📅 2022-yil 7-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 7 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 апреля 2022 г. · Постановления Президента
Официальный текст. Официальный документ. Редакционные примечания не включены.
📅 7 April 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Давлат пенсиялари, нафақалар, компенсациялар ва бошқа ижтимоий тўловларни тўлаш тизимини янада такомиллаштиришга доир қўшимча чора-тадбирлар тўғрисида
Мамлакатимизда пенсия, нафақа, компенсациялар ва бошқа ижтимоий тўловларни тўлаш ва етказиб беришда фуқароларга қулай шарт-шароитларни яратиш, тўлов тизимининг замонавий усулларини кенг жорий этиш ҳамда мазкур соҳада илғор ахборот-коммуникация технологияларидан самарали фойдаланишни ташкил этиш мақсадида:
1. Ўзбекистон Республикаси Президентининг 2021 йил 4 майдаги «Фуқароларга давлат пенсияларини тайинлаш жараёнини соддалаштириш ҳамда пенсия ва нафақаларни етказиш тизимини янада такомиллаштириш чора-тадбирлари тўғрисида»ги ПҚ-5102-сон қарорига мувофиқ пенсия ва нафақа тўловлари учун зарур маблағлар ҳар ойнинг 5-санасига қадар молиялаштирилиши маълумот учун қабул қилинсин.
2. Молия вазирлиги, Иқтисодий тараққиёт ва камбағалликни қисқартириш вазирлиги, Марказий банк ҳамда АТ «Халқ банки»нинг қуйидагиларни назарда тутувчи таклифларига розилик берилсин:
а) 2022 йил 1 майдан бошлаб:
«Темир дафтар», «Ёшлар дафтари» ва «Аёллар дафтари»га киритилган фуқароларга ва оилаларга тегишли жамғармалар маблағлари ҳисобидан кўрсатиладиган моддий ёрдамлар, меҳнат органлари томонидан тўланадиган ишсизлик нафақаси ва стипендиялар ҳамда жазони ўтаб озодликка чиққан фуқароларга тўланадиган моддий ёрдам пуллари (кейинги ўринларда — моддий ёрдам пуллари) ҳар ойнинг 5-санасига қадар молиялаштирилади ҳамда пенсия ва нафақалар билан бир вақтда АТ «Халқ банки»нинг сайёр кассалари томонидан маҳаллаларга етказилади;
АТ «Халқ банки»нинг сайёр кассалари томонидан пенсия ва нафақалар ҳамда моддий ёрдам пулларини фуқароларга нақд пулда етказиб бериш хизматлари учун 1 фоиз миқдорда банкка хизмат ҳақи тўлаб берилади. Бунда, АТ «Халқ банки» зиммасига сайёр кассалар орқали маҳалла фуқаролар йиғинларига борган ҳолда пенсия ва нафақа олувчиларнинг карталаридаги маблағларини уларнинг хоҳишларига кўра нақд пулга алмаштириб бериш вазифаси юклатилади;
барча турдаги давлат пенсияларини, бюджетдан ташқари Пенсия жамғармаси томонидан тўланадиган компенсациялар ва бошқа тўловларни, Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан тўланадиган нафақалар, компенсациялар ва бошқа тўловларни ҳамда Ижтимоий реестрга киритилган оилалар учун болалар нафақаси ва моддий ёрдам пулини (кейинги ўринларда — пенсия ва нафақалар) банк карталари орқали олувчиларга ҳар ойлик пенсия ва нафақа пулининг 1 фоизи миқдорида қўшимча тўлов жорий қилинади. Бунда фуқароларнинг розилиги билан пенсия ва нафақа пулларини банк карталарига ўтказиш асосида ҳужжатларни қоғоз шаклида юритишдан воз кечилади.
б) 2022 йил 1 сентябрга қадар ҳарбийлаштирилган тизим пенсияларини ҳисоблаш ва уларнинг тўлов ҳисоб-китоблари тизимини тегишли вазирлик ва идоралар томонидан автоматлаштириш орқали хизмат кўрсатувчи тижорат банкларида пенсия варақаларини юритиш амалиёти бекор қилинади.
