📅 2022-yil 6-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 6 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 6 апреля 2022 г. · Указы Президента
Официальный текст. Официальный документ. Редакционные примечания не включены.
📅 6 April 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ташқи савдо фаолияти иштирокчиларини қўллаб-қувватлашнинг қўшимча чора-тадбирлари тўғрисида
Ўзбекистон Республикаси Президентининг 2022 йил 28 январдаги «2022 — 2026 йилларга мўлжалланган Янги Ўзбекистоннинг тараққиёт стратегияси тўғрисида»ги ПФ-60-сон Фармонига мувофиқ, ташқи савдони тартибга солиш механизмларини такомиллаштириш, маҳаллий тадбиркорлик субъектларининг экспорт фаолиятини ҳар томонлама қўллаб-қувватлаш ва рағбатлантириш чораларини янада кучайтириш орқали юқори қўшилган қийматга эга маҳсулотлар экспортини кенгайтириш мақсадида:
1. Белгилансинки, 2022 йил 1 апрелдан бошлаб:
а) 2023 йил 1 апрелга қадар:
маҳаллий корхоналар (уларнинг ваколатли вакиллари)га Европа Иттифоқи давлатларига юқори қўшилган қийматли маҳсулотларни экспорт қилишда ташиш харажатларини 70 фоизгача миқдорда компенсация қилишга субсидиялар тақдим этилади;
қўшни давлатларга экспорт қилинган юқори қўшилган қийматга эга маҳсулотларни экспорт қилишда ташиш харажатларини 50 фоизгача миқдорда компенсация қилишга субсидиялар тақдим этилади;
б) мувофиқликни баҳолаш органларини халқаро ILAC/IAF ташкилотлари аъзоси ҳисобланган аккредитация идораси томонидан аккредитациядан ўтказиш билан боғлиқ харажатлар Экспортни рағбатлантириш агентлиги томонидан қоплаб берилади;
в) тадбиркорлик субъектлари томонидан товарлар (махсус турдаги товарлардан ташқари), ишлар ва хизматлар экспортини шартнома тузмасдан ҳисобварақ-фактуралар (инвойслар) асосида амалга оширишда талаб этиладиган олдиндан тўлов миқдори 100 фоиздан 50 фоизга камайтирилади.
2. Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси (С. Умурзаков) (кейинги ўринларда — Ҳукумат комиссияси):
икки ҳафта муддатда экспорт қилишда ташиш харажатларини компенсация қилишга субсидиялар тақдим этиладиган юқори қўшилган қийматга эга маҳсулотлар рўйхатини тасдиқласин ва унинг Экспорт қилувчиларни қўллаб-қувватлашнинг ягона порталида (www.exportportali.uz) эълон қилиб борилишини таъминласин;
Экспортни қўллаб-қувватлаш жамғармаси маблағларининг мақсадли ва самарали сарфланиши устидан доимий назорат ўрнатсин.
3. Молия вазирлиги Экспортни рағбатлантириш агентлигининг буюртманомаларига биноан мазкур Фармоннинг 1-бандида назарда тутилган қўллаб-қувватлаш чораларини амалга ошириш учун зарур маблағларни республика бюджетидан ажратиб борсин.
4. Ҳукумат комиссиясига маҳаллий экспортчи корхоналарнинг мурожаатларига асосан экспортолди ва экспорт билан боғлиқ савдо операцияларини молиялаштириш учун Экспортни қўллаб-қувватлаш жамғармаси маблағлари ҳисобидан ажратилган кредитларни қайтариш муддатини яна олти ойгача узайтириш ваколати берилсин.
Бунда, ушбу кредитларни қайтариш муддатининг ўзгартирилиши Марказий банк томонидан кредит шартлари қайта кўриб чиқилган активлар сифатида ҳисобланмаслиги белгилаб қўйилсин.
