UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

СХЕМАСИ

НИЗОМ

СХЕМАСИ

Савдо ва хизмат кўрсатиш соҳасида жамоатчилик назорати самарадорлигини оширишга доир қўшимча чора-тадбирлар тўғрисида

Ўзбекистон Республикаси Президентининг «Чакана савдо ва хизмат кўрсатиш соҳасида назорат-касса техникасидан фойдаланишни такомиллаштиришга доир қўшимча чора-тадбирлар тўғрисида» 2021 йил 4 октябрдаги ПҚ-5252-сон қарорининг ижросини таъминлаш мақсадида Вазирлар Маҳкамаси қарор қилади:

1. Қуйидагиларни назарда тутувчи:

а) Сотиб олинган товарлар (хизматлар) қийматининг бир қисмини жисмоний шахсларга қайтаришнинг маъмурий регламенти 1-иловага мувофиқ:

жисмоний шахслар томонидан сотиб олинган товарлар (хизматлар) қийматининг бир фоизини уларнинг фискал белгили чеклари солиқ органларининг махсус мобил иловаси ёки Ўзбекистон Республикаси Ягона интерактив давлат хизматлари портали орқали рўйхатдан ўтказилгандан сўнг қайтариш;

чакана савдо, умумий овқатланиш ва маиший хизмат кўрсатиш объектларида нақд пул ёки банк карталари (корпоратив банк карталаридан ташқари) орқали сотиб олинган товарлар (хизматлар) қийматининг бир қисмини жисмоний шахсларнинг банк карталарига Ўзбекистон Республикаси миллий валютасида қайтариш;

б) Махсус дастур орқали солиққа оид ҳуқуқбузарликлар аниқланган ҳолатлар ҳақида солиқ органларини хабардор қилган жисмоний шахсларга пул мукофотини тўлаш тўғрисидаги низом 2-иловага мувофиқ тасдиқлансин:

солиқ органларини жисмоний шахслар томонидан аниқланган солиққа оид ҳуқуқбузарликлар аниқланган ҳолатлар ҳақида «Soliq hamkor» махсус ахборот тизими орқали хабардор қилиш;

солиққа оид ҳуқуқбузарликлар аниқланган ҳолатлар ҳақида солиқ органларини хабардор қилганлик учун бир марталик пул мукофоти шаклида рағбатлантиришни Ўзбекистон Республикаси Солиқ кодексининг 221-моддаси биринчи қисмида назарда тутилган солиқ ҳуқуқбузарликлари учун белгиланган жарималарнинг йигирма фоизи миқдорида белгилаш;

харидорларга нақд пул маблағлари ёки пластик карталар бўйича тўлов шаклига қараб нархлар сунъий равишда оширилганлиги ёки пасайтирилганлиги, тадбиркорлик фаолияти давлат рўйхатидан ўтмасдан амалга оширилганлиги, идентификация воситалари орқали мажбурий рақамли маркировкалаш назарда тутилган маҳсулотларда қалбаки маркировка қўлланилганлиги ёки маркировка мавжуд эмаслиги, шунингдек, савдо ва хизматлар кўрсатиш қоидаларининг бузилиши аниқланган бошқа ҳолатлар тўғрисида солиқ органларини хабардор қилганлик учун жисмоний шахсларга бир марталик пул мукофотини тўлаш.

2. Белгилансинки:

солиқ органларининг махсус мобил иловасида рўйхатдан ўтказиб бўлмайдиган чекларни чоп этувчи (шакллантириладиган) онлайн назорат-касса машинаси қурилмалари ҳамда виртуал касса дастурий маҳсулотлари аниқланганда;

маҳсулотлар (товарлар ва хизматлар) электрон миллий каталогининг товарлар (хизматлар) идентификация кодлари реестри янгиланмаганлиги ёки касса чекларида нотўғри акс эттирилганлиги ҳолатлари аниқланганда Ўзбекистон Республикаси Давлат солиқ қўмитаси техник хизмат кўрсатиш марказларини Давлат реестридан чиқаради.

3. Шундай тартиб ўрнатилсинки, унга мувофиқ:

мазкур қарорга 1 ва 2-иловаларга мувофиқ товарлар (хизматлар) қийматининг бир қисми ва солиққа оид ҳуқуқбузарликлар аниқланган ҳолатлар ҳақида солиқ органларини хабардор қилганлик учун бир марталик пул мукофоти Ўзбекистон Республикаси Давлат солиқ қўмитаси томонидан белгиланадиган ваколатли банк орқали тўланади;

солиқ органларининг махсус мобил иловаси ёки Ўзбекистон Республикаси Ягона интерактив давлат хизматлари портали орқали рўйхатдан ўтказилган фискал белгили чеклар бўйича сотиб олинган товарлар (хизматлар) қийматининг бир қисми ушбу чеклар мазкур қарорда белгиланган тартибда расмийлаштирилган ойдан кейинги ойнинг йигирма бешинчи кунидан кейин қайтарилади.

Солиқ органларига сайёр солиқ текширувларини ўтказиш доирасида мобил телефон, планшетлар ва бошқа компьютер техникасидан фойдаланиш, шунингдек, сайёр солиқ текширувлари билан боғлиқ ҳужжатларни электрон рақамли имзодан (бармоқ изи ёки график имзо) ёхуд Face-ID ва қонунчиликка мувофиқ бошқа электрон тасдиқлаш усулидан фойдаланган ҳолда электрон шаклда расмийлаштириш ҳуқуқи берилсин.

4. Ўзбекистон Республикаси Президентининг «Чакана савдо ва хизмат кўрсатиш соҳасида онлайн назорат-касса техникасидан фойдаланишни такомиллаштиришга доир қўшимча чора-тадбирлар тўғрисида» 2021 йил 4 октябрдаги ПҚ-5252-сон қарорига мувофиқ:

2022 йил 1 январдан бошлаб рақамли маркировкаланган маҳсулотлар чакана савдоси билан шуғулланадиган тадбиркорлик субъектлари учун онлайн назорат-касса машинаси ва виртуал кассага уланган, штрих-кодлар ва рақамли маркировкалаш кодларини тўғри ўқиш ва аниқлашни таъминлайдиган махсус қурилмалардан (2D-сканерлар, маълумотларни йиғувчи терминаллар ёки бошқа турдаги махсус қурилмалар) мажбурий фойдаланиш талаби белгиланганлиги;

2023 йил 1 январга қадар тадбиркорлик субъектларига ҳисобланган ва тўланиши лозим бўлган фойда солиғи ёки айланмадан олинадиган солиқ ёхуд якка тартибдаги тадбиркорлар томонидан тўланадиган жисмоний шахслардан олинадиган даромад солиғи суммаларини онлайн назорат-касса машинаси ҳамда махсус қурилмаларнинг ҳар бирини сотиб олиш билан боғлиқ харажатлар суммасига, лекин битта қурилма учун базавий ҳисоблаш миқдорининг 4 бараваридан кўп бўлмаган миқдорда камайтириш ҳуқуқи берилганлиги маълумот учун қабул қилинсин.

5. Ўзбекистон Республикаси Давлат солиқ қўмитаси:

рақамли маркировкаланган маҳсулотлар чакана савдосини амалга оширувчи тадбиркорлик субъектлари томонидан онлайн назорат-касса машинаси ва виртуал кассага уланган, штрих-кодлар ва рақамли маркировкалаш кодларини тўғри ўқиш ва аниқлашни таъминловчи махсус қурилмалардан (2D-сканерлар, маълумотларни йиғувчи терминаллар ёки бошқа турдаги махсус қурилмалар) мажбурий фойдаланиш талабига риоя этилишини таъминласин;

онлайн назорат-касса машинаси ҳамда рақамли маркировкалаш кодларини тўғри ўқиш ва аниқлашни таъминловчи махсус қурилмаларни (2D-сканерлар, маълумотларни йиғувчи терминаллар ёки бошқа турдаги махсус қурилмалар) сотиб олган тадбиркорлик субъектларига солиқ имтиёзлари берилиши тўғрисида кенг тарғибот ишлари бўйича комплекс чора-тадбирларни амалга оширсин.

6. Ўзбекистон Республикаси Давлат солиқ қўмитаси Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги билан биргаликда мазкур қарорнинг мазмун-моҳиятини оммавий ахборот воситаларида мунтазам ва кенг ёритиб борсин.

7. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.

8. Ушбу қарорнинг 2-банди расмий эълон қилинган кундан бошлаб уч ой ўтгач кучга киради.

9. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси Давлат солиқ қўмитаси раиси Ш.Д. Кудбиев зиммасига юклансин.

