📅 2022-yil 29-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 29 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 29 апреля 2022 г. · Указы Президента
Официальный текст. Официальный документ. Редакционные примечания не включены.
📅 29 April 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ижтимоий ҳимояга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғрисида
Аҳоли турмуш даражасини оширишга қаратилган чора-тадбирлар изчиллигини таъминлаш, фуқароларни ижтимоий ҳимоя қилиш ва моддий қўллаб-қувватлаш, уларнинг даромадларини инфляция даражасига қараб индексациялаб бориш ҳамда тегишли ижтимоий тўловлар миқдорининг минимал истеъмол харажатлари қийматидан кам бўлмаслигини таъминлаш мақсадида:
1. 2022 йил 1 майдан бошлаб ёшга доир, ногиронлик ва боқувчисини йўқотганлик пенсиялари миқдори 12 фоизга оширилсин.
2. 2022 йил 1 майдан бошлаб Ўзбекистон Республикаси ҳудудида:
пенсияни ҳисоблашнинг базавий миқдори — ойига 324 000 сўм;
ёшга доир энг кам пенсия миқдори — ойига 633 000 сўм;
ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори — ойига 698 000 сўм;
меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа миқдори — ойига 698 000 сўм;
1941 — 1945 йиллардаги уруш оқибатида ногирон бўлган шахслар ва унинг қатнашчилари, шунингдек, фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган шахсларнинг энг кам пенсия миқдори устамаларни инобатга олган ҳолда — ойига 3 080 000 сўм;
белгиланган ёшга доир энг кам пенсия миқдоридан (633 000 сўмдан) 698 000 сўмгача пенсия олувчиларнинг ёшга доир пенсиялари миқдори — ойига 698 000 сўм этиб белгилансин.
3. Пенсиялар ва ижтимоий нафақаларни минимал истеъмол харажатлари қийматидан кам бўлмаган миқдорларда белгилаш мақсадида 2022 йил 1 майдан бошлаб:
зарур иш стажига эга бўлмаган кекса ёшдаги фуқароларга бериладиган нафақа миқдори — ойига 500 000 сўм;
иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда — ойига 500 000 сўм;
боқувчисини йўқотганлик нафақаси олувчиларнинг бир нафар меҳнатга қобилиятсиз оила аъзоси учун нафақа миқдори — ойига 500 000 сўм этиб белгилансин ва кейинги ҳар бир меҳнатга қобилиятсиз оила аъзоси учун — 185 000 сўмдан қўшилсин;
боқувчисини йўқотганлик пенсияси олувчиларнинг бир нафар меҳнатга қобилиятсиз оила аъзоси учун пенсиянинг энг кам миқдори — ойига 500 000 сўм этиб белгилансин ва кейинги ҳар бир меҳнатга қобилиятсиз оила аъзоси учун амалдаги тартибга мувофиқ пенсия тўлансин.
4. Ижтимоий ҳимояга муҳтож оилаларни қўшимча қўллаб-қувватлаш ҳамда уларнинг ижтимоий-иқтисодий аҳволи оғирлашишининг олдини олиш мақсадида «Ижтимоий ҳимоя ягона реестри» ахборот тизими орқали 2025 йил 1 декабрга қадар нафақа ва моддий ёрдам тайинлаш учун маълумотларнинг хато тақдим этилиши, киритилиши ва техник сабаблар туфайли фуқароларга ортиқча тўланган суммалар ҳисобдан чиқарилсин.
5. Пенсиялар ва нафақаларнинг оширилиши билан боғлиқ харажатлар Ўзбекистон Республикаси Давлат бюджети ва Молия вазирлиги ҳузуридаги бюджетдан ташқари Пенсия жамғармаси маблағлари ҳисобидан қоплансин.
6. Молия вазирлиги (Т. Ишметов):
«Ижтимоий ҳимоя ягона реестри» ахборот тизими орқали кам таъминланган оилаларга болалар нафақаси ва моддий ёрдамни тайинлашда минимал истеъмол харажатлари қийматининг мезон сифатида белгиланиши, мазкур турдаги тўловларни олувчилар сонининг кўпайиши ҳисобига Давлат бюджетидан қўшимча маблағлар ажратилишини таъминласин;
2022 йил 1 ноябрга қадар давлат пенсиялари миқдорларини ҳар йиллик инфляция даражасида қайта ҳисоблаш (ошириб бориш) тизимини жорий этишни назарда тутувчи Ўзбекистон Республикасининг «Фуқароларнинг давлат пенсия таъминоти тўғрисида»ги Қонунига ўзгартириш ва қўшимчалар киритиш ҳақидаги қонун лойиҳасини Вазирлар Маҳкамасига киритсин.
7. Ўзбекистон Республикаси Президентининг ҳамда Ўзбекистон Республикаси Ҳукуматининг айрим ҳужжатларига иловага мувофиқ ўзгартириш ва қўшимчалар киритилсин.
8. Молия вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги ушбу Фармоннинг мақсади, вазифалари ва ундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
9. Молия вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур Фармоннинг ижросини самарали ташкил қилишга масъул ва шахсий жавобгар этиб молия вазири Т.А. Ишметов белгилансин.
Фармон ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2022 йил 29 апрелдаги ПФ-128-сон Фармонига ИЛОВА
Ўзбекистон Республикаси Президентининг ҳамда Ўзбекистон Республикаси Ҳукуматининг айрим ҳужжатларига 2022 йил 1 майдан киритилаётган ўзгартириш ва қўшимчалар
1. Ўзбекистон Республикаси Президентининг 2019 йил 12 июлдаги «Иш ҳақи, пенсиялар, стипендиялар ва нафақалар миқдорини ошириш тўғрисида»ги ПФ-5765-сон Фармонининг 3-банди қуйидаги таҳрирда баён этилсин:
«3. Белгилансинки, 2019 йил 1 августдан бошлаб II гуруҳ ногиронлиги бўлган ёлғиз шахслар — пенсионерларнинг пенсияларига устама миқдори пенсияни ҳисоблаш базавий миқдорининг 50 фоизидан 75 фоизига оширилади».
