📅 2022-yil 29-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 29 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 апреля 2022 г. · Постановления Президента
Официальный текст. Официальный документ. Редакционные примечания не включены.
📅 29 April 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ижтимоий ҳимояга ва ёрдамга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғрисида
Аҳолига ижтимоий хизматлар кўрсатишни сифат жиҳатидан янги босқичга олиб чиқиш, ногиронлиги бўлган шахсларнинг жамиятга ижтимоий мослашуви учун кенг имкониятлар яратиш ҳамда етим болалар ва ота-она қарамоғидан маҳрум бўлган болаларни жойлаштиришнинг оилавий ва бошқа муқобил шаклларини давлат томонидан янада қўллаб-қувватлаш мақсадида:
1. Шундай тартиб ўрнатилсинки, унга мувофиқ 2022 йил 1 июлдан бошлаб:
а) оилавий болалар уйларига Давлат бюджетидан маблағ ажратишнинг қуйидаги тартиби жорий этилади:
оилавий болалар уйларининг сақлаш харажатлари учун Давлат бюджетидан маблағ ажратишда бир нафар тарбияланувчига тўғри келадиган харажатлар миқдори ҳамда болалар сонидан келиб чиқиб, зарур маблағлар ота-оналар номига очилган банк пластик карталарига ўтказиб берилади;
оилавий болалар уйларида бир нафар тарбияланувчи учун Давлат бюджетидан молиялаштириладиган ойлик харажатлар таркибига коммунал харажатлар ҳам киритилади;
б) оилавий болалар уйлари томонидан истеъмол қилинган коммунал хизматлар учун тўловлар жисмоний шахслар учун белгиланган нархларда амалга оширилади;
в) жисмоний ёки психик ривожланишида нуқсони бўлган болалар учун ихтисослаштирилган мактаб ва мактаб-интернатларда ҳамда имконияти чекланган шахслар учун ихтисослаштирилган махсус техникумларида ишловчи мутахассис (шу жумладан тиббиёт ходимлари), ишлаб чиқариш, ўқув ёрдамчи, техник ва хизмат кўрсатувчи ходимларнинг базавий тариф ставкаларига 50 фоиз миқдорда устамалар тўланади.
2. Қуйидагилар:
2021 йилда эшитиш қобилияти заиф болаларнинг одатий ҳаётга мослашувини осонлаштириш учун халқаро нодавлат нотижорат ташкилотлар билан биргаликда 4 минг дона замонавий эшитиш мосламалари ихтисослаштирилган таълим муассасаларида таълим олаётган заиф эшитувчи болаларга етказиб берилиши натижасида уларнинг эшитиш қобилияти яхшиланиб, умумтаълим фанларини ўзлаштириш даражаси ошганлиги;
Қорақалпоғистон Республикаси, Қашқадарё, Навоий ва Тошкент вилоятларида мактабгача ёшдаги ногиронлиги бўлган болаларга таълим бериш билан биргаликда, реабилитация хизматларини кўрсатиш имкониятига эга бўлган биттадан «Имкон» кўп тармоқли ихтисослашган мактабгача таълим ташкилотлари ташкил этилганлиги маълумот учун қабул қилинсин.
Вазирлар Маҳкамаси 2023 — 2025 йилларда қолган 10 та ҳудудда реабилитация марказига эга бўлган «Имкон» кўп тармоқли ихтисослашган мактабгача таълим ташкилотларини ташкил этиш ва мактабгача ёшдаги ногиронлиги бўлган болаларни ушбу муассасалар билан қамраб олиш чораларини кўрсин.
3. Белгилаб қўйилсинки:
а) етим болалар ва ота-она қарамоғидан маҳрум бўлган болалар уларга давлат томонидан иккиламчи бозордан олиб берилган уй-жойларни мулкка эгалик қилиш ҳуқуқи асосида ўз номига расмийлаштиришда нотариус ва кадастр хизматлари учун (олди-сотди шартномаси ва кўчмас мулк объектларини давлат рўйхатидан ўтказиш) давлат божи тўлашдан озод этилади;
б) етим ёки ота-она қарамоғидан маҳрум бўлган талабаларга давлат олий таълим муассасаларида озиқ-овқат, кийим-кечак ва санитария воситалари харид қилиш учун маблағ ажратиш амалиёти нодавлат олий таълим муассасалари талабаларига ҳам татбиқ этилади.