Вазирлар Маҳкамасининг 2022 йил 12 майдаги 255-сон қарорига 1-ИЛОВА

Сотиб олинган товарлар (хизматлар) қийматининг бир қисмини жисмоний шахсларга қайтаришнинг

1-боб. Умумий қоидалар

1. Мазкур Маъмурий регламент (кейинги ўринларда — Регламент) аҳолига сотиб олинган товарлар (хизматлар) қийматининг бир қисмини қайтариш тартибини белгилайди.

2. Ушбу Регламент қоидалари Ўзбекистон Республикаси ва чет давлатлар фуқароларига ҳамда фуқаролиги бўлмаган шахсларга (кейинги ўринларда — жисмоний шахслар) нисбатан қўлланилади.

3. Жисмоний шахслар томонидан бир ой давомида сотиб олинган товарлар (хизматлар) қийматининг базавий ҳисоблаш миқдорининг 60 бараваридан ошмаган қисмидан бир фоизи (кейинги ўринларда — товарлар (хизматлар) қийматининг бир қисми) уларнинг фискал белгили чеклари солиқ органларининг махсус мобил иловаси ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали рўйхатдан ўтказилган тақдирда қайтарилади.

4. Сотиб олинган товарлар (хизматлар) қийматининг бир қисми нақд пул ёки банк карталари (корпоратив банк карталаридан ташқари) орқали чакана савдо, умумий овқатланиш ва маиший хизмат кўрсатиш объектларида қайтарилади.

5. Нақд пул ёки банк карталари (корпоратив банк карталаридан ташқари) орқали сотиб олинган товарлар (хизматлар) қийматининг бир қисми жисмоний шахснинг банк картасига Ўзбекистон Республикаси миллий валютасида қайтарилади.

2-боб. Фискал белгили чекларни рўйхатдан ўтказиш ва сотиб олинган товарлар (хизматлар) қийматининг бир қисмини қайтариб олиш тартиби

6. Жисмоний шахслар томонидан онлайн назорат-касса техникаси чеки солиқ органларининг махсус мобил иловасида харид чекининг фискал белгисини матрицали штрих-код (QR-код) ёрдамида сканерлаш ёки фискал белгисини киритиш, шунингдек, солиқ органларининг ахборот тизимларига интеграция қилинган электрон тижорат платформалари — Маркетплейслар орқали мобил телефон рақамини кўрсатган ҳолда амалга оширилади.

Ушбу Регламентда назарда тутилган сотиб олинган товарлар (хизматлар) қийматининг бир қисмини қайтариб олиш мақсадида солиқ органларининг махсус мобил иловасида ёки ЯИДХПда идентификация ва рўйхатдан ўтиш солиқ органларининг махсус дастурида кўрсатилган жисмоний шахсларнинг мобил телефон рақамига келиб тушган ҳавола бўйича рўйхатга олиш кодини киритиш орқали амалга оширилади.

Солиқ органлари чекни рўйхатдан ўтказаётган шахсни аниқлаш мақсадида, у томонидан сотиб олинган товарлар (хизматлар) қийматининг бир қисмини қайтариб олиш учун махсус мобил илова ёки ЯИДХП орқали онлайн назорат-касса техникаси чекини рўйхатдан ўтказишда жисмоний шахсларнинг шахсий идентификация рақамини кўрсатишни талаб қилиши мумкин.

7. Жисмоний шахслар томонидан сотиб олинган товарлар (хизматлар) қийматининг бир қисми қайтариб олинишида қуйидаги фискал белгили онлайн назорат-касса машиналари чеклари солиқ органларининг махсус мобил иловасида ҳамда ЯИДХПда рўйхатдан ўтказилмайди:

берилган кундан бошлаб ўн календарь кун ўтган чеклар;

аввал рўйхатдан ўтказилган ёки сотиб олинган товарлар (хизматлар) қийматининг бир қисми қайтарилган чеклар;

автомобиль, ҳаво ва темир йўл чипталарини сотиб олиш натижасида олинган, шунингдек, алоқа ва коммунал хизматлар учун амалга оширилган тўлов чеклари;

шубҳали харидорлар реестрига киритилган жисмоний шахслар чеклари;

жисмоний шахслар томонидан ўзини ўзи банд қилган шахслардан харид қилинган товарлар (хизматлар) чеклари.

8. Шубҳали харидорларнинг реестрига бошқа шахсга тегишли бўлган онлайн назорат-касса техникаси чекини унинг рухсатисиз олиб қўйиш ва (ёки) ҳуқуқбузарлик содир этиш, шунингдек, жисмоний шахслар томонидан сотиб олинган товарлар (хизматлар) қийматининг бир қисмини қайтариб олиш ҳуқуқидан фойдаланишини чеклашга олиб келадиган бошқа ҳолатлар орқали товарлар (хизматлар) қийматининг бир қисмини қайтариш ва (ёки) тўғридан-тўғри қайтариш ҳуқуқини олган жисмоний шахслар рўйхати киритилади.

Шубҳали харидорлар реестри Ўзбекистон Республикаси Солиқ қўмитаси (кейинги ўринларда — Солиқ қўмитаси) томонидан юритилади.

Шубҳали харидорлар реестрига жисмоний шахсларни киритиш махсус мобил илова ёки ЯИДХП орқали ўн беш ёки ундан ортиқ шахслар томонидан онлайн назорат-касса техникасининг чекини уларнинг рухсатисиз олиб қўйиш ва (ёки) ҳуқуқбузарлик содир этиш орқали товарлар (хизматлар) қийматининг бир қисмини қайтариб олиш ва (ёки) тўғридан-тўғри қайтариб олиш ҳуқуқини олганлиги тўғрисида шикоят қилинган тақдирда амалга оширилади.

9. Солиқ қўмитаси қуйидаги ҳолларда жисмоний шахсларни шубҳали операциялар реестридан чиқаради:

жисмоний шахслар томонидан товарлар (хизматлар) қийматининг бир қисмини қайтариш ҳуқуқини олишнинг қонунийлигини тасдиқловчи ҳужжатлар ёки суд қарори тақдим этилганда;

жисмоний шахслар шубҳали харидорлар реестрига киритилган кундан бошлаб ўн икки календарь ой ўтганидан кейин.

10. Жисмоний шахсларга сотиб олинган товарлар (хизматлар) қийматининг бир қисми Ўзбекистон Республикаси Иқтисодиёт ва молия вазирлиги (кейинги ўринларда — Иқтисодиёт ва молия вазирлиги) томонидан Ўзбекистон Республикаси республика бюджети ҳисобидан қайтарилади.

Жисмоний шахсларга сотиб олинган товарлар (хизматлар) қийматининг бир қисмини қайтариш мазкур Регламентга иловада келтирилган схемага мувофиқ амалга оширилади.

11. Жисмоний шахсларга сотиб олинган товарлар (хизматлар) қийматининг бир қисми солиқ органларининг махсус мобил иловасида ёки ЯИДХПда фискал белгили чеклар рўйхатдан ўтказилган ойдан кейинги ойнинг йигирма бешинчи кунидан кейин қайтарилади.

12. Солиқ қўмитаси ҳар ойнинг йигирма бешинчи санасидан кечиктирмай аввалги календарь ойида жисмоний шахслар томонидан солиқ органларининг махсус мобил иловасида ёки ЯИДХПда рўйхатдан ўтказилган фискал белгили чеклар тўғрисидаги ахборотни ва улар бўйича жисмоний шахсларга қайтариладиган суммалар бўйича буюртмани Иқтисодиёт ва молия вазирлигига тақдим этади.

13. Иқтисодиёт ва молия вазирлиги Солиқ қўмитасининг буюртмасига кўра Иқтисодиёт ва молия вазирлиги Ғазначилигидаги Солиқ қўмитасининг махсус ҳисобварағига буюртма олган кундан сўнг бир иш кунидан кечиктирмай жисмоний шахсларнинг солиқ органларининг махсус мобил иловасида ёки ЯИДХПда рўйхатдан ўтказилган фискал белгили чеклари асосида қайтариб бериш учун маблағларни ўтказади.

Иқтисодиёт ва молия вазирлиги томонидан тўлаб берилган маблағлар етарли бўлмаганда ёки Солиқ қўмитасининг Иқтисодиёт ва молия вазирлиги Ғазначилигидаги махсус ҳисобварағида маблағлар бўлмаган ҳолатларда Солиқ қўмитаси сотиб олинган товарлар (хизматлар) қийматининг бир қисмини жисмоний шахсларга Солиқ қўмитасининг моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси ҳисобидан тўлаб бериш ҳуқуқига эга.

14. Солиқ қўмитаси Иқтисодиёт ва молия вазирлиги томонидан пул маблағлари ўтказилгандан кейин бир иш кунидан кечиктирмай уларни Иқтисодиёт ва молия вазирлиги ҳузуридаги Ғазначилигидаги махсус ҳисобварағидан ваколатли банкда очилган ҳисобварағига ўтказади.

