📅 2022-yil 27-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 27 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 апреля 2022 г. · Постановления Президента
Официальный текст. Официальный документ. Редакционные примечания не включены.
📅 27 April 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Жиззах вилоятида табиатни муҳофаза қилишга оид қонунчилик ижросини таъминлашнинг қўшимча чора-тадбирлари тўғрисида
Жиззах вилоятининг Зомин ва Бахмал туманлари ҳудудида табиатни муҳофаза қилиш, табиий ҳудудлар эгаллаган ерлар ва табиий ресурслардан оқилона фойдаланиш, ҳудуднинг экологик ҳолатини янада яхшилаш ҳамда экотуризмни ривожлантиришга оид қонунчилик ижроси устидан самарали назоратни ташкил этиш, шунингдек, муҳофаза этиладиган табиий ҳудудлар эгаллаган ерларнинг ўзбошимчалик билан эгаллаб олиниши ва уларда ноқонуний қурилмалар қурилишининг олдини олиш мақсадида:
1. Бош прокуратура, Экология ва атроф-муҳитни муҳофаза қилиш давлат қўмитаси ҳамда Ўрмон хўжалиги давлат қўмитасининг Бош прокуратура тизимида 8 нафар штат бирлигидан иборат бўлган Зомин табиатни муҳофаза қилишга оид қонунчилик ижроси устидан назорат ва ерлардан ноқонуний фойдаланишни бартараф этиш бўйича ихтисослаштирилган прокуратурани (кейинги ўринларда — ихтисослаштирилган прокуратура) ташкил этиш тўғрисидаги таклифи маъқуллансин.
Белгилансинки, ихтисослаштирилган прокуратура штат бирликлари Экология ва атроф-муҳитни муҳофаза қилиш давлат қўмитаси ҳамда Ўрмон хўжалиги давлат қўмитасининг тегишинча 4 нафардан штат бирликларини қисқартириш ҳисобига шакллантирилади.
2. Қуйидагилар ихтисослаштирилган прокуратуранинг асосий вазифалари этиб белгилансин:
Жиззах вилоятининг Зомин ва Бахмал туманлари ҳудудларида (кейинги ўринларда — туманлар ҳудуди) табиатни муҳофаза қилиш, соғломлаштириш ва рекреация мақсадларига мўлжалланган ерлар, ўрмон ва сув фонди ерлари, шу жумладан Зомин миллий табиат боғи ва Зомин давлат қўриқхонаси ерларидан оқилона фойдаланиш ҳамда бундай ерларни муҳофаза қилишга қаратилган қонунчилик ҳужжатлари ижроси устидан доимий назоратни ўрнатиш;
туманлар ҳудудидаги табиатни муҳофаза қилиш, соғломлаштириш ва рекреация мақсадларига мўлжалланган ерларнинг ўзбошимчалик билан эгаллаб олиниши ҳамда уларда ноқонуний қурилмалар қурилишининг олдини олиш бўйича доимий чоралар кўриб бориш;
туманлар ҳудудидаги ўрмон ва сув фонди ерларидан мақсадли ҳамда самарали фойдаланилиши устидан доимий мониторинг олиб бориш;
туманлар ҳудудида табиатни, ер ости бойликларини, ўсимлик ва ҳайвонот дунёсини муҳофаза қилишга қаратилган қонунчилик ҳужжатларига риоя этилиши устидан қатъий прокурор назоратини ўрнатиш;
«Зомин» туристик-рекреацион зонаси ҳудудининг экотуризм салоҳиятини янада ривожлантириш, туристлар саёҳати учун қулай шарт-шароитларни яратиш, янги туризм йўналишларини ташкил этиш, туристлар оқимини янада кўпайтириш бўйича белгиланган вазифаларнинг ижро этилишига кўмаклашиш;
соҳада қонун бузилиши ҳолатларини барвақт аниқлаш ва уларнинг олдини олиш чораларини кўриш.
3. Молия вазирлиги Бош прокуратура билан биргаликда бир ой муддатда прокуратура органларининг тегишли харажатлар сметаси ва штатлар жадвалига ўзгартиришлар киритсин.
4. Бош прокуратура бир ой муддатда:
Жиззах вилояти ҳокимлиги билан биргаликда ихтисослаштирилган прокуратуранинг Зомин тумани ҳудудида жойлаштирилишини ва зарур моддий-техника воситалари билан жиҳозланишини таъминласин;
мазкур қарор талабларидан келиб чиқиб ихтисослаштирилган прокуратуранинг штат тузилмасини тасдиқласин;
ихтисослаштирилган прокуратурани табиатни муҳофаза қилиш, ер ва табиий ресурслардан оқилона фойдаланиш, ҳудуднинг экологик ҳолатини янада яхшилаш ҳамда экотуризмни ривожлантириш муаммолари билан ишлаш тажрибасига эга ҳамда юклатилган вазифалар ижросини юқори касбий даражада таъминлай оладиган малакали кадрлар билан тўлдирсин;
қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни белгиланган тартибда киритсин.
