📅 2022-yil 5-may · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 5 май · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 5 мая 2022 г. · Законы и кодексы
Официальный текст. Официальный документ. Редакционные примечания не включены.
📅 5 May 2022 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг Солиқ кодексига қўшимча ва ўзгартишлар киритиш тўғрисида
Қонунчилик палатаси томонидан 2022 йил 28 апрелда қабул қилинган Сенат томонидан 2022 йил 29 апрелда маьқулланган
1-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодексига (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1099-модда; 2022 йил № 2, 79-модда, № 3, 215, 216-моддалар) қуйидаги қўшимча ва ўзгартишлар киритилсин:
1) 75-модда :
қуйидаги мазмундаги ўн биринчи қисм билан тўлдирилсин:
«Ушбу Кодекснинг 483-моддасида, шунингдек Ўзбекистон Республикаси Президентининг ёки Ўзбекистон Республикаси Вазирлар Маҳкамасининг қарорларида юридик шахсларнинг мол-мулкига солинадиган солиқни ҳамда юридик шахслардан олинадиган ер солиғини тўлашдан тўлиқ озод қилиш тарзида берилган солиқ имтиёзларига эга бўлган солиқ тўловчилар мазкур солиқларни ушбу солиқлардан ҳисобланган сумманинг бир фоизи миқдорида тўлайди»;
ўн биринчи қисми ўн иккинчи қисм деб ҳисоблансин;
2) 317-модданинг 7-банди қуйидаги таҳрирда баён этилсин:
«7) хайрия ёрдамини амалга ошириш учун харажатлар, бундан меценатлик кўмагини кўрсатиш, ўқув-тарбия муассасаларига ёки етим болаларга ва ота-она қарамоғидан маҳрум бўлган болаларга моддий ёрдам кўрсатиш учун йўналтирилган маблағлар, шунингдек Болаларни қўллаб-қувватлаш жамоат фондига хайрия қилинган маблағлар мустасно»;
3) 337-модда биринчи қисмининг 8-банди қуйидаги таҳрирда баён этилсин:
« 8. Товарларнинг (ишларнинг, хизматларнинг) электрон савдосини амалга оширувчи солиқ тўловчилар 7,5 »;
4) 380-модда биринчи қисмининг биринчи хатбошиси қуйидаги таҳрирда баён этилсин:
«Қуйидаги солиқ тўловчилар солиқ солишдан қисман (даромадлар қайси ойда олинган бўлса, ўша ойда ҳар бир ой учун меҳнатга ҳақ тўлашнинг энг кам миқдорининг 1,41 баравари миқдоридаги даромадлар, ушбу қисмнинг 3-бандида кўрсатилган шахслар учун эса меҳнатга ҳақ тўлашнинг энг кам миқдорининг 3 баравари миқдоридаги даромадлар бўйича) озод этилади»;
5) 428-модда иккинчи қисмининг ўн биринчи хатбошисидаги «уч йил» деган сўзлар «беш йил» деган сўзлар билан алмаштирилсин;
6) 467-модданинг 13-банди қуйидаги таҳрирда баён этилсин:
« 13. Товарларнинг (ишларнинг, хизматларнинг) электрон савдосини амалга оширувчи солиқ тўловчилар 2 »;
7) 483-модда :
учинчи қисмининг биринчи хатбошисидаги «2022 йил 30 апрелга қадар» деган сўзлар «2022 йил 31 декабрга қадар» деган сўзлар билан алмаштирилсин;
тўққизинчи қисми қуйидаги таҳрирда баён этилсин:
«2021 йилнинг 10 октябридан 2022 йил 30 апрелга қадар бўлган даврда товуқ гўштини, музлатилган балиқни ва тирик паррандани, 2021 йил 10 октябрдан 2022 йил 31 декабрга қадар бўлган даврда эса гўштни (мол гўштини, қўй гўштини), тирик ҳайвонларни (молни ва қўйни) ҳамда уларни сўйишдан олинган маҳсулотларни, картошкани реализация қилиш бўйича айланма, шунингдек уларни Ўзбекистон Республикаси ҳудудига олиб кириш қўшилган қиймат солиғидан озод қилинади»;
қуйидаги мазмундаги ўн олтинчи, ўн еттинчи ва ўн саккизинчи қисмлар билан тўлдирилсин:
«2022 йил 1 январдан 2031 йил 1 январга қадар бўлган даврда Қорақалпоғистон Республикасининг Мўйноқ туманидаги маҳаллий саноат, қишлоқ хўжалиги ва хизматлар соҳаларидаги тадбиркорлик субъектлари:
фойда солиғини, айланмадан олинадиган солиқни, ижтимоий солиқни ва жисмоний шахслардан олинадиган даромад солиғини 1 фоиз миқдоридаги солиқ ставкалари бўйича тўлайди;
юридик шахсларнинг мол-мулкига солинадиган солиқни, юридик шахслардан олинадиган ер солиғини ва сув ресурсларидан фойдаланганлик учун солиқни мазкур солиқлар бўйича ҳисобланган сумманинг 1 фоизи миқдоридаги солиқ ставкалари бўйича тўлайди.
