UzbekAI

Ўзбекистон Республикаси Президентининг

Қарори

Қашқадарё вилояти таркибида Кўкдала туманини ташкил этиш билан боғлиқ ташкилий масалаларни ҳал этиш чора-тадбирлари тўғрисида

Қашқадарё вилояти таркибида Кўкдала туманини ташкил этиш билан боғлиқ ташкилий масалаларни ҳал этиш мақсадида:

1. Олий Мажлис Қонунчилик палатасининг 2022 йил 2 мартдаги 1901-IV-сон ҳамда Олий Мажлис Сенатининг 2022 йил 17 мартдаги СҚ-503-IV-сон «Қашқадарё вилояти Чироқчи туманининг чегараларини ўзгартириш ва Кўкдала туманини ташкил этиш тўғрисида»ги қарорлари қабул қилинганлиги ҳамда Қашқадарё вилояти Чироқчи туманининг чегаралари ўзгартирилганлиги маълумот учун қабул қилинсин.

2. Қашқадарё вилояти таркибида Кўкдала тумани ҳокимлиги ташкил этилсин.

3. Қашқадарё вилояти Кўкдала тумани ҳокимлиги, давлат органлари ва ташкилотларининг Кўкдала туманидаги бўлинмалари рўйхати ҳамда уларнинг штат бирликлари чекланган умумий сони 1-иловага мувофиқ тасдиқлансин.

4. Белгилансинки, Қашқадарё вилоятининг Кўкдала туманида жойлашган давлат органлари ва ташкилотларининг бошқарув ходимлари вазирлик ва идораларнинг умумий штат бирликлари доирасида киритилади.

5. Қашқадарё вилояти ҳокимлиги:

а) бир ой муддатда:

Кўкдала туманини ташкил этиш билан боғлиқ зарур комплекс ташкилий-техник тадбирлар режасини ишлаб чиқиб тасдиқласин ва унинг белгиланган муддатларда амалга оширилишини ташкил этсин;

Давлат активларини бошқариш агентлиги, Молия вазирлиги ва Мактабгача таълим вазирлиги билан биргаликда Кўкдала тумани ҳокимлигини ҳамда бошқа давлат органлари ва ташкилотларини улар учун бино қурилгунга қадар «Кўкдала» МФЙ ҳудудидаги педагогика коллежи биносининг бўш турган қисмига текин фойдаланиш ҳуқуқи асосида жойлаштирсин ҳамда моддий-техника воситалари билан таъминласин;

б) икки ой муддатда:

Молия вазирлиги, Иқтисодий тараққиёт ва камбағалликни қисқартириш вазирлиги билан биргаликда Кўкдала тумани ҳокимлигини ҳамда бошқа давлат органлари ва ташкилотларини сақлаш харажатларини ўз ичига олган Кўкдала тумани бюджетининг ва туманни ижтимоий-иқтисодий ривожлантиришнинг прогноз параметрларини белгиласин;

Кўкдала тумани ҳокимлиги ҳамда бошқа давлат органлари ва ташкилоти бўлинмалари учун маъмурий бинолар қурилишини таъминласин. Бунда, маъмурий бинолар Кўкдала тумани ҳокимлиги учун — республика бюджети маблағлари ҳисобидан, бошқа давлат органлари ва ташкилотлари учун — уларнинг бюджетдан ташқари маблағлари ҳисобидан қурилиши белгилаб қўйилсин;

в) Кўкдала туманини ташкил этиш даврида иқтисодиёт тармоқларининг аниқ, барқарор ва бир маромда ишлашини, шунингдек, юзага келадиган ижтимоий масалалар ўз вақтида ҳал этилишини таъминласин;

г) Бандлик ва меҳнат муносабатлари вазирлиги билан биргаликда Кўкдала тумани ташкил этилиши муносабати билан янги ташкил этилаётган давлат органлари ва ташкилотлари ҳудудий бўлинмаларини етарли тажрибага эга бўлган малакали кадрлар билан тўлдириш чораларини кўрсин.

6. Кўкдала тумани ҳокимлиги Кўкдала туманида фаолият юритаётган қишлоқ хўжалиги маҳсулотларини етиштирувчилар билан тузилган ер ижараси шартномалари юзасидан Чироқчи тумани ҳокимлигининг ҳуқуқлари ва мажбуриятлари бўйича вориси ҳисобланиши белгилансин.

