaridan tadbirkorlik tavakkalchiligi asosida qimmatbaho metallarni nosanoat usulda qazib olish;

operator — Oʻzbekiston Respublikasi Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” davlat unitar korxonasi;

sochma oltin koni — tub oltin kon yoki oltin maʼdanli togʻ jinsi parchalanishi natijasida hosil boʻluvchi yer yuzasidagi yoki koʻmilgan togʻ jinsi va minerallari mayda boʻlaklarining toʻplamlari;

elektron onlayn-auksion — salohiyatli xaridorlarga teng imkoniyat yaratgan holda mol-mulk va huquq Internet jahon axborot tarmogʻidagi “E-auksion” elektron savdo platformasida sotiladigan auksion shaklidagi elektron savdo usuli;

qimmatbaho metallarni sotib oluvchi ixtisoslashtirilgan qabul kassalari (keyingi oʻrinlarda — qabul kassalari) — qimmatbaho metallarni qayta ishlash tashkiloti hamda shartnoma asosida yuridik va jismoniy shaxslardan tarkibida oltin boʻlgan xom ashyoni qabul qiluvchi punkt.

3. Qimmatbaho metallarni oltin izlovchilar usulida qazib olish uchun berilayotgan yer qaʼri uchastkalaridan foydalanish huquqi uchun ruxsatnomalar Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi (keyingi oʻrinlarda — Yer qaʼridan foydalanish markazi) tomonidan elektron onlayn-auksion natijalariga asosan ushbu Nizomning 1-ilovasiga muvofiq sxema boʻyicha beriladi.

2-bob. Qimmatbaho metallarni oltin izlovchilar usulida qazib olishga ruxsat beriladigan yer qaʼri uchastkalaridan foydalanish huquqi uchun ruxsatnomalar

4. Qimmatbaho metallarni oltin izlovchilar usulida qazib olishga ruxsat beriladigan yer qaʼri uchastkalaridan foydalanish huquqi uchun ruxsatnoma (keyingi oʻrinlarda — ruxsatnoma) uning egasiga belgilangan hududda qimmatbaho metallarni oltin izlovchilar usulida qazib olish huquqini beradi.

5. Qimmatbaho metallarni oltin izlovchilar usulida qazib olishga ruxsat beriladigan yer qaʼri uchastkalaridan foydalanish huquqi uchun ruxsatnoma Yer qaʼridan foydalanish markazi tomonidan har chorakda tasdiqlanadigan qimmatbaho metallarni oltin izlovchilar usulida qazib olishga ruxsat beriladigan yer qaʼri uchastkalari (keyingi oʻrinlarda — yer qaʼri uchastkalari) boʻyicha ularni qazib olish uchun beriladi.

Talabgorlar hamda “Oʻzbekzargarsanoati” uyushmasi Yer qaʼridan foydalanish markaziga “E-auksion” elektron savdo platformasida auksion orqali realizatsiya qilinadigan yer qaʼri uchastkalari roʻyxatiga qoʻshimcha kiritish boʻyicha taklif kiritishi mumkin.

Tasdiqlangan roʻyxatga kirmagan yer qaʼri uchastkalari boʻyicha talabgorlar yoki “Oʻzbekzargarsanoati” uyushmasidan ariza kelib tushgan hollarda Yer qaʼridan foydalanish markazi Qoraqalpogʻiston Respublikasi Vazirlar Kengashi va viloyatlar hokimliklari, vazirlik va idoralari bilan birgalikda bir oylik muddatda oʻrganib chiqib, auksionda realizatsiya qilinadigan yer qaʼri uchastkalari roʻyxatiga kiritish yoki rad etish toʻgʻrisida qaror qabul qiladi.

Qimmatbaho metallarni oltin izlovchilar usulida qazib olish faoliyatini amalga oshirish uchun ishonchli, aniq konturlari va chegaralari koʻrsatilgan yer qaʼri uchastkalari va maydonlari, shu jumladan, oʻlchamlari 5 gektargacha boʻlgan sochma oltin konlari beriladi.

6. Qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqi uchun ruxsatnomalarga faqat Oʻzbekiston Respublikasi rezidentlari, xususan Oʻzbekiston Respublikasi fuqarosi boʻlgan yakka tartibdagi tadbirkor maqomiga ega jismoniy shaxslar hamda ustav kapitali (jamgʻarmasi)da Oʻzbekiston Respublikasi fuqarosi boʻlgan jismoniy shaxsning ulushi 70 va undan ortiq foizga ega boʻlgan yuridik shaxslar talabgor boʻlishi mumkin.

Bunda bitta talabgorga ruxsatnoma asosida berilgan yer qaʼri uchastkalarining umumiy maydoni yil davomida 20 gektardan oshmasligi lozim.

7. Ruxsatnomani yoki yer qaʼri uchastkasidan (toʻliq yoki qisman) foydalanish huquqini uchinchi shaxsga berish (topshirish), shuningdek, bitta yer qaʼri uchastkasidan foydalanish huquqiga ruxsatnomani bir necha shaxsga berishga yoʻl qoʻyilmaydi.

3-bob. Qimmatbaho metallarni oltin izlovchilar usulida qazib olishga ruxsat beriladigan yer qaʼri uchastkalaridan foydalanish shartlari

8. Yer qaʼri uchastkalaridan foydalanish ruxsatnomada nazarda tutilgan yer qaʼri uchastkalaridan foydalanish shartlariga muvofiq amalga oshiriladi.

9. Yer qaʼri uchastkalaridan foydalanishning asosiy shartlariga Oʻzbekiston Respublikasi “Yer osti boyliklari toʻgʻrisida” Qonuni bilan belgilangan shartlar kiradi.

Yer qaʼri uchastkalaridan foydalanishning namunaviy shartlari Yer qaʼridan foydalanish markazining rasmiy veb-saytida joylashtiriladi va zarurat boʻlganda belgilangan tartibda ommaviy axborot vositalarida eʼlon qilinishi mumkin.

10. Yer qaʼri uchastkalaridan foydalanish shartlarida:

qimmatbaho metallarni oltin izlovchilar usulida qazib olishning ruxsat etilgan usullari va vositalari, shuningdek, foydalaniladigan asbob-uskunalar, mexanizmlar va texnikaga qoʻyiladigan talablar;

qazib olingan qimmatbaho metallarga egalik qilish huquqi;

yer qaʼri uchastkalaridan foydalanishning cheklanishi, toʻxtatib qoʻyilishi yoki muddatidan oldin toʻxtatilishi mumkin boʻlgan shartlar;

yer qaʼri uchastkasidan foydalanish huquqi tugatilgandan soʻng yer qaʼridan foydalanuvchilar zimmasiga yer qaʼri uchastkalarini rekultivatsiya qilish va ularni keyinchalik foydalanish uchun yaroqli holatga keltirish majburiyati nazarda tutiladi.

Shuningdek, yer qaʼridan foydalanish shartlarida yer uchastkasining ijara shartnomasi, xususan, yer toʻgʻrisidagi qonunchilik hujjatlari talablari asosida undan foydalanish muddatlari va shartlari hamda yer qaʼridan foydalanish maqsadlari uchun olib qoʻyilayotgan (sotib olinayotgan) yer uchastkasi boʻyicha — mahalliy davlat hokimiyati organlari tomonidan ushbu yer uchastkasining egasi, foydalanuvchisi, ijarachisi yoki mulkdori bilan kelishilgan kompensatsiya miqdori va uni toʻlash muddati nazarda tutiladi.

Yer qaʼridan foydalanish shartlari, shu jumladan yer uchastkasining ijara shartnomasi yer qaʼri uchastkalaridan foydalanish huquqi uchun ruxsatnomaning ajralmas qismi hisoblanadi.

4-bob. Qimmatbaho metallarni oltin izlovchilar usulida qazib olishga ruxsat beriladigan yer qaʼri uchastkalaridan foydalanish muddatlari

11. Ruxsatnomalar Yer qaʼridan foydalanish markazi tomonidan “E-auksion” elektron savdo platformasidagi auksion yakunlari boʻyicha 3 yil muddatga beriladi.

Yer qaʼri uchastkalaridan foydalanish huquqi ruxsatnoma berilgan kundan boshlab hisoblanadi.

12. Ruxsatnoma muddati tugagandan soʻng uch oydan oshmagan muddatda yer qaʼridan foydalanuvchilar tomonidan yer qaʼri uchastkalari belgilangan tartibda rekultivatsiya qilinib, ular keyinchalik foydalanish uchun yaroqli holatga keltirilgan holda tegishli tuman (shahar) hokimligiga topshiriladi.

5-bob. Yer qaʼri uchastkalaridan foydalanish huquqini “E-auksion” elektron savdo platformasi orqali realizatsiya qilishning oʻziga xos xususiyatlari

13. “E-auksion” elektron savdo platformasida auksion orqali realizatsiya qilinadigan yer qaʼri uchastkalari roʻyxati Yer qaʼridan foydalanish markazi tomonidan narxi aniqlangan holda shakllantiriladi va har chorakda bir martadan kam boʻlmagan holda tasdiqlanadi.

Yer qaʼri uchastkalaridan foydalanish huquqini savdoga qoʻyishning boshlangʻich narxi har bir gektariga bazaviy hisoblash miqdorining 100 baravari miqdorida belgilanadi. Bunda toʻliq boʻlmagan gektarlar uchun boshlangʻich narx 1 gektar yer uchun belgilangan narxni yer maydonining oʻlchamiga koʻpaytirish orqali aniqlanadi.

Yer qaʼridan foydalanish markaziga auksionga qoʻyilmagan yoki roʻyxatga kiritilmagan yer qaʼri uchastkasidan foydalanish huquqini olish uchun talabgordan yoki “Oʻzbekzargarsanoati” uyushmasidan murojaat kelib tushgan taqdirda, ushbu yer qaʼri uchastkasidan foydalanish huquqi uchun ruxsatnoma “E-auksion” elektron savdo platformasi orqali oʻrnatilgan tartibda auksionga qoʻyiladi.

Yer qaʼridan foydalanish markazi yer uchastkasi unga ajratib berilgandan soʻng uch ish kuni davomida murojaat etilgan yer qaʼri uchastkalaridan foydalanish huquqi auksion savdolariga chiqarish muddatlari yoki ushbu yer uchastkalarini foydalanishga berishni rad etish toʻgʻrisida javob xatini talabgorga yoki “Oʻzbekzargarsanoati” uyushmasiga taqdim etadi.

14. Yer uchastkalarining chegaralarini joyida belgilash ishlari Oʻzbekiston Respublikasi Iqtisodiyot va moliya vazirligi huzuridagi Kadastr agentligi hamda Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasining hududlardagi boʻlinmalari tomonidan bir vaqtning oʻzida yer qaʼridan foydalanuvchi ishtirokida amalga oshiriladi.

15. Yer qaʼridan foydalanish maqsadlari uchun belgilangan tartibda olib qoʻyilgan (sotib olingan) yer uchastkasi bilan bogʻliq xarajatlar yer qaʼridan foydalanuvchi tomonidan Vazirlar Mahkamasi huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga ruxsatnoma rasmiylashtirilgunga qadar qoplab berilishi lozim.

6-bob. Qimmatbaho metallarni oltin izlovchilar usulida qazib olish faoliyatini amalga oshirish uchun ruxsatnomalar berish, davlat roʻyxatidan oʻtish, davlat hisobiga olish va rasmiylashtirish tartibi

16. Ruxsatnoma mazkur Nizomning 2-ilovasida keltirilgan shaklda QR-kod (matrik shtrixli kod) qoʻyib rasmiylashtiriladi.

Qimmatbaho metallarni oltin izlovchilar usulida qazib olish faoliyatini amalga oshirish uchun ruxsatnoma pasporti 3-ilovaga muvofiq tasdiqlansin.

Yer qaʼri uchastkalaridan foydalanish huquqiga berilgan ruxsatnomalarni boshqa shaxslarga berilishiga yoʻl qoʻyilmaydi.

17. Qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkasidan foydalanish huquqini amalga oshirish u davlat roʻyxatidan oʻtkazilgandan keyin amalga oshiriladi. Yer qaʼri uchastkalaridan foydalanishni Davlat roʻyxatiga olish Yer qaʼridan foydalanish markazi tomonidan ruxsatnoma berish jarayonida amalga oshiriladi.

18. Qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkasidan foydalanish huquqini Davlat roʻyxatiga olish reyestrga tegishli qaydlarni kiritish yoʻli bilan amalga oshiriladi.

19. Har bir reyestrda quyidagilar koʻrsatilgan boʻlishi kerak:

yer qaʼridan foydalanuvchi toʻgʻrisidagi asosiy maʼlumotlar (nomi, yuridik shaxsning tashkiliy-huquqiy shakli, soliq toʻlovchining identifikatsiya raqami, pochta manzili, telefon va faks raqamlari);

foydalanishga berilgan yer qaʼri uchastkasining nomi (raqami);

yer qaʼri uchastkasidan foydalanish maqsadi;

ruxsatnoma berilgan sana va uning raqami;

ruxsatnomaning amal qilish muddati;

ruxsatnomani qayta rasmiylashtirishning asosi va uning sanasi.

20. Reyestrga kiritilgan maʼlumotlar, ochiq boʻlgan maʼlumotlar bazasi hisoblanib, mazkur reyestr bilan yuridik va jismoniy shaxslar tanishib chiqishi mumkin.

7-bob. Qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkasidan foydalanish huquqini beruvchi ruxsatnomani qayta rasmiylashtirish

21. Ruxsatnomani qayta rasmiylashtirish quyidagi hollarda amalga oshiriladi:

yuridik shaxs qayta tashkil qilinganda va nomi oʻzgarganda;

jismoniy shaxsning familiyasi, ismi yoki otasining ismi oʻzgarganda.

Ruxsatnomani qayta rasmiylashtirish Yer qaʼridan foydalanish markazi tomonidan ruxsatnoma egasining “Litsenziya” axborot tizimi yoki Yagona interaktiv davlat xizmatlari portali (keyingi oʻrinlarda — YIDXP) orqali mazkur Nizomning 4-ilovasiga muvofiq bergan arizasi asosida tegishli tasdiqlovchi hujjatlar ilova qilingan holda 2 kun muddatda amalga oshiriladi.

Yer qaʼridan foydalanish markazi tomonidan ruxsatnoma qayta rasmiylashtirilganda ikki kun muddatda tegishli reyestrga oʻzgartirishlar kiritiladi va QR-kod (matrik shtrixli kod) qoʻyilgan ruxsatnomani rasmiylashtiradi.

Ruxsatnomani qayta rasmiylashtirishda bazaviy hisoblash miqdorining 2 barobari miqdorida yigʻim undiriladi.

Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq Kon-geologiya vazirligining budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq Kon-geologiya vazirligining budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

22. Yer qaʼridan foydalanish muddati tugagunga qadar foydalanuvchi tomonidan Yer qaʼridan foydalanish markaziga “Litsenziya” axborot tizimi yoki YIDXP orqali yoʻllangan ariza boʻyicha yer qaʼridan foydalanuvchi tomonidan ruxsatnomada belgilangan shartlar bajarilgan taqdirda va qimmatbaho metallarni oltin izlovchilar usulida qazib olish boʻyicha qoʻshimcha ishlarni amalga oshirish zarur boʻlgan hollarda yer qaʼridan foydalanish muddatlari bir marta 3 yilga uzaytirilishi mumkin.

Ushbu holatda, Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi tomonidan 1 oy muddatda ruxsatnomada belgilangan shartlarning bajarilishi oʻrganiladi va Togʻ-kon sanoati va geologiya vazirligiga tegishli xulosani kiritadi.

Xulosa ijobiy boʻlganda, Yer qaʼridan foydalanish markazi tomonidan 10 kun muddatda yer qaʼridan foydalanuvchiga “Litsenziya” axborot tizimi yoki YIDXP orqali yer qaʼri uchastkalaridan foydalanish muddatini uzaytirish uchun toʻlov summasini joʻnatadi.

Yer qaʼridan foydalanuvchi ruxsatnomada koʻrsatilgan yer qaʼri uchastkalaridan foydalanish muddati tugashga 10 kun qolgan muddatgacha Yer qaʼridan foydalanish markazi tomonidan koʻrsatilgan daromad gʻazna hisobvaragʻiga ruxsatnomani uzaytirish uchun toʻlov summasini toʻlaydi.

Yer qaʼri uchastkalaridan foydalanish muddatini uzaytirish uchun toʻlov oxirgi 1 yil ichida auksion orqali realizatsiya qilingan yer qaʼri uchastkalaridan foydalanish huquqi qiymatlarining oʻrtacha arifmetik miqdoriga teng boʻlib, Yer qaʼridan foydalanish markazi tomonidan bayonnomalar tahlili asosida hisoblab chiqiladi.

Yer qaʼridan foydalanish markazi tomonidan toʻlov summasi daromad gʻazna hisobvaragʻiga kelib tushganda quyidagicha taqsimlanadi:

daromad gʻazna hisobvaragʻiga kelib tushgan mablagʻlar Yer qaʼridan foydalanish markazining budjetdan tashqari jamgʻarmasiga hamda yer qaʼri uchastkasi joylashgan tegishli tuman (shahar)lar mahalliy budjetlari oʻrtasida avtomatik tarzda teng ulushlarda taqsimlanadi.

Yer qaʼridan foydalanuvchiga ruxsatnoma “Litsenziya” axborot tizimi yoki YIDXP orqali yangi 3 yillik muddatga qayta rasmiylashtirib beriladi.

23. Quyidagi hollarda yer qaʼridan foydalanish muddatlarini uzaytirish rad etilishi mumkin:

qimmatbaho metallarni oltin izlovchilar usulida qazib olish boʻyicha qoʻshimcha ishlarni amalga oshirish zaruriyati boʻlmasa;

yer qaʼridan foydalanuvchi tomonidan ruxsatnomada belgilangan shartlar oʻz vaqtida va toʻliq bajarilmagan boʻlsa;

Yer qaʼridan foydalanish markazi tomonidan taqdim etilgan yer qaʼri uchastkalaridan foydalanish muddatini uzaytirish uchun toʻlov summasi oʻz vaqtida toʻlanmasa.

Boshqa sabablar bilan yer qaʼridan foydalanish muddatlarini uzaytirishni rad etilishiga yoʻl qoʻyilmaydi.

8-bob. Qimmatbaho metallarni oltin izlovchilar usulida qazib olish qoidalari va normalari, ruxsat etilgan usullari va vositalari, foydalaniladigan asbob-uskunalar va texnikaga qoʻyiladigan talablar

24. Yer qaʼridan foydalanuvchilar tomonidan ruxsatnoma berilgan yer qaʼri uchastkalarida qimmatbaho metallarni qazish ishlari boshlanishidan oldin mahalliy ijro etuvchi hokimiyat organlari, Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi yozma ravishda xabardor qilinishi shart.

25. Ruxsatnoma bilan berilgan yer qaʼri uchastkalarida qimmatbaho metallarni oltin izlovchilar usulida qazib olishda:

yer qaʼrini muhofaza qilish, tabiatni muhofaza qilish, atrof muhitni muhofaza qilish, yongʻin xavfsizligi boʻyicha qoidalar va chora-tadbirlarga amal qilish zarur;

qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqi uchun ruxsatnomaga ega boʻlgan yuridik shaxslar ishchi-xodimlarining 70 foizi Oʻzbekiston Respublikasi fuqarosi boʻlishi lozim;

sochma oltinga istiqbolli yer qaʼri uchastkalari va konlarida yer osti togʻ-kon qazilmalari yoʻlaklarisiz va portlovchi moddalardan foydalanmagan holda zinasimon shaklda xavfsiz (yoʻl qoʻyiladigan) chuqurlikkacha (tub jinslargacha) faoliyatni amalga oshirish mumkin;

tub jinslar uchastkalarida togʻ-kon lahmlari tik tomonlarini 2 (ikki) metrdan koʻp boʻlmagan chuqurlikda oʻtishga yoʻl qoʻyiladi. Agar togʻ-kon lahmlarini zinasimon shaklida oʻtayotgan boʻlsa, bu holatda umumiy chuqurligi 6 (olti) metrgacha ruxsat etiladi. Bunda har bir zinaning balandligi 2 (ikki) metrdan oshmasligi va zinaning eni 0,5 (yarim) metrdan kam boʻlmasligi zarur;

suvli hududlarda, shu jumladan, daryo qirgʻoqlarida va soylar oʻzanlarida oltin qazib olish hududida kovish sigʻimi (hajmi) 2 kubgacha boʻlgan ekskavatorlar yoki uning funksiyasini bajaradigan texnikadan foydalanish mumkin.

Yer qaʼridan foydalanuvchilar oltin izlovchilar usulida qazib olingan qimmatbaho metallar boʻyicha quyidagilarni taqdim qilishlari zarur:

xar yili hisobot davridan keyingi yilning 15-fevraliga qadar Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish hududiy inspeksiyalariga qimmatbaho metallar zaxiralarining harakatlanish ishlari toʻgʻrisida yillik hisobot (sochma oltin konlari boʻyicha);

har chorakda hisobot choragidan keyingi oyning 10-sanasiga qadar Oʻzbekiston Respublikasi Markaziy bankiga qabul kassalari, xarid qilish markazlari, affinaj korxonalar, shuningdek, qimmatbaho metallar va qimmatbaho toshlardan yasalgan zargarlik buyumlari hamda boshqa buyumlarni ishlab chiqarish huquqiga ega boʻlgan tadbirkorlik subyektlariga topshirilgan qimmatbaho metallar miqdori toʻgʻrisida hisobot.

