📅 2022-yil 21-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 21 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 апреля 2022 г. · Постановления Президента
Официальный текст. Официальный документ. Редакционные примечания не включены.
📅 21 April 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Касаначиликни ривожлантириш асосида аҳоли бандлигини таъминлашга доир қўшимча чора-тадбирлар тўғрисида
Касаначиликни ривожлантириш орқали ишсиз аҳоли, айниқса хотин-қизлар, меҳнатга лаёқатли ногиронлиги бўлган шахсларнинг иш билан бандлигига кўмаклашиш, ишлаб чиқариш ва хизматлар кўрсатишни янада кенгайтириш мақсадида:
1. 2022 йил 1 июлдан бошлаб касаначиликни меҳнат шартномаси билан бир қаторда ишларни бажариш, товарлар ишлаб чиқариш ёки хизматлар кўрсатиш ҳақидаги фуқаролик-ҳуқуқий шартномалар, шу жумладан пудрат шартномаси асосида ташкил этишга рухсат этилсин.
Бандлик ва меҳнат муносабатлари вазирлиги (Н. Хусанов) бир ой муддатда касаначилик шартларида амалга ошириладиган фаолият турлари рўйхатини тасдиқлаш учун Вазирлар Маҳкамасига киритсин. Бунда, касаначилик шартларида кўрсатилиши мумкин бўлган хизмат турларини кенгайтиришга алоҳида эътибор қаратилсин.
2. Белгилансинки:
а) 2022 йил 1 июлдан 2025 йил 1 январга қадар:
касаначиларга жисмоний шахслардан олинадиган даромад солиғи касаначиликдан олинадиган жами даромадни 50 фоизга, бироқ ҳисобот даврида (бир ойда) кўпи билан бир миллион сўмгача камайтирган ҳолда ҳисобланади;
касаначилар ижтимоий солиқ тўловини ўзини ўзи банд қилган шахслар учун белгиланган тартибда амалга оширади;
б) Ҳунармандчилик ва касаначиликни қўллаб-қувватлаш жамғармаси маблағлари ҳисобидан маҳаллаларда касаначиликни ташкил этган тадбиркорлик субъектларига ҳар бир касаначининг дастлабки уч ой давомидаги касаначилик фаолияти учун бир ойлик ўртача даромади миқдорида бир марталик субсидия ажратилади.
3. Ўзбекистон Республикаси Президентининг 2021 йил 5 августдаги «Маҳаллаларда тадбиркорликни янада қўллаб-қувватлаш ва тадбиркорлик субъектлари билан аҳоли ўртасида кооперацияни ривожлантиришнинг қўшимча чора-тадбирлари тўғрисида»ги ПҚ-5214-сон қароридаги «етакчи» тадбиркорлик субъектларига Тадбиркорлик фаолиятини қўллаб-қувватлаш давлат жамғармаси томонидан кредит суммасининг 75 фоизи миқдоригача кафиллик бериш бўйича тартиб маҳаллаларда фаолият юритувчи касаначилар сони камида 10 нафар бўлган тадбиркорлик субъектларига ҳам татбиқ этилсин.
5. Бандлик ва меҳнат муносабатлари вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда икки ҳафта муддатда ҳар бир ҳудуд учун алоҳида касаначиликни ривожлантириш асосида аҳоли бандлигини таъминлашга оид чора-тадбирлар режасини ишлаб чиқсин.
7. Оилавий тадбиркорликни ривожлантириш дастури координаторлари (С. Холхўжаев, А. Камалов, Д. Султанов) Бандлик ва меҳнат муносабатлари вазирлиги (Н. Хусанов) билан биргаликда 2022 йил учун оилавий тадбиркорликни ривожлантириш дастурлари доирасида ажратилаётган кредитларнинг камида 500 миллиард сўмини касаначиликни ривожлантириш бўйича лойиҳаларни молиялаштиришга йўналтирсин.
