UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

СЎРОВНОМА

МАЪМУРИЙ РЕГЛАМЕНТИ

СХЕМАСИ

МУДДАТИ ВА ҚИЙМАТИ

МАЪМУРИЙ РЕГЛАМЕНТИ

СХЕМАСИ

НИЗОМ

СХЕМАСИ

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

СЎРОВНОМА

Қурилиш соҳасига оид ягона маъмурий қурилиш регламентларини тасдиқлаш тўғрисида

Ўзбекистон Республикаси Президентининг «Ўзбекистон Республикаси қурилиш тармоғини модернизация қилиш, жадал ва инновацион ривожлантиришнинг 2021 — 2025 йилларга мўлжалланган стратегиясини тасдиқлаш тўғрисида» 2020 йил 27 ноябрдаги ПФ-6119-сон Фармони ижросини таъминлаш мақсадида Вазирлар Маҳкамаси қарор қилади:

1. Қуйидагилар:

Бино ва иншоотларнинг ташқи кўринишини ўзгартиришни келишиш бўйича давлат хизматларини кўрсатишнинг маъмурий регламенти 1-иловага мувофиқ;

Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома бериш бўйича давлат хизматларини кўрсатишнинг маъмурий регламенти 2-иловага мувофиқ;

Архитектура-режалаштириш топшириғини ишлаб чиқиш бўйича давлат хизматларини кўрсатишнинг маъмурий регламенти 3-иловага мувофиқ;

Лойиҳа-смета ҳужжатларининг архитектура қисмини келишиш бўйича давлат хизматларини кўрсатишнинг маъмурий регламенти 4-иловага мувофиқ;

Қурилиш соҳасида махсус техник шартларни ишлаб чиқиш, келишиш ва тасдиқлаш тўғрисидаги низом 4 1 -иловага мувофиқ;

Қурилиш-монтаж ишларини бошлаш учун объектга рухсатнома бериш бўйича давлат хизматларини кўрсатишнинг маъмурий регламенти 5-иловага мувофиқ;

Қурилиши тугалланган объектни топшириш-қабул қилиш ва фойдаланиш учун рухсатнома бериш бўйича давлат хизматларини кўрсатишнинг маъмурий регламенти 6-иловага мувофиқ тасдиқлансин.

2. Белгилансинки:

ушбу қарор билан тасдиқланган маъмурий регламентларга мувофиқ кўрсатиладиган давлат хизматларидан фойдаланиш учун юридик ва жисмоний шахслар Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали;

давлат сири билан боғлиқ объектларнинг бирламчи рухсат бериш ҳужжатларини, лойиҳа-смета ҳужжатларини ишлаб чиқиш, уларни экспертизадан ўтказишдан тортиб объектларни фойдаланишга топширишгача бўлган барча қурилиш жараёнлари Давлат хизматлари марказлари ёки ЯИДХП иштирокисиз тўғридан-тўғри белгиланган тартибда алоқадор ташкилотларни ижобий хулосаси олингандан сўнг қурилиш ва уй-жой коммунал органлари томонидан амалга оширилади;

қонунчилик ҳужжатларида белгиланган алоҳида ҳудудларда объектларнинг лойиҳа ҳужжатлари (якка тартибдаги уй-жойларнинг лойиҳа ҳужжатлари бундан мустасно) ушбу ҳудудларни ривожлантириш мақсадида ташкил этилган дирекциялар (ёки бошқа шаклдаги бошқарув ташкилотлар) билан «Шаффоф қурилиш» миллий ахборот тизими орқали келишилади.

3. Ўзбекистон Республикаси Ахборот технологиялари ва коммуникацияларини ривожлантириш вазирлиги Адлия вазирлиги билан биргаликда Давлат хизматлари марказлари ёки ЯИДХП орқали давлат хизматлари кўрсатилишининг ҳар бир босқичида юридик ва жисмоний шахсларнинг мурожаатлари кўриб чиқилишини кузатиб бориш тартиботини жорий этсин.

4. Ўзбекистон Республикаси Адлия вазирлиги:

давлат органлари ва бошқа ташкилотлар томонидан давлат хизматлари кўрсатилишининг белгиланган тартиби бажарилиши юзасидан ЯИДХП орқали доимий назорат ўрнатсин;

ушбу қарор билан тасдиқланган давлат хизматлари кўрсатиш бўйича маъмурий регламентлар талабларини бузганлик учун давлат органлари ва бошқа ташкилотлар мансабдор шахсларига нисбатан белгиланган тартибда маъмурий жазоларни қўлласин.

5. Ўзбекистон Республикаси Қурилиш вазирлиги:

бир ой муддатда «Шаффоф қурилиш» миллий ахборот тизимини Давлат солиқ қўмитаси ҳузуридаги Кадастр агентлигининг «Кадастр ва рўйхатдан ўтказиш интеграциялашган ахборот тизими» билан интеграция қилинишини таъминласин;

2022 йил 1 декабрга қадар қурилиш соҳасига оид ягона маъмурий қурилиш регламентлари билан белгиланган тартибларнинг қўлланилиши натижаларига кўра уларни янада такомиллаштириш юзасидан Вазирлар Маҳкамасига таклиф киритсин.

6. Ўзбекистон Республикаси Ҳукуматининг 8-иловага мувофиқ айрим қарорларига ўзгартириш ва қўшимчалар киритилсин.

Ўзбекистон Республикаси Ҳукуматининг 9-иловага мувофиқ айрим қарорлари ўз кучини йўқотган деб ҳисоблансин.

7. Ўзбекистон Республикаси Қурилиш вазирлиги, манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси қурилиш вазири Б.И. Закиров ва Ўзбекистон Республикаси адлия вазири Р.К. Давлетов зиммасига юклансин.

Вазирлар Маҳкамасининг 2022 йил 20 апрелдаги 200-сон қарорига 1-ИЛОВА

Бино ва иншоотларнинг ташқи кўринишини ўзгартиришни келишиш бўйича давлат хизматлари кўрсатишнинг

1-боб. Умумий қоидалар

1. Ушбу Регламент юридик ва жисмоний шахсларга (кейинги ўринларда — ариза берувчилар) тегишли бўлган бино ва иншоотларнинг ташқи кўринишини ўзгартиришни келишиш тартибини белгилайди.

2. Ушбу Регламентда қуйидаги асосий тушунчалардан фойдаланилади:

бино — функционал мақсадига қараб одамлар яшаши ёки бўлишига ва ҳар хил турдаги ишлаб чиқариш жараёнларини бажаришга мўлжалланган, таянч, тўсма ёки ҳар иккала мақсадга хизмат қилувчи конструкциялардан иборат қурилиш тизими;

иншоот — ҳар хил турдаги ишлаб чиқариш жараёнларини бажариш, моддий қимматликларни жойлаштириш ва сақлаш, одамларнинг вақтинча бўлиши (ҳаракатланиши), шунингдек, ускуналар ёки коммуникацияларни жойлаштириш (ўтказиш, улаш) учун мўлжалланган, таянч, тўсма ёки ҳар иккала мақсадга хизмат қилувчи конструкциялардан иборат ҳажмий, ясси ёки чизиқ тарзидаги қурилиш тизими;

бино ва иншоот фасадининг эскиз лойиҳаси — бино ва иншоот фасадига киритиладиган ўзгартиришларнинг якуний натижаси тўғрисида тўлиқ тасаввур берувчи бино ва иншоот фасадининг рангли тасвирдаги архитектуравий чизмаси.

3. Ушбу Регламентнинг амал қилиши бино ва иншоотнинг ҳажми ва майдонини ўзгартирмасдан туриб кўча (кўчалар)дан кўринадиган олд ва ён фасадлар (фасад майдонининг 25 фоизидан ортиқ қисми)даги архитектуравий элементлар (цоколи, қуёшдан ҳимоялаш элементлари, парапетлари, устунлари, томи, деразалари, пешайвони, айвонлари ва шу кабилар)нинг ранги, конфигурацияси ва ўлчамлари ўзгартирилишига татбиқ этилади.

Бино ва иншоотнинг, якка тартибдаги уй-жойнинг ташқи кўринишини ўзгартириш бўйича агар бино ва иншоот, якка тартибдаги уй-жой магистрал кўчалар, халқаро, давлат аҳамиятига эга бўлган автомобиль йўллари бўйлаб жойлашган ҳолларда фасад майдонининг 25 фоизидан ортиқ қисмидан қатъи назар келишиш талаб этилади.

Якка тартибдаги уй-жойлар, туманларнинг маъмурий маркази бўлмаган шаҳарчаларда, қишлоқ аҳоли пунктлари (қишлоқ ва овуллар)да ҳамда аҳоли пунктлари ташқарисида жойлашган бино ва иншоотларнинг ташқи кўринишини ўзгартириш учун келишиш талаб этилмайди.

Бино ва иншоот фасадининг эскиз лойиҳаси тегишли лицензияси бўлган лойиҳа ташкилоти томонидан ишлаб чиқилади.

Бино ва иншоотнинг ташқи кўринишини ўзгартиргандан сўнг объектни фойдаланишга қабул қилиш талаб этилмайди.

4. Бино ва иншоот фасадининг эскиз лойиҳасини келишмасдан туриб бино ва иншоот ташқи кўринишини ўзгартириш тақиқланади.

5. Бино ва иншоотнинг ташқи кўринишини ўзгартиришни келишиш тартиботини амалга оширишда бино ва иншоот фасадининг эскиз лойиҳаси Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси (кейинги ўринларда — ваколатли орган) билан келишилади.

6. Давлат хизматлари марказлари ва ваколатли органлар ўртасидаги ахборот алмашув электрон рақамли имзодан (кейинги ўринларда — ЭРИ) фойдаланган ҳолда фақат электрон тарзда амалга оширилади.

7. Бино ва иншоотларнинг ташқи кўринишини ўзгартиришни келишиш ушбу Регламентга 1-иловада келтирилган схемага мувофиқ амалга оширилади.

2-боб. Давлат хизмати кўрсатиш тартиби

8. Ариза берувчилар бино ва иншоот ташқи кўринишини ўзгартиришни келишиш учун Давлат хизматлари марказларига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) давлат хизматидан электрон тарзда фойдаланиш учун рўйхатдан ўтади.

Бино ва иншоот ташқи кўринишини ўзгартиришни келишиш учун аризалар ЯИДХП орқали дам олиш ва байрам кунларидан қатъий назар, ҳар куни 24 соат давомида юборилиши мумкин.

Бунда аризалар иш вақтидан кейин ёки дам олиш ва байрам кунлари келиб тушганда навбатдаги иш куни аризаларнинг ваколатли органга келиб тушган ва қабул қилинган кун ҳисобланади.

9. Ўзи келиб мурожаат этган тақдирда, Давлат хизматлари маркази ходими ариза берувчи номидан, ЯИДХП орқали мурожаат этган тақдирда эса — ариза берувчи мустақил равишда ушбу Регламентга 2-иловада келтирилган шаклга мувофиқ давлат хизматидан фойдаланиш учун сўровномани электрон шаклда тўлдиради.

Сўровномага бино ва иншоот фасадининг эскиз лойиҳаси PDF ёки JPEG форматда электрон шаклда ҳамда бино ва иншоотнинг натурада жойлашган жойи электрон харитада кўрсатилган ҳолда илова қилинади.

Бунда ўзи келиб мурожаат этган тақдирда, бино ва иншоот фасадининг эскиз лойиҳаси Давлат хизматлари марказига ариза берувчи томонидан электрон шаклда тақдим этилади.

Бино ва иншоот фасадининг эскиз лойиҳасини қоғоз шаклида қабул қилиб, Давлат хизматлари марказида сканерлаш тақиқланади.

Ариза берувчилардан ушбу бандда кўрсатилмаган маълумотларни ҳамда бошқа ҳужжатларни талаб қилиш тақиқланади.

10. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон имзо, Мобил-ID ва бошқалар) билан тасдиқлайди.

11. Давлат хизматлари кўрсатиш учун базавий ҳисоблаш миқдорининг 50 фоизи миқдорида йиғим ундирилади.

Давлат хизмати кўрсатилиши учун ЯИДХП орқали мурожаат этилганда ушбу банднинг биринчи хатбошисида кўрсатилган йиғим суммасининг 90 фоизи ундирилади.

Ижтимоий ҳимоя ягона реестри» ахборот тизимида рўйхатга олинган шахслар, шунингдек, мулкдор бўлган I ва II гуруҳ ногиронлиги бўлган шахсларга Давлат хизматлари марказлари ва (ёки) ЯИДХП орқали давлат хизматларини кўрсатишда қонунчилик ҳужжатларида белгиланган давлат божлари, йиғимлар ва бошқа ҳар қандай тўловлар бўйича 50 фоиз миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно).

Давлат хизмати кўрсатиш учун йиғим тўланганлигини тасдиқлаш электрон тарзда амалга оширилади.

12. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

20 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига ўтказилади;

10 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига ўтказилади;

қолган маблағлар тўлиқ миқдорда ваколатли органнинг банк ҳисобварағига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига ўтказилади;

11,25 фоизи — Рақамли технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар тўлиқ миқдорда ваколатли органнинг банк ҳисобварағига ўтказилади.

13. Ариза берувчи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга.

Ариза берувчи давлат хизматидан фойдаланишдан бош тортганда унинг сўровномаси кўрмасдан қолдирилади. Бунда тўланган йиғим суммаси қайтарилмайди.

14. Ўзи келиб мурожаат этганда Давлат хизматлари марказлари сўровнома тўлдирилган вақтдан бошлаб реал вақт режимида уни ваколатли органга юборади.

ЯИДХП орқали мурожаат қилинганда эса сўровнома автоматик тарзда ваколатли органга юборилади.

15. Ваколатли орган сўровнома тушган кундан бошлаб беш иш куни мобайнида ушбу Регламентга 3-иловада келтирилган шаклга мувофиқ QR-код қўйилган бино ва иншоотнинг ташқи кўринишини ўзгартириш келишилганлиги ҳақида хулоса беради ёки рад этишнинг аниқ сабабларини ва қонунчилик ҳужжатлари нормаларини кўрсатган ҳолда келишишни рад этади.

Ваколатли орган томонидан рад этиш норматив-ҳуқуқий ҳужжатнинг ёки шаҳарсозлик нормалари ва қоидаларининг номи, унинг қисми, банди, кичик банди ёки хатбошисига асосланган бўлиши талаб этилади.

Бино ва иншоот ташқи кўринишини ўзгартиришни келишиш бино ва иншоот фасадининг эскиз лойиҳасини ваколатли органнинг ЭРИ билан тасдиқлаш орқали амалга оширилади.

Кадастр агентлиги ўзининг ахборот тизими билан интеграция қилинган Қурилиш ва уй-жой коммунал хўжалиги вазирлигининг «Шаффоф қурилиш» миллий ахборот тизимига реал вақт режимида кўчмас мулк объектига оид қуйидаги зарур маълумотларни юборади:

кўчмас мулкнинг манзили, ер участкасининг майдони, рўйхатдан ўтган рақами ва санаси, ҳуқуқ тури, ер фонди тоифаси, ўзбошимча эгалланган ер майдони, бино иншоотлар майдони, рўйхатдан ўтган рақами ва санаси, ҳуқуқ тури, ўзбошимча қурилмалар, ҳужжатсиз қурилмалар маълумотлари, мулк эгаси ҳақидаги маълумотлар, кўчмас мулкка тақиқ ва чекловлар мавжудлиги.

Агар, юқоридаги маълумотлар мавжуд бўлмаса, ваколатли органнинг электрон сўровига асосан Кадастр агентлиги томонидан бир иш куни давомида барча зарур маълумотлар ва ҳужжатлар тизимга электрон кўринишда юкланади.

Ваколатли орган жойига бориб бино ва иншоотни ўрганиб чиқиши бутун бино ва иншоотни ёки уларнинг қисмлари ва уларга бириктирилган ер участкасини, шунингдек, уларга туташ ҳудуд ва улар яқинидаги бино ва иншоотларни визуал кўрикдан (зарурат бўлганда, махсус ускуналар ва асбоблардан фойдаланган ҳолда) ўтказишдан иборат бўлади.

Ўрганиш давомида бино ва иншоот ўзбошимчалик билан қурилганини (лойиҳа-смета ҳужжатларини келишмасдан ва тегишли тартибда экспертизадан ўтказмасдан туриб қурилганини, объектнинг лойиҳа-смета ҳужжатларидан четга чиққан ҳолда ҳамда шаҳарсозлик нормалари ва қоидаларини бузган ҳолда қуриш ва реконструкция қилингани) аниқлаш мақсадида, бино ва иншоотни текширувдан ўтказиш ҳамда ариза берувчи сўровномасида, шунингдек, бино ва иншоотнинг деворлари режаси, кесими (мавжуд бўлса), фасад ва кадастр паспорти нусхасида берилган маълумотларни бино ва иншоотнинг ҳақиқий ҳолати билан таққослаш амалга оширилади.

16. Қуйидагилар бино ва иншоотнинг ташқи кўринишини ўзгартиришни келишишни рад этиш учун асос бўлади:

сўровномада нотўғри маълумотлар кўрсатилиши;

давлат хизматлари кўрсатиш учун йиғимни тўламаслик;

лойиҳада бино ва иншоотнинг ҳажми ва майдони ўзгарганлиги;

бино ва иншоотнинг авария ҳолатида эканлиги;

бино ва иншоотга бўлган ҳуқуқнинг давлат рўйхатидан ўтказилмаганлиги;

лойиҳа тегишли лицензияси бўлган лойиҳа ташкилоти томонидан ишлаб чиқилмаганлиги;

бинолар ва иншоотларнинг мустаҳкамлиги, зилзилабардошлилигига таъсир қилувчи юк кўтарувчи қисмларининг ўзгариши назарда тутилганлиги;

бино ва иншоот фасади эскиз лойиҳасининг қонунчилик талабларига, шу жумладан, шаҳарсозлик нормалари ва қоидаларига мос келмаслиги;

ваколатли органга ариза берувчи томонидан объектни ўрганиш учун имконият яратилмаганлиги;

тақиқда турган объектлар;

бино ва иншоотларни улушдорларидан бирининг розилиги бўлмаса;

шаҳарсозлик нормалари ва қоидаларига мувофиқ эмаслиги;

бино ва иншоот қисмлари рангининг атрофдаги бино ва иншоотлар архитектура кўринишига ва табиий ландшафт архитектурасига уйғунлаштирилмаганлиги;

бино ва иншоот қисмларидаги ранглар ва шакллар (парапет, пилястр, дераза, эшик ва бошқалар) мазкур бино ва иншоотларнинг функционал вазифасига ёки умумий архитектура кўринишига мос келмаслиги;

қонунчилик ҳужжатларида ваколат берилган алоҳида ҳудудларни ривожлантириш мақсадида ташкил этилган дирекциялар (ёки бошқа шаклдаги бошқарув ташкилотлар)нинг ижобий хулосаси олинмаганда;

бино ва иншоотнинг ташқи кўриниши ҳудуднинг тасдиқланган «дизайн код»ига мувофиқ бўлмаганда («дизайн код» тасдиқланган ҳудудларда);

бино ва иншоот бўйича ва (ёки) аввалги ариза (хулоса) юзасидан судда низо кўрилаётган бўлса;

давлат рўйхатидан ўтказувчи органда ушбу ер участкаси қонунчилик ҳужжатларида белгиланган тартибда олиб қўйилганлиги ҳақидаги маълумотларнинг мавжудлиги.

Давлат хизматларини кўрсатишни бошқа асосларга кўра рад этиш тақиқланади.

17. Ариза берувчи бино ва иншоот ташқи кўринишини ўзгартиришни келишиш рад этилган кундан бошлаб ўн иш куни мобайнида давлат хизмати кўрсатиш учун йиғим тўламасдан кўрсатилган камчиликни бартараф этган ҳолда бино ва иншоотнинг ташқи кўринишини ўзгартиришни келишиш учун такроран мурожаат қилиш ҳуқуқига эга.

Бунда ўзи келиб мурожаат этганда, Давлат хизматлари маркази ходими, ЯИДХП орқали мурожаат этган тақдирда эса — ариза берувчи мустақил равишда аввалги ариза учун тўланган инвойсни Тизимдан юклаб олиб, такрорий аризанинг тўлов босқичида бириктиради.

Бино ва иншоот ташқи кўринишини ўзгартиришни келишишни рад этиш учун асос бўлган сабаблар ариза берувчи томонидан бартараф қилинган тақдирда, такроран келишиш сўровнома такроран тушган кундан бошлаб уч иш кунидан ортиқ бўлмаган муддатда амалга оширилади.

Бино ва иншоот фасадининг эскиз лойиҳасини такроран кўриб чиқишда ваколатли орган томонидан аввалги рад этиш асосларида баён этилмаган сабабларнинг келтирилишига йўл қўйилмайди. Олдин кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари келтирилиши бундан мустасно.

18. Ваколатли орган бино ва иншоот ташқи кўринишини ўзгартиришни келишган куннинг ўзида QR-код қўйилган бино ва иншоотнинг ташқи кўринишини ўзгартириш келишилганлиги ҳақидаги хулосани Давлат хизматлари марказига (ўзи келиб мурожаат этган тақдирда) ёки ариза берувчига (электрон тарзда мурожаат этган тақдирда) ЯИДХП орқали юборади.

Давлат хизматлари маркази хулоса олинганидан сўнг реал вақт режимида уни ариза берувчининг электрон почта манзилига юборади ва бу ҳақида ариза берувчини электрон тарзда хабардор қилади.

Давлат хизматлари маркази ходими ариза берувчи ўзи келиб мурожаат қилган тақдирда, ариза берувчининг сўровига кўра унга хулосани электрон шаклда ёки қоғоз шаклида тақдим этади.

Сўровномада ариза берувчи томонидан давлат хизматларини кўрсатишнинг натижасини олиб кетишга масъул шахс кўрсатилган ҳолатларда давлат хизматларини кўрсатишнинг натижасини ушбу шахсга тақдим этишда тегишли ишончнома талаб этилмайди.

3-боб. Якунловчи қоидалар

19. Давлат хизматлари марказлари ва ваколатли органлар ўз фаолиятини амалга ошириши натижасида олинган ариза берувчи ҳақидаги маълумотларнинг ошкор этилмаслигини таъминлаши керак.

20. Хулоса бино ва иншоот фасадининг эскиз лойиҳаси келишилган куннинг ўзида «Шаффоф қурилиш» миллий ахборот тизимида автоматик равишда ҳисобга олиб борилади.

21. Адлия вазирлиги, унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолияти устидан, шу жумладан, ЯИДХП орқали, доимий назоратни ва мониторингни амалга оширадилар.

22. Ариза берувчи давлат органлари ва бошқа ташкилотлар ходимларининг ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

23. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Бино ва иншоотнинг ташқи кўринишини ўзгартиришни келишиш бўйича давлат хизматлари кўрсатишнинг маъмурий регламентига 1-ИЛОВА

Бино ва иншоотнинг ташқи кўринишини ўзгартиришни келишиш

Босқичлар Субъектлар Амалга ошириладиган тадбирлар Бажариш муддатлари 1-босқич Ариза берувчи 1. Бино ва иншоотнинг ташқи кўринишини ўзгартиришни келишиш учун Давлат хизматлари марказига ўзи келиб ёки ЯИДХП орқали мурожаат қилиш. Ўз хоҳишига кўра 2. Давлат хизматларини кўрсатиш учун йиғим тўлаш. Мурожаат қилганда 2-босқич 1. Давлат хизматлари маркази 2. ЯИДХП Сўровномани ваколатли органга юбориш. Автоматик равишда 3-босқич Ваколатли орган 1. Жойига бориб бино ва иншоот мақсадидан келиб чиққан ҳолда бино ва иншоотнинг ташқи кўринишини ўзгартириш имкониятини ўрганиб чиқиш. 2. Хулосани ЭРИ билан тасдиқлаш йўли билан расмийлаштириш. 3. Давлат хизматлари марказига ёки ЯИДХП орқали ариза берувчига QR-кодли хулосани юбориш. 5 иш куни мобайнида 4-босқич Давлат хизматлари маркази Ариза берувчининг электрон манзилига хулосани жўнатиш, ариза берувчини бу ҳақида электрон тарзда хабардор қилиш ва хулосани бериш. Реал вақт режимида

Бино ва иншоотнинг ташқи кўринишини ўзгартиришни келишиш бўйича давлат хизматлари кўрсатишнинг маъмурий регламентига 2-ИЛОВА

__________________ (сана) __________________ (рақам) Бино ва иншоотнинг ташқи кўринишини ўзгартиришни келишиш бўйича давлат хизматларидан фойдаланиш учун СЎРОВНОМА I. Ариза берувчи — жисмоний шахс тўғрисида маълумот: 1. ЖШШИР 2. Ф.И.О. 3. Телефон рақами 4. Электрон почта манзили (мавжуд бўлса) II. Ариза берувчи — юридик шахс тўғрисида маълумот: 1. Тўлиқ номи 2. СТИР 3. Телефон рақами 4. Электрон почта манзили (мавжуд бўлса) III. Бино ва иншоот тўғрисида маълумот: 1. Бино ва иншоотнинг кадастр рақами 2. Бино ва иншоотнинг манзили IV. Сўровномага илова: Бино ва иншоот фасадининг эскиз лойиҳаси V. Давлат хизматини кўрсатиш натижасини олиб кетувчи шахс (агар мавжуд бўлса) тўғрисидаги маълумотлар: ЖШШИР

Бино ва иншоотнинг ташқи кўринишини ўзгартиришни келишиш бўйича давлат хизматлари кўрсатишнинг маъмурий регламентига 3-ИЛОВА

Вазирлар Маҳкамасининг 2022 йил 20 апрелдаги 200-сон қарорига 2-ИЛОВА

1-боб. Умумий қоидалар

1. Ушбу Регламент юридик ва жисмоний шахсларнинг (кейинги ўринларда — ариза берувчилар) капитал бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча капитал бино ва иншоотларни қуришни лойиҳалаштиришга рухсатномалар (кейинги ўринларда — рухсатнома) бериш тартибини белгилайди.

Рухсатнома қурилиш-монтаж ишларини бошлаш учун асос ҳисобланмайди.

Мазкур Регламент қоидалари марказлашган маблағлар ёки халқаро молия институтлари ва тижорат банкларининг кредит маблағлари ҳисобидан амалга оширилаётган «Ўрта шаҳарларни комплекс ривожлантириш» лойиҳаси доирасида объектларни қуришни лойиҳалаштиришга рухсатномалар беришга нисбатан ҳам татбиқ этилади.

2. Ушбу Регламент қоидалари қуйидагиларга нисбатан татбиқ этилмайди:

давлат сирларига ёки алоҳида муҳим тоифаланган объектларнинг қурилиш-монтаж ишларига;

енгил турдаги қурилмалар (конструкциялар) ва вақтинча қурилмаларга.

3. Ушбу Регламентда қуйидаги асосий тушунчалардан фойдаланилади:

капитал бино ва иншоот — объект барпо этилиши учун ер участкасига мулк, ижара ёки доимий фойдаланиш ҳуқуқи мавжуд бўлган, зарур рухсат берувчи ҳужжатлари олинган ҳамда муқим муҳандислик коммуникациялари ўтказилган (зарур бўлганда), шаҳарсозлик нормалари ва қоидаларига риоя этган ҳолда махсус мослаштирилган (чуқурлаштирилган ва бошқа ҳолатдаги) пойдеворларга ўрнатилган қурилиш тизими;

вақтинчалик қурилмалар — объектлар қуриладиган, реконструкция қилинадиган ва таъмирланадиган, дала ишлари (геодезия, қишлоқ ҳўжалиги, ўрмончилик, балиқ кўпайтириш ва бошқалар) бажариладиган мавсумий савдо, умумий овқатланиш, ўқитиш ва бошқа жараёнлар даврида махсус барпо этиладиган ёки мослаштириладиган ҳамда улардан фойдаланиш зарурати бўлмаганда бартараф этиш (бузиш) имконияти мавжуд бўлган капитал ҳисобланмаган ишлаб чиқариш, омбор сифатида ишлатиладиган бино ва иншоотлар;

енгил турдаги қурилмалар (конструкциялар) — девор, пол ва том қисмлари енгил конструкциялардан иборат, ён қисм(лар)и ёпиқ ёки очиқ, 0,5 метрдан кўп бўлмаган чуқурликда пойдеворга эга, ечиб олиш ва кўчириш имконияти мавжуд бир қаватли қурилиш объектлари (девор, пол ва том қисмларини бузмасдан яхлитлигича кўчириш ҳамда ўрнатиш мумкин бўлган енгил турдаги конструкциялар бундан мустасно);

магистрал кўчалар — аҳоли пунктининг маъмурий марказини бошқа функционал зоналари билан боғловчи, шунингдек, унинг ҳудудида умумий фойдаланишдаги транспорт ва бошқа транспорт воситалари ҳамда пиёдалар серқатнов бўлган асосий кўчалар;

қайта қуриш — объектдаги бино ва иншоотларни тўлиқ ёки қисман бузиб ташлаб, уларнинг ихтисослашишини ўзгартирган ёки ўзгартирмаган ҳолда янгиларини қуриш;

ихтисослашишини ўзгартириш — бино ва иншоотларни ёки алоҳида хоналарни, шу жумладан, қурилиши якунланмаганларини уларнинг дастлабки лойиҳа-смета ва кадастр ҳужжатларида назарда тутилмаган мақсадли йўналишининг реконструкция қилинган ва реконструкция қилинмаган ўзгариши;

қўшимча қурилиш — юридик ва жисмоний шахсларга тегишли ер участкаларининг олдин қурилган бино ва иншоотлардан бўш қисмида уларга туташган ҳолда ва (ёки) алоҳида турадиган янги бино ва иншоотларнинг барпо этилиши;

реконструкция қилиш — бинолардан фойдаланиш шароитларини ўзгартириш, уларнинг жисмоний эскириши туфайли юзага келган йўқотишлар ўрнини тўлдириш, бинолардан фойдаланишнинг янги мақсадларига эришиш учун асосий техник-иқтисодий кўрсаткичларни (юкламаларни, хоналарнинг режалаштирилишини, бинонинг қурилиш ҳажмини ва умумий майдонини, муҳандислик жиҳатдан жиҳозланишини) ўзгартириш билан боғлиқ қурилиш ишлари ва ташкилий-техник тадбирлар ҳамда кўп квартирали уйдаги жойни қайта режалаштириш мажмуи;

шаҳарсозлик ҳужжатлари — ҳудудларни ва аҳоли пунктларини ривожлантиришни шаҳарсозлик жиҳатидан режалаштириш тўғрисидаги ҳамда уларни қуриш ҳақидаги тасдиқланган ҳужжатлар.

4. Рухсатнома 2 йил муддатга берилади, агарда рухсатнома талаблари 2 йил муддатда бажарилмаса, у ўз кучини йуқотган ҳисобланади.

Буюртмачида янги рухсатнома олиш зарурати туғилганда, у рухсатномани берган органга ушбу Регламентда белгиланган тартибда такроран сўровнома киритиши мумкин.

5. Қуйидаги ҳолларда рухсатнома талаб этилмайди:

биноларнинг мустаҳкамлиги ва зилзилабардошлилигига таъсир қилувчи, юк кўтариб турувчи қисмларининг ўзгаришига олиб келмайдиган қайта режалаштиришдан иборат (кўп квартирали уйдаги жойларни қайта режалаштириш бундан мустасно) реконструкция қилишда;

енгил турдаги қурилмалар ва вақтинча қурилмаларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида шундай қўшимча қурилмаларни қуришда.

6. Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни тегишли рухсатномасиз амалга ошириш тақиқланади.

Кўп квартирали турар жойларда қуйидагилар тақиқланади:

биринчи қаватдаги ва ертўла қисмидаги хоналарни юк кўтарувчи қисмларини ўзгартириш ёки реконструкция қилиш (хоналар ихтисослашишини ўзгартириш, шунингдек, гипсокартон, пластик ва шу турдаги бошқа енгил материаллардан иборат ораёпма деворларни ўрнатиш бундан мустасно);

иккинчи ва ундан юқори қаватларда жойлашган ва лойиҳа-смета ҳужжатлари мавжуд турар жойларни юк кўтарувчи қисмларини ўзгартириш ёки реконструкция қилиш ва қайта режалаштириш (гипсокартон, пластик ва шу турдаги бошқа енгил материаллардан иборат ораёпма деворларни ўрнатиш бундан мустасно).

Шаҳарсозлик ҳужжатларида истиқболда муайян ҳудудда мавжуд бино ва иншоотлар бузилиши белгиланган ҳолатларда, ушбу ҳудудларда жойлашган бино ва иншоотлар ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатномалар берилиши мумкин.

Автомобиль ва темир йўллари, сув иншоотлари муҳофаза зоналарида жойлашган бино ва иншоотларга фақат ихтисослашишни ўзгартириш ва реконструкция қилиш учун рухсатномалар берилиши мумкин. Бундай ҳолатларда ўз ҳудудида қўшимча капитал бино ва иншоотларни қуриш, мавжудларининг қаватини ошириш тақиқланади.

7. Рухсатнома Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси (кейинги ўринларда — ваколатли орган) томонидан берилади.

Ваколатли орган томонидан турар жойни нотурар жой тоифасига ёки нотурар жойни турар жой тоифасига ўтказиш (реконструкция қилмасдан) учун рухсатнома расмийлаштирилганда, ариза берувчининг сўровига кўра кадастр паспортини расмийлаштириш ва кўчмас мулкка бўлган ҳуқуқларни давлат рўйхатидан ўтказиш учун рухсатнома Давлат кадастрлари палатасининг ҳудудий бошқармасига электрон тарзда юборилади (объектнинг муайян қисми тоифасини ўзгартириш бундан мустасно).

Рухсатнома расмийлаштирилгандан сўнг ариза берувчининг ихтиёрига кўра архитектура-режалаштириш топшириғини ишлаб чиқиш учун буюртма Давлат хизматлари маркази ёки ЯИДХП орқали автоматик тарзда берилиши мумкин.

Кўп квартирали турар жойнинг биринчи қаватини нотурар жой тоифасига ёки нотурар жойни кўп квартирали турар жой тоифасига ўтказиш учун Қурилиш ва уй жой коммунал ҳўжалиги соҳасида назорат қилиш ҳудудий инспекцияларининг ижобий хулосаси талаб этилади.

Нотурар жой бинолардан иборат объектнинг ўз ҳудудида қўшимча турар жой биноларини қуришга ушбу Регламентда белгиланган тартибда берилган рухсатномага асосан мазкур қўшимча турар жой бинолари қурилиши якунланиб улардан фойдаланишга тегишли рухсатнома берилгандан сўнг ушбу биноларни турар жой тоифасига ўтказиш учун алоҳида рухсатнома олиш талаб этилмайди.

Нотурар жойни турар жойга ихтисослашишни ўзгартиришга рухсатномани расмийлаштиришда:

а) кўчмас мулк объекти билан боғлиқ солиқ қарздорлиги мавжуд эмаслиги;

объектда тадбиркорлик фаолиятини юритиш имкониятларининг тўлиқ бартараф этилганлиги (кўчмас мулк объектида тадбиркорлик билан шуғулланувчи юридик шахс ҳисобга қўйилмаганлиги) Вазирлар Маҳкамаси ҳузуридаги Солиқ қўмитасининг электрон маълумотлар базасидан автоматик равишда текширилади;

б) кўчмас мулк объекти мулкдорларининг кўп квартирали уйни сақлаш харажатлари учун бошқариш органи олдида мажбурий бадал ва тўловлардан қарздорлиги мавжуд эмаслиги «Менинг уйим» биллинг тизимидан автоматик равишда текширилади.

7 1 . Мавжуд биноларни диний муассасалар ва ибодатхоналар (масжидлар, черковлар, синагогалар ва бошқалар)га ихтисослаштириш, диний муассасалар ва ибодатхоналарни қайта қуриш, реконструкция қилиш ҳамда ўз ҳудудида қўшимча бино ва иншоотларни қуришга рухсатнома олишда:

а) Ўзбекистон Республикаси Дин ишлари бўйича қўмитаси (кейинги ўринларда — Дин ишлари қўмитаси) диний муассасалар ва ибодатхоналарни қайта қуриш, реконструкция қилиш ва ўз ҳудудларида қўшимча биноларни қуриш ҳамда бошқа бинолардан диний муассасалар ва ибодатхоналар сифатида фойдаланиш учун уларни ихтисослашишни ўзгартириш бўйича хулоса беради;

б) тегишли туман (шаҳар) ҳокимликлари диний муассасалар ва ибодатхоналарни қайта қуриш ва бошқа бинолардан диний муассасалар ва ибодатхоналар сифатида фойдаланиш учун уларни ихтисослашишни ўзгартириш бўйича хулоса беради;

в) ваколатли орган диний муассасалар ва ибодатхоналарни қайта қуриш, реконструкция қилиш ва ўз ҳудудларида қўшимча биноларни қуришни лойиҳалаштиришга ҳамда бошқа бинолардан диний муассасалар ва ибодатхоналар сифатида фойдаланиш учун уларни ихтисослашишни ўзгартиришга ушбу банднинг «а» кичик банди бўйича ижобий хулоса олингандан сўнг рухсатнома (кейинги ўринларда — рухсатнома) беради.

8. Давлат хизматлари марказлари ва ваколатли органлар ўртасидаги ахборот алмашув ЭРИдан фойдаланган ҳолда фақат электрон тарзда амалга оширилади.

9. Рухсатнома бериш ушбу Регламентга 1-иловада келтирилган схемага мувофиқ амалга оширилади.

2-боб. Рухсатнома талаблари ва шартлари

10. Қуйидагилар рухсат беришга доир талаб ва шартлар ҳисобланади:

а) турар жойни нотурар жойга ўтказишда:

бино ва иншоотнинг техник ҳолати бўйича ижобий хулоса мавжудлиги;

турар жойни бошқа шахсга ўтказишга тақиқ йўқлиги ёки ушбу турар жойга нисбатан хатлов мавжуд эмаслиги (ипотека бундан мустасно);

нотурар жойга ўтказилаётган турар жой биринчи қаватда жойлашганлиги (якка тартибдаги уй-жойлар бундан мустасно);

қонунчилик ҳужжатлари ҳамда шаҳарсозлик нормалари ва қоидалари талабларига зид равишда бинолар конструкциясига таъсир кўрсатувчи ўзгартиришлар киритмаслик;

объектда эвакуация чиқишларининг сони ва жойлашишининг ўзгармаслиги;

турар жой аниқ мақсадли коммунал уй-жой фондига кирмаслиги;

алоҳида кириш жойини яратиш имкони мавжуд бўлиши;

кўзланган фаолият тури Вазирлар Маҳкамасининг 2000 йил 24 январдаги 22-сон қарори билан тасдиқланган Кўп квартирали уйлардаги яшаш учун мўлжалланмаган жойлардан фойдаланиш тартиби тўғрисидаги низом иловасига (кўп квартирали уйлардаги яшаш учун мўлжалланмаган жойларда жойлаштиришга рухсат берилган фаолият турлари рўйхати) мувофиқ фаолият турларига зид бўлмаслиги;

ихтисослашиши ўзгартирилган объектнинг фойдаланиш мақсади ер участкасидан рухсат этилган фойдаланишнинг асосий турига мувофиқлиги;

б) нотурар жойни турар жойга ўтказишда:

бино ва иншоотнинг техник ҳолати бўйича ижобий хулоса мавжудлиги;

турар жойга ўтказилаётган нотурар жой бино ертўласи ёки ярим ертўласида жойлашмаганлиги;

турар жойга ўтказилаётган нотурар жойни тўғридан-тўғри бошидан охиригача ёки бурчагидан шамоллатишни ташкил этиш имкониятининг мавжудлиги, шунингдек, ёндош турар жой ёки нотурар жойлардан тўлиқ изоляцияланганлиги;

нотурар жойдаги хоналар шифтининг (максимум, минимум) баландлиги шаҳарсозлик нормалари ва қоидалари талабларига мувофиқ эканлиги;

нотурар жойни бошқа шахсга ўтказишга тақиқ йўқлиги ёки ушбу нотурар жойга нисбатан хатлов мавжуд эмаслиги (ипотека бундан мустасно);

зарур санитария-гигиеник узеллар яратиш учун нотурар жойдаги хоналарни мослаштириш имкониятининг мавжудлиги;

марказлаштирилган канализация мавжуд бўлмаган ҳолларда нотурар жойга бириктириладиган ер участкасининг майдони турар жой хонасидан, шунингдек, бириктириладиган ер участкасига туташ бўлган бошқа мулкдорларга тегишли турар жойлардан оқова сув ва ҳожатхона учун мўлжалланган ўралардан санитария нормаларига мувофиқ масофада жойлашганлиги;

хонанинг мавсумий ва вақтинча яшаш учун мўлжалланмаганлиги;

хонанинг бозорлар ва бошқа савдо марказларида, маҳаллий давлат ҳокимияти органлари биноларида жойлашмаганлиги;

кино ва видеофильмлар намойиш қилинадиган вақтинча павильонлар, ёзги очиқ эстрада, рақс майдончалари, инсон ҳаёти учун хавфли бўлган портловчи, ёнувчи ва кимёвий воситалар сақлаш омборхоналари, киосклар, енгил турдаги объект эмаслиги;

ижтимоий соҳа объектларида жойлашмаганлиги;

в) кўп квартирали уйларни қайта режалаштириш ва реконструкция қилишда қўшниларнинг ёки бошқа учинчи шахсларнинг умумий мулкдан фойдаланиш билан боғлиқ ҳуқуқлари бузилмаслиги ҳамда уларнинг ҳаёти ва соғлиғи учун хавф-хатар юзага келмаслиги;

г) шаҳарсозлик нормалари ва қоидаларига мувофиқлиги.

3-боб. Давлат хизматлари кўрсатиш тартиби

11. Ариза берувчи рухсатнома олиш учун Давлат хизматлари марказига ўзи келиб мурожаат этади ёки ЯИДХПда давлат хизматидан электрон тарзда фойдаланиш учун рўйхатдан ўтади.

Рухсатнома олиш учун аризалар ЯИДХП орқали дам олиш ва байрам кунларидан қатъий назар, ҳар куни 24 соат давомида юборилиши мумкин.

12. Ўзи келиб мурожаат этган тақдирда, Давлат хизматлари маркази ходими ариза берувчи номидан, ЯИДХП орқали мурожаат этган тақдирда эса — ариза берувчи мустақил равишда ушбу Регламентга 2-иловада келтирилган шаклга мувофиқ давлат хизматидан фойдаланиш учун сўровномани электрон шаклда тўлдиради.

Сўровномага қуйидагилар илова қилинади:

турар жойни нотурар жой тоифасига ўтказиш назарда тутилганда сўровномага турар жойга биргаликда эгалик қилувчиларнинг (агар мавжуд бўлса) нотариал тасдиқланган ёзма розилиги;

Маданий мерос агентлигининг ҳудудий бошқармаси ижобий хулосаси (моддий-маданий мерос объектлари, алоҳида муҳофаза қилинадиган ҳудудларида жойлашган объект бўйича).

Ариза берувчидан ушбу бандда кўрсатилмаган маълумотлар ҳамда бошқа ҳужжатларни талаб қилиш тақиқланади.

13. Сўровнома тўлдирилгандан сўнг талабгор маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон имзо, Mobile-ID ва бошқалар) билан тасдиқлайди.

Талабгор ЯИДХП орқали мурожаат этган тақдирда, сўровномани ЭРИ билан тасдиқлаш талаб этилмайди.

14. Давлат хизмати кўрсатилганлиги учун ваколатли орган томонидан юборилган инвойс асосида қуйидаги миқдорда йиғим тўланади:

хавф-хатар тоифалари бўйича I тоифа объектлар учун базавий ҳисоблаш миқдорининг 50 фоизи;

хавф-хатар тоифалари бўйича II тоифа объектлар учун базавий ҳисоблаш миқдорининг бир баравари;

хавф-хатар тоифалари бўйича III-IV тоифа объектлар учун базавий ҳисоблаш миқдорининг икки баравари.

«Ижтимоий ҳимоя ягона реестри» ахборот тизимида рўйхатга олинган шахслар, шунингдек, мулкдор бўлган I ва II гуруҳ ногиронлиги бўлган шахсларга Давлат хизматлари марказлари ва (ёки) ЯИДХП орқали давлат хизматларини кўрсатишда қонунчилик ҳужжатларида белгиланган давлат божлари, йиғимлар ва бошқа ҳар қандай тўловлар бўйича 50 фоиз миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно).

Давлат хизматини кўрсатиш учун йиғим тўланганлиги электрон шаклда тасдиқланади.

15. Йиғим суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

қолган маблағлар тўлиқ миқдорда ваколатли органнинг ҳисобварағига ўтказилади;

б) ЯИДХП орқали мурожаат этганда:

қолган маблағлар тўлиқ миқдорда ваколатли органнинг ҳисобварағига ўтказилади.

16. Ариза берувчи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга.

17. Ўзи келиб мурожаат қилганда, Давлат хизматлари маркази ходими сўровнома тўлдирилган вақтдан бошлаб реал вақт режимида уни қуйидаги давлат органларига (кейинги ўринларда — хулоса берувчилар) юборади:

Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси туман (шаҳар) филиалига (кейинги ўринларда — кадастр органи);

Санитария-эпидемиологик осойишталик ва жамоат саломатлиги хизматининг туман (шаҳар) санитария-эпидемиология хизматига;

Фавқулодда вазиятлар вазирлигининг туман (шаҳар) ёнғин хавфсизлиги бўлимига, Тошкент шаҳрида — ёнғин хавфсизлиги бошқармасига;

Экология, атроф-муҳитни муҳофаза қилиш ва иқлим ўзгариши вазирлигининг туман (шаҳар) бўлимига.

Мавжуд биноларни диний муассасалар ва ибодатхоналарга ихтисослаштириш, диний муассасалар ва ибодатхоналарни қайта қуриш, реконструкция қилиш ҳамда ўз ҳудудида қўшимча бино ва иншоотларни қуришга рухсатнома олиш учун ўзи келиб мурожаат қилганда, Давлат хизматлари маркази ходими сўровнома тўлдирилган вақтдан бошлаб реал вақт режимида уни, ушбу банднинг иккинчи — тўртинчи хатбошидаги органлардан ташқари қуйидаги органларга ҳам юборади:

туман (шаҳар) ҳокимлигига;

Дин ишлари қўмитасига.

17 1 . Кадастр органи бир иш куни мобайнида қуйидагиларни электрон тизим орқали ваколатли органга юборади:

бино ва иншоот ер участкаси ер фонди ерларининг қайси тоифасига мансублиги ҳамда ер ажратиш тўғрисидаги ҳужжатларнинг ўз кучини йўқотганлиги ёки йўқотмаганлиги (муддати ўтмаганлиги) ҳақида ва ер майдони низоли эмаслиги тўғрисида QR-код қўйилган маълумотнома;

бино ва иншоотнинг кадастр чизмаси (планлар, олд ва ён кўринишлари, ер участкасининг чегараси (мавжуд бўлганда) ва бошқалар). Бунда бино ва иншоотнинг кадастр чизмасида мулк ҳуқуқига эга бўлган ва унга эга бўлмаган қисмлари қайд этилади.

Бино ва иншоот ёки унинг ер участкаси давлат рўйхатидан ўтказилмаганда, ушбу кўчмас мулк объектида низолар борлигидан далолат берувчи суд ҳужжатлари мавжуд бўлганда, ушбу ер участкаси қонунчилик ҳужжатларида белгиланган тартибда олиб қўйилганлиги ҳақидаги маълумотлар мавжуд бўлганда, кўчмас мулк объектига тақиқ, хатлов (ипотека бундан мустасно) қўйиш ваколати бўлган орган томонидан унга тақиқ, хатлов (ипотека бундан мустасно) қўйилганда, нотурар жойни турар жойга ўтказишда турар жойга ўтказилаётган нотурар жой қишлоқ хўжалигига мўлжалланган ер майдонларида жойлашганда, филиал QR-код қўйилган рад жавобини электрон тизимга юклайди. Рад жавоби электрон тизим орқали бевосита ариза берувчига юборилади.

17 2 . Хулоса берувчилар беш иш куни давомида бино ва иншоотнинг ихтисослашишни ўзгартириш, қайта қуриш, реконструкция қилиш ҳамда ўз ҳудудида қуриладиган қўшимча бино ва иншоотлар санитария-эпидемиология ва ёнғин хавфсизлиги талабларига жавоб бериши тўғрисидаги ижобий хулосаларини ваколатли органга юборадилар. Бунда шартли равишда ижобий хулоса бериш тақиқланади.

Бино ва иншоотнинг ихтисослашишни ўзгартириш, қайта қуриш, реконструкция қилиш ҳамда ўз ҳудудида қуриладиган қўшимча бино ва иншоотлар санитария-эпидемиология ва ёнғин хавфсизлиги талабларига жавоб бермаган ҳолатларда, салбий хулосалар электрон тизимга юкланади. Салбий хулоса электрон тизим орқали бевосита ариза берувчига юборилади.

17 3 . Дин ишлари қўмитаси сўровнома тушганидан сўнг беш иш куни мобайнида ўз хулосасини ваколатли органга ва ариза берувчига юборади. Бунда салбий хулоса қонунчиликнинг аниқ нормаларини кўрсатган ҳолда берилади.

17 4 . Туман (шаҳар) ҳокимлигига сўровнома тушганидан сўнг у беш иш куни мобайнида диний муассасалар ва ибодатхоналарни қайта қуриш ва бошқа бинолардан диний муассасалар ва ибодатхоналар сифатида фойдаланиш учун уларни ихтисослашишни ўзгартиришни ижобий хулосаси орқали келишиб беради ҳамда уни ваколатли органга ва ариза берувчига юборади ёки қонунчиликнинг аниқ нормаларини кўрсатган ҳолда рад этади.

17 5 . Қуйидагилар ваколатли орган ҳузуридаги Архитектура-шаҳарсозлик кенгашлари (кейинги ўринларда — Кенгаш) билан келишилади:

а) аҳоли пунктларининг ривожланишини режалаштириш ва ҳудудларини қуриш тўғрисидаги шаҳарсозлик ҳужжатлари мавжуд бўлмаган тақдирда, рухсатномалар бериш масалалари;

б) кўп қаватли бинолар жойлашган магистрал кўчалар, шунингдек, халқаро ва давлат аҳамиятига эга бўлган автомобиль йўллари бўйлаб жойлашган бино ва иншоотлар, шу жумладан кўп квартирали уй-жойларнинг ташқи кўринишини ўзгартириш билан боғлиқ реконструкция қилиш (фасадлар ва том қисми), ихтисослашишни ўзгартириш ва уларни қайта қуриш масалалари;

в) турар жой зонасида якка тартибдаги уй-жой ёки бошқа мақсадлардаги бино ва иншоотларни қуриш учун мўлжалланган ўз ер участкасида мавжуд бино ва иншоотнинг тўлиқ ёки бир қисмини бузган ҳолда, улар ўрнида кўп квартирали уй-жой қуриш масалалари.

Ваколатли орган сўровнома келиб тушганидан сўнг бир иш куни ичида ундаги масалани кўриб чиқиш Кенгашга тааллуқли бўлса, сўровнома ва унга илова қилинган ҳужжатларни тегишлилига кўра, Кенгашга кўриб чиқиш учун киритади.

Кенгашлар ўзига тегишли масалани ўн беш иш куни ичида кўриб чиқиб, ижобий ёки салбий хулосани электрон шаклда Давлат хизматлари марказига ёки ЯИДХП орқали ариза берувчига ҳамда ваколатли органга юборади.

17 6 . Ваколатли орган филиалдан бино ва иншоот ер участкаси ер фонди ерларининг қайси тоифасига мансублиги ҳамда ер ажратиш тўғрисидаги ҳужжатларнинг ўз кучини йўқотганлиги ёки йўқотмаганлиги (муддати ўтмаганлиги) ҳақида маълумотномалар, бино ва иншоотнинг кадастр чизмалари, хулоса берувчиларнинг ижобий хулосалар, шунингдек, Дин ишлари қўмитасидан ва туман (шаҳар) ҳокимлигидан ҳамда тегишли Кенгашдан ижобий хулосалар тушгандан сўнг бир иш куни мобайнида Давлат хизматлари марказига ёки ЯИДХП орқали ариза берувчига электрон шаклда давлат хизматини кўрсатиш қиймати белгиланган инвойсни (кейинги ўринларда — инвойс) юборади.

Давлат хизматлари маркази ва ЯИДХП орқали инвойс келиб тушганлиги ҳақида ариза берувчи хабардор қилинади.

17 7 . Ариза берувчига инвойс келиб тушгандан сўнг беш иш куни мобайнида инвойсда қайд этилган тўлов амалга оширилиши лозим.

18. Ваколатли орган инвойс бўйича тўлов келиб тушгандан сўнг етти иш куни мобайнида объектни жойига бориб, бино ва иншоотларни ихтисослашишни ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуриш имкониятлари мавжудлигини ўрганади ва QR-код қўйилган рухсатномани беради ёки рад этишнинг аниқ сабабларини кўрсатган ҳолда рухсатнома беришни рад этади.

Рухсатнома электрон шаклда расмийлаштирилади ва ваколатли органнинг ЭРИси билан тасдиқланади.

Ваколатли орган аризани кўриб чиқиш муддати давомида заруратга кўра филиалдан давлат хизматини кўрсатишга доир қўшимча маълумотлар талаб этилганда, Кадастр агентлигининг ахборот тизими билан интеграция қилинган Қурилиш ва уй-жой коммунал хўжалиги вазирлигининг «Шаффоф қурилиш» миллий ахборот тизими орқали реал вақт режимида кўчмас мулк объектига оид зарур маълумотлар ва кадастр ҳужжатларини мустақил равишда (юклаб) олиши мумкин.

Агар Кадастр агентлигининг ахборот тизими билан интеграция қилинган Қурилиш ва уй-жой коммунал хўжалиги вазирлигининг «Шаффоф қурилиш» миллий ахборот тизими орқали объектнинг кадастр ҳужжатлари тўғрисидаги зарур маълумотларни олишни имкони бўлмаган ёки маълумотлар базасида мавжуд бўлмаган тақдирда, ваколатли органнинг электрон сўровига асосан Кадастр агентлиги томонидан икки иш куни давомида барча зарур маълумотлар ва ҳужжатлар тизимга электрон шаклда юкланади.

Ариза берувчи объектни ўрганиш учун ваколатли органга имконият яратиб бериши лозим.

Ваколатли органнинг объектни жойига бориб ўрганиб чиқиши бутун бино ва иншоотни ёки уларнинг қисмларини ва уларга бириктирилган ер участкасини, шунингдек, уларга туташ ҳудудни ҳамда бино ва иншоотларни визуал кўрикдан (зарурат бўлганда, махсус ускуналар ва асбоблардан фойдаланган ҳолда) ўтказишдан иборат бўлади.

Ваколатли орган ўрганиш давомида бино ва иншоот ўзбошимчалик билан қурилмаганлигини аниқлаш учун бино ва иншоотни текширувдан ўтказади, ариза берувчининг сўровномасидаги ва кадастр ҳужжатларидаги маълумотларни бино ва иншоотнинг ҳақиқий ҳолати билан таққослайди.

Шунингдек, объектда қуйидагилар ўрганилади:

қурилиши режалаштирилаётган объект бош режага мувофиқ жойлаштирилганлиги, шу жумладан, объект ҳудуднинг шаҳарсозлик ҳужжатларида белгиланган зоналаштиришга мувофиқ жойлашганлиги;

қурилиш-монтаж ишлари шаҳарсозлик ҳужжатларига мувофиқ амалга оширилганлиги;

муҳандислик тармоқлари ва бошқа муҳофаза зоналарига бўлган масофалар сақлаган ҳолатда объект жойлаштирилганлиги;

қурилаётган объект учун шаҳарсозлик талаблари бўйича ер майдони етарли эканлиги;

қурилиши режалаштирилаётган объект учун ажратилган ер майдони низоли бўлган тақдирда, мазкур низо мазмунан ҳал этилганлиги тўғрисидаги қонуний кучга кирган суд органининг қарори ёхуд низолашувчи тарафларнинг ёзма равишда расмийлаштирилиб тасдиқланган келишув битими мавжудлиги;

шаҳарсозлик ҳамда санитария норма ва қоидалари, шунингдек, ёнғин хавфсизлиги талабларига мос эканлиги;

қўшимча бино ва иншоотларни қуриш режалаштирилаётган ўз ҳудудида кўп йиллик дарахтлар мавжуд бўлган тақдирда, қуриш учун экология органларининг тегишли ижобий хулосаси мавжудлиги.

19. Қуйидагилар ваколатли орган томонидан рухсатнома беришни рад этиш учун асос ҳисобланади:

сўровномада нотўғри маълумотлар кўрсатилиши;

давлат хизматлари кўрсатиш учун йиғим тўланмаганлиги;

мазкур Маъмурий регламентнинг 10 , 18 ва 21-бандларида назарда тутилган талабларга мувофиқ эмаслиги;

бино ва иншоотнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуриш қонунчилик ҳужжатлари талабларига, шунингдек, шаҳарсозлик нормалари ва қоидаларига ҳамда санитария қоидалари ва нормаларига мувофиқ эмаслиги;

бино ва иншоот улар жойлашган ер участкасининг фойдаланиш мақсадига мос равишда жойлашмагани;

объектни ўрганиш учун ваколатли органга имконият яратилмаганлиги;

давлат рўйхатидан ўтказувчи органда ушбу кўчмас мулк объектида низолар борлигидан далолат берувчи суд ҳужжатларининг мавжудлиги;

ваколатли орган томонидан кўчмас мулк объектига тақиқ, хатлов (ипотека бундан мустасно) қўйилганлиги;

лойиҳалаштириш назарда тутилган қурилиш-монтаж ишлари рухсатнома олгунга қадар ўзбошимчалик билан бошланган бўлса;

кўчмас мулкка бўлган ҳуқуқлар давлат рўйхатидан ўтказилмаганлиги, ёки фойдаланишнинг белгиланган асосий мақсадига кўра, объект қишлоқ хўжалигига мўлжалланган ёки ўрмон фонди ерлари ҳудудида жойлашганлиги ҳақида соҳадаги ваколатли органнинг хулосаси мавжудлиги;

объект уланиши мўлжалланаётган ташқи муҳандислик коммуникация тармоқларининг етарли қувватларга эга бўлмаганлиги (Кенгашда кўриб чиқилиши жараёнида аниқланганда);

тегишли Кенгашнинг ижобий хулосаси олинмаганлиги (Кенгашда кўриладиган масалалар бўйича);

қонунчилик ҳужжатларида ваколат берилган алоҳида ҳудудларни ривожлантириш мақсадида ташкил этилган дирекция (ёки бошқа шаклдаги бошқарув ташкилотлар)нинг салбий хулосаси олинганда;

Маданий мерос агентлигининг ҳудудий бошқармаси ижобий хулосаси олинмаганда (объект моддий-маданий мерос объектлари, алоҳида муҳофаза қилинадиган ҳудудларида жойлашган бўлса);

бино ва иншоот бўйича ва (ёки) аввалги ариза (рухсатнома) юзасидан судда низо кўрилаётган бўлса;

кўчмас мулкка бўлган ҳуқуқлар давлат рўйхатидан ўтказилмаганлиги.

Бунда ер участкаси ёки бино ва иншоотнинг бири давлат рўйхатидан ўтказилган бўлса, рад этиш тақиқланади.

Давлат хизматларини кўрсатишни бошқа асосларга кўра рад этиш қатъиян тақиқланади.

20. Ариза берувчи рухсатнома бериш рад этилган кундан бошлаб ўн иш куни мобайнида давлат хизмати кўрсатиш учун йиғимни тўламасдан кўрсатилган камчиликни бартараф этиб рухсатнома олиш учун қайта мурожаат қилиш ҳуқуқига эга.

Бунда ўзи келиб мурожаат этганда, Давлат хизматлари маркази ходими, ЯИДХП орқали мурожаат этган тақдирда эса — ариза берувчи мустақил равишда аввалги ариза учун тўланган инвойсни тизимдан юклаб олиб, такрорий аризанинг тўлов босқичида бириктиради. Такрорий сўровнома ушбу Регламентда белгиланган тартибда умумий асосларда кўриб чиқилади.

Рухсатнома беришни рад этиш учун асос бўлган сабаблар ариза берувчи томонидан бартараф этилган тақдирда, рухсатнома сўровнома такроран берилгандан сўнг ваколатли орган томонидан беш иш кунидан ошмаган муддатда берилади.

Рухсатномани бериш масаласини такроран кўриб чиқишда ваколатли орган томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари келтирилиши бундан мустасно.

Рухсатномани олиш учун қайта мурожаат рад этилганда кейинги мурожаатлар ушбу Регламентга асосан умумий тартибда кўриб чиқилади.

22. Турар жой зоналарида жойлашган бино ва иншоотни ихтисослашишини ўзгартирмасдан бино ва иншоотни реконструкция қилиш, қайта қуриш ва ўз ҳудудида қўшимча бино ва иншоотлар қуришга рухсатнома беришга йўл қўйилади.

23. Турар жой зонасида якка тартибда уй-жой қуриш учун мўлжалланган ўз ер участкасида ёки мавжуд бино ва иншоотни бузиб, унинг ўрнида кўп квартирали уй қуриш масалалари Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари ҳузуридаги ҳудудий архитектура-шаҳарсозлик кенгашлари томонидан кўриб чиқилади.

24. Нотурар жой хоналарини (ёки уларнинг бир қисмини) кўп квартирали турар жой ёки ётоқхона сифатида ишлатиладиган турар жойга ваколатли органнинг нотурар жой хоналарини (ёки уларнинг бир қисмини) турар жой тоифасига ўзгартириш учун берадиган рухсатномасида ёндош бинолардаги ёнғинга қарши ва санитария масофалари, кириш йўллари, пиёдалар учун йўлаклар, автомобиллар тўхтаб туриш майдончалари, спорт ва болалар майдончалари, ахлат йиғгичлар ва ювилган кийимларни қуритиш майдончалари ҳисобга олинган ҳолда кўп квартирали турар жойлар ёки ётоқхонага хизмат кўрсатиш учун мўлжалланган ер участкасининг майдони кўрсатилади.

Объектдаги биноларни (бинони) нотурар жой тоифасидан турар жой тоифасига ўтказишда мазкур объектга тегишли ер участкасининг фақат 0,04 гектаргача бўлган бўш ер участкадан иборат қисмини турар жой тоифасига ўтказишга рухсат этилади (объектдаги нотурар жой тоифасидан турар жой тоифасига ўтказилиши режалаштирилаётган бинолар (бинони)нинг умумий майдони ҳамда хусусийлаштирилган ерлар бундан мустасно).

25. Ваколатли орган рухсатномани у расмийлаштирилган кунда Давлат хизматлари марказига ёки ариза берувчига ЯИДХП орқали электрон шаклда юборади.

Рухсатнома ЯИДХП орқали юборилганда, бир вақтнинг ўзида, ушбу объектнинг электр, сув таъминоти, оқова сув тармоқлари, газ тармоқлари ва иссиқлик таъминоти бўйича маълумотларини ҳамда техник шартларини янгилаш учун тегишли муҳандислик-коммуникация тармоқларини эксплуатация қилувчи ташкилотларга юборилади.

26. Турар жойни нотурар жой сифатида ихтисослаштиришга рухсатномани расмийлаштиришда ариза берувчи томонидан реконструкция қилиш ишларида ва муҳандислик тармоқлари юклама ҳажмини ўзгартириш талаб этилганда ушбу Регламентга 3-иловага мувофиқ шакл бўйича рухсатнома расмийлаштирилади.

Ушбу рухсатномада архитектура-режалаштириш топшириғи ишлаб чиқилиши, лойиҳа-смета ҳужжатларини тайёрлашда қонунчилик ҳужжатлари ҳамда шаҳарсозлик нормалари ва қоидалари талабларига зид равишда бинолар конструкциясига таъсир кўрсатувчи ўзгартиришлар киритмаслик ҳамда объектда эвакуация чиқишларининг сони ва жойлашишини ўзгартирмаслик, лойиҳа-смета ҳужжатлари келишилиши, реконструкцияси тугалланган бино ва иншоотларнинг нотурар жойга кадастр паспортини қайта шакллантириш, фойдаланишга қабул қилиш ҳамда унга бўлган ҳуқуқни давлат рўйхатидан ўтказиш ҳақида талаблар кўрсатилади.

Ушбу рухсатномада архитектура-режалаштириш топшириғи ишлаб чиқилиши, лойиҳа-смета ҳужжатлари келишилиши, реконструкцияси тугалланган бино ва иншоотларни нотурар жойга кадастр паспортини қайта шакллантириш, фойдаланишга қабул қилиш ҳамда унга бўлган ҳуқуқни давлат рўйхатидан ўтказиш ҳақида талаблар кўрсатилади.

Турар жойни нотурар жойга ёки нотурар жойни турар жойга ихтисослашишини ўзгартиришда бинони реконструкция қилиш назарда тутилмаса, ваколатли орган ушбу Регламентга 4-иловага мувофиқ шакл бўйича рухсатномани расмийлаштиради.

27. Нотурар жойни турар жойга ихтисослашишини ўзгартиришга рухсатномани расмийлаштиришда ваколатли орган томонидан реконструкция қилиш зарурати мавжудлиги аниқланса, ушбу Регламентга 5-иловада келтирилган шаклга мувофиқ рухсатнома расмийлаштирилади.

Ушбу рухсатномада уй-жойни реконструкция қиладиган уй-жой мулкдорларига якка тартибда уй-жойни (кўп квартирали уйлардаги квартиралар) реконструкция қилиш бўйича лойиҳа-смета ҳужжатларини келишиш ва реконструкцияси ишлари якунланган уй-жойни фойдаланишга қабул қилиш ҳақида талаблар кўрсатилади.

28. Капитал бино ва иншоотларнинг, шунингдек, алоҳида хоналарнинг ихтисослашишини ўзгартиришга ўзига тегишли ер участкасида қўшимча капитал бино ва иншоотларни қуришга, мавжуд бино ва иншоотларни реконструкция қилишга ҳамда уларни тўлиқ ёки қисман бузган ҳолда ўрнида янги бино ва иншоотни қуриш учун рухсатномани расмийлаштириш ушбу Регламентга 6-иловага мувофиқ шакл бўйича амалга оширилади.

Агар рухсатномада объектни реконструкция қилмасдан фақат ихтисослашишини ўзгартириш кўрсатилган бўлса, бу кадастр органларининг ҳудудий филиаллари томонидан белгиланган тартибда кадастр паспортини қайта шакллантиришга асос бўлади ҳамда ушбу Регламентга 4-иловага мувофиқ шакл бўйича рухсатнома расмийлаштирилади.

29. Давлат хизматлари маркази рухсатнома келиб тушгандан сўнг реал вақт режимида уни:

Кадастр агентлигига электрон шаклда ҳамда ариза берувчининг электрон манзилига юборади ва (ёки) ариза берувчини бу ҳақида электрон шаклда хабардор қилади;

бир вақтнинг ўзида ушбу объектнинг электр, сув таъминоти, оқова сув тармоқлари, газ тармоқлари ва иссиқлик таъминоти бўйича маълумотларини ҳамда техник шартларини янгилаш учун тегишли муҳандислик-коммуникация тармоқларини эксплуатация қилувчи ташкилотларга юборади.

Давлат хизматлари маркази ходими ариза берувчи ўзи келиб мурожаат қилган тақдирда, ариза берувчининг сўровига кўра унга рухсатномани электрон шаклда ёки қоғоз шаклида тақдим этиши мумкин.

29 1 . Кадастр агентлиги турар жойни нотурар жойга ёки нотурар жойни турар жойга ихтисослашишини ўзгартириш (реконструкция қилмасдан) бўйича рухсатнома келиб тушганидан кейин бир иш кунида кадастр паспортини расмийлаштириш ва кўчмас мулкка бўлган ҳуқуқларни давлат рўйхатидан ўтказишни амалга оширади.

4-боб. Якунловчи қоидалар

30. Давлат хизматлари марказлари ва ваколатли органлар ўз фаолиятини амалга ошириши натижасида олинган ариза берувчи ҳақидаги маълумотларнинг ошкор этилмаслигини таъминлаши керак.

31. Рухсатнома расмийлаштирилган куннинг ўзида «Шаффоф қурилиш» миллий ахборот тизимида автоматик равишда ҳисобга олиб борилади.

32. Адлия вазирлиги, унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолияти устидан, шу жумладан, ЯИДХП орқали, доимий назоратни ва мониторингни амалга оширади.

