📅 2022-yil 27-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 27 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 апреля 2022 г. · Постановления Президента
Официальный текст. Официальный документ. Редакционные примечания не включены.
📅 27 April 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Қишлоқ хўжалиги маҳсулотларини етиштириш харажатларини молиялаштириш ва уларни харид қилиш тизимини такомиллаштириш чора-тадбирлари тўғрисида
Боғдорчилик тармоғи ва иссиқхона хўжаликларида юқори қўшилган қийматли маҳсулотлар ишлаб чиқариш, шунингдек, қишлоқ хўжалиги маҳсулотлари етиштирувчиларни моддий ресурслар (хизматлар) билан узлуксиз таъминлаш ҳамда етиштирилган маҳсулотларни кафолатли харид қилиш тизимини яратиш мақсадида:
1. Қишлоқ хўжалиги вазирлиги, Иқтисодиёт ва молия вазирлиги ҳамда Қишлоқ хўжалигида хизматлар кўрсатиш агентлигининг (кейинги ўринларда — Қишлоқ хўжалигида хизматлар агентлиги) мева-сабзавотчилик соҳасини давлат томонидан қўллаб-қувватлаш учун ажратилиши кўзда тутилган маблағлар ҳисобидан Боғдорчилик ва иссиқхона хўжалигини ривожлантириш жамғармасига 12 ой муддатга, шу жумладан 11 ойлик имтиёзли давр билан 2022 йилда 300 миллиард сўм, 2023 йилда 400 миллиард сўм бюджет ссудасини йиллик 10 фоиз ставкада ажратиш тўғрисидаги таклифи маъқуллансин.
Иқтисодиёт ва молия вазирлигига қайтарилган маблағлар ҳисобидан йил давомида Қишлоқ хўжалигида хизматлар агентлигининг буюртмаси асосида қўшимча бюджет ссудаси ажратиб борилишини таъминлаш вазифаси юклатилсин. Бунда, ажратилган бюджет ссудаси бўйича қарздорликнинг жами суммаси мазкур қарор доирасида 2022 йилда 300 миллиард сўмдан, 2023 йилда 400 миллиард сўмдан ошиб кетмаслиги белгилаб қўйилсин.
2. Белгилансинки, бюджет ссудаси ҳисобидан:
қишлоқ хўжалиги корхоналарига — мева, узум, сабзавот, картошка, полиз экинлари, гул, кўкатлар ва доривор ўсимликлар, тут, пилла, маккажўхори дони, дуккакли ва мойли экинларни (кейинги ўринларда — қишлоқ хўжалиги экинлари) етиштириш учун зарур бўлган моддий-техник ресурслар, шу жумладан уруғлик ва кўчат етказиб бериш, шунингдек, қишлоқ хўжалиги хизматларини кўрсатиш учун;
қайта ишловчи, сақловчи ва экспорт қилувчиларга, шу жумладан «Агросервис оператор» давлат унитар корхонасига — етиштирилган қишлоқ хўжалиги экинларини харид қилиш учун талаб этиладиган айланма маблағларини тўлдириш учун йиллик 14 фоиз ставкада қарз маблағлари ажратилади.
Бунда, олинган қарз маблағларини ўз вақтида қайтарган, ижобий кредит тарихига эга, қўшилган қиймат занжирини яратган тадбиркорлик субъектларига қарз маблағлари фоиз ставкасини бир фоиз бандга туширган ҳолда 13 фоиз миқдорида тақдим этилади.
3. Қишлоқ хўжалиги корхоналарига қишлоқ хўжалиги экинларини етиштириш учун зарур бўлган моддий-техник ресурслар, шу жумладан уруғлик ва кўчатларни етказиб бериш ҳамда қишлоқ хўжалиги хизматларини кўрсатиш вазифаси Қишлоқ хўжалиги вазирлиги ҳузуридаги «Агросервис оператор» давлат унитар корхонасига юклатилсин.
4. Шундай тартиб жорий этилсинки, унга мувофиқ:
«Агросервис оператор» давлат унитар корхонаси томонидан қишлоқ хўжалиги экинлари етиштириш учун зарур бўлган моддий-техник ресурслар, шу жумладан уруғлик ва кўчат етказиб бериш, шунингдек, қишлоқ хўжалиги хизматларини кўрсатиш қарз шартномаси асосида қишлоқ хўжалиги корхоналарига қишлоқ хўжалиги экинларининг вегетация давридан ортиқ бўлмаган муддатга йиллик 14 фоиз ставкада амалга оширилади;
мазкур қарор доирасида моддий-техник ресурслар, шу жумладан уруғлик ва кўчатлар ҳамда қишлоқ хўжалиги хизматлари «Агросервис оператор» давлат унитар корхонаси томонидан биржа савдоларидан харид қилиш ва (ёки) етказиб берувчиларнинг энг яхши таклифларини танлаш усули орқали етказиб берилади ва кўрсатилади;
қишлоқ хўжалиги маҳсулоти етиштирувчи, қайта ишловчи, сақловчи ва экспорт қилувчиларга (бундан «Агросервис оператор» давлат унитар корхонаси мустасно) қарз маблағлари уларни қайтмаслик хатарини суғурта қилиш бўйича суғурта полиси тақдим этилгандан сўнг ажратилади.
