📅 2022-yil 19-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 19 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 апреля 2022 г. · Постановления Президента
Официальный текст. Официальный документ. Редакционные примечания не включены.
📅 19 April 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ҳудудларда тадбиркорлик лойиҳаларини молиялаштириш механизмларини янада кенгайтириш чора-тадбирлари тўғрисида
Ҳудудларда амалга оширилаётган тадбиркорлик лойиҳаларини молиявий қўллаб-қувватлаш, тадбиркорлик ташаббусларининг ўз вақтида амалга оширилишини таъминлаш орқали кичик ва ўрта тадбиркорликни янада ривожлантириш мақсадида:
1. Инвестициялар ва ташқи савдо вазирлиги, Молия вазирлиги ҳамда Марказий банкнинг кичик тадбиркорлик субъектлари фаолиятини молиялаштириш учун тижорат банкларига Тикланиш ва тараққиёт жамғармасининг маблағлари ҳисобидан 300 миллион АҚШ доллари эквивалентида кредит линиясини ажратиш тўғрисидаги таклифи маъқуллансин.
2. Белгилансинки:
кредит линияси тижорат банкларига 7 йил муддатга, шу жумладан 3 йиллик имтиёзли давр билан йиллик 10 фоиз ставкада миллий валютада ажратилади;
тижорат банклари томонидан кредитлар ишлаб чиқариш ва хизмат кўрсатиш соҳасидаги лойиҳаларни амалга ошириш (бундан қурилиш, савдо, воситачилик соҳасидаги лойиҳалар, шунингдек, акцизости товарлар ишлаб чиқарувчилар, давлат корхоналари ва устав жамғармасида (устав капиталида) давлат улуши мавжуд бўлган юридик шахслар ҳамда айланма маблағларни тўлдириш ҳолатлари мустасно) учун йиллик 14 фоиз ставкада, 5 йилгача муддатга, шу жумладан 2 йилгача бўлган имтиёзли давр билан 5 миллиард сўмгача миқдорда ажратилади;
тадбиркорлик субъектларининг фаолият даври 6 ойгача бўлганда 1 миллиард сўмгача, 6 ойдан 1 йилгача бўлганда 2 миллиард сўмгача, 1 йилдан 2 йилгача бўлганда 3 миллиард сўмгача, 2 йилдан 3 йилгача бўлганда 4 миллиард сўмгача ва 3 йилдан ошганда 5 миллиард сўмгача кредитлар ажратилади;
кредит линияси маблағларининг камида 70 фоизи Нукус шаҳридан, вилоятларнинг маъмурий марказларидан ва вилоят бўйсунувида бўлган шаҳарлардан ташқари ҳудудларда фаолият кўрсатаётган тадбиркорларга ажратилади.
3. Мазкур қарор доирасида ажратилган кредит линиясидан самарали фойдаланилишини мувофиқлаштириш Бош вазир ўринбосари С.У. Умурзаков томонидан амалга оширилади ва унга қуйидаги вазифалар юклатилади:
кредит маблағларига талаб ва лойиҳаларнинг истиқболи ва қўшимча иш ўринлари яратишга қаратилганидан келиб чиқиб, кредит линияси ресурсларини ҳудудлар (Қорақалпоғистон Республикаси ва вилоятлар) ва тижорат банклари кесимида тақсимлаш;
лойиҳа фабрикалари ва лойиҳа гуруҳлари томонидан тижорат банклари билан ҳамкорликда лойиҳа ва лойиҳаолди ҳужжатларнинг сифатли ва қисқа муддатларда ишлаб чиқилишини таъминлаш;
тадбиркорлик субъектлари ҳамда тижорат банклари томонидан кредит линияси маблағлари самарали ва манзилли ишлатилиши устидан тизимли мониторинг ишларини ташкил этиш;
вазирлик, идора ва ҳудуд раҳбарларининг кредит маблағларини ўзлаштириш, лойиҳаларни амалга ошириш ва белгиланган муддатда ишга тушириш тўғрисидаги ҳисоботларини эшитиб бориш.
4. Тикланиш ва тараққиёт жамғармаси (Ш. Вафаев) ресурслар ҳудудлар ва тижорат банклари кесимидаги тақсимотга мувофиқ тижорат банкларининг талабномаси келиб тушгандан сўнг уч кунлик муддатда тижорат банкларига жойлаштирилишини таъминласин.
