UzbekAI

Ўзбекистон Республикаси Президентининг

Қарори

МИҚДОРИ

Туман ва шаҳар бюджетлари маблағларини жамоатчилик фикри асосида шакллантирилган тадбирларга йўналтириш жараёнларида фуқароларнинг иштирокини янада қўллаб-қувватлаш тўғрисида

2022 йилнинг биринчи чорагида ўтказилган ташаббусли бюджетлаштириш жараёнида фуқароларнинг фаол иштирокини қўллаб-қувватлаш ҳамда улар томонидан илгари сурилган лойиҳаларда акс эттирилган долзарб муаммоларни қисқа муддатларда бартараф этиш ва фуқароларнинг ушбу жараёнларда фаоллигини янада ошириш мақсадида:

1. 2022 йилнинг биринчи чорагида ўтказилган ташаббусли бюджетлаштириш жараёни натижалари бўйича фуқаролар томонидан илгари сурилган 2 215 та лойиҳа ғолиб деб топилганлиги ва ушбу лойиҳаларни амалга ошириш учун 1,1 триллион сўм маблағ йўналтирилиши маълумот учун қабул қилинсин.

2. Молия вазирлиги ҳамда Иқтисодий тараққиёт ва камбағалликни қисқартириш вазирлигининг 2022 йил февраль-март ойлари давомида ўтказилган ташаббусли бюджетлаштириш жараёнларида ҳар бири 2 мингдан ортиқ овоз тўплаган, лекин ғолиб деб топилмаган 139 та лойиҳани амалга ошириш учун қўшимча равишда 85,4 миллиард сўм маблағни иловага мувофиқ туман (шаҳар)ларга ажратиш тўғрисидаги таклифи маъқуллансин.

Белгилансинки, ушбу маблағлар Молия вазирлиги ҳузуридаги Давлат молиявий назорати инспекцияси томонидан 2022 йилда ўтказиладиган назорат тадбирларида аниқланган қонунбузилиш ҳолатлари бўйича маблағлар ҳисобидан йўналтирилади.

3. Қорақалпоғистон Республикаси Вазирлар Кенгаши Раиси, вилоятлар, Тошкент шаҳар, туманлар ва шаҳарлар ҳокимлари:

мазкур қарорга мувофиқ қўшимча ажратилаётган маблағларнинг бир кун муддатда Фуқаролар ташаббуси жамғармасига ўтказилишини ҳамда Жамғарма маблағларидан мақсадли фойдаланилишини таъминласин;

ҳар ой якуни билан келгуси ойнинг 10-санасига қадар оммавий ахборот воситалари вакиллари иштирокида жамоатчилик фикри асосида шакллантирилган ташаббусли бюджет тадбирлари молиялаштирилиши ва бажарилиши тўғрисидаги ҳисоботларни жамоатчиликка эълон қилиб борсин.

4. Белгилансинки:

жамоатчилик фикри асосида шакллантирилган тадбирлар ўз вақтида молиялаштирилиши ва бажарилишини баҳолаш ҳар чорак якуни бўйича халқ депутатлари туман ва шаҳар Кенгашлари томонидан амалга оширилади;

ҳисобот йили якуни бўйича Бош прокуратура ҳузуридаги Иқтисодий жиноятларга қарши курашиш департаментининг Давлат молиявий назорати инспекцияси жамоатчилик фикри асосида шакллантирилган тадбирларнинг бажарилишини якуний назоратдан ўтказади;

туман (шаҳар) ҳокимлари ташаббусли бюджетлаштириш асосида амалга оширилаётган лойиҳаларнинг натижалари бўйича оммавий ахборот воситаларида мунтазам ҳисобот бериб боради.

Жамоатчилик фикри асосида шакллантирилган тадбирлар бажарилиши юзасидан Қорақалпоғистон Республикаси Вазирлар Кенгаши Раиси, вилоятлар, Тошкент шаҳар, туманлар ва шаҳарлар ҳокимларининг ҳисоботларини Олий Мажлис Сенатида ҳар чорак якунида эшитиб бориш амалиёти жорий этилсин.

5. Қорақалпоғистон Республикаси Вазирлар Кенгаши Раиси, вилоятлар, Тошкент шаҳар, туманлар ва шаҳарлар ҳокимлари ташаббусли бюджетлаштириш жараёнлари бўйича ғолиб деб топилган лойиҳаларда белгиланган ишларнинг тўлиқ ва сифатли амалга оширилиши, ўз вақтида молиялаштирилишини назорат қилиш учун шахсан масъул этиб белгилансин.