Бунда, ушбу мақсадлар учун маблағлар Давлат бюджети параметрларида Олий ва ўрта махсус таълим вазирлигига ажратилган ресурсларда назарда тутилади ва нодавлат олий таълим муассасаларининг сўровига асосан ажратиб борилади;
в) 2022 йил 1 июндан бошлаб «Ишга марҳамат» мономарказларида инклюзив таълим асосида касб-ҳунарга ўқитилаётган ногиронлиги бўлган шахсларга ногиронлик нафақаси билан бир вақтда, Бандликка кўмаклашиш давлат жамғармаси маблағлари ҳисобидан базавий ҳисоблаш миқдорининг 2 баравари миқдорида ҳар ойлик стипендия тўлаб берилади.
4. 2022 йил 1 майдан бошлаб «Саховат» уйларида яшовчи зарур иш стажига эга бўлмаган кекса ёшдаги ва меҳнатга лаёқатсиз фуқароларга шахсий сарф-харажатлари учун ҳар ойда тегишли нафақа миқдорининг 20 фоизини тўлаш тартиби жорий қилинсин.
5. Тиббий-ижтимоий хизматларни ривожлантириш агентлиги, Молия вазирлиги, Ўзбекистон «Veteran» жангчи-фахрий ва ногиронлари бирлашмасининг Афғон урушида иштирок этган ногиронлиги бўлган жангчи-фахрийларни индивидуал ўлчовлар асосида тайёрланадиган тегишли замонавий протез-ортопедия мосламалари билан таъминлаш тўғрисидаги таклифи маъқуллансин.
Тиббий-ижтимоий хизматларни ривожлантириш агентлиги (А. Инаков), Ўзбекистон «Veteran» жангчи-фахрийлар ва ногиронлар бирлашмаси икки ой муддатда Афғон урушида иштирок этган ногиронлиги бўлган жангчи-фахрийларни протез-ортопедия мосламалари билан таъминлаш режа-графигини ишлаб чиқсин ва тасдиқласин.
Молия вазирлиги (Т. Ишметов) мазкур бандда назарда тутилган тадбирлар учун Тиббий-ижтимоий хизматларни ривожлантириш агентлигининг асосланган ҳисоб-китобларига биноан 2022 йилда Давлат бюджетидан қўшимча маблағ ажратсин.
6. Белгилансинки, 2023 йил 1 январдан бошлаб I ва II гуруҳ ногиронлиги учун пенсия тайинлангандан кейин ишлаган фуқароларнинг иш стажи ва иш ҳақини ҳисобга олган ҳолда, ногиронлик пенсияси миқдорларини ҳар икки йилда қайта ҳисоблаш тартиби жорий этилади.
Молия вазирлиги (Т. Ишметов) манфаатдор вазирлик ва идоралар билан биргаликда уч ой муддатда мазкур бандда кўрсатилган тартибни жорий этиш бўйича «Фуқароларнинг давлат пенсия таъминоти тўғрисида»ги Ўзбекистон Республикаси Қонунига ўзгартириш ва қўшимчалар киритиш тўғрисида»ги Ўзбекистон Республикаси қонуни лойиҳасини Вазирлар Маҳкамасига белгиланган тартибда киритсин.
7. Белгилаб қўйилсинки, 2023 йил 1 январдан бошлаб Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари ҳузуридаги нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фондлари (кейинги ўринларда — ҳудудий жамоат фондлари) ҳисобидан Ўзбекистон ногиронлар жамияти, Ўзбекистон кўзи ожизлар жамияти, Ўзбекистон карлар жамияти ҳамда Ўзбекистон ногиронлар ассоциациясининг ҳудудий бўлинмаларига давлат субсидиясини ажратиш тизими жорий этилади.
Ўзбекистон ногиронлар жамияти, Ўзбекистон кўзи ожизлар жамияти, Ўзбекистон карлар жамияти ва Ўзбекистон ногиронлар ассоциациясининг ўз ҳудудий бўлинмалари томонидан 2023 йил 1 январдан бошлаб тегишли ҳудудлардаги ногиронлиги бўлган шахсларни реабилитация қилиш, ижтимоий ёрдам кўрсатиш, жамиятда ўз ўрнини топишида кўмаклашиш борасида амалга оширилган ишлар натижаси бўйича ҳар йили Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари ҳузуридаги ижтимоий шериклик бўйича жамоат комиссияларига ҳисобот бериш амалиётини йўлга қўйиш ҳақидаги таклифи маъқуллансин.
