📅 2022-yil 11-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 11 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 11 апреля 2022 г. · Указы Президента
Официальный текст. Официальный документ. Редакционные примечания не включены.
📅 11 April 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тиббиётда хусусий сектор фаолиятига қўшимча қулайликлар яратиш ва соҳа ходимларини қўллаб-қувватлаш чора-тадбирлари тўғрисида
Замонавий тиббий хизматлар кўламини кенгайтириш, нодавлат тиббиёт ташкилотлари фаолиятини янада такомиллаштириш, шунингдек, 2022 йил 18 март куни ўтказилган Ўзбекистон Республикаси Президентининг соғлиқни сақлаш соҳаси вакиллари билан янги форматдаги «Тиббиётдаги ислоҳотлар — инсон қадри учун» мавзусидаги очиқ мулоқоти доирасида белгиланган вазифалар ижросини таъминлаш мақсадида:
1. Белгилансинки:
юқори малакали ва малакали мутахассислар тоифасига кирмайдиган бошқа чет эл фуқароси бўлган шифокорлар учун Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқнома берганлик учун йиғим миқдори 6 бараварга камайтирилиб, базавий ҳисоблаш миқдорининг 5 баравари миқдорида ундирилади;
Ўзбекистон Республикасига қисқа муддатга (бир ойгача), шу жумладан диагностика ҳамда даволаш амалиётларини бажариш, тажриба алмашиш дастурлари, маҳорат дарслари ўтказиш ва маърузалар ўқиш, ходимлар малакасини ошириш мақсадида келаётган чет эл мутахассисларига Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқнома олиш талаб этилмайди;
Ўзбекистон Республикаси ҳудудида доимий яшаш жойига эга бўлмаган хорижий фуқаролар ҳамда фуқаролиги бўлмаган шахслардан даволаш муассасалари (бундан санаторий ва пансионатлар мустасно) томонидан ундириладиган туристик (меҳмонхона) йиғим бекор қилинади;
даволаш муассасалари (бундан санаторий ва пансионатлар мустасно) учун туристик хизматларни сертификатлаштиришга бўлган талаб бекор қилинади. Бунда, даволаш муассасалари томонидан ташриф буюрувчиларни ҳисобга олиш автоматлаштирилган махсус дастур орқали электрон шаклда амалга оширилади.
2. Ўзбекистон Республикаси Президентининг 2017 йил 1 апрелдаги «Соғлиқни сақлаш соҳасида хусусий секторни янада ривожлантириш чора-тадбирлари тўғрисида»ги ПҚ-2863-сон қарорида назарда тутилган, юридик шахслар томонидан, шу жумладан лизинг шартномаси асосида олиб келинадиган янги тиббиёт асбоб-ускуналари, бутловчи буюмлар ва уларнинг эҳтиёт қисмлари ҳамда сарфлаш материаллари учун божхона имтиёзларининг амал қилиш муддати 2025 йил 1 январга қадар узайтирилсин.
3. Соғлиқни сақлаш вазирлиги, Молия вазирлиги, Иқтисодий тараққиёт ва камбағалликни қисқартириш вазирлигининг тиббиёт асбоб-ускуналари ва буюмларининг эҳтиёт қисмларини ҳамда тиббиёт мақсадлари учун сарфлаш материалларини ўрнатилган тартибда шакллантириладиган рўйхатларга асосан, 2025 йил 1 январга қадар Ўзбекистон Республикаси ҳудудига олиб киришда қўшилган қиймат солиғидан озод қилиш тўғрисидаги таклифларига розилик берилсин.
Соғлиқни сақлаш вазирлиги Молия вазирлиги ва Давлат божхона қўмитаси билан биргаликда бир ой муддатда ушбу банддан келиб чиқиб, Солиқ кодексига 2025 йил 1 январга қадар қўшилган қиймат солиғидан озод қилиш бўйича имтиёзларни назарда тутувчи ўзгартиш киритиш тўғрисидаги қонун лойиҳасини Вазирлар Маҳкамасига киритсин.
4. Соғлиқни сақлаш вазирлигининг тиббиёт ходимларининг малакасини ошириш тизимини такомиллаштириш юзасидан қуйидаги таклифлари маъқуллансин:
нодавлат тиббиёт ташкилотларида тиббиёт олий таълим муассасаларининг клиник базаларини ташкил этиб, уларда шифокор ва ҳамширалар малакасини ошириш ҳамда қайта тайёрлаш;
малака тоифаси олиш учун талаб этиладиган иш стажи муддатини қисқартирган ҳолда, тоифасиз ходимларга 3 йил, биринчи тоифа учун — 5 йил, олий тоифа учун — 7 йил этиб белгилаш.
5. Соғлиқни сақлаш вазирлиги Санитария-эпидемиологик осойишталик ва жамоат саломатлиги хизмати ҳамда Қурилиш вазирлиги билан биргаликда икки ой муддатда тегишли меъёрий ҳужжатларга хусусий тиббий фаолият билан шуғулланувчи ташкилотлар учун лицензия олишда санитария ва қурилиш талабларини соддалаштириш бўйича ўзгартиришлар киритсин.
6. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига иловага мувофиқ ўзгартириш ва қўшимчалар киритилсин.
7. Соғлиқни сақлаш вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
8. Мазкур Фармоннинг ижросини самарали ташкил қилишга масъул ва шахсий жавобгар этиб соғлиқни сақлаш вазири Б.А. Мусаев белгилансин.
9. Фармоннинг ўз вақтида ва самарали ижро этилишини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти маслаҳатчисининг биринчи ўринбосари Л.Н. Тўйчиев зиммасига юклансин.
Ўзбекистон Республикаси Президентининг 2022 йил 11 апрелдаги ПФ-102-сон Фармонига ИЛОВА
Ўзбекистон Республикаси Президентининг ҳамда Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2021 йил 5 майдаги «Соғлиқни сақлаш тизимида олиб борилаётган ислоҳотларни изчил давом эттириш ва тиббиёт ходимларининг салоҳиятини ошириш учун зарур шарт-шароитлар яратиш тўғрисида»ги ПФ-6221-сон Фармонининг 12-бандида :
а) иккинчи хатбоши қуйидаги мазмундаги иккинчи — тўртинчи хатбошилар билан алмаштирилсин:
«Белгилансинки:
3-иловада кўрсатилган ташкилотларнинг талабларига асосан сертификатланган тиббий техника, тиббий буюмлар ва уларнинг бутловчи қисмлари Ўзбекистон Республикаси ҳудудида давлат рўйхатидан ўтказилишида лаборатория синовларидан ўтказилмайди ҳамда ўрнатилган тартибда ўн беш иш кунидан кечиктирмай рўйхатдан ўтказилади;
стандарт талабларга мувофиқлиги 3-иловада кўрсатилган ташкилотлар томонидан берилган сертификатлар билан тасдиқланган тиббий буюмлар Ўзбекистон Республикаси ҳудудида мажбурий сертификатлаштиришдан озод этилади»;
б) учинчи хатбоши бешинчи хатбоши деб ҳисоблансин.
2. Ўзбекистон Республикаси Президентининг 2017 йил 1 апрелдаги «Соғлиқни сақлаш соҳасида хусусий секторни янада ривожлантириш чора-тадбирлари тўғрисида»ги ПҚ-2863-сон қарорининг 8-банди «а» кичик бандининг иккинчи хатбошисидаги «2024» рақами «2025» рақами билан алмаштирилсин.
4. Ўзбекистон Республикаси Президентининг 2020 йил 30 майдаги «Нодавлат тиббиёт ташкилотлари томонидан тез тиббий ёрдам хизматларини кўрсатиш учун қўшимча шарт-шароитлар яратиш тўғрисида»ги ПҚ-4737-сон қарорининг 1-банди биринчи хатбошисидаги «2024» рақами «2025» рақами билан алмаштирилсин.
5. Вазирлар Маҳкамасининг 2016 йил 10 сентябрдаги «Ўзбекистон Республикаси тиббиёт ташкилотлари тузилмасини янада оптималлаштириш ва соғлиқни сақлаш тизими тиббиёт ходимлари меҳнатига ҳақ тўлаш тизимини такомиллаштириш чора-тадбирлари тўғрисида»ги 292-сон қарорига 6-илованинг рус тилидаги матнида «Доплаты к тарифным ставкам (окладам) в связи с опасными для здоровья и особо тяжелыми условиями труда» бўлимининг 5-позицияси қуйидаги таҳрирда баён этилсин:
« Врач анестезиолог-реаниматолог и врач реаниматолог, в том числе работающий в реанимационных бригадах системы скорой помощи, а также врач палат интенсивной терапии отделений (групп, палат) анестезиологии, реанимации и интенсивной терапии 40 » .