6. Ўзбекистон Миллий ахборот агентлиги ва Ўзбекистон Миллий телерадиокомпаниясига маҳаллий давлат ҳокимияти органлари билан биргаликда ғолиб деб топилган лойиҳалар юзасидан амалга оширилган ишлар бўйича маълумотларни кенг жамоатчиликка мунтазам равишда етказиш тавсия этилсин.

7. Мазкур қарорнинг ижросини самарали ташкил қилишга масъул ва шахсий жавобгар этиб молия вазири Т.А. Ишметов ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.

Ўзбекистон Республикаси Президентининг 2022 йил 7 апрелдаги ПҚ-197-сон қарорига ИЛОВА

2022 йилнинг февраль-март ойлари давомида ўтказилган ташаббусли бюджет жараёнларида ҳар бири 2 мингдан ортиқ овоз тўплаган, лекин ғолиб деб топилмаган 139 та лойиҳани амалга ошириш учун ажратилаётган маблағлар

Т/р Ҳудуд номи Лойиҳалар сони (бирлик) Маблағ миқдори (млн сўм) Жами республика бўйича 139 85 450 шу жумладан: Андижон вилояти бўйича жами 11 8 131 1. Асака тумани 10 7 670 2. Марҳамат тумани 1 461 Бухоро вилояти бўйича жами 7 4 207 3. Ғиждувон тумани 7 4 207 Жиззах вилояти бўйича жами 7 6 230 4. Жиззах шаҳри 6 5 430 5. Пахтакор тумани 1 800 Қашқадарё вилояти бўйича жами 4 2 742 6. Китоб тумани 1 812 7. Қамаши тумани 1 950 8. Яккабоғ тумани 2 980 Навоий вилояти бўйича жами 10 5 963 9. Нурота тумани 1 300 10. Хатирчи тумани 9 5 663 Наманган вилояти бўйича жами 17 11 525 11. Косонсой тумани 4 1 400 12. Наманган шаҳри 2 1 850 13. Норин тумани 2 1 850 14. Поп тумани 3 2 430 15. Янгиқўрғон тумани 6 3 995 Самарқанд вилояти бўйича жами 5 2 910 16. Иштихон тумани 1 100 17. Каттақўрғон тумани 4 2 810 Сирдарё вилояти бўйича жами 3 2 940 18. Боёвут тумани 3 2 940 Сурхондарё вилояти бўйича жами 19 11 956 19. Ангор тумани 3 936 20. Олтинсой тумани 13 8 190 21. Сариосиё тумани 1 752 22. Шеробод тумани 2 2 078 Тошкент вилояти бўйича жами 7 5 310 23. Ангрен шаҳри 1 650 24. Оққўрғон тумани 1 500 25. Оҳангарон тумани 3 2 250 26. Тошкент тумани 1 840 27. Юқори Чирчиқ тумани 1 1 070 Фарғона вилояти бўйича жами 43 21 185 28. Бешариқ тумани 1 300 29. Бағдод тумани 2 1 546 30. Бувайда тумани 1 500 31. Данғара тумани 5 1 898 32. Қўштепа тумани 6 2 493 33. Қува тумани 1 400 34. Қувасой шаҳри 5 2 375 35. Олтиариқ тумани 2 1 430 36. Риштон тумани 4 2 385 37. Ўзбекистон тумани 9 3 470 38. Учкўприк тумани 4 1 980 39. Фарғона тумани 2 1 999 40. Фурқат тумани 1 409 Хоразм вилояти бўйича жами 6 2 350 41. Урганч тумани 4 1 200 42. Урганч шаҳри 1 800 43. Шовот тумани 1 350

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 7 апрель,

ПҚ-197-сон

(Қонунчилик маълумотлари миллий базаси, 08.04.2022 й., 07/22/197/0281-сон)

lex.uz

Oʻzbekiston Respublikasi Prezidentining

Qarori

MIQDORI

Tuman va shahar budjetlari mablagʻlarini jamoatchilik fikri asosida shakllantirilgan tadbirlarga yoʻnaltirish jarayonlarida fuqarolarning ishtirokini yanada qoʻllab-quvvatlash toʻgʻrisida

2022-yilning birinchi choragida oʻtkazilgan tashabbusli budjetlashtirish jarayonida fuqarolarning faol ishtirokini qoʻllab-quvvatlash hamda ular tomonidan ilgari surilgan loyihalarda aks ettirilgan dolzarb muammolarni qisqa muddatlarda bartaraf etish va fuqarolarning ushbu jarayonlarda faolligini yanada oshirish maqsadida:

1. 2022-yilning birinchi choragida oʻtkazilgan tashabbusli budjetlashtirish jarayoni natijalari boʻyicha fuqarolar tomonidan ilgari surilgan 2 215 ta loyiha gʻolib deb topilganligi va ushbu loyihalarni amalga oshirish uchun 1,1 trillion soʻm mablagʻ yoʻnaltirilishi maʼlumot uchun qabul qilinsin.