8. Бандлик ва меҳнат муносабатлари вазирлиги (Н.Хусанов) иш берувчиларнинг буюртмаси асосида касаначиларни «Ишга марҳамат» мономарказлари, туман (шаҳар) касб-ҳунарга ўқитиш марказлари ва маҳалла аҳолисини касб-ҳунарга ўқитиш масканларида ўқитишни ташкил этсин. Бунда:
маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокими ёрдамчилари ва туман (шаҳар) аҳоли бандлигига кўмаклашиш маркази ходимлари касаначилик орқали фуқароларни ишга олиш истагида бўлган тадбиркорларни аниқлайди ва фаолият йўналиши кесимида уларнинг рўйхатини шакллантиради;
туман (шаҳар) аҳоли бандлигига кўмаклашиш маркази ходимлари тадбиркорлар томонидан таклиф этилаётган касаначилик фаолияти билан шуғулланиш учун касблар рўйхатини шакллантиради;
касаначиларни ўқитиш харажатлари Бандликка кўмаклашиш давлат жамғармаси маблағлари ҳисобидан қоплаб берилади;
касаначилик билан шуғулланмоқчи бўлган ишсиз шахслар «Ишга марҳамат» мономарказлари, касб-ҳунарга ўқитиш марказлари ва маҳалла аҳолисини касб-ҳунарга ўқитиш масканларида талаб этиладиган касбларга ўқитилади.
10. Бандлик ва меҳнат муносабатлари вазирлиги ташкилий тузилмасининг умумий штатлар сони доирасида вазирлик марказий аппаратида, Қорақалпоғистон Республикаси Бандлик ва меҳнат муносабатлари вазирлиги, вилоятлар ва Тошкент шаҳар бандлик бош бошқармалари тузилмасида касаначилик фаолиятини ривожлантириш ва мувофиқлаштиришга масъул бўлган бўлимлар ташкил қилинсин.
Бандлик ва меҳнат муносабатлари вазирлигига қуйидаги қўшимча вазифа ва функциялар юклатилсин:
касаначилик соҳасида ягона давлат сиёсати юритилишини таъминлаш ва ҳудудларнинг ихтисослигидан келиб чиқиб, касаначилик фаолияти бўйича мақсадли дастурлар ишлаб чиқиш;
касаначиликни ривожлантириш бўйича ишларни самарали ташкил этиш орқали норасмий бандликни қисқартириш ва маҳаллаларда иш билан банд бўлмаган фуқароларни касаначилик фаолиятига жалб қилиш;
ишсиз фуқароларни касаначилик фаолияти бўйича касб-ҳунарга ўқитиш ишларини ташкил этиш;
касаначилик фаолиятини ривожлантириш юзасидан ажратилаётган субсидияларнинг мақсадлилигини таъминлаш ва мақсадсиз фойдаланилган субсидияларни Давлат бюджетига қайтарилишини таъминлаш;
ижтимоий муҳофазага муҳтож аҳоли қатламларига касаначилик билан шуғулланишлари учун имтиёзлар бериш бўйича таклифлар ишлаб чиқиш.
11. Белгилансинки, иш берувчи ва касаначи ўртасида тузилган меҳнат, фуқаролик-ҳуқуқий ёки пудрат шартномалари Солиқ қўмитасининг Ягона электрон шартномалар ахборот порталида мажбурий тартибда иш берувчи томонидан рўйхатдан ўтказилади.
12. Бандлик ва меҳнат муносабатлари вазирлиги (Н. Хусанов), Иқтисодий тараққиёт ва камбағалликни қисқартириш вазирлиги (С. Холхўжаев), Молия вазирлиги (Т. Ишметов) икки ой муддатда:
а) манфаатдор вазирлик ва идоралар билан биргаликда касаначилик ривожланишини самарали мониторинг қилиш учун ва идоралараро маълумот алмашинувини йўлга қўйиш мақсадида «Ягона миллий меҳнат тизими» идоралараро дастурий-аппарат комплекси таркибида мавсумий ва касаначилик ишлари портали ишга туширилишини таъминласин;
б) қуйидагиларни тасдиқлаш учун Вазирлар Маҳкамасига киритсин:
касаначиларга асбоб-ускуна харид қилиб бериш харажатлари учун тадбиркорлик субъектларига Бандликка кўмаклашиш давлат жамғармасидан субсидия ажратиш ва фойдаланилмаётган асбоб-ускуналарга ажратилган субсидияларни қайтариб олиш тартибини;
олис ва чекка ҳудудлардаги маҳаллаларда касаначиликни ташкил этган тадбиркорлик субъектларига ҳар бир касаначининг дастлабки уч ой давомидаги касаначилик фаолияти учун бир ойлик ўртача даромади миқдорида субсидия ажратиш тартибини.