Ўзбекистон Республикаси Олий Мажлиси ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясига Молия вазирлиги ҳамда Бандлик ва меҳнат муносабатлари вазирлиги билан келишилган ҳолда, икки ой муддатда Ўзбекистон ногиронлар жамияти, Ўзбекистон кўзи ожизлар жамияти, Ўзбекистон карлар жамияти ва Ўзбекистон ногиронлар ассоциациясининг ҳудудий бўлинмалари учун тавсиявий штатлар меъёрларини ҳамда меҳнатга ҳақ тўлаш миқдорларини тасдиқлаш ва ҳудудий жамоат фондларига етказиш тавсия этилсин.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2023 йилдан бошлаб Қорақалпоғистон Республикаси, вилоятлар ва Тошкент шаҳар маҳаллий бюджетларида ҳудудий жамоат фондлари учун тегишли маблағлар кўзда тутилишини таъминласин.
8. Молия вазирлиги, Халқ таълими вазирлиги, Тиббий-ижтимоий хизматларни ривожлантириш агентлигининг 2022-2023 йилларда давлат ижтимоий муассасаларининг қуриш ва таъмирлаш ҳамда уларнинг моддий-техника базасини мустаҳкамлаш учун 600 миллиард сўм йўналтириш тўғрисидаги таклифи маъқуллансин.
Иқтисодий тараққиёт ва камбағалликни қисқартириш вазирлиги (А. Бобоев):
Молия вазирлиги, Халқ таълими вазирлиги, Тиббий-ижтимоий хизматларни ривожлантириш агентлиги билан биргаликда икки ой муддатда 2022-2023 йилларда давлат ижтимоий муассасаларининг қурилиш ва таъмирлаш ҳамда уларнинг моддий-техника базасини мустаҳкамлаш бўйича манзилли дастурни ишлаб чиқиб, тасдиқлаш учун Вазирлар Маҳкамасига киритсин;
қурилиш-таъмирлаш ва моддий-техника базасини мустаҳкамлаш ишлари ўрнатилган тартибда 2023 йилга мўлжалланган Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида амалга оширилишини таъминласин.
Молия вазирлиги (Т. Ишметов) давлат ижтимоий муассасаларини жорий таъмирлаш ва жиҳозлаш учун 2022 йилда Давлат бюджети параметрларида аҳолини уй-жой билан таъминлаш дастурларини молиялаштириш учун кўзда тутилган маблағларнинг йил якунига қадар иқтисод қилиниши кутилаётган қисми ҳисобидан 150 миллиард сўм ажратсин, 2023 йилда эса қурилиш-таъмирлаш ишларини ўрнатилган тартибда 2023 йилга мўлжалланган ижтимоий ва ишлаб чиқариш инфратузилмасини ривожлантириш дастури доирасида кўзда тутсин.
9. Молия вазирлиги (Т. Ишметов) мазкур қарорда кўзда тутилаётган тадбирларни амалга ошириш билан боғлиқ харажатларни молиялаштириш учун асосланган ҳисоб-китобларга асосан Давлат бюджетидан маблағ ажратилишини таъминласин.
