📅 2022-yil 30-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 30 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 апреля 2022 г. · Постановления Президента
Официальный текст. Официальный документ. Редакционные примечания не включены.
📅 30 April 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Рамазон ҳайитини нишонлаш тўғрисида
Янги Ўзбекистонда амалга оширилаётган кўлами теран, аҳамияти юксак ислоҳотлар халқимизнинг тинч ва фаровон ҳаётини таъминлаш, инсон қадрини улуғлаш, фуқаролар учун виждон эркинлиги ҳуқуқини тўлиқ кафолатлашнинг мустаҳкам асоси бўлиб хизмат қилмоқда.
Юртимиздаги барча мўмин-мусулмонлар муборак Рамазон ойини бу йил ҳам яратилган қулайлик ва имкониятлардан самарали фойдаланиб, тинч ва осуда ҳаётнинг қадрига етиш ҳамда унга шукрона келтириш кайфиятида ўтказдилар.
Халқимиз учун эзгулик ва мурувват, руҳий покланиш ойи ҳисобланган ушбу қутлуғ кунларда уламолар, имом-хатиблар, муҳтарам фахрийлар, маҳалла оқсоқоллари ва фаоллари томонидан жойларда 20 мингдан зиёд маънавий-маърифий тадбирлар амалга оширилди. Айниқса, саховат тадбирлари доирасида 100 мингдан ортиқ кам таъминланган хонадонлар ҳолидан хабар олиниб, уларга ижтимоий ёрдам ва кўмак кўрсатилди. Бу эса юртдошларимизнинг ҳаётдан рози бўлиб яшаши ҳамда Рамазон ҳайити байрами шукуҳининг янада ошишига хизмат қилмоқда.
Муборак Рамазон ҳайити моҳиятида мужассам бўлган хайру саховат, меҳр-оқибат, инсонпарварлик сингари азалий анъана ва қадриятларимизни асраб-авайлаш ҳамда кенг тарғиб этиш, халқимизнинг эзгу ният ва орзу-интилишларини қўллаб-қувватлаш мақсадида:
1. Жорий йилда Рамазон ҳайитининг биринчи куни 2 май — душанба кунига тўғри келиши тўғрисида Ўзбекистон мусулмонлари идораси Уламолар кенгаши томонидан қабул қилинган қарорни инобатга олиб, мамлакатимизда 2022 йил 2 май куни Рамазон ҳайити байрами сифатида кенг нишонлансин.
Ўзбекистон Республикаси Президентининг 2022 йил 30 апрелдаги «Ўзбекистон Республикаси Президентининг 2021 йил 20 декабрдаги «2022 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги ПФ-35-сон Фармонига ўзгартиришлар киритиш тўғрисида»ги ПФ-131-сон Фармони билан 2022 йил 3-4 май кунлари қўшимча дам олиш кунлари сифатида белгиланганлиги маълумот учун қабул қилинсин.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита, Маҳалла ва нуронийларни қўллаб-қувватлаш вазирлиги ҳамда жамоат ташкилотлари билан ҳамкорликда Рамазон ҳайити халқимизнинг миллий ва диний анъаналарига мос равишда ўтказилиши учун тегишли чора-тадбирларни амалга оширсин.
Туризм ва маданий мерос вазирлиги Транспорт вазирлиги билан биргаликда юртдошларимиз учун муборак Рамазон ҳайити кунларида мўътабар зиёратгоҳлар ва тарихий қадамжоларга зиёратларини ташкил этиш мақсадида қулай шароит ва имкониятлар яратсин.
3. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Рамазон ҳайитини нишонлаш билан боғлиқ тадбирларни кенг ёритиш тавсия этилсин.
4. Ўзбекистон Республикаси Президентининг айрим қарорлари иловага мувофиқ ўз кучини йўқотган деб ҳисоблансин.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси М.М. Камилов зиммасига юклансин.
Ўзбекистон Республикаси Президентининг 2022 йил 30 апрелдаги ПҚ-231-сон қарорига ИЛОВА
Ўзбекистон Республикаси Президентининг ўз кучини йўқотган деб эътироф этилаётган айрим қарорлари
1. Ўзбекистон Республикаси Президентининг 2019 йил 30 майдаги «Рамазон ҳайитини нишонлаш тўғрисида»ги ПҚ-4349-сон қарори .