Бўялган матони, бўялган газламани ва тайёр тикув-трикотаж маҳсулотини экспорт қилувчи тадбиркорлик субъектлари (шу жумладан комиссионер (ишончли вакил) орқали экспорт қилган тадбиркорлик субъектлари) 2022 йил 1 февралдан 2025 йил 1 январга қадар бўлган даврда ижтимоий солиқни 1 фоиз миқдоридаги солиқ ставкаси бўйича тўлайди.
Ушбу модданинг ўн еттинчи қисмида назарда тутилган имтиёз бўялган мато, бўялган газлама ва тайёр тикув-трикотаж маҳсулотини экспорт қилишдан олинган тушуми барча товарларни ва хизматларни реализация қилишдан олинган тушумининг камида 80 фоизини ташкил этадиган солиқ тўловчиларга нисбатан қўлланилади».
2-модда. Ўзбекистон Республикаси Молия вазирлиги, Давлат солиқ қўмитаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ушбу Қонун 1-моддасининг 1-банди ушбу Қонун кучга кирган кундан эътиборан уч ой ўтгач амалга киритилади.
Ушбу Қонун 1-моддасининг 3 ва 6-бандлари 2022 йил 1 июлдан эътиборан амалга киритилади.
Ушбу Қонун 1-моддаси 4-бандининг қоидалари 2022 йил 1 мартдан эътиборан юзага келган муносабатларга нисбатан ҳам татбиқ этилади.
Ушбу Қонун 1-моддаси 5-бандининг ҳамда 7-бандининг олтинчи , еттинчи ва саккизинчи хатбошилари қоидалари 2022 йил 1 январдан эътиборан юзага келган муносабатларга нисбатан ҳам татбиқ этилади.
Ушбу Қонун 1-моддаси 7-бандининг иккинчи , учинчи ва тўртинчи хатбошилари қоидалари 2022 йил 1 майдан эътиборан юзага келган муносабатларга нисбатан ҳам татбиқ этилади.
Ушбу Қонун 1-моддаси 7-бандининг тўққизинчи ва ўнинчи хатбошилари қоидалари 2022 йил 1 февралдан эътиборан юзага келган муносабатларга нисбатан ҳам татбиқ этилади.
