UzbekAI

Ўзбекистон Республикаси Вазирлар Маҳкамасининг

қарори

ТУЗИЛМАСИ

Сурхондарё вилоятида Ингичка толали пахтачилик илмий-тадқиқот институти фаолиятини ташкил этиш чора-тадбирлари тўғрисида

Ўзбекистон Республикаси Президентининг «Сурхондарё вилоятида ингичка толали пахта етиштиришни илмий асосда амалга ошириш тизимини такомиллаштириш чора-тадбирлари тўғрисида» 2022 йил 18 мартдаги ПҚ-170-сон қарорига мувофиқ Вазирлар Маҳкамаси қарор қилади:

1. Ўзбекистон Республикаси Президентининг «Сурхондарё вилоятида ингичка толали пахта етиштиришни илмий асосда амалга ошириш тизимини такомиллаштириш чора-тадбирлари тўғрисида» 2022 йил 18 мартдаги ПҚ-170-сон қарорига мувофиқ Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази Пахта селекцияси, уруғчилиги ва етиштириш агротехнологиялари илмий-тадқиқот институтининг Сурхондарё илмий-тажриба станцияси негизида Ингичка толали пахтачилик илмий-тадқиқот институти (кейинги ўринларда — Институт) ташкил этилганлиги маълумот учун қабул қилинсин.

2. Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг Ингичка толали пахтачилик илмий-тадқиқот институти тузилмаси иловага мувофиқ тасдиқлансин.

3. Ўзбекистон Республикаси Қишлоқ хўжалиги вазирлиги ва Сурхондарё вилояти ҳокимлигининг Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази Пахта селекцияси, уруғчилиги ва етиштириш агротехнологиялари илмий-тадқиқот институтининг Сурхондарё илмий-тажриба станциясига фойдаланиш учун ажратилган умумий майдони 254 гектар, шундан қишлоқ хўжалигига мўлжалланган 230 гектар ер майдонини Институтга ижара ҳуқуқи асосида ажратиш тўғрисидаги таклифига розилик берилсин.

4. Белгилансинки:

Институт давлат муассасаси шаклидаги юридик шахс ҳисобланади, шунингдек, Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг ташкилий тузилмасига киради ва ўз фаолияти тўғрисида Қишлоқ хўжалиги вазирлигига ҳисобот беради;

Институт директори Ўзбекистон Республикаси қишлоқ хўжалиги вазири томонидан лавозимга тайинланади ва лавозимдан озод этилади;

Институт директорининг ўринбосарлари Ўзбекистон Республикаси Қишлоқ хўжалиги вазирлиги билан келишилган ҳолда, Қишлоқ хўжалигида билим ва инновациялар миллий маркази бош директори томонидан лавозимга тайинланади ва лавозимдан озод этилади;

Институтга ажратилган ер участкалари мақбуллаштирилмайди, шунингдек, ушбу ер участкаларига қишлоқ хўжалиги экинлари Институт томонидан мустақил жойлаштирилади ва алмашлаб экиш тизими жорий қилинади.

5. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев зиммасига юклансин.

Вазирлар Маҳкамасининг 2022 йил 10 майдаги 248-сон қарорига ИЛОВА

Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг Ингичка толали пахтачилик илмий-тадқиқот институти

Ўзбекистон Республикасининг Бош вазири А. АРИПОВ

Тошкент ш.,

2022 йил 10 май,

248-сон

(Қонунчилик маълумотлари миллий базаси, 11.05.2022 й., 09/22/248/0406-сон)

lex.uz

Oʻzbekiston Respublikasi Vazirlar Mahkamasining

qarori

TUZILMASI

Surxondaryo viloyatida Ingichka tolali paxtachilik ilmiy-tadqiqot instituti faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “Surxondaryo viloyatida ingichka tolali paxta yetishtirishni ilmiy asosda amalga oshirish tizimini takomillashtirish chora-tadbirlari toʻgʻrisida” 2022-yil 18-martdagi PQ-170-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Prezidentining “Surxondaryo viloyatida ingichka tolali paxta yetishtirishni ilmiy asosda amalga oshirish tizimini takomillashtirish chora-tadbirlari toʻgʻrisida” 2022-yil 18-martdagi PQ-170-son qaroriga muvofiq Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi Paxta seleksiyasi, urugʻchiligi va yetishtirish agrotexnologiyalari ilmiy-tadqiqot institutining Surxondaryo ilmiy-tajriba stansiyasi negizida Ingichka tolali paxtachilik ilmiy-tadqiqot instituti (keyingi oʻrinlarda — Institut) tashkil etilganligi maʼlumot uchun qabul qilinsin.

2. Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazining Ingichka tolali paxtachilik ilmiy-tadqiqot instituti tuzilmasi ilovaga muvofiq tasdiqlansin.

3. Oʻzbekiston Respublikasi Qishloq xoʻjaligi vazirligi va Surxondaryo viloyati hokimligining Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi Paxta seleksiyasi, urugʻchiligi va yetishtirish agrotexnologiyalari ilmiy-tadqiqot institutining Surxondaryo ilmiy-tajriba stansiyasiga foydalanish uchun ajratilgan umumiy maydoni 254 gektar, shundan qishloq xoʻjaligiga moʻljallangan 230 gektar yer maydonini Institutga ijara huquqi asosida ajratish toʻgʻrisidagi taklifiga rozilik berilsin.

4. Belgilansinki:

Institut davlat muassasasi shaklidagi yuridik shaxs hisoblanadi, shuningdek, Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazining tashkiliy tuzilmasiga kiradi va oʻz faoliyati toʻgʻrisida Qishloq xoʻjaligi vazirligiga hisobot beradi;

Institut direktori Oʻzbekiston Respublikasi qishloq xoʻjaligi vaziri tomonidan lavozimga tayinlanadi va lavozimdan ozod etiladi;

Institut direktorining oʻrinbosarlari Oʻzbekiston Respublikasi Qishloq xoʻjaligi vazirligi bilan kelishilgan holda, Qishloq xoʻjaligida bilim va innovatsiyalar milliy markazi bosh direktori tomonidan lavozimga tayinlanadi va lavozimdan ozod etiladi;

Institutga ajratilgan yer uchastkalari maqbullashtirilmaydi, shuningdek, ushbu yer uchastkalariga qishloq xoʻjaligi ekinlari Institut tomonidan mustaqil joylashtiriladi va almashlab ekish tizimi joriy qilinadi.

5. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.

Vazirlar Mahkamasining 2022-yil 10-maydagi 248-son qaroriga ILOVA

Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazining Ingichka tolali paxtachilik ilmiy-tadqiqot instituti

Oʻzbekiston Respublikasining Bosh vaziri A. ARIPOV

Toshkent sh.,

2022-yil 10-may,

248-son

(Qonunchilik maʼlumotlari milliy bazasi, 11.05.2022-y., 09/22/248/0406-son)

lex.uz