3. АТ «Халқ банки» (Ш.Х. Атабаев):
Марказий банк (Б.Э. Захидов) билан биргаликда аҳолини банкоматлар билан қамраб олиш даражасини ошириш мақсадида 2022 йилнинг 1 октябрига қадар хориждан 1 800 та банкомат олиб келган ҳолда, уларнинг ҳудудлар, шу жумладан олис туманларда ўрнатилишини таъминласин;
2022 йил якунига қадар пенсия ва нафақа олувчиларга янада қулайликлар яратиш мақсадида уларнинг маблағларини масофадан бошқариш имконини берувчи банкнинг янги мобил иловасини ишлаб чиқсин;
Адлия вазирлиги томонидан аҳолига кўрсатиладиган хизматларни банкнинг мобил иловаси орқали амалга оширилишини йўлга қўйсин.
4. Молия вазирлиги (Т.А. Ишметов):
мазкур қарорда белгиланган чора-тадбирлар билан боғлиқ харажатларни молиялаштириш учун зарур маблағлар бюджетдан ташқари Пенсия жамғармаси ва тегишли мақсадли жамғармаларнинг қолдиқ маблағлари ҳамда Ўзбекистон Республикаси республика бюджети маблағлари ҳисобидан ажратилишини таъминласин;
икки ҳафта муддатда бюджетдан ташқари Пенсия жамғармасини бошқариш ахборот тизимини такомиллаштириш тўғрисидаги Ҳукумат фармойиши лойиҳасини Вазирлар Маҳкамасига киритсин;
уч ой муддатда манфаатдор вазирлик ва идоралар билан биргаликда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Молия вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги ушбу қарорнинг мақсади, вазифалари ва бундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
6. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига иловага мувофиқ ўзгартириш ва қўшимчалар киритилсин.
7. Ушбу қарор ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров ва молия вазири Т.А. Ишметов белгилансин.
Қарор ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2022 йил 7 апрелдаги ПҚ-198-сон қарорига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 2 февралдаги «Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида»ги ПҚ-2753-сон қарори 2-бандининг биринчи ва иккинчи хатбошилари қуйидаги таҳрирда баён этилсин:
«2. Белгилаб қўйилсинки, 2022 йил 1 майдан бошлаб:
барча турдаги пенсия ва нафақа тўловлари нақд шаклда берилади ёки фуқароларнинг розилиги асосида банк картасига ўтказилади».
2. Ўзбекистон Республикаси Президентининг 2017 йил 13 мартдаги «Пенсиялар ва нафақалар тўлаш механизмини янада такомиллаштириш чора-тадбирлари тўғрисида»ги ПҚ-2826-сон қарори 8-бандидаги «1 фоизгача» сўзлари «1 фоизи» сўзлари билан алмаштирилсин.
3. Ўзбекистон Республикаси Президентининг 2018 йил 4 майдаги «Ўзбекистон Республикаси акциядорлик тижорат Халқ банки ва «Микрокредитбанк» акциядорлик тижорат банкининг молиявий ҳолатини яхшилаш ҳамда фаолиятини янада такомиллаштириш чора-тадбирлари тўғрисида»ги ПҚ-3694-сон қарори қуйидаги мазмундаги 6 2 -банд билан тўлдирилсин:
«6 2 . Барча тижорат банкларига 2024 йил 1 январга қадар белгиланган тартибда тасдиқланадиган рўйхат бўйича Ўзбекистон Республикасида ишлаб чиқарилмайдиган банк жиҳозлари, техникалари ва банк карталарини олиб киришга рухсат берилсин ҳамда улар бу билан боғлиқ божхона тўловларидан (божхона расмийлаштируви йиғимлари бундан мустасно) озод этилсин».