2. Ўзбекистон Республикаси Президентининг 2021 йил 11 майдаги «Иккинчи жаҳон уруши қатнашчиларининг моддий таъминотини янада кучайтириш чора-тадбирлари тўғрисида»ги ПФ-6224-сон Фармонининг 1-банди қуйидаги таҳрирда баён этилсин:
«1. 2022 йил 1 майдан бошлаб 1941 — 1945 йиллардаги уруш оқибатида ногирон бўлган шахслар ва унинг қатнашчилари, шунингдек, фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган шахсларнинг энг кам пенсия миқдори устамаларни инобатга олган ҳолда — 3 080 000 сўм этиб белгилансин».
3. Ўзбекистон Республикаси Президентининг 2021 йил 17 августдаги «Иш ҳақи, пенсиялар, стипендиялар ва нафақалар миқдорини ошириш тўғрисида»ги ПФ-6279-сон Фармонининг 2-бандидан тўртинчи — ўн иккинчи хатбошилар чиқариб ташлансин.
4. Ўзбекистон Республикаси Президентининг 2022 йил 17 февралдаги «Ногиронлиги бўлган шахсларни ҳамда аҳолининг ижтимоий ҳимояга муҳтож қатламларини қўллаб-қувватлашнинг қўшимча чора-тадбирлари тўғрисида»ги ПФ-74-сон Фармонининг 1-банди қуйидаги таҳрирда баён этилсин:
«1. 2022 йил 1 майдан бошлаб ногиронлик пенсиялари, шу жумладан иш стажи тўлиқ бўлмаган чоғдаги ногиронлик пенсияси ҳамда меҳнатга лаёқатсиз фуқароларга бериладиган ногиронлик нафақасининг энг кам миқдори 698 000 сўм этиб белгилансин».
5. Вазирлар Маҳкамасининг 2011 йил 7 апрелдаги «Фуқароларнинг давлат пенсия таъминоти тўғрисида»ги Ўзбекистон Республикаси Қонунига ҳамда Ўзбекистон Республикасининг Меҳнат кодексига ўзгартиш ва қўшимчалар киритиш ҳақида»ги Ўзбекистон Республикаси Қонунини амалга ошириш учун зарур бўлган норматив-ҳуқуқий ҳужжатларни тасдиқлаш ҳақида»ги 107-сон қарорида :
а) 1-банднинг учинчи хатбошиси қуйидаги таҳрирда баён этилсин:
«Давлат пенсиясини тайинлаш учун зарур бўлган иш стажига эга бўлмаган шахсларга, ёшидан қатъий назар иш стажига эга бўлмаган I ва II гуруҳ ногиронлиги бўлган шахсларга, болаликдан ногиронлиги бўлган фарзанди бор (бўлган) оналарга ҳамда ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакилга нафақалар тайинлаш ва тўлаш тартиби тўғрисидаги низом 2-иловага мувофиқ тасдиқлансин»;
б) 1-иловада :
9-бандда :
қуйидаги мазмундаги иккинчи хатбоши билан тўлдирилсин:
«Ўзбекистон Республикаси ҳудудида белгиланган тартибда карантинли ва инсон учун хавфли бўлган бошқа юқумли касалликлар пайдо бўлиши ва тарқалиши муносабати билан чекловчи чоралар (карантин) жорий этилганда, агар фуқаролар чекловчи чоралар (карантин) даврида ёки улар тугатилгандан кейин нафақа тайинлашни сўраб бир ой ичида мурожаат қилган бўлса, уларга нафақа уни олиш ҳуқуқи юзага келган кундан эътиборан тайинланади»;
иккинчи — бешинчи хатбошилар тегишинча учинчи — олтинчи хатбошилар деб ҳисоблансин;
15-банднинг олтинчи ва еттинчи хатбошилари чиқариб ташлансин;
в) 2-иловада :
номланиши қуйидаги таҳрирда баён этилсин:
«Давлат пенсиясини тайинлаш учун зарур бўлган иш стажига эга бўлмаган шахсларга, ёшидан қатъий назар иш стажига эга бўлмаган I ва II гуруҳ ногиронлиги бўлган шахсларга, болаликдан ногиронлиги бўлган фарзанди бор (бўлган) оналарга ҳамда ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакилга нафақалар тайинлаш ва тўлаш тартиби тўғрисида низом»;
1-банднинг биринчи хатбошиси қуйидаги таҳрирда баён этилсин:
«Ушбу Низом «Фуқароларнинг давлат пенсия таъминоти тўғрисида»ги Ўзбекистон Республикаси Қонунига мувофиқ давлат пенсиясини тайинлаш учун зарур бўлган иш стажига эга бўлмаган шахсларга, ёшидан қатъий назар иш стажига эга бўлмаган I ва II гуруҳ ногиронлиги бўлган шахсларга (кейинги ўринларда — меҳнатга лаёқатсиз фуқаролар), болаликдан ногиронлиги бўлган фарзанди бор (бўлган) оналарга ҳамда ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакилга ҳар ойлик нафақаларни (кейинги ўринларда — нафақа) тайинлаш ва тўлаш тартибини белгилайди»;
2-бандда :
қуйидаги мазмундаги тўртинчи хатбоши билан тўлдирилсин:
«парваришлаш нафақаси»;
тўртинчи хатбоши бешинчи хатбоши деб ҳисоблансин;
4-банд қуйидаги мазмундаги иккинчи хатбоши билан тўлдирилсин:
«Саховат» уйларида ҳамда Уруш ва меҳнат фахрийлари учун республика пансионатларида яшовчи давлат пенсиясини тайинлаш учун зарур бўлган иш стажига эга бўлмаган шахсларга, уларнинг шахсий сарф-харажатлари учун тегишли ёшга доир ёки ногиронлик нафақасининг 20 фоизи миқдоридаги маблағ тўлаб борилади.»;
қуйидаги мазмундаги III 1 -боб билан тўлдирилсин:
«III 1 . Парваришлаш нафақаси
13 1 . Парваришлаш нафақаси ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакилга қонунчилик ҳужжатларида белгиланган миқдорларда тайинланади. Бунда, парваришлаш нафақаси ўзгалар парваришига муҳтож ногиронлиги бўлган 18 ёшгача болага ногиронлик белгиланган муддатга тайинланади.