26. Yer qaʼridan foydalanuvchilar qazib olingan togʻ jinslaridan qimmatbaho metallarni ajratib olishda faqat maydalash va gravitatsiya usulini qoʻllash, shuningdek, kichik yuvish uskunalari va nasoslardan foydalanish huquqiga ega.

27. Ruxsatnoma bilan berilgan yer qaʼri uchastkalarida qimmatbaho metallarni oltin izlovchilar usulida qazib olishda va ajratib olishda quyidagilar taqiqlanadi:

ushbu Nizomning 24 va 25-bandlarida nazarda tutilmagan usullar, shu jumladan, yer osti togʻ-kon yoʻlaklarini qazish, portlatish ishlarini olib borish;

qazib olingan togʻ jinslarini ajratilgan yer uchastkasi hududidan olib chiqib ketish yoki sotish (xarid qilish markazlari yoki affinaj korxonalarga topshirish yoki sotish maqsadida birlamchi gravitatsiyaviy usulda qayta ishlangan boʻsh togʻ jinslarini yer uchastkasi hududidan olib chiqish bundan mustasno);

kimyoviy reagentlar qoʻllanilgan holda qimmatbaho metallarni ajratib olish texnologiyasidan foydalanish;

ajratilgan yer uchastkasi hududida kapital qurilish ishlarini amalga oshirish;

yer qaʼri uchastkasidan foydalanishda amaldagi qoidalar va normativ hujjatlar talablarini buzish.

9-bob. Oltin izlovchilar usulida qazib olingan qimmatbaho metallar narxini belgilash, ularni xarid qilish, hisobini yuritish, saqlash va realizatsiya qilish tartibi

1-§. Qimmatbaho metallarni sotib oluvchi qabul kassalari

28. Yer qaʼridan foydalanuvchilar tomonidan belgilangan tartibda qazib olingan qimmatbaho metallar qabul kassalari, xarid qilish markazlari, affinaj korxonalar, shuningdek, qimmatbaho metallar va qimmatbaho toshlardan yasalgan zargarlik buyumlari hamda boshqa buyumlarni ishlab chiqarish huquqiga ega boʻlgan tadbirkorlik subyektlariga kelishilgan narxlarda sotiladi.

29. Qabul kassasi yer qaʼridan foydalanuvchilardan tarkibida oltin boʻlgan xom ashyoni (shlix, konsentrat) qabul qiluvchi punkt hisoblanadi.

30. Qabul kassalari yer qaʼridan foydalanuvchilar tomonidan respublika hududida qazib olingan tarkibida qimmatbaho metallar boʻlgan xom ashyoni qabul qilish, saqlanishini taʼminlash va qayta ishlashga joʻnatish maqsadida tuziladi.

31. Qabul kassalari affinaj korxonalar, shuningdek, qimmatbaho metallar va qimmatbaho toshlardan yasalgan zargarlik buyumlari hamda boshqa buyumlarni ishlab chiqarish huquqiga ega boʻlgan tadbirkorlik subyektlari tomonidan ham tashkil etilishi mumkin.

32. Qabul kassalari tarkibida qimmatbaho metallar boʻlgan xom ashyolarni qayta ishlash va affinajga yuborishga majbur.

33. Yer qaʼridan foydalanuvchilar qazib qoʻlga kiritgan qimmatbaho metallar aralashmasining barchasini, jumladan, sof holda topilganlarini ham qabul kassalari, xarid qilish markazlari, affinaj korxonalar yoki qimmatbaho metallar va qimmatbaho toshlardan yasalgan zargarlik buyumlari hamda boshqa buyumlarni ishlab chiqarish huquqiga ega boʻlgan tadbirkorlik subyektlariga topshirishga majbur.

34. Qabul kassalari yer qaʼridan foydalanuvchidan tarkibida qimmatbaho metall boʻlgan xom ashyolarni qabul dalolatnomasini rasmiylashtirgan holda vositachilik asosida qabul qiladi.

2-§. Qabul kassalarida qimmatbaho metallarni saqlashni taʼminlash

35. Qimmatbaho metallar va ularning konsentratlarini saqlash joylarida oʻrnatilgan seyflarda, yaʼni maxsus jihozlangan qabul kassalarida, mustahkam devorli, beton polli, derazasiz, metalldan yasalgan yoki temir bilan qoplangan maxsus ichki qulfli eshikli xonalarda amalga oshirilishi kerak.

36. Qabul kassalariga kirish eshigi maxsus qulf bilan jihozlangan hamda saqlash joylarining eshiklaridagi ilgaklarni va muhrlarning holatini koʻzdan kechirish imkoni boʻlgan koʻrish darchasiga ega boʻlishi kerak. Qabul kassalarining eshigiga kirishgacha va undan keyin poʻlat simdan tayyorlangan panjarali eshiklar oʻrnatiladi.

37. Qabul kassalarida ish stoli, tushgan va joʻnatiladigan metallni oʻlchash uchun tarozi, metall idishi va asboblarni, boshqa uskunalarni saqlash shkaflari oʻrnatiladi.

38. Qabul kassalari telefon aloqasi, kamida ikki pogʻonali qoʻriqlov va yongʻin-qoʻriqlash signalizatsiyalari hamda tunu-kun qurollangan qoʻriqlov posti bilan taʼminlanadi.

39. Qabul kassalarining derazalari metall panjaralardan iborat boʻlishi kerak. Qabul kassalarining xonasi hamda uning posti simsiz, ishonchli ishlaydigan, binodan tashqariga, masʼul shaxslarning doimiy tunu kun navbatchilik joylariga chiqarilgan signalizatsiya bilan taʼminlanadi, masalan: militsiya boʻlimi, idoraviy harbiy qoʻriqlovning soqchi joyi, muassasa kommutatori.

40. Alohida hollarda qimmatbaho metallarni (konsentratlarni) saqlash uchun seyf oʻrniga ichki maxsus qulflar bilan jihozlangan metall shkaflarning ishlatilishiga vaqtincha yoʻl qoʻyiladi.

41. Ish kuni tamom boʻlgandan soʻng seyflar, qimmatbaho metallarni saqlash joyi hamda qabul kassalari yopiladi, muhrlanadi va qoʻriqlash uchun topshiriladi. Xonalarni qabul qilish va topshirish, rejimli xonalarni qoʻriqlash uchun qabul qilish va topshirish jurnalida rasmiylashtiriladi.

42. Qabul kassasiga kirish uchun ruxsat faqat chegaralangan doiradagi, roʻyxati muassasa rahbari yoki uning rejim va qoʻriqlash boʻyicha oʻrinbosari tomonidan aniqlanuvchi shaxslarga beriladi. Qabul kassasi xonalariga kirish uchun ruxsat berilgan shaxslarning roʻyxati ushbu obyektning tunu kun ishlaydigan qurollangan qoʻriqlash postida boʻlishi kerak.

43. Tarkibida qimmatbaho metall boʻlgan xom ashyoni qabul kassalariga yetkazish yer qaʼridan foydalanuvchilar tomonidan amalga oshiriladi.

3-§. Qimmatbaho metallarni narxlash, hisoblash va sotib olish tartibi

44. Qimmatbaho metallarning xom ashyodagi narxi shartnoma asosida yer qaʼridan foydalanuvchilar va qabul kassalari tomonidan xom ashyoni qabul kassasiga topshirish paytida belgilanadi.

Bunda, tarkibida qimmatbaho metallar boʻlgan qayta ishlangan massa, tahlil natijalariga koʻra qimmatbaho metallni tayyor koʻrinishgacha ajratib olishni hisobga olgan holda ogʻirlik hisob-kitobi tuziladi.

45. Tarkibida qimmatbaho metallar boʻlgan xom ashyo narxini hisoblashda quyidagi formula qoʻllanadi:

Xom ashyo narxi qimmatbaho metallarning miqdori, ajratib olish koeffitsiyenti va qimmatbaho metallarning xalqaro bozorlardagi narxi — qayta ishlash xarajatlarini koʻpaytirish orqali aniqlanadi:

Bunda, qimmatbaho metallar miqdori — ogʻirlik hisob-kitobiga koʻra;

ajratib olish koeffitsiyenti — xom ashyoga koʻra qayta ishlash korxonalarida tasdiqlangan metallarni ajratib olish meʼyorlariga muvofiq aniqlanadi;

qimmatbaho metallarning xalqaro bozorlardagi narxi — qimmatbaho metallarning London birjasidagi narxlardan kelib chiqib (AQSH dollarida, ertalabki oʻrnatilgan fiksingda), metallni realizatsiya qilish (topshirish) sanasi boʻyicha Oʻzbekiston Respublikasi Markaziy bankining rasmiy maʼlumotlariga koʻra chet el valyutasi kursi bilan soʻmga qayta hisoblangan narxda aniqlanadi;

qayta ishlash xarajatlari (1 grammga) — zarur boʻlgan foydani hisobga olgan holda qayta ishlashga ketadigan xarajatlardan kelib chiqib qabul qilinadi.

Har bir qabul kassasida ushbu formula va hisob-kitoblarning namunalari haqidagi maʼlumotlar joylashtirilishi shart.

46. Tarkibida qimmatbaho metallar boʻlgan xomashyo qabul kassalari, xarid qilish markazlari, affinaj korxonalar yoki qimmatbaho metallar va qimmatbaho toshlardan yasalgan zargarlik buyumlari hamda boshqa buyumlarni ishlab chiqarish huquqiga ega boʻlgan tadbirkorlik subyektlariga topshirilgandan soʻng yer qaʼridan foydalanuvchi bilan hisob-kitob shartnoma asosida 3 kundan oshmagan muddatda amalga oshirilishi lozim.

4-§. Qimmatbaho metallarni qabul qilish tartibi va majburiyatlar

47. Qabul kassalariga tushadigan tarkibida qimmatbaho metallar boʻlgan xom ashyo uni topshiruvchi yer qaʼridan foydalanuvchining ishtirokida oʻlchab olinadi. Topshirish va qabul qilish maxsus jurnalda topshiruvchi hamda qabul qiluvchining imzolari asosida rasmiylashtiriladi.

Bunda, topshirish va qabul qilish maxsus jurnalining varaqlari raqamlangan, tikilgan va muhrlangan boʻlishi shart.

48. Yer qaʼridan foydalanuvchilardan qabul kassalariga tushuvchi tarkibida qimmatbaho metallar boʻlgan xom ashyolar hisobi rahbarning buyrugʻi asosida muayyan ijrochiga yuklatiladi (javobgarlikni yuklash hamda mulkka javobgar shaxsning tegishli majburiyatini rasmiylashtirish bilan).

49. Namunalarni sinash va kimyoviy tahlilga tayyorlash qayta ishlovchi korxonalarning amaldagi standartlari, yoʻriqnomalari hamda sinash usullariga muvofiq texnik nazorat xizmati orqali amalga oshiriladi.

50. Namunani kimyoviy laboratoriyaga yetkazish texnik nazorat xizmati nazoratchisi tomonidan harbiy qoʻriqchi hamrohligida amalga oshiriladi.

51. Markaziy tahlil laboratoriyasi tasdiqlangan usulga asosan barcha turdagi xom ashyo tarkibidagi qimmatbaho metallarni aniqlash boʻyicha tahlil oʻtkazadi.

52. Tarkibida oltin boʻlgan xom ashyoni sinashda uch xil namuna shakllanadi: biri — qayta ishlash korxonalar tahlili uchun; ikkinchisi — yer qaʼridan foydalanuvchilar uchun; uchinchisi esa — arbitraj uchun.

53. Qabul kassasining moddiy javobgar shaxsi tarkibida qimmatbaho metallar boʻlgan xom ashyolarni kelgusi qayta ishlash va qimmatbaho metallarni ajratib olishga yuborgunga qadar barcha chora-tadbirlarni koʻradi.

54. Qabul kassalari tarkibida qimmatbaho metallar boʻlgan xom ashyolarni qabul qilish, sarf qilish hamda ularning qoldiqlari boʻyicha qatʼiy hisob olib borish va belgilangan muddatda inventarizatsiya oʻtkazishga majbur.

55. Qimmatbaho metallardan va qimmatbaho toshlardan zargarlik buyumlarini hamda boshqa buyumlarni ishlab chiqarish faoliyatini boshlaganlik haqida xabarnomaga ega boʻlgan yuridik shaxslar tomonidan tuzilgan qabul kassalarida qimmatbaho metallarni saqlash va qabul qilish tartibi va majburiyatlari ushbu yuridik shaxs tomonidan ishlab chiqiladi.

Shu bilan birga, qimmatbaho metallarni oltin izlovchilar usulida qazib olish faoliyati bilan shugʻullanuvchi tadbirkorlarga qulaylik yaratish maqsadida qimmatbaho metallardan va qimmatbaho toshlardan zargarlik buyumlarini hamda boshqa buyumlarni ishlab chiqarish faoliyatini boshlaganlik haqida xabarnomaga ega boʻlgan yuridik shaxslar tomonidan sayyor qabul kassalari tashkil etishga ruxsat beriladi.

56. Ushbu Nizomning 35 — 42 , 45 , 50 — 54-bandlaridagi qimmatbaho metallarni saqlash, qabul qilish tartibi va majburiyatlar qabul kassalarini tashkil etgan tashkilotlarda davlat ulushi boʻlgan subyektlarga nisbatan majburiy hisoblanadi va qimmatbaho metallardan va qimmatbaho toshlardan zargarlik buyumlarini hamda boshqa buyumlarni ishlab chiqarish faoliyatini boshlaganlik haqida xabarnomaga ega boʻlgan davlat ulushiga ega boʻlmagan yuridik shaxslarga ixtiyoriy ravishda amal qilish tavsiya etiladi.

10-bob. Qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkasidan foydalanish huquqini cheklash, toʻxtatib turish va bekor qilish, shuningdek, yer qaʼridan foydalanuvchilarning qonunchilik hujjatlari talablarini buzganlik uchun javobgarligi

57. Yer qaʼri uchastkasidan foydalanish huquqi Oʻzbekiston Respublikasi “Yer osti boyliklari toʻgʻrisida”gi Qonunida nazarda tutilgan hollarda cheklanishi, toʻxtatib qoʻyilishi yoki muddatidan oldin bekor qilinishi mumkin.

58. Yer qaʼri uchastkasidan foydalanish huquqini cheklash, toʻxtatib qoʻyish yer qaʼrini geologik oʻrganish, undan foydalanish va muhofaza qilish yuzasidan davlat nazorat organlari tomonidan qonunchilik hujjatlarida belgilangan tartibda amalga oshiriladi.

59. Yer qaʼri uchastkasidan foydalanish huquqini muddatidan oldin bekor qilish sud tartibida Yer qaʼridan foydalanish markazining va boshqa davlat nazorati organlarining arizalari asosida amalga oshiriladi.

60. Yer qaʼri uchastkalaridan foydalanish huquqining cheklanishi yuzaga kelgan xavf-xatar yoki yer qaʼridan foydalanishda yoʻl qoʻyilgan talablar va shartlar, ishlarni olib borish meʼyorlari va qoidalari bartaraf etilishigacha ishlarning cheklanishiga olib keladi. Bunda cheklanish muddati 3 oydan oshmasligi shart.

61. Yer qaʼri uchastkalaridan foydalanish huquqining toʻxtatilishi yer qaʼri uchastkalaridan foydalanish bilan bogʻliq boʻlgan barcha turdagi ishlar toʻxtatib qoʻyilishi sabablari bartaraf etilguniga qadar amalga oshirilishi taqiqlanishiga, biroq 3 oydan oshmaydigan muddatga taqiqlanishiga olib keladi, uskunalarni odamlar va atrof muhit uchun xavfsiz saqlab turishga oid ishlar bundan mustasno.

62. Qimmatbaho metallarni yashirish, shu jumladan, uni 3 oy ichida realizatsiya qilmaslik, shuningdek, qimmatbaho metallarni oltin izlovchilar usulida qazib olish chogʻida ishlarni bexatar olib borish talablarining buzilishi oqibatida insonlarning ogʻir tan jarohati olishi yoki oʻlimiga olib kelishi yer qaʼri uchastkalaridan foydalanish huquqini muddatidan oldin bekor qilish va mazkur faoliyat bilan shugʻullanishni 1 yil davomida cheklash uchun asos boʻladi.

Yer qaʼri uchastkalaridan foydalanish huquqi muddatidan oldin bekor qilingan kundan boshlab 1 oy muddat davomida ushbu yer qaʼri uchastkalari ularni rekultivatsiya qilinmagan holda elektron onlayn-auksion savdolariga chiqariladi.

63. Yer qaʼri uchastkalaridan foydalanish huquqi:

yer qaʼridan foydalanuvchi 3 oy ichida yer qaʼri uchastkasidan foydalanishni boshlamagan;

yer qaʼridan foydalanuvchi tomonidan yer qaʼri uchastkasidan foydalanishning asosiy shartlari buzilgan;

yer qaʼri uchastkalaridan foydalanish bilan bogʻliq ishlarning taʼsir zonasida aholi hayoti va sogʻligʻiga, atrof muhitga xavf-xatarning mavjud boʻlishi;

Oʻzbekiston Respublikasi “Yer osti boyliklari toʻgʻrisida”gi Qonunida nazarda tutilgan qoidalarga rioya qilinmasligi;

agar yoʻl qoʻyilgan qoidabuzarliklar tizimli tavsifga ega boʻlsa yoki ushbu yer qaʼri uchastkasidan foydalanish huquqiga ilgari cheklov va (yoki) toʻxtatib turish qoʻllangan holatlarda muddatidan oldin bekor qilinishi mumkin;

Yer qaʼri uchastkalaridan foydalanish huquqi muddatidan oldin bekor qilingan kundan boshlab 1 oy muddat davomida ushbu yer qaʼri uchastkalari ularni rekultivatsiya qilinmagan holda elektron onlayn-auksion savdolariga chiqariladi.

64. Yer qaʼri uchastkasidan foydalanish huquqi toʻxtatilganidan keyin foydalanuvchi yer qaʼridan foydalanish chogʻida buzilgan yer uchastkalarini keyinchalik ularni foydalanishga yaroqli holga keltirish ishlarini (qayta tiklash) bajarishga kirishishi shart.

11-bob. Yer qaʼridan foydalanuvchilar tomonidan yer uchastkasini rekultivatsiya qilish (qayta tiklash) va ularni mahalliy ijro etuvchi hokimiyat organlarining zaxira fondiga qaytarish tartibi

65. Yer qaʼri uchastkasidan foydalanish huquqi tugatilgandan soʻng yer qaʼridan foydalanuvchilar oʻz hisoblaridan tegishli yer uchastkalarini rekultivatsiya qilish (qayta tiklash) yoʻli bilan keyinchalik foydalanish uchun yaroqli holatga keltirishga majbur.

66. Yer uchastkalarini rekultivatsiya qilish (qayta tiklash) loyihalari Oʻzbekiston Respublikasi Davlat soliq qoʻmitasi huzuridagi Kadastr agentligi tizimidagi “Oʻzdaverloyiha” davlat ilmiy-loyihalash instituti va uning hududiy boʻlinmalari tomonidan 15 kun ichida amalga oshiriladi.

67. Buzilgan yerlarni rekultivatsiya qilish (qayta tiklash) loyihalarida quyidagilar nazarda tutiladi:

tuproqning hosildor qatlamining kesib olinishi va maxsus joyga joylashtirilishi (saqlanishi);

toshloq va zaharli jinslarni potensial hosildor tuproqlardan ajratish maqsadida yer qaʼri yuzini ochishdagi qatlam jinslarining selektiv ishlanishi;

zaharli jinslar koʻmilishini taʼminlaydigan agʻdarilgan tuproq qatlamlarini shakllantirish;

oʻpirilgan joylarni toʻldirish;

yer qaʼri uchastkasidan foydalanish tugagan maydonlarning nishablikda tekislanishi;

tuproq qatlamining tekislangan yuzasi qirqish chuqurligiga teng yoki potensial hosildorlik darajasidan kam boʻlmagan miqdorda yotqizilishi;

qiyaliklar (yon bagʻirlar)ni mustahkamlash boʻyicha maxsus tadbirlarni amalga oshirishi;

rekultivatsiya qilish (qayta tiklash)ni amalga oshirish jarayonida va u yakunlangandan soʻng ishchilar va aholi xavfsizligini taʼminlash choralari.

68. Buzilgan yerlarni rekultivatsiya qilish (qayta tiklash) loyihalarining amalga oshirilishi yuzasidan loyihachi tomonidan mualliflik nazorati olib boriladi.

Yer uchastkalarini rekultivatsiya qilish (qayta tiklash) ishlari tegishli loyihalar bilan koʻzda tutilgan muddatlarda bajariladi. Bunda yer uchastkalarini rekultivatsiya qilish (qayta tiklash) ishlarining muddati 3 oydan oshmasligi shart.

Yerdan foydalangan yuridik yoki jismoniy shaxslar hisobidan buzilgan yerlarda rekultivatsiya qilish (qayta tiklash) loyihalari asosida ishlar amalga oshirilgandan soʻng vakolatli organlarning tegishli tartibdagi qarorlariga asosan mahalliy ijro etuvchi hokimiyat organlarining zaxira yer fondiga qaytariladi.