5. Қишлоқ хўжалиги маҳсулотларини етиштириш харажатларини молиялаштириш ва уларни харид қилиш ишларини мувофиқлаштириш бўйича комиссия 1-иловага мувофиқ таркибда тузилсин.
Қуйидагилар комиссиянинг (Ж.А. Ходжаев) вазифалари этиб белгилансин:
қишлоқ хўжалиги экинларини етиштириш учун зарур бўлган моддий-техник ресурслар, шу жумладан уруғлик ва кўчат етказиб бериш ҳамда қишлоқ хўжалиги хизматларини кўрсатиш учун қарз маблағлари ажратиладиган йўналишлар ва лойиҳаларни белгилаш;
«Агросервис оператор» давлат унитар корхонаси томонидан харид қилинадиган товарлар (ишлар, хизматлар)нинг етказиб берувчиларини танлаш;
«Агросервис оператор» давлат унитар корхонаси ва қишлоқ хўжалиги корхоналари томонидан қарз маблағларидан самарали ва манзилли фойдаланилиши устидан тизимли мониторинг ишларини ташкил этиш;
қишлоқ хўжалиги экинларини етиштириш учун зарур бўлган моддий-техник ресурслар, шу жумладан уруғлик ва кўчат етказиб бериш, шунингдек, қишлоқ хўжалиги хизматларини кўрсатишга давлат-хусусий шериклик шартномалари асосида тадбиркорлик субъектларини жалб қилиш;
қишлоқ хўжалиги маҳсулотларини етиштириш харажатларини молиялаштириш ва уларни харид қилиш жараёнида юзага келадиган муаммоларни бартараф этиш бўйича Ҳукуматга таклифлар киритиб бориш.
6. Қишлоқ хўжалиги вазирлиги (Ж.А. Ходжаев), Ўзбекистон фермер, деҳқон хўжаликлари ва томорқа ер эгалари кенгаши (А.А. Хаитов) ҳамда Боғдорчилик агентлиги (Х.М. Каримов):
а) Адлия вазирлиги билан биргаликда бир ҳафта муддатда мазкур қарор доирасида назарда тутилган қарз маблағларини ажратиш бўйича намунавий шартнома шаклларини ишлаб чиқсин;
б) Қорақалпоғистон Республикаси Вазирлар Кенгаши Раиси, вилоят, туман (шаҳар) ҳокимлари билан биргаликда икки ҳафта муддатда:
ҳосилдор уруғ ва кўчат навларини, ўғит ва ўсимликлар ҳимояси воситаларини жойларга етказиб, дала ярмаркаларини ўтказиш ҳамда экинларни ер майдонларида «бир контур — бир маҳсулот» тамойили асосида жойлаштиришни ташкил қилиш;
қишлоқ хўжалиги маҳсулотларини кафолатли харид қилиш бўйича шартномалар тузиш ишларини ташкил қилиш чораларини кўрсин.
7. Қишлоқ хўжалиги вазирлиги (Ж.А. Ходжаев) Молия вазирлиги (Т.А. Ишметов) билан биргаликда 2022 йил 1 декабрга қадар 2022 йил тажрибаси натижаларидан келиб чиқиб, мазкур амалиётни янада такомиллаштириш юзасидан Вазирлар Маҳкамасига таклиф киритсин.
8. Қорақалпоғистон Республикаси Вазирлар Кенгаши ва вилоятлар ҳокимликлари Ўзбекистон фермер, деҳқон хўжаликлари ва томорқа ер эгалари кенгаши (А.А. Хаитов), Қишлоқ хўжалиги вазирлиги (Ж.А. Ходжаев) билан биргаликда ҳар бир ҳудудда мазкур қарорнинг мазмун-моҳиятини тушунтириш бўйича тақдимотлар ва семинарлар ўтказсин.
9. Ахборот ва оммавий коммуникациялар агентлиги (А.А. Ходжаев), Ўзбекистон Миллий ахборот агентлиги (А.К. Кўчимов), Ўзбекистон Миллий телерадиокомпанияси (А.Ж. Ходжаев) Қишлоқ хўжалиги вазирлиги (Ж.А. Ходжаев), Ўзбекистон фермер, деҳқон хўжаликлари ва томорқа ер эгалари кенгаши (А.А. Хаитов) билан биргаликда оммавий ахборот воситаларида мазкур қарорнинг мазмун-моҳиятини ёритиш бўйича туркум телекўрсатувлар намойиш этилишини доимий ташкил этсин.
10. Ҳисоб палатаси (Б.Т. Турабов) Молия вазирлиги ҳузуридаги Давлат молиявий назорати инспекцияси билан биргаликда мазкур қарорда назарда тутилган маблағларнинг ўз вақтида ажратилиши ва мақсадли сарфланиши устидан доимий назорат ўрнатсин.