Қонуний вакилга ҳар бир ўзгалар парваришига муҳтож ногиронлиги бўлган 18 ёшгача боланинг парвариши учун алоҳида парваришлаш нафақаси тайинланади.
13 2 . Парваришлаш нафақаси қонунчилик ҳужжатларида белгиланган касалликлар рўйхатига мувофиқ, Ўзбекистон Республикаси Тиббий-ижтимоий хизматларни ривожлантириш агентлиги томонидан берилган ногиронлиги бўлган 18 ёшгача боланинг ўзгалар парваришига муҳтожлиги тўғрисидаги электрон маълумотга асосан тайинланади.
13 3 . Парваришлаш нафақаси қонуний вакилга (отаси, онаси, васийси, ҳомийси, оилага тарбияга олувчиси (патронат) ва фарзандликка олувчиси) ўзгалар парваришига муҳтож ногиронлиги бўлган бола 18 ёшга тўлгунига қадар тайинланади»;
17 1 -банддаги «нафақа» сўзидан кейин «(парваришлаш нафақаси бундан мустасно)» сўзлари билан тўлдирилсин;
қуйидаги мазмундаги 17 2 -банд билан тўлдирилсин:
«17 2 . «Саховат» уйларида ҳамда Уруш ва меҳнат фахрийлари учун республика пансионатларида яшовчи шахсларга нафақа тайинлаш тўғрисида мазкур ташкилотлар маъмурияти томонидан ташкилот жойлашган ердаги Давлат хизматлари марказига мурожаат қилинади.»;
21-банд қуйидаги таҳрирда баён этилсин:
«21. Ёшга доир нафақа тайинлашни сўраб ушбу Низомнинг 6-бандида назарда тутилган ёшга тўлгандан сўнг олтмиш кун ичида;
ногиронлик нафақасини тайинлашни сўраб ногиронлик гуруҳи белгиланганидан сўнг олтмиш кун ичида;
боқувчисини йўқотганлик нафақасини тайинлашни сўраб нафақа олиш ҳуқуқига эга бўлган шахс вафот этган кундан бошлаб олти ой ичида;
парваришлаш нафақасини тайинлашни сўраб ногиронлиги бўлган 18 ёшгача бола ўзгалар парваришига муҳтожлиги белгиланганидан сўнг олтмиш кун ичида мурожаат этилган бўлса, нафақа уни олиш ҳуқуқи пайдо бўлган кундан эътиборан тайинланади.
Ўзбекистон Республикаси ҳудудида белгиланган тартибда карантинли ва инсон учун хавфли бўлган бошқа юқумли касалликлар пайдо бўлиши ва тарқалиши муносабати билан чекловчи чоралар (карантин) жорий этилганда, агар фуқаролар чекловчи чоралар (карантин) даврида ёки улар тугатилгандан кейин нафақа тайинлашни сўраб бир ой ичида мурожаат қилган бўлса, уларга нафақа уни олиш ҳуқуқи юзага келган кундан эътиборан тайинланади.
Қолган барча ҳолатларда нафақа мурожаат қилинган кундан бошлаб тайинланади»;
25-банднинг учинчи хатбошиси қуйидаги таҳрирда баён этилсин:
«Нафақалар ногиронлик муддати белгиланган сўнгги ой учун, меҳнатга лаёқатли бўлмаган оила аъзосининг 18 ёшга тўлган ой учун, ўзгалар парваришига муҳтож ногиронлиги бўлган бола 18 ёшга тўлган ой учун тўлиқ миқдорда тўланади»;
26-банд қуйидаги мазмундаги бешинчи хатбоши билан тўлдирилсин:
«Бунда, «Саховат» уйларида ҳамда Уруш ва меҳнат фахрийлари учун республика пансионатларида яшовчи шахсларга, Давлат хизматлари марказига қилган мурожаатларига асосан нафақанинг 20 фоизи тўланади.»;
29-банд «, парваришлаш нафақаси бундан мустасно» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 29 апрель,
ПФ-128-сон
Oʻzbekiston Respublikasi Prezidentining
Farmoni
Ijtimoiy himoyaga muhtoj aholi qatlamlarini moddiy qoʻllab-quvvatlashga doir qoʻshimcha chora-tadbirlar toʻgʻrisida
Aholi turmush darajasini oshirishga qaratilgan chora-tadbirlar izchilligini taʼminlash, fuqarolarni ijtimoiy himoya qilish va moddiy qoʻllab-quvvatlash, ularning daromadlarini inflyatsiya darajasiga qarab indeksatsiyalab borish hamda tegishli ijtimoiy toʻlovlar miqdorining minimal isteʼmol xarajatlari qiymatidan kam boʻlmasligini taʼminlash maqsadida:
1. 2022-yil 1-maydan boshlab yoshga doir, nogironlik va boquvchisini yoʻqotganlik pensiyalari miqdori 12 foizga oshirilsin.
2. 2022-yil 1-maydan boshlab Oʻzbekiston Respublikasi hududida:
pensiyani hisoblashning bazaviy miqdori — oyiga 324 000 soʻm;
yoshga doir eng kam pensiya miqdori — oyiga 633 000 soʻm;
nogironlik pensiyalari, jumladan ish staji toʻliq boʻlmagan chogʻdagi nogironlik pensiyasining eng kam miqdori — oyiga 698 000 soʻm;
mehnatga layoqatsiz fuqarolarga beriladigan nogironlik nafaqasi va bolalikdan nogironligi boʻlgan shaxslarga beriladigan nafaqa miqdori — oyiga 698 000 soʻm;
1941 — 1945-yillardagi urush oqibatida nogiron boʻlgan shaxslar va uning qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda — oyiga 3 080 000 soʻm;
belgilangan yoshga doir eng kam pensiya miqdoridan (633 000 soʻmdan) 698 000 soʻmgacha pensiya oluvchilarning yoshga doir pensiyalari miqdori — oyiga 698 000 soʻm etib belgilansin.