Ўзбекистон Республикасининг Президенти Ш. МИРЗИЁЕВ
Тошкент ш.,
2022 йил 5 май,
ЎРҚ-767-сон
Oʻzbekiston Respublikasining Qonuni
Oʻzbekiston Respublikasining Soliq kodeksiga qoʻshimcha va oʻzgartishlar kiritish toʻgʻrisida
Qonunchilik palatasi tomonidan 2022-yil 28-aprelda qabul qilingan Senat tomonidan 2022-yil 29-aprelda maqullangan
1-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1099-modda; 2022-yil № 2, 79-modda, № 3, 215, 216-moddalar) quyidagi qoʻshimcha va oʻzgartishlar kiritilsin:
1) 75-modda :
quyidagi mazmundagi oʻn birinchi qism bilan toʻldirilsin:
“Ushbu Kodeksning 483-moddasida, shuningdek Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorlarida yuridik shaxslarning mol-mulkiga solinadigan soliqni hamda yuridik shaxslardan olinadigan yer soligʻini toʻlashdan toʻliq ozod qilish tarzida berilgan soliq imtiyozlariga ega boʻlgan soliq toʻlovchilar mazkur soliqlarni ushbu soliqlardan hisoblangan summaning bir foizi miqdorida toʻlaydi”;
oʻn birinchi qismi oʻn ikkinchi qism deb hisoblansin;
2) 317-moddaning 7-bandi quyidagi tahrirda bayon etilsin:
“7) xayriya yordamini amalga oshirish uchun xarajatlar, bundan metsenatlik koʻmagini koʻrsatish, oʻquv-tarbiya muassasalariga yoki yetim bolalarga va ota-ona qaramogʻidan mahrum boʻlgan bolalarga moddiy yordam koʻrsatish uchun yoʻnaltirilgan mablagʻlar, shuningdek Bolalarni qoʻllab-quvvatlash jamoat fondiga xayriya qilingan mablagʻlar mustasno”;
3) 337-modda birinchi qismining 8-bandi quyidagi tahrirda bayon etilsin:
“ 8. Tovarlarning (ishlarning, xizmatlarning) elektron savdosini amalga oshiruvchi soliq toʻlovchilar 7,5 ”;
4) 380-modda birinchi qismining birinchi xatboshisi quyidagi tahrirda bayon etilsin:
“Quyidagi soliq toʻlovchilar soliq solishdan qisman (daromadlar qaysi oyda olingan boʻlsa, oʻsha oyda har bir oy uchun mehnatga haq toʻlashning eng kam miqdorining 1,41 baravari miqdoridagi daromadlar, ushbu qismning 3-bandida koʻrsatilgan shaxslar uchun esa mehnatga haq toʻlashning eng kam miqdorining 3 baravari miqdoridagi daromadlar boʻyicha) ozod etiladi”;
5) 428-modda ikkinchi qismining oʻn birinchi xatboshisidagi “uch yil” degan soʻzlar “besh yil” degan soʻzlar bilan almashtirilsin;
6) 467-moddaning 13-bandi quyidagi tahrirda bayon etilsin:
“ 13. Tovarlarning (ishlarning, xizmatlarning) elektron savdosini amalga oshiruvchi soliq toʻlovchilar 2 ”;
7) 483-modda :
uchinchi qismining birinchi xatboshisidagi “2022-yil 30-aprelga qadar” degan soʻzlar “2022-yil 31-dekabrga qadar” degan soʻzlar bilan almashtirilsin;
toʻqqizinchi qismi quyidagi tahrirda bayon etilsin:
“2021-yilning 10-oktabridan 2022-yil 30-aprelga qadar boʻlgan davrda tovuq goʻshtini, muzlatilgan baliqni va tirik parrandani, 2021-yil 10-oktabrdan 2022-yil 31-dekabrga qadar boʻlgan davrda esa goʻshtni (mol goʻshtini, qoʻy goʻshtini), tirik hayvonlarni (molni va qoʻyni) hamda ularni soʻyishdan olingan mahsulotlarni, kartoshkani realizatsiya qilish boʻyicha aylanma, shuningdek ularni Oʻzbekiston Respublikasi hududiga olib kirish qoʻshilgan qiymat soligʻidan ozod qilinadi”;
quyidagi mazmundagi oʻn oltinchi, oʻn yettinchi va oʻn sakkizinchi qismlar bilan toʻldirilsin:
“2022-yil 1-yanvardan 2031-yil 1-yanvarga qadar boʻlgan davrda Qoraqalpogʻiston Respublikasining Moʻynoq tumanidagi mahalliy sanoat, qishloq xoʻjaligi va xizmatlar sohalaridagi tadbirkorlik subyektlari:
foyda soligʻini, aylanmadan olinadigan soliqni, ijtimoiy soliqni va jismoniy shaxslardan olinadigan daromad soligʻini 1 foiz miqdoridagi soliq stavkalari boʻyicha toʻlaydi;
yuridik shaxslarning mol-mulkiga solinadigan soliqni, yuridik shaxslardan olinadigan yer soligʻini va suv resurslaridan foydalanganlik uchun soliqni mazkur soliqlar boʻyicha hisoblangan summaning 1 foizi miqdoridagi soliq stavkalari boʻyicha toʻlaydi.
