📅 2022-yil 25-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 25 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 25 апреля 2022 г. · Указы Президента
Официальный текст. Официальный документ. Редакционные примечания не включены.
📅 25 April 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Божхона ҳудудида қайта ишлаш божхона режими қўлланилишини соддалаштиришга оид қўшимча чора-тадбирлар тўғрисида
Саноат маҳсулотлари ишлаб чиқариш қувватларини кенгайтириш ҳамда тадбиркорлик субъектлари томонидан мавжуд ишлаб чиқариш қувватларидан тўлиқ фойдаланишни таъминлаш, экспортни қўллаб-қувватлаш учун қулай шарт-шароитлар яратиш, товарларни божхона ҳудудида қайта ишлаш режимига жойлаштириш тартиботларини соддалаштириш мақсадида:
1. Ўзбекистон Республикаси Божхона кодексига мувофиқ божхона ҳудудида товарларни қайта ишлаш бўйича операциялар қуйидагилардан иборатлиги маълумот учун қабул қилинсин:
олиб кирилган товарни унинг дастлабки хоссалари ва индивидуал кўрсаткичларини ўзгартириб, лекин қайта ишлаш маҳсулотида уни идентификациялаш имконини берувчи товар хусусиятларини сақлаган ҳолда бевосита қайта ишлаш ёки унга ишлов бериш;
олиб кирилган товардан фойдаланган ҳолда бошқа товар тайёрлаш, монтаж қилиш, йиғиш ёки қисмларга ажратиш, товарни таъмирлаш, шу жумладан уни тиклаш ва таркибий қисмларини алмаштириш;
қайта ишлаш маҳсулотларини ишлаб чиқаришга кўмаклашувчи ёки уларнинг ишлаб чиқарилишини енгиллаштирувчи бошқа товарлардан, агар бу товарлар қайта ишлаш жараёнида тўлиқ ёки қисман ишлатилса, хом ашё сифатида фойдаланиш.
2. 2022 йил 1 майдан бошлаб божхона ҳудудида қайта ишлаш божхона режимини қўллашнинг қуйидагиларни назарда тутувчи соддалаштирилган тартиби жорий этилсин:
а) товарларни қадоқлаш, ўраш (шу жумладан, қайта ўраш), саралаш, тозалаш, бошқа товарларга мослаштириш ва ускуналарни модернизация қилиш божхона ҳудудида қайта ишлаш операциялари ҳисобланади;
б) товарларни божхона ҳудудида қайта ишлаш божхона режимига жойлаштиришда товарларнинг техник жиҳатдан тартибга солиш соҳасидаги норматив ҳужжатлар талабларига мувофиқлигини мажбурий тасдиқлаш ҳамда санитария-эпидемиологик хулосани тақдим этиш талаб этилмайди;
в) қайта ишлаш маҳсулотларининг чиқиш нормалари агар ушбу нормалар белгиланган тартибда тасдиқланмаган бўлса, уларни қайта ишлаш технологияси, ишлаб чиқариш ва (ёки) юк операцияларидаги йўқотишларни ҳисобга олган ҳолда, қайта ишловчи субъект томонидан тасдиқланади ва божхона органига тақдим этилади.
Тақдим этилган чиқиш нормалари божхона ҳудудида қайта ишлаш учун рухсатномаларда қайд этилади ҳамда унинг ҳаққонийлиги учун қайта ишловчи субъект жавобгар ҳисобланади;
г) айнан бир хил турдаги товарларни қайта ишлаш бўйича, контрактлар сонидан қатъи назар, 2 йилдан кўп бўлмаган муддатга божхона органи томонидан умумий рухсатнома берилади. Бунда, ҳар бир қайта ишлаш операцияси (контракт) учун чиқиш нормаси тақдим этилади;
д) махсус иқтисодий зона иштирокчилари ва ваколатли иқтисодий операторлар учун божхона тўловлари тўланишини таъминлаш тартиби қўлланилмайди;
е) қайта ишлаш жараёнида ҳосил бўладиган чиқиндиларни «эркин муомалага чиқариш» божхона режимига расмийлаштиришда божхона божи ундирилмайди;
ж) товарларни қайта ишловчи ваколатли шахслар ҳар чоракда Давлат божхона қўмитасининг ахборот тизими орқали божхона ҳудудида қайта ишлаш божхона режимига риоя қилинганлиги тўғрисида ҳисоботларни Давлат божхона қўмитасининг расмий веб-сайтида эълон қилинган шаклга мувофиқ тақдим этади.
3. Белгилансинки:
товарлар экспорти учун Ўзбекистон Республикаси қонунчилиги билан белгиланган божхона йиғимлари ставкалари, имтиёзлар, преференциялар ва экспортни қўллаб-қувватлаш бўйича бошқа чоралар, шу жумладан темир йўлда ташиш тарифлари, субсидиялар ва компенсациялар «реэкспорт» божхона режимида олиб чиқиладиган қайта ишлаш маҳсулотларига ҳам татбиқ этилади;
божхона ҳудудида қайта ишлаш божхона режимини қўллашнинг мақсади товарларни таъмирлаш бўлса, товарни божхона ҳудудида қайта ишлашга рухсатнома талаб этилмайди;
товарларни божхона ҳудудида қайта ишлаш учун рухсатнома ташқи иқтисодий фаолият иштирокчиси томонидан кейинчалик бошқа шахсга (агар ушбу шахс мазкур рухсатнома бўйича барча мажбуриятларни ўз зиммасига олса) ўтказилиши мумкин;
ташқи иқтисодий фаолият иштирокчисининг аризасига асосан божхона органи товарларни божхона ҳудудида қайта ишлаш учун рухсатномаларда қайта ишлаш маҳсулотларининг чиқиш нормаларига, қайта ишлаш манзилига, томонларнинг реквизитларига, қайта ишлаш муддатига қонунчиликка зид бўлмаган ўзгартиришлар (қўшимчалар) киритиш ҳуқуқига эга.