7. Миллий статистика қўмитаси статистика кўрсаткичларини шакллантириш ва юритишда Кўкдала туманининг маъмурий ҳудудларини инобатга олсин.

8. Давлат солиқ қўмитаси ҳузуридаги Кадастр агентлиги бир ой муддатда Кўкдала тумани ташкил этилиши натижасида маъмурий-ҳудудий чегаралар ўзгариши муносабати билан ер ҳисоботларига белгиланган тартибда тегишли ўзгартиришлар киритсин.

9. Олий суд, Мудофаа вазирлиги, Бош прокуратура, Фавқулодда вазиятлар вазирлиги, Ички ишлар вазирлиги ҳамда ҳуқуқни муҳофаза қилувчи бошқа органлар икки ой муддатда Кўкдала туманида ўз тузилмаларини ташкил этиш чораларини кўрсин ҳамда бюджет маблағлари ҳисобидан маъмурий бинолар қуриш масаласини кўриб чиқсин.

10. Тижорат банкларига Кўкдала туманини ижтимоий-иқтисодий ривожлантириш мақсадида мазкур туман ҳудудида банк инфратузилмасини ташкил этиш тавсия этилсин.

11. Адлия вазирлиги:

икки ой муддатда Кўкдала туманига ўтказилган маъмурий ҳудудда фаолият юритаётган тадбиркорлик субъектларининг жойлашган жойига (почта манзилига) оид маълумотлар улардан ариза ёки маълумот талаб этмаган ҳолда, тўғридан-тўғри электрон тизим орқали бепул ўзгартирилишини;

Молия вазирлиги билан биргаликда Кўкдала туманида умумий штат бирликлари доирасида адлия бўлими ва фуқаролик ҳолати далолатномаларини ёзиш органларини ташкил этиш бўйича тегишли тадбирлар амалга оширилишини;

Қашқадарё вилояти ҳокимлиги билан биргаликда Кўкдала туманида давлат хизматлари маркази биносининг давлат-хусусий шериклик шартлари асосида ёки маҳаллий бюджет ёхуд ўз маблағлари ҳисобидан қурилишини таъминласин.

12. Қашқадарё вилояти ҳокимлиги Қурилиш вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги ва «ЎзшаҳарсозликЛИТИ»ДУК билан биргаликда уч ой муддатда Кўкдала тумани маъмурий-ҳудудий чегарасини ҳисобга олган ҳолда, туманнинг 2040 йилгача бўлган бош режаси ишлаб чиқилишини таъминласин.

13. Молия вазирлиги қонунчилик ҳужжатларига тегишли ўзгартириш ва қўшимчалар киритилгунга қадар ташкил этилаётган Кўкдала тумани ҳокимлиги ҳамда мазкур қарорга 1-иловага мувофиқ давлат органлари ва ташкилотларининг сақлаш харажатларини молиялаштириш чораларини кўрсин.

14. Ўзбекистон Республикаси Президентининг 2016 йил 22 декабрдаги «Маҳаллий ижроия ҳокимияти органлари фаолиятини янада такомиллаштириш тўғрисида»ги ПҚ-2691-сон қарорига 2-иловага мувофиқ ўзгартиришлар ва қўшимча киритилсин.

15. Қашқадарё вилояти ҳокимлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

16. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Қашқадарё вилояти ҳокими в.б. М.Б. Азимов зиммасига юклансин.

Ўзбекистон Республикаси Президентининг 2022 йил 19 апрелдаги ПҚ-211-сон қарорига 1-ИЛОВА

Қашқадарё вилояти Кўкдала тумани ҳокимлиги, давлат органлари ва ташкилотларининг Кўкдала туманидаги бўлинмалари рўйхати ҳамда уларнинг штат бирликлари чекланган умумий сони