33. Ариза берувчи давлат органлари ва бошқа ташкилотлар ходимларининг ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

34. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома бериш бўйича давлат хизматлари кўрсатишнинг маъмурий регламентига 1-ИЛОВА

Босқичлар Субъектлар Амалга ошириладиган тадбирлар Бажариш муддатлари 1-босқич Ариза берувчи 1. Рухсатнома олиш учун Давлат хизматлари марказига ўзи келиб ёки ЯИДХП орқали мурожаат қилиш. Ўз хоҳишига кўра 2. Давлат хизматларини кўрсатиш учун йиғимни тўлаш. Мурожаат қилганда 2-босқич 1. Давлат хизматлари маркази 2. ЯИДХП Сўровномани ваколатли орган, филиал, туман (шаҳар) санитария-эпидемиология хизмати, туман (шаҳар) ёнғин хавфсизлиги бўлими, экология, атроф-муҳитни муҳофаза қилиш ва иқлим ўзгариши туман (шаҳар) бўлимига (кейинги ўринларда — хулоса берувчилар), Дин ишлари қўмитасига ҳамда туман (шаҳар) ҳокимлигига юбориш. Автоматик равишда 3-босқич Ваколатли орган Сўровномадаги масалани кўриб чиқиш Кенгашга тааллуқли бўлса, сўровнома ва унга илова қилинган ҳужжатларни тегишлилига кўра, Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармасига Кенгашда кўриб чиқилиши учун юбориш. бир иш куни ичида 4-босқич Хулоса берувчилар, Дин ишлари қўмитаси, туман (шаҳар) ҳокимлиги, Кенгаш. Ўзига тегишли масала юзасидан салбий ёки ижобий хулосани Ваколатли органга бериш. беш иш куни мобайнида (Тошкент шаҳар ҚББ АШКда ўн иш куни мобайнида) 5-босқич Ваколатли орган Давлат хизматлари марказига ёки ЯИДХП орқали ариза берувчига электрон шаклда давлат хизматини кўрсатиш қиймати белгиланган инвойсни (кейинги ўринларда — инвойс) юборади. тегишли хулосалар келиб тушгандан сўнг бир иш куни мобайнида 6-босқич 1. Давлат хизматлари маркази 2. ЯИДХП Инвойс олинганлиги ҳақида ариза берувчини электрон тарзда хабардор қилиш. Реал вақт режимида 7-босқич Ариза берувчи Инвойсда қайд этилган тўловни амалга ошириш. 3 иш куни мобайнида 8-босқич Ваколатли орган 1. Инвойсда кўрсатилган тўлов келиб тушгандан сўнг объект жойлашган ҳудудга чиққан ҳолда объектни ихтисослашишни ўзгартириш, қайта қуриш ҳамда ўз ҳудудида қўшимча бино ва иншоотлар қуриш имкониятларини ўрганиб чиқиш. 2. Рухсатномани ЭРИ билан тасдиқлаш орқали расмийлаштириш. 3. Давлат хизматлари марказига ёки ЯИДХП орқали ариза берувчига QR-кодли рухсатномани юбориш. 7 иш куни мобайнида 9-босқич Давлат хизматлари маркази Ариза берувчининг электрон манзилига рухсатномани жўнатиш, ариза берувчини бу ҳақида электрон хабардор қилиш ва рухсатномани бериш. Реал вақт режимида

Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома маъмурий регламентига 2-ИЛОВА

______________ __________________ (сана) (тартиб рақами) I. Жисмоний шахс — ариза берувчи ҳақида маълумотлар: 1. ЖШШИР 2. Ф.И.О. 3. Телефон рақами 4. Электрон почта манзили (мавжуд бўлса) II. Юридик шахс — ариза берувчи ҳақида маълумотлар: 1. Тўлиқ номи 2. Телефон рақами 3. СТИР 4. Электрон почта манзили (мавжуд бўлса) III. Объект ҳақида маълумот: 1. Кадастр рақами 2. Объект жойлашган манзил а) Турар жойдан нотурар жойга ўтказиш бўйича: тўлиқ қисман Бино ва иншоотнинг нотурар жойга ўтиши реконструкция қилиб реконструкция қилмасдан Фаолият тури Бино ва иншоотнинг рақами, литери Нотурар жойга ўтадиган бино ва иншоотнинг: умумий майдони; қурилиш ости майдони (алоҳида кўрсатилади) б) Нотурар жойдан турар жойга ўтказиш бўйича тўлиқ қисман Бино ва иншоотнинг рақами, литери Турар жойга ўтказиладиган бино ва иншоотнинг: умумий майдони қурилиш ости майдони (алоҳида кўрсатилади) в) Объектнинг ихтисослашишини ўзгартириш ва реконструкция қилишнинг асосий мазмуни г) Рухсатнома расмийлаштирилганда архитектура-режалаштириш топшириғига буюртма берилсинми? ҳа йўқ д) Ўз ҳудудида қўшимча бино ва иншоотларни қуриш бўйича: қўшимча қуриладиган бинолар қаватининг сони кўрсатилади 3. Кўчмас мулк тақиқ, хатлов ёки гаровга (ипотекага) қўйилган бўлса, ваколатли органнинг розилик хати илова қилинади. 4. Маданий мерос агентлигининг ҳудудий бошқармаси ижобий хулосаси илова қилинади (объект моддий-маданий мерос объектлари, алоҳида муҳофаза қилинадиган ҳудудларида жойлашган бўлса).

Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома бериш бўйича давлат хизматлари кўрсатишнинг маъмурий регламентига 3-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Ўзбекистон Республикаси Давлат герби тасвири) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ЎЗБЕКИСТОН РЕСПУБЛИКАСИ ҚУРИЛИШ ВА УЙ-ЖОЙ ‎КОММУНАЛ ХЎЖАЛИГИ ВАЗИРЛИГИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________________________________ ((Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ҳужжат тузилган сана: _________ Ариза берувчининг номи ёки Ф.И.О.: ______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Турар жой ихтисослашишини (реконструкция қилиб) нотурар жойга ўзгартириш учун ‎РУХСАТНОМА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20___ й. «_____»____________-сон ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1.‎ Ариза рақами 2.‎ Объектнинг ишлар бажариладиган қисми 3.‎ Нотурар жойга ихтисослаштирилаётган объект номи 4.‎ Объект манзили 5.‎ Объектнинг: ер майдони; қурилиш ости майдони (алоҳида кўрсатилади) 6.‎ Кадастр рақами 7.‎ Қуйидаги ишларни амалга ошириш учун рухсатнома берилади ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Объект жойлашган жой кўрсатилган бош режа. ‎(Бош режа бўлмаганда, ҳудуднинг қишлоқ хўжалиги харитаси, ‎топохарита ёки «Google»дан фойдаланиш мумкин) Эслатма: 1. Архитектура-режалаштириш топшириғини ишлаб чиқиш. 2. Лойиҳа ҳужжатларини келишиш. 3. Кадастр паспортини расмийлаштириш. 4. Қурилиш-монтаж ишлари тугалланган бино ва иншоотларни фойдаланишга қабул қилиш ҳамда унга бўлган ҳуқуқни давлат рўйхатидан ўтказиш. 5. Турар жой ихтисослашиши (реконструкция қилиб) нотурар жойга ўзгартирилаётган объект кадастр органларида қайта рўйхатдан ўтказилгунга қадар мазкур объектда доимий ва вақтинча рўйхатда турган барча фуқаролар рўйхатдан чиқарилиши лозим (турар жойнинг бир қисми тоифаси ўзгарган ёки бузилган ҳоллар бундан мустасно). ‎ Изоҳ. 1. Лойиҳа ҳужжатлари келишилиши қурилиш-монтаж ишларини бошлаш учун асос бўлади. 2. Объектдаги турар жойни реконструкция қилиб, нотурар жойга ихтисослашиши ўзгартирилган бино ва иншоотлар (ёки уларнинг бир қисми) ҳамда ер участкаси чегараси кўрсатилган объектнинг М1:500 масштабдаги умумий схемаси илова қилинади. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ҳужжатни имзолаган шахс ___________________________ ‎ ‎ ‎ ‎ ‎ ‎ ‎ ‎ (Ф.И.О.) ‎ ‎ ‎ ‎ ‎ ‎ Ҳужжатнинг ҳақиқийлигини тасдиқловчи ‎QR-код ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома бериш бўйича давлат хизматлари кўрсатишнинг маъмурий регламентига 4-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Ўзбекистон Республикаси Давлат герби тасвири) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ЎЗБЕКИСТОН РЕСПУБЛИКАСИ ҚУРИЛИШ ВА УЙ-ЖОЙ ‎КОММУНАЛ ХЎЖАЛИГИ ВАЗИРЛИГИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________________________________ (туман (шаҳар) қурилиш ва уй-жой коммунал хўжалиги бўлимлари) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ҳужжат тузилган сана: _________ Ариза берувчининг номи ёки Ф.И.О.: ______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Турар жойни (реконструкция қилмасдан) нотурар жойга / ‎Нотурар жойни (реконструкция қилмасдан) турар жойга / ‎Объектни реконструкциясиз фақат қайта ихтисослаштиришга ‎‎РУХСАТНОМА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20___ й. «_____»____________-сон ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1.‎ Ариза рақами 2.‎ Объектнинг ишлар бажариладиган қисми 3.‎ Қандай объектга ихтисослаштирилаётганлиги кўрсатилади 4.‎ Объект манзили 5.‎ Объектнинг ер майдони 6.‎ Кадастр рақами 7.‎ Қуйидаги ишларни амалга ошириш учун рухсатнома берилади ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Объект жойлашган жой кўрсатилган бош режа. ‎(Бош режа бўлмаганда, ҳудуднинг қишлоқ хўжалиги харитаси, ‎топохарита ёки «Google»дан фойдаланиш мумкин) Эслатма: 1. Объектни реконструкция қилмасдан фақат ихтисослашишини ўзгартириш назарда тутилганда ушбу рухсатнома объектнинг кадастр паспортини қайта шакллантиришга асос бўлади. 2. Турар жой ихтисослашиши (реконструкция қилмасдан) нотурар жойга ўзгартирилаётган объект кадастр органларида қайта рўйхатдан ўтказилгунга қадар мазкур объектда доимий ва вақтинча рўйхатда турган барча фуқаролар рўйхатдан чиқарилиши лозим (турар жойнинг бир қисми тоифаси ўзгарган ёки бузилган ҳоллар бундан мустасно). ‎ Изоҳ. Рухсатномага ўзгартирилган объектга бириктирилган ер участкасининг чегара схемаси илова қилинади. ‎ ‎ Ҳужжатни имзолаган шахс ___________________________ ‎ ‎ ‎ ‎ ‎ ‎ ‎ ‎ (Ф.И.О.) ‎ ‎ ‎ ‎ ‎ ‎ Ҳужжатнинг ҳақиқийлигини тасдиқловчи ‎QR-код ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома бериш бўйича давлат хизматлари кўрсатишнинг маъмурий регламентига 5-ИЛОВА

ГЕРБ ЎЗБЕКИСТОН РЕСПУБЛИКАСИ ҚУРИЛИШ ВА УЙ-ЖОЙ КОММУНАЛ ХЎЖАЛИГИ ВАЗИРЛИГИ ____________________________________________________________________________________ (Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси) Ҳужжат тузилган сана: ____________ _____ Ариза берувчининг номи ёки Ф.И.О.: __________________ Нотурар жойни турар жой тоифасига ўзгартиришга РУХСАТНОМА 20 ____ й. « ____ » ______________ ______ -сон 1. Ариза рақами 2. Объектнинг ишлар бажариладиган қисми 3. Объект манзили 4. Объектнинг: ер майдони; қурилиш ости майдони (алоҳида кўрсатилади) 5. Кадастр рақами 6. Куйидаги ишларни амалга ошириш учун рухсатнома берилди Объект жойлашган жой кўрсатилган бош режа. (Улар бўлмаганда ҳудуднинг қишлоқ хўжалиги харитаси. топохарита ёки « Google »дан фойдаланиш мумкин) Эслатма: 1. Якка тартибдаги уй-жойни (кўп квартирали уйлардаги квартираларни) реконструкция қилиш бўйича лойиҳа-смета ҳужжатларини келишиш. 2. Кадастр паспортини расмийлаштириш. 3. Қурилиши (реконструкция қилмасдан) тугалланган бино ва иншоотларни фойдаланишга қабул қилиш ҳамда унга бўлган ҳуқуқни давлат рўйхатидан ўтказиш лозим. 4. Объектдаги турар жойни реконструкция қилиб, нотурар жойга ихтисослашиши ўзгартирилган бино ва иншоотлар (ёки уларнинг бир қисми) ҳамда ер участкаси чегараси кўрсатилган объектнинг М1:500 масштабдаги умумий схемаси илова қилинади. Изоҳ: Лойиҳа ҳужжатлари келишилиши қурилиш-монтаж ишларини бошлаш учун асос бўлади. Ҳужжатни имзолаган шахс _______________________________ (Ф.И.О.) Ҳужжатнинг ҳақиқийлигини тасдиқловчи QR-код

Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома бериш бўйича давлат хизматлари кўрсатишнинг маъмурий регламентига 6-ИЛОВА

ГЕРБ ЎЗБЕКИСТОН РЕСПУБЛИКАСИ ҚУРИЛИШ ВА УЙ-ЖОЙ КОММУНАЛ ХЎЖАЛИГИ ВАЗИРЛИГИ ____________________________________________________________________________ (Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси) Ҳужжат тузилган сана: ___________ _____ Ариза берувчининг номи еки Ф.И.О.: ___________________ Капитал бино ва иншоотларнинг, шунингдек, алоҳида хоналарнинг ихтисослашишини ўзгартиришга ўзига тегишли ер участкасида қўшимча капитал бино ва иншоотларни қуришга, мавжуд бино ва иншоотларни реконструкция қилишга ҳамда ўз ҳудудида уларни тўлиқ ёки қисман бузган ҳолда ўрнида янги қўшимча бино ва иншоотни қуриш учун РУХСАТНОМА 20____ й. «____» ____________ _____-сон 1. Ариза рақами 2. Объектнинг ишлар бажариладиган қисми 3. Объект номи 4. Объект манзили 5. Объектнинг: ер майдони; қурилиш ости майдони (алоҳида кўрсатилади) 6. Кадастр рақами 7. Қуйидаги ишларни амалга ошириш учун рухсатнома берилди Объект жойлашган жой кўрсатилган бош режа. (Улар бўлмаганда ҳудуднинг қишлоқ хўжалиги харитаси, топохарита ёки «Google»дан фойдаланиш мумкин) Эслатма: Рухсатнома олингандан сўнг қурилиш-монтаж ишларини бошлашдан олдин: 1. Архитектура-режалаштириш топшириғини ишлаб чиқиш. 2. Лойиҳа ташкилоти томонидан тайёрланган лойиҳа ҳужжатларини қурилиш органлари билан келишиш. Бунда: бино ва иншоотлар икки қаватдан юқори (цоколни ҳисобга олмаган қолда), баландлиги ер юзасидан 12 метрдан ва (ёки) 500 кв.метрдан ортиқ бўлганда: а) объектнинг зилзилага бардошлилиги ва ёнгин хавфсизлиги бўйича лойиҳавий ечимлари тўғрисида экспертиза органларидан ижобий хулоса олиш; б) Қурилиш соҳасида назорат бўйича ҳудудий инспекциялардан қурилиш-монтаж ишларини бошлаш учун объектни рўйхатдан ўтказиш. 3. Бино ва иншоот қуриб битказилгандан сўнг кадастр паспортини расмийлаштириш, қурилиш-монтаж тугалланган бино ва иншоотларни фойдаланишга қабул қилиш ҳамда унга бўлган ҳуқуқни давлат рўйхатидан ўтказиш талаб этилади. Изоҳ. Мазкур рухсатнома қуралиш-монтаж ишларини бошлаш учун асос ҳисобланмайди. Ҳужжатни имзолаган шахс _______________________________________ (Ф . И . О.) Ҳужжатнинг ҳақиқийлигини тасдиқловчи QR -код

Вазирлар Маҳкамасининг 2022 йил 20 апрелдаги 200-сон қарорига 3-ИЛОВА

Архитектура-режалаштириш топшириғини ишлаб чиқиш бўйича давлат хизматлари кўрсатишнинг

1-боб. Умумий қоидалар

1. Ушбу Регламент мулк ҳуқуқи, эгалик килиш, фойдаланиш ёки ижара асосида олинган ер участкасининг мулкдори бўлган юридик ва жисмоний шахслар ёки уларнинг буюртмасига (шартномага асосан) мувофиқ лойиҳа ташкилотлари (кейинги ўринларда — ариза берувчилар) томонидан берилган сўровномага асосан шаҳарсозлик фаолияти объектини қуриш ёки реконструкция қилишни лойиҳалаштириш учун архитектура-режалаштириш топшириғини (кейинги ўринларда — АРТ) ишлаб чиқиш ва тақдим этиш тартибини белгилайди.

Мазкур Регламент қоидалари марказлашган маблағлар ёки халқаро молия институтлари ва тижорат банкларининг кредит маблағлари ҳисобидан амалга оширилаётган «Ўрта шаҳарларни комплекс ривожлантириш» лойиҳаси доирасида объектларни қуриш ёки реконструкция қилишни лойиҳалаштириш учун АРТ ишлаб чиқиш ва тақдим этишга нисбатан ҳам татбиқ этилади.

2. Ушбу Регламент шаҳарсозлик ҳужжатлари ҳамда шаҳарсозлик нормалари ва қоидаларида белгиланган талабларга асосан барча турдаги бино ва иншоотлар, шунингдек, муҳандислик-коммуникация тармоқлари, йўл ва йўл инфратузилмаси объектларини (ҳажми 300 куб метрдан кичик бўлган енгил турдаги (конструкцияли) қурилмалар ҳамда якка тартибдаги уй-жойлар бундан мустасно) қуриш ва реконструкция қилиш ҳамда ободонлаштириш ишларини бажариш учун АРТни мажбурий ишлаб чиқиш ва тақдим этишга нисбатан татбиқ этилади.

Ўзбекистон Республикасининг давлат сирлари билан боғлиқ бўлган объектлар учун АРТни ишлаб чиқиш учун бевосита тўғридан-тўғри Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармасига (кейинги ўринларда — ваколатли орган) мурожаат қилинади.

Якка тартибдаги уй-жойни қуриш ва лойиҳа ҳужжатини келишишда, шунингдек, бино ва иншоотларни ихтисослашишини ўзгартиришда (реконструкциясиз) АРТни ишлаб чиқиш ва тақдим этиш талаб этилмайди (икки қаватдан юқори, баландлиги ер юзасидан 12 метрдан ва (ёки) умумий майдони 500 квадрат метрдан ортиқ якка тартибдаги уй-жойлар бундан мустасно).

3. АРТ лойиҳаолди ҳужжат бўлиб, ер участкаси ёки бино ва иншоотга мулк ҳуқуқини тасдиқламайди ҳамда қурилиш-монтаж ишларини бошлаш учун асос ҳисобланмайди.

АРТ тасдиқланган шаҳарсозлик ҳужжатларидан, давлат ҳокимияти органларининг тегишли қарорларидан, шу жумладан, тарихий ва маданий обидаларни, атроф-муҳитни муҳофаза қилиш талаб ва шартларини ҳамда объектни аниқ ер участкасида жойлаштиришда учинчи шахсларнинг қонуний ҳуқуқлари ва манфаатларини ҳимоя қилишдан келиб чиқувчи ўзига хос шаҳарсозлик ва архитектуравий шартлар ҳамда объектни лойиҳалаштириш ва қуришнинг алоҳида шароитлари мажмуасидан иборат ҳужжат ҳисобланиб, унинг асосида объект қурилиши (реконструкцияси) учун лойиҳа ҳужжатлари ишлаб чиқилади.

АРТ бино ёки иншоотнинг ташқи кўринишига, қурилишнинг тахминий майдонларига, автотураргоҳлар, ҳудудга кириш ва чиқиш йўлларига, кичик меъморий шаклларнинг тузилиши, ер участкасининг кўкаламзорлаштирилиши ва ободонлаштирилишига бўлган умумий талабларни ҳамда муҳандислик-коммуникация трассаларига ва муҳандислик тармоқлари ўтказилишига қўйиладиган асосий талабларни белгилайди.

4. АРТ ишлаб чиқилмасдан лойиҳа ҳужжатларини келишиш тақиқланади.

АРТ ҳужжатлари рақамланади. Ишлаб чиқилган АРТ ҳужжатлари бўйича лойиҳа ишлари бажарилиб, қурилиш-монтаж ишларини бошлаш учун объект давлат рўйхатидан ўтказилгандан сўнг мазкур АРТ билан қайта лойиҳалаштириш тақиқланади. Дастлабки АРТ билан лойиҳалаштириш АРТ реквизитларини базада тақиққа қўйилишига сабаб бўлади.

5. Ваколатли орган АРТни ишлаб чиқади ва тақдим этади.

6. Давлат хизматлари марказлари ва ваколатли органлар ўртасида ахборот алмашиш ЭРИдан фойдаланган ҳолда фақат электрон тарзда амалга оширилади.

7. Архитектура-режалаштириш топшириғини ишлаб чиқиш ва тақдим этиш ушбу Регламентга 1-иловада келтирилган схемага мувофиқ амалга оширилади.

2-боб. Давлат хизматлари кўрсатиш тартиби

8. Ариза берувчи АРТни олиш учун Давлат хизматлари марказига келиб мурожаат этади ёки ЯИДХПда давлат хизматидан электрон шаклда фойдаланиш учун рўйхатдан ўтади.

АРТни учун аризалар ЯИДХП орқали дам олиш ва байрам кунларидан қатъий назар, ҳар куни 24 соат давомида юборилиши мумкин.

Бунда аризалар иш вақтидан кейин ёки дам олиш ва байрам кунлари келиб тушганда навбатдаги иш куни аризалар ваколатли органга келиб тушган ва қабул қилинган кун ҳисобланади.

9. Ўзи келиб мурожаат этган тақдирда, Давлат хизматлари маркази ходими ариза берувчи номидан, ЯИДХП орқали мурожаат этган тақдирда эса ариза берувчи мустақил равишда ушбу Регламентга 2-иловада келтирилган шакл бўйича давлат хизматидан фойдаланиш учун сўровномани электрон шаклда тўлдиради.

Бунда объект тури ва соҳаси «Қурилиш обектларининг хавф-хатар тоифаси бўйича мураккаблик тоифалари таснифи»дан танлаш орқали тўлдирилади ҳамда объектнинг мураккаблик тоифаси автоматик равишда аниқланади.

Сўровномага қуйида санаб ўтилган ҳужжатлардан бири илова қилинади:

тегишли равишда ваколатли органнинг бино ва иншоотни реконструкция қилиш ҳамда ўз ҳудудида қўшимча бино ва иншоотни қуришга рухсатномаси;

«E-auksion» ягона электрон савдо майдончасида ўтказилган электрон аукцион натижалари ҳақидаги баённома;

йирик инвестиция лойиҳасини амалга ошириш учун Вазирлар Маҳкамасининг қарори;

объектда ташқи муҳандислик-коммуникация тармоқларига (эҳтиёжга кўра электр, газ, сув таъминоти, оқова сув тармоқлари ва иссиқлик таъминоти) уланиш нуқталари ва уларга объектдан уланиш трассалари ўтказилиши зарурати мавжуд бўлса, техник шартлар;

объектнинг 1:500 масштабдаги электрон версиядаги DWG форматдаги топохаритаси;

объект қурилиши янги ер участкасида режалаштирилаётганда уни ажратиш ҳақидаги тегишли вилоят, туман (шаҳар) ҳокимининг қарори ёки аукцион орқали сотиб олинган бўлса тегишли ҳужжат нусхаси.

Ариза берувчилардан ушбу бандда кўрсатилмаган маълумотларни, шунингдек, бошқа ҳужжатларни тақдим этишни талаб қилиш тақиқланади.

10. Сўровнома тўлдирилгандан сўнг талабгор маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон имзо, Mobile-ID ва бошқалар) билан тасдиқлайди.

Талабгор ЯИДХП орқали мурожаат этган тақдирда, сўровномани ЭРИ билан тасдиқлаш талаб этилмайди.

11. Давлат хизмати кўрсатилгани учун базавий ҳисоблаш миқдорининг бир баравари миқдорида йиғим ундирилади.

Давлати хизмати кўрсатилгани учун йиғим тўланганлигини тасдиқлаш электрон тарзда амалга оширилади.

12. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

қолган маблағлар тўлиқ миқдорда ваколатли органнинг банк ҳисобварағига ўтказилади;

б) ЯИДХП орқали мурожаат этилганда:

қолган маблағлар тўлиқ миқдорда ваколатли органнинг банк ҳисобварағига ўтказилади.

Ариза берувчи АРТ бериш рад этилган кундан бошлаб ўн иш куни мобайнида АРТни олиш учун йиғимни тўламасдан қайта мурожаат қилиш ҳуқуқига эга.

Бунда ўзи келиб мурожаат этганда, Давлат хизматлари маркази ходими, ЯИДХП орқали мурожаат этган тақдирда эса — ариза берувчи мустақил равишда, аввалги ариза учун тўланган инвойсни Тизимдан юклаб олиб, такрорий аризанинг тўлов босқичида бириктиради.

13. Давлат хизмати кўрсатишни рад этиш учун қуйидагилар асос ҳисобланади:

сўровномада нотўғри маълумотлар кўрсатилиши;

давлат хизматлари кўрсатиш учун йиғим ва инвойсда кўрсатилган суммани ўз вақтида тўланмаслиги.

14. Ариза берувчи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга.

14 1 . Рухсат этилган фойдаланиш тури ўзгартириладиган ер участкасида қуриладиган ижтимоий ва инфратузилма объектлардан ташқи муҳандислик-коммуникация тармоқларига қўшимча юкланиш пайдо бўладиган ҳолатларда мазкур объектларни лойиҳалаштирадиган лойиҳа ташкилоти (кейинги ўринларда — лойиҳачи) томонидан АРТ ишлаб чиқилишидан олдин ушбу юкламалар миқдори муҳандислик-коммуникация тармоқларининг алоҳида ҳар бир тури бўйича аниқланади ва маълумотномада (кейинги ўринларда — маълумотнома) қайд этилади.

Маълумотнома лойиҳачи томонидан реал вақт режимида ариза берувчига (ижтимоий ёки инфратузилма объект эгасига) тақдим этилади.

14 2 . Буюртмачи маълумотномани реал вақт режимида тегишлигича ташқи муҳандислик-коммуникация тармоқларидан фойдаланувчи ташкилотларга (тармоқлар эгаларига) тақдим этади.

14 3 . Ташқи муҳандислик-коммуникация тармоқларидан фойдаланувчи ташкилотлар қонунчиликда белгиланган тартибда ва муддатларда маълумотномада кўрсатилган юкламаларни инобатга олган ҳолда ўзининг техник шартларини ишлаб чиқади ва ариза берувчига юборади.

14 4 . Маълумотномада кўрсатилган юкламалар ижтимоий ва инфратузилма объектлари учун қуйидаги манбалардан компенсация қилинади (Тошкент шаҳри ҳудудида қуриладиган, қайта қуриладиган, реконструкция қилинадиган ҳамда ўз ҳудудида қўшимча бино ва иншоотлар қуриладиган объектлар бундан мустасно):

тадбиркорлик фаолияти билан боғлик объектлар учун — 50 фоизи тегишли тадбиркорлик субъекти маблағлари, қолган 50 фоизи эса муҳандислик-коммуникация тармоқларидан фойдаланувчи ташкилотлар маблағлари;

бюджет ташкилотлари объектлари учун — 50 фоизи бюджет маблағлари, қолган 50 фоизи эса муҳандислик-коммуникация тармоқларидан фойдаланувчи ташкилотлар маблағлари.

14 5 . Маълумотномада кўрсатилган юкламаларнинг компенсация маблағлари миқдори муҳандислик-коммуникация тармоқларидан фойдаланувчи ташкилотлар томонидан қонунчиликда белгиланган тартибда аниқланади.

15. Ўзи келиб мурожаат қилганда Давлат хизматлари марказлари сўровнома тўлдирилган вақтдан бошлаб реал вақт режимида уни ваколатли органга юборади.

16. Ваколатли орган сўровнома тушганидан сўнг уч иш куни мобайнида сўровномада қайд этилган маълумотларнинг ҳаққонийлигини текширади ва Давлат хизматлари марказига ёки ариза берувчига ЯИДХП орқали электрон шаклда ваколатли орган томонидан тасдиқланган АРТни ишлаб чиқишнинг қиймати кўрсатилган ҳисоб-фактурани (кейинги ўринларда — инвойс) юборади ёки рад этишнинг аниқ сабабларини ва қонунчилик ҳужжатлари нормаларини кўрсатган ҳолда уни юборишни рад этади.

17. Ваколатли орган заруратга кўра, объектни жойига борган ҳолда, янги қурилиш учун ажратилган ер участкасини ва қўшимча қурилиш амалга оширилаётган ер участкасини, шунингдек, реконструкция қилиниши зарур бўлган объектни ўрганиб чиқади.

Объектни ўрганиб чиқиш объект ёки унинг қисмлари ва унга бириктирилган ер участкасини, шунингдек, унга туташ ҳудудлар ҳамда бино ва иншоотларни визуал кўрикдан (зарурат бўлганда, махсус ускуналар ва асбоблардан фойдаланган ҳолда) ўтказишдан иборат бўлади.

Объект мазкур Регламентнинг 16-бандида белгиланган муддат ичида ўрганиб чиқилади.

18. Давлат хизматлари маркази инвойс тушганидан бошлаб реал вақт режимида бу ҳақида ариза берувчини электрон хабардор қилади.

Ариза берувчи инвойс келиб тушгандан сўнг бир ой мобайнида инвойсда кўрсатилган суммани тўлайди.

Инвойсда кўрсатилган сумма тўланганлиги электрон тарзда тасдиқланади.

19. Кадастр агентлиги ўзининг ахборот тизими орқали Қурилиш ва уй-жой коммунал хўжалиги вазирлигининг «Шаффоф қурилиш» миллий ахборот тизимига реал вақт режимида кўчмас мулк объектига оид қуйидаги зарур маълумотларни юборади:

кўчмас мулкнинг манзили, ер участкасининг майдони ҳамда рўйхатдан ўтган рақами ва санаси, ҳуқуқ тури, ер фонди тоифаси, ўзбошимча эгалланган ер майдони, бино иншоотлар майдони ҳамда рўйхатдан ўтган рақами ва санаси, ҳуқуқ тури, ўзбошимча қурилмалар, ҳужжатсиз қурилмалар маълумотлари, мулк эгаси ҳақидаги маълумотлар, кўчмас мулкка тақиқ ва чекловлар мавжудлиги.

Агар, юқоридаги маълумотлар юборилмаса, ваколатли органнинг электрон сўровига асосан Кадастр агентлиги томонидан икки иш куни давомида барча зарур маълумотлар ва ҳужжатлар тизимга электрон кўринишда юкланади.

20. АРТни ишлаб чиқиш қиймати ва муддатлари ушбу Регламентга 3-иловага мувофиқ белгиланади.

АРТни ишлаб чиқиш муддати АРТни ишлаб чиқиш тўлови келиб тушгандан сўнг ҳисобланади.

21. Инвойс юборишни рад этиш учун сўровномада қайд этилган маълумотларнинг ҳаққоний эмаслиги, шу жумладан, ушбу Регламентнинг 9-бандида назарда тутилган тегишли ҳужжатлар ўз кучини йўқотганлиги ёки бекор қилинганлиги асос бўлади.

Инвойсни юборишни бошқа асосларга кўра рад этиш тақиқланади.

22. Инвойсда кўрсатилган тўлов амалга оширилгандан кундан бошлаб ушбу Регламентга 3-иловада белгиланган муддатда ҳамда ваколатли орган Регламентга 4-иловада келтирилган шаклга мувофиқ АРТ ишлаб чиқади.

Бунда сўровномага техник шартлар илова қилинган тақдирда, ер участкаси (объект)нинг амалдаги жойлашувини ҳисобга олувчи муҳандислик-коммуникация тармоғига уланишнинг техник шартларида баён этилган маълумотларни таққослаган ҳолда объект текширувдан ўтказилиб, муҳандислик-коммуникация тармоқларининг уланиш нуқталаригача ўтказиладиган трассалари белгиланади.

Ушбу Регламентга 3-иловада белгиланган муддатда QR-код қўйилган АРТ электрон шаклда расмийлаштирилади ва ваколатли органнинг ЭРИси билан тасдиқланади.

23. АРТ ушбу Регламентнинг 22-банди талабларига мувофиқ тасдиқланган куни ваколатли орган томонидан Давлат хизматлари марказига ёки ЯИДХП орқали ариза берувчига электрон шаклда юборилади.

Давлат хизматлари маркази АРТ тушгандан сўнг реал вақт режимида уни ариза берувчининг электрон манзилига юборади ёки ариза берувчини бу ҳақида электрон тарзда хабардор қилади.

Давлат хизматлари маркази ходими ариза берувчи ўзи келиб мурожаат қилган тақдирда, ариза берувчининг сўровига кўра унга АРТни электрон шаклда ёки қоғоз шаклда тақдим этади.

3-боб. Якунловчи қоидалар

24. Давлат хизматлари марказлари ва ваколатли органлар ўз фаолиятини амалга ошириши натижасида олинган ариза берувчи ҳақидаги маълумотларнинг ошкор этилмаслигини таъминлаши керак.

25. АРТ расмийлаштирилган куннинг ўзида «Шаффоф қурилиш» миллий ахборот тизимида автоматик равишда ҳисобга олиб борилади.

26. АРТни ишлаб чиқишдан тушган маблағлар тўлиқ миқдорда ваколатли органнинг банк ҳисобварағига ўтказилади.

27. Адлия вазирлиги, унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолияти устидан, шу жумладан, ЯИДХП орқали, доимий назоратни ва мониторингни амалга оширади.

28. Ариза берувчи давлат органлари ва бошқа ташкилотлар ходимларининг ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

29. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Архитектура-режалаштириш топшириғини ишлаб чиқиш бўйича давлат хизматлари кўрсатишнинг маъмурий регламентига 1-ИЛОВА

Архитектура-режалаштириш топшириғини ишлаб чиқиш ва бериш

Босқичлар Субъектлар Амалга ошириладиган тадбирлар Бажариш муддатлари 1-босқич Ариза берувчи 1. АРТни олиш учун Давлат хизматлари марказига ёки давлат хизматидан фойдаланиш учун электрон тарзда ЯИХДП орқали мурожаат қилиш. 1. Хоҳишига кўра 2. Давлат хизмати кўрсатиш учун йиғимни тўлаш. 2. Мурожаат қилинганда 2-босқич 1. Давлат хизматлари маркази 2. ЯИДХП Сўровномани ваколатли органга юбориш. Реал вақт режимида 3-босқич Ваколатли орган 1. Сўровномада қайд этилган маълумотларнинг ҳаққонийлигини текшириш. 2. Давлат хизматлари марказига ёки ариза берувчига АРТни ишлаб чиқишнинг қиймати кўрсатилган инвойсни юбориш. 3 иш куни мобайнида 4-босқич 1. Давлат хизматлари маркази 2. ЯИДХП Инвойс олинганлиги ҳақида ариза берувчини электрон тарзда хабардор қилиш. Реал вақт режимида 5-босқич Ариза берувчи Инвойсда қайд этилган тўловни амалга ошириш. Бир ой мобайнида 6-босқич Ваколатли орган 1. АРТни ишлаб чиқиш, электрон шаклда расмийлаштириш ва ўзининг ЭРИси билан тасдиқлаш. 10 иш куни 2. АРТни давлат хизматлари марказига юбориш ёки ариза берувчига ЯИДХП орқали юбориш. Реал вақт режимида 7-босқич Давлат хизматлари маркази АРТни ариза берувчининг электрон манзилига юбориш ва бу ҳақида электрон тарзда хабардор қилиш. Ариза берувчининг электрон манзилига АРТни жўнатиш, ариза берувчини бу ҳақида электрон тарзда хабардор қилиш ва АРТни бериш. Реал вақт режимида

Архитектура-режалаштириш топшириғини ишлаб чиқиш бўйича давлат хизматлари кўрсатишнинг маъмурий регламентига 2-ИЛОВА

__________________ (санаси) __________________ (рақами) Архитектура-режалаштириш топшириғини ишлаб чиқиш бўйича давлат хизматларидан фойдаланиш учун СЎРОВНОМА I. Ариза берувчи — жисмоний шахс тўғрисида маълумот: 1. ЖШШР 2. Ф.И.О. 3. Телефон рақами 4. Электрон почта манзили (мавжуд бўлса) II. Ариза берувчи — юридик шахс тўғрисида маълумот: 1. Тўлиқ номи 2. Телефон рақами 3. СТИР 4. Электрон почта манзили (мавжуд бўлса) III. Объект ҳақида маълумот: 1. Объектнинг кадастр рақами 2. Объект жойлашган манзил 3. Архитектура-режалаштириш топшириғини ишлаб чиқишнинг мақсади Турар жойни нотурар жойга ўзгартириш Объектни янгидан қуриш, реконструкция қилиш ҳамда ўз ҳудудида қўшимча бино ва иншоотни қуриш 4. Қайта расмийлаштириш IV. Илова қилинадиган ҳужжат (қуйида кўрсатилган ҳужжатлардан бири илова қилинади) : а) Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси рухсатномаси; б) «E-auksion» ягона электрон савдо майдончасида ўтказилган электрон аукцион натижалари ҳақидаги баённома; в) йирик инвестиция лойиҳасини амалга ошириш учун Вазирлар Маҳкамасининг қарори; г) техник шартлар (муҳандислик-коммуникация тармоқларига эҳтиёжи бўлганда). V. Давлат хизматини кўрсатиш натижасини олиб кетувчи шахс (агар мавжуд бўлса) тўғрисидаги маълумотлар: ЖШШИР

Архитектура-режалаштириш топшириғини ишлаб чиқиш бўйича давлат хизматлари кўрсатишнинг маъмурий регламентига 3-ИЛОВА

Объектларни лойиҳалаштириш учун АРТни ишлаб чиқиш

Т/р Қурилаётган объектларнинг турига қараб АРТни ишлаб чиқиш Муддати Қиймати (базавий ҳисоблаш миқдорида) 1. Объект (бино ва иншоот)ларни янги қурилиши учун (янгидан ажратилган ёки аукцион орқали ютиб олинган ер майдонларида) 10 иш куни 4 2. Бино ва иншоотларнинг ихтисослашишини ўзгартириш билан қайта қуриш, реконструкция қилиш ҳамда ўз ҳудудида қўшимча бино ва иншоотларни қуриш 8 иш куни 3,5 3. Икки қаватдан юқори, баландлиги ер юзасидан 12 метрдан ва (ёки) умумий майдони 500 квадрат метрдан ортиқ якка тартибдаги уй-жойлар учун 5 иш куни 1,0

Архитектура-режалаштириш топшириғини ишлаб чиқиш бўйича давлат хизматлари кўрсатишнинг маъмурий регламентига 4-ИЛОВА

Ҳужжат тузилган сана: __________ Ариза берувчининг номи ёки Ф.И.О.: ___________ Ариза рақами: _________ АРХИТЕКТУРА-РЕЖАЛАШТИРИШ ТОПШИРИҒИ 20__ йил «___» _______ ____-сон Лойиҳавий бино (иншоот) тури: _______________ Лойиҳавий бино (иншоот)нинг манзили: _____________________ Лойиҳавий бино (иншоот)нинг буюртмачиси: __________________________ Архитектура-режалаштириш топшириғи фақат лойиҳалаштириш ишларини бошлаш учун асос ҳисобланиб, қурилиш-монтаж ишларини бошлашга асос бўла олмайди. Қурилиш ва уй-жой коммунал хўжалиги бош бошқармасининг манзили ва телефон рақамлари: _______________ Т/р Архитектура-режалаштириш топшириғи таркиби Мазмуни 1. Архитектура-режалаштириш топшириғини ишлаб чиқиш учун асос бўлган ҳужжатлар Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармасининг 20 ___ йил _____ даги 00-0/0000-сон рухсатномаси, ерга эгалик қилиш ҳуқуқини тасдиқловчи ҳужжат (кадастр рақами ёки____). 2. Лойиҳалаштириладиган объект ер участкасининг жойлашиши ва бош режада тутган ўрни а) объект манзили (манзили бўлмаган ҳолатда объект ҳудудига туташган ёки яқин масофада жойлашган бино ёки иншоот)______; б) объект жойлашган ҳудуд қайси зонага мансублиги (аҳоли пунктининг амалдаги ёки аввалги бош режасига асосан) ______________; в) объект жойлашган ҳудуд муҳандислик тармоқлари билан таъминланганлиги / таъминланмаганлиги ____________________. 3. Лойиҳалаштириладиган объект ҳудудининг табиий-иқлим кўрсаткичлари Лойиҳалаштирилаётган объектнинг ер участкаси ________иқлим ҳудудида жойлашган. Ҳаво ҳарорати: ўртача йиллик _______________ энг баланд ҳарорат ____________ энг паст ҳарорат ______________ июнь — август ойларида _____________ декабрь — февраль ойларида _______________ 4. Лойиҳалаштириладиган объект ер участкасининг геологик ва топографик жиҳатдан ўрганилганлиги Ҳолатни ўрганиш учун тегишли лицензияга эга ташкилотга 1:500 нисбатдаги топохарита ишлаб чиқиш учун буюртма бериш. 5. Лойиҳалаштириладиган объект ер участкасининг чегаралари ҳамда унга туташ объектлар ёки ер участкалари тўғрисида маълумот Лойиҳалаштириш учун танланган ер майдони қуйидагича чегараланган: Шимол томондан — м _________________ билан чегараланган; Жануб томондан — м __________________ билан чегараланган; Шарқ томондан — м __________________ билан чегараланган; Ғарб томондан — м __________________ билан чегараланган. 6. Қизил чизиқлар ва белгилар Объект ер участкасининг тасдиқланган чегарадан чиқмасдан, қурилиш чизиқларига амал қилган ҳолда лойиҳа ишларини олиб борилиши таъминлаш. 7. Архитектура талаблари Лойиҳани ишлаб чиқишда: а) шаҳарсозлик нормалари ва қоидаларига амал қилиш; б) аҳоли пунктининг тасдиқланган бош режасига ва унинг тегишли қисмининг батафсил режалаштириш лойиҳасига қатъий риоя этиб, объект атрофидаги мавжуд биноларга боғланган ҳолда ягона архитектура кўринишини ташкил этиш лозимлигини инобатга олиш; в) объектни реконструкция қилиш лойиҳаларини ишлаб чиқишни бошлашдан олдин айрим ҳолатларда (буюртмачининг талабига биноан ёки ташқи кўринишидан авария ҳолатининг аломатлари мавжуд бўлганда) тегишли лицензияга эга бўлган лойиҳа ва бошқа ташкилотларнинг объектнинг ҳолати бўйича хулосасини олиш; г) ушбу АРТга мувофиқ буюртмачи томонидан ишлаб чиқилган ва тасдиқланган, алоҳида муҳим объектлар бўйича вилоят қурилиш ва уй-жой коммунал хўжалиги бош бошқармаси билан келишилган лойиҳа топшириқларига, 1:500 нисбатдаги топохаритадаги тасдиқланган чегараларга амал қилиш; д) объектнинг 1:500 нисбатдаги бош режасини лойиҳалаштиришда лойиҳа ташкилоти томонидан ихтисоси ўзгараётган ва реконструкция қилинаётган бино жойлаштирилган ҳамда объект атрофида ободонлаштириш ва кўкаламзорлаштириш ишлари акс эттирилган, объектга кириш-чиқиш йўллари ва автомобиллар тўхташ жойлари ташкил этилиши назарда тутиш; е) объектнинг баландлиги ____ қаватдан кам бўлмасин ёки қаватдан ошмасин (аҳоли пункти бўйича шаҳарсозлик ҳужжатлари ҳамда қуриш лойиҳалари мавжуд ҳолларда тўлдирилади); ж) объектда қуйидаги кичик архитектура шакллари ўрнатилиши назарда тутилади: __________________________ з) янги қуриладиган, баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлган (ёрдамчи хўжалик иморатларини ҳисобга олмаган ҳолда) бино ва иншоотларни лойиҳалаштиришда уларга туташ ҳудудларнинг кўкаламзорлаштириш (дарахтлар, буталар, бошқа ўсимликлар ва ниҳолларни экиш) майдонлари лойиҳа учун ажратиладиган ер участкалари умумий майдонининг 25 фоизидан кам бўлишига йўл қўйилмайди (эксплуатация муддатини ўтаб бўлган ва маънан эскирган бино ва иншоотларни реновация қилиш бундан мустасно); и) кўп квартирали уй-жойга хизмат кўрсатадиган ер участкасида автотураргоҳ жойлаштириш имконияти бўлмаган ҳолатда мазкур уй-жойнинг ертўла қисмида ундаги квартиралар сонига мутаносиб ўринлар мўлжалланган автотураргоҳ қурилиши мажбурий равишда назарда тутилади; к) кўп квартирали турар-жойларда қуйидагилар тақиқланади: биринчи қаватдаги ва ертўла қисмидаги хоналарни рекострукция (юк кўтарувчи қисмларини ўзгартириш) қилиш (хоналарни ихтисослашишини ўзгартириш, шунингдек гипсокартон, пластик ва шу турдаги бошқа енгил материаллардан иборат ораёпма деворларни ўрнатиш бундан мустасно); юқори қаватларида жойлашган ва лойиҳа-смета ҳужжатлари мавжуд турар-жойларни реконструкция (юк кўтарувчи қисмларини ўзгартириш) қилиш ва қайта режалаштириш (гипсокартон, пластик ва шу турдаги бошқа енгил материаллардан иборат ораёпма деворларни ўрнатиш бундан мустасно). л) шаҳарсозлик ҳужжатларда истиқболда муайян ҳудудда мавжуд бино ва иншоотлар бузилиши белгиланган ҳолатларда ушбу ҳудудларда жойлашган бино ва иншоотларни ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатномалар берилиши мумкин. м) автомобиль ва темир йўллари, сув иншоотлари муҳофаза зоналарида жойлашган бино ва иншоотларга фақат ихтисослашишини ўзгартириш ва реконструкция қилиш учун рухсатномалар берилиши мумкин. Бундай ҳолларда, ўз ҳудудида қўшимча капитал бино ва иншоотларни қуриш, мавжудларининг қаватини ошириш тақиқланади. 8. Лойиҳалаштириладиган объект ер участкасида мавжуд бино ва иншоотларни бузиш ёки фойдаланиш бўйича таклифлар Лойиҳачининг лойиҳа топшириғига мувофиқ: а) қурилиш учун ажратилган ер участкасида бузилишга тушадиган бино ва иншоотларга аниқлик киритиш; б) қурилиш учун ажратилган ер участкасида мавжуд бино ва иншоотлардан фойдаланиш бўйича таклифлар ишлаб чиқиш. 9. Объектни босқичма-босқич қуриш Қурилишнинг мураккаблигига ва буюртмачи томонидан бериладиган лойиҳа топшириғига мувофиқ қурилишни босқичма-босқич олиб бориш ва фойдаланишга топшириш жараёнлари назарда тутиш. 10. Ер майдонини ободонлаштириш ва кўкаламзорлаштириш Лойиҳанинг ободонлаштириш ва кўкаламзорлаштириш қисмида қуйидагилар инобатга олинади: а) объект жойлашадиган ҳудудда иқлим шароитларини инобатга олган ҳолда манзарали дарахтлар, буталар ва гуллар экиш; б) тегишли ҳудудлари кўкаламзорлаштирилганлиги; в) ландшафт архитектурасининг ечимларидан фойдаланган ҳолда дарахтларнинг қандай шаклларда бўлиши; г) мавжуд кўп йиллик дарахтларнинг сақланиб қолиши. 11. Санитария-гигиена талаблари а) лойиҳалаштиришда санитария-гигиена талабларига риоя этиш; б) лойиҳалаштириш жараёнида қурилиш материаллари турларини белгилашда Соғлиқни сақлаш вазирлиги томонидан тақиқланмаган ва санитария-гигиена талабларига жавоб берадиган қурилиш материалларидан фойдаланилиши шартлиги кўзда тутиш; в) объект қурилиши учун танланган ер майдонидан оқиб ўтувчи канал ёки ариқ мавжуд бўлган тақдирда, лойиҳадаги сув йўналиши ҳамда сувнинг муҳофаза зоналарини сақлаш ва қирғоқларни ободонлаштириш ва мустаҳкамлаш ишлари лойиҳалаштириш жараёнида инобатга олиш. 12. Ёнғинга қарши талаблар Лойиҳалаштиришда бинолар ва иншоотлар белгиланган ёнғинга қарши оралиқ масофаларни сақлаган ҳолда жойлаштирилишини, режавий тузилишини (планировкаси), қурилишда фойдаланилиши назарда тутилаётган конструкция ва маҳсулотларнинг ёнғин хавфсизлиги талабларига мослигини, содир бўлиши мумкин бўлган ёнғинларни бартараф этиш учун сув манбалари (гидрант, сиғим, ҳовуз ва бошқалар) ташкил этилишини ҳамда амалдаги техник жиҳатдан тартибга солишга доир норматив ҳужжатларга мувофиқ бошқа ёнғинга қарши талабларни инобатга олиш. 13. Экология талаблари Лойиҳалаштиришда экология ва атроф муҳитни муҳофаза қилиш меъёрларига амал қилиш. 13 1 . Алоқа, почта ва телекоммуникация талаблари Лойиҳалаштиришда алоқа, почта, ахборотлаштириш ва телекоммуникация соҳасидаги норматив-ҳуқуқий ҳужжатлар, давлат стандартлари ва меъёрларига амал қилиш. 13 2 . Тупроқни муҳофаза қилиш ва ундан оқилона фойдаланиш талаблари Лойиҳалаштиришда тупроқни муҳофаза қилиш ва ундан оқилона фойдаланишга қўйилган талабларга амал қилиш. 14. Лойиҳани келишиш Лойиҳа АРТга мувофиқлиги юзасидан ЯИДХП ёки Давлат хизматлари маркази орқали қуйидаги идоралар билан келишилади: а) Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ҳамда Тошкент шаҳар қурилиш бош бошқармаси ҳузуридаги Ҳудудий архитектура-шаҳарсозлик кенгашлари (кейинги ўринларда — Кенгашлар) томонидан икки қаватдан юқори (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан кўп бўлган якка тартибдаги уй-жойлар ва 300 метр кубдан ортиқ бўлган нотурар бино ва иншоотлар; б) туман (шаҳар) қурилиш ва уй-жой коммунал хўжалиги бўлимлари томонидан — икки қаватгача (цоколни ҳисобга олмаган ҳолда), баландлиги ер юзасидан 12 метрдан паст ва (ёки) умумий майдони 500 квадрат метрдан кам бўлган якка тартибдаги уй-жойларнинг ҳамда 300 метр кубдан ортиқ бўлмаган нотурар бино ва иншоотларнинг лойиҳа-смета ҳужжатлари; Келишиш учун лойиҳа-смета ҳужжатларининг электрон шаклдаги лойиҳа-смета ҳужжатларининг архитектура қисми илова қилинади. Илова қилинадиган ҳужжатлар PDF ёки JPEG форматда бўлиши керак. 15. Алоҳида талаблар а) Лойиҳани келишиш давомида Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси ҳузуридаги Ҳудудий архитектура-шаҳарсозлик кенгашлари томонидан берилган тавсиялар ва экспертиза хулосасида кўрсатилган камчиликларни бартараф этиш; б) лойиҳада янги қуриладиган, баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлган бино ва иншоотларни лойиҳалаштиришда уларга туташ ҳудудларнинг кўкаламзорлаштириш (дарахтлар, буталар, бошқа ўсимликлар ва ниҳолларни экиш) майдонлари лойиҳа учун ажратиладиган ер участкалари умумий майдонининг 25 фоизидан кам бўлишига йўл қуймаслик; в) лойиҳада кўп квартирали уй-жойларга туташ ер участкаларида мазкур уй-жойга хизмат кўрсатувчи автотураргох жойлаштириш учун ер майдони мавжуд бўлмаганда, автотураргоҳни мажбурий ушбу уй-жойнинг 1-қаватида ёки ертўласида назарда тутиш; г) лойиҳада бино ва иншоотлар қурилишида энергия тежамкор материаллар қўлланилишини назарда тутиш; д) қонунчилик ҳужжатлари талабларига мувофиқ: қурилиш жараёнида белгиланган тартибда лойиҳа ташкилоти томонидан объектда муаллифлик назоратини амалга оширилишини таъминлаш; лойиҳа-смета ҳужжатларини экспертизадан ўтказиш; давлат қурилиш назорати амалга оширилиши шарт бўлган объектларда қурилиш-монтаж ишларини бошлаш учун объектни рўйхатдан ўтказиш. Муҳандислик тармоқларига уланиш шартлари: 16. Ичимлик сув тармоғи Талаблар- ________________ (техник шартда кўрсатилган талаблардан келиб чиқиб тўлдирилади) 17. Оқова сув тармоғи Талаблар- ________________ (техник шартда кўрсатилган талаблардан келиб чиқиб тўлдирилади) 18. Электр энергияси тармоғи Талаблар- ________________ (техник шартда кўрсатилган талаблардан келиб чиқиб тўлдирилади) 19. Табиий газ тармоғи Талаблар- ________________ (техник шартда кўрсатилган талаблардан келиб чиқиб тўлдирилади) 20. Алоқа тармоғи Талаблар- ________________ (техник шартда кўрсатилган талаблардан келиб чиқиб тўлдирилади) 21. Иссиқлик тармоғи Талаблар- ________________ (техник шартда кўрсатилган талаблардан келиб чиқиб тўлдирилади) 22. Дренаж тармоғи Талаблар- ________________ (техник шартда кўрсатилган талаблардан келиб чиқиб тўлдирилади) 23. Объектни муҳандислик тармоқларига улаш бўйича буюртмачи ва лойиҳа ташкилотига қўйиладиган талаблар Объектни муҳандислик тармоқларига улаш тартиб-таомилларини белгиловчи амалдаги қонунчилик ҳужжатлари талабларига риоя этилишини таъминлаш. Объектга уланадиган ер ости ва ер усти муҳандислик тармоқлари унга чегарадош ўзга ер участкасидан ўтказиладиган ҳолатларда муҳандислик тармоқларининг трассалари ушбу ер участкалари эгалари билан келишиш. Объектга тегишли ер участкаси ҳудудидан ўтган ер ости ва ер усти муҳандислик тармоқлари кўчирилиши (зарурат бўлганда) лойиҳада инобатга олиш. Объектга уланадиган ер ости муҳандислик тармоқларини ётқизишда кўчаларни кесиб ўтишни мутасадди ташкилотлар билан келишиш. 24. АРТнинг амал қилиш муддати Ушбу АРТ берилган санадан бошлаб икки йил давомида амал қилади. Объект жойлашуви ва муҳандислик тармоқларига уланиш СХЕМАСИ Объект жойлашган жой ва муҳандислик тармоқлари кўрсатилган схема. АРТ бўлими бошлиғи: ______________________________ Ф.И.О. АРТ бўлими мутахассиси: ______________________________ Ф.И.О. Ҳужжатнинг ҳақиқийлигини тасдиқловчи QR-код

Вазирлар Маҳкамасининг 2022 йил 20 апрелдаги 200-сон қарорига 4-ИЛОВА

Лойиҳа-смета ҳужжатларининг архитектура қисмини келишиш бўйича давлат хизматлари кўрсатишнинг

1-боб. Умумий қоидалар

1. Ушбу Регламент юридик ва жисмоний шахслар ёки уларнинг буюртмасига (шартномага) мувофиқ лойиҳа ташкилотлари (кейинги ўринларда — ариза берувчилар) томонидан берилган сўровномага асосан ер майдони ҳажмидан қатъи назар, барча турдаги бинолар, иншоотлар, якка тартибдаги уй-жойлар, кўп квартирали уйлар, сув таъминоти, канализация ва оқова сувларни тозалаш тизимлари, гидротехника иншоотлари ва бошқа объектларнинг лойиҳа-смета ҳужжатларининг (кейинги ўринларда — лойиҳа-смета ҳужжатлари) архитектура қисмини кўриб чиқиш ва келишиш тартибини белгилайди.

Мазкур Регламент қоидалари марказлашган маблағлар ёки халқаро молия институтлари ва тижорат банкларининг кредит маблағлари ҳисобидан амалга оширилаётган «Ўрта шаҳарларни комплекс ривожлантириш» лойиҳаси доирасида қурилаётган объектларнинг лойиҳа-смета ҳужжатларини кўриб чиқиш ва келишишга нисбатан ҳам татбиқ этилади.

2. Ушбу Регламентнинг амал қилиши бинолар, иншоотлар ва бошқа объектларни мукаммал таъмирлашга нисбатан қўлланмайди.

Ўзбекистон Республикасининг давлат сирлари билан боғлиқ бўлган объектларнинг лойиҳа-смета ҳужжатларини келишиш учун бевосита тўғридан-тўғри Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси (кейинги ўринларда — ваколатли орган)га мурожаат қилинади.

3. Лойиҳа-смета ҳужжатлари тегишли лицензияси бўлган лойиҳа ташкилоти томонидан ишлаб чиқилади. Лойиҳа-смета ҳужжатларида бино ва иншоот, квартира ҳамда якка тартибдаги уй-жойнинг умумий майдони ва қурилиш ости майдони (квадрат метрда) ва баландлиги кўрсатилиши керак.

3 1 . Якка тартибдаги уй-жойни қуриш лойиҳа ҳужжати қуйидагилардан иборат:

якка тартибдаги уй-жойнинг ер участкаси жойлашган ҳудуднинг (маҳалланинг, қишлоқнинг ва ҳаказо) эркин масштабдаги вазият схемаси;

ер ости муҳандислик коммуникациялари акс эттирилган якка тартибдаги уй-жойнинг бош режаси (М1:500);

якка тартибдаги уй-жойдаги капитал биноларнинг пойдеворлари, ертўлалари, қаватлари планлари:

капитал биноларнинг қирқимлари;

ҳовлидаги капитал биноларнинг конструктив қисми (буюртмачининг ихтиёрига кўра).

Енгил турдаги (конструкцияли) қурилмалар учун қурилманинг плани, тўрт томонидан кўринишли рангли фасадлари, қирқими ҳамда қурилма жойлаштириладиган майдончанинг бош режасидан иборат лойиҳанинг архитектура қисми ишлаб чиқилади.

4. Ариза берувчи лойиҳа-смета ҳужжатларини келишиш учун ариза беришдан олдин ҳарбий объектлар ва бошқа режимли ҳудудларнинг фойдаланувчиси бўлган ташкилот билан ҳарбий объектлар ва бошқа режимли ҳудудларнинг чегараларидан бино ва иншоотларгача бўлган масофаларни (кейинги ўринларда — масофаларни) келишиши лозим.

Бунда ҳарбий объектлар ва бошқа режимли ҳудудларнинг фойдаланувчиси бўлган ташкилот билан келишиш учун уларга ёзма равишда мурожаат қилинади.

Мурожаат келиб тушганидан сўнг 5 иш куни ичида ҳарбий объектлар ва бошқа режимли ҳудудларнинг фойдаланувчиси бўлган ташкилот томонидан шаҳарсозлик нормалари ва қоидаларига мувофиқ кўриб чиқилиб, масофаларни келишиш ёки асослантирилган ҳолда келишишни рад этиш бўйича хулоса тақдим этилади.

4 1 . Объект эгаси ўзгарганда (бегоналаштирилганда), объектни қуриш (реконструкция қилиш) бўйича келишилган лойиҳа-смета ҳужжатлари ўзгармаса, лойиҳа ҳужжатлари қайта келишилиши талаб этилмайди.

5. Икки қаватдан юқори бўлмаган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган (ёрдамчи хўжалик иморатларини ҳисобга олмаган ҳолда) якка тартибдаги уй-жойлар ва 300 метр кубдан ортиқ бўлмаган нотурар бино ва иншоотларни қуриш ҳамда реконструкция қилиш лойиҳа-смета ҳужжатларини экспертизадан ўтказиш, қурилиш ва уй-жой коммунал хўжалиги соҳасида ҳудудий назорат инспекцияларидан рухсат олиш талаб этилмайди.

Мазкур ҳолатларда ваколатли орган томонидан келишилган лойиҳа-смета ҳужжатлари қурилиш ва реконструкция қилиш, енгил турдаги (конструкцияли) қурилмаларни қуриш, йиғиш ва ўрнатиш ишларини бошлаш учун асос ҳисобланади.

Лойиҳа-смета ҳужжатларини келишмасдан бино-иншоотларни қуриш ва реконструкция қилиш тақиқланади.

Уй-жойлар, ёрдамчи-хўжалик қурилмалари ва ҳовлидаги иншоотларнинг қурилиши шаҳарсозлик нормалари ва қоидаларига риоя этган ҳолда амалга оширилади.

Якка тартибдаги уй-жойларни қуриш учун мўлжалланган ер участкасида бир оила аъзолари учун мазкур уй-жойнинг ҳовлисига мустақил чиқишга эга икки ва ундан ортиқ якка тартибдаги турар жой биноси қуришга рухсат берилади.

6. Якка тартибдаги уй-жойларни қуриш лойиҳа-смета ҳужжатлари қуйидагилардан иборат бўлади:

ер усти (уй-жой қурилиши учун янги ажратилган ер участкалари учун — ер ости муҳандислик коммуникациялари акс эттирилган) ер участкаси тарҳи;

якка тартибдаги уй-жойнинг пойдеворлари, ертўлалари, қаватлари, уларнинг қирқимлари ва бинонинг олд томони тарҳлари;

молиявий смета ҳисоб-китоби (кредит олишга эҳтиёж бўлган тақдирда).

Бино ва иншоотларнинг лойиҳа-смета ҳужжатларининг архитектурага оид қисмида бино ва иншоотнинг жойлашиши акс эттирилган лойиҳа режаси, рангли фасадлари, қаватлар режалари, қирқимлари, қурилиш объектининг бош режаси бўлади.

7. Лойиҳа-смета ҳужжатлари:

ваколатли орган ҳузуридаги ҳудудий архитектура-шаҳарсозлик кенгашлари (кейинги ўринларда — Кенгашлар) томонидан икки қаватдан юқори (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлган ( ёрдамчи хўжалик иморатларини ҳисобга олмаган ҳолда) якка тартибдаги уй-жойлар ва 300 метр кубдан ортиқ бўлган нотурар бино ва иншоотлар бўйича ўн икки иш куни мобайнида;

ваколатли орган томонидан — икки қаватдан юқори бўлмаган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган ( ёрдамчи хўжалик иморатларини ҳисобга олмаган ҳолда) якка тартибдаги уй-жойлар ва 300 метр кубдан ортиқ бўлмаган нотурар бино ва иншоотлар бўйича етти иш куни мобайнида кўриб чиқилади ва келишилади.

8. Икки қаватдан юқори бўлган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлган (ёрдамчи хўжалик иморатларини ҳисобга олмаган ҳолда) якка тартибдаги уй-жойлар ва 300 метр кубдан ортиқ бўлган нотурар бино ва иншоотларни қуриш ҳамда реконструкция қилиш объектининг лойиҳа ҳужжатлари Вазирлар Маҳкамасининг 2021 йил 17 сентябрдаги 579-сон қарори билан тасдиқланган Объектларни қуриш, реконструкция қилиш, мукаммал ва жорий таъмирлаш бўйича шаҳарсозлик ва лойиҳа ҳужжатларининг лойиҳавий ечимларини шаҳарсозлик ҳужжатларига мувофиқлиги юзасидан экспертизадан ўтказиш тартибига мувофиқ мажбурий экспертизадан ўтказилади ҳамда объектда қурилиш-монтаж ишларини бошлаш учун Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида назорат қилиш инспекциясининг ҳудудий инспекцияларидан рухсатнома олинади.

9. Давлат хизматлари марказлари, Кенгашлар ва ваколатли орган ўртасида ЭРИдан фойдаланган ҳолда фақат электрон шаклда ахборот алмашинади.

10. Лойиҳа-смета ҳужжатларини келишиш ушбу Регламентга 1-иловада келтирилган схемага мувофиқ амалга оширилади.

2-боб. Давлат хизматлари кўрсатиш тартиби

11. Ариза берувчилар лойиҳа-смета ҳужжатларини келишиш учун Давлат хизматлари марказларига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) давлат хизматидан электрон шаклда фойдаланиш учун рўйхатдан ўтади.

Лойиҳа-смета ҳужжатларини келишиш учун аризалар ЯИДХП орқали дам олиш ва байрам кунларидан қатъий назар, ҳар куни 24 соат давомида юборилиши мумкин.

Бунда аризалар иш вақтидан кейин ёки дам олиш ва байрам кунлари тушганда навбатдаги иш куни аризаларнинг ваколатли органга тушган ва қабул қилинган кун ҳисобланади.

12. Ўзи келиб мурожаат этган тақдирда, Давлат хизматлари маркази ходими ариза берувчи номидан, ЯИДХП орқали мурожаат этган тақдирда эса — ариза берувчи мустақил равишда ушбу Регламентга 2-иловада келтирилган шакл бўйича давлат хизматидан фойдаланиш учун сўровномани электрон шаклда тўлдиради.

Сўровномага лойиҳа-смета ҳужжатларининг электрон кўринишдаги лойиҳанинг архитектура қисми (кейинги ўринларда — лойиҳанинг архитектура қисми), шунингдек, ҳарбий объектлар ва бошқа режимли ҳудудларнинг фойдаланувчиси бўлган ташкилотнинг хулосаси олинган бўлса, мазкур хулоса PDF ёки JPEG форматда илова қилинади.

Бунда ўзи келиб мурожаат этган тақдирда, лойиҳанинг архитектура қисми Давлат хизматлари марказига ариза берувчи томонидан электрон шаклда тақдим этилади.

Сўровномага сувни муҳофаза қилиш ҳудудлари чегараларига туташ ер участкаларида барпо этиладиган қурилиш объектларига сув объектларининг баланс сақловчи хулосалар илова қилинади.

Лойиҳанинг архитектура қисми қоғоз шаклида қабул қилинади, Давлат хизматлари марказида сканерлаш тақиқланади.

13. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва имзоларни идентификация қилишнинг тегишли воситалари (ЭРИ, дактилоскопия, электрон имзо, Мобил-ID ва бошқалар) билан тасдиқлайди.

14. Давлат хизмати кўрсатилганлиги учун:

хавф-хатар тоифалари бўйича I тоифа объектлар учун базавий ҳисоблаш миқдорининг 50 фоизи;

хавф-хатар тоифалари бўйича II тоифа объектлар учун базавий ҳисоблаш миқдорининг бир баравари;

хавф-хатар тоифалари бўйича III-IV тоифа объектлар учун базавий ҳисоблаш миқдорининг икки баравари миқдорида йиғим ундирилади.

Давлат хизматини кўрсатиш учун йиғим тўланганлиги электрон шаклда тасдиқланади.

14. Давлат хизматлари кўрсатиш учун базавий ҳисоблаш миқдорининг 50 фоизи миқдорида йиғим ундирилади.

Давлат хизмати кўрсатиш учун йиғим тўланганлигини тасдиқлаш электрон тарзда амалга оширилади.

15. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

қолган маблағлар тўлиқ миқдорда ваколатли органнинг банк ҳисобварағига ўтказилади;

б) ЯИДХП орқали мурожаат этилганда:

қолган маблағлар тўлиқ миқдорда ваколатли органнинг банк ҳисобварағига ўтказилади.

17. Ўзи келиб мурожаат этганда, Давлат хизматлари марказлари ходими объектнинг лойиҳа-смета ҳужжатларидаги бино ва иншоотнинг майдонига кўра сўровномани ва лойиҳа-смета ҳужжатларини реал вақт режимида мазкур Регламентнинг 7-банди билан белгиланган тартиб асосида электрон тизим орқали бир вақтда:

Кенгашнинг барча аъзоларига;

икки қаватдан юқори бўлмаган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган якка тартибдаги уй-жойлар ва 300 метр кубдан ортиқ бўлмаган нотурар бино ва иншоотлар бўйича фақат ваколатли органнинг ўзига юборади.

18. Кенгашнинг ҳар бир аъзоси сўровнома келиб тушган кундан бошлаб етти иш куни мобайнида «Шаффоф қурилиш» миллий ахборот тизимида лойиҳа-смета ҳужжатларининг архитектура қисмини келишади ёки салбий хулоса беради.

Бунда:

Кенгаш аъзолари ўз ваколати доирасида лойиҳа-смета ҳужжатларининг архитектура қисмига эътирозлар бўлмаган тақдирда, QR-код қўйилган ижобий хулосани хеч қандай шартлар ва изоҳларсиз юборади ёки аниқ нормани кўрсатиб, асослантирилган ҳолда келишишни рад этади (салбий хулоса беради).