4. Мазкур Фармонда назарда тутилган соддалаштирилган тартибни мувофиқлаштириш, унинг самарали ташкил этилишини таъминлаш, тадбиркорлик субъектлари орасида тарғиб қилиш мақсадида Давлат божхона қўмитаси марказий аппарати тузилмасида божхона органларининг умумий чекланган штат бирликлари доирасида 8 та штат бирлигидан иборат Божхона ҳудудида/ташқарисида қайта ишлаш божхона режимини такомиллаштириш бўйича бошқарма ташкил этилсин.
5. Инвестициялар ва ташқи савдо вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда эркин иқтисодий зоналар ҳудудларида мавжуд тайёр инфратузилмадан самарали фойдаланиб, божхона ҳудудида қайта ишлаш бўйича янги лойиҳаларни ушбу зоналарга жойлаштириш чораларини кўрсин.
Бунда, қайта ишлаш орқали электротехника ва озиқ-овқат маҳсулотлари ишлаб чиқариш қувватларини «Ургут», тайёр кийим-кечакларни «Чуст», маиший электротехника маҳсулотларини «Навоий» ва «Қўқон», фармацевтика маҳсулотларини «Бўстонлиқ», маиший ва саноат кимё маҳсулотларини «Ангрен» ва «Чирчиқ» эркин иқтисодий зоналарида жойлаштириш инобатга олинсин.
6. Иқтисодий тараққиёт ва камбағалликни қисқартириш вазирлиги манфаатдор идоралар билан биргаликда:
а) бир ой муддатда божхона ҳудудида қайта ишлаш учун зарур бўлган технологик асбоб-ускуналар рўйхатини шакллантириб, Вазирлар Маҳкамасининг 2021 йил 4 июндаги 352-сон қарори билан тасдиқланган рўйхатни кенгайтиришни;
б) икки ой муддатда:
муайян турдаги товарларни божхона ҳудудида/ташқарисида қайта ишлашда амалга оширилиши чекланган айрим операцияларнинг рўйхати ва муайян турдаги товарларга нисбатан божхона ҳудудида/ташқарисида қайта ишлашга йўл қўйилмайдиган ҳолатларни;
айрим турдаги товарларни қайта ишлаш маҳсулотларининг стандарт чиқиш нормаларини белгилашни назарда тутувчи қарор лойиҳаларини Вазирлар Маҳкамасига киритсин.
7. Инвестициялар ва ташқи савдо вазирлиги Давлат божхона қўмитаси ва Савдо-саноат палатаси билан биргаликда:
бир ой муддатда хорижий давлатлардан маҳсулот сотиб олиб, импорт қилмасдан учинчи давлатга тўғридан-тўғри сотиш тизимини жорий қилиш мақсадида Вазирлар Маҳкамасининг 2021 йил 8 июлдаги «Божхона маъмуриятчилиги ва тартиб-таомилларини янада соддалаштириш бўйича қўшимча чора-тадбирлар тўғрисида»ги 429-сон қарорига мувофиқ амалиётга киритилган «олиб кириш» ҳамда «олиб чиқиш» каби ташқи савдо контрактларини оммалаштиришга қаратилган, тақдимотлар, ўқитишларни ташкил этсин;
доимий равишда товарларни божхона ҳудудида қайта ишлаш, «божхона омбори», «эркин омбор», «реэкспорт» божхона режимларига расмийлаштириш тартиб-таомилларини амалга оширишда тадбиркорлик субъектларига амалий кўмаклашиш чораларини кўриб борсин;
товарларни мазкур режимларга расмийлаштиришнинг норматив-ҳуқуқий базасини янада такомиллаштириш, шунингдек, зарур ҳолларда, божхона ва бошқа тартиб-таомилларни янада соддалаштириш юзасидан Вазирлар Маҳкамасига тегишли таклифларни киритиб борсин;
тадбиркорлик субъектларига яратилган қулайликларни етказиш ҳамда юзага келаётган муаммоларни ўрганиш мақсадида, ҳар олти ойда бир марта «тадбиркорлар ҳафталиги» лойиҳасини амалга оширсин.
Белгилансинки, «реэкспорт» божхона режимида олиб чиқиладиган товарларга нисбатан товарлар экспорти учун қонунчиликда белгиланган божхона йиғимлари ставкалари татбиқ этилади.
8. Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда бир ой муддатда:
божхона ҳудудида қайта ишлаш билан шуғулланадиган корхоналар тўғрисидаги маълумотлар ва улар кўрсатадиган қайта ишлаш хизматлари;
республиканинг асосий талаби импорт ҳисобидан қопланаётган тайёр маҳсулотларни божхона ҳудудида қайта ишлаш божхона режимида ишлаб чиқариш учун зарур бўлган хом ашё ва материалларнинг янгилаб бориладиган рўйхатини Электрон кооперация порталига жойлаштириб боришни таъминласин.
9. Ўзбекистон Миллий ахборот агентлиги ва Ўзбекистон Миллий телерадиокомпанияси Давлат божхона қўмитаси, Савдо-саноат палатаси билан биргаликда оммавий ахборот воситаларида ушбу Фармоннинг мазмун-моҳиятини, шунингдек, божхона ҳудудида қайта ишлаш божхона режимининг афзалликларини очиб бериш учун нашрлар, эшиттиришлар ва тематик теледастурлар ташкил қилсин.
10. Ўзбекистон Республикаси Президентининг айрим ҳужжатларига иловага мувофиқ қўшимча ва ўзгартиришлар киритилсин.