4. Ўзбекистон Республикаси Президентининг 2021 йил 4 майдаги «Фуқароларга давлат пенсияларини тайинлаш жараёнини соддалаштириш ҳамда пенсия ва нафақаларни етказиш тизимини янада такомиллаштириш чора-тадбирлари тўғрисида»ги ПҚ-5102-сон қарори 1-банди «а» кичик бандининг учинчи хатбошиси қуйидаги таҳрирда баён этилсин:
«танловда иштирок этадиган тижорат банклари ва бошқа ихтисослашган ташкилотлар томонидан пенсия ва нафақаларни маҳалла фуқаролар йиғини биноси ёки фуқаронинг яшаш манзилига етказиб бериш шартларидан келиб чиқиб, хизмат ҳақи пенсия ва нафақалар тўланадиган (етказиб бериладиган) сумманинг 1 фоизи миқдорида бўлиши мумкин. Бунда, пенсия ва нафақаларни етказиб бериш билан боғлиқ харажатлар Пенсия жамғармаси ва Ўзбекистон Республикаси республика бюджети ҳисобидан тўлаб берилади».
5. Вазирлар Маҳкамасининг 2021 йил 28 апрелдаги «Моддий ёрдам ва кўмакка муҳтож оилаларни, хотин-қизлар ва ёшларни ижтимоий қўллаб-қувватлаш бўйича қўшимча чора-тадбирлар тўғрисида»ги 250-сон қарорида :
а) 1-илованинг 15-бандида :
қуйидаги мазмундаги «б 1 » кичик банд билан тўлдирилсин:
«б 1 ) «Темир дафтар»га киритилган оилаларга «Саховат ва кўмак» жамғармаси маблағлари ҳисобидан бир марталик моддий ёрдам тўловлари учун зарур бўладиган маблағлар ҳар ойнинг 5 санасига қадар хизмат кўрсатувчи тижорат банкининг тегишли бўлимига (филиалига) ўтказилади»;
«в» кичик банднинг иккинчи хатбошиси қуйидаги таҳрирда баён этилсин:
«Ойнинг охирида ведомостлар ёпилади, ҳар ойнинг 27 кунига қадар тайинланган, бироқ, талаб қилиб олинмаган моддий ёрдам тўловлари ҳар ойнинг охирида «Саховат ва кўмак» жамғармасига қайтарилади. Ведомостнинг бир нусхаси секторлар раҳбарларига тақдим этилади»;
б) 3-иловада :
13-банддаги «ўтказади» сўзи «ҳар ойнинг 5 санасигача ўтказади» сўзлари билан алмаштирилсин;
14-банднинг биринчи хатбошиси қуйидаги таҳрирда баён этилсин:
«14. Халқ банкининг тегишли бўлими (филиали) томонидан бир марталик моддий ёрдам тўловлари ҳар ойнинг 5 — 27-саналарида амалга оширилади. Ойнинг охирги иш кунида ведомостлар ёпилади, ойнинг 27 санасига қадар тўланмаган моддий ёрдамга йўналтирилган маблағлар ҳар ойнинг охирида тегишли ҳисобрақамларга қайтарилади. Ведомостнинг бир нусхаси Ёшлар ишлари агентлигининг туман (шаҳар) бўлимига тақдим этилади».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 7 апрель,
ПҚ-198-сон
Oʻzbekiston Respublikasi Prezidentining
Qarori
Davlat pensiyalari, nafaqalar, kompensatsiyalar va boshqa ijtimoiy toʻlovlarni toʻlash tizimini yanada takomillashtirishga doir qoʻshimcha chora-tadbirlar toʻgʻrisida
Mamlakatimizda pensiya, nafaqa, kompensatsiyalar va boshqa ijtimoiy toʻlovlarni toʻlash va yetkazib berishda fuqarolarga qulay shart-sharoitlarni yaratish, toʻlov tizimining zamonaviy usullarini keng joriy etish hamda mazkur sohada ilgʻor axborot-kommunikatsiya texnologiyalaridan samarali foydalanishni tashkil etish maqsadida:
1. Oʻzbekiston Respublikasi Prezidentining 2021-yil 4-maydagi “Fuqarolarga davlat pensiyalarini tayinlash jarayonini soddalashtirish hamda pensiya va nafaqalarni yetkazish tizimini yanada takomillashtirish chora-tadbirlari toʻgʻrisida”gi PQ-5102-son qaroriga muvofiq pensiya va nafaqa toʻlovlari uchun zarur mablagʻlar har oyning 5-sanasiga qadar moliyalashtirilishi maʼlumot uchun qabul qilinsin.