13. Ахборот ва оммавий коммуникациялар агентлиги, Ўзбекистон Миллий ахборот агентлиги ва Ўзбекистон Миллий телерадиокомпанияси мазкур қарорнинг мақсади, вазифалари ва ундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
14. Бандлик ва меҳнат муносабатлари вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур қарор ижросини самарали ташкил қилишга масъул ва шахсий жавобгар этиб бандлик ва меҳнат муносабатлари вазири Н.Б. Хусанов белгилансин.
Қарор ижросини назорат қилиш ва ижро учун масъул идоралар фаолиятини мувофиқлаштириш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 21 апрель,
ПҚ-214-сон
Oʻzbekiston Respublikasi Prezidentining
Qarori
Kasanachilikni rivojlantirish asosida aholi bandligini taʼminlashga doir qoʻshimcha chora-tadbirlar toʻgʻrisida
Kasanachilikni rivojlantirish orqali ishsiz aholi, ayniqsa xotin-qizlar, mehnatga layoqatli nogironligi boʻlgan shaxslarning ish bilan bandligiga koʻmaklashish, ishlab chiqarish va xizmatlar koʻrsatishni yanada kengaytirish maqsadida:
1. 2022-yil 1-iyuldan boshlab kasanachilikni mehnat shartnomasi bilan bir qatorda ishlarni bajarish, tovarlar ishlab chiqarish yoki xizmatlar koʻrsatish haqidagi fuqarolik-huquqiy shartnomalar, shu jumladan pudrat shartnomasi asosida tashkil etishga ruxsat etilsin.
Bandlik va mehnat munosabatlari vazirligi (N. Xusanov) bir oy muddatda kasanachilik shartlarida amalga oshiriladigan faoliyat turlari roʻyxatini tasdiqlash uchun Vazirlar Mahkamasiga kiritsin. Bunda, kasanachilik shartlarida koʻrsatilishi mumkin boʻlgan xizmat turlarini kengaytirishga alohida eʼtibor qaratilsin.
2. Belgilansinki:
a) 2022-yil 1-iyuldan 2025-yil 1-yanvarga qadar:
kasanachilarga jismoniy shaxslardan olinadigan daromad soligʻi kasanachilikdan olinadigan jami daromadni 50 foizga, biroq hisobot davrida (bir oyda) koʻpi bilan bir million soʻmgacha kamaytirgan holda hisoblanadi;
kasanachilar ijtimoiy soliq toʻlovini oʻzini oʻzi band qilgan shaxslar uchun belgilangan tartibda amalga oshiradi;
b) Hunarmandchilik va kasanachilikni qoʻllab-quvvatlash jamgʻarmasi mablagʻlari hisobidan mahallalarda kasanachilikni tashkil etgan tadbirkorlik subyektlariga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida bir martalik subsidiya ajratiladi.
3. Oʻzbekiston Respublikasi Prezidentining 2021-yil 5-avgustdagi “Mahallalarda tadbirkorlikni yanada qoʻllab-quvvatlash va tadbirkorlik subyektlari bilan aholi oʻrtasida kooperatsiyani rivojlantirishning qoʻshimcha chora-tadbirlari toʻgʻrisida”gi PQ-5214-son qaroridagi “yetakchi” tadbirkorlik subyektlariga Tadbirkorlik faoliyatini qoʻllab-quvvatlash davlat jamgʻarmasi tomonidan kredit summasining 75 foizi miqdorigacha kafillik berish boʻyicha tartib mahallalarda faoliyat yurituvchi kasanachilar soni kamida 10 nafar boʻlgan tadbirkorlik subyektlariga ham tatbiq etilsin.