5. Мазкур қарорнинг ижросини назорат қилиш Бош вазирнинг биринчи ўринбосари А.Ж. Раматов ва Бош прокурор Н.Т. Йўлдошев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 27 апрель,
ПҚ-226-сон
Oʻzbekiston Respublikasi Prezidentining
Qarori
Jizzax viloyatida tabiatni muhofaza qilishga oid qonunchilik ijrosini taʼminlashning qoʻshimcha chora-tadbirlari toʻgʻrisida
Jizzax viloyatining Zomin va Baxmal tumanlari hududida tabiatni muhofaza qilish, tabiiy hududlar egallagan yerlar va tabiiy resurslardan oqilona foydalanish, hududning ekologik holatini yanada yaxshilash hamda ekoturizmni rivojlantirishga oid qonunchilik ijrosi ustidan samarali nazoratni tashkil etish, shuningdek, muhofaza etiladigan tabiiy hududlar egallagan yerlarning oʻzboshimchalik bilan egallab olinishi va ularda noqonuniy qurilmalar qurilishining oldini olish maqsadida:
1. Bosh prokuratura, Ekologiya va atrof-muhitni muhofaza qilish davlat qoʻmitasi hamda Oʻrmon xoʻjaligi davlat qoʻmitasining Bosh prokuratura tizimida 8 nafar shtat birligidan iborat boʻlgan Zomin tabiatni muhofaza qilishga oid qonunchilik ijrosi ustidan nazorat va yerlardan noqonuniy foydalanishni bartaraf etish boʻyicha ixtisoslashtirilgan prokuraturani (keyingi oʻrinlarda — ixtisoslashtirilgan prokuratura) tashkil etish toʻgʻrisidagi taklifi maʼqullansin.
Belgilansinki, ixtisoslashtirilgan prokuratura shtat birliklari Ekologiya va atrof-muhitni muhofaza qilish davlat qoʻmitasi hamda Oʻrmon xoʻjaligi davlat qoʻmitasining tegishincha 4 nafardan shtat birliklarini qisqartirish hisobiga shakllantiriladi.
2. Quyidagilar ixtisoslashtirilgan prokuraturaning asosiy vazifalari etib belgilansin:
Jizzax viloyatining Zomin va Baxmal tumanlari hududlarida (keyingi oʻrinlarda — tumanlar hududi) tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar, oʻrmon va suv fondi yerlari, shu jumladan Zomin milliy tabiat bogʻi va Zomin davlat qoʻriqxonasi yerlaridan oqilona foydalanish hamda bunday yerlarni muhofaza qilishga qaratilgan qonunchilik hujjatlari ijrosi ustidan doimiy nazoratni oʻrnatish;
tumanlar hududidagi tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlarning oʻzboshimchalik bilan egallab olinishi hamda ularda noqonuniy qurilmalar qurilishining oldini olish boʻyicha doimiy choralar koʻrib borish;
tumanlar hududidagi oʻrmon va suv fondi yerlaridan maqsadli hamda samarali foydalanilishi ustidan doimiy monitoring olib borish;
tumanlar hududida tabiatni, yer osti boyliklarini, oʻsimlik va hayvonot dunyosini muhofaza qilishga qaratilgan qonunchilik hujjatlariga rioya etilishi ustidan qatʼiy prokuror nazoratini oʻrnatish;
“Zomin” turistik-rekreatsion zonasi hududining ekoturizm salohiyatini yanada rivojlantirish, turistlar sayohati uchun qulay shart-sharoitlarni yaratish, yangi turizm yoʻnalishlarini tashkil etish, turistlar oqimini yanada koʻpaytirish boʻyicha belgilangan vazifalarning ijro etilishiga koʻmaklashish;
sohada qonun buzilishi holatlarini barvaqt aniqlash va ularning oldini olish choralarini koʻrish.
3. Moliya vazirligi Bosh prokuratura bilan birgalikda bir oy muddatda prokuratura organlarining tegishli xarajatlar smetasi va shtatlar jadvaliga oʻzgartirishlar kiritsin.