3. Pensiyalar va ijtimoiy nafaqalarni minimal isteʼmol xarajatlari qiymatidan kam boʻlmagan miqdorlarda belgilash maqsadida 2022-yil 1-maydan boshlab:
zarur ish stajiga ega boʻlmagan keksa yoshdagi fuqarolarga beriladigan nafaqa miqdori — oyiga 500 000 soʻm;
ish staji toʻliq boʻlmagan chogʻdagi yoshga doir pensiyaning eng kam miqdori qoʻshimcha toʻlovni hisobga olgan holda — oyiga 500 000 soʻm;
boquvchisini yoʻqotganlik nafaqasi oluvchilarning bir nafar mehnatga qobiliyatsiz oila aʼzosi uchun nafaqa miqdori — oyiga 500 000 soʻm etib belgilansin va keyingi har bir mehnatga qobiliyatsiz oila aʼzosi uchun — 185 000 soʻmdan qoʻshilsin;
boquvchisini yoʻqotganlik pensiyasi oluvchilarning bir nafar mehnatga qobiliyatsiz oila aʼzosi uchun pensiyaning eng kam miqdori — oyiga 500 000 soʻm etib belgilansin va keyingi har bir mehnatga qobiliyatsiz oila aʼzosi uchun amaldagi tartibga muvofiq pensiya toʻlansin.
4. Ijtimoiy himoyaga muhtoj oilalarni qoʻshimcha qoʻllab-quvvatlash hamda ularning ijtimoiy-iqtisodiy ahvoli ogʻirlashishining oldini olish maqsadida “Ijtimoiy himoya yagona reyestri” axborot tizimi orqali 2025-yil 1-dekabrga qadar nafaqa va moddiy yordam tayinlash uchun maʼlumotlarning xato taqdim etilishi, kiritilishi va texnik sabablar tufayli fuqarolarga ortiqcha toʻlangan summalar hisobdan chiqarilsin.
5. Pensiyalar va nafaqalarning oshirilishi bilan bogʻliq xarajatlar Oʻzbekiston Respublikasi Davlat budjeti va Moliya vazirligi huzuridagi budjetdan tashqari Pensiya jamgʻarmasi mablagʻlari hisobidan qoplansin.
6. Moliya vazirligi (T. Ishmetov):
“Ijtimoiy himoya yagona reyestri” axborot tizimi orqali kam taʼminlangan oilalarga bolalar nafaqasi va moddiy yordamni tayinlashda minimal isteʼmol xarajatlari qiymatining mezon sifatida belgilanishi, mazkur turdagi toʻlovlarni oluvchilar sonining koʻpayishi hisobiga Davlat budjetidan qoʻshimcha mablagʻlar ajratilishini taʼminlasin;
2022-yil 1-noyabrga qadar davlat pensiyalari miqdorlarini har yillik inflyatsiya darajasida qayta hisoblash (oshirib borish) tizimini joriy etishni nazarda tutuvchi Oʻzbekiston Respublikasining “Fuqarolarning davlat pensiya taʼminoti toʻgʻrisida”gi Qonuniga oʻzgartirish va qoʻshimchalar kiritish haqidagi qonun loyihasini Vazirlar Mahkamasiga kiritsin.
7. Oʻzbekiston Respublikasi Prezidentining hamda Oʻzbekiston Respublikasi Hukumatining ayrim hujjatlariga ilovaga muvofiq oʻzgartirish va qoʻshimchalar kiritilsin.
8. Moliya vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi ushbu Farmonning maqsadi, vazifalari va undan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
9. Moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur Farmonning ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov belgilansin.
Farmon ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 29-apreldagi PF-128-son Farmoniga ILOVA
Oʻzbekiston Respublikasi Prezidentining hamda Oʻzbekiston Respublikasi Hukumatining ayrim hujjatlariga 2022-yil 1-maydan kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2019-yil 12-iyuldagi “Ish haqi, pensiyalar, stipendiyalar va nafaqalar miqdorini oshirish toʻgʻrisida”gi PF-5765-son Farmonining 3-bandi quyidagi tahrirda bayon etilsin:
“3. Belgilansinki, 2019-yil 1-avgustdan boshlab II guruh nogironligi boʻlgan yolgʻiz shaxslar — pensionerlarning pensiyalariga ustama miqdori pensiyani hisoblash bazaviy miqdorining 50 foizidan 75 foiziga oshiriladi”.
2. Oʻzbekiston Respublikasi Prezidentining 2021-yil 11-maydagi “Ikkinchi jahon urushi qatnashchilarining moddiy taʼminotini yanada kuchaytirish chora-tadbirlari toʻgʻrisida”gi PF-6224-son Farmonining 1-bandi quyidagi tahrirda bayon etilsin:
“1. 2022-yil 1-maydan boshlab 1941 — 1945-yillardagi urush oqibatida nogiron boʻlgan shaxslar va uning qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda — 3 080 000 soʻm etib belgilansin”.
3. Oʻzbekiston Respublikasi Prezidentining 2021-yil 17-avgustdagi “Ish haqi, pensiyalar, stipendiyalar va nafaqalar miqdorini oshirish toʻgʻrisida”gi PF-6279-son Farmonining 2-bandidan toʻrtinchi — oʻn ikkinchi xatboshilar chiqarib tashlansin.