15. Солиқ қўмитаси товарлар (хизматлар) қийматининг бир қисмини қайтариб олиш ҳуқуқига эга бўлган жисмоний шахсларнинг реестрларини ваколатли банкка ҳар ойда, кейинги ойнинг йигирма бешинчи санасига қадар тақдим этади.

16. Солиқ қўмитаси топшириғига асосан, ваколатли банк пул маблағларини кейинги ойнинг йигирма бешинчи санасидан сўнг сотиб олинган товарлар (хизматлар) қийматининг бир қисмини солиқ органларининг махсус мобил иловасида ёки ЯИДХПда рўйхатдан ўтган фискал белгили чеклар асосида қайтариш ҳуқуқига эга бўлган жисмоний шахсларнинг банк карталарига ўтказади. Бунда жисмоний шахснинг ихтиёрига кўра маблағларини дарахт кўчатларини экишга йўналтириш мақсадида Экология ва иқлим ўзгариши миллий қўмитаси ҳузуридаги Яшил хайрия жамғармасига ўтказиши мумкин.

17. Ўзбекистон Республикаси Солиқ кодексининг 369-моддаси иккинчи қисми 16-бандига мувофиқ, жисмоний шахс томонидан сотиб олинган товарлар (хизматлар) қийматининг бир қисмини қайтариб олиниши ушбу жисмоний шахснинг жами даромадига киритилмайди.

18. Махсус мобил иловада ёки ЯИДХПда рўйхатдан ўтган онлайн назорат-касса техникасининг чеклари асосида солиқ органлари томонидан жисмоний шахсларга тўланган товарлар (хизматлар) қийматининг бир қисми суммалари қайтариб берилмайди ва солиқ органлари томонидан уларнинг ундирилиши амалга оширилмайди. Шу билан бирга, ҳуқуқбузарликлар содир этиш орқали товарлар (хизматлар) қийматининг бир қисмини қайтариб олган шахслар қонун ҳужжатларида белгиланган тартибда жавобгарликка тортилади.

19. Агар, жисмоний шахс онлайн назорат-касса техникаси чекини махсус мобил иловасида ёки ЯИДХПда рўйхатдан ўтказишда, ушбу онлайн назорат-касса техникаси чеки бошқа шахс томонидан махсус мобил иловада рўйхатга олинганлигини аниқласа, ушбу жисмоний шахс товарлар (хизматлар) қийматининг бир қисмини қайтариш ҳуқуқидан онлайн назорат-касса техника чекини махсус мобил иловасида ёки ЯИДХПда рўйхатдан ўтказган шахс фойдасига воз кечиши ёки ушбу шахс томонидан товарлар (хизматлар) қийматининг бир қисмини қайтариш ва (ёки) қайтариш ҳуқуқини онлайн-касса техникаси чекини ноқонуний тарзда эгаллаган ҳолда ва (ёки) ҳуқуқбузарлик содир этган ҳолда олганлиги тўғрисида шикоят қолдириши мумкин.

Бошқа жисмоний шахс томонидан бундай чек ва товарлар (хизматлар) қийматининг бир қисмини қайтариб олиш ҳуқуқи олинганлиги муносабати билан товарларни (хизматларни) сотиб олган ва махсус мобил иловада ёки ЯИДХПда онлайн назорат-касса техникасининг чекини рўйхатдан ўтказолмаган жисмоний шахс қонун ҳужжатларида белгиланган тартибда судга мурожаат қилиш ҳуқуқига эга.

Агар жисмоний шахс томонидан ушбу бандда назарда тутилган шикоят, товарлар (хизматлар) қийматининг бир қисмини қайтариш учун онлайн назорат-касса машинаси чекини махсус мобил илова ёки ЯИДХП орқали рўйхатдан ўтказган жисмоний шахсга тўлов амалга оширилгунга қадар қолдирилган бўлса, Солиқ қўмитаси онлайн назорат-касса машинаси чекини рўйхатдан ўтказган жисмоний шахсга товар қийматининг бир қисмини тўлашни тўхтатиб туради. Бундай ҳолатда, товарлар (хизматлар) қийматининг бир қисмини қайтариш, тақдим этилган ҳужжатлар орқали ёки бошқа маълумотлар орқали товарлар (хизматлар) хариди амалга оширилганлиги ва онлайн назорат-касса техникаси чеки олинганлигини тасдиқлаган жисмоний шахсга амалга оширилади.

Товарларни (хизматларни) сотиб олиш ва онлайн назорат-касса машиналарининг чекини олганлик фактини аниқлашнинг иложи бўлмаган тақдирда, товарлар (хизматлар) қийматининг бир қисмини қайтариш суд қарори асосида амалга оширилади.

20. Солиқ қўмитаси қуйидаги ҳолларда товарлар (хизматлар) қийматининг бир қисмини қайтариб беришни тўлиқ ёки қисман рад этиш тўғрисида қарор қабул қилишга ҳақли:

товарлар (хизматлар) сотувчиси томонидан солиқ органларига солиқ ҳисоботлари тақдим этилмаганда ва (ёки) 1 миллион сўмдан ортиқ солиқ қарздорлиги мавжуд бўлганда;

аҳоли билан ҳисоб-китоблар тўғрисида онлайн режимда келиб тушадиган маълумотлар ва солиқ органларида мавжуд бўлган бошқа маълумотлар асосида товарларни сотиш ва сотиб олишда товарлар (хизматлар) қийматининг бир қисмини қайтариб олишга қаратилган ҳуқуқбузарлик белгилари аниқланганда;

онлайн назорат-касса техникаси чекини рўйхатдан ўтказган жисмоний шахснинг шубҳали харидорлар реестрига киритилганлиги;

сотиб олинган товарлар номенклатурасида бўлмаган товарлар билан савдо қилинганда ёки сотилган товарлар сони сотиб олинган товарлар сонидан кўп бўлганда;

онлайн назорат-касса техникалари чекларида идентификация кодлари ва штрих-кодлари нотўғри акс эттирилиши аниқланганда ёки уларда солиқ органлари маълумотлар базасида йўқ идентификация кодлари ва штрих-кодлари билан акс эттирилганда;

солиқ органларининг ахборот тизимларида жисмоний шахслар томонидан онлайн назорат-касса машиналари чекларини рўйхатга олинганлиги тўғрисидаги маълумотларнинг йўқлиги;

жисмоний шахслар томонидан рўйхатдан ўтказилган онлайн-назорат касса техникалари чеклари билан боғлиқ бўлган товарларни (хизматларни) сотишдан тушган даромад суммаларини сотувчи томонидан солиқ ҳисоботида акс эттирилмаслиги.

Солиқ қўмитаси онлайн назорат касса техникаси чекини солиқ органларининг мобил иловасида ёки ЯИДХПда рўйхатдан ўтказган жисмоний шахсдан унинг ҳақиқий харидлари тўғрисидаги тасдиғини сўраб олишга, харид ҳақиқатда ушбу жисмоний шахс томонидан амалга оширганлиги шубҳали бўлган тақдирда товарлар (хизматлар) қийматининг бир қисмини қайтаришни рад этиш тўғрисида қарор қабул қилишга ҳақли.

21. Ушбу Регламент мақсадларида маиший хизмат турлари деб онлайн назорат-касса техникасидан мажбурий фойдаланилган ҳолда аҳолига кўрсатиладиган пуллик барча хизматлар турлари тушунилади, бундан ҳаво ва темир йўл транспорти орқали йўловчи ташиш хизматлари ҳамда алоқа ва коммунал хизматлар мустасно.

22. Ушбу Регламент мақсадларида умумий овқатланиш хизматлари деб қандолатчилик ва бошқа озиқ-овқат маҳсулотларини тайёрлаш, сотиш ва истеъмол қилишни ташкил этиш фаолияти тушунилади.

3-боб. Онлайн назорат-касса техникаси чекларига тузатиш киритилишининг бажарилишини назорат қилиш

23. Жисмоний шахс томонидан сотиб олинган товарлар (хизматлар) қийматининг бир қисмини қайтариш учун солиқ органларининг махсус мобил иловаси ёки ЯИДХП орқали рўйхатдан ўтказилган фискал белгили чекка товарлар (хизматлар) сотувчиси томонидан тузатиш киритиш Ўзбекистон Республикаси Солиқ қўмитасининг хулосаси асосида амалга оширилади.

24. Жисмоний шахс томонидан сотиб олинган товарлар (хизматлар) қийматининг бир қисмини қайтариш учун махсус мобил иловада ёки ЯИДХПда рўйхатдан ўтказилган фискал белгили чекка тузатиш киритиш учун товарлар (хизматлар) сотувчилари солиқ тўловчининг шахсий кабинети орқали Солиқ қўмитасига тегишли ариза юборадилар.