2. Moliya vazirligi, Iqtisodiy taraqqiyot va kambagʻallikni qisqartirish vazirligi, Markaziy bank hamda AT “Xalq banki”ning quyidagilarni nazarda tutuvchi takliflariga rozilik berilsin:
a) 2022-yil 1-maydan boshlab:
“Temir daftar”, “Yoshlar daftari” va “Ayollar daftari”ga kiritilgan fuqarolarga va oilalarga tegishli jamgʻarmalar mablagʻlari hisobidan koʻrsatiladigan moddiy yordamlar, mehnat organlari tomonidan toʻlanadigan ishsizlik nafaqasi va stipendiyalar hamda jazoni oʻtab ozodlikka chiqqan fuqarolarga toʻlanadigan moddiy yordam pullari (keyingi oʻrinlarda — moddiy yordam pullari) har oyning 5-sanasiga qadar moliyalashtiriladi hamda pensiya va nafaqalar bilan bir vaqtda AT “Xalq banki”ning sayyor kassalari tomonidan mahallalarga yetkaziladi;
AT “Xalq banki”ning sayyor kassalari tomonidan pensiya va nafaqalar hamda moddiy yordam pullarini fuqarolarga naqd pulda yetkazib berish xizmatlari uchun 1 foiz miqdorda bankka xizmat haqi toʻlab beriladi. Bunda, AT “Xalq banki” zimmasiga sayyor kassalar orqali mahalla fuqarolar yigʻinlariga borgan holda pensiya va nafaqa oluvchilarning kartalaridagi mablagʻlarini ularning xohishlariga koʻra naqd pulga almashtirib berish vazifasi yuklatiladi;
barcha turdagi davlat pensiyalarini, budjetdan tashqari Pensiya jamgʻarmasi tomonidan toʻlanadigan kompensatsiyalar va boshqa toʻlovlarni, Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan toʻlanadigan nafaqalar, kompensatsiyalar va boshqa toʻlovlarni hamda Ijtimoiy reyestrga kiritilgan oilalar uchun bolalar nafaqasi va moddiy yordam pulini (keyingi oʻrinlarda — pensiya va nafaqalar) bank kartalari orqali oluvchilarga har oylik pensiya va nafaqa pulining 1 foizi miqdorida qoʻshimcha toʻlov joriy qilinadi. Bunda fuqarolarning roziligi bilan pensiya va nafaqa pullarini bank kartalariga oʻtkazish asosida hujjatlarni qogʻoz shaklida yuritishdan voz kechiladi.
b) 2022-yil 1-sentabrga qadar harbiylashtirilgan tizim pensiyalarini hisoblash va ularning toʻlov hisob-kitoblari tizimini tegishli vazirlik va idoralar tomonidan avtomatlashtirish orqali xizmat koʻrsatuvchi tijorat banklarida pensiya varaqalarini yuritish amaliyoti bekor qilinadi.