5. Тижорат банкларига Тикланиш ва тараққиёт жамғармаси ажратаётган маблағларнинг тадбиркорлик субъектлари томонидан мақсадли ишлатилиши ва қайтарилиши устидан тизимли мониторинг ҳамда назорат қилиш тавсия этилсин.
6. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.
7. Молия вазирлиги Инвестициялар ва ташқи савдо вазирлиги билан биргаликда икки ой муддатда ушбу қарордан келиб чиқиб «2022 йил учун Ўзбекистон Республикасининг Давлат бюджети тўғрисида»ги Қонунга ўзгартириш ва қўшимчалар киритиш бўйича Вазирлар Маҳкамасига таклифлар киритсин.
8. Мазкур қарорнинг ижросини назорат қилиш Бош вазир ўринбосари С.У. Умурзаков зиммасига юклансин.
Ўзбекистон Республикаси Президентининг 2022 йил 19 апрелдаги ПҚ-212-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2020 йил 16 июндаги «Хизматлар соҳасини қўллаб-қувватлаш чора-тадбирлари тўғрисида»ги ПҚ-4752-сон қарори 2-бандида :
а) иккинчи хатбошидаги «фоиз ставкаси Ўзбекистон Республикаси Марказий банкининг асосий ставкасидан 4 фоиз паст қилиб» сўзлари «10 фоиз ставкада» сўзлари билан алмаштирилсин;
б) учинчи хатбошидаги «Марказий банкнинг асосий ставкаси бўйича» сўзлари «14 фоиз ставкада» сўзлари билан алмаштирилсин.
2. Ўзбекистон Республикаси Президентининг 2021 йил 11 майдаги «Хизматлар соҳасини жадал ривожлантириш чора-тадбирлари тўғрисида»ги ПҚ-5113-сон қарори 5-бандида :
а) тўртинчи хатбошидаги «фоиз ставкаси Марказий банкнинг асосий ставкасидан 4 фоиз бандга паст қилиб» сўзлари «10 фоиз ставкада» сўзлари билан алмаштирилсин;
б) бешинчи хатбошидаги «Марказий банкнинг асосий ставкасида» сўзлари «14 фоиз ставкада» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 19 апрель,
ПҚ-212-сон
Oʻzbekiston Respublikasi Prezidentining
Qarori
Hududlarda tadbirkorlik loyihalarini moliyalashtirish mexanizmlarini yanada kengaytirish chora-tadbirlari toʻgʻrisida
Hududlarda amalga oshirilayotgan tadbirkorlik loyihalarini moliyaviy qoʻllab-quvvatlash, tadbirkorlik tashabbuslarining oʻz vaqtida amalga oshirilishini taʼminlash orqali kichik va oʻrta tadbirkorlikni yanada rivojlantirish maqsadida:
1. Investitsiyalar va tashqi savdo vazirligi, Moliya vazirligi hamda Markaziy bankning kichik tadbirkorlik subyektlari faoliyatini moliyalashtirish uchun tijorat banklariga Tiklanish va taraqqiyot jamgʻarmasining mablagʻlari hisobidan 300 million AQSH dollari ekvivalentida kredit liniyasini ajratish toʻgʻrisidagi taklifi maʼqullansin.
2. Belgilansinki:
kredit liniyasi tijorat banklariga 7 yil muddatga, shu jumladan 3 yillik imtiyozli davr bilan yillik 10 foiz stavkada milliy valyutada ajratiladi;
tijorat banklari tomonidan kreditlar ishlab chiqarish va xizmat koʻrsatish sohasidagi loyihalarni amalga oshirish (bundan qurilish, savdo, vositachilik sohasidagi loyihalar, shuningdek, aksizosti tovarlar ishlab chiqaruvchilar, davlat korxonalari va ustav jamgʻarmasida (ustav kapitalida) davlat ulushi mavjud boʻlgan yuridik shaxslar hamda aylanma mablagʻlarni toʻldirish holatlari mustasno) uchun yillik 14 foiz stavkada, 5 yilgacha muddatga, shu jumladan 2 yilgacha boʻlgan imtiyozli davr bilan 5 milliard soʻmgacha miqdorda ajratiladi;
tadbirkorlik subyektlarining faoliyat davri 6 oygacha boʻlganda 1 milliard soʻmgacha, 6 oydan 1 yilgacha boʻlganda 2 milliard soʻmgacha, 1 yildan 2 yilgacha boʻlganda 3 milliard soʻmgacha, 2 yildan 3 yilgacha boʻlganda 4 milliard soʻmgacha va 3 yildan oshganda 5 milliard soʻmgacha kreditlar ajratiladi;
kredit liniyasi mablagʻlarining kamida 70 foizi Nukus shahridan, viloyatlarning maʼmuriy markazlaridan va viloyat boʻysunuvida boʻlgan shaharlardan tashqari hududlarda faoliyat koʻrsatayotgan tadbirkorlarga ajratiladi.