5. «Божхона омбори» режимида олти ойдан кўп бўлган товарларнинг божхона расмийлаштирувида божхона тўловлари бўйича имтиёзларни қўллашни тақиқловчи тартиб бекор қилинсин.
6. Ёшлар тадбиркорлигини янада қўллаб-қувватлаш, шу жумладан инновацион технологияларга асосланган экспортбоп маҳсулотлар ишлаб чиқариш ва хизматлар кўрсатиш фаолиятини рағбатлантириш мақсадида Ҳукумат комиссиясининг қарорига асосан Ёш тадбиркорларни қўллаб-қувватлаш жамғармаси маблағлари ҳисобидан уларга 500 минг АҚШ долларигача кредитлар ажратишга рухсат берилсин.
7. Инвестициялар ва ташқи савдо вазирлигига 2023 йил 1 январга қадар Ҳукумат комиссияси хулосаси асосида Ўзбекистон Республикаси ташқи савдо операцияларини тартибга солишнинг вақтинчалик механизмларини жорий қилиш ваколати берилсин.
Бунда, тайёр маҳсулотлар экспортини рағбатлантириш, шунингдек, импорт шартномалари қийматларини сунъий равишда ошириш, ички бозорга сифатсиз маҳсулотлар кириб келиши ва контрабанда ҳолатларининг олдини олиш чоралари назарда тутилсин.
8. «Ўзтрейд» ва «Ўзсаноатэкспорт» акциядорлик жамиятларига ташқи савдо компанияларини айланма маблағлар билан таъминлаш мақсадида Экспортни қўллаб-қувватлаш жамғармаси ҳисобидан 10 миллион АҚШ доллар маблағ ажратилсин.
Белгилансинки, Давлат активларини бошқариш агентлиги «Ўзтрейд» ва «Ўзсаноатэкспорт» акциядорлик жамиятларининг устав капиталларидаги (жамғармаларидаги) давлат акциялари (улушлари) пакетлари бўйича акциядор ҳуқуқини амалга оширади.
9. Давлат активларини бошқариш агентлиги бир ҳафта муддатда Экспортни рағбатлантириш агентлигига «Ўзтрейд» ва «Ўзсаноатэкспорт» акциядорлик жамиятларининг устав капиталларидаги (жамғармаларидаги) давлат акциялари (улушлари) ўтказилишини таъминласин.
10. Ўзбекистон Республикаси Президентининг айрим ҳужжатларига иловага мувофиқ ўзгартиришлар ва қўшимча киритилсин.
11. Инвестициялар ва ташқи савдо вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур Фармон ижросини самарали ташкил қилишга масъул ва шахсий жавобгар этиб инвестициялар ва ташқи савдо вазирининг биринчи ўринбосари А.Б. Воитов белгилансин.
Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президентининг 2022 йил 6 апрелдаги ПФ-97-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар ва қўшимча
1. Ўзбекистон Республикаси Президентининг 2020 йил 27 октябрдаги «Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида»ги ПФ-6096-сон Фармонига 3-илованинг 53-позицияси ҳамда 4-илованинг 240-позицияси чиқариб ташлансин.
3. Ўзбекистон Республикаси Президентининг 2017 йил 3 ноябрдаги «Ташқи савдо фаолиятини янада эркинлаштириш ва тадбиркорлик субъектларини қўллаб-қувватлаш чора-тадбирлари тўғрисида»ги ПҚ-3351-сон қарорида :
а) 1-банд «б» кичик бандининг биринчи хатбошисидаги ҳамда «в» кичик бандидаги «давлат улуши 50 фоиздан кам бўлган» сўзлари «давлат улуши 50 фоиздан кўп бўлган» сўзлари билан алмаштирилсин;
б) 2-банднинг биринчи хатбошисидаги «100 фоиз» сўзлари «50 фоиз» сўзлари билан алмаштирилсин.