5. Bandlik va mehnat munosabatlari vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki hafta muddatda har bir hudud uchun alohida kasanachilikni rivojlantirish asosida aholi bandligini taʼminlashga oid chora-tadbirlar rejasini ishlab chiqsin.
7. Oilaviy tadbirkorlikni rivojlantirish dasturi koordinatorlari (S. Xolxoʻjayev, A. Kamalov, D. Sultanov) Bandlik va mehnat munosabatlari vazirligi (N. Xusanov) bilan birgalikda 2022-yil uchun oilaviy tadbirkorlikni rivojlantirish dasturlari doirasida ajratilayotgan kreditlarning kamida 500 milliard soʻmini kasanachilikni rivojlantirish boʻyicha loyihalarni moliyalashtirishga yoʻnaltirsin.
8. Bandlik va mehnat munosabatlari vazirligi (N.Xusanov) ish beruvchilarning buyurtmasi asosida kasanachilarni “Ishga marhamat” monomarkazlari, tuman (shahar) kasb-hunarga oʻqitish markazlari va mahalla aholisini kasb-hunarga oʻqitish maskanlarida oʻqitishni tashkil etsin. Bunda:
mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchilari va tuman (shahar) aholi bandligiga koʻmaklashish markazi xodimlari kasanachilik orqali fuqarolarni ishga olish istagida boʻlgan tadbirkorlarni aniqlaydi va faoliyat yoʻnalishi kesimida ularning roʻyxatini shakllantiradi;
tuman (shahar) aholi bandligiga koʻmaklashish markazi xodimlari tadbirkorlar tomonidan taklif etilayotgan kasanachilik faoliyati bilan shugʻullanish uchun kasblar roʻyxatini shakllantiradi;
kasanachilarni oʻqitish xarajatlari Bandlikka koʻmaklashish davlat jamgʻarmasi mablagʻlari hisobidan qoplab beriladi;
kasanachilik bilan shugʻullanmoqchi boʻlgan ishsiz shaxslar “Ishga marhamat” monomarkazlari, kasb-hunarga oʻqitish markazlari va mahalla aholisini kasb-hunarga oʻqitish maskanlarida talab etiladigan kasblarga oʻqitiladi.
10. Bandlik va mehnat munosabatlari vazirligi tashkiliy tuzilmasining umumiy shtatlar soni doirasida vazirlik markaziy apparatida, Qoraqalpogʻiston Respublikasi Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari tuzilmasida kasanachilik faoliyatini rivojlantirish va muvofiqlashtirishga masʼul boʻlgan boʻlimlar tashkil qilinsin.
Bandlik va mehnat munosabatlari vazirligiga quyidagi qoʻshimcha vazifa va funksiyalar yuklatilsin:
kasanachilik sohasida yagona davlat siyosati yuritilishini taʼminlash va hududlarning ixtisosligidan kelib chiqib, kasanachilik faoliyati boʻyicha maqsadli dasturlar ishlab chiqish;
kasanachilikni rivojlantirish boʻyicha ishlarni samarali tashkil etish orqali norasmiy bandlikni qisqartirish va mahallalarda ish bilan band boʻlmagan fuqarolarni kasanachilik faoliyatiga jalb qilish;
ishsiz fuqarolarni kasanachilik faoliyati boʻyicha kasb-hunarga oʻqitish ishlarini tashkil etish;
kasanachilik faoliyatini rivojlantirish yuzasidan ajratilayotgan subsidiyalarning maqsadliligini taʼminlash va maqsadsiz foydalanilgan subsidiyalarni Davlat budjetiga qaytarilishini taʼminlash;
ijtimoiy muhofazaga muhtoj aholi qatlamlariga kasanachilik bilan shugʻullanishlari uchun imtiyozlar berish boʻyicha takliflar ishlab chiqish.
11. Belgilansinki, ish beruvchi va kasanachi oʻrtasida tuzilgan mehnat, fuqarolik-huquqiy yoki pudrat shartnomalari Soliq qoʻmitasining Yagona elektron shartnomalar axborot portalida majburiy tartibda ish beruvchi tomonidan roʻyxatdan oʻtkaziladi.