11. Ўзбекистон Республикаси Президентининг 2021 йил 15 декабрдаги «Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида»ги ПҚ-52-сон қарорига 2-иловага мувофиқ ўзгартиришлар ва қўшимча киритилсин.
12. Мазкур қарор ижросини самарали ташкил қилишга масъул ва шахсий жавобгар этиб қишлоқ хўжалиги вазири Ж.А. Ходжаев, Боғдорчилик ва иссиқхона хўжалигини ривожлантириш агентлиги директори Х.М. Каримов ҳамда Қорақалпоғистон Республикаси Вазирлар Кенгаши Раиси ва вилоятлар ҳокимлари белгилансин.
Қарор ижроси учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосарлари Ш.М. Ғаниев ва Ж.А. Қўчқоров зиммасига юклансин.
Ўзбекистон Республикаси Президентининг 2022 йил 27 апрелдаги ПҚ-225-сон қарорига 1-ИЛОВА
Қишлоқ хўжалиги маҳсулотларини етиштириш харажатларини молиялаштириш ва уларни харид қилиш ишларини мувофиқлаштириш бўйича комиссия
1. Ж. Ходжаев — қишлоқ хўжалиги вазири, Комиссия раиси 2. Ш. Мирзаев — қишлоқ хўжалиги вазири ўринбосари, Комиссия раиси ўринбосари 3. Лавозими бўйича — Агросаноатни ривожлантириш агентлиги директори, Комиссия раиси ўринбосари 4. И. Аманов — «Агробанк» АТБ бошқарув раиси ўринбосари 5. А. Исроилов — Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси директори 6. Ф. Қирғизбоев — Қишлоқ хўжалиги вазирлиги бошқарма бошлиғи 7. Лавозим бўйича — Боғдорчилик ва иссиқхона хўжалигини ривожлантириш агентлиги директорининг ўринбосари, Комиссия котиби
Ўзбекистон Республикаси Президентининг 2022 йил 27 апрелдаги ПҚ-225-сон қарорига 2-ИЛОВА
Ўзбекистон Республикаси Президентининг 2021 йил 15 декабрдаги «Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида»ги ПҚ-52-сон қарорига киритилаётган ўзгартиришлар ва қўшимча
1. 1-банднинг «а» кичик банди қуйидаги таҳрирда баён этилсин:
«а) фермер, деҳқон хўжаликлари ва бошқа маҳсулот етиштирувчиларга — мева, узум, сабзавот, картошка, полиз экинлари, гул, кўкатлар ва доривор ўсимликлар, маккажўхори дони, дуккакли ва мойли экинларни етиштириш учун ҳосил қийматининг 50 фоизигача йиллик 14 фоиз (шундан 2 фоизи банк маржаси) ставкада 6 ойлик имтиёзли давр билан 12 ой муддатга кредитлар ажратилади».
2. 2-банднинг биринчи хатбошисидаги «2 трлн сўм» сўзлари «1,7 трлн сўм» сўзлари билан алмаштирилсин.
3. 5-банд қуйидаги таҳрирда баён этилсин:
«5. Қишлоқ хўжалиги вазирлигининг (Ходжаев) «Ўзбекистон Республикаси қишлоқ хўжалигини модернизация қилиш» лойиҳаси доирасида жалб этилган Жаҳон банкининг 65 миллион АҚШ доллари миқдоридаги маблағлари ҳисобидан маҳсулотларни сақлаш, қайта ишлаш, қуритиш, қадоқлаш бўйича кичик агрологистика марказларини «Агросервис оператор» ДУК томонидан қуриб, истисно тариқасида тижорат банки иштирокисиз 10 йил муддатга бўлиб-бўлиб тўлаш имконияти билан қишлоқ хўжалиги корхоналарига сотиш тўғрисидаги таклифига розилик берилсин.
Қишлоқ хўжалиги вазирлиги (Ходжаев) Молия вазирлиги (Ишметов) ҳамда Инвестициялар ва ташқи савдо вазирлиги (Вафаев) билан биргаликда бир ой муддатда Жаҳон банки билан келишилган ҳолда кичик агрологистика марказларини «тайёр ҳолда топшириш» шартлари асосида қуриб, фойдаланишга топшириш тартибини тасдиқласин».