4. Ўзбекистон Республикаси Президентининг 2018 йил 29 июндаги «Ўзбекистон Республикасининг ташқи иқтисодий фаолиятини янада тартибга солиш ҳамда божхона-тариф жиҳатдан тартибга солиш тизимини такомиллаштириш чора-тадбирлари тўғрисида»ги ПҚ-3818-сон қарори 3-бандининг тўртинчи хатбошиси чиқариб ташлансин.
5. Ўзбекистон Республикаси Президентининг 2019 йил 14 январдаги ПҚ-4112-сон қарори билан тасдиқланган Устав капиталидаги давлат акция пакетлари (улушлари) Давлат активларини бошқариш агентлигига бериладиган хўжалик жамиятлари рўйхатининг 1 ва 2-позициялари чиқариб ташлансин.
6. Ўзбекистон Республикаси Президентининг 2019 йил 28 январдаги «Ўзбекистон Республикаси Инвестициялар ва ташқи савдо вазирлиги фаолиятини ташкил этиш тўғрисида»ги ПҚ-4135-сон қарори 7-банди иккинчи хатбошисидаги «вазифасини» сўзи «ҳуқуқини» сўзи билан алмаштирилсин.
7. Ўзбекистон Республикаси Президентининг 2021 йил 21 апрелдаги «Ёшлар саноат ва тадбиркорлик зоналари фаолиятини ташкил этиш ҳамда ёшларнинг тадбиркорликка оид ташаббусларини қўллаб-қувватлаш чора-тадбирлари тўғрисида»ги ПҚ-5088-сон қарорининг 9-банди «е» кичик бандида :
а) қуйидаги мазмундаги учинчи хатбоши билан тўлдирилсин:
«Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссиясининг қарорига асосан молиявий ресурслар тижорат банклари томонидан бир ёш тадбиркорлик субъекти учун бир йўла 100 минг АҚШ доллари эквивалентидан юқори ва 500 минг АҚШ доллари эквивалентидан ошмаган миқдорда 7 йилгача муддат билан тақдим этилади»;
б) учинчи — олтинчи хатбошилар тегишинча тўртинчи — еттинчи хатбошилар деб ҳисоблансин;
в) тўртинчи хатбошидаги «100 минг АҚШ доллари» сўзлари «500 минг АҚШ доллари» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 6 апрель,
ПФ-97-сон
Oʻzbekiston Respublikasi Prezidentining
Farmoni
Tashqi savdo faoliyati ishtirokchilarini qoʻllab-quvvatlashning qoʻshimcha chora-tadbirlari toʻgʻrisida
Oʻzbekiston Respublikasi Prezidentining 2022-yil 28-yanvardagi “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida”gi PF-60-son Farmoniga muvofiq, tashqi savdoni tartibga solish mexanizmlarini takomillashtirish, mahalliy tadbirkorlik subyektlarining eksport faoliyatini har tomonlama qoʻllab-quvvatlash va ragʻbatlantirish choralarini yanada kuchaytirish orqali yuqori qoʻshilgan qiymatga ega mahsulotlar eksportini kengaytirish maqsadida:
1. Belgilansinki, 2022-yil 1-apreldan boshlab:
a) 2023-yil 1-aprelga qadar:
mahalliy korxonalar (ularning vakolatli vakillari)ga Yevropa Ittifoqi davlatlariga yuqori qoʻshilgan qiymatli mahsulotlarni eksport qilishda tashish xarajatlarini 70 foizgacha miqdorda kompensatsiya qilishga subsidiyalar taqdim etiladi;
qoʻshni davlatlarga eksport qilingan yuqori qoʻshilgan qiymatga ega mahsulotlarni eksport qilishda tashish xarajatlarini 50 foizgacha miqdorda kompensatsiya qilishga subsidiyalar taqdim etiladi;
b) muvofiqlikni baholash organlarini xalqaro ILAC/IAF tashkilotlari aʼzosi hisoblangan akkreditatsiya idorasi tomonidan akkreditatsiyadan oʻtkazish bilan bogʻliq xarajatlar Eksportni ragʻbatlantirish agentligi tomonidan qoplab beriladi;
v) tadbirkorlik subyektlari tomonidan tovarlar (maxsus turdagi tovarlardan tashqari), ishlar va xizmatlar eksportini shartnoma tuzmasdan hisobvaraq-fakturalar (invoyslar) asosida amalga oshirishda talab etiladigan oldindan toʻlov miqdori 100 foizdan 50 foizga kamaytiriladi.
2. Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi (S. Umurzakov) (keyingi oʻrinlarda — Hukumat komissiyasi):
ikki hafta muddatda eksport qilishda tashish xarajatlarini kompensatsiya qilishga subsidiyalar taqdim etiladigan yuqori qoʻshilgan qiymatga ega mahsulotlar roʻyxatini tasdiqlasin va uning Eksport qiluvchilarni qoʻllab-quvvatlashning yagona portalida (www.exportportali.uz) eʼlon qilib borilishini taʼminlasin;
Eksportni qoʻllab-quvvatlash jamgʻarmasi mablagʻlarining maqsadli va samarali sarflanishi ustidan doimiy nazorat oʻrnatsin.
3. Moliya vazirligi Eksportni ragʻbatlantirish agentligining buyurtmanomalariga binoan mazkur Farmonning 1-bandida nazarda tutilgan qoʻllab-quvvatlash choralarini amalga oshirish uchun zarur mablagʻlarni respublika budjetidan ajratib borsin.
4. Hukumat komissiyasiga mahalliy eksportchi korxonalarning murojaatlariga asosan eksportoldi va eksport bilan bogʻliq savdo operatsiyalarini moliyalashtirish uchun Eksportni qoʻllab-quvvatlash jamgʻarmasi mablagʻlari hisobidan ajratilgan kreditlarni qaytarish muddatini yana olti oygacha uzaytirish vakolati berilsin.
Bunda, ushbu kreditlarni qaytarish muddatining oʻzgartirilishi Markaziy bank tomonidan kredit shartlari qayta koʻrib chiqilgan aktivlar sifatida hisoblanmasligi belgilab qoʻyilsin.
5. “Bojxona ombori” rejimida olti oydan koʻp boʻlgan tovarlarning bojxona rasmiylashtiruvida bojxona toʻlovlari boʻyicha imtiyozlarni qoʻllashni taqiqlovchi tartib bekor qilinsin.
6. Yoshlar tadbirkorligini yanada qoʻllab-quvvatlash, shu jumladan innovatsion texnologiyalarga asoslangan eksportbop mahsulotlar ishlab chiqarish va xizmatlar koʻrsatish faoliyatini ragʻbatlantirish maqsadida Hukumat komissiyasining qaroriga asosan Yosh tadbirkorlarni qoʻllab-quvvatlash jamgʻarmasi mablagʻlari hisobidan ularga 500 ming AQSh dollarigacha kreditlar ajratishga ruxsat berilsin.
7. Investitsiyalar va tashqi savdo vazirligiga 2023-yil 1-yanvarga qadar Hukumat komissiyasi xulosasi asosida Oʻzbekiston Respublikasi tashqi savdo operatsiyalarini tartibga solishning vaqtinchalik mexanizmlarini joriy qilish vakolati berilsin.
Bunda, tayyor mahsulotlar eksportini ragʻbatlantirish, shuningdek, import shartnomalari qiymatlarini sunʼiy ravishda oshirish, ichki bozorga sifatsiz mahsulotlar kirib kelishi va kontrabanda holatlarining oldini olish choralari nazarda tutilsin.
8. “Oʻztreyd” va “Oʻzsanoateksport” aksiyadorlik jamiyatlariga tashqi savdo kompaniyalarini aylanma mablagʻlar bilan taʼminlash maqsadida Eksportni qoʻllab-quvvatlash jamgʻarmasi hisobidan 10 million AQSh dollar mablagʻ ajratilsin.