11. Давлат божхона қўмитаси манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур Фармон ижросини самарали ташкил қилишга масъул ва шахсий жавобгар этиб Давлат божхона қўмитаси раиси А.Ю. Мавлонов белгилансин.
Мазкур Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва С.У. Умурзаков зиммасига юклансин.
Ўзбекистон Республикаси Президентининг 2022 йил 25 апрелдаги ПФ-115-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган қўшимча ва ўзгартиришлар
2. Ўзбекистон Республикаси Президентининг 2018 йил 29 ноябрдаги «Маҳаллий ишлаб чиқарувчиларнинг экспорт салоҳиятини янада рағбатлантириш чора-тадбирлари тўғрисида»ги ПФ-5587-сон Фармони 1-бандининг биринчи хатбошиси «реализация қилишдан тушган умумий тушумида экспорт» сўзларидан кейин «, шунингдек «реэкспорт» божхона режимида қайта ишлаш маҳсулотларини олиб чиқиш» сўзлари билан тўлдирилсин.
3. Ўзбекистон Республикаси Президентининг 2020 йил 21 октябрдаги «Экспорт фаолиятини молиявий қўллаб-қувватлашни янада кенгайтириш чора-тадбирлари тўғрисида»ги ПФ-6091-сон Фармони 1-бандининг биринчи хатбошиси «экспорт қилувчиларга, шу жумладан асосий фаолият тури савдо-воситачилик бўлган экспорт қилувчиларга» сўзларидан кейин «ҳамда «реэкспорт» божхона режимида қайта ишлаш маҳсулотларини олиб чиқувчиларга» сўзлари билан тўлдирилсин.
4. Ўзбекистон Республикаси Президентининг 2021 йил 7 сентябрдаги «Экспортчи корхоналарни рағбатлантиришга оид қўшимча чора-тадбирлар тўғрисида»ги ПФ-6306-сон Фармонида :
а) 2-банднинг иккинчи хатбошиси қуйидаги таҳрирда баён этилсин:
«Экспортни рағбатлантириш агентлиги томонидан йиллик экспорт ҳажми (шу жумладан «реэкспорт» божхона режимида олиб чиқилган қайта ишлаш маҳсулотлари) ҳажми 20 миллион АҚШ долларидан ошган корхоналарга экспорт (шу жумладан қайта ишлаш маҳсулотлари реэкспорти) билан боғлиқ савдо операциялари ва экспортолди молиялаштириш кредитлари учун тижорат банклари орқали бир марталик молиявий ресурслар 5 миллион АҚШ долларигача миқдорда ҳамда бир йилгача муддатга тақдим этилиши»;
б) 4-банднинг учинчи хатбошиси «Европа мамлакатларига қўшилган қиймати юқори бўлган маҳсулотларни экспорт қилишда» сўзларидан кейин «ҳамда «реэкспорт» божхона режимида қайта ишлаш маҳсулотларини олиб чиқишда» сўзлари билан тўлдирилсин.
5. Ўзбекистон Республикаси Президентининг 2019 йил 24 майдаги «Экспорт фаолиятини молиялаштириш ва суғурта ҳимояси механизмларини кенгайтириш чора-тадбирлари тўғрисида»ги ПҚ-4337-сон қарорида :
а) 1-банднинг биринчи хатбошиси «экспорт қилувчиларга» сўзларидан кейин «, шу жумладан «реэкспорт» божхона режимида қайта ишлаш маҳсулотларини олиб чиқувчиларга» сўзлари билан тўлдирилсин;
б) 3-банднинг биринчи хатбошиси «Маҳаллий экспорт қилувчи корхоналар» сўзларидан кейин «, шу жумладан қайта ишлаш маҳсулотларини олиб чиқувчилар» сўзлари билан тўлдирилсин.
7. Ўзбекистон Республикаси Президентининг 2021 йил 14 январдаги «2021 йилда Ўзбекистон Республикасининг экспорт салоҳиятини амалга ошириш чора-тадбирлари тўғрисида»ги ПҚ-4949-сон қарори 3-бандининг биринчи хатбошиси «маҳаллий экспортчи» сўзларидан кейин «, шунингдек қайта ишлаш маҳсулотларини олиб чиқадиган» сўзлари билан тўлдирилсин.
8. Ўзбекистон Республикаси Президентининг 2021 йил 21 апрелдаги «Тадбиркорликни қўллаб-қувватлаш тизимини такомиллаштириш, ишбилармонлик муҳитини янада яхшилаш бўйича қўшимча чора-тадбирлар тўғрисида»ги ПҚ-5087-сон қарори 1-бандининг «б» кичик банди қуйидаги таҳрирда баён этилсин:
«б) Экспортни рағбатлантириш агентлиги экспорт қилувчилар томонидан товарлар улар бўйича тўловларни кечиктириб тўлаш шарти билан экспорт қилинганда (шу жумладан корхоналар томонидан қайта ишлаш маҳсулотларини «реэкспорт» божхона режимида олиб чиқилганда), уларнинг айланма маблағларини тўлдириш учун револьвер кредитларни молиялаштиришга тижорат банкларига молиявий ресурслар тақдим этади. Бунда, ушбу ресурслар ҳисобидан кредитлар тўловлар кечиктирилган муддатга ва олиб чиқилаётган маҳсулотлар қиймати миқдорида, бироқ 3 миллион АҚШ доллари эквивалентидан кўп бўлмаган миқдорда, йиллик 4 фоизли ставка (шундан, 2 фоизи банк маржаси) билан ажратилади».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 25 апрель,
ПФ-115-сон
Oʻzbekiston Respublikasi Prezidentining
Farmoni
Bojxona hududida qayta ishlash bojxona rejimi qoʻllanilishini soddalashtirishga oid qoʻshimcha chora-tadbirlar toʻgʻrisida
Sanoat mahsulotlari ishlab chiqarish quvvatlarini kengaytirish hamda tadbirkorlik subyektlari tomonidan mavjud ishlab chiqarish quvvatlaridan toʻliq foydalanishni taʼminlash, eksportni qoʻllab-quvvatlash uchun qulay shart-sharoitlar yaratish, tovarlarni bojxona hududida qayta ishlash rejimiga joylashtirish tartibotlarini soddalashtirish maqsadida:
1. Oʻzbekiston Respublikasi Bojxona kodeksiga muvofiq bojxona hududida tovarlarni qayta ishlash boʻyicha operatsiyalar quyidagilardan iboratligi maʼlumot uchun qabul qilinsin:
olib kirilgan tovarni uning dastlabki xossalari va individual koʻrsatkichlarini oʻzgartirib, lekin qayta ishlash mahsulotida uni identifikatsiyalash imkonini beruvchi tovar xususiyatlarini saqlagan holda bevosita qayta ishlash yoki unga ishlov berish;
olib kirilgan tovardan foydalangan holda boshqa tovar tayyorlash, montaj qilish, yigʻish yoki qismlarga ajratish, tovarni taʼmirlash, shu jumladan uni tiklash va tarkibiy qismlarini almashtirish;
qayta ishlash mahsulotlarini ishlab chiqarishga koʻmaklashuvchi yoki ularning ishlab chiqarilishini yengillashtiruvchi boshqa tovarlardan, agar bu tovarlar qayta ishlash jarayonida toʻliq yoki qisman ishlatilsa, xom ashyo sifatida foydalanish.
