UzbekAI

Ўзбекистон Республикаси Вазирлар Маҳкамасининг

қарори

ТАРКИБИ

«Бойсун-фарм» эркин иқтисодий зонаси дирекцияси» давлат унитар корхонасини тугатиш чора-тадбирлари тўғрисида

Ўзбекистон Республикаси Президентининг «Термиз» эркин иқтисодий зонаси ҳудудини кенгайтириш чора-тадбирлари тўғрисида» 2021 йил 21 декабрдаги ПФ-37-сон Фармони ижроси юзасидан Вазирлар Маҳкамаси қарор қилади:

1. «Бойсун-фарм» эркин иқтисодий зонаси дирекцияси» давлат унитар корхонасини (кейинги ўринларда — Дирекция) тугатиш комиссиясининг (кейинги ўринларда — Тугатиш комиссияси) таркиби 1-иловага мувофиқ тасдиқлансин.

2. Тугатиш комиссияси (О. Рустамов) Дирекцияни тугатиш бўйича комплекс чора-тадбирлар қонунчилик ҳужжатларда белгиланган тартибда амалга оширилишини таъминласин, шу жумладан:

Ўзбекистон Республикаси Молия вазирлиги билан биргаликда бир ҳафта муддатда Дирекция тугатилиши муносабати билан унинг устав капиталидаги маблағларни Вазирлар Маҳкамасининг захира жамғармасига ўтказиш чораларини кўрсин;

бир ой муддатда Дирекцияни тугатиш тўғрисида оммавий ахборот воситаларида эълон бериш ҳамда унда кредиторлар талабларини билдириш тартиби ва муддатлари кўрсатиб ўтилишини;

оммавий ахборот воситаларида эълон берилган кундан эътиборан икки ой муддатда Дирекциянинг кредиторлари ёзма равишда хабардор қилинишини ва уларнинг олдидаги мажбуриятларини аниқлаб, кредитлар тўлиқ қайтарилишини, дебиторлик қарзлар сўндирилишини;

оралиқ тугатиш ва тугатиш баланслари тасдиқланишини, уларда тугатилаётган корхона мол-мулкининг таркиби тўғрисидаги маълумотлар акс эттирилишини;

уч ой муддатда Дирекция тугатилиши ҳақидаги ёзув белгиланган тартибда ягона давлат реестрига киритилишини таъминласин.

3. Сурхондарё вилояти ҳокимлиги Ўзбекистон Республикаси Қишлоқ хўжалиги вазирлиги билан биргаликда бир ой муддатда «Бойсун-фарм» эркин иқтисодий зонаси таркибига кирувчи қишлоқ хўжалигига мўлжалланган ер майдонлари Бойсун тумани ҳокимлиги захирасига қайтарилишини ва давлат мулки сифатида давлат рўйхатидан ўтказилишини таъминласин.

4. Ўзбекистон Республикаси Бандлик ва меҳнат муносабатлари вазирлиги Дирекциянинг тугатилиши муносабати билан меҳнат шартномаси бекор қилинаётган ходимларнинг бандлигига кўмаклашиш чораларини кўрсин.

5. Тугатиш комиссияси (О. Рустамов) 2022 йил 1 августига қадар амалга оширилган ишларнинг натижадорлиги тўғрисида Вазирлар Маҳкамасига ахборот киритсин.

6. Ўзбекистон Республикаси Ҳукуматининг 2-иловага мувофиқ айрим ҳужжатларига ўзгартиришлар киритилсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — инвестициялар ва ташқи савдо вазири С.У. Умурзаков ҳамда Сурхондарё вилояти ҳокими Т.А. Боболов зиммасига юклансин.

Вазирлар Маҳкамасининг 2022 йил 12 апрелдаги 179-сон қарорига 1-ИЛОВА

«Бойсун-фарм» эркин иқтисодий зонаси дирекцияси» давлат унитар корхонасини тугатиш комиссиясининг

1. О.Б. Рустамов — инвестициялар ва ташқи савдо вазири ўринбосари, Комиссия раиси 2. А.Х. Орипов — Сурхондарё вилояти ҳокимининг ўринбосари — инвестициялар ва ташқи савдо бошқармаси бошлиғи, Комиссия раиси ўринбосари 3. С.Ҳ. Кариев — Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги директори, Комиссия раиси ўринбосари 4. А.Ч. Жўраев — Сурхондарё вилояти Бойсун тумани ҳокими 5. Б.Н. Хурсандов — Сурхондарё вилояти Молия бош бошқармаси бошлиғи 6. С.М. Холиқов — Давлат активларини бошқариш агентлиги Сурхондарё вилояти бошқармаси бошлиғи 7. М.А. Абдураҳмонов — Давлат солиқ қўмитаси ҳузуридаги Кадастр агентлиги Сурхондарё вилояти бошқармаси бошлиғи 8. М.М. Очилов — «Бойсун-фарм» ЭИЗ дирекцияси директори, Комиссия котиби