Т/р Ташкилот номи Штат бирликлари сони I. Қўшимча штат бирликларини киритиш ҳисобидан ташкил этиладиган бошқарув ходимлари сони 1. Туман ҳокимлиги 28 шу жумладан: Маҳаллабай ишлаш ва тадбиркорликни ривожлантириш маркази 4 II. Белгиланган штат бирликлари доирасида ташкил этиладиган бошқарув ходимлари сони * 2. Иқтисодий тараққиёт ва камбағалликни қисқартириш бўлими 5 3. Молия бўлими 10 4. Адлия бўлими 2 5. Халқ таълими бўлими 6 6. Мактабгача таълим бўлими 6 7. Қурилиш бўлими 3 8. Инвестициялар ва ташқи савдо бўлими 4 9. Маданият бўлими 3 10. Спорт бўлими 2 11. Уй-жой коммунал хизмат кўрсатиш бўлими 3 12. Қишлоқ хўжалиги бўлими 9 13. Ирригация бўлими 4 14. Маҳалла ва нуронийларни қўллаб-қувватлаш бўлими 5 15. Тиббиёт бирлашмаси 14 16. Транспорт сектори 1 17. Аҳоли бандлигига кўмаклашиш маркази 7 18. Оила ва хотин-қизлар бўлими 3 19. Давлат солиқ инспекцияси 14 20. Статистика бўлими 3 21. Экология ва атроф муҳитни муҳофаза қилиш соҳасидаги назорат бўйича туман инспекцияси 4 22. Кадастр агентлиги бўлими 2 23. Бюджетдан ташқари пенсия жамғармаси 3 24. Ғазначилик бўлинмаси 4 25. Санитария-эпидемиологик осойишталик маркази 4 26. Ветеринария ва чорвачиликни ривожлантириш бўлими 6 27. Вилоят «Чорванасл» марказининг туман вакили 1 28. Ёшлар ишлари агентлиги бўлими 3 29. Ободонлаштириш бошқармаси 7 30. Агросаноат мажмуи устидан назорат қилиш инспекцияси бўлими 5 31. Ўзбекистон Республикаси Президентининг Халқ қабулхонаси 3 32. Халқ депутатлари туман Кенгаши котибияти 3 33. Юридик хизмат кўрсатиш маркази 4 34. Давлат хизматлари маркази 5 35. ФҲДЁ органи 3 Жами 189

Ўзбекистон Республикаси Президентининг 2022 йил 19 апрелдаги ПҚ-211-сон қарорига 2-ИЛОВА

Ўзбекистон Республикаси Президентининг 2016 йил 22 декабрдаги «Маҳаллий ижроия ҳокимияти органлари фаолиятини янада такомиллаштириш тўғрисида»ги ПҚ-2691-сон қарорига киритилаётган ўзгартиришлар ва қўшимча

Ўзбекистон Республикаси Президентининг 2016 йил 22 декабрдаги «Маҳаллий ижроия ҳокимияти органлари фаолиятини янада такомиллаштириш тўғрисида»ги ПҚ-2691-сон қарорига 3в-иловада:

а) «Қашқадарё вилояти» бўлимида:

«I тоифа» кичик бўлимининг 5-позицияси қуйидаги таҳрирда баён этилсин:

« 5. Чироқчи 33 28 5 »;

«II тоифа» кичик бўлими қуйидаги мазмундаги 5-позиция билан тўлдирилсин:

« 5. Кўкдала 28 24 4 »;

«Жами» позицияси қуйидаги таҳрирда баён этилсин:

« Жами 445 378 67 »;

б) 164-позиция қуйидаги таҳрирда баён этилсин:

« 165. Республика бўйича жами 5 173 4 433 740 ».

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 19 апрель,

ПҚ-211-сон

(Қонунчилик маълумотлари миллий базаси, 19.04.2022 й., 07/22/211/0318-сон; 01.03.2025 й., 06/25/27/0196-сон)

lex.uz

Oʻzbekiston Respublikasi Prezidentining

Qarori

Qashqadaryo viloyati tarkibida Koʻkdala tumanini tashkil etish bilan bogʻliq tashkiliy masalalarni hal etish chora-tadbirlari toʻgʻrisida

Qashqadaryo viloyati tarkibida Koʻkdala tumanini tashkil etish bilan bogʻliq tashkiliy masalalarni hal etish maqsadida:

1. Oliy Majlis Qonunchilik palatasining 2022-yil 2-martdagi 1901-IV-son hamda Oliy Majlis Senatining 2022-yil 17-martdagi SQ-503-IV-son “Qashqadaryo viloyati Chiroqchi tumanining chegaralarini oʻzgartirish va Koʻkdala tumanini tashkil etish toʻgʻrisida”gi qarorlari qabul qilinganligi hamda Qashqadaryo viloyati Chiroqchi tumanining chegaralari oʻzgartirilganligi maʼlumot uchun qabul qilinsin.