2. Moliya vazirligi hamda Iqtisodiy taraqqiyot va kambagʻallikni qisqartirish vazirligining 2022-yil fevral-mart oylari davomida oʻtkazilgan tashabbusli budjetlashtirish jarayonlarida har biri 2 mingdan ortiq ovoz toʻplagan, lekin gʻolib deb topilmagan 139 ta loyihani amalga oshirish uchun qoʻshimcha ravishda 85,4 milliard soʻm mablagʻni ilovaga muvofiq tuman (shahar)larga ajratish toʻgʻrisidagi taklifi maʼqullansin.

Belgilansinki, ushbu mablagʻlar Moliya vazirligi huzuridagi Davlat moliyaviy nazorati inspeksiyasi tomonidan 2022-yilda oʻtkaziladigan nazorat tadbirlarida aniqlangan qonunbuzilish holatlari boʻyicha mablagʻlar hisobidan yoʻnaltiriladi.

3. Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlari:

mazkur qarorga muvofiq qoʻshimcha ajratilayotgan mablagʻlarning bir kun muddatda Fuqarolar tashabbusi jamgʻarmasiga oʻtkazilishini hamda Jamgʻarma mablagʻlaridan maqsadli foydalanilishini taʼminlasin;

har oy yakuni bilan kelgusi oyning 10-sanasiga qadar ommaviy axborot vositalari vakillari ishtirokida jamoatchilik fikri asosida shakllantirilgan tashabbusli budjet tadbirlari moliyalashtirilishi va bajarilishi toʻgʻrisidagi hisobotlarni jamoatchilikka eʼlon qilib borsin.

4. Belgilansinki:

jamoatchilik fikri asosida shakllantirilgan tadbirlar oʻz vaqtida moliyalashtirilishi va bajarilishini baholash har chorak yakuni boʻyicha xalq deputatlari tuman va shahar Kengashlari tomonidan amalga oshiriladi;

hisobot yili yakuni boʻyicha Bosh prokuratura huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi jamoatchilik fikri asosida shakllantirilgan tadbirlarning bajarilishini yakuniy nazoratdan oʻtkazadi;

tuman (shahar) hokimlari tashabbusli budjetlashtirish asosida amalga oshirilayotgan loyihalarning natijalari boʻyicha ommaviy axborot vositalarida muntazam hisobot berib boradi.

Jamoatchilik fikri asosida shakllantirilgan tadbirlar bajarilishi yuzasidan Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlarining hisobotlarini Oliy Majlis Senatida har chorak yakunida eshitib borish amaliyoti joriy etilsin.

5. Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlari tashabbusli budjetlashtirish jarayonlari boʻyicha gʻolib deb topilgan loyihalarda belgilangan ishlarning toʻliq va sifatli amalga oshirilishi, oʻz vaqtida moliyalashtirilishini nazorat qilish uchun shaxsan masʼul etib belgilansin.

6. Oʻzbekiston Milliy axborot agentligi va Oʻzbekiston Milliy teleradiokompaniyasiga mahalliy davlat hokimiyati organlari bilan birgalikda gʻolib deb topilgan loyihalar yuzasidan amalga oshirilgan ishlar boʻyicha maʼlumotlarni keng jamoatchilikka muntazam ravishda yetkazish tavsiya etilsin.