12-bob. Yakunlovchi qoida

69. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Qimmatbaho metallarni oltin izlovchilar usulida qazib olish faoliyatini amalga oshirish tartibi toʻgʻrisida Nizomga 1-ILOVA

Qimmatbaho metallarni oltin izlovchilar usulida qazib olish uchun berilayotgan yer qaʼri uchastkalaridan foydalanish huquqi elektron onlayn-auksion orqali berish

Bosqichlar Subyektlar Tadbirlar Muddatlar 1-bosqich (tayyorgarlik bosqichi) Yer qaʼridan foydalanish markazi Qimmatbaho metallarni oltin izlovchilar usulida qazib olish uchun beriladigan yer qaʼri uchastkalari roʻyxatini tasdiqlaydi. Har yili Yer qaʼridan foydalanish markazi Yer qaʼridan foydalanish huquqini auksionda realizatsiya qilish uchun buyurtmalarni “Elektron onlayn-auksionlarni tashkil etish markazi” davlat unitar korxonasiga (operatorga) taqdim etadi. Tayyor boʻlishi bilan Operator Auksion oʻtkazilish toʻgʻrisidagi xabarnomani oʻz veb-portalida joylashtiradi. Buyurtma olingan kundan boshlab 2-bosqich (auksion oʻtkazish bosqichi) Yuridik va jismoniy shaxslar Auksionda ishtirok etish uchun elektron shaklda ariza topshiradi, unda lot raqami va yer qaʼri uchastkasi nomini koʻrsatadi. 30 kun mobaynida Operator Lot boʻyicha elektron auksion savdolari oʻtkaziladi. 1 ish kuni mobaynida Auksion gʻolibi Auksionda gʻolib boʻlish uchun taklif etilgan summani 100 foiz toʻlaydi. Sotilgan obyektning qiymati BXMning 5 ming baravarigacha boʻlganda, 10 ish kuni, 5 ming baravariga teng yoki undan ortiq boʻlganda 15 ish kuni mobaynida toʻlaydi 3-bosqich (ruxsatnoma berish bosqichi) Operator Auksion gʻolibi (zaxiradagi gʻolib) tomonidan sotib olish toʻlovlari toʻliq toʻlangandan soʻng auksion gʻolibiga bayonnoma rasmiylashtiradi hamda mazkur bayonnomani va u tomonidan imzolangan yer qaʼridan foydalanish shartlarini auksion gʻolibining va Yer qaʼridan foydalanish markazining shaxsiy kabinetiga elektron shaklda yuboradi. 1 ish kuni mobaynida Yer qaʼridan foydalanish markazi Bayonnoma asosida Yer qaʼri uchastkalaridan foydalanish huquqi uchun tegishli ruxsatnomani, ERI bilan imzolangan va QR-kod (matrik shtrixli kod) bilan rasmiylashtirilgan holda, “E-auksion” elektron savdo platformasi orqali Operatorga yuboradi. 1 ish kuni mobaynida Operator Auksion gʻolibiga rasmiylashtirilgan ruxsatnomani shaxsiy kabinetiga yuboradi. 1 ish kuni mobaynida

Qimmatbaho metallarni oltin izlovchilar usulida qazib olish faoliyatini amalga oshirish tartibi toʻgʻrisida Nizomga 2-ILOVA

‎ ‎‎OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI ‎ ‎ ‎‎Qimmatbaho metallarni oltin izlovchilar usulida qazib olishda ‎ yer qaʼri uchastkasidan foydalanish huquqi uchun ‎ ‎RUXSATNOMA ‎ ‎ ‎ ‎ ‎‎SERIYASI ‎ ‎ ‎ ‎ ‎ ‎‎TARTIB RAQAMI ‎ ‎ ‎‎Ruxsatnoma___________________________________________________________________________________________________________________________________________________________________ ga berildi. ‎‎(ushbu ruxsatnomani olgan yuridik yoki jismoniy shaxs) ‎ ‎ ‎ ‎ ‎‎Ruxsatnoma qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkasidan foydalanish huquqini tasdiqlaydi. ‎ Yer qaʼri uchastkasining nomi (yoki raqami) __________________________________________________________‎‎ ‎‎Yer qaʻri uchastkasi ____________________________________________________________________________ ‎________________________________________________________________________________ da joylashgan. ‎‎(Qoraqalpogʻiston Respublikasi yoki viloyat tumani, aholi punkti nomi)‎ ‎ ‎ ‎ ‎‎Ruxsatnoma berish uchun asos____________________________________________________________________ ‎‎____________________________________________________________________________________________ ‎‎(tegishli hujjatning turi, nomi, tartib raqami va qabul qilingan sanasi) ‎‎Yer qaʻri uchastkasining maydoni __________________________________________________________________ ‎ ‎ ‎ ‎ ‎ ‎ ‎‎(gektarda, son va soʻz bilan)‎ ‎ ‎‎Ruxsatnomaning amal qilish muddati ________________________________________________________________ ‎ ‎ ‎ ‎ ‎ ‎ ‎‎(kun, oy, yil) Quyidagilar ruxsatnomaning ajralmas qismi hisoblanadi:‎‎ ‎‎Yer qaʻridan foydalanish shartlari __________________________________________________________________ ‎ ‎ ‎ ‎ ‎ ‎ (ilovaning tartib raqamlari, varaqalar soni)‎‎ ‎‎Yer qaʻri uchastkasining geografik koordinatali nuqtalari _________________________________________________ ‎____________________________________________________________________________________________ ‎ Ruxsatnoma berilgan sana ___________ y. “______” ___________________‎‎ ‎ ‎‎ ‎‎‎‎QR-kod ‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(Ruxsatnoma uning ajralmas tarkibiy qismi hisoblangan zarur ilovalar mavjud boʻlgan taqdirda haqiqiy hisoblanadi)

Qimmatbaho metallarni oltin izlovchilar usulida qazib olish faoliyatini amalga oshirish tartibi toʻgʻrisida Nizomga 3-ILOVA

Qimmatbaho metallarni oltin izlovchilar usulida qazib olish faoliyatini amalga oshirish uchun ruxsatnoma

1. Ruxsat etish xususiyatiga ega hujjatning nomi: Qimmatbaho metallarni oltin izlovchilar usulida qazib olish faoliyatini amalga oshirish uchun ruxsatnoma 2. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar): Qimmatbaho metallarni oltin izlovchilar usulida qazib olish faoliyatini amalga oshirish 3. Ariza beruvchilar toifasi: Oʻzbekiston Respublikasi rezidentlari, xususan Oʻzbekiston Respublikasi fuqarosi boʻlgan yakka tartibdagi tadbirkor maqomiga ega jismoniy shaxslar hamda ustav kapitali (jamgʻarmasi)da Oʻzbekiston Respublikasi fuqarosi boʻlgan jismoniy shaxsning ulushi 70 va undan ortiq foizga ega boʻlgan yuridik shaxslar. 4. Ruxsat etish tartib-taomillari sohasidagi vakolatli organ: Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi 5. Ruxsat etish xususiyatiga ega hujjatni olish uchun taqdim qilinadigan hujjatlar: Auksion savdolari natijalari boʻyicha bayonnoma asosida ruxsatnoma beriladi 6. Arizani koʻrib chiqish uchun toʻlanadigan yigʻim miqdori: Yigʻim undirilmaydi 7. Ruxsat etish xususiyatiga ega hujjat berilganligi uchun undiriladigan yigʻim miqdori: Yigʻim undirilmaydi 8. Arizani koʻrib chiqish muddati: 3 kun 9. Ruxsat etishga oid talab va shartlar: Qimmatbaho metallarni oltin izlovchilar usulida qazib olishning ruxsat etilgan usullari va vositalari, shuningdek, foydalaniladigan asbob-uskunalar, mexanizmlar va texnikaga qoʻyiladigan talablar; qazib olingan qimmatbaho metallarga egalik qilish huquqi; yer qaʼri uchastkalaridan foydalanishning cheklanishi, toʻxtatib qoʻyilishi yoki muddatidan oldin toʻxtatilishi mumkin boʻlgan shartlar; yer qaʼri uchastkasidan foydalanish huquqi tugatilgandan soʻng yer qaʼridan foydalanuvchilar zimmasiga yer qaʼri uchastkalarini rekultivatsiya qilish va ularni keyinchalik foydalanish uchun yaroqli holatga keltirish. 10. Ruxsat etish xususiyatiga ega hujjatni berishda kelishiladigan organlar: Mavjud emas 11. Ruxsat etish xususiyatiga ega hujjatning amal qilish muddati: 3 yil 12. Izoh: Qimmatbaho metallarni oltin izlovchilar usulida qazib olish faoliyatini amalga oshirish uchun ishonchli, aniq konturlari va chegaralari koʻrsatilgan yer qaʼri uchastkalari va maydonlari, shu jumladan, oʻlchamlari 5 gektargacha boʻlgan sochma oltin konlari beriladi. Qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqi uchun ruxsatnomalarga faqat Oʻzbekiston Respublikasi rezidentlari, xususan Oʻzbekiston Respublikasi fuqarosi boʻlgan yakka tartibdagi tadbirkor maqomiga ega jismoniy shaxslar hamda ustav kapitali (jamgʻarmasi)da Oʻzbekiston Respublikasi fuqarosi boʻlgan jismoniy shaxsning ulushi 70 va undan ortiq foizga ega boʻlgan yuridik shaxslar talabgor boʻlishi mumkin. Bunda bitta talabgorga ruxsatnoma asosida berilgan yer qaʼri uchastkalarining umumiy maydoni yil davomida 20 gektardan oshmasligi lozim. Ruxsatnomani yoki yer qaʼri uchastkasidan (toʻliq yoki qisman) foydalanish huquqini uchinchi shaxsga berish (topshirish), shuningdek, bitta yer qaʼri uchastkasidan foydalanish huquqiga ruxsatnomani bir necha shaxsga berishga yoʻl qoʻyilmaydi.

Qimmatbaho metallarni oltin izlovchilar usulida qazib olish faoliyatini amalga oshirish tartibi toʻgʻrisida Nizomga 4-ILOVA

“Litsenziya” axborot tizimi orqali qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkasidan foydalanish huquqiga oid ruxsatnomani qayta rasmiylashtirish uchun

1.1. Davlat roʻyxatidan oʻtganligi toʻgʻrisidagi guvohnomaga muvofiq toʻliq nomi: (yuridik shaxslar uchun) 1.2. F.I.O. (jismoniy shaxslar uchun) 2. Manzili, telefon raqami, elektron pochtasi: 3. Yer qaʼri uchastkasidan foydalanish huquqi uchun ruxsatnomani qayta rasmiylashtirish sabablari: 4. Arizani koʻrib chiqish uchun bazaviy hisoblash miqdorining ikki barobar miqdoridagi toʻlov.

Vazirlar Mahkamasining 2022-yil 25-martdagi 133-son qaroriga 4-ILOVA

Yer qaʼri boʻyicha geologik materiallarning loyiha-smeta hujjatlarining davlat ekspertizasi xulosasini berishning

1-bob. Umumiy qoidalar

1. Ushbu Reglament yuridik shaxslarga yer qaʼri boʻyicha geologik materiallarning loyiha-smeta hujjatlarining davlat ekspertizasi xulosasini (keyingi oʻrinlarda — ekspert xulosasi) “Litsenziya” axborot tizimi yoki Yagona interaktiv davlat xizmatlari portali (keyingi oʻrinlarda — YIDXP) orqali berish tartibini belgilaydi.

2. Ushbu Reglamentning asosiy maqsadi loyiha-smeta hujjatlarini tasdiqlash va keyinchalik Davlat geologiya fondidan roʻyxatdan oʻtkazish uchun ekspert xulosasini berish bilan bogʻliq jarayonlar va tartiblarni soddalashtirishdan iborat.

3. Ushbu Reglamentda quyidagi asosiy tushunchalar qoʻllaniladi:

ariza beruvchi — ekspert xulosasini olish uchun elektron ariza bergan yuridik shaxs;

geologik topshiriq — geologiya qidiruv ishlarini loyihalashtirish va natijalarini qabul qilish uchun asosiy hujjat hisoblanib, unda ishni tashkil qilish va rejalashtirish, foydali qazilma turi, hududning nomi va joylashgan joyi, ishning nomi, geologik topshiriqlar uchun asos, ishning maqsadi, hududning chegaralari, asosiy prognoz parametrlari, geologik vazifalarning ketma-ketligi va ularni hal qilishning asosiy usullari, kutilayotgan natijalar va ishning bajarilish muddatlari koʻrsatiladi;

texnik topshiriq — buyurtmachi yoki investor tomonidan pudratchiga muhandislik-geologik tadqiqotlar oʻtkazish uchun beriladigan hujjat boʻlib, turli xildagi uchastkalarda foydali qazilmalarni qidirish, loyihani boshlash uchun ishchi hujjatlar loyihasini yaratish va rasmiylashtirishni oʻz ichiga oladi.

4. Ekspert xulosasi Oʻzbekiston Respublikasi Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi (keyingi oʻrinlarda — Yer qaʼridan foydalanish markazi) tomonidan “Litsenziya” axborot tizimi yoki YIDXP orqali beriladi.

5. Ekspert xulosasining amal qilish muddati geologik yoki texnik topshiriqqa muvofiq tuzilgan loyihada koʻrsatilgan davr uchun beriladi.

6. Ekspert xulosasi mazkur Reglamentga 1-ilovaga muvofiq sxema asosida beriladi.

Yer qaʼri boʻyicha geologik materiallarning loyiha-smeta hujjatlarining davlat ekspertizasi xulosasini berish 2-ilovaga muvofiq tasdiqlansin.

2-bob. Ekspert xulosasini berish tartibi

7. Ekspert xulosasini olish uchun ariza beruvchi Yer qaʼridan foydalanish markaziga “Litsenziya” axborot tizimi yoki YIDXP orqali loyiha-smeta hujjatlarining elektron shaklini geologik ekspertiza tekshiruvidan oʻtkazish uchun taqdim etadi.

Mineral xom ashyo bazasini rivojlantirish va qayta toʻldirish davlat dasturlari doirasida geologik loyiha-smeta hujjatlari boʻyicha ekspert xulosasini olish uchun Yer qaʼridan foydalanish markaziga toʻgʻridan-toʻgʻri murojaat qiladi.

Geologiya qidiruv ishlari va uglevodorod xom ashyo uchun neft quduqlarini burgʻilash loyihasi va smetasi hamda ilmiy-tadqiqot, tajriba-metodik va tajriba-konstruktor ishlari dasturlari taqdim etiladi.

8. Loyiha-smeta hujjatlari ariza beruvchi tomonidan elektron raqamli imzo bilan tasdiqlangan boʻlishi kerak.

9. Loyihaga quyidagilar ilova qilinishi kerak:

tasdiqlangan geologik yoki texnik topshiriq;

korxona rahbari tomonidan tasdiqlangan korxona ilmiy kengashining bayonnomasi;

loyihaning “Mehnatni muhofaza qilish va texnika xavfsizligi choralari boʻlimlari”;

grafik ilovalar.

10. Smetaga quyidagilar ilova qilinishi kerak:

xodimlarning ish haqi stavkasi boʻyicha sarflarning toʻliq shakli maʼlumotnomasi;

transport xarajatlari va dala ishlari xarajatlari toʻgʻrisida maʼlumotnoma;

xarajatlar davri koeffitsiyenti va standart foyda (10 foizi);

boshqa ishlab chiqarish xarajatlari koeffitsiyenti;

joriy yil uchun geologiya qidiruv ishlari dasturi.

11. Yer qaʼridan foydalanish markaziga yuridik shaxslar tomonidan taqdim qilingan loyiha-smeta hujjatlariga ekspert xulosasini berish shartnoma asosida amalga oshiriladi.

Bunda bitta loyihaning ekspertizasi uchun xarajatlar loyihaning bir foizgacha boʻlgan qiymatida hisoblanadi. Ushbu qiymat shartnoma asosida toʻliq Yer qaʼridan foydalanish markazining hisobvaragʻiga oʻtkaziladi.

Ekspertiza xulosasini berishdan tushgan mablagʻlar Yer qaʼridan foydalanish markazining moddiy-texnik bazasini mustahkamlash, ishchi-xodimlarini ragʻbatlantirish va ularning malakasini oshirishga maqsadli yoʻnaltiriladi.

Davlat xizmatlarini koʻrsatish uchun bazaviy hisoblash miqdorining 30 foizi miqdorida yigʻim undiriladi.

Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;

11,25 foizi Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.

Yer qaʼridan foydalanish markazi yetti kun muddatda shartnomani ariza beruvchiga “Litsenziya” axborot tizimi orqali taqdim etadi.

Ariza beruvchi oʻn kun muddatda shartnomada koʻrsatilgan pul mablagʻini Yer qaʼridan foydalanish markazining hisobvaragʻiga oʻtkazadi va oʻtkazilganligini tasdiqlovchi hujjatni “Litsenziya” axborot tizimi orqali taqdim qiladi.

12. Yer qaʼridan foydalanish markazi besh kun muddatda loyiha-smeta hujjatlari loyihasini Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasiga kelishish uchun “Litsenziya” axborot tizimi orqali yuboradi.

Togʻ-kon, geologiya va sanoat xavfsizligini nazorat qilish inspeksiyasi uch kun muddatda loyiha-smeta hujjatlari loyihasini koʻrib chiqadi va kelishilgan loyihani “Litsenziya” axborot tizimi orqali Yer qaʼridan foydalanish markaziga yuboradi.

Yer qaʼridan foydalanish markazi besh kun muddatda loyiha-smeta hujjatlarini koʻrib chiqadi va natijasi boʻyicha ariza beruvchiga ekspert xulosasini “Litsenziya” axborot tizimi yoki YIDXP orqali yuboradi.

13. Ekspertizaga yuborilgan loyiha-smeta hujjatlarida kamchiliklar boʻlgan taqdirda, bu haqida ariza beruvchiga “Litsenziya” axborot tizimi yoki YIDXP orqali xabar beriladi. Kamchiliklar bartaraf etilgandan keyin loyiha-smeta hujjatlari Yer qaʼridan foydalanish markaziga “Litsenziya” axborot tizimi yoki YIDXP orqali taqdim etiladi. Loyiha ekspertiza qilish uchun qabul qilingan sana loyiha-smeta hujjatlari qabul qilingan sana hisoblanadi.

14. Loyiha-smeta hujjatlari koʻrib chiqish jarayonida aniqlangan va yetishmayotgan maʼlumotlar koʻrsatilgan holda boshqa hujjatlar bilan 10 kun ichida “Litsenziya” axborot tizimi yoki YIDXP orqali Yer qaʼridan foydalanish markaziga taqdim etilishi kerak.

15. Hududning loyiha-smeta hujjatlarini koʻrib chiqish muddati uning murakkabligi va hajmiga qarab belgilanadi, biroq ushbu muddat loyiha-smeta hujjatlari olingan kundan boshlab 30 kundan oshmasligi kerak.

16. Loyiha-smeta hujjatlarini koʻrib chiqish natijalari asosida ekspert xulosasi rasmiylashtiriladi.

Ekspert xulosasi ariza beruvchiga “Litsenziya” axborot tizimi yoki YIDXP orqali yuboriladi.

17. Agar taqdim etilgan loyiha-smeta hujjatlari Yer qaʼridan foydalanish markazi tomonidan tasdiqlangan yoʻriqnoma va smeta normalar toʻplamlariga muvofiq tayyorlanmagan, hujjatlarning sifati qoniqarsiz boʻlsa, loyiha-smeta hujjatlari qayta koʻrib chiqish uchun ariza beruvchiga dastlabki ekspert xulosasi asosida qaytariladi.

18. Dastlabki ekspert xulosasida kamchiliklarning mohiyati koʻrsatiladi. Ekspertiza xulosalaridan kelib chiqib ariza beruvchi zarur oʻzgartirish va qoʻshimchalarni kiritadi va loyiha-smeta hujjatlarini qayta koʻrib chiqish uchun “Litsenziya” axborot tizimi orqali taqdim etadi.

19. Yer qaʼridan foydalanish markazi 15 kun ichida loyiha-smeta hujjatlariga kiritilgan oʻzgartish va qoʻshimchalarni koʻrib chiqadi, yakuniy ekspert xulosasini tuzadi va ushbu loyiha ariza beruvchining oʻzlarining Ilmiy-texnik kengashi boʻlimida muhokama qilinib tasdiqlanadi.

20. Ariza beruvchining loyiha-smeta hujjatlari ekspertizasi natijalaridan kelib chiqadigan bahsli masalalar Yer qaʼridan foydalanish markazining tegishli boʻlimlarida koʻrib chiqiladi.

21. Bahsli masalalarni koʻrib chiqish natijalari Yer qaʼridan foydalanish markazining ilmiy-texnik kengashi boʻlimining bayonnomalari bilan rasmiylashtiriladi. Yer qaʼridan foydalanish markazi ilmiy-texnik kengashi boʻlimi qarorining ijrosi mualliflar va ekspertlar uchun majburiydir.

22. Uchinchi tomon tashkilotlarining loyiha-smeta hujjatlari ekspertizasi natijalaridan kelib chiqadigan bahsli masalalar Yer qaʼridan foydalanish markazi ilmiy-texnik kengashining qoʻshma majlisida koʻrib chiqiladi. Qoʻshma yigʻilish qarori ijrosi har ikki tomon uchun ham majburiydir.