6. Вазирлар Маҳкамасининг 2021 йил 4 июндаги 352-сон қарори билан тасдиқланган Ўзбекистон Республикаси ҳудудига импорт қилишда божхона божи ва қўшилган қиймат солиғидан озод этиладиган, ўхшаши республикада ишлаб чиқарилмайдиган технологик асбоб-ускуналар рўйхати :
а) қуйидаги мазмундаги 78 1 -банд билан тўлдирилсин:
« 78 1 . 8414 80 800 0 Тиббиётда ишлатиладиган бошқа компрессорлар » ;
б) қуйидаги мазмундаги 231 1 -банд билан тўлдирилсин:
« 231 1 . 8443 32 100 9 Тиббиёт учун принтерлар, нусха кўчириш ва факсимил машиналари ёки тармоққа уланиш имкониятига эга бўлган ҳисоблаш машиналари » ;
в) қуйидаги мазмундаги 449 1 -банд билан тўлдирилсин:
« 449 1 . 8471 49 000 0 Тиббиёт учун тизим кўринишида келтириладиган бошқа ҳисоблаш машиналари » ;
г) қуйидаги мазмундаги 531 1 -банд билан тўлдирилсин:
« 531 1 . 8504 31 800 9 Тиббиёт мақсадлари учун бошқа ўлчаш трансформаторлари » ;
д) қуйидаги мазмундаги 531 2 -банд билан тўлдирилсин:
« 531 2 . 8504 40 900 0 Тиббиёт мақсадлари учун бошқа зарядловчи қурилмалар » ;
е) қуйидаги мазмундаги 552 1 -банд билан тўлдирилсин:
« 552 1 . 8543 70 900 0 Циклотрон учун радио частота кучайтиргич » ;
ж) қуйидаги мазмундаги 559 1 -банд билан тўлдирилсин:
« 559 1 . 8703 23 193 0 В ва С классдаги махсус тиббиёт мақсадларига мўлжалланган янги автотранспорт воситалари » ;
з) қуйидаги мазмундаги 580 1 -банд билан тўлдирилсин:
« 580 1 . 9008 50 000 0 Тиббиёт мақсадлари учун тасвир проекторлари, тасвирларни кичрайтирган ҳолда тақдим қилиш учун фотокатталаштирувчилар ва ускуналар » ;
и) қуйидаги мазмундаги 596 1 -банд билан тўлдирилсин:
« 596 1 . 9018 90 100 0 Қон босимини ўлчаш учун жиҳозлар ва ускуналар » ;
к) қуйидаги мазмундаги 599 1 -банд билан тўлдирилсин:
« 599 1 . 9018 90 500 1 9018 90 500 9 Қон қуйиш аппаратлари » ;
л) қуйидаги мазмундаги 604 1 -банд билан тўлдирилсин:
« 604 1 . 9019 10 900 1 Тиббиёт учун гидромассаж ванналари ва душ кабиналари » ;
м) қуйидаги мазмундаги 611 1 -банд билан тўлдирилсин:
« 611 1 . 9022 30 000 0 Рентген трубкалари » ;
н) қуйидаги мазмундаги 633 1 -банд билан тўлдирилсин:
« 633 1 . 9027 50 000 0 Тиббиётда фойдаланиш учун оптик нурланиш (ультрабинафша, спектрнинг кўринадиган қисми, инфрақизил) таъсирига асосланган бошқа приборлар ва ускуналар » ;
о) қуйидаги мазмундаги 669 1 -банд билан тўлдирилсин:
« 669 1 . 9031 90 850 0 Тиббиёт мақсадлари учун ўлчаш ёки назорат асбоблари, қурилмалар ва машиналарнинг қисмлари ва буюмлари » ;
п) қуйидаги мазмундаги 675 1 -банд билан тўлдирилсин:
« 675 1 . 9402 90 000 0 Тиббий, жарроҳлик, стоматология ёки ветеринария мебеллари » ;
р) қуйидаги мазмундаги 677-банд билан тўлдирилсин:
« 677. 9405 10 980 1 Тиббиёт учун осиб қўйиладиган ва деворга илинадиган электр ёритиш ускуналари » ;
с) қуйидаги мазмундаги 678-банд билан тўлдирилсин:
« 678. 9406 90 900 1 Тиббиёт мақсадлари учун йиғма қурилиш конструкциялари » ;
7. Вазирлар Маҳкамасининг 2022 йил 22 февралдаги 86-сон қарори билан тасдиқланган Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомга 20-илованинг 7-позицияси қуйидаги таҳрирда баён этилсин:
« 7. Рухсат этиш хусусиятига эга ҳужжат берилганлиги учун ундириладиган йиғим: Юқори малакали мутахассислар, шунингдек, Президент мактаблари ва олий ўқув юртларида ишлаш учун жалб этилаётган ўқитувчилар ва мутахассислар учун — базавий ҳисоблаш миқдорининг 1 баравари миқдорида; малакали мутахассислар учун — базавий ҳисоблаш миқдорининг 2 баравари миқдорида; ватандошлар учун — базавий ҳисоблаш миқдорининг 2 баравари миқдорида; бошқа чет эл фуқароси бўлган шифокорлар учун — базавий ҳисоблаш миқдорининг 5 баравари миқдорида; бошқа чет эл фуқаролари учун — базавий ҳисоблаш миқдорининг 30 баравари миқдорида. » .