2. 2022-yil 1-maydan boshlab bojxona hududida qayta ishlash bojxona rejimini qoʻllashning quyidagilarni nazarda tutuvchi soddalashtirilgan tartibi joriy etilsin:
a) tovarlarni qadoqlash, oʻrash (shu jumladan, qayta oʻrash), saralash, tozalash, boshqa tovarlarga moslashtirish va uskunalarni modernizatsiya qilish bojxona hududida qayta ishlash operatsiyalari hisoblanadi;
b) tovarlarni bojxona hududida qayta ishlash bojxona rejimiga joylashtirishda tovarlarning texnik jihatdan tartibga solish sohasidagi normativ hujjatlar talablariga muvofiqligini majburiy tasdiqlash hamda sanitariya-epidemiologik xulosani taqdim etish talab etilmaydi;
v) qayta ishlash mahsulotlarining chiqish normalari agar ushbu normalar belgilangan tartibda tasdiqlanmagan boʻlsa, ularni qayta ishlash texnologiyasi, ishlab chiqarish va (yoki) yuk operatsiyalaridagi yoʻqotishlarni hisobga olgan holda, qayta ishlovchi subyekt tomonidan tasdiqlanadi va bojxona organiga taqdim etiladi.
Taqdim etilgan chiqish normalari bojxona hududida qayta ishlash uchun ruxsatnomalarda qayd etiladi hamda uning haqqoniyligi uchun qayta ishlovchi subyekt javobgar hisoblanadi;
g) aynan bir xil turdagi tovarlarni qayta ishlash boʻyicha, kontraktlar sonidan qatʼi nazar, 2 yildan koʻp boʻlmagan muddatga bojxona organi tomonidan umumiy ruxsatnoma beriladi. Bunda, har bir qayta ishlash operatsiyasi (kontrakt) uchun chiqish normasi taqdim etiladi;
d) maxsus iqtisodiy zona ishtirokchilari va vakolatli iqtisodiy operatorlar uchun bojxona toʻlovlari toʻlanishini taʼminlash tartibi qoʻllanilmaydi;
e) qayta ishlash jarayonida hosil boʻladigan chiqindilarni “erkin muomalaga chiqarish” bojxona rejimiga rasmiylashtirishda bojxona boji undirilmaydi;
j) tovarlarni qayta ishlovchi vakolatli shaxslar har chorakda Davlat bojxona qoʻmitasining axborot tizimi orqali bojxona hududida qayta ishlash bojxona rejimiga rioya qilinganligi toʻgʻrisida hisobotlarni Davlat bojxona qoʻmitasining rasmiy veb-saytida eʼlon qilingan shaklga muvofiq taqdim etadi.
3. Belgilansinki:
tovarlar eksporti uchun Oʻzbekiston Respublikasi qonunchiligi bilan belgilangan bojxona yigʻimlari stavkalari, imtiyozlar, preferensiyalar va eksportni qoʻllab-quvvatlash boʻyicha boshqa choralar, shu jumladan temir yoʻlda tashish tariflari, subsidiyalar va kompensatsiyalar “reeksport” bojxona rejimida olib chiqiladigan qayta ishlash mahsulotlariga ham tatbiq etiladi;
bojxona hududida qayta ishlash bojxona rejimini qoʻllashning maqsadi tovarlarni taʼmirlash boʻlsa, tovarni bojxona hududida qayta ishlashga ruxsatnoma talab etilmaydi;
tovarlarni bojxona hududida qayta ishlash uchun ruxsatnoma tashqi iqtisodiy faoliyat ishtirokchisi tomonidan keyinchalik boshqa shaxsga (agar ushbu shaxs mazkur ruxsatnoma boʻyicha barcha majburiyatlarni oʻz zimmasiga olsa) oʻtkazilishi mumkin;
tashqi iqtisodiy faoliyat ishtirokchisining arizasiga asosan bojxona organi tovarlarni bojxona hududida qayta ishlash uchun ruxsatnomalarda qayta ishlash mahsulotlarining chiqish normalariga, qayta ishlash manziliga, tomonlarning rekvizitlariga, qayta ishlash muddatiga qonunchilikka zid boʻlmagan oʻzgartirishlar (qoʻshimchalar) kiritish huquqiga ega.
