📅 2022-yil 7-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 7 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 мая 2022 г. · Постановления Президента
Официальный текст. Официальный документ. Редакционные примечания не включены.
📅 7 May 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Самарқанд» халқаро аэропортини давлат-хусусий шериклик асосида модернизация қилиш ва бошқариш бўйича лойиҳани амалга ошириш чора-тадбирлари тўғрисида
«Самарқанд» халқаро аэропортида йўловчиларга ва авиаташувчиларга юқори даражада хизмат кўрсатилишини таъминлаш, улар учун барча зарур шарт-шароитларни яратиш, авиация соҳасида рақобатни ошириш ва қўшимча йўналишларни очиш ҳамда аэропортларни бошқариш соҳасида етакчи халқаро компанияларни жалб қилиш мақсадида:
1. «Uzbekistan Airports» АЖ (кейинги ўринларда — Давлат шериги) ва «Air Marakanda» МЧЖ ХК (кейинги ўринларда — Хусусий шерик) ўртасида «Самарқанд халқаро аэропорти» МЧЖ иштирокида 2021 йил 22 сентябрда имзоланган давлат-хусусий шериклик тўғрисидаги битим ва унга 2022 йил 7 февралда қўшимча келишув битими (кейинги ўринларда — Давлат-хусусий шериклик тўғрисидаги битим) тузилганлиги маълумот учун қабул қилинсин.
2. Молия вазирлиги ва Хусусий шерик ўртасида 2022 йил 11 апрелда имзоланган Давлат томонидан қўллаб-қувватлаш тўғрисидаги битим тасдиқлансин.
3. Давлат томонидан қўллаб-қувватлаш тўғрисидаги битим ва Давлат-хусусий шериклик тўғрисидаги битим тегишли битимда кўрсатилган шартлар асосида кучга эга бўлиши белгилаб қўйилсин.
Молия вазирлигига Хусусий шерик билан тузилган Давлат томонидан қўллаб-қувватлаш тўғрисидаги битимга, Давлат шеригига Хусусий шерик билан тузилган Давлат-хусусий шериклик тўғрисидаги битимга Вазирлар Маҳкамаси ҳамда Хусусий шерик билан келишган ҳолда ўзгартиришлар ва қўшимчалар киритиш ҳуқуқи берилсин.
4. Молия вазирлиги ва Давлат шеригига Хусусий шерикнинг кредитори билан давлат-хусусий шериклик лойиҳасини амалга ошириш доирасида имзоланган битимлар бўйича мажбуриятлар Хусусий шерик томонидан бажарилмаган тақдирда Хусусий шерик ҳуқуқларини унинг кредиторига беришга қаратилган тўғридан-тўғри битимлар тузиш ҳуқуқи берилсин.
5. Давлат-хусусий шериклик тўғрисидаги битимга мувофиқ Хусусий шерик томонидан янги қурилган объектлар:
Давлат-хусусий шериклик тўғрисидаги битим амалда бўлган даврда Хусусий шерикка мулк ҳуқуқи асосида тегишлилиги;
Давлат-хусусий шериклик тўғрисидаги битим амал қилиш муддати тугаганда ёки муддатидан аввал бекор қилинганда мулк ҳуқуқи асосида фақат Давлат шеригига ўтказилиши белгилансин.
6. Давлат томонидан қўллаб-қувватлаш тўғрисидаги битим ва Давлат-хусусий шериклик тўғрисидаги битимга мувофиқ уларнинг амал қилиш муддати давомида Хусусий шерик томонидан Ўзбекистон Республикаси ҳудудида реализация қилинадиган товарлар (ишлар, хизматлар) нархларининг чет эл валюталарига боғланишига рухсат берилсин.
7. Давлат томонидан қўллаб-қувватлаш тўғрисидаги битимга мувофиқ давлат-хусусий шериклик лойиҳасини амалга ошириш доирасида Хусусий шерикка, лозим бўлган барча солиқлар ва бошқа мажбурий тўловлар тўланган ҳолда, истисно тариқасида:
кредит олиш ва ундан фойдаланиш учун Хусусий шерикнинг хорижий кредитор банкларида банк ҳисобварақлари очишга;
кредит хорижий банк томонидан ажратилган тақдирда, хорижий пудратчилар ва етказиб берувчиларга ушбу кредит маблағлари ҳисобидан тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга оширишга рухсат этилсин.