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 11 апрель,
ПФ-102-сон
Oʻzbekiston Respublikasi Prezidentining
Farmoni
Tibbiyotda xususiy sektor faoliyatiga qoʻshimcha qulayliklar yaratish va soha xodimlarini qoʻllab-quvvatlash chora-tadbirlari toʻgʻrisida
Zamonaviy tibbiy xizmatlar koʻlamini kengaytirish, nodavlat tibbiyot tashkilotlari faoliyatini yanada takomillashtirish, shuningdek, 2022-yil 18-mart kuni oʻtkazilgan Oʻzbekiston Respublikasi Prezidentining sogʻliqni saqlash sohasi vakillari bilan yangi formatdagi “Tibbiyotdagi islohotlar — inson qadri uchun” mavzusidagi ochiq muloqoti doirasida belgilangan vazifalar ijrosini taʼminlash maqsadida:
1. Belgilansinki:
yuqori malakali va malakali mutaxassislar toifasiga kirmaydigan boshqa chet el fuqarosi boʻlgan shifokorlar uchun Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnoma berganlik uchun yigʻim miqdori 6 baravarga kamaytirilib, bazaviy hisoblash miqdorining 5 baravari miqdorida undiriladi;
Oʻzbekiston Respublikasiga qisqa muddatga (bir oygacha), shu jumladan diagnostika hamda davolash amaliyotlarini bajarish, tajriba almashish dasturlari, mahorat darslari oʻtkazish va maʼruzalar oʻqish, xodimlar malakasini oshirish maqsadida kelayotgan chet el mutaxassislariga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnoma olish talab etilmaydi;
Oʻzbekiston Respublikasi hududida doimiy yashash joyiga ega boʻlmagan xorijiy fuqarolar hamda fuqaroligi boʻlmagan shaxslardan davolash muassasalari (bundan sanatoriy va pansionatlar mustasno) tomonidan undiriladigan turistik (mehmonxona) yigʻim bekor qilinadi;
davolash muassasalari (bundan sanatoriy va pansionatlar mustasno) uchun turistik xizmatlarni sertifikatlashtirishga boʻlgan talab bekor qilinadi. Bunda, davolash muassasalari tomonidan tashrif buyuruvchilarni hisobga olish avtomatlashtirilgan maxsus dastur orqali elektron shaklda amalga oshiriladi.
2. Oʻzbekiston Respublikasi Prezidentining 2017-yil 1-apreldagi “Sogʻliqni saqlash sohasida xususiy sektorni yanada rivojlantirish chora-tadbirlari toʻgʻrisida”gi PQ-2863-son qarorida nazarda tutilgan, yuridik shaxslar tomonidan, shu jumladan lizing shartnomasi asosida olib kelinadigan yangi tibbiyot asbob-uskunalari, butlovchi buyumlar va ularning ehtiyot qismlari hamda sarflash materiallari uchun bojxona imtiyozlarining amal qilish muddati 2025-yil 1-yanvarga qadar uzaytirilsin.
3. Sogʻliqni saqlash vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligining tibbiyot asbob-uskunalari va buyumlarining ehtiyot qismlarini hamda tibbiyot maqsadlari uchun sarflash materiallarini oʻrnatilgan tartibda shakllantiriladigan roʻyxatlarga asosan, 2025-yil 1-yanvarga qadar Oʻzbekiston Respublikasi hududiga olib kirishda qoʻshilgan qiymat soligʻidan ozod qilish toʻgʻrisidagi takliflariga rozilik berilsin.
Sogʻliqni saqlash vazirligi Moliya vazirligi va Davlat bojxona qoʻmitasi bilan birgalikda bir oy muddatda ushbu banddan kelib chiqib, Soliq kodeksiga 2025-yil 1-yanvarga qadar qoʻshilgan qiymat soligʻidan ozod qilish boʻyicha imtiyozlarni nazarda tutuvchi oʻzgartish kiritish toʻgʻrisidagi qonun loyihasini Vazirlar Mahkamasiga kiritsin.
4. Sogʻliqni saqlash vazirligining tibbiyot xodimlarining malakasini oshirish tizimini takomillashtirish yuzasidan quyidagi takliflari maʼqullansin:
nodavlat tibbiyot tashkilotlarida tibbiyot oliy taʼlim muassasalarining klinik bazalarini tashkil etib, ularda shifokor va hamshiralar malakasini oshirish hamda qayta tayyorlash;
malaka toifasi olish uchun talab etiladigan ish staji muddatini qisqartirgan holda, toifasiz xodimlarga 3 yil, birinchi toifa uchun — 5 yil, oliy toifa uchun — 7 yil etib belgilash.
5. Sogʻliqni saqlash vazirligi Sanitariya-epidemiologik osoyishtalik va jamoat salomatligi xizmati hamda Qurilish vazirligi bilan birgalikda ikki oy muddatda tegishli meʼyoriy hujjatlarga xususiy tibbiy faoliyat bilan shugʻullanuvchi tashkilotlar uchun litsenziya olishda sanitariya va qurilish talablarini soddalashtirish boʻyicha oʻzgartirishlar kiritsin.
6. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq oʻzgartirish va qoʻshimchalar kiritilsin.
7. Sogʻliqni saqlash vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Mazkur Farmonning ijrosini samarali tashkil qilishga masʼul va shaxsiy javobgar etib sogʻliqni saqlash vaziri B.A. Musayev belgilansin.
9. Farmonning oʻz vaqtida va samarali ijro etilishini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisining birinchi oʻrinbosari L.N. Toʻychiyev zimmasiga yuklansin.