25. Солиқ қўмитаси ариза келиб тушган кундан бошлаб уч кун ичида жисмоний шахс томонидан харид қилинган товарлар (хизматлар) қийматининг бир қисмини қайтариб олиш учун солиқ органларининг махсус мобил иловаси ёки ЯИДХП орқали рўйхатга олинган онлайн-касса чекларини махсус мобил иловада тузатиш киритиш имконияти бор ёки йўқлиги тўғрисида товарлар (хизматлар) сотувчисига хулоса юборади.

26. Сотиб олинган товарлар (хизматлар) қийматининг бир қисмини қайтариб олиш учун махсус мобил иловаси орқали рўйхатдан ўтказилган онлайн-касса чекларига тузатиш киритиш жисмоний шахс томонидан ушбу ҳолатларнинг юзага келганлик сабаблари махсус мобил иловада ёки ЯИДХПда кўрсатилган тақдирда амалга оширилади.

27. Солиқ қўмитаси харид қилинган товарлар (хизматлар) қийматининг бир қисмини жисмоний шахсга қоплаб берилишининг ҳамда жисмоний шахс томонидан харид қилинган товарлар (хизматлар) қийматининг бир қисмини қайтариб олиш учун махсус мобил иловада ёки ЯИДХПда рўйхатдан ўтказилган фискал белгили онлайн НКМ чекларига сотувчилар томонидан тузатишлар киритилишининг асослилигини текширади.

4-боб. Якунловчи қоидалар

28. Ушбу Регламентни қўллашда юзага келадиган низолар қонунчиликда белгиланган тартибда ҳал этилади.

29. Мазкур Регламент талабларининг бузилишида айбдор бўлган шахслар қонунчиликка мувофиқ жавоб берадилар.

Сотиб олинган товарлар (хизматлар) қийматининг бир қисмини жисмоний шахсларга қайтаришнинг маъмурий регламентига ИЛОВА

Сотиб олинган товарлар (хизматлар) қийматининг бир қисмини жисмоний шахсларга қайтариш

Босқичлар Субъектлар Чора-тадбирлар Муддатлар I. Солиқ органларига сотиб олиш қийматининг бир қисмини қайтариш ҳуқуқи тўғрисида хабар бериш 1-босқич Товар (хизмат) харидори Онлайн назорат-касса машиналари чеклари солиқ органларининг махсус мобил иловасида ёки ЯИДХПда рўйхатдан ўтказилади Чек олинган кундан бошлаб 10 календарь кундан кечиктирмасдан 2-босқич Солиқ қўмитаси Ўтган календарь ойида жисмоний шахслар томонидан солиқ органларининг махсус мобил иловасида ёки ЯИДХПда рўйхатдан ўтказилган фискал белгили чеклар тўғрисидаги ахборот ва улар бўйича жисмоний шахсларга қайтариладиган суммалар бўйича буюртмалар ҳаққонийлигини текширади Жисмоний шахс томонидан товарлар (хизматлар ) харид қилинган ойдан кейинги ойнинг 25-санасига қадар II. Товарлар (хизматлар) қийматининг бир қисмини қайтариш 3-босқич Солиқ қўмитаси Ўтган календар ойида жисмоний шахслар томонидан рўйхатга олинган фискал белги қўйилган чеклар тўғрисидаги маълумотларни солиқ органларининг махсус мобил иловасида ёки ЯИДХПда ва улар бўйича жисмоний шахсларга қайтариладиган суммалар тўғрисидаги аризаларни Ўзбекистон Республикаси Иқтисодиёт ва молия вазирлигига тақдим етади Жисмоний шахс томонидан харид қилинган ойдан кейинги ойнинг 25-санасига қадар 4-босқич Иқтисодиёт ва молия вазирлиги Давлат солиқ қўмитасининг махсус ҳисобрақамига жисмоний шахсларнинг солиқ органларининг махсус мобил иловасида ёки ЯИДХПда рўйхатдан ўтказилган фискал белгили чеклар асосида қайтариб бериш учун маблағларни ўтказади. Буюртма олган кундан сўнг бир иш кунидан кечиктирмасдан 5-босқич Солиқ қўмитаси Қабул қилинган маблағларни ваколатли банкда очилган ҳисоб рақамига ўтказади Бир кундан кечиктирмасдан 6-босқич Солиқ қўмитаси Ваколатли банкка товарлар (хизматлар) қийматининг бир қисмини қайтариш ҳуқуқига эга бўлган жисмоний шахслар реестрини тақдим етади Ҳар ойнинг 25-санасига қадар 7-босқич Банк Солиқ органларининг махсус мобил иловасида ёки ЯИДХПда фискал белгиси қўйилган рўйхатдан ўтган чеклар асосида сотиб олинган товарлар (хизматлар) қийматининг бир қисмини қайтариш ҳуқуқига эга бўлган жисмоний шахсларнинг банк карталарига пул маблағларини ўтказади. Бунда жисмоний шахснинг ихтиёрига кўра маблағларини дарахт кўчатларини экишга йўналтириш мақсадида Экология ва иқлим ўзгариши миллий қўмитаси ҳузуридаги Яшил хайрия жамғармасига ўтказиши мумкин. Ҳар ой кейинги ойнинг 25-санасидан бошлаб

Вазирлар Маҳкамасининг 2022 йил 12 майдаги 255-сон қарорига 2-ИЛОВА

Махсус дастур орқали солиққа оид ҳуқуқбузарликлар аниқланган ҳолатлар ҳақида солиқ органларини хабардор қилган жисмоний шахсларга пул мукофотини тўлаш тўғрисида

1-боб. Умумий қоидалар

1. Ушбу Низом жисмоний шахслар томонидан аниқланган солиққа оид ҳуқуқбузарликлар ҳолатлари ҳақида солиқ органларини хабардор қилиш ва уларни мукофот тўлаш йўли билан рағбатлантириш тартибини белгилайди.

2. Ушбу Низомда жисмоний шахслар деб Ўзбекистон Республикаси фуқаролари, хорижий давлат фуқаролари ҳамда фуқаролиги бўлмаган шахслар эътироф этилади.

3. Жисмоний шахслар томонидан аниқланган солиққа оид ҳуқуқбузарликлар ҳолатлари ҳақида солиқ органлари солиқ органларининг «Soliq hamkor» (кейинги ўринларда — махсус дастур) махсус ахборот тизими орқали хабардор қилинади.

4. Аниқланган солиққа оид ҳуқуқбузарликлар ҳолатлари ҳақида солиқ органларини махсус дастур орқали хабардор қилган жисмоний шахслар учун бир марталик пул мукофоти шаклидаги рағбатлантириш белгиланади.

5. Жисмоний шахсларга аниқланган солиққа оид ҳуқуқбузарликлар ҳолатлари ҳақида солиқ органларини хабардор қилганлик учун бир марталик пул мукофоти Ўзбекистон Республикаси миллий валютасида тўланади.

6. Жисмоний шахсларга бир марталик пул мукофоти онлайн назорат-касса техникаси ва ҳисоб-китоб терминалларини қўллаш тартиби бузилганлиги, нақд пул маблағлари ёки пластик карточкалар бўйича тўлов шаклига қараб нархлар сунъий равишда оширилганлиги ёки пасайтирилганлиги, тадбиркорлик фаолияти давлат рўйхатидан ўтмасдан амалга оширилганлиги, идентификация воситалари орқали мажбурий рақамли маркировкалаш назарда тутилган маҳсулотларда қалбаки маркировка қўлланилганлиги ёки маркировка мавжуд эмаслиги, шунингдек, савдо ва хизматлар кўрсатиш қоидаларининг бузилиши аниқланган бошқа ҳолатлар тўғрисида солиқ органларини хабардор қилганлик учун тўланади.

7. Аниқланган солиққа оид ҳуқуқбузарликлар аниқланган ҳолатлар ҳақида солиқ органларини хабардор қилганлик учун бир марталик пул мукофоти тарзидаги рағбатлантириш Ўзбекистон Республикаси Солиқ кодексининг 221-моддаси биринчи қисмида назарда тутилган солиқ ҳуқуқбузарликлари учун белгиланган жарималарнинг йигирма фоизи миқдорида юмшатувчи ёки оғирлаштирувчи ҳолатлар ҳисобга олинган ҳолда белгиланади.

Ўзбекистон Республикаси Солиқ қўмитаси (кейинги ўринларда — Солиқ қўмитаси) ушбу бандда кўрсатилган бир марталик пул мукофоти тарзидаги рағбатлантиришни солиққа оид ҳуқуқбузарликни содир этган шахс (кейинги ўринларда — айбдор шахс) жарима суммасини тўлагунга қадар Солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси ҳисобидан тўлаб бериш ҳуқуқига эга.