4. 9-банднинг бешинчи хатбошиси «доривор ўсимликлар» сўзларидан кейин «маккажўхори дони» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 27 апрель,
ПҚ-225-сон
Oʻzbekiston Respublikasi Prezidentining
Qarori
TARKIBI
Qishloq xoʻjaligi mahsulotlarini yetishtirish xarajatlarini moliyalashtirish va ularni xarid qilish tizimini takomillashtirish chora-tadbirlari toʻgʻrisida
Bogʻdorchilik tarmogʻi va issiqxona xoʻjaliklarida yuqori qoʻshilgan qiymatli mahsulotlar ishlab chiqarish, shuningdek, qishloq xoʻjaligi mahsulotlari yetishtiruvchilarni moddiy resurslar (xizmatlar) bilan uzluksiz taʼminlash hamda yetishtirilgan mahsulotlarni kafolatli xarid qilish tizimini yaratish maqsadida:
1. Qishloq xoʻjaligi vazirligi, Iqtisodiyot va moliya vazirligi hamda Qishloq xoʻjaligida xizmatlar koʻrsatish agentligining (keyingi oʻrinlarda — Qishloq xoʻjaligida xizmatlar agentligi) meva-sabzavotchilik sohasini davlat tomonidan qoʻllab-quvvatlash uchun ajratilishi koʻzda tutilgan mablagʻlar hisobidan Bogʻdorchilik va issiqxona xoʻjaligini rivojlantirish jamgʻarmasiga 12 oy muddatga, shu jumladan 11 oylik imtiyozli davr bilan 2022-yilda 300 milliard soʻm, 2023-yilda 400 milliard soʻm budjet ssudasini yillik 10 foiz stavkada ajratish toʻgʻrisidagi taklifi maʼqullansin.
Iqtisodiyot va moliya vazirligiga qaytarilgan mablagʻlar hisobidan yil davomida Qishloq xoʻjaligida xizmatlar agentligining buyurtmasi asosida qoʻshimcha budjet ssudasi ajratib borilishini taʼminlash vazifasi yuklatilsin. Bunda, ajratilgan budjet ssudasi boʻyicha qarzdorlikning jami summasi mazkur qaror doirasida 2022-yilda 300 milliard soʻmdan, 2023-yilda 400 milliard soʻmdan oshib ketmasligi belgilab qoʻyilsin.
2. Belgilansinki, budjet ssudasi hisobidan:
qishloq xoʻjaligi korxonalariga — meva, uzum, sabzavot, kartoshka, poliz ekinlari, gul, koʻkatlar va dorivor oʻsimliklar, tut, pilla, makkajoʻxori doni, dukkakli va moyli ekinlarni (keyingi oʻrinlarda — qishloq xoʻjaligi ekinlari) yetishtirish uchun zarur boʻlgan moddiy-texnik resurslar, shu jumladan urugʻlik va koʻchat yetkazib berish, shuningdek, qishloq xoʻjaligi xizmatlarini koʻrsatish uchun;
qayta ishlovchi, saqlovchi va eksport qiluvchilarga, shu jumladan “Agroservis operator” davlat unitar korxonasiga — yetishtirilgan qishloq xoʻjaligi ekinlarini xarid qilish uchun talab etiladigan aylanma mablagʻlarini toʻldirish uchun yillik 14 foiz stavkada qarz mablagʻlari ajratiladi.
Bunda, olingan qarz mablagʻlarini oʻz vaqtida qaytargan, ijobiy kredit tarixiga ega, qoʻshilgan qiymat zanjirini yaratgan tadbirkorlik subyektlariga qarz mablagʻlari foiz stavkasini bir foiz bandga tushirgan holda 13 foiz miqdorida taqdim etiladi.
3. Qishloq xoʻjaligi korxonalariga qishloq xoʻjaligi ekinlarini yetishtirish uchun zarur boʻlgan moddiy-texnik resurslar, shu jumladan urugʻlik va koʻchatlarni yetkazib berish hamda qishloq xoʻjaligi xizmatlarini koʻrsatish vazifasi Qishloq xoʻjaligi vazirligi huzuridagi “Agroservis operator” davlat unitar korxonasiga yuklatilsin.
4. Shunday tartib joriy etilsinki, unga muvofiq:
“Agroservis operator” davlat unitar korxonasi tomonidan qishloq xoʻjaligi ekinlari yetishtirish uchun zarur boʻlgan moddiy-texnik resurslar, shu jumladan urugʻlik va koʻchat yetkazib berish, shuningdek, qishloq xoʻjaligi xizmatlarini koʻrsatish qarz shartnomasi asosida qishloq xoʻjaligi korxonalariga qishloq xoʻjaligi ekinlarining vegetatsiya davridan ortiq boʻlmagan muddatga yillik 14 foiz stavkada amalga oshiriladi;
mazkur qaror doirasida moddiy-texnik resurslar, shu jumladan urugʻlik va koʻchatlar hamda qishloq xoʻjaligi xizmatlari “Agroservis operator” davlat unitar korxonasi tomonidan birja savdolaridan xarid qilish va (yoki) yetkazib beruvchilarning eng yaxshi takliflarini tanlash usuli orqali yetkazib beriladi va koʻrsatiladi;
qishloq xoʻjaligi mahsuloti yetishtiruvchi, qayta ishlovchi, saqlovchi va eksport qiluvchilarga (bundan “Agroservis operator” davlat unitar korxonasi mustasno) qarz mablagʻlari ularni qaytmaslik xatarini sugʻurta qilish boʻyicha sugʻurta polisi taqdim etilgandan soʻng ajratiladi.
5. Qishloq xoʻjaligi mahsulotlarini yetishtirish xarajatlarini moliyalashtirish va ularni xarid qilish ishlarini muvofiqlashtirish boʻyicha komissiya 1-ilovaga muvofiq tarkibda tuzilsin.