Boʻyalgan matoni, boʻyalgan gazlamani va tayyor tikuv-trikotaj mahsulotini eksport qiluvchi tadbirkorlik subyektlari (shu jumladan komissioner (ishonchli vakil) orqali eksport qilgan tadbirkorlik subyektlari) 2022-yil 1-fevraldan 2025-yil 1-yanvarga qadar boʻlgan davrda ijtimoiy soliqni 1 foiz miqdoridagi soliq stavkasi boʻyicha toʻlaydi.
Ushbu moddaning oʻn yettinchi qismida nazarda tutilgan imtiyoz boʻyalgan mato, boʻyalgan gazlama va tayyor tikuv-trikotaj mahsulotini eksport qilishdan olingan tushumi barcha tovarlarni va xizmatlarni realizatsiya qilishdan olingan tushumining kamida 80 foizini tashkil etadigan soliq toʻlovchilarga nisbatan qoʻllaniladi”.
2-modda. Oʻzbekiston Respublikasi Moliya vazirligi, Davlat soliq qoʻmitasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Ushbu Qonun 1-moddasining 1-bandi ushbu Qonun kuchga kirgan kundan eʼtiboran uch oy oʻtgach amalga kiritiladi.
Ushbu Qonun 1-moddasining 3 va 6-bandlari 2022-yil 1-iyuldan eʼtiboran amalga kiritiladi.
Ushbu Qonun 1-moddasi 4-bandining qoidalari 2022-yil 1-martdan eʼtiboran yuzaga kelgan munosabatlarga nisbatan ham tatbiq etiladi.
Ushbu Qonun 1-moddasi 5-bandining hamda 7-bandining oltinchi , yettinchi va sakkizinchi xatboshilari qoidalari 2022-yil 1-yanvardan eʼtiboran yuzaga kelgan munosabatlarga nisbatan ham tatbiq etiladi.
Ushbu Qonun 1-moddasi 7-bandining ikkinchi , uchinchi va toʻrtinchi xatboshilari qoidalari 2022-yil 1-maydan eʼtiboran yuzaga kelgan munosabatlarga nisbatan ham tatbiq etiladi.
Ushbu Qonun 1-moddasi 7-bandining toʻqqizinchi va oʻninchi xatboshilari qoidalari 2022-yil 1-fevraldan eʼtiboran yuzaga kelgan munosabatlarga nisbatan ham tatbiq etiladi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2022-yil 5-may,
OʻRQ-767-son
Закон Республики Узбекистан
О внесении дополнений и изменений в Налоговый кодекс Республики Узбекистан
Принят Законодательной палатой 28 апреля 2022 года Одобрен Сенатом 29 апреля 2022 года
Статья 1. Внести в Налоговый кодекс Республики Узбекистан, утвержденный в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1099; 2022 г., № 2, ст. 79, № 3, ст.ст. 215, 216), следующие дополнения и изменения:
1) в статье 75 :
дополнить частью одиннадцатой следующего содержания:
«Налогоплательщики, имеющие налоговые льготы в виде полного освобождения от уплаты налога на имущество юридических лиц и земельного налога с юридических лиц, предоставленные им статьей 483 настоящего Кодекса, а также решениями Президента Республики Узбекистан или Кабинета Министров Республики Узбекистан, уплачивают указанные налоги в размере одного процента от начисленной суммы этих налогов»;
часть одиннадцатую считать частью двенадцатой;
2) пункт 7 статьи 317 изложить в следующей редакции:
«7) расходы на осуществление благотворительной помощи, за исключением средств, направленных на оказание меценатской поддержки, материальной помощи учебно-воспитательным учреждениям или детям-сиротам и детям, оставшимся без попечения родителей, а также средства, пожертвованные Общественному фонду по поддержке детей»;
3) пункт 8 част первой статьи 337 изложить в следующей редакции:
« 8. Налогоплательщики, осуществляющие электронную торговлю товарами (работами, услугами) 7,5 »;
4) абзац первый части первой статьи 380 изложить в следующей редакции:
«Освобождаются от налогообложения частично (по доходам в размере 1,41-кратной минимального размера оплаты труда, а для лиц, указанных в пункте 3 настоящей части, по доходам в размере 3-кратного минимального размера оплаты труда, за каждый месяц, в котором получены эти доходы) следующие налогоплательщики»;
5) в абзаце одиннадцатом части второй статьи 428 слова «на три года» заменить словами «на пять лет»;
6) пункт 13 статьи 467 изложить в следующей редакции:
« 13. Налогоплательщики, осуществляющие электронную торговлю товарами ( работами, услугами) 2 » ;
7) в статье 483 :
в абзаце первом части третьей слова «30 апреля 2022 года» заменить словами «31 декабря 2022 года»;
часть девятую изложить в следующей редакции:
«Освобождаются на период с 10 октября 2021 года по 30 апреля 2022 года от налога на добавленную стоимость оборот по реализации курятины, замороженной рыбы и птиц в живом виде, а на период с 10 октября 2021 года по 31 декабря 2022 года мяса (говядина, баранина), животных (скот и овцы) в живом виде и продуктов их убоя, картофеля, а также их ввоз на территорию Республики Узбекистан»;
дополнить частями шестнадцатой, семнадцатой и восемнадцатой следующего содержания:
«На период с 1 января 2022 года по 1 января 2031 года субъекты предпринимательства в сферах местной промышленности, сельского хозяйства и услуг в Муйнакском районе Республики Каракалпакстан:
уплачивают налог на прибыль, налог с оборота, социальный налог и налог на доходы физических лиц по налоговым ставкам в размере 1 процента;
уплачивают налог на имущество юридических лиц, земельный налог с юридических лиц и налог за пользование водными ресурсами по налоговым ставкам в размере 1 процента от суммы, начисленной по данным налогам.
На период с 1 февраля 2022 года по 1 января 2025 года субъекты предпринимательства (в том числе субъекты предпринимательства, экспортировавшие через комиссионера (поверенного), экспортирующие крашеное полотно, крашеную ткань и готовую швейно-трикотажную продукцию, уплачивают социальный налог по налоговой ставке в размере 1 процента.
Льгота, предусмотренная частью семнадцатой настоящей статьи, применяется к налогоплательщикам, выручка которых от экспорта крашеного полотна, крашеной ткани и готовой швейно-трикотажной продукции составляет не менее 80 процентов от выручки реализации всех товаров и услуг».
Статья 2. Министерству финансов, Государственному налоговому комитету Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Пункт 1 статьи 1 настоящего Закона вводится в действие по истечении трех месяцев со дня вступления в силу настоящего Закона.
Пункты 3 и 6 статьи 1 настоящего Закона вводятся в действие с 1 июля 2022 года.
Положения пункта 4 статьи 1 настоящего Закона распространяются также на отношения, возникшие с 1 марта 2022 года.
Положения пункта 5 и абзацев шестого , седьмого и восьмого пункта 7 статьи 1 настоящего Закона распространяются также на отношения, возникшие с 1 января 2022 года.
Положения абзацев второго , третьего и четвертого пункта 7 статьи 1 настоящего Закона распространяются также на отношения, возникшие с 1 мая 2022 года.
Положения абзацев девятого и десятого пункта 7 статьи 1 настоящего Закона распространяются также на отношения, возникшие с 1 февраля 2022 года.
Президент Республики Узбекистан Ш. МИРЗИЁЕВ
г. Ташкент,
5 мая 2022 г.,
№ ЗРУ-767