Бунда жисмоний шахсга бир марталик пул мукофотини тўлаш учун қилинган харажатлар кейинчалик айбдор шахс томонидан тўланган жарималар ҳисобидан қопланади.

8. Ушбу Низомнинг 4-бандида назарда тутилган мукофотлар айбдор шахсдан ундирилган жарималари ҳисобидан қуйидаги тартибда молиялаштирилади:

ундирилган жариманинг 20 фоизи жисмоний шахсга тўлаб берилади;

ундирилган сумманинг 80 фоизи қонунчиликда белгиланган тартибда Давлат бюджети ва Солиқ қўмитасининг моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси ўртасида тақсимланади.

9. Рағбатлантириш, агар жисмоний шахс томонидан тақдим этилган маълумотлар ҳақиқатга мос бўлса ва айбдор шахсга нисбатан солиқ органининг ёки суднинг жавобгарликка тортиш тўғрисидаги қарори қонуний кучга кирган бўлса, амалга оширилади.

2-боб. Солиққа оид ҳуқуқбузарликлар аниқланган ҳолатлар ҳақида солиқ органларини хабардор қилиш

10. Солиқ органлари аниқланган солиққа оид ҳуқуқбузарликлар ҳолатлари ҳақида солиқ органларининг махсус дастури орқали қуйидаги маълумотлар кўрсатилган ҳолда хабардор қилинади:

содир этилган солиққа оид ҳуқуқбузарлик тури;

солиққа оид ҳуқуқбузарлик содир этган хўжалик юритувчи субъект жойлашган жой.

11. Аниқланган солиққа оид ҳуқуқбузарликлар ҳолатлари ҳақида солиқ органларини хабардор қилишда, жисмоний шахс солиқ органларининг махсус дастурида қуйидаги маълумотларни кўрсатади:

мобил телефон рақами;

банк картаси рақами.

Солиқ органларини солиққа оид ҳуқуқбузарликлар аниқланган ҳолатлар ҳақида хабардор қилган ва бир марталик пул мукофоти тўланиши керак бўлган жисмоний шахсни аниқлаш ва ҳисобга олиш ушбу Низомда назарда тутилган тартибда жисмоний шахснинг мобил телефон рақамига келиб тушган ҳавола орқали солиқ органларининг махсус дастурида рўйхатга олиш кодини киритиш йўли билан амалга оширилади.

Бир марталик пул мукофотини олиш учун солиққа оид ҳуқуқбузарликлар аниқланган ҳолатлар ҳақида солиқ органларига хабар берган шахсни аниқлаш мақсадида солиқ органлари улардан махсус мобил илова орқали жисмоний шахснинг шахсий идентификация рақамини кўрсатишни талаб қилиши мумкин.

12. Ушбу Низомнинг 10 ва 11-бандларида назарда тутилган маълумотлар тўлиқ тақдим этилмаганда, солиқ органлари жисмоний шахснинг аниқланган солиққа оид ҳуқуқбузарликлар ҳолатлари ҳақида хабарномасини кўриб чиқмайди.

13. Солиққа оид ҳуқуқбузарликлар бўйича аниқланган ҳолатлар ва материаллар Ўзбекистон Республикаси Солиқ кодексида белгиланган тартибда кўриб чиқилади.

14. Айнан битта хўжалик юритувчи субъект бўйича содир этилган солиққа оид ҳуқуқбузарликлар ҳақидаги хабарлар бир нечта жисмоний шахслардан олинган тақдирда, хабарларни кўриб чиқиш ва бир марталик пул мукофотини тўлаш солиқ органлари томонидан ҳар бир тадбиркорлик субъекти бўйича алоҳида ва фақат солиқ органларининг ахборот тизимида биринчи навбатда тан олинган ва аниқланган жисмоний шахснинг хабарномасига кўра амалга оширилади.

Ушбу бандда назарда тутилган хабарларнинг қолган қисми бўйича, шунингдек, солиқ органларининг ахборот тизимида илгари тан олинган ва аниқлаштирилган жисмоний шахснинг хабарномаси асосида солиқ органлари томонидан сайёр солиқ текшируви ўтказиш ва айбдор шахсни жавобгарликка тортиш тўғрисида тегишли қарор қабул қилиш жараёнида келиб тушган хабарлар солиқ органлари томонидан кўриб чиқилмайди ва бир марталик пул мукофоти тўланмайди.

Шу билан бирга, Солиқ қўмитаси солиқ органларининг махсус дастури орқали бундай шахсларга илгари солиқ органига бошқа жисмоний шахс томонидан мурожаат келиб тушганлиги, шу асосда жойларда солиқ текшируви бошланганлиги ёки ўтказилаётганлиги ёхуд ўтказилган сайёр солиқ текшируви материалларини кўриб чиқиш натижалари асосида қарор қабул қилинаётганлиги тўғрисида хабар беради.

3-боб. Солиққа оид ҳуқуқбузарликлар аниқланган ҳолатлар ҳақида солиқ органларини хабардор қилган жисмоний шахсларни рағбатлантириш

15. Бир марталик пул мукофоти солиқ органларини махсус дастур орқали солиққа оид ҳуқуқбузарлик аниқланган ҳолатлар ҳақида хабардор қилган жисмоний шахснинг банк картасига тўлаб берилади.

Махсус дастур орқали солиққа оид ҳуқуқбузарликлар аниқланган ҳолатлар ҳақида солиқ органларини хабардор қилган жисмоний шахсларга пул мукофотини тўлаш мазкур Низомга иловада келтирилган схемага мувофиқ амалга оширилади.

16. Солиқ қўмитаси айбдор шахс томонидан жарима тўланган кундан кейин уч кундан кечиктирмасдан, жисмоний шахсга тўланиши лозим бўлган бир марталик пул мукофоти сифатидаги тўловни ваколатли банкда очилган ҳисобрақамга ўтказиб беради.

Солиқ қўмитаси солиқ ҳуқуқбузарликлари тўғрисида аниқланган фактлар ҳақида солиқ органларига хабар берган жисмоний шахсни солиқ органларининг махсус дастури орқали тўланиши лозим бўлган пул мукофоти миқдори тўғрисида хабардор қилади.

17. Ваколатли банк Солиқ қўмитасининг топшириғига асосан пул маблағини солиқ органларининг махсус дастури орқали солиққа оид ҳуқуқбузарликлар аниқланган ҳолатлар ҳақида солиқ органларини махсус дастур орқали хабардор қилганлиги учун бир марталик пул мукофоти олиш ҳуқуқига эга бўлган жисмоний шахсларнинг банк карталарига кўчириб беради.

18. Солиқ қўмитаси ушбу Низомнинг 6-бандида назарда тутилган солиққа оид ҳуқуқбузарликларни содир этганликда айбланувчи шахсни жавобгарликка тортиш тўғрисида солиқ органининг қарори асосида бир марталик пул мукофотининг бутун суммасини солиққа оид ҳуқуқбузарликлар аниқланган ҳолатлар ҳақида солиқ органларини хабардор қилган жисмоний шахсга Солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси ҳисобидан тўлашга ҳақли.

Бунда, айбдор шахс томонидан солиқ органининг солиққа оид ҳуқуқбузарлик учун жавобгарликка тортиш тўғрисидаги қарори олинган кундан эътиборан ўн кунлик муддатда жарима суммаси ихтиёрий равишда тўланмаган тақдирда, солиқ органларига солиққа оид ҳуқуқбузарлик тўғрисида аниқланган фактлар тўғрисида хабар берган жисмоний шахсга белгиланган пул мукофоти тўлаб берилади.

19. Ўзбекистон Республикаси Солиқ кодексининг 369-моддаси иккинчи қисми 16-бандига мувофиқ жисмоний шахс томонидан олинган бир марталик пул мукофоти бундай жисмоний шахснинг жами даромадига киритилмайди.

20. Солиққа оид ҳуқуқбузарликларнинг аниқланган ҳолатлари ҳақида солиқ органларини махсус дастур орқали хабардор қилган жисмоний шахс бир марталик пул мукофотини олишни рад қилган тақдирда, бу ҳақда махсус дастурда кўрсатади. Бунда солиқ органлари бундай шахсни қимматбаҳо совғалар билан тақдирлаши мумкин.

4-боб. Якунловчи қоидалар

21. Солиққа оид ҳуқуқбузарликлар аниқланган ҳолатлар ҳақида солиқ органларини махсус дастур орқали хабардор қилган жисмоний шахслар тўғрисидаги маълумотларни ошкор қилишга йўл қўйилмайди, қонунчилик ҳужжатларида назарда тутилган ҳоллар бундан мустасно.