Quyidagilar komissiyaning (J.A. Xodjayev) vazifalari etib belgilansin:
qishloq xoʻjaligi ekinlarini yetishtirish uchun zarur boʻlgan moddiy-texnik resurslar, shu jumladan urugʻlik va koʻchat yetkazib berish hamda qishloq xoʻjaligi xizmatlarini koʻrsatish uchun qarz mablagʻlari ajratiladigan yoʻnalishlar va loyihalarni belgilash;
“Agroservis operator” davlat unitar korxonasi tomonidan xarid qilinadigan tovarlar (ishlar, xizmatlar)ning yetkazib beruvchilarini tanlash;
“Agroservis operator” davlat unitar korxonasi va qishloq xoʻjaligi korxonalari tomonidan qarz mablagʻlaridan samarali va manzilli foydalanilishi ustidan tizimli monitoring ishlarini tashkil etish;
qishloq xoʻjaligi ekinlarini yetishtirish uchun zarur boʻlgan moddiy-texnik resurslar, shu jumladan urugʻlik va koʻchat yetkazib berish, shuningdek, qishloq xoʻjaligi xizmatlarini koʻrsatishga davlat-xususiy sheriklik shartnomalari asosida tadbirkorlik subyektlarini jalb qilish;
qishloq xoʻjaligi mahsulotlarini yetishtirish xarajatlarini moliyalashtirish va ularni xarid qilish jarayonida yuzaga keladigan muammolarni bartaraf etish boʻyicha Hukumatga takliflar kiritib borish.
6. Qishloq xoʻjaligi vazirligi (J.A. Xodjayev), Oʻzbekiston fermer, dehqon xoʻjaliklari va tomorqa yer egalari kengashi (A.A. Xaitov) hamda Bogʻdorchilik agentligi (X.M. Karimov):
a) Adliya vazirligi bilan birgalikda bir hafta muddatda mazkur qaror doirasida nazarda tutilgan qarz mablagʻlarini ajratish boʻyicha namunaviy shartnoma shakllarini ishlab chiqsin;
b) Qoraqalpogʻiston Respublikasi Vazirlar Kengashi Raisi, viloyat, tuman (shahar) hokimlari bilan birgalikda ikki hafta muddatda:
hosildor urugʻ va koʻchat navlarini, oʻgʻit va oʻsimliklar himoyasi vositalarini joylarga yetkazib, dala yarmarkalarini oʻtkazish hamda ekinlarni yer maydonlarida “bir kontur — bir mahsulot” tamoyili asosida joylashtirishni tashkil qilish;
qishloq xoʻjaligi mahsulotlarini kafolatli xarid qilish boʻyicha shartnomalar tuzish ishlarini tashkil qilish choralarini koʻrsin.
7. Qishloq xoʻjaligi vazirligi (J.A. Xodjayev) Moliya vazirligi (T.A. Ishmetov) bilan birgalikda 2022-yil 1-dekabrga qadar 2022-yil tajribasi natijalaridan kelib chiqib, mazkur amaliyotni yanada takomillashtirish yuzasidan Vazirlar Mahkamasiga taklif kiritsin.
8. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston fermer, dehqon xoʻjaliklari va tomorqa yer egalari kengashi (A.A. Xaitov), Qishloq xoʻjaligi vazirligi (J.A. Xodjayev) bilan birgalikda har bir hududda mazkur qarorning mazmun-mohiyatini tushuntirish boʻyicha taqdimotlar va seminarlar oʻtkazsin.
9. Axborot va ommaviy kommunikatsiyalar agentligi (A.A. Xodjayev), Oʻzbekiston Milliy axborot agentligi (A.K. Koʻchimov), Oʻzbekiston Milliy teleradiokompaniyasi (A.J. Xodjayev) Qishloq xoʻjaligi vazirligi (J.A. Xodjayev), Oʻzbekiston fermer, dehqon xoʻjaliklari va tomorqa yer egalari kengashi (A.A. Xaitov) bilan birgalikda ommaviy axborot vositalarida mazkur qarorning mazmun-mohiyatini yoritish boʻyicha turkum telekoʻrsatuvlar namoyish etilishini doimiy tashkil etsin.
10. Hisob palatasi (B.T. Turabov) Moliya vazirligi huzuridagi Davlat moliyaviy nazorati inspeksiyasi bilan birgalikda mazkur qarorda nazarda tutilgan mablagʻlarning oʻz vaqtida ajratilishi va maqsadli sarflanishi ustidan doimiy nazorat oʻrnatsin.
11. Oʻzbekiston Respublikasi Prezidentining 2021-yil 15-dekabrdagi “Meva-sabzavotchilik sohasini davlat tomonidan qoʻllab-quvvatlash, tarmoqda klaster va kooperatsiya tizimini yanada rivojlantirish chora-tadbirlari toʻgʻrisida”gi PQ-52-son qaroriga 2-ilovaga muvofiq oʻzgartirishlar va qoʻshimcha kiritilsin.