2. Qashqadaryo viloyati tarkibida Koʻkdala tumani hokimligi tashkil etilsin.

3. Qashqadaryo viloyati Koʻkdala tumani hokimligi, davlat organlari va tashkilotlarining Koʻkdala tumanidagi boʻlinmalari roʻyxati hamda ularning shtat birliklari cheklangan umumiy soni 1-ilovaga muvofiq tasdiqlansin.

4. Belgilansinki, Qashqadaryo viloyatining Koʻkdala tumanida joylashgan davlat organlari va tashkilotlarining boshqaruv xodimlari vazirlik va idoralarning umumiy shtat birliklari doirasida kiritiladi.

5. Qashqadaryo viloyati hokimligi:

a) bir oy muddatda:

Koʻkdala tumanini tashkil etish bilan bogʻliq zarur kompleks tashkiliy-texnik tadbirlar rejasini ishlab chiqib tasdiqlasin va uning belgilangan muddatlarda amalga oshirilishini tashkil etsin;

Davlat aktivlarini boshqarish agentligi, Moliya vazirligi va Maktabgacha taʼlim vazirligi bilan birgalikda Koʻkdala tumani hokimligini hamda boshqa davlat organlari va tashkilotlarini ular uchun bino qurilgunga qadar “Koʻkdala” MFY hududidagi pedagogika kolleji binosining boʻsh turgan qismiga tekin foydalanish huquqi asosida joylashtirsin hamda moddiy-texnika vositalari bilan taʼminlasin;

b) ikki oy muddatda:

Moliya vazirligi, Iqtisodiy taraqqiyot va kambagʻallikni qisqartirish vazirligi bilan birgalikda Koʻkdala tumani hokimligini hamda boshqa davlat organlari va tashkilotlarini saqlash xarajatlarini oʻz ichiga olgan Koʻkdala tumani budjetining va tumanni ijtimoiy-iqtisodiy rivojlantirishning prognoz parametrlarini belgilasin;

Koʻkdala tumani hokimligi hamda boshqa davlat organlari va tashkiloti boʻlinmalari uchun maʼmuriy binolar qurilishini taʼminlasin. Bunda, maʼmuriy binolar Koʻkdala tumani hokimligi uchun — respublika budjeti mablagʻlari hisobidan, boshqa davlat organlari va tashkilotlari uchun — ularning budjetdan tashqari mablagʻlari hisobidan qurilishi belgilab qoʻyilsin;

v) Koʻkdala tumanini tashkil etish davrida iqtisodiyot tarmoqlarining aniq, barqaror va bir maromda ishlashini, shuningdek, yuzaga keladigan ijtimoiy masalalar oʻz vaqtida hal etilishini taʼminlasin;

g) Bandlik va mehnat munosabatlari vazirligi bilan birgalikda Koʻkdala tumani tashkil etilishi munosabati bilan yangi tashkil etilayotgan davlat organlari va tashkilotlari hududiy boʻlinmalarini yetarli tajribaga ega boʻlgan malakali kadrlar bilan toʻldirish choralarini koʻrsin.

6. Koʻkdala tumani hokimligi Koʻkdala tumanida faoliyat yuritayotgan qishloq xoʻjaligi mahsulotlarini yetishtiruvchilar bilan tuzilgan yer ijarasi shartnomalari yuzasidan Chiroqchi tumani hokimligining huquqlari va majburiyatlari boʻyicha vorisi hisoblanishi belgilansin.

7. Milliy statistika qoʻmitasi statistika koʻrsatkichlarini shakllantirish va yuritishda Koʻkdala tumanining maʼmuriy hududlarini inobatga olsin.