Oʻzbekiston Respublikasi Prezidentining 2022-yil 11-apreldagi PF-102-son Farmoniga ILOVA
Oʻzbekiston Respublikasi Prezidentining hamda Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2021-yil 5-maydagi “Sogʻliqni saqlash tizimida olib borilayotgan islohotlarni izchil davom ettirish va tibbiyot xodimlarining salohiyatini oshirish uchun zarur shart-sharoitlar yaratish toʻgʻrisida”gi PF-6221-son Farmonining 12-bandida :
a) ikkinchi xatboshi quyidagi mazmundagi ikkinchi — toʻrtinchi xatboshilar bilan almashtirilsin:
“Belgilansinki:
3-ilovada koʻrsatilgan tashkilotlarning talablariga asosan sertifikatlangan tibbiy texnika, tibbiy buyumlar va ularning butlovchi qismlari Oʻzbekiston Respublikasi hududida davlat roʻyxatidan oʻtkazilishida laboratoriya sinovlaridan oʻtkazilmaydi hamda oʻrnatilgan tartibda oʻn besh ish kunidan kechiktirmay roʻyxatdan oʻtkaziladi;
standart talablarga muvofiqligi 3-ilovada koʻrsatilgan tashkilotlar tomonidan berilgan sertifikatlar bilan tasdiqlangan tibbiy buyumlar Oʻzbekiston Respublikasi hududida majburiy sertifikatlashtirishdan ozod etiladi”;
b) uchinchi xatboshi beshinchi xatboshi deb hisoblansin.
2. Oʻzbekiston Respublikasi Prezidentining 2017-yil 1-apreldagi “Sogʻliqni saqlash sohasida xususiy sektorni yanada rivojlantirish chora-tadbirlari toʻgʻrisida”gi PQ-2863-son qarorining 8-bandi “a” kichik bandining ikkinchi xatboshisidagi “2024” raqami “2025” raqami bilan almashtirilsin.
4. Oʻzbekiston Respublikasi Prezidentining 2020-yil 30-maydagi “Nodavlat tibbiyot tashkilotlari tomonidan tez tibbiy yordam xizmatlarini koʻrsatish uchun qoʻshimcha shart-sharoitlar yaratish toʻgʻrisida”gi PQ-4737-son qarorining 1-bandi birinchi xatboshisidagi “2024” raqami “2025” raqami bilan almashtirilsin.
5. Vazirlar Mahkamasining 2016-yil 10-sentabrdagi “Oʻzbekiston Respublikasi tibbiyot tashkilotlari tuzilmasini yanada optimallashtirish va sogʻliqni saqlash tizimi tibbiyot xodimlari mehnatiga haq toʻlash tizimini takomillashtirish chora-tadbirlari toʻgʻrisida”gi 292-son qaroriga 6-ilovaning rus tilidagi matnida “Doplati k tarifnim stavkam (okladam) v svyazi s opasnimi dlya zdorovya i osobo tyajelimi usloviyami truda” boʻlimining 5-pozitsiyasi quyidagi tahrirda bayon etilsin:
“ Vrach anesteziolog-reanimatolog i vrach reanimatolog, v tom chisle rabotayushiy v reanimatsionnix brigadax sistemi skoroy pomoshi, a takje vrach palat intensivnoy terapii otdeleniy (grupp, palat) anesteziologii, reanimatsii i intensivnoy terapii 40 ” .
6. Vazirlar Mahkamasining 2021-yil 4-iyundagi 352-son qarori bilan tasdiqlangan Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan, oʻxshashi respublikada ishlab chiqarilmaydigan texnologik asbob-uskunalar roʻyxati :
a) quyidagi mazmundagi 78 1 -band bilan toʻldirilsin:
“ 78 1 . 8414 80 800 0 Tibbiyotda ishlatiladigan boshqa kompressorlar ” ;
b) quyidagi mazmundagi 231 1 -band bilan toʻldirilsin:
“ 231 1 . 8443 32 100 9 Tibbiyot uchun printerlar, nusxa koʻchirish va faksimil mashinalari yoki tarmoqqa ulanish imkoniyatiga ega boʻlgan hisoblash mashinalari ” ;
v) quyidagi mazmundagi 449 1 -band bilan toʻldirilsin:
“ 449 1 . 8471 49 000 0 Tibbiyot uchun tizim koʻrinishida keltiriladigan boshqa hisoblash mashinalari ” ;
g) quyidagi mazmundagi 531 1 -band bilan toʻldirilsin:
“ 531 1 . 8504 31 800 9 Tibbiyot maqsadlari uchun boshqa oʻlchash transformatorlari ” ;
d) quyidagi mazmundagi 531 2 -band bilan toʻldirilsin:
“ 531 2 . 8504 40 900 0 Tibbiyot maqsadlari uchun boshqa zaryadlovchi qurilmalar ” ;
e) quyidagi mazmundagi 552 1 -band bilan toʻldirilsin:
“ 552 1 . 8543 70 900 0 Siklotron uchun radio chastota kuchaytirgich ” ;
j) quyidagi mazmundagi 559 1 -band bilan toʻldirilsin:
“ 559 1 . 8703 23 193 0 V va S klassdagi maxsus tibbiyot maqsadlariga moʻljallangan yangi avtotransport vositalari ” ;
z) quyidagi mazmundagi 580 1 -band bilan toʻldirilsin:
“ 580 1 . 9008 50 000 0 Tibbiyot maqsadlari uchun tasvir proyektorlari, tasvirlarni kichraytirgan holda taqdim qilish uchun fotokattalashtiruvchilar va uskunalar ” ;
i) quyidagi mazmundagi 596 1 -band bilan toʻldirilsin:
“ 596 1 . 9018 90 100 0 Qon bosimini oʻlchash uchun jihozlar va uskunalar ” ;
k) quyidagi mazmundagi 599 1 -band bilan toʻldirilsin:
“ 599 1 . 9018 90 500 1 9018 90 500 9 Qon quyish apparatlari ” ;
l) quyidagi mazmundagi 604 1 -band bilan toʻldirilsin:
“ 604 1 . 9019 10 900 1 Tibbiyot uchun gidromassaj vannalari va dush kabinalari ” ;
m) quyidagi mazmundagi 611 1 -band bilan toʻldirilsin:
“ 611 1 . 9022 30 000 0 Rentgen trubkalari ” ;
n) quyidagi mazmundagi 633 1 -band bilan toʻldirilsin:
“ 633 1 . 9027 50 000 0 Tibbiyotda foydalanish uchun optik nurlanish (ultrabinafsha, spektrning koʻrinadigan qismi, infraqizil) taʼsiriga asoslangan boshqa priborlar va uskunalar ” ;
o) quyidagi mazmundagi 669 1 -band bilan toʻldirilsin:
“ 669 1 . 9031 90 850 0 Tibbiyot maqsadlari uchun oʻlchash yoki nazorat asboblari, qurilmalar va mashinalarning qismlari va buyumlari ” ;
p) quyidagi mazmundagi 675 1 -band bilan toʻldirilsin:
“ 675 1 . 9402 90 000 0 Tibbiy, jarrohlik, stomatologiya yoki veterinariya mebellari ” ;
r) quyidagi mazmundagi 677-band bilan toʻldirilsin:
“ 677. 9405 10 980 1 Tibbiyot uchun osib qoʻyiladigan va devorga ilinadigan elektr yoritish uskunalari ” ;
s) quyidagi mazmundagi 678-band bilan toʻldirilsin:
“ 678. 9406 90 900 1 Tibbiyot maqsadlari uchun yigʻma qurilish konstruksiyalari ” ;
7. Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomga 20-ilovaning 7-pozitsiyasi quyidagi tahrirda bayon etilsin:
“ 7. Ruxsat etish xususiyatiga ega hujjat berilganligi uchun undiriladigan yigʻim: Yuqori malakali mutaxassislar, shuningdek, Prezident maktablari va oliy oʻquv yurtlarida ishlash uchun jalb etilayotgan oʻqituvchilar va mutaxassislar uchun — bazaviy hisoblash miqdorining 1 baravari miqdorida; malakali mutaxassislar uchun — bazaviy hisoblash miqdorining 2 baravari miqdorida; vatandoshlar uchun — bazaviy hisoblash miqdorining 2 baravari miqdorida; boshqa chet el fuqarosi boʻlgan shifokorlar uchun — bazaviy hisoblash miqdorining 5 baravari miqdorida; boshqa chet el fuqarolari uchun — bazaviy hisoblash miqdorining 30 baravari miqdorida. ” .
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 11-aprel,
PF-102-son
Президента Республики Узбекистан
Указ
О мерах по созданию дополнительных удобств для деятельности частного сектора в медицине и поддержке работников данной сферы
В целях расширения спектра современных медицинских услуг, дальнейшего совершенствования деятельности негосударственных медицинских организаций, а также обеспечения исполнения задач, определенных в рамках открытого диалога Президента Республики Узбекистан с представителями сферы здравоохранения, проведенного 18 марта 2022 года в новом формате на тему «Реформы в медицине — во имя чести и достоинства человека»:
1. Установить, что:
для врачей, являющихся иностранными гражданами, не входящих в категорию высококвалифицированных и квалифицированных специалистов, размер сбора за выдачу подтверждения на право осуществления трудовой деятельности на территории Республики Узбекистан уменьшается в шесть раз и взыскивается в пятикратном размере базовой расчетной величины;
зарубежным специалистам, прибывающим в Республику Узбекистан на краткосрочный период (до одного месяца) в целях выполнения диагностических и лечебных процедур, реализации программ обмена опытом, проведения мастер-классов и выступления с лекциями, а также повышения квалификации работников, получение подтверждения на право осуществления трудовой деятельности на территории Республики Узбекистан не требуется;
туристический (гостиничный) сбор, взыскиваемый лечебными учреждениями (за исключением санаториев и пансионатов) с иностранных граждан и лиц без гражданства, не имеющих постоянного места жительства на территории Республики Узбекистан, отменяется;
требование по сертификации туристских услуг, предъявляемое к лечебным учреждениям (за исключением санаториев и пансионатов), отменяется. При этом ведение лечебными учреждениями учета прибывающих осуществляется в электронной форме посредством автоматизированной специальной электронной программы.