4. Mazkur Farmonda nazarda tutilgan soddalashtirilgan tartibni muvofiqlashtirish, uning samarali tashkil etilishini taʼminlash, tadbirkorlik subyektlari orasida targʻib qilish maqsadida Davlat bojxona qoʻmitasi markaziy apparati tuzilmasida bojxona organlarining umumiy cheklangan shtat birliklari doirasida 8 ta shtat birligidan iborat Bojxona hududida/tashqarisida qayta ishlash bojxona rejimini takomillashtirish boʻyicha boshqarma tashkil etilsin.
5. Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda erkin iqtisodiy zonalar hududlarida mavjud tayyor infratuzilmadan samarali foydalanib, bojxona hududida qayta ishlash boʻyicha yangi loyihalarni ushbu zonalarga joylashtirish choralarini koʻrsin.
Bunda, qayta ishlash orqali elektrotexnika va oziq-ovqat mahsulotlari ishlab chiqarish quvvatlarini “Urgut”, tayyor kiyim-kechaklarni “Chust”, maishiy elektrotexnika mahsulotlarini “Navoiy” va “Qoʻqon”, farmatsevtika mahsulotlarini “Boʻstonliq”, maishiy va sanoat kimyo mahsulotlarini “Angren” va “Chirchiq” erkin iqtisodiy zonalarida joylashtirish inobatga olinsin.
6. Iqtisodiy taraqqiyot va kambagʻallikni qisqartirish vazirligi manfaatdor idoralar bilan birgalikda:
a) bir oy muddatda bojxona hududida qayta ishlash uchun zarur boʻlgan texnologik asbob-uskunalar roʻyxatini shakllantirib, Vazirlar Mahkamasining 2021-yil 4-iyundagi 352-son qarori bilan tasdiqlangan roʻyxatni kengaytirishni;
b) ikki oy muddatda:
muayyan turdagi tovarlarni bojxona hududida/tashqarisida qayta ishlashda amalga oshirilishi cheklangan ayrim operatsiyalarning roʻyxati va muayyan turdagi tovarlarga nisbatan bojxona hududida/tashqarisida qayta ishlashga yoʻl qoʻyilmaydigan holatlarni;
ayrim turdagi tovarlarni qayta ishlash mahsulotlarining standart chiqish normalarini belgilashni nazarda tutuvchi qaror loyihalarini Vazirlar Mahkamasiga kiritsin.
7. Investitsiyalar va tashqi savdo vazirligi Davlat bojxona qoʻmitasi va Savdo-sanoat palatasi bilan birgalikda:
bir oy muddatda xorijiy davlatlardan mahsulot sotib olib, import qilmasdan uchinchi davlatga toʻgʻridan-toʻgʻri sotish tizimini joriy qilish maqsadida Vazirlar Mahkamasining 2021-yil 8-iyuldagi “Bojxona maʼmuriyatchiligi va tartib-taomillarini yanada soddalashtirish boʻyicha qoʻshimcha chora-tadbirlar toʻgʻrisida”gi 429-son qaroriga muvofiq amaliyotga kiritilgan “olib kirish” hamda “olib chiqish” kabi tashqi savdo kontraktlarini ommalashtirishga qaratilgan, taqdimotlar, oʻqitishlarni tashkil etsin;
doimiy ravishda tovarlarni bojxona hududida qayta ishlash, “bojxona ombori”, “erkin ombor”, “reeksport” bojxona rejimlariga rasmiylashtirish tartib-taomillarini amalga oshirishda tadbirkorlik subyektlariga amaliy koʻmaklashish choralarini koʻrib borsin;
tovarlarni mazkur rejimlarga rasmiylashtirishning normativ-huquqiy bazasini yanada takomillashtirish, shuningdek, zarur hollarda, bojxona va boshqa tartib-taomillarni yanada soddalashtirish yuzasidan Vazirlar Mahkamasiga tegishli takliflarni kiritib borsin;
tadbirkorlik subyektlariga yaratilgan qulayliklarni yetkazish hamda yuzaga kelayotgan muammolarni oʻrganish maqsadida, har olti oyda bir marta “tadbirkorlar haftaligi” loyihasini amalga oshirsin.
Belgilansinki, “reeksport” bojxona rejimida olib chiqiladigan tovarlarga nisbatan tovarlar eksporti uchun qonunchilikda belgilangan bojxona yigʻimlari stavkalari tatbiq etiladi.
8. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda:
bojxona hududida qayta ishlash bilan shugʻullanadigan korxonalar toʻgʻrisidagi maʼlumotlar va ular koʻrsatadigan qayta ishlash xizmatlari;
respublikaning asosiy talabi import hisobidan qoplanayotgan tayyor mahsulotlarni bojxona hududida qayta ishlash bojxona rejimida ishlab chiqarish uchun zarur boʻlgan xom ashyo va materiallarning yangilab boriladigan roʻyxatini Elektron kooperatsiya portaliga joylashtirib borishni taʼminlasin.
9. Oʻzbekiston Milliy axborot agentligi va Oʻzbekiston Milliy teleradiokompaniyasi Davlat bojxona qoʻmitasi, Savdo-sanoat palatasi bilan birgalikda ommaviy axborot vositalarida ushbu Farmonning mazmun-mohiyatini, shuningdek, bojxona hududida qayta ishlash bojxona rejimining afzalliklarini ochib berish uchun nashrlar, eshittirishlar va tematik teledasturlar tashkil qilsin.
10. Oʻzbekiston Respublikasi Prezidentining ayrim hujjatlariga ilovaga muvofiq qoʻshimcha va oʻzgartirishlar kiritilsin.
11. Davlat bojxona qoʻmitasi manfaatdor vazirlik va idoralar bilan birgalikda bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur Farmon ijrosini samarali tashkil qilishga masʼul va shaxsiy javobgar etib Davlat bojxona qoʻmitasi raisi A.Yu. Mavlonov belgilansin.