22. Мукофот олиш мақсадида солиққа оид ҳуқуқбузарликлар ҳақида хабардор қилган жисмоний шахс томонидан ҳақиқатда харидлар амалга оширилганлигини товарнинг сурати, тўлов терминалининг чеки ва бошқа усуллар билан тасдиқлашини талаб қилишга, шунингдек, ҳақиқатда харидлар амалга оширилганлигига шубҳа туғилса, солиқ органлари ундан келиб тушган мурожаатни кўриб чиқиш учун асослар етарли эмаслиги тўғрисида қарор қабул қилишга ҳақли.

23. Солиқ органларини солиққа оид ҳуқуқбузарликлар аниқланган ҳолатлар ҳақида махсус дастур орқали хабардор қилган жисмоний шахсларни рағбатлантириш бўйича солиқ органларининг ҳаракати ёки ҳаракатсизлиги бўйича судга шикоят қилиниши мумкин.

24. Ушбу Низомни қўллашда юзага келадиган низолар қонунчиликда белгиланган тартибда ҳал этилади.

25. Мазкур Низом талабларининг бузилишида айбдор бўлган шахслар қонунчиликка мувофиқ жавоб берадилар.

Махсус дастур орқали солиққа оид ҳуқуқбузарликлар аниқланган ҳолатлар ҳақида солиқ органларини хабардор қилган жисмоний шахсларга пул мукофотини тўлаш тўғрисида низомга ИЛОВА

Солиқ органларига солиқ ҳуқуқбузарликлари тўғрисида хабар берганлик учун жисмоний шахсларга пул мукофотини тўлаш

Босқичлар Субъектлар Чора-тадбирлар Муддатлар I. Аниқланган солиқ ҳуқуқбузарликлари тўғрисида солиқ органларига хабар бериш 1-босқич Ариза берувчи Солиқ органларининг махсус дастури орқали солиққа оид ҳуқуқбузарликларнинг аниқланган фактлари тўғрисида солиқ органларига хабар беради. Солиқ қонунчилиги бузилиши ҳолатлари аниқланганда 2-босқич Солиқ қўмитаси Қабул қилинган ариза асосида сайёр солиқ текширувини ўтказади. Ўзбекистон Республикаси Солиқ кодексида белгиланган муддатда (ўн кун давомида) II. Пул мукофотини тўлаш 3-босқич Солиқ қўмитаси Жисмоний шахсларга бир марталик пул мукофоти сифатида тўланиши лозим бўлган суммани ваколатли банкда очилган ҳисобварағига ўтказиб беради. Жарима тўланган кундан кейин уч кундан кечиктирмасдан 4-босқич Банк Аниқланган солиққа оид ҳуқуқбузарликлар тўғрисида солиқ органларининг махсус дастури орқали хабардор қилинганлик учун бир марталик пул мукофоти олиш ҳуқуқига эга бўлган жисмоний шахсларнинг банк карталарига пул маблағларини ўтказади. Тўлов топшириқномасига асосан қонунчилик ҳужжатларида белгиланган тартибда

Вазирлар Маҳкамасининг 2022 йил 12 майдаги 255-сон қарорига 3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Ўзбекистон Республикаси давлат чегарасига туташ ҳудудларда ердан фойдаланишни тартибга солиш тўғрисида» 1994 йил 26 сентябрдаги 480-сон қарори 4-бандининг иккинчи хатбошиси чиқариб ташлансин.

2. Вазирлар Маҳкамасининг «Аҳолига шошилинч тиббий ёрдам хизматини янада такомиллаштириш чора-тадбирлари тўғрисида» 2003 йил 2 декабрдаги 537-сон қарори 1-бандининг еттинчи хатбошиси чиқариб ташлансин.

3. Вазирлар Маҳкамасининг «Шоҳи Зинда ёдгорлик мажмуасида қайта тиклаш ва ободонлаштириш ишларини ташкил этиш тўғрисида» 2004 йил 16 июлдаги 337-сон қарори 4-бандининг учинчи хатбошиси чиқариб ташлансин.

4. Вазирлар Маҳкамасининг «Тошкент шаҳрида йўловчи транспорти тизимини янада такомиллаштириш чора-тадбирлари тўғрисида» 2006 йил 31 январдаги 11-сон қарори 4-бандида :

иккинчи хатбошиси чиқариб ташлансин;

учинчи хатбоши иккинчи хатбоши деб ҳисоблансин.

5. Вазирлар Маҳкамасининг «Якка тартибдаги тадбиркорлар шуғулланиши мумкин бўлган фаолият турлари рўйхатини тасдиқлаш тўғрисида» 2011 йил 7 январдаги 6-сон қарорининг 1-иловаси қуйидаги мазмундаги 88-банд билан тўлдирилсин:

«88. Кўп квартирали уйни бошқариш (малака (аттестация) сертификатига эга бўлганлар)».

6. Вазирлар Маҳкамасининг «Тошкент шаҳар йўловчи ташиш автобуслари паркини янада янгилаш чора-тадбирлари тўғрисида» 2013 йил 3 майдаги 119-сон қарорининг рус тилидаги матнидаги 10-банд қуйидаги таҳрирда баён этилсин:

«10. Установить, что передаваемые акционерной компанией «Тошшахартрансхизмат» структурным подразделениям 100 городских пассажирских автобусов модели «Mercedes-Benz Conecto Low Floor», запасные части и диагностические приборы к ним не являются объектом обложения налогом на добавленную стоимость».

7. Вазирлар Маҳкамасининг 2014 йил 12 июндаги 155-сон қарори билан тасдиқланган Гаров реестрини юритиш тартиби тўғрисидаги низомнинг 16-банди «б» кичик банди қуйидаги таҳрирда баён этилсин:

«б) давлат солиқ хизмати органлари томонидан — суд ёки давлат солиқ хизмати органининг (банк ҳисобварақлари бўйича операцияларни тўхтатиб туриш учун) тегишли қарори қабул қилинган сана ва тартиб рақами ёки солиқ қарзини узиш тўғрисидаги талабномаларнинг санаси ва рақами».

9. Вазирлар Маҳкамасининг «Чет элда ишлаётган Ўзбекистон Республикаси фуқаролари ҳамда иш вақтини ҳисобга олиб бўлмайдиган шахсларнинг айрим тоифалари томонидан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ягона ижтимоий тўлов тўлаш тартибини, шунингдек уларнинг пенсияни ҳисоблаш учун олинадиган иш стажини ва иш ҳақи миқдорини ҳисобга олиш тартиби тўғрисидаги низомни тасдиқлаш ҳақида» 2016 йил 22 февралдаги 46-сон қарорида :

а) номидаги ва 1-банддаги «ягона ижтимоий тўлов» сўзлари «ижтимоий солиқ» сўзлари билан алмаштирилсин;

кириш қисми қуйидаги таҳрирда баён этилсин:

«Ўзбекистон Республикаси Солиқ кодексининг 408-моддасига мувофиқ ҳамда чет элда ишлаган шахслар ва иш вақтини ҳисобга олиб бўлмайдиган шахсларнинг айрим тоифалари томонидан ижтимоий солиқни тўлашнинг ягона механизмини ташкил этиш орқали пенсия қонунчилигини янада такомиллаштириш мақсадида Вазирлар Маҳкамаси қарор қилади»;

б) 1-иловада :

номидаги ва 1-банддаги «ягона ижтимоий тўлов» ва «ягона ижтимоий тўловни» сўзлари тегишинча «ижтимоий солиқ» ва «ижтимоий солиқни» сўзлари билан алмаштирилсин;

2-банднинг учинчи хатбошисидаги «суғурта бадалларини» сўзлари «ижтимоий солиқни» сўзлари билан алмаштирилсин;

3-бандда :

биринчи — тўртинчи хатбошилардаги «ягона ижтимоий тўловни» сўзлари «ижтимоий солиқни» сўзлари билан алмаштирилсин;

бешинчи хатбошидаги «ягона ижтимоий тўлов» сўзлари «ижтимоий солиқ» сўзлари билан алмаштирилсин;

4-банд қуйидаги таҳрирда баён этилсин:

«4. Ушбу Низомнинг 3-бандида кўрсатиб ўтилган шахслар Пенсия жамғармасига:

2019 йил 1 январга қадар бўлган давр учун — Ўзбекистон Республикасининг Молия вазирлиги ҳузуридаги бюджетдан ташқари Пенсия жамғармасига суғурта бадаллари;

2019 йил 1 январдан 2019 йил 31 декабргача бўлган давр учун ягона ижтимоий тўлов;

2020 йил 1 январдан кейинги давр учун — ижтимоий солиқ тўлаш шарти билан Қонунга мувофиқ давлат пенсия таъминоти ҳуқуқига эга бўладилар.