12. Mazkur qaror ijrosini samarali tashkil qilishga masʼul va shaxsiy javobgar etib qishloq xoʻjaligi vaziri J.A. Xodjayev, Bogʻdorchilik va issiqxona xoʻjaligini rivojlantirish agentligi direktori X.M. Karimov hamda Qoraqalpogʻiston Respublikasi Vazirlar Kengashi Raisi va viloyatlar hokimlari belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosarlari Sh.M. Gʻaniyev va J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 27-apreldagi PQ-225-son qaroriga 1-ILOVA
Qishloq xoʻjaligi mahsulotlarini yetishtirish xarajatlarini moliyalashtirish va ularni xarid qilish ishlarini muvofiqlashtirish boʻyicha komissiya
1. J. Xodjayev — qishloq xoʻjaligi vaziri, Komissiya raisi 2. Sh. Mirzayev — qishloq xoʻjaligi vaziri oʻrinbosari, Komissiya raisi oʻrinbosari 3. Lavozimi boʻyicha — Agrosanoatni rivojlantirish agentligi direktori, Komissiya raisi oʻrinbosari 4. I. Amanov — “Agrobank” ATB boshqaruv raisi oʻrinbosari 5. A. Isroilov — Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi direktori 6. F. Qirgʻizboyev — Qishloq xoʻjaligi vazirligi boshqarma boshligʻi 7. Lavozim boʻyicha — Bogʻdorchilik va issiqxona xoʻjaligini rivojlantirish agentligi direktorining oʻrinbosari, Komissiya kotibi
Oʻzbekiston Respublikasi Prezidentining 2022-yil 27-apreldagi PQ-225-son qaroriga 2-ILOVA
Oʻzbekiston Respublikasi Prezidentining 2021-yil 15-dekabrdagi “Meva-sabzavotchilik sohasini davlat tomonidan qoʻllab-quvvatlash, tarmoqda klaster va kooperatsiya tizimini yanada rivojlantirish chora-tadbirlari toʻgʻrisida”gi PQ-52-son qaroriga kiritilayotgan oʻzgartirishlar va qoʻshimcha
1. 1-bandning “a” kichik bandi quyidagi tahrirda bayon etilsin:
“a) fermer, dehqon xoʻjaliklari va boshqa mahsulot yetishtiruvchilarga — meva, uzum, sabzavot, kartoshka, poliz ekinlari, gul, koʻkatlar va dorivor oʻsimliklar, makkajoʻxori doni, dukkakli va moyli ekinlarni yetishtirish uchun hosil qiymatining 50 foizigacha yillik 14 foiz (shundan 2 foizi bank marjasi) stavkada 6 oylik imtiyozli davr bilan 12 oy muddatga kreditlar ajratiladi”.
2. 2-bandning birinchi xatboshisidagi “2 trln soʻm” soʻzlari “1,7 trln soʻm” soʻzlari bilan almashtirilsin.
3. 5-band quyidagi tahrirda bayon etilsin:
“5. Qishloq xoʻjaligi vazirligining (Xodjayev) “Oʻzbekiston Respublikasi qishloq xoʻjaligini modernizatsiya qilish” loyihasi doirasida jalb etilgan Jahon bankining 65 million AQSH dollari miqdoridagi mablagʻlari hisobidan mahsulotlarni saqlash, qayta ishlash, quritish, qadoqlash boʻyicha kichik agrologistika markazlarini “Agroservis operator” DUK tomonidan qurib, istisno tariqasida tijorat banki ishtirokisiz 10 yil muddatga boʻlib-boʻlib toʻlash imkoniyati bilan qishloq xoʻjaligi korxonalariga sotish toʻgʻrisidagi taklifiga rozilik berilsin.
Qishloq xoʻjaligi vazirligi (Xodjayev) Moliya vazirligi (Ishmetov) hamda Investitsiyalar va tashqi savdo vazirligi (Vafayev) bilan birgalikda bir oy muddatda Jahon banki bilan kelishilgan holda kichik agrologistika markazlarini “tayyor holda topshirish” shartlari asosida qurib, foydalanishga topshirish tartibini tasdiqlasin”.
4. 9-bandning beshinchi xatboshisi “dorivor oʻsimliklar” soʻzlaridan keyin “makkajoʻxori doni” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 27-aprel,
PQ-225-son
Президента Республики Узбекистан
Постановление
СОСТАВ
О мерах по совершенствованию системы финансирования расходов на производство сельскохозяйственной продукции и ее закупок
В целях производства продукции с высокой добавленной стоимостью в садоводческой отрасли и тепличных хозяйствах, бесперебойного обеспечения материальными ресурсами (услугами) производителей сельскохозяйственной продукции, а также создания системы гарантированной закупки выращенной продукции:
1. Одобрить предложение Министерства сельского хозяйства, Министерства экономики и финансов и Агентства по оказанию услуг в сельском хозяйстве (далее — Агентство сельхозуслуг) о выделении Фонду развития садоводства и тепличного хозяйства бюджетной ссуды в 2022 году — в размере 300 миллиардов сумов, в 2023 году — в размере 400 миллиардов сумов на срок 12 месяцев, включая одиннадцатимесячный льготный период, по ставке 10 процентов годовых, за счет средств, предусмотренных на государственную поддержку сферы плодоовощеводства.