3. AT “Xalq banki” (Sh.X. Atabayev):
Markaziy bank (B.E. Zaxidov) bilan birgalikda aholini bankomatlar bilan qamrab olish darajasini oshirish maqsadida 2022-yilning 1-oktabriga qadar xorijdan 1 800 ta bankomat olib kelgan holda, ularning hududlar, shu jumladan olis tumanlarda oʻrnatilishini taʼminlasin;
2022-yil yakuniga qadar pensiya va nafaqa oluvchilarga yanada qulayliklar yaratish maqsadida ularning mablagʻlarini masofadan boshqarish imkonini beruvchi bankning yangi mobil ilovasini ishlab chiqsin;
Adliya vazirligi tomonidan aholiga koʻrsatiladigan xizmatlarni bankning mobil ilovasi orqali amalga oshirilishini yoʻlga qoʻysin.
4. Moliya vazirligi (T.A. Ishmetov):
mazkur qarorda belgilangan chora-tadbirlar bilan bogʻliq xarajatlarni moliyalashtirish uchun zarur mablagʻlar budjetdan tashqari Pensiya jamgʻarmasi va tegishli maqsadli jamgʻarmalarning qoldiq mablagʻlari hamda Oʻzbekiston Respublikasi respublika budjeti mablagʻlari hisobidan ajratilishini taʼminlasin;
ikki hafta muddatda budjetdan tashqari Pensiya jamgʻarmasini boshqarish axborot tizimini takomillashtirish toʻgʻrisidagi Hukumat farmoyishi loyihasini Vazirlar Mahkamasiga kiritsin;
uch oy muddatda manfaatdor vazirlik va idoralar bilan birgalikda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Moliya vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi ushbu qarorning maqsadi, vazifalari va bundan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
6. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.
7. Ushbu qaror ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov va moliya vaziri T.A. Ishmetov belgilansin.
Qaror ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2022-yil 7-apreldagi PQ-198-son qaroriga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 2-fevraldagi “Ish haqi, pensiya, nafaqa va stipendiyalarni toʻlash mexanizmini takomillashtirishga doir qoʻshimcha chora-tadbirlar toʻgʻrisida”gi PQ-2753-son qarori 2-bandining birinchi va ikkinchi xatboshilari quyidagi tahrirda bayon etilsin:
“2. Belgilab qoʻyilsinki, 2022-yil 1-maydan boshlab:
barcha turdagi pensiya va nafaqa toʻlovlari naqd shaklda beriladi yoki fuqarolarning roziligi asosida bank kartasiga oʻtkaziladi”.
2. Oʻzbekiston Respublikasi Prezidentining 2017-yil 13-martdagi “Pensiyalar va nafaqalar toʻlash mexanizmini yanada takomillashtirish chora-tadbirlari toʻgʻrisida”gi PQ-2826-son qarori 8-bandidagi “1 foizgacha” soʻzlari “1 foizi” soʻzlari bilan almashtirilsin.
3. Oʻzbekiston Respublikasi Prezidentining 2018-yil 4-maydagi “Oʻzbekiston Respublikasi aksiyadorlik tijorat Xalq banki va “Mikrokreditbank” aksiyadorlik tijorat bankining moliyaviy holatini yaxshilash hamda faoliyatini yanada takomillashtirish chora-tadbirlari toʻgʻrisida”gi PQ-3694-son qarori quyidagi mazmundagi 6 2 -band bilan toʻldirilsin:
“6 2 . Barcha tijorat banklariga 2024-yil 1-yanvarga qadar belgilangan tartibda tasdiqlanadigan roʻyxat boʻyicha Oʻzbekiston Respublikasida ishlab chiqarilmaydigan bank jihozlari, texnikalari va bank kartalarini olib kirishga ruxsat berilsin hamda ular bu bilan bogʻliq bojxona toʻlovlaridan (bojxona rasmiylashtiruvi yigʻimlari bundan mustasno) ozod etilsin”.