Mazkur Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va S.U. Umurzakov zimmasiga yuklansin.
Oʻzbekiston Respublikasi Prezidentining 2022-yil 25-apreldagi PF-115-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan qoʻshimcha va oʻzgartirishlar
2. Oʻzbekiston Respublikasi Prezidentining 2018-yil 29-noyabrdagi “Mahalliy ishlab chiqaruvchilarning eksport salohiyatini yanada ragʻbatlantirish chora-tadbirlari toʻgʻrisida”gi PF-5587-son Farmoni 1-bandining birinchi xatboshisi “realizatsiya qilishdan tushgan umumiy tushumida eksport” soʻzlaridan keyin “, shuningdek “reeksport” bojxona rejimida qayta ishlash mahsulotlarini olib chiqish” soʻzlari bilan toʻldirilsin.
3. Oʻzbekiston Respublikasi Prezidentining 2020-yil 21-oktabrdagi “Eksport faoliyatini moliyaviy qoʻllab-quvvatlashni yanada kengaytirish chora-tadbirlari toʻgʻrisida”gi PF-6091-son Farmoni 1-bandining birinchi xatboshisi “eksport qiluvchilarga, shu jumladan asosiy faoliyat turi savdo-vositachilik boʻlgan eksport qiluvchilarga” soʻzlaridan keyin “hamda “reeksport” bojxona rejimida qayta ishlash mahsulotlarini olib chiquvchilarga” soʻzlari bilan toʻldirilsin.
4. Oʻzbekiston Respublikasi Prezidentining 2021-yil 7-sentabrdagi “Eksportchi korxonalarni ragʻbatlantirishga oid qoʻshimcha chora-tadbirlar toʻgʻrisida”gi PF-6306-son Farmonida :
a) 2-bandning ikkinchi xatboshisi quyidagi tahrirda bayon etilsin:
“Eksportni ragʻbatlantirish agentligi tomonidan yillik eksport hajmi (shu jumladan “reeksport” bojxona rejimida olib chiqilgan qayta ishlash mahsulotlari) hajmi 20 million AQSH dollaridan oshgan korxonalarga eksport (shu jumladan qayta ishlash mahsulotlari reeksporti) bilan bogʻliq savdo operatsiyalari va eksportoldi moliyalashtirish kreditlari uchun tijorat banklari orqali bir martalik moliyaviy resurslar 5 million AQSH dollarigacha miqdorda hamda bir yilgacha muddatga taqdim etilishi”;
b) 4-bandning uchinchi xatboshisi “Yevropa mamlakatlariga qoʻshilgan qiymati yuqori boʻlgan mahsulotlarni eksport qilishda” soʻzlaridan keyin “hamda “reeksport” bojxona rejimida qayta ishlash mahsulotlarini olib chiqishda” soʻzlari bilan toʻldirilsin.
5. Oʻzbekiston Respublikasi Prezidentining 2019-yil 24-maydagi “Eksport faoliyatini moliyalashtirish va sugʻurta himoyasi mexanizmlarini kengaytirish chora-tadbirlari toʻgʻrisida”gi PQ-4337-son qarorida :
a) 1-bandning birinchi xatboshisi “eksport qiluvchilarga” soʻzlaridan keyin “, shu jumladan “reeksport” bojxona rejimida qayta ishlash mahsulotlarini olib chiquvchilarga” soʻzlari bilan toʻldirilsin;
b) 3-bandning birinchi xatboshisi “Mahalliy eksport qiluvchi korxonalar” soʻzlaridan keyin “, shu jumladan qayta ishlash mahsulotlarini olib chiquvchilar” soʻzlari bilan toʻldirilsin.
7. Oʻzbekiston Respublikasi Prezidentining 2021-yil 14-yanvardagi “2021-yilda Oʻzbekiston Respublikasining eksport salohiyatini amalga oshirish chora-tadbirlari toʻgʻrisida”gi PQ-4949-son qarori 3-bandining birinchi xatboshisi “mahalliy eksportchi” soʻzlaridan keyin “, shuningdek qayta ishlash mahsulotlarini olib chiqadigan” soʻzlari bilan toʻldirilsin.
8. Oʻzbekiston Respublikasi Prezidentining 2021-yil 21-apreldagi “Tadbirkorlikni qoʻllab-quvvatlash tizimini takomillashtirish, ishbilarmonlik muhitini yanada yaxshilash boʻyicha qoʻshimcha chora-tadbirlar toʻgʻrisida”gi PQ-5087-son qarori 1-bandining “b” kichik bandi quyidagi tahrirda bayon etilsin:
“b) Eksportni ragʻbatlantirish agentligi eksport qiluvchilar tomonidan tovarlar ular boʻyicha toʻlovlarni kechiktirib toʻlash sharti bilan eksport qilinganda (shu jumladan korxonalar tomonidan qayta ishlash mahsulotlarini “reeksport” bojxona rejimida olib chiqilganda), ularning aylanma mablagʻlarini toʻldirish uchun revolver kreditlarni moliyalashtirishga tijorat banklariga moliyaviy resurslar taqdim etadi. Bunda, ushbu resurslar hisobidan kreditlar toʻlovlar kechiktirilgan muddatga va olib chiqilayotgan mahsulotlar qiymati miqdorida, biroq 3 million AQSH dollari ekvivalentidan koʻp boʻlmagan miqdorda, yillik 4 foizli stavka (shundan, 2 foizi bank marjasi) bilan ajratiladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 25-aprel,
PF-115-son
Президента Республики Узбекистан
Указ
О дополнительных мерах по упрощению применения таможенного режима «переработка на таможенной территории»
В целях расширения мощностей по производству промышленной продукции и обеспечения полного использования действующих производственных мощностей субъектами предпринимательства, создания благоприятных условий для поддержки экспорта, а также упрощения процедур помещения товаров под режим «переработка на таможенной территории»:
1. Принять к сведению, что в соответствии с Таможенным кодексом Республики Узбекистан операциями по переработке товаров на таможенной территории являются:
непосредственная переработка или обработка ввезенного товара с изменением его первоначальных свойств и индивидуальных показателей, но с сохранением в продукте переработки таких характеристик товара, которые позволяют его идентифицировать;
изготовление другого товара, монтаж, сборка или разборка, ремонт товара, включая его восстановление и замену составных частей, с использованием ввезенного товара;
использование в качестве сырья иных товаров, содействующих или облегчающих производство продуктов переработки, если эти товары полностью или частично используются в процессе переработки.