Belgilansinki, Davlat aktivlarini boshqarish agentligi “Oʻztreyd” va “Oʻzsanoateksport” aksiyadorlik jamiyatlarining ustav kapitallaridagi (jamgʻarmalaridagi) davlat aksiyalari (ulushlari) paketlari boʻyicha aksiyador huquqini amalga oshiradi.
9. Davlat aktivlarini boshqarish agentligi bir hafta muddatda Eksportni ragʻbatlantirish agentligiga “Oʻztreyd” va “Oʻzsanoateksport” aksiyadorlik jamiyatlarining ustav kapitallaridagi (jamgʻarmalaridagi) davlat aksiyalari (ulushlari) oʻtkazilishini taʼminlasin.
10. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar va qoʻshimcha kiritilsin.
11. Investitsiyalar va tashqi savdo vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur Farmon ijrosini samarali tashkil qilishga masʼul va shaxsiy javobgar etib investitsiyalar va tashqi savdo vazirining birinchi oʻrinbosari A.B. Voitov belgilansin.
Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidentining 2022-yil 6-apreldagi PF-97-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2020-yil 27-oktabrdagi “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida”gi PF-6096-son Farmoniga 3-ilovaning 53-pozitsiyasi hamda 4-ilovaning 240-pozitsiyasi chiqarib tashlansin.
3. Oʻzbekiston Respublikasi Prezidentining 2017-yil 3-noyabrdagi “Tashqi savdo faoliyatini yanada erkinlashtirish va tadbirkorlik subyektlarini qoʻllab-quvvatlash chora-tadbirlari toʻgʻrisida”gi PQ-3351-son qarorida :
a) 1-band “b” kichik bandining birinchi xatboshisidagi hamda “v” kichik bandidagi “davlat ulushi 50 foizdan kam boʻlgan” soʻzlari “davlat ulushi 50 foizdan koʻp boʻlgan” soʻzlari bilan almashtirilsin;
b) 2-bandning birinchi xatboshisidagi “100 foiz” soʻzlari “50 foiz” soʻzlari bilan almashtirilsin.
4. Oʻzbekiston Respublikasi Prezidentining 2018-yil 29-iyundagi “Oʻzbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari toʻgʻrisida”gi PQ-3818-son qarori 3-bandining toʻrtinchi xatboshisi chiqarib tashlansin.
5. Oʻzbekiston Respublikasi Prezidentining 2019-yil 14-yanvardagi PQ-4112-son qarori bilan tasdiqlangan Ustav kapitalidagi davlat aksiya paketlari (ulushlari) Davlat aktivlarini boshqarish agentligiga beriladigan xoʻjalik jamiyatlari roʻyxatining 1 va 2-pozitsiyalari chiqarib tashlansin.
6. Oʻzbekiston Respublikasi Prezidentining 2019-yil 28-yanvardagi “Oʻzbekiston Respublikasi Investitsiyalar va tashqi savdo vazirligi faoliyatini tashkil etish toʻgʻrisida”gi PQ-4135-son qarori 7-bandi ikkinchi xatboshisidagi “vazifasini” soʻzi “huquqini” soʻzi bilan almashtirilsin.