23. Yer qaʼridan foydalanish markazi ilmiy-texnik kengashi qoʻshma majlisining qarori hisobga olingan holda ekspert xulosasi qayta koʻrib chiqilishi mumkin.

3-bob. Ekspert xulosasini berish talablari va shartlari

24. Loyiha-smeta hujjatlari loyihalari Togʻ-kon sanoati va geologiya vazirligi tomonidan tasdiqlanadigan Geologiya-qidiruv ishlariga loyiha va smetalar tuzish boʻyicha yoʻriqnoma, Geologiya qidiruv uchun smeta normalari toʻplamlari va boshqa normativ-texnik hujjatlarga muvofiq tuzilishi kerak.

25. Neft va gaz quduqlari qurilishining loyiha-smeta hujjatlari Energetika vazirligi va “Oʻzbekneftgaz” AJ tomonidan tasdiqlanadigan normativ-texnik hujjatlarga muvofiq tuzilishi kerak.

26. Qidiruv xarajatlarini hisoblash Togʻ-kon sanoati va geologiya vazirligi tomonidan tasdiqlanadigan loyiha-smeta hujjatlari Qidiruv xarajatlarini amaldagi narxlarda hisoblash tartibi toʻgʻrisidagi yoʻriqnoma, Qidiruv xarajatlarini joriy narxlarda hisoblash tartibi toʻgʻrisidagi yoʻriqnoma va boshqa normativ-texnik hujjatlarga muvofiq amalga oshirilishi kerak.

27. Loyiha-smeta hujjatlarining smeta qiymati Togʻ-kon sanoati va geologiya vazirligi tomonidan tasdiqlanadigan smeta narxlari toʻplamida nazarda tutilgan Geologiya qidiruv ishlari narxlarini joriy narxlarda hisoblashning avtomatlashtirilgan dasturlari metodik qoʻllanmasiga va boshqa normativ-texnik hujjatlarga asosan hisoblanadi.

28. Smeta narxlarining toʻplamida koʻzda tutilmagan ishlarning qiymatlari smeta va moliyaviy hisob-kitob boʻyicha hisoblanadi.

29. Agar neft quduqlarini qurish loyihalari uchun smeta hujjatlarini ishlab chiqishga hojat boʻlmasa (qaror buyurtmachi tomonidan belgilangan tartibda qabul qilinadi), ish loyihasini ekspertiza oʻtkazish uchun smeta hisobisiz taqdim etishga ruxsat beriladi.

30. Yer qaʼridan foydalanish markazi tomonidan tasdiqlangan yoʻriqnoma va smeta normalar toʻplamlari Yer qaʼridan foydalanish markazining rasmiy veb-saytida joylashtiriladi.

31. Loyiha-smeta hujjatlari Oʻzbekiston Respublikasi Togʻ-kon sanoati va geologiya vazirligi tomonidan hudud uchun tasdiqlangan geologik, texnik topshiriqqa, tadqiqotning mukammalligiga (topshiriqni bajarish uchun zarur boʻlgan barcha turdagi ishlar kiritilishi), boshqa yoʻriqnoma va normativ hujjatlar talablariga muvofiqligini aniqlash hamda ilgari bajarilgan ishlar takrorlanishining oldini olish uchun koʻrib chiqiladi.

4-bob. Yakunlovchi qoidalar

32. Ariza beruvchilar tayyorlagan va Yer qaʼridan foydalanish markaziga taqdim etilgan loyiha-smeta hujjatlarining ishonchliligi va qonunchilik hujjatlariga mosligi uchun javobgardirlar.

33. Ushbu Reglamentning talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Yer qaʼri boʻyicha geologik materiallarning loyiha-smeta hujjatlarining davlat ekspertizasi xulosasini berish maʼmuriy Reglamentiga 1-ILOVA

Geologik loyihalarni ekspertizadan oʻtkazish

Bosqichlar Subyektlar Tadbirlar Muddatlari 1-bosqich Ariza beruvchi Yer qaʼridan foydalanish markaziga “Litsenziya” axborot tizimi orqali loyiha-smeta hujjatlarini geologik ekspertiza tekshiruvidan oʻtkazish uchun taqdim etadi. Xohishga koʻra 2-bosqich Yer qaʼridan foydalanish markazi Shartnomani ariza beruvchiga “Litsenziya” axborot tizimi yoki YIDXP orqali taqdim etadi. 7 kun 3-bosqich Ariza beruvchi Shartnomada koʻrsatilgan pul mablagʻini Yer qaʼridan foydalanish markazining hisob varagʻiga oʻtkazadi va oʻtkazilganligini tasdiqlovchi hujjatni “Litsenziya” axborot tizimi yoki YIDXP orqali maʼlum qiladi. 10 kun 4-bosqich Yer qaʼridan foydalanish markazi Geologik qidiruv ishlari loyihasini Inspeksiyaga kelishish uchun “Litsenziya” axborot tizimi yoki YIDXP orqali yuboradi. 5 kun 5-bosqich Inspeksiya Geologik qidiruv ishlari loyihasini koʻrib chiqadi va kelishilgan loyihani “Litsenziya” axborot tizimi yoki YIDXP orqali Yer qaʼridan foydalanish markaziga yuboradi. 3 kun 6-bosqich Yer qaʼridan foydalanish markazi Geologik qidiruv ishlari loyiha-smetasini koʻrib chiqish natijalari boʻyicha ariza beruvchiga ekspert xulosasini “Litsenziya” axborot tizimi yoki YIDXP orqali yuboradi. 5 kun

Yer qaʼri boʻyicha geologik materiallarning loyiha-smeta hujjatlarining davlat ekspertizasi xulosasini berish maʼmuriy Reglamentiga 2-ILOVA

Yer qaʼri boʻyicha geologik materiallarning loyiha-smeta hujjatlarining davlat ekspertizasi xulosasini berish

1. Ruxsat etish xususiyatiga ega hujjatning nomi: Yer qaʼri boʻyicha geologik materiallarning loyiha-smeta hujjatlarining davlat ekspertizasi xulosasini berish 2. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar): Yer qaʼri uchastkalarida geologik ishlarni amalga oshirish 3. Ariza beruvchilar toifasi: Yuridik shaxs 4. Ruxsat etish tartib-taomillari sohasidagi vakolatli organ: Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi 5. Ruxsat etish xususiyatiga ega hujjatni olish uchun taqdim qilinadigan hujjatlar: Yer qaʼri boʻyicha geologik materiallarning loyiha-smeta hujjatlari. a) loyihaga quyidagilar ilova qilinishi kerak: tasdiqlangan geologik yoki texnik topshiriq; korxona rahbari tomonidan tasdiqlangan korxona ilmiy kengashining bayonnomasi; loyihaning “Mehnatni muhofaza qilish va texnika xavfsizligi choralari boʻlimlari”; grafik ilovalar. b) Smetaga quyidagilar ilova qilinishi kerak: xodimlarning ish haqi stavkasi boʻyicha sarflarning toʻliq shakli maʼlumotnomasi; transport xarajatlari va dala ishlari xarajatlari toʻgʻrisida maʼlumotnoma; xarajatlar davri koeffitsiyenti va standart foyda (10 foizi); boshqa ishlab chiqarish xarajatlari koeffitsiyenti; joriy yil uchun geologiya qidiruv ishlari dasturi. 6. Arizani koʻrib chiqish uchun undiriladigan yigʻim miqdori: Bazaviy hisoblash miqdorining 30 foizi . 7. Ruxsat etish xususiyatiga ega hujjat berilganligi uchun undiriladigan yigʻim miqdori: Loyihaning bir foizgacha boʻlgan qiymati. Ushbu qiymat shartnoma asosida toʻliq Yer qaʼridan foydalanish markazining hisob varagʻiga oʻtkaziladi. 8. Arizani koʻrib chiqish muddati: 30 kun 9. Ruxsat etishga oid talab va shartlar: Loyiha-smeta hujjatlari loyihalari Togʻ-kon sanoati va geologiya vazirligi tomonidan tasdiqlanadigan Geologiya-qidiruv ishlariga loyiha va smetalar tuzish boʻyicha yoʻriqnoma, Geologiya qidiruv uchun smeta normalar toʻplamlari va boshqa normativ-texnik hujjatlarga muvofiq tuzilishi kerak. Neft va gaz quduqlari qurilishining loyiha-smeta hujjatlari Energetika vazirligi va “Oʻzbekneftgaz” AJ tomonidan tasdiqlanadigan normativ-texnik hujjatlarga muvofiq tuzilishi kerak . Qidiruv xarajatlarini hisoblash Togʻ-kon sanoati va geologiya vazirligi tomonidan tasdiqlanadigan loyiha-smeta hujjatlari Qidiruv xarajatlarini amaldagi narxlarda hisoblash tartibi toʻgʻrisidagi yoʻriqnoma, Qidiruv xarajatlarini joriy narxlarda hisoblash tartibi toʻgʻrisidagi yoʻriqnoma va boshqa normativ-texnik hujjatlarga muvofiq amalga oshirilishi kerak . Loyiha-smeta hujjatlarining smeta qiymati Togʻ-kon sanoati va geologiya vazirligi tomonidan tasdiqlanadigan smeta narxlari toʻplamida nazarda tutilgan Geologiya qidiruv ishlari narxlarini joriy narxlarda hisoblashning avtomatlashtirilgan dasturlari metodik qoʻllanmasiga va boshqa normativ-texnik hujjatlarga asosan hisoblanad i. 10. Ruxsat etish xususiyatiga ega hujjatni berishda kelishiladigan organlar: Mavjud emas 11. Ruxsat etish xususiyatiga ega hujjatning amal qilish muddati: Ekspert xulosasining amal qilish muddati geologik yoki texnik topshiriqqa muvofiq tuzilgan loyihada koʻrsatilgan davr uchun beriladi 12. Izoh: Togʻ-kon sanoati va geologiya vazirligi tomonidan tasdiqlangan yoʻriqnoma va smeta normalar toʻplamlari Togʻ-kon sanoati va geologiya vazirligining rasmiy veb-saytida joylashtiriladi. Loyiha-smeta hujjatlari Togʻ-kon sanoati va geologiya vazirligi tomonidan hudud uchun tasdiqlangan geologik, texnik topshiriqqa, tadqiqotning mukammalligiga (topshiriqni bajarish uchun zarur boʻlgan barcha turdagi ishlar kiritilishi), boshqa yoʻriqnoma va normativ hujjatlar talablariga muvofiqligini aniqlash hamda ilgari bajarilgan ishlar takrorlanishining oldini olish uchun koʻrib chiqiladi.

Vazirlar Mahkamasining 2022-yil 25-martdagi 133-son qaroriga 5-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2011-yil 25-maydagi 146-son qaroriga 2-ilovaga muvofiq tasdiqlangan Yer uchastkalari egalari, foydalanuvchilari, ijarachilari va mulkdorlariga yetkazilgan zararlar, qishloq xoʻjaligi va oʻrmon xoʻjaligi ishlab chiqarishi nobudgarchiliklariga, shuningdek, yerlarning qishloq xoʻjaligi muomalasidan chiqishiga sabab boʻlgan hollarda yetkazilgan zarar oʻrnini qoplash tartibi toʻgʻrisidagi nizomning 18-bandida :

quyidagi mazmundagi oʻninchi xatboshi qoʻshilsin:

“yer qaʼri uchastkalarida geologik qidiruv ishlarini amalga oshirish”;

oʻninchi — oʻn ikkinchi xatboshilar tegishincha oʻn birinchi — oʻn uchinchi xatboshilar deb hisoblansin.

4. Vazirlar Mahkamasining 2018-yil 23-maydagi 388-son qarori bilan tasdiqlangan Oʻzbekiston Respublikasi Davlat geologiya va mineral resurslar qoʻmitasi huzuridagi Foydali qazilmalar zaxiralari boʻyicha davlat komissiyasi toʻgʻrisidagi nizomda :

a) 1-bandi quyidagi tahrirda bayon etilsin:

“1. Ushbu Nizom yuridik shaxslar tomonidan taqdim etilgan foydali qazilmalar zaxiralarini hisoblab chiqishga oid materiallarni (yakuniy geologik hisobot) Oʻzbekiston Respublikasi Davlat geologiya va mineral resurslar qoʻmitasi huzuridagi Foydali qazilmalar zaxiralari boʻyicha davlat komissiyasida (keyingi oʻrinlarda Davlat komissiyasi deb ataladi) ekspertizadan oʻtkazib, natijada bayonnomani “Litsenziya” axborot tizimi yoki Oʻzbekiston Respublikasi Yagona interaktiv davlat xizmatlari portali orqali (keyingi oʻrinlarda YIDXP deb ataladi) berish tartibini, shuningdek, Davlat komissiyasining asosiy vazifalari, funksiyalari, huquqlari, javobgarligi va faoliyatining tashkiliy asoslarini belgilaydi”;

b) 6-band “b” kichik bandining toʻrtinchi xatboshidagi “litsenziya” soʻzi “ruxsatnoma” soʻzi bilan almashtirilsin.

v) quyidagi mazmundagi 28-band qoʻshilsin:

“28. Davlat komissiyasining 5 ta hududiy zaxiralar komissiyasi (keyingi oʻrinlarda HZK deb ataladi) mavjud. HZK keng tarqalgan foydali qazilmalar geologik materiallarini koʻrib chiqadi va ularning zaxiralarini belgilangan tartibda tasdiqlaydi.

Quyidagilar HZKning asosiy vazifalari hisoblanadi:

yer qaʼridan foydalanuvchilarning oʻz mablagʻlari hisobidan geologiya qidiruv ishlarini olib borishda aniqlangan, keng tarqalgan foydali qazilmalar zaxiralarini hisoblash uchun geologik materiallar va konditsiyalarni koʻrib chiqish;

foydali qazilmalar zaxiralarini hisoblash konditsiyalarni tasdiqlash;

yer qaʼridan foydalanuvchilarning oʻz mablagʻlari hisobidan geologiya qidiruv ishlarini amalga oshirishda aniqlangan va keng tarqalgan foydali qazilmalar zaxiralarini tasdiqlash.

HZKning nizomi va tarkibi Davlat komissiyasining raisi tomonidan tasdiqlanadi.

HZKga koʻrib chiqish uchun taqdim etilgan mineral-xom ashyo konditsiyalari, foydali qazilmalar zaxiralarini hisoblash uchun materiallar va boshqa geologik materiallar loyihalari Davlat komissiyasi ekspertlari tomonidan ekspertizadan oʻtkaziladi.

HZK tegishli blankalardan foydalanadi. HZK bayonnomalari ularning muhri bilan tasdiqlanadi”;

g) quyidagi mazmundagi 5-bob qoʻshilsin:

“5-bob. Davlat komissiyasining bayonnomasini taqdim etish tartibi

29. Davlat komissiyasining bayonnomasini olish uchun ariza beruvchi Davlat geologiya qoʻmitasiga “Litsenziya” axborot tizimi yoki YIDXP orqali hisobotning elektron shaklini Davlat komissiyasida koʻrib chiqish uchun taqdim etadi.

Davlat komissiyasining bayonnomasi ushbu Nizomga 1-ilovaga muvofiq sxema boʻyicha taqdim etiladi.

Davlat komissiyasining bayonnomasini taqdim etish pasporti 2-ilovaga muvofiq tasdiqlansin.

30. Hisobot ariza beruvchi tomonidan elektron raqamli imzo bilan tasdiqlangan boʻlishi kerak.

31. Materiallarning tuzilish shakli, ularni tekshirish, zarur boʻlganda zaxiralarni mualliflarning ishtirokisiz qayta hisoblash imkonini taʼminlashi kerak.

32. Hisobotning matnli qismi quyidagilardan tuzilgan boʻlishi kerak:

kirish;

konning geologik tuzilishi;

geologiya-qidiruv ishlarining uslubi, ularning samaradorligini baholash;

foydali qazilmalarning moddiy tarkibi va texnologik xususiyatlari;

konni oʻzlashtirishning gidrogeologik sharoitlari;

konni oʻzlashtirishning togʻ-kon-geologik shart-sharoitlari va kon-texnik oʻziga xosligi;

birga uchraydigan foydali qazilmalar;

atrof muhitni muhofaza qilish masalalari;

zaxiralarni hisoblash uchun konditsiyalarni texnik-iqtisodiy asoslash;

zaxiralarni hisoblash;

konni qidirib chamalash va oʻzlashtirish maʼlumotlarini qiyoslash;

sanoat miqyosida oʻzlashtirish uchun konning oʻrganilganlik va tayyorlanganlik darajasini baholash;

xulosa;

foydalanilgan adabiyotlar roʻyxati.

Matnli qism amalga oshirilgan ishlar natijalarining tahlilini, hisoblash parametrlarini, baholangan va qidirib chamalangan zaxiralarning ishonchliligini va konni (uchastkani) sanoatda oʻzlashtirishga tayyorlanganligini belgilovchi barcha masalalar boʻyicha chiqarilgan xulosalar asoslanishini oʻz ichiga olishi zarur.

Zaxiralarni hisoblash materiallari matnli qismining hajmi 120 — 150 bet bilan cheklanishi tavsiya qilinadi. Geologik tuzilishi murakkab boʻlgan obyektlar uchun ushbu hajm 170 — 200 betgacha koʻpaytirilishi mumkin.

Matnli qism hajmini qisqartirish uchun mualliflik konsepsiyasining asosiy maʼnosini yoritib beruvchi jadvallar va chizma materiallardan oqilona foydalanish tavsiya etiladi. Hisobotda keltiriladigan umumlashmalar va xulosalarning asosi boʻlgan yordamchi jadvalli materiallar ilovalarda joylashtiriladi.

Har bir boʻlimning hajmi mualliflar tomonidan mustaqil tarzda, oʻtkazilgan geologiya-qidiruv ishlarining maqsadlari va xususiyatlarini, koʻrilayotgan masalalarning murakkabligini va konni sanoat miqyosida oʻzlashtirish uchun tayyorlanganlik darajasini ishonchli geologik-iqtisodiy baholash uchun ularning ahamiyatidan kelib chiqqan holda belgilanadi.

Uslubi va uning natijalari ixtisoslashgan tashkilotlar tomonidan tuzilgan, mustaqil hisobotlarda bayon qilingan texnologik, gidrogeologik, muhandislik-geologik va boshqa maxsus tadqiqotlar turlari boʻyicha zaxiralarni hisoblash materiallarining matnli qismida faqat tadqiqotlarning uslubi, ishonchliligi baholangan holdagi umumlashtirilgan xulosalargina keltiriladi.

33. Hisobotning chizma ilovalari quyidagilardan tashkil topgan boʻlishi kerak:

kon hududidagi suv tarmoqlari, aloqa yoʻllari, aholi punktlari,

kon va boshqa foydali qazilma konlari tushirilgan 1:100000 — 1:200000 masshtabli izohli xaritasi. Oʻlchamlari kichik boʻlganda, u hisobotning matnli qismida (kirish) joylashtirilishi mumkin;

hudud, maʼdan maydoni va konning geologik tuzilishini aks ettiruvchi materiallar;

foydali qazilmalarning oʻrganilganlik darajasini, ularning zaxiralarini chegaralash va hisoblash usulini aks ettiruvchi grafik materiallar.

34. Hisobot bilan birgalikda konning oʻziga xos geologik tuzilishi va foydali qazilmalar zaxiralari hisobga olingan holda amalga oshirilgan geologiya-qidiruv ishlari natijalari toʻgʻrisidagi qisqacha maʼlumot taqdim qilinadi va ariza beruvchi tomonidan elektron raqamli imzo bilan tasdiqlanadi.

35. Davlat geologiya qoʻmitasiga yuridik shaxslar tomonidan taqdim qilingan hisobotni koʻrib chiqish va Davlat komissiyasi bayonnomasini berish shartnoma asosida amalga oshiriladi.

Shartnomada koʻrsatilgan toʻlov miqdori quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligi Yagona billing tizimi orqali tasdiqlanadi.

Davlat geologiya qoʻmitasi oʻn kun muddatda shartnomani ariza beruvchiga “Litsenziya” axborot tizimi orqali taqdim etadi.

36. Ariza beruvchi oʻn kun muddatda shartnomada koʻrsatilgan mablagʻni Davlat geologiya qoʻmitasining hisobvaragʻiga oʻtkazadi va oʻtkazilganligini tasdiqlovchi hujjatni “Litsenziya” axborot tizimi yoki YIDXP orqali taqdim etadi.

37. Davlat geologiya qoʻmitasi besh kun muddatda hisobotni Davlat komissiyasining ekspertiga koʻrib chiqish uchun taqdim etadi.

38. Davlat komissiyasining eksperti 30 kundan oshmagan muddatda foydali qazilmalar zaxiralarini hisoblab chiqishga oid materiallarni (yakuniy geologik hisobot) koʻrib chiqib, Davlat geologiya qoʻmitasiga ekspert xulosasini taqdim etadi.

39. Davlat geologiya qoʻmitasi Davlat komissiyasi ekspertining ijobiy xulosasi olingandan soʻng besh kun mobaynida hisobotni Davlat komissiyasida koʻrib chiqish uchun Davlat komissiyasining bayonnomasi loyihasini tayyorlaydi.