10. Мазкур қарорнинг ижросини самарали ташкил қилишга масъул ва шахсий жавобгар этиб молия вазири Т.А. Ишметов, Тиббий-ижтимоий хизматларни ривожлантириш агентлиги директори А.К. Инаков, халқ таълими вазири Б.О. Саидов ва соғлиқни сақлаш вазири Б.А. Мусаев белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 29 апрель,
ПҚ-230-сон
Oʻzbekiston Respublikasi Prezidentining
Qarori
Ijtimoiy himoyaga va yordamga muhtoj aholi qatlamlarini moddiy qoʻllab-quvvatlashga doir qoʻshimcha chora-tadbirlar toʻgʻrisida
Aholiga ijtimoiy xizmatlar koʻrsatishni sifat jihatidan yangi bosqichga olib chiqish, nogironligi boʻlgan shaxslarning jamiyatga ijtimoiy moslashuvi uchun keng imkoniyatlar yaratish hamda yetim bolalar va ota-ona qaramogʻidan mahrum boʻlgan bolalarni joylashtirishning oilaviy va boshqa muqobil shakllarini davlat tomonidan yanada qoʻllab-quvvatlash maqsadida:
1. Shunday tartib oʻrnatilsinki, unga muvofiq 2022-yil 1-iyuldan boshlab:
a) oilaviy bolalar uylariga Davlat budjetidan mablagʻ ajratishning quyidagi tartibi joriy etiladi:
oilaviy bolalar uylarining saqlash xarajatlari uchun Davlat budjetidan mablagʻ ajratishda bir nafar tarbiyalanuvchiga toʻgʻri keladigan xarajatlar miqdori hamda bolalar sonidan kelib chiqib, zarur mablagʻlar ota-onalar nomiga ochilgan bank plastik kartalariga oʻtkazib beriladi;
oilaviy bolalar uylarida bir nafar tarbiyalanuvchi uchun Davlat budjetidan moliyalashtiriladigan oylik xarajatlar tarkibiga kommunal xarajatlar ham kiritiladi;
b) oilaviy bolalar uylari tomonidan isteʼmol qilingan kommunal xizmatlar uchun toʻlovlar jismoniy shaxslar uchun belgilangan narxlarda amalga oshiriladi;
v) jismoniy yoki psixik rivojlanishida nuqsoni boʻlgan bolalar uchun ixtisoslashtirilgan maktab va maktab-internatlarda hamda imkoniyati cheklangan shaxslar uchun ixtisoslashtirilgan maxsus texnikumlarida ishlovchi mutaxassis (shu jumladan tibbiyot xodimlari), ishlab chiqarish, oʻquv yordamchi, texnik va xizmat koʻrsatuvchi xodimlarning bazaviy tarif stavkalariga 50 foiz miqdorda ustamalar toʻlanadi.
2. Quyidagilar:
2021-yilda eshitish qobiliyati zaif bolalarning odatiy hayotga moslashuvini osonlashtirish uchun xalqaro nodavlat notijorat tashkilotlar bilan birgalikda 4 ming dona zamonaviy eshitish moslamalari ixtisoslashtirilgan taʼlim muassasalarida taʼlim olayotgan zaif eshituvchi bolalarga yetkazib berilishi natijasida ularning eshitish qobiliyati yaxshilanib, umumtaʼlim fanlarini oʻzlashtirish darajasi oshganligi;
Qoraqalpogʻiston Respublikasi, Qashqadaryo, Navoiy va Toshkent viloyatlarida maktabgacha yoshdagi nogironligi boʻlgan bolalarga taʼlim berish bilan birgalikda, reabilitatsiya xizmatlarini koʻrsatish imkoniyatiga ega boʻlgan bittadan “Imkon” koʻp tarmoqli ixtisoslashgan maktabgacha taʼlim tashkilotlari tashkil etilganligi maʼlumot uchun qabul qilinsin.
Vazirlar Mahkamasi 2023 — 2025-yillarda qolgan 10 ta hududda reabilitatsiya markaziga ega boʻlgan “Imkon” koʻp tarmoqli ixtisoslashgan maktabgacha taʼlim tashkilotlarini tashkil etish va maktabgacha yoshdagi nogironligi boʻlgan bolalarni ushbu muassasalar bilan qamrab olish choralarini koʻrsin.
3. Belgilab qoʻyilsinki:
a) yetim bolalar va ota-ona qaramogʻidan mahrum boʻlgan bolalar ularga davlat tomonidan ikkilamchi bozordan olib berilgan uy-joylarni mulkka egalik qilish huquqi asosida oʻz nomiga rasmiylashtirishda notarius va kadastr xizmatlari uchun (oldi-sotdi shartnomasi va koʻchmas mulk obyektlarini davlat roʻyxatidan oʻtkazish) davlat boji toʻlashdan ozod etiladi;
b) yetim yoki ota-ona qaramogʻidan mahrum boʻlgan talabalarga davlat oliy taʼlim muassasalarida oziq-ovqat, kiyim-kechak va sanitariya vositalari xarid qilish uchun mablagʻ ajratish amaliyoti nodavlat oliy taʼlim muassasalari talabalariga ham tatbiq etiladi.