4. Oʻzbekiston Respublikasi Prezidentining 2022-yil 17-fevraldagi “Nogironligi boʻlgan shaxslarni hamda aholining ijtimoiy himoyaga muhtoj qatlamlarini qoʻllab-quvvatlashning qoʻshimcha chora-tadbirlari toʻgʻrisida”gi PF-74-son Farmonining 1-bandi quyidagi tahrirda bayon etilsin:
“1. 2022-yil 1-maydan boshlab nogironlik pensiyalari, shu jumladan ish staji toʻliq boʻlmagan chogʻdagi nogironlik pensiyasi hamda mehnatga layoqatsiz fuqarolarga beriladigan nogironlik nafaqasining eng kam miqdori 698 000 soʻm etib belgilansin”.
5. Vazirlar Mahkamasining 2011-yil 7-apreldagi “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga hamda Oʻzbekiston Respublikasining Mehnat kodeksiga oʻzgartish va qoʻshimchalar kiritish haqida”gi Oʻzbekiston Respublikasi Qonunini amalga oshirish uchun zarur boʻlgan normativ-huquqiy hujjatlarni tasdiqlash haqida”gi 107-son qarorida :
a) 1-bandning uchinchi xatboshisi quyidagi tahrirda bayon etilsin:
“Davlat pensiyasini tayinlash uchun zarur boʻlgan ish stajiga ega boʻlmagan shaxslarga, yoshidan qatʼiy nazar ish stajiga ega boʻlmagan I va II guruh nogironligi boʻlgan shaxslarga, bolalikdan nogironligi boʻlgan farzandi bor (boʻlgan) onalarga hamda oʻzgalar parvarishiga muhtoj nogironligi boʻlgan 18 yoshgacha bolaning parvarishi bilan band boʻlgan qonuniy vakilga nafaqalar tayinlash va toʻlash tartibi toʻgʻrisidagi nizom 2-ilovaga muvofiq tasdiqlansin”;
b) 1-ilovada :
9-bandda :
quyidagi mazmundagi ikkinchi xatboshi bilan toʻldirilsin:
“Oʻzbekiston Respublikasi hududida belgilangan tartibda karantinli va inson uchun xavfli boʻlgan boshqa yuqumli kasalliklar paydo boʻlishi va tarqalishi munosabati bilan cheklovchi choralar (karantin) joriy etilganda, agar fuqarolar cheklovchi choralar (karantin) davrida yoki ular tugatilgandan keyin nafaqa tayinlashni soʻrab bir oy ichida murojaat qilgan boʻlsa, ularga nafaqa uni olish huquqi yuzaga kelgan kundan eʼtiboran tayinlanadi”;
ikkinchi — beshinchi xatboshilar tegishincha uchinchi — oltinchi xatboshilar deb hisoblansin;
15-bandning oltinchi va yettinchi xatboshilari chiqarib tashlansin;
v) 2-ilovada :
nomlanishi quyidagi tahrirda bayon etilsin:
“Davlat pensiyasini tayinlash uchun zarur boʻlgan ish stajiga ega boʻlmagan shaxslarga, yoshidan qatʼiy nazar ish stajiga ega boʻlmagan I va II guruh nogironligi boʻlgan shaxslarga, bolalikdan nogironligi boʻlgan farzandi bor (boʻlgan) onalarga hamda oʻzgalar parvarishiga muhtoj nogironligi boʻlgan 18 yoshgacha bolaning parvarishi bilan band boʻlgan qonuniy vakilga nafaqalar tayinlash va toʻlash tartibi toʻgʻrisida nizom”;
1-bandning birinchi xatboshisi quyidagi tahrirda bayon etilsin:
“Ushbu Nizom “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga muvofiq davlat pensiyasini tayinlash uchun zarur boʻlgan ish stajiga ega boʻlmagan shaxslarga, yoshidan qatʼiy nazar ish stajiga ega boʻlmagan I va II guruh nogironligi boʻlgan shaxslarga (keyingi oʻrinlarda — mehnatga layoqatsiz fuqarolar), bolalikdan nogironligi boʻlgan farzandi bor (boʻlgan) onalarga hamda oʻzgalar parvarishiga muhtoj nogironligi boʻlgan 18 yoshgacha bolaning parvarishi bilan band boʻlgan qonuniy vakilga har oylik nafaqalarni (keyingi oʻrinlarda — nafaqa) tayinlash va toʻlash tartibini belgilaydi”;
2-bandda :
quyidagi mazmundagi toʻrtinchi xatboshi bilan toʻldirilsin:
“parvarishlash nafaqasi”;
toʻrtinchi xatboshi beshinchi xatboshi deb hisoblansin;
4-band quyidagi mazmundagi ikkinchi xatboshi bilan toʻldirilsin:
“Saxovat” uylarida hamda Urush va mehnat faxriylari uchun respublika pansionatlarida yashovchi davlat pensiyasini tayinlash uchun zarur boʻlgan ish stajiga ega boʻlmagan shaxslarga, ularning shaxsiy sarf-xarajatlari uchun tegishli yoshga doir yoki nogironlik nafaqasining 20 foizi miqdoridagi mablagʻ toʻlab boriladi.”;
quyidagi mazmundagi III 1 -bob bilan toʻldirilsin:
“III 1 . Parvarishlash nafaqasi
13 1 . Parvarishlash nafaqasi oʻzgalar parvarishiga muhtoj nogironligi boʻlgan 18 yoshgacha bolaning parvarishi bilan band boʻlgan qonuniy vakilga qonunchilik hujjatlarida belgilangan miqdorlarda tayinlanadi. Bunda, parvarishlash nafaqasi oʻzgalar parvarishiga muhtoj nogironligi boʻlgan 18 yoshgacha bolaga nogironlik belgilangan muddatga tayinlanadi.
Qonuniy vakilga har bir oʻzgalar parvarishiga muhtoj nogironligi boʻlgan 18 yoshgacha bolaning parvarishi uchun alohida parvarishlash nafaqasi tayinlanadi.