8. Davlat soliq qoʻmitasi huzuridagi Kadastr agentligi bir oy muddatda Koʻkdala tumani tashkil etilishi natijasida maʼmuriy-hududiy chegaralar oʻzgarishi munosabati bilan yer hisobotlariga belgilangan tartibda tegishli oʻzgartirishlar kiritsin.

9. Oliy sud, Mudofaa vazirligi, Bosh prokuratura, Favqulodda vaziyatlar vazirligi, Ichki ishlar vazirligi hamda huquqni muhofaza qiluvchi boshqa organlar ikki oy muddatda Koʻkdala tumanida oʻz tuzilmalarini tashkil etish choralarini koʻrsin hamda budjet mablagʻlari hisobidan maʼmuriy binolar qurish masalasini koʻrib chiqsin.

10. Tijorat banklariga Koʻkdala tumanini ijtimoiy-iqtisodiy rivojlantirish maqsadida mazkur tuman hududida bank infratuzilmasini tashkil etish tavsiya etilsin.

11. Adliya vazirligi:

ikki oy muddatda Koʻkdala tumaniga oʻtkazilgan maʼmuriy hududda faoliyat yuritayotgan tadbirkorlik subyektlarining joylashgan joyiga (pochta manziliga) oid maʼlumotlar ulardan ariza yoki maʼlumot talab etmagan holda, toʻgʻridan-toʻgʻri elektron tizim orqali bepul oʻzgartirilishini;

Moliya vazirligi bilan birgalikda Koʻkdala tumanida umumiy shtat birliklari doirasida adliya boʻlimi va fuqarolik holati dalolatnomalarini yozish organlarini tashkil etish boʻyicha tegishli tadbirlar amalga oshirilishini;

Qashqadaryo viloyati hokimligi bilan birgalikda Koʻkdala tumanida davlat xizmatlari markazi binosining davlat-xususiy sheriklik shartlari asosida yoki mahalliy budjet yoxud oʻz mablagʻlari hisobidan qurilishini taʼminlasin.

12. Qashqadaryo viloyati hokimligi Qurilish vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi va “OʻzshaharsozlikLITI”DUK bilan birgalikda uch oy muddatda Koʻkdala tumani maʼmuriy-hududiy chegarasini hisobga olgan holda, tumanning 2040-yilgacha boʻlgan bosh rejasi ishlab chiqilishini taʼminlasin.

13. Moliya vazirligi qonunchilik hujjatlariga tegishli oʻzgartirish va qoʻshimchalar kiritilgunga qadar tashkil etilayotgan Koʻkdala tumani hokimligi hamda mazkur qarorga 1-ilovaga muvofiq davlat organlari va tashkilotlarining saqlash xarajatlarini moliyalashtirish choralarini koʻrsin.

14. Oʻzbekiston Respublikasi Prezidentining 2016-yil 22-dekabrdagi “Mahalliy ijroiya hokimiyati organlari faoliyatini yanada takomillashtirish toʻgʻrisida”gi PQ-2691-son qaroriga 2-ilovaga muvofiq oʻzgartirishlar va qoʻshimcha kiritilsin.

15. Qashqadaryo viloyati hokimligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

16. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Qashqadaryo viloyati hokimi v.b. M.B. Azimov zimmasiga yuklansin.

Oʻzbekiston Respublikasi Prezidentining 2022-yil 19-apreldagi PQ-211-son qaroriga 1-ILOVA

Qashqadaryo viloyati Koʻkdala tumani hokimligi, davlat organlari va tashkilotlarining Koʻkdala tumanidagi boʻlinmalari roʻyxati hamda ularning shtat birliklari cheklangan umumiy soni

T/r Tashkilot nomi Shtat birliklari soni I. Qoʻshimcha shtat birliklarini kiritish hisobidan tashkil etiladigan boshqaruv xodimlari soni 1. Tuman hokimligi 28 shu jumladan: Mahallabay ishlash va tadbirkorlikni rivojlantirish markazi 4 II. Belgilangan shtat birliklari doirasida tashkil etiladigan boshqaruv xodimlari soni * 2. Iqtisodiy taraqqiyot va kambagʻallikni qisqartirish boʻlimi 5 3. Moliya boʻlimi 10 4. Adliya boʻlimi 2 5. Xalq taʼlimi boʻlimi 6 6. Maktabgacha taʼlim boʻlimi 6 7. Qurilish boʻlimi 3 8. Investitsiyalar va tashqi savdo boʻlimi 4 9. Madaniyat boʻlimi 3 10. Sport boʻlimi 2 11. Uy-joy kommunal xizmat koʻrsatish boʻlimi 3 12. Qishloq xoʻjaligi boʻlimi 9 13. Irrigatsiya boʻlimi 4 14. Mahalla va nuroniylarni qoʻllab-quvvatlash boʻlimi 5 15. Tibbiyot birlashmasi 14 16. Transport sektori 1 17. Aholi bandligiga koʻmaklashish markazi 7 18. Oila va xotin-qizlar boʻlimi 3 19. Davlat soliq inspeksiyasi 14 20. Statistika boʻlimi 3 21. Ekologiya va atrof muhitni muhofaza qilish sohasidagi nazorat boʻyicha tuman inspeksiyasi 4 22. Kadastr agentligi boʻlimi 2 23. Budjetdan tashqari pensiya jamgʻarmasi 3 24. Gʻaznachilik boʻlinmasi 4 25. Sanitariya-epidemiologik osoyishtalik markazi 4 26. Veterinariya va chorvachilikni rivojlantirish boʻlimi 6 27. Viloyat “Chorvanasl” markazining tuman vakili 1 28. Yoshlar ishlari agentligi boʻlimi 3 29. Obodonlashtirish boshqarmasi 7 30. Agrosanoat majmui ustidan nazorat qilish inspeksiyasi boʻlimi 5 31. Oʻzbekiston Respublikasi Prezidentining Xalq qabulxonasi 3 32. Xalq deputatlari tuman Kengashi kotibiyati 3 33. Yuridik xizmat koʻrsatish markazi 4 34. Davlat xizmatlari markazi 5 35. FHDY organi 3 Jami 189

Oʻzbekiston Respublikasi Prezidentining 2022-yil 19-apreldagi PQ-211-son qaroriga 2-ILOVA

Oʻzbekiston Respublikasi Prezidentining 2016-yil 22-dekabrdagi “Mahalliy ijroiya hokimiyati organlari faoliyatini yanada takomillashtirish toʻgʻrisida”gi PQ-2691-son qaroriga kiritilayotgan oʻzgartirishlar va qoʻshimcha

Oʻzbekiston Respublikasi Prezidentining 2016-yil 22-dekabrdagi “Mahalliy ijroiya hokimiyati organlari faoliyatini yanada takomillashtirish toʻgʻrisida”gi PQ-2691-son qaroriga 3v-ilovada:

a) “Qashqadaryo viloyati” boʻlimida:

“I toifa” kichik boʻlimining 5-pozitsiyasi quyidagi tahrirda bayon etilsin:

“ 5. Chiroqchi 33 28 5 ”;

“II toifa” kichik boʻlimi quyidagi mazmundagi 5-pozitsiya bilan toʻldirilsin:

“ 5. Koʻkdala 28 24 4 ”;

“Jami” pozitsiyasi quyidagi tahrirda bayon etilsin:

“ Jami 445 378 67 ”;

b) 164-pozitsiya quyidagi tahrirda bayon etilsin:

“ 165. Respublika boʻyicha jami 5 173 4 433 740 ”.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 19-aprel,

PQ-211-son

(Qonunchilik maʼlumotlari milliy bazasi, 19.04.2022-y., 07/22/211/0318-son; 01.03.2025-y., 06/25/27/0196-son)

lex.uz

Президента Республики Узбекистан

Постановление

О мерах по решению организационных вопросов, связанных с образованием Кукдалинского района в составе Кашкадарьинской области

В целях решения организационных вопросов, связанных с образованием Кукдалинского района в составе Кашкадарьинской области:

1. Принять к сведению, что приняты постановления Законодательной палаты Олий Мажлиса Республики Узбекистан от 2 марта 2022 года № 1901-IV и Сената Олий Мажлиса Республики Узбекистан от 17 марта 2022 года № СК-503-IV «Об изменении границ Чиракчинского района Кашкадарьинской области и образовании Кукдалинского района» и изменены границы Чиракчинского района Кашкадарьинской области.