Вазирлар Маҳкамасининг 2022 йил 12 апрелдаги 179-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартиришлар

1. Вазирлар Маҳкамасининг «Зомин-фарм» эркин иқтисодий зонаси дирекцияси», «Косонсой-фарм» эркин иқтисодий зонаси дирекцияси», «Сирдарё» эркин иқтисодий зонаси дирекцияси», «Бойсун-фарм» эркин иқтисодий зонаси дирекцияси», «Бўстонлиқ-фарм» эркин иқтисодий зонаси дирекцияси», «Паркент-фарм» эркин иқтисодий зонаси дирекцияси» давлат унитар корхоналарининг уставларини тасдиқлаш тўғрисида» 2017 йил 25 июлдаги 542-сон қарорида :

а) номидаги «Бойсун-фарм» эркин иқтисодий зонаси дирекцияси» сўзлари чиқариб ташлансин;

б) муқаддима ва 1-банддаги «Бойсун-фарм» эркин иқтисодий зонаси дирекцияси» ва «Бойсун-фарм» сўзлари чиқариб ташлансин;

в) 2-банддаги «Бойсун-фарм» сўзлари чиқариб ташлансин ҳамда «2 — 8-иловаларга» сўзлари тегишлича «2 — 5, 7 ва 8-иловаларга» сўзлари билан алмаштирилсин;

г) 1-илованинг номидаги «Бойсун-фарм» сўзлари чиқариб ташлансин;

д) 6-илова ўз кучини йўқотган деб ҳисоблансин.

2. Вазирлар Маҳкамасининг «Ўзбекистон Республикаси Президентининг «Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида» 2017 йил 25 октябрдаги ПҚ-3356-сон қарорини амалга ошириш чора-тадбирлари тўғрисида» 2018 йил 16 январдаги 29-сон қарорида :

а) 2-банддаги «Бойсун-фарм» сўзлари чиқариб ташлансин;

б) 4-иловада :

номидаги «Бойсун-фарм» сўзлари чиқариб ташлансин;

5-банд ўз кучини йўқотган деб ҳисоблансин;

в) 5-иловада :

9-банднинг биринчи хатбошидаги «Бойсун-фарм» сўзлари чиқариб ташлансин;

«ж» кичик банди ўз кучини йўқотган деб ҳисоблансин.

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2019 йил 23 февралдаги 161-сон қарорига 1-илованинг 33-бандида :

биринчи хатбошидаги «Бойсун-фарм» эркин иқтисодий зонаси дирекцияси» сўзлари чиқариб ташлансин;

«д» кичик банд ўз кучини йўқотган деб ҳисоблансин.

4. Вазирлар Маҳкамасининг «Ташқи беғараз кўмак маблағларини жалб этиш механизмларини ва донорлар билан ишлаш тизимини такомиллаштиришга оид қўшимча чора-тадбирлар тўғрисида» 2021 йил 29 декабрдаги 786-сон қарорига 3-илованинг 13-бандида :

биринчи хатбошидаги «Бойсун-фарм» эркин иқтисодий зонаси дирекцияси» сўзлари чиқариб ташлансин;

«б» кичик банддаги «3 — 8-иловаларда» сўзлари «3 — 5, 7 ва 8-иловаларда» сўзлари билан алмаштирилсин.

5. Вазирлар Маҳкамасининг «Термиз» эркин иқтисодий зонаси фаолиятини такомиллаштириш чора-тадбирлари тўғрисида» 2020 йил 13 мартдаги 148-сон қарорига 1-илова қуйидаги таҳрирда баён этилсин:

«Термиз» эркин иқтисодий зонаси таркибига кирувчи ҳудудларнинг чегаралари

1-ер участкаси:

1-бошланғич нуқта Термиз туманидаги «Термиз халқаро савдо маркази» эркин савдо зонаси ҳудудининг ғарб томонида, «Термиз» эркин иқтисодий зонаси ҳудудида жойлашган.

1-нуқтадан чегара «Термиз халқаро савдо маркази» эркин савдо зонаси ҳудуди бўйлаб жанубий йўналишда 330,0 метр масофада 2-нуқтагача давом этади.