13 2 . Parvarishlash nafaqasi qonunchilik hujjatlarida belgilangan kasalliklar roʻyxatiga muvofiq, Oʻzbekiston Respublikasi Tibbiy-ijtimoiy xizmatlarni rivojlantirish agentligi tomonidan berilgan nogironligi boʻlgan 18 yoshgacha bolaning oʻzgalar parvarishiga muhtojligi toʻgʻrisidagi elektron maʼlumotga asosan tayinlanadi.
13 3 . Parvarishlash nafaqasi qonuniy vakilga (otasi, onasi, vasiysi, homiysi, oilaga tarbiyaga oluvchisi (patronat) va farzandlikka oluvchisi) oʻzgalar parvarishiga muhtoj nogironligi boʻlgan bola 18 yoshga toʻlguniga qadar tayinlanadi”;
17 1 -banddagi “nafaqa” soʻzidan keyin “(parvarishlash nafaqasi bundan mustasno)” soʻzlari bilan toʻldirilsin;
quyidagi mazmundagi 17 2 -band bilan toʻldirilsin:
“17 2 . “Saxovat” uylarida hamda Urush va mehnat faxriylari uchun respublika pansionatlarida yashovchi shaxslarga nafaqa tayinlash toʻgʻrisida mazkur tashkilotlar maʼmuriyati tomonidan tashkilot joylashgan yerdagi Davlat xizmatlari markaziga murojaat qilinadi.”;
21-band quyidagi tahrirda bayon etilsin:
“21. Yoshga doir nafaqa tayinlashni soʻrab ushbu Nizomning 6-bandida nazarda tutilgan yoshga toʻlgandan soʻng oltmish kun ichida;
nogironlik nafaqasini tayinlashni soʻrab nogironlik guruhi belgilanganidan soʻng oltmish kun ichida;
boquvchisini yoʻqotganlik nafaqasini tayinlashni soʻrab nafaqa olish huquqiga ega boʻlgan shaxs vafot etgan kundan boshlab olti oy ichida;
parvarishlash nafaqasini tayinlashni soʻrab nogironligi boʻlgan 18 yoshgacha bola oʻzgalar parvarishiga muhtojligi belgilanganidan soʻng oltmish kun ichida murojaat etilgan boʻlsa, nafaqa uni olish huquqi paydo boʻlgan kundan eʼtiboran tayinlanadi.
Oʻzbekiston Respublikasi hududida belgilangan tartibda karantinli va inson uchun xavfli boʻlgan boshqa yuqumli kasalliklar paydo boʻlishi va tarqalishi munosabati bilan cheklovchi choralar (karantin) joriy etilganda, agar fuqarolar cheklovchi choralar (karantin) davrida yoki ular tugatilgandan keyin nafaqa tayinlashni soʻrab bir oy ichida murojaat qilgan boʻlsa, ularga nafaqa uni olish huquqi yuzaga kelgan kundan eʼtiboran tayinlanadi.
Qolgan barcha holatlarda nafaqa murojaat qilingan kundan boshlab tayinlanadi”;
25-bandning uchinchi xatboshisi quyidagi tahrirda bayon etilsin:
“Nafaqalar nogironlik muddati belgilangan soʻnggi oy uchun, mehnatga layoqatli boʻlmagan oila aʼzosining 18 yoshga toʻlgan oy uchun, oʻzgalar parvarishiga muhtoj nogironligi boʻlgan bola 18 yoshga toʻlgan oy uchun toʻliq miqdorda toʻlanadi”;
26-band quyidagi mazmundagi beshinchi xatboshi bilan toʻldirilsin:
“Bunda, “Saxovat” uylarida hamda Urush va mehnat faxriylari uchun respublika pansionatlarida yashovchi shaxslarga, Davlat xizmatlari markaziga qilgan murojaatlariga asosan nafaqaning 20 foizi toʻlanadi.”;
29-band “, parvarishlash nafaqasi bundan mustasno” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 29-aprel,
PF-128-son
Президента Республики Узбекистан
Указ
О дополнительных мерах материальной поддержки нуждающихся в социальной защите слоев населения
В целях обеспечения последовательности мер, направленных на повышение уровня жизни населения, социальной защиты и материальной поддержки граждан, индексирования их доходов в зависимости от уровня инфляции, а также обеспечения размеров соответствующих социальных выплат в размере не менее стоимости минимальных потребительских расходов:
1. Повысить с 1 мая 2022 года размеры пенсий по возрасту, инвалидности и по случаю смерти кормильца на 12 процентов.
2. Установить с 1 мая 2022 года на территории Республики Узбекистан:
базовую величину исчисления пенсии — 324 000 сумов в месяц;
минимальный размер пенсии по возрасту — 633 000 сумов в месяц;
минимальный размер пенсий по инвалидности, в том числе пенсии по инвалидности при неполном стаже работы, — 698 000 сумов в месяц;
размер пособия по инвалидности, выплачиваемого нетрудоспособным гражданам, и пособия лицам с инвалидностью с детства — 698 000 сумов в месяц;
минимальный размер пенсий, включая надбавки, лицам, ставшим инвалидами в результате войны 1941 — 1945 годов, и ее участникам, а также бывшим несовершеннолетним узникам фашистских концлагерей и лицам, работавшим в период блокады города Ленинграда, — 3 080 000 сумов в месяц;
размер пенсий по возрасту получающих пенсии в размере от установленного минимального размера пенсии по возрасту (633 000 сумов) до 698 000 сумов — 698 000 сумов в месяц.
3. В целях определения пенсий и социальных пособий в размере не менее стоимости минимальных потребительских расходов установить с 1 мая 2022 года:
размер пособия престарелым гражданам, не имеющим необходимого стажа работы, — 500 000 сумов в месяц;
минимальный размер пенсии по возрасту при неполном стаже работы с учетом доплаты — 500 000 сумов в месяц;
размер пособия на одного нетрудоспособного члена семьи получателя пособия по случаю потери кормильца — 500 000 сумов в месяц с прибавлением по 185 000 сумов на каждого следующего нетрудоспособного члена таких семей;
минимальный размер пенсии на одного нетрудоспособного члена семьи получателя пенсии по случаю потери кормильца — 500 000 сумов в месяц с выплатой пенсии каждому следующему нетрудоспособному члену семьи в соответствии с действующим порядком.