8. Белгилансинки:
Давлат-хусусий шериклик тўғрисидаги битимга асосан Хусусий шерик Давлат шеригидан олган ҳамда Давлат-хусусий шериклик тўғрисидаги битим амал қилиш муддати тугаганда ёки муддатидан аввал бекор қилинганда Давлат шериги Хусусий шерикдан олган мол-мулк концессия битими бўйича қонунчиликка мувофиқ олинган мол-мулк ҳисобланади;
Давлат шеригининг «Самарқанд» халқаро аэропортини модернизация қилиш учун Япония халқаро ҳамкорлик банкидан жалб қилинган кредитни қайтариш учун Давлат шеригига Хусусий шерик томонидан тўланадиган белгиланган шаклдаги тўловлар солиқ солиш объекти ҳисобланмайди.
9. Транспорт вазирлиги давлат-хусусий шериклик лойиҳасининг амалга оширилиши, шунингдек, томонларнинг Давлат томонидан қўллаб-қувватлаш тўғрисидаги битим ва Давлат-хусусий шериклик тўғрисидаги битим доирасидаги мажбуриятларини бажариши устидан доимий назорат ўрнатсин.
10. Экология ва атроф-муҳитни муҳофаза қилиш давлат қўмитаси давлат-хусусий шериклик лойиҳа ҳужжатларининг белгиланган тартибда давлат экология экспертизасидан ўтказилишини ҳамда давлат-хусусий шериклик лойиҳасини амалга оширишда табиатни муҳофаза қилишга оид қонунчиликка риоя этилишини таъминласин.
11. Қурилиш вазирлиги давлат-хусусий шериклик лойиҳаси ва қурилиш-монтаж ишларининг сифатли бажарилиши устидан давлат архитектура-қурилиш назоратини лозим даражада ҳамда лойиҳа ҳужжатларини илғор халқаро ва хорижий стандартларни қўллаган ҳолда давлат экспертизасидан ўтказишни таъминласин.
12. Давлат шериги «Самарқанд халқаро аэропорти» МЧЖга доимий фойдаланиш ҳуқуқи билан тегишли бўлган, давлат-хусусий шериклик лойиҳасини амалга ошириш учун зарур бўлган ер участкаларининг ўн кун муддатда Давлат-хусусий шериклик тўғрисидаги битимнинг амал қилиш муддати давомида Хусусий шерикка ижарага берилишини таъминласин.
Самарқанд вилояти ҳокимлиги давлат-хусусий шериклик лойиҳасини амалга ошириш учун зарур бўлган қўшимча ер участкаларининг Давлат-хусусий шериклик тўғрисидаги битимнинг амал қилиш муддати давомида Хусусий шерикка ижарага бериш шарти билан Давлат активларини бошқариш агентлигига доимий фойдаланиш ҳуқуқи асосида ажратилишини таъминласин.
13. Мазкур қарор ижросини самарали ташкил қилишга масъул ва шахсий жавобгар этиб молия вазири Т.А. Ишметов ва транспорт вазири И.Р. Маҳкамов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 7 май,
ПҚ-238-сон
Oʻzbekiston Respublikasi Prezidentining
Qarori
“Samarqand” xalqaro aeroportini davlat-xususiy sheriklik asosida modernizatsiya qilish va boshqarish boʻyicha loyihani amalga oshirish chora-tadbirlari toʻgʻrisida
“Samarqand” xalqaro aeroportida yoʻlovchilarga va aviatashuvchilarga yuqori darajada xizmat koʻrsatilishini taʼminlash, ular uchun barcha zarur shart-sharoitlarni yaratish, aviatsiya sohasida raqobatni oshirish va qoʻshimcha yoʻnalishlarni ochish hamda aeroportlarni boshqarish sohasida yetakchi xalqaro kompaniyalarni jalb qilish maqsadida:
1. “Uzbekistan Airports” AJ (keyingi oʻrinlarda — Davlat sherigi) va “Air Marakanda” MCHJ XK (keyingi oʻrinlarda — Xususiy sherik) oʻrtasida “Samarqand xalqaro aeroporti” MCHJ ishtirokida 2021-yil 22-sentabrda imzolangan davlat-xususiy sheriklik toʻgʻrisidagi bitim va unga 2022-yil 7-fevralda qoʻshimcha kelishuv bitimi (keyingi oʻrinlarda — Davlat-xususiy sheriklik toʻgʻrisidagi bitim) tuzilganligi maʼlumot uchun qabul qilinsin.