12. Bandlik va mehnat munosabatlari vazirligi (N. Xusanov), Iqtisodiy taraqqiyot va kambagʻallikni qisqartirish vazirligi (S. Xolxoʻjayev), Moliya vazirligi (T. Ishmetov) ikki oy muddatda:
a) manfaatdor vazirlik va idoralar bilan birgalikda kasanachilik rivojlanishini samarali monitoring qilish uchun va idoralararo maʼlumot almashinuvini yoʻlga qoʻyish maqsadida “Yagona milliy mehnat tizimi” idoralararo dasturiy-apparat kompleksi tarkibida mavsumiy va kasanachilik ishlari portali ishga tushirilishini taʼminlasin;
b) quyidagilarni tasdiqlash uchun Vazirlar Mahkamasiga kiritsin:
kasanachilarga asbob-uskuna xarid qilib berish xarajatlari uchun tadbirkorlik subyektlariga Bandlikka koʻmaklashish davlat jamgʻarmasidan subsidiya ajratish va foydalanilmayotgan asbob-uskunalarga ajratilgan subsidiyalarni qaytarib olish tartibini;
olis va chekka hududlardagi mahallalarda kasanachilikni tashkil etgan tadbirkorlik subyektlariga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida subsidiya ajratish tartibini.
13. Axborot va ommaviy kommunikatsiyalar agentligi, Oʻzbekiston Milliy axborot agentligi va Oʻzbekiston Milliy teleradiokompaniyasi mazkur qarorning maqsadi, vazifalari va undan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
14. Bandlik va mehnat munosabatlari vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur qaror ijrosini samarali tashkil qilishga masʼul va shaxsiy javobgar etib bandlik va mehnat munosabatlari vaziri N.B. Xusanov belgilansin.
Qaror ijrosini nazorat qilish va ijro uchun masʼul idoralar faoliyatini muvofiqlashtirish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 21-aprel,
PQ-214-son
Президента Республики Узбекистан
Постановление
О дополнительных мерах обеспечения занятости населения на основе развития надомничества
В целях содействия занятости безработного населения, особенно женщин и трудоспособных лиц с инвалидностью, а также дальнейшего расширения производства и оказания услуг путем развития надомничества:
1. Разрешить с 1 июля 2022 года организацию надомничества на основе гражданско-правовых договоров, включая договоры подряда, на выполнение работ, производство товаров или оказание услуг наряду с трудовым договором.
Министерству занятости и трудовых отношений (Н. Хусанов) в месячный срок внести на утверждение в Кабинет Министров перечень видов деятельности, осуществляемых на условиях надомничества. При этом особое внимание уделить расширению видов услуг, осуществление которых возможно на условиях надомничества.
2. Установить, что:
а) в период с 1 июля 2022 года по 1 января 2025 года:
налог на доходы физических лиц надомникам рассчитывается с уменьшением на 50 процентов общего дохода с надомничества, но не более размера до одного миллиона сумов за отчетный период (один месяц);
надомники оплачивают социальный налог в порядке, установленном для самозанятых лиц;
б) субъектам предпринимательства, организовавшим надомничество в махаллях, выделяется единовременная субсидия на первые три месяца надомного труда каждого надомника в размере его среднемесячного дохода за счет средств Фонда поддержки ремесленничества и надомничества.
3. Распространить Порядок предоставления поручительства Государственным фондом поддержки предпринимательской деятельности ведущим субъектам предпринимательства в размере до 75 процентов суммы кредита, установленный постановлением Президента Республики Узбекистан от 5 августа 2021 года № ПП-5214 «О дополнительных мерах по дальнейшей поддержке предпринимательства и развитию кооперации между субъектами предпринимательства и населением в махаллях» также на субъекты предпринимательства с числом надомников не менее 10 человек, осуществляющие деятельность в махаллях.
5. Министерству занятости и трудовых отношений совместно с Советом Министров Республики Каракалпакстан, хокимиятами областей и города Ташкента в двухнедельный срок разработать план мер по обеспечению занятости населения путем развития надомничества отдельно по каждой территории.