7. Oʻzbekiston Respublikasi Prezidentining 2021-yil 21-apreldagi “Yoshlar sanoat va tadbirkorlik zonalari faoliyatini tashkil etish hamda yoshlarning tadbirkorlikka oid tashabbuslarini qoʻllab-quvvatlash chora-tadbirlari toʻgʻrisida”gi PQ-5088-son qarorining 9-bandi “e” kichik bandida :
a) quyidagi mazmundagi uchinchi xatboshi bilan toʻldirilsin:
“Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasining qaroriga asosan moliyaviy resurslar tijorat banklari tomonidan bir yosh tadbirkorlik subyekti uchun bir yoʻla 100 ming AQSh dollari ekvivalentidan yuqori va 500 ming AQSh dollari ekvivalentidan oshmagan miqdorda 7 yilgacha muddat bilan taqdim etiladi”;
b) uchinchi — oltinchi xatboshilar tegishincha toʻrtinchi — yettinchi xatboshilar deb hisoblansin;
v) toʻrtinchi xatboshidagi “100 ming AQSh dollari” soʻzlari “500 ming AQSh dollari” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 6-aprel,
PF-97-son
Президента Республики Узбекистан
Указ
О дополнительных мерах по поддержке участников внешнеторговой деятельности
В соответствии с Указом Президента Республики Узбекистан от 28 января 2022 года № УП-60 «О Стратегии развития Нового Узбекистана на 2022 — 2026 годы» в целях совершенствования механизмов регулирования внешней торговли, расширения экспорта продукции с высокой добавленной стоимостью путем дальнейшего усиления мер всесторонней поддержки и стимулирования экспортной деятельности отечественных субъектов предпринимательства:
1. Установить, что с 1 апреля 2022 года:
а) до 1 апреля 2023 года:
отечественным предприятиям (их уполномоченным представителям) при экспорте продукции с высокой добавленной стоимостью в страны Европейского Союза предоставляются субсидии на компенсацию транспортных расходов в размере до 70 процентов;
при экспорте продукции с высокой добавленной стоимостью, экспортируемой в соседние государства, предоставляются субсидии на компенсацию транспортных расходов в размере до 50 процентов;
б) расходы, связанные с аккредитацией органов по оценке соответствия органом по аккредитации, который является членом международных организаций ILAC/IAF, компенсируются Агентством продвижения экспорта;
в) размер предоплаты, требуемой при осуществлении субъектами предпринимательства экспорта товаров (за исключением специальных видов товаров), работ и услуг на основании счетов-фактур (инвойсов) без заключения договора, снижается со 100 процентов до 50 процентов.
2. Правительственной комиссии по вопросам внешней торговли, инвестиций, развития местной промышленности и технического регулирования (С. Умурзаков) (далее — Правительственная комиссия):
в двухнедельный срок утвердить перечень продукции с высокой добавленной стоимостью, при экспорте которой предусмотрены субсидии на компенсацию транспортных расходов, и обеспечить его регулярную публикацию на Едином портале поддержки экспортеров (www.exportportali.uz);
установить постоянный контроль за целевым и эффективным расходованием средств Фонда поддержки экспорта.
3. Министерству финансов, на основании заявок Агентства продвижения экспорта, выделять необходимые средства из республиканского бюджета для реализации мер поддержки, предусмотренных пунктом 1 настоящего Указа.
4. Предоставить Правительственной комиссии полномочия по продлению срока погашения кредитов, выделенных за счет средств Фонда поддержки экспорта для финансирования предэкспортных и связанных с экспортом торговых операций, на дополнительные шесть месяцев в соответствии с обращениями отечественных предприятий-экспортеров.
При этом установить, что изменение срока погашения данных кредитов не будет рассматриваться Центральным банком как активы, условия кредитования которых были пересмотрены.
5. Отменить порядок запрета применения льгот по таможенным платежам при таможенном оформлении товаров, находящихся в режиме таможенного склада сроком более шести месяцев.
6. В целях дальнейшей поддержки молодежного предпринимательства, в том числе стимулирования деятельности по производству экспортоориентированной продукции и оказанию услуг на основе инновационных технологий, разрешить выделение кредитов до 500 тысяч долларов США за счет средств Фонда поддержки молодых предпринимателей на основании решений Правительственной комиссии.
7. Предоставить Министерству инвестиций и внешней торговли полномочия по внедрению до 1 января 2023 года временных механизмов регулирования внешнеторговых операций Республики Узбекистан на основании заключения Правительственной комиссии.