2. Ўзбекистон Республикаси Президентининг 2020 йил 21 майдаги «Рамазон ҳайитини нишонлаш тўғрисида»ги ПҚ-4721-сон қарори .
3. Ўзбекистон Республикаси Президентининг 2021 йил 10 майдаги «Рамазон ҳайитини нишонлаш тўғрисида»ги ПҚ-5110-сон қарори .
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 30 апрель,
ПҚ-231-сон
Oʻzbekiston Respublikasi Prezidentining
Qarori
ROʻYXATI
Ramazon hayitini nishonlash toʻgʻrisida
Yangi Oʻzbekistonda amalga oshirilayotgan koʻlami teran, ahamiyati yuksak islohotlar xalqimizning tinch va farovon hayotini taʼminlash, inson qadrini ulugʻlash, fuqarolar uchun vijdon erkinligi huquqini toʻliq kafolatlashning mustahkam asosi boʻlib xizmat qilmoqda.
Yurtimizdagi barcha moʻmin-musulmonlar muborak Ramazon oyini bu yil ham yaratilgan qulaylik va imkoniyatlardan samarali foydalanib, tinch va osuda hayotning qadriga yetish hamda unga shukrona keltirish kayfiyatida oʻtkazdilar.
Xalqimiz uchun ezgulik va muruvvat, ruhiy poklanish oyi hisoblangan ushbu qutlugʻ kunlarda ulamolar, imom-xatiblar, muhtaram faxriylar, mahalla oqsoqollari va faollari tomonidan joylarda 20 mingdan ziyod maʼnaviy-maʼrifiy tadbirlar amalga oshirildi. Ayniqsa, saxovat tadbirlari doirasida 100 mingdan ortiq kam taʼminlangan xonadonlar holidan xabar olinib, ularga ijtimoiy yordam va koʻmak koʻrsatildi. Bu esa yurtdoshlarimizning hayotdan rozi boʻlib yashashi hamda Ramazon hayiti bayrami shukuhining yanada oshishiga xizmat qilmoqda.
Muborak Ramazon hayiti mohiyatida mujassam boʻlgan xayru saxovat, mehr-oqibat, insonparvarlik singari azaliy anʼana va qadriyatlarimizni asrab-avaylash hamda keng targʻib etish, xalqimizning ezgu niyat va orzu-intilishlarini qoʻllab-quvvatlash maqsadida:
1. Joriy yilda Ramazon hayitining birinchi kuni 2-may — dushanba kuniga toʻgʻri kelishi toʻgʻrisida Oʻzbekiston musulmonlari idorasi Ulamolar kengashi tomonidan qabul qilingan qarorni inobatga olib, mamlakatimizda 2022-yil 2-may kuni Ramazon hayiti bayrami sifatida keng nishonlansin.
Oʻzbekiston Respublikasi Prezidentining 2022-yil 30-apreldagi “Oʻzbekiston Respublikasi Prezidentining 2021-yil 20-dekabrdagi “2022-yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida”gi PF-35-son Farmoniga oʻzgartirishlar kiritish toʻgʻrisida”gi PF-131-son Farmoni bilan 2022-yil 3-4-may kunlari qoʻshimcha dam olish kunlari sifatida belgilanganligi maʼlumot uchun qabul qilinsin.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Din ishlari boʻyicha qoʻmita, Mahalla va nuroniylarni qoʻllab-quvvatlash vazirligi hamda jamoat tashkilotlari bilan hamkorlikda Ramazon hayiti xalqimizning milliy va diniy anʼanalariga mos ravishda oʻtkazilishi uchun tegishli chora-tadbirlarni amalga oshirsin.
Turizm va madaniy meros vazirligi Transport vazirligi bilan birgalikda yurtdoshlarimiz uchun muborak Ramazon hayiti kunlarida moʻtabar ziyoratgohlar va tarixiy qadamjolarga ziyoratlarini tashkil etish maqsadida qulay sharoit va imkoniyatlar yaratsin.
3. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga Ramazon hayitini nishonlash bilan bogʻliq tadbirlarni keng yoritish tavsiya etilsin.
4. Oʻzbekiston Respublikasi Prezidentining ayrim qarorlari ilovaga muvofiq oʻz kuchini yoʻqotgan deb hisoblansin.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi M.M. Kamilov zimmasiga yuklansin.