7. Координаторам Программы развития семейного предпринимательства (С. Холхужаев, А. Камалов, Д. Султанов) совместно с Министерством занятости и трудовых отношений (Н. Хусанов) направить не менее 500 миллиардов сумов за счет кредитов, выделяемых в рамках программ развития семейного предпринимательства на 2022 год, на финансирование проектов развития надомного труда.
8. Министерству занятости и трудовых отношений (Н. Хусанов) по заявкам работодателей организовать обучение надомников в моноцентрах «Ишга мархамат», центрах профессионального обучения районов (городов) и пунктах профессионального обучения населения махалли. При этом:
помощники хокимов районов (городов) по вопросам развития предпринимательства, обеспечения занятости населения и сокращения бедности в махаллях и работники центров содействия занятости населения районов (городов) выявляют и формируют списки предпринимателей, желающих принять граждан на работу для осуществления надомнической деятельности, в разрезе направления их деятельности;
работники центров содействия занятости населения районов (городов) формируют перечень профессий для занятия надомнической деятельностью, предлагаемой предпринимателями;
расходы по обучению надомников покрываются за счет средств Государственного фонда содействия занятости;
безработные лица, желающие заниматься надомничеством, обучаются по требуемым профессиям в моноцентрах «Ишга мархамат», центрах профессионального обучения и пунктах профессионального обучения населения махалли.
10. В рамках общей штатной численности организационной структуры Министерства занятости и трудовых отношений образовать в центральном аппарате Министерства, структурах Министерства занятости и трудовых отношений Республики Каракалпакстан, главных управлений занятости областей и города Ташкента отделы, ответственные за развитие и координацию надомнической деятельности.
Возложить на Министерство занятости и трудовых отношений нижеследующие дополнительные задачи и функции:
обеспечение реализации единой государственной политики в сфере надомнической деятельности и разработку целевых программ надомнической деятельности исходя из специализации регионов;
сокращение неформальной занятости и привлечение незанятых граждан в махаллях к надомничеству путем эффективной организации работ по развитию надомничества;
организацию работ по профессиональному обучению надомнической деятельности безработных;
обеспечение целенаправленности субсидий, выделяемых на развитие надомнической деятельности, а также возврата в Государственный бюджет субсидий, использованных не по назначению;
разработку предложений о предоставлении льгот слоям населения, нуждающимся в социальной защите, для занятия надомничеством.
11. Определить, что трудовые, гражданско-правовые договоры или договоры подряда, заключенные между работодателями и надомниками, регистрируются работодателем на Едином информационном портале электронных договоров Налогового комитета в обязательном порядке.
12. Министерству занятости и трудовых отношений (Н. Хусанов), Министерству экономического развития и сокращения бедности (С. Холхужаев) и Министерству финансов (Т. Ишметов) в двухмесячный срок:
а) совместно с заинтересованными министерствами и ведомствами в целях осуществления эффективного мониторинга развития надомничества и внедрения межведомственного обмена данными обеспечить запуск Портала сезонных работ и надомничества в структуре Межведомственного аппаратно-программного комплекса «Единая национальная система труда»;
б) внести на утверждение в Кабинет Министров:
Порядок выделения субъектам предпринимательства субсидий на приобретение оборудования для надомников из Государственного фонда содействия занятости населения и возврата субсидий, выделенных на неиспользуемое оборудование;
Порядок выделения субсидий субъектам предпринимательства, организовавшим надомничество в махаллях, расположенных в отдаленных и труднодоступных районах, на первые три месяца надомного труда каждого надомника в размере его среднемесячного дохода.
13. Агентству информации и массовых коммуникаций, Национальному информационному агентству Узбекистана и Национальной телерадиокомпании Узбекистана организовать работу по широкому освещению целей и задач настоящего постановления, а также ожидаемых результатов в средствах массовой информации, сети Интернет и социальных сетях.
14. Министерству занятости и трудовых отношений совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
15. Возложить на министра занятости и трудовых отношений Н.Б. Хусанова персональную ответственность за эффективную организацию исполнения настоящего постановления.
Осуществление контроля и координации деятельности ведомств, ответственных за исполнение настоящего постановления, возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
21 апреля 2022 г.,
№ ПП-214