Кенгашнинг барча аъзоларидан ижобий хулосалар электрон тизим орқали олингандан сўнг ваколатли орган томонидан беш иш куни ичида лойиҳа-смета ҳужжатларидаги бино ва иншоотнинг архитектура кўриниши ҳамда жойлашуви бўйича коллегиал равишда муҳокама ўтказилади. Бунда, кенгаш раиси зарур ҳолларда бошқа вазирликлар ва идоралар мутахассисларини жалб этиш ҳуқуқига эга.

Муҳокамада фақат бино ва иншоотнинг архитектура кўриниши бўйича эътирозлар билдирилиши мумкин.

Муҳокама натижалари ва Кенгаш аъзоларининг QR-код қўйилган ижобий ёки салбий хулосаларига мувофиқ ваколатли орган Кенгаш баёнини расмийлаштиради ва баённома ҳамда ушбу Регламентнинг 3-иловасидаги шаклдаги QR-код қўйилган хулоса (ижобий ёки салбий)ни электрон тизим орқали автоматик тарзда ариза берувчига юборади.

18 1 . Лойиҳа-смета ҳужжатларининг архитектура қисмини кўриб чиқиш ва келишиш ваколатли органнинг ўзига тааллуқли бўлганда, ваколатли орган сўровнома келиб тушган кундан бошлаб етти иш куни мобайнида «Шаффоф қурилиш» миллий ахборот тизимида лойиҳа-смета ҳужжатларининг архитектура қисмини келишади ёки салбий хулоса беради.

19. Қуйидагилар давлат хизматини кўрсатишни рад этиш учун асос ҳисобланади:

сўровномада нотўғри маълумотлар кўрсатилиши;

давлат хизмати кўрсатиш учун йиғимни тўламаслик;

тегишли лицензияга эга бўлмасдан лойиҳа-смета ҳужжатлари ишлаб чиқилганлиги;

бино ва иншоотнинг архитектура кўриниши ва жойлашуви бўйича Кенгашда ўтказилган муҳокамада асослантирилган эътироз билдирилганлиги;

лойиҳа-смета ҳужжатларидаги объект номи давлат тили қоида ва талабларига мос эмаслиги;

бино ва иншоот қисмларидаги яхлит ранглар ва шакллар (парапет, пилястр, дераза, эшик ва бошқалар) мазкур бино ва иншоотларнинг функционал вазифасига ёки умумий архитектура кўринишига мос келмаслиги;

лойиҳада бино ва иншоотлар ҳудудларидан ёғингарчилик сувларини тўлиқ олиб чиқиб кетиш мақсадида ёмғир сувларини оқизиш тармоқларининг (лоток) йирик (канал, коллектор, дренаж ва йирик ирригация тармоқлари) тармоқларга улаш назарда тутилмаганлиги;

сувни муҳофаза қилиш ҳудудлари чегараларига туташ ер участкаларида амалга ошириладиган қурилиш объектларига сув объектларининг балансда сақловчи ташкилотларидан тегишли хулосалар олинмаганлиги;

объект лойиҳасида назарда тутилган қурилиш ишлари ўзбошимчалик билан бошланганлиги;

лойиҳа ечимлари шаҳарсозлик ҳамда санитария норма ва қоидалари, шунингдек, ёнғин хавфсизлиги талабларига жавоб бермаганда;

ваколатли орган томонидан берилган рухсатномада ҳамда архитектура-режалаштириш топшириғида белгиланган шартлар ва талаблар бажарилмаганда;

ўзига тегишли ҳудуд чегарасидан чиқиб лойиҳалаштирилганда ҳамда мухандислик тармоқлари муҳофаза зоналари масофалари сақланмаганда;

савдо ва бизнес марказлари, кўнгилочар ва дам олиш масканлари, автомобилларга ёқилғи қуйиш шохобчалари, меҳмонхоналар, халқаро ва давлат аҳамиятидаги автомобиль йўллари бўйидаги инфратузилма объектларининг лойиҳаларида электромобилларни қувватлантириш станциялари қурилиши назарда тутилмаганлиги;

қонунчилик ҳужжатларида ваколат берилган алоҳида ҳудудларни ривожлантириш мақсадида ташкил этилган дирекция (ёки бошқа шаклдаги бошқарув ташкилотлар)нинг ижобий хулосаси олинмаганда;

ҳарбий объектлар ва бошқа режимли ҳудудларнинг фойдаланувчиси бўлган ташкилотнинг хулосасини олиш зарур бўлиб, ушбу хулоса олинмаган бўлса;

ушбу Регламентнинг 6-бандида келтирилган ҳужжатлар тўлиқ тақдим этилмаганлиги.

Давлат хизматларини кўрсатишни бошқа асослар бўйича рад этиш тақиқланади.

Кенгашлар ҳамда ваколатли орган томонидан рад этиш норматив-ҳуқуқий ҳужжатнинг ёки шаҳарсозлик нормалари ва қоидаларининг номи, унинг қисми, банди, кичик банди ёки хатбошисига асосланган бўлиши талаб этилади.

20. Лойиҳа-смета ҳужжатларини келишиш Кенгаш аъзолари ва ваколатли орган ЭРИси билан тасдиқлаш йўли билан амалга оширилади.

Бунда аризани кўриб чиқиш муддати давомида заруратга кўра кўчмас мулк объектининг кадастр ҳужжатларини текшириш талаб этилганда Кадастр агентлиги ахборот тизими орқали Қурилиш ва уй-жой коммунал хўжалиги вазирлигининг «Шаффоф қурилиш» миллий ахборот тизимига реал вақт режимида кўчмас мулк объектига оид қуйидаги зарур маълумотларни юборади:

кўчмас мулкнинг манзили, ер участкасининг майдони, рўйхатдан ўтган рақами ва санаси, ҳуқуқ тури, ер фонди тоифаси, ўзбошимча эгалланган ер майдони;

бино иншоотлар майдони, рўйхатдан ўтган рақами ва санаси, ҳуқуқ тури, ўзбошимча қурилмалар, ҳужжатсиз қурилмалар маълумотлари;

мулк эгаси ҳақидаги маълумотлар, кўчмас мулкка тақиқ ва чекловлар мавжудлиги.

21. Ариза берувчилар лойиҳа-смета ҳужжатларини келишиш рад этилгандан кейин ўн кун мобайнида давлат хизматини кўрсатиш учун йиғимни тўламасдан, лойиҳа-смета ҳужжатларини келишиш учун қайта мурожаат қилиш ҳуқуқига эга.

Кенгашлар аъзолари томонидан лойиҳа-смета ҳужжатларининг архитектура қисми бўйича ижобий хулоса берилган, бироқ лойиҳа-смета ҳужжатларидаги бино ва иншоотнинг архитектура кўриниши бўйича архитектура қисмини ўзгартиришларга олиб келмайдиган салбий хулоса берилган бўлиб, ундаги камчиликлар бартараф этилган ҳолда қайта берилаётган сўровнома ижобий хулоса берган Кенгаш аъзосига такроран юборилмайди.

Ариза берувчилар томонидан лойиҳа-смета ҳужжатларини келишишни рад этиш учун асос бўлган сабаблар бартараф этилиб, такроран келишиш учун сўровнома келиб тушган кундан кейин:

Кенгашлар томонидан беш иш кунида;

ваколатли орган томонидан икки иш кунида кўриб чиқилади.

Лойиҳа-смета ҳужжатларини такроран кўриб чиқишда аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари келтирилиши бундан мустасно.

Кенгаш аъзолари томонидан лойиҳа-смета ҳужжатлари такроран кўриб чиқилаётганда, улар ўзининг биринчи хулосасида қайд этмаган янги эътирозларни билдирган ҳолда келишишни иккинчи марта рад этганда, ариза берувчи мазкур янги эътирозларни қабул қилмасдан, учинчи марта келишиш учун ваколатли органга лойиҳа-смета ҳужжатларини киритиши мумкин.

Ваколатли орган ушбу кўринишда учинчи марта киритилган лойиҳа-смета ҳужжатларини икки иш кунидан ошмаган муддатда келишиб бериши шарт.

Ариза берувчилар томонидан лойиҳа-смета ҳужжатларини келишишни рад этиш учун асос бўлган сабаблар бартараф этилганда такроран келишиш:

Кенгашлар томонидан беш иш кунида;

ваколатли орган ҳамда туман (шаҳар) қурилиш бўлимлари томонидан икки иш кунида амалга оширилади.

22. Лойиҳа-смета ҳужжатлари келишилган куннинг ўзида QR-код қўйилган хулоса Давлат хизматлари марказига ёки ариза берувчига ЯИДХП орқали юборилади.

Давлат хизматлари маркази хулоса тушганидан сўнг реал вақт режимида уни ариза берувчининг электрон манзилига юборади ва бу ҳақида ариза берувчини электрон тарзда хабардор қилади.

3-боб. Якунловчи қоидалар

23. Давлат хизматлари марказлари ва ваколатли органлар ўз фаолиятини амалга ошириши натижасида олинган ариза берувчи ҳақидаги маълумотларнинг ошкор этилмаслигини таъминлаши керак.

24. Хулоса лойиҳа-смета ҳужжатлари келишилган куннинг ўзида «Шаффоф қурилиш» миллий ахборот тизимида автоматик равишда ҳисобга олиб борилади.

25. Адлия вазирлиги, унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолияти устидан, шу жумладан, ЯИДХП орқали, доимий назоратни ва мониторингни амалга оширади.

26. Ариза берувчи давлат органлари ва бошқа ташкилотлар ходимларининг ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

27. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Лойиҳа-смета ҳужжатларининг архитектура қисмини келишиш бўйича давлат хизматларини кўрсатишнинг маъмурий регламентига 1-ИЛОВА

Лойиҳа-смета ҳужжатларининг архитектура қисмини келишиш

Босқичлар Субъектлар Амалга ошириладиган тадбирлар Бажариш муддатлари 1-босқич Ариза берувчи 1. Лойиҳа-смета ҳужжатларининг архитектура қисмини келишиш учун Давлат хизматлари марказига ўзи келиб мурожаат қилади ёки ЯИДХП орқали мурожаат қилади. 1. Хоҳишига кўра 2. Давлат хизматларини кўрсатиш учун йиғим тўлайди. 2. Мурожаат қилинганда 2-босқич 1. Давлат хизматлари маркази 2. ЯИДХП Сўровномани (объектнинг лойиҳа-смета ҳужжатларининг архитектура қисмини): Кенгашнинг барча аъзоларига; икки қаватдан юқори бўлмаган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган (ёрдамчи хўжалик иморатларини ҳисобга олмаган ҳолда) якка тартибдаги уй-жойлар ва 300 метр кубдан ортиқ бўлмаган нотурар бино ва иншоотларни бўйича фақат ваколатли органнинг ўзига юборади. Автоматик равишда 3-босқич 1. Кенгаш аъзолари* 2. Ваколатли орган 1. Лойиҳа-смета ҳужжатларининг архитектура қисмини келишиб бериши зарур бўлган Кенгаш аъзоларига юборади. 2. Икки қаватдан юқори бўлмаган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган (ёрдамчи хўжалик иморатларини ҳисобга олмаган ҳолда) якка тартибдаги уй-жойлар ва 300 метр кубдан ортиқ бўлмаган нотурар бино ва иншоотларни бўйича QR-кодли хулосани расмийлаштиради ва Давлат хизматлари марказига ёки ариза берувчига ЯИДХП орқали электрон шаклда юборади. 7 иш куни мобайнида 4-босқич Ваколатли орган 1. Лойиҳа-смета ҳужжатларидаги бино ва иншоотнинг архитектура кўриниши ҳамда жойлашуви бўйича муҳокама ўтказилади. 2. Муҳокама натижалари ва Кенгаш аъзоларининг QR-код қўйилган ижобий ёки салбий хулосаларига мувофиқ Кенгаш баёнини расмийлаштиради ва баённома ҳамда ушбу Регламентга 3-иловадаги шаклдаги QR-код қўйилган хулоса (ижобий ёки салбий)ни электрон тизим орқали автоматик тарзда ариза берувчига юборади. Кенгаш барча аъзоларидан ижобий хулосалар олингандан сўнг 5 иш куни ичида 5-босқич Давлат хизматлари маркази Ариза берувчининг электрон манзилига хулосани жўнатиш, ариза берувчини бу ҳақида электрон тарзда хабардор қилиш ва хулосани бериш. Реал вақт режимида

Лойиҳа-смета ҳужжатларининг архитектура қисмини келишиш бўйича давлат хизматларини кўрсатишнинг маъмурий регламентига 2-ИЛОВА

__________________ __________________ (санаси) (рақами) Лойиҳа-смета ҳужжатларини архитектура қисмини келишиш бўйича давлат хизматларидан фойдаланиш учун СЎРОВНОМА I. Ариза берувчи — жисмоний шахс тўғрисида маълумот: 1. ЖШШИР 2. Ф.И.О. 3. Телефон рақами 4. Электрон почта манзили (мавжуд бўлса) II. Ариза берувчи — юридик шахс тўғрисида маълумот: 1. Тўлиқ номи 2. СТИР 3. Телефон рақами 4. Электрон почта манзили (мавжуд бўлса) III. Бино, иншоот ва лойиҳа ташкилоти тўғрисида маълумот: 1. Лойиҳа ташкилотининг СТИР рақами 2. Кўчмас мулкнинг кадастр рақами 3. Кўчмас мулкнинг манзили 4. Бино ва иншоотни лойиҳалаштирган ташкилотнинг номи а) Бино ва иншоотнинг ҳажми (нотурар бино ва иншоот учун) Кенгаш аъзоларига ва ҳудудий қурилиш ва уй-жой коммунал хўжалиги бош бошқармасига юбориш умумий майдони 500 квадрат метрдан ортиқ ҳудудий қурилиш ва уй-жой коммунал хўжалиги бош бошқармасига юбориш умумий майдони 500 квадрат метрдан кам б) Якка тартибдаги уй-жой ҳудудий қурилиш ва уй-жой коммунал хўжалиги бош бошқармасига юбориш барча якка тартибдаги уй-жойлар в) Тарихий зоналарда, шу жумладан, маданий ёдгорликларни қўриқлаш зоналарида қуриладиган объектлар ҳамда давлат объектлари Қорақалпоғистон Республикаси қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси ҳузуридаги ҳудудий архитектура-шаҳарсозлик кенгашларига юбориш IV. Сўровномага илова: 1. Лойиҳа-смета ҳужжатларининг архитектура қисми лойиҳаси 2. Ҳарбий объектлар ва бошқа режимли ҳудудларнинг фойдаланувчиси бўлган ташкилотнинг хулосаси*

Лойиҳа-смета ҳужжатларининг архитектура қисмини келишиш бўйича давлат хизматларини кўрсатишнинг маъмурий регламентига 3-ИЛОВА

(Ўзбекистон Республикаси Давлат герби тасвири) ЎЗБЕКИСТОН РЕСПУБЛИКАСИ ҚУРИЛИШ ВА УЙ-ЖОЙ КОММУНАЛ ХЎЖАЛИГИ ВАЗИРЛИГИ __________________ _________ ________________________ _____________ ____________ (Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси Ҳужжат тузилган сана:________ Ариза берувчининг номи ёки Ф.И.О.: __________ Лойиха-смета ҳужжатларининг архитектура қисмини келишилганлиги ҳақида ХУЛОСА 20___й. «____» _________-сон 1. Ариза рақами 2. Лойиҳа ташкилотининг номи 3. Объект эгасининг номи 4. Объект манзили 5. Объект номи 6. Архитектура-режалаштириш топшириғининг реквизитлари Лойиҳани кўриб чиқиш буйича хулоса: келишилди , келишилмади. (танланади) Иловалар: 1) Кенгаш аъзоларининг хулосалари; 2) Кенгаш баёни. Лойиҳанинг архитектура қисми Изох. 1. Бунда икки қаватдан юқори бўлмаган (цоколни хисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган (ёрдамчи хўжалик иморатларини ҳисобга олмаган ҳолда) бино ва иншоотлар ҳамда якка тартибдаги уй-жойлар лойиҳалари фақат Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси билан келишилади. 2. Турар жой мажмуаларини қуришда объект номи давлат тилида ва миллий қадриятларга мос бўлиши керак. Ҳужжатни имзолаган шахс: ________________________________ (Ф.И.О) Ҳужжатнинг ҳақиқийлигини тасдиқловчи QR-код

Вазирлар Маҳкамасининг 2022 йил 20 апрелдаги 200-сон қарорига 4 1 -ИЛОВА

Қурилиш соҳасида махсус техник шартларни ишлаб чиқиш, келишиш ва тасдиқлаш тўғрисида

1-боб. Умумий қоидалар

1. Ушбу Низом амалдаги норматив техник ҳужжатлар билан тартибга солинмайдиган объектларни лойиҳалаш учун махсус техник шартларни ишлаб чиқиш, келишиш ва тасдиқлаш тартибини белгилайди.

2. Ушбу Низомда қуйидаги асосий тушунчалар қўлланилади:

буюртмачи — лойиҳа буюртмачиси бўлган давлат органлари, бюджет ташкилотлари ҳамда юридик ва жисмоний шахслар;

ваколатли орган — Фанлар академияси;

зилзила — ер қобиғининг ёки ер устки қатламининг тўсатдан рўй берган силжиши, емирилиши ёки ўпирилиши оқибатида вужудга келган, узоқ масофаларга тарқаладиган тўлқинсимон тебранишлар тарзидаги ер ости силкинишлари ва тебранишлари;

зилзила акселерограммаси — зилзила натижасида ер юзасининг маълум нуқтасида юзага келадиган абсолют тебраниш тезлашишининг вақт бирлигида ўзгариши;

зилзилабардошлик — аҳоли ҳаёти ҳамда мол-мулкининг хавфсизлигини таъминлайдиган, бинолар ва иншоотларнинг зилзила таъсирига бўлган мустаҳкамлик кўрсаткичлари;

илмий хулоса — объект учун ишлаб чиқилган МТШнинг зилзилабардошлик қисмига ваколатли орган томонидан берилган тавсия ва талаблар;

махсус техник шартлар (кейинги ўринларда — МТШ) — шаҳарсозлик нормалари ва қоидаларида келтирилган талабларни тўлдирувчи ёки уларга компенсация чораларини таъминловчи Қурилиш ва уй-жой коммунал хўжалиги вазирлиги техник кенгаши қарори билан қабул қилинадиган техник-ҳужжат;

мураккаб конструкцияли бино ва иншоотлар — конструктив ечимлари шаҳарсозлик нормалари ва қоидалари билан тартибга солинмаган бино ва иншоотлар;

сейсмик жадаллик — қабул қилинган шкала бўйича тавсифланган ер юзасининг зилзила натижасида тебраниш жадаллиги баллда ифодаланиши;

сейсмик фаол зона — сейсмик жиҳатдан ҳудудлаштириш харитасида белгиланган, кучли зилзилалар юз бериш эҳтимоли доимо юқори бўлган ҳудуд;

сейсмик хавф — муайян ҳудудда муайян вақт оралиғида аҳолининг ҳаётига таҳдид солувчи ҳамда бинолар ва иншоотларга зарар етказувчи зилзилалар юз бериш эҳтимоли;

сейсмик хавфсизлик — сейсмик хавфсизликни таъминлаш соҳасидаги давлат органлари ва ташкилотлари томонидан аҳоли ҳаётини ва инфратузилма объектларини зилзилалар натижасида келиб чиқадиган хавфлардан ҳимояланганлик ҳолати;

шаҳарсозлик — аҳоли пунктларини ва ҳудудларни режалаштириш ҳамда қуришнинг ечимлар йиғиндиси.

3. Қурилиш ва уй-жой коммунал хўжалиги вазирлиги ҳузуридаги «Техник меъёрлаш ва стандартлаштириш илмий-тадқиқот институти» давлат муассасаси (кейинги ўринларда — Институт) МТШни ишлаб чиқиш, келишиш ва тасдиқлаш бўйича Ишчи орган ҳисобланади.

4. МТШни ўзаро келишув асосида қабул қилиш, экспертизадан ўтказиш, бекор қилиш ҳамда уларга ўзгартириш ва қўшимчалар киритишда давлат органлари ва ташкилотларнинг Институт фаолиятига ҳар қандай шаклда аралашиши тақиқланади.

Институт МТШга хулоса ва тақриз олиш учун тегишлилиги бўйича вазирлик ҳамда идораларга юборади.

5. МТШни кўриб чиқиш, унга тақриз ва хулосалар бериш ушбу Низомга иловадаги схемага мувофиқ амалга оширилади.

2-боб. МТШнинг тузилиши ва уларга қўйиладиган талаблар

6. МТШ объектнинг юридик манзили, номи ва соҳадаги йўналишни (мазмунини) акс эттирувчи номга эга бўлиши лозим.

7. МТШда унинг бошқа бандларига ҳамда шаҳарсозлик нормалари ва қоидаларига ҳавола қилишга йўл қўйилади.

8. МТШ матни лўнда, оддий ва равон тилда баён этилиши керак. Бунда ҳужжатнинг ҳар бир банди тўлиқ ва тугалланган маъно ҳамда мазмунга эга бўлиши лозим.

МТШда тушунчалар ва атамаларни турлича изоҳлаш имконияти мавжуд бўлса, уларнинг қонунчилик ҳужжатларида қабул қилинган маъносига мувофиқ ягона шаклда қўлланилади.

9. МТШда қуйидагиларнинг қўлланилишига йўл қўйилмайди:

оғзаки нутқ шакллари;

давлат тилида тенг маъноли сўзлар ва тушунчалар бўлган тақдирда, хорижий тиллардаги атамалар;

эскирган ҳамда кўп маънони англатадиган сўзлар ва иборалар, мажозий таққослашлар, сифатлашлар, киноялар.

10. МТШнинг матни умумэътироф этилган грамматик, орфографик ва пунктуация қоидалари асосида тузилади.

11. МТШда қўлланиладиган атамаларнинг таърифи ушбу МТШда келтирилади.

12. МТШда умумий қабул қилинган қисқартмалар қўлланилиши ва бошқа қисқартмаларга тушунчалар берилиши мумкин.

13. МТШнинг матни қуйидаги тузилиш элементларига бўлиниши мумкин: бўлимлар, боблар, параграфлар, бандлар, кичик бандлар. Бўлимлар бобларга, боблар эса параграфларга, параграфлар бандларга, бандлар кичик бандларга бўлиниши мумкин.

Ҳар бир банд ёки кичик банд МТШнинг алоҳида қоидаларини ўз ичига олиши ҳамда тўлиқ ва тамомланган матнга эга бўлиши керак.

14. Бўлимлар рим рақамлари билан боблар, параграфлар, бандлар ва кичик бандлар эса араб рақамлари билан рақамланади.

Бўлимлар, боблар МТШнинг бутун матнида кетма-кет рақамланган бўлиши керак. Кичик банд рақамига нуқта билан ажратилган банд киради.

15. МТШнинг бўлимлари ва боблари сарлавҳаларга эга бўлиши, сарлавҳалар тегишли боб, параграф ва бандларнинг мазмунини аниқ ва қисқа акс эттириши керак.

16. МТШни расмийлаштиришда лойиҳанинг матни А4 форматидаги қоғоз варағининг бир томонида унинг матнини камайтирмасдан жойлаштирилиши керак. Саҳифанинг тартиб рақами саҳифанинг пастки ўрта қисмида жойлаштирилиши керак, 1 рақамидан бошлаб рақамланади.

МТШ, қоида тариқасида, Microsoft Word редакторидан ва қуйидаги параметрлардан фойдаланган ҳолда тайёрланади:

«Times New Roman» 12 ўлчамли шрифт;

саҳифанинг чап ҳошияси 3 см, ўнг ҳошияси 1,5 см, паст ва юқори ҳошиялари 2 см;

биринчи қаторнинг сатр бошиси 1,25 см;

қаторлар орасидаги интервал 1,15 белгига тенг бўлиши лозим.

17. МТШ матнини тайёрлашда грек ёки бошқа алифболарнинг ҳарфларини, формулаларни, алоҳида шартли белгилар Microsoft Word нинг «Тенгламалар» редакторидан фойдаланган ҳолда белгиланиши керак. Бунда ёзилган матннинг ўлчами, қолган матн ўлчамларига яқинлаштирилган бўлиши керак.

18. МТШ давлат тилида тайёрланади ва тасдиқланади. МТШ фақат Институт томонидан шартнома асосида бошқа тилларга таржима қилиниши мумкин.

19. МТШ матн тилидан қатъи назар, ҳужжат номида қуйидаги қисқартиришлари билан белгиланади:

МТШ;

иқтисодий фаолият турларининг умумдавлат таснифлагичи бўйича ташкилот ИФУТ коди;

нуқтадан кейин ташкилот СТИРи;

чизиқчадан кейин МТШнинг тартиб рақами;

икки нуқта билан ажратилган тасдиқланган йили.

20. МТШ Институт томонидан руйхатга олинади.

21. МТШ бўлимларининг сарлавҳаси, таркиби ва тузилиши татбиқ этилаётган объектнинг хусусиятлари ва унга қўйиладиган талабларни инобатга олган ҳолда белгиланади.

22. МТШ таркиби қуйдагилардан иборат бўлиши керак:

МТШ татбиқ қилиниши;

норматив ҳужжатларга ҳаволалар;

умумий техник талаблар;

иловалар, бунда дастлабки рухсат берувчи ҳужжатлар (идоралараро электрон ҳамкорлик йўли билан олинади), МТШни ишлаб чиқиш учун техник торшириқ киритилади.

23. МТШга ҳуқуқий нормалар киритилиши тақиқланади.

3-боб. МТШни ишлаб чиқиш тартиби

24. МТШ тегишли йўналиш бўйича ваколатга эга бўлган илмий-тадқиқот ташкилотлари ва IV тоифа объектларни лойиҳалаштириш ҳуқуқига эга бўлган лойиҳа ташкилотлари томонидан ишлаб чиқилади.

25. МТШ буюртмачиларнинг таклифи асосида қуйидагилар инобатга олинган ҳолда ишлаб чиқилади:

шаҳарсозлик фаолияти соҳасидаги халқаро ва хорижий норматив-техник ҳужжатларни мослаштириш;

илмий-тадқиқотларнинг (тажриба-синов) ва ўлчашнинг натижалари;

илм-фан ва техника ютуқлари;

маҳсулотнинг янги турларини, жараёнларни ва хизматларни қўллаш орқали орттирилган амалий тажриба.

Ушбу талаблар зарур ҳолларда асослантирилган ҳолда тақдим этилади.

26. МТШни ишлаб чиқиш ва тасдиқлаш тартиби қуйидаги босқичлардан иборат:

МТШни ишлаб чиқиш учун буюртмачи томонидан техник топшириқ ишлаб чиқилиб, ишлаб чиқувчига тақдим этилади;

МТШ ишлаб чиқувчи ва манфаатдор тарафларнинг вакиллари билан биргаликда ишлаб чиқилади;

МТШда белгиланадиган талаблар манфаатдор тарафлар томонидан ўзаро келишилади;

МТШ буюртмачи томонидан тасдиқланади;

МТШда уни ишлаб чиққан илмий ҳодимлар, мутахассислар, ташкилот(лар) раҳбарлари кўрсатилади ва улар томонидан имзоланади.

27. Буюртмачи тасдиқлаган МТШни кўриб чиқиш ҳамда хулосалар олиш учун «Шаффоф қурилиш» миллий ахборот тизими (кейинги ўринларда — «Шаффоф қурилиш» МАТ) орқали аризага илова қилган ҳолда электрон нусхада Институтга юборади.

4-боб. МТШни Институт томонидан кўриб чиқиш тартиби

28. Институт бир иш кунида тақриз олиниши учун IV тоифа объектларни лойиҳалаштириш ҳуқуқига эга бўлган камида учта лойиҳа ташкилотига ҳамда илмий хулоса олиш учун ваколатли органга «Шаффоф қурилиш» МАТ орқали йўналтиради.

29. Тақриз олиш учун юборилган лойиҳа ташкилоти томонидан МТШлар ўн беш иш куни давомида кўриб чиқилиб, тақриз берилади.

Бунда ишлаб чиқувчи МТШ бўйича келиб тушган таклифлар ва эътирозлар умумлаштириб кўриб чиқади, заруратга кўра МТШга тегишли ўзгартиришлар киритади ҳамда камчиликларни бартараф этади.

30. Ваколатли орган бир ойгача, иш ҳажми кўпайган ҳолларда эса икки ойгача бўлган муддатда тадқиқот натижалари асосида хулоса қабул қилиб, «Шаффоф қурилиш» МАТга юклайди.

31. МТШга тақризлар ва илмий хулоса улар олинган кундан бошлаб Институт томонидан беш иш кунидан ортиқ бўлмаган муддатда кўриб чиқилади ва Техник кенгашда кўриб чиқилиши учун тақдим этилади.

32. МТШни кўриб чиқиш учун тегишли соҳа мутахассислари Институт томонидан шартнома асосида жалб қилиниши мумкин.

33. МТШга салбий тақриз ва (ёки) илмий хулоса тақдим этилганда қайта кўриб чиқиш учун буюртмачига қайтарилади.

34. МТШ қайта тақдим этилганда, ушбу Низомнинг умумий талаблари асосида кўриб чиқилади.

35. МТШни кўриб чиқиш учун Институт ва буюртмачи ўртасида шартнома тузилади.

Шартнома қиймати Вазирлар Маҳкамасининг 2021 йил 17 сентябрдаги 579-сон қарори билан тасдиқланган Объектларни қуриш, реконструкция қилиш, мукаммал ва жорий таъмирлаш бўйича шаҳарсозлик ва лойиҳа ҳужжатларининг лойиҳавий ечимларини шаҳарсозлик ҳужжатларига мувофиқлиги юзасидан экспертизадан ўтказиш тартиби тўғрисидаги низомга 6-илованинг 5-бандида белгиланган ўлчов бирлигидан шаклланган қийматнинг 50 фоизи миқдорида белгиланади.

Бунда келиб тушган тўлов қуйидаги тартибда тақсимланади:

5 фоизи — МТШни кўриб чиққанлик учун Институт ҳисобварағига;

95 фоизи — илмий хулоса берганлик учун ваколатли орган ҳисобварағига ўтказилади.

5-боб. Илмий хулоса бериш тартиби

1-§. Илмий хулосадаги умумий талаблар

36. Сейсмик фаол зоналарда қурилиши режалаштирилаётган мураккаб конструкцияли объектларнинг МТШларига илмий хулоса беришда қуйидагилар (ёки улардан бири) назарда тутилади:

бино ва иншоотлар қурилиши режалаштирилаётган ҳудудларни сейсмик хавфни, сейсмотектоник ва муҳандис-геологик шароитларни ҳисобга олган ҳолда халқаро стандартлар даражасида баҳолаш;

бино ва иншоотларга кучли зилзилаларнинг сейсмик таъсирини «грунт-иншоот» тизимининг тебраниш параметрлари бўйича аниқлаш ва уни муҳандислик кўрсаткичларида баҳолаш;

бино ва иншоотларни эксплуатация қилиш даврида ҳудуд грунти шароитининг ўзгаришига мувофиқ унинг салбий оқибатларини прогноз қилиш ва тавсиялар ишлаб чиқиш;

бино ва иншоотларнинг зилзилабардошлигини ошириш учун қурилиш майдонининг сейсмик хавфини ва сейсмик таъсирини ҳудуд учун олинган реал ёки синтезланган акселерограммалардан фойдаланиш бўйича тавсияларни ишлаб чиқиш;

татбиқ этилган замонавий сейсмик ҳимоя усуллари бўйича тавсиялар бериш;

хорижий қурилиш нормалари ва қоидалари талаблари бўйича компенсацияловчи чоралар тўғри қўлланилганлигини назарий ҳамда экспериментал усуллар ёрдамида текшириш.

37. Ваколатли орган, зарурат бўлганда, буюртмачи билан илмий хулоса бериш учун объектларни зилзилабардошлик бўйича назарий ва амалий тажриба синовидан ўтказиш ишлари ташкил этилади.

38. Илмий хулоса нусхаси ваколатли органда ва буюртмачида доимий сақланади.

2-§. Сейсмик фаол зоналарда қурилиши режалаштирилаётган мураккаб конструкцияли бино ва иншоотларга хулосани расмийлаштириш тартиби

39. Илмий хулоса қуйидаги қисмлардан иборат бўлади:

кириш;

объект ҳақида умумий маълумотлар;

асосий қисм;

хулосалар ва тавсиялар;

иловалар.

40. Илмий хулосанинг кириш қисмида тадқиқот мақсадлари, ўтказиш асослари (топшириқ ёки ариза), ижрочиси, таҳлил (тадқиқот)ни ўтказган илмий ходимлар ва мутахассислар ҳамда буюртмачи ташкилот ҳақида маълумотлар, шунингдек, қўлланиладиган қисқартма сўзлар кўрсатилади.

41. Илмий хулосанинг объект ҳақидаги умумий маълумотлар қисмида тадқиқот объектининг рўйхати, ўтказиш жараёнида кўриб чиқилган ҳужжатлар ҳақида маълумотлар ҳамда тадқиқот объекти тўғрисида маълумотлар келтирилади.

42. Илмий хулосанинг асосий қисмида қурилиши режалаштирилаётган майдонларда ўтказилган дала тадқиқотлари ва улар асосида қурилиш майдонининг баҳоланган сейсмиклик даражаси ва параметрлари, объектга ишлаб чиқилган МТШда норматив техник ҳужжатларга номутаносиб бўлган қисмлар учун компенсацияловчи чораларни текшириш учун ўтказилган синов ёки ҳисоблаш методикаси, экспериментал тадқиқотлар натижасида аниқланган динамик ва мустаҳкамлик кўрсаткичлари, улар асосида объект зилзилабардошлигини ҳисоблаш натижалари келтирилади.

43. Илмий хулосанинг тавсиялар ва хулосалар қисмида тадқиқот ўтказилган объектнинг сейсмиклик даражаси ва муҳандислик кўрсаткичлари (реал ёки синтезланган акселерограммалари, тезланиш спектрлари, жавоб спектрлари) ҳамда норматив техник ҳужжатларга номутаносиб бўлган қисмлар учун компенсацияловчи чоралар объектнинг зилзилабардошлик талабларига мувофиқлиги тўғрисида хулосалар ёки зилзилабардошлигини ошириш бўйича кўрсатмалар келтирилади.

44. Якуний синов ва ҳисоб натижалари бино ва иншоотлар, уларнинг конструкцияларининг мустаҳкамлигини таъминлашга қаратилган ҳамда зилзилабардошлигини ошириш бўйича амалий тавсияларни ўз ичига олади.

6-боб. МТШни Техник кенгаш томонидан кўриб чиқиш ва келишиш тартиби

45. Техник кенгаш Қурилиш ва уй-жой коммунал хўжалиги вазирлиги, етакчи илмий-тадқиқот институтлари ва лойиҳа ташкилотлари (заруратга кўра жалб қилинган экспертлардан) вакилларидан иборат коллегиал орган ҳисобланади. Техник кенгаш таркиби қурилиш ва уй-жой коммунал хўжалиги вазири буйруғи билан тасдиқланади.

46. Қурилиш ва уй-жой коммунал хўжалиги вазири Техник кенгаш раиси ҳисобланади.

Техник кенгаш раиси бўлмаганда, унинг вазифаси вазир ўринбосари зиммасига юкланади.

47. Техник кенгаш фаолияти Институт томонидан ташкил этилади.

48. Техник кенгаш томонидан МТШни келишиш ва тасдиқлаш «Шаффоф қурилиш» МАТ орқали амалга оширилади.

Бунда МТШни кўриб чиқиш баённомаси Техник кенгаш аъзолари томонидан ЭРИ билан тасдиқланганда, МТШ келишилган ҳисобланади.

49. МТШ барча алоқадор Техник кенгаш аъзолари билан келишилиши шарт.

7-боб. МТШни тасдиқлаш ва рўйхатдан ўтказиш тартиби

50. МТШ Техник кенгашда кўриб чиқилиши ва рўйхатга олиш учун ишлаб чиқувчи томонидан электрон нусхада топширилади.

Бунда Институт Техник кенгашга тақдим этиш учун «Шаффоф қурилиш» МАТдан бирламчи рухсат берувчи барча ҳужжатларни (архитектура режалаштириш топшириғи, лойиҳа-смета ҳужжатларини келишиш бўйича Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси ҳузуридаги Ҳудудий архитектура-шаҳарсозлик кенгашининг хулосаси, кадастр рақами) ҳамда муҳандислик қидирувлари натижаларини юклаб олади.

51. Институт Техник кенгаш билан келишилган МТШни рўйхатга олади. Бунда МТШ биринчи саҳифасида рўйхатга олинган сана ва рақам кўрсатилади ҳамда «Шаффоф қурилиш» МАТ орқали МТШнинг ҳар бир саҳифалари рўйхатга олиш маълумотларини ўз ичига олган QR-код (матрицали штрихли код) билан тасдиқланади.

8-боб. Якунловчи қоидалар

52. Тасдиқланган МТШга ўзгартиш ва қўшимчалар киритиш ҳамда бекор қилиш Техник кенгаш томонидан амалга оширилади.

53. Ушбу Низом талабларининг бузилишида айбдор бўлган шахслар қонунчилик ҳужжатларига мувофиқ жавоб берадилар.

Қурилиш соҳасида махсус техник шартларни ишлаб чиқиш, келишиш ва тасдиқлаш тўғрисидаги низомга ИЛОВА

Махсус техник шартларни ишлаб чиқиш, келишиш ва тасдиқлаш

Босқичлар Масъуллар Амалга ошириш механизми Муддатлар 1-босқич Буюртмачи «Шаффоф қурилиш» МАТ орқали МТШни аризага илова қилган ҳолда электрон нусхада юборади. Махсус техник шартларни тайёрлангандан кейин 2-босқич Институт Махсус техник шартларнинг тўлиқлигини текшириб чиқиб, ҳужжатлар тўлиқ бўлган тақдирда: 1. Тақриз олиниши учун IV тоифа объектларни лойиҳалаштириш ҳуқуқига эга бўлган камида учта лойиҳа ташкилотига ҳамда илмий хулоса олиш учун ваколатли органга йўналтиради. Махсус техник шартлар тушган кундан бошлаб бир иш кунида 2. Текшириб чиқиш натижасида махсус техник шартлар тўлиқ бўлмаган ёки илова қилинган ҳужжатлар белгиланган талабларга номувофиқ бўлган тақдирда, асосли изоҳ билан ишлаб чиқувчига қайтаради. Ўн иш кунида 3-босқич Буюртмачи МТШларни техник кенгашда кўриб чиқиш, келишиш, илмий хулоса олиш ва тасдиқлашни ташкил этиш учун шартнома бўйича ҳисобланган тўловни ўтказади. Уч иш куни муддатда 4-босқич Ваколатли орган МТШни кўриб чиқиб илмий хулосани Институтга ҳамда буюртмачига юборади ҳамда «Шаффоф қурилиш» МАТга киритади. Икки ой давомида 5-босқич Лойиҳа ташкилотлари Объектни лойиҳалаштириш учун ишлаб чиқилган МТШ бўйича тақризни «Шаффоф қурилиш» МАТга юклайди. Ўн иш кунида 6-босқич Институт МТШ ни Техник кенгашда кўриб чиқиб «Шаффоф қурилиш» МАТга киритади. Бир иш куни давомида 7-босқич Техник кенгаш Техник кенгаш аъзолари МТШни кўриб чиқиб, баённомани «Шаффоф қурилиш» МАТ орқали ЭРИ билан тасдиқлайди. Бунда МТШ келишилади ёки асослантирилган ҳолда рад этилади. Ўн иш кунида

Вазирлар Маҳкамасининг 2022 йил 20 апрелдаги 200-сон қарорига 5-ИЛОВА

Қурилиш-монтаж ишларини бошлаш учун объектга рухсатнома бериш бўйича давлат хизматлари кўрсатишнинг

1-боб. Умумий қоидалар

1. Ушбу Регламент юридик ва жисмоний шахслар (кейинги ўринларда — ариза берувчилар) томонидан қурилиш-монтаж ишларини бошлаш учун рўйхатдан ўтказиш (кейинги ўринларда — рўйхатдан ўтказиш) тартибини белгилайди.

2. Ушбу Регламентнинг амал қилиши, молиялаштириш манбаларидан қатъи назар хавф-хатар тоифасидан келиб чиққан ҳолда, қурилиш объектларида жумладан, икки қаватдан юқори (цоколни ҳисобга олмаган ҳолда), баландлиги ер юзасидан 12 метрдан баланд ва (ёки) умумий майдони 500 квадрат метрдан ортиқ бўлган (ёрдамчи хўжалик иморатларини ҳисобга олмаган ҳолда) якка тартибдаги уй-жойлар ҳамда 300 метр кубдан ортиқ бўлган нотурар бино ва иншоотларни қуриш ва реконструкция қилишга қўлланилади.

3. Ушбу Регламент талаблари:

икки қаватдан юқори бўлмаган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган (ёрдамчи хўжалик иморатларини ҳисобга олмаган ҳолда) якка тартибдаги уй-жойлар ва 300 метр кубдан ортиқ бўлмаган нотурар бино ва иншоотларни қуриш ҳамда реконструкция қилиш;

жорий таъмирлаш объектлари;

мукаммал таъмирлаш объектлари (давлат бюджети маблағларидан молиялаштириладиган объектлар бундан мустасно);

турар жой тоифасидан нотурар жой тоифасига реконструкциясиз ўтказилаётган хоналар;

мавсумий ишлар ва яйлов чорвачилиги учун вақтинчалик иншоотлар ва маиший хоналар;

ишлаётган муҳандислик-коммуникация тармоқларини ўзгартиришни талаб этмайдиган кичик ўлчамдаги (300 квадрат метрдан кам бўлган) алоҳида қурилаётган объектлар;

кон кавлаш ишлари;

йўл иншоотлари (умумий фойдаланишдаги темир йўллар);

мураккаблик тоифалари таснифига кўра I тоифа — хавфлилик омили паст объектлар;

технологик ресурслари ишлатиб бўлинган ва объектнинг ихтисослашишини ўзгартириш талаб этилмайдиган технологик ҳамда муҳандислик ускуналарини таъмирлаш ва алмаштириш объектларига нисбатан татбиқ этилмайди.

4. Ўзбекистон Республикасининг давлат сирлари билан боғлиқ бўлган объектларнинг қурилиш-монтаж ишларини Қурилиш ва уй-жой коммунал хўжалиги соҳасида ҳудудий назорат инспекциялари (кейинги ўринларда — ҳудудий инспекция) тўғридан-тўғри рухсатнома беради. Бунда шаҳарсозлик ҳужжатларининг экспертизадан ўтказилганлиги тўғрисидаги ижобий хулоса ҳудудий инспекцияларга тақдим этилади.

5. Қурилиш-монтаж ишларини бошлаш учун рухсатнома олмасдан қурилиш ишларини амалга ошириш тақиқланади.

Қурилиш-монтаж ишларини бошлаш учун рухсатнома олмасдан қурилиш ишларини амалга оширганлик учун қонунчилик ҳужжатларига асосан жавобгар бўлади.

Қонунчилик ҳужжатларида назарда тутилган қурилиш соҳасидаги рухсат бериш тартиб-таомилларига риоя қилинмаган ҳолда қурилиш ишлари бошланганда қурилиш-монтаж ишларини тўхтатиб қўйиш ёки буздириш ишларини амалга ошириш тўғрисидаги даъво билан судга мурожаат қилиш учун асос бўлади.

Лойиҳа ҳужжатларини экспертизадан ўтказмасдан мавжуд бино ва иншоотларнинг, шу жумладан, якка тартибдаги уй-жойларнинг қаватлари сонини кўпайтириш ҳамда ўзгартирилган лойиҳа ҳужжатларини экспертизадан ўтказмасдан қурилаётган бино ва иншоотларнинг қаватлари сонини (лойиҳа ҳужжатларини ўзгартириш йўли билан) кўпайтиришга йўл қўйилмайди.

Лойиҳа ҳужжатлари бўйича ижобий экспертиза хулосаси эксперт ташкилоти томонидан «Шаффоф қурилиш» миллий ахборот тизимидаги «Эксперт хулосаларининг ягона реестри»га киритилган тақдирда, ҳақиқий деб тан олинади. Давлат сирини ташкил этувчи маълумотларни ўз ичига олган лойиҳа ҳужжатлари ҳамда объектларни бир вақтнинг ўзида лойиҳалаштирган ҳолда қуриш (параллел равишда) тартибидаги лойиҳа ҳужжатлари бўйича эксперт хулосалари бундан мустасно.

Бунда, объектларни бир вақтнинг ўзида лойиҳалаштирган ҳолда қуриш (параллел равишда) тартибидаги лойиҳа ҳужжатлари бўйича берилган якуний йиғма экспертиза хулосаси «Эксперт хулосаларининг ягона реестри»га киритилади.

6. Давлат хизматлари марказлари ва ҳудудий инспекциялар ўртасида ахборот алмашиш ЭРИдан фойдаланган ҳолда фақат электрон тарзда амалга оширилади.

7. Қурилиш-монтаж ишларини бошлаш учун рухсатнома ушбу Регламентга 1-иловада келтирилган схема бўйича амалга оширилади.

2-боб. Давлат хизматини кўрсатиш тартиби

8. Ариза берувчилар рухсатнома олиш учун Давлат хизматлари марказларига ўзи келиб мурожаат этади ёки ЯИДХП давлат хизматидан электрон шаклда фойдаланиш учун рўйхатдан ўтади.

Ариза берувчилар ўзи келиб мурожаат этган тақдирда, Давлат хизматлари маркази ходими уларни инспекция томонидан назорат функцияларини амалга ошириш учун оммавий оферта (кейинги ўринларда — оферта) билан таништиради.

Ариза берувчилар офертани қабул қилганидан сўнг Давлат хизматлари маркази ходими ариза юборувчи номидан ушбу Регламентга 2-иловага мувофиқ шакл бўйича сўровномани электрон шаклда тўлдиради;

Бунда аризалар иш вақтидан кейин ёки дам олиш ва байрам кунлари тушганда навбатдаги иш куни аризаларнинг ҳудудий инспекцияга тушган ва қабул қилинган кун ҳисобланади.

9. Ўзи келиб мурожаат этган тақдирда, Давлат хизматлари маркази ходими ариза берувчи номидан, ЯИДХП орқали мурожаат этган тақдирда эса — ариза берувчи мустақил равишда оферта билан танишадилар ва уни қабул қиладилар ҳамда ушбу Регламентга 2-иловада келтирилган шакл бўйича давлат хизматидан фойдаланиш учун сўровномани электрон шаклда тўлдиради.

Сўровномага (якка тартибдаги уй-жойлар бундан мустасно) қуйидагилар илова қилинади:

қурилиш-монтаж ишлари сифатини назорат қилишга пудрат ташкилотининг қурилиш лабораторияси мавжудлигини тасдиқловчи ёки шартнома асосида лаборатория жалб этилганлиги тўғрисидаги ҳужжат;

буюртмачининг техник назорати, лойиҳа ташкилотининг муаллифлик назорати ва пудрат ташкилотининг ички назорати тайинланганлиги тўғрисидаги буйруқ (буйруқ тўғрисидаги маълумотлар «Ягона миллий меҳнат тизими» идоралараро дастурий-аппарат комплекси орқали реал вақт режимида текширилади) ёки шартнома нусхалари;

буюртмачининг техник назорати, лойиҳа ташкилотининг муаллифлик назорати ва пудрат ташкилотининг ички назорат мутахассисларининг сертификатлари (бунда сертификат Қурилиш ва уй-жой коммунал хўжалиги вазирлигининг «Шаффоф қурилиш» миллий ахборот тизими орқали реал вақт режимида текширилади, маълумотлар мавжуд бўлмаган тақдирда ҳужжатлар илова қилинади);

қурилишни ташкил этиш ва ишларни бажаришнинг тасдиқланган лойиҳалари;

янги қуриладиган ва реконструкция қилинадиган барча (шу жумладан, давлат ва хусусий) таълим муассасалари, соғлиқни сақлаш, маданият ва туризм, умумий овқатланиш, хизмат кўрсатиш объектлари, спорт комплекслари, локал иситиш иссиқлик тизимига уланадиган кўп хонадонли уй-жойлар, шу жумладан, «Янги Ўзбекистон» массивлари, шунингдек, умумий майдони 1 минг квадрат метрдан катта бўлган барча савдо-кўнгилочар марказларининг бино-иншоотларида лойиҳада энергия тежовчи ва қайта тикланувчи энергия манбаларини жорий этиш ишлари амалга оширилганлигини тасдиқловчи ҳужжатлар;

муҳандислик-коммуникация тармоқлари ва транспорт инфратузилмасини яратиш харажатлари бўйича шартнома талаб этилади (ушбу шартнома ўрнатилган ҳудудлар бўйича). Бунда, шартнома «Шаффоф қурилиш» миллий ахборот тизими орқали автоматик равишда текширилади.

Ўзи келиб мурожаат этган тақдирда, юқоридаги ҳужжатлар Давлат хизматлари марказига ариза берувчи томонидан PDF ёки JPEG шаклда электрон тақдим этилади.

Юқоридаги ҳужжатларни қоғоз шаклида қабул қилиб, Давлат хизматлари марказида сканерлаш тақиқланади.

Сўровномада қурилиш иштирокчилари тўғрисидаги маълумотлар, архитектура-режалаштириш топшириғи, лойиҳа ҳужжатлари келишилганлиги тўғрисидаги хулоса ва ижобий йиғма экспертиза хулосасининг (санаси ва рақами) маълумотлари мажбурий кўрсатилади.

Ҳудудий инспекциялар рўйхатдан ўтказиш учун шаҳарсозлик ҳужжатлари ва экспертиза хулосаларини «Шаффоф қурилиш» миллий ахборот тизимидан электрон тарзда олиши талаб этилади.

10. Ариза берувчилардан 9-бандда кўрсатилмаган маълумотларни ҳамда бошқа ҳужжатларни талаб қилиш тақиқланади.

11. Сўровнома тўлдирилгандан сўнг талабгор маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон имзо, Mobile-ID ва бошқалар) билан тасдиқлайди.

Давлат хизматлари маркази ходими томонидан ва ЯИДХП орқали ариза берувчи оммавий оферта билан таништирилади ҳамда давлат хизматларидан фойдаланиш учун уларни ўзининг ЭРИси билан мажбурий тартибда тасдиқлаши ҳақида огоҳлантирилади.

Оферта қурилиш ва уй-жой коммунал хўжалиги соҳасида назорат қилиш инспекцияси бошлиғининг буйруғи билан тасдиқланган шакл бўйича расмийлаштирилади.

Талабгор ЯИДХП орқали мурожаат этган тақдирда, сўровномани ЭРИ билан тасдиқлаш талаб этилмайди.

12. Рухсатнома олиш бўйича давлат хизматлари кўрсатиш учун йиғим ундирилмайди.

14. Ўзи келиб мурожаат этганда Давлат хизматлари марказлари сўровнома тўлдирилган вақтдан бошлаб реал вақт режимида уни ҳудудий инспекцияга юборади.

ЯИДХП орқали мурожаат қилинганда эса сўровнома автоматик тарзда ҳудудий инспекцияларга юборилади.

15. Ҳудудий инспекция сўровнома тушган вақтдан бошлаб уч иш куни мобайнида:

зарурат бўлганда, объектни жойига бориб ўрганади, қурилаётган объектларга монеликсиз киради;

шаҳарсозлик ҳужжатларининг ижобий экспертиза хулосаси «Шаффоф қурилиш» миллий ахборот тизимининг «Экспертиза хулосаларининг ягона реестри»га киритилганлигини текширади;

қурилиш-монтаж ишларини бошлаш учун объектни «Қурилишда давлат назорати»нинг миллий ахборот тизими орқали рўйхатдан ўтказади;

сўровномада кўрсатилган объектнинг қурилиш-монтаж ишлари қийматининг 0,2 фоизи миқдорида (қўшимча қиймат солиғисиз) ажратмани белгилаган ҳолда, ушбу Регламентга 4-иловада келтирилган шакл бўйича инвойсни шакллантиради;

ўз ЭРИси билан тасдиқлаган ҳолда, ушбу Регламентга 3-иловада келтирилган шакл бўйича QR-код қўйилган рухсатномани расмийлаштиради ёки уни беришни рад этишнинг аниқ сабабларини ва қонунчилик ҳужжатлари нормаларини кўрсатган ҳолда рўйхатдан ўтказишни рад этади.

Рухсатнома 24 ой муддатга берилади, ушбу муддат ичида рухсатнома асосида қурилиш-монтаж бошланмаган бўлса, рухсатнома ўз кучини йуқотган ҳисобланади.

Ариза берувчида янги рухсатнома олиш зарурати туғилганда, у рухсатномани берган органга ушбу Регламентда белгиланган тартибда такроран сўровнома киритиши мумкин.

16. Ушбу ҳолатларда ариза берувчи умумий тартибда давлат хизматидан фойдаланиш учун такроран мурожаат қилишга ҳақли.

Такрорий мурожаатни кўриб чиқишда ҳудудий инспекциялар томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабабларининг келтирилиши бундан мустасно.

17. Давлат хизмати кўрсатишни рад этиш учун қуйидагилар асос ҳисобланади:

сўровномада нотўғри маълумотлар кўрсатилиши;

буюртмачининг техник назорати, лойиҳа ташкилотининг муаллифлик назорати ва пудрат ташкилотининг ички назорати ёки объектга бириктирилган мутахассис (прораб) тайинланганлиги тўғрисидаги буйруқ ёки шартнома расмийлаштирилмаганлиги;

буюртмачининг техник назорати, лойиҳа ташкилотининг муаллифлик назорати ва пудрат ташкилотининг ички назорат ёки объектга бириктирилган мутахассис (прораб) мутахассислари сертификатларининг мавжуд эмаслиги;

қурилишни ташкил этиш ва ишларни бажаришнинг тасдиқланган лойиҳалари мавжуд эмаслиги;

тасдиқланган лойиҳа ҳужжатлари ҳамда лойиҳа ҳужжатлари келишилганлиги тўғрисидаги кенгаш хулосаси мавжуд эмаслиги, эксперт ташкилотининг ижобий хулосасида қурилиш-монтаж ишлари қиймати мавжуд эмаслиги, шунингдек, эксперт ташкилотининг ижобий хулосаси мавжуд эмаслиги ҳамда «Шаффоф қурилиш» миллий ахборот тизимига киритилмаганлиги;

объектда қурилишни бошлаш учун объектни рухсатнома олмасдан қурилиш-монтаж ишларини бошлаганлиги;

ижобий экспертиза хулосаси берилган лойиҳа ҳужжатларига буюртмачининг ижрога олиш юзасидан тасдиқлаган бўйруғининг мавжуд бўлмаганлиги;

пудрат ва лойиҳа-қидирув ташкилотларининг тегишли электрон рейтингда етарли тоифага эга бўлмаганлиги;

давлат эҳтиёжлари учун ер участкаларининг компенсация эвазига олиб қўйилиши муносабати билан жисмоний ва юридик шахсларга етказилган зарарларни қоплаш бўйича ишлар тўлиқ якунланмаганлиги ёхуд қурилиш ер участкаси ҳамда бинони демонтаж қилиш, буздириш бўйича судларда низо мавжудлиги;

Ҳудудий инспекция томонидан рўйхатдан ўтказиш рад этиш норматив-ҳуқуқий ҳужжатнинг ёки шаҳарсозлик нормалари ва қоидаларининг номи, унинг қисми, банди, кичик банди ва хатбошисига асосланган бўлиши талаб этилади.

Бошқа асосларга кўра, шу жумладан, рўйхатдан ўтказиш мақсадга мувофиқ эмас деган важ билан рўйхатдан ўтказишни рад этишга йўл қўйилмайди.

18. Инвойс расмийлаштирилган куни ҳудудий инспекция инвойсни Давлат хизматлари марказига ёки ариза берувчига ЯИДХП орқали электрон шаклда юборади.

19. Давлат хизматлари марказлари инвойс келиб тушгандан сўнг реал вақт режимида бу ҳақида электрон шаклда ариза берувчини хабардор қилади.

Инвойсда кўрсатилган тўлов тўлиқ амалга оширилгандан сўнг ваколатли орган ушбу Регламентга 3-иловада келтирилган шаклга мувофиқ рухсатнома ва объект паспорти учун QR-кодли ҳавола беради.

Рухсатнома объектда қурилиш-монтаж ишларини бошлаш учун асос бўлади ҳамда буюртмачи томонидан QR-кодли паспортни белгиланган тартибда объектнинг кўринарли жойига мажбурий тартибда ўрнатилади.

Давлат хизматлари маркази рухсатнома келиб тушгандан сўнг бир соат мобайнида уни ариза берувчининг электрон манзилига юборади ва ариза берувчини бу ҳақда ахборот-коммуникация тизими орқали хабардор қилади. Давлат хизматлари марказига ариза берувчи ўзи келиб мурожаат қилган тақдирда, ариза берувчининг сўровига кўра унга рухсатнома электрон шаклда тақдим этилади.

20. Ариза берувчи инвойсда кўрсатилган суммани инвойс тушган кундан бошлаб беш иш кунлик муддатда тўлаши шарт.

Объектда давлат қурилиш назоратини амалга ошириш учун тўлов қиймати тўланганлиги электрон тизим орқали тасдиқланади.

21. Объектда давлат қурилиш назоратини амалга оширишдан тушган маблағ тўлиқ миқдорда ҳудудий инспекциянинг банк ҳисобварағига ўтказилади.

22. Давлат хизматлари маркази инвойс ва QR-код қўйилган кўчирма келиб тушганидан сўнг реал вақт режимида уларни ариза берувчининг электрон манзилига юборади ва бу ҳақида ариза берувчини электрон тарзда хабардор қилади.

Давлат хизматлари маркази ходими ариза берувчи ўзи келиб мурожаат қилган тақдирда, ариза берувчининг сўровига кўра унга инвойс ва кўчирмани электрон шаклида ёки қоғоз шаклида тақдим этиши мумкин.

3-боб. Якунловчи қоидалар

24. Рухсатнома қурилиш-монтаж (реконструкция) ишларини бошлаш учун берилган куннинг ўзида «Шаффоф қурилиш» миллий ахборот тизимининг «Қурилишда давлат назорати» электрон платформасида автоматик равишда ҳисобга олиб борилади.

25. Ариза юборилган вақтдаги шартлар ўзгарган тақдирда (буюртмачи ёки пудрат ташкилотининг ўзгариши, объектда техник, муаллифлик, ички назоратини амалга оширадиган ёки объектга бириктирилган мутахассис (прораб) шахслар алмашиши ёки уларнинг паспорт маълумотлари ўзгариши, лицензиянинг амал қилиш муддати тугаши, лойиҳа ҳамда унинг қийматидаги ечимларнинг ўзгариши), буюртмачилар ўн кун мобайнида Давлат хизматлари марказлари ёки ЯИДХП орқали ҳудудий инспекцияга тегишли ўзгартиришларни кўрсатган ҳолда амалдаги сўровнома рақами орқали қўшимча равишда мурожаат қилади (бир объектнинг блоклар сони икки ва ундан ортиқ бўлиб, ушбу объект блоклари буюртмачиси ўзгарган тақдирда, қайта расмийлаштириш талаб этилмайди).

Ариза юборилган вақтдаги шартлар ўзгариб, бироқ, белгиланган муддатда ариза берувчилар томонидан тегишли ўзгартиришларни киритган ҳолда қўшимча равишда мурожаат қилинмаганда, ҳудудий инспекция томонидан объектни қурилиш-монтаж ишларини тўхтатиб қўйиш ёки буздириш учун даъво билан судга мурожаат қилиш учун асос бўлади.

Ариза берувчининг мурожаатига асосан ҳудудий инспекция мазкур Регламентнинг 15-бандида кўрсатилган муддатда ўз ЭРИси билан тасдиқлаган ҳолда ушбу Регламентга 5-иловада келтирилган шакл бўйича «Ариза берилган вақтдаги шартлар ўзгариши юзасидан қўшимча мурожаат қайд этилганлиги ҳақида» QR-код қўйилган кўчирмани расмийлаштиради ёки уни беришни рад этишнинг аниқ сабабларини ва қонунчилик ҳужжатлари нормаларини кўрсатган ҳолда рўйхатдан ўтказишни рад этади.

26. Адлия вазирлиги, унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолияти устидан, шу жумладан, ЯИДХП орқали, доимий назоратни ва мониторингни амалга оширадилар.

27. Ариза берувчи давлат органлари ва бошқа ташкилотлар ходимларининг ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

28. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Қурилиш-монтаж ишларини бошлаш учун рухсатнома бериш бўйича давлат хизматларини кўрсатишнинг маъмурий регламентига 1-ИЛОВА

Қурилиш-монтаж ишларини бошлаш учун рухсатнома бериш

Босқичлар Субъектлар Амалга ошириладиган тадбирлар Бажариш муддатлари 1-босқич Ариза берувчи Рухсатнома олиш учун Давлат хизматлари марказига ўзи келиб мурожаат ёки ЯИДХП орқали мурожаат қилади. 1. Хоҳишига кўра 2. Мурожаат қилинганда 2-босқич 1. Давлат хизматлари маркази 2. ЯИДХП Сўровномани ҳудудий инспекцияга юборади. Автоматик равишда 3-босқич Ҳудудий инспекция 1. Рухсатнома беришни ўрганиб чиқади. 2. Инвойс ва рухсатномани ЭРИ билан тасдиқлаш йўли билан расмийлаштиради. 3. Инвойсда кўрсатилган тўлов тўлиқ амалга оширилгандан сўнг рухсатнома беради. 4. Давлат хизматлари марказига ёки ЯИДХП орқали ариза берувчига QR-кодли рухсатномани ҳамда икки томонлама тасдиқланган офертани юборади. 3 иш куни мобайнида 4-босқич Давлат хизматлари маркази Икки томонлама тасдиқланган оферта, инвойс ва рухсатномани ариза берувчининг электрон манзилига юборади, ариза берувчини бу ҳақида электрон тарзда хабардор қилади ва рухсатнома беради. Реал вақт режимида

Қурилиш-монтаж ишларини бошлаш учун рухсатнома бериш бўйича давлат хизматларини кўрсатишнинг маъмурий регламентига 2-ИЛОВА

________________ (сана) _____________ (рақами) Қурилиш-монтаж ишларини бошлаш учун объектни рўйхатдан ўтказиш бўйича давлат хизматларидан фойдаланиш учун СЎРОВНОМА I. Буюртмачи — жисмоний шахс тўғрисида маълумот 1. ЖШШИР 2. Ф.И.О. 3. Телефон рақами 4. Электрон почта манзили (мавжуд бўлса) 5. Қайта расмийлаштириш (ариза юборилган вақтдаги шартлар ўзгарган тақдирда) II. Буюртмачи — юридик шахс тўғрисида маълумот 1. Тўлиқ номи (икки ёки ундан кўп буюртмачилар бўлганда алоҳида кўрсатилади) 2. СТИР 3. Буюртмачи ташкилоти раҳбари Ф.И.О. ЖШШИР 4. Телефон рақами 5. Электрон почта манзили (мавжуд бўлса) 6. Қайта расмийлаштириш (ариза юборилган вақтдаги шартлар ўзгарган тақдирда) III. Муаллифлик назоратини олиб борувчи лойиҳа ташкилоти тўғрисида маълумот 1. Тўлиқ номи (икки ёки ундан кўп лойиҳачилар бўлганда, алоҳида кўрсатилади) 2. СТИР 3. Лойиҳа ташкилоти рахбари Ф.И.О. ЖШШИР 4. Телефон рақами 5. Электрон почта манзили (мавжуд бўлса) IV. Пудрат ташкилоти тўғрисида маълумот 1. Тўлиқ номи (икки ёки ундан кўп пудратчилар бўлганда, алоҳида кўрсатилади) 2. СТИР 3. Пудрат ташкилоти рахбари Ф.И.О. ЖШШИР 4. Телефон рақами 5. Электрон почта манзили (мавжуд бўлса) V. Кўчмас мулк тўғрисида маълумот 1. Кўчмас мулкнинг кадастр рақами (тармоқли объектлари бундан мустасно) 2. Кўчмас мулкнинг манзили 3. Объект қурилишига асос Дастур доирасида (Дастур рақами, сана) Тадбиркорлик 4. Объект мураккаблик тоифаси 5. Объектнинг умумий қурилиш майдони (ер майдони, лойиҳа бўйича м 2 , тармоқли объектлар учун п/м) 6. Объект блоклари (тармоқли объектларда пикет) Номи Қаватлар сони (тармоқли объектлар бундан мустасно) Баландлиги (м) Тармоқли объектларида (п/м) 7. Объектнинг қурилиш майдони (м2 , тармоқли объектлар учун п/м) 8. Объектнинг ҳажми (м3) 9. Объект хонадонлари сони (тармоқли объектлар бундан мустасно) 10. Қурилиш-монтаж ишларининг тури Янги қурилиш Реконстукция 11. Қурилиш-монтаж ишларининг қиймати (ҚҚСсиз, буюртмачининг бошқа харажатлари ва жиҳозларисиз) Сўм (0.00) 12. Қурилиш ва уй-жой коммунал хўжалиги бош бошқармасининг хулосаси (баёни) Рақами Санаси 13. Архитектура-режалаштириш топшириғи Рақами Санаси 14. Лойиҳа ҳужжатлари келишилганлиги тўғрисидаги хулоса Давлат реестр рақами 15. Ижобий йиғма экспертиза хулосалари (II ва ундан юқори тоифадаги объект экспертиза хулосаси) Рақами Санаси 16. Муҳандислик-коммуникация тармоқлари ва транспорт инфратузилмасини яратиш харажатлари бўйича шартнома (ушбу шартнома ўрнатилган ҳудудлар бўйича) Рақами Санаси 16.Пудрат ташкилоти лицензияси (лицензияланадиган алоҳида қурилиш-монтаж ишлари турларини бажаришда) Лицензия рақами Лицензия берилган санаси 17. Экспертиза органларининг лойиҳа ҳужжатларида саноат хавфсизлиги тўғрисидаги ижобий хулосасининг рақами ва санаси (хавфли ишлаб чиқариш объектлари учун, I ва II тоифадаги объектлар бундан мустасно) Хулоса рақами Хулоса санаси 18. Лойиҳа-смета ҳужжатлари асосида бир вақтнинг ўзида лойиҳа ва қурилиш ишлари параллел олиб бориладиган қурилиш объекти Қарор рақами, санаси Баён рақами, санаси 19. Қурилиши тугалланган объектларни фойдаланишга топшириш муддати Бошланиши Тугалланиши 20. Кўчмас мулкнинг тоифаси Нотурар объект Турар-жой объекти VI. Қурилиш-монтаж ишларига масъул бўлган ходимлар тўғрисида маълумот Қурилиш объектидаги масъул шахснинг лавозими ЖШШИР Масъул шахснинг Ф.И.О. Телефон рақами Сертификат рақами Муаллифлик назорати* Техник назорати* Пудрат ташкилотининг ички назорати* Пудрат ташкилоти томонидан объектга бириктирилган мутахассис (прораб)* VII. Илова қилинадиган ҳужжатлар, қурилиш ишларини бошлашга рухсат беришда талаб этиладиган ҳужжатлар тегишли ташкилотларнинг электрон тизимларидаги мавжуд маълумотларни «Шаффоф қурилиш» МАТга интеграция қилинади . (I-тоифадаги якка тартибдаги уй-жойлар учун татбиқ этилмайди) 1. Қурилиш-монтаж ишлари сифатини назорат қилиш пудрат ташкилотининг қурилиш лабораторияси мавжудлигини тасдиқловчи ёки шартнома асосида лаборатория жалб этилганлиги тўғрисидаги ҳужжати 2. Буюртмачининг техник назорати, лойиҳа ташкилотининг муаллифлик назорати ва пудрат ташкилотининг ички назорати тайинланганлиги тўғрисидаги буйруқ ёки шартнома нусхалари 3. Буюртмачининг техник назорати, лойиҳа ташкилотининг муаллифлик назорати ва пудрат ташкилотининг ички назорат мутахассисларининг сертификатлари 4. Тасдиқланган лойиҳада қурилишни ташкил этиш ва ишларни бажаришнинг мавжудлиги (DWG ҳамда PDF форматида). 5. Экспертизадан ўтказилган лойиҳани буюртмачи томонидан тасдиқланган буйруғи

Қурилиш-монтаж ишларини бошлаш учун рухсатнома бериш бўйича давлат хизматларини кўрсатишнинг маъмурий регламентига 3-ИЛОВА

(Ўзбекистон Республикаси Давлат герби тасвири) ТАШКИЛОТ НОМИ ______________________________________________________________________________________ (вилоят (шаҳар) қурилиш ва уй-жой коммунал хўжалиги соҳасида ҳудудий назорат инспекцияси) Қурилиш-монтаж ишларини бошлаш учун РУХСАТНОМА № 20___ й. «____» __________да ____________________________________________________________ ____________________________________________________________________________га берилган. (юридик ташкилотнинг номи ёки жисмоний шахснинг Ф.И.О.) Ушбу рухсатнома билан ____________________________________________________________ га ( объект номи, жойлашган манзили ) Эслатма: қурилиш-монтаж ишлари сифатини назорат қилишга пудрат ташкилотининг қурилиш лабораторияси мавжудлигини тасдиқловчи ёки шартнома асосида лаборатория жалб этилганлиги тўғрисидаги ҳужжат; буюртмачининг техник назорати, лойиҳа ташкилотининг муаллифлик назорати ва пудрат ташкилотининг ички назорати тайинланганлиги тўғрисидаги буйруқ ёки шартнома нусхалари; буюртмачининг техник назорати, лойиҳа ташкилотининг муаллифлик назорати ва пудрат ташкилотининг ички назорат мутахассисларининг сертификатлари; қурилишни ташкил этиш ва ишларни бажаришнинг тасдиқланган лойиҳалари. Сўровномада қурилиш иштирокчилари тўғрисидаги маълумотлар, лойиҳа ҳужжатлари келишилганлиги тўғрисидаги хулоса ва ижобий йиғма экспертиза хулосасининг (санаси ва рақами) маълумотлари мажбурий кўрсатилади. Рухсатноманинг амал қилиш муддати: 20_____ й. «______» ______________ дан 20___ й. «____» _____________ гача. Ҳужжатнинг ҳақиқийлигини тасдиқловчи QR-код Ҳужжатни имзолаган шахс _________________________________________ (Ф.И.О.)