3. Mazkur qaror doirasida ajratilgan kredit liniyasidan samarali foydalanilishini muvofiqlashtirish Bosh vazir oʻrinbosari S.U. Umurzakov tomonidan amalga oshiriladi va unga quyidagi vazifalar yuklatiladi:
kredit mablagʻlariga talab va loyihalarning istiqboli va qoʻshimcha ish oʻrinlari yaratishga qaratilganidan kelib chiqib, kredit liniyasi resurslarini hududlar (Qoraqalpogʻiston Respublikasi va viloyatlar) va tijorat banklari kesimida taqsimlash;
loyiha fabrikalari va loyiha guruhlari tomonidan tijorat banklari bilan hamkorlikda loyiha va loyihaoldi hujjatlarning sifatli va qisqa muddatlarda ishlab chiqilishini taʼminlash;
tadbirkorlik subyektlari hamda tijorat banklari tomonidan kredit liniyasi mablagʻlari samarali va manzilli ishlatilishi ustidan tizimli monitoring ishlarini tashkil etish;
vazirlik, idora va hudud rahbarlarining kredit mablagʻlarini oʻzlashtirish, loyihalarni amalga oshirish va belgilangan muddatda ishga tushirish toʻgʻrisidagi hisobotlarini eshitib borish.
4. Tiklanish va taraqqiyot jamgʻarmasi (Sh. Vafayev) resurslar hududlar va tijorat banklari kesimidagi taqsimotga muvofiq tijorat banklarining talabnomasi kelib tushgandan soʻng uch kunlik muddatda tijorat banklariga joylashtirilishini taʼminlasin.
5. Tijorat banklariga Tiklanish va taraqqiyot jamgʻarmasi ajratayotgan mablagʻlarning tadbirkorlik subyektlari tomonidan maqsadli ishlatilishi va qaytarilishi ustidan tizimli monitoring hamda nazorat qilish tavsiya etilsin.
6. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
7. Moliya vazirligi Investitsiyalar va tashqi savdo vazirligi bilan birgalikda ikki oy muddatda ushbu qarordan kelib chiqib “2022-yil uchun Oʻzbekiston Respublikasining Davlat budjeti toʻgʻrisida”gi Qonunga oʻzgartirish va qoʻshimchalar kiritish boʻyicha Vazirlar Mahkamasiga takliflar kiritsin.
8. Mazkur qarorning ijrosini nazorat qilish Bosh vazir oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidentining 2022-yil 19-apreldagi PQ-212-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2020-yil 16-iyundagi “Xizmatlar sohasini qoʻllab-quvvatlash chora-tadbirlari toʻgʻrisida”gi PQ-4752-son qarori 2-bandida :
a) ikkinchi xatboshidagi “foiz stavkasi Oʻzbekiston Respublikasi Markaziy bankining asosiy stavkasidan 4 foiz past qilib” soʻzlari “10 foiz stavkada” soʻzlari bilan almashtirilsin;
b) uchinchi xatboshidagi “Markaziy bankning asosiy stavkasi boʻyicha” soʻzlari “14 foiz stavkada” soʻzlari bilan almashtirilsin.
2. Oʻzbekiston Respublikasi Prezidentining 2021-yil 11-maydagi “Xizmatlar sohasini jadal rivojlantirish chora-tadbirlari toʻgʻrisida”gi PQ-5113-son qarori 5-bandida :
a) toʻrtinchi xatboshidagi “foiz stavkasi Markaziy bankning asosiy stavkasidan 4 foiz bandga past qilib” soʻzlari “10 foiz stavkada” soʻzlari bilan almashtirilsin;
b) beshinchi xatboshidagi “Markaziy bankning asosiy stavkasida” soʻzlari “14 foiz stavkada” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 19-aprel,
PQ-212-son
Президента Республики Узбекистан
Постановление
О мерах по дальнейшему расширению механизмов финансирования предпринимательских проектов в регионах
В целях дальнейшего развития малого и среднего предпринимательства путем финансовой поддержки предпринимательских проектов, реализуемых в регионах, и обеспечения своевременной реализации предпринимательских инициатив:
1. Одобрить предложение Министерства инвестиций и внешней торговли, Министерства финансов и Центрального банка о выделении коммерческим банкам кредитной линии в эквиваленте 300 миллионов долларов США за счет средств Фонда реконструкции и развития для финансирования деятельности субъектов малого предпринимательства.