Бунда пенсия миқдори Пенсия жамғармасига тўланган ижтимоий солиқ (суғурта бадали, ягона ижтимоий тўлов) миқдори ва иш стажининг давомийлигига боғлиқ бўлади»;

5-банд қуйидаги таҳрирда баён этилсин:

«5. Пенсия жамғармасига:

2019 йил 1 январга қадар бўлган давр учун — Ўзбекистон Республикасининг Молия вазирлиги ҳузуридаги бюджетдан ташқари Пенсия жамғармасига суғурта бадаллари;

2019 йил 1 январдан 2019 йил 31 декабргача бўлган давр учун ягона ижтимоий тўлов;

2020 йил 1 январдан кейинги давр учун ижтимоий солиқ қайтариб берилмайди, Ўзбекистон Республикаси Солиқ кодексининг 103-моддасида назарда тутилган ҳолатлар бундан мустасно.»;

II боб ва 1 — 3-параграфларнинг номидаги «ягона ижтимоий тўловни» сўзлари «ижтимоий солиқни» сўзлари билан алмаштирилсин;

6-банднинг биринчи хатбошисидаги «ягона ижтимоий тўловни» сўзлари «ижтимоий солиқни» сўзлари билан алмаштирилсин;

8-банд қуйидаги таҳрирда баён этилсин:

«8. Чет элда ёлланган ҳолда ишловчи шахс пенсия билан таъминланиш миқдоридан келиб чиқиб Пенсия жамғармасига ижтимоий солиқ миқдорини мустақил равишда, бироқ йилига Пенсия жамғармасига ижтимоий солиқ тўлаш санасида қонунчилик ҳужжатларида белгиланган базавий ҳисоблаш миқдорининг тўрт ярим баробари миқдорда белгилаши мумкин»;

9-банднинг биринчи ва тўртинчи хатбошиларидаги «ягона ижтимоий тўлов» сўзлари «ижтимоий солиқ» сўзлари билан ва тўртинчи хатбошисидаги «СТИР» сўзи «ЖШШИР» сўзи билан алмаштирилсин;

10-бандда :

биринчи хатбошидаги «ягона ижтимоий тўлов» сўзлари «ижтимоий солиқ» сўзлари билан алмаштирилсин;

иккинчи хатбошидаги «ягона ижтимоий тўловни» сўзлари «ижтимоий солиқни» сўзлари билан алмаштирилсин;

11-банднинг биринчи ва иккинчи хатбошиларидаги «ягона ижтимоий тўлов» ва «ягона ижтимоий тўловнинг» сўзлари тегишинча «ижтимоий солиқ» ва «ижтимоий солиқнинг» сўзлари билан алмаштирилсин;

12-банддаги «ягона ижтимоий тўловни» сўзлари тегишинча «ижтимоий солиқни» сўзлари билан алмаштирилсин;

13-банддаги «ягона ижтимоий тўлов» сўзлари «ижтимоий солиқ» сўзлари билан алмаштирилсин;

14-бандда :

биринчи хатбошидаги «ягона ижтимоий тўловни» сўзлари «ижтимоий солиқни» сўзлари билан алмаштирилсин;

иккинчи хатбошидаги «ягона ижтимоий тўлов» сўзлари тегишинча «ижтимоий солиқ» сўзлари билан, «СТИР» сўзи «ЖШШИР» сўзи билан алмаштирилсин;

15-16-бандлар қуйидаги таҳрирда баён этилсин:

«15. Якка тартибдаги тадбиркор ва деҳқон хўжалиги аъзоси ўзи учун ўзидаги мавжуд имкониятлардан ва пенсия билан таъминланишнинг миқдоридан келиб чиқиб Пенсия жамғармасига ижтимоий солиқ миқдорини мустақил равишда, бироқ Ўзбекистон Республикаси Солиқ кодексининг 408-моддасида белгиланган ижтимоий солиқнинг энг кам миқдоридан кам бўлмаган миқдорда белгилайди.

Якка тартибдаги тадбиркор оилавий тадбиркорлик субъектининг ҳар бир аъзоси, шунингдек, меҳнат шартномаси бўйича якка тартибдаги тадбиркор томонидан ёлланган ҳар бир ходим учун Пенсия жамғармасига ҳар ойда энг кам ойлик иш ҳақининг 50 фоизи миқдорида ижтимоий солиқ тўлайди.

16. Ижтимоий солиқ:

якка тартибдаги тадбиркор ва оилавий тадбиркорлик субъекти оила аъзолари томонидан — ҳар ойда, тадбиркорлик фаолияти амалга оширилган ойнинг 15-кунидан кечикмай тўланади;

деҳқон хўжалиги аъзоси томонидан — ҳисобот йилининг 1 октябригача тўланади. Бунда ижтимоий солиқнинг миқдори тўлов кунига белгиланган базавий ҳисоблаш миқдоридан келиб чиққан ҳолда ҳисоблаб чиқарилади.

Янги рўйхатдан ўтган якка тартибдаги тадбиркорлар ва оилавий тадбиркорлик субъекти оила аъзолари томонидан ижтимоий солиқни тўлаш улар якка тартибдаги тадбиркор сифатида давлат рўйхатидан ўтказилган ойдан кейинги ойдан эътиборан амалга оширилади.

Пенсия жамғармасига ижтимоий солиқ нақд пулсиз ҳисоб-китоб бўйича тўланган тақдирда ижтимоий солиқ тўланганлиги тўғрисидаги тўлов ҳужжатида кўрсатилган сана ижтимоий солиқ тўланган кун ҳисобланади. Тўлов ҳужжатида фамилияси, исми, отасининг исми, ЖШШИР ва тўлов амалга оширилаётган давр албатта кўрсатилиши шарт. Бунда оилавий тадбиркорлик субъекти оила аъзолари ва деҳқон хўжалиги аъзолари бўйича тўлов ҳужжати ҳар бир оила аъзоси учун алоҳида-алоҳида ёзилади. Агар тўлов хужжатида давр кўрсатилмаган бўлса, тўлов у амалга оширилаётган ой (деҳқон хўжаликлари аъзолари учун — йил) учун тўланган деб ҳисобланади»;

17-банддаги «Ягона ижтимоий тўлов» сўзлари «Ижтимоий солиқ» сўзлари билан алмаштирилсин;

18-бандда :

биринчи хатбошидаги «ягона ижтимоий тўловни» сўзлари «ижтимоий солиқни» сўзлари билан алмаштирилсин;

иккинчи хатбошидаги «ягона ижтимоий тўлов» сўзлари «ижтимоий солиқ» сўзлари билан алмаштирилсин;

III бобнинг номидаги «ягона ижтимоий тўловни» сўзлари «ижтимоий солиқни» сўзлари билан алмаштирилсин;

19-банднинг биринчи ва тўртинчи хатбошиларидаги «ягона ижтимоий тўлов» сўзлари «ижтимоий солиқ» сўзлари билан алмаштирилсин;

20-бандда :

биринчи ва иккинчи хатбошилардаги «ягона ижтимоий тўлов» сўзлари тегишинча «ижтимоий солиқ» сўзлари билан алмаштирилсин;

учинчи хатбошидаги «60-моддасига» сўзлари «116-моддасига» сўзлари билан алмаштирилсин;

21 ва 33-бандлардаги «ягона ижтимоий тўлов» сўзлари «ижтимоий солиқ» сўзлари билан алмаштирилсин;

23-банд қуйидаги таҳрирда баён этилсин:

«23. Пенсия жамғармасига:

2019 йил 1 январга қадар бўлган давр учун — Ўзбекистон Республикасининг Молия вазирлиги ҳузуридаги бюджетдан ташқари Пенсия жамғармасига суғурта бадаллари;

2019 йил 1 январдан 2019 йил 31 декабргача бўлган давр учун ягона ижтимоий тўлов;

2020 йил 1 январдан кейинги давр учун ижтимоий солиқ тўланганлигини тасдиқловчи асосий ҳужжатлар сифатида:

2018 йилгача — Пенсия жамғармасига суғурта бадалларининг тўланганлигини тасдиқловчи банк квитанциялари ва тўлов ҳужжатлари;

2018 йилдан бошлаб — давлат солиқ хизмати органларининг маълумотлари ҳисобланади.»;

34 ва 35-бандлар қуйидаги таҳрирда баён этилсин:

«34. Пенсия тайинлаш учун якка тартибдаги тадбиркорнинг (деҳқон хўжалиги раҳбарининг ва оилавий тадбиркорлик субъекти оила аъзосининг) иш стажини ҳисоблаб чиқишда, агар Пенсия жамғармасига тўланган ижтимоий солиқ суммаси ушбу йилнинг барча ойлари учун белгиланган энг кам ижтимоий солиқдан кам бўлмаса (тўланган пеняларни ҳисобга олмаган ҳолда) иш стажига календарь йил қўшилади.