4. Bosh prokuratura bir oy muddatda:
Jizzax viloyati hokimligi bilan birgalikda ixtisoslashtirilgan prokuraturaning Zomin tumani hududida joylashtirilishini va zarur moddiy-texnika vositalari bilan jihozlanishini taʼminlasin;
mazkur qaror talablaridan kelib chiqib ixtisoslashtirilgan prokuraturaning shtat tuzilmasini tasdiqlasin;
ixtisoslashtirilgan prokuraturani tabiatni muhofaza qilish, yer va tabiiy resurslardan oqilona foydalanish, hududning ekologik holatini yanada yaxshilash hamda ekoturizmni rivojlantirish muammolari bilan ishlash tajribasiga ega hamda yuklatilgan vazifalar ijrosini yuqori kasbiy darajada taʼminlay oladigan malakali kadrlar bilan toʻldirsin;
qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni belgilangan tartibda kiritsin.
5. Mazkur qarorning ijrosini nazorat qilish Bosh vazirning birinchi oʻrinbosari A.J. Ramatov va Bosh prokuror N.T. Yoʻldoshev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 27-aprel,
PQ-226-son
Президента Республики Узбекистан
Постановление
О дополнительных мерах по обеспечению исполнения законодательства об охране природы в Джизакской области
В целях охраны природы, рационального использования земель, занятых природными территориями, и природных ресурсов на территории Зааминского и Бахмальского районов Джизакской области, дальнейшего улучшения экологической обстановки в регионе, организации эффективного надзора за исполнением законодательства о развитии экотуризма, а также предупреждения самовольного захвата земель, занятых охраняемыми природными территориями, и строительства на них незаконных построек:
1. Одобрить предложение Генеральной прокуратуры, Государственного комитета по экологии и охране окружающей среды, а также Государственного комитета по лесному хозяйству об образовании в системе Генеральной прокуратуры Зааминской специализированной прокуратуры по надзору за исполнением законодательства об охране природы и устранению незаконного использования земель (далее — специализированная прокуратура) численностью 8 штатных единиц.
Определить, что штатные единицы специализированной прокуратуры формируются за счет сокращения по 4 штатные единицы Государственного комитета по экологии и охране окружающей среды, а также Государственного комитета по лесному хозяйству соответственно.
2. Определить основными задачами специализированной прокуратуры:
установление постоянного надзора за исполнением актов законодательства, направленных на охрану природы, рациональное использование и охрану земель оздоровительного и рекреационного назначения, земель лесного и водного фонда, включая земли Зааминского национального природного парка и Зааминского государственного заповедника, на территории Зааминского и Бахмальского районов Джизакской области (далее — территория районов);
принятие постоянных мер по охране природы, предупреждению самовольного захвата земель оздоровительного и рекреационного назначения на территории районов, а также строительства на них незаконных построек;
осуществление постоянного мониторинга за целевым и эффективным использованием земель лесного и водного фонда на территории районов;
установление строгого прокурорского надзора за соблюдением актов законодательства, направленных на охрану природы, недр, растительного и животного мира на территории районов;
оказание содействия в реализации установленных задач по дальнейшему развитию потенциала экологического туризма на территории туристско-рекреационной зоны «Зомин», созданию благоприятных условий для туристических поездок, организации новых туристских маршрутов, дальнейшему увеличению туристического потока;
принятие мер по раннему выявлению и предупреждению случаев нарушений законодательства в сфере.
3. Министерству финансов совместно с Генеральной прокуратурой в месячный срок внести изменения в соответствующие сметы расходов и штатные расписания органов прокуратуры.
4. Генеральной прокуратуре в месячный срок:
совместно с хокимиятом Джизакской области обеспечить размещение на территории Зааминского района и оснащение необходимыми материально-техническими средствами специализированной прокуратуры;
утвердить штатную структуру специализированной прокуратуры исходя из требований настоящего постановления;
укомплектовать специализированную прокуратуру квалифицированными кадрами, имеющими опыт работы по решению проблем охраны природы, рационального использования земель и природных ресурсов, дальнейшего улучшения экологической обстановки и развития экотуризма в регионе, а также способными на высоком профессиональном уровне обеспечить выполнение возложенных задач;
внести в установленном порядке предложения об изменениях и дополнениях в акты законодательства, вытекающих из настоящего постановления.
5. Контроль за исполнением настоящего постановления возложить на первого заместителя Премьер-министра Республики Узбекистан А.Ж. Раматова и Генерального прокурора Н.Т. Йулдошева.
Президент Республики Узбекистан Ш. МИРЗИЁЕВ
г. Ташкент,
27 апреля 2022 г.,
№ ПП-226