2-нуқтадан чегара Айритом автомагистрал йўлининг «Термиз» эркин иқтисодий зонаси ҳудуди бўйлаб ғарбий йўналишда 616,0 метр масофада 3-нуқтагача давом этади.

3-нуқтадан чегара «Термиз халқаро савдо маркази» эркин савдо зонаси ҳудуди бўйлаб шимолий йўналишда 1050,0 метр масофада 4-нуқтагача давом этади.

4-нуқтадан чегара «Аму-занг» канали муҳофаза зонасининг «Термиз» эркин иқтисодий зонаси ҳудуди бўйлаб шарқий йўналишда 320,0 метр масофада 5-нуқтагача давом этади.

5-нуқтадан чегара «Аму-занг» канали муҳофаза зонасининг «Термиз» эркин иқтисодий зонаси ҳудуди бўйлаб жанубий йўналишда 755,0 метр масофада 6-нуқтагача давом этади.

6-нуқтадан чегара «Термиз халқаро савдо маркази» эркин савдо зонаси ҳудуди бўйлаб ғарбий йўналишда 315,0 метр масофада 1-нуқтагача давом этади.

2-ер участкаси:

1-бошланғич нуқта Бойсун аҳоли яшаш пунктидан ғарбий йўналишда 1 950 метр масофада жойлашган Бойсун-Подан автомобиль йўлидаги нуқтадан жанубга қараб 755 метр масофада жойлашади.

1-нуқтадан чегара қуруқ ер бўйлаб 2-нуқтагача умумий йўналишда жанубий-шарққа қараб 610 метр масофага давом этади.

2-нуқтадан чегара умумий йўналишда қуруқ ер бўйлаб 3-нуқтагача жанубга қараб 230 метр масофага давом этади.

3-нуқтадан чегара 4-нуқтагача ғарбий-шимолий-ғарбий йўналишга қараб тўғри чизиқда қуруқ ер бўйлаб 650 метр масофага давом этади.»

Ўзбекистон Республикасининг Бош вазири А. АРИПОВ

Тошкент ш.,

2022 йил 12 апрель,

179-сон

(Қонунчилик маълумотлари миллий базаси, 13.04.2022 й., 09/22/179/0301-сон)

lex.uz

Oʻzbekiston Respublikasi Vazirlar Mahkamasining

qarori

TARKIBI

“Boysun-farm” erkin iqtisodiy zonasi direksiyasi” davlat unitar korxonasini tugatish chora-tadbirlari toʻgʻrisida

Oʻzbekiston Respublikasi Prezidentining “Termiz” erkin iqtisodiy zonasi hududini kengaytirish chora-tadbirlari toʻgʻrisida” 2021-yil 21-dekabrdagi PF-37-son Farmoni ijrosi yuzasidan Vazirlar Mahkamasi qaror qiladi:

1. “Boysun-farm” erkin iqtisodiy zonasi direksiyasi” davlat unitar korxonasini (keyingi oʻrinlarda — Direksiya) tugatish komissiyasining (keyingi oʻrinlarda — Tugatish komissiyasi) tarkibi 1-ilovaga muvofiq tasdiqlansin.

2. Tugatish komissiyasi (O. Rustamov) Direksiyani tugatish boʻyicha kompleks chora-tadbirlar qonunchilik hujjatlarda belgilangan tartibda amalga oshirilishini taʼminlasin, shu jumladan:

Oʻzbekiston Respublikasi Moliya vazirligi bilan birgalikda bir hafta muddatda Direksiya tugatilishi munosabati bilan uning ustav kapitalidagi mablagʻlarni Vazirlar Mahkamasining zaxira jamgʻarmasiga oʻtkazish choralarini koʻrsin;

bir oy muddatda Direksiyani tugatish toʻgʻrisida ommaviy axborot vositalarida eʼlon berish hamda unda kreditorlar talablarini bildirish tartibi va muddatlari koʻrsatib oʻtilishini;

ommaviy axborot vositalarida eʼlon berilgan kundan eʼtiboran ikki oy muddatda Direksiyaning kreditorlari yozma ravishda xabardor qilinishini va ularning oldidagi majburiyatlarini aniqlab, kreditlar toʻliq qaytarilishini, debitorlik qarzlar soʻndirilishini;

oraliq tugatish va tugatish balanslari tasdiqlanishini, ularda tugatilayotgan korxona mol-mulkining tarkibi toʻgʻrisidagi maʼlumotlar aks ettirilishini;

uch oy muddatda Direksiya tugatilishi haqidagi yozuv belgilangan tartibda yagona davlat reyestriga kiritilishini taʼminlasin.