35. Деҳқон хўжалиги аъзосига, шунингдек, майдони тўрт сотихдан кам бўлмаган деҳқон хўжалигида, томорқа ерида банд бўлган ёки ушбу майдонда қорамол боқаётган ёхуд 50 бошдан кам бўлмаган парранда парваришлаётган жисмоний шахсларга пенсия тайинлаш учун иш стажини ҳисоблаб чиқишда Ўзбекистон Республикаси Солиқ кодексининг 408-моддасида белгиланган Пенсия жамғармасига ижтимоий солиқ миқдори тўланганда иш стажига бир йил қўшилади»;

36 ва 37-бандлардаги «ягона ижтимоий тўлов» сўзлари «ижтимоий солиқ» сўзлари билан алмаштирилсин;

38-банд қуйидаги таҳрирда баён этилсин:

«38. Якка тартибдаги тадбиркор (чет элда ёлланган ҳолда ишловчи шахс, солиқ агенти ҳисобланмайдиган иш берувчидан даромад олувчи ходим, деҳқон хўжалиги аъзоси ва оилавий тадбиркорлик субъекти оила аъзоси) томонидан Пенсия жамғармасига:

2019 йил 1 январга қадар бўлган давр учун — Ўзбекистон Республикасининг Молия вазирлиги ҳузуридаги бюджетдан ташқари Пенсия жамғармасига суғурта бадаллари;

2019 йил 1 январдан 2019 йил 31 декабргача бўлган давр учун ягона ижтимоий тўлов;

2020 йил 1 январдан кейинги давр учун ижтимоий солиқни тўлаш далили гувоҳлар кўрсатмалари билан тасдиқланмайди»;

39-банд қуйидаги таҳрирда баён этилсин:

«39. Пенсия миқдорини ҳисоблаб чиқишда ҳисобга олинадиган аниқ бир ой (йил) учун якка тартибдаги тадбиркорнинг (чет элда ёлланган ҳолда ишловчи шахснинг, солиқ агенти ҳисобланмайдиган иш берувчидан даромад олувчи ходимнинг ва деҳқон хўжалиги аъзосининг) даромади Пенсия жамғармасига тўланган ойлик (йиллик):

2019 йил 1 январга қадар бўлган давр учун — суғурта бадаллари суммасини Пенсия жамғармасига суғурта бадалларини тўлаш даврида амалда бўлган ягона ижтимоий тўлов (микрофирмалар ва кичик корхоналар, шунингдек, фермер хўжаликлари учун) ва фуқароларнинг суғурта бадалларининг умумий ставкасига;

2019 йил 1 январдан 2019 йил 31 декабргача бўлган давр учун — ягона ижтимоий тўлов суммасини Пенсия жамғармасига ягона ижтимоий тўловни тўлаш даврида амалда бўлган ягона ижтимоий тўлов (микрофирмалар ва кичик корхоналар, шунингдек, фермер хўжаликлари учун) ставкасига;

2020 йил 1 январдан кейинги давр учун — ижтимоий солиқ суммасини Пенсия жамғармасига ижтимоий солиқни тўлаш даврида амалда бўлган ижтимоий солиқ (микрофирмалар ва кичик корхоналар, шунингдек, фермер хўжаликлари учун) ставкасига бўлиш ҳамда олинган натижани 100 га кўпайтириш йўли билан аниқланади.

Якка тартибдаги тадбиркор томонидан ёлланган ходимнинг, шунингдек, оилавий тадбиркорлик субъекти оила аъзосининг пенсия миқдорини ҳисоблаб чиқишда ҳисобга олинадиган аниқ бир ой учун даромади:

2019 йил 1 январга қадар бўлган давр учун — Пенсия жамғармасига суғурта бадаллари тўланган ойдаги;

2019 йил 1 январдан 2019 йил 31 декабргача бўлган давр учун — Пенсия жамғармасига ягона ижтимоий тўлов тўланган ойдаги;

2020 йил 1 январдан кейинги давр учун — Пенсия жамғармасига ижтимоий солиқ тўланган ойдаги меҳнатга ҳақ тўлашнинг қонунчилик хужжатларида белгиланган пенсияни ҳисоблашнинг базавий миқдорига тенг қилиб олинади»;

41-банддаги «суғурта бадалларини» сўзлари «ижтимоий солиқни (суғурта бадали, ягона ижтимоий тўлов)» сўзлари билан алмаштирилсин.

10. Вазирлар Маҳкамасининг 2017 йил 9 февралдаги 66-сон қарори билан тасдиқланган Тадбиркорлик субъектларини давлат рўйхатидан ўтказиш тартиби тўғрисида низомнинг 40-банди еттинчи хатбошиси қуйидаги таҳрирда баён этилсин:

«юридик шахснинг манзилини ўзгартириш, шунингдек, юридик шахсни бошқа юридик шахсга қўшиб юбориш, қўшиб олиш, бўлиш билан боғлиқ қайта рўйхатдан ўтказишда юридик шахснинг базавий ҳисоблаш миқдорининг эллик бараваридан ортиқ солиқ қарзи мавжудлиги ёки амалга оширилган товар айланма ёхуд товарлар импорти бўйича реализация ҳажмининг солиқ ҳисоботларида тўлиқ акс эттирилмаганлиги, шунингдек, солиқ ҳисоботларини белгиланган муддатларда топширмаганлиги».

11. Вазирлар Маҳкамасининг 2018 йил 9 октябрдаги 811-сон қарори билан тасдиқланган Ўзбекистон Республикаси Давлат солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси тўғрисидаги низомда :

а) 2-банднинг иккинчи хатбошиси қуйидаги таҳрирда баён этилсин:

«давлат солиқ хизмати органлари томонидан ўтказилган текширишлар натижасида қўшимча ундирилган суммалар (Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг бюджетдан ташқари жамғармасига ўтказиладиган маблағлардан ташқари), шу жумладан, пенялар ҳамда солиқ қонунчилигини бузганлик учун қўлланилган молиявий жазо чоралари суммаларининг 40 фоизи»;

б) 3-банднинг учинчи хатбошиси қуйидаги таҳрирда баён этилсин:

«Бунда Махсус жамғармага маблағларни ўтказиш учун Қорақалпоғистон Республикаси, вилоятлар ва Тошкент шаҳар давлат солиқ бошқармалари, туман (шаҳар) давлат солиқ инспекциялари, Йирик солиқ тўловчилар бўйича ҳудудлараро давлат солиқ инспекцияси, Ўзбекистон Республикаси Давлат солиқ қўмитасининг таркибидаги давлат муассасалари учун тегишли шахсий ғазна ҳисобварақлари очилади»;

в) 12-банди «г» кичик банди қуйидаги мазмундаги хатбоши билан тўлдирилсин:

«Сайёр солиқ текширувларини ўтказиш доирасида назорат харидларини амалга ошириш харажатлари»;

г) 14-банднинг биринчи хатбошисидаги «5 фоизи миқдорида» сўзлари «25 фоизи миқдоригача» сўзлари билан алмаштирилсин.

13. Вазирлар Маҳкамасининг «Тошкент вилоятининг Қуйи Чирчиқ туманида замонавий агросаноат кластерини ташкил этиш чора-тадбирлари тўғрисида» 2018 йил 1 декабрдаги 974-сон қарори 7-бандининг учинчи хатбошиси чиқариб ташлансин.

14. Вазирлар Маҳкамасининг «Давлат солиқ хизмати органлари фаолиятини янада такомиллаштириш чора-тадбирлари тўғрисида» 2019 йил 17 апрелдаги 320-сон қарорида :

а) Ўзбекистон Республикаси Давлат солиқ қўмитаси тўғрисидаги низомда :

9-банднинг ўн учинчи хатбоши қуйидаги таҳрирда баён этилсин:

«Солиқ маълумотларини қайта ишлаш маркази» давлат унитар корхонаси»;

11-банд «а» кичик бандининг биринчи хатбошисидаги «бошқа мажбурий тўловларнинг» сўзлари «йиғимларнинг» сўзи билан алмаштирилсин;

11-банд «а» кичик бандининг тўққизинчи хатбошисидаги «молия-хўжалик фаолиятини текшириш (тафтиш қилиш)» сўзлари «солиқ аудитини ўтказиш» сўзлари билан алмаштирилсин;

14-бандда :

«23)» кичик банд қуйидаги таҳрирда баён этилсин:

«23) Солиқ тўловчининг (солиқ агентининг) банкдаги ҳисобварақлари бўйича операцияларни ўн кундан кўп бўлмаган муддатга тўхтатиб туриш. Солиқ тўловчининг (солиқ агентининг) банкдаги ҳисобварақлари бўйича операцияларни ўн кундан кўп муддатга тўхтатиб туриш бўйича суд тартибида чоралар кўриш (жиноