📅 2022-yil 31-mart · Vazirlik va idoralar hujjatlari · Tibbiy-ijtimoiy xizmatlarni rivojlantirish agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 31 март · Вазирлик ва идоралар ҳужжатлари · Тиббий-ижтимоий хизматларни ривожлантириш агентлиги директори
Расмий матн. Расмий ҳужжат. Таҳририй изоҳлар киритилмаган.
📅 31 марта 2022 г. · Документы министерств и ведомств · Директор Агентства по развитию медико-социальных услуг
Официальный текст. Официальный документ. Редакционные примечания не включены.
📅 31 March 2022 · Ministry and agency documents · Tibbiy-ijtimoiy xizmatlarni rivojlantirish agentligi direktori
Official text. Official document. Editorial notes are not included.
Ўзбекистон Республикаси Тиббий-ижтимоий хизматларни ривожлантириш агентлиги директорининг
буйруғи
НИЗОМ
РЎЙХАТИ
Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги тиббий-ижтимоий муассасаларда пуллик хизмат кўрсатиш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2021 йил 25 мартдаги ПФ-6195-сон «Кексалар ва ногиронлиги бўлган шахсларни ижтимоий қўллаб-қувватлаш, «Саховат» ва «Мурувват» интернат уйлари тизимини янада ривожлантириш тўғрисида»ги Фармонига мувофиқ буюраман:
1. Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги тиббий-ижтимоий муассасаларда пуллик хизмат кўрсатиш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси Тиббий-ижтимоий хизматларни ривожлантириш агентлиги директорининг 2022 йил 31 мартдаги 52-ИЧ-сон буйруғига ИЛОВА
Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги тиббий-ижтимоий муассасаларда пуллик хизмат кўрсатиш тартиби тўғрисидаги
Ушбу Низом Ўзбекистон Республикаси Президенти ҳузуридаги Ижтимоий ҳимоя миллий агентлиги (бундан буён матнда Агентлик деб юритилади) тизимидаги Ижтимоий қўллаб-қувватлаш марказлари , «Мурувват» ногиронлиги бўлган шахслар учун интернат уйларида, Ногиронлиги бўлган шахсларни реабилитация қилиш ва протезлаш миллий маркази, унинг ҳудудий марказларида, Кексалар, ногиронлиги бўлган шахслар, уруш ва меҳнат фахрийлари учун санаторийларда (бундан буён матнда тиббий-ижтимоий муассаса деб юритилади) пуллик хизмат кўрсатиш тартибини белгилайди.
1-боб. Умумий қоидалар
1. Ушбу Низомда қуйидаги тушунчалардан фойдаланилади:
пуллик хизматлар — мижозга тиббий-ижтимоий муассасаларда шартнома асосида ҳақ эвазига кўрсатиладиган хизматлар;
мижоз — тиббий-ижтимоий муассасаларда шартнома асосида пуллик хизматлардан ўз ихтиёрига кўра фойдаланувчи жисмоний шахс.
2. Мижоз тиббий-ижтимоий муассасаларга бепул тиббий-ижтимоий хизмат олиш ҳуқуқини берувчи тегишли ҳужжатсиз (масалан, ордер, йўлланма) бевосита мурожаат қилиши ҳамда пуллик хизматлардан шартнома асосида ҳақ эвазига фойдаланиши мумкин.
3. Тиббий-ижтимоий муассасаларда ташкил этиладиган пуллик хизматлар Давлат бюджетидан молиялаштирилиши белгиланган бепул хизматларнинг сифатига ва ҳажмига салбий таъсир кўрсатмаслиги лозим.
4. Вазирлар Маҳкамасининг 2021 йил 17 сентябрдаги 575-сон «Ўзбекистон Республикаси Ижтимоий ҳимоя соҳасидаги айрим тиббий-ижтимоий муассасалар фаолиятини тартибга солувчи низомларни тасдиқлаш ҳақида»ги қарорига асосан пуллик хизматлардан фойдаланиш хоҳишини билдирган мижозларда тиббий-ижтимоий муассасаларга қабул қилишга қарши кўрсатмалар аниқланган тақдирда, улар белгиланган тартибда ҳудудий даволаш-профилактика муассасаларига юборилади.
2-боб. Тиббий-ижтимоий муассасаларда пуллик хизматларни ташкил этиш
5. Тиббий-ижтимоий муассасалар томонидан мижозларга кўрсатиладиган пуллик хизматлар мазкур Низомга 1-иловадаги рўйхатга мувофиқ ташкил этилади ва амалга оширилади.
Ушбу Низомга 1-иловада назарда тутилмаган пуллик хизматлар тиббий-ижтимоий муассасалар томонидан кўрсатилиши тақиқланади.
6. Тиббий-ижтимоий муассасаларда пуллик хизматларнинг прейскурант нархлари Агентлик томонидан тасдиқланади ҳамда уларга Агентлик томонидан ўзгартириш ва қўшимчалар киритилиши мумкин.
7. Тиббий-ижтимоий муассасаларда кейинги йил учун кўрсатиладиган пуллик хизматларнинг прейскурант нархлари Агентлик томонидан ҳар йили 25 декабрга қадар тасдиқланади.
8. Мижозларга пуллик хизматларни кўрсатишда тиббий-ижтимоий муассасаларда қуйидагилар мавжуд бўлиши шарт:
мазкур Низомга 2-иловада назарда тутилган шаклда тиббий-ижтимоий муассасанинг қабулхонасида (бундан буён матнда қабулхона деб юритилади) жойлаштирилган мижозга кўрсатиладиган пуллик хизматлар ҳақида маълумот берувчи ахборот бурчаги;
ушбу Низомнинг 6-бандида белгиланган тартибда тасдиқланадиган пуллик хизматларнинг прейскурант нархлари;
мижозларга мазкур Низомга 1-иловада белгиланган пуллик хизматларни кўрсатиш учун даволаш ва муолажа хоналари;
пуллик хизмат кўрсатадиган шифокорлар (мутахассислар) ҳақида маълумотлар (унинг Ф.И.Ш., мутахассислиги, иш стажи, малака тоифаси, унинг соҳада эришган ютуқлари) тақдим этувчи ахборот бурчаги.
3-боб. Тиббий-ижтимоий муассасаларга мижозларни қабул қилиш ва пуллик хизмат кўрсатиш
9. Тиббий-ижтимоий муассасага пуллик хизматдан фойдаланиш учун мурожаат қилган шахс қабулхонадаги масъул ходим томонидан қабул қилинади ҳамда тиббий-ижтимоий муассасада кўрсатиладиган пуллик хизматлар тўғрисида тушунтириш берилади.
Бунда, шахс тиббий-ижтимоий муассасада кўрсатиладиган пуллик хизматлардан фойдаланиш хоҳишини билдирган тақдирда қабулхона масъул ходими томонидан унга шахсини тасдиқловчи ҳужжат (биометрик паспорт ёки идентификация ID-картаси ёхуд мазкур ҳужжатлардан бирининг Ўзбекистон Республикаси Ягона интерактив давлат хизматлари портали ва (ёки) «Ижтимоий карта» мобил иловаси орқали бериладиган электрон шакли) асосида амбулатор карта очилади.
Шунингдек, қабулхона масъул ходими томонидан пуллик хизматлардан фойдаланиш хоҳишини билдирган шахсга ушбу Низомнинг 6-бандида белгиланган тартибда тасдиқланадиган прейскурант бўйича шифокорнинг (мутахассиснинг) кўриги ҳамда дастлабки тиббий текширувлар учун ҳақ тўлаш зарурлиги тушунтирилади.
10. Мижоз прейскурант бўйича ҳақ тўлаганидан сўнг қабулхонадаги масъул ходим томонидан тиббий-ижтимоий хизмат кўрсатилиши, шу жумладан маслаҳат олиш учун шифокорга (мутахассисга) юборилади.
Бунда, қабулхона масъул ходими томонидан маслаҳат берувчи шифокорга (мутахассисга) амбулатор картани тақдим этиш зарурлиги тўғрисида мижозга тушунтирилиши лозим.
11. Шифокор (мутахассис) мижозга маслаҳат бериш вақтида уни дастлабки тиббий текширувдан ўтишга юборади. Бунда, дастлабки тиббий текширув натижалари бўйича мижозга асосли ташхис қўйиш имкони бўлмаганда шифокор (мутахассис) томонидан унга нисбатан қўшимча тиббий текширувлар белгиланиши мумкин.
Текширув натижаларига кўра, шифокор (мутахассис) томонидан мижозга амбулатор ёки стационар шароитда ёхуд мобил шаклда тиббий-ижтимоий хизмат кўрсатилиши белгиланади.
Мижозга амбулатор ёки стационар шароитда ёхуд мобил шаклда тиббий-ижтимоий хизмат кўрсатилиши белгилангандан сўнг шифокор (мутахассис) мижознинг амбулатор картасини қабулхонадаги масъул ходимга топширади.