4. В целях дополнительной поддержки и недопущения усугубления социально-экономического положения семей, нуждающихся в социальной защите, списать суммы, излишне выплаченные гражданам до 1 декабря 2025 года вследствие ошибочного представления и внесения данных для назначения пособий и материальной помощи посредством информационной системы «Единый реестр социальной защиты», а также технических причин.
5. Расходы, связанные с повышением пенсий и пособий, покрыть за счет средств Государственного бюджета и внебюджетного Пенсионного фонда при Министерстве финансов.
6. Министерству финансов (Т. Ишметов):
обеспечить принятие стоимости минимальных потребительских расходов в качестве критерия при назначении детского пособия и материальной помощи малообеспеченным семьям посредством информационной системы «Единый реестр социальной защиты», а также выделение дополнительных средств из Государственного бюджета в связи с увеличением числа получателей этих выплат;
в срок до 1 ноября 2022 года внести в Кабинет Министров проект закона о внесении изменений и дополнений в Закон Республики Узбекистан «О государственном пенсионном обеспечении граждан», предусматривающий внедрение системы перерасчета (повышения) размеров государственных пенсий на уровне ежегодной инфляции.
7. Внести изменения и дополнения в некоторые акты Президента Республики Узбекистан и Правительства Республики Узбекистан согласно приложению .
8. Министерству финансов, Национальному информационному агентству Узбекистана, Национальной телерадиокомпании Узбекистана, Агентству информации и массовых коммуникаций организовать работу по широкому освещению целей, задач настоящего Указа и ожидаемых результатов в средствах массовой информации, сети Интернет и социальных сетях.
9. Министерству финансов совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
10. Возложить на министра финансов Т.А. Ишметова персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью организаций, ответственных за его исполнение, возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ к Указу Президента Республики Узбекистан от 29 апреля 2022 года № УП-128
Изменения и дополнения, вносимые с 1 мая 2022 года в некоторые акты Президента Республики Узбекистан и Правительства Республики Узбекистан
1. Пункт 3 Указа Президента Республики Узбекистан от 12 июля 2019 года № УП-5765 «О повышении размеров заработной платы, пенсий, стипендий и пособий» изложить в следующей редакции:
«3. Определить, что с 1 августа 2019 года размер надбавки к пенсиям пенсионеров — одиноких лиц с инвалидностью II группы увеличивается с 50 процентов до 75 процентов базовой величины исчисления пенсии».
2. Пункт 1 Указа Президента Республики Узбекистан от 11 мая 2021 года № УП-6224 «О мерах по дальнейшему усилению материального обеспечения участников Второй мировой войны» изложить в следующей редакции:
«1. Установить с 1 мая 2022 года минимальный размер пенсий, включая надбавки, лицам, ставшим инвалидами в результате войны 1941 — 1945 годов, и ее участникам, а также бывшим несовершеннолетним узникам фашистских концлагерей и лицам, работавшим в период блокады города Ленинграда, — 3 080 000 миллиона сумов».
3. Абзацы четвертый — двенадцатый пункта 2 Указа Президента Республики Узбекистан от 17 августа 2021 года № УП-6279 «О повышении размеров заработной платы, пенсий, стипендий и пособий» исключить.
4. Пункт 1 Указа Президента Республики Узбекистан от 17 февраля 2022 года № УП-74 «О дополнительных мерах по поддержке лиц с инвалидностью и категорий населения, нуждающихся в социальной защите» изложить в следующей редакции:
«1. Определить с 1 мая 2022 года минимальный размер пенсии по инвалидности, в том числе пенсии по инвалидности при неполном стаже работы, пособия по инвалидности, выплачиваемого нетрудоспособным гражданам, — 698 000 сумов».
5. В тексте на государственном языке постановления Кабинета Министров от 7 апреля 2011 года № 107 «Об утверждении нормативно-правовых актов, необходимых для реализации Закона Республики Узбекистан «О внесении изменений и дополнений в Закон Республики Узбекистан «О государственном пенсионном обеспечении граждан» и Трудовой кодекс Республики Узбекистан»:
а) абзац третий пункта 1 изложить в следующей редакции:
«Давлат пенсиясини тайинлаш учун зарур бўлган иш стажига эга бўлмаган шахсларга, ёшидан қатъий назар иш стажига эга бўлмаган I ва II гуруҳ ногиронлиги бўлган шахсларга, болаликдан ногиронлиги бўлган фарзанди бор (бўлган) оналарга ҳамда ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакилга нафақалар тайинлаш ва тўлаш тартиби тўғрисидаги низом 2-иловага мувофиқ тасдиқлансин»;
б) в приложении № 1 :
в пункте 9 :
дополнить абзацем вторым следующего содержания:
«Ўзбекистон Республикаси ҳудудида белгиланган тартибда карантинли ва инсон учун хавфли бўлган бошқа юқумли касалликлар пайдо бўлиши ва тарқалиши муносабати билан чекловчи чоралар (карантин) жорий этилганда, агар фуқаролар чекловчи чоралар (карантин) даврида ёки улар тугатилгандан кейин нафақа тайинлашни сўраб бир ой ичида мурожаат қилган бўлса, уларга нафақа уни олиш ҳуқуқи юзага келган кундан эътиборан тайинланади»;