4. Oʻzbekiston Respublikasi Prezidentining 2021-yil 4-maydagi “Fuqarolarga davlat pensiyalarini tayinlash jarayonini soddalashtirish hamda pensiya va nafaqalarni yetkazish tizimini yanada takomillashtirish chora-tadbirlari toʻgʻrisida”gi PQ-5102-son qarori 1-bandi “a” kichik bandining uchinchi xatboshisi quyidagi tahrirda bayon etilsin:
“tanlovda ishtirok etadigan tijorat banklari va boshqa ixtisoslashgan tashkilotlar tomonidan pensiya va nafaqalarni mahalla fuqarolar yigʻini binosi yoki fuqaroning yashash manziliga yetkazib berish shartlaridan kelib chiqib, xizmat haqi pensiya va nafaqalar toʻlanadigan (yetkazib beriladigan) summaning 1 foizi miqdorida boʻlishi mumkin. Bunda, pensiya va nafaqalarni yetkazib berish bilan bogʻliq xarajatlar Pensiya jamgʻarmasi va Oʻzbekiston Respublikasi respublika budjeti hisobidan toʻlab beriladi”.
5. Vazirlar Mahkamasining 2021-yil 28-apreldagi “Moddiy yordam va koʻmakka muhtoj oilalarni, xotin-qizlar va yoshlarni ijtimoiy qoʻllab-quvvatlash boʻyicha qoʻshimcha chora-tadbirlar toʻgʻrisida”gi 250-son qarorida :
a) 1-ilovaning 15-bandida :
quyidagi mazmundagi “b 1 ” kichik band bilan toʻldirilsin:
“b 1 ) “Temir daftar”ga kiritilgan oilalarga “Saxovat va koʻmak” jamgʻarmasi mablagʻlari hisobidan bir martalik moddiy yordam toʻlovlari uchun zarur boʻladigan mablagʻlar har oyning 5 sanasiga qadar xizmat koʻrsatuvchi tijorat bankining tegishli boʻlimiga (filialiga) oʻtkaziladi”;
“v” kichik bandning ikkinchi xatboshisi quyidagi tahrirda bayon etilsin:
“Oyning oxirida vedomostlar yopiladi, har oyning 27 kuniga qadar tayinlangan, biroq, talab qilib olinmagan moddiy yordam toʻlovlari har oyning oxirida “Saxovat va koʻmak” jamgʻarmasiga qaytariladi. Vedomostning bir nusxasi sektorlar rahbarlariga taqdim etiladi”;
b) 3-ilovada :
13-banddagi “oʻtkazadi” soʻzi “har oyning 5 sanasigacha oʻtkazadi” soʻzlari bilan almashtirilsin;
14-bandning birinchi xatboshisi quyidagi tahrirda bayon etilsin:
“14. Xalq bankining tegishli boʻlimi (filiali) tomonidan bir martalik moddiy yordam toʻlovlari har oyning 5 — 27-sanalarida amalga oshiriladi. Oyning oxirgi ish kunida vedomostlar yopiladi, oyning 27 sanasiga qadar toʻlanmagan moddiy yordamga yoʻnaltirilgan mablagʻlar har oyning oxirida tegishli hisobraqamlarga qaytariladi. Vedomostning bir nusxasi Yoshlar ishlari agentligining tuman (shahar) boʻlimiga taqdim etiladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 7-aprel,
PQ-198-son
Президента Республики Узбекистан
Постановление
О дополнительных мерах по дальнейшему совершенствованию системы выплаты государственных пенсий, пособий, компенсаций и иных социальных выплат
В целях создания благоприятных условий для выплаты и доставки пенсий, пособий, компенсаций и иных социальных выплат гражданам, широкого внедрения в стране современных методов платежной системы, а также организации эффективного использования передовых информационно-коммуникационных технологий в данной сфере:
1. Принять к сведению, что в соответствии с постановлением Президента Республики Узбекистан от 4 мая 2021 года № ПП-5102 «О мерах по дальнейшему упрощению процесса назначения государственных пенсий и совершенствованию системы доставки пенсий и пособий гражданам» выплаты пенсий и пособий финансируются необходимыми средствами ежемесячно до 5-го числа.