12. Мижозга стационар шароитда тиббий-ижтимоий хизматлар даволаш ва муолажа хоналарида кўрсатилади.
13. Ижтимоий қўллаб-қувватлаш марказлари ва «Мурувват» ногиронлиги бўлган шахслар учун интернат уйларида шартнома асосида пуллик тиббий-ижтимоий хизматнинг кундузги қатнов ҳамда интернат тизими ташкил этилиши мумкин.
14. Пуллик хизмат тиббий-ижтимоий муассаса ҳамда мижоз ўртасида расмийлаштириладиган шартнома асосида амалга оширилади.
Томонлар ўртасида расмийлаштириладиган шартномада тиббий-ижтимоий хизматларнинг ҳар бир йўналиши бўйича асосий қоидалар, тиббий-ижтимоий муассасанинг вазифалари, томонларнинг ҳуқуқ ва мажбуриятлари, жавобгарлиги, шу жумладан тўлов шартлари алоҳида кўрсатилади.
Пуллик хизмат кўрсатиш юзасидан шартнома икки нусхада тузилади ҳамда мижоз, унинг ҳомийси (у мавжуд бўлганда) ва тиббий-ижтимоий муассаса раҳбари томонидан имзоланади.
Шартноманинг бир нусхаси мижозга ёки унинг ҳомийсига (у мавжуд бўлганда) берилади, иккинчи нусхаси тиббий-ижтимоий муассасанинг ҳужжатлар йиғма жилдларида сақлаш учун қолдирилади.
15. Кўрсатилган пуллик хизмат натижасида мижознинг соғлиғида салбий оқибатлар юзага келганда, унга етказилган зарар тиббий-ижтимоий муассасанинг ўз маблағлари ҳисобидан қопланади. Бунда, мазкур етказилган зарар тиббий-ижтимоий муассаса томонидан нотўғри хатти-ҳаракат содир этган шифокордан (мутахассисдан) қонунчиликда белгиланган тартибда ундириб олинади.
16. Мижоз тиббий-ижтимоий муассасадан чиқиш вақтида кўрсатилган пуллик хизматлар юзасидан бажарилган ишлар далолатномаси тузилади ва далолатномага асосан якуний ҳисоб-китоб ишлари амалга оширилади.
Бунда, мижоз томонидан тўланмасдан қолган маблағлар тўлиқ қопланиши ёки ортиқча тўланган маблағнинг қайтарилиши ўзаро ҳисоб-китоблар асосида амалга оширилади.
17. Пуллик хизматлар юзасидан мижозлар билан тузиладиган шартномаларни ва якуний ҳисоб-китоб далолатномаларини расмийлаштириш тиббий-ижтимоий муассасанинг бухгалтерия хизмати томонидан амалга оширилади.
18. Мижоз ёки унинг ҳомийси мижоз учун зарур бўлган қўшимча тиббий-ижтимоий хизмат ҳажми учун тўловни рад этган тақдирда, қиймати тўланган пуллик хизматларни мижоз тўлиқ ҳажмда олгандан кейин тегишли даволаш-профилактика муассасасига мурожаат қилиши тушунтирилган ҳолда тиббий-ижтимоий муассасадан чиқарилади.
4-боб. Якунловчи қоидалар
19. Ўзбекистон Республикаси Президентининг 2021 йил 25 мартдаги ПФ-6195-сон «Кексалар ва ногиронлиги бўлган шахсларни ижтимоий қўллаб-қувватлаш, Ижтимоий қўллаб-қувватлаш марказлари ва «Мурувват» интернат уйлари тизимини янада ривожлантириш тўғрисида»ги Фармонининг 12 1 -бандига мувофиқ, пуллик хизматлар учун тўланган маблағларнинг 2 фоизи Агентликнинг бюджетдан ташқари ҳисобварағига йўналтирилади ҳамда Агентлик директори ушбу маблағларни Агентлик тизимидаги ташкилотлар ўртасида тақсимлаш ҳуқуқига эга.
Пуллик хизматлар учун тўланган маблағларнинг 2 фоизини Агентликка йўналтирувчи тиббий-ижтимоий муассасалар рўйхати Агентлик директори томонидан тасдиқланади.
Пуллик хизматлар учун тўланган маблағларнинг 2 фоизи Агентликнинг бюджетдан ташқари ҳисобварағига йўналтирилиши ҳар ой учун кейинги ойнинг 5-санасига қадар амалга оширилади.
20. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
21. Ушбу Низом Ўзбекистон Республикаси Молия вазирлиги ва Ўзбекистон Республикаси Соғлиқни сақлаш вазирлиги билан келишилган.
Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги тиббий-ижтимоий муассасаларда пуллик хизмат кўрсатиш тартиби тўғрисидаги низомга 1-ИЛОВА
Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги тиббий-ижтимоий муассасалар томонидан мижозларга кўрсатиладиган пуллик хизматлар турлари
1-боб. Ижтимоий қўллаб-қувватлаш марказлари ва «Мурувват» ногиронлиги бўлган шахслар учун интернат уйлари, Кексалар, ногиронлиги бўлган шахслар, уруш ва меҳнат фахрийлари учун санаторийларда кўрсатиладиган пуллик тиббий-ижтимоий хизматлар
1. Мутахассис кўриги;
2. Ётоқ ўрин билан таъминлаш;
3. Озиқ-овқат, шу жумладан рационал ва парҳез таомлар билан таъминлаш;
4. Клиник таҳлиллар;
5. Биохимик таҳлиллар;
6. Функционал ташхислаш;
7. Физиотерапевтик муолажалар;
8. Уқалаш;
9. Даволаш бадантарбияси;
10. Дори юбориш (мушак орасига, қон томир ичига, бўғим ичига);
11. Дори воситалари;
12. Тиббий буюмлар;
13. Хоналарни тозалаш (йиғиштириш);
14. Кийим-кечакларини ювиш;
15. Гигиена тадбирларини амалга оширишда кўмаклашиш;
16. Сайрга, маданий ва маърифий ҳамда спорт тадбирларига боришда ҳамроҳлик қилиш ёки олиб бориш;
17. Қариндош ва дўстлар билан ёзишмаларда ҳамда алоқа ўрнатишда кўмаклашиш;
18. Биринчи тиббий ёрдам;
19. Ётоқ яраларни, ташқи жароҳатларни қайта ишлаш ва боғлаш;
20. Тозалаш клизмасини бажариш;
21. Паллиатив ёрдам кўрсатиш;
22. Уй шароитида тиббий парвариш қилиш асосларини ўргатиш;
23. Ногиронлиги бўлган шахсларни реабилитация қилиш якка тартибдаги дастурида белгиланган соғломлаштириш тадбирларини амалга ошириш;
24. Концертлар, томошалар, тарихий қадамжоларга ҳамда зиёратгоҳларга экскурсиялар уюштириш;
25. Давра суҳбатлари, учрашувлар, тренинглар ўтказиш;
26. Байрамлар ва алоҳида муҳим саналарда ҳар хил маданий тадбирлар ташкил қилиш;
27. Шифокор кўрсатмасига мувофиқ тегишли спорт анжомларидан, воркаут спорт майдончаларида мавжуд инвентарлардан фойдаланишга кўмаклашиш;
28. Даволовчи бадантарбия машқларини бажаришда кўмаклашиш;
29. Қизиқишни инобатга олган ҳолда турли хил тўгараклар ташкил этиш.
2-боб. Ногиронлиги бўлган шахсларни реабилитация қилиш ва протезлаш миллий маркази, унинг ҳудудий марказларида кўрсатиладиган пуллик тиббий-ижтимоий хизматлар
1. Мутахассис кўриги;
2. Ётоқ ўрин билан таъминлаш;
3. Озиқ-овқат билан таъминлаш;
4. Клиник таҳлиллар;
5. Биохимик таҳлиллар;
6. Функционал ташхислаш;
7. Нур ташхислаш;
8. Физиотерапевтик муолажалар;
9. Уқалаш;
10. Даволаш бадантарбияси;
11. Жарроҳлик амалиётлари;
12. Оғриқсизлантириш;
13. Гипс боғлами ўрнатиш;
14. Жароҳатдаги боғламни алмаштириш;
15. Дори юбориш (мушак орасига, қон томир ичига, бўғим ичига);
16. Дори воситалари;
17. Тиббий буюмлар.
Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги тиббий-ижтимоий муассасаларда пуллик хизмат кўрсатиш тартиби тўғрисидаги низомга 2-ИЛОВА
Директор А. ИНАКОВ
Соғлиқни сақлаш вазири Б. МУСАЕВ
Молия вазири Т. ИШМЕТОВ
Тошкент ш.,
2022 йил 31 март,
2022 йил 30 март
2022 йил 28 март
52-ИЧ-сон
Oʻzbekiston Respublikasi Tibbiy-ijtimoiy xizmatlarni rivojlantirish agentligi direktorining
buyrugʻi
NIZOM
ROʻYXATI
Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi tibbiy-ijtimoiy muassasalarda pullik xizmat koʻrsatish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2021-yil 25-martdagi PF-6195-son “Keksalar va nogironligi boʻlgan shaxslarni ijtimoiy qoʻllab-quvvatlash, “Saxovat” va “Muruvvat” internat uylari tizimini yanada rivojlantirish toʻgʻrisida”gi Farmoniga muvofiq buyuraman:
1. Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi tibbiy-ijtimoiy muassasalarda pullik xizmat koʻrsatish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Tibbiy-ijtimoiy xizmatlarni rivojlantirish agentligi direktorining 2022-yil 31-martdagi 52-ICH-son buyrugʻiga ILOVA
Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi tibbiy-ijtimoiy muassasalarda pullik xizmat koʻrsatish tartibi toʻgʻrisidagi
Ushbu Nizom Oʻzbekiston Respublikasi Prezidenti huzuridagi Ijtimoiy himoya milliy agentligi (bundan buyon matnda Agentlik deb yuritiladi) tizimidagi Ijtimoiy qoʻllab-quvvatlash markazlari , “Muruvvat” nogironligi boʻlgan shaxslar uchun internat uylarida, Nogironligi boʻlgan shaxslarni reabilitatsiya qilish va protezlash milliy markazi, uning hududiy markazlarida, Keksalar, nogironligi boʻlgan shaxslar, urush va mehnat faxriylari uchun sanatoriylarda (bundan buyon matnda tibbiy-ijtimoiy muassasa deb yuritiladi) pullik xizmat koʻrsatish tartibini belgilaydi.
1-bob. Umumiy qoidalar
1. Ushbu Nizomda quyidagi tushunchalardan foydalaniladi:
pullik xizmatlar — mijozga tibbiy-ijtimoiy muassasalarda shartnoma asosida haq evaziga koʻrsatiladigan xizmatlar;
mijoz — tibbiy-ijtimoiy muassasalarda shartnoma asosida pullik xizmatlardan oʻz ixtiyoriga koʻra foydalanuvchi jismoniy shaxs.
2. Mijoz tibbiy-ijtimoiy muassasalarga bepul tibbiy-ijtimoiy xizmat olish huquqini beruvchi tegishli hujjatsiz (masalan, order, yoʻllanma) bevosita murojaat qilishi hamda pullik xizmatlardan shartnoma asosida haq evaziga foydalanishi mumkin.
3. Tibbiy-ijtimoiy muassasalarda tashkil etiladigan pullik xizmatlar Davlat budjetidan moliyalashtirilishi belgilangan bepul xizmatlarning sifatiga va hajmiga salbiy taʼsir koʻrsatmasligi lozim.
4. Vazirlar Mahkamasining 2021-yil 17-sentabrdagi 575-son “Oʻzbekiston Respublikasi Ijtimoiy himoya sohasidagi ayrim tibbiy-ijtimoiy muassasalar faoliyatini tartibga soluvchi nizomlarni tasdiqlash haqida”gi qaroriga asosan pullik xizmatlardan foydalanish xohishini bildirgan mijozlarda tibbiy-ijtimoiy muassasalarga qabul qilishga qarshi koʻrsatmalar aniqlangan taqdirda, ular belgilangan tartibda hududiy davolash-profilaktika muassasalariga yuboriladi.
2-bob. Tibbiy-ijtimoiy muassasalarda pullik xizmatlarni tashkil etish
5. Tibbiy-ijtimoiy muassasalar tomonidan mijozlarga koʻrsatiladigan pullik xizmatlar mazkur Nizomga 1-ilovadagi roʻyxatga muvofiq tashkil etiladi va amalga oshiriladi.
Ushbu Nizomga 1-ilovada nazarda tutilmagan pullik xizmatlar tibbiy-ijtimoiy muassasalar tomonidan koʻrsatilishi taqiqlanadi.
6. Tibbiy-ijtimoiy muassasalarda pullik xizmatlarning preyskurant narxlari Agentlik tomonidan tasdiqlanadi hamda ularga Agentlik tomonidan oʻzgartirish va qoʻshimchalar kiritilishi mumkin.
7. Tibbiy-ijtimoiy muassasalarda keyingi yil uchun koʻrsatiladigan pullik xizmatlarning preyskurant narxlari Agentlik tomonidan har yili 25-dekabrga qadar tasdiqlanadi.