2. Внедрить с 1 мая 2022 года упрощенный порядок применения таможенного режима «переработка на таможенной территории», в соответствии с которым:
а) расфасовка, упаковка (в том числе переупаковка), сортировка, очистка товара, его подгонка к другим товарам и модернизация оборудования считаются операциями переработки на таможенной территории;
б) при помещении товаров под таможенный режим «переработка на таможенной территории» обязательное подтверждение соответствия товаров требованиям нормативных актов в области технического регулирования и представление санитарно-эпидемиологического заключения не требуются;
в) нормы выхода продуктов переработки, если эти нормы не утверждены в установленном порядке, утверждаются субъектом переработки и представляются в таможенный орган с учетом потерь в технологии их переработки, производстве и (или) грузовых операциях.
Представленные нормы выхода фиксируются в разрешениях на переработку на таможенной территории, и ответственность за их достоверность несет субъект переработки;
г) на переработку однотипных товаров, независимо от количества контрактов, таможенным органом выдается генеральное разрешение на срок, не превышающий 2 лет. При этом для каждой операции переработки (контракта) представляется норма выхода;
д) к участникам специальных экономических зон и уполномоченным экономическим операторам порядок обеспечения оплаты таможенных платежей не применяется;
е) при оформлении отходов, образующихся в процессе переработки, в таможенный режим «выпуск для свободного обращения» таможенная пошлина не взимается;
ж) уполномоченные лица, занимающиеся переработкой товаров, ежеквартально представляют отчеты о соблюдении таможенного режима «переработка на таможенной территории» по форме, соответствующей опубликованной на официальном веб-сайте Государственного таможенного комитета, посредством информационной системы Государственного таможенного комитета.
3. Установить, что:
ставки таможенных сборов, льготы, преференции и иные меры поддержки экспорта, включая тарифы на железнодорожные перевозки, субсидии и компенсации, определенные законодательством Республики Узбекистан при экспорте товаров, применяются также к продуктам переработки, вывозимым в таможенном режиме «реэкспорт»;
в случаях, когда целью применения таможенного режима «переработка на таможенной территории» является ремонт товаров, разрешение на переработку товаров на таможенной территории не требуется;
разрешение на переработку товаров на таможенной территории в дальнейшем может быть передано участником внешнеэкономической деятельности другому лицу (если это лицо примет на себя все обязательства по данному разрешению);
на основании заявления участника внешнеэкономической деятельности таможенный орган имеет право вносить не противоречащие законодательству изменения (дополнения) в нормы выхода продуктов переработки, адрес переработки, реквизиты сторон, срок переработки в разрешениях на переработку товаров на таможенной территории.
4. В целях координации, обеспечения эффективной организации и пропаганды среди субъектов предпринимательства упрощенного порядка, предусмотренного в настоящем Указе, создать в структуре центрального аппарата Государственного таможенного комитета Управление по совершенствованию таможенного режима «переработка на/вне таможенной территории» из восьми штатных единиц в рамках общей предельной штатной численности таможенных органов.
5. Министерству инвестиций и внешней торговли совместно с Советом Министров Республики Каракалпакстан, хокимиятами областей и города Ташкента принять меры по размещению новых проектов переработки на таможенной территории в свободных экономических зонах с эффективной эксплуатацией действующей готовой инфраструктуры на территории данных зон.
При этом принять во внимание размещение мощностей производства электротехнической и продовольственной продукции в свободной экономической зоне «Ургут», готовой одежды — в свободной экономической зоне «Чуст», бытовой электротехнической продукции — в свободных экономических зонах «Навои» и «Коканд», фармацевтической продукции — в свободной экономической зоне «Бустонлык», бытовой и промышленной химической продукции — в свободных экономических зонах «Ангрен» и «Чирчик» путем переработки.
6. Министерству экономического развития и сокращения бедности совместно с заинтересованными ведомствами внести в Кабинет Министров проекты постановлений, предусматривающие:
а) в месячный срок расширение перечня, утвержденного постановлением Кабинета Министров от 4 июня 2021 года № 352 с формированием перечня технологического оборудования, необходимого для переработки на таможенной территории;
б) в двухмесячный срок:
перечень отдельных операций, осуществление которых ограничено при переработке определенных видов товаров на/вне таможенной территории, и обстоятельства, не допускающие переработку определенных видов товаров на/вне таможенной территории;
определение стандартных норм выхода продуктов переработки отдельных видов товаров.