Қурилиш-монтаж ишларини бошлаш учун рухсатнома бериш бўйича давлат хизматларини кўрсатишнинг маъмурий регламентига 4-ИЛОВА

Инвойс (шакли)

Т/р Хизмат тури Номи 1. Хабарнома рақами ХХХХ 2. Текшириш учун пароль ХХХХ 3. Хизмат __________________ (ҳудуд номи) Қурилиш соҳасида давлат назорати 4. Олувчининг номи __________________ (ҳудуд номи) Қурилиш соҳасида ҳудудий назорат инспекцияси 5. Ҳисобрақами ХХХХХХХХ 6. Шахсий ғазна ХХХХХХХХ 7. Инвойс рақами ХХХХ 8. Миқдори (сўм)* ХХХХ 9. Муҳим ХХХХ

Қурилиш-монтаж ишларини бошлаш учун рухсатнома бериш бўйича давлат хизматларини кўрсатишнинг маъмурий регламентига 5-ИЛОВА

(Ўзбекистон Республикаси Давлат герби тасвири) ТАШКИЛОТ НОМИ _______________________________________________________________________ _________ _________ (вилоят (шаҳар) қурилиш ва уй-жой коммунал хўжалиги соҳасида ҳудудий назорат инспекцияси) Ариза берилган вақтдаги шартлар ўзгариши юзасидан қўшимча мурожаат қайд этилганлиги ҳақида КЎЧИРМА Ариза рақами: _____________ 20____ й. «____» Мазкур кўчирма _________________________ __________ _____________________________нинг (ариза берувчининг номи ёки Ф.И.О) ___________________-сон аризасига мувофиқ ____ _________ ____________________________________ ___ (ариза рақами) ______________________________________________________________ ____ _______________________ (объектнинг манзили) манзилида қурилиш-монтаж ишлари олиб борилаётган объектда рўйхатдан ўтган вақтдаги шартлар ўзгарганлиги ҳолатини қайд этади. Бунда, иш бажарувчиларининг, объектда техник ва муаллифлик назоратини амалга оширадиган шахслар алмашиши, лицензиянинг амал қилиш муддати тугаши, лойиҳа ҳамда унинг қийматидаги ечимларнинг ўзгариши ва ҳоказолар назарда тутилади. Қурилиш-монтаж ишларини бажариш даврида қуйидаги тартибларга амал қилиш талаб этилади: а) шаҳарсозлик нормалари ва қоидалари талабларига риоя қилиш; б) буюртмачининг техник, лойиҳа ташкилотининг муаллифлик ва пудрат ташкилотининг ички назорати мавжуд бўлиши; в) қурилиш-монтаж ишлари ишчи лойиҳа ҳужжатларига мувофиқ бўлиши. Ҳужжатнинг ҳақиқийлигини тасдиқловчи QR-код Ҳужжатни имзолаган шахс ___________________________ _________________________________ (Ф.И.О.)

Вазирлар Маҳкамасининг 2022 йил 20 апрелдаги 200-сон қарорига 6-ИЛОВА

Қурилиши тугалланган объектни топшириш-қабул қилиш ва фойдаланиш учун рухсатнома бериш бўйича давлат хизматларини кўрсатишнинг

1-боб. Умумий қоидалар

1. Ушбу Регламент мулкчилик шакли ва молиялаштириш манбаидан қатъи назар, қурилиши тугалланган (реконструкция қилинган) икки қаватдан юқори (цоколни ҳисобга олмаган ҳолда), баландлиги ер юзасидан 12 метрдан юқори ва (ёки) умумий майдони 500 квадрат метрдан ортиқ бўлган (ёрдамчи хўжалик иморатларини ҳисобга олмаган ҳолда) якка тартибдаги уй-жойлар ҳамда 300 метр кубдан ортиқ бўлган нотурар бино ва иншоотларни топшириш-қабул қилиш ва фойдаланиш учун рухсатнома бериш, шунингдек, қурилиши тугалланган икки қаватдан юқори бўлмаган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган бўлган (ёрдамчи хўжалик иморатларини ҳисобга олмаган ҳолда) якка тартибдаги уй-жойлар ва 300 метр кубдан ортиқ бўлмаган нотурар бино ва иншоотларга фойдаланиш учун рухсатнома бериш тартибларини белгилайди.

2. Ушбу Регламент Ўзбекистон Республикасининг мақсадли дастурларига киритилган лойиҳалар, шунингдек, бюджет тизими бюджетлари ва ташаббусли бюджетлаштириш жараёнлари асосида молиялаштириладиган қурилиш-таъмирлаш ишлари бўйича лойиҳалар доирасида қурилган, реконструкция қилинган, шунингдек, мукаммал ва жорий таъмирланган объектларга нисбатан ҳам татбиқ этилади.

3. Алоҳида ҳолларда, давлат сирлари билан боғлиқ ёки алоҳида муҳим тоифаланган объектлар Вазирлар Маҳкамасининг ҳужжатлари билан Давлат қабул комиссияси ҳамда буюртмачилар томонидан ишчи комиссия тузилган ҳолда тўғридан-тўғри (ушбу комиссияларнинг далолатномаларини расмийлаштириш ва тасдиқлаш орқали) фойдаланишга қабул қилинади. Бунда:

Давлат қабул комиссиясининг қурилиши якунланган лойиҳалар доирасидаги объектларни фойдаланишга қабул қилиш тўғрисидаги далолатномаси Давлат қабул комиссияси раиси томонидан тасдиқланган ҳолда объектлар фойдаланишга қабул қилинади;

Давлат қабул комиссияси томонидан тузиладиган далолатномани расмийлаштиришдан олдин Давлат молиявий назорат инспекцияси томонидан қурилиш объекти белгиланган тартибда назорат ўлчовидан мажбурий ўтказилади.

4. Мазкур Регламентда қуйидаги асосий тушунчалар қўлланилади:

ёрдамчи хўжалик иморатлари — инсонлар яшаши ва яшашида фойдаланилмайдиган бинолар, жумладан, уй ҳайвонлари ва паррандаларни сақлаш учун иморатлар, омборхона (енгил конструкцияли), гараж, ёзги ошхона, тандирхона, ертўла (баландлиги 2,2 метрдан паст бўлган), ҳовлидаги ҳожатхона, ҳовуз, сауна ва ҳаммом, иссиқхона ҳамда одамларнинг вақтинча бўлиши билан боғлиқ ишларнинг ҳар хил турларини бажаришга мўлжалланган бошқа функционал (енгил конструкцияли) иморатлар;

жорий таъмирлаш ишлари — бино ва иншоотларнинг айрим қисмларини қисман таъмирлаш ёки тиклаш мақсадида жорий таъмирлаш ишлари;

мукаммал таъмирлаш ишлари — мавжуд бино ва иншоотнинг исталган қисмларини (асосий юк кўтарувчи конструкциялар бундан мустасно), шу жумладан, баъзи қисмларини таъмирлаш ёки тиклаш йўли билан объектни тўлиқ ёки шунга яқин даражада тиклаш ҳамда созлигини тиклаш учун бутун объектни таъмирлаш ишлари;

хулоса берувчилар — қурилиши тугалланган объектни топшириш-қабул қилишда ўзига тегишли масала юзасидан хулоса берувчи идора ва ташкилотлар;

қурилиши тугалланган объект — қурилиш-монтаж ишлари тўлиқ якунланган қурилиш объекти.

5. Ушбу Регламент талаблари:

турар жой тоифасидан нотурар жой тоифасига (ёки аксинча) реконструкциясиз ўтказилаётган иморатларга (алоҳида хоналар);

қурилиш объектларининг хавф-хатар тоифаси бўйича хавфлилик омили паст (I тоифа) объектларга (жисмоний ва юридик шахслар маблағлари эвазига қуриладиган объектларга);

тоғ-кон саноати объектларига (бино ва иншоотлари бундан мустасно);

барча турдаги мукаммал ва жорий таъмирлаш объектлари (бюджет тизими бюджетлари ҳисобидан мукаммал ва жорий таъмирланадиган объектларга бундан мустасно);

томорқа ер участкаларида ва мавжуд муҳандислик тармоқларини ўзгартириш талаб этилмайдиган жамоа боғдорчилиги, узумчилиги ва полизчилигини юритиш учун ажратилган ер участкаларини ободонлаштиришга;

реклама ва ахборот қурилмаларига (конструкциялари);

кўприклар (барча турдаги), йўллар қурилиши ва ер ости йўллари;

Объектлар, шунингдек, якка тартибдаги уй-жойлардан босқичма-босқич фойдаланиш учун рухсатнома берилиши мумкин. Бунда, тасдиқланган шаҳарсозлик ҳужжатларида босқичма-босқич фойдаланиш учун рухсатнома бериш кўзда тутилган бўлиши, шунингдек, қурилаётган объектнинг фойдаланиш учун рухсат берилаётган қисми (секция, блок) лойиҳа ҳужжатларига мувофиқ белгиланган ишларнинг барчаси, хусусан, мазкур бинодан фойдаланишда ҳизмат қилувчи ободонлаштириш ишлари (тасдиқланган лойиҳага кўра ички йўллар, яшил ҳудудлар, чиқинди тўплаш жойлари, болалар майдончаси, автотураргоҳлар ва бошқалар), бино ва иншоотлар тўлиқ қурилган, пардозлаш ишлари якунланган ҳамда ташқи муҳандислик тармоқларига улангандан сўнг унинг қурилиши, шунингдек, реконструкция қилиниши тугалланмаган қисмлари объектнинг зилзилабардошлилигини ва ёнғинга чидамлилигини таъминлаши шарт.

Қурилиши тугалланган турар жой бинолари, шунингдек, корхоналар ва савдо, умумий овқатланиш, маиший хизмат кўрсатиш муассасалари ва носаноат хусусиятидаги эҳтиёжлар учун қўшилган, ёндан қурилган хоналарга эга бўлган кўп секцияли турар жой биноларидаги секциялар ушбу хоналар билан бир вақтда қабул қилинади.

Агар қўшилган, ёндан қурилган хоналар бир нечта турар жой секцияларига тегишли бўлса, секция ушбу секциянинг кўрсатилган хоналарида барча қурилиш-монтаж ишлари тугалланган ҳолдагина қабул қилиниши лозим. Бу ҳолда қўшилган, ёндан қурилган хоналар охирги секция билан бир вақтда фойдаланишга қабул қилинади.

Муҳандислик коммуникация тармоқлари объектларини фойдаланишга қабул қилишда, ушбу бажарилган қурилиш-монтаж ишлари жойлашган ва унга туташ ер участкасини кўзда тутувчи 1:500 нисбатдаги топохарита тақдим этилиши лозим.

Ҳар бир кўп квартирали уйни фойдаланишга қабул қилишда, ушбу кўп квартирали уй жойлашган ва унга туташ ер участкаси чегараси белгиланган 1:500 нисбатдаги топохарита тақдим этилиши лозим.

Кўп квартирали уй жойлашган ва унга туташ ер участкаси чегараси белгиланган топохарита асосида ҳар бир кўп квартирали турар жойнинг алоҳида кадастр паспорти расмийлаштирилади.

Кадастр паспортида кўп квартирали уйдаги турар жойлар ва яшаш учун мўлжалланмаган (нотурар) жойлар, умумий мол-мулк (умумий жойлар) тўғрисидаги маълумотлар акс эттирилади.

6. Қурилиш тугалланган объектни топшириш-қабул қилиш ҳамда фойдаланиш учун рухсатнома бериш ушбу Регламентга 1-иловадаги схемага мувофиқ амалга оширилади.

7. Қурилиши тугалланган объектдан уни топшириш-қабул қилиш тўғрисидаги тасдиқланган далолатномасиз ва ҳудудий инспекциянинг қурилиши тугалланган объектдан фойдаланиш учун рухсатномасисиз фойдаланишга йўл қўйилмайди.

8. Фойдаланиш учун рухсатнома кўчмас мулкка бўлган ҳуқуқларни давлат рўйхатидан ўтказиш учун асос бўлади.

9. Пудратчи ташкилотининг мурожаатига асосан буюртмачи томонидан қурилиши тугалланган объект топшириш-қабул қилишга тайёрланади.

10. Пудрат ташкилоти буюртмачига қурилиши тугалланган объектда бажарилган ишларнинг тасдиқланган шаҳарсозлик ҳужжатлари ҳамда шаҳарсозлик нормалари ва қоидалари талабларига мувофиқлиги тўғрисидаги декларацияни тақдим этиши шарт.

11. Хулоса берувчилар қурилиш тугалланган объектни тасдиқланган лойиҳа ҳужжатларига мувофиқ деб топган тақдирда, мазкур Регламентга 2-иловадаги шаклга асосан қурилиш тугалланган объектни топшириш-қабул қилиш далолатномаси расмийлаштирилади.

Тасдиқланган лойиҳа ҳужжатлари бўйича шаҳарсозлик нормалари ва қоидаларига нисбатан номувофиқликлар аниқланган тақдирда, тегишлилиги бўйича буюртмачи, лойиҳа ёки пудрат ташкилотлари томонидан тўлиқ бартараф этилиши шарт.

12. Қурилиши тугалланган объектни ўз вақтида фойдаланишга қабул қилиш учун буюртмачи шахсан жавобгар бўлади.

2-боб. Қурилиши тугалланган объектни топшириш-қабул қилишда давлат хизматини кўрсатиш тартиби

13. Буюртмачи давлат хизматидан фойдаланиш учун Давлат хизматлари марказига ўзи келиб мурожаат этади ёки Ягона интерактив давлат хизматлари порталида (кейинги ўринларда — ЯИДХП) орқали электрон шаклда мурожаат қилади.

14. Қурилиши тугалланган объектни топшириш-қабул қилиш далолатномасини расмийлаштириш учун мурожаатлар ЯИДХП орқали дам олиш ва байрам кунларидан қатъи назар, ҳар куни 24 соат давомида юборилиши мумкин.

Бунда мурожаатлар иш вақтидан кейин ёки дам олиш ва байрам кунлари келиб тушганда навбатдаги иш куни мурожаатларнинг ваколатли органга келиб тушган ва қабул қилинган куни ҳисобланади.

15. Буюртмачи сўровномани давлат хизматидан фойдаланиш учун ушбу Регламентга 3-иловага мувофиқ шакл бўйича топширади.

Мазкур иловадаги муҳандислик-коммуникация тармоқлари ва транспорт инфратузилмасини яратиш харажатлари бўйича йиғим тўланганлиги тўғрисидаги маълумотлар «Шаффоф қурилиш» миллий ахборот тизими орқали автоматик равишда текширилади.

16. Буюртмачи сўровномани юборишида далолатнома шаклини танлайди.

Далолатнома шаклини танлашда мазкур объектда амалга оширилган ишнинг (янги қурилиш, реконструкция, таъмирлаш) тури ҳамда объектнинг хавф-хатар тоифаси инобатга олинади.

17. Сўровномага маълумотлар тўлиқ киритилганидан сўнг уни ўз электрон рақамли имзоси билан (кейинги ўринларда — ЭРИ) ёки идентификация қилишнинг бошқа воситалари орқали тасдиқлайди.

Ўзи келиб мурожаат этган тақдирда, далолатномани ЭРИ билан тасдиқлаш имконияти бўлмаган ҳолларда, тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.

Сўровнома ҳамда далолатнома тегишли хулоса берувчиларга автоматик тарзда юборилади.

18. Қурилиши тугалланган объектни топшириш-қабул қилишда давлат хизматларини кўрсатиш учун йиғим ундирилмайди.

3-боб. Хулоса берувчилар томонидан сўровнома ва далолатномани кўриб чиқиш тартиби

19. Хулоса берувчилар Давлат хизматлари маркази ёки ЯИДХП тизими орқали сўровнома ва далолатнома келиб тушган кундан бошлаб ўн иш куни мобайнида объектни жойига бориб қуйидаги ишлар амалга оширилганлигини тегишлилиги бўйича ўрганиб чиқади:

бажарилган қурилиш-монтаж ишларининг тасдиқланган шаҳарсозлик ҳужжатларига, шаҳарсозлик нормалари ва қоидалари талабларига мувофиқлиги;

объектнинг ишга тушириладиган қувватининг (сиғими, ўтказувчанлиги) лойиҳа ҳужжатларида тасдиқланган кўрсаткичларга мувофиқлиги;

техник жиҳатдан тартибга солиш соҳасидаги норматив ҳужжатлар талабларига асосан технологик, муҳандислик ёки бошқа ускуналарнинг (муҳандислик тизимларини) синовдан ўтказилганлиги;

муҳандислик тармоқларидан фойдаланиш ташкилотларининг ташқи ичимлик суви ва оқова сув тармоқлари, иссиқлик таъминоти, газ таъминоти, электр таъминоти ва алоқа коммуникациялари тармоқларига (ушбу тармоқларга уланиш кўзда тутилган тақдирда) тегишли талабларга мувофиқ уланганлиги;

объектларнинг техника хавфсизлиги ва ишлаб чиқариш санитарияси талабларига мувофиқлиги, ёнғин хавфсизлиги, меҳнат шароитлари таъминланиши бўйича тадбирларнинг бажарилганлиги;

ўрнатилган лифт ускуналарининг техник жиҳатдан тартибга солиш соҳасидаги норматив ҳужжатлар талабларига жавоб берадиган ва давлат экспертизасидан ўтказилган далолатномаси ва белгиланган тартибда давлат рўйхатидан ўтказилганлиги.

20. Хулоса берувчилар объектнинг норматив-ҳуқуқий ва техник ҳужжатларга номувофиқлиги, сўровнома ва далолатномада нотўғри маълумотлар кўрсатилганлиги, шунингдек, маълумотлар тўлиқ киритилмаганлигини аниқлаган тақдирда, уларни кўриб чиқишни рад этишнинг аниқ асосларини ва қонунчилик ҳужжатлари нормаларини кўрсатган ҳолда рад этади.

Хулоса берувчилар томонидан ўзининг ваколат доирасига кирмайдиган масалалар бўйича хулосалар берилиши тақиқланади.

Ўрганиш натижалари бўйича асосли эътироз бўлмаган тақдирда, QR-код қўйилган хулоса беради.

21. Салбий хулосада қайд этиб ўтилган камчиликлар бартараф этилгандан сўнг буюртмачи томонидан айнан салбий хулоса берган ташкилотга қайта кўриб чиқиш учун тегишли ҳужжатларни илова қилган ҳолда умумий тартибда юборади.

Буюртмачи қайта мурожаат қилганда, хулоса берувчи томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабабларининг келтирилиши бундан мустасно.

Буюртмачи томонидан мурожаат қайта юборилганда хулоса берувчи мурожаатни беш иш куни мобайнида объектни жойига бориб ўрганиб чиқади ва хулоса беради.

22. Буюртмачи ва хулоса берувчи ўртасидаги ахборот алмашинуви ўз ЭРИсини мажбурий тартибда қўллаш орқали фақат идоралараро электрон боғланиш ёрдамида амалга оширилади.

Далолатномани расмийлаштириш учун қуйидаги ҳужжатлар асос бўлади:

хулоса берувчиларнинг ижобий хулосалари;

пудрат ташкилотининг мувофиқлик декларацияси.

23. Хулоса берувчилардан ижобий хулоса ёки пудрат ташкилотидан мувофиқлик декларацияси олинганидан сўнг буюртмачи далолатномани ўзининг ЭРИ билан ёки идентификация қилишнинг бошқа воситалари орқали тасдиқлаб, уни ушбу Регламентнинг 24-бандига асосан тегишлилик бўйича юборади.

4-боб. Қурилиши тугалланган объектдан фойдаланиш учун рухсатнома бериш тартиби

24. Қурилиши тугалланган объектдан фойдаланиш учун рухсатнома (кейинги ўринларда — рухсатнома):

а) Қурилиш ва уй-жой коммунал хўжалиги соҳасида ҳудудий назорат қилиш инспекциялари (кейинги ўринларда — ҳудудий инспекция) томонидан қурилиш-монтаж ишлари тугалланган икки қаватдан юқори (цоколни ҳисобга олмаган ҳолда), баландлиги ер юзасидан 12 метрдан юқори ва (ёки) умумий майдони 500 квадрат ортиқ бўлган (ёрдамчи хўжалик иморатларини ҳисобга олмаган ҳолда) якка тартибдаги уй-жойлар ҳамда 300 метр кубдан ортиқ бўлган нотурар бино ва иншоотлардан фойдаланиш;

б) Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси (кейинги ўринларда — ҳудудий бошқармалар) томонидан қурилиш-монтаж ишлари тугалланган икки қаватдан юқори бўлмаган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган якка тартибдаги уй-жойлар ва 300 метр кубдан ортиқ бўлмаган нотурар бино ва иншоотлардан фойдаланиш учун берилади.

25. Пудрат ташкилоти қурилиши тугалланган кўп квартирали уйни бошқариш учун бошқарувчи ташкилотни жалб қилади.

26. Рухсатнома олишдан олдин фойдаланишга қабул қилинаётган бино ва иншоотга белгиланган тартибда кадастр паспорти расмийлаштириш талаб этилади.

27. Рухсатнома олиш бўйича давлат хизматини кўрсатиш учун базавий ҳисоблаш миқдорининг 30 фоизи миқдорида йиғим ундирилади.

Давлат хизмати кўрсатилиши учун ЯИДХП орқали мурожаат этилганда, ушбу банднинг биринчи хатбошисида кўрсатилган йиғим суммасининг 90 фоизи ундирилади.

Давлат хизматини кўрсатиш учун йиғим тўланганлиги электрон шаклда тасдиқланади.

27 1 . Таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентнинг 27-бандида белгиланган йиғим суммасининг 50 фоизи ундирилади.

27 2 . Давлат тиббиёт муассасаларида қонунчилик ҳужжатларига мувофиқ тузилган меҳнат шартномаси асосида тиббиёт ва фармацевтика соҳасига оид касбий фаолиятни амалга оширувчи шахслардан ушбу Регламентнинг 27-бандида белгиланган йиғим суммасининг 50 фоизи ундирилади.

28. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

10 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

қолган маблағлар тўлиқ миқдорда тегишлилигига кўра ҳудудий инспекция ёки Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бошқармалари ва Тошкент шаҳар қурилиш бош бошқармасининг банк ҳисобварақларига;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

11,25 фоизи — Рақамли технологияларни ривожлантириш жамғармаси шахсий ҳисобварағига;

29. Буюртмачи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга.

Буюртмачи давлат хизматидан фойдаланишдан, кўчмас мулкка бўлган ҳуқуқ давлат рўйхатидан ўтказилгунига қадар бош тортганда, унинг сўровномаси кўрилмасдан қолдирилади. Бунда тўланган йиғим суммаси қайтарилмайди.

30. Буюртмачи томонидан юборилган қурилиши тугалланган объектни топшириш-қабул қилиш далолатномаси ҳудудий инспекцияга келиб тушгандан сўнг тўрт иш куни мобайнида ҳудудий инспекция жойига чиққан ҳолда объектни:

қабул қилиш ва уларни фойдаланишга топшириш ишлари шаҳарсозлик ҳужжатлари талабларига мувофиқлигини;

бино ва иншоотларнинг конструктив мустаҳкамлиги, барқарорлиги ва ишончлилигини;

бино ва иншоотлардан фойдаланиш даврида ёнғин хавфсизлиги, санитария ва атроф-муҳитни муҳофаза қилиш хавфсизлиги юзасидан кўриб чиқилганлигини;

бинолар, иншоотлар ва жамоат масканларидан имкониятлари чекланган шахсларнинг фойдаланиши мумкинлигини;

биноларнинг энергия тежамкорлигини ва уларнинг шовқиндан ҳимоя қилинишини;

«Топография» маълумотлар базасига киритилган ижровий топографик тасвир ва лойиҳа ҳужжатлари ўзаро мослигини;

бино ва иншоотларда қайта тикланувчи ва энергия самарадор қурилиш материалларидан фойдаланилганлигини ўрганади.

Ўрганиш натижалари асосида ушбу Регламентга 4-иловада келтирилган шаклга мувофиқ QR-код қўйилган рухсатномани беради ёки рад этишнинг аниқ сабабларини ва қонунчилик ҳужжатлари нормаларини кўрсатган ҳолда рухсатнома беришни рад этади.

Рухсатнома электрон шаклда расмийлаштирилади ва ҳудудий инспекциянинг ЭРИси билан тасдиқланади.

31. Қуйидагилар рухсатнома беришни рад этиш учун асос бўлади:

сўровномада нотўғри маълумотлар кўрсатилиши;

давлат хизматлари кўрсатиш учун йиғим тўланмаганлиги;

қурилиш-монтаж ишлари қиймати учун тўланиши лозим бўлган ажратмалар тўлиқ тўланмаганлиги;

рухсатнома бериш учун асос бўлган ҳужжатларнинг мавжуд эмаслиги;

келишилган лойиҳа ечимлари ҳамда шаҳарсозлик ҳужжатлари талаблари бузилиши ёки объект (бутунлай ёки бир қисми) лойиҳа ҳужжатларига (қисмига) номувофиқ тарзда қурилганлиги;

бинолар ва иншоотларнинг зилзилабардошлилигига таъсир қилувчи, шунингдек, фуқаролар ҳаёти ва соғлиғига таҳдид солувчи конструктив қоидабузарликлар мавжудлиги;

сифатсиз қурилиш материаллари, конструкциялари ҳамда буюмлари қўлланилганлиги;

техник ва муаллифлик назоратини амалга оширувчи мутахассисларнинг салбий хулосалари мавжуд бўлганда, пудрат ташкилоти қурилиш нормалари ва қоидалари бўйича бузилишларни бартараф этмаганда;

лойиҳа ҳужжатлари бўйича ижобий экспертиза хулосаси эксперт ташкилоти томонидан «Шаффоф қурилиш» миллий ахборот тизимига киритилмаганлиги ёки ижобий хулоса олинмаганлиги;

фойдаланишга қабул қилинаётган объектнинг «Топография» маълумотлар базасига киритилган ижровий топографик тасвири мавжуд эмаслиги;

объектда қурилиш-монтаж ишларини бошлаш учун ҳудудий инспекциядан рухсатнома олинмаганлиги;

ваколатли органга объектни ўрганиш учун имконият яратилмаганлиги;

ер участкасига бўлган ҳуқуқ давлат рўйхатидан ўтказилмаганлиги;

рўйхатдан ўтказувчи органда ушбу кўчмас мулк объектининг мансублиги масаласида низолар борлигидан далолат берувчи суд ҳужжатларининг мавжудлиги;

ваколатли орган томонидан кўчмас мулк объектига тақиқ, хатлов ёки гаровга (ипотекага) қўйилганлиги (ваколатли органнинг розилик хати тақдим этилса бундан мустасно);

рўйхатдан ўтказувчи органда ушбу ер участкаси қонунчилик ҳужжатларида белгиланган тартибда олиб қўйилганлиги ҳақидаги маълумотларнинг мавжудлиги;

фойдаланишга қабул қилинаётган бино ва иншоотларнинг кадастр йиғмажилди (паспорти) мавжуд эмаслиги;

шаҳарсозлик нормалари ва қоидаларига мувофиқ эмаслиги;

қурилиши тугалланган кўп квартирали уйни бошқариш учун бошқарувчи ташкилот жалб қилинмаганлиги ёки бошқарувчи ташкилот аниқланмаганлиги;

бинони демонтаж қилиш, буздириш бўйича инспекция томонидан даъво аризалари киритилиб, судларда низо мавжудлиги ёки демонтаж қилиш, буздириш бўйича судлар томонидан қарорлар қабул қилинганлиги;

қуриладиган бино ва иншоотлар ҳудудларидан ёғингарчилик сувларини тўлиқ олиб чиқиб кетиш мақсадида ёмғир сувларини оқизиш тармоқларини (лоток) йирик (канал, коллектор, дренаж ва йирик ирригация тармоқлари) тармоқларга улаш назарда тутилмаганлиги;

сувни муҳофаза қилиш ҳудудлари чегараларига туташ ер участкаларида барпо этиладиган қурилиш объектларига сув объектларининг балансда сақловчи ташкилотлардан тегишли хулосалар олинмаганлиги.

Давлат хизматларини кўрсатишни бошқа асосларга кўра рад этиш қатъиян тақиқланади.

Рад этиш ҳудудий инспекция томонидан шаҳарсозлик ҳужжати номи, унинг қисми, банди, кичик банди ёки хатбошиси орқали асосланган бўлиши талаб этилади.

32. Буюртмачи рухсатнома бериш рад этилган кундан бошлаб ўн иш куни мобайнида давлат хизматини кўрсатиш учун йиғимни тўламасдан, рухсатномани олиш учун қайта мурожаат қилиш ҳуқуқига эга.

Рухсатнома беришни рад этиш учун асос бўлган сабаблар бартараф этилган тақдирда, рухсатнома такроран сўровнома тушганидан сўнг ҳудудий инспекция ёки ҳудудий бошқармалар томонидан икки иш куни мобайнида ошмаган муддатда кўриб чиқилади.

Бунда ўзи келиб мурожаат этганда, Давлат хизматлари маркази ходими, ЯИДХП орқали мурожаат этган тақдирда эса — ариза берувчи мустақил равишда, аввалги ариза учун тўланган инвойсни тизимдан юклаб олиб, такрорий аризани тўлов босқичида бириктиради.

Сўровномани такроран кўриб чиқишда ҳудудий инспекция ёки ҳудудий бошқарма томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари келтирилиши бундан мустасно.

33. Хулоса берувчилар томонидан ижобий хулоса олиниб, қурилиши тугалланган объектни топшириш-қабул қилиш далолатномаси тегишли тартибда расмийлаштирилган ҳолда ҳудудий инспекцияга юборилган бўлиб, бироқ ҳудудий инспекция томонидан кўриб чиқиш жараёнида ушбу Регламентнинг 31-банди асосида рад этилган тақдирда буюртмачи рад этиш сабабларини бартараф этиб такроран мурожаат қилганда, сўровнома кўриб чиқиш учун фақат ҳудудий инспекцияга юборилади.

34. Объектлар, шунингдек, якка тартибдаги уй-жойлардан босқичма-босқич фойдаланиш учун рухсатнома берилиши мумкин. Бунда тасдиқланган шаҳарсозлик ҳужжатларида босқичма-босқич фойдаланиш учун рухсатнома бериш кўзда тутилган бўлиши, шунингдек, қурилаётган объектнинг фойдаланиш учун рухсат берилаётган қисми (секция, блок) лойиҳа ҳужжатларига мувофиқ белгиланган ишларнинг барчаси, хусусан, мазкур бинодан фойдаланишда ҳизмат қилувчи ободонлаштириш ишлари (тасдиқланган лойиҳага кўра ички йўллар, яшил ҳудудлар, чиқинди тўплаш жойлари, болалар майдончаси, автотураргоҳлар ва бошқалар), бино ва иншоотлар тўлиқ қурилган, пардозлаш ишлари якунланган ҳамда ташқи муҳандислик тармоқларига улангандан сўнг унинг қурилиши, шунингдек, реконструкция қилиниши тугалланмаган қисмлари объектнинг зилзилабардошлилигини ва ёнғинга чидамлилигини таъминлаши шарт.

Қурилаётган объект лойиҳа ҳужжатларига мувофиқ белгиланган ишларнинг барчаси, хусусан, бино ва иншоотларнинг барчаси тўлиқ қурилган, пардозлаш ишлари якунланган ҳамда ташқи муҳандислик тармоқларига улангандан сўнг объектдан фойдаланишга рухсатнома берилиши мумкин.

Марказий кўчаларнинг икки тарафида жойлашмаган якка тартибдаги уй-жойнинг муайян хона, ошхона, ҳожатхонаси, уйнинг ички безаги якунланиб, яшаш учун яроқли ҳолатга келгандан кейин ариза берувчининг талаби асосида уй-жой муҳандислик тармоқларига уланмаган, алоҳида ёрдамчи-хўжалик иморатларисиз, ҳудудни ободонлаштирмасдан, уйнинг бир қисмидан фойдаланишга рухсатнома беришга йўл қўйилади.

35. Ҳудудий бошқарма сўровнома тушгандан сўнг тўрт иш куни мобайнида объектни жойига борган ҳолда қонунчилик ҳужжатларида белгиланган ваколатлар доирасида қурилиш-монтаж ишлари тугалланган объектларнинг шаҳарсозлик ҳужжатларига мувофиқлигини ўрганиб, ушбу Регламентга 5-иловада келтирилган шаклга мувофиқ QR-код қўйилган рухсатномани беради ёки рад этишнинг аниқ сабабларини ва қонунчилик ҳужжатлари нормаларини кўрсатган ҳолда рухсатнома беришни рад этади.

Рухсатнома электрон шаклда расмийлаштирилади ва ҳудудий бошқарманинг ЭРИси билан тасдиқланади.

36. Ҳудудий инспекция ёки ҳудудий бошқарма QR-кодли рухсатнома расмийлаштирилган куннинг ўзида автоматик тарзда рўйхатдан ўтказувчи органга рухсатномани кўчмас мулкка бўлган ҳуқуқларни давлат рўйхатидан ўтказиш учун юборади.

37. Ҳудудий инспекция ёки ҳудудий бошқарма расмийлаштирилган QR-кодли рухсатнома тушган кундан кейин икки иш куни мобайнида рўйхатдан ўтказувчи орган белгиланган тартибда кўчмас мулкка бўлган ҳуқуқларни давлат рўйхатидан ўтказиб, тегишли ҳуқуқ давлат рўйхатидан ўтказилганлигини тасдиқловчи кўчмас мулк объектларига бўлган ҳуқуқларнинг давлат реестридан кўчирмани расмийлаштиради.

Кадастр агентлиги давлат рўйхатидан ўтказилган кўп квартирали уйдаги жойлар алоҳида (квартирага) ажратилганда, ҳар бир жой (квартира)нинг майдони, кадастр рақами ва мулкдори, шунингдек, кўп квартирали уйнинг умумий фойдаланишдаги майдони ва бошқа маълумотлар «Шаффоф қурилиш» миллий ахборот тизимига автоматик тарзда юборилишини таъминлайди.

38. Кўчмас мулкка бўлган ҳуқуқларни давлат рўйхатидан ўтказиш учун белгиланган йиғим миқдори кўрсатилган хабарнома (инвойс) ташкилотларга, Давлат хизматлари марказига ёки ариза берувчига ЯИДХП орқали электрон шаклда юборилади.

Хабарномада кўрсатилган йиғим тўлиқ тўланганидан сўнг реал вақт режимида тегишли ҳуқуқнинг давлат рўйхатидан ўтказилганлигини тасдиқловчи электрон шаклдаги Реестрдан кўчирмани юклаб олиш имкони пайдо бўлади ва ариза берувчининг сўровига кўра унга Реестрдан кўчирма электрон шаклда ёки қоғоз шаклида берилиши мумкин.

5-боб. Якунловчи қоидалар

39. Давлат хизматлари маркази, ҳудудий инспекция, ҳудудий бошқарма, хулоса берувчилар ва рўйхатдан ўтказувчилар ўз фаолиятини амалга ошириши натижасида олинган ариза берувчи ҳақидаги маълумотларнинг ошкор этилмаслигини таъминлаши керак.

40. Ҳудудий инспекция ёки ҳудудий бошқарма томонидан рухсатнома расмийлаштирилган куннинг ўзида мазкур рухсатнома «Шаффоф қурилиш» миллий ахборот тизимида автоматик тарзда ҳисобга олинади.

41. Хулоса берувчилар ўзлари берган ижобий ёки салбий хулосаларга жавобгар ҳисобланади.

42. Сўровномаларни белгиланган муддатда кўриб чиқмаган хулоса берувчилар қонунчилик ҳужжатларида белгиланган тартибда жавобгарликка тортилади.

43. Адлия вазирлиги ва унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолияти устидан, шу жумладан, ЯИДХП орқали доимий назоратни ва мониторингни амалга оширадилар.

44. Буюртмачи давлат органлари ва бошқа ташкилотлар ходимларининг ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

45. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Қурилиши тугалланган объектни топшириш-қабул қилиш ва фойдаланиш учун рухсатнома бериш бўйича давлат хизматларини кўрсатишнинг маъмурий регламентига 1-ИЛОВА

Қурилиш тугалланган объектни топшириш-қабул қилиш ҳамда фойдаланиш учун рухсатнома бериш

Босқичлар Субъектлар Тадбирлар Бажариш муддатлари 1-босқич Пудрат ташкилоти Қурилиши тугалланган объект топшириш-қабул қилишга тайёрлиги тўғрисида буюртмачига мувофиқлик декларациясини илова қилган ҳолда хабарнома юборади. Қурилиш ишлари тугаллангандан сўнг 2-босқич Буюртмачи ўзи келиб Давлат хизматлари марказига ёки ЯИДХП орқали электрон сўровнома юборади. Хабарнома келиб тушгандан кунда 3-босқич Хулоса берувчилар Сўровнома ва далолатнома келиб тушгандан сўнг объектни жойига бориб ўрганиб чиқади ва қурилиши тугалланган объектнинг фойдаланишга тайёрлиги ёки тайёр эмаслиги тўғрисида хулоса беради. 10 иш куни мобайнида 4-босқич Давлат хизматлари маркази Хулоса берувчилар томонидан далолатнома тасдиқланганидан сўнг тизим орқали автоматик тарзда буюртмачига юборади. Автоматик равишда 5-босқич Буюртмачи Қурилиши тугалланган объектни фойдаланиш учун рухсатнома олиш ва кадастр ҳужжатларини расмийлаштириш учун далолатномани ўзининг ЭРИси билан тасдиқлаб, тегишлилик бўйича ҳудудий инспекцияга ёки ҳудудий бошқармага юборади. 1 иш кунида 6-босқич Ҳудудий инспекция ёки ҳудудий бошқарма 1. Қурилиши (реконструкция) тугалланган объектнинг фойдаланишга мувофиқлигини ўрганиб чиқади. 2. QR-кодли рухсатномани расмийлаштиради ёки рад этади ва рўйхатдан ўтказувчиларга электрон шаклда рухсатномани юборади. 4 иш кунида 7-босқич Рўйхатдан ўтказувчилар Кўчмас мулк объектларига бўлган ҳуқуқларни давлат рўйхатидан ўтказади ва реестридан кўчирмани Давлат хизматлари марказларига ёки ЯИДХП орқали ариза берувчига юборади. 1 иш кунида 8-босқич Давлат хизматлари маркази Рухсатнома ва реестрдан кўчирмани ариза берувчининг электрон манзилига юборади ва ариза берувчини бу ҳақида электрон шаклда хабардор қилади. Реал вақт режимида

Қурилиши тугалланган объектни топшириш-қабул қилиш ва фойдаланиш учун рухсатнома бериш бўйича давлат хизматларини кўрсатишнинг маъмурий регламентига 2-ИЛОВА

ҚУРИЛИШИ ТУГАЛЛАНГАН ОБЪЕКТНИ ТОПШИРИШ-ҚАБУЛ ҚИЛИШ ДАЛОЛАТНОМАСИ 20___й. «___»_________ __________________________________ (объект жойлашган жойи) __________________________________________________________________________________________ (объект номи) 1. Буюртмачи (буюртмачи билан пудрат ташкилоти биргаликда) _________________________________ ________________________________________________________________________________ томонидан (ташкилот номи) _______________________________________________________________________ манзилда жойлашган _________________________________________________________________________________________ (вилоят, шаҳар, туман, аҳоли пункти, мавзе, даҳа, кўча, уй (корпус) рақами) _________________________________________________________________________________________ (объектнинг номи ва қурилиш тури, _________________________________________________________________________________________ янги қурилиш, реконструкция) фойдаланишга қабул қилиш учун тақдим этилди. 2. Қурилиш ишлари ___________________________________________________________________ нинг (рухсат берган орган номи) 20___й. «____» ______________________-сон рухсатномаси асосида амалга оширилган. 3. Қурилиш ишларни бажарган бош пудрат ва ёрдамчи пудрат ташкилотлари _________________________________________________________________________________________ (ташкилот номи ва ҳар бир ташкилот бажарган иш тури) _________________________________________________________________________________________ (ташкилотлар сони учтадан ортиқ бўлса, уларнинг рўйхати далолатномага иловада кўрсатилади) томонидан бажарилган. 4. Қурилиш ишлари учун лойиҳа ҳужжатлари __________________________________________________ _________________________________________________________________________________________ (ҳужжатларнинг қисми ёки бўлими номи) ишлаб чиқилган бош лойиҳа ташкилоти ______________________________________________________ ______________________________________________________ (лойиҳа ташкилотининг номи) ва ёрдамчи пудрат ташкилотлари ____________________________________________________________ _________________________________________________________________________________________ (ташкилот номи ҳамда ҳужжатнинг бажарилган қисми ва бўлими) _________________________________________________________________________________________ (ташкилотлар сони учтадан ортиқ бўлса, уларнинг рўйхати далолатномага иловада кўрсатилади) томонидан бажарилган. 5. Лойиҳалаштириш учун дастлабки маълумотлар ______________________________________________ _________________________________________________________________________________________ (илмий-тадқиқот ва қидирув ташкилотларининг номи, _________________________________________________________________________________________ дастлабки маълумотлар мавзуси) _________________________________________________________________________________________ (ташкилотлар сони учтадан ортиқ бўлса, уларнинг рўйхати далолатномага иловада кўрсатилади) томонидан тақдим этилган. 6. Қурилиш қуйидаги лойиҳа (намунавий, якка, такрор қўлланиладиган) бўйича амалга оширилган: _________________________________________________________________________________________ _________________________________________________________________________________________ (лойиҳанинг рақами, серия рақами, (намунавий лойиҳа бўйича; _________________________________________________________________________________________ турар жой-фуқаролик объектлари бўйича индивидуал лойиҳа учун _________________________________________________________________________________________ бундай лойиҳани қўллаш учун тегишли қарор) 7. Лойиҳа ҳужжатлари _____________________________________________________________________ _________________________________________________________________________________________ (экспертиза ташкилоти номи) томонидан 20___й. «____»____________ ______-сон билан ижобий экспертизадан ўтказилган. 8. Қурилиш-монтаж ишлари қурилиш давомийлиги меъёр бўйича ______ ҳақиқатда _________________ бўлган ҳолда қуйидаги муддатларда бажарилган: ишларни бошланиши ________________________________, тугатиш ___________________ _______________________________ (ой ва йил) ___________________________ (ой ва йил) 9. Фойдаланишга қабул қилиш учун тақдим этилган объект қуввати, ишлаб чиқариш унумдорлиги, ишлаб чиқариш майдони, тармоқ узунлиги, сиғими, ҳажми, ўтказиш қобилияти, ишчи ўринлари сони бўйича қуйидаги асосий кўрсаткичларга эга (барча объектлар, турар жой уйлардан ташқари), мақсадли маҳсулот ёки асосий хизмат турларига мувофиқ ўлчов бирликларида тўлдирилади): Қуввати, унумдорлиги Ўлчов бирлиги Лойиҳа бўйича Амалда умумий (аввал қабул қилинганларини ҳисобга олган ҳолда) шу жумладан ишга тушириш комплекси ёки навбати умумий (шу жумладан, аввал қабул қилинганлари) шу жумладан, ишга тушириш комплекси ёки навбати Бошланғич даврда лойиҳавий қувватларини ўзлаштириш меъёрларига мос келувчи ҳажмда лойиҳада кўзда тутилган маҳсулотни ишлаб чиқариш (хизмат кўрсатиш) _________________________________________________________________________________________ _________________________________________________________________________________________ (ҳажмни кўрсатган ҳолда маҳсулотни ишлаб чиқариш бошланғич ҳолати) Фойдаланишга қабул қилиш учун тақдим этилган ижтимоий ва турар жой объектлари бўйича мажбурий қуйидаги кўрсаткичларга эга: Кўрсаткичлар Ўлчов бирлиги Лойиҳа бўйича Амалда Умумий майдони м 2 Қаватлар сони қават Умумий қурилиш ҳажми м 3 шу жумладан, ерости қисми бўйича м 3 Бинога қўшилган, қўшилган-ёндан қурилган, ёнидан қурилган хоналар майдони м 2 Кўрсаткичлар Лойиҳа бўйича Амалда Хонадонлар сони Хонадонлар майдони, м 2 Хонадонлар сони Хонадонлар майдони, м 2 Жами хонадонлар шу жумладан: бир хонали икки хонали уч хонали тўрт хонали ва ундан кўп хонали 11. Объектнинг техник ва меъморий-қурилиш ечимлари қуйидаги маълумотлар билан тавсифланади: _________________________________________________________________________________________ (режалаш, қаватлилик, асосий материаллар ва конструкциялар, _________________________________________________________________________________________ _________________________________________________________________________________________ муҳандислик ва технологик ускуна бўйича қисқача техник тавсифлар) 12. Объектда лойиҳада кўзда тутилган ускуна, шу жумладан, ёнғин автоматикаси тизими якка ва комплекс синовлардан кейин қабул қилиш тўғрисидаги далолатномаларга мувофиқ миқдорда ўрнатилган. (далолатномалар илова қилинади) ____________ 13. Лойиҳада кўзда тутилган меҳнатни муҳофаза қилиш, портлаш хавфсизлигини, ёнғин хавфсизлигини, атроф-муҳит муҳофазасини таъминлайдиган ва зилзилага қарши тадбирлар: _________________________________________________________________________________________ _________________________________________________________________________________________ (бажарилиши тўғрисида маълумотлар) 14. Ташқи совуқ ва иссиқ сув таъминоти, канализация, иссиқлик таъминоти, газ таъминоти, электр таъминоти ва алоқа тармоқлари бино, иншоот ва хонанинг нормал ишлашини таъминлайди ҳамда шаҳар (туман) тармоқлардан фойдаланиш ташкилотлари томонидан қабул қилинган. Шаҳар (туман) тармоқлардан фойдаланиш ташкилотлари маълумотлари рўйхати далолатномага илова қилинади. 15. Биноларда лифтни қуриш, бино атрофини кўкаламзорлаштириш, биноларга олиб борувчи йўллар тротуарлар, хўжалик, ўйин ва спорт майдончалари қопламаларини, чиқинди йиғиш шохобчалари, автотураргоҳ, электр ёритиш тизимини қуриш, шунингдек, энергия ҳамда сув тежаш ишлари, шунингдек, биноларнинг фасадлари элементларини пардозлаш ишлари бажарилган Ишлар тури Ўлчов бирлиги Ишлар ҳажми 16. Объектнинг жорий нархлардаги умумий ҳақиқий қиймати: жами ___________ минг сўм, шу жумладан: қурилиш-монтаж ишларининг қиймати _______минг сўм; ускуналар, асбоблар ва жиҳозлар қиймати ___________минг сўм . 17. Фойдаланишга қабул қилинаётган асосий фондлар қиймати: жами ___________ минг сўм, шу жумладан: қурилиш-монтаж ишларининг қиймати _______минг сўм; ускуналар, асбоблар ва жиҳозлар қиймати ___________минг сўм . 18. Кўздан кечириш ва тегишли ҳужжатлар билан танишиш натижаларига кўра объектда қўлланилган технологик ечимларнинг илғорлигига баҳо берилди: _________________________________________________________________________________________ _________________________________________________________________________________________ (турар жой бинолари бўйича тўлдирилмайди) ХУЛОСА БЕРУВЧИЛАРНИНГ ҚАРОРИ: Хулоса берувчиларнинг хулосалари ҳамда пудрат ташкилотининг мувофиқлик декларациясига асосан фойдаланишга қабул қилиш учун тақдим этилган _________________________________________________________________________________________ (объект номланиши) ФОЙДАЛАНИШГА ҚАБУЛ ҚИЛИНСИН. Комиссия раиси (Буюртмачи) (Ф.И.О.) (QR-код) Комиссия аъзолари : Бош пудрат ташкилоти (Ф.И.О.) (QR-код) Бош лойиҳа ташкилоти (Ф.И.О.) (QR-код) Техник назоратчи (Ф.И.О.) (QR-код) Муаллифлик назорати (Ф.И.О.) (QR-код) Фавқулодда вазиятлар вазирлигининг Давлат ёнғин назорати органи; (Ф.И.О.) (QR-код) Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси; (Ф.И.О.) (QR-код) Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси — унинг назоратида бўлган объектлар бўйича; (Ф.И.О.) (QR-код) Сув хўжалиги вазирлиги ҳузуридаги Сув хўжалиги объектлари хавфсизлигини назорат қилиш инспекцияси- гидротехник иншоотлар бўйича; (Ф.И.О.) (QR-код) Энергетика вазирлиги ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси (Ф.И.О.) (QR-код) Транспорт вазирлиги ҳузуридаги Транспорт назорат инспекцияси — автомобиль йўллари қурилиши объектлари, ҳаво ҳамда темир йўл транспорти бинолари ва иншоотлари бўйича; (Ф.И.О.) (QR-код) Рақамли технологиялар вазирлиги ҳузуридаги Ахборотлаштириш ва телекоммуникациялар соҳасида назорат инспекцияси (Ф.И.О.) (QR-код) Сув хўжалиги вазирлиги ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекцияси — сув омборлари, сел-сув омборлари бошқа сув хўжалиги объектлари бўйича; (Ф.И.О.) (QR-код) Маданият вазирлиги — Маданият ва санъат объектлари бўйича (Ф.И.О.) (QR-код) Ўзбекистон ногиронлиги бўлган шахсларнинг жамоат бирлашмалари (Ф.И.О.) (QR-код) Экология, атроф-муҳитни муҳофаза қилиш ва иқлим ўзгариши вазирлиги — соҳавий қурилиш объектидан ва атроф-муҳитга етказиладиган экологик зарар ҳолати бўйича; (Ф.И.О.) (QR-код) Иқтисодиёт ва молия вазирлиги ҳузуридаги Кадастр агентлиги (Ф.И.О.) (QR-код) Ички ишлар вазирлиги (Ф.И.О.) (QR-код) Ташқи муҳандислик тармоқларига уланишга техник шартлар берган ташкилотлар (Ф.И.О.) (QR-код) Фойдаланувчи жисмоний ёки юридик шахслар (Ф.И.О.) (QR-код)

Қурилиши тугалланган объектни топшириш-қабул қилиш ва фойдаланиш учун рухсатнома бериш бўйича давлат хизматларини кўрсатишнинг маъмурий регламентига 3-ИЛОВА

Қурилиши тугалланган бино ва иншоотларни фойдаланишга қабул қилиш бўйича давлат хизматларидан фойдаланиш учун

I. Ариза берувчи — жисмоний шахс тўғрисида маълумот 1. ЖШШИР 2. Ф.И.О. 3. Телефон рақами 4. Электрон почта манзили (мавжуд бўлса) II. Ариза берувчи — юридик шахс тўғрисида маълумот 1. Тўлиқ номи 2. СТИР 3. Телефон рақами 4. Электрон почта манзили (мавжуд бўлса) III. Объектнинг номи ва манзили Буюртмачи номи Объектнинг жойлашган манзили Объектнинг тури IV. Қурилиш учун асос V. Қурилиш ишларни бажарган бош пудрат ва ёрдамчи пудрат ташкилотлари 1. Ҳар бир ташкилот номи 2. Бажарган иш тури VI. Лойиҳа ҳужжатлари 1. Ҳужжатларнинг қисми ёки бўлими номи 2. Лойиҳа ташкилотининг номи 3. Ёрдамчи пудрат ташкилотлари номи ҳамда ҳужжатнинг бажарилган қисми ва бўлими VII. Лойиҳалаштириш учун дастлабки маълумотлар 1. Илмий-тадқиқот ва қидирув ташкилотларининг номи 2. Дастлабки маълумотлар мавзуси VIII. Лойиҳа ҳужжатлари маълумотлари 1. Лойиҳанинг рақами, серия рақами ( намунавий лойиҳа бўйича, турар жой-фуқаролик объектлари бўйича индивидуал лойиҳа учун, бундай лойиҳани қўллаш учун тегишли қарор ) 2. Қурилиш-монтаж ишлари тугалланган объектнинг «Топография» маълумотлар базасига киритилган ижровий топографик тасвири (ягона рўйхатга олиш рақами кўрсатилган ҳолда). IX. Ижобий экспертиза хулосаси 1. Рақами 2. Санаси Х. Қурилиш-монтаж ишлари давомийлиги 1. Меъёр бўйича 2. Ҳақиқатда 3. Ишларнинг бошланиши 4. Тугатиш XI. Муҳандислик-коммуникация тармоқлари ва транспорт инфратузилмасини яратиш харажатлари бўйича шартнома (ушбу шартнома талаб ўрнатилган ҳудудлар бўйича) Шартнома «Шаффоф қурилиш» миллий ахборот тизими орқали автоматик равишда текширилади. 1.Шартнома рақами ХII. Объектнинг техник ва меъморий-қурилиш ечимлари қуйидаги маълумотлар билан тавсифланиши 1. Режалаш, қаватлилик, асосий материаллар ва конструкциялар 2. Муҳандислик ва технологик ускуна бўйича қисқача техник тавсифлар XIII. Лойиҳада кўзда тутилган меҳнатни муҳофаза қилиш, портлаш хавфсизлигини, ёнғин хавфсизлигини, атроф-муҳит муҳофазасини таъминлайдиган ва зилзилага қарши тадбирлар XIV. Объектнинг жорий нархлардаги умумий ҳақиқий қиймати 1. Қурилиш-монтаж ишларининг қиймати (минг сўм) 2. Ускуналар, асбоблар ва жиҳозлар қиймати (минг сўм) XV. Фойдаланишга қабул қилинаётган асосий фондлар қиймати 1. Қурилиш-монтаж ишларининг қиймати (минг сўм) 2. Ускуналар, асбоблар ва жиҳозлар қиймати (минг сўм) XVI. Кўздан кечириш ва тегишли ҳужжатлар билан танишиш натижаларига кўра объектда қўлланилган технологик ечимларнинг илғорлигига баҳо XVII. Илова қилинадиган ҳужжатлар 1. Лойиҳа ҳужжатлари 2. Ижобий экспертиза хулосаси 3. Шаҳар (туман) тармоқлардан фойдаланиш ташкилотлари маълумотлари рўйхати далолатномага илова қилинади 4. Объектда лойиҳада кўзда тутилган ускуна шу жумладан ёнғин автоматикаси тизими якка ва комплекс синовлардан кейин қабул қилинганлиги тўғрисидаги далолатномалари XVIII. Тўлдирилиши лозим бўлган жадвал маълумотлари 1. Фойдаланишга қабул қилиш учун тақдим этилган объект қуввати, ишлаб чиқариш унумдорлиги, ишлаб чиқариш майдони, тармоқ узунлиги, сиғими, ҳажми, ўтказиш қобилияти, ишчи ўринлари сони бўйича қуйидаги асосий кўрсаткичларга эга (барча объектлар, турар жой уйлардан ташқари), мақсадли маҳсулот ёки асосий хизмат турларига мувофиқ ўлчов бирликларида тўлдирилади): Қуввати, унумдорлиги Ўлчов бирлиги Лойиҳа бўйича Амалда умумий (аввал қабул қилинганларини ҳисобга олган ҳолда) шу жумладан ишга тушириш комплекси ёки навбати умумий (шу жумладан аввал қабул қилинганлари) шу жумладан ишга тушириш комплекси ёки навбати Фойдаланишга қабул қилиш учун тақдим этилган ижтимоий ва турар жой объектлари бўйича мажбурий қуйидаги кўрсаткичларга эга: Кўрсаткичлар Ўлчов бирлиги Лойиҳа бўйича Амалда Умумий майдони м 2 Қаватлар сони қават Умумий қурилиш ҳажми м 3 шу жумладан, ерости қисми бўйича м 3 Бинога қўшилган, қўшилган-ёндан қурилган, ёнидан қурилган хоналар майдони м 2 Кўрсаткичлар Лойиҳа бўйича Амалда хонадонлар сони хонадонлар майдони, м 2 хонадонлар сони хонадонлар майдони, м 2 Жами хонадонлар шу жумладан: бир хонали икки хонали ... 2. Кўкаламзорлаштириш, биноларга олиб борувчи йўллар тротуарлар, хўжалик, ўйин ва спорт майдончалари қопламаларини қуриш, чиқинди йиғиш шоҳобчалари, автотураргоҳ, лифт ва энергия тежамкор ишлар, шунингдек, биноларнинг фасадлари элементларини пардозлаш ишлари бажарилган: Ишлар тури Ўлчов бирлиги Ишлар ҳажми

Қурилиши тугалланган объектни топшириш-қабул қилиш ва фойдаланиш учун рухсатнома бериш бўйича давлат хизматларини кўрсатишнинг маъмурий регламентига 4-ИЛОВА

(Ўзбекистон Республикаси Давлат герби тасвири) Ўзбекистон Республикаси Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси _______________________________________________ ___________ ______________________________ (Ҳудудий назорат инспекциясининг номи) Қурилиш-монтаж ишлари тугалланган объектдан фойдаланиш учун РУХСАТНОМА Ариза рақами: ________________ 20 ____ й. «________» _____________________________ _ _______ ____ ___________нинг _____________-сон аризасига __ (ариза берувчининг номи ёки Ф.И.О) _______________________ (ариза рақами) мувофиқ___________________ ____________ _______________________________________манзилидаги (объектнинг манзили) қурилиш-монтаж ишлари тугалланган объектдан фойдаланишга рухсат этилди. Мазкур рухсатнома объектдан фойдаланиш учун асос бўлади. Мазкур рухсатнома кўчмас мулкка бўлган ҳуқуқларни давлат рўйхатидан ўтказиш учун асос бўлади. Ҳужжатни имзолаган шахс ___________________ _______________________________ (Ф.И.О) Ҳужжатнинг ҳақиқийлигини тасдиқловчи QR-код

Қурилиши тугалланган объектни топшириш-қабул қилиш ва фойдаланиш учун рухсатнома бериш бўйича давлат хизматларини кўрсатишнинг маъмурий регламентига 5-ИЛОВА

(Ўзбекистон Республикаси Давлат герби тасвири) Ўзбекистон Республикаси Қурилиш ва уй-жой коммунал хўжалиги вазирлиги ___________________________________________________ ____________________ __________________ ( Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ва Тошкент шаҳар қурилиш бош бошқармаси ) Қурилиш-монтаж ишлари тугалланган объектдан фойдаланиш учун РУХСАТНОМА Ариза рақами: ________________ 20 ____ й. «________» _____________________________________ ______ _________ нинг ______________-сон аризасига __________________ (ариза берувчининг номи ёки Ф.И.О) _____________ (ариза рақами) мувофиқ ______________________________________________ ____________ ____________ манзилидаги (объектнинг манзили) қурилиш-монтаж ишлари тугалланган объектдан фойдаланишга рухсат этилди. Мазкур рухсатнома объектдан фойдаланиш учун асос бўлади. Мазкур рухсатнома кўчмас мулкка бўлган ҳуқуқларни давлат рўйхатидан ўтказиш учун асос бўлади. Ҳужжатни имзолаган шахс ___________________ _______________________________ (Ф.И.О) Ҳужжатнинг ҳақиқийлигини тасдиқловчи QR-код

Вазирлар Маҳкамасининг 2022 йил 20 апрелдаги 200-сон қарорига 8-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Муҳандислик-коммуникация тармоқларига уланиш бўйича давлат хизматлари кўрсатишнинг маъмурий регламентларини тасдиқлаш тўғрисида» 2018 йил 31 мартдаги 256-сон қарорида :

а) 2-иловада :

4-банддан ўнинчи хатбоши чиқариб ташлансин;

23-банднинг биринчи хатбошиси қуйидаги таҳрирда баён этилсин:

«ҲГК ушбу Регламентга 3-иловага мувофиқ шаклдаги сўровнома тушганидан сўнг уч иш куни давомида газ таъминоти лойиҳасини келишади ёки келишишни рад этади»;

б) 3-иловада :

4-банддан олтинчи хатбоши чиқариб ташлансин;

22-банднинг биринчи хатбошиси қуйидаги таҳрирда баён этилсин:

«Иссиқлик таъминоти корхонаси ушбу Регламентга 3-иловага мувофиқ шаклдаги сўровнома тушганидан сўнг уч иш куни мобайнида иссиқлик таъминоти лойиҳасини келишади ёки келишишни рад этади»;

в) 4-иловада :

4-банддан саккизинчи хатбоши чиқариб ташлансин;

23-банднинг биринчи хатбошиси қуйидаги таҳрирда баён этилсин:

«СҚКХ ташкилоти ушбу Регламентга 3-иловага мувофиқ шаклдаги сўровнома тушганидан сўнг уч иш куни мобайнида сув таъминоти ва сувни чиқариб ташлаш лойиҳасини келишади ёки келишишни рад этади»;

4. Вазирлар Маҳкамасининг 2020 йил 2 сентябрдаги 535-сон қарори билан тасдиқланган Кўчмас мулк объектига кадастр паспортини бериш бўйича давлат хизматлари кўрсатишнинг маъмурий регламентда :

а) 5-банднинг иккинчи хатбошисидаги «объектни фойдаланишга қабул қилиш далолатномаси» сўзлари «қурилиши (реконструкцияси) тугалланган объектдан фойдаланиш учун рухсатномаси» сўзлари билан алмаштирилсин;

б) 2-иловадаги «III. Кадастр паспортини тайёрлашнинг мақсади:»даги 3-банддаги «далолатнома» сўзи «объектдан фойдаланиш учун рухсатнома» сўзлари ҳамда «б» кичик бандидаги «фойдаланишга қабул қилиш далолатномаси» сўзлари «фойдаланиш учун рухсатномаси» сўзлари билан алмаштирилсин;

5. Вазирлар Маҳкамасининг 2020 йил 18 ноябрдаги 726-сон қарори билан тасдиқланган Нотариуслар томонидан кўчмас мулкларни бошқа шахсга ўтказиш ҳақидаги битимларни тасдиқлашнинг маъмурий регламентида :

а) 20-банднинг еттинчи хатбошисидаги «иншоотларнинг фойдаланишга қабул қилиш далолатномаси» сўзлари «иншоотлардан фойдаланиш учун рухсатномаси» сўзлари билан алмаштирилсин;

б) 23-банднинг иккинчи хатбошисидаги «қабул қилиш далолатномасини» сўзлари «рухсатномасини» сўзи билан алмаштирилсин;

в) 35-банднинг иккинчи хатбошисидаги «қабул қилиш далолатномаси» сўзлари «рухсатномаси» сўзи билан алмаштирилсин.

6. Вазирлар Маҳкамасининг 2020 йил 19 ноябрдаги 732-сон қарори билан тасдиқланган Ўзбекистон Республикаси давлат шаҳарсозлик кадастри географик ахборот тизими тўғрисида низомда :

а) 6-бандда :

қуйидаги таҳрирдаги саккизинчи хатбоши билан тўлдирилсин:

«шаҳарсозлик фаолияти объектларини лойиҳалаш ва қуриш мақсадлари учун бажарилган муҳандислик-техник қидирувлари (шу жумладан, қурилиши тугалланган объектларнинг ижро тасвирлари) материаллари ҳисобини юритиш»;

саккизинчи — ўн иккинчи хатбошилар тегишлича тўққизинчи — ўн учинчи хатбошилар деб ҳисоблансин;

б) 38-банд «фазовий маълумотларни» сўзларидан сўнг «(шу жумладан, муҳандислик-техник қидирувлари)» сўзлари билан тўлдирилсин.

Вазирлар Маҳкамасининг 2022 йил 20 апрелдаги 200-сон қарорига 9-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган қарорлари рўйхати

1. Вазирлар Маҳкамасининг «Архитектура ва қурилиш соҳасида давлат хизматлари кўрсатишнинг айрим маъмурий регламентларини тасдиқлаш тўғрисида» 2018 йил 18 майдаги 370-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 16 январдаги 36-сон қарорига илованинг 1-банди .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 11 июндаги 478-сон қарорига илованинг 2-банди .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 2 июлдаги 548-сон қарорига илованинг 17-банди .

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 28 ноябрдаги 961-сон қарорига илованинг 1, 4 ва 5-бандлари .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2019 йил 28 декабрдаги 1046-сон қарорига илованинг 214-банди .

7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2020 йил 14 январдаги 24-сон қарорига илованинг 1 ва 9-бандлари .

Ўзбекистон Республикасининг Бош вазири А. АРИПОВ

Тошкент ш.,

2022 йил 20 апрель,

200-сон

(Қонунчилик маълумотлари миллий базаси, 20.04.2022 й., 09/22/200/0327-сон; 29.09.2022 й., 09/22/541/0859-сон; 26.08.2023 й., 09/23/424/0655-сон; 04.09.2023 й., 09/23/436/0669-сон; 22.11.2023 й., 09/23/612/0874-сон; 29.12.2023 й., 09/23/688/0996-сон; 18.04.2024 й., 09/24/214/0285-сон; 02.10.2024 й., 09/24/614/0768-сон; 25.11.2024 й., 09/24/783/0965-сон; 03.03.2025 й., 09/25/135/0208-сон; 04.09.2025 й., 09/25/559/0802-сон; 23.10.2025 й., 09/25/666/0965-сон; 25.12.2025 й., 09/25/821/1211-сон; 17.04.2026 й., 09/26/175/0373-сон; 04.07.2026 й., 09/26/310/0685-сон; 13.10.2026 й., 09/26/560/1025-сон; 15.10.2026 й., 09/26/563/1041-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

SXEMASI

MAʼMURIY REGLAMENTI

SXEMASI

SOʻROVNOMA

MAʼMURIY REGLAMENTI

SXEMASI

MUDDATI VA QIYMATI

MAʼMURIY REGLAMENTI

SXEMASI

NIZOM

SXEMASI

MAʼMURIY REGLAMENTI

SXEMASI

MAʼMURIY REGLAMENTI

SXEMASI

SOʻROVNOMA

Qurilish sohasiga oid yagona maʼmuriy qurilish reglamentlarini tasdiqlash toʻgʻrisida

Oʻzbekiston Respublikasi Prezidentining “Oʻzbekiston Respublikasi qurilish tarmogʻini modernizatsiya qilish, jadal va innovatsion rivojlantirishning 2021 — 2025-yillarga moʻljallangan strategiyasini tasdiqlash toʻgʻrisida” 2020-yil 27-noyabrdagi PF-6119-son Farmoni ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Bino va inshootlarning tashqi koʻrinishini oʻzgartirishni kelishish boʻyicha davlat xizmatlarini koʻrsatishning maʼmuriy reglamenti 1-ilovaga muvofiq;

Bino va inshootlarning ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha bino va inshootlarni qurishni loyihalashtirishga ruxsatnoma berish boʻyicha davlat xizmatlarini koʻrsatishning maʼmuriy reglamenti 2-ilovaga muvofiq;

Arxitektura-rejalashtirish topshirigʻini ishlab chiqish boʻyicha davlat xizmatlarini koʻrsatishning maʼmuriy reglamenti 3-ilovaga muvofiq;

Loyiha-smeta hujjatlarining arxitektura qismini kelishish boʻyicha davlat xizmatlarini koʻrsatishning maʼmuriy reglamenti 4-ilovaga muvofiq;

Qurilish sohasida maxsus texnik shartlarni ishlab chiqish, kelishish va tasdiqlash toʻgʻrisidagi nizom 4 1 -ilovaga muvofiq;

Qurilish-montaj ishlarini boshlash uchun obyektga ruxsatnoma berish boʻyicha davlat xizmatlarini koʻrsatishning maʼmuriy reglamenti 5-ilovaga muvofiq;

Qurilishi tugallangan obyektni topshirish-qabul qilish va foydalanish uchun ruxsatnoma berish boʻyicha davlat xizmatlarini koʻrsatishning maʼmuriy reglamenti 6-ilovaga muvofiq tasdiqlansin.