2. Образовать хокимият Кукдалинского района в составе Кашкадарьинской области.

3. Утвердить перечень подразделений хокимията Кукдалинского района, государственных органов и организаций Кукдалинского района Кашкадарьинской области, а также общую предельную численность их штатных единиц согласно приложению № 1 .

4. Установить, что управленческий персонал государственных органов и организаций, расположенных в Кукдалинском районе Кашкадарьинской области, формируется в рамках общих штатных единиц соответствующих министерств и ведомств.

5. Хокимияту Кашкадарьинской области:

а) в месячный срок:

разработать и утвердить план необходимых комплексных организационно-технических мероприятий, связанных с образованием Кукдалинского района, и организовать его реализацию в установленные сроки;

совместно с Агентством по управлению государственными активами, Министерством финансов и Министерством дошкольного образования разместить хокимият Кукдалинского района, а также другие государственные органы и организации на основе права безвозмездного пользования в пустующей части здания педагогического колледжа на территории МСГ «Кукдала» до строительства здания для них, а также обеспечить их материально-техническими средствами;

б) в двухмесячный срок:

совместно с Министерством финансов, Министерством экономического развития и сокращения бедности определить прогнозные параметры бюджета Кукдалинского района, включающего расходы на содержание хокимията Кукдалинского района и иных государственных органов и организаций, а также социально-экономического развития района;

обеспечить строительство административных зданий для хокимията Кукдалинского района и подразделений иных государственных органов и организаций. При этом определить, что административные здания для хокимията Кукдалинского района строятся за счет средств республиканского бюджета, для иных государственных органов и организаций — за счет их внебюджетных средств;

в) в период образования Кукдалинского района обеспечить эффективную, стабильную работу отраслей экономики и своевременное решение возникающих социальных вопросов;

г) совместно с Министерством занятости и трудовых отношений принять меры по укомплектованию квалифицированными кадрами, имеющими необходимый опыт работы, территориальных подразделений государственных органов и организаций, создаваемых в связи с образованием Кукдалинского района.

6. Установить, что хокимият Кукдалинского района является правопреемником по правам и обязательствам хокимията Чиракчинского района по договорам земельной аренды, заключенным с производителями сельскохозяйственной продукции, осуществляющими деятельность в Кукдалинском районе.

7. Национальному комитету по статистике при формировании и ведении статистических показателей принять во внимание административные территории Кукдалинского района.

8. Агентству по кадастру при Государственном налоговом комитете в месячный срок в установленном порядке внести соответствующие изменения в земельную отчетность в связи с изменением административно-территориальных границ в результате образования Кукдалинского района.

9. Верховному суду, Министерству обороны, Генеральной прокуратуре, Министерству по чрезвычайным ситуациям, Министерству внутренних дел и другим правоохранительным органам в двухмесячный срок принять меры по образованию своих структур в Кукдалинском районе, а также рассмотреть вопросы строительства административных зданий за счет бюджетных средств.

10. Рекомендовать коммерческим банкам образование банковской инфраструктуры в Кукдалинском районе с целью социально-экономического развития данного района.

11. Министерству юстиции обеспечить:

в двухмесячный срок изменение сведений о месте расположения (почтовом адресе) субъектов предпринимательства, осуществляющих деятельность на административной территории, переведенной в Кукдалинский район, на безвозмездной основе, без истребования от них заявлений или данных, посредством электронной системы;

совместно с Министерством финансов — проведение соответствующих мероприятий по образованию отдела юстиции и органа записи актов гражданского состояния Кукдалинского района в рамках общих штатных единиц;

совместно с хокимиятом Кашкадарьинской области — строительство здания Центра государственных услуг в Кукдалинском районе на условиях государственно-частного партнерства или за счет местного бюджета либо за счет собственных средств.

12. Хокимияту Кашкадарьинской области совместно с Министерством строительства, Министерством экономического развития и сокращения бедности, Министерством финансов, ГУП «УзшахарсозликЛИТИ» в трехмесячный срок обеспечить разработку генерального плана Кукдалинского района до 2040 года с учетом административно-территориальной границы Кукдалинского района.