2. Продлить до 1 января 2025 года срок действия таможенных льгот на новое медицинское оборудование, комплектующие изделия, запасные части и расходные материалы к медицинскому оборудованию, ввозимые юридическими лицами, в том числе по договорам лизинга, предусмотренных в постановлении Президента Республики Узбекистан от 1 апреля 2017 года № ПП-2863 «О мерах по дальнейшему развитию частного сектора здравоохранения».
3. Согласиться с предложениями Министерства здравоохранения, Министерства финансов, Министерства экономического развития и сокращения бедности по освобождению от налога на добавленную стоимость при ввозе до 1 января 2025 года на территорию Республики Узбекистан запасных частей медицинского оборудования и изделий, а также расходных материалов в медицинских целях, по перечням, формируемым в установленном порядке.
Министерству здравоохранения совместно с Министерством финансов и Государственным таможенным комитетом в месячный срок исходя из настоящего пункта внести в Кабинет Министров проект закона о внесении изменения в Налоговый кодекс , предусматривающего льготу по освобождению до 1 января 2025 года от налога на добавленную стоимость.
4. Одобрить следующие предложения Министерства здравоохранения о совершенствовании системы повышения квалификации медицинских работников:
создание в негосударственных медицинских организациях клинической базы медицинских высших образовательных учреждений, повышение квалификации и переподготовку врачей и медицинских сестер в данных базах;
сокращение срока трудового стажа, требуемого для получения квалификационной категории, его определение для работников без категории — 3 года, для первой категории — 5 лет, для высшей категории — 7 лет.
5. Министерству здравоохранения совместно со Службой санитарно-эпидемиологического благополучия и общественного здоровья и Министерством строительства в двухмесячный срок внести изменения в соответствующие нормативные акты по упрощению санитарных и строительных требований при получении лицензии организациями, занимающимися частной медицинской практикой.
6. Внести изменения и дополнения в некоторые акты Президента Республики Узбекистан и Правительства Республики Узбекистан согласно приложению .
7. Министерству здравоохранения совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
8. Возложить на министра здравоохранения Б.А. Мусаева персональную ответственность за эффективную организацию исполнения настоящего Указа.
9. Контроль за своевременным и эффективным исполнением настоящего Указа возложить на Премьер-министра Республики Узбекистан А.Н. Арипова и первого заместителя советника Президента Республики Узбекистан Л.Н. Туйчиева.
ПРИЛОЖЕНИЕ к Указу Президента Республики Узбекистан от 11 апреля 2022 года № УП-102
Изменения и дополнения, вносимые в некоторые акты Президента Республики Узбекистан и Правительства Республики Узбекистан
1. В пункте 12 Указа Президента Республики Узбекистан от 5 мая 2021 года № УП-6221 «О последовательном продолжении осуществляемых в системе здравоохранения реформ и создании необходимых условий для повышения потенциала медицинских работников»:
а) абзац второй заменить абзацами вторым — четвертым следующего содержания:
«Определить, что:
медицинская техника, изделия медицинского назначения и их комплектующие, сертифицированные на основе требований организаций, указанных в приложении № 3, при проведении государственной регистрации на территории Республики Узбекистан не проходят лабораторных испытаний и проходят регистрацию в установленном порядке не позднее пятнадцати рабочих дней;
изделия медицинского назначения, соответствие требованиям стандарта, которых утверждено сертификатами организаций, указанных в приложении № 3, освобождаются от обязательной сертификации на территории Республики Узбекистан.»
б) абзац третий считать абзацем пятым.
2. В абзаце втором подпункта «а» пункта 8 постановления Президента Республики Узбекистан от 1 апреля 2017 года № ПП-2863 «О мерах по дальнейшему развитию частного сектора здравоохранения» цифру «2024» заменить цифрой «2025».
4. В абзаце первом пункта 1 постановления Президента Республики Узбекистан от 30 мая 2020 года № ПП-4737 «О создании дополнительных условий для оказания негосударственными медицинскими организациями услуг скорой медицинской помощи« цифру «2024» заменить цифрой «2025».
5. Позицию 5 в разделе «Доплаты к тарифным ставкам (окладам) в связи с опасными для здоровья и особо тяжелыми условиями труда» приложения № 6 к постановлению Кабинета Министров от 10 сентября 2016 года № 292 «О мерах по дальнейшей оптимизации структуры медицинских организаций и совершенствованию системы оплаты труда медицинских работников системы здравоохранения Республики Узбекистан« изложить в следующей редакции:
« Врач анестезиолог-реаниматолог и врач реаниматолог, в том числе работающий в реанимационных бригадах системы скорой помощи, а также врач палат интенсивной терапии отделений (групп, палат) анестезиологии, реанимации и интенсивной терапии 40 ».