7. Mazkur qarorning ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidentining 2022-yil 7-apreldagi PQ-197-son qaroriga ILOVA

2022-yilning fevral-mart oylari davomida oʻtkazilgan tashabbusli budjet jarayonlarida har biri 2 mingdan ortiq ovoz toʻplagan, lekin gʻolib deb topilmagan 139 ta loyihani amalga oshirish uchun ajratilayotgan mablagʻlar

T/r Hudud nomi Loyihalar soni (birlik) Mablagʻ miqdori (mln soʻm) Jami respublika boʻyicha 139 85 450 shu jumladan: Andijon viloyati boʻyicha jami 11 8 131 1. Asaka tumani 10 7 670 2. Marhamat tumani 1 461 Buxoro viloyati boʻyicha jami 7 4 207 3. Gʻijduvon tumani 7 4 207 Jizzax viloyati boʻyicha jami 7 6 230 4. Jizzax shahri 6 5 430 5. Paxtakor tumani 1 800 Qashqadaryo viloyati boʻyicha jami 4 2 742 6. Kitob tumani 1 812 7. Qamashi tumani 1 950 8. Yakkabogʻ tumani 2 980 Navoiy viloyati boʻyicha jami 10 5 963 9. Nurota tumani 1 300 10. Xatirchi tumani 9 5 663 Namangan viloyati boʻyicha jami 17 11 525 11. Kosonsoy tumani 4 1 400 12. Namangan shahri 2 1 850 13. Norin tumani 2 1 850 14. Pop tumani 3 2 430 15. Yangiqoʻrgʻon tumani 6 3 995 Samarqand viloyati boʻyicha jami 5 2 910 16. Ishtixon tumani 1 100 17. Kattaqoʻrgʻon tumani 4 2 810 Sirdaryo viloyati boʻyicha jami 3 2 940 18. Boyovut tumani 3 2 940 Surxondaryo viloyati boʻyicha jami 19 11 956 19. Angor tumani 3 936 20. Oltinsoy tumani 13 8 190 21. Sariosiyo tumani 1 752 22. Sherobod tumani 2 2 078 Toshkent viloyati boʻyicha jami 7 5 310 23. Angren shahri 1 650 24. Oqqoʻrgʻon tumani 1 500 25. Ohangaron tumani 3 2 250 26. Toshkent tumani 1 840 27. Yuqori Chirchiq tumani 1 1 070 Fargʻona viloyati boʻyicha jami 43 21 185 28. Beshariq tumani 1 300 29. Bagʻdod tumani 2 1 546 30. Buvayda tumani 1 500 31. Dangʻara tumani 5 1 898 32. Qoʻshtepa tumani 6 2 493 33. Quva tumani 1 400 34. Quvasoy shahri 5 2 375 35. Oltiariq tumani 2 1 430 36. Rishton tumani 4 2 385 37. Oʻzbekiston tumani 9 3 470 38. Uchkoʻprik tumani 4 1 980 39. Fargʻona tumani 2 1 999 40. Furqat tumani 1 409 Xorazm viloyati boʻyicha jami 6 2 350 41. Urganch tumani 4 1 200 42. Urganch shahri 1 800 43. Shovot tumani 1 350

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 7-aprel,

PQ-197-son

(Qonunchilik maʼlumotlari milliy bazasi, 08.04.2022-y., 07/22/197/0281-son)

lex.uz

Президента Республики Узбекистан

Постановление

РАЗМЕР

О дальнейшей поддержке участия граждан в процессах направления средств районного и городского бюджетов на мероприятия, сформированные на основе общественного мнения

В целях поддержки активного участия граждан в процессе инициативного бюджетирования, проведенного в первом квартале 2022 года, устранения в кратчайшие сроки актуальных проблем, отраженных в выдвинутых проектах, а также дальнейшего повышения активности граждан в данных процессах:

1. Принять к сведению, что по итогам процесса инициативного бюджетирования, проведенного в первом квартале 2022 года, выдвинутые гражданами 2 215 проектов признаны победителями и на их реализацию направляется 1,1 трлн сумов.

2. Одобрить предложение Министерства финансов и Министерства экономического развития и сокращения бедности о выделении районам (городам) дополнительно 85,4 млрд сумов средств согласно приложению на реализацию 139 проектов, каждый из которых набрал более 2 тысяч голосов, но не был признан победителем в процессах инициативного бюджетирования, проведенных в феврале-марте 2022 года.

Установить, что указанные средства направляются за счет средств, по фактам правонарушений, выявленных Инспекцией государственного финансового контроля при Министерстве финансов в ходе контрольных мероприятий, проводимых в 2022 году.

3. Председателю Совета Министров Республики Каракалпакстан, хокимам областей, города Ташкента, районов и городов:

в однодневный срок обеспечить перечисление дополнительно выделяемых средств в Фонд гражданской инициативы в соответствии с настоящим постановлением и целевое использование средств Фонда;

по итогам каждого месяца в срок до 10-го числа следующего месяца обнародовать отчеты о финансировании и реализации мероприятий, сформированных на основе общественного мнения, с участием представителей средств массовой информации.