2. Установить, что:
кредитная линия выделяется коммерческим банкам в национальной валюте сроком на срок 7 лет, включая трехлетний льготный период, по ставке 10 процентов годовых;
коммерческими банками кредиты выделяются для реализации проектов в сфере производства и оказания услуг (за исключением проектов в сфере строительства, торговли, посреднической деятельности, производителей подакцизных товаров, государственных предприятий и юридических лиц, имеющих государственную долю в уставном фонде (уставном капитале), а также случаев пополнения оборотных средств) в размере до 5 миллиардов сумов на срок до 5 лет, включая льготный период до двух лет, по ставке 14 процентов годовых;
кредиты выделяются субъектам предпринимательства с продолжительностью деятельности до шести месяцев в размере до одного миллиарда сумов, от шести месяцев до одного года — до двух миллиардов сумов, от одного года до двух лет — до трех миллиардов сумов, от двух до трех лет — до четырех миллиардов сумов, более трех лет — до пяти миллиардов сумов;
не менее 70 процентов средств кредитной линии выделяется предпринимателям, осуществляющим деятельность на территории за пределами города Нукуса, административных центров областей и городов областного подчинения.
3. Координация эффективного использования кредитной линии, выделенной в рамках настоящего постановления, осуществляется заместителем Премьер-министра С.У. Умурзаковым, на которого возлагаются следующие задачи:
распределение ресурсов кредитной линии в разрезе регионов (Республики Каракалпакстан и областей) и коммерческих банков исходя из потребности в кредитных средствах, перспектив и направленности проектов на создание дополнительных рабочих мест;
обеспечение качественной разработки и в короткие сроки проектной и предпроектной документации проектными фабриками и группами в сотрудничестве с коммерческими банками;
организацию работ по осуществлению системного мониторинга за эффективным и адресным использованием средств кредитной линии субъектами предпринимательства и коммерческими банками;
регулярное заслушивание отчетов руководителей министерств, ведомств и регионов по освоению кредитных средств, реализации и запуску проектов в установленные сроки.
4. Фонду реконструкции и развития (Ш. Вафаев) в трехдневный срок после поступления заявок коммерческих банков обеспечить размещение в них ресурсов в соответствии с распределением ресурсов в разрезе регионов и коммерческих банков.
5. Рекомендовать коммерческим банкам осуществлять системный мониторинг и контроль за целевым использованием и возвратом субъектами предпринимательства средств, выделяемых Фондом реконструкции и развития.
6. Внести изменения в некоторые постановления Президента Республики Узбекистан согласно приложению .
7. Министерству финансов совместно с Министерством инвестиций и внешней торговли в двухмесячный срок исходя из настоящего постановления внести в Кабинет Министров предложения о внесении изменений и дополнений в Закон «О Государственном бюджете Республики Узбекистан на 2022 год».
8. Контроль за исполнением настоящего постановления возложить на заместителя Премьер-министра С.У. Умурзакова.
ПРИЛОЖЕНИЕ к постановлению Президента Республики Узбекистан от 19 апреля 2022 года № ПП-212
Изменения, вносимые в некоторые постановления Президента Республики Узбекистан
1. В пункте 2 постановления Президента Республики Узбекистан от 16 июня 2020 года № ПП-4752 «О мерах по поддержке сферы услуг»:
а) в абзаце втором слова «с процентной ставкой на четыре процентных пункта ниже основной ставки Центрального банка Республики Узбекистан» заменить словами «по ставке 10 процентов годовых»;
б) в абзаце третьем слова «по основной ставке Центрального банка» заменить словами «по ставке 14 процентов годовых».
2. В пункте 5 постановления Президента Республики Узбекистан от 11 мая 2021 года № ПП-5113 «О мерах по ускоренному развитию сферы услуг»:
а) в абзаце четвертом слова «с процентной ставкой на четыре процентных пункта ниже основной ставки Центрального банка» заменить словами «по ставке 10 процентов годовых»;
б) в абзаце пятом слова «по основной ставке Центрального банка» заменить словами «по ставке 14 процентов годовых».
Президент Республики Узбекистан Ш. МИРЗИЁЕВ
г. Ташкент,
19 апреля 2022 г.,
№ ПП-212