8. Mijozlarga pullik xizmatlarni koʻrsatishda tibbiy-ijtimoiy muassasalarda quyidagilar mavjud boʻlishi shart:
mazkur Nizomga 2-ilovada nazarda tutilgan shaklda tibbiy-ijtimoiy muassasaning qabulxonasida (bundan buyon matnda qabulxona deb yuritiladi) joylashtirilgan mijozga koʻrsatiladigan pullik xizmatlar haqida maʼlumot beruvchi axborot burchagi;
ushbu Nizomning 6-bandida belgilangan tartibda tasdiqlanadigan pullik xizmatlarning preyskurant narxlari;
mijozlarga mazkur Nizomga 1-ilovada belgilangan pullik xizmatlarni koʻrsatish uchun davolash va muolaja xonalari;
pullik xizmat koʻrsatadigan shifokorlar (mutaxassislar) haqida maʼlumotlar (uning F.I.Sh., mutaxassisligi, ish staji, malaka toifasi, uning sohada erishgan yutuqlari) taqdim etuvchi axborot burchagi.
3-bob. Tibbiy-ijtimoiy muassasalarga mijozlarni qabul qilish va pullik xizmat koʻrsatish
9. Tibbiy-ijtimoiy muassasaga pullik xizmatdan foydalanish uchun murojaat qilgan shaxs qabulxonadagi masʼul xodim tomonidan qabul qilinadi hamda tibbiy-ijtimoiy muassasada koʻrsatiladigan pullik xizmatlar toʻgʻrisida tushuntirish beriladi.
Bunda, shaxs tibbiy-ijtimoiy muassasada koʻrsatiladigan pullik xizmatlardan foydalanish xohishini bildirgan taqdirda qabulxona masʼul xodimi tomonidan unga shaxsini tasdiqlovchi hujjat (biometrik pasport yoki identifikatsiya ID-kartasi yoxud mazkur hujjatlardan birining Oʻzbekiston Respublikasi Yagona interaktiv davlat xizmatlari portali va (yoki) “Ijtimoiy karta” mobil ilovasi orqali beriladigan elektron shakli) asosida ambulator karta ochiladi.
Shuningdek, qabulxona masʼul xodimi tomonidan pullik xizmatlardan foydalanish xohishini bildirgan shaxsga ushbu Nizomning 6-bandida belgilangan tartibda tasdiqlanadigan preyskurant boʻyicha shifokorning (mutaxassisning) koʻrigi hamda dastlabki tibbiy tekshiruvlar uchun haq toʻlash zarurligi tushuntiriladi.
10. Mijoz preyskurant boʻyicha haq toʻlaganidan soʻng qabulxonadagi masʼul xodim tomonidan tibbiy-ijtimoiy xizmat koʻrsatilishi, shu jumladan maslahat olish uchun shifokorga (mutaxassisga) yuboriladi.
Bunda, qabulxona masʼul xodimi tomonidan maslahat beruvchi shifokorga (mutaxassisga) ambulator kartani taqdim etish zarurligi toʻgʻrisida mijozga tushuntirilishi lozim.
11. Shifokor (mutaxassis) mijozga maslahat berish vaqtida uni dastlabki tibbiy tekshiruvdan oʻtishga yuboradi. Bunda, dastlabki tibbiy tekshiruv natijalari boʻyicha mijozga asosli tashxis qoʻyish imkoni boʻlmaganda shifokor (mutaxassis) tomonidan unga nisbatan qoʻshimcha tibbiy tekshiruvlar belgilanishi mumkin.
Tekshiruv natijalariga koʻra, shifokor (mutaxassis) tomonidan mijozga ambulator yoki statsionar sharoitda yoxud mobil shaklda tibbiy-ijtimoiy xizmat koʻrsatilishi belgilanadi.
Mijozga ambulator yoki statsionar sharoitda yoxud mobil shaklda tibbiy-ijtimoiy xizmat koʻrsatilishi belgilangandan soʻng shifokor (mutaxassis) mijozning ambulator kartasini qabulxonadagi masʼul xodimga topshiradi.
12. Mijozga statsionar sharoitda tibbiy-ijtimoiy xizmatlar davolash va muolaja xonalarida koʻrsatiladi.
13. Ijtimoiy qoʻllab-quvvatlash markazlari va “Muruvvat” nogironligi boʻlgan shaxslar uchun internat uylarida shartnoma asosida pullik tibbiy-ijtimoiy xizmatning kunduzgi qatnov hamda internat tizimi tashkil etilishi mumkin.