4. Установить, что:

оценка своевременного финансирования и выполнения мероприятий, сформированных на основе общественного мнения, осуществляется районными и городскими Кенгашами народных депутатов по итогам каждого квартала;

по итогам отчетного года Инспекция государственного финансового контроля Департамента по борьбе с экономическими преступлениями при Генеральной прокуратуре осуществляет итоговый контроль за выполнением мероприятий, сформированных на основе общественного мнения;

хокимы районов (городов) регулярно отчитываются в средствах массовой информации о результатах проектов, реализуемых на основе инициативного бюджетирования.

Внедрить практику заслушивания в Сенате Олий Мажлиса по итогам каждого квартала отчетов Председателя Совета Министров Республики Каракалпакстан, хокимов областей, города Ташкента, районов и городов о выполнении мероприятий, сформированных на основе общественного мнения.

5. Возложить на Председателя Совета Министров Республики Каракалпакстан, хокимов областей, города Ташкента, районов и городов персональную ответственность за осуществление контроля за полной и качественной реализацией, своевременным финансированием работ, определенных в проектах, признанных победителями по процессам инициативного бюджетирования.

6. Рекомендовать Национальному информационному агентству Узбекистана и Национальной телерадиокомпании Узбекистана совместно с органами государственной власти на местах доводить до широкой общественности информацию о проделанной работе по проектам, признанным победителями, на регулярной основе.

7. Возложить на министра финансов Т.А. Ишметова и Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Д.А. Кучкарова.

ПРИЛОЖЕНИЕ к постановлению Президента Республики Узбекистан от 7 апреля 2022 года № ПП-197

средств, выделяемых на реализацию 139 проектов, каждый из которых набрал более 2 тысяч голосов, но не был признан победителем в процессах инициативного бюджетирования, проведенных в феврале-марте 2022 года

№ Название регионов Количество проектов (единица) Размер средств (млн сумов) Всего по республике 139 85 450 из них: Всего по Андижанской области 11 8 131 1. Асакинский район 10 7 670 2. Мархаматский район 1 461 Всего по Бухарской области 7 4 207 3. Гиждуванский район 7 4 207 Всего по Джизакской области 7 6 230 4. город Джизак 6 5 430 5. Пахтакорский район 1 800 Всего по Кашкадарьинской области 4 2 742 6. Китабский район 1 812 7. Камашинский район 1 950 8. Яккабагский район 2 980 Всего по Навоийской области 10 5 963 9. Нуратинский район 1 300 10. Хатырчинский район 9 5 663 Всего по Наманганской области 17 11 525 11. Касансайский район 4 1 400 12. город Наманган 2 1 850 13. Нарынский район 2 1 850 14. Папский район 3 2 430 15. Янгикурганский район 6 3 995 Всего по Самаркандской области 5 2 910 16. Иштыханский район 1 100 17. Каттакурганский район 4 2 810 Всего по Сырдарьинской области 3 2 940 18. Баяутский район 3 2 940 Всего по Сурхандарьинской области 19 11 956 19. Ангорский район 3 936 20. Алтынсайский район 13 8 190 21. Сариасийский район 1 752 22. Шерабадский район 2 2 078 Всего по Ташкентской области 7 5 310 23. город Ангрен 1 650 24. Аккурганский район 1 500 25. Ахангаранский район 3 2 250 26. Ташкентский район 1 840 27. Юкоричирчикский район 1 1 070 Всего по Ферганской области 43 21 185 28. Бешарыкский район 1 300 29. Багдадский район 2 1 546 30. Бувайдинский район 1 500 31. Дангаринский район 5 1 898 32. Куштепинский район 6 2 493 33. Кувинский район 1 400 34. город Кувасай 5 2 375 35. Алтыарыкский район 2 1 430 36. Риштанский район 4 2 385 37. Узбекистанский район 9 3 470 38. Учкуприкский район 4 1 980 39. Ферганский район 2 1 999 40. Фуркатский район 1 409 Всего по Хорезмской области 6 2 350 41. Ургенчский район 4 1 200 42. город Ургенч 1 800 43. Шаватский район 1 350

Президент Республики Узбекистан Ш. МИРЗИЁЕВ

г. Ташкент,

7 апреля 2022 г.,

№ ПП-197

(Национальная база данных законодательства, 08.04.2022 г., № 07/22/197/0281)

lex.uz