При этом предусмотреть меры по стимулированию экспорта готовой продукции, предотвращению случаев искусственного завышения стоимости импортных контрактов, проникновения некачественной продукции на внутренний рынок и случаев контрабанды.
8. Выделить акционерным обществам «Узтрейд» и «Узсаноатэкспорт» за счет средств Фонда поддержки экспорта 10 миллионов долларов США в целях обеспечения внешнеторговых компаний оборотными средствами.
Установить, что Агентство по управлению государственными активами осуществляет право акционера на пакеты государственных акций (долей) в уставном капитале (фондах) акционерных обществ «Узтрейд» и «Узсаноатэкспорт».
9. Агентству по управлению государственными активами в недельный срок обеспечить передачу Агентству продвижения экспорта государственных акций (долей) в уставных капиталах (фондах) акционерных обществ «Узтрейд» и «Узсаноатэкспорт».
10. Внести изменения и дополнение в некоторые акты Президента Республики Узбекистан согласно приложению .
11. Министерству инвестиций и внешней торговли совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
12. Возложить на первого заместителя министра инвестиций и внешней торговли А.Б. Воитова персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
ПРИЛОЖЕНИЕ к Указу Президента Республики Узбекистан от 6 апреля 2022 года № УП-97
Изменения и дополнение, вносимые в некоторые акты Президента Республики Узбекистан
1. Позицию 53 приложения № 3 и позицию 240 приложения № 4 к Указу Президента Республики Узбекистан от 27 октября 2020 года № УП-6096 «О мерах по ускоренному реформированию предприятий с участием государства и приватизации государственных активов» исключить.
3. В постановлении Президента Республики Узбекистан от 3 ноября 2017 года № ПП-3351 «О мерах по дальнейшей либерализации внешнеторговой деятельности и поддержке субъектов предпринимательства»:
а) в абзаце первом подпункта «б» и в подпункте «в» пункта 1 слова «долей государства в уставном капитале менее 50 процентов» заменить словами «долей государства в уставном капитале более 50 процентов»;
б) в абзаце первом пункта 2 слова «100-процентной» заменить словами «50-процентной».
4. Абзац четвертый пункта 3 постановления Президента Республики Узбекистан от 29 июня 2018 года № ПП-3818 «О мерах по дальнейшему упорядочению внешнеэкономической деятельности и совершенствованию системы таможенно-тарифного регулирования Республики Узбекистан» исключить.
5. Позиции 1 и 2 Перечня государственных пакетов акций (долей) в уставных капиталах хозяйственных обществ, передаваемых Агентству по управлению государственными активами, утвержденного постановлением Президента от 14 января 2019 года № ПП-4112, исключить.
6. В абзаце втором пункта 7 постановления Президента Республики Узбекистан от 28 января 2019 года № ПП-4135 «Об организации деятельности Министерства инвестиций и внешней торговли Республики Узбекистан» слово «функцию» заменить словом «права».
7. В подпункте «е» пункта 9 постановления Президента Республики Узбекистан от 21 апреля 2021 года № ПП-5088 «О мерах по организации деятельности молодежных промышленных и предпринимательских зон, а также поддержке предпринимательских инициатив молодежи»:
а) дополнить абзацем третьим следующего содержания:
«Финансовые ресурсы выделяются коммерческими банками одному молодому субъекту предпринимательства единовременно в размере более эквивалента 100 тысяч долларов США и не превышающем в эквиваленте 500 тысяч долларов США на срок до семи лет на основании решения Правительственной комиссии по вопросам внешней торговли, инвестиций, развития местной промышленности и технического регулирования»;
б) абзацы третий — шестой считать соответственно абзацами четвертым — седьмым;
в) в абзаце четвертом слова «100 тысяч долларов США» заменить словами «500 тысяч долларов США».
Президент Республики Узбекистан Ш. МИРЗИЁЕВ
г. Ташкент,
6 апреля 2022 г.,
№ УП-97