Bunda, ushbu maqsadlar uchun mablagʻlar Davlat budjeti parametrlarida Oliy va oʻrta maxsus taʼlim vazirligiga ajratilgan resurslarda nazarda tutiladi va nodavlat oliy taʼlim muassasalarining soʻroviga asosan ajratib boriladi;
v) 2022-yil 1-iyundan boshlab “Ishga marhamat” monomarkazlarida inklyuziv taʼlim asosida kasb-hunarga oʻqitilayotgan nogironligi boʻlgan shaxslarga nogironlik nafaqasi bilan bir vaqtda, Bandlikka koʻmaklashish davlat jamgʻarmasi mablagʻlari hisobidan bazaviy hisoblash miqdorining 2 baravari miqdorida har oylik stipendiya toʻlab beriladi.
4. 2022-yil 1-maydan boshlab “Saxovat” uylarida yashovchi zarur ish stajiga ega boʻlmagan keksa yoshdagi va mehnatga layoqatsiz fuqarolarga shaxsiy sarf-xarajatlari uchun har oyda tegishli nafaqa miqdorining 20 foizini toʻlash tartibi joriy qilinsin.
5. Tibbiy-ijtimoiy xizmatlarni rivojlantirish agentligi, Moliya vazirligi, Oʻzbekiston “Veteran” jangchi-faxriy va nogironlari birlashmasining Afgʻon urushida ishtirok etgan nogironligi boʻlgan jangchi-faxriylarni individual oʻlchovlar asosida tayyorlanadigan tegishli zamonaviy protez-ortopediya moslamalari bilan taʼminlash toʻgʻrisidagi taklifi maʼqullansin.
Tibbiy-ijtimoiy xizmatlarni rivojlantirish agentligi (A. Inakov), Oʻzbekiston “Veteran” jangchi-faxriylar va nogironlar birlashmasi ikki oy muddatda Afgʻon urushida ishtirok etgan nogironligi boʻlgan jangchi-faxriylarni protez-ortopediya moslamalari bilan taʼminlash reja-grafigini ishlab chiqsin va tasdiqlasin.
Moliya vazirligi (T. Ishmetov) mazkur bandda nazarda tutilgan tadbirlar uchun Tibbiy-ijtimoiy xizmatlarni rivojlantirish agentligining asoslangan hisob-kitoblariga binoan 2022-yilda Davlat budjetidan qoʻshimcha mablagʻ ajratsin.
6. Belgilansinki, 2023-yil 1-yanvardan boshlab I va II guruh nogironligi uchun pensiya tayinlangandan keyin ishlagan fuqarolarning ish staji va ish haqini hisobga olgan holda, nogironlik pensiyasi miqdorlarini har ikki yilda qayta hisoblash tartibi joriy etiladi.
Moliya vazirligi (T. Ishmetov) manfaatdor vazirlik va idoralar bilan birgalikda uch oy muddatda mazkur bandda koʻrsatilgan tartibni joriy etish boʻyicha “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish toʻgʻrisida”gi Oʻzbekiston Respublikasi qonuni loyihasini Vazirlar Mahkamasiga belgilangan tartibda kiritsin.
7. Belgilab qoʻyilsinki, 2023-yil 1-yanvardan boshlab Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi nodavlat notijorat tashkilotlarni va fuqarolik jamiyatining boshqa institutlarini qoʻllab-quvvatlash jamoat fondlari (keyingi oʻrinlarda — hududiy jamoat fondlari) hisobidan Oʻzbekiston nogironlar jamiyati, Oʻzbekiston koʻzi ojizlar jamiyati, Oʻzbekiston karlar jamiyati hamda Oʻzbekiston nogironlar assotsiatsiyasining hududiy boʻlinmalariga davlat subsidiyasini ajratish tizimi joriy etiladi.
Oʻzbekiston nogironlar jamiyati, Oʻzbekiston koʻzi ojizlar jamiyati, Oʻzbekiston karlar jamiyati va Oʻzbekiston nogironlar assotsiatsiyasining oʻz hududiy boʻlinmalari tomonidan 2023-yil 1-yanvardan boshlab tegishli hududlardagi nogironligi boʻlgan shaxslarni reabilitatsiya qilish, ijtimoiy yordam koʻrsatish, jamiyatda oʻz oʻrnini topishida koʻmaklashish borasida amalga oshirilgan ishlar natijasi boʻyicha har yili Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi ijtimoiy sheriklik boʻyicha jamoat komissiyalariga hisobot berish amaliyotini yoʻlga qoʻyish haqidagi taklifi maʼqullansin.