2. Belgilansinki:

ushbu qaror bilan tasdiqlangan maʼmuriy reglamentlarga muvofiq koʻrsatiladigan davlat xizmatlaridan foydalanish uchun yuridik va jismoniy shaxslar Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali;

davlat siri bilan bogʻliq obyektlarning birlamchi ruxsat berish hujjatlarini, loyiha-smeta hujjatlarini ishlab chiqish, ularni ekspertizadan oʻtkazishdan tortib obyektlarni foydalanishga topshirishgacha boʻlgan barcha qurilish jarayonlari Davlat xizmatlari markazlari yoki YIDXP ishtirokisiz toʻgʻridan-toʻgʻri belgilangan tartibda aloqador tashkilotlarni ijobiy xulosasi olingandan soʻng qurilish va uy-joy kommunal organlari tomonidan amalga oshiriladi;

qonunchilik hujjatlarida belgilangan alohida hududlarda obyektlarning loyiha hujjatlari (yakka tartibdagi uy-joylarning loyiha hujjatlari bundan mustasno) ushbu hududlarni rivojlantirish maqsadida tashkil etilgan direksiyalar (yoki boshqa shakldagi boshqaruv tashkilotlar) bilan “Shaffof qurilish” milliy axborot tizimi orqali kelishiladi.

3. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Adliya vazirligi bilan birgalikda Davlat xizmatlari markazlari yoki YIDXP orqali davlat xizmatlari koʻrsatilishining har bir bosqichida yuridik va jismoniy shaxslarning murojaatlari koʻrib chiqilishini kuzatib borish tartibotini joriy etsin.

4. Oʻzbekiston Respublikasi Adliya vazirligi:

davlat organlari va boshqa tashkilotlar tomonidan davlat xizmatlari koʻrsatilishining belgilangan tartibi bajarilishi yuzasidan YIDXP orqali doimiy nazorat oʻrnatsin;

ushbu qaror bilan tasdiqlangan davlat xizmatlari koʻrsatish boʻyicha maʼmuriy reglamentlar talablarini buzganlik uchun davlat organlari va boshqa tashkilotlar mansabdor shaxslariga nisbatan belgilangan tartibda maʼmuriy jazolarni qoʻllasin.

5. Oʻzbekiston Respublikasi Qurilish vazirligi:

bir oy muddatda “Shaffof qurilish” milliy axborot tizimini Davlat soliq qoʻmitasi huzuridagi Kadastr agentligining “Kadastr va roʻyxatdan oʻtkazish integratsiyalashgan axborot tizimi” bilan integratsiya qilinishini taʼminlasin;

2022-yil 1-dekabrga qadar qurilish sohasiga oid yagona maʼmuriy qurilish reglamentlari bilan belgilangan tartiblarning qoʻllanilishi natijalariga koʻra ularni yanada takomillashtirish yuzasidan Vazirlar Mahkamasiga taklif kiritsin.

6. Oʻzbekiston Respublikasi Hukumatining 8-ilovaga muvofiq ayrim qarorlariga oʻzgartirish va qoʻshimchalar kiritilsin.

Oʻzbekiston Respublikasi Hukumatining 9-ilovaga muvofiq ayrim qarorlari oʻz kuchini yoʻqotgan deb hisoblansin.

7. Oʻzbekiston Respublikasi Qurilish vazirligi, manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi qurilish vaziri B.I. Zakirov va Oʻzbekiston Respublikasi adliya vaziri R.K. Davletov zimmasiga yuklansin.

Vazirlar Mahkamasining 2022-yil 20-apreldagi 200-son qaroriga 1-ILOVA

Bino va inshootlarning tashqi koʻrinishini oʻzgartirishni kelishish boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament yuridik va jismoniy shaxslarga (keyingi oʻrinlarda — ariza beruvchilar) tegishli boʻlgan bino va inshootlarning tashqi koʻrinishini oʻzgartirishni kelishish tartibini belgilaydi.

2. Ushbu Reglamentda quyidagi asosiy tushunchalardan foydalaniladi:

bino — funksional maqsadiga qarab odamlar yashashi yoki boʻlishiga va har xil turdagi ishlab chiqarish jarayonlarini bajarishga moʻljallangan, tayanch, toʻsma yoki har ikkala maqsadga xizmat qiluvchi konstruksiyalardan iborat qurilish tizimi;

inshoot — har xil turdagi ishlab chiqarish jarayonlarini bajarish, moddiy qimmatliklarni joylashtirish va saqlash, odamlarning vaqtincha boʻlishi (harakatlanishi), shuningdek, uskunalar yoki kommunikatsiyalarni joylashtirish (oʻtkazish, ulash) uchun moʻljallangan, tayanch, toʻsma yoki har ikkala maqsadga xizmat qiluvchi konstruksiyalardan iborat hajmiy, yassi yoki chiziq tarzidagi qurilish tizimi;

bino va inshoot fasadining eskiz loyihasi — bino va inshoot fasadiga kiritiladigan oʻzgartirishlarning yakuniy natijasi toʻgʻrisida toʻliq tasavvur beruvchi bino va inshoot fasadining rangli tasvirdagi arxitekturaviy chizmasi.

3. Ushbu Reglamentning amal qilishi bino va inshootning hajmi va maydonini oʻzgartirmasdan turib koʻcha (koʻchalar)dan koʻrinadigan old va yon fasadlar (fasad maydonining 25 foizidan ortiq qismi)dagi arxitekturaviy elementlar (sokoli, quyoshdan himoyalash elementlari, parapetlari, ustunlari, tomi, derazalari, peshayvoni, ayvonlari va shu kabilar)ning rangi, konfiguratsiyasi va oʻlchamlari oʻzgartirilishiga tatbiq etiladi.

Bino va inshootning, yakka tartibdagi uy-joyning tashqi koʻrinishini oʻzgartirish boʻyicha agar bino va inshoot, yakka tartibdagi uy-joy magistral koʻchalar, xalqaro, davlat ahamiyatiga ega boʻlgan avtomobil yoʻllari boʻylab joylashgan hollarda fasad maydonining 25 foizidan ortiq qismidan qatʼi nazar kelishish talab etiladi.

Yakka tartibdagi uy-joylar, tumanlarning maʼmuriy markazi boʻlmagan shaharchalarda, qishloq aholi punktlari (qishloq va ovullar)da hamda aholi punktlari tashqarisida joylashgan bino va inshootlarning tashqi koʻrinishini oʻzgartirish uchun kelishish talab etilmaydi.

Bino va inshoot fasadining eskiz loyihasi tegishli litsenziyasi boʻlgan loyiha tashkiloti tomonidan ishlab chiqiladi.

Bino va inshootning tashqi koʻrinishini oʻzgartirgandan soʻng obyektni foydalanishga qabul qilish talab etilmaydi.

4. Bino va inshoot fasadining eskiz loyihasini kelishmasdan turib bino va inshoot tashqi koʻrinishini oʻzgartirish taqiqlanadi.

5. Bino va inshootning tashqi koʻrinishini oʻzgartirishni kelishish tartibotini amalga oshirishda bino va inshoot fasadining eskiz loyihasi Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi (keyingi oʻrinlarda — vakolatli organ) bilan kelishiladi.

6. Davlat xizmatlari markazlari va vakolatli organlar oʻrtasidagi axborot almashuv elektron raqamli imzodan (keyingi oʻrinlarda — ERI) foydalangan holda faqat elektron tarzda amalga oshiriladi.

7. Bino va inshootlarning tashqi koʻrinishini oʻzgartirishni kelishish ushbu Reglamentga 1-ilovada keltirilgan sxemaga muvofiq amalga oshiriladi.

2-bob. Davlat xizmati koʻrsatish tartibi

8. Ariza beruvchilar bino va inshoot tashqi koʻrinishini oʻzgartirishni kelishish uchun Davlat xizmatlari markazlariga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) davlat xizmatidan elektron tarzda foydalanish uchun roʻyxatdan oʻtadi.

Bino va inshoot tashqi koʻrinishini oʻzgartirishni kelishish uchun arizalar YIDXP orqali dam olish va bayram kunlaridan qatʼiy nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlari kelib tushganda navbatdagi ish kuni arizalarning vakolatli organga kelib tushgan va qabul qilingan kun hisoblanadi.

9. Oʻzi kelib murojaat etgan taqdirda, Davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa — ariza beruvchi mustaqil ravishda ushbu Reglamentga 2-ilovada keltirilgan shaklga muvofiq davlat xizmatidan foydalanish uchun soʻrovnomani elektron shaklda toʻldiradi.

Soʻrovnomaga bino va inshoot fasadining eskiz loyihasi PDF yoki JPEG formatda elektron shaklda hamda bino va inshootning naturada joylashgan joyi elektron xaritada koʻrsatilgan holda ilova qilinadi.

Bunda oʻzi kelib murojaat etgan taqdirda, bino va inshoot fasadining eskiz loyihasi Davlat xizmatlari markaziga ariza beruvchi tomonidan elektron shaklda taqdim etiladi.

Bino va inshoot fasadining eskiz loyihasini qogʻoz shaklida qabul qilib, Davlat xizmatlari markazida skanerlash taqiqlanadi.

Ariza beruvchilardan ushbu bandda koʻrsatilmagan maʼlumotlarni hamda boshqa hujjatlarni talab qilish taqiqlanadi.

10. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.

11. Davlat xizmatlari koʻrsatish uchun bazaviy hisoblash miqdorining 50 foizi miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda ushbu bandning birinchi xatboshisida koʻrsatilgan yigʻim summasining 90 foizi undiriladi.

Ijtimoiy himoya yagona reyestri” axborot tizimida roʻyxatga olingan shaxslar, shuningdek, mulkdor boʻlgan I va II guruh nogironligi boʻlgan shaxslarga Davlat xizmatlari markazlari va (yoki) YIDXP orqali davlat xizmatlarini koʻrsatishda qonunchilik hujjatlarida belgilangan davlat bojlari, yigʻimlar va boshqa har qanday toʻlovlar boʻyicha 50 foiz miqdorida chegirma qoʻllaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno).

Davlat xizmati koʻrsatish uchun yigʻim toʻlanganligini tasdiqlash elektron tarzda amalga oshiriladi.

12. Yigʻimlar summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

20 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga oʻtkaziladi;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga oʻtkaziladi;

qolgan mablagʻlar toʻliq miqdorda vakolatli organning bank hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga oʻtkaziladi;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga oʻtkaziladi;

11,25 foizi — Raqamli texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar toʻliq miqdorda vakolatli organning bank hisobvaragʻiga oʻtkaziladi.

13. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega.

Ariza beruvchi davlat xizmatidan foydalanishdan bosh tortganda uning soʻrovnomasi koʻrmasdan qoldiriladi. Bunda toʻlangan yigʻim summasi qaytarilmaydi.

14. Oʻzi kelib murojaat etganda Davlat xizmatlari markazlari soʻrovnoma toʻldirilgan vaqtdan boshlab real vaqt rejimida uni vakolatli organga yuboradi.

YIDXP orqali murojaat qilinganda esa soʻrovnoma avtomatik tarzda vakolatli organga yuboriladi.

15. Vakolatli organ soʻrovnoma tushgan kundan boshlab besh ish kuni mobaynida ushbu Reglamentga 3-ilovada keltirilgan shaklga muvofiq QR-kod qoʻyilgan bino va inshootning tashqi koʻrinishini oʻzgartirish kelishilganligi haqida xulosa beradi yoki rad etishning aniq sabablarini va qonunchilik hujjatlari normalarini koʻrsatgan holda kelishishni rad etadi.

Vakolatli organ tomonidan rad etish normativ-huquqiy hujjatning yoki shaharsozlik normalari va qoidalarining nomi, uning qismi, bandi, kichik bandi yoki xatboshisiga asoslangan boʻlishi talab etiladi.

Bino va inshoot tashqi koʻrinishini oʻzgartirishni kelishish bino va inshoot fasadining eskiz loyihasini vakolatli organning ERI bilan tasdiqlash orqali amalga oshiriladi.

Kadastr agentligi oʻzining axborot tizimi bilan integratsiya qilingan Qurilish va uy-joy kommunal xoʻjaligi vazirligining “Shaffof qurilish” milliy axborot tizimiga real vaqt rejimida koʻchmas mulk obyektiga oid quyidagi zarur maʼlumotlarni yuboradi:

koʻchmas mulkning manzili, yer uchastkasining maydoni, roʻyxatdan oʻtgan raqami va sanasi, huquq turi, yer fondi toifasi, oʻzboshimcha egallangan yer maydoni, bino inshootlar maydoni, roʻyxatdan oʻtgan raqami va sanasi, huquq turi, oʻzboshimcha qurilmalar, hujjatsiz qurilmalar maʼlumotlari, mulk egasi haqidagi maʼlumotlar, koʻchmas mulkka taqiq va cheklovlar mavjudligi.

Agar, yuqoridagi maʼlumotlar mavjud boʻlmasa, vakolatli organning elektron soʻroviga asosan Kadastr agentligi tomonidan bir ish kuni davomida barcha zarur maʼlumotlar va hujjatlar tizimga elektron koʻrinishda yuklanadi.

Vakolatli organ joyiga borib bino va inshootni oʻrganib chiqishi butun bino va inshootni yoki ularning qismlari va ularga biriktirilgan yer uchastkasini, shuningdek, ularga tutash hudud va ular yaqinidagi bino va inshootlarni vizual koʻrikdan (zarurat boʻlganda, maxsus uskunalar va asboblardan foydalangan holda) oʻtkazishdan iborat boʻladi.

Oʻrganish davomida bino va inshoot oʻzboshimchalik bilan qurilganini (loyiha-smeta hujjatlarini kelishmasdan va tegishli tartibda ekspertizadan oʻtkazmasdan turib qurilganini, obyektning loyiha-smeta hujjatlaridan chetga chiqqan holda hamda shaharsozlik normalari va qoidalarini buzgan holda qurish va rekonstruksiya qilingani) aniqlash maqsadida, bino va inshootni tekshiruvdan oʻtkazish hamda ariza beruvchi soʻrovnomasida, shuningdek, bino va inshootning devorlari rejasi, kesimi (mavjud boʻlsa), fasad va kadastr pasporti nusxasida berilgan maʼlumotlarni bino va inshootning haqiqiy holati bilan taqqoslash amalga oshiriladi.

16. Quyidagilar bino va inshootning tashqi koʻrinishini oʻzgartirishni kelishishni rad etish uchun asos boʻladi:

soʻrovnomada notoʻgʻri maʼlumotlar koʻrsatilishi;

davlat xizmatlari koʻrsatish uchun yigʻimni toʻlamaslik;

loyihada bino va inshootning hajmi va maydoni oʻzgarganligi;

bino va inshootning avariya holatida ekanligi;

bino va inshootga boʻlgan huquqning davlat roʻyxatidan oʻtkazilmaganligi;

loyiha tegishli litsenziyasi boʻlgan loyiha tashkiloti tomonidan ishlab chiqilmaganligi;

binolar va inshootlarning mustahkamligi, zilzilabardoshliligiga taʼsir qiluvchi yuk koʻtaruvchi qismlarining oʻzgarishi nazarda tutilganligi;

bino va inshoot fasadi eskiz loyihasining qonunchilik talablariga, shu jumladan, shaharsozlik normalari va qoidalariga mos kelmasligi;

vakolatli organga ariza beruvchi tomonidan obyektni oʻrganish uchun imkoniyat yaratilmaganligi;

taqiqda turgan obyektlar;

bino va inshootlarni ulushdorlaridan birining roziligi boʻlmasa;

shaharsozlik normalari va qoidalariga muvofiq emasligi;

bino va inshoot qismlari rangining atrofdagi bino va inshootlar arxitektura koʻrinishiga va tabiiy landshaft arxitekturasiga uygʻunlashtirilmaganligi;

bino va inshoot qismlaridagi ranglar va shakllar (parapet, pilyastr, deraza, eshik va boshqalar) mazkur bino va inshootlarning funksional vazifasiga yoki umumiy arxitektura koʻrinishiga mos kelmasligi;

qonunchilik hujjatlarida vakolat berilgan alohida hududlarni rivojlantirish maqsadida tashkil etilgan direksiyalar (yoki boshqa shakldagi boshqaruv tashkilotlar)ning ijobiy xulosasi olinmaganda;

bino va inshootning tashqi koʻrinishi hududning tasdiqlangan “dizayn kod”iga muvofiq boʻlmaganda (“dizayn kod” tasdiqlangan hududlarda);

bino va inshoot boʻyicha va (yoki) avvalgi ariza (xulosa) yuzasidan sudda nizo koʻrilayotgan boʻlsa;

davlat roʻyxatidan oʻtkazuvchi organda ushbu yer uchastkasi qonunchilik hujjatlarida belgilangan tartibda olib qoʻyilganligi haqidagi maʼlumotlarning mavjudligi.

Davlat xizmatlarini koʻrsatishni boshqa asoslarga koʻra rad etish taqiqlanadi.

17. Ariza beruvchi bino va inshoot tashqi koʻrinishini oʻzgartirishni kelishish rad etilgan kundan boshlab oʻn ish kuni mobaynida davlat xizmati koʻrsatish uchun yigʻim toʻlamasdan koʻrsatilgan kamchilikni bartaraf etgan holda bino va inshootning tashqi koʻrinishini oʻzgartirishni kelishish uchun takroran murojaat qilish huquqiga ega.

Bunda oʻzi kelib murojaat etganda, Davlat xizmatlari markazi xodimi, YIDXP orqali murojaat etgan taqdirda esa — ariza beruvchi mustaqil ravishda avvalgi ariza uchun toʻlangan invoysni Tizimdan yuklab olib, takroriy arizaning toʻlov bosqichida biriktiradi.

Bino va inshoot tashqi koʻrinishini oʻzgartirishni kelishishni rad etish uchun asos boʻlgan sabablar ariza beruvchi tomonidan bartaraf qilingan taqdirda, takroran kelishish soʻrovnoma takroran tushgan kundan boshlab uch ish kunidan ortiq boʻlmagan muddatda amalga oshiriladi.

Bino va inshoot fasadining eskiz loyihasini takroran koʻrib chiqishda vakolatli organ tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi. Oldin koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.

18. Vakolatli organ bino va inshoot tashqi koʻrinishini oʻzgartirishni kelishgan kunning oʻzida QR-kod qoʻyilgan bino va inshootning tashqi koʻrinishini oʻzgartirish kelishilganligi haqidagi xulosani Davlat xizmatlari markaziga (oʻzi kelib murojaat etgan taqdirda) yoki ariza beruvchiga (elektron tarzda murojaat etgan taqdirda) YIDXP orqali yuboradi.

Davlat xizmatlari markazi xulosa olinganidan soʻng real vaqt rejimida uni ariza beruvchining elektron pochta manziliga yuboradi va bu haqida ariza beruvchini elektron tarzda xabardor qiladi.

Davlat xizmatlari markazi xodimi ariza beruvchi oʻzi kelib murojaat qilgan taqdirda, ariza beruvchining soʻroviga koʻra unga xulosani elektron shaklda yoki qogʻoz shaklida taqdim etadi.

Soʻrovnomada ariza beruvchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.

3-bob. Yakunlovchi qoidalar

19. Davlat xizmatlari markazlari va vakolatli organlar oʻz faoliyatini amalga oshirishi natijasida olingan ariza beruvchi haqidagi maʼlumotlarning oshkor etilmasligini taʼminlashi kerak.

20. Xulosa bino va inshoot fasadining eskiz loyihasi kelishilgan kunning oʻzida “Shaffof qurilish” milliy axborot tizimida avtomatik ravishda hisobga olib boriladi.

21. Adliya vazirligi, uning hududiy boshqarmalari va Davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali, doimiy nazoratni va monitoringni amalga oshiradilar.

22. Ariza beruvchi davlat organlari va boshqa tashkilotlar xodimlarining harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

23. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Bino va inshootning tashqi koʻrinishini oʻzgartirishni kelishish boʻyicha davlat xizmatlari koʻrsatishning maʼmuriy reglamentiga 1-ILOVA

Bino va inshootning tashqi koʻrinishini oʻzgartirishni kelishish

Bosqichlar Subyektlar Amalga oshiriladigan tadbirlar Bajarish muddatlari 1-bosqich Ariza beruvchi 1. Bino va inshootning tashqi koʻrinishini oʻzgartirishni kelishish uchun Davlat xizmatlari markaziga oʻzi kelib yoki YIDXP orqali murojaat qilish. Oʻz xohishiga koʻra 2. Davlat xizmatlarini koʻrsatish uchun yigʻim toʻlash. Murojaat qilganda 2-bosqich 1. Davlat xizmatlari markazi 2. YIDXP Soʻrovnomani vakolatli organga yuborish. Avtomatik ravishda 3-bosqich Vakolatli organ 1. Joyiga borib bino va inshoot maqsadidan kelib chiqqan holda bino va inshootning tashqi koʻrinishini oʻzgartirish imkoniyatini oʻrganib chiqish. 2. Xulosani ERI bilan tasdiqlash yoʻli bilan rasmiylashtirish. 3. Davlat xizmatlari markaziga yoki YIDXP orqali ariza beruvchiga QR-kodli xulosani yuborish. 5 ish kuni mobaynida 4-bosqich Davlat xizmatlari markazi Ariza beruvchining elektron manziliga xulosani joʻnatish, ariza beruvchini bu haqida elektron tarzda xabardor qilish va xulosani berish. Real vaqt rejimida

Bino va inshootning tashqi koʻrinishini oʻzgartirishni kelishish boʻyicha davlat xizmatlari koʻrsatishning maʼmuriy reglamentiga 2-ILOVA

__________________ (sana) __________________ (raqam) Bino va inshootning tashqi koʻrinishini oʻzgartirishni kelishish boʻyicha davlat xizmatlaridan foydalanish uchun SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. JSHSHIR 2. F.I.O. 3. Telefon raqami 4. Elektron pochta manzili (mavjud boʻlsa) II. Ariza beruvchi — yuridik shaxs toʻgʻrisida maʼlumot: 1. Toʻliq nomi 2. STIR 3. Telefon raqami 4. Elektron pochta manzili (mavjud boʻlsa) III. Bino va inshoot toʻgʻrisida maʼlumot: 1. Bino va inshootning kadastr raqami 2. Bino va inshootning manzili IV. Soʻrovnomaga ilova: Bino va inshoot fasadining eskiz loyihasi V. Davlat xizmatini koʻrsatish natijasini olib ketuvchi shaxs (agar mavjud boʻlsa) toʻgʻrisidagi maʼlumotlar: JSHSHIR

Bino va inshootning tashqi koʻrinishini oʻzgartirishni kelishish boʻyicha davlat xizmatlari koʻrsatishning maʼmuriy reglamentiga 3-ILOVA

Vazirlar Mahkamasining 2022-yil 20-apreldagi 200-son qaroriga 2-ILOVA

1-bob. Umumiy qoidalar

1. Ushbu Reglament yuridik va jismoniy shaxslarning (keyingi oʻrinlarda — ariza beruvchilar) kapital bino va inshootlarning ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha kapital bino va inshootlarni qurishni loyihalashtirishga ruxsatnomalar (keyingi oʻrinlarda — ruxsatnoma) berish tartibini belgilaydi.

Ruxsatnoma qurilish-montaj ishlarini boshlash uchun asos hisoblanmaydi.

Mazkur Reglament qoidalari markazlashgan mablagʻlar yoki xalqaro moliya institutlari va tijorat banklarining kredit mablagʻlari hisobidan amalga oshirilayotgan “Oʻrta shaharlarni kompleks rivojlantirish” loyihasi doirasida obyektlarni qurishni loyihalashtirishga ruxsatnomalar berishga nisbatan ham tatbiq etiladi.

2. Ushbu Reglament qoidalari quyidagilarga nisbatan tatbiq etilmaydi:

davlat sirlariga yoki alohida muhim toifalangan obyektlarning qurilish-montaj ishlariga;

yengil turdagi qurilmalar (konstruksiyalar) va vaqtincha qurilmalarga.

3. Ushbu Reglamentda quyidagi asosiy tushunchalardan foydalaniladi:

kapital bino va inshoot — obyekt barpo etilishi uchun yer uchastkasiga mulk, ijara yoki doimiy foydalanish huquqi mavjud boʻlgan, zarur ruxsat beruvchi hujjatlari olingan hamda muqim muhandislik kommunikatsiyalari oʻtkazilgan (zarur boʻlganda), shaharsozlik normalari va qoidalariga rioya etgan holda maxsus moslashtirilgan (chuqurlashtirilgan va boshqa holatdagi) poydevorlarga oʻrnatilgan qurilish tizimi;

vaqtinchalik qurilmalar — obyektlar quriladigan, rekonstruksiya qilinadigan va taʼmirlanadigan, dala ishlari (geodeziya, qishloq hoʻjaligi, oʻrmonchilik, baliq koʻpaytirish va boshqalar) bajariladigan mavsumiy savdo, umumiy ovqatlanish, oʻqitish va boshqa jarayonlar davrida maxsus barpo etiladigan yoki moslashtiriladigan hamda ulardan foydalanish zarurati boʻlmaganda bartaraf etish (buzish) imkoniyati mavjud boʻlgan kapital hisoblanmagan ishlab chiqarish, ombor sifatida ishlatiladigan bino va inshootlar;

yengil turdagi qurilmalar (konstruksiyalar) — devor, pol va tom qismlari yengil konstruksiyalardan iborat, yon qism(lar)i yopiq yoki ochiq, 0,5 metrdan koʻp boʻlmagan chuqurlikda poydevorga ega, yechib olish va koʻchirish imkoniyati mavjud bir qavatli qurilish obyektlari (devor, pol va tom qismlarini buzmasdan yaxlitligicha koʻchirish hamda oʻrnatish mumkin boʻlgan yengil turdagi konstruksiyalar bundan mustasno);

magistral koʻchalar — aholi punktining maʼmuriy markazini boshqa funksional zonalari bilan bogʻlovchi, shuningdek, uning hududida umumiy foydalanishdagi transport va boshqa transport vositalari hamda piyodalar serqatnov boʻlgan asosiy koʻchalar;

qayta qurish — obyektdagi bino va inshootlarni toʻliq yoki qisman buzib tashlab, ularning ixtisoslashishini oʻzgartirgan yoki oʻzgartirmagan holda yangilarini qurish;

ixtisoslashishini oʻzgartirish — bino va inshootlarni yoki alohida xonalarni, shu jumladan, qurilishi yakunlanmaganlarini ularning dastlabki loyiha-smeta va kadastr hujjatlarida nazarda tutilmagan maqsadli yoʻnalishining rekonstruksiya qilingan va rekonstruksiya qilinmagan oʻzgarishi;

qoʻshimcha qurilish — yuridik va jismoniy shaxslarga tegishli yer uchastkalarining oldin qurilgan bino va inshootlardan boʻsh qismida ularga tutashgan holda va (yoki) alohida turadigan yangi bino va inshootlarning barpo etilishi;

rekonstruksiya qilish — binolardan foydalanish sharoitlarini oʻzgartirish, ularning jismoniy eskirishi tufayli yuzaga kelgan yoʻqotishlar oʻrnini toʻldirish, binolardan foydalanishning yangi maqsadlariga erishish uchun asosiy texnik-iqtisodiy koʻrsatkichlarni (yuklamalarni, xonalarning rejalashtirilishini, binoning qurilish hajmini va umumiy maydonini, muhandislik jihatdan jihozlanishini) oʻzgartirish bilan bogʻliq qurilish ishlari va tashkiliy-texnik tadbirlar hamda koʻp kvartirali uydagi joyni qayta rejalashtirish majmui;

shaharsozlik hujjatlari — hududlarni va aholi punktlarini rivojlantirishni shaharsozlik jihatidan rejalashtirish toʻgʻrisidagi hamda ularni qurish haqidagi tasdiqlangan hujjatlar.

4. Ruxsatnoma 2 yil muddatga beriladi, agarda ruxsatnoma talablari 2 yil muddatda bajarilmasa, u oʻz kuchini yuqotgan hisoblanadi.

Buyurtmachida yangi ruxsatnoma olish zarurati tugʻilganda, u ruxsatnomani bergan organga ushbu Reglamentda belgilangan tartibda takroran soʻrovnoma kiritishi mumkin.

5. Quyidagi hollarda ruxsatnoma talab etilmaydi:

binolarning mustahkamligi va zilzilabardoshliligiga taʼsir qiluvchi, yuk koʻtarib turuvchi qismlarining oʻzgarishiga olib kelmaydigan qayta rejalashtirishdan iborat (koʻp kvartirali uydagi joylarni qayta rejalashtirish bundan mustasno) rekonstruksiya qilishda;

yengil turdagi qurilmalar va vaqtincha qurilmalarning ixtisoslashishini oʻzgartirish, qayta qurish, rekonstruksiya qilish hamda oʻz hududida shunday qoʻshimcha qurilmalarni qurishda.

6. Bino va inshootlarning ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha bino va inshootlarni qurishni tegishli ruxsatnomasiz amalga oshirish taqiqlanadi.

Koʻp kvartirali turar joylarda quyidagilar taqiqlanadi:

birinchi qavatdagi va yertoʻla qismidagi xonalarni yuk koʻtaruvchi qismlarini oʻzgartirish yoki rekonstruksiya qilish (xonalar ixtisoslashishini oʻzgartirish, shuningdek, gipsokarton, plastik va shu turdagi boshqa yengil materiallardan iborat orayopma devorlarni oʻrnatish bundan mustasno);

ikkinchi va undan yuqori qavatlarda joylashgan va loyiha-smeta hujjatlari mavjud turar joylarni yuk koʻtaruvchi qismlarini oʻzgartirish yoki rekonstruksiya qilish va qayta rejalashtirish (gipsokarton, plastik va shu turdagi boshqa yengil materiallardan iborat orayopma devorlarni oʻrnatish bundan mustasno).

Shaharsozlik hujjatlarida istiqbolda muayyan hududda mavjud bino va inshootlar buzilishi belgilangan holatlarda, ushbu hududlarda joylashgan bino va inshootlar ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha bino va inshootlarni qurishni loyihalashtirishga ruxsatnomalar berilishi mumkin.

Avtomobil va temir yoʻllari, suv inshootlari muhofaza zonalarida joylashgan bino va inshootlarga faqat ixtisoslashishni oʻzgartirish va rekonstruksiya qilish uchun ruxsatnomalar berilishi mumkin. Bunday holatlarda oʻz hududida qoʻshimcha kapital bino va inshootlarni qurish, mavjudlarining qavatini oshirish taqiqlanadi.

7. Ruxsatnoma Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi (keyingi oʻrinlarda — vakolatli organ) tomonidan beriladi.

Vakolatli organ tomonidan turar joyni noturar joy toifasiga yoki noturar joyni turar joy toifasiga oʻtkazish (rekonstruksiya qilmasdan) uchun ruxsatnoma rasmiylashtirilganda, ariza beruvchining soʻroviga koʻra kadastr pasportini rasmiylashtirish va koʻchmas mulkka boʻlgan huquqlarni davlat roʻyxatidan oʻtkazish uchun ruxsatnoma Davlat kadastrlari palatasining hududiy boshqarmasiga elektron tarzda yuboriladi (obyektning muayyan qismi toifasini oʻzgartirish bundan mustasno).

Ruxsatnoma rasmiylashtirilgandan soʻng ariza beruvchining ixtiyoriga koʻra arxitektura-rejalashtirish topshirigʻini ishlab chiqish uchun buyurtma Davlat xizmatlari markazi yoki YIDXP orqali avtomatik tarzda berilishi mumkin.

Koʻp kvartirali turar joyning birinchi qavatini noturar joy toifasiga yoki noturar joyni koʻp kvartirali turar joy toifasiga oʻtkazish uchun Qurilish va uy joy kommunal hoʻjaligi sohasida nazorat qilish hududiy inspeksiyalarining ijobiy xulosasi talab etiladi.

Noturar joy binolardan iborat obyektning oʻz hududida qoʻshimcha turar joy binolarini qurishga ushbu Reglamentda belgilangan tartibda berilgan ruxsatnomaga asosan mazkur qoʻshimcha turar joy binolari qurilishi yakunlanib ulardan foydalanishga tegishli ruxsatnoma berilgandan soʻng ushbu binolarni turar joy toifasiga oʻtkazish uchun alohida ruxsatnoma olish talab etilmaydi.

Noturar joyni turar joyga ixtisoslashishni oʻzgartirishga ruxsatnomani rasmiylashtirishda:

a) koʻchmas mulk obyekti bilan bogʻliq soliq qarzdorligi mavjud emasligi;

obyektda tadbirkorlik faoliyatini yuritish imkoniyatlarining toʻliq bartaraf etilganligi (koʻchmas mulk obyektida tadbirkorlik bilan shugʻullanuvchi yuridik shaxs hisobga qoʻyilmaganligi) Vazirlar Mahkamasi huzuridagi Soliq qoʻmitasining elektron maʼlumotlar bazasidan avtomatik ravishda tekshiriladi;

b) koʻchmas mulk obyekti mulkdorlarining koʻp kvartirali uyni saqlash xarajatlari uchun boshqarish organi oldida majburiy badal va toʻlovlardan qarzdorligi mavjud emasligi “Mening uyim” billing tizimidan avtomatik ravishda tekshiriladi.

7 1 . Mavjud binolarni diniy muassasalar va ibodatxonalar (masjidlar, cherkovlar, sinagogalar va boshqalar)ga ixtisoslashtirish, diniy muassasalar va ibodatxonalarni qayta qurish, rekonstruksiya qilish hamda oʻz hududida qoʻshimcha bino va inshootlarni qurishga ruxsatnoma olishda:

a) Oʻzbekiston Respublikasi Din ishlari boʻyicha qoʻmitasi (keyingi oʻrinlarda — Din ishlari qoʻmitasi) diniy muassasalar va ibodatxonalarni qayta qurish, rekonstruksiya qilish va oʻz hududlarida qoʻshimcha binolarni qurish hamda boshqa binolardan diniy muassasalar va ibodatxonalar sifatida foydalanish uchun ularni ixtisoslashishni oʻzgartirish boʻyicha xulosa beradi;

b) tegishli tuman (shahar) hokimliklari diniy muassasalar va ibodatxonalarni qayta qurish va boshqa binolardan diniy muassasalar va ibodatxonalar sifatida foydalanish uchun ularni ixtisoslashishni oʻzgartirish boʻyicha xulosa beradi;

v) vakolatli organ diniy muassasalar va ibodatxonalarni qayta qurish, rekonstruksiya qilish va oʻz hududlarida qoʻshimcha binolarni qurishni loyihalashtirishga hamda boshqa binolardan diniy muassasalar va ibodatxonalar sifatida foydalanish uchun ularni ixtisoslashishni oʻzgartirishga ushbu bandning “a” kichik bandi boʻyicha ijobiy xulosa olingandan soʻng ruxsatnoma (keyingi oʻrinlarda — ruxsatnoma) beradi.

8. Davlat xizmatlari markazlari va vakolatli organlar oʻrtasidagi axborot almashuv ERIdan foydalangan holda faqat elektron tarzda amalga oshiriladi.

9. Ruxsatnoma berish ushbu Reglamentga 1-ilovada keltirilgan sxemaga muvofiq amalga oshiriladi.

2-bob. Ruxsatnoma talablari va shartlari

10. Quyidagilar ruxsat berishga doir talab va shartlar hisoblanadi:

a) turar joyni noturar joyga oʻtkazishda:

bino va inshootning texnik holati boʻyicha ijobiy xulosa mavjudligi;

turar joyni boshqa shaxsga oʻtkazishga taqiq yoʻqligi yoki ushbu turar joyga nisbatan xatlov mavjud emasligi (ipoteka bundan mustasno);

noturar joyga oʻtkazilayotgan turar joy birinchi qavatda joylashganligi (yakka tartibdagi uy-joylar bundan mustasno);

qonunchilik hujjatlari hamda shaharsozlik normalari va qoidalari talablariga zid ravishda binolar konstruksiyasiga taʼsir koʻrsatuvchi oʻzgartirishlar kiritmaslik;

obyektda evakuatsiya chiqishlarining soni va joylashishining oʻzgarmasligi;

turar joy aniq maqsadli kommunal uy-joy fondiga kirmasligi;

alohida kirish joyini yaratish imkoni mavjud boʻlishi;

koʻzlangan faoliyat turi Vazirlar Mahkamasining 2000-yil 24-yanvardagi 22-son qarori bilan tasdiqlangan Koʻp kvartirali uylardagi yashash uchun moʻljallanmagan joylardan foydalanish tartibi toʻgʻrisidagi nizom ilovasiga (koʻp kvartirali uylardagi yashash uchun moʻljallanmagan joylarda joylashtirishga ruxsat berilgan faoliyat turlari roʻyxati) muvofiq faoliyat turlariga zid boʻlmasligi;

ixtisoslashishi oʻzgartirilgan obyektning foydalanish maqsadi yer uchastkasidan ruxsat etilgan foydalanishning asosiy turiga muvofiqligi;

b) noturar joyni turar joyga oʻtkazishda:

ixtisoslashishi oʻzgartirilgan obyektning foydalanish maqsadi yer uchastkasidan ruxsat etilgan foydalanishning asosiy turiga muvofiqligi;

bino va inshootning texnik holati boʻyicha ijobiy xulosa mavjudligi;

turar joyga oʻtkazilayotgan noturar joy bino yertoʻlasi yoki yarim yertoʻlasida joylashmaganligi;

turar joyga oʻtkazilayotgan noturar joyni toʻgʻridan-toʻgʻri boshidan oxirigacha yoki burchagidan shamollatishni tashkil etish imkoniyatining mavjudligi, shuningdek, yondosh turar joy yoki noturar joylardan toʻliq izolyatsiyalanganligi;

noturar joydagi xonalar shiftining (maksimum, minimum) balandligi shaharsozlik normalari va qoidalari talablariga muvofiq ekanligi;

noturar joyni boshqa shaxsga oʻtkazishga taqiq yoʻqligi yoki ushbu noturar joyga nisbatan xatlov mavjud emasligi (ipoteka bundan mustasno);

zarur sanitariya-gigiyenik uzellar yaratish uchun noturar joydagi xonalarni moslashtirish imkoniyatining mavjudligi;

markazlashtirilgan kanalizatsiya mavjud boʻlmagan hollarda noturar joyga biriktiriladigan yer uchastkasining maydoni turar joy xonasidan, shuningdek, biriktiriladigan yer uchastkasiga tutash boʻlgan boshqa mulkdorlarga tegishli turar joylardan oqova suv va hojatxona uchun moʻljallangan oʻralardan sanitariya normalariga muvofiq masofada joylashganligi;

xonaning mavsumiy va vaqtincha yashash uchun moʻljallanmaganligi;

xonaning bozorlar va boshqa savdo markazlarida, mahalliy davlat hokimiyati organlari binolarida joylashmaganligi;

kino va videofilmlar namoyish qilinadigan vaqtincha pavilyonlar, yozgi ochiq estrada, raqs maydonchalari, inson hayoti uchun xavfli boʻlgan portlovchi, yonuvchi va kimyoviy vositalar saqlash omborxonalari, kiosklar, yengil turdagi obyekt emasligi;

ijtimoiy soha obyektlarida joylashmaganligi;

v) koʻp kvartirali uylarni qayta rejalashtirish va rekonstruksiya qilishda qoʻshnilarning yoki boshqa uchinchi shaxslarning umumiy mulkdan foydalanish bilan bogʻliq huquqlari buzilmasligi hamda ularning hayoti va sogʻligʻi uchun xavf-xatar yuzaga kelmasligi;

g) shaharsozlik normalari va qoidalariga muvofiqligi.

3-bob. Davlat xizmatlari koʻrsatish tartibi

11. Ariza beruvchi ruxsatnoma olish uchun Davlat xizmatlari markaziga oʻzi kelib murojaat etadi yoki YIDXPda davlat xizmatidan elektron tarzda foydalanish uchun roʻyxatdan oʻtadi.

Ruxsatnoma olish uchun arizalar YIDXP orqali dam olish va bayram kunlaridan qatʼiy nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlari kelib tushganda navbatdagi ish kuni arizalarning vakolatli organga kelib tushgan va qabul qilingan kun hisoblanadi.

12. Oʻzi kelib murojaat etgan taqdirda, Davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa — ariza beruvchi mustaqil ravishda ushbu Reglamentga 2-ilovada keltirilgan shaklga muvofiq davlat xizmatidan foydalanish uchun soʻrovnomani elektron shaklda toʻldiradi.

Soʻrovnomaga quyidagilar ilova qilinadi:

turar joyni noturar joy toifasiga oʻtkazish nazarda tutilganda soʻrovnomaga turar joyga birgalikda egalik qiluvchilarning (agar mavjud boʻlsa) notarial tasdiqlangan yozma roziligi;

Madaniy meros agentligining hududiy boshqarmasi ijobiy xulosasi (moddiy-madaniy meros obyektlari, alohida muhofaza qilinadigan hududlarida joylashgan obyekt boʻyicha).

Ariza beruvchidan ushbu bandda koʻrsatilmagan maʼlumotlar hamda boshqa hujjatlarni talab qilish taqiqlanadi.

13. Soʻrovnoma toʻldirilgandan soʻng talabgor maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobile-ID va boshqalar) bilan tasdiqlaydi.

Talabgor YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.

14. Davlat xizmati koʻrsatilganligi uchun vakolatli organ tomonidan yuborilgan invoys asosida quyidagi miqdorda yigʻim toʻlanadi:

xavf-xatar toifalari boʻyicha I toifa obyektlar uchun bazaviy hisoblash miqdorining 50 foizi;

xavf-xatar toifalari boʻyicha II toifa obyektlar uchun bazaviy hisoblash miqdorining bir baravari;

xavf-xatar toifalari boʻyicha III-IV toifa obyektlar uchun bazaviy hisoblash miqdorining ikki baravari.

“Ijtimoiy himoya yagona reyestri” axborot tizimida roʻyxatga olingan shaxslar, shuningdek, mulkdor boʻlgan I va II guruh nogironligi boʻlgan shaxslarga Davlat xizmatlari markazlari va (yoki) YIDXP orqali davlat xizmatlarini koʻrsatishda qonunchilik hujjatlarida belgilangan davlat bojlari, yigʻimlar va boshqa har qanday toʻlovlar boʻyicha 50 foiz miqdorida chegirma qoʻllaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno).

Davlat xizmatini koʻrsatish uchun yigʻim toʻlanganligi elektron shaklda tasdiqlanadi.

15. Yigʻim summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

20 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga oʻtkaziladi;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga oʻtkaziladi;

qolgan mablagʻlar toʻliq miqdorda vakolatli organning hisobvaragʻiga oʻtkaziladi;

b) YIDXP orqali murojaat etganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga oʻtkaziladi;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga oʻtkaziladi;

11,25 foizi — Raqamli texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;

qolgan mablagʻlar toʻliq miqdorda vakolatli organning hisobvaragʻiga oʻtkaziladi.

16. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega.

Ariza beruvchi davlat xizmatidan foydalanishdan bosh tortganda uning soʻrovnomasi koʻrmasdan qoldiriladi. Bunda toʻlangan yigʻim summasi qaytarilmaydi.

17. Oʻzi kelib murojaat qilganda, Davlat xizmatlari markazi xodimi soʻrovnoma toʻldirilgan vaqtdan boshlab real vaqt rejimida uni quyidagi davlat organlariga (keyingi oʻrinlarda — xulosa beruvchilar) yuboradi:

Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filialiga (keyingi oʻrinlarda — kadastr organi);

Sanitariya-epidemiologik osoyishtalik va jamoat salomatligi xizmatining tuman (shahar) sanitariya-epidemiologiya xizmatiga;

Favqulodda vaziyatlar vazirligining tuman (shahar) yongʻin xavfsizligi boʻlimiga, Toshkent shahrida — yongʻin xavfsizligi boshqarmasiga;

Ekologiya, atrof-muhitni muhofaza qilish va iqlim oʻzgarishi vazirligining tuman (shahar) boʻlimiga.

Mavjud binolarni diniy muassasalar va ibodatxonalarga ixtisoslashtirish, diniy muassasalar va ibodatxonalarni qayta qurish, rekonstruksiya qilish hamda oʻz hududida qoʻshimcha bino va inshootlarni qurishga ruxsatnoma olish uchun oʻzi kelib murojaat qilganda, Davlat xizmatlari markazi xodimi soʻrovnoma toʻldirilgan vaqtdan boshlab real vaqt rejimida uni, ushbu bandning ikkinchi — toʻrtinchi xatboshidagi organlardan tashqari quyidagi organlarga ham yuboradi:

tuman (shahar) hokimligiga;

Din ishlari qoʻmitasiga.

17 1 . Kadastr organi bir ish kuni mobaynida quyidagilarni elektron tizim orqali vakolatli organga yuboradi:

bino va inshoot yer uchastkasi yer fondi yerlarining qaysi toifasiga mansubligi hamda yer ajratish toʻgʻrisidagi hujjatlarning oʻz kuchini yoʻqotganligi yoki yoʻqotmaganligi (muddati oʻtmaganligi) haqida va yer maydoni nizoli emasligi toʻgʻrisida QR-kod qoʻyilgan maʼlumotnoma;

bino va inshootning kadastr chizmasi (planlar, old va yon koʻrinishlari, yer uchastkasining chegarasi (mavjud boʻlganda) va boshqalar). Bunda bino va inshootning kadastr chizmasida mulk huquqiga ega boʻlgan va unga ega boʻlmagan qismlari qayd etiladi.

Bino va inshoot yoki uning yer uchastkasi davlat roʻyxatidan oʻtkazilmaganda, ushbu koʻchmas mulk obyektida nizolar borligidan dalolat beruvchi sud hujjatlari mavjud boʻlganda, ushbu yer uchastkasi qonunchilik hujjatlarida belgilangan tartibda olib qoʻyilganligi haqidagi maʼlumotlar mavjud boʻlganda, koʻchmas mulk obyektiga taqiq, xatlov (ipoteka bundan mustasno) qoʻyish vakolati boʻlgan organ tomonidan unga taqiq, xatlov (ipoteka bundan mustasno) qoʻyilganda, noturar joyni turar joyga oʻtkazishda turar joyga oʻtkazilayotgan noturar joy qishloq xoʻjaligiga moʻljallangan yer maydonlarida joylashganda, filial QR-kod qoʻyilgan rad javobini elektron tizimga yuklaydi. Rad javobi elektron tizim orqali bevosita ariza beruvchiga yuboriladi.

17 2 . Xulosa beruvchilar besh ish kuni davomida bino va inshootning ixtisoslashishni oʻzgartirish, qayta qurish, rekonstruksiya qilish hamda oʻz hududida quriladigan qoʻshimcha bino va inshootlar sanitariya-epidemiologiya va yongʻin xavfsizligi talablariga javob berishi toʻgʻrisidagi ijobiy xulosalarini vakolatli organga yuboradilar. Bunda shartli ravishda ijobiy xulosa berish taqiqlanadi.

Bino va inshootning ixtisoslashishni oʻzgartirish, qayta qurish, rekonstruksiya qilish hamda oʻz hududida quriladigan qoʻshimcha bino va inshootlar sanitariya-epidemiologiya va yongʻin xavfsizligi talablariga javob bermagan holatlarda, salbiy xulosalar elektron tizimga yuklanadi. Salbiy xulosa elektron tizim orqali bevosita ariza beruvchiga yuboriladi.

17 3 . Din ishlari qoʻmitasi soʻrovnoma tushganidan soʻng besh ish kuni mobaynida oʻz xulosasini vakolatli organga va ariza beruvchiga yuboradi. Bunda salbiy xulosa qonunchilikning aniq normalarini koʻrsatgan holda beriladi.

17 4 . Tuman (shahar) hokimligiga soʻrovnoma tushganidan soʻng u besh ish kuni mobaynida diniy muassasalar va ibodatxonalarni qayta qurish va boshqa binolardan diniy muassasalar va ibodatxonalar sifatida foydalanish uchun ularni ixtisoslashishni oʻzgartirishni ijobiy xulosasi orqali kelishib beradi hamda uni vakolatli organga va ariza beruvchiga yuboradi yoki qonunchilikning aniq normalarini koʻrsatgan holda rad etadi.

17 5 . Quyidagilar vakolatli organ huzuridagi Arxitektura-shaharsozlik kengashlari (keyingi oʻrinlarda — Kengash) bilan kelishiladi:

a) aholi punktlarining rivojlanishini rejalashtirish va hududlarini qurish toʻgʻrisidagi shaharsozlik hujjatlari mavjud boʻlmagan taqdirda, ruxsatnomalar berish masalalari;

b) koʻp qavatli binolar joylashgan magistral koʻchalar, shuningdek, xalqaro va davlat ahamiyatiga ega boʻlgan avtomobil yoʻllari boʻylab joylashgan bino va inshootlar, shu jumladan koʻp kvartirali uy-joylarning tashqi koʻrinishini oʻzgartirish bilan bogʻliq rekonstruksiya qilish (fasadlar va tom qismi), ixtisoslashishni oʻzgartirish va ularni qayta qurish masalalari;

v) turar joy zonasida yakka tartibdagi uy-joy yoki boshqa maqsadlardagi bino va inshootlarni qurish uchun moʻljallangan oʻz yer uchastkasida mavjud bino va inshootning toʻliq yoki bir qismini buzgan holda, ular oʻrnida koʻp kvartirali uy-joy qurish masalalari.

Vakolatli organ soʻrovnoma kelib tushganidan soʻng bir ish kuni ichida undagi masalani koʻrib chiqish Kengashga taalluqli boʻlsa, soʻrovnoma va unga ilova qilingan hujjatlarni tegishliliga koʻra, Kengashga koʻrib chiqish uchun kiritadi.

Kengashlar oʻziga tegishli masalani oʻn besh ish kuni ichida koʻrib chiqib, ijobiy yoki salbiy xulosani elektron shaklda Davlat xizmatlari markaziga yoki YIDXP orqali ariza beruvchiga hamda vakolatli organga yuboradi.

17 6 . Vakolatli organ filialdan bino va inshoot yer uchastkasi yer fondi yerlarining qaysi toifasiga mansubligi hamda yer ajratish toʻgʻrisidagi hujjatlarning oʻz kuchini yoʻqotganligi yoki yoʻqotmaganligi (muddati oʻtmaganligi) haqida maʼlumotnomalar, bino va inshootning kadastr chizmalari, xulosa beruvchilarning ijobiy xulosalar, shuningdek, Din ishlari qoʻmitasidan va tuman (shahar) hokimligidan hamda tegishli Kengashdan ijobiy xulosalar tushgandan soʻng bir ish kuni mobaynida Davlat xizmatlari markaziga yoki YIDXP orqali ariza beruvchiga elektron shaklda davlat xizmatini koʻrsatish qiymati belgilangan invoysni (keyingi oʻrinlarda — invoys) yuboradi.

Davlat xizmatlari markazi va YIDXP orqali invoys kelib tushganligi haqida ariza beruvchi xabardor qilinadi.

17 7 . Ariza beruvchiga invoys kelib tushgandan soʻng besh ish kuni mobaynida invoysda qayd etilgan toʻlov amalga oshirilishi lozim.

18. Vakolatli organ invoys boʻyicha toʻlov kelib tushgandan soʻng yetti ish kuni mobaynida obyektni joyiga borib, bino va inshootlarni ixtisoslashishni oʻzgartirish, qayta qurish, rekonstruksiya qilish hamda oʻz hududida qoʻshimcha bino va inshootlarni qurish imkoniyatlari mavjudligini oʻrganadi va QR-kod qoʻyilgan ruxsatnomani beradi yoki rad etishning aniq sabablarini koʻrsatgan holda ruxsatnoma berishni rad etadi.

Ruxsatnoma elektron shaklda rasmiylashtiriladi va vakolatli organning ERIsi bilan tasdiqlanadi.

Vakolatli organ arizani koʻrib chiqish muddati davomida zaruratga koʻra filialdan davlat xizmatini koʻrsatishga doir qoʻshimcha maʼlumotlar talab etilganda, Kadastr agentligining axborot tizimi bilan integratsiya qilingan Qurilish va uy-joy kommunal xoʻjaligi vazirligining “Shaffof qurilish” milliy axborot tizimi orqali real vaqt rejimida koʻchmas mulk obyektiga oid zarur maʼlumotlar va kadastr hujjatlarini mustaqil ravishda (yuklab) olishi mumkin.

Agar Kadastr agentligining axborot tizimi bilan integratsiya qilingan Qurilish va uy-joy kommunal xoʻjaligi vazirligining “Shaffof qurilish” milliy axborot tizimi orqali obyektning kadastr hujjatlari toʻgʻrisidagi zarur maʼlumotlarni olishni imkoni boʻlmagan yoki maʼlumotlar bazasida mavjud boʻlmagan taqdirda, vakolatli organning elektron soʻroviga asosan Kadastr agentligi tomonidan ikki ish kuni davomida barcha zarur maʼlumotlar va hujjatlar tizimga elektron shaklda yuklanadi.

Ariza beruvchi obyektni oʻrganish uchun vakolatli organga imkoniyat yaratib berishi lozim.

Vakolatli organning obyektni joyiga borib oʻrganib chiqishi butun bino va inshootni yoki ularning qismlarini va ularga biriktirilgan yer uchastkasini, shuningdek, ularga tutash hududni hamda bino va inshootlarni vizual koʻrikdan (zarurat boʻlganda, maxsus uskunalar va asboblardan foydalangan holda) oʻtkazishdan iborat boʻladi.

Vakolatli organ oʻrganish davomida bino va inshoot oʻzboshimchalik bilan qurilmaganligini aniqlash uchun bino va inshootni tekshiruvdan oʻtkazadi, ariza beruvchining soʻrovnomasidagi va kadastr hujjatlaridagi maʼlumotlarni bino va inshootning haqiqiy holati bilan taqqoslaydi.

Shuningdek, obyektda quyidagilar oʻrganiladi:

qurilishi rejalashtirilayotgan obyekt bosh rejaga muvofiq joylashtirilganligi, shu jumladan, obyekt hududning shaharsozlik hujjatlarida belgilangan zonalashtirishga muvofiq joylashganligi;

qurilish-montaj ishlari shaharsozlik hujjatlariga muvofiq amalga oshirilganligi;

muhandislik tarmoqlari va boshqa muhofaza zonalariga boʻlgan masofalar saqlagan holatda obyekt joylashtirilganligi;

qurilayotgan obyekt uchun shaharsozlik talablari boʻyicha yer maydoni yetarli ekanligi;

qurilishi rejalashtirilayotgan obyekt uchun ajratilgan yer maydoni nizoli boʻlgan taqdirda, mazkur nizo mazmunan hal etilganligi toʻgʻrisidagi qonuniy kuchga kirgan sud organining qarori yoxud nizolashuvchi taraflarning yozma ravishda rasmiylashtirilib tasdiqlangan kelishuv bitimi mavjudligi;

shaharsozlik hamda sanitariya norma va qoidalari, shuningdek, yongʻin xavfsizligi talablariga mos ekanligi;

qoʻshimcha bino va inshootlarni qurish rejalashtirilayotgan oʻz hududida koʻp yillik daraxtlar mavjud boʻlgan taqdirda, qurish uchun ekologiya organlarining tegishli ijobiy xulosasi mavjudligi.

19. Quyidagilar vakolatli organ tomonidan ruxsatnoma berishni rad etish uchun asos hisoblanadi:

soʻrovnomada notoʻgʻri maʼlumotlar koʻrsatilishi;

davlat xizmatlari koʻrsatish uchun yigʻim toʻlanmaganligi;

mazkur Maʼmuriy reglamentning 10 , 18 va 21-bandlarida nazarda tutilgan talablarga muvofiq emasligi;

bino va inshootning ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha bino va inshootlarni qurish qonunchilik hujjatlari talablariga, shuningdek, shaharsozlik normalari va qoidalariga hamda sanitariya qoidalari va normalariga muvofiq emasligi;

bino va inshoot ular joylashgan yer uchastkasining foydalanish maqsadiga mos ravishda joylashmagani;

obyektni oʻrganish uchun vakolatli organga imkoniyat yaratilmaganligi;

davlat roʻyxatidan oʻtkazuvchi organda ushbu koʻchmas mulk obyektida nizolar borligidan dalolat beruvchi sud hujjatlarining mavjudligi;

vakolatli organ tomonidan koʻchmas mulk obyektiga taqiq, xatlov (ipoteka bundan mustasno) qoʻyilganligi;

loyihalashtirish nazarda tutilgan qurilish-montaj ishlari ruxsatnoma olgunga qadar oʻzboshimchalik bilan boshlangan boʻlsa;

koʻchmas mulkka boʻlgan huquqlar davlat roʻyxatidan oʻtkazilmaganligi, yoki foydalanishning belgilangan asosiy maqsadiga koʻra, obyekt qishloq xoʻjaligiga moʻljallangan yoki oʻrmon fondi yerlari hududida joylashganligi haqida sohadagi vakolatli organning xulosasi mavjudligi;

obyekt ulanishi moʻljallanayotgan tashqi muhandislik kommunikatsiya tarmoqlarining yetarli quvvatlarga ega boʻlmaganligi (Kengashda koʻrib chiqilishi jarayonida aniqlanganda);

tegishli Kengashning ijobiy xulosasi olinmaganligi (Kengashda koʻriladigan masalalar boʻyicha);

qonunchilik hujjatlarida vakolat berilgan alohida hududlarni rivojlantirish maqsadida tashkil etilgan direksiya (yoki boshqa shakldagi boshqaruv tashkilotlar)ning salbiy xulosasi olinganda;

bino va inshootning tashqi koʻrinishi hududning tasdiqlangan “dizayn kod”iga muvofiq boʻlmaganda (“dizayn kod” tasdiqlangan hududlarda);

Madaniy meros agentligining hududiy boshqarmasi ijobiy xulosasi olinmaganda (obyekt moddiy-madaniy meros obyektlari, alohida muhofaza qilinadigan hududlarida joylashgan boʻlsa);

bino va inshoot boʻyicha va (yoki) avvalgi ariza (ruxsatnoma) yuzasidan sudda nizo koʻrilayotgan boʻlsa;

koʻchmas mulkka boʻlgan huquqlar davlat roʻyxatidan oʻtkazilmaganligi.

Bunda yer uchastkasi yoki bino va inshootning biri davlat roʻyxatidan oʻtkazilgan boʻlsa, rad etish taqiqlanadi.

Davlat xizmatlarini koʻrsatishni boshqa asoslarga koʻra rad etish qatʼiyan taqiqlanadi.

20. Ariza beruvchi ruxsatnoma berish rad etilgan kundan boshlab oʻn ish kuni mobaynida davlat xizmati koʻrsatish uchun yigʻimni toʻlamasdan koʻrsatilgan kamchilikni bartaraf etib ruxsatnoma olish uchun qayta murojaat qilish huquqiga ega.

Bunda oʻzi kelib murojaat etganda, Davlat xizmatlari markazi xodimi, YIDXP orqali murojaat etgan taqdirda esa — ariza beruvchi mustaqil ravishda avvalgi ariza uchun toʻlangan invoysni tizimdan yuklab olib, takroriy arizaning toʻlov bosqichida biriktiradi. Takroriy soʻrovnoma ushbu Reglamentda belgilangan tartibda umumiy asoslarda koʻrib chiqiladi.

Ruxsatnoma berishni rad etish uchun asos boʻlgan sabablar ariza beruvchi tomonidan bartaraf etilgan taqdirda, ruxsatnoma soʻrovnoma takroran berilgandan soʻng vakolatli organ tomonidan besh ish kunidan oshmagan muddatda beriladi.

Ruxsatnomani berish masalasini takroran koʻrib chiqishda vakolatli organ tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.

Ruxsatnomani olish uchun qayta murojaat rad etilganda keyingi murojaatlar ushbu Reglamentga asosan umumiy tartibda koʻrib chiqiladi.

22. Turar joy zonalarida joylashgan bino va inshootni ixtisoslashishini oʻzgartirmasdan bino va inshootni rekonstruksiya qilish, qayta qurish va oʻz hududida qoʻshimcha bino va inshootlar qurishga ruxsatnoma berishga yoʻl qoʻyiladi.

23. Turar joy zonasida yakka tartibda uy-joy qurish uchun moʻljallangan oʻz yer uchastkasida yoki mavjud bino va inshootni buzib, uning oʻrnida koʻp kvartirali uy qurish masalalari Qoraqalpogʻiston Respublikasi Qurilish vazirligi, viloyatlar va Toshkent shahar qurilish bosh boshqarmalari huzuridagi hududiy arxitektura-shaharsozlik kengashlari tomonidan koʻrib chiqiladi.

24. Noturar joy xonalarini (yoki ularning bir qismini) koʻp kvartirali turar joy yoki yotoqxona sifatida ishlatiladigan turar joyga vakolatli organning noturar joy xonalarini (yoki ularning bir qismini) turar joy toifasiga oʻzgartirish uchun beradigan ruxsatnomasida yondosh binolardagi yongʻinga qarshi va sanitariya masofalari, kirish yoʻllari, piyodalar uchun yoʻlaklar, avtomobillar toʻxtab turish maydonchalari, sport va bolalar maydonchalari, axlat yigʻgichlar va yuvilgan kiyimlarni quritish maydonchalari hisobga olingan holda koʻp kvartirali turar joylar yoki yotoqxonaga xizmat koʻrsatish uchun moʻljallangan yer uchastkasining maydoni koʻrsatiladi.

Obyektdagi binolarni (binoni) noturar joy toifasidan turar joy toifasiga oʻtkazishda mazkur obyektga tegishli yer uchastkasining faqat 0,04 gektargacha boʻlgan boʻsh yer uchastkadan iborat qismini turar joy toifasiga oʻtkazishga ruxsat etiladi (obyektdagi noturar joy toifasidan turar joy toifasiga oʻtkazilishi rejalashtirilayotgan binolar (binoni)ning umumiy maydoni hamda xususiylashtirilgan yerlar bundan mustasno).

25. Vakolatli organ ruxsatnomani u rasmiylashtirilgan kunda Davlat xizmatlari markaziga yoki ariza beruvchiga YIDXP orqali elektron shaklda yuboradi.

Ruxsatnoma YIDXP orqali yuborilganda, bir vaqtning oʻzida, ushbu obyektning elektr, suv taʼminoti, oqova suv tarmoqlari, gaz tarmoqlari va issiqlik taʼminoti boʻyicha maʼlumotlarini hamda texnik shartlarini yangilash uchun tegishli muhandislik-kommunikatsiya tarmoqlarini ekspluatatsiya qiluvchi tashkilotlarga yuboriladi.

26. Turar joyni noturar joy sifatida ixtisoslashtirishga ruxsatnomani rasmiylashtirishda ariza beruvchi tomonidan rekonstruksiya qilish ishlarida va muhandislik tarmoqlari yuklama hajmini oʻzgartirish talab etilganda ushbu Reglamentga 3-ilovaga muvofiq shakl boʻyicha ruxsatnoma rasmiylashtiriladi.

Ushbu ruxsatnomada arxitektura-rejalashtirish topshirigʻi ishlab chiqilishi, loyiha-smeta hujjatlarini tayyorlashda qonunchilik hujjatlari hamda shaharsozlik normalari va qoidalari talablariga zid ravishda binolar konstruksiyasiga taʼsir koʻrsatuvchi oʻzgartirishlar kiritmaslik hamda obyektda evakuatsiya chiqishlarining soni va joylashishini oʻzgartirmaslik, loyiha-smeta hujjatlari kelishilishi, rekonstruksiyasi tugallangan bino va inshootlarning noturar joyga kadastr pasportini qayta shakllantirish, foydalanishga qabul qilish hamda unga boʻlgan huquqni davlat roʻyxatidan oʻtkazish haqida talablar koʻrsatiladi.

Ushbu ruxsatnomada arxitektura-rejalashtirish topshirigʻi ishlab chiqilishi, loyiha-smeta hujjatlari kelishilishi, rekonstruksiyasi tugallangan bino va inshootlarni noturar joyga kadastr pasportini qayta shakllantirish, foydalanishga qabul qilish hamda unga boʻlgan huquqni davlat roʻyxatidan oʻtkazish haqida talablar koʻrsatiladi.

Turar joyni noturar joyga yoki noturar joyni turar joyga ixtisoslashishini oʻzgartirishda binoni rekonstruksiya qilish nazarda tutilmasa, vakolatli organ ushbu Reglamentga 4-ilovaga muvofiq shakl boʻyicha ruxsatnomani rasmiylashtiradi.

27. Noturar joyni turar joyga ixtisoslashishini oʻzgartirishga ruxsatnomani rasmiylashtirishda vakolatli organ tomonidan rekonstruksiya qilish zarurati mavjudligi aniqlansa, ushbu Reglamentga 5-ilovada keltirilgan shaklga muvofiq ruxsatnoma rasmiylashtiriladi.

Ushbu ruxsatnomada uy-joyni rekonstruksiya qiladigan uy-joy mulkdorlariga yakka tartibda uy-joyni (koʻp kvartirali uylardagi kvartiralar) rekonstruksiya qilish boʻyicha loyiha-smeta hujjatlarini kelishish va rekonstruksiyasi ishlari yakunlangan uy-joyni foydalanishga qabul qilish haqida talablar koʻrsatiladi.

28. Kapital bino va inshootlarning, shuningdek, alohida xonalarning ixtisoslashishini oʻzgartirishga oʻziga tegishli yer uchastkasida qoʻshimcha kapital bino va inshootlarni qurishga, mavjud bino va inshootlarni rekonstruksiya qilishga hamda ularni toʻliq yoki qisman buzgan holda oʻrnida yangi bino va inshootni qurish uchun ruxsatnomani rasmiylashtirish ushbu Reglamentga 6-ilovaga muvofiq shakl boʻyicha amalga oshiriladi.

Agar ruxsatnomada obyektni rekonstruksiya qilmasdan faqat ixtisoslashishini oʻzgartirish koʻrsatilgan boʻlsa, bu kadastr organlarining hududiy filiallari tomonidan belgilangan tartibda kadastr pasportini qayta shakllantirishga asos boʻladi hamda ushbu Reglamentga 4-ilovaga muvofiq shakl boʻyicha ruxsatnoma rasmiylashtiriladi.

29. Davlat xizmatlari markazi ruxsatnoma kelib tushgandan soʻng real vaqt rejimida uni:

Kadastr agentligiga elektron shaklda hamda ariza beruvchining elektron manziliga yuboradi va (yoki) ariza beruvchini bu haqida elektron shaklda xabardor qiladi;

bir vaqtning oʻzida ushbu obyektning elektr, suv taʼminoti, oqova suv tarmoqlari, gaz tarmoqlari va issiqlik taʼminoti boʻyicha maʼlumotlarini hamda texnik shartlarini yangilash uchun tegishli muhandislik-kommunikatsiya tarmoqlarini ekspluatatsiya qiluvchi tashkilotlarga yuboradi.

Davlat xizmatlari markazi xodimi ariza beruvchi oʻzi kelib murojaat qilgan taqdirda, ariza beruvchining soʻroviga koʻra unga ruxsatnomani elektron shaklda yoki qogʻoz shaklida taqdim etishi mumkin.

29 1 . Kadastr agentligi turar joyni noturar joyga yoki noturar joyni turar joyga ixtisoslashishini oʻzgartirish (rekonstruksiya qilmasdan) boʻyicha ruxsatnoma kelib tushganidan keyin bir ish kunida kadastr pasportini rasmiylashtirish va koʻchmas mulkka boʻlgan huquqlarni davlat roʻyxatidan oʻtkazishni amalga oshiradi.

4-bob. Yakunlovchi qoidalar

30. Davlat xizmatlari markazlari va vakolatli organlar oʻz faoliyatini amalga oshirishi natijasida olingan ariza beruvchi haqidagi maʼlumotlarning oshkor etilmasligini taʼminlashi kerak.

31. Ruxsatnoma rasmiylashtirilgan kunning oʻzida “Shaffof qurilish” milliy axborot tizimida avtomatik ravishda hisobga olib boriladi.

32. Adliya vazirligi, uning hududiy boshqarmalari va Davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali, doimiy nazoratni va monitoringni amalga oshiradi.