3. Surxondaryo viloyati hokimligi Oʻzbekiston Respublikasi Qishloq xoʻjaligi vazirligi bilan birgalikda bir oy muddatda “Boysun-farm” erkin iqtisodiy zonasi tarkibiga kiruvchi qishloq xoʻjaligiga moʻljallangan yer maydonlari Boysun tumani hokimligi zaxirasiga qaytarilishini va davlat mulki sifatida davlat roʻyxatidan oʻtkazilishini taʼminlasin.

4. Oʻzbekiston Respublikasi Bandlik va mehnat munosabatlari vazirligi Direksiyaning tugatilishi munosabati bilan mehnat shartnomasi bekor qilinayotgan xodimlarning bandligiga koʻmaklashish choralarini koʻrsin.

5. Tugatish komissiyasi (O. Rustamov) 2022-yil 1-avgustiga qadar amalga oshirilgan ishlarning natijadorligi toʻgʻrisida Vazirlar Mahkamasiga axborot kiritsin.

6. Oʻzbekiston Respublikasi Hukumatining 2-ilovaga muvofiq ayrim hujjatlariga oʻzgartirishlar kiritilsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — investitsiyalar va tashqi savdo vaziri S.U. Umurzakov hamda Surxondaryo viloyati hokimi T.A. Bobolov zimmasiga yuklansin.

Vazirlar Mahkamasining 2022-yil 12-apreldagi 179-son qaroriga 1-ILOVA

“Boysun-farm” erkin iqtisodiy zonasi direksiyasi” davlat unitar korxonasini tugatish komissiyasining

1. O.B. Rustamov — investitsiyalar va tashqi savdo vaziri oʻrinbosari, Komissiya raisi 2. A.X. Oripov — Surxondaryo viloyati hokimining oʻrinbosari — investitsiyalar va tashqi savdo boshqarmasi boshligʻi, Komissiya raisi oʻrinbosari 3. S.H. Kariyev — Sogʻliqni saqlash vazirligi huzuridagi Farmatsevtika tarmogʻini rivojlantirish agentligi direktori, Komissiya raisi oʻrinbosari 4. A.Ch. Joʻrayev — Surxondaryo viloyati Boysun tumani hokimi 5. B.N. Xursandov — Surxondaryo viloyati Moliya bosh boshqarmasi boshligʻi 6. S.M. Xoliqov — Davlat aktivlarini boshqarish agentligi Surxondaryo viloyati boshqarmasi boshligʻi 7. M.A. Abdurahmonov — Davlat soliq qoʻmitasi huzuridagi Kadastr agentligi Surxondaryo viloyati boshqarmasi boshligʻi 8. M.M. Ochilov — “Boysun-farm” EIZ direksiyasi direktori, Komissiya kotibi

Vazirlar Mahkamasining 2022-yil 12-apreldagi 179-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar

1. Vazirlar Mahkamasining “Zomin-farm” erkin iqtisodiy zonasi direksiyasi”, “Kosonsoy-farm” erkin iqtisodiy zonasi direksiyasi”, “Sirdaryo” erkin iqtisodiy zonasi direksiyasi”, “Boysun-farm” erkin iqtisodiy zonasi direksiyasi”, “Boʻstonliq-farm” erkin iqtisodiy zonasi direksiyasi”, “Parkent-farm” erkin iqtisodiy zonasi direksiyasi” davlat unitar korxonalarining ustavlarini tasdiqlash toʻgʻrisida” 2017-yil 25-iyuldagi 542-son qarorida :

a) nomidagi “Boysun-farm” erkin iqtisodiy zonasi direksiyasi” soʻzlari chiqarib tashlansin;

b) muqaddima va 1-banddagi “Boysun-farm” erkin iqtisodiy zonasi direksiyasi” va “Boysun-farm” soʻzlari chiqarib tashlansin;

v) 2-banddagi “Boysun-farm” soʻzlari chiqarib tashlansin hamda “2 — 8-ilovalarga” soʻzlari tegishlicha “2 — 5, 7 va 8-ilovalarga” soʻzlari bilan almashtirilsin;

g) 1-ilovaning nomidagi “Boysun-farm” soʻzlari chiqarib tashlansin;

d) 6-ilova oʻz kuchini yoʻqotgan deb hisoblansin.