13. Министерству финансов до внесения соответствующих изменений и дополнений в акты законодательства принять меры по финансированию расходов на содержание хокимията Кукдалинского района, а также государственных органов и организаций, образуемых согласно приложению № 1 .

14. Внести изменения и дополнение в постановление Президента Республики Узбекистан от 22 декабря 2016 года № ПП-2691 «О дальнейшем совершенствовании деятельности органов исполнительной власти на местах» согласно приложению № 2 .

15. Хокимияту Кашкадарьинской области совместно с заинтересованными министерствами и ведомствами в месячный срок привести ведомственные нормативно-правовые акты в соответствие с настоящим постановлением.

16. Контроль за исполнением настоящего постановления возложить на первого заместителя Премьер-министра Республики Узбекистан А.Ж. Раматова и и.о. хокима Кашкадарьинской области М.Б. Азимова.

ПРИЛОЖЕНИЕ № 1 к постановлению Президента Республики Узбекистан от 19 апреля 2022 года № ПП-211

Перечень подразделений хокимията Кукдалинского района, государственных органов и организаций Кукдалинского района Кашкадарьинской области, а также общая предельная численность их штатных единиц

№ Наименование организации Численность штатных единиц I. Численность управленческого персонала, образуемая за счет введения дополнительных штатных единиц 1. Хокимият района 28 в том числе: Центр по работе махаллабай и развитию предпринимательства 4 II. Численность управленческого персонала, образуемая в рамках установленных штатных единиц * 2. Отдел экономического развития и сокращения бедности 5 3. Отдел финансов 10 4. Отдел юстиции 2 5. Отдел народного образования 6 6. Отдел дошкольного образования 6 7. Отдел строительства 3 8. Отдел инвестиций и внешней торговли 4 9. Отдел культуры 3 10. Отдел спорта 2 11. Отдел жилищно-коммунального обслуживания 3 12. Отдел сельского хозяйства 9 13. Отдел ирригации 4 14. Отдел по поддержке махалли и старшего поколения 5 15. Медицинское объединение 14 16. Сектор транспорта 1 17. Центр содействия занятости населения 7 18. Отдел семьи и женщин 3 19. Государственная налоговая инспекция 14 20. Отдел статистики 3 21. Районная инспекция по контролю в сфере экологии и охраны окружающей среды 4 22. Отдел Агентства по кадастру 2 23. Внебюджетный пенсионный фонд 3 24. Отделение Казначейства 4 25. Центр санитарно-эпидемиологического благополучия 4 26. Отдел ветеринарии и развития животноводства 6 27. Районный представитель областного центра «Чорванасл» 1 28. Отдел Агентства по делам молодежи 3 29. Управление благоустройства 7 30. Отдел Инспекции по контролю за агропромышленным комплексом 5 31. Народная приемная Президента Республики Узбекистан 3 32. Секретариат районного Кенгаша народных депутатов 3 33. Центр по оказанию юридических услуг 4 34. Центр государственных услуг 5 35. Орган ЗАГСа 3 Всего 189

ПРИЛОЖЕНИЕ № 2 к постановлению Президента Республики Узбекистан от 19 апреля 2022 года № ПП-211

Изменения и дополнение, вносимые в постановление Президента Республики Узбекистан от 22 декабря 2016 года № ПП-2691 «О дальнейшем совершенствовании деятельности органов исполнительной власти на местах»

В приложении № 3в:

а) в разделе «Кашкадарьинская область»:

позицию 5 подраздела «I категория» изложить в следующей редакции:

« 5. Чиракчинский 33 28 5 » ;

подраздела «II категория» дополнить позицией 5 следующего содержания:

« 5. Кукдала 28 24 4 » ;

позицию «Всего» изложить в следующей редакции:

« Всего 445 378 67 » ;

б) позицию 164 изложить в следующей редакции:

« 165. Всего по республике 5 173 4 433 740 » .

Президент Республики Узбекистан Ш. МИРЗИЁЕВ

г. Ташкент,

19 апреля 2022 г.,

№ ПП-211

(Национальная база данных законодательства, 19.04.2022 г., № 07/22/211/0318; 01.03.2025 г., № 06/25/27/0196)

lex.uz