2. Moliya vazirligi va Xususiy sherik oʻrtasida 2022-yil 11-aprelda imzolangan Davlat tomonidan qoʻllab-quvvatlash toʻgʻrisidagi bitim tasdiqlansin.
3. Davlat tomonidan qoʻllab-quvvatlash toʻgʻrisidagi bitim va Davlat-xususiy sheriklik toʻgʻrisidagi bitim tegishli bitimda koʻrsatilgan shartlar asosida kuchga ega boʻlishi belgilab qoʻyilsin.
Moliya vazirligiga Xususiy sherik bilan tuzilgan Davlat tomonidan qoʻllab-quvvatlash toʻgʻrisidagi bitimga, Davlat sherigiga Xususiy sherik bilan tuzilgan Davlat-xususiy sheriklik toʻgʻrisidagi bitimga Vazirlar Mahkamasi hamda Xususiy sherik bilan kelishgan holda oʻzgartirishlar va qoʻshimchalar kiritish huquqi berilsin.
4. Moliya vazirligi va Davlat sherigiga Xususiy sherikning kreditori bilan davlat-xususiy sheriklik loyihasini amalga oshirish doirasida imzolangan bitimlar boʻyicha majburiyatlar Xususiy sherik tomonidan bajarilmagan taqdirda Xususiy sherik huquqlarini uning kreditoriga berishga qaratilgan toʻgʻridan-toʻgʻri bitimlar tuzish huquqi berilsin.
5. Davlat-xususiy sheriklik toʻgʻrisidagi bitimga muvofiq Xususiy sherik tomonidan yangi qurilgan obyektlar:
Davlat-xususiy sheriklik toʻgʻrisidagi bitim amalda boʻlgan davrda Xususiy sherikka mulk huquqi asosida tegishliligi;
Davlat-xususiy sheriklik toʻgʻrisidagi bitim amal qilish muddati tugaganda yoki muddatidan avval bekor qilinganda mulk huquqi asosida faqat Davlat sherigiga oʻtkazilishi belgilansin.
6. Davlat tomonidan qoʻllab-quvvatlash toʻgʻrisidagi bitim va Davlat-xususiy sheriklik toʻgʻrisidagi bitimga muvofiq ularning amal qilish muddati davomida Xususiy sherik tomonidan Oʻzbekiston Respublikasi hududida realizatsiya qilinadigan tovarlar (ishlar, xizmatlar) narxlarining chet el valyutalariga bogʻlanishiga ruxsat berilsin.
7. Davlat tomonidan qoʻllab-quvvatlash toʻgʻrisidagi bitimga muvofiq davlat-xususiy sheriklik loyihasini amalga oshirish doirasida Xususiy sherikka, lozim boʻlgan barcha soliqlar va boshqa majburiy toʻlovlar toʻlangan holda, istisno tariqasida:
kredit olish va undan foydalanish uchun Xususiy sherikning xorijiy kreditor banklarida bank hisobvaraqlari ochishga;
kredit xorijiy bank tomonidan ajratilgan taqdirda, xorijiy pudratchilar va yetkazib beruvchilarga ushbu kredit mablagʻlari hisobidan toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirishga ruxsat etilsin.