33. Ariza beruvchi davlat organlari va boshqa tashkilotlar xodimlarining harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

34. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Bino va inshootlarning ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha bino va inshootlarni qurishni loyihalashtirishga ruxsatnoma berish

Bosqichlar Subyektlar Amalga oshiriladigan tadbirlar Bajarish muddatlari 1-bosqich Ariza beruvchi 1. Ruxsatnoma olish uchun Davlat xizmatlari markaziga oʻzi kelib yoki YIDXP orqali murojaat qilish. Oʻz xohishiga koʻra 2. Davlat xizmatlarini koʻrsatish uchun yigʻimni toʻlash. Murojaat qilganda 2-bosqich 1. Davlat xizmatlari markazi 2. YIDXP Soʻrovnomani vakolatli organ, filial, tuman (shahar) sanitariya-epidemiologiya xizmati, tuman (shahar) yongʻin xavfsizligi boʻlimi, ekologiya, atrof-muhitni muhofaza qilish va iqlim oʻzgarishi tuman (shahar) boʻlimiga (keyingi oʻrinlarda — xulosa beruvchilar), Din ishlari qoʻmitasiga hamda tuman (shahar) hokimligiga yuborish. Avtomatik ravishda 3-bosqich Vakolatli organ Soʻrovnomadagi masalani koʻrib chiqish Kengashga taalluqli boʻlsa, soʻrovnoma va unga ilova qilingan hujjatlarni tegishliliga koʻra, Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasiga Kengashda koʻrib chiqilishi uchun yuborish. bir ish kuni ichida 4-bosqich Xulosa beruvchilar, Din ishlari qoʻmitasi, tuman (shahar) hokimligi, Kengash. Oʻziga tegishli masala yuzasidan salbiy yoki ijobiy xulosani Vakolatli organga berish. besh ish kuni mobaynida (Toshkent shahar QBB ASHKda oʻn ish kuni mobaynida) 5-bosqich Vakolatli organ Davlat xizmatlari markaziga yoki YIDXP orqali ariza beruvchiga elektron shaklda davlat xizmatini koʻrsatish qiymati belgilangan invoysni (keyingi oʻrinlarda — invoys) yuboradi. tegishli xulosalar kelib tushgandan soʻng bir ish kuni mobaynida 6-bosqich 1. Davlat xizmatlari markazi 2. YIDXP Invoys olinganligi haqida ariza beruvchini elektron tarzda xabardor qilish. Real vaqt rejimida 7-bosqich Ariza beruvchi Invoysda qayd etilgan toʻlovni amalga oshirish. 3 ish kuni mobaynida 8-bosqich Vakolatli organ 1. Invoysda koʻrsatilgan toʻlov kelib tushgandan soʻng obyekt joylashgan hududga chiqqan holda obyektni ixtisoslashishni oʻzgartirish, qayta qurish hamda oʻz hududida qoʻshimcha bino va inshootlar qurish imkoniyatlarini oʻrganib chiqish. 2. Ruxsatnomani ERI bilan tasdiqlash orqali rasmiylashtirish. 3. Davlat xizmatlari markaziga yoki YIDXP orqali ariza beruvchiga QR-kodli ruxsatnomani yuborish. 7 ish kuni mobaynida 9-bosqich Davlat xizmatlari markazi Ariza beruvchining elektron manziliga ruxsatnomani joʻnatish, ariza beruvchini bu haqida elektron xabardor qilish va ruxsatnomani berish. Real vaqt rejimida

______________ __________________ (sana) (tartib raqami) I. Jismoniy shaxs — ariza beruvchi haqida maʼlumotlar: 1. JSHSHIR 2. F.I.O. 3. Telefon raqami 4. Elektron pochta manzili (mavjud boʻlsa) II. Yuridik shaxs — ariza beruvchi haqida maʼlumotlar: 1. Toʻliq nomi 2. Telefon raqami 3. STIR 4. Elektron pochta manzili (mavjud boʻlsa) III. Obyekt haqida maʼlumot: 1. Kadastr raqami 2. Obyekt joylashgan manzil a) Turar joydan noturar joyga oʻtkazish boʻyicha: toʻliq qisman Bino va inshootning noturar joyga oʻtishi rekonstruksiya qilib rekonstruksiya qilmasdan Faoliyat turi Bino va inshootning raqami, literi Noturar joyga oʻtadigan bino va inshootning: umumiy maydoni; qurilish osti maydoni (alohida koʻrsatiladi) b) Noturar joydan turar joyga oʻtkazish boʻyicha toʻliq qisman Bino va inshootning raqami, literi Turar joyga oʻtkaziladigan bino va inshootning: umumiy maydoni qurilish osti maydoni (alohida koʻrsatiladi) v) Obyektning ixtisoslashishini oʻzgartirish va rekonstruksiya qilishning asosiy mazmuni g) Ruxsatnoma rasmiylashtirilganda arxitektura-rejalashtirish topshirigʻiga buyurtma berilsinmi? ha yoʻq d) Oʻz hududida qoʻshimcha bino va inshootlarni qurish boʻyicha: qoʻshimcha quriladigan binolar qavatining soni koʻrsatiladi 3. Koʻchmas mulk taqiq, xatlov yoki garovga (ipotekaga) qoʻyilgan boʻlsa, vakolatli organning rozilik xati ilova qilinadi. 4. Madaniy meros agentligining hududiy boshqarmasi ijobiy xulosasi ilova qilinadi (obyekt moddiy-madaniy meros obyektlari, alohida muhofaza qilinadigan hududlarida joylashgan boʻlsa).

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Oʻzbekiston Respublikasi Davlat gerbi tasviri) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ OʻZBEKISTON RESPUBLIKASI QURILISH VA UY-JOY ‎KOMMUNAL XOʻJALIGI VAZIRLIGI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________________________________ ((Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Hujjat tuzilgan sana: _________ Ariza beruvchining nomi yoki F.I.O.: ______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Turar joy ixtisoslashishini (rekonstruksiya qilib) noturar joyga oʻzgartirish uchun ‎RUXSATNOMA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20___ y. “_____”____________-son ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1.‎ Ariza raqami 2.‎ Obyektning ishlar bajariladigan qismi 3.‎ Noturar joyga ixtisoslashtirilayotgan obyekt nomi 4.‎ Obyekt manzili 5.‎ Obyektning: yer maydoni; qurilish osti maydoni (alohida koʻrsatiladi) 6.‎ Kadastr raqami 7.‎ Quyidagi ishlarni amalga oshirish uchun ruxsatnoma beriladi ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Obyekt joylashgan joy koʻrsatilgan bosh reja. ‎(Bosh reja boʻlmaganda, hududning qishloq xoʻjaligi xaritasi, ‎topoxarita yoki “Google”dan foydalanish mumkin) Eslatma: 1. Arxitektura-rejalashtirish topshirigʻini ishlab chiqish. 2. Loyiha hujjatlarini kelishish. 3. Kadastr pasportini rasmiylashtirish. 4. Qurilish-montaj ishlari tugallangan bino va inshootlarni foydalanishga qabul qilish hamda unga boʻlgan huquqni davlat roʻyxatidan oʻtkazish. 5. Turar joy ixtisoslashishi (rekonstruksiya qilib) noturar joyga oʻzgartirilayotgan obyekt kadastr organlarida qayta roʻyxatdan oʻtkazilgunga qadar mazkur obyektda doimiy va vaqtincha roʻyxatda turgan barcha fuqarolar roʻyxatdan chiqarilishi lozim (turar joyning bir qismi toifasi oʻzgargan yoki buzilgan hollar bundan mustasno). ‎ Izoh. 1. Loyiha hujjatlari kelishilishi qurilish-montaj ishlarini boshlash uchun asos boʻladi. 2. Obyektdagi turar joyni rekonstruksiya qilib, noturar joyga ixtisoslashishi oʻzgartirilgan bino va inshootlar (yoki ularning bir qismi) hamda yer uchastkasi chegarasi koʻrsatilgan obyektning M1:500 masshtabdagi umumiy sxemasi ilova qilinadi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Hujjatni imzolagan shaxs ___________________________ ‎ ‎ ‎ ‎ ‎ ‎ ‎ ‎ (F.I.O.) ‎ ‎ ‎ ‎ ‎ ‎ Hujjatning haqiqiyligini tasdiqlovchi ‎QR-kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Oʻzbekiston Respublikasi Davlat gerbi tasviri) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ OʻZBEKISTON RESPUBLIKASI QURILISH VA UY-JOY ‎KOMMUNAL XOʻJALIGI VAZIRLIGI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________________________________ (tuman (shahar) qurilish va uy-joy kommunal xoʻjaligi boʻlimlari) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Hujjat tuzilgan sana: _________ Ariza beruvchining nomi yoki F.I.O.: ______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Turar joyni (rekonstruksiya qilmasdan) noturar joyga / ‎Noturar joyni (rekonstruksiya qilmasdan) turar joyga / ‎Obyektni rekonstruksiyasiz faqat qayta ixtisoslashtirishga ‎‎RUXSATNOMA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20___ y. “_____”____________-son ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1.‎ Ariza raqami 2.‎ Obyektning ishlar bajariladigan qismi 3.‎ Qanday obyektga ixtisoslashtirilayotganligi koʻrsatiladi 4.‎ Obyekt manzili 5.‎ Obyektning yer maydoni 6.‎ Kadastr raqami 7.‎ Quyidagi ishlarni amalga oshirish uchun ruxsatnoma beriladi ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Obyekt joylashgan joy koʻrsatilgan bosh reja. ‎(Bosh reja boʻlmaganda, hududning qishloq xoʻjaligi xaritasi, ‎topoxarita yoki “Google”dan foydalanish mumkin) Eslatma: 1. Obyektni rekonstruksiya qilmasdan faqat ixtisoslashishini oʻzgartirish nazarda tutilganda ushbu ruxsatnoma obyektning kadastr pasportini qayta shakllantirishga asos boʻladi. 2. Turar joy ixtisoslashishi (rekonstruksiya qilmasdan) noturar joyga oʻzgartirilayotgan obyekt kadastr organlarida qayta roʻyxatdan oʻtkazilgunga qadar mazkur obyektda doimiy va vaqtincha roʻyxatda turgan barcha fuqarolar roʻyxatdan chiqarilishi lozim (turar joyning bir qismi toifasi oʻzgargan yoki buzilgan hollar bundan mustasno). ‎ Izoh. Ruxsatnomaga oʻzgartirilgan obyektga biriktirilgan yer uchastkasining chegara sxemasi ilova qilinadi. ‎ ‎ Hujjatni imzolagan shaxs ___________________________ ‎ ‎ ‎ ‎ ‎ ‎ ‎ ‎ (F.I.O.) ‎ ‎ ‎ ‎ ‎ ‎ Hujjatning haqiqiyligini tasdiqlovchi ‎QR-kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

GERB OʻZBEKISTON RESPUBLIKASI QURILISH VA UY-JOY KOMMUNAL XOʻJALIGI VAZIRLIGI ____________________________________________________________________________________ (Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi) Hujjat tuzilgan sana: ____________ _____ Ariza beruvchining nomi yoki F.I.O.: __________________ Noturar joyni turar joy toifasiga oʻzgartirishga RUXSATNOMA 20 ____ y. “ ____ ” ______________ ______ -son 1. Ariza raqami 2. Obyektning ishlar bajariladigan qismi 3. Obyekt manzili 4. Obyektning: yer maydoni; qurilish osti maydoni (alohida koʻrsatiladi) 5. Kadastr raqami 6. Kuyidagi ishlarni amalga oshirish uchun ruxsatnoma berildi Obyekt joylashgan joy koʻrsatilgan bosh reja. (Ular boʻlmaganda hududning qishloq xoʻjaligi xaritasi. topoxarita yoki “ Google ”dan foydalanish mumkin) Eslatma: 1. Yakka tartibdagi uy-joyni (koʻp kvartirali uylardagi kvartiralarni) rekonstruksiya qilish boʻyicha loyiha-smeta hujjatlarini kelishish. 2. Kadastr pasportini rasmiylashtirish. 3. Qurilishi (rekonstruksiya qilmasdan) tugallangan bino va inshootlarni foydalanishga qabul qilish hamda unga boʻlgan huquqni davlat roʻyxatidan oʻtkazish lozim. 4. Obyektdagi turar joyni rekonstruksiya qilib, noturar joyga ixtisoslashishi oʻzgartirilgan bino va inshootlar (yoki ularning bir qismi) hamda yer uchastkasi chegarasi koʻrsatilgan obyektning M1:500 masshtabdagi umumiy sxemasi ilova qilinadi. Izoh: Loyiha hujjatlari kelishilishi qurilish-montaj ishlarini boshlash uchun asos boʻladi. Hujjatni imzolagan shaxs _______________________________ (F.I.O.) Hujjatning haqiqiyligini tasdiqlovchi QR-kod

GERB OʻZBEKISTON RESPUBLIKASI QURILISH VA UY-JOY KOMMUNAL XOʻJALIGI VAZIRLIGI ____________________________________________________________________________ (Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi) Hujjat tuzilgan sana: ___________ _____ Ariza beruvchining nomi yeki F.I.O.: ___________________ Kapital bino va inshootlarning, shuningdek, alohida xonalarning ixtisoslashishini oʻzgartirishga oʻziga tegishli yer uchastkasida qoʻshimcha kapital bino va inshootlarni qurishga, mavjud bino va inshootlarni rekonstruksiya qilishga hamda oʻz hududida ularni toʻliq yoki qisman buzgan holda oʻrnida yangi qoʻshimcha bino va inshootni qurish uchun RUXSATNOMA 20____ y. “____” ____________ _____-son 1. Ariza raqami 2. Obyektning ishlar bajariladigan qismi 3. Obyekt nomi 4. Obyekt manzili 5. Obyektning: yer maydoni; qurilish osti maydoni (alohida koʻrsatiladi) 6. Kadastr raqami 7. Quyidagi ishlarni amalga oshirish uchun ruxsatnoma berildi Obyekt joylashgan joy koʻrsatilgan bosh reja. (Ular boʻlmaganda hududning qishloq xoʻjaligi xaritasi, topoxarita yoki “Google”dan foydalanish mumkin) Eslatma: Ruxsatnoma olingandan soʻng qurilish-montaj ishlarini boshlashdan oldin: 1. Arxitektura-rejalashtirish topshirigʻini ishlab chiqish. 2. Loyiha tashkiloti tomonidan tayyorlangan loyiha hujjatlarini qurilish organlari bilan kelishish. Bunda: bino va inshootlar ikki qavatdan yuqori (sokolni hisobga olmagan qolda), balandligi yer yuzasidan 12 metrdan va (yoki) 500 kv.metrdan ortiq boʻlganda: a) obyektning zilzilaga bardoshliligi va yongin xavfsizligi boʻyicha loyihaviy yechimlari toʻgʻrisida ekspertiza organlaridan ijobiy xulosa olish; b) Qurilish sohasida nazorat boʻyicha hududiy inspeksiyalardan qurilish-montaj ishlarini boshlash uchun obyektni roʻyxatdan oʻtkazish. 3. Bino va inshoot qurib bitkazilgandan soʻng kadastr pasportini rasmiylashtirish, qurilish-montaj tugallangan bino va inshootlarni foydalanishga qabul qilish hamda unga boʻlgan huquqni davlat roʻyxatidan oʻtkazish talab etiladi. Izoh. Mazkur ruxsatnoma quralish-montaj ishlarini boshlash uchun asos hisoblanmaydi. Hujjatni imzolagan shaxs _______________________________________ (F . I . O.) Hujjatning haqiqiyligini tasdiqlovchi QR -kod

Vazirlar Mahkamasining 2022-yil 20-apreldagi 200-son qaroriga 3-ILOVA

Arxitektura-rejalashtirish topshirigʻini ishlab chiqish boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament mulk huquqi, egalik kilish, foydalanish yoki ijara asosida olingan yer uchastkasining mulkdori boʻlgan yuridik va jismoniy shaxslar yoki ularning buyurtmasiga (shartnomaga asosan) muvofiq loyiha tashkilotlari (keyingi oʻrinlarda — ariza beruvchilar) tomonidan berilgan soʻrovnomaga asosan shaharsozlik faoliyati obyektini qurish yoki rekonstruksiya qilishni loyihalashtirish uchun arxitektura-rejalashtirish topshirigʻini (keyingi oʻrinlarda — ART) ishlab chiqish va taqdim etish tartibini belgilaydi.

Mazkur Reglament qoidalari markazlashgan mablagʻlar yoki xalqaro moliya institutlari va tijorat banklarining kredit mablagʻlari hisobidan amalga oshirilayotgan “Oʻrta shaharlarni kompleks rivojlantirish” loyihasi doirasida obyektlarni qurish yoki rekonstruksiya qilishni loyihalashtirish uchun ART ishlab chiqish va taqdim etishga nisbatan ham tatbiq etiladi.

2. Ushbu Reglament shaharsozlik hujjatlari hamda shaharsozlik normalari va qoidalarida belgilangan talablarga asosan barcha turdagi bino va inshootlar, shuningdek, muhandislik-kommunikatsiya tarmoqlari, yoʻl va yoʻl infratuzilmasi obyektlarini (hajmi 300 kub metrdan kichik boʻlgan yengil turdagi (konstruksiyali) qurilmalar hamda yakka tartibdagi uy-joylar bundan mustasno) qurish va rekonstruksiya qilish hamda obodonlashtirish ishlarini bajarish uchun ARTni majburiy ishlab chiqish va taqdim etishga nisbatan tatbiq etiladi.

Oʻzbekiston Respublikasining davlat sirlari bilan bogʻliq boʻlgan obyektlar uchun ARTni ishlab chiqish uchun bevosita toʻgʻridan-toʻgʻri Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasiga (keyingi oʻrinlarda — vakolatli organ) murojaat qilinadi.

Yakka tartibdagi uy-joyni qurish va loyiha hujjatini kelishishda, shuningdek, bino va inshootlarni ixtisoslashishini oʻzgartirishda (rekonstruksiyasiz) ARTni ishlab chiqish va taqdim etish talab etilmaydi (ikki qavatdan yuqori, balandligi yer yuzasidan 12 metrdan va (yoki) umumiy maydoni 500 kvadrat metrdan ortiq yakka tartibdagi uy-joylar bundan mustasno).

3. ART loyihaoldi hujjat boʻlib, yer uchastkasi yoki bino va inshootga mulk huquqini tasdiqlamaydi hamda qurilish-montaj ishlarini boshlash uchun asos hisoblanmaydi.

ART tasdiqlangan shaharsozlik hujjatlaridan, davlat hokimiyati organlarining tegishli qarorlaridan, shu jumladan, tarixiy va madaniy obidalarni, atrof-muhitni muhofaza qilish talab va shartlarini hamda obyektni aniq yer uchastkasida joylashtirishda uchinchi shaxslarning qonuniy huquqlari va manfaatlarini himoya qilishdan kelib chiquvchi oʻziga xos shaharsozlik va arxitekturaviy shartlar hamda obyektni loyihalashtirish va qurishning alohida sharoitlari majmuasidan iborat hujjat hisoblanib, uning asosida obyekt qurilishi (rekonstruksiyasi) uchun loyiha hujjatlari ishlab chiqiladi.

ART bino yoki inshootning tashqi koʻrinishiga, qurilishning taxminiy maydonlariga, avtoturargohlar, hududga kirish va chiqish yoʻllariga, kichik meʼmoriy shakllarning tuzilishi, yer uchastkasining koʻkalamzorlashtirilishi va obodonlashtirilishiga boʻlgan umumiy talablarni hamda muhandislik-kommunikatsiya trassalariga va muhandislik tarmoqlari oʻtkazilishiga qoʻyiladigan asosiy talablarni belgilaydi.

4. ART ishlab chiqilmasdan loyiha hujjatlarini kelishish taqiqlanadi.

ART hujjatlari raqamlanadi. Ishlab chiqilgan ART hujjatlari boʻyicha loyiha ishlari bajarilib, qurilish-montaj ishlarini boshlash uchun obyekt davlat roʻyxatidan oʻtkazilgandan soʻng mazkur ART bilan qayta loyihalashtirish taqiqlanadi. Dastlabki ART bilan loyihalashtirish ART rekvizitlarini bazada taqiqqa qoʻyilishiga sabab boʻladi.

5. Vakolatli organ ARTni ishlab chiqadi va taqdim etadi.

6. Davlat xizmatlari markazlari va vakolatli organlar oʻrtasida axborot almashish ERIdan foydalangan holda faqat elektron tarzda amalga oshiriladi.

7. Arxitektura-rejalashtirish topshirigʻini ishlab chiqish va taqdim etish ushbu Reglamentga 1-ilovada keltirilgan sxemaga muvofiq amalga oshiriladi.

2-bob. Davlat xizmatlari koʻrsatish tartibi

8. Ariza beruvchi ARTni olish uchun Davlat xizmatlari markaziga kelib murojaat etadi yoki YIDXPda davlat xizmatidan elektron shaklda foydalanish uchun roʻyxatdan oʻtadi.

ARTni uchun arizalar YIDXP orqali dam olish va bayram kunlaridan qatʼiy nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlari kelib tushganda navbatdagi ish kuni arizalar vakolatli organga kelib tushgan va qabul qilingan kun hisoblanadi.

9. Oʻzi kelib murojaat etgan taqdirda, Davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa ariza beruvchi mustaqil ravishda ushbu Reglamentga 2-ilovada keltirilgan shakl boʻyicha davlat xizmatidan foydalanish uchun soʻrovnomani elektron shaklda toʻldiradi.

Bunda obyekt turi va sohasi “Qurilish obektlarining xavf-xatar toifasi boʻyicha murakkablik toifalari tasnifi”dan tanlash orqali toʻldiriladi hamda obyektning murakkablik toifasi avtomatik ravishda aniqlanadi.

Soʻrovnomaga quyida sanab oʻtilgan hujjatlardan biri ilova qilinadi:

tegishli ravishda vakolatli organning bino va inshootni rekonstruksiya qilish hamda oʻz hududida qoʻshimcha bino va inshootni qurishga ruxsatnomasi;

“E-auksion” yagona elektron savdo maydonchasida oʻtkazilgan elektron auksion natijalari haqidagi bayonnoma;

yirik investitsiya loyihasini amalga oshirish uchun Vazirlar Mahkamasining qarori;

obyektda tashqi muhandislik-kommunikatsiya tarmoqlariga (ehtiyojga koʻra elektr, gaz, suv taʼminoti, oqova suv tarmoqlari va issiqlik taʼminoti) ulanish nuqtalari va ularga obyektdan ulanish trassalari oʻtkazilishi zarurati mavjud boʻlsa, texnik shartlar;

obyektning 1:500 masshtabdagi elektron versiyadagi DWG formatdagi topoxaritasi;

obyekt qurilishi yangi yer uchastkasida rejalashtirilayotganda uni ajratish haqidagi tegishli viloyat, tuman (shahar) hokimining qarori yoki auksion orqali sotib olingan boʻlsa tegishli hujjat nusxasi.

Ariza beruvchilardan ushbu bandda koʻrsatilmagan maʼlumotlarni, shuningdek, boshqa hujjatlarni taqdim etishni talab qilish taqiqlanadi.

10. Soʻrovnoma toʻldirilgandan soʻng talabgor maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobile-ID va boshqalar) bilan tasdiqlaydi.

Talabgor YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.

11. Davlat xizmati koʻrsatilgani uchun bazaviy hisoblash miqdorining bir baravari miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda ushbu bandning birinchi xatboshisida koʻrsatilgan yigʻim summasining 90 foizi undiriladi.

Davlati xizmati koʻrsatilgani uchun yigʻim toʻlanganligini tasdiqlash elektron tarzda amalga oshiriladi.

12. Yigʻimlar summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

20 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga oʻtkaziladi;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga oʻtkaziladi;

qolgan mablagʻlar toʻliq miqdorda vakolatli organning bank hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga oʻtkaziladi;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga oʻtkaziladi;

qolgan mablagʻlar toʻliq miqdorda vakolatli organning bank hisobvaragʻiga oʻtkaziladi.

Ariza beruvchi ART berish rad etilgan kundan boshlab oʻn ish kuni mobaynida ARTni olish uchun yigʻimni toʻlamasdan qayta murojaat qilish huquqiga ega.

Bunda oʻzi kelib murojaat etganda, Davlat xizmatlari markazi xodimi, YIDXP orqali murojaat etgan taqdirda esa — ariza beruvchi mustaqil ravishda, avvalgi ariza uchun toʻlangan invoysni Tizimdan yuklab olib, takroriy arizaning toʻlov bosqichida biriktiradi.

13. Davlat xizmati koʻrsatishni rad etish uchun quyidagilar asos hisoblanadi:

soʻrovnomada notoʻgʻri maʼlumotlar koʻrsatilishi;

davlat xizmatlari koʻrsatish uchun yigʻim va invoysda koʻrsatilgan summani oʻz vaqtida toʻlanmasligi.

14. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega.

Ariza beruvchi davlat xizmatidan foydalanishdan bosh tortganda uning soʻrovnomasi koʻrmasdan qoldiriladi. Bunda toʻlangan yigʻim summasi qaytarilmaydi.

14 1 . Ruxsat etilgan foydalanish turi oʻzgartiriladigan yer uchastkasida quriladigan ijtimoiy va infratuzilma obyektlardan tashqi muhandislik-kommunikatsiya tarmoqlariga qoʻshimcha yuklanish paydo boʻladigan holatlarda mazkur obyektlarni loyihalashtiradigan loyiha tashkiloti (keyingi oʻrinlarda — loyihachi) tomonidan ART ishlab chiqilishidan oldin ushbu yuklamalar miqdori muhandislik-kommunikatsiya tarmoqlarining alohida har bir turi boʻyicha aniqlanadi va maʼlumotnomada (keyingi oʻrinlarda — maʼlumotnoma) qayd etiladi.

Maʼlumotnoma loyihachi tomonidan real vaqt rejimida ariza beruvchiga (ijtimoiy yoki infratuzilma obyekt egasiga) taqdim etiladi.

14 2 . Buyurtmachi maʼlumotnomani real vaqt rejimida tegishligicha tashqi muhandislik-kommunikatsiya tarmoqlaridan foydalanuvchi tashkilotlarga (tarmoqlar egalariga) taqdim etadi.

14 3 . Tashqi muhandislik-kommunikatsiya tarmoqlaridan foydalanuvchi tashkilotlar qonunchilikda belgilangan tartibda va muddatlarda maʼlumotnomada koʻrsatilgan yuklamalarni inobatga olgan holda oʻzining texnik shartlarini ishlab chiqadi va ariza beruvchiga yuboradi.

14 4 . Maʼlumotnomada koʻrsatilgan yuklamalar ijtimoiy va infratuzilma obyektlari uchun quyidagi manbalardan kompensatsiya qilinadi (Toshkent shahri hududida quriladigan, qayta quriladigan, rekonstruksiya qilinadigan hamda oʻz hududida qoʻshimcha bino va inshootlar quriladigan obyektlar bundan mustasno):

tadbirkorlik faoliyati bilan bogʻlik obyektlar uchun — 50 foizi tegishli tadbirkorlik subyekti mablagʻlari, qolgan 50 foizi esa muhandislik-kommunikatsiya tarmoqlaridan foydalanuvchi tashkilotlar mablagʻlari;

budjet tashkilotlari obyektlari uchun — 50 foizi budjet mablagʻlari, qolgan 50 foizi esa muhandislik-kommunikatsiya tarmoqlaridan foydalanuvchi tashkilotlar mablagʻlari.

14 5 . Maʼlumotnomada koʻrsatilgan yuklamalarning kompensatsiya mablagʻlari miqdori muhandislik-kommunikatsiya tarmoqlaridan foydalanuvchi tashkilotlar tomonidan qonunchilikda belgilangan tartibda aniqlanadi.

15. Oʻzi kelib murojaat qilganda Davlat xizmatlari markazlari soʻrovnoma toʻldirilgan vaqtdan boshlab real vaqt rejimida uni vakolatli organga yuboradi.

16. Vakolatli organ soʻrovnoma tushganidan soʻng uch ish kuni mobaynida soʻrovnomada qayd etilgan maʼlumotlarning haqqoniyligini tekshiradi va Davlat xizmatlari markaziga yoki ariza beruvchiga YIDXP orqali elektron shaklda vakolatli organ tomonidan tasdiqlangan ARTni ishlab chiqishning qiymati koʻrsatilgan hisob-fakturani (keyingi oʻrinlarda — invoys) yuboradi yoki rad etishning aniq sabablarini va qonunchilik hujjatlari normalarini koʻrsatgan holda uni yuborishni rad etadi.

17. Vakolatli organ zaruratga koʻra, obyektni joyiga borgan holda, yangi qurilish uchun ajratilgan yer uchastkasini va qoʻshimcha qurilish amalga oshirilayotgan yer uchastkasini, shuningdek, rekonstruksiya qilinishi zarur boʻlgan obyektni oʻrganib chiqadi.

Obyektni oʻrganib chiqish obyekt yoki uning qismlari va unga biriktirilgan yer uchastkasini, shuningdek, unga tutash hududlar hamda bino va inshootlarni vizual koʻrikdan (zarurat boʻlganda, maxsus uskunalar va asboblardan foydalangan holda) oʻtkazishdan iborat boʻladi.

Obyekt mazkur Reglamentning 16-bandida belgilangan muddat ichida oʻrganib chiqiladi.

18. Davlat xizmatlari markazi invoys tushganidan boshlab real vaqt rejimida bu haqida ariza beruvchini elektron xabardor qiladi.

Ariza beruvchi invoys kelib tushgandan soʻng bir oy mobaynida invoysda koʻrsatilgan summani toʻlaydi.

Invoysda koʻrsatilgan summa toʻlanganligi elektron tarzda tasdiqlanadi.

19. Kadastr agentligi oʻzining axborot tizimi orqali Qurilish va uy-joy kommunal xoʻjaligi vazirligining “Shaffof qurilish” milliy axborot tizimiga real vaqt rejimida koʻchmas mulk obyektiga oid quyidagi zarur maʼlumotlarni yuboradi:

koʻchmas mulkning manzili, yer uchastkasining maydoni hamda roʻyxatdan oʻtgan raqami va sanasi, huquq turi, yer fondi toifasi, oʻzboshimcha egallangan yer maydoni, bino inshootlar maydoni hamda roʻyxatdan oʻtgan raqami va sanasi, huquq turi, oʻzboshimcha qurilmalar, hujjatsiz qurilmalar maʼlumotlari, mulk egasi haqidagi maʼlumotlar, koʻchmas mulkka taqiq va cheklovlar mavjudligi.

Agar, yuqoridagi maʼlumotlar yuborilmasa, vakolatli organning elektron soʻroviga asosan Kadastr agentligi tomonidan ikki ish kuni davomida barcha zarur maʼlumotlar va hujjatlar tizimga elektron koʻrinishda yuklanadi.

20. ARTni ishlab chiqish qiymati va muddatlari ushbu Reglamentga 3-ilovaga muvofiq belgilanadi.

ARTni ishlab chiqish muddati ARTni ishlab chiqish toʻlovi kelib tushgandan soʻng hisoblanadi.

21. Invoys yuborishni rad etish uchun soʻrovnomada qayd etilgan maʼlumotlarning haqqoniy emasligi, shu jumladan, ushbu Reglamentning 9-bandida nazarda tutilgan tegishli hujjatlar oʻz kuchini yoʻqotganligi yoki bekor qilinganligi asos boʻladi.

Invoysni yuborishni boshqa asoslarga koʻra rad etish taqiqlanadi.

22. Invoysda koʻrsatilgan toʻlov amalga oshirilgandan kundan boshlab ushbu Reglamentga 3-ilovada belgilangan muddatda hamda vakolatli organ Reglamentga 4-ilovada keltirilgan shaklga muvofiq ART ishlab chiqadi.

Bunda soʻrovnomaga texnik shartlar ilova qilingan taqdirda, yer uchastkasi (obyekt)ning amaldagi joylashuvini hisobga oluvchi muhandislik-kommunikatsiya tarmogʻiga ulanishning texnik shartlarida bayon etilgan maʼlumotlarni taqqoslagan holda obyekt tekshiruvdan oʻtkazilib, muhandislik-kommunikatsiya tarmoqlarining ulanish nuqtalarigacha oʻtkaziladigan trassalari belgilanadi.

Ushbu Reglamentga 3-ilovada belgilangan muddatda QR-kod qoʻyilgan ART elektron shaklda rasmiylashtiriladi va vakolatli organning ERIsi bilan tasdiqlanadi.

23. ART ushbu Reglamentning 22-bandi talablariga muvofiq tasdiqlangan kuni vakolatli organ tomonidan Davlat xizmatlari markaziga yoki YIDXP orqali ariza beruvchiga elektron shaklda yuboriladi.

Davlat xizmatlari markazi ART tushgandan soʻng real vaqt rejimida uni ariza beruvchining elektron manziliga yuboradi yoki ariza beruvchini bu haqida elektron tarzda xabardor qiladi.

Davlat xizmatlari markazi xodimi ariza beruvchi oʻzi kelib murojaat qilgan taqdirda, ariza beruvchining soʻroviga koʻra unga ARTni elektron shaklda yoki qogʻoz shaklda taqdim etadi.

3-bob. Yakunlovchi qoidalar

24. Davlat xizmatlari markazlari va vakolatli organlar oʻz faoliyatini amalga oshirishi natijasida olingan ariza beruvchi haqidagi maʼlumotlarning oshkor etilmasligini taʼminlashi kerak.

25. ART rasmiylashtirilgan kunning oʻzida “Shaffof qurilish” milliy axborot tizimida avtomatik ravishda hisobga olib boriladi.

26. ARTni ishlab chiqishdan tushgan mablagʻlar toʻliq miqdorda vakolatli organning bank hisobvaragʻiga oʻtkaziladi.

27. Adliya vazirligi, uning hududiy boshqarmalari va Davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali, doimiy nazoratni va monitoringni amalga oshiradi.

28. Ariza beruvchi davlat organlari va boshqa tashkilotlar xodimlarining harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

29. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Arxitektura-rejalashtirish topshirigʻini ishlab chiqish boʻyicha davlat xizmatlari koʻrsatishning maʼmuriy reglamentiga 1-ILOVA

Arxitektura-rejalashtirish topshirigʻini ishlab chiqish va berish

Bosqichlar Subyektlar Amalga oshiriladigan tadbirlar Bajarish muddatlari 1-bosqich Ariza beruvchi 1. ARTni olish uchun Davlat xizmatlari markaziga yoki davlat xizmatidan foydalanish uchun elektron tarzda YAIXDP orqali murojaat qilish. 1. Xohishiga koʻra 2. Davlat xizmati koʻrsatish uchun yigʻimni toʻlash. 2. Murojaat qilinganda 2-bosqich 1. Davlat xizmatlari markazi 2. YIDXP Soʻrovnomani vakolatli organga yuborish. Real vaqt rejimida 3-bosqich Vakolatli organ 1. Soʻrovnomada qayd etilgan maʼlumotlarning haqqoniyligini tekshirish. 2. Davlat xizmatlari markaziga yoki ariza beruvchiga ARTni ishlab chiqishning qiymati koʻrsatilgan invoysni yuborish. 3 ish kuni mobaynida 4-bosqich 1. Davlat xizmatlari markazi 2. YIDXP Invoys olinganligi haqida ariza beruvchini elektron tarzda xabardor qilish. Real vaqt rejimida 5-bosqich Ariza beruvchi Invoysda qayd etilgan toʻlovni amalga oshirish. Bir oy mobaynida 6-bosqich Vakolatli organ 1. ARTni ishlab chiqish, elektron shaklda rasmiylashtirish va oʻzining ERIsi bilan tasdiqlash. 10 ish kuni 2. ARTni davlat xizmatlari markaziga yuborish yoki ariza beruvchiga YIDXP orqali yuborish. Real vaqt rejimida 7-bosqich Davlat xizmatlari markazi ARTni ariza beruvchining elektron manziliga yuborish va bu haqida elektron tarzda xabardor qilish. Ariza beruvchining elektron manziliga ARTni joʻnatish, ariza beruvchini bu haqida elektron tarzda xabardor qilish va ARTni berish. Real vaqt rejimida

Arxitektura-rejalashtirish topshirigʻini ishlab chiqish boʻyicha davlat xizmatlari koʻrsatishning maʼmuriy reglamentiga 2-ILOVA

__________________ (sanasi) __________________ (raqami) Arxitektura-rejalashtirish topshirigʻini ishlab chiqish boʻyicha davlat xizmatlaridan foydalanish uchun SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. JSHSHR 2. F.I.O. 3. Telefon raqami 4. Elektron pochta manzili (mavjud boʻlsa) II. Ariza beruvchi — yuridik shaxs toʻgʻrisida maʼlumot: 1. Toʻliq nomi 2. Telefon raqami 3. STIR 4. Elektron pochta manzili (mavjud boʻlsa) III. Obyekt haqida maʼlumot: 1. Obyektning kadastr raqami 2. Obyekt joylashgan manzil 3. Arxitektura-rejalashtirish topshirigʻini ishlab chiqishning maqsadi Turar joyni noturar joyga oʻzgartirish Obyektni yangidan qurish, rekonstruksiya qilish hamda oʻz hududida qoʻshimcha bino va inshootni qurish 4. Qayta rasmiylashtirish IV. Ilova qilinadigan hujjat (quyida koʻrsatilgan hujjatlardan biri ilova qilinadi) : a) Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi ruxsatnomasi; b) “E-auksion” yagona elektron savdo maydonchasida oʻtkazilgan elektron auksion natijalari haqidagi bayonnoma; v) yirik investitsiya loyihasini amalga oshirish uchun Vazirlar Mahkamasining qarori; g) texnik shartlar (muhandislik-kommunikatsiya tarmoqlariga ehtiyoji boʻlganda). V. Davlat xizmatini koʻrsatish natijasini olib ketuvchi shaxs (agar mavjud boʻlsa) toʻgʻrisidagi maʼlumotlar: JSHSHIR

Arxitektura-rejalashtirish topshirigʻini ishlab chiqish boʻyicha davlat xizmatlari koʻrsatishning maʼmuriy reglamentiga 3-ILOVA

Obyektlarni loyihalashtirish uchun ARTni ishlab chiqish

T/r Qurilayotgan obyektlarning turiga qarab ARTni ishlab chiqish Muddati Qiymati (bazaviy hisoblash miqdorida) 1. Obyekt (bino va inshoot)larni yangi qurilishi uchun (yangidan ajratilgan yoki auksion orqali yutib olingan yer maydonlarida) 10 ish kuni 4 2. Bino va inshootlarning ixtisoslashishini oʻzgartirish bilan qayta qurish, rekonstruksiya qilish hamda oʻz hududida qoʻshimcha bino va inshootlarni qurish 8 ish kuni 3,5 3. Ikki qavatdan yuqori, balandligi yer yuzasidan 12 metrdan va (yoki) umumiy maydoni 500 kvadrat metrdan ortiq yakka tartibdagi uy-joylar uchun 5 ish kuni 1,0

Arxitektura-rejalashtirish topshirigʻini ishlab chiqish boʻyicha davlat xizmatlari koʻrsatishning maʼmuriy reglamentiga 4-ILOVA

Hujjat tuzilgan sana: __________ Ariza beruvchining nomi yoki F.I.O.: ___________ Ariza raqami: _________ ARXITEKTURA-REJALASHTIRISH TOPSHIRIGʻI 20__ yil “___” _______ ____-son Loyihaviy bino (inshoot) turi: _______________ Loyihaviy bino (inshoot)ning manzili: _____________________ Loyihaviy bino (inshoot)ning buyurtmachisi: __________________________ Arxitektura-rejalashtirish topshirigʻi faqat loyihalashtirish ishlarini boshlash uchun asos hisoblanib, qurilish-montaj ishlarini boshlashga asos boʻla olmaydi. Qurilish va uy-joy kommunal xoʻjaligi bosh boshqarmasining manzili va telefon raqamlari: _______________ T/r Arxitektura-rejalashtirish topshirigʻi tarkibi Mazmuni 1. Arxitektura-rejalashtirish topshirigʻini ishlab chiqish uchun asos boʻlgan hujjatlar Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasining 20 ___ yil _____ dagi 00-0/0000-son ruxsatnomasi, yerga egalik qilish huquqini tasdiqlovchi hujjat (kadastr raqami yoki____). 2. Loyihalashtiriladigan obyekt yer uchastkasining joylashishi va bosh rejada tutgan oʻrni a) obyekt manzili (manzili boʻlmagan holatda obyekt hududiga tutashgan yoki yaqin masofada joylashgan bino yoki inshoot)______; b) obyekt joylashgan hudud qaysi zonaga mansubligi (aholi punktining amaldagi yoki avvalgi bosh rejasiga asosan) ______________; v) obyekt joylashgan hudud muhandislik tarmoqlari bilan taʼminlanganligi / taʼminlanmaganligi ____________________. 3. Loyihalashtiriladigan obyekt hududining tabiiy-iqlim koʻrsatkichlari Loyihalashtirilayotgan obyektning yer uchastkasi ________iqlim hududida joylashgan. Havo harorati: oʻrtacha yillik _______________ eng baland harorat ____________ eng past harorat ______________ iyun — avgust oylarida _____________ dekabr — fevral oylarida _______________ 4. Loyihalashtiriladigan obyekt yer uchastkasining geologik va topografik jihatdan oʻrganilganligi Holatni oʻrganish uchun tegishli litsenziyaga ega tashkilotga 1:500 nisbatdagi topoxarita ishlab chiqish uchun buyurtma berish. 5. Loyihalashtiriladigan obyekt yer uchastkasining chegaralari hamda unga tutash obyektlar yoki yer uchastkalari toʻgʻrisida maʼlumot Loyihalashtirish uchun tanlangan yer maydoni quyidagicha chegaralangan: Shimol tomondan — m _________________ bilan chegaralangan; Janub tomondan — m __________________ bilan chegaralangan; Sharq tomondan — m __________________ bilan chegaralangan; Gʻarb tomondan — m __________________ bilan chegaralangan. 6. Qizil chiziqlar va belgilar Obyekt yer uchastkasining tasdiqlangan chegaradan chiqmasdan, qurilish chiziqlariga amal qilgan holda loyiha ishlarini olib borilishi taʼminlash. 7. Arxitektura talablari Loyihani ishlab chiqishda: a) shaharsozlik normalari va qoidalariga amal qilish; b) aholi punktining tasdiqlangan bosh rejasiga va uning tegishli qismining batafsil rejalashtirish loyihasiga qatʼiy rioya etib, obyekt atrofidagi mavjud binolarga bogʻlangan holda yagona arxitektura koʻrinishini tashkil etish lozimligini inobatga olish; v) obyektni rekonstruksiya qilish loyihalarini ishlab chiqishni boshlashdan oldin ayrim holatlarda (buyurtmachining talabiga binoan yoki tashqi koʻrinishidan avariya holatining alomatlari mavjud boʻlganda) tegishli litsenziyaga ega boʻlgan loyiha va boshqa tashkilotlarning obyektning holati boʻyicha xulosasini olish; g) ushbu ARTga muvofiq buyurtmachi tomonidan ishlab chiqilgan va tasdiqlangan, alohida muhim obyektlar boʻyicha viloyat qurilish va uy-joy kommunal xoʻjaligi bosh boshqarmasi bilan kelishilgan loyiha topshiriqlariga, 1:500 nisbatdagi topoxaritadagi tasdiqlangan chegaralarga amal qilish; d) obyektning 1:500 nisbatdagi bosh rejasini loyihalashtirishda loyiha tashkiloti tomonidan ixtisosi oʻzgarayotgan va rekonstruksiya qilinayotgan bino joylashtirilgan hamda obyekt atrofida obodonlashtirish va koʻkalamzorlashtirish ishlari aks ettirilgan, obyektga kirish-chiqish yoʻllari va avtomobillar toʻxtash joylari tashkil etilishi nazarda tutish; e) obyektning balandligi ____ qavatdan kam boʻlmasin yoki qavatdan oshmasin (aholi punkti boʻyicha shaharsozlik hujjatlari hamda qurish loyihalari mavjud hollarda toʻldiriladi); j) obyektda quyidagi kichik arxitektura shakllari oʻrnatilishi nazarda tutiladi: __________________________ z) yangi quriladigan, balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlgan (yordamchi xoʻjalik imoratlarini hisobga olmagan holda) bino va inshootlarni loyihalashtirishda ularga tutash hududlarning koʻkalamzorlashtirish (daraxtlar, butalar, boshqa oʻsimliklar va nihollarni ekish) maydonlari loyiha uchun ajratiladigan yer uchastkalari umumiy maydonining 25 foizidan kam boʻlishiga yoʻl qoʻyilmaydi (ekspluatatsiya muddatini oʻtab boʻlgan va maʼnan eskirgan bino va inshootlarni renovatsiya qilish bundan mustasno); i) koʻp kvartirali uy-joyga xizmat koʻrsatadigan yer uchastkasida avtoturargoh joylashtirish imkoniyati boʻlmagan holatda mazkur uy-joyning yertoʻla qismida undagi kvartiralar soniga mutanosib oʻrinlar moʻljallangan avtoturargoh qurilishi majburiy ravishda nazarda tutiladi; k) koʻp kvartirali turar-joylarda quyidagilar taqiqlanadi: birinchi qavatdagi va yertoʻla qismidagi xonalarni rekostruksiya (yuk koʻtaruvchi qismlarini oʻzgartirish) qilish (xonalarni ixtisoslashishini oʻzgartirish, shuningdek gipsokarton, plastik va shu turdagi boshqa yengil materiallardan iborat orayopma devorlarni oʻrnatish bundan mustasno); yuqori qavatlarida joylashgan va loyiha-smeta hujjatlari mavjud turar-joylarni rekonstruksiya (yuk koʻtaruvchi qismlarini oʻzgartirish) qilish va qayta rejalashtirish (gipsokarton, plastik va shu turdagi boshqa yengil materiallardan iborat orayopma devorlarni oʻrnatish bundan mustasno). l) shaharsozlik hujjatlarda istiqbolda muayyan hududda mavjud bino va inshootlar buzilishi belgilangan holatlarda ushbu hududlarda joylashgan bino va inshootlarni ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha bino va inshootlarni qurishni loyihalashtirishga ruxsatnomalar berilishi mumkin. m) avtomobil va temir yoʻllari, suv inshootlari muhofaza zonalarida joylashgan bino va inshootlarga faqat ixtisoslashishini oʻzgartirish va rekonstruksiya qilish uchun ruxsatnomalar berilishi mumkin. Bunday hollarda, oʻz hududida qoʻshimcha kapital bino va inshootlarni qurish, mavjudlarining qavatini oshirish taqiqlanadi. 8. Loyihalashtiriladigan obyekt yer uchastkasida mavjud bino va inshootlarni buzish yoki foydalanish boʻyicha takliflar Loyihachining loyiha topshirigʻiga muvofiq: a) qurilish uchun ajratilgan yer uchastkasida buzilishga tushadigan bino va inshootlarga aniqlik kiritish; b) qurilish uchun ajratilgan yer uchastkasida mavjud bino va inshootlardan foydalanish boʻyicha takliflar ishlab chiqish. 9. Obyektni bosqichma-bosqich qurish Qurilishning murakkabligiga va buyurtmachi tomonidan beriladigan loyiha topshirigʻiga muvofiq qurilishni bosqichma-bosqich olib borish va foydalanishga topshirish jarayonlari nazarda tutish. 10. Yer maydonini obodonlashtirish va koʻkalamzorlashtirish Loyihaning obodonlashtirish va koʻkalamzorlashtirish qismida quyidagilar inobatga olinadi: a) obyekt joylashadigan hududda iqlim sharoitlarini inobatga olgan holda manzarali daraxtlar, butalar va gullar ekish; b) tegishli hududlari koʻkalamzorlashtirilganligi; v) landshaft arxitekturasining yechimlaridan foydalangan holda daraxtlarning qanday shakllarda boʻlishi; g) mavjud koʻp yillik daraxtlarning saqlanib qolishi. 11. Sanitariya-gigiyena talablari a) loyihalashtirishda sanitariya-gigiyena talablariga rioya etish; b) loyihalashtirish jarayonida qurilish materiallari turlarini belgilashda Sogʻliqni saqlash vazirligi tomonidan taqiqlanmagan va sanitariya-gigiyena talablariga javob beradigan qurilish materiallaridan foydalanilishi shartligi koʻzda tutish; v) obyekt qurilishi uchun tanlangan yer maydonidan oqib oʻtuvchi kanal yoki ariq mavjud boʻlgan taqdirda, loyihadagi suv yoʻnalishi hamda suvning muhofaza zonalarini saqlash va qirgʻoqlarni obodonlashtirish va mustahkamlash ishlari loyihalashtirish jarayonida inobatga olish. 12. Yongʻinga qarshi talablar Loyihalashtirishda binolar va inshootlar belgilangan yongʻinga qarshi oraliq masofalarni saqlagan holda joylashtirilishini, rejaviy tuzilishini (planirovkasi), qurilishda foydalanilishi nazarda tutilayotgan konstruksiya va mahsulotlarning yongʻin xavfsizligi talablariga mosligini, sodir boʻlishi mumkin boʻlgan yongʻinlarni bartaraf etish uchun suv manbalari (gidrant, sigʻim, hovuz va boshqalar) tashkil etilishini hamda amaldagi texnik jihatdan tartibga solishga doir normativ hujjatlarga muvofiq boshqa yongʻinga qarshi talablarni inobatga olish. 13. Ekologiya talablari Loyihalashtirishda ekologiya va atrof muhitni muhofaza qilish meʼyorlariga amal qilish. 13 1 . Aloqa, pochta va telekommunikatsiya talablari Loyihalashtirishda aloqa, pochta, axborotlashtirish va telekommunikatsiya sohasidagi normativ-huquqiy hujjatlar, davlat standartlari va meʼyorlariga amal qilish. 13 2 . Tuproqni muhofaza qilish va undan oqilona foydalanish talablari Loyihalashtirishda tuproqni muhofaza qilish va undan oqilona foydalanishga qoʻyilgan talablarga amal qilish. 14. Loyihani kelishish Loyiha ARTga muvofiqligi yuzasidan YIDXP yoki Davlat xizmatlari markazi orqali quyidagi idoralar bilan kelishiladi: a) Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari hamda Toshkent shahar qurilish bosh boshqarmasi huzuridagi Hududiy arxitektura-shaharsozlik kengashlari (keyingi oʻrinlarda — Kengashlar) tomonidan ikki qavatdan yuqori (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan koʻp boʻlgan yakka tartibdagi uy-joylar va 300 metr kubdan ortiq boʻlgan noturar bino va inshootlar; b) tuman (shahar) qurilish va uy-joy kommunal xoʻjaligi boʻlimlari tomonidan — ikki qavatgacha (sokolni hisobga olmagan holda), balandligi yer yuzasidan 12 metrdan past va (yoki) umumiy maydoni 500 kvadrat metrdan kam boʻlgan yakka tartibdagi uy-joylarning hamda 300 metr kubdan ortiq boʻlmagan noturar bino va inshootlarning loyiha-smeta hujjatlari; Kelishish uchun loyiha-smeta hujjatlarining elektron shakldagi loyiha-smeta hujjatlarining arxitektura qismi ilova qilinadi. Ilova qilinadigan hujjatlar PDF yoki JPEG formatda boʻlishi kerak. 15. Alohida talablar a) Loyihani kelishish davomida Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi huzuridagi Hududiy arxitektura-shaharsozlik kengashlari tomonidan berilgan tavsiyalar va ekspertiza xulosasida koʻrsatilgan kamchiliklarni bartaraf etish; b) loyihada yangi quriladigan, balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlgan bino va inshootlarni loyihalashtirishda ularga tutash hududlarning koʻkalamzorlashtirish (daraxtlar, butalar, boshqa oʻsimliklar va nihollarni ekish) maydonlari loyiha uchun ajratiladigan yer uchastkalari umumiy maydonining 25 foizidan kam boʻlishiga yoʻl quymaslik; v) loyihada koʻp kvartirali uy-joylarga tutash yer uchastkalarida mazkur uy-joyga xizmat koʻrsatuvchi avtoturargox joylashtirish uchun yer maydoni mavjud boʻlmaganda, avtoturargohni majburiy ushbu uy-joyning 1-qavatida yoki yertoʻlasida nazarda tutish; g) loyihada bino va inshootlar qurilishida energiya tejamkor materiallar qoʻllanilishini nazarda tutish; d) qonunchilik hujjatlari talablariga muvofiq: qurilish jarayonida belgilangan tartibda loyiha tashkiloti tomonidan obyektda mualliflik nazoratini amalga oshirilishini taʼminlash; loyiha-smeta hujjatlarini ekspertizadan oʻtkazish; davlat qurilish nazorati amalga oshirilishi shart boʻlgan obyektlarda qurilish-montaj ishlarini boshlash uchun obyektni roʻyxatdan oʻtkazish. Muhandislik tarmoqlariga ulanish shartlari: 16. Ichimlik suv tarmogʻi Talablar- ________________ (texnik shartda koʻrsatilgan talablardan kelib chiqib toʻldiriladi) 17. Oqova suv tarmogʻi Talablar- ________________ (texnik shartda koʻrsatilgan talablardan kelib chiqib toʻldiriladi) 18. Elektr energiyasi tarmogʻi Talablar- ________________ (texnik shartda koʻrsatilgan talablardan kelib chiqib toʻldiriladi) 19. Tabiiy gaz tarmogʻi Talablar- ________________ (texnik shartda koʻrsatilgan talablardan kelib chiqib toʻldiriladi) 20. Aloqa tarmogʻi Talablar- ________________ (texnik shartda koʻrsatilgan talablardan kelib chiqib toʻldiriladi) 21. Issiqlik tarmogʻi Talablar- ________________ (texnik shartda koʻrsatilgan talablardan kelib chiqib toʻldiriladi) 22. Drenaj tarmogʻi Talablar- ________________ (texnik shartda koʻrsatilgan talablardan kelib chiqib toʻldiriladi) 23. Obyektni muhandislik tarmoqlariga ulash boʻyicha buyurtmachi va loyiha tashkilotiga qoʻyiladigan talablar Obyektni muhandislik tarmoqlariga ulash tartib-taomillarini belgilovchi amaldagi qonunchilik hujjatlari talablariga rioya etilishini taʼminlash. Obyektga ulanadigan yer osti va yer usti muhandislik tarmoqlari unga chegaradosh oʻzga yer uchastkasidan oʻtkaziladigan holatlarda muhandislik tarmoqlarining trassalari ushbu yer uchastkalari egalari bilan kelishish. Obyektga tegishli yer uchastkasi hududidan oʻtgan yer osti va yer usti muhandislik tarmoqlari koʻchirilishi (zarurat boʻlganda) loyihada inobatga olish. Obyektga ulanadigan yer osti muhandislik tarmoqlarini yotqizishda koʻchalarni kesib oʻtishni mutasaddi tashkilotlar bilan kelishish. 24. ARTning amal qilish muddati Ushbu ART berilgan sanadan boshlab ikki yil davomida amal qiladi. Obyekt joylashuvi va muhandislik tarmoqlariga ulanish SXEMASI Obyekt joylashgan joy va muhandislik tarmoqlari koʻrsatilgan sxema. ART boʻlimi boshligʻi: ______________________________ F.I.O. ART boʻlimi mutaxassisi: ______________________________ F.I.O. Hujjatning haqiqiyligini tasdiqlovchi QR-kod

Vazirlar Mahkamasining 2022-yil 20-apreldagi 200-son qaroriga 4-ILOVA

Loyiha-smeta hujjatlarining arxitektura qismini kelishish boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament yuridik va jismoniy shaxslar yoki ularning buyurtmasiga (shartnomaga) muvofiq loyiha tashkilotlari (keyingi oʻrinlarda — ariza beruvchilar) tomonidan berilgan soʻrovnomaga asosan yer maydoni hajmidan qatʼi nazar, barcha turdagi binolar, inshootlar, yakka tartibdagi uy-joylar, koʻp kvartirali uylar, suv taʼminoti, kanalizatsiya va oqova suvlarni tozalash tizimlari, gidrotexnika inshootlari va boshqa obyektlarning loyiha-smeta hujjatlarining (keyingi oʻrinlarda — loyiha-smeta hujjatlari) arxitektura qismini koʻrib chiqish va kelishish tartibini belgilaydi.

Mazkur Reglament qoidalari markazlashgan mablagʻlar yoki xalqaro moliya institutlari va tijorat banklarining kredit mablagʻlari hisobidan amalga oshirilayotgan “Oʻrta shaharlarni kompleks rivojlantirish” loyihasi doirasida qurilayotgan obyektlarning loyiha-smeta hujjatlarini koʻrib chiqish va kelishishga nisbatan ham tatbiq etiladi.

2. Ushbu Reglamentning amal qilishi binolar, inshootlar va boshqa obyektlarni mukammal taʼmirlashga nisbatan qoʻllanmaydi.

Oʻzbekiston Respublikasining davlat sirlari bilan bogʻliq boʻlgan obyektlarning loyiha-smeta hujjatlarini kelishish uchun bevosita toʻgʻridan-toʻgʻri Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi (keyingi oʻrinlarda — vakolatli organ)ga murojaat qilinadi.

3. Loyiha-smeta hujjatlari tegishli litsenziyasi boʻlgan loyiha tashkiloti tomonidan ishlab chiqiladi. Loyiha-smeta hujjatlarida bino va inshoot, kvartira hamda yakka tartibdagi uy-joyning umumiy maydoni va qurilish osti maydoni (kvadrat metrda) va balandligi koʻrsatilishi kerak.

3 1 . Yakka tartibdagi uy-joyni qurish loyiha hujjati quyidagilardan iborat:

yakka tartibdagi uy-joyning yer uchastkasi joylashgan hududning (mahallaning, qishloqning va hakazo) erkin masshtabdagi vaziyat sxemasi;

yer osti muhandislik kommunikatsiyalari aks ettirilgan yakka tartibdagi uy-joyning bosh rejasi (M1:500);

yakka tartibdagi uy-joydagi kapital binolarning poydevorlari, yertoʻlalari, qavatlari planlari:

kapital binolarning qirqimlari;

hovlidagi kapital binolarning konstruktiv qismi (buyurtmachining ixtiyoriga koʻra).

Yengil turdagi (konstruksiyali) qurilmalar uchun qurilmaning plani, toʻrt tomonidan koʻrinishli rangli fasadlari, qirqimi hamda qurilma joylashtiriladigan maydonchaning bosh rejasidan iborat loyihaning arxitektura qismi ishlab chiqiladi.

4. Ariza beruvchi loyiha-smeta hujjatlarini kelishish uchun ariza berishdan oldin harbiy obyektlar va boshqa rejimli hududlarning foydalanuvchisi boʻlgan tashkilot bilan harbiy obyektlar va boshqa rejimli hududlarning chegaralaridan bino va inshootlargacha boʻlgan masofalarni (keyingi oʻrinlarda — masofalarni) kelishishi lozim.

Bunda harbiy obyektlar va boshqa rejimli hududlarning foydalanuvchisi boʻlgan tashkilot bilan kelishish uchun ularga yozma ravishda murojaat qilinadi.

Murojaat kelib tushganidan soʻng 5 ish kuni ichida harbiy obyektlar va boshqa rejimli hududlarning foydalanuvchisi boʻlgan tashkilot tomonidan shaharsozlik normalari va qoidalariga muvofiq koʻrib chiqilib, masofalarni kelishish yoki asoslantirilgan holda kelishishni rad etish boʻyicha xulosa taqdim etiladi.

4 1 . Obyekt egasi oʻzgarganda (begonalashtirilganda), obyektni qurish (rekonstruksiya qilish) boʻyicha kelishilgan loyiha-smeta hujjatlari oʻzgarmasa, loyiha hujjatlari qayta kelishilishi talab etilmaydi.

5. Ikki qavatdan yuqori boʻlmagan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlmagan (yordamchi xoʻjalik imoratlarini hisobga olmagan holda) yakka tartibdagi uy-joylar va 300 metr kubdan ortiq boʻlmagan noturar bino va inshootlarni qurish hamda rekonstruksiya qilish loyiha-smeta hujjatlarini ekspertizadan oʻtkazish, qurilish va uy-joy kommunal xoʻjaligi sohasida hududiy nazorat inspeksiyalaridan ruxsat olish talab etilmaydi.

Mazkur holatlarda vakolatli organ tomonidan kelishilgan loyiha-smeta hujjatlari qurilish va rekonstruksiya qilish, yengil turdagi (konstruksiyali) qurilmalarni qurish, yigʻish va oʻrnatish ishlarini boshlash uchun asos hisoblanadi.

Loyiha-smeta hujjatlarini kelishmasdan bino-inshootlarni qurish va rekonstruksiya qilish taqiqlanadi.

Uy-joylar, yordamchi-xoʻjalik qurilmalari va hovlidagi inshootlarning qurilishi shaharsozlik normalari va qoidalariga rioya etgan holda amalga oshiriladi.

Yakka tartibdagi uy-joylarni qurish uchun moʻljallangan yer uchastkasida bir oila aʼzolari uchun mazkur uy-joyning hovlisiga mustaqil chiqishga ega ikki va undan ortiq yakka tartibdagi turar joy binosi qurishga ruxsat beriladi.

6. Yakka tartibdagi uy-joylarni qurish loyiha-smeta hujjatlari quyidagilardan iborat boʻladi:

yer usti (uy-joy qurilishi uchun yangi ajratilgan yer uchastkalari uchun — yer osti muhandislik kommunikatsiyalari aks ettirilgan) yer uchastkasi tarhi;

yakka tartibdagi uy-joyning poydevorlari, yertoʻlalari, qavatlari, ularning qirqimlari va binoning old tomoni tarhlari;

moliyaviy smeta hisob-kitobi (kredit olishga ehtiyoj boʻlgan taqdirda).

Bino va inshootlarning loyiha-smeta hujjatlarining arxitekturaga oid qismida bino va inshootning joylashishi aks ettirilgan loyiha rejasi, rangli fasadlari, qavatlar rejalari, qirqimlari, qurilish obyektining bosh rejasi boʻladi.

7. Loyiha-smeta hujjatlari:

vakolatli organ huzuridagi hududiy arxitektura-shaharsozlik kengashlari (keyingi oʻrinlarda — Kengashlar) tomonidan ikki qavatdan yuqori (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlgan ( yordamchi xoʻjalik imoratlarini hisobga olmagan holda) yakka tartibdagi uy-joylar va 300 metr kubdan ortiq boʻlgan noturar bino va inshootlar boʻyicha oʻn ikki ish kuni mobaynida;

vakolatli organ tomonidan — ikki qavatdan yuqori boʻlmagan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlmagan ( yordamchi xoʻjalik imoratlarini hisobga olmagan holda) yakka tartibdagi uy-joylar va 300 metr kubdan ortiq boʻlmagan noturar bino va inshootlar boʻyicha yetti ish kuni mobaynida koʻrib chiqiladi va kelishiladi.

8. Ikki qavatdan yuqori boʻlgan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlgan (yordamchi xoʻjalik imoratlarini hisobga olmagan holda) yakka tartibdagi uy-joylar va 300 metr kubdan ortiq boʻlgan noturar bino va inshootlarni qurish hamda rekonstruksiya qilish obyektining loyiha hujjatlari Vazirlar Mahkamasining 2021-yil 17-sentabrdagi 579-son qarori bilan tasdiqlangan Obyektlarni qurish, rekonstruksiya qilish, mukammal va joriy taʼmirlash boʻyicha shaharsozlik va loyiha hujjatlarining loyihaviy yechimlarini shaharsozlik hujjatlariga muvofiqligi yuzasidan ekspertizadan oʻtkazish tartibiga muvofiq majburiy ekspertizadan oʻtkaziladi hamda obyektda qurilish-montaj ishlarini boshlash uchun Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy inspeksiyalaridan ruxsatnoma olinadi.

9. Davlat xizmatlari markazlari, Kengashlar va vakolatli organ oʻrtasida ERIdan foydalangan holda faqat elektron shaklda axborot almashinadi.

10. Loyiha-smeta hujjatlarini kelishish ushbu Reglamentga 1-ilovada keltirilgan sxemaga muvofiq amalga oshiriladi.

2-bob. Davlat xizmatlari koʻrsatish tartibi

11. Ariza beruvchilar loyiha-smeta hujjatlarini kelishish uchun Davlat xizmatlari markazlariga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) davlat xizmatidan elektron shaklda foydalanish uchun roʻyxatdan oʻtadi.

Loyiha-smeta hujjatlarini kelishish uchun arizalar YIDXP orqali dam olish va bayram kunlaridan qatʼiy nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlari tushganda navbatdagi ish kuni arizalarning vakolatli organga tushgan va qabul qilingan kun hisoblanadi.

12. Oʻzi kelib murojaat etgan taqdirda, Davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa — ariza beruvchi mustaqil ravishda ushbu Reglamentga 2-ilovada keltirilgan shakl boʻyicha davlat xizmatidan foydalanish uchun soʻrovnomani elektron shaklda toʻldiradi.

Soʻrovnomaga loyiha-smeta hujjatlarining elektron koʻrinishdagi loyihaning arxitektura qismi (keyingi oʻrinlarda — loyihaning arxitektura qismi), shuningdek, harbiy obyektlar va boshqa rejimli hududlarning foydalanuvchisi boʻlgan tashkilotning xulosasi olingan boʻlsa, mazkur xulosa PDF yoki JPEG formatda ilova qilinadi.

Bunda oʻzi kelib murojaat etgan taqdirda, loyihaning arxitektura qismi Davlat xizmatlari markaziga ariza beruvchi tomonidan elektron shaklda taqdim etiladi.

Soʻrovnomaga suvni muhofaza qilish hududlari chegaralariga tutash yer uchastkalarida barpo etiladigan qurilish obyektlariga suv obyektlarining balans saqlovchi xulosalar ilova qilinadi.

Loyihaning arxitektura qismi qogʻoz shaklida qabul qilinadi, Davlat xizmatlari markazida skanerlash taqiqlanadi.

Ariza beruvchilardan ushbu bandda koʻrsatilmagan maʼlumotlarni hamda boshqa hujjatlarni talab qilish taqiqlanadi.

13. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (ERI, daktiloskopiya, elektron imzo, Mobil-ID va boshqalar) bilan tasdiqlaydi.

14. Davlat xizmati koʻrsatilganligi uchun:

xavf-xatar toifalari boʻyicha I toifa obyektlar uchun bazaviy hisoblash miqdorining 50 foizi;

xavf-xatar toifalari boʻyicha II toifa obyektlar uchun bazaviy hisoblash miqdorining bir baravari;

xavf-xatar toifalari boʻyicha III-IV toifa obyektlar uchun bazaviy hisoblash miqdorining ikki baravari miqdorida yigʻim undiriladi.

Davlat xizmatini koʻrsatish uchun yigʻim toʻlanganligi elektron shaklda tasdiqlanadi.

14. Davlat xizmatlari koʻrsatish uchun bazaviy hisoblash miqdorining 50 foizi miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda ushbu bandning birinchi xatboshisida koʻrsatilgan yigʻim summasining 90 foizi undiriladi.

Davlat xizmati koʻrsatish uchun yigʻim toʻlanganligini tasdiqlash elektron tarzda amalga oshiriladi.

15. Yigʻimlar summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

20 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga oʻtkaziladi;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga oʻtkaziladi;

qolgan mablagʻlar toʻliq miqdorda vakolatli organning bank hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga oʻtkaziladi;

11,25 foizi — Raqamli texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga oʻtkaziladi;

qolgan mablagʻlar toʻliq miqdorda vakolatli organning bank hisobvaragʻiga oʻtkaziladi.

16. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega.

Ariza beruvchi davlat xizmatidan foydalanishdan bosh tortganda uning soʻrovnomasi koʻrmasdan qoldiriladi. Bunda toʻlangan yigʻim summasi qaytarilmaydi.

17. Oʻzi kelib murojaat etganda, Davlat xizmatlari markazlari xodimi obyektning loyiha-smeta hujjatlaridagi bino va inshootning maydoniga koʻra soʻrovnomani va loyiha-smeta hujjatlarini real vaqt rejimida mazkur Reglamentning 7-bandi bilan belgilangan tartib asosida elektron tizim orqali bir vaqtda:

Kengashning barcha aʼzolariga;

ikki qavatdan yuqori boʻlmagan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlmagan yakka tartibdagi uy-joylar va 300 metr kubdan ortiq boʻlmagan noturar bino va inshootlar boʻyicha faqat vakolatli organning oʻziga yuboradi.

18. Kengashning har bir aʼzosi soʻrovnoma kelib tushgan kundan boshlab yetti ish kuni mobaynida “Shaffof qurilish” milliy axborot tizimida loyiha-smeta hujjatlarining arxitektura qismini kelishadi yoki salbiy xulosa beradi.

Bunda:

Kengash aʼzolari oʻz vakolati doirasida loyiha-smeta hujjatlarining arxitektura qismiga eʼtirozlar boʻlmagan taqdirda, QR-kod qoʻyilgan ijobiy xulosani xech qanday shartlar va izohlarsiz yuboradi yoki aniq normani koʻrsatib, asoslantirilgan holda kelishishni rad etadi (salbiy xulosa beradi).

Kengashning barcha aʼzolaridan ijobiy xulosalar elektron tizim orqali olingandan soʻng vakolatli organ tomonidan besh ish kuni ichida loyiha-smeta hujjatlaridagi bino va inshootning arxitektura koʻrinishi hamda joylashuvi boʻyicha kollegial ravishda muhokama oʻtkaziladi. Bunda, kengash raisi zarur hollarda boshqa vazirliklar va idoralar mutaxassislarini jalb etish huquqiga ega.

Muhokamada faqat bino va inshootning arxitektura koʻrinishi boʻyicha eʼtirozlar bildirilishi mumkin.

Muhokama natijalari va Kengash aʼzolarining QR-kod qoʻyilgan ijobiy yoki salbiy xulosalariga muvofiq vakolatli organ Kengash bayonini rasmiylashtiradi va bayonnoma hamda ushbu Reglamentning 3-ilovasidagi shakldagi QR-kod qoʻyilgan xulosa (ijobiy yoki salbiy)ni elektron tizim orqali avtomatik tarzda ariza beruvchiga yuboradi.

18 1 . Loyiha-smeta hujjatlarining arxitektura qismini koʻrib chiqish va kelishish vakolatli organning oʻziga taalluqli boʻlganda, vakolatli organ soʻrovnoma kelib tushgan kundan boshlab yetti ish kuni mobaynida “Shaffof qurilish” milliy axborot tizimida loyiha-smeta hujjatlarining arxitektura qismini kelishadi yoki salbiy xulosa beradi.

19. Quyidagilar davlat xizmatini koʻrsatishni rad etish uchun asos hisoblanadi:

soʻrovnomada notoʻgʻri maʼlumotlar koʻrsatilishi;

davlat xizmati koʻrsatish uchun yigʻimni toʻlamaslik;

tegishli litsenziyaga ega boʻlmasdan loyiha-smeta hujjatlari ishlab chiqilganligi;

bino va inshootning arxitektura koʻrinishi va joylashuvi boʻyicha Kengashda oʻtkazilgan muhokamada asoslantirilgan eʼtiroz bildirilganligi;

loyiha-smeta hujjatlaridagi obyekt nomi davlat tili qoida va talablariga mos emasligi;

bino va inshoot qismlaridagi yaxlit ranglar va shakllar (parapet, pilyastr, deraza, eshik va boshqalar) mazkur bino va inshootlarning funksional vazifasiga yoki umumiy arxitektura koʻrinishiga mos kelmasligi;

loyihada bino va inshootlar hududlaridan yogʻingarchilik suvlarini toʻliq olib chiqib ketish maqsadida yomgʻir suvlarini oqizish tarmoqlarining (lotok) yirik (kanal, kollektor, drenaj va yirik irrigatsiya tarmoqlari) tarmoqlarga ulash nazarda tutilmaganligi;

suvni muhofaza qilish hududlari chegaralariga tutash yer uchastkalarida amalga oshiriladigan qurilish obyektlariga suv obyektlarining balansda saqlovchi tashkilotlaridan tegishli xulosalar olinmaganligi;

obyekt loyihasida nazarda tutilgan qurilish ishlari oʻzboshimchalik bilan boshlanganligi;

loyiha yechimlari shaharsozlik hamda sanitariya norma va qoidalari, shuningdek, yongʻin xavfsizligi talablariga javob bermaganda;

vakolatli organ tomonidan berilgan ruxsatnomada hamda arxitektura-rejalashtirish topshirigʻida belgilangan shartlar va talablar bajarilmaganda;

oʻziga tegishli hudud chegarasidan chiqib loyihalashtirilganda hamda muxandislik tarmoqlari muhofaza zonalari masofalari saqlanmaganda;

savdo va biznes markazlari, koʻngilochar va dam olish maskanlari, avtomobillarga yoqilgʻi quyish shoxobchalari, mehmonxonalar, xalqaro va davlat ahamiyatidagi avtomobil yoʻllari boʻyidagi infratuzilma obyektlarining loyihalarida elektromobillarni quvvatlantirish stansiyalari qurilishi nazarda tutilmaganligi;

qonunchilik hujjatlarida vakolat berilgan alohida hududlarni rivojlantirish maqsadida tashkil etilgan direksiya (yoki boshqa shakldagi boshqaruv tashkilotlar)ning ijobiy xulosasi olinmaganda;

bino va inshootning tashqi koʻrinishi hududning tasdiqlangan “dizayn kod”iga muvofiq boʻlmaganda (“dizayn kod” tasdiqlangan hududlarda);

harbiy obyektlar va boshqa rejimli hududlarning foydalanuvchisi boʻlgan tashkilotning xulosasini olish zarur boʻlib, ushbu xulosa olinmagan boʻlsa;

ushbu Reglamentning 6-bandida keltirilgan hujjatlar toʻliq taqdim etilmaganligi.

Davlat xizmatlarini koʻrsatishni boshqa asoslar boʻyicha rad etish taqiqlanadi.

Kengashlar hamda vakolatli organ tomonidan rad etish normativ-huquqiy hujjatning yoki shaharsozlik normalari va qoidalarining nomi, uning qismi, bandi, kichik bandi yoki xatboshisiga asoslangan boʻlishi talab etiladi.

20. Loyiha-smeta hujjatlarini kelishish Kengash aʼzolari va vakolatli organ ERIsi bilan tasdiqlash yoʻli bilan amalga oshiriladi.

Bunda arizani koʻrib chiqish muddati davomida zaruratga koʻra koʻchmas mulk obyektining kadastr hujjatlarini tekshirish talab etilganda Kadastr agentligi axborot tizimi orqali Qurilish va uy-joy kommunal xoʻjaligi vazirligining “Shaffof qurilish” milliy axborot tizimiga real vaqt rejimida koʻchmas mulk obyektiga oid quyidagi zarur maʼlumotlarni yuboradi:

koʻchmas mulkning manzili, yer uchastkasining maydoni, roʻyxatdan oʻtgan raqami va sanasi, huquq turi, yer fondi toifasi, oʻzboshimcha egallangan yer maydoni;

bino inshootlar maydoni, roʻyxatdan oʻtgan raqami va sanasi, huquq turi, oʻzboshimcha qurilmalar, hujjatsiz qurilmalar maʼlumotlari;

mulk egasi haqidagi maʼlumotlar, koʻchmas mulkka taqiq va cheklovlar mavjudligi.

21. Ariza beruvchilar loyiha-smeta hujjatlarini kelishish rad etilgandan keyin oʻn kun mobaynida davlat xizmatini koʻrsatish uchun yigʻimni toʻlamasdan, loyiha-smeta hujjatlarini kelishish uchun qayta murojaat qilish huquqiga ega.

Kengashlar aʼzolari tomonidan loyiha-smeta hujjatlarining arxitektura qismi boʻyicha ijobiy xulosa berilgan, biroq loyiha-smeta hujjatlaridagi bino va inshootning arxitektura koʻrinishi boʻyicha arxitektura qismini oʻzgartirishlarga olib kelmaydigan salbiy xulosa berilgan boʻlib, undagi kamchiliklar bartaraf etilgan holda qayta berilayotgan soʻrovnoma ijobiy xulosa bergan Kengash aʼzosiga takroran yuborilmaydi.

Ariza beruvchilar tomonidan loyiha-smeta hujjatlarini kelishishni rad etish uchun asos boʻlgan sabablar bartaraf etilib, takroran kelishish uchun soʻrovnoma kelib tushgan kundan keyin:

Kengashlar tomonidan besh ish kunida;

vakolatli organ tomonidan ikki ish kunida koʻrib chiqiladi.

Loyiha-smeta hujjatlarini takroran koʻrib chiqishda avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.

Kengash aʼzolari tomonidan loyiha-smeta hujjatlari takroran koʻrib chiqilayotganda, ular oʻzining birinchi xulosasida qayd etmagan yangi eʼtirozlarni bildirgan holda kelishishni ikkinchi marta rad etganda, ariza beruvchi mazkur yangi eʼtirozlarni qabul qilmasdan, uchinchi marta kelishish uchun vakolatli organga loyiha-smeta hujjatlarini kiritishi mumkin.

Vakolatli organ ushbu koʻrinishda uchinchi marta kiritilgan loyiha-smeta hujjatlarini ikki ish kunidan oshmagan muddatda kelishib berishi shart.

Ariza beruvchilar tomonidan loyiha-smeta hujjatlarini kelishishni rad etish uchun asos boʻlgan sabablar bartaraf etilganda takroran kelishish:

Kengashlar tomonidan besh ish kunida;

vakolatli organ hamda tuman (shahar) qurilish boʻlimlari tomonidan ikki ish kunida amalga oshiriladi.

22. Loyiha-smeta hujjatlari kelishilgan kunning oʻzida QR-kod qoʻyilgan xulosa Davlat xizmatlari markaziga yoki ariza beruvchiga YIDXP orqali yuboriladi.

Davlat xizmatlari markazi xulosa tushganidan soʻng real vaqt rejimida uni ariza beruvchining elektron manziliga yuboradi va bu haqida ariza beruvchini elektron tarzda xabardor qiladi.

Davlat xizmatlari markazi xodimi ariza beruvchi oʻzi kelib murojaat qilgan taqdirda, ariza beruvchining soʻroviga koʻra unga xulosani elektron shaklda yoki qogʻoz shaklida taqdim etadi.

3-bob. Yakunlovchi qoidalar

23. Davlat xizmatlari markazlari va vakolatli organlar oʻz faoliyatini amalga oshirishi natijasida olingan ariza beruvchi haqidagi maʼlumotlarning oshkor etilmasligini taʼminlashi kerak.

24. Xulosa loyiha-smeta hujjatlari kelishilgan kunning oʻzida “Shaffof qurilish” milliy axborot tizimida avtomatik ravishda hisobga olib boriladi.

25. Adliya vazirligi, uning hududiy boshqarmalari va Davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali, doimiy nazoratni va monitoringni amalga oshiradi.

26. Ariza beruvchi davlat organlari va boshqa tashkilotlar xodimlarining harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

27. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Loyiha-smeta hujjatlarining arxitektura qismini kelishish boʻyicha davlat xizmatlarini koʻrsatishning maʼmuriy reglamentiga 1-ILOVA

Loyiha-smeta hujjatlarining arxitektura qismini kelishish

Bosqichlar Subyektlar Amalga oshiriladigan tadbirlar Bajarish muddatlari 1-bosqich Ariza beruvchi 1. Loyiha-smeta hujjatlarining arxitektura qismini kelishish uchun Davlat xizmatlari markaziga oʻzi kelib murojaat qiladi yoki YIDXP orqali murojaat qiladi. 1. Xohishiga koʻra 2. Davlat xizmatlarini koʻrsatish uchun yigʻim toʻlaydi. 2. Murojaat qilinganda 2-bosqich 1. Davlat xizmatlari markazi 2. YIDXP Soʻrovnomani (obyektning loyiha-smeta hujjatlarining arxitektura qismini): Kengashning barcha aʼzolariga; ikki qavatdan yuqori boʻlmagan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlmagan (yordamchi xoʻjalik imoratlarini hisobga olmagan holda) yakka tartibdagi uy-joylar va 300 metr kubdan ortiq boʻlmagan noturar bino va inshootlarni boʻyicha faqat vakolatli organning oʻziga yuboradi. Avtomatik ravishda 3-bosqich 1. Kengash aʼzolari* 2. Vakolatli organ 1. Loyiha-smeta hujjatlarining arxitektura qismini kelishib berishi zarur boʻlgan Kengash aʼzolariga yuboradi. 2. Ikki qavatdan yuqori boʻlmagan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlmagan (yordamchi xoʻjalik imoratlarini hisobga olmagan holda) yakka tartibdagi uy-joylar va 300 metr kubdan ortiq boʻlmagan noturar bino va inshootlarni boʻyicha QR-kodli xulosani rasmiylashtiradi va Davlat xizmatlari markaziga yoki ariza beruvchiga YIDXP orqali elektron shaklda yuboradi. 7 ish kuni mobaynida 4-bosqich Vakolatli organ 1. Loyiha-smeta hujjatlaridagi bino va inshootning arxitektura koʻrinishi hamda joylashuvi boʻyicha muhokama oʻtkaziladi. 2. Muhokama natijalari va Kengash aʼzolarining QR-kod qoʻyilgan ijobiy yoki salbiy xulosalariga muvofiq Kengash bayonini rasmiylashtiradi va bayonnoma hamda ushbu Reglamentga 3-ilovadagi shakldagi QR-kod qoʻyilgan xulosa (ijobiy yoki salbiy)ni elektron tizim orqali avtomatik tarzda ariza beruvchiga yuboradi. Kengash barcha aʼzolaridan ijobiy xulosalar olingandan soʻng 5 ish kuni ichida 5-bosqich Davlat xizmatlari markazi Ariza beruvchining elektron manziliga xulosani joʻnatish, ariza beruvchini bu haqida elektron tarzda xabardor qilish va xulosani berish. Real vaqt rejimida

Loyiha-smeta hujjatlarining arxitektura qismini kelishish boʻyicha davlat xizmatlarini koʻrsatishning maʼmuriy reglamentiga 2-ILOVA

__________________ __________________ (sanasi) (raqami) Loyiha-smeta hujjatlarini arxitektura qismini kelishish boʻyicha davlat xizmatlaridan foydalanish uchun SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. JSHSHIR 2. F.I.O. 3. Telefon raqami 4. Elektron pochta manzili (mavjud boʻlsa) II. Ariza beruvchi — yuridik shaxs toʻgʻrisida maʼlumot: 1. Toʻliq nomi 2. STIR 3. Telefon raqami 4. Elektron pochta manzili (mavjud boʻlsa) III. Bino, inshoot va loyiha tashkiloti toʻgʻrisida maʼlumot: 1. Loyiha tashkilotining STIR raqami 2. Koʻchmas mulkning kadastr raqami 3. Koʻchmas mulkning manzili 4. Bino va inshootni loyihalashtirgan tashkilotning nomi a) Bino va inshootning hajmi (noturar bino va inshoot uchun) Kengash aʼzolariga va hududiy qurilish va uy-joy kommunal xoʻjaligi bosh boshqarmasiga yuborish umumiy maydoni 500 kvadrat metrdan ortiq hududiy qurilish va uy-joy kommunal xoʻjaligi bosh boshqarmasiga yuborish umumiy maydoni 500 kvadrat metrdan kam b) Yakka tartibdagi uy-joy hududiy qurilish va uy-joy kommunal xoʻjaligi bosh boshqarmasiga yuborish barcha yakka tartibdagi uy-joylar v) Tarixiy zonalarda, shu jumladan, madaniy yodgorliklarni qoʻriqlash zonalarida quriladigan obyektlar hamda davlat obyektlari Qoraqalpogʻiston Respublikasi qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi huzuridagi hududiy arxitektura-shaharsozlik kengashlariga yuborish IV. Soʻrovnomaga ilova: 1. Loyiha-smeta hujjatlarining arxitektura qismi loyihasi 2. Harbiy obyektlar va boshqa rejimli hududlarning foydalanuvchisi boʻlgan tashkilotning xulosasi*

Loyiha-smeta hujjatlarining arxitektura qismini kelishish boʻyicha davlat xizmatlarini koʻrsatishning maʼmuriy reglamentiga 3-ILOVA

(Oʻzbekiston Respublikasi Davlat gerbi tasviri) OʻZBEKISTON RESPUBLIKASI QURILISH VA UY-JOY KOMMUNAL XOʻJALIGI VAZIRLIGI __________________ _________ ________________________ _____________ ____________ (Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi Hujjat tuzilgan sana:________ Ariza beruvchining nomi yoki F.I.O.: __________ Loyixa-smeta hujjatlarining arxitektura qismini kelishilganligi haqida XULOSA 20___y. “____” _________-son 1. Ariza raqami 2. Loyiha tashkilotining nomi 3. Obyekt egasining nomi 4. Obyekt manzili 5. Obyekt nomi 6. Arxitektura-rejalashtirish topshirigʻining rekvizitlari Loyihani koʻrib chiqish buyicha xulosa: kelishildi , kelishilmadi. (tanlanadi) Ilovalar: 1) Kengash aʼzolarining xulosalari; 2) Kengash bayoni. Loyihaning arxitektura qismi Izox. 1. Bunda ikki qavatdan yuqori boʻlmagan (sokolni xisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlmagan (yordamchi xoʻjalik imoratlarini hisobga olmagan holda) bino va inshootlar hamda yakka tartibdagi uy-joylar loyihalari faqat Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi bilan kelishiladi. 2. Turar joy majmualarini qurishda obyekt nomi davlat tilida va milliy qadriyatlarga mos boʻlishi kerak. Hujjatni imzolagan shaxs: ________________________________ (F.I.O) Hujjatning haqiqiyligini tasdiqlovchi QR-kod

Vazirlar Mahkamasining 2022-yil 20-apreldagi 200-son qaroriga 4 1 -ILOVA

Qurilish sohasida maxsus texnik shartlarni ishlab chiqish, kelishish va tasdiqlash toʻgʻrisida

1-bob. Umumiy qoidalar

1. Ushbu Nizom amaldagi normativ texnik hujjatlar bilan tartibga solinmaydigan obyektlarni loyihalash uchun maxsus texnik shartlarni ishlab chiqish, kelishish va tasdiqlash tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

buyurtmachi — loyiha buyurtmachisi boʻlgan davlat organlari, budjet tashkilotlari hamda yuridik va jismoniy shaxslar;

vakolatli organ — Fanlar akademiyasi;

zilzila — yer qobigʻining yoki yer ustki qatlamining toʻsatdan roʻy bergan siljishi, yemirilishi yoki oʻpirilishi oqibatida vujudga kelgan, uzoq masofalarga tarqaladigan toʻlqinsimon tebranishlar tarzidagi yer osti silkinishlari va tebranishlari;

zilzila akselerogrammasi — zilzila natijasida yer yuzasining maʼlum nuqtasida yuzaga keladigan absolyut tebranish tezlashishining vaqt birligida oʻzgarishi;

zilzilabardoshlik — aholi hayoti hamda mol-mulkining xavfsizligini taʼminlaydigan, binolar va inshootlarning zilzila taʼsiriga boʻlgan mustahkamlik koʻrsatkichlari;

ilmiy xulosa — obyekt uchun ishlab chiqilgan MTSHning zilzilabardoshlik qismiga vakolatli organ tomonidan berilgan tavsiya va talablar;

maxsus texnik shartlar (keyingi oʻrinlarda — MTSH) — shaharsozlik normalari va qoidalarida keltirilgan talablarni toʻldiruvchi yoki ularga kompensatsiya choralarini taʼminlovchi Qurilish va uy-joy kommunal xoʻjaligi vazirligi texnik kengashi qarori bilan qabul qilinadigan texnik-hujjat;

murakkab konstruksiyali bino va inshootlar — konstruktiv yechimlari shaharsozlik normalari va qoidalari bilan tartibga solinmagan bino va inshootlar;

seysmik jadallik — qabul qilingan shkala boʻyicha tavsiflangan yer yuzasining zilzila natijasida tebranish jadalligi ballda ifodalanishi;

seysmik faol zona — seysmik jihatdan hududlashtirish xaritasida belgilangan, kuchli zilzilalar yuz berish ehtimoli doimo yuqori boʻlgan hudud;

seysmik xavf — muayyan hududda muayyan vaqt oraligʻida aholining hayotiga tahdid soluvchi hamda binolar va inshootlarga zarar yetkazuvchi zilzilalar yuz berish ehtimoli;

seysmik xavfsizlik — seysmik xavfsizlikni taʼminlash sohasidagi davlat organlari va tashkilotlari tomonidan aholi hayotini va infratuzilma obyektlarini zilzilalar natijasida kelib chiqadigan xavflardan himoyalanganlik holati;

shaharsozlik — aholi punktlarini va hududlarni rejalashtirish hamda qurishning yechimlar yigʻindisi.

3. Qurilish va uy-joy kommunal xoʻjaligi vazirligi huzuridagi “Texnik meʼyorlash va standartlashtirish ilmiy-tadqiqot instituti” davlat muassasasi (keyingi oʻrinlarda — Institut) MTSHni ishlab chiqish, kelishish va tasdiqlash boʻyicha Ishchi organ hisoblanadi.

4. MTSHni oʻzaro kelishuv asosida qabul qilish, ekspertizadan oʻtkazish, bekor qilish hamda ularga oʻzgartirish va qoʻshimchalar kiritishda davlat organlari va tashkilotlarning Institut faoliyatiga har qanday shaklda aralashishi taqiqlanadi.

Institut MTSHga xulosa va taqriz olish uchun tegishliligi boʻyicha vazirlik hamda idoralarga yuboradi.

5. MTSHni koʻrib chiqish, unga taqriz va xulosalar berish ushbu Nizomga ilovadagi sxemaga muvofiq amalga oshiriladi.

2-bob. MTSHning tuzilishi va ularga qoʻyiladigan talablar

6. MTSH obyektning yuridik manzili, nomi va sohadagi yoʻnalishni (mazmunini) aks ettiruvchi nomga ega boʻlishi lozim.

7. MTSHda uning boshqa bandlariga hamda shaharsozlik normalari va qoidalariga havola qilishga yoʻl qoʻyiladi.

8. MTSH matni loʻnda, oddiy va ravon tilda bayon etilishi kerak. Bunda hujjatning har bir bandi toʻliq va tugallangan maʼno hamda mazmunga ega boʻlishi lozim.

MTSHda tushunchalar va atamalarni turlicha izohlash imkoniyati mavjud boʻlsa, ularning qonunchilik hujjatlarida qabul qilingan maʼnosiga muvofiq yagona shaklda qoʻllaniladi.

9. MTSHda quyidagilarning qoʻllanilishiga yoʻl qoʻyilmaydi:

ogʻzaki nutq shakllari;

davlat tilida teng maʼnoli soʻzlar va tushunchalar boʻlgan taqdirda, xorijiy tillardagi atamalar;

eskirgan hamda koʻp maʼnoni anglatadigan soʻzlar va iboralar, majoziy taqqoslashlar, sifatlashlar, kinoyalar.

10. MTSHning matni umumeʼtirof etilgan grammatik, orfografik va punktuatsiya qoidalari asosida tuziladi.

11. MTSHda qoʻllaniladigan atamalarning taʼrifi ushbu MTSHda keltiriladi.

12. MTSHda umumiy qabul qilingan qisqartmalar qoʻllanilishi va boshqa qisqartmalarga tushunchalar berilishi mumkin.

13. MTSHning matni quyidagi tuzilish elementlariga boʻlinishi mumkin: boʻlimlar, boblar, paragraflar, bandlar, kichik bandlar. Boʻlimlar boblarga, boblar esa paragraflarga, paragraflar bandlarga, bandlar kichik bandlarga boʻlinishi mumkin.

Har bir band yoki kichik band MTSHning alohida qoidalarini oʻz ichiga olishi hamda toʻliq va tamomlangan matnga ega boʻlishi kerak.

14. Boʻlimlar rim raqamlari bilan boblar, paragraflar, bandlar va kichik bandlar esa arab raqamlari bilan raqamlanadi.

Boʻlimlar, boblar MTSHning butun matnida ketma-ket raqamlangan boʻlishi kerak. Kichik band raqamiga nuqta bilan ajratilgan band kiradi.

15. MTSHning boʻlimlari va boblari sarlavhalarga ega boʻlishi, sarlavhalar tegishli bob, paragraf va bandlarning mazmunini aniq va qisqa aks ettirishi kerak.

16. MTSHni rasmiylashtirishda loyihaning matni A4 formatidagi qogʻoz varagʻining bir tomonida uning matnini kamaytirmasdan joylashtirilishi kerak. Sahifaning tartib raqami sahifaning pastki oʻrta qismida joylashtirilishi kerak, 1 raqamidan boshlab raqamlanadi.

MTSH, qoida tariqasida, Microsoft Word redaktoridan va quyidagi parametrlardan foydalangan holda tayyorlanadi:

“Times New Roman” 12 oʻlchamli shrift;

sahifaning chap hoshiyasi 3 sm, oʻng hoshiyasi 1,5 sm, past va yuqori hoshiyalari 2 sm;

birinchi qatorning satr boshisi 1,25 sm;

qatorlar orasidagi interval 1,15 belgiga teng boʻlishi lozim.

17. MTSH matnini tayyorlashda grek yoki boshqa alifbolarning harflarini, formulalarni, alohida shartli belgilar Microsoft Word ning “Tenglamalar” redaktoridan foydalangan holda belgilanishi kerak. Bunda yozilgan matnning oʻlchami, qolgan matn oʻlchamlariga yaqinlashtirilgan boʻlishi kerak.

18. MTSH davlat tilida tayyorlanadi va tasdiqlanadi. MTSH faqat Institut tomonidan shartnoma asosida boshqa tillarga tarjima qilinishi mumkin.

19. MTSH matn tilidan qatʼi nazar, hujjat nomida quyidagi qisqartirishlari bilan belgilanadi:

MTSH;

iqtisodiy faoliyat turlarining umumdavlat tasniflagichi boʻyicha tashkilot IFUT kodi;

nuqtadan keyin tashkilot STIRi;

chiziqchadan keyin MTSHning tartib raqami;

ikki nuqta bilan ajratilgan tasdiqlangan yili.

20. MTSH Institut tomonidan ruyxatga olinadi.

21. MTSH boʻlimlarining sarlavhasi, tarkibi va tuzilishi tatbiq etilayotgan obyektning xususiyatlari va unga qoʻyiladigan talablarni inobatga olgan holda belgilanadi.

22. MTSH tarkibi quydagilardan iborat boʻlishi kerak:

MTSH tatbiq qilinishi;

normativ hujjatlarga havolalar;

umumiy texnik talablar;

ilovalar, bunda dastlabki ruxsat beruvchi hujjatlar (idoralararo elektron hamkorlik yoʻli bilan olinadi), MTSHni ishlab chiqish uchun texnik torshiriq kiritiladi.

23. MTSHga huquqiy normalar kiritilishi taqiqlanadi.

3-bob. MTSHni ishlab chiqish tartibi

24. MTSH tegishli yoʻnalish boʻyicha vakolatga ega boʻlgan ilmiy-tadqiqot tashkilotlari va IV toifa obyektlarni loyihalashtirish huquqiga ega boʻlgan loyiha tashkilotlari tomonidan ishlab chiqiladi.

25. MTSH buyurtmachilarning taklifi asosida quyidagilar inobatga olingan holda ishlab chiqiladi:

shaharsozlik faoliyati sohasidagi xalqaro va xorijiy normativ-texnik hujjatlarni moslashtirish;

ilmiy-tadqiqotlarning (tajriba-sinov) va oʻlchashning natijalari;

ilm-fan va texnika yutuqlari;

mahsulotning yangi turlarini, jarayonlarni va xizmatlarni qoʻllash orqali orttirilgan amaliy tajriba.

Ushbu talablar zarur hollarda asoslantirilgan holda taqdim etiladi.

26. MTSHni ishlab chiqish va tasdiqlash tartibi quyidagi bosqichlardan iborat:

MTSHni ishlab chiqish uchun buyurtmachi tomonidan texnik topshiriq ishlab chiqilib, ishlab chiquvchiga taqdim etiladi;

MTSH ishlab chiquvchi va manfaatdor taraflarning vakillari bilan birgalikda ishlab chiqiladi;

MTSHda belgilanadigan talablar manfaatdor taraflar tomonidan oʻzaro kelishiladi;

MTSH buyurtmachi tomonidan tasdiqlanadi;

MTSHda uni ishlab chiqqan ilmiy hodimlar, mutaxassislar, tashkilot(lar) rahbarlari koʻrsatiladi va ular tomonidan imzolanadi.

27. Buyurtmachi tasdiqlagan MTSHni koʻrib chiqish hamda xulosalar olish uchun “Shaffof qurilish” milliy axborot tizimi (keyingi oʻrinlarda — “Shaffof qurilish” MAT) orqali arizaga ilova qilgan holda elektron nusxada Institutga yuboradi.

4-bob. MTSHni Institut tomonidan koʻrib chiqish tartibi

28. Institut bir ish kunida taqriz olinishi uchun IV toifa obyektlarni loyihalashtirish huquqiga ega boʻlgan kamida uchta loyiha tashkilotiga hamda ilmiy xulosa olish uchun vakolatli organga “Shaffof qurilish” MAT orqali yoʻnaltiradi.

29. Taqriz olish uchun yuborilgan loyiha tashkiloti tomonidan MTSHlar oʻn besh ish kuni davomida koʻrib chiqilib, taqriz beriladi.

Bunda ishlab chiquvchi MTSH boʻyicha kelib tushgan takliflar va eʼtirozlar umumlashtirib koʻrib chiqadi, zaruratga koʻra MTSHga tegishli oʻzgartirishlar kiritadi hamda kamchiliklarni bartaraf etadi.

30. Vakolatli organ bir oygacha, ish hajmi koʻpaygan hollarda esa ikki oygacha boʻlgan muddatda tadqiqot natijalari asosida xulosa qabul qilib, “Shaffof qurilish” MATga yuklaydi.

31. MTSHga taqrizlar va ilmiy xulosa ular olingan kundan boshlab Institut tomonidan besh ish kunidan ortiq boʻlmagan muddatda koʻrib chiqiladi va Texnik kengashda koʻrib chiqilishi uchun taqdim etiladi.

32. MTSHni koʻrib chiqish uchun tegishli soha mutaxassislari Institut tomonidan shartnoma asosida jalb qilinishi mumkin.

33. MTSHga salbiy taqriz va (yoki) ilmiy xulosa taqdim etilganda qayta koʻrib chiqish uchun buyurtmachiga qaytariladi.

34. MTSH qayta taqdim etilganda, ushbu Nizomning umumiy talablari asosida koʻrib chiqiladi.

35. MTSHni koʻrib chiqish uchun Institut va buyurtmachi oʻrtasida shartnoma tuziladi.

Shartnoma qiymati Vazirlar Mahkamasining 2021-yil 17-sentabrdagi 579-son qarori bilan tasdiqlangan Obyektlarni qurish, rekonstruksiya qilish, mukammal va joriy taʼmirlash boʻyicha shaharsozlik va loyiha hujjatlarining loyihaviy yechimlarini shaharsozlik hujjatlariga muvofiqligi yuzasidan ekspertizadan oʻtkazish tartibi toʻgʻrisidagi nizomga 6-ilovaning 5-bandida belgilangan oʻlchov birligidan shakllangan qiymatning 50 foizi miqdorida belgilanadi.

Bunda kelib tushgan toʻlov quyidagi tartibda taqsimlanadi:

5 foizi — MTSHni koʻrib chiqqanlik uchun Institut hisobvaragʻiga;

95 foizi — ilmiy xulosa berganlik uchun vakolatli organ hisobvaragʻiga oʻtkaziladi.

5-bob. Ilmiy xulosa berish tartibi

1-§. Ilmiy xulosadagi umumiy talablar

36. Seysmik faol zonalarda qurilishi rejalashtirilayotgan murakkab konstruksiyali obyektlarning MTSHlariga ilmiy xulosa berishda quyidagilar (yoki ulardan biri) nazarda tutiladi:

bino va inshootlar qurilishi rejalashtirilayotgan hududlarni seysmik xavfni, seysmotektonik va muhandis-geologik sharoitlarni hisobga olgan holda xalqaro standartlar darajasida baholash;

bino va inshootlarga kuchli zilzilalarning seysmik taʼsirini “grunt-inshoot” tizimining tebranish parametrlari boʻyicha aniqlash va uni muhandislik koʻrsatkichlarida baholash;

bino va inshootlarni ekspluatatsiya qilish davrida hudud grunti sharoitining oʻzgarishiga muvofiq uning salbiy oqibatlarini prognoz qilish va tavsiyalar ishlab chiqish;

bino va inshootlarning zilzilabardoshligini oshirish uchun qurilish maydonining seysmik xavfini va seysmik taʼsirini hudud uchun olingan real yoki sintezlangan akselerogrammalardan foydalanish boʻyicha tavsiyalarni ishlab chiqish;

tatbiq etilgan zamonaviy seysmik himoya usullari boʻyicha tavsiyalar berish;

xorijiy qurilish normalari va qoidalari talablari boʻyicha kompensatsiyalovchi choralar toʻgʻri qoʻllanilganligini nazariy hamda eksperimental usullar yordamida tekshirish.

37. Vakolatli organ, zarurat boʻlganda, buyurtmachi bilan ilmiy xulosa berish uchun obyektlarni zilzilabardoshlik boʻyicha nazariy va amaliy tajriba sinovidan oʻtkazish ishlari tashkil etiladi.

38. Ilmiy xulosa nusxasi vakolatli organda va buyurtmachida doimiy saqlanadi.

2-§. Seysmik faol zonalarda qurilishi rejalashtirilayotgan murakkab konstruksiyali bino va inshootlarga xulosani rasmiylashtirish tartibi

39. Ilmiy xulosa quyidagi qismlardan iborat boʻladi:

kirish;

obyekt haqida umumiy maʼlumotlar;

asosiy qism;

xulosalar va tavsiyalar;

ilovalar.

40. Ilmiy xulosaning kirish qismida tadqiqot maqsadlari, oʻtkazish asoslari (topshiriq yoki ariza), ijrochisi, tahlil (tadqiqot)ni oʻtkazgan ilmiy xodimlar va mutaxassislar hamda buyurtmachi tashkilot haqida maʼlumotlar, shuningdek, qoʻllaniladigan qisqartma soʻzlar koʻrsatiladi.

41. Ilmiy xulosaning obyekt haqidagi umumiy maʼlumotlar qismida tadqiqot obyektining roʻyxati, oʻtkazish jarayonida koʻrib chiqilgan hujjatlar haqida maʼlumotlar hamda tadqiqot obyekti toʻgʻrisida maʼlumotlar keltiriladi.

42. Ilmiy xulosaning asosiy qismida qurilishi rejalashtirilayotgan maydonlarda oʻtkazilgan dala tadqiqotlari va ular asosida qurilish maydonining baholangan seysmiklik darajasi va parametrlari, obyektga ishlab chiqilgan MTSHda normativ texnik hujjatlarga nomutanosib boʻlgan qismlar uchun kompensatsiyalovchi choralarni tekshirish uchun oʻtkazilgan sinov yoki hisoblash metodikasi, eksperimental tadqiqotlar natijasida aniqlangan dinamik va mustahkamlik koʻrsatkichlari, ular asosida obyekt zilzilabardoshligini hisoblash natijalari keltiriladi.

43. Ilmiy xulosaning tavsiyalar va xulosalar qismida tadqiqot oʻtkazilgan obyektning seysmiklik darajasi va muhandislik koʻrsatkichlari (real yoki sintezlangan akselerogrammalari, tezlanish spektrlari, javob spektrlari) hamda normativ texnik hujjatlarga nomutanosib boʻlgan qismlar uchun kompensatsiyalovchi choralar obyektning zilzilabardoshlik talablariga muvofiqligi toʻgʻrisida xulosalar yoki zilzilabardoshligini oshirish boʻyicha koʻrsatmalar keltiriladi.

44. Yakuniy sinov va hisob natijalari bino va inshootlar, ularning konstruksiyalarining mustahkamligini taʼminlashga qaratilgan hamda zilzilabardoshligini oshirish boʻyicha amaliy tavsiyalarni oʻz ichiga oladi.

6-bob. MTSHni Texnik kengash tomonidan koʻrib chiqish va kelishish tartibi

45. Texnik kengash Qurilish va uy-joy kommunal xoʻjaligi vazirligi, yetakchi ilmiy-tadqiqot institutlari va loyiha tashkilotlari (zaruratga koʻra jalb qilingan ekspertlardan) vakillaridan iborat kollegial organ hisoblanadi. Texnik kengash tarkibi qurilish va uy-joy kommunal xoʻjaligi vaziri buyrugʻi bilan tasdiqlanadi.

46. Qurilish va uy-joy kommunal xoʻjaligi vaziri Texnik kengash raisi hisoblanadi.

Texnik kengash raisi boʻlmaganda, uning vazifasi vazir oʻrinbosari zimmasiga yuklanadi.

47. Texnik kengash faoliyati Institut tomonidan tashkil etiladi.

48. Texnik kengash tomonidan MTSHni kelishish va tasdiqlash “Shaffof qurilish” MAT orqali amalga oshiriladi.

Bunda MTSHni koʻrib chiqish bayonnomasi Texnik kengash aʼzolari tomonidan ERI bilan tasdiqlanganda, MTSH kelishilgan hisoblanadi.

49. MTSH barcha aloqador Texnik kengash aʼzolari bilan kelishilishi shart.

7-bob. MTSHni tasdiqlash va roʻyxatdan oʻtkazish tartibi

50. MTSH Texnik kengashda koʻrib chiqilishi va roʻyxatga olish uchun ishlab chiquvchi tomonidan elektron nusxada topshiriladi.

Bunda Institut Texnik kengashga taqdim etish uchun “Shaffof qurilish” MATdan birlamchi ruxsat beruvchi barcha hujjatlarni (arxitektura rejalashtirish topshirigʻi, loyiha-smeta hujjatlarini kelishish boʻyicha Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi huzuridagi Hududiy arxitektura-shaharsozlik kengashining xulosasi, kadastr raqami) hamda muhandislik qidiruvlari natijalarini yuklab oladi.

51. Institut Texnik kengash bilan kelishilgan MTSHni roʻyxatga oladi. Bunda MTSH birinchi sahifasida roʻyxatga olingan sana va raqam koʻrsatiladi hamda “Shaffof qurilish” MAT orqali MTSHning har bir sahifalari roʻyxatga olish maʼlumotlarini oʻz ichiga olgan QR-kod (matritsali shtrixli kod) bilan tasdiqlanadi.

8-bob. Yakunlovchi qoidalar

52. Tasdiqlangan MTSHga oʻzgartish va qoʻshimchalar kiritish hamda bekor qilish Texnik kengash tomonidan amalga oshiriladi.

53. Ushbu Nizom talablarining buzilishida aybdor boʻlgan shaxslar qonunchilik hujjatlariga muvofiq javob beradilar.

Qurilish sohasida maxsus texnik shartlarni ishlab chiqish, kelishish va tasdiqlash toʻgʻrisidagi nizomga ILOVA

Maxsus texnik shartlarni ishlab chiqish, kelishish va tasdiqlash

Bosqichlar Masʼullar Amalga oshirish mexanizmi Muddatlar 1-bosqich Buyurtmachi “Shaffof qurilish” MAT orqali MTSHni arizaga ilova qilgan holda elektron nusxada yuboradi. Maxsus texnik shartlarni tayyorlangandan keyin 2-bosqich Institut Maxsus texnik shartlarning toʻliqligini tekshirib chiqib, hujjatlar toʻliq boʻlgan taqdirda: 1. Taqriz olinishi uchun IV toifa obyektlarni loyihalashtirish huquqiga ega boʻlgan kamida uchta loyiha tashkilotiga hamda ilmiy xulosa olish uchun vakolatli organga yoʻnaltiradi. Maxsus texnik shartlar tushgan kundan boshlab bir ish kunida 2. Tekshirib chiqish natijasida maxsus texnik shartlar toʻliq boʻlmagan yoki ilova qilingan hujjatlar belgilangan talablarga nomuvofiq boʻlgan taqdirda, asosli izoh bilan ishlab chiquvchiga qaytaradi. Oʻn ish kunida 3-bosqich Buyurtmachi MTSHlarni texnik kengashda koʻrib chiqish, kelishish, ilmiy xulosa olish va tasdiqlashni tashkil etish uchun shartnoma boʻyicha hisoblangan toʻlovni oʻtkazadi. Uch ish kuni muddatda 4-bosqich Vakolatli organ MTSHni koʻrib chiqib ilmiy xulosani Institutga hamda buyurtmachiga yuboradi hamda “Shaffof qurilish” MATga kiritadi. Ikki oy davomida 5-bosqich Loyiha tashkilotlari Obyektni loyihalashtirish uchun ishlab chiqilgan MTSH boʻyicha taqrizni “Shaffof qurilish” MATga yuklaydi. Oʻn ish kunida 6-bosqich Institut MTSH ni Texnik kengashda koʻrib chiqib “Shaffof qurilish” MATga kiritadi. Bir ish kuni davomida 7-bosqich Texnik kengash Texnik kengash aʼzolari MTSHni koʻrib chiqib, bayonnomani “Shaffof qurilish” MAT orqali ERI bilan tasdiqlaydi. Bunda MTSH kelishiladi yoki asoslantirilgan holda rad etiladi. Oʻn ish kunida

Vazirlar Mahkamasining 2022-yil 20-apreldagi 200-son qaroriga 5-ILOVA

Qurilish-montaj ishlarini boshlash uchun obyektga ruxsatnoma berish boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament yuridik va jismoniy shaxslar (keyingi oʻrinlarda — ariza beruvchilar) tomonidan qurilish-montaj ishlarini boshlash uchun roʻyxatdan oʻtkazish (keyingi oʻrinlarda — roʻyxatdan oʻtkazish) tartibini belgilaydi.

2. Ushbu Reglamentning amal qilishi, moliyalashtirish manbalaridan qatʼi nazar xavf-xatar toifasidan kelib chiqqan holda, qurilish obyektlarida jumladan, ikki qavatdan yuqori (sokolni hisobga olmagan holda), balandligi yer yuzasidan 12 metrdan baland va (yoki) umumiy maydoni 500 kvadrat metrdan ortiq boʻlgan (yordamchi xoʻjalik imoratlarini hisobga olmagan holda) yakka tartibdagi uy-joylar hamda 300 metr kubdan ortiq boʻlgan noturar bino va inshootlarni qurish va rekonstruksiya qilishga qoʻllaniladi.

3. Ushbu Reglament talablari:

ikki qavatdan yuqori boʻlmagan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlmagan (yordamchi xoʻjalik imoratlarini hisobga olmagan holda) yakka tartibdagi uy-joylar va 300 metr kubdan ortiq boʻlmagan noturar bino va inshootlarni qurish hamda rekonstruksiya qilish;

joriy taʼmirlash obyektlari;

mukammal taʼmirlash obyektlari (davlat budjeti mablagʻlaridan moliyalashtiriladigan obyektlar bundan mustasno);

turar joy toifasidan noturar joy toifasiga rekonstruksiyasiz oʻtkazilayotgan xonalar;

mavsumiy ishlar va yaylov chorvachiligi uchun vaqtinchalik inshootlar va maishiy xonalar;

ishlayotgan muhandislik-kommunikatsiya tarmoqlarini oʻzgartirishni talab etmaydigan kichik oʻlchamdagi (300 kvadrat metrdan kam boʻlgan) alohida qurilayotgan obyektlar;

kon kavlash ishlari;

yoʻl inshootlari (umumiy foydalanishdagi temir yoʻllar);

murakkablik toifalari tasnifiga koʻra I toifa — xavflilik omili past obyektlar;

texnologik resurslari ishlatib boʻlingan va obyektning ixtisoslashishini oʻzgartirish talab etilmaydigan texnologik hamda muhandislik uskunalarini taʼmirlash va almashtirish obyektlariga nisbatan tatbiq etilmaydi.

4. Oʻzbekiston Respublikasining davlat sirlari bilan bogʻliq boʻlgan obyektlarning qurilish-montaj ishlarini Qurilish va uy-joy kommunal xoʻjaligi sohasida hududiy nazorat inspeksiyalari (keyingi oʻrinlarda — hududiy inspeksiya) toʻgʻridan-toʻgʻri ruxsatnoma beradi. Bunda shaharsozlik hujjatlarining ekspertizadan oʻtkazilganligi toʻgʻrisidagi ijobiy xulosa hududiy inspeksiyalarga taqdim etiladi.

5. Qurilish-montaj ishlarini boshlash uchun ruxsatnoma olmasdan qurilish ishlarini amalga oshirish taqiqlanadi.

Qurilish-montaj ishlarini boshlash uchun ruxsatnoma olmasdan qurilish ishlarini amalga oshirganlik uchun qonunchilik hujjatlariga asosan javobgar boʻladi.

Qonunchilik hujjatlarida nazarda tutilgan qurilish sohasidagi ruxsat berish tartib-taomillariga rioya qilinmagan holda qurilish ishlari boshlanganda qurilish-montaj ishlarini toʻxtatib qoʻyish yoki buzdirish ishlarini amalga oshirish toʻgʻrisidagi daʼvo bilan sudga murojaat qilish uchun asos boʻladi.

Loyiha hujjatlarini ekspertizadan oʻtkazmasdan mavjud bino va inshootlarning, shu jumladan, yakka tartibdagi uy-joylarning qavatlari sonini koʻpaytirish hamda oʻzgartirilgan loyiha hujjatlarini ekspertizadan oʻtkazmasdan qurilayotgan bino va inshootlarning qavatlari sonini (loyiha hujjatlarini oʻzgartirish yoʻli bilan) koʻpaytirishga yoʻl qoʻyilmaydi.

Loyiha hujjatlari boʻyicha ijobiy ekspertiza xulosasi ekspert tashkiloti tomonidan “Shaffof qurilish” milliy axborot tizimidagi “Ekspert xulosalarining yagona reyestri”ga kiritilgan taqdirda, haqiqiy deb tan olinadi. Davlat sirini tashkil etuvchi maʼlumotlarni oʻz ichiga olgan loyiha hujjatlari hamda obyektlarni bir vaqtning oʻzida loyihalashtirgan holda qurish (parallel ravishda) tartibidagi loyiha hujjatlari boʻyicha ekspert xulosalari bundan mustasno.

Bunda, obyektlarni bir vaqtning oʻzida loyihalashtirgan holda qurish (parallel ravishda) tartibidagi loyiha hujjatlari boʻyicha berilgan yakuniy yigʻma ekspertiza xulosasi “Ekspert xulosalarining yagona reyestri”ga kiritiladi.

6. Davlat xizmatlari markazlari va hududiy inspeksiyalar oʻrtasida axborot almashish ERIdan foydalangan holda faqat elektron tarzda amalga oshiriladi.

7. Qurilish-montaj ishlarini boshlash uchun ruxsatnoma ushbu Reglamentga 1-ilovada keltirilgan sxema boʻyicha amalga oshiriladi.

2-bob. Davlat xizmatini koʻrsatish tartibi

8. Ariza beruvchilar ruxsatnoma olish uchun Davlat xizmatlari markazlariga oʻzi kelib murojaat etadi yoki YIDXP davlat xizmatidan elektron shaklda foydalanish uchun roʻyxatdan oʻtadi.

Ariza beruvchilar oʻzi kelib murojaat etgan taqdirda, Davlat xizmatlari markazi xodimi ularni inspeksiya tomonidan nazorat funksiyalarini amalga oshirish uchun ommaviy oferta (keyingi oʻrinlarda — oferta) bilan tanishtiradi.

Ariza beruvchilar ofertani qabul qilganidan soʻng Davlat xizmatlari markazi xodimi ariza yuboruvchi nomidan ushbu Reglamentga 2-ilovaga muvofiq shakl boʻyicha soʻrovnomani elektron shaklda toʻldiradi;

Ruxsatnoma olish uchun arizalar YIDXP orqali dam olish va bayram kunlaridan qatʼiy nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlari tushganda navbatdagi ish kuni arizalarning hududiy inspeksiyaga tushgan va qabul qilingan kun hisoblanadi.

9. Oʻzi kelib murojaat etgan taqdirda, Davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa — ariza beruvchi mustaqil ravishda oferta bilan tanishadilar va uni qabul qiladilar hamda ushbu Reglamentga 2-ilovada keltirilgan shakl boʻyicha davlat xizmatidan foydalanish uchun soʻrovnomani elektron shaklda toʻldiradi.

Soʻrovnomaga (yakka tartibdagi uy-joylar bundan mustasno) quyidagilar ilova qilinadi:

qurilish-montaj ishlari sifatini nazorat qilishga pudrat tashkilotining qurilish laboratoriyasi mavjudligini tasdiqlovchi yoki shartnoma asosida laboratoriya jalb etilganligi toʻgʻrisidagi hujjat;

buyurtmachining texnik nazorati, loyiha tashkilotining mualliflik nazorati va pudrat tashkilotining ichki nazorati tayinlanganligi toʻgʻrisidagi buyruq (buyruq toʻgʻrisidagi maʼlumotlar “Yagona milliy mehnat tizimi” idoralararo dasturiy-apparat kompleksi orqali real vaqt rejimida tekshiriladi) yoki shartnoma nusxalari;

buyurtmachining texnik nazorati, loyiha tashkilotining mualliflik nazorati va pudrat tashkilotining ichki nazorat mutaxassislarining sertifikatlari (bunda sertifikat Qurilish va uy-joy kommunal xoʻjaligi vazirligining “Shaffof qurilish” milliy axborot tizimi orqali real vaqt rejimida tekshiriladi, maʼlumotlar mavjud boʻlmagan taqdirda hujjatlar ilova qilinadi);

qurilishni tashkil etish va ishlarni bajarishning tasdiqlangan loyihalari;

yangi quriladigan va rekonstruksiya qilinadigan barcha (shu jumladan, davlat va xususiy) taʼlim muassasalari, sogʻliqni saqlash, madaniyat va turizm, umumiy ovqatlanish, xizmat koʻrsatish obyektlari, sport komplekslari, lokal isitish issiqlik tizimiga ulanadigan koʻp xonadonli uy-joylar, shu jumladan, “Yangi Oʻzbekiston” massivlari, shuningdek, umumiy maydoni 1 ming kvadrat metrdan katta boʻlgan barcha savdo-koʻngilochar markazlarining bino-inshootlarida loyihada energiya tejovchi va qayta tiklanuvchi energiya manbalarini joriy etish ishlari amalga oshirilganligini tasdiqlovchi hujjatlar;

muhandislik-kommunikatsiya tarmoqlari va transport infratuzilmasini yaratish xarajatlari boʻyicha shartnoma talab etiladi (ushbu shartnoma oʻrnatilgan hududlar boʻyicha). Bunda, shartnoma “Shaffof qurilish” milliy axborot tizimi orqali avtomatik ravishda tekshiriladi.

Oʻzi kelib murojaat etgan taqdirda, yuqoridagi hujjatlar Davlat xizmatlari markaziga ariza beruvchi tomonidan PDF yoki JPEG shaklda elektron taqdim etiladi.

Yuqoridagi hujjatlarni qogʻoz shaklida qabul qilib, Davlat xizmatlari markazida skanerlash taqiqlanadi.

Soʻrovnomada qurilish ishtirokchilari toʻgʻrisidagi maʼlumotlar, arxitektura-rejalashtirish topshirigʻi, loyiha hujjatlari kelishilganligi toʻgʻrisidagi xulosa va ijobiy yigʻma ekspertiza xulosasining (sanasi va raqami) maʼlumotlari majburiy koʻrsatiladi.

Hududiy inspeksiyalar roʻyxatdan oʻtkazish uchun shaharsozlik hujjatlari va ekspertiza xulosalarini “Shaffof qurilish” milliy axborot tizimidan elektron tarzda olishi talab etiladi.

10. Ariza beruvchilardan 9-bandda koʻrsatilmagan maʼlumotlarni hamda boshqa hujjatlarni talab qilish taqiqlanadi.

11. Soʻrovnoma toʻldirilgandan soʻng talabgor maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobile-ID va boshqalar) bilan tasdiqlaydi.

Davlat xizmatlari markazi xodimi tomonidan va YIDXP orqali ariza beruvchi ommaviy oferta bilan tanishtiriladi hamda davlat xizmatlaridan foydalanish uchun ularni oʻzining ERIsi bilan majburiy tartibda tasdiqlashi haqida ogohlantiriladi.

Oferta qurilish va uy-joy kommunal xoʻjaligi sohasida nazorat qilish inspeksiyasi boshligʻining buyrugʻi bilan tasdiqlangan shakl boʻyicha rasmiylashtiriladi.

Talabgor YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.

12. Ruxsatnoma olish boʻyicha davlat xizmatlari koʻrsatish uchun yigʻim undirilmaydi.

14. Oʻzi kelib murojaat etganda Davlat xizmatlari markazlari soʻrovnoma toʻldirilgan vaqtdan boshlab real vaqt rejimida uni hududiy inspeksiyaga yuboradi.

YIDXP orqali murojaat qilinganda esa soʻrovnoma avtomatik tarzda hududiy inspeksiyalarga yuboriladi.

15. Hududiy inspeksiya soʻrovnoma tushgan vaqtdan boshlab uch ish kuni mobaynida:

zarurat boʻlganda, obyektni joyiga borib oʻrganadi, qurilayotgan obyektlarga moneliksiz kiradi;

shaharsozlik hujjatlarining ijobiy ekspertiza xulosasi “Shaffof qurilish” milliy axborot tizimining “Ekspertiza xulosalarining yagona reyestri”ga kiritilganligini tekshiradi;

qurilish-montaj ishlarini boshlash uchun obyektni “Qurilishda davlat nazorati”ning milliy axborot tizimi orqali roʻyxatdan oʻtkazadi;

soʻrovnomada koʻrsatilgan obyektning qurilish-montaj ishlari qiymatining 0,2 foizi miqdorida (qoʻshimcha qiymat soligʻisiz) ajratmani belgilagan holda, ushbu Reglamentga 4-ilovada keltirilgan shakl boʻyicha invoysni shakllantiradi;

oʻz ERIsi bilan tasdiqlagan holda, ushbu Reglamentga 3-ilovada keltirilgan shakl boʻyicha QR-kod qoʻyilgan ruxsatnomani rasmiylashtiradi yoki uni berishni rad etishning aniq sabablarini va qonunchilik hujjatlari normalarini koʻrsatgan holda roʻyxatdan oʻtkazishni rad etadi.

Ruxsatnoma 24 oy muddatga beriladi, ushbu muddat ichida ruxsatnoma asosida qurilish-montaj boshlanmagan boʻlsa, ruxsatnoma oʻz kuchini yuqotgan hisoblanadi.

Ariza beruvchida yangi ruxsatnoma olish zarurati tugʻilganda, u ruxsatnomani bergan organga ushbu Reglamentda belgilangan tartibda takroran soʻrovnoma kiritishi mumkin.

16. Ushbu holatlarda ariza beruvchi umumiy tartibda davlat xizmatidan foydalanish uchun takroran murojaat qilishga haqli.

Takroriy murojaatni koʻrib chiqishda hududiy inspeksiyalar tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablarining keltirilishi bundan mustasno.

17. Davlat xizmati koʻrsatishni rad etish uchun quyidagilar asos hisoblanadi:

soʻrovnomada notoʻgʻri maʼlumotlar koʻrsatilishi;

buyurtmachining texnik nazorati, loyiha tashkilotining mualliflik nazorati va pudrat tashkilotining ichki nazorati yoki obyektga biriktirilgan mutaxassis (prorab) tayinlanganligi toʻgʻrisidagi buyruq yoki shartnoma rasmiylashtirilmaganligi;

buyurtmachining texnik nazorati, loyiha tashkilotining mualliflik nazorati va pudrat tashkilotining ichki nazorat yoki obyektga biriktirilgan mutaxassis (prorab) mutaxassislari sertifikatlarining mavjud emasligi;

qurilishni tashkil etish va ishlarni bajarishning tasdiqlangan loyihalari mavjud emasligi;

tasdiqlangan loyiha hujjatlari hamda loyiha hujjatlari kelishilganligi toʻgʻrisidagi kengash xulosasi mavjud emasligi, ekspert tashkilotining ijobiy xulosasida qurilish-montaj ishlari qiymati mavjud emasligi, shuningdek, ekspert tashkilotining ijobiy xulosasi mavjud emasligi hamda “Shaffof qurilish” milliy axborot tizimiga kiritilmaganligi;

obyektda qurilishni boshlash uchun obyektni ruxsatnoma olmasdan qurilish-montaj ishlarini boshlaganligi;

ijobiy ekspertiza xulosasi berilgan loyiha hujjatlariga buyurtmachining ijroga olish yuzasidan tasdiqlagan boʻyrugʻining mavjud boʻlmaganligi;

pudrat va loyiha-qidiruv tashkilotlarining tegishli elektron reytingda yetarli toifaga ega boʻlmaganligi;

davlat ehtiyojlari uchun yer uchastkalarining kompensatsiya evaziga olib qoʻyilishi munosabati bilan jismoniy va yuridik shaxslarga yetkazilgan zararlarni qoplash boʻyicha ishlar toʻliq yakunlanmaganligi yoxud qurilish yer uchastkasi hamda binoni demontaj qilish, buzdirish boʻyicha sudlarda nizo mavjudligi;

Hududiy inspeksiya tomonidan roʻyxatdan oʻtkazish rad etish normativ-huquqiy hujjatning yoki shaharsozlik normalari va qoidalarining nomi, uning qismi, bandi, kichik bandi va xatboshisiga asoslangan boʻlishi talab etiladi.

Boshqa asoslarga koʻra, shu jumladan, roʻyxatdan oʻtkazish maqsadga muvofiq emas degan vaj bilan roʻyxatdan oʻtkazishni rad etishga yoʻl qoʻyilmaydi.

18. Invoys rasmiylashtirilgan kuni hududiy inspeksiya invoysni Davlat xizmatlari markaziga yoki ariza beruvchiga YIDXP orqali elektron shaklda yuboradi.

19. Davlat xizmatlari markazlari invoys kelib tushgandan soʻng real vaqt rejimida bu haqida elektron shaklda ariza beruvchini xabardor qiladi.

Invoysda koʻrsatilgan toʻlov toʻliq amalga oshirilgandan soʻng vakolatli organ ushbu Reglamentga 3-ilovada keltirilgan shaklga muvofiq ruxsatnoma va obyekt pasporti uchun QR-kodli havola beradi.

Ruxsatnoma obyektda qurilish-montaj ishlarini boshlash uchun asos boʻladi hamda buyurtmachi tomonidan QR-kodli pasportni belgilangan tartibda obyektning koʻrinarli joyiga majburiy tartibda oʻrnatiladi.

Davlat xizmatlari markazi ruxsatnoma kelib tushgandan soʻng bir soat mobaynida uni ariza beruvchining elektron manziliga yuboradi va ariza beruvchini bu haqda axborot-kommunikatsiya tizimi orqali xabardor qiladi. Davlat xizmatlari markaziga ariza beruvchi oʻzi kelib murojaat qilgan taqdirda, ariza beruvchining soʻroviga koʻra unga ruxsatnoma elektron shaklda taqdim etiladi.

20. Ariza beruvchi invoysda koʻrsatilgan summani invoys tushgan kundan boshlab besh ish kunlik muddatda toʻlashi shart.

Obyektda davlat qurilish nazoratini amalga oshirish uchun toʻlov qiymati toʻlanganligi elektron tizim orqali tasdiqlanadi.

21. Obyektda davlat qurilish nazoratini amalga oshirishdan tushgan mablagʻ toʻliq miqdorda hududiy inspeksiyaning bank hisobvaragʻiga oʻtkaziladi.

22. Davlat xizmatlari markazi invoys va QR-kod qoʻyilgan koʻchirma kelib tushganidan soʻng real vaqt rejimida ularni ariza beruvchining elektron manziliga yuboradi va bu haqida ariza beruvchini elektron tarzda xabardor qiladi.

Davlat xizmatlari markazi xodimi ariza beruvchi oʻzi kelib murojaat qilgan taqdirda, ariza beruvchining soʻroviga koʻra unga invoys va koʻchirmani elektron shaklida yoki qogʻoz shaklida taqdim etishi mumkin.

3-bob. Yakunlovchi qoidalar

23. Davlat xizmatlari markazlari va vakolatli organlar oʻz faoliyatini amalga oshirishi natijasida olingan ariza beruvchi haqidagi maʼlumotlarning oshkor etilmasligini taʼminlashi kerak.

24. Ruxsatnoma qurilish-montaj (rekonstruksiya) ishlarini boshlash uchun berilgan kunning oʻzida “Shaffof qurilish” milliy axborot tizimining “Qurilishda davlat nazorati” elektron platformasida avtomatik ravishda hisobga olib boriladi.

25. Ariza yuborilgan vaqtdagi shartlar oʻzgargan taqdirda (buyurtmachi yoki pudrat tashkilotining oʻzgarishi, obyektda texnik, mualliflik, ichki nazoratini amalga oshiradigan yoki obyektga biriktirilgan mutaxassis (prorab) shaxslar almashishi yoki ularning pasport maʼlumotlari oʻzgarishi, litsenziyaning amal qilish muddati tugashi, loyiha hamda uning qiymatidagi yechimlarning oʻzgarishi), buyurtmachilar oʻn kun mobaynida Davlat xizmatlari markazlari yoki YIDXP orqali hududiy inspeksiyaga tegishli oʻzgartirishlarni koʻrsatgan holda amaldagi soʻrovnoma raqami orqali qoʻshimcha ravishda murojaat qiladi (bir obyektning bloklar soni ikki va undan ortiq boʻlib, ushbu obyekt bloklari buyurtmachisi oʻzgargan taqdirda, qayta rasmiylashtirish talab etilmaydi).

Ariza yuborilgan vaqtdagi shartlar oʻzgarib, biroq, belgilangan muddatda ariza beruvchilar tomonidan tegishli oʻzgartirishlarni kiritgan holda qoʻshimcha ravishda murojaat qilinmaganda, hududiy inspeksiya tomonidan obyektni qurilish-montaj ishlarini toʻxtatib qoʻyish yoki buzdirish uchun daʼvo bilan sudga murojaat qilish uchun asos boʻladi.

Ariza beruvchining murojaatiga asosan hududiy inspeksiya mazkur Reglamentning 15-bandida koʻrsatilgan muddatda oʻz ERIsi bilan tasdiqlagan holda ushbu Reglamentga 5-ilovada keltirilgan shakl boʻyicha “Ariza berilgan vaqtdagi shartlar oʻzgarishi yuzasidan qoʻshimcha murojaat qayd etilganligi haqida” QR-kod qoʻyilgan koʻchirmani rasmiylashtiradi yoki uni berishni rad etishning aniq sabablarini va qonunchilik hujjatlari normalarini koʻrsatgan holda roʻyxatdan oʻtkazishni rad etadi.

26. Adliya vazirligi, uning hududiy boshqarmalari va Davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali, doimiy nazoratni va monitoringni amalga oshiradilar.

27. Ariza beruvchi davlat organlari va boshqa tashkilotlar xodimlarining harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

28. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Qurilish-montaj ishlarini boshlash uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 1-ILOVA

Qurilish-montaj ishlarini boshlash uchun ruxsatnoma berish

Bosqichlar Subyektlar Amalga oshiriladigan tadbirlar Bajarish muddatlari 1-bosqich Ariza beruvchi Ruxsatnoma olish uchun Davlat xizmatlari markaziga oʻzi kelib murojaat yoki YIDXP orqali murojaat qiladi. 1. Xohishiga koʻra 2. Murojaat qilinganda 2-bosqich 1. Davlat xizmatlari markazi 2. YIDXP Soʻrovnomani hududiy inspeksiyaga yuboradi. Avtomatik ravishda 3-bosqich Hududiy inspeksiya 1. Ruxsatnoma berishni oʻrganib chiqadi. 2. Invoys va ruxsatnomani ERI bilan tasdiqlash yoʻli bilan rasmiylashtiradi. 3. Invoysda koʻrsatilgan toʻlov toʻliq amalga oshirilgandan soʻng ruxsatnoma beradi. 4. Davlat xizmatlari markaziga yoki YIDXP orqali ariza beruvchiga QR-kodli ruxsatnomani hamda ikki tomonlama tasdiqlangan ofertani yuboradi. 3 ish kuni mobaynida 4-bosqich Davlat xizmatlari markazi Ikki tomonlama tasdiqlangan oferta, invoys va ruxsatnomani ariza beruvchining elektron manziliga yuboradi, ariza beruvchini bu haqida elektron tarzda xabardor qiladi va ruxsatnoma beradi. Real vaqt rejimida

Qurilish-montaj ishlarini boshlash uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 2-ILOVA

________________ (sana) _____________ (raqami) Qurilish-montaj ishlarini boshlash uchun obyektni roʻyxatdan oʻtkazish boʻyicha davlat xizmatlaridan foydalanish uchun SOʻROVNOMA I. Buyurtmachi — jismoniy shaxs toʻgʻrisida maʼlumot 1. JSHSHIR 2. F.I.O. 3. Telefon raqami 4. Elektron pochta manzili (mavjud boʻlsa) 5. Qayta rasmiylashtirish (ariza yuborilgan vaqtdagi shartlar oʻzgargan taqdirda) II. Buyurtmachi — yuridik shaxs toʻgʻrisida maʼlumot 1. Toʻliq nomi (ikki yoki undan koʻp buyurtmachilar boʻlganda alohida koʻrsatiladi) 2. STIR 3. Buyurtmachi tashkiloti rahbari F.I.O. JSHSHIR 4. Telefon raqami 5. Elektron pochta manzili (mavjud boʻlsa) 6. Qayta rasmiylashtirish (ariza yuborilgan vaqtdagi shartlar oʻzgargan taqdirda) III. Mualliflik nazoratini olib boruvchi loyiha tashkiloti toʻgʻrisida maʼlumot 1. Toʻliq nomi (ikki yoki undan koʻp loyihachilar boʻlganda, alohida koʻrsatiladi) 2. STIR 3. Loyiha tashkiloti raxbari F.I.O. JSHSHIR 4. Telefon raqami 5. Elektron pochta manzili (mavjud boʻlsa) IV. Pudrat tashkiloti toʻgʻrisida maʼlumot 1. Toʻliq nomi (ikki yoki undan koʻp pudratchilar boʻlganda, alohida koʻrsatiladi) 2. STIR 3. Pudrat tashkiloti raxbari F.I.O. JSHSHIR 4. Telefon raqami 5. Elektron pochta manzili (mavjud boʻlsa) V. Koʻchmas mulk toʻgʻrisida maʼlumot 1. Koʻchmas mulkning kadastr raqami (tarmoqli obyektlari bundan mustasno) 2. Koʻchmas mulkning manzili 3. Obyekt qurilishiga asos Dastur doirasida (Dastur raqami, sana) Tadbirkorlik 4. Obyekt murakkablik toifasi 5. Obyektning umumiy qurilish maydoni (yer maydoni, loyiha boʻyicha m 2 , tarmoqli obyektlar uchun p/m) 6. Obyekt bloklari (tarmoqli obyektlarda piket) Nomi Qavatlar soni (tarmoqli obyektlar bundan mustasno) Balandligi (m) Tarmoqli obyektlarida (p/m) 7. Obyektning qurilish maydoni (m2 , tarmoqli obyektlar uchun p/m) 8. Obyektning hajmi (m3) 9. Obyekt xonadonlari soni (tarmoqli obyektlar bundan mustasno) 10. Qurilish-montaj ishlarining turi Yangi qurilish Rekonstuksiya 11. Qurilish-montaj ishlarining qiymati (QQSsiz, buyurtmachining boshqa xarajatlari va jihozlarisiz) Soʻm (0.00) 12. Qurilish va uy-joy kommunal xoʻjaligi bosh boshqarmasining xulosasi (bayoni) Raqami Sanasi 13. Arxitektura-rejalashtirish topshirigʻi Raqami Sanasi 14. Loyiha hujjatlari kelishilganligi toʻgʻrisidagi xulosa Davlat reyestr raqami 15. Ijobiy yigʻma ekspertiza xulosalari (II va undan yuqori toifadagi obyekt ekspertiza xulosasi) Raqami Sanasi 16. Muhandislik-kommunikatsiya tarmoqlari va transport infratuzilmasini yaratish xarajatlari boʻyicha shartnoma (ushbu shartnoma oʻrnatilgan hududlar boʻyicha) Raqami Sanasi 16.Pudrat tashkiloti litsenziyasi (litsenziyalanadigan alohida qurilish-montaj ishlari turlarini bajarishda) Litsenziya raqami Litsenziya berilgan sanasi 17. Ekspertiza organlarining loyiha hujjatlarida sanoat xavfsizligi toʻgʻrisidagi ijobiy xulosasining raqami va sanasi (xavfli ishlab chiqarish obyektlari uchun, I va II toifadagi obyektlar bundan mustasno) Xulosa raqami Xulosa sanasi 18. Loyiha-smeta hujjatlari asosida bir vaqtning oʻzida loyiha va qurilish ishlari parallel olib boriladigan qurilish obyekti Qaror raqami, sanasi Bayon raqami, sanasi 19. Qurilishi tugallangan obyektlarni foydalanishga topshirish muddati Boshlanishi Tugallanishi 20. Koʻchmas mulkning toifasi Noturar obyekt Turar-joy obyekti VI. Qurilish-montaj ishlariga masʼul boʻlgan xodimlar toʻgʻrisida maʼlumot Qurilish obyektidagi masʼul shaxsning lavozimi JSHSHIR Masʼul shaxsning F.I.O. Telefon raqami Sertifikat raqami Mualliflik nazorati* Texnik nazorati* Pudrat tashkilotining ichki nazorati* Pudrat tashkiloti tomonidan obyektga biriktirilgan mutaxassis (prorab)* VII. Ilova qilinadigan hujjatlar, qurilish ishlarini boshlashga ruxsat berishda talab etiladigan hujjatlar tegishli tashkilotlarning elektron tizimlaridagi mavjud maʼlumotlarni “Shaffof qurilish” MATga integratsiya qilinadi . (I-toifadagi yakka tartibdagi uy-joylar uchun tatbiq etilmaydi) 1. Qurilish-montaj ishlari sifatini nazorat qilish pudrat tashkilotining qurilish laboratoriyasi mavjudligini tasdiqlovchi yoki shartnoma asosida laboratoriya jalb etilganligi toʻgʻrisidagi hujjati 2. Buyurtmachining texnik nazorati, loyiha tashkilotining mualliflik nazorati va pudrat tashkilotining ichki nazorati tayinlanganligi toʻgʻrisidagi buyruq yoki shartnoma nusxalari 3. Buyurtmachining texnik nazorati, loyiha tashkilotining mualliflik nazorati va pudrat tashkilotining ichki nazorat mutaxassislarining sertifikatlari 4. Tasdiqlangan loyihada qurilishni tashkil etish va ishlarni bajarishning mavjudligi (DWG hamda PDF formatida). 5. Ekspertizadan oʻtkazilgan loyihani buyurtmachi tomonidan tasdiqlangan buyrugʻi

Qurilish-montaj ishlarini boshlash uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 3-ILOVA

(Oʻzbekiston Respublikasi Davlat gerbi tasviri) TASHKILOT NOMI ______________________________________________________________________________________ (viloyat (shahar) qurilish va uy-joy kommunal xoʻjaligi sohasida hududiy nazorat inspeksiyasi) Qurilish-montaj ishlarini boshlash uchun RUXSATNOMA № 20___ y. “____” __________da ____________________________________________________________ ____________________________________________________________________________ga berilgan. (yuridik tashkilotning nomi yoki jismoniy shaxsning F.I.O.) Ushbu ruxsatnoma bilan ____________________________________________________________ ga ( obyekt nomi, joylashgan manzili ) Eslatma: qurilish-montaj ishlari sifatini nazorat qilishga pudrat tashkilotining qurilish laboratoriyasi mavjudligini tasdiqlovchi yoki shartnoma asosida laboratoriya jalb etilganligi toʻgʻrisidagi hujjat; buyurtmachining texnik nazorati, loyiha tashkilotining mualliflik nazorati va pudrat tashkilotining ichki nazorati tayinlanganligi toʻgʻrisidagi buyruq yoki shartnoma nusxalari; buyurtmachining texnik nazorati, loyiha tashkilotining mualliflik nazorati va pudrat tashkilotining ichki nazorat mutaxassislarining sertifikatlari; qurilishni tashkil etish va ishlarni bajarishning tasdiqlangan loyihalari. Soʻrovnomada qurilish ishtirokchilari toʻgʻrisidagi maʼlumotlar, loyiha hujjatlari kelishilganligi toʻgʻrisidagi xulosa va ijobiy yigʻma ekspertiza xulosasining (sanasi va raqami) maʼlumotlari majburiy koʻrsatiladi. Ruxsatnomaning amal qilish muddati: 20_____ y. “______” ______________ dan 20___ y. “____” _____________ gacha. Hujjatning haqiqiyligini tasdiqlovchi QR-kod Hujjatni imzolagan shaxs _________________________________________ (F.I.O.)