Oʻzbekiston Respublikasi Oliy Majlisi huzuridagi Nodavlat notijorat tashkilotlarni va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga Moliya vazirligi hamda Bandlik va mehnat munosabatlari vazirligi bilan kelishilgan holda, ikki oy muddatda Oʻzbekiston nogironlar jamiyati, Oʻzbekiston koʻzi ojizlar jamiyati, Oʻzbekiston karlar jamiyati va Oʻzbekiston nogironlar assotsiatsiyasining hududiy boʻlinmalari uchun tavsiyaviy shtatlar meʼyorlarini hamda mehnatga haq toʻlash miqdorlarini tasdiqlash va hududiy jamoat fondlariga yetkazish tavsiya etilsin.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2023-yildan boshlab Qoraqalpogʻiston Respublikasi, viloyatlar va Toshkent shahar mahalliy budjetlarida hududiy jamoat fondlari uchun tegishli mablagʻlar koʻzda tutilishini taʼminlasin.
8. Moliya vazirligi, Xalq taʼlimi vazirligi, Tibbiy-ijtimoiy xizmatlarni rivojlantirish agentligining 2022-2023-yillarda davlat ijtimoiy muassasalarining qurish va taʼmirlash hamda ularning moddiy-texnika bazasini mustahkamlash uchun 600 milliard soʻm yoʻnaltirish toʻgʻrisidagi taklifi maʼqullansin.
Iqtisodiy taraqqiyot va kambagʻallikni qisqartirish vazirligi (A. Boboyev):
Moliya vazirligi, Xalq taʼlimi vazirligi, Tibbiy-ijtimoiy xizmatlarni rivojlantirish agentligi bilan birgalikda ikki oy muddatda 2022-2023-yillarda davlat ijtimoiy muassasalarining qurilish va taʼmirlash hamda ularning moddiy-texnika bazasini mustahkamlash boʻyicha manzilli dasturni ishlab chiqib, tasdiqlash uchun Vazirlar Mahkamasiga kiritsin;
qurilish-taʼmirlash va moddiy-texnika bazasini mustahkamlash ishlari oʻrnatilgan tartibda 2023-yilga moʻljallangan Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida amalga oshirilishini taʼminlasin.
Moliya vazirligi (T. Ishmetov) davlat ijtimoiy muassasalarini joriy taʼmirlash va jihozlash uchun 2022-yilda Davlat budjeti parametrlarida aholini uy-joy bilan taʼminlash dasturlarini moliyalashtirish uchun koʻzda tutilgan mablagʻlarning yil yakuniga qadar iqtisod qilinishi kutilayotgan qismi hisobidan 150 milliard soʻm ajratsin, 2023-yilda esa qurilish-taʼmirlash ishlarini oʻrnatilgan tartibda 2023-yilga moʻljallangan ijtimoiy va ishlab chiqarish infratuzilmasini rivojlantirish dasturi doirasida koʻzda tutsin.
9. Moliya vazirligi (T. Ishmetov) mazkur qarorda koʻzda tutilayotgan tadbirlarni amalga oshirish bilan bogʻliq xarajatlarni moliyalashtirish uchun asoslangan hisob-kitoblarga asosan Davlat budjetidan mablagʻ ajratilishini taʼminlasin.