2. Vazirlar Mahkamasining “Oʻzbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida” 2017-yil 25-oktabrdagi PQ-3356-son qarorini amalga oshirish chora-tadbirlari toʻgʻrisida” 2018-yil 16-yanvardagi 29-son qarorida :

a) 2-banddagi “Boysun-farm” soʻzlari chiqarib tashlansin;

b) 4-ilovada :

nomidagi “Boysun-farm” soʻzlari chiqarib tashlansin;

5-band oʻz kuchini yoʻqotgan deb hisoblansin;

v) 5-ilovada :

9-bandning birinchi xatboshidagi “Boysun-farm” soʻzlari chiqarib tashlansin;

“j” kichik bandi oʻz kuchini yoʻqotgan deb hisoblansin.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2019-yil 23-fevraldagi 161-son qaroriga 1-ilovaning 33-bandida :

birinchi xatboshidagi “Boysun-farm” erkin iqtisodiy zonasi direksiyasi” soʻzlari chiqarib tashlansin;

“d” kichik band oʻz kuchini yoʻqotgan deb hisoblansin.

4. Vazirlar Mahkamasining “Tashqi begʻaraz koʻmak mablagʻlarini jalb etish mexanizmlarini va donorlar bilan ishlash tizimini takomillashtirishga oid qoʻshimcha chora-tadbirlar toʻgʻrisida” 2021-yil 29-dekabrdagi 786-son qaroriga 3-ilovaning 13-bandida :

birinchi xatboshidagi “Boysun-farm” erkin iqtisodiy zonasi direksiyasi” soʻzlari chiqarib tashlansin;

“b” kichik banddagi “3 — 8-ilovalarda” soʻzlari “3 — 5, 7 va 8-ilovalarda” soʻzlari bilan almashtirilsin.

5. Vazirlar Mahkamasining “Termiz” erkin iqtisodiy zonasi faoliyatini takomillashtirish chora-tadbirlari toʻgʻrisida” 2020-yil 13-martdagi 148-son qaroriga 1-ilova quyidagi tahrirda bayon etilsin:

“Termiz” erkin iqtisodiy zonasi tarkibiga kiruvchi hududlarning chegaralari

1-yer uchastkasi:

1-boshlangʻich nuqta Termiz tumanidagi “Termiz xalqaro savdo markazi” erkin savdo zonasi hududining gʻarb tomonida, “Termiz” erkin iqtisodiy zonasi hududida joylashgan.

1-nuqtadan chegara “Termiz xalqaro savdo markazi” erkin savdo zonasi hududi boʻylab janubiy yoʻnalishda 330,0 metr masofada 2-nuqtagacha davom etadi.

2-nuqtadan chegara Ayritom avtomagistral yoʻlining “Termiz” erkin iqtisodiy zonasi hududi boʻylab gʻarbiy yoʻnalishda 616,0 metr masofada 3-nuqtagacha davom etadi.

3-nuqtadan chegara “Termiz xalqaro savdo markazi” erkin savdo zonasi hududi boʻylab shimoliy yoʻnalishda 1050,0 metr masofada 4-nuqtagacha davom etadi.

4-nuqtadan chegara “Amu-zang” kanali muhofaza zonasining “Termiz” erkin iqtisodiy zonasi hududi boʻylab sharqiy yoʻnalishda 320,0 metr masofada 5-nuqtagacha davom etadi.

5-nuqtadan chegara “Amu-zang” kanali muhofaza zonasining “Termiz” erkin iqtisodiy zonasi hududi boʻylab janubiy yoʻnalishda 755,0 metr masofada 6-nuqtagacha davom etadi.

6-nuqtadan chegara “Termiz xalqaro savdo markazi” erkin savdo zonasi hududi boʻylab gʻarbiy yoʻnalishda 315,0 metr masofada 1-nuqtagacha davom etadi.

2-yer uchastkasi:

1-boshlangʻich nuqta Boysun aholi yashash punktidan gʻarbiy yoʻnalishda 1 950 metr masofada joylashgan Boysun-Podan avtomobil yoʻlidagi nuqtadan janubga qarab 755 metr masofada joylashadi.

1-nuqtadan chegara quruq yer boʻylab 2-nuqtagacha umumiy yoʻnalishda janubiy-sharqqa qarab 610 metr masofaga davom etadi.

2-nuqtadan chegara umumiy yoʻnalishda quruq yer boʻylab 3-nuqtagacha janubga qarab 230 metr masofaga davom etadi.

3-nuqtadan chegara 4-nuqtagacha gʻarbiy-shimoliy-gʻarbiy yoʻnalishga qarab toʻgʻri chiziqda quruq yer boʻylab 650 metr masofaga davom etadi.”

Oʻzbekiston Respublikasining Bosh vaziri A. ARIPOV

Toshkent sh.,

2022-yil 12-aprel,

179-son

(Qonunchilik maʼlumotlari milliy bazasi, 13.04.2022-y., 09/22/179/0301-son)

lex.uz