7. Министерству инвестиций и внешней торговли совместно с Государственным таможенным комитетом и Торгово-промышленной палатой:
в месячный срок в целях внедрения системы закупки из зарубежных государств и прямой реализации в третьи страны без импорта продукции организовать презентации и обучения, направленные на популяризацию внешнеэкономических контрактов «ввоз» и «вывоз», внедренных в практику в соответствии с постановлением Кабинета Министров от 8 июля 2021 года № 429 «О дополнительных мерах по дальнейшему упрощению таможенного администрирования и процедур»;
на постоянной основе принимать меры по оказанию практического содействия субъектам предпринимательства при осуществлении процедур таможенного оформления товаров в таможенные режимы «переработка на таможенной территории», «таможенный склад», «свободный склад», «реэкспорт»;
регулярно вносить в Кабинет Министров соответствующие предложения о дальнейшем совершенствовании нормативно-правовой базы оформления товаров в указанные режимы, при необходимости — дальнейшем упрощении таможенных и иных процедур;
один раз в шесть месяцев реализовывать проект «Неделя предпринимателей» в целях информирования субъектов предпринимательства о созданных удобствах и изучения возникающих проблем.
Установить, что к товарам, вывозимым в таможенном режиме «реэкспорт», применяются ставки таможенных сборов, определенные законодательством для экспорта товаров.
8. Министерству инвестиций и внешней торговли совместно с Министерством экономического развития и сокращения бедности, Советом Министров Республики Каракалпакстан, хокимиятами областей и города Ташкента в месячный срок обеспечивать размещение на Электронном кооперационном портале:
сведений о предприятиях, занимающихся переработкой на таможенной территории, и оказываемых ими услугах по переработке;
постоянно обновляемого перечня сырья и материалов, необходимых для производства под таможенным режимом «переработка на таможенной территории» готовой продукции, основная потребность республики в которой покрывается за счет импорта.
9. Национальному информационному агентству Узбекистана и Национальной телерадиокомпании Узбекистана совместно с Государственным таможенным комитетом и Торгово-промышленной палатой регулярно публиковать в средствах массовой информации статьи, а также организовывать вещания и тематические телепрограммы по раскрытию сути и содержания настоящего Указа, преимуществ таможенного режима «переработка на таможенной территории».
10. Внести изменения и дополнения в некоторые акты Президента Республики Узбекистан согласно приложению .
11. Государственному таможенному комитету совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
12. Возложить на председателя Государственного таможенного комитета А.Ю. Мавлонова персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителей Премьер-министра Республики Узбекистан Д.А. Кучкарова и С.У. Умурзакова.
ПРИЛОЖЕНИЕ к Указу Президента Республики Узбекистан от 25 апреля 2022 года № УП-115
Изменения и дополнения, вносимые в некоторые акты Президента Республики Узбекистан
2. Абзац первый пункта 1 Указа Президента Республики Узбекистан от 29 ноября 2018 года № УП-5587 «О мерах по дальнейшему стимулированию экспортного потенциала отечественных производителей» после слов «имеющие долю экспорта в общей выручке от реализации товаров (работ, услуг)» дополнить словами «, а также от вывоза продуктов переработки в таможенном режиме «реэкспорт».
3. Абзац первый пункта 1 Указа Президента Республики Узбекистан от 21 октября 2020 года № УП-6091 «О мерах по дальнейшему расширению финансовой поддержки экспортной деятельности» после слов «экспортерам, в том числе основным видом деятельности которых является торговое посредничество,» дополнить словами «а также вывозящим продукты переработки в таможенном режиме «реэкспорт».
4. В Указе Президента Республики Узбекистан от 7 сентября 2021 года № УП-6306 «О дополнительных мерах по стимулированию предприятий-экспортеров»:
а) абзац второй пункта 2 изложить в следующей редакции:
«Агентством продвижения экспорта единовременных финансовых ресурсов в размере до 5 миллионов долларов США на срок до одного года предприятиям, годовой объем экспорта (в том числе продуктов переработки, вывезенных в таможенном режиме «реэкспорт») которых превышает 20 миллионов долларов США, для кредитов на торговые операции, связанные с экспортом (в том числе реэкспортом продуктов переработки), и предэкспортного финансирования через коммерческие банки»;
б) абзац третий пункта 4 после слов «при экспорте продукции с высокой добавленной стоимостью в страны Европы» дополнить словами «, а также при вывозе продуктов переработки в таможенном режиме «реэкспорт»;
5. В постановлении Президента Республики Узбекистан от 24 мая 2019 года № ПП-4337 «О мерах по расширению механизмов финансирования и страховой защиты экспортной деятельности»:
а) абзац первый пункта 1 после слов «предоставляет экспортерам» дополнить словами «, в том числе вывозящим продукты переработки в таможенном режиме «реэкспорт»;
б) абзац первый пункта 3 после слов «отечественным предприятиям-экспортерам» дополнить словами «, в том числе вывозящим продукты переработки».
7. Абзац первый пункта 3 постановления Президента Республики Узбекистан от 14 января 2021 года № ПП-4949 «О мерах по реализации экспортного потенциала Республики Узбекистан на 2021 год» после слов «отечественных организаций-экспортеров» дополнить словами «, а также организаций, вывозящих продукты переработки».
8. Подпункт «б» пункта 1 постановления Президента Республики Узбекистан от 21 апреля 2021 года № ПП-5087 «О дополнительных мерах по совершенствованию системы поддержки предпринимательства, дальнейшему улучшению делового климата» изложить в следующей редакции:
«б) Агентством продвижения экспорта коммерческим банкам предоставляются финансовые ресурсы для финансирования револьверных кредитов на пополнение оборотных средств экспортеров при экспорте ими товаров (в том числе при вывозе предприятиями продуктов переработки в таможенном режиме «реэкспорт») с условием отсрочки платежей по ним. При этом кредиты за счет данных ресурсов выделяются по ставке 4 процента годовых (в том числе маржа банка — 2 процента) на срок отсрочки платежей и в размере стоимости вывозимой продукции, но в эквиваленте не более 3 миллионов долларов США.».
Президент Республики Узбекистан Ш. МИРЗИЁЕВ
г. Ташкент,
25 апреля 2022 г.,
№ УП-115