абзацы второй — пятый считать абзацами третьим — шестым соответственно;
абзацы шестой и седьмой пункта 15 исключить;
в) в приложении № 2 :
наименование изложить в следующей редакции:
«Давлат пенсиясини тайинлаш учун зарур бўлган иш стажига эга бўлмаган шахсларга, ёшидан қатъий назар иш стажига эга бўлмаган I ва II гуруҳ ногиронлиги бўлган шахсларга, болаликдан ногиронлиги бўлган фарзанди бор (бўлган) оналарга ҳамда ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакилга нафақалар тайинлаш ва тўлаш тартиби тўғрисида низом»;
абзац первый пункта 1 изложить в следующей редакции:
«Ушбу Низом «Фуқароларнинг давлат пенсия таъминоти тўғрисида»ги Ўзбекистон Республикаси Қонунига мувофиқ давлат пенсиясини тайинлаш учун зарур бўлган иш стажига эга бўлмаган шахсларга, ёшидан қатъий назар иш стажига эга бўлмаган I ва II гуруҳ ногиронлиги бўлган шахсларга (кейинги ўринларда — меҳнатга лаёқатсиз фуқаролар), болаликдан ногиронлиги бўлган фарзанди бор (бўлган) оналарга ҳамда ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакилга ҳар ойлик нафақаларни (кейинги ўринларда — нафақа) тайинлаш ва тўлаш тартибини белгилайди»;
в пункте 2 :
дополнить абзацем четвертым следующего содержания:
«парваришлаш нафақаси»;
абзац четвертый считать абзацем пятым;
пункт 4 дополнить абзацем вторым следующего содержания:
«Саховат» уйларида ҳамда Уруш ва меҳнат фахрийлари учун республика пансионатларида яшовчи давлат пенсиясини тайинлаш учун зарур бўлган иш стажига эга бўлмаган шахсларга, уларнинг шахсий сарф-харажатлари учун тегишли ёшга доир ёки ногиронлик нафақасининг 20 фоизи миқдоридаги маблағ тўлаб борилади.»;
дополнить главой III 1 следующего содержания:
«III 1 . Парваришлаш нафақаси
13 1 . Парваришлаш нафақаси ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакилга қонунчилик ҳужжатларида белгиланган миқдорларда тайинланади. Бунда, парваришлаш нафақаси ўзгалар парваришига муҳтож ногиронлиги бўлган 18 ёшгача болага ногиронлик белгиланган муддатга тайинланади.
Қонуний вакилга ҳар бир ўзгалар парваришига муҳтож ногиронлиги бўлган 18 ёшгача боланинг парвариши учун алоҳида парваришлаш нафақаси тайинланади.
13 2 . Парваришлаш нафақаси қонунчилик ҳужжатларида белгиланган касалликлар рўйхатига мувофиқ, Ўзбекистон Республикаси Тиббий-ижтимоий хизматларни ривожлантириш агентлиги томонидан берилган ногиронлиги бўлган 18 ёшгача боланинг ўзгалар парваришига муҳтожлиги тўғрисидаги электрон маълумотга асосан тайинланади.
13 3 . Парваришлаш нафақаси қонуний вакилга (отаси, онаси, васийси, ҳомийси, оилага тарбияга олувчиси (патронат) ва фарзандликка олувчиси) ўзгалар парваришига муҳтож ногиронлиги бўлган бола 18 ёшга тўлгунига қадар тайинланади»;
в пункте 17 1 после слово «нафақа» дополнить словами «(парваришлаш нафақаси бундан мустасно)»;
дополнить пунктом 17 2 -следующего содержания:
«17 2 . «Саховат» уйларида ҳамда Уруш ва меҳнат фахрийлари учун республика пансионатларида яшовчи шахсларга нафақа тайинлаш тўғрисида мазкур ташкилотлар маъмурияти томонидан ташкилот жойлашган ердаги Давлат хизматлари марказига мурожаат қилинади.»;
пункт 21 изложить в следующей редакции:
«21. Ёшга доир нафақа тайинлашни сўраб ушбу Низомнинг 6-бандида назарда тутилган ёшга тўлгандан сўнг олтмиш кун ичида;
ногиронлик нафақасини тайинлашни сўраб ногиронлик гуруҳи белгиланганидан сўнг олтмиш кун ичида;
боқувчисини йўқотганлик нафақасини тайинлашни сўраб нафақа олиш ҳуқуқига эга бўлган шахс вафот этган кундан бошлаб олти ой ичида;
парваришлаш нафақасини тайинлашни сўраб ногиронлиги бўлган 18 ёшгача бола ўзгалар парваришига муҳтожлиги белгиланганидан сўнг олтмиш кун ичида мурожаат этилган бўлса, нафақа уни олиш ҳуқуқи пайдо бўлган кундан эътиборан тайинланади.
Ўзбекистон Республикаси ҳудудида белгиланган тартибда карантинли ва инсон учун хавфли бўлган бошқа юқумли касалликлар пайдо бўлиши ва тарқалиши муносабати билан чекловчи чоралар (карантин) жорий этилганда, агар фуқаролар чекловчи чоралар (карантин) даврида ёки улар тугатилгандан кейин нафақа тайинлашни сўраб бир ой ичида мурожаат қилган бўлса, уларга нафақа уни олиш ҳуқуқи юзага келган кундан эътиборан тайинланади.
Қолган барча ҳолатларда нафақа мурожаат қилинган кундан бошлаб тайинланади»;
абзац третий пункта 25 изложить в следующей редакции:
«Нафақалар ногиронлик муддати белгиланган сўнгги ой учун, меҳнатга лаёқатли бўлмаган оила аъзосининг 18 ёшга тўлган ой учун, ўзгалар парваришига муҳтож ногиронлиги бўлган бола 18 ёшга тўлган ой учун тўлиқ миқдорда тўланади»;
пункт 26 дополнить абзацем пятым следующего содержания:
«Бунда, «Саховат» уйларида ҳамда Уруш ва меҳнат фахрийлари учун республика пансионатларида яшовчи шахсларга, Давлат хизматлари марказига қилган мурожаатларига асосан нафақанинг 20 фоизи тўланади.»;
пункт 29 дополнить словами «, парваришлаш нафақаси бундан мустасно».
Президент Республики Узбекистан Ш. МИРЗИЁЕВ
г. Ташкент,
29 апреля 2022 г.,
№ УП-128