Oʻzbekiston Respublikasi Prezidentining 2022-yil 30-apreldagi PQ-231-son qaroriga ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim qarorlari
1. Oʻzbekiston Respublikasi Prezidentining 2019-yil 30-maydagi “Ramazon hayitini nishonlash toʻgʻrisida”gi PQ-4349-son qarori .
2. Oʻzbekiston Respublikasi Prezidentining 2020-yil 21-maydagi “Ramazon hayitini nishonlash toʻgʻrisida”gi PQ-4721-son qarori .
3. Oʻzbekiston Respublikasi Prezidentining 2021-yil 10-maydagi “Ramazon hayitini nishonlash toʻgʻrisida”gi PQ-5110-son qarori .
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 30-aprel,
PQ-231-son
Президента Республики Узбекистан
Постановление
ПЕРЕЧЕНЬ
О праздновании Рамазан хайита
Осуществляемые в Новом Узбекистане грандиозные по своим масштабам и значимости реформы служат обеспечению мирной и благополучной жизни нашего народа, возвеличиванию чести и достоинства человека, прочной основой полноценного гарантирования гражданам права на свободу совести.
Все мусульмане нашей страны и в этом году, эффективно воспользовавшись созданными удобствами и возможностями, провели священный месяц Рамазан с чувством благодарения и умением дорожить мирной и спокойной жизнью.
В эти светлые благословенные дни, которое наш народ чтит как месяц добра и милосердия, духовного очищения, нашими улемами, имам-хатибами, уважаемыми ветеранами, аксакалами и активистами махалли на местах проведено более 20 тысяч духовно-просветительских мероприятий. Особенно важно, что в рамках благотворительных мероприятий посещены свыше 100 тысяч малообеспеченных семей, им оказана социальная помощь и поддержка. Это способствует тому, чтобы наши соотечественники были довольны жизнью и придает еще большее величие и приподнять дух празднику Рамазан хайит.
В целях бережного сохранения и широкой пропаганды таких наших древних традиций и ценностей, воплощенных в самой сути священного Рамазан хайита, как благотворительность и щедрость, доброта и милосердие, гуманизм, поддержки благородных помыслов и устремлений нашего народа:
1. Принимая во внимание принятое Советом улемов Управления мусульман Узбекистана решение о совпадении в текущем году первого дня Рамазан хайита со 2 мая (понедельник), 2 мая 2022 года широко отметить в нашей стране как праздник Рамазан хайит.
Принять к сведению, что Указом Президента Республики Узбекистан от 30 апреля 2022 года № УП-131 «О внесении изменений в Указ Президента Республики Узбекистан от 20 декабря 2021 года № УП-35 «Об установлении дополнительных нерабочих дней в период празднования официальных дат и переносе выходных дней в 2022 году» 3-4 мая 2022 года установлены дополнительными нерабочими днями.
2. Совету Министров Республики Каракалпакстан, хокимиятам областей и города Ташкента совместно с Комитетом по делам религий, Министерством по поддержке махалли и старшего поколения, а также общественными организациями осуществить соответствующие меры по проведению Рамазан хайита в соответствии с национальными и религиозными традициями нашего народа.
Министерству туризма и культурного наследия совместно с Министерством транспорта создать благоприятные условия и возможности в целях организации для наших соотечественников в дни священного Рамазан хайита посещений священных мест паломничества и исторических святишь.
3. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации широко освещать мероприятия, связанные с празднованием Рамазан хайита.
4. Признать утратившими силу некоторое постановления Президента Республики Узбекистан согласно приложению .
5. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан М.М. Камилова.
ПРИЛОЖЕНИЕ к постановлению Президента Республики Узбекистан от 30 апреля 2022 года № ПП-231
некоторых постановлений Президента Республики Узбекистан, признаваемых утратившими силу
1. Постановление Президента Республики Узбекистан от 30 мая 2019 года № ПП-4349 «О праздновании Рамазан хайита».
2. Постановление Президента Республики Узбекистан от 21 мая 2020 года № ПП-4721 «О праздновании Рамазан хайита».
3. Постановление Президента Республики Узбекистан от 10 мая 2021 года № ПП-5110 «О праздновании Рамазан хайита».
Президент Республики Узбекистан Ш. МИРЗИЁЕВ
г. Ташкент,
30 апреля 2022 г.,
№ ПП-231