Возложить на Министерство экономики и финансов задачу обеспечения выделения по заявкам Агентства сельхозуслуг дополнительных бюджетных ссуд за счет возвращенных средств в течение года. При этом установить, что общая сумма задолженности по выделенным бюджетным ссудам не должна превышать в 2022 году — 300 миллиардов сумов, в 2023 году — 400 миллиардов сумов в рамках настоящего постановления.
2. Определить, что заемные средства за счет бюджетной ссуды по ставке 14 процентов годовых выделяются:
сельскохозяйственным предприятиям — для оказания сельскохозяйственных услуг и поставки материально-технических ресурсов, включая семена и саженцы, необходимых для выращивания фруктов, винограда, овощей, картофеля, бахчевых культур, цветов, зелени и лекарственных растений, шелковицы, коконов, кукурузных зерен, бобовых и масличных культур (далее — сельскохозяйственные культуры);
переработчикам, хранителям и экспортерам, включая Государственное унитарное предприятие «Агросервис оператор», — на пополнение оборотных средств, требуемых для закупки выращенных сельскохозяйственных культур.
При этом субъектам предпринимательства с положительной кредитной историей, своевременно возвратившим заемные средства, образовавшим цепочки добавленной стоимости, заемные средства предоставляются со снижением процентной ставки на 1 процентный пункт, в размере 13 процентов.
3. Возложить на Государственное унитарное предприятие «Агросервис оператор» при Министерстве сельского хозяйства задачу оказания сельскохозяйственных услуг и поставки материально-технических ресурсов, включая семена и саженцы, необходимых сельскохозяйственным предприятиям для выращивания сельскохозяйственных культур.
4. Внедрить порядок, в соответствии с которым:
Государственное унитарное предприятие «Агросервис оператор» оказывает сельскохозяйственные услуги и поставляет сельскохозяйственным предприятиям материально-технические ресурсы, включая семена и саженцы, необходимые для выращивания сельскохозяйственных культур, на основе договора займа на срок, не превышающий вегетационного периода сельскохозяйственных культур, по ставке 14 процентов годовых;
в рамках настоящего постановления поставка материально-технических ресурсов, включая семена и саженцы, а также оказание сельскохозяйственных услуг осуществляется Государственным унитарным предприятием «Агросервис оператор» путем приобретения на биржевых торгах и (или) посредством метода отбора наилучших предложений;
заемные средства выделяются производителям, переработчикам, хранителям и экспортерам сельскохозяйственной продукции (за исключением Государственного унитарного предприятия «Агросервис оператор») после представления страхового полиса по страхованию риска их невозврата.
5. Образовать Комиссию по финансированию расходов на производство сельскохозяйственной продукции и координации работ по ее закупкам в составе согласно приложению № 1 .
Определить задачами Комиссии (Ж.А. Ходжаев):
определение направлений и проектов, на которые выделяются заемные средства, для оказания сельскохозяйственных услуг и поставки материально-технических ресурсов, включая семена и саженцы, необходимых для выращивания сельскохозяйственных культур;
выбор поставщиков товаров (работ, услуг), приобретаемых Государственным унитарным предприятием «Агросервис оператор»;
организацию системного мониторинга эффективного и целевого использования заемных средств Государственным унитарным предприятием «Агросервис оператор» и сельскохозяйственными предприятиями;
привлечение субъектов предпринимательства к оказанию сельскохозяйственных услуг и поставке материально-технических ресурсов, включая семена и саженцы, необходимых для выращивания сельскохозяйственных культур, на основании договоров государственно-частного партнерства;
внесение в Правительство предложений о финансировании расходов на производство сельскохозяйственной продукции и решении проблем, возникающих в процессе закупки данной продукции.
6. Министерству сельского хозяйства (Ж.А. Ходжаев), Совету фермерских, дехканских хозяйств и владельцев приусадебных земель Узбекистана (А.А. Хаитов), а также Агентству садоводства (Х.М. Каримов) принять меры по:
а) совместно с Министерством юстиции в недельный срок — разработке типовых форм договоров по выделению заемных средств в рамках настоящего постановления;
б) совместно с Председателем Совета Министров Республики Каракалпакстан, хокимами областей, районов (городов) в двухнедельный срок:
поставке на места урожайных сортов семян и саженцев, удобрений и средств защиты растений, проведению полевых ярмарок и организации размещения культур на земельных площадях по принципу «один контур — одна продукция»;
организации работ по заключению договоров гарантированной закупки сельскохозяйственной продукции.
7. Министерству сельского хозяйства (Ж.А. Ходжаев) совместно с Министерством финансов (Т.А. Ишметов) в срок до 1 декабря 2022 года исходя из результатов опыта 2022 года внести в Кабинет Министров предложение о дальнейшем совершенствовании данной практики.