10. Mazkur qarorning ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov, Tibbiy-ijtimoiy xizmatlarni rivojlantirish agentligi direktori A.K. Inakov, xalq taʼlimi vaziri B.O. Saidov va sogʻliqni saqlash vaziri B.A. Musayev belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 29-aprel,
PQ-230-son
Президента Республики Узбекистан
Постановление
О дополнительных мерах по материальной поддержке слоев населения, нуждающихся в социальной защите и помощи
В целях поднятия на качественно новый уровень оказания социальных услуг населению, создания широких возможностей для социальной адаптации лиц с инвалидностью в обществе, а также дальнейшей государственной поддержки семейных и иных альтернативных форм размещения детей-сирот и детей, оставшихся без попечения родителей:
1. Установить порядок, в соответствии с которым начиная с 1 июля 2022 года:
а) внедряется следующий порядок выделения детским домам семейного типа средств из Государственного бюджета:
при выделении средств из Государственного бюджета на расходы по содержанию детских домов семейного типа размер затрат на одного воспитанника, а также необходимые средства исходя из численности детей перечисляются на банковские пластиковые карты, открытые на имя родителей;
в состав ежемесячных расходов, финансируемых из Государственного бюджета на каждого воспитанника в детских домах семейного типа, включаются также коммунальные расходы;
б) платежи за коммунальные услуги, потребленные детскими домами семейного типа, производятся по ценам, установленным для физических лиц;
в) к базовым тарифным ставкам специалистов (в том числе медицинских работников), а также производственного, учебно-вспомогательного, технического и обслуживающего персонала, работающих в специализированных школах и школах-интернатах для детей с отклонениями в физическом или психическом развитии, а также в специализированных техникумах для лиц с ограниченными возможностями, устанавливаются надбавки в размере 50 процентов.
2. Принять к сведению, что:
в результате доставки совместно с международными негосударственными некоммерческими организациями в 2021 году для слабослышащих детей, обучающихся в специализированных образовательных учреждениях, 4 тысяч штук современных слуховых аппаратов с целью облегчения адаптации слабослышащих детей к обычной жизни улучшились их слуховые способности, повысился уровень усвоения общеобразовательных предметов;
в Республике Каракалпакстан, Кашкадарьинской, Навоийской и Ташкентской областях создано по одной многопрофильной специализированной дошкольной образовательной организации «Имкон», имеющей возможность оказания услуг по реабилитации наряду с обучением детей с инвалидностью дошкольного возраста.
Кабинету Министров принять меры по созданию в 2023 — 2025 годах в остальных 10 регионах центры реабилитации многопрофильных специализированных дошкольных образовательных организаций «Имкон» и охвату детей с инвалидностью дошкольного возраста данными учреждениями.
3. Установить, что:
а) дети-сироты и дети, оставшиеся без попечения родителей, при оформлении на свое имя жилья, приобретенного для них государством на вторичном рынке, на основе права собственности освобождаются от уплаты государственной пошлины за нотариальные и кадастровые услуги (договор купли-продажи и государственная регистрация объектов недвижимости);
б) практика выделения студентам, являющимся сиротами или оставшимся без попечения родителей, средств на приобретение в государственных высших образовательных учреждениях продуктов питания, одежды и предметов санитарии, распространяется также на студентов негосударственных высших образовательных учреждений.
При этом средства на данные цели предусматриваются в ресурсах, выделенных в параметрах Государственного бюджета для Министерства высшего и среднего специального образования, и выделяются по запросу негосударственных высших образовательных учреждений;
в) начиная с 1 июня 2022 года лицам с инвалидностью, обучаемым профессиям в моноцентрах «Ишга мархамат» на основе инклюзивного образования, одновременно с пособием по инвалидности выплачивается также ежемесячная стипендия в двукратном размере базовой расчетной величины за счет средств Государственного фонда содействия занятости.
4. Внедрить начиная с 1 мая 2022 года порядок ежемесячной выплаты проживающим в домах «Саховат» престарелым и нетрудоспособным гражданам, не имеющим необходимый стаж работы, 20 процентов размера соответствующей пенсии на личные расходы.
5. Одобрить предложение Агентства по развитию медико-социальных услуг, Министерства финансов, Объединения воинов-ветеранов и инвалидов Узбекистана «Veteran» об обеспечении воинов-ветеранов с инвалидностью, участвовавших в афганской войне, соответствующими современными протезно-ортопедическими изделиями, изготовленными по индивидуальным меркам.
Агентству по развитию медико-социальных услуг (А. Инаков), Объединению воинов-ветеранов и инвалидов Узбекистана «Veteran» в двухмесячный срок разработать и утвердить план-график обеспечения воинов-ветеранов с инвалидностью, участвовавших в афганской войне, протезно-ортопедическими изделиями.
Министерству финансов (Т. Ишметов) выделить в 2022 году из Государственного бюджета дополнительные средства на мероприятия, предусмотренные настоящим пунктом, согласно обоснованным расчетам Агентства по развитию медико-социальных услуг.