Qurilish-montaj ishlarini boshlash uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 4-ILOVA

Invoys (shakli)

T/r Xizmat turi Nomi 1. Xabarnoma raqami XXXX 2. Tekshirish uchun parol XXXX 3. Xizmat __________________ (hudud nomi) Qurilish sohasida davlat nazorati 4. Oluvchining nomi __________________ (hudud nomi) Qurilish sohasida hududiy nazorat inspeksiyasi 5. Hisobraqami XXXXXXXX 6. Shaxsiy gʻazna XXXXXXXX 7. Invoys raqami XXXX 8. Miqdori (soʻm)* XXXX 9. Muhim XXXX

Qurilish-montaj ishlarini boshlash uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 5-ILOVA

(Oʻzbekiston Respublikasi Davlat gerbi tasviri) TASHKILOT NOMI _______________________________________________________________________ _________ _________ (viloyat (shahar) qurilish va uy-joy kommunal xoʻjaligi sohasida hududiy nazorat inspeksiyasi) Ariza berilgan vaqtdagi shartlar oʻzgarishi yuzasidan qoʻshimcha murojaat qayd etilganligi haqida KOʻCHIRMA Ariza raqami: _____________ 20____ y. “____” Mazkur koʻchirma _________________________ __________ _____________________________ning (ariza beruvchining nomi yoki F.I.O) ___________________-son arizasiga muvofiq ____ _________ ____________________________________ ___ (ariza raqami) ______________________________________________________________ ____ _______________________ (obyektning manzili) manzilida qurilish-montaj ishlari olib borilayotgan obyektda roʻyxatdan oʻtgan vaqtdagi shartlar oʻzgarganligi holatini qayd etadi. Bunda, ish bajaruvchilarining, obyektda texnik va mualliflik nazoratini amalga oshiradigan shaxslar almashishi, litsenziyaning amal qilish muddati tugashi, loyiha hamda uning qiymatidagi yechimlarning oʻzgarishi va hokazolar nazarda tutiladi. Qurilish-montaj ishlarini bajarish davrida quyidagi tartiblarga amal qilish talab etiladi: a) shaharsozlik normalari va qoidalari talablariga rioya qilish; b) buyurtmachining texnik, loyiha tashkilotining mualliflik va pudrat tashkilotining ichki nazorati mavjud boʻlishi; v) qurilish-montaj ishlari ishchi loyiha hujjatlariga muvofiq boʻlishi. Hujjatning haqiqiyligini tasdiqlovchi QR-kod Hujjatni imzolagan shaxs ___________________________ _________________________________ (F.I.O.)

Vazirlar Mahkamasining 2022-yil 20-apreldagi 200-son qaroriga 6-ILOVA

Qurilishi tugallangan obyektni topshirish-qabul qilish va foydalanish uchun ruxsatnoma berish boʻyicha davlat xizmatlarini koʻrsatishning

1-bob. Umumiy qoidalar

1. Ushbu Reglament mulkchilik shakli va moliyalashtirish manbaidan qatʼi nazar, qurilishi tugallangan (rekonstruksiya qilingan) ikki qavatdan yuqori (sokolni hisobga olmagan holda), balandligi yer yuzasidan 12 metrdan yuqori va (yoki) umumiy maydoni 500 kvadrat metrdan ortiq boʻlgan (yordamchi xoʻjalik imoratlarini hisobga olmagan holda) yakka tartibdagi uy-joylar hamda 300 metr kubdan ortiq boʻlgan noturar bino va inshootlarni topshirish-qabul qilish va foydalanish uchun ruxsatnoma berish, shuningdek, qurilishi tugallangan ikki qavatdan yuqori boʻlmagan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlmagan boʻlgan (yordamchi xoʻjalik imoratlarini hisobga olmagan holda) yakka tartibdagi uy-joylar va 300 metr kubdan ortiq boʻlmagan noturar bino va inshootlarga foydalanish uchun ruxsatnoma berish tartiblarini belgilaydi.

2. Ushbu Reglament Oʻzbekiston Respublikasining maqsadli dasturlariga kiritilgan loyihalar, shuningdek, budjet tizimi budjetlari va tashabbusli budjetlashtirish jarayonlari asosida moliyalashtiriladigan qurilish-taʼmirlash ishlari boʻyicha loyihalar doirasida qurilgan, rekonstruksiya qilingan, shuningdek, mukammal va joriy taʼmirlangan obyektlarga nisbatan ham tatbiq etiladi.

3. Alohida hollarda, davlat sirlari bilan bogʻliq yoki alohida muhim toifalangan obyektlar Vazirlar Mahkamasining hujjatlari bilan Davlat qabul komissiyasi hamda buyurtmachilar tomonidan ishchi komissiya tuzilgan holda toʻgʻridan-toʻgʻri (ushbu komissiyalarning dalolatnomalarini rasmiylashtirish va tasdiqlash orqali) foydalanishga qabul qilinadi. Bunda:

Davlat qabul komissiyasining qurilishi yakunlangan loyihalar doirasidagi obyektlarni foydalanishga qabul qilish toʻgʻrisidagi dalolatnomasi Davlat qabul komissiyasi raisi tomonidan tasdiqlangan holda obyektlar foydalanishga qabul qilinadi;

Davlat qabul komissiyasi tomonidan tuziladigan dalolatnomani rasmiylashtirishdan oldin Davlat moliyaviy nazorat inspeksiyasi tomonidan qurilish obyekti belgilangan tartibda nazorat oʻlchovidan majburiy oʻtkaziladi.

4. Mazkur Reglamentda quyidagi asosiy tushunchalar qoʻllaniladi:

yordamchi xoʻjalik imoratlari — insonlar yashashi va yashashida foydalanilmaydigan binolar, jumladan, uy hayvonlari va parrandalarni saqlash uchun imoratlar, omborxona (yengil konstruksiyali), garaj, yozgi oshxona, tandirxona, yertoʻla (balandligi 2,2 metrdan past boʻlgan), hovlidagi hojatxona, hovuz, sauna va hammom, issiqxona hamda odamlarning vaqtincha boʻlishi bilan bogʻliq ishlarning har xil turlarini bajarishga moʻljallangan boshqa funksional (yengil konstruksiyali) imoratlar;

joriy taʼmirlash ishlari — bino va inshootlarning ayrim qismlarini qisman taʼmirlash yoki tiklash maqsadida joriy taʼmirlash ishlari;

mukammal taʼmirlash ishlari — mavjud bino va inshootning istalgan qismlarini (asosiy yuk koʻtaruvchi konstruksiyalar bundan mustasno), shu jumladan, baʼzi qismlarini taʼmirlash yoki tiklash yoʻli bilan obyektni toʻliq yoki shunga yaqin darajada tiklash hamda sozligini tiklash uchun butun obyektni taʼmirlash ishlari;

xulosa beruvchilar — qurilishi tugallangan obyektni topshirish-qabul qilishda oʻziga tegishli masala yuzasidan xulosa beruvchi idora va tashkilotlar;

qurilishi tugallangan obyekt — qurilish-montaj ishlari toʻliq yakunlangan qurilish obyekti.

5. Ushbu Reglament talablari:

turar joy toifasidan noturar joy toifasiga (yoki aksincha) rekonstruksiyasiz oʻtkazilayotgan imoratlarga (alohida xonalar);

qurilish obyektlarining xavf-xatar toifasi boʻyicha xavflilik omili past (I toifa) obyektlarga (jismoniy va yuridik shaxslar mablagʻlari evaziga quriladigan obyektlarga);

togʻ-kon sanoati obyektlariga (bino va inshootlari bundan mustasno);

barcha turdagi mukammal va joriy taʼmirlash obyektlari (budjet tizimi budjetlari hisobidan mukammal va joriy taʼmirlanadigan obyektlarga bundan mustasno);

tomorqa yer uchastkalarida va mavjud muhandislik tarmoqlarini oʻzgartirish talab etilmaydigan jamoa bogʻdorchiligi, uzumchiligi va polizchiligini yuritish uchun ajratilgan yer uchastkalarini obodonlashtirishga;

reklama va axborot qurilmalariga (konstruksiyalari);

koʻpriklar (barcha turdagi), yoʻllar qurilishi va yer osti yoʻllari;

Obyektlar, shuningdek, yakka tartibdagi uy-joylardan bosqichma-bosqich foydalanish uchun ruxsatnoma berilishi mumkin. Bunda, tasdiqlangan shaharsozlik hujjatlarida bosqichma-bosqich foydalanish uchun ruxsatnoma berish koʻzda tutilgan boʻlishi, shuningdek, qurilayotgan obyektning foydalanish uchun ruxsat berilayotgan qismi (seksiya, blok) loyiha hujjatlariga muvofiq belgilangan ishlarning barchasi, xususan, mazkur binodan foydalanishda hizmat qiluvchi obodonlashtirish ishlari (tasdiqlangan loyihaga koʻra ichki yoʻllar, yashil hududlar, chiqindi toʻplash joylari, bolalar maydonchasi, avtoturargohlar va boshqalar), bino va inshootlar toʻliq qurilgan, pardozlash ishlari yakunlangan hamda tashqi muhandislik tarmoqlariga ulangandan soʻng uning qurilishi, shuningdek, rekonstruksiya qilinishi tugallanmagan qismlari obyektning zilzilabardoshliligini va yongʻinga chidamliligini taʼminlashi shart.

Qurilishi tugallangan turar joy binolari, shuningdek, korxonalar va savdo, umumiy ovqatlanish, maishiy xizmat koʻrsatish muassasalari va nosanoat xususiyatidagi ehtiyojlar uchun qoʻshilgan, yondan qurilgan xonalarga ega boʻlgan koʻp seksiyali turar joy binolaridagi seksiyalar ushbu xonalar bilan bir vaqtda qabul qilinadi.

Agar qoʻshilgan, yondan qurilgan xonalar bir nechta turar joy seksiyalariga tegishli boʻlsa, seksiya ushbu seksiyaning koʻrsatilgan xonalarida barcha qurilish-montaj ishlari tugallangan holdagina qabul qilinishi lozim. Bu holda qoʻshilgan, yondan qurilgan xonalar oxirgi seksiya bilan bir vaqtda foydalanishga qabul qilinadi.

Muhandislik kommunikatsiya tarmoqlari obyektlarini foydalanishga qabul qilishda, ushbu bajarilgan qurilish-montaj ishlari joylashgan va unga tutash yer uchastkasini koʻzda tutuvchi 1:500 nisbatdagi topoxarita taqdim etilishi lozim.

Har bir koʻp kvartirali uyni foydalanishga qabul qilishda, ushbu koʻp kvartirali uy joylashgan va unga tutash yer uchastkasi chegarasi belgilangan 1:500 nisbatdagi topoxarita taqdim etilishi lozim.

Koʻp kvartirali uy joylashgan va unga tutash yer uchastkasi chegarasi belgilangan topoxarita asosida har bir koʻp kvartirali turar joyning alohida kadastr pasporti rasmiylashtiriladi.

Kadastr pasportida koʻp kvartirali uydagi turar joylar va yashash uchun moʻljallanmagan (noturar) joylar, umumiy mol-mulk (umumiy joylar) toʻgʻrisidagi maʼlumotlar aks ettiriladi.

6. Qurilish tugallangan obyektni topshirish-qabul qilish hamda foydalanish uchun ruxsatnoma berish ushbu Reglamentga 1-ilovadagi sxemaga muvofiq amalga oshiriladi.

7. Qurilishi tugallangan obyektdan uni topshirish-qabul qilish toʻgʻrisidagi tasdiqlangan dalolatnomasiz va hududiy inspeksiyaning qurilishi tugallangan obyektdan foydalanish uchun ruxsatnomasisiz foydalanishga yoʻl qoʻyilmaydi.

8. Foydalanish uchun ruxsatnoma koʻchmas mulkka boʻlgan huquqlarni davlat roʻyxatidan oʻtkazish uchun asos boʻladi.

9. Pudratchi tashkilotining murojaatiga asosan buyurtmachi tomonidan qurilishi tugallangan obyekt topshirish-qabul qilishga tayyorlanadi.

10. Pudrat tashkiloti buyurtmachiga qurilishi tugallangan obyektda bajarilgan ishlarning tasdiqlangan shaharsozlik hujjatlari hamda shaharsozlik normalari va qoidalari talablariga muvofiqligi toʻgʻrisidagi deklaratsiyani taqdim etishi shart.

11. Xulosa beruvchilar qurilish tugallangan obyektni tasdiqlangan loyiha hujjatlariga muvofiq deb topgan taqdirda, mazkur Reglamentga 2-ilovadagi shaklga asosan qurilish tugallangan obyektni topshirish-qabul qilish dalolatnomasi rasmiylashtiriladi.

Tasdiqlangan loyiha hujjatlari boʻyicha shaharsozlik normalari va qoidalariga nisbatan nomuvofiqliklar aniqlangan taqdirda, tegishliligi boʻyicha buyurtmachi, loyiha yoki pudrat tashkilotlari tomonidan toʻliq bartaraf etilishi shart.

12. Qurilishi tugallangan obyektni oʻz vaqtida foydalanishga qabul qilish uchun buyurtmachi shaxsan javobgar boʻladi.

2-bob. Qurilishi tugallangan obyektni topshirish-qabul qilishda davlat xizmatini koʻrsatish tartibi

13. Buyurtmachi davlat xizmatidan foydalanish uchun Davlat xizmatlari markaziga oʻzi kelib murojaat etadi yoki Yagona interaktiv davlat xizmatlari portalida (keyingi oʻrinlarda — YIDXP) orqali elektron shaklda murojaat qiladi.

14. Qurilishi tugallangan obyektni topshirish-qabul qilish dalolatnomasini rasmiylashtirish uchun murojaatlar YIDXP orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda murojaatlar ish vaqtidan keyin yoki dam olish va bayram kunlari kelib tushganda navbatdagi ish kuni murojaatlarning vakolatli organga kelib tushgan va qabul qilingan kuni hisoblanadi.

15. Buyurtmachi soʻrovnomani davlat xizmatidan foydalanish uchun ushbu Reglamentga 3-ilovaga muvofiq shakl boʻyicha topshiradi.

Mazkur ilovadagi muhandislik-kommunikatsiya tarmoqlari va transport infratuzilmasini yaratish xarajatlari boʻyicha yigʻim toʻlanganligi toʻgʻrisidagi maʼlumotlar “Shaffof qurilish” milliy axborot tizimi orqali avtomatik ravishda tekshiriladi.

16. Buyurtmachi soʻrovnomani yuborishida dalolatnoma shaklini tanlaydi.

Dalolatnoma shaklini tanlashda mazkur obyektda amalga oshirilgan ishning (yangi qurilish, rekonstruksiya, taʼmirlash) turi hamda obyektning xavf-xatar toifasi inobatga olinadi.

17. Soʻrovnomaga maʼlumotlar toʻliq kiritilganidan soʻng uni oʻz elektron raqamli imzosi bilan (keyingi oʻrinlarda — ERI) yoki identifikatsiya qilishning boshqa vositalari orqali tasdiqlaydi.

Oʻzi kelib murojaat etgan taqdirda, dalolatnomani ERI bilan tasdiqlash imkoniyati boʻlmagan hollarda, tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.

Soʻrovnoma hamda dalolatnoma tegishli xulosa beruvchilarga avtomatik tarzda yuboriladi.

18. Qurilishi tugallangan obyektni topshirish-qabul qilishda davlat xizmatlarini koʻrsatish uchun yigʻim undirilmaydi.

3-bob. Xulosa beruvchilar tomonidan soʻrovnoma va dalolatnomani koʻrib chiqish tartibi

19. Xulosa beruvchilar Davlat xizmatlari markazi yoki YIDXP tizimi orqali soʻrovnoma va dalolatnoma kelib tushgan kundan boshlab oʻn ish kuni mobaynida obyektni joyiga borib quyidagi ishlar amalga oshirilganligini tegishliligi boʻyicha oʻrganib chiqadi:

bajarilgan qurilish-montaj ishlarining tasdiqlangan shaharsozlik hujjatlariga, shaharsozlik normalari va qoidalari talablariga muvofiqligi;

obyektning ishga tushiriladigan quvvatining (sigʻimi, oʻtkazuvchanligi) loyiha hujjatlarida tasdiqlangan koʻrsatkichlarga muvofiqligi;

texnik jihatdan tartibga solish sohasidagi normativ hujjatlar talablariga asosan texnologik, muhandislik yoki boshqa uskunalarning (muhandislik tizimlarini) sinovdan oʻtkazilganligi;

muhandislik tarmoqlaridan foydalanish tashkilotlarining tashqi ichimlik suvi va oqova suv tarmoqlari, issiqlik taʼminoti, gaz taʼminoti, elektr taʼminoti va aloqa kommunikatsiyalari tarmoqlariga (ushbu tarmoqlarga ulanish koʻzda tutilgan taqdirda) tegishli talablarga muvofiq ulanganligi;

obyektlarning texnika xavfsizligi va ishlab chiqarish sanitariyasi talablariga muvofiqligi, yongʻin xavfsizligi, mehnat sharoitlari taʼminlanishi boʻyicha tadbirlarning bajarilganligi;

oʻrnatilgan lift uskunalarining texnik jihatdan tartibga solish sohasidagi normativ hujjatlar talablariga javob beradigan va davlat ekspertizasidan oʻtkazilgan dalolatnomasi va belgilangan tartibda davlat roʻyxatidan oʻtkazilganligi.

20. Xulosa beruvchilar obyektning normativ-huquqiy va texnik hujjatlarga nomuvofiqligi, soʻrovnoma va dalolatnomada notoʻgʻri maʼlumotlar koʻrsatilganligi, shuningdek, maʼlumotlar toʻliq kiritilmaganligini aniqlagan taqdirda, ularni koʻrib chiqishni rad etishning aniq asoslarini va qonunchilik hujjatlari normalarini koʻrsatgan holda rad etadi.

Xulosa beruvchilar tomonidan oʻzining vakolat doirasiga kirmaydigan masalalar boʻyicha xulosalar berilishi taqiqlanadi.

Oʻrganish natijalari boʻyicha asosli eʼtiroz boʻlmagan taqdirda, QR-kod qoʻyilgan xulosa beradi.

21. Salbiy xulosada qayd etib oʻtilgan kamchiliklar bartaraf etilgandan soʻng buyurtmachi tomonidan aynan salbiy xulosa bergan tashkilotga qayta koʻrib chiqish uchun tegishli hujjatlarni ilova qilgan holda umumiy tartibda yuboradi.

Buyurtmachi qayta murojaat qilganda, xulosa beruvchi tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablarining keltirilishi bundan mustasno.

Buyurtmachi tomonidan murojaat qayta yuborilganda xulosa beruvchi murojaatni besh ish kuni mobaynida obyektni joyiga borib oʻrganib chiqadi va xulosa beradi.

22. Buyurtmachi va xulosa beruvchi oʻrtasidagi axborot almashinuvi oʻz ERIsini majburiy tartibda qoʻllash orqali faqat idoralararo elektron bogʻlanish yordamida amalga oshiriladi.

Dalolatnomani rasmiylashtirish uchun quyidagi hujjatlar asos boʻladi:

xulosa beruvchilarning ijobiy xulosalari;

pudrat tashkilotining muvofiqlik deklaratsiyasi.

23. Xulosa beruvchilardan ijobiy xulosa yoki pudrat tashkilotidan muvofiqlik deklaratsiyasi olinganidan soʻng buyurtmachi dalolatnomani oʻzining ERI bilan yoki identifikatsiya qilishning boshqa vositalari orqali tasdiqlab, uni ushbu Reglamentning 24-bandiga asosan tegishlilik boʻyicha yuboradi.

4-bob. Qurilishi tugallangan obyektdan foydalanish uchun ruxsatnoma berish tartibi

24. Qurilishi tugallangan obyektdan foydalanish uchun ruxsatnoma (keyingi oʻrinlarda — ruxsatnoma):

a) Qurilish va uy-joy kommunal xoʻjaligi sohasida hududiy nazorat qilish inspeksiyalari (keyingi oʻrinlarda — hududiy inspeksiya) tomonidan qurilish-montaj ishlari tugallangan ikki qavatdan yuqori (sokolni hisobga olmagan holda), balandligi yer yuzasidan 12 metrdan yuqori va (yoki) umumiy maydoni 500 kvadrat ortiq boʻlgan (yordamchi xoʻjalik imoratlarini hisobga olmagan holda) yakka tartibdagi uy-joylar hamda 300 metr kubdan ortiq boʻlgan noturar bino va inshootlardan foydalanish;

b) Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi (keyingi oʻrinlarda — hududiy boshqarmalar) tomonidan qurilish-montaj ishlari tugallangan ikki qavatdan yuqori boʻlmagan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni 500 kvadrat metrdan ortiq boʻlmagan yakka tartibdagi uy-joylar va 300 metr kubdan ortiq boʻlmagan noturar bino va inshootlardan foydalanish uchun beriladi.

25. Pudrat tashkiloti qurilishi tugallangan koʻp kvartirali uyni boshqarish uchun boshqaruvchi tashkilotni jalb qiladi.

26. Ruxsatnoma olishdan oldin foydalanishga qabul qilinayotgan bino va inshootga belgilangan tartibda kadastr pasporti rasmiylashtirish talab etiladi.

27. Ruxsatnoma olish boʻyicha davlat xizmatini koʻrsatish uchun bazaviy hisoblash miqdorining 30 foizi miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda, ushbu bandning birinchi xatboshisida koʻrsatilgan yigʻim summasining 90 foizi undiriladi.

Davlat xizmatini koʻrsatish uchun yigʻim toʻlanganligi elektron shaklda tasdiqlanadi.

27 1 . Taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentning 27-bandida belgilangan yigʻim summasining 50 foizi undiriladi.

27 2 . Davlat tibbiyot muassasalarida qonunchilik hujjatlariga muvofiq tuzilgan mehnat shartnomasi asosida tibbiyot va farmatsevtika sohasiga oid kasbiy faoliyatni amalga oshiruvchi shaxslardan ushbu Reglamentning 27-bandida belgilangan yigʻim summasining 50 foizi undiriladi.

28. Yigʻimlar summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

qolgan mablagʻlar toʻliq miqdorda tegishliligiga koʻra hududiy inspeksiya yoki Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi boshqarmalari va Toshkent shahar qurilish bosh boshqarmasining bank hisobvaraqlariga;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

10 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

11,25 foizi — Raqamli texnologiyalarni rivojlantirish jamgʻarmasi shaxsiy hisobvaragʻiga;

29. Buyurtmachi davlat xizmatidan foydalanishdan uni koʻrsatishning har qanday bosqichida bosh tortish huquqiga ega.

Buyurtmachi davlat xizmatidan foydalanishdan, koʻchmas mulkka boʻlgan huquq davlat roʻyxatidan oʻtkazilguniga qadar bosh tortganda, uning soʻrovnomasi koʻrilmasdan qoldiriladi. Bunda toʻlangan yigʻim summasi qaytarilmaydi.

30. Buyurtmachi tomonidan yuborilgan qurilishi tugallangan obyektni topshirish-qabul qilish dalolatnomasi hududiy inspeksiyaga kelib tushgandan soʻng toʻrt ish kuni mobaynida hududiy inspeksiya joyiga chiqqan holda obyektni:

qabul qilish va ularni foydalanishga topshirish ishlari shaharsozlik hujjatlari talablariga muvofiqligini;

bino va inshootlarning konstruktiv mustahkamligi, barqarorligi va ishonchliligini;

bino va inshootlardan foydalanish davrida yongʻin xavfsizligi, sanitariya va atrof-muhitni muhofaza qilish xavfsizligi yuzasidan koʻrib chiqilganligini;

binolar, inshootlar va jamoat maskanlaridan imkoniyatlari cheklangan shaxslarning foydalanishi mumkinligini;

binolarning energiya tejamkorligini va ularning shovqindan himoya qilinishini;

“Topografiya” maʼlumotlar bazasiga kiritilgan ijroviy topografik tasvir va loyiha hujjatlari oʻzaro mosligini;

bino va inshootlarda qayta tiklanuvchi va energiya samarador qurilish materiallaridan foydalanilganligini oʻrganadi.

Oʻrganish natijalari asosida ushbu Reglamentga 4-ilovada keltirilgan shaklga muvofiq QR-kod qoʻyilgan ruxsatnomani beradi yoki rad etishning aniq sabablarini va qonunchilik hujjatlari normalarini koʻrsatgan holda ruxsatnoma berishni rad etadi.

Ruxsatnoma elektron shaklda rasmiylashtiriladi va hududiy inspeksiyaning ERIsi bilan tasdiqlanadi.

31. Quyidagilar ruxsatnoma berishni rad etish uchun asos boʻladi:

soʻrovnomada notoʻgʻri maʼlumotlar koʻrsatilishi;

davlat xizmatlari koʻrsatish uchun yigʻim toʻlanmaganligi;

qurilish-montaj ishlari qiymati uchun toʻlanishi lozim boʻlgan ajratmalar toʻliq toʻlanmaganligi;

ruxsatnoma berish uchun asos boʻlgan hujjatlarning mavjud emasligi;

kelishilgan loyiha yechimlari hamda shaharsozlik hujjatlari talablari buzilishi yoki obyekt (butunlay yoki bir qismi) loyiha hujjatlariga (qismiga) nomuvofiq tarzda qurilganligi;

binolar va inshootlarning zilzilabardoshliligiga taʼsir qiluvchi, shuningdek, fuqarolar hayoti va sogʻligʻiga tahdid soluvchi konstruktiv qoidabuzarliklar mavjudligi;

sifatsiz qurilish materiallari, konstruksiyalari hamda buyumlari qoʻllanilganligi;

texnik va mualliflik nazoratini amalga oshiruvchi mutaxassislarning salbiy xulosalari mavjud boʻlganda, pudrat tashkiloti qurilish normalari va qoidalari boʻyicha buzilishlarni bartaraf etmaganda;

loyiha hujjatlari boʻyicha ijobiy ekspertiza xulosasi ekspert tashkiloti tomonidan “Shaffof qurilish” milliy axborot tizimiga kiritilmaganligi yoki ijobiy xulosa olinmaganligi;

foydalanishga qabul qilinayotgan obyektning “Topografiya” maʼlumotlar bazasiga kiritilgan ijroviy topografik tasviri mavjud emasligi;

obyektda qurilish-montaj ishlarini boshlash uchun hududiy inspeksiyadan ruxsatnoma olinmaganligi;

vakolatli organga obyektni oʻrganish uchun imkoniyat yaratilmaganligi;

yer uchastkasiga boʻlgan huquq davlat roʻyxatidan oʻtkazilmaganligi;

roʻyxatdan oʻtkazuvchi organda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlarining mavjudligi;

vakolatli organ tomonidan koʻchmas mulk obyektiga taqiq, xatlov yoki garovga (ipotekaga) qoʻyilganligi (vakolatli organning rozilik xati taqdim etilsa bundan mustasno);

roʻyxatdan oʻtkazuvchi organda ushbu yer uchastkasi qonunchilik hujjatlarida belgilangan tartibda olib qoʻyilganligi haqidagi maʼlumotlarning mavjudligi;

foydalanishga qabul qilinayotgan bino va inshootlarning kadastr yigʻmajildi (pasporti) mavjud emasligi;

shaharsozlik normalari va qoidalariga muvofiq emasligi;

qurilishi tugallangan koʻp kvartirali uyni boshqarish uchun boshqaruvchi tashkilot jalb qilinmaganligi yoki boshqaruvchi tashkilot aniqlanmaganligi;

binoni demontaj qilish, buzdirish boʻyicha inspeksiya tomonidan daʼvo arizalari kiritilib, sudlarda nizo mavjudligi yoki demontaj qilish, buzdirish boʻyicha sudlar tomonidan qarorlar qabul qilinganligi;

quriladigan bino va inshootlar hududlaridan yogʻingarchilik suvlarini toʻliq olib chiqib ketish maqsadida yomgʻir suvlarini oqizish tarmoqlarini (lotok) yirik (kanal, kollektor, drenaj va yirik irrigatsiya tarmoqlari) tarmoqlarga ulash nazarda tutilmaganligi;

suvni muhofaza qilish hududlari chegaralariga tutash yer uchastkalarida barpo etiladigan qurilish obyektlariga suv obyektlarining balansda saqlovchi tashkilotlardan tegishli xulosalar olinmaganligi.

Davlat xizmatlarini koʻrsatishni boshqa asoslarga koʻra rad etish qatʼiyan taqiqlanadi.

Rad etish hududiy inspeksiya tomonidan shaharsozlik hujjati nomi, uning qismi, bandi, kichik bandi yoki xatboshisi orqali asoslangan boʻlishi talab etiladi.

32. Buyurtmachi ruxsatnoma berish rad etilgan kundan boshlab oʻn ish kuni mobaynida davlat xizmatini koʻrsatish uchun yigʻimni toʻlamasdan, ruxsatnomani olish uchun qayta murojaat qilish huquqiga ega.

Ruxsatnoma berishni rad etish uchun asos boʻlgan sabablar bartaraf etilgan taqdirda, ruxsatnoma takroran soʻrovnoma tushganidan soʻng hududiy inspeksiya yoki hududiy boshqarmalar tomonidan ikki ish kuni mobaynida oshmagan muddatda koʻrib chiqiladi.

Bunda oʻzi kelib murojaat etganda, Davlat xizmatlari markazi xodimi, YIDXP orqali murojaat etgan taqdirda esa — ariza beruvchi mustaqil ravishda, avvalgi ariza uchun toʻlangan invoysni tizimdan yuklab olib, takroriy arizani toʻlov bosqichida biriktiradi.

Soʻrovnomani takroran koʻrib chiqishda hududiy inspeksiya yoki hududiy boshqarma tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.

33. Xulosa beruvchilar tomonidan ijobiy xulosa olinib, qurilishi tugallangan obyektni topshirish-qabul qilish dalolatnomasi tegishli tartibda rasmiylashtirilgan holda hududiy inspeksiyaga yuborilgan boʻlib, biroq hududiy inspeksiya tomonidan koʻrib chiqish jarayonida ushbu Reglamentning 31-bandi asosida rad etilgan taqdirda buyurtmachi rad etish sabablarini bartaraf etib takroran murojaat qilganda, soʻrovnoma koʻrib chiqish uchun faqat hududiy inspeksiyaga yuboriladi.

34. Obyektlar, shuningdek, yakka tartibdagi uy-joylardan bosqichma-bosqich foydalanish uchun ruxsatnoma berilishi mumkin. Bunda tasdiqlangan shaharsozlik hujjatlarida bosqichma-bosqich foydalanish uchun ruxsatnoma berish koʻzda tutilgan boʻlishi, shuningdek, qurilayotgan obyektning foydalanish uchun ruxsat berilayotgan qismi (seksiya, blok) loyiha hujjatlariga muvofiq belgilangan ishlarning barchasi, xususan, mazkur binodan foydalanishda hizmat qiluvchi obodonlashtirish ishlari (tasdiqlangan loyihaga koʻra ichki yoʻllar, yashil hududlar, chiqindi toʻplash joylari, bolalar maydonchasi, avtoturargohlar va boshqalar), bino va inshootlar toʻliq qurilgan, pardozlash ishlari yakunlangan hamda tashqi muhandislik tarmoqlariga ulangandan soʻng uning qurilishi, shuningdek, rekonstruksiya qilinishi tugallanmagan qismlari obyektning zilzilabardoshliligini va yongʻinga chidamliligini taʼminlashi shart.

Qurilayotgan obyekt loyiha hujjatlariga muvofiq belgilangan ishlarning barchasi, xususan, bino va inshootlarning barchasi toʻliq qurilgan, pardozlash ishlari yakunlangan hamda tashqi muhandislik tarmoqlariga ulangandan soʻng obyektdan foydalanishga ruxsatnoma berilishi mumkin.

Markaziy koʻchalarning ikki tarafida joylashmagan yakka tartibdagi uy-joyning muayyan xona, oshxona, hojatxonasi, uyning ichki bezagi yakunlanib, yashash uchun yaroqli holatga kelgandan keyin ariza beruvchining talabi asosida uy-joy muhandislik tarmoqlariga ulanmagan, alohida yordamchi-xoʻjalik imoratlarisiz, hududni obodonlashtirmasdan, uyning bir qismidan foydalanishga ruxsatnoma berishga yoʻl qoʻyiladi.

35. Hududiy boshqarma soʻrovnoma tushgandan soʻng toʻrt ish kuni mobaynida obyektni joyiga borgan holda qonunchilik hujjatlarida belgilangan vakolatlar doirasida qurilish-montaj ishlari tugallangan obyektlarning shaharsozlik hujjatlariga muvofiqligini oʻrganib, ushbu Reglamentga 5-ilovada keltirilgan shaklga muvofiq QR-kod qoʻyilgan ruxsatnomani beradi yoki rad etishning aniq sabablarini va qonunchilik hujjatlari normalarini koʻrsatgan holda ruxsatnoma berishni rad etadi.

Ruxsatnoma elektron shaklda rasmiylashtiriladi va hududiy boshqarmaning ERIsi bilan tasdiqlanadi.

36. Hududiy inspeksiya yoki hududiy boshqarma QR-kodli ruxsatnoma rasmiylashtirilgan kunning oʻzida avtomatik tarzda roʻyxatdan oʻtkazuvchi organga ruxsatnomani koʻchmas mulkka boʻlgan huquqlarni davlat roʻyxatidan oʻtkazish uchun yuboradi.

37. Hududiy inspeksiya yoki hududiy boshqarma rasmiylashtirilgan QR-kodli ruxsatnoma tushgan kundan keyin ikki ish kuni mobaynida roʻyxatdan oʻtkazuvchi organ belgilangan tartibda koʻchmas mulkka boʻlgan huquqlarni davlat roʻyxatidan oʻtkazib, tegishli huquq davlat roʻyxatidan oʻtkazilganligini tasdiqlovchi koʻchmas mulk obyektlariga boʻlgan huquqlarning davlat reyestridan koʻchirmani rasmiylashtiradi.

Kadastr agentligi davlat roʻyxatidan oʻtkazilgan koʻp kvartirali uydagi joylar alohida (kvartiraga) ajratilganda, har bir joy (kvartira)ning maydoni, kadastr raqami va mulkdori, shuningdek, koʻp kvartirali uyning umumiy foydalanishdagi maydoni va boshqa maʼlumotlar “Shaffof qurilish” milliy axborot tizimiga avtomatik tarzda yuborilishini taʼminlaydi.

38. Koʻchmas mulkka boʻlgan huquqlarni davlat roʻyxatidan oʻtkazish uchun belgilangan yigʻim miqdori koʻrsatilgan xabarnoma (invoys) tashkilotlarga, Davlat xizmatlari markaziga yoki ariza beruvchiga YIDXP orqali elektron shaklda yuboriladi.

Xabarnomada koʻrsatilgan yigʻim toʻliq toʻlanganidan soʻng real vaqt rejimida tegishli huquqning davlat roʻyxatidan oʻtkazilganligini tasdiqlovchi elektron shakldagi Reyestrdan koʻchirmani yuklab olish imkoni paydo boʻladi va ariza beruvchining soʻroviga koʻra unga Reyestrdan koʻchirma elektron shaklda yoki qogʻoz shaklida berilishi mumkin.

5-bob. Yakunlovchi qoidalar

39. Davlat xizmatlari markazi, hududiy inspeksiya, hududiy boshqarma, xulosa beruvchilar va roʻyxatdan oʻtkazuvchilar oʻz faoliyatini amalga oshirishi natijasida olingan ariza beruvchi haqidagi maʼlumotlarning oshkor etilmasligini taʼminlashi kerak.

40. Hududiy inspeksiya yoki hududiy boshqarma tomonidan ruxsatnoma rasmiylashtirilgan kunning oʻzida mazkur ruxsatnoma “Shaffof qurilish” milliy axborot tizimida avtomatik tarzda hisobga olinadi.

41. Xulosa beruvchilar oʻzlari bergan ijobiy yoki salbiy xulosalarga javobgar hisoblanadi.

42. Soʻrovnomalarni belgilangan muddatda koʻrib chiqmagan xulosa beruvchilar qonunchilik hujjatlarida belgilangan tartibda javobgarlikka tortiladi.

43. Adliya vazirligi va uning hududiy boshqarmalari va Davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali doimiy nazoratni va monitoringni amalga oshiradilar.

44. Buyurtmachi davlat organlari va boshqa tashkilotlar xodimlarining harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

45. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Qurilishi tugallangan obyektni topshirish-qabul qilish va foydalanish uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 1-ILOVA

Qurilish tugallangan obyektni topshirish-qabul qilish hamda foydalanish uchun ruxsatnoma berish

Bosqichlar Subyektlar Tadbirlar Bajarish muddatlari 1-bosqich Pudrat tashkiloti Qurilishi tugallangan obyekt topshirish-qabul qilishga tayyorligi toʻgʻrisida buyurtmachiga muvofiqlik deklaratsiyasini ilova qilgan holda xabarnoma yuboradi. Qurilish ishlari tugallangandan soʻng 2-bosqich Buyurtmachi oʻzi kelib Davlat xizmatlari markaziga yoki YIDXP orqali elektron soʻrovnoma yuboradi. Xabarnoma kelib tushgandan kunda 3-bosqich Xulosa beruvchilar Soʻrovnoma va dalolatnoma kelib tushgandan soʻng obyektni joyiga borib oʻrganib chiqadi va qurilishi tugallangan obyektning foydalanishga tayyorligi yoki tayyor emasligi toʻgʻrisida xulosa beradi. 10 ish kuni mobaynida 4-bosqich Davlat xizmatlari markazi Xulosa beruvchilar tomonidan dalolatnoma tasdiqlanganidan soʻng tizim orqali avtomatik tarzda buyurtmachiga yuboradi. Avtomatik ravishda 5-bosqich Buyurtmachi Qurilishi tugallangan obyektni foydalanish uchun ruxsatnoma olish va kadastr hujjatlarini rasmiylashtirish uchun dalolatnomani oʻzining ERIsi bilan tasdiqlab, tegishlilik boʻyicha hududiy inspeksiyaga yoki hududiy boshqarmaga yuboradi. 1 ish kunida 6-bosqich Hududiy inspeksiya yoki hududiy boshqarma 1. Qurilishi (rekonstruksiya) tugallangan obyektning foydalanishga muvofiqligini oʻrganib chiqadi. 2. QR-kodli ruxsatnomani rasmiylashtiradi yoki rad etadi va roʻyxatdan oʻtkazuvchilarga elektron shaklda ruxsatnomani yuboradi. 4 ish kunida 7-bosqich Roʻyxatdan oʻtkazuvchilar Koʻchmas mulk obyektlariga boʻlgan huquqlarni davlat roʻyxatidan oʻtkazadi va reyestridan koʻchirmani Davlat xizmatlari markazlariga yoki YIDXP orqali ariza beruvchiga yuboradi. 1 ish kunida 8-bosqich Davlat xizmatlari markazi Ruxsatnoma va reyestrdan koʻchirmani ariza beruvchining elektron manziliga yuboradi va ariza beruvchini bu haqida elektron shaklda xabardor qiladi. Real vaqt rejimida

Qurilishi tugallangan obyektni topshirish-qabul qilish va foydalanish uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 2-ILOVA

QURILISHI TUGALLANGAN OBYEKTNI TOPSHIRISH-QABUL QILISH DALOLATNOMASI 20___y. “___”_________ __________________________________ (obyekt joylashgan joyi) __________________________________________________________________________________________ (obyekt nomi) 1. Buyurtmachi (buyurtmachi bilan pudrat tashkiloti birgalikda) _________________________________ ________________________________________________________________________________ tomonidan (tashkilot nomi) _______________________________________________________________________ manzilda joylashgan _________________________________________________________________________________________ (viloyat, shahar, tuman, aholi punkti, mavze, daha, koʻcha, uy (korpus) raqami) _________________________________________________________________________________________ (obyektning nomi va qurilish turi, _________________________________________________________________________________________ yangi qurilish, rekonstruksiya) foydalanishga qabul qilish uchun taqdim etildi. 2. Qurilish ishlari ___________________________________________________________________ ning (ruxsat bergan organ nomi) 20___y. “____” ______________________-son ruxsatnomasi asosida amalga oshirilgan. 3. Qurilish ishlarni bajargan bosh pudrat va yordamchi pudrat tashkilotlari _________________________________________________________________________________________ (tashkilot nomi va har bir tashkilot bajargan ish turi) _________________________________________________________________________________________ (tashkilotlar soni uchtadan ortiq boʻlsa, ularning roʻyxati dalolatnomaga ilovada koʻrsatiladi) tomonidan bajarilgan. 4. Qurilish ishlari uchun loyiha hujjatlari __________________________________________________ _________________________________________________________________________________________ (hujjatlarning qismi yoki boʻlimi nomi) ishlab chiqilgan bosh loyiha tashkiloti ______________________________________________________ ______________________________________________________ (loyiha tashkilotining nomi) va yordamchi pudrat tashkilotlari ____________________________________________________________ _________________________________________________________________________________________ (tashkilot nomi hamda hujjatning bajarilgan qismi va boʻlimi) _________________________________________________________________________________________ (tashkilotlar soni uchtadan ortiq boʻlsa, ularning roʻyxati dalolatnomaga ilovada koʻrsatiladi) tomonidan bajarilgan. 5. Loyihalashtirish uchun dastlabki maʼlumotlar ______________________________________________ _________________________________________________________________________________________ (ilmiy-tadqiqot va qidiruv tashkilotlarining nomi, _________________________________________________________________________________________ dastlabki maʼlumotlar mavzusi) _________________________________________________________________________________________ (tashkilotlar soni uchtadan ortiq boʻlsa, ularning roʻyxati dalolatnomaga ilovada koʻrsatiladi) tomonidan taqdim etilgan. 6. Qurilish quyidagi loyiha (namunaviy, yakka, takror qoʻllaniladigan) boʻyicha amalga oshirilgan: _________________________________________________________________________________________ _________________________________________________________________________________________ (loyihaning raqami, seriya raqami, (namunaviy loyiha boʻyicha; _________________________________________________________________________________________ turar joy-fuqarolik obyektlari boʻyicha individual loyiha uchun _________________________________________________________________________________________ bunday loyihani qoʻllash uchun tegishli qaror) 7. Loyiha hujjatlari _____________________________________________________________________ _________________________________________________________________________________________ (ekspertiza tashkiloti nomi) tomonidan 20___y. “____”____________ ______-son bilan ijobiy ekspertizadan oʻtkazilgan. 8. Qurilish-montaj ishlari qurilish davomiyligi meʼyor boʻyicha ______ haqiqatda _________________ boʻlgan holda quyidagi muddatlarda bajarilgan: ishlarni boshlanishi ________________________________, tugatish ___________________ _______________________________ (oy va yil) ___________________________ (oy va yil) 9. Foydalanishga qabul qilish uchun taqdim etilgan obyekt quvvati, ishlab chiqarish unumdorligi, ishlab chiqarish maydoni, tarmoq uzunligi, sigʻimi, hajmi, oʻtkazish qobiliyati, ishchi oʻrinlari soni boʻyicha quyidagi asosiy koʻrsatkichlarga ega (barcha obyektlar, turar joy uylardan tashqari), maqsadli mahsulot yoki asosiy xizmat turlariga muvofiq oʻlchov birliklarida toʻldiriladi): Quvvati, unumdorligi Oʻlchov birligi Loyiha boʻyicha Amalda umumiy (avval qabul qilinganlarini hisobga olgan holda) shu jumladan ishga tushirish kompleksi yoki navbati umumiy (shu jumladan, avval qabul qilinganlari) shu jumladan, ishga tushirish kompleksi yoki navbati Boshlangʻich davrda loyihaviy quvvatlarini oʻzlashtirish meʼyorlariga mos keluvchi hajmda loyihada koʻzda tutilgan mahsulotni ishlab chiqarish (xizmat koʻrsatish) _________________________________________________________________________________________ _________________________________________________________________________________________ (hajmni koʻrsatgan holda mahsulotni ishlab chiqarish boshlangʻich holati) Foydalanishga qabul qilish uchun taqdim etilgan ijtimoiy va turar joy obyektlari boʻyicha majburiy quyidagi koʻrsatkichlarga ega: Koʻrsatkichlar Oʻlchov birligi Loyiha boʻyicha Amalda Umumiy maydoni m 2 Qavatlar soni qavat Umumiy qurilish hajmi m 3 shu jumladan, yerosti qismi boʻyicha m 3 Binoga qoʻshilgan, qoʻshilgan-yondan qurilgan, yonidan qurilgan xonalar maydoni m 2 Koʻrsatkichlar Loyiha boʻyicha Amalda Xonadonlar soni Xonadonlar maydoni, m 2 Xonadonlar soni Xonadonlar maydoni, m 2 Jami xonadonlar shu jumladan: bir xonali ikki xonali uch xonali toʻrt xonali va undan koʻp xonali 11. Obyektning texnik va meʼmoriy-qurilish yechimlari quyidagi maʼlumotlar bilan tavsiflanadi: _________________________________________________________________________________________ (rejalash, qavatlilik, asosiy materiallar va konstruksiyalar, _________________________________________________________________________________________ _________________________________________________________________________________________ muhandislik va texnologik uskuna boʻyicha qisqacha texnik tavsiflar) 12. Obyektda loyihada koʻzda tutilgan uskuna, shu jumladan, yongʻin avtomatikasi tizimi yakka va kompleks sinovlardan keyin qabul qilish toʻgʻrisidagi dalolatnomalarga muvofiq miqdorda oʻrnatilgan. (dalolatnomalar ilova qilinadi) ____________ 13. Loyihada koʻzda tutilgan mehnatni muhofaza qilish, portlash xavfsizligini, yongʻin xavfsizligini, atrof-muhit muhofazasini taʼminlaydigan va zilzilaga qarshi tadbirlar: _________________________________________________________________________________________ _________________________________________________________________________________________ (bajarilishi toʻgʻrisida maʼlumotlar) 14. Tashqi sovuq va issiq suv taʼminoti, kanalizatsiya, issiqlik taʼminoti, gaz taʼminoti, elektr taʼminoti va aloqa tarmoqlari bino, inshoot va xonaning normal ishlashini taʼminlaydi hamda shahar (tuman) tarmoqlardan foydalanish tashkilotlari tomonidan qabul qilingan. Shahar (tuman) tarmoqlardan foydalanish tashkilotlari maʼlumotlari roʻyxati dalolatnomaga ilova qilinadi. 15. Binolarda liftni qurish, bino atrofini koʻkalamzorlashtirish, binolarga olib boruvchi yoʻllar trotuarlar, xoʻjalik, oʻyin va sport maydonchalari qoplamalarini, chiqindi yigʻish shoxobchalari, avtoturargoh, elektr yoritish tizimini qurish, shuningdek, energiya hamda suv tejash ishlari, shuningdek, binolarning fasadlari elementlarini pardozlash ishlari bajarilgan Ishlar turi Oʻlchov birligi Ishlar hajmi 16. Obyektning joriy narxlardagi umumiy haqiqiy qiymati: jami ___________ ming soʻm, shu jumladan: qurilish-montaj ishlarining qiymati _______ming soʻm; uskunalar, asboblar va jihozlar qiymati ___________ming soʻm . 17. Foydalanishga qabul qilinayotgan asosiy fondlar qiymati: jami ___________ ming soʻm, shu jumladan: qurilish-montaj ishlarining qiymati _______ming soʻm; uskunalar, asboblar va jihozlar qiymati ___________ming soʻm . 18. Koʻzdan kechirish va tegishli hujjatlar bilan tanishish natijalariga koʻra obyektda qoʻllanilgan texnologik yechimlarning ilgʻorligiga baho berildi: _________________________________________________________________________________________ _________________________________________________________________________________________ (turar joy binolari boʻyicha toʻldirilmaydi) XULOSA BERUVCHILARNING QARORI: Xulosa beruvchilarning xulosalari hamda pudrat tashkilotining muvofiqlik deklaratsiyasiga asosan foydalanishga qabul qilish uchun taqdim etilgan _________________________________________________________________________________________ (obyekt nomlanishi) FOYDALANISHGA QABUL QILINSIN. Komissiya raisi (Buyurtmachi) (F.I.O.) (QR-kod) Komissiya aʼzolari : Bosh pudrat tashkiloti (F.I.O.) (QR-kod) Bosh loyiha tashkiloti (F.I.O.) (QR-kod) Texnik nazoratchi (F.I.O.) (QR-kod) Mualliflik nazorati (F.I.O.) (QR-kod) Favqulodda vaziyatlar vazirligining Davlat yongʻin nazorati organi; (F.I.O.) (QR-kod) Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi; (F.I.O.) (QR-kod) Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi — uning nazoratida boʻlgan obyektlar boʻyicha; (F.I.O.) (QR-kod) Suv xoʻjaligi vazirligi huzuridagi Suv xoʻjaligi obyektlari xavfsizligini nazorat qilish inspeksiyasi- gidrotexnik inshootlar boʻyicha; (F.I.O.) (QR-kod) Energetika vazirligi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi (F.I.O.) (QR-kod) Transport vazirligi huzuridagi Transport nazorat inspeksiyasi — avtomobil yoʻllari qurilishi obyektlari, havo hamda temir yoʻl transporti binolari va inshootlari boʻyicha; (F.I.O.) (QR-kod) Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi (F.I.O.) (QR-kod) Suv xoʻjaligi vazirligi huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi — suv omborlari, sel-suv omborlari boshqa suv xoʻjaligi obyektlari boʻyicha; (F.I.O.) (QR-kod) Madaniyat vazirligi — Madaniyat va sanʼat obyektlari boʻyicha (F.I.O.) (QR-kod) Oʻzbekiston nogironligi boʻlgan shaxslarning jamoat birlashmalari (F.I.O.) (QR-kod) Ekologiya, atrof-muhitni muhofaza qilish va iqlim oʻzgarishi vazirligi — sohaviy qurilish obyektidan va atrof-muhitga yetkaziladigan ekologik zarar holati boʻyicha; (F.I.O.) (QR-kod) Iqtisodiyot va moliya vazirligi huzuridagi Kadastr agentligi (F.I.O.) (QR-kod) Ichki ishlar vazirligi (F.I.O.) (QR-kod) Tashqi muhandislik tarmoqlariga ulanishga texnik shartlar bergan tashkilotlar (F.I.O.) (QR-kod) Foydalanuvchi jismoniy yoki yuridik shaxslar (F.I.O.) (QR-kod)

Qurilishi tugallangan obyektni topshirish-qabul qilish va foydalanish uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 3-ILOVA

Qurilishi tugallangan bino va inshootlarni foydalanishga qabul qilish boʻyicha davlat xizmatlaridan foydalanish uchun

I. Ariza beruvchi — jismoniy shaxs toʻgʻrisida maʼlumot 1. JSHSHIR 2. F.I.O. 3. Telefon raqami 4. Elektron pochta manzili (mavjud boʻlsa) II. Ariza beruvchi — yuridik shaxs toʻgʻrisida maʼlumot 1. Toʻliq nomi 2. STIR 3. Telefon raqami 4. Elektron pochta manzili (mavjud boʻlsa) III. Obyektning nomi va manzili Buyurtmachi nomi Obyektning joylashgan manzili Obyektning turi IV. Qurilish uchun asos V. Qurilish ishlarni bajargan bosh pudrat va yordamchi pudrat tashkilotlari 1. Har bir tashkilot nomi 2. Bajargan ish turi VI. Loyiha hujjatlari 1. Hujjatlarning qismi yoki boʻlimi nomi 2. Loyiha tashkilotining nomi 3. Yordamchi pudrat tashkilotlari nomi hamda hujjatning bajarilgan qismi va boʻlimi VII. Loyihalashtirish uchun dastlabki maʼlumotlar 1. Ilmiy-tadqiqot va qidiruv tashkilotlarining nomi 2. Dastlabki maʼlumotlar mavzusi VIII. Loyiha hujjatlari maʼlumotlari 1. Loyihaning raqami, seriya raqami ( namunaviy loyiha boʻyicha, turar joy-fuqarolik obyektlari boʻyicha individual loyiha uchun, bunday loyihani qoʻllash uchun tegishli qaror ) 2. Qurilish-montaj ishlari tugallangan obyektning “Topografiya” maʼlumotlar bazasiga kiritilgan ijroviy topografik tasviri (yagona roʻyxatga olish raqami koʻrsatilgan holda). IX. Ijobiy ekspertiza xulosasi 1. Raqami 2. Sanasi X. Qurilish-montaj ishlari davomiyligi 1. Meʼyor boʻyicha 2. Haqiqatda 3. Ishlarning boshlanishi 4. Tugatish XI. Muhandislik-kommunikatsiya tarmoqlari va transport infratuzilmasini yaratish xarajatlari boʻyicha shartnoma (ushbu shartnoma talab oʻrnatilgan hududlar boʻyicha) Shartnoma “Shaffof qurilish” milliy axborot tizimi orqali avtomatik ravishda tekshiriladi. 1.Shartnoma raqami XII. Obyektning texnik va meʼmoriy-qurilish yechimlari quyidagi maʼlumotlar bilan tavsiflanishi 1. Rejalash, qavatlilik, asosiy materiallar va konstruksiyalar 2. Muhandislik va texnologik uskuna boʻyicha qisqacha texnik tavsiflar XIII. Loyihada koʻzda tutilgan mehnatni muhofaza qilish, portlash xavfsizligini, yongʻin xavfsizligini, atrof-muhit muhofazasini taʼminlaydigan va zilzilaga qarshi tadbirlar XIV. Obyektning joriy narxlardagi umumiy haqiqiy qiymati 1. Qurilish-montaj ishlarining qiymati (ming soʻm) 2. Uskunalar, asboblar va jihozlar qiymati (ming soʻm) XV. Foydalanishga qabul qilinayotgan asosiy fondlar qiymati 1. Qurilish-montaj ishlarining qiymati (ming soʻm) 2. Uskunalar, asboblar va jihozlar qiymati (ming soʻm) XVI. Koʻzdan kechirish va tegishli hujjatlar bilan tanishish natijalariga koʻra obyektda qoʻllanilgan texnologik yechimlarning ilgʻorligiga baho XVII. Ilova qilinadigan hujjatlar 1. Loyiha hujjatlari 2. Ijobiy ekspertiza xulosasi 3. Shahar (tuman) tarmoqlardan foydalanish tashkilotlari maʼlumotlari roʻyxati dalolatnomaga ilova qilinadi 4. Obyektda loyihada koʻzda tutilgan uskuna shu jumladan yongʻin avtomatikasi tizimi yakka va kompleks sinovlardan keyin qabul qilinganligi toʻgʻrisidagi dalolatnomalari XVIII. Toʻldirilishi lozim boʻlgan jadval maʼlumotlari 1. Foydalanishga qabul qilish uchun taqdim etilgan obyekt quvvati, ishlab chiqarish unumdorligi, ishlab chiqarish maydoni, tarmoq uzunligi, sigʻimi, hajmi, oʻtkazish qobiliyati, ishchi oʻrinlari soni boʻyicha quyidagi asosiy koʻrsatkichlarga ega (barcha obyektlar, turar joy uylardan tashqari), maqsadli mahsulot yoki asosiy xizmat turlariga muvofiq oʻlchov birliklarida toʻldiriladi): Quvvati, unumdorligi Oʻlchov birligi Loyiha boʻyicha Amalda umumiy (avval qabul qilinganlarini hisobga olgan holda) shu jumladan ishga tushirish kompleksi yoki navbati umumiy (shu jumladan avval qabul qilinganlari) shu jumladan ishga tushirish kompleksi yoki navbati Foydalanishga qabul qilish uchun taqdim etilgan ijtimoiy va turar joy obyektlari boʻyicha majburiy quyidagi koʻrsatkichlarga ega: Koʻrsatkichlar Oʻlchov birligi Loyiha boʻyicha Amalda Umumiy maydoni m 2 Qavatlar soni qavat Umumiy qurilish hajmi m 3 shu jumladan, yerosti qismi boʻyicha m 3 Binoga qoʻshilgan, qoʻshilgan-yondan qurilgan, yonidan qurilgan xonalar maydoni m 2 Koʻrsatkichlar Loyiha boʻyicha Amalda xonadonlar soni xonadonlar maydoni, m 2 xonadonlar soni xonadonlar maydoni, m 2 Jami xonadonlar shu jumladan: bir xonali ikki xonali ... 2. Koʻkalamzorlashtirish, binolarga olib boruvchi yoʻllar trotuarlar, xoʻjalik, oʻyin va sport maydonchalari qoplamalarini qurish, chiqindi yigʻish shohobchalari, avtoturargoh, lift va energiya tejamkor ishlar, shuningdek, binolarning fasadlari elementlarini pardozlash ishlari bajarilgan: Ishlar turi Oʻlchov birligi Ishlar hajmi

Qurilishi tugallangan obyektni topshirish-qabul qilish va foydalanish uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 4-ILOVA

(Oʻzbekiston Respublikasi Davlat gerbi tasviri) Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi _______________________________________________ ___________ ______________________________ (Hududiy nazorat inspeksiyasining nomi) Qurilish-montaj ishlari tugallangan obyektdan foydalanish uchun RUXSATNOMA Ariza raqami: ________________ 20 ____ y. “________” _____________________________ _ _______ ____ ___________ning _____________-son arizasiga __ (ariza beruvchining nomi yoki F.I.O) _______________________ (ariza raqami) muvofiq___________________ ____________ _______________________________________manzilidagi (obyektning manzili) qurilish-montaj ishlari tugallangan obyektdan foydalanishga ruxsat etildi. Mazkur ruxsatnoma obyektdan foydalanish uchun asos boʻladi. Mazkur ruxsatnoma koʻchmas mulkka boʻlgan huquqlarni davlat roʻyxatidan oʻtkazish uchun asos boʻladi. Hujjatni imzolagan shaxs ___________________ _______________________________ (F.I.O) Hujjatning haqiqiyligini tasdiqlovchi QR-kod

Qurilishi tugallangan obyektni topshirish-qabul qilish va foydalanish uchun ruxsatnoma berish boʻyicha davlat xizmatlarini koʻrsatishning maʼmuriy reglamentiga 5-ILOVA

(Oʻzbekiston Respublikasi Davlat gerbi tasviri) Oʻzbekiston Respublikasi Qurilish va uy-joy kommunal xoʻjaligi vazirligi ___________________________________________________ ____________________ __________________ ( Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari va Toshkent shahar qurilish bosh boshqarmasi ) Qurilish-montaj ishlari tugallangan obyektdan foydalanish uchun RUXSATNOMA Ariza raqami: ________________ 20 ____ y. “________” _____________________________________ ______ _________ ning ______________-son arizasiga __________________ (ariza beruvchining nomi yoki F.I.O) _____________ (ariza raqami) muvofiq ______________________________________________ ____________ ____________ manzilidagi (obyektning manzili) qurilish-montaj ishlari tugallangan obyektdan foydalanishga ruxsat etildi. Mazkur ruxsatnoma obyektdan foydalanish uchun asos boʻladi. Mazkur ruxsatnoma koʻchmas mulkka boʻlgan huquqlarni davlat roʻyxatidan oʻtkazish uchun asos boʻladi. Hujjatni imzolagan shaxs ___________________ _______________________________ (F.I.O) Hujjatning haqiqiyligini tasdiqlovchi QR-kod

Vazirlar Mahkamasining 2022-yil 20-apreldagi 200-son qaroriga 8-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Muhandislik-kommunikatsiya tarmoqlariga ulanish boʻyicha davlat xizmatlari koʻrsatishning maʼmuriy reglamentlarini tasdiqlash toʻgʻrisida” 2018-yil 31-martdagi 256-son qarorida :

a) 2-ilovada :

4-banddan oʻninchi xatboshi chiqarib tashlansin;

23-bandning birinchi xatboshisi quyidagi tahrirda bayon etilsin:

“HGK ushbu Reglamentga 3-ilovaga muvofiq shakldagi soʻrovnoma tushganidan soʻng uch ish kuni davomida gaz taʼminoti loyihasini kelishadi yoki kelishishni rad etadi”;

b) 3-ilovada :

4-banddan oltinchi xatboshi chiqarib tashlansin;

22-bandning birinchi xatboshisi quyidagi tahrirda bayon etilsin:

“Issiqlik taʼminoti korxonasi ushbu Reglamentga 3-ilovaga muvofiq shakldagi soʻrovnoma tushganidan soʻng uch ish kuni mobaynida issiqlik taʼminoti loyihasini kelishadi yoki kelishishni rad etadi”;

v) 4-ilovada :

4-banddan sakkizinchi xatboshi chiqarib tashlansin;

23-bandning birinchi xatboshisi quyidagi tahrirda bayon etilsin:

“SQKX tashkiloti ushbu Reglamentga 3-ilovaga muvofiq shakldagi soʻrovnoma tushganidan soʻng uch ish kuni mobaynida suv taʼminoti va suvni chiqarib tashlash loyihasini kelishadi yoki kelishishni rad etadi”;

4. Vazirlar Mahkamasining 2020-yil 2-sentabrdagi 535-son qarori bilan tasdiqlangan Koʻchmas mulk obyektiga kadastr pasportini berish boʻyicha davlat xizmatlari koʻrsatishning maʼmuriy reglamentda :

a) 5-bandning ikkinchi xatboshisidagi “obyektni foydalanishga qabul qilish dalolatnomasi” soʻzlari “qurilishi (rekonstruksiyasi) tugallangan obyektdan foydalanish uchun ruxsatnomasi” soʻzlari bilan almashtirilsin;

b) 2-ilovadagi “III. Kadastr pasportini tayyorlashning maqsadi:”dagi 3-banddagi “dalolatnoma” soʻzi “obyektdan foydalanish uchun ruxsatnoma” soʻzlari hamda “b” kichik bandidagi “foydalanishga qabul qilish dalolatnomasi” soʻzlari “foydalanish uchun ruxsatnomasi” soʻzlari bilan almashtirilsin;

5. Vazirlar Mahkamasining 2020-yil 18-noyabrdagi 726-son qarori bilan tasdiqlangan Notariuslar tomonidan koʻchmas mulklarni boshqa shaxsga oʻtkazish haqidagi bitimlarni tasdiqlashning maʼmuriy reglamentida :

a) 20-bandning yettinchi xatboshisidagi “inshootlarning foydalanishga qabul qilish dalolatnomasi” soʻzlari “inshootlardan foydalanish uchun ruxsatnomasi” soʻzlari bilan almashtirilsin;

b) 23-bandning ikkinchi xatboshisidagi “qabul qilish dalolatnomasini” soʻzlari “ruxsatnomasini” soʻzi bilan almashtirilsin;

v) 35-bandning ikkinchi xatboshisidagi “qabul qilish dalolatnomasi” soʻzlari “ruxsatnomasi” soʻzi bilan almashtirilsin.

6. Vazirlar Mahkamasining 2020-yil 19-noyabrdagi 732-son qarori bilan tasdiqlangan Oʻzbekiston Respublikasi davlat shaharsozlik kadastri geografik axborot tizimi toʻgʻrisida nizomda :

a) 6-bandda :

quyidagi tahrirdagi sakkizinchi xatboshi bilan toʻldirilsin:

“shaharsozlik faoliyati obyektlarini loyihalash va qurish maqsadlari uchun bajarilgan muhandislik-texnik qidiruvlari (shu jumladan, qurilishi tugallangan obyektlarning ijro tasvirlari) materiallari hisobini yuritish”;

sakkizinchi — oʻn ikkinchi xatboshilar tegishlicha toʻqqizinchi — oʻn uchinchi xatboshilar deb hisoblansin;

b) 38-band “fazoviy maʼlumotlarni” soʻzlaridan soʻng “(shu jumladan, muhandislik-texnik qidiruvlari)” soʻzlari bilan toʻldirilsin.

Vazirlar Mahkamasining 2022-yil 20-apreldagi 200-son qaroriga 9-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari roʻyxati

1. Vazirlar Mahkamasining “Arxitektura va qurilish sohasida davlat xizmatlari koʻrsatishning ayrim maʼmuriy reglamentlarini tasdiqlash toʻgʻrisida” 2018-yil 18-maydagi 370-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 16-yanvardagi 36-son qaroriga ilovaning 1-bandi .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 11-iyundagi 478-son qaroriga ilovaning 2-bandi .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 2-iyuldagi 548-son qaroriga ilovaning 17-bandi .

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 28-noyabrdagi 961-son qaroriga ilovaning 1, 4 va 5-bandlari .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2019-yil 28-dekabrdagi 1046-son qaroriga ilovaning 214-bandi .

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2020-yil 14-yanvardagi 24-son qaroriga ilovaning 1 va 9-bandlari .

Oʻzbekiston Respublikasining Bosh vaziri A. ARIPOV

Toshkent sh.,

2022-yil 20-aprel,

200-son

(Qonunchilik maʼlumotlari milliy bazasi, 20.04.2022-y., 09/22/200/0327-son; 29.09.2022-y., 09/22/541/0859-son; 26.08.2023-y., 09/23/424/0655-son; 04.09.2023-y., 09/23/436/0669-son; 22.11.2023-y., 09/23/612/0874-son; 29.12.2023-y., 09/23/688/0996-son; 18.04.2024-y., 09/24/214/0285-son; 02.10.2024-y., 09/24/614/0768-son; 25.11.2024-y., 09/24/783/0965-son; 03.03.2025-y., 09/25/135/0208-son; 04.09.2025-y., 09/25/559/0802-son; 23.10.2025-y., 09/25/666/0965-son; 25.12.2025-y., 09/25/821/1211-son; 17.04.2026-y., 09/26/175/0373-son; 04.07.2026-y., 09/26/310/0685-son; 13.10.2026-y., 09/26/560/1025-son; 15.10.2026-y., 09/26/563/1041-son)

lex.uz