8. Совету Министров Республики Каракалпакстан и хокимиятам областей совместно с Советом фермерских, дехканских хозяйств и владельцев приусадебных земель Узбекистана (А.А. Хаитов) и Министерством сельского хозяйства (Ж.А. Ходжаев) провести презентации и семинары по разъяснению сути и содержания настоящего постановления в каждом регионе.
9. Агентству информации и массовых коммуникаций (А.А. Ходжаев), Национальному информационному агентству Узбекистана (А.К. Кучимов) и Национальной телерадиокомпании Узбекистана (А.Ж. Хаджаев) совместно с Министерством сельского хозяйства (Ходжаев Ж.А.) и Советом фермерских, дехканских хозяйств и владельцев приусадебных земель Узбекистана (А.А. Хаитов) организовать демонстрацию на постоянной основе цикла телепередач по разъяснению в средствах массовой информации сути и содержания настоящего постановления.
10. Счетной палате (Б.Т. Турабов) совместно с Инспекцией государственного финансового контроля при Министерстве финансов установить постоянный контроль за своевременным выделением и целевым использованием средств, предусмотренных настоящим постановлением.
11. Внести изменения и дополнение в постановление Президента Республики Узбекистан от 15 декабря 2021 года № ПП-52 «О мерах по государственной поддержке сферы плодоовощеводства, дальнейшему развитию системы кластера и кооперации в отрасли» согласно приложению № 2 .
12. Возложить на министра сельского хозяйства Ж.А. Ходжаева, директора Агентства по развитию садоводства и тепличного хозяйства Х.М. Каримова, Председателя Совета Министров Республики Каракалпакстан и хокимов областей персональную ответственность за эффективную организацию исполнения настоящего постановления.
Осуществление координации и контроля за деятельностью ведомств, ответственных за исполнение настоящего постановления, возложить на заместителей Премьер-министра Республики Узбекистан Ш.М. Ганиева и Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 27 апреля 2022 года № ПП-225
Комиссии по финансированию расходов на производство сельскохозяйственной продукции и координации работ по ее закупкам
1. Ж. Ходжаев — министр сельского хозяйства, председатель Комиссии 2. Ш. Мирзаев — заместитель министра сельского хозяйства, заместитель председателя Комиссии 3. По должности — директор Агентства по развитию агропромышленности, заместитель председателя Комиссии 4. И. Аманов — заместитель председателя правления АКБ «Агробанк» 5. А. Исроилов — директор Фонда государственной поддержки сельского хозяйства при Министерстве финансов 6. Ф. Киргизбоев — начальник управления Министерства сельского хозяйства 7. По должности — заместитель директора Агентства по развитию садоводства и тепличного хозяйства, секретарь Комиссии
ПРИЛОЖЕНИЕ № 2 к постановлению Президента Республики Узбекистан от 27 апреля 2022 года № ПП-225
Изменения и дополнение, вносимые в постановление Президента Республики Узбекистан от 15 декабря 2021 года № ПП-52 «О мерах по государственной поддержке сферы плодоовощеводства, дальнейшему развитию системы кластера и кооперации в отрасли»
1. Подпункт «а» пункта 1 изложить в следующей редакции:
«а) фермерским, дехканским хозяйствам и другим производителям продукции выделяются кредиты для выращивания фруктов, винограда, овощей, картофеля, бахчевых культур, цветов, зелени и лекарственных растений, зерен кукурузы, бобовых и масличных культур на срок 12 месяцев с льготным периодом 6 месяцев в размере до 50 процентов от стоимости урожая по ставке 14 процентов годовых (в том числе маржа банка — 2 процента)».
2. В абзаце первом пункта 2 слова «2 триллионов сумов» заменить словами «1,7 триллиона сумов».
3. Пункт 5 изложить в следующей редакции:
«5. Согласиться с предложением Министерства сельского хозяйства (Ходжаев) о строительстве за счет средств Всемирного банка в размере 65 миллионов долларов США, привлеченных в рамках проекта «Модернизация сельского хозяйства Республики Узбекистан», малых агрологистических центров по хранению, переработке, сушке, упаковке продукции и реализации их сельскохозяйственным предприятиям Государственным унитарным предприятием «Агросервис оператор» с возможностью оплаты в рассрочку сроком на 10 лет, в порядке исключения, без участия коммерческого банка.
Министерству сельского хозяйства (Ходжаев) совместно с Министерством финансов (Ишметов) и Министерством инвестиций и внешней торговли (Вафаев) в месячный срок утвердить порядок строительства и сдачи в эксплуатацию малых агрологистических центров на условиях «под ключ» по согласованию со Всемирным банком».
4. Абзац пятый пункта 9 после слов «лекарственных растений» дополнить словами «зерен кукурузы».
Президент Республики Узбекистан Ш. МИРЗИЁЕВ
г. Ташкент,
27 апреля 2022 г.,
№ ПП-225