Davlat geologiya qoʻmitasi foydali qazilmalar zaxiralarini hisoblab chiqishga oid materiallar yetarli boʻlmaganda va Davlat komissiyasi ekspertlari tomonidan salbiy xulosa olingan taqdirda, aniqlangan xato va kamchiliklarni bartaraf etish uchun ekspertlar xulosalarini 3 kun muddatda “Litsenziya” axborot tizimi yoki YIDXP orqali ariza beruvchiga yuboradi.

40. Davlat komissiyasi 10 kun muddatda Davlat komissiyasining yigʻilish kunini belgilaydi va hisobotni yigʻilishda koʻrib chiqadi.

41. Davlat geologiya qoʻmitasi 5 kun muddatda Davlat komissiyasining tasdiqlangan bayonnomasini “Litsenziya” axborot tizimi yoki YIDXP orqali ariza beruvchiga yuboradi.

42. Davlat komissiyasining bayonnomasi quyidagi talablar va shartlar asosida beriladi:

Davlat komissiyasining 2015-yil 3-apreldagi 227-son bayonnomasi bilan tasdiqlangan Metall va nometall foydali qazilmalar zaxiralarini hisoblashga oid materiallarning tarkibi, rasmiylashtirilishi va ularni Davlat komissiyasiga taqdim qilish tartibi toʻgʻrisidagi yoʻriqnomaga muvofiq;

Davlat komissiyasining 2015-yil 13-noyabrdagi 268-son bayonnomasi bilan tasdiqlangan Neft va yonuvchi gazlarning kon zaxiralari, istiqbolli va prognoz resurslari tasnifiga muvofiq;

Davlat komissiyasining 2018-yil 18-avgustdagi 28-son bayonnomasi bilan tasdiqlangan Qattiq foydali qazilmalar konlarida yoʻldosh foydali qazilmalar va ular bilan bogʻliq foydali komponentlarni oʻrganish tartibi toʻgʻrisidagi nizomga muvofiq.

43. Davlat komissiyasi tomonidan tasdiqlangan normativ-huquqiy hujjatlar roʻyxati Davlat geologiya qoʻmitasining rasmiy veb-saytida joylashtiriladi”;

d) Nizomning 5-bobi quyidagi mazmundagi 6-bob bilan almashtirilsin:

“6-bob. Yakunlovchi qoidalar

44. Ariza beruvchilar tayyorlagan va Davlat geologiya qoʻmitasiga taqdim etilgan hisobot va uning ilovalarining ishonchliligi hamda qonunchilik hujjatlariga mosligi uchun javobgardirlar.

45. Ushbu Nizomning talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar”;

e) quyidagi mazmundagi 1-ilova qoʻshilsin:

“Oʻzbekiston Respublikasi Davlat geologiya va mineral resurslar qoʻmitasi huzuridagi Foydali qazilmalar zaxiralari boʻyicha davlat komissiyasi toʻgʻrisidagi nizomga 1-ILOVA

Davlat komissiyasining bayonnomasini berish

Bosqichlar Subyektlar Tadbirlar Muddatlari 1-bosqich Ariza beruvchi Davlat komissiyasiga “Litsenziya” axborot tizimi yoki YIDXP orqali foydali qazilmalar zaxiralarini hisoblab chiqishga oid materiallarni (yakuniy geologik hisobot) Davlat komissiyasida koʻrib chiqish uchun taqdim etadi. Xohishga koʻra 2-bosqich Davlat komissiyasi Shartnomani ariza beruvchiga “Litsenziya” axborot tizimi yoki YIDXP orqali taqdim etadi. 10 kunda 3-bosqich Ariza beruvchi Shartnomada koʻrsatilgan mablagʻni Davlat geologiya qoʻmitasining hisobraqamiga oʻtkazadi va oʻtkazilganligini tasdiqlovchi hujjatni “Litsenziya” axborot tizimi yoki YIDXP orqali taqdim etadi. 10 kunda 4-bosqich Davlat komissiyasi Foydali qazilmalar zaxiralarini hisoblab chiqishga oid materiallarni (yakuniy geologik hisobot) Davlat komissiyasi ekspertiga koʻrib chiqish uchun taqdim etadi. 5 kunda 5-bosqich Davlat komissiyasi eksperti Foydali qazilmalar zaxiralarini hisoblab chiqishga oid materiallarni (yakuniy geologik hisobot) koʻrib chiqib, Davlat komissiyasiga ekspert xulosasini taqdim etadi. 30 kunda 6-bosqich Davlat komissiyasi Davlat komissiyasi ekspertining ijobiy xulosasi olingandan soʻng foydali qazilmalar zaxiralarini hisoblab chiqishga oid materiallar (yakuniy geologik hisobot) Davlat komissiyasida koʻrib chiqish uchun Davlat komissiyasining bayonnomasi loyihasini tayyorlaydi. 5 kunda Foydali qazilmalar zaxiralarini hisoblab chiqishga oid materiallar yetarli boʻlmaganda va Davlat komissiyasi ekspertlari tomonidan salbiy xulosa olingan taqdirda, aniqlangan xato va kamchiliklarni bartaraf etish uchun ekspertlar xulosalarni “Litsenziya” axborot tizimi yoki YIDXP orqali ariza beruvchiga yuboradi. 3 kunda 7-bosqich Davlat komissiyasi Davlat komissiyasining yigʻilish kunini belgilaydi va foydali qazilmalar zaxiralarini hisoblab chiqishga oid materiallarni (yakuniy geologik hisobot) yigʻilishda koʻrib chiqadi. 10 kunda 8-bosqich Davlat komissiyasi Davlat komissiyasi aʼzolari bilan kelishilgan va uning raisi tomonidan tasdiqlangan bayonnomani “Litsenziya” axborot tizimi yoki YIDXP orqali ariza beruvchiga yuboradi. 5 kunda ”;

j) quyidagi mazmundagi 2-ilova qoʻshilsin:

“Oʻzbekiston Respublikasi Davlat geologiya va mineral resurslar qoʻmitasi huzuridagi Foydali qazilmalar zaxiralari boʻyicha davlat komissiyasi toʻgʻrisidagi nizomga 2-ILOVA

Davlat komissiyasining bayonnomasini berish

1. Ruxsat etish xususiyatiga ega hujjatning nomi: Davlat komissiyasining bayonnomasi. 2. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar): Davlat komissiyasi yigʻilishida foydali qazilmalar zaxiralarini tasdiqlash va Davlat balansiga qoʻyish. 3. Ariza beruvchilar toifasi: Yuridik shaxs. 4. Ruxsat etish tartib-taomillari sohasidagi vakolatli organ: Davlat komissiyasi. 5. Ruxsat etish xususiyatiga ega hujjatni olish uchun taqdim qilinadigan hujjatlar: Foydali qazilmalar zaxiralarini hisoblab chiqishga oid materiallar (yakuniy geologik hisobot) 1. Hisobotning matni. 2. Hisobotning chizma ilovalari. 3. Konning oʻziga xos geologik tuzilishi va foydali qazilmalar zaxiralarini hisobga olingan holda amalga oshirilgan geologiya-qidiruv ishlari natijalari toʻgʻrisida qisqacha maʼlumot. 6. Arizani koʻrib chiqish uchun toʻlanadigan yigʻim miqdori: Hisobotni Davlat komissiyasi yigʻilishida koʻrib chiqish hamda Davlat komissiyasi bayonnomasini ariza beruvchiga topshirish shartnoma asosida amalga oshiriladi. 7. Ruxsat etish xususiyatiga ega hujjat berilganligi uchun undiriladigan yigʻim miqdori: Hisobotni koʻrib chiqish uchun toʻlov miqdori koʻrilayotgan konning geologik tuzilishi murakkabligidan kelib chiqqan holda aniqlanadi. 8. Arizani koʻrib chiqish muddati: Davlat komissiyasiga taqdim etilgan materiallarni koʻrib chiqish muddati uch oydan oshmasligi kerak. 9. Ruxsat etishga oid talab va shartlar: Davlat komissiyasining 2015-yil 3-apreldagi 227-son bayonnomasi bilan tasdiqlangan Metall va nometall foydali qazilmalar zaxiralarini hisoblashga oid materiallarning tarkibi, rasmiylashtirilishi va ularni Davlat komissiyasiga taqdim qilish tartibi toʻgʻrisidagi yoʻriqnoma . Davlat komissiyasining 2015-yil 13-noyabrdagi 268-son bayonnomasi bilan tasdiqlangan Neft va yonuvchi gazlarning kon zaxiralari, istiqbolli va prognoz resurslari tasnifi . Davlat komissiyasining 2018-yil 18-avgustdagi 28-son bayonnomasi bilan tasdiqlangan Qattiq foydali qazilmalar konlarida yoʻldosh foydali qazilmalar va ular bilan bogʻliq foydali komponentlarni oʻrganish tartibi toʻgʻrisidagi nizom. 10. Ruxsat etish xususiyatiga ega hujjatni berishda kelishiladigan organlar: Mavjud emas. 11. Ruxsat etish xususiyatiga ega hujjatning amal qilish muddati: Doimiy. 12. Izoh: Davlat komissiyasi tomonidan tasdiqlangan normativ-huquqiy hujjatlar Davlat geologiya qoʻmitasining rasmiy veb-saytida joylashtiriladi. ”.

6. Vazirlar Mahkamasining “Yer qaʼrini geologik oʻrganish, foydalanish va muhofaza qilish sohasidagi boshqaruv va nazorat qilish tizimini yanada takomillashtirish toʻgʻrisida” 2018-yil 4-dekabrdagi 983-son qarorida :

barcha matnlari boʻyicha tegishli son va kelishikdagi “kon ajratish” va “kon ajratmasi” soʻzlari tegishli son va kelishikdagi “kon ajratmasi ajratish dalolatnomasi” soʻzi bilan almashtirilsin;

a) qarorga 1-ilovada :

2-banddagi “litsenziyada” soʻzi “ruxsatnomada” soʻzi bilan almashtirilsin;

3-bandda :

birinchi xatboshidagi “litsenziyaga” soʻzi “ruxsatnomaga” soʻzi bilan almashtirilsin;

5-banddagi “litsenziyasiz” soʻzi “ruxsatnomasiz” soʻzi bilan almashtirilsin;

6 — 8-bandlardagi “litsenziya” soʻzi “ruxsatnoma” soʻzi bilan almashtirilsin;

9-banddagi “Davlat geologiya va mineral resurslari qoʻmitasi tomonidan uch yildan ortiq boʻlmagan muddatga beriladigan litsenziya” soʻzlari “Davlat geologiya va mineral resurslari qoʻmitasi tomonidan “Litsenziya” axborot tizimi orqali uch yildan ortiq boʻlmagan muddatga beriladigan ruxsatnoma” soʻzlari bilan almashtirilsin;

12 va 13-bandlar quyidagi tahrirda bayon etilsin:

“12. Foydali qazilmalarni kavlab oluvchi va foydali qazilmalar konlarini ishlatuvchi korxonalarni qurish uchun yer uchastkasiga kon ajratmasi dalolatnomasi berilgandan keyin mahalliy ijro etuvchi hokimiyat organlarining yer uchastkasini ajratish toʻgʻrisidagi qarori talab etilmaydi.

Kon ajratmasi dalolatnomasi yer uchastkasi ajratilganligini tasdiqlovchi hujjatdir.

Uran va uglevodorod konlari boʻyicha kon ajratmasi dalolatnomasi berilganda, konga huquqi boʻlgan shaxs tomonidan yer uchastkasining chegaralari tuman (shahar) yer tuzish va koʻchmas mulk kadastr organlari bilan kelishiladi.

13. Yer qaʼridan foydalanuvchi tomonidan unga berilgan kon ajratmasini boshqa yuridik va jismoniy shaxslarga berish taqiqlanadi.

Korxonaning nomi oʻzgargan taqdirda, QR-kod (matrik shtrixli kod) qoʻyilgan kon ajratmasi dalolatnomasi va topografiya rejasi nusxasidagi yozuv qayta rasmiylashtiriladi va uni oʻz elektron raqamli imzosi bilan tasdiqlaydi”;

18-bandning birinchi xatboshidagi “litsenziya” soʻzi “ruxsatnoma” soʻzi bilan almashtirilsin;

20-banddagi “litsenziyasi” soʻzi “ruxsatnomasi” soʻzi bilan almashtirilsin;

26-bandning ikkinchi xatboshidagi “litsenziyada” soʻzi “ruxsatnomada” soʻzi bilan almashtirilsin;

33-bandda :

toʻrtinchi va beshinchi xatboshilar chiqarib tashlansin;

oltinchi xatboshi tegishincha toʻrtinchi xatboshi deb hisoblansin;

34-band oʻz kuchini yoʻqotgan deb hisoblansin;

35-bandda :

uchinchi xatboshi chiqarib tashlansin;

toʻrtinchi xatboshi uchinchi xatboshi deb hisoblansin;

36-band quyidagi tahrirda bayon etilsin:

“36. Inspeksiya buyurtmanoma olingan kundan boshlab taqdim etilgan materiallarni 10 kun muddatda koʻrib chiqadi va tegishli qaror chiqaradi”;

39-band quyidagi tahrirda bayon etilsin:

“39. Inspeksiya tomonidan 2 kun muddatda QR-kod (matrik shtrixli kod) qoʻyilgan kon ajratmasi berilganligini tasdiqlovchi dalolatnoma rasmiylashtiradi va “Litsenziya” axborot tizimi orqali” beriladi”;

40-band oʻz kuchini yoʻqotgan deb hisoblansin;

41-band quyidagi tahrirda bayon etilsin:

“41. Inspeksiya tomonidan foydali qazilmalar konini ishlatish uchun berilgan kon ajratmasini hisobga olish ushbu Nizomga 4-ilovada keltirilgan shaklda (reyestr) elektron tarzda toʻldirib boriladi.

Foydali qazilmalarni qazib olish uchun kon ajratmasi dalolatnomasining pasporti 5-ilovaga muvofiq tasdiqlansin”;

43-banddagi “litsenziyani” soʻzi “ruxsatnomani” soʻzi bilan almashtirilsin;

44-band oʻz kuchini yoʻqotgan deb hisoblansin;

Nizomga 1-ilova matni quyidagi tahrirda bayon etilsin:

“‎ ‎ ‎‎OʻZBEKISTON RESPUBLIKASI ‎DAVLAT GEOLOGIYA VA MINERAL RESURSLAR QOʻMITASI NUZURIDAGI ‎KON-GEOLOGIYA FAOLIYATINI NAZORAT QILISN INSPEKSIYASI ‎ ‎ ‎‎KON AJRATMASI AJRATISN DALOLATNOMASI ‎ ‎ ‎ ‎‎SERIYASI ‎ ‎ ‎ ‎ ‎ ‎ ‎‎TARTIB RAQAMI ‎ ‎ ‎ ‎‎Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspektsiyasi tomonidan ____________________________________________________________________ ____________________________________________________________________________________________ ‎‎(tashkilot yoki korxonaning to'liq nomi va uning mansubligi) _______________________________ burchakli punktlarning ilova qilinayotgan rejasida belgilangan chegaralardagi ____________________________________________________________________________________________ ‎‎(foydali qazilma nomi) ___________________________________________________________________________________ni ishlatish ‎‎ ‎‎(shaxta, kon karʼer nomi) va sanoat yoʻli bilan razvedka qilish uchun kon ajratildi. ‎‎ ‎‎Ajratilgan kon ________________________________________________________________________________ ‎ ‎ ‎ ‎‎(qishloq, tuman, viloyat, respublika nomi) ‎ ‎‎________________________________________________________________________________da joylashgan. ‎‎Yer yuzasida _________________________________________________________________________________ ___________________________________________________________________________________________ ____________________________________ burchakli punktlar bilan belgilangan ajratilgan kon proektsiyasi maydoni _______________________________________________________________________ni tashkil etadi. ‎‎(soʻz bilan yoziladi) ‎ ‎ ‎ ‎ ‎ ‎ ‎ ‎‎ ‎ ‎Ajratilgan konning amal qilish muddati ___________________________________ ‎ ‎ ‎ ‎ ‎ ‎ ‎ ‎ ‎ ‎‎(kun, oy, yil) ‎ ‎ ‎ ‎ ‎ ‎ ‎‎Dalolatnoma berilgan sana ____________ y. “______” __________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎QR kod‎ ‎ ‎”;‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Nizomga 2-ilova matni quyidagi tahrirda bayon etilsin:

‎‎“Topografik reja nusxasidagi yoz‎uv ‎ NAMUNASI ‎ ‎‎Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi tomonidan kon ajratmasi boʻyicha 20___ yil “___” _________dagi dalolatnomaga asosan _____________________________________________________________________________________ ‎ ‎‎(yer osti boyliklaridan foydalanuvchining nomi va uning idoraviy mansubligi) ‎‎__________________________________________________________________________________________ga ‎‎________________________________________________________________________________________ dagi ‎‎(qishloq, tuman, viloyat, respublika nomi) ‎‎_____________________________________________________________________________ konni qazish uchun ‎‎(foydali qazilma nomi) ‎ ‎ ‎ ‎ ‎‎kon ajratmasi berildi. Ushbu rejada _________________________ burchak nuqtalari bilan belgilangan ajratilgan kon chegaralari doirasida quyidagilarga ishlov berilishi kerak:‎‎ ‎‎‎T/r ‎‎Qatlam, togʻ jinsi, ‎ linza va boshqalar nomi ‎‎Uzunligi, m ‎ ‎‎Maydoni, ga boʻylamasi ‎boʻyicha qiyaligi ‎boʻyicha 1.‎ 2.‎ 3.‎ ‎‎ ‎‎ ‎ ‎‎ ‎‎Kon ajratmasi _______ m chuqurlikda berildi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎QR kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ”;‎

Nizomga 3-ilova matni quyidagi tahrirda bayon etilsin:

“Foydali qazilmalarni qazib olish uchun kon ajratmasini berish tartibi

SXEMASI

Bosqichlar Subyektlar Tadbirlar Bajarish muddatlari 1-bosqich Ariza beruvchi Foydali qazilmalar konini yoki uning uchastkasini qazish huquqini beradigan litsenziyani olgan yuridik yoki jismoniy shaxslar Inspeksiyaga “Litsenziya” axborot tizimi orqali buyurtma beradi. Zarur boʻlganda Inspeksiya Inspeksiya buyurtmanoma olingan kundan boshlab taqdim etilgan materiallarni 10 kun muddatda koʻrib chiqadi va tegishli qaror chiqaradi. 10 kunda 2-bosqich Inspeksiya QR-kod (matrik shtrixli kod) qoʻyilgan kon ajratmasi berilganligini tasdiqlovchi dalolatnomani rasmiylashtiradi va “Litsenziya” axborot tizimi orqali beradi. 2 kunda ” ;

Nizomga 4-ilovada :

nomi quyidagi tahrirda bayon etilsin:

“Foydali qazilmalar konlarini qazib olish uchun berilgan kon ajratmalarini elektron hisobga olish reyestri”;

izoh chiqarib tashlansin;

Nizomga quyidagi mazmundagi 5-ilova qoʻshilsin:

“Foydali qazilmalarni qazib olish uchun kon ajratmalarini berish tartibi toʻgʻrisidagi nizomga 5-ILOVA