8. Belgilansinki:
Davlat-xususiy sheriklik toʻgʻrisidagi bitimga asosan Xususiy sherik Davlat sherigidan olgan hamda Davlat-xususiy sheriklik toʻgʻrisidagi bitim amal qilish muddati tugaganda yoki muddatidan avval bekor qilinganda Davlat sherigi Xususiy sherikdan olgan mol-mulk konsessiya bitimi boʻyicha qonunchilikka muvofiq olingan mol-mulk hisoblanadi;
Davlat sherigining “Samarqand” xalqaro aeroportini modernizatsiya qilish uchun Yaponiya xalqaro hamkorlik bankidan jalb qilingan kreditni qaytarish uchun Davlat sherigiga Xususiy sherik tomonidan toʻlanadigan belgilangan shakldagi toʻlovlar soliq solish obyekti hisoblanmaydi.
9. Transport vazirligi davlat-xususiy sheriklik loyihasining amalga oshirilishi, shuningdek, tomonlarning Davlat tomonidan qoʻllab-quvvatlash toʻgʻrisidagi bitim va Davlat-xususiy sheriklik toʻgʻrisidagi bitim doirasidagi majburiyatlarini bajarishi ustidan doimiy nazorat oʻrnatsin.
10. Ekologiya va atrof-muhitni muhofaza qilish davlat qoʻmitasi davlat-xususiy sheriklik loyiha hujjatlarining belgilangan tartibda davlat ekologiya ekspertizasidan oʻtkazilishini hamda davlat-xususiy sheriklik loyihasini amalga oshirishda tabiatni muhofaza qilishga oid qonunchilikka rioya etilishini taʼminlasin.
11. Qurilish vazirligi davlat-xususiy sheriklik loyihasi va qurilish-montaj ishlarining sifatli bajarilishi ustidan davlat arxitektura-qurilish nazoratini lozim darajada hamda loyiha hujjatlarini ilgʻor xalqaro va xorijiy standartlarni qoʻllagan holda davlat ekspertizasidan oʻtkazishni taʼminlasin.
12. Davlat sherigi “Samarqand xalqaro aeroporti” MCHJga doimiy foydalanish huquqi bilan tegishli boʻlgan, davlat-xususiy sheriklik loyihasini amalga oshirish uchun zarur boʻlgan yer uchastkalarining oʻn kun muddatda Davlat-xususiy sheriklik toʻgʻrisidagi bitimning amal qilish muddati davomida Xususiy sherikka ijaraga berilishini taʼminlasin.
Samarqand viloyati hokimligi davlat-xususiy sheriklik loyihasini amalga oshirish uchun zarur boʻlgan qoʻshimcha yer uchastkalarining Davlat-xususiy sheriklik toʻgʻrisidagi bitimning amal qilish muddati davomida Xususiy sherikka ijaraga berish sharti bilan Davlat aktivlarini boshqarish agentligiga doimiy foydalanish huquqi asosida ajratilishini taʼminlasin.
13. Mazkur qaror ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov va transport vaziri I.R. Mahkamov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 7-may,
PQ-238-son
Президента Республики Узбекистан
Постановление
О мерах по реализации проекта по модернизации и управлению Международным аэропортом «Самарканд» на основе государственно-частного партнерства
В целях обеспечения обслуживания пассажиров и авиаперевозчиков на высоком уровне, создания для них всех необходимых условий в Международном аэропорту «Самарканд», повышения конкуренции в сфере авиации и открытия дополнительных маршрутов, а также привлечения ведущих международных компаний в сфере управления аэропортами:
1. Принять к сведению, что между АО «Uzbekistan Airports» (далее — Государственный партнер) и ИП ООО «Air Marakanda» (далее — Частный партнер) при участии ООО «Международный аэропорт «Самарканд» заключены соглашение о государственно-частном партнерстве, подписанное 22 сентября 2021 года, и дополнительное соглашение к нему от 7 февраля 2022 года (далее — Соглашение о государственно-частном партнерстве).
2. Утвердить соглашение о государственной поддержке между Министерством финансов и Частным партнером, подписанное 11 апреля 2022 года.