2. Согласиться с предложениями Министерства финансов, Министерства экономического развития и сокращения бедности, Центрального банка и АКБ «Халк банки», в соответствии с которыми:
а) начиная с 1 мая 2022 года:
виды материальной помощи, оказываемой гражданам и семьям, включенным в «Железную тетрадь», «Молодежную тетрадь» и «Женскую тетрадь», за счет средств соответствующих фондов, пособия по безработице и стипендии, выплачиваемые органами по труду, а также денежные средства материальной помощи, выплачиваемой гражданам, отбывшим срок наказания и освобожденным из учреждений исполнения наказания (далее — средства материальной помощи), финансируются ежемесячно до 5-го числа и доставляются в махалли выездными кассами АКБ «Халк банки» одновременно с пенсиями и пособиями;
за услуги доставки гражданам выездными кассами АКБ «Халк банки» денежных средств пенсий, пособий и материальной помощи в наличной форме банк взимает плату в размере 1 процента выплачиваемой суммы. При этом на АКБ «Халк банки» возлагается задача обналичивания выездными кассами средств с карт получателей пенсий и пособий по их желанию с выездом в сходы граждан махаллей;
для получателей всех видов государственных пенсий, компенсаций и иных выплат, осуществляемых внебюджетным Пенсионным фондом, а также выплачиваемых посредством банковских карт пособий, компенсаций и иных выплат, детского пособия и материальной помощи семьям, включенным в Социальный реестр (далее — пенсии и пособия), осуществляемых Национальным агентством социальной защиты при Президенте Республики Узбекистан, вводится дополнительная плата в размере 1 процента суммы ежемесячной пенсии и пособия. При этом отменяется ведение документации в бумажной форме путем зачисления денежных средств на банковские карты на основании согласия граждан.
б) до 1 сентября 2022 года отменяется практика ведения пенсионных карточек обслуживающими коммерческими банками посредством автоматизации соответствующими министерствами и ведомствами системы начисления и выплаты пенсий военизированной системы.
3. АКБ «Халк банки» (Ш.Х. Атабаев):
совместно с Центральным банком (Б.Э. Захидов) в целях повышения уровня охвата населения банкоматами в срок до 1 октября 2022 года ввезти из-за рубежа 1 800 единиц банкоматов и обеспечить их установку в регионах, включая отдаленные районы;
в срок до конца 2022 года разработать новое мобильное приложение банка, предоставляющее возможность дистанционного управления средствами пенсий и пособий в целях дальнейшего создания удобств их получателям;
наладить осуществление услуг, оказываемых населению Министерством юстиции, посредством мобильного приложения банка.
4. Министерству финансов (Т.А. Ишметов):
обеспечить выделение средств, необходимых для финансирования расходов, связанных с определенными в настоящем постановлении мерами, за счет остатка средств внебюджетного Пенсионного фонда и соответствующих целевых фондов, а также средств республиканского бюджета Республики Узбекистан;
в двухнедельный срок внести в Кабинет Министров проект Правительственного распоряжения о совершенствовании информационной системы управления внебюджетным Пенсионным фондом;
в трехмесячный срок совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
5. Министерству финансов, Национальному информационному агентству Узбекистана, Национальной телерадиокомпании Узбекистана, Агентству информации и массовых коммуникаций организовать работу по широкому освещению в средствах массовой информации, интернете и социальных сетях целей, задач и ожидаемых результатов исполнения настоящего постановления.
6. Внести изменения и дополнения в некоторые акты Президента Республики Узбекистан и Правительства Республики Узбекистан согласно приложению .
7. Возложить на заместителя Премьер-министра Д.А. Кучкарова и министра финансов Т.А. Ишметова персональную ответственность за эффективную организацию исполнения настоящего постановления.
Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 7 апреля 2022 года № ПП-198
Изменения и дополнения, вносимые в некоторые решения Президента Республики Узбекистан и Правительства Республики Узбекистан
1. Абзацы первый и второй пункта 2 постановления Президента Республики Узбекистан от 2 февраля 2017 года № ПП-2753 «О дополнительных мерах по совершенствованию механизма выплаты заработной платы, пенсий, пособий и стипендий» изложить в следующей редакции:
«2. Установить, что начиная с 1 мая 2022 года:
выплата всех видов пенсий и пособий производится в наличной форме или на основании согласия граждан зачисляется на банковскую карту».