Foydali qazilmalarni qazib olish uchun kon ajratmasi dalolatnomasining

PASPORTI

1. Ruxsat etish xususiyatiga ega hujjatning nomi: Foydali qazilmalarni qazib olish uchun kon ajratmasi dalolatnomasi. 2. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar): Foydali qazilmalarni qazib olish uchun kon kon ajratmasini berish. 3. Ariza beruvchilar toifasi: Yuridik shaxs. 4. Ruxsat etish tartib-taomillari sohasidagi vakolatli organ: Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi 5. Ruxsat etish xususiyatiga ega hujjatni olish uchun taqdim qilinadigan hujjatlar: Buyurtmanomada yuridik yoki jismoniy shaxslarning nomlanishi, ularning idoraviy mansubligi va manzili, kon joylashgan joy koʻrsatiladi. Buyurtmanomaga ikki nusxada zarur ilovalar bilan birgalikda kon ajratmasi loyihasi ilova qilinadi. 6. Arizani koʻrib chiqish uchun toʻlanadigan yigʻim miqdori: Yigʻim undirilmaydi. 7. Ruxsat etish xususiyatiga ega hujjat berilganligi uchun undiriladigan yigʻim miqdori: Yigʻim undirilmaydi. 8. Arizani koʻrib chiqish muddati: 12 ish kuni. 9. Ruxsat etishga oid talab va shartlar: Tushuntirish xatida soʻralayotgan kon ajratmasini berish nazarda tutilgan maqsad koʻrsatiladi hamda uni olish zarurligi asoslanadi, shuningdek, quyidagi maʼlumotlar bayon qilinadi: foydali qazilmalarni qazuvchi korxonani loyihalashtiruvchi, loyihani kelishgan va tasdiqlagan tashkilotning nomi, shuningdek, kon ajratmasi loyihasini tayyorlagan tashkilotning nomi; soʻralayotgan kon ajratmasi hududi toʻgʻrisidagi umumiy maʼlumotlar (geografik va maʼmuriy holati, maydonning kattaligi, qishloq xoʻjaligi ekinlari va oʻrmonzorlar tavsifi, obodligi, foydalanishdaligi va boshqalar); konning qisqacha geologik tavsifi (qatlamlar, ruda jismlari, togʻ jinslari va boshqalarning oʻlchami va elementlari), konni qazishning kon-geologiya va gidrogeologiya shart-sharoitlari, yondosh kon ajratmalari toʻgʻrisidagi umumiy maʼlumotlar; konning qidirilganligi, asosiy foydali qazilmalar va ular bilan birga joylashgan foydali qazilmalar zaxiralarining qidirilgan va tasdiqlangan, operativ hisobga olingan miqdori, sifati, toifaliligi va ashyoviy tarkibi toʻgʻrisidagi maʼlumotlar, ochiq usulda qazishda esa foydali qazilma ustida joylashgan jinslar haqidagi maʼlumotlar; kon ajratmasi chegaralarini asoslash; qazish chogʻida va keyinchalik ishlov berishda mineral xom ashyodan kompleks foydalanish chora-tadbirlari. 10. Ruxsat etish xususiyatiga ega hujjatni berishda kelishiladigan organlar: Mavjud emas. 11. Ruxsat etish xususiyatiga ega hujjatning amal qilish muddati: Foydali qazilmalar konlarini ishlatish uchun kon ajratmasini berish muddati cheklanmagan va cheklangan muddatli boʻlishi mumkin. Foydalanish muddati cheklangan hollarda kon ajratmasi ruxsatnomada koʻrsatilgan muddatga, neft va gaz konlari uchun esa — 5 yildan koʻp boʻlmagan muddatga beriladi. 12. Izoh: Kon ajratmasi yer osti boyliklaridan foydalanuvchiga konni sanoat yoʻli bilan oʻzlashtirish maqsadida berish-qabul qilib olish dalolatnomasiga asosan sanoat yoʻli bilan oʻzlashtirish uchun beriladigan tasdiqlangan zaxiralar joylashgan butun maydonga va uning chuqurligiga beriladi. Ushbu talab foydali qazilmalarning birgalikda joylashgan bir necha turlaridan iborat boʻlgan kompleks konlarga nisbatan ham tatbiq etiladi. Yirik konlarni ishlatish uchun kon ajratmasi mustasno xollarda ushbu konning muayyan uchastkasidan foydalanish huquqiga litsenziyasi boʻlgan ikki yoki bir necha yer qaʼridan foydalanuvchilarga berilishi mumkin. Bir maydonda joylashgan har xil turdagi foydali qazilma konlarini ishlatish zarurati tugʻilganda, kon ajratmasi har bir konni ishlatish uchun alohida beriladi. Ushbu holda, shuningdek, yirik foydali qazilma konlari bir necha yer qaʼridan foydalanuvchilar tomonidan qazilganda, konni yoki uning qismlarini qazish izchilligi hamda kon ishlarining oʻzaro bogʻliqligi yer qaʼridan topilgan zaxiralarning eng toʻliq, kompleks va iqtisodiy jihatdan maqsadga muvofiq qazib olinishini, yer osti boyliklari toʻgʻrisidagi qonun hujjatlari va ishlarni bexatar olib borish talablari bajarilishini taʼminlashi kerak. Bir maydondagi neft va gaz gorizontlari ikkita yer qaʼridan foydalanuvchi tomonidan qazib olingan hollarda, ushbu Nizomda belgilangan tartibda ikkita mustaqil kon ajratmasi rasmiylashtirilishi zarur. ”;

b) qarorga 2-ilovada :

1-banddagi “litsenziyaga” va “litsenziyada” soʻzlari tegishincha “ruxsatnomaga” va “ruxsatnomada” soʻzlari bilan almashtirilsin;

3-bandda :

birinchi xatboshidagi “litsenziyaga” soʻzi “ruxsatnomaga” soʻzi bilan almashtirilsin;

5-banddagi “litsenziyalarga” soʻzi “ruxsatnomalarga” soʻzi bilan almashtirilsin;

12-banddagi “litsenziya” soʻzi “ruxsatnoma” soʻzi bilan almashtirilsin;

13-bandning ikkinchi xatboshi quyidagi tahrirda bayon etilsin:

“Korxonaning nomi oʻzgargan taqdirda, QR-kod (matrik shtrixli kod) qoʻyilgan kon ajratmasi dalolatnomasi va topografiya rejasi nusxasidagi yozuv qayta rasmiylashtiriladi”;

16-banddagi “litsenziya” soʻzi “ruxsatnoma” soʻzi bilan almashtirilsin;

20-band quyidagi tahrirda bayon etilsin:

“20. Yer qaʼridan muddatli foydalanishda kon ajratmasi litsenziyada koʻrsatilgan muddatga, gazni yer ostida saqlash va neftni yer ostida saqlash uchun 8 yildan koʻp boʻlmagan muddatga beriladi. Zarurat boʻlganda, kon ajratmasining amal qilish muddati uzaytirilishi mumkin.

Kon ajratmasining amal qilish muddati uzaytirilganda, faqat kon ajratmasi dalolatnomasi va topografiya rejalaridagi yozuvlar qayta rasmiylashtiriladi.

Bunda yer qaʼridan foydalanuvchi “Litsenziya” axborot tizimi orqali Inspeksiyaga ariza beradi.

Inspeksiya 10 kun muddatda arizani oʻrganib chiqib, QR-kod (matrik shtrixli kod) qoʻyilgan kon ajratmasi dalolatnomasini rasmiylashtiradi”;

30-band oʻz kuchini yoʻqotgan deb hisoblansin;

33-banddagi “Litsenziya olgan korxona Inspeksiyaga buyurtmanoma” soʻzlari “Ruxsatnoma olgan korxona Inspeksiyaga “Litsenziya” axborot tizimi orqali buyurtmanoma” soʻzlari bilan almashtirilsin;

34 va 35-bandlar quyidagi tahrirda bayon etilsin:

“34. Foydali qazilmalarni qazib olish bilan bogʻliq boʻlmagan maqsadlarda kon ajratmasi ushbu Nizomga 3-ilovadagi sxemaga muvofiq beriladi.

35. Inspeksiya buyurtmanoma olingan kundan boshlab taqdim etilgan materiallarni 10 kun muddatda koʻrib chiqadi va tegishli qaror chiqaradi”;

38-banddagi “kon ajratmasi” soʻzlari chiqarib tashlansin;

39-band quyidagi tahrirda bayon etilsin:

“39. Inspeksiya 2 kun muddatda QR-kod (matrik shtrixli kod) qoʻyilgan kon ajratmasi berilganligini tasdiqlovchi dalolatnomani rasmiylashtiradi va “Litsenziya” axborot tizimi orqali beradi”;

40-band oʻz kuchini yoʻqotgan deb hisoblansin;

41-band quyidagi tahrirda bayon etilsin:

“41. Inspeksiya tomonidan foydali qazilmalar konini ishlatish uchun berilgan kon ajratmasini hisobga olish ushbu Nizomga 4-ilovada keltirilgan shaklda (reyestr) elektron tarzda toʻldirib boriladi.

Foydali qazilmalarni qazib olish bilan bogʻliq boʻlmagan maqsadlar uchun kon ajratmasi dalolatnomasining pasporti 5-ilovaga muvofiq tasdiqlansin.”;

44-banddagi “litsenziyani” soʻzi “ruxsatnomani” soʻzi bilan almashtirilsin;

45-band oʻz kuchini yoʻqotgan deb hisoblansin;

Nizomga 1-ilova matni quyidagi tahrirda bayon etilsin:

“‎ ‎ ‎‎OʻZBEKISTON RESPUBLIKASI ‎DAVLAT GEOLOGIYA VA MINERAL RESURSLAR QOʻMITASI NUZURIDAGI ‎ KON-GEOLOGIYA FAOLIYATINI NAZORAT QILISN INSPEKSIYASI ‎‎ ‎‎KON AJIRATMASI AJRATISN DALOLATNOMASI ‎ ‎ ‎ ‎ ‎ ‎‎SERIYASI ‎ ‎ ‎ ‎ ‎ ‎‎TARTIB RAQAMI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspektsiyasi ____________________________________________________________________________ _______________________________________________________________________________________ga ‎‎(tashkilot yoki korxonaning toʻliq nomi va uning mansubligi) ‎‎__________________________________________________________________ maqsadlarda foydalalnish uchun ‎‎(kon ajratmasi berilganligining maqsadi) ‎ ‎ ‎ ‎ ‎ ‎ ‎‎rejada burchak (o'ziga xos) nuqtalar bilan ____________________________________________________________ _____________________________________________________________________ shuningdek, tarkibiy xaritalar ‎‎ ‎‎(nuqtalar raqami) ‎ ‎ ‎ ‎ ‎ ‎‎va vertikal kesimlarda ___________________________________________________________________________ ‎ ‎ ‎ ‎ ‎‎(xaritalar va kesimlar raqami) ‎‎belgilangan chegaralarda kon ajratmasi berildi, rejada belgilangan kon ajratmasi proeksiyasining maydoni va yer osti kengligining hajmi _________________________________________________________________ ‎‎_______________________________________________________________________________ni tashkil etadi. ‎‎(ming m 2 , ming m 3 — yozuv bilan) ‎ ‎ ‎ ‎‎Kon ajratmasi _________________________________________________________________________________ ‎‎_______________________________________________________________________________da joylashgan. (qishloq, tuman, viloyat, respublika nomi) ‎‎ ‎ ‎ ‎ ‎ ‎ ‎‎Kon ajratmasining amal qilish muddati __________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(kun, oy, yil)‎ ‎ ‎ ‎ ‎ ‎ ‎ ‎‎Dalolatnoma berilgan sana ________ y. “____” ______________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎QR kod ‎ ‎ ‎ ”; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Nizomga 2-ilova matni quyidagi tahrirda bayon etilsin:

“Foydali qazilmalar qazib olish bilan bogʻliq boʻlmagan maqsadlar uchun kon ajratmalarini berish

SXEMASI

Bosqichlar Subyektlar Tadbirlar Bajarish muddatlari 1-bosqich Ariza beruvchi Foydali qazilmalar konini yoki uning uchastkasini qazish huquqini beradigan litsenziyani olgan yuridik yoki jismoniy shaxslar Inspeksiyaga “Litsenziya” axborot tizimi orqali buyurtma beradi. Zarur boʻlganda Inspeksiya Inspeksiya buyurtmanoma olingan kundan boshlab taqdim etilgan materiallarni 10 kun muddatda koʻrib chiqadi va tegishli qaror chiqaradi. 10 kunda 2-bosqich Inspeksiya QR-kod (matrik shtrixli kod) qoʻyilgan kon ajratmasi berilganligini tasdiqlovchi dalolatnomani rasmiylashtiradi va “Litsenziya” axborot tizimi orqali beradi. 2 kunda ” ;

Nizomga 3-ilova matni quyidagi tahrirda bayon etilsin:

‎‎“Topografik reja nusxasidagi yozuv ‎ NAMUNASI ‎‎ ‎‎20___ yil “___” ___________ da Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi tomonidan _____________________________ ‎‎__________________________________________________________________________________________ ga (yer qaʼridan foydalanuvchining nomi va uning qaysi idoraga boʻysunishi)‎‎ ‎‎____________________________________________________________________________________________ ‎‎(kon ajratmasi nima maqsadda berilganligi)‎ ‎‎maqsadlarida yer qaʼridan foydalanish uchun kon ajratmasi berildi. ‎‎Berilgan kon ajratmasi________________________________________________________________________ ‎ ‎ ‎ ‎ ‎‎(kon ajratmasining maʼmuriy holati, manzili)‎ ‎‎____________________________________________________________________________________________ ‎‎da ushbu rejada _______________________________________________________________________________ ‎ ‎ ‎ ‎‎(nuqtalarning raqami) ‎‎nuqtalari bilan belgilangan chegaralarda joylashgan, bunda quyidagilardan foydalanilishi kerak:__________ ‎____________________________________________________________________________________________ ‎‎(obyektlar sanaladi, ularning yer yuzasiga chiquvchi proyeksiyasi maydoni, ‎‎____________________________________________________________________________________________ ‎‎kon ajratmasining yuqori va quyi chegaralari chuqurligi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎QR kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi”; ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Nizomga 4-ilovada :

nomi quyidagi tahrirda bayon etilsin:

“Foydali qazilmalar konlarini qazib olish bilan bogʻliq boʻlmagan maqsadlar uchun kon ajratmalarini elektron hisobga olish reyestri”;

izoh chiqarib tashlansin;

Nizomga quyidagi mazmundagi 5-ilova qoʻshilsin:

“Foydali qazilmalarni qazib olish bilan bogʻliq boʻlmagan maqsadlar uchun kon ajratmalarini berish tartibi toʻgʻrisidagi nizomga 5-ILOVA

Foydali qazilmalarni qazib olish bilan bogʻliq boʻlmagan maqsadlar uchun kon ajratmasi dalolatnomasi

PASPORTI

1. Ruxsat etish xususiyatiga ega hujjatning nomi: Foydali qazilmalarni qazib olish bilan bogʻliq boʻlmagan maqsadlar uchun kon ajratmasi dalolatnomasi. 2. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar): Foydali qazilmalarni qazib olish bilan bogʻliq boʻlmagan maqsadlar uchun kon kon ajratmasini berish. 3. Ariza beruvchilar toifasi: Yuridik shaxs. 4. Ruxsat etish tartib-taomillari sohasidagi vakolatli organ: Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi. 5. Ruxsat etish xususiyatiga ega hujjatni olish uchun taqdim qilinadigan hujjatlar: Buyurtmanomaga yer qaʼridan foydali qazilmalarni qazib olish bilan bogʻliq boʻlmagan maqsadlarda foydalanadigan korxonaning rahbari yoki yuqori turuvchi tashkilot rahbari imzo chekadi. Buyurtmanomaga ilovalar bilan birgalikda ikki nusxada kon ajratmasi loyihasi ilova qilinadi. 6. Arizani koʻrib chiqish uchun toʻlanadigan yigʻim miqdori: Yigʻim undirilmaydi. 7. Ruxsat etish xususiyatiga ega hujjat berilganligi uchun undiriladigan yigʻim miqdori: Yigʻim undirilmaydi. 8. Arizani koʻrib chiqish muddati: 12 ish kuni. 9. Ruxsat etishga oid talab va shartlar: Yer qaʼridan foydali qazilmalarni qazib olish bilan bogʻliq boʻlmagan maqsadlarda foydalanish uchun qon ajratmasi loyihasi quyidagi boʻlimlardan iborat boʻlishi kerak: tushuntirish xati; kon ajratmasining uch oʻlchamli chegaralarini va oʻlchamlari hisob-kitobini asoslash; soʻralayotgan kon ajratmasi chegaralarida yuza topografik rejasi, geologiya xaritalari va kesimlari nusxalari. Tushuntirish xatida quyidagilarni koʻrsatish zarur: kon ajratmasini soʻrashdan maqsad, uning maʼmuriy joylashgan joyi, yer osti inshootini loyihalashtirgan va kon ajratmasi loyihasini tayyorlagan tashkilotning nomi; soʻralayotgan kon ajratmasi ustidagi hudud toʻgʻrisidagi, shu jumladan, qishloq xoʻjaligi va oʻrmon yer maydonlari, daryolar, koʻllar va boshqa suv obyektlari, aholi punktlari va sanoat obyektlari, alohida imoratlar va inshootlar, shuningdek, yer toʻgʻrisidagi qonun hujjatlariga muvofiq yer qaysi toifaga kiritilganligi toʻgʻrisidagi umumiy maʼlumotlar; kon ajratmasi doirasida, shuningdek, unga tutashib ketgan zonalarda yer qaʼri uchastkasining qisqacha geologik tavsifi, shuningdek, ushbu uchastkaning geologik tuzilishi, kon-texnika va gidrogeologik sharoitlar hamda ularning oʻrganilganligi darajasi aks ettirilishi kerak; uning uchun kon ajratmasi soʻralayotgan yer osti inshooti qurilishi moʻljallanayotgan joydagi foydali qazilmalar konlari, shuningdek, foydali qazilmalar qazib olish bilan bogʻliq boʻlmagan maqsadlar uchun va foydali qazilmalarni qazib olish uchun yer qaʼridan foydalanish maqsadida berilgan aralash kon ajratmasi toʻgʻrisidagi maʼlumotlar. 10. Ruxsat etish xususiyatiga ega hujjatni berishda kelishiladigan organlar: Mavjud emas. 11. Ruxsat etish xususiyatiga ega hujjatning amal qilish muddati: Kon ajratmasi muddatsiz yoki muddatli foydalanishga beriladi. Yer qaʼridan muddatli foydalanishda kon ajratmasi litsenziyada koʻrsatilgan muddatga, gazni yer ostida saqlash va neftni yer ostida saqlash uchun 8 yildan koʻp boʻlmagan muddatga beriladi. Zarurat boʻlganda, kon ajratmasining amal qilish muddati uzaytirilishi mumkin. Kon ajratmasining amal qilish muddati uzaytirilganda faqat kon ajratmasi dalolatnomasi va topografiya rejalaridagi yozuvlar qayta rasmiylashtiriladi. 12. Izoh: Kon ajratmasi faqat yer qaʼrining, geologik tuzilishning, kon-texnik va gidrogeologiya sharoitlarining zarur darajada sinchiklab oʻrganilgan qismigagina beriladi, undan foydali qazilmalar qazib olish bilan bogʻliq boʻlmagan maqsadlarda foydalanish esa shu yaqin oradagi foydali qazilma konlarini qazishni qiyinlashtirmaydi hamda kon ishlanmalariga, yer yuzasi va suv obyektlariga neft, gaz va boshqa moddalar va materiallarning ularni saqlashda singib kirishini, yer osti boyliklariga tashlanadigan oqova suvlar, yer qaʼriga koʻmilgan zararli moddalar va ishlab chiqarish chiqindilarini istisno etadi. Kon ajratmasi chegaralari togʻ jinslarining siljish va qulash zonalarini, shuningdek, ushbu inshootlarning normal ishlab turishini taʼminlaydigan saqlovchi va toʻsuvchi qismlarni (seliklarni) hisobga olgan holda loyihalashtirilayotgan yer osti inshootining texnik chegaralari bilan belgilanadi. Zararli moddalarni, radioaktiv chiqindilar va ishlab chiqarish chiqindilarini koʻmishda, oqova suvlarni chiqarib tashlashda kon ajratmasi konturi ularni qatʼiy belgilangan chegaralarda lokalizatsiya qilish mumkin boʻlgan yer qaʼri qismi bilan belgilanadi. Gazni yer ostida saqlash uchun taqdim etilgan kon ajratmasi chegaralari bunday saqlash joyi qurilishi uchun loyiha hujjatlariga muvofiq bugʻ qatlamlari bilan tugallanadigan gazning eng koʻp hajmda tarqalish konturlari bilan, pyezometrik quduqlar mavjud boʻlgan taqdirda esa — ushbu quduqlarni qamrab oluvchi konturlar bilan belgilanadi. Gazni yer ostida saqlash omborlarini qurish uchun ular joylashgan bir maydonga toʻgʻrilangan bir yoki bir necha bugʻ qatlamlaridan, shuningdek, ishlangan neft, gaz yeki suvli qatlamlardan (gorizontlardan) foydalanish mumkin. Neft, gaz hamda boshqa moddalar va materiallarni yer ostida saqlash uchun berilgan kon ajratmasi chegaralari zararli moddalar va ishlab chiqarish chiqindilarini koʻmish, oqova suvlarni chiqarib yuborish aholi yashash joylari, xalq xoʻjaligi obyektlari, tabiiy obyektlar va boshqa obyektlar uchun belgilangan sanitariya zonalarini hisobga olgan holda belgilanishi kerak. Foydali qazilmalarni qazib olish boʻyicha ishlab turgan korxonalarning kon qazilmalarida, shuningdek, foydali qazilma konlari yaqinidagi yer qaʼri uchastkalarida yer osti inshootlarini qurish va ulardan foydalanishga kon ajratmasini berish uchun foydalanilayotgan inshootlar va ishlanayotgan konlarning oʻzaro zararli taʼsiri istisno etilgan hollarda yoʻl qoʻyiladi. ”;

v) qarorga 3-ilovada :

barcha matnlari boʻyicha tegishli son va kelishikdagi “litsenziya” soʻzi tegishli son va kelishikdagi “ruxsatnoma” soʻzi bilan almashtirilsin;

1-banddagi “foydalanuvchining balansidan” soʻzlaridan keyin “Litsenziya” axborot tizimi orqali” soʻzlari qoʻshilsin;

7-bandga quyidagi mazmundagi xatboshilar qoʻshilsin:

“Foydali qazilmalar zaxiralari yer qaʼridan foydalanuvchining hisobidan sxema asosida ushbu Nizomga 1-ilovaga muvofiq chiqariladi.

Foydali qazilmalar zaxiralarini yer qaʼridan foydalanuvchining hisobidan chiqarish pasporti 2-ilovaga muvofiq tasdiqlansin”;

8-bandda :

birinchi xatboshi quyidagi tahrirda bayon etilsin:

“8. Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoxud konni qazishda tasdiqlanmagan foydali qazilma zaxiralarini yer qaʼridan foydalanuvchining balansidan chiqarish uchun yer qaʼridan foydalanuvchi “Litsenziya” axborot tizimi orqali DZKga tushuntirish xatini taqdim etadi. Tushuntirish xatida quyidagilar boʻlishi kerak”;

“g” kichik bandining uchinchi xatboshi chiqarib tashlansin;

9 va 10-bandlar quyidagi tahrirda bayon etilsin:

“9. DZK tushuntirish xati kelib tushgan kundan boshlab oʻn kun muddatda uni Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi bilan kelishish uchun taqdim etadi.

10. Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi yigirma kun muddatda tushuntirish xatini koʻrib chiqib, DZKga foydali qazilma zaxiralarini yer qaʼridan foydalanuvchining balansidan chiqarish toʻgʻrisida xulosa beradi.

Taqdim etilgan materiallar DZKda Oʻzbekiston Respublikasi Davlat geologiya va mineral resurslar qoʻmitasi bilan yer qaʼridan foydalanuvchi oʻrtasida tuziladigan shartnoma asosida koʻrib chiqiladi.

DZK bir hafta muddatda shartnomani yer qaʼridan foydalanuvchiga taqdim etadi.

Yer qaʼridan foydalanuvchi oʻn kun muddatda shartnomada koʻrsatilgan mablagʻni Oʻzbekiston Respublikasi Davlat geologiya va mineral resurslar qoʻmitasining hisobvaragʻiga oʻtkazadi.

DZKga taqdim etilgan konditsiyalar loyihalarini va foydali qazilmalar zaxiralari hisob-kitobi materiallarini koʻrib chiqish, shuningdek, geologik materiallarning davlat ekspertizasi tegishli tashkilotlardan hamda jalb etiladigan ekspertlar bilan tuzilgan shartnomaga muvofiq amalga oshiriladi.

Ekspertlar tomonidan materiallarni koʻrib chiqish muddati ularning hajmiga va murakkabligidan kelib chiqqan holda belgilanadi, biroq bir oydan oshmasligi kerak”;

19-band quyidagi tahrirda bayon etilsin:

“19. DZKning foydali qazilmalar zaxiralarini yer qaʼridan foydalanuvchi balansidan chiqarish toʻgʻrisidagi qarori bayonnoma bilan rasmiylashtiriladi va bir hafta muddatda yer qaʼridan foydalanuvchiga uning elektron nusxasi “Litsenziya” axborot tizimi orqali yuboriladi.

Materiallarni koʻrib chiqish muddati yer qaʼridan foydalanuvchi bilan tuzilgan shartnomada belgilanadi, biroq uch oydan oshmasligi kerak.

Taqdim etilgan hujjatlar boʻyicha kamchiliklar aniqlangan hollarda, tegishli yer qaʼridan foydalanuvchilar oʻn ish kunida kamchiliklarni bartaraf etishlari va DZKga “Litsenziya” axborot tizimi orqali bu haqda maʼlumot taqdim etishlari lozim”;

20-banddagi “protokoli” soʻzi “bayonnomasi” soʻzi bilan almashtirilsin;

21-band oʻz kuchini yoʻqotgan deb hisoblansin;

Nizomga quyidagi mazmundagi 1-ilova qoʻshilsin:

“Yer osti boyliklarini qazib olish jarayonida qazib olingan va yoʻqotilgan foydali qazilmalar zaxiralarini yer qaʼridan foydalanuvchining hisobidan chiqarish tartibi toʻgʻrisidagi nizomga 1-ILOVA

Foydali qazilmalar zaxiralarini yer qaʼridan foydalanuvchining hisobidan chiqarish

SXEMASI

Bosqichlar Subyektlar Tadbirlar Muddatlar 1-bosqich Yer qaʼridan foydalanuvchi Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoxud konni qazishda tasdiqlanmagan foydali qazilma zaxiralarini yer qaʼridan foydalanuvchining balansidan chiqarish uchun “Litsenziya” axborot tizimi orqali DZKga tushuntirish xatini taqdim etadi. Zarur boʻlganda Davlat zaxiralari komissiyasi Tushuntirish xatini Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi bilan kelishish uchun taqdim etadi. 10 kunda Kon-geologiya faoliyatini nazorat qilish inspeksiyasi Tushuntirish xatini koʻrib chiqib, DZKga foydali qazilma zaxiralarini yer qaʼridan foydalanuvchining balansidan chiqarish toʻgʻrisida xulosa beradi. 20 kunda 2-bosqich Davlat zaxiralari komissiyasi Shartnomani yer qaʼridan foydalanuvchiga taqdim etadi. 7 kunda Yer qaʼridan foydalanuvchi Shartnomada koʻrsatilgan mablagʻni Oʻzbekiston Respublikasi Davlat geologiya va mineral resurslar qoʻmitasining hisobvaragʻiga oʻtkazadi. 10 kunda 3-bosqich Davlat zaxiralari komissiyasi Taqdim etilgan konditsiyalar loyihalarini va foydali qazilmalar zaxiralari hisob-kitobi materiallarini koʻrib chiqish, shuningdek, geologik materiallarning davlat ekspertizasini oʻtkazish uchun ekspertlarni jalb qiladi. 1 kunda Ekspertlar Taqdim etilgan materiallarni koʻrib chiqadi va ekspert xulosasini DZKga taqdim etadi. 1 oyda Davlat zaxiralari komissiyasi Bayonnomani rasmiylashtiradi va yer qaʼridan foydalanuvchiga uning elektron nusxasini “Litsenziya” axborot tizimi orqali yuboradi. 7 kunda ” ;

Nizomga quyidagi mazmundagi 2-ilova qoʻshilsin:

“Yer osti boyliklarini qazib olish jarayonida qazib olingan va yoʻqotilgan foydali qazilmalar zaxiralarini yer qaʼridan foydalanuvchining hisobidan chiqarish tartibi toʻgʻrisidagi nizomga 2-ILOVA

Foydali qazilmalar zaxiralarini yer qaʼridan foydalanuvchining hisobidan chiqarish

PASPORTI

1. Ruxsat etish xususiyatiga ega hujjatning nomi: Foydali qazilmalar zaxiralarini yer qaʼridan foydalanuvchining hisobidan chiqarish. 2. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar): Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoxud konni qazishda tasdiqlanmagan foydali qazilma zaxiralarini yer qaʼridan foydalanuvchining balansidan chiqarish. 3. Ariza beruvchilar toifasi: Yuridik shaxs. 4. Ruxsat etish tartib-taomillari sohasidagi vakolatli organ: Davlat geologiya va mineral resurslar qoʻmitasi huzuridagi Foydali qazilmalar zaxiralari boʻyicha davlat komissiyasi. 5. Ruxsat etish xususiyatiga ega hujjatni olish uchun taqdim qilinadigan hujjatlar: Yer qaʼridan foydalanuvchi Davlat zaxiralari komissiyasiga Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi bilan kelishilgan tushuntirish xatini taqdim etadi. Tushuntirish xatida quyidagilar boʻlishi kerak: a) foydali qazilmalar zaxiralarining moʻljallangan hisobdan chiqarilishini Davlat zaxiralari komissiyasi tomonidan tasdiqlangan konturlarda hamda geologiya va marksheyderlik hujjatlari maʼlumotlarini tezkor hisobga olish, zaxiralarni sinab koʻrish va qayta hisoblash konturlarida alohida asoslash; b) ushbu Nizomning 4-bandi “a” kichik bandida koʻrsatilgan sabablar boʻyicha sanoat ahamiyatini yoʻqotgan foydali qazilmalar zaxiralarini hisobdan chiqarishda — tegishli texnik-iqtisodiy hisob-kitoblar; v) qazib olinayotgan kon toʻgʻrisidagi qisqacha maʼlumotlar (qazib olish tizimi, foydali qazilmalarni kavlab olishda nobud boʻlish va yaroqsiz holga kelish koʻrsatkichlari, neft, gaz, kondensat va boshqalarni qazib olish koeffitsiyentlari); g) chizmalar va boshqa ilovalar: foydali qazilmalar zaxiralari ular boʻyicha hisobdan chiqariladigan uchastkalar, ruda jismlarining (hisoblangan bloklar) joylashish sxemasi, proyeksiyalar, gorizont boʻyicha natijalar, qidiruv va ishlatib sinab koʻrish maʼlumotlari hamda DZK tomonidan tasdiqlangan foydali qazilmalar zaxiralari konturlari, shuningdek, ekspluatatsiya-qidiruv ishlari natijalari boʻyicha hisoblab chiqilgan zaxiralar konturlari bilan birga; kon ajratmasi nusxasi. 6. Arizani koʻrib chiqish uchun toʻlanadigan yigʻim miqdori: Yer qaʼridan foydalanuvchi bilan tuziladigan shartnomada belgilanadi. 7. Ruxsat etish xususiyatiga ega hujjat berilganligi uchun undiriladigan yigʻim miqdori: Yer qaʼridan foydalanuvchi bilan tuziladigan shartnomada belgilanadi. 8. Arizani koʻrib chiqish muddati: Materiallarni koʻrib chiqish muddati yer qaʼridan foydalanuvchi bilan tuzilgan shartnomada belgilanadi, biroq uch oydan oshmasligi kerak. 9. Ruxsat etishga oid talab va shartlar: Foydali qazilmalar zaxiralari: a) quyidagilar: Foydali qazilmalar zaxiralari boʻyicha davlat komissiyasi tomonidan yangidan tasdiqlangan qidiruv yoki foydalanish kondensiyalariga muvofiq emasligi tufayli (neft, neft-gaz, neft-gaz kondensati, gaz kondensati, gaz va bitum konlari uchun — Foydali qazilmalar zaxiralari boʻyicha davlat komissiyasi tomonidan yangidan tasdiqlangan tegishli foydali qazilmalarni yer ostidan qazib olish koeffitsiyentiga muvofiq emasligi tufayli); ayrim uchastkalarda aniqlangan kon-geologik, gidrogeologik, muhandislik-geologik, ekologik murakkabliklar va boshqa tabiiy shart-sharoitlar oqibatida zaxiralarga texnik-iqtisodiy sabablar boʻyicha ishlov berishning maqsadga muvofiq emasligi tufayli; agar foydali qazilmalarni qazib olishda ularning saqlanishini taʼminlash mumkin boʻlmasa, aholi hayotiga va sogʻligiga yoki obyektlarga zarar yetkazish xavfini tugʻdirsa, ularni buzib tashlash yoki kon ishlari taʼsiri doirasi chegarasidan tashqariga koʻchirish mumkin boʻlmasa yoki bu iqtisodiy jihatdan maqsadga muvofiq boʻlmasa, zaxiralarni sanoat inshootlari, turar joylar va jamoat binolari, tarix va madaniyat yodgorliklari, tabiiy obyektlar uchun saqlash ustunlari sifatida qoldirish tufayli; b) foydali qazilmalarning miqdori, sifati va joylashish shart-sharoitlari toʻgʻrisida yangi maʼlumotlar olinishi natijasida zaxiralarning keyinchalik geologiya-qidiruv ishlari chogʻida va (yoki) foydali qazilmalar konlarini qazishda tasdiqlanmasligi tufayli yer qaʼridan foydalanuvchilar balansidan chiqarilishi mumkin. Foydali qazilmalarni kavlab oluvchi korxonalarni qurishni loyihalashtirish, rekonstruksiya qilish, kengaytirish va konservatsiya qilishda balansdagi zaxiralar balansdan tashqari zaxiralarga oʻtkazilmaydi. Foydali qazilmalarni kavlab oluvchi korxonalarni konservatsiya qilishda foydali qazilmalar zaxiralari hisobdan chiqarilmaydi. 10. Ruxsat etish xususiyatiga ega hujjatni berishda kelishiladigan organlar: Mavjud emas. 11. Ruxsat etish xususiyatiga ega hujjatning amal qilish muddati: Mavjud emas. 12. Izoh: Sanoat uchun ahamiyatini yoʻqotgan foydali qazilmalarning balansdagi zaxiralari yer qaʼridan foydalanuvchi balansidan ularni balansdan tashqari zaxiralarga oʻtkazishning maqsadga muvofiq emasligi toʻgʻrisida belgilangan tartibda tasdiqlangan texnik-iqtisodiy asoslash mavjud boʻlgan taqdirda chiqariladi. Foydali qazilmalar zaxiralarining tasdiqlanmagan zaxiralarini hisobdan chiqarishda, yer qaʼridan foydalanuvchi tomonidan DZK tasdiqlagan zaxiralar konturlari doirasida konni qidirish va qazib olish maʼlumotlari qiyoslanishi kerak. Qiyoslash kon jismlari (qatlamlari), hisoblangan bloklar, zaxiralar toifalari boʻyicha alohida-alohida amalga oshirilishi kerak. Qiyoslash asosida konni qidirib topgan (baholagan) korxona bilan birgalikda foydali qazilmalar zaxiralarining tasdiqlanmaganligi sabablari tahlil qilinadi. Foydali qazilmalar balansdagi zaxiralarining hisobdan chiqarilganlari va (yoki) hisobdan chiqarishga moʻljallanayotganlarining jami miqdori tasdiqlangan zaxiralarning (neft va gaz, shu jumladan, ularning qazib olinadigani uchun) 20 foizidan ortiq boʻlgan hollarda, umuman kon boʻyicha zaxiralar belgilangan tartibda qayta hisoblab chiqiladi va qayta tasdiqlanadi. DZKning foydali qazilmalar zaxiralarini yer qaʼridan foydalanuvchi balansidan chiqarish toʻgʻrisidagi qarori bayonnoma bilan rasmiylashtiriladi, uning nusxalari ekspertiza materiallari bilan birgalikda bir hafta muddatda yer qaʼridan foydalanuvchiga va Oʻzbekiston Respublikasi Davlat geologiya va mineral resurslar qoʻmitasiga yuboriladi. DZKning foydali qazilmalar zaxiralarini yer qaʼridan foydalanuvchi balansidan chiqarish toʻgʻrisidagi qarori Foydali qazilmalar zaxiralarining davlat balansiga belgilangan tartibda zarur tuzatishlar kiritish uchun asos hisoblanadi. ”;

g) qarorga 4-ilovaning 7-bandi ikkinchi xatboshidagi va 10-bandining oʻn toʻqqizinchi xatboshidagi “litsenziyalarda” soʻzi “ruxsatnomalarda” soʻzi bilan almashtirilsin;

d) qarorga 5-ilovada :

3-bandning ikkinchi xatboshidagi , 5 va 7-bandlarning birinchi xatboshilaridagi litsenziya” soʻzi “ruxsatnoma” soʻzi bilan almashtirilsin;

6-band quyidagi tahrirda bayon etilsin:

“6. Foydali qazilmalarni qazib oladigan va foydali qazilmalar konlarini ishlatadigan korxonalarni qurish uchun yer uchastkasiga kon ajratmasi dalolatnomasi berilgandan keyin mahalliy ijro etuvchi hokimiyat organlarining yer uchastkasini ajratish toʻgʻrisidagi qarori talab etilmaydi”;

8-band quyidagi tahrirda bayon etilsin:

“8. Kon ishlarini rivojlantirish rejasi yer qaʼridan foydalanuvchi tomonidan tuziladi va “Litsenziya” axborot tizimi orqali Inspeksiyaga va Oʻzbekiston Respublikasi Sanoat xavfsizligi davlat qoʻmitasiga kelishish uchun taqdim etiladi.

Kon ishlarini rivojlantirish rejalari yer qaʼrining muhofaza qilinishini taʼminlash qismi boʻyicha — Inspeksiya bilan va sanoat xavfsizligini taʼminlash qismi boʻyicha — Oʻzbekiston Respublikasi Sanoat xavfsizligi davlat qoʻmitasi bilan kelishiladi.

Inspeksiya va Oʻzbekiston Respublikasi Sanoat xavfsizligi davlat qoʻmitasi taqdim etilgan materiallarni bir vaqtning oʻzida 10 kun muddatda koʻrib chiqadi va kon ishlarini rivojlantirish rejasini oʻz elektron raqamli imzosi bilan tasdiqlab, “Litsenziya” axborot tizimi orqali yuboradi.

Kon ishlarini rivojlantirish rejalari loyihaga muvofiq bir yilga ishlab chiqiladi.

Kon ishlarini rivojlantirishning yillik rejasiga har bir yer ajratmasi boʻyicha hisoblangan nobudgarchilik va sifatning buzilish normativlari kiritiladi.

Kon ishlarini rivojlantirish rejalarida qazib chiqarish, qazishga jalb etishda foydali qazilmalarning kamayishi va sifatining buzilishini optimallashtirish chora-tadbirlari, zarur boʻlganda ilgari konservatsiya qilingan va balansdan tashqari zaxiralar, birgalikda joylashgan foydali qazilmalardan foydalanish va yuzasi ochilgan jinslar, maxsus agʻdarilgan tuproqdagi nokonditsion mineral xom ashyoning yigʻilishi, fan va texnika yutuqlarini ishlab chiqarishga joriy etish, shuningdek, istiqbolli texnologik qarorlar va yer qaʼrini muhofaza qilish sohasidagi ilmiy-tadqiqot va tajriba ishlarining natijalari nazarda tutilishi lozim.

Kon ishlarini rivojlantirish rejalari hamda kamayish va sifatning buzilish normativlarini tuzish va kelishish tartibi Inspeksiya tomonidan tasdiqlangan namunaviy metodik koʻrsatmalar, shuningdek, vazirliklar va idoralar tomonidan Inspeksiya bilan kelishgan holda tasdiqlangan tarmoq metodik koʻrsatmalari bilan belgilanadi”;

22-band quyidagi tahrirda bayon etilsin:

“22. Korxona loyihasi va konni tajriba-sanoat yoʻli bilan qazish loyihasi yer qaʼridan foydalanuvchi tomonidan ishlab chiqiladi va “Litsenziya” axborot tizimi orqali Inspeksiyaga va Oʻzbekiston Respublikasi Sanoat xavfsizligi davlat qoʻmitasiga kelishish uchun taqdim etiladi.

Korxona loyihasi va konni tajriba-sanoat yoʻli bilan qazish loyihasi yer qaʼrining muhofaza qilinishini taʼminlash qismi boʻyicha — Inspeksiya bilan va sanoat xavfsizligini taʼminlash qismi boʻyicha — Oʻzbekiston Respublikasi Sanoat xavfsizligi davlat qoʻmitasi bilan kelishiladi.

Inspeksiya va Oʻzbekiston Respublikasi Sanoat xavfsizligi davlat qoʻmitasi taqdim etilgan materiallarni bir vaqtning oʻzida 10 kun muddatda koʻrib chiqadi va korxona loyihasi va konni tajriba-sanoat yoʻli bilan qazish loyihasini oʻz elektron raqamli imzosi bilan tasdiqlab, “Litsenziya” axborot tizimi orqali yuboradi”;

150-bandda :

birinchi xatboshi quyidagi tahrirda bayon etilsin:

“Korxona yoki uning bir qismini tugatish va konservatsiya qilish maxsus loyiha asosida amalga oshiriladi. Maxsus loyiha yer qaʼridan foydalanuvchi tomonidan ishlab chiqiladi va “Litsenziya” axborot tizimi orqali Inspeksiyaga va Oʻzbekiston Respublikasi Sanoat xavfsizligi davlat qoʻmitasiga kelishish uchun taqdim etiladi”;

quyidagi mazmundagi ikkinchi xatboshi qoʻshilsin:

“Inspeksiya va Oʻzbekiston Respublikasi Sanoat xavfsizligi davlat qoʻmitasi taqdim etilgan materiallarni bir vaqtning oʻzida 10 kun muddatda koʻrib chiqadi va maxsus loyihani oʻz elektron raqamli imzosi bilan tasdiqlab, “Litsenziya” axborot tizimi orqali yuboradi”;

ikkinchi — toʻqqizinchi xatboshilar tegishicha uchinchi — oʻninchi xatboshilar deb hisoblansin;

152-bandning ikkinchi xatboshi chiqarib tashlansin.

8. Vazirlar Mahkamasining 2019-yil 15-yanvardagi 29-son qarori bilan tasdiqlangan Oʻzbekiston Respublikasi Ekologiya va atrof muhitni muhofaza qilish davlat qoʻmitasi toʻgʻrisidagi nizomda :

a) 11-bandning “g” kichik bandi “7” kichik bandining uchinchi xatboshidagi “litsenziyalarni” soʻzi “ruxsatnomalarni” soʻzi bilan almashtirilsin;

b) 13-band “28” kichik bandining uchinchi xatboshidagi “litsenziyalarni” soʻzi “ruxsatnomalarni” soʻzi bilan almashtirilsin.

9. Vazirlar Mahkamasining “Yer qaʼridan foydalanish shartlarini ishlab chiqish boʻyicha davlat komissiyasi faoliyatini yanada takomillashtirish chora-tadbirlari toʻgʻrisida” 2019-yil 12-dekabrdagi 989-son qarorida :

a) qarorga 1-ilovaning 6-bandi “b” kichik bandining oʻninchi xatboshidagi “litsenziyani” soʻzi “ruxsatnomani” soʻzi bilan almashtirilsin;

b) qarorga 2-ilovaning matni quyidagi tahrirda bayon etilsin:

“Yer qaʼridan foydalanish shartlarini ishlab chiqish boʻyicha davlat komissiyasining

TARKIBI

J.A. Qoʻchqorov — Oʻzbekiston Respublikasi Bosh vazirining oʻrinbosari, Komissiya raisi lavozimi boʻyicha — Oʻzbekiston Respublikasi Bosh vazirining maslahatchisi — Geologiya, energetika, sanoat va uning bazaviy tarmoqlarini rivojlantirish masalalari departamenti boshligʻi, Komissiya raisining oʻrinbosari B.F. Islamov — Oʻzbekiston Respublikasi Davlat geologiya va mineral resurslar qoʻmitasi raisi, Komissiya raisining oʻrinbosari A.S. Sultanov — Oʻzbekiston Respublikasi energetika vaziri L.Sh. Qudratov — Oʻzbekiston Respublikasi investitsiyalar va tashqi savdo vazirining birinchi oʻrinbosari O.Z. Nasritdinxodjayev — Oʻzbekiston Respublikasi moliya vazirining birinchi oʻrinbosari A.K. Abdinazarov — Oʻzbekiston Respublikasi iqtisodiy taraqqiyot va kambagʻallikni qisqartirish vaziri oʻrinbosari lavozimi boʻyicha — Oʻzbekiston Respublikasi Davlat soliq qoʻmitasi huzuridagi Kadastr agentligi direktori Sh.K. Mirxadiyev — Oʻzbekiston Respublikasi Vazirlar Mahkamasining Geologiya, energetika, sanoat va uning bazaviy tarmoqlarini rivojlantirish masalalari departamenti bosh mutaxassisi, Komissiya kotibi

10. Vazirlar Mahkamasining 2020-yil 18-fevraldagi 95-son qarori bilan tasdiqlangan Ekologik xavfsizlik toʻgʻrisida umumiy texnik reglamentning 44-bandi yettinchi xatboshidagi “litsenziyaning” soʻzi “ruxsatnomaning” soʻzi bilan almashtirilsin.

11. Vazirlar Mahkamasining “Yer osti suvlaridan foydalanishga oid ruxsat etuvchi hujjatlarni berish tartibini yanada takomillashtirish chora-tadbirlari toʻgʻrisida” 2021-yil 8-yanvardagi 9-son qarorida :

a) qarorga 2-ilovada :

barcha matnlari boʻyicha tegishli son va kelishikdagi “Davlat xizmatlari markazlari” soʻzlari tegishli son va kelishikdagi ““Litsenziya” axborot tizimi” soʻzi bilan almashtirilsin;

8-bandidagi “Davlat xizmatlari markaziga oʻzi kelib murojaat etadi” soʻzlari ““Litsenziya” axborot tizimi” soʻzlari bilan almashtirilsin;

9-bandda :

birinchi xatboshidan “Ariza beruvchi oʻzi kelib murojaat etgan taqdirda, Davlat xizmatlari markazi xodimi ariza beruvchi nomidan,” soʻzlari ““Litsenziya” axborot tizimi yoki” soʻzlari bilan almashtirilsin;

quyidagi mazmundagi toʻrtinchi xatboshi qoʻshilsin:

“yer osti suvlariga quduqlarni burgʻilash uchun loyiha hujjatlarining elektron nusxalari;”;

toʻrtinchi va beshinchi xatboshilar tegishincha beshinchi va oltinchi xatboshilar deb hisoblansin;

10-bandning ikkinchi xatboshisi chiqarib tashlansin;

12-band quyidagi tahrirda bayon etilsin:

“12. Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi vakolatli organning budjetdan tashqari jamgʻarmasiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi vakolatli organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligi Yagona billing tizimi orqali tasdiqlanadi”;

16-band quyidagi tahrirda bayon etilsin:

“16. Ariza beruvchi tomonidan ariza tasdiqlangandan soʻng ushbu Reglamentning 9-bandida nazarda tutilgan maʼlumotlar ilova qilingan holda, avtomatik tarzda Davlat geologiya qoʻmitasiga elektron shaklda yuboriladi”;

18-bandidagi “uch” soʻzi “ikki” soʻzi bilan almashtirilsin;

19-bandidagi “Davlat xizmatlari markaziga (oʻzi kelib murojaat etgan taqdirda) yoki ariza beruvchiga (elektron tarzda murojaat etgan taqdirda)” soʻzlari ““Litsenziya” axborot tizimi yoki” soʻzlari bilan almashtirilsin;

21-band quyidagi tahrirda bayon etilsin:

“21. Ruxsatnoma “Litsenziya” axborot tizimi yoki YIDXP orqali avtomatik tarzda elektron shaklda ariza beruvchining elektron manziliga yuboriladi”;

26-band quyidagi tahrirda bayon etilsin:

“26. Texnik pasport “Litsenziya” axborot tizimi yoki YIDXP orqali avtomatik tarzda elektron shaklda ariza beruvchining elektron manziliga yuboriladi”;

35-banddagi “va Davlat xizmatlari markazlari” soʻzlari chiqarib tashlansin;

Maʼmuriy reglamentga 1-ilovada “Bajarish muddatlari” boʻlimida “3 kun” soʻzlari “2 kun” soʻzlari bilan almashtirilsin;

Maʼmuriy reglamentga 2-ilovada :

uchinchi qismidagi “3. Rekvizitlari (STIR yoki INN)” soʻzlari “3. Yuridik shaxsning nomi, STIRi, pochta manzili, elektron pochta manzili (agar mavjud boʻlsa), xizmat koʻrsatuvchi bankning nomi va hisobvaragʻi, telefon raqami” soʻzlari bilan almashtirilsin;

toʻrtinchi qismidagi “Ariza beruvchi bilan bogʻlanish maʼlumotlari (telefon, elektron pochta va boshqalar)” soʻzlari “4. Tegishli mutaxassisining (gidrogeolog) F.I.O., diplom seriyasi raqami va sanasi” soʻzlari bilan almashtirilsin;

b) qarorga 3-ilovada :

“Davlat xizmatlari markazlari” soʻzlari tegishli ravishda ““Litsenziya” axborot tizimi” soʻzlari bilan almashtirilsin;

3-band quyidagi tahrirda bayon etilsin:

“3. Ruxsatnoma Oʻzbekiston Respublikasi Davlat geologiya va mineral resurslar qoʻmitasi tizimidagi gidrogeologiya korxonalari (keyingi oʻrinlarda — gidrogeologiya korxonalari) tomonidan “Litsenziya” axborot tizimi” yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali beriladi”;

8-banddagi “Davlat xizmatlari markaziga oʻzi kelib murojaat etadi” soʻzlari ““Litsenziya” axborot tizimi” soʻzlari bilan almashtirilsin;

9-banddagi “Ariza beruvchi oʻzi kelib murojaat etgan taqdirda, Davlat xizmatlari markazi xodimi ariza beruvchi nomidan,” soʻzlari ““Litsenziya” axborot tizimi yoki” soʻzlari bilan almashtirilsin;

10-bandning ikkinchi xatboshisi chiqarib tashlansin;

12-band quyidagi tahrirda bayon etilsin:

“12. Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:

a) “Litsenziya” axborot tizimi orqali murojaat etilganda:

20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga;

11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi.

Davlat xizmatlarini koʻrsatish uchun yigʻim toʻlanganligi Yagona billing tizimi orqali tasdiqlanadi”;

16-band quyidagi tahrirda bayon etilsin:

“16. Ariza beruvchi tomonidan ariza tasdiqlangandan soʻng ushbu Reglamentning 9-bandida nazarda tutilgan maʼlumotlar ilova qilingan holda, avtomatik tarzda gidrogeologiya korxonalariga elektron shaklda yuboriladi”;

17-band quyidagi tahrirda bayon etilsin:

“17. Gidrogeologiya korxonalari bir ish kuni mobaynida ariza, ruxsatnoma loyihalari va hujjatlarni Davlat geologiya qoʻmitasining hududiy gidrogeologiya stansiyalariga (keyingi oʻrinlarda — gidrogeologiya stansiyalari) ularda keltirilgan maʼlumotlarni oʻrganib chiqish, shuningdek, tegishli suv xoʻjaligi ekspluatatsiya tashkilotlariga ularning oʻz vakolatlari doirasida sugʻorish maqsadlarida suv olish limitlarini kelishish uchun yuboradi”;

18-bandda :

birinchi xatboshidagi “Gidrogeologiya korxonalari” soʻzlari “gidrogeologiya stansiyalari” soʻzlari bilan almashtirilsin;

19-band quyidagi tahrirda bayon etilsin:

“19. Gidrogeologiya korxonalari suv xoʻjaligi ekspluatatsiya tashkilotlarining tegishli maʼlumotlari asosida bir ish kuni mobaynida ruxsatnoma berish yoki berishni rad etish boʻyicha xulosa tayyorlab, ruxsatnomani mazkur Reglamentga 4-ilovaga muvofiq shaklda QR-kod (matrik shtrixli kod) qoʻyib rasmiylashtiradi va uni oʻz ERIsi bilan tasdiqlaydi hamda “Litsenziya” axborot tizimi yoki YIDXP orqali yuboradi”;

20-bandda :

ikkinchi xatboshidagi “Davlat xizmatlari markaziga” soʻzlari ““Litsenziya” axborot tizimi” soʻzlari bilan almashtirilsin;

21-band quyidagi tahrirda bayon etilsin:

“21. Ruxsatnoma “Litsenziya” axborot tizimi yoki YIDXP orqali avtomatik tarzda elektron shaklda ariza beruvchining elektron manziliga yuboriladi.”;

24-bandning oltinchi xatboshidagi “Davlat xizmatlari markaziga” soʻzlari ““Litsenziya” axborot tizimi” soʻzlari bilan almashtirilsin;

28-banddagi “Davlat xizmatlari markazlari” soʻzlari “Davlat xizmatlari agentligi” soʻzlari bilan almashtirilsin;

29-banddagi “va Davlat xizmatlari markazlari” soʻzlari chiqarib tashlansin;

Maʼmuriy reglamentga 1-ilovada :

“Subyektlar” boʻlimida:

“Davlat xizmatlari markazi” soʻzlari tegishli ravishda “Litsenziya axborot tizimi” soʻzlari bilan almashtirilsin;

“Davlat geologiya qoʻmitasi” soʻzlari tegishli ravishda “Gidrogeologiya korxonalari” soʻzlari bilan almashtirilsin;

“Gidrogeologiya korxonalari” soʻzlari “Gidrogeologiya stansiyalari” soʻzlari bilan almashtirilsin;

“Tadbirlar” boʻlimida:

1-bosqichdagi “Davlat xizmatlari markaziga oʻzi kelgan holda” soʻzlari ““Litsenziya” axborot tizimi” soʻzlari bilan almashtirilsin;

2-bosqichdagi “Davlat geologiya qoʻmitasiga” soʻzlari “Gidrogeologiya korxonalariga” soʻzlari bilan almashtirilsin;

3-bosqichdagi “Davlat geologiya qoʻmitasiga” soʻzlari “Gidrogeologiya korxonalariga” soʻzlari bilan almashtirilsin;

4-bosqichdagi “Davlat xizmatlari markaziga” soʻzlari ““Litsenziya” axborot tizimiga” soʻzlari bilan almashtirilsin;

5-bosqichdagi “2. Ariza beruvchi oʻzi kelib murojaat qilganda, ruxsatnomani elektron yoki qogʻoz shaklda ariza beruvchiga taqdim etadi.” soʻzlari chiqarib tashlansin;

“Bajarish muddatlari” boʻlimining 5-bosqichidagi “2. Ariza beruvchining soʻroviga koʻra” soʻzlari chiqarib tashlansin.

Maʼmuriy reglamentga 4-ilovada “OʻZBEKISTON RESPUBLIKASI DAVLAT GEOLOGIYA VA MINERAL RESURSLAR QOʻMITASI” soʻzlaridan keyin quyidagi tahrirdagi xatboshi qoʻshilsin:

“________________________________________________________________________________________________________________________________________________________________________________________

(gidrogeologiya korxonasining nomi)”;

Maʼmuriy reglamentga quyidagi mazmundagi 6-ilova qoʻshilsin:

“Yer osti suvlaridan maxsus foydalanish yoki ularni maxsus isteʼmol qilish uchun ruxsatnoma berish boʻyicha davlat xizmatlari koʻrsatishning maʼmuriy reglamentiga 6-ILOVA

Yer osti suvlaridan maxsus foydalanish yoki ularni maxsus isteʼmol qilish uchun ruxsatnoma berish

PASPORTI

1. Ruxsat etish xususiyatiga ega hujjatning nomi: Yer osti suvlaridan maxsus foydalanish yoki ularni maxsus isteʼmol qilish uchun ruxsatnoma berish. 2. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar): Yer osti suvlaridan maxsus foydalanish yoki ularni maxsus isteʼmol qilish. 3. Ariza beruvchilar toifasi: Jismoniy va yuridik shaxs. 4. Ruxsat etish tartib-taomillari sohasidagi vakolatli organ: Oʻzbekiston Respublikasi Davlat geologiya va mineral resurslar qoʻmitasi tizimidagi gidrogeologiya korxonalari. 5. Ruxsat etish xususiyatiga ega hujjatni olish uchun taqdim qilinadigan hujjatlar: Maʼmuriy reglamentga 3-ilovaga muvofiq maʼlumotlar. 6. Arizani koʻrib chiqish uchun toʻlanadigan yigʻim miqdori: Yigʻim undirilmaydi. 7. Ruxsat etish xususiyatiga ega hujjat berilganligi uchun undiriladigan yigʻim miqdori: Bazaviy hisoblash miqdorining 30 foizi miqdori. 8. Arizani koʻrib chiqish muddati: 6 ish kuni. 9. Ruxsat etishga oid talab va shartlar: Ruxsatnoma olgan yer osti suvlaridan foydalanuvchilar yoki ularni isteʼmol qiluvchilar ruxsat berishning quyidagi talab va shartlariga rioya qilishi shart: suv obyektlaridan ruxsatnomada keltirilgan maqsadlarda foydalanishi; belgilangan yer osti suv olish limitlariga rioya etishi; ifloslantiruvchi moddalar mavjud boʻlgan oqova suvlarning suv obyektlariga chiqarib yuborilishini butunlay tugatish choralarini koʻrishi; suv obyektlari texnik qurilmalarini texnik jihatdan soz holatda saqlashi, ularni ishlatish sifatini yaxshilashi hamda ulardan foydalanishning belgilangan qoidalariga rioya etishi; suv obyektlarining suvni muhofaza qilish zonalari, sohilboʻyi mintaqalari va sanitariya muhofazasi zonalarini saqlashning belgilangan rejimiga rioya qilishi; yer osti suvlarining va suv obyektlarining holatiga taʼsir etadigan favqulodda vaziyatlar yuzaga kelganligi toʻgʻrisida gidrogeologiya korxonalari va mahalliy davlat hokimiyati organlarini oʻz vaqtida xabardor qilishi, ularning oqibatlarini bartaraf etish ishlarini amalga oshirishda, shuningdek, suv obyektlarida taʼmirlash va tiklash ishlarida qonunchilik hujjatlarida belgilangan tartibda ishtirok etishi; yer osti suvlaridan foydalanish va ularni muhofaza qilish boʻyicha davlat nazoratini amalga oshiruvchi organlarning vakillarini oʻz suv xoʻjaligi obyektlariga belgilangan tartibda kiritishi hamda ularga zarur axborotni taqdim etishi; yer osti suvlarini olish va berishda suv miqdori hisobini yuritishi, shuningdek, gidrogeologiya korxonalariga yillik hisobotni yil yakunlari boʻyicha keyingi yilning 15-fevraliga qadar Maʼmuriy reglamentga 5-ilovaga muvofiq shaklda taqdim etishi. 10. Ruxsat etish xususiyatiga ega hujjatni berishda kelishiladigan organlar: Oʻzbekiston Respublikasi Davlat geologiya va mineral resurslar qoʻmitasi tizimidagi hududiy gidrogeologiya stansiyalari. 11. Ruxsat etish xususiyatiga ega hujjatning amal qilish muddati: Ruxsatnomaning amal qilish muddati yer osti suvlarini olish texnologiyasi va limiti, sanitariya-gigiyena va atrof muhitni muhofaza qilish talablariga rioya qilgan holda, yakka quduqlar yoki zaxiralari tasdiqlangan guruhli suv olish inshootlari uchun 5 yil (bunda yer osti suvlari zaxiralari baholanmagan hollarda 2 yil) muddatga beriladi. Guruhli suv olish inshootlari boʻyicha yer osti suvlaridan maxsus foydalanish yoki ularni maxsus isteʼmol qilish uchun 2 yil muddatda yer osti suvlari zaxiralarini baholash majburiydir. 12. Izoh: Ruxsatnoma berishning asosiy maqsadi yer osti suvlaridan maxsus foydalanish yoki ularni maxsus isteʼmol qilish bilan bogʻliq jarayonlarni tartibga solish, yer osti suvlaridan oqilona foydalanish, yer osti suvlari zaxiralarining kamayib ketishi yoki sathining koʻtarilib ketishining oldini olish, suv olish miqdori va sifatini nazorat qilib borish hamda yer osti suvlaridan foydalanuvchilar yoki ularni isteʼmol qiluvchilar hisobini yuritishdan iborat. Ikki va undan ortiq suv olish obyektlari bitta tizimga ulanganda va bir obyektning suv taʼminoti uchun yer osti suvlaridan maxsus foydalanish yoki ularni maxsus isteʼmol qilish uchun ishlatilganda, yagona ruxsatnoma rasmiylashtiriladi. Agar jismoniy va yuridik shaxslarning suv olish inshootlari bir tizimga ulanmagan hollarda yoki ikki va undan ortiq obyektlarning suv taʼminoti uchun ishlatilganda, alohida ruxsatnomalar olinadi. Ushbu Reglament talablari kommunal suv quvurlari va kanalizatsiyaning markazlashtirilgan tarmoqlaridan foydalanishga, jismoniy shaxslar tomonidan chuqurligi 25 (yigirma besh) metrgacha boʻlgan quduqlardan sutkasiga 5 (besh) kub metr hajmdagi yer osti suvlaridan umumiy foydalanilganda tatbiq etilmaydi (bunda quduqda oʻrnatilgan asbob-uskunalarning texnik quvvati koʻrsatkichlari asos qilib olinadi). Ruxsatnoma olmasdan yer osti suvlaridan maxsus foydalanish yoki ularni maxsus isteʼmol qilish qatʼiyan taqiqlanadi, bunda zax qochirish (drenaj) maqsadlari uchun ruxsatnoma olish talab qilinmaydi. ”.

Vazirlar Mahkamasining 2022-yil 25-martdagi 133-son qaroriga 6-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari

1. Vazirlar Mahkamasining “Gʻisht xom ashyosini geologik jihatdan oʻrganish, tajriba-sanoat va sanoat asosida kavlab olish uchun yer qaʼri uchastkalaridan foydalanish huquqini beradigan litsenziyalar berishning soddalashtirilgan tartibi toʻgʻrisidagi vaqtinchalik nizomni tasdiqlash haqida” 2009-yil 27-oktabrdagi 284-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2010-yil 17-dekabrdagi 301-son qaroriga ilovaning 37-bandi .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2017-yil 14-noyabrdagi 915-son qaroriga 1-ilovaning 36-bandi .

4. Vazirlar Mahkamasining “Qimmatbaho metallarni oltin izlovchilar usulida qazib olish faoliyatini amalga oshirish tartibi toʻgʻrisidagi nizomni tasdiqlash haqida” 2019-yil 16-martdagi 224-son qarori .

5. Vazirlar Mahkamasining “Qimmatbaho metallarni oltin izlovchilar usulida qazib olish uchun 2019-yilda foydalanishga beriladigan yer qaʼri uchastkalarining roʻyxatini tasdiqlash toʻgʻrisida” 2019-yil 16-martdagi 225-son qarori .

6. Vazirlar Mahkamasining “Noruda foydali qazilmalarni oʻz ichiga olgan yer qaʼri uchastkalaridan foydalanish huquqini berish jarayonini yanada takomillashtirish chora-tadbirlari toʻgʻrisida” 2019-yil 1-iyuldagi 546-son qarori .

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2019-yil 28-dekabrdagi 1046-son qaroriga ilovaning 90 va 278-bandlari .

8. Vazirlar Mahkamasining “Yer qaʼri uchastkalaridan foydalanish huquqi uchun litsenziyalar berish tartibini yanada takomillashtirish chora-tadbirlari toʻgʻrisida” 2020-yil 23-iyundagi 403-son qarori .

9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 26-iyundagi 411-son qaroriga 1-ilovaning 68-bandi .

Oʻzbekiston Respublikasining Bosh vaziri A. ARIPOV

Toshkent sh.,

2022-yil 25-mart,

133-son

(Qonunchilik maʼlumotlari milliy bazasi, 26.03.2022-y., 09/22/133/0237-son; 12.12.2022-y., 07/22/439/1081-son; 17.01.2023-y., 09/23/17/0031-son; 26.08.2023-y., 09/23/424/0655-son; 29.12.2023-y., 09/23/685/1010-son; 15.05.2024-y., 09/24/282/0347-son; 31.10.2024-y., 09/24/710/0867-son; 01.03.2025-y., 09/25/131/0200-son; 10.04.2025-y., 09/25/211/0323-son; 23.04.2025-y., 09/25/247/0383-son; 25.06.2025-y., 09/25/381/0539-son; 28.07.2025-y., 09/25/467/0654-son; 06.01.2026-y., 09/26/840/0012-son; 31.07.2026-y., 09/26/421/0804-son)

lex.uz