14. Pullik xizmat tibbiy-ijtimoiy muassasa hamda mijoz oʻrtasida rasmiylashtiriladigan shartnoma asosida amalga oshiriladi.
Tomonlar oʻrtasida rasmiylashtiriladigan shartnomada tibbiy-ijtimoiy xizmatlarning har bir yoʻnalishi boʻyicha asosiy qoidalar, tibbiy-ijtimoiy muassasaning vazifalari, tomonlarning huquq va majburiyatlari, javobgarligi, shu jumladan toʻlov shartlari alohida koʻrsatiladi.
Pullik xizmat koʻrsatish yuzasidan shartnoma ikki nusxada tuziladi hamda mijoz, uning homiysi (u mavjud boʻlganda) va tibbiy-ijtimoiy muassasa rahbari tomonidan imzolanadi.
Shartnomaning bir nusxasi mijozga yoki uning homiysiga (u mavjud boʻlganda) beriladi, ikkinchi nusxasi tibbiy-ijtimoiy muassasaning hujjatlar yigʻma jildlarida saqlash uchun qoldiriladi.
15. Koʻrsatilgan pullik xizmat natijasida mijozning sogʻligʻida salbiy oqibatlar yuzaga kelganda, unga yetkazilgan zarar tibbiy-ijtimoiy muassasaning oʻz mablagʻlari hisobidan qoplanadi. Bunda, mazkur yetkazilgan zarar tibbiy-ijtimoiy muassasa tomonidan notoʻgʻri xatti-harakat sodir etgan shifokordan (mutaxassisdan) qonunchilikda belgilangan tartibda undirib olinadi.
16. Mijoz tibbiy-ijtimoiy muassasadan chiqish vaqtida koʻrsatilgan pullik xizmatlar yuzasidan bajarilgan ishlar dalolatnomasi tuziladi va dalolatnomaga asosan yakuniy hisob-kitob ishlari amalga oshiriladi.
Bunda, mijoz tomonidan toʻlanmasdan qolgan mablagʻlar toʻliq qoplanishi yoki ortiqcha toʻlangan mablagʻning qaytarilishi oʻzaro hisob-kitoblar asosida amalga oshiriladi.
17. Pullik xizmatlar yuzasidan mijozlar bilan tuziladigan shartnomalarni va yakuniy hisob-kitob dalolatnomalarini rasmiylashtirish tibbiy-ijtimoiy muassasaning buxgalteriya xizmati tomonidan amalga oshiriladi.
18. Mijoz yoki uning homiysi mijoz uchun zarur boʻlgan qoʻshimcha tibbiy-ijtimoiy xizmat hajmi uchun toʻlovni rad etgan taqdirda, qiymati toʻlangan pullik xizmatlarni mijoz toʻliq hajmda olgandan keyin tegishli davolash-profilaktika muassasasiga murojaat qilishi tushuntirilgan holda tibbiy-ijtimoiy muassasadan chiqariladi.
4-bob. Yakunlovchi qoidalar
19. Oʻzbekiston Respublikasi Prezidentining 2021-yil 25-martdagi PF-6195-son “Keksalar va nogironligi boʻlgan shaxslarni ijtimoiy qoʻllab-quvvatlash, Ijtimoiy qoʻllab-quvvatlash markazlari va “Muruvvat” internat uylari tizimini yanada rivojlantirish toʻgʻrisida”gi Farmonining 12 1 -bandiga muvofiq, pullik xizmatlar uchun toʻlangan mablagʻlarning 2 foizi Agentlikning budjetdan tashqari hisobvaragʻiga yoʻnaltiriladi hamda Agentlik direktori ushbu mablagʻlarni Agentlik tizimidagi tashkilotlar oʻrtasida taqsimlash huquqiga ega.
Pullik xizmatlar uchun toʻlangan mablagʻlarning 2 foizini Agentlikka yoʻnaltiruvchi tibbiy-ijtimoiy muassasalar roʻyxati Agentlik direktori tomonidan tasdiqlanadi.
Pullik xizmatlar uchun toʻlangan mablagʻlarning 2 foizi Agentlikning budjetdan tashqari hisobvaragʻiga yoʻnaltirilishi har oy uchun keyingi oyning 5-sanasiga qadar amalga oshiriladi.
20. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
21. Ushbu Nizom Oʻzbekiston Respublikasi Moliya vazirligi va Oʻzbekiston Respublikasi Sogʻliqni saqlash vazirligi bilan kelishilgan.
Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi tibbiy-ijtimoiy muassasalarda pullik xizmat koʻrsatish tartibi toʻgʻrisidagi nizomga 1-ILOVA
Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi tibbiy-ijtimoiy muassasalar tomonidan mijozlarga koʻrsatiladigan pullik xizmatlar turlari
1-bob. Ijtimoiy qoʻllab-quvvatlash markazlari va “Muruvvat” nogironligi boʻlgan shaxslar uchun internat uylari, Keksalar, nogironligi boʻlgan shaxslar, urush va mehnat faxriylari uchun sanatoriylarda koʻrsatiladigan pullik tibbiy-ijtimoiy xizmatlar
1. Mutaxassis koʻrigi;
2. Yotoq oʻrin bilan taʼminlash;
3. Oziq-ovqat, shu jumladan ratsional va parhez taomlar bilan taʼminlash;
4. Klinik tahlillar;
5. Bioximik tahlillar;
6. Funksional tashxislash;
7. Fizioterapevtik muolajalar;
8. Uqalash;
9. Davolash badantarbiyasi;
10. Dori yuborish (mushak orasiga, qon tomir ichiga, boʻgʻim ichiga);
11. Dori vositalari;
12. Tibbiy buyumlar;
13. Xonalarni tozalash (yigʻishtirish);
14. Kiyim-kechaklarini yuvish;
15. Gigiyena tadbirlarini amalga oshirishda koʻmaklashish;
16. Sayrga, madaniy va maʼrifiy hamda sport tadbirlariga borishda hamrohlik qilish yoki olib borish;
17. Qarindosh va doʻstlar bilan yozishmalarda hamda aloqa oʻrnatishda koʻmaklashish;
18. Birinchi tibbiy yordam;
19. Yotoq yaralarni, tashqi jarohatlarni qayta ishlash va bogʻlash;
20. Tozalash klizmasini bajarish;
21. Palliativ yordam koʻrsatish;
22. Uy sharoitida tibbiy parvarish qilish asoslarini oʻrgatish;
23. Nogironligi boʻlgan shaxslarni reabilitatsiya qilish yakka tartibdagi dasturida belgilangan sogʻlomlashtirish tadbirlarini amalga oshirish;
24. Konsertlar, tomoshalar, tarixiy qadamjolarga hamda ziyoratgohlarga ekskursiyalar uyushtirish;
25. Davra suhbatlari, uchrashuvlar, treninglar oʻtkazish;
26. Bayramlar va alohida muhim sanalarda har xil madaniy tadbirlar tashkil qilish;
27. Shifokor koʻrsatmasiga muvofiq tegishli sport anjomlaridan, vorkaut sport maydonchalarida mavjud inventarlardan foydalanishga koʻmaklashish;
28. Davolovchi badantarbiya mashqlarini bajarishda koʻmaklashish;
29. Qiziqishni inobatga olgan holda turli xil toʻgaraklar tashkil etish.
2-bob. Nogironligi boʻlgan shaxslarni reabilitatsiya qilish va protezlash milliy markazi, uning hududiy markazlarida koʻrsatiladigan pullik tibbiy-ijtimoiy xizmatlar
1. Mutaxassis koʻrigi;
2. Yotoq oʻrin bilan taʼminlash;
3. Oziq-ovqat bilan taʼminlash;
4. Klinik tahlillar;
5. Bioximik tahlillar;
6. Funksional tashxislash;
7. Nur tashxislash;
8. Fizioterapevtik muolajalar;
9. Uqalash;
10. Davolash badantarbiyasi;
11. Jarrohlik amaliyotlari;
12. Ogʻriqsizlantirish;
13. Gips bogʻlami oʻrnatish;
14. Jarohatdagi bogʻlamni almashtirish;
15. Dori yuborish (mushak orasiga, qon tomir ichiga, boʻgʻim ichiga);
16. Dori vositalari;
17. Tibbiy buyumlar.
Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi tibbiy-ijtimoiy muassasalarda pullik xizmat koʻrsatish tartibi toʻgʻrisidagi nizomga 2-ILOVA
Direktor A. INAKOV
Sogʻliqni saqlash vaziri B. MUSAYEV
Moliya vaziri T. ISHMETOV
Toshkent sh.,
2022-yil 31-mart,
2022-yil 30-mart
2022-yil 28-mart
52-ICH-son