3. Установить, что Соглашение о государственной поддержке и Соглашение о государственно-частном партнерстве вступают в силу на условиях, предусмотренных соответствующими соглашениями.
Предоставить право на внесение изменений и дополнений Министерству финансов — в Соглашение о государственной поддержке, заключенное с Частным партнером, Государственному партнеру — в Соглашение о государственно-частном партнерстве, заключенное с Частным партнером, по согласованию с Кабинетом Министров и Частным партнером.
4. Предоставить Министерству финансов и Государственному партнеру право на заключение прямых договоров, направленных на передачу прав Частного партнера его кредитору, в случае неисполнения Частным партнером обязательств по соглашениям, подписанным с кредитором Частного партнера в рамках реализации проекта государственно-частного партнерства.
5. Определить, что новые объекты, построенные Частным партнером в соответствии с Соглашением о государственно-частном партнерстве:
принадлежат Частному партнеру на основе права собственности — в течение срока действия Соглашения о государственно-частном партнерстве;
передаются исключительно Государственному партнеру на основе права собственности — после истечения срока действия Соглашения о государственно-частном партнерстве либо в случае его досрочного прекращения.
6. В соответствии с Соглашением о государственной поддержке и Соглашением о государственно-частном партнерстве в течение срока их действия разрешить привязку цен на товары (работы, услуги), реализуемые Частным партнером на территории Республики Узбекистан, к иностранным валютам.
7. В рамках реализации проекта государственно-частного партнерства в соответствии с Соглашением о государственной поддержке разрешить Частному партнеру в порядке исключения после оплаты всех подлежащих уплате налогов и других обязательных платежей:
открывать банковские счета в иностранных банках-кредиторах Частного партнера для получения кредита и его использования;
в случае выделения кредита иностранным банком — осуществлять за счет этих кредитных средств прямые платежи иностранным подрядчикам и поставщикам без проведения их через банковские счета в Республике Узбекистан.
8. Установить, что:
имущество, полученное в соответствии с Соглашением о государственно-частном партнерстве Частным партнером от Государственного партнера, а также полученное Государственным партнером от Частного партнера после истечения срока действия Соглашения о государственно-частном партнерстве либо в случае его досрочного прекращения, признается имуществом, полученным по договору концессии в соответствии с законодательством;
платежи фиксированной формы, осуществляемые Частным партнером Государственному партнеру для возврата кредита, привлеченного за счет Японского банка международного сотрудничества для модернизации Международного аэропорта «Самарканд», не являются объектом налогообложения.
9. Министерству транспорта установить постоянный контроль за реализацией проекта государственно-частного партнерства, а также выполнением сторонами обязательств в рамках Соглашения о государственной поддержке и Соглашения о государственно-частном партнерстве.
10. Государственному комитету по экологии и охране окружающей среды обеспечить в установленном порядке проведение государственной экологической экспертизы проектной документации государственно-частного партнерства и соблюдение законодательства об охране природы при реализации проекта государственно-частного партнерства.
11. Министерству строительства обеспечить государственный архитектурно-строительный контроль за качественным выполнением проекта государственно-частного партнерства и строительно-монтажных работ на должном уровне, а также проведение государственной экспертизы проектной документации с применением передовых международных и зарубежных стандартов.
12. Государственному партнеру в десятидневный срок обеспечить передачу в аренду Частному партнеру земельных участков, принадлежащих ООО «Международный аэропорт «Самарканд» с правом постоянного пользования, необходимых для реализации проекта государственно-частного партнерства, на срок действия Соглашения о государственно-частном партнерстве.
Хокимияту Самаркандской области обеспечить выделение дополнительных земельных участков, необходимых для реализации проекта государственно-частного партнерства, Агентству по управлению государственными активами на основе права постоянного пользования с условием передачи их в аренду Частному партнеру на срок действия Соглашения о государственно-частном партнерстве.
13. Возложить на министра финансов Т.А. Ишметова и министра транспорта И.Р. Махкамова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 мая 2022 г.,
№ ПП-238