2. В пункте 8 постановления Президента Республики Узбекистан от 13 марта 2017 года № ПП-2826 «О мерах по дальнейшему совершенствованию механизма выплаты пенсий и пособий» слово «до» исключить.
3. Постановление Президента Республики Узбекистан от 4 мая 2018 года № ПП-3694 «О мерах по улучшению финансового состояния и дальнейшему совершенствованию деятельности Акционерно-коммерческого Народного банка Республики Узбекистан и Акционерно-коммерческого банка «Микрокредитбанк» дополнить пунктом 6 2 следующего содержания:
«6 2 . Разрешить всем коммерческим банкам ввозить на срок до 1 января 2024 года не производимые в Республике Узбекистан банковское оборудование, технику и банковские карты по перечням, утверждаемым в установленном порядке, и освободить их от уплаты связанных с этим таможенных платежей (за исключением сборов за таможенное оформление)».
4. Абзац третий подпункта «а» пункта 1 постановления Президента Республики Узбекистан от 4 мая 2021 года № ПП-5102 «О мерах по дальнейшему упрощению процесса назначения государственных пенсий и совершенствованию системы доставки пенсий и пособий гражданам» изложить в следующей редакции:
«исходя из условий доставки пенсий и пособий принимающими участие в тендере коммерческими банками и иными специализированными организациями в здания сходов граждан махаллей или по адресу проживания граждан оплата за услугу может составлять 1 процент суммы, выплачиваемой (доставляемой) пенсии и пособия. При этом расходы, связанные с доставкой пенсий и пособий, оплачиваются за счет Пенсионного фонда и республиканского бюджета».
5. В тексте на государственном языке постановления Кабинета Министров от 28 апреля 2021 года № 250 «О дополнительных мерах по социальной поддержке семей, женщин и молодежи, нуждающихся в материальной помощи и поддержке»:
а) в пункте 15 приложения № 1:
дополнить подпунктом «б 1 » следующего содержания:
«б 1 ) «Темир дафтар»га киритилган оилаларга «Саховат ва кўмак» жамғармаси маблағлари ҳисобидан бир марталик моддий ёрдам тўловлари учун зарур бўладиган маблағлар ҳар ойнинг 5 санасига қадар хизмат кўрсатувчи тижорат банкининг тегишли бўлимига (филиалига) ўтказилади»;
абзац второй подпункта «в» изложить в следующей редакции:
«Ойнинг охирида ведомостлар ёпилади, ҳар ойнинг 27 кунига қадар тайинланган, бироқ, талаб қилиб олинмаган моддий ёрдам тўловлари ҳар ойнинг охирида «Саховат ва кўмак» жамғармасига қайтарилади. Ведомостнинг бир нусхаси секторлар раҳбарларига тақдим этилади»;
б) в приложении № 3 :
в пункте 13 слово «ўтказади» заменить словами «ҳар ойнинг 5 санасигача ўтказади»;
абзац первый пункта 14 изложить в следующей редакции:
«14. Халқ банкининг тегишли бўлими (филиали) томонидан бир марталик моддий ёрдам тўловлари ҳар ойнинг 5 — 27-саналарида амалга оширилади. Ойнинг охирги иш кунида ведомостлар ёпилади, ойнинг 27 санасига қадар тўланмаган моддий ёрдамга йўналтирилган маблағлар ҳар ойнинг охирида тегишли ҳисобрақамларга қайтарилади. Ведомостнинг бир нусхаси Ёшлар ишлари агентлигининг туман (шаҳар) бўлимига тақдим этилади».
Президент Республики Узбекистан Ш. МИРЗИЁЕВ
г. Ташкент,
7 апреля 2022 г.,
№ ПП-198