6. Определить, что начиная с 1 января 2023 года вводится порядок перерасчета в каждые два года размера пенсии по инвалидности гражданам, проработавшим после назначения пенсии по инвалидности I и II группы, с учетом стажа работы и заработной платы.
Министерству финансов (Т. Ишметов) совместно с заинтересованными министерствами и ведомствами в трехмесячный срок внести в Кабинет Министров в установленном порядке проект закона Республики Узбекистан «О внесении изменений и дополнений в Закон Республики Узбекистан «О государственном пенсионном обеспечении граждан» по внедрению порядка, указанного в настоящем пункте.
7. Установить, что начиная с 1 января 2023 года внедряется система выделения государственной субсидии территориальным подразделениям Общества инвалидов Узбекистана, Общества слепых Узбекистана, Общества глухих Узбекистана, а также Ассоциации инвалидов Узбекистана за счет общественных фондов по поддержке негосударственных некоммерческих организаций и других институтов гражданского общества при Жокаргы Кенесе Республики Каракалпакстан, Кенгашах народных депутатов областей и города Ташкента (далее — территориальные общественные фонды).
Одобрить предложение Общества инвалидов Узбекистана, Общества слепых Узбекистана, Общества глухих Узбекистана и Ассоциации инвалидов Узбекистана о внедрении практики представления их территориальными подразделениями начиная с 1 января 2023 года ежегодного отчета перед общественными комиссиями по социальному партнерству при Жокаргы Кенесе Республики Каракалпакстан, Кенгашах народных депутатов областей и города Ташкента о результатах проделанной работы по реабилитации лиц с инвалидностью на соответствующей территории, оказанию им социальной помощи, содействию обретению ими своего места в обществе.
Рекомендовать Парламентской комиссии по управлению средствами Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан при согласовании с Министерством финансов, Министерством занятости и трудовых отношений в двухмесячный срок утвердить и довести до территориальных общественных фондов рекомендуемые штатные нормы и размеры оплаты труда для территориальных подразделений Общества инвалидов Узбекистана, Общества слепых Узбекистана, Общества глухих Узбекистана и Ассоциации инвалидов Узбекистана.
Совету Министров Республики Каракалпакстан, хокимияты областей и города Ташкента начиная с 2023 года обеспечить предусмотрение в местных бюджетах Республики Каракалпакстан, областей и города Ташкента соответствующие средства для территориальных общественных фондов.
8. Одобрить предложение Министерства финансов, Министерства народного образования, Агентства по развитию медико-социальных услуг о направлении 600 миллиардов сумов на строительство, ремонт и укрепление материально-технической базы государственных социальных учреждений в 2022-2023 годах.
Министерству экономического развития и сокращения бедности (А. Бобоев):
совместно с Министерством финансов, Министерством народного образования, Агентством по развитию медико-социальных услуг в двухмесячный срок разработать и внести на утверждение в Кабинет Министров адресную программу по строительству, ремонту и укреплению материально-технической базы государственных социальных учреждениях в 2022-2023 годах;
обеспечить осуществление строительства, ремонта и укрепления материально-технической базы в рамках Программы развития социальной и производственной инфраструктуры Республики Узбекистан на 2023 год в установленном порядке.
Министерству финансов (Т. Ишметов) для текущего ремонта и оснащения государственных социальных учреждений выделить 150 миллиардов сумов за счет сэкономленной по прогнозам к концу года части средств, предусмотренных в параметрах Государственного бюджета в 2022 году для финансирования программ по обеспечению населения жильем, в 2023 году — предусмотреть строительно-ремонтные работы в рамках Программы развития социальной и производственной инфраструктуры на 2023 год в установленном порядке.
9. Министерству финансов (Т. Ишметов) обеспечить выделение средств из Государственного бюджета на финансирование расходов, связанных с реализацией мер, предусмотренных настоящим постановлением, согласно обоснованным расчетам.
10. Возложить на министра финансов Т.А. Ишметова, директора Агентства по развитию медико-социальных услуг А.К. Инакова, министра народного образования Б.О. Саидова и министра здравоохранения Б.А. Мусаева персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Д.А. Кучкарова и советника Президента Республики Узбекистан А.А. Абдувахитова.
Президент Республики Узбекистан Ш. МИРЗИЁЕВ
г. Ташкент,
29 апреля 2022 г.,
№ ПП-230