6. Перечень технологического оборудования, аналоги которого не производятся в республике, освобождаемого при импорте на территорию Республики Узбекистан от уплаты таможенной пошлины и налога на добавленную стоимость, утвержденный постановлением Кабинета Министров от 4 июня 2021 года № 352, в тексте на государственном языке:
а) дополнить пунктом 78 1 следующего содержания:
« 78 1 . 8414 80 800 0 Тиббиётда ишлатиладиган бошқа компрессорлар » ;
б) дополнить пунктом 231 1 следующего содержания:
« 231 1 . 8443 32 100 9 Тиббиёт учун принтерлар, нусха кўчириш ва факсимил машиналари ёки тармоққа уланиш имкониятига эга бўлган ҳисоблаш машиналари » ;
в) дополнить пунктом 449 1 следующего содержания:
« 449 1 . 8471 49 000 0 Тиббиёт учун тизим кўринишида келтириладиган бошқа ҳисоблаш машиналари » ;
г) дополнить пунктом 531 1 следующего содержания:
« 531 1 . 8504 31 800 9 Тиббиёт мақсадлари учун бошқа ўлчаш трансформаторлари » ;
д) дополнить пунктом 531 2 следующего содержания:
« 531 2 . 8504 40 900 0 Тиббиёт мақсадлари учун бошқа зарядловчи қурилмалар » ;
е) дополнить пунктом 552 1 следующего содержания:
« 552 1 . 8543 70 900 0 Циклотрон учун радио частота кучайтиргич » ;
ж) қуйидаги мазмундаги 559 1 -банд билан тўлдирилсин:
« 559 1 . 8703 23 193 0 В ва С классдаги махсус тиббиёт мақсадларига мўлжалланган янги автотранспорт воситалари » ;
з) дополнить пунктом 580 1 следующего содержания:
« 580 1 . 9008 50 000 0 Тиббиёт мақсадлари учун тасвир проекторлари, тасвирларни кичрайтирган ҳолда тақдим қилиш учун фотокатталаштирувчилар ва ускуналар » ;
и) дополнить пунктом 596 1 следующего содержания:
« 596 1 . 9018 90 100 0 Қон босимини ўлчаш учун жиҳозлар ва ускуналар » ;
к) дополнить пунктом 599 1 следующего содержания:
« 599 1 . 9018 90 500 1 9018 90 500 9 Қон қуйиш аппаратлари » ;
л) дополнить пунктом 604 1 следующего содержания:
« 604 1 . 9019 10 900 1 Тиббиёт учун гидромассаж ванналари ва душ кабиналари » ;
м) дополнить пунктом 611 1 следующего содержания:
« 611 1 . 9022 30 000 0 Рентген трубкалари » ;
н) дополнить пунктом 633 1 следующего содержания:
« 633 1 . 9027 50 000 0 Тиббиётда фойдаланиш учун оптик нурланиш (ультрабинафша, спектрнинг кўринадиган қисми, инфрақизил) таъсирига асосланган бошқа приборлар ва ускуналар » ;
о) дополнить пунктом 669 1 следующего содержания:
« 669 1 . 9031 90 850 0 Тиббиёт мақсадлари учун ўлчаш ёки назорат асбоблари, қурилмалар ва машиналарнинг қисмлари ва буюмлари » ;
п) дополнить пунктом 675 1 следующего содержания:
« 675 1 . 9402 90 000 0 Тиббий, жарроҳлик, стоматология ёки ветеринария мебеллари » ;
р) дополнить пунктом 677 следующего содержания:
« 677. 9405 10 980 1 Тиббиёт учун осиб қўйиладиган ва деворга илинадиган электр ёритиш ускуналари » ;
с) дополнить пунктом 678 следующего содержания:
« 678. 9406 90 900 1 Тиббиёт мақсадлари учун йиғма қурилиш конструкциялари » .
7. В тексте на государственном языке Единого положения о процедурах выдачи отдельных документов разрешительного характера через специальную электронную систему, утвержденного постановлением Кабинета Министров от 22 февраля 2022 года № 86, позицию 7 приложения № 20 изложить в следующей редакции:
« 7. Рухсат этиш хусусиятига эга ҳужжат берилганлиги учун ундириладиган йиғим: Юқори малакали мутахассислар, шунингдек, Президент мактаблари ва олий ўқув юртларида ишлаш учун жалб этилаётган ўқитувчилар ва мутахассислар учун — базавий ҳисоблаш миқдорининг 1 баравари миқдорида; малакали мутахассислар учун — базавий ҳисоблаш миқдорининг 2 баравари миқдорида; ватандошлар учун — базавий ҳисоблаш миқдорининг 2 баравари миқдорида; бошқа чет эл фуқароси бўлган шифокорлар учун — базавий ҳисоблаш миқдорининг 5 баравари миқдорида; бошқа чет эл фуқаролари учун — базавий ҳисоблаш миқдорининг 30 баравари миқдорида. ».
Президент Республики Узбекистан Ш. МИРЗИЁЕВ
г. Ташкент,
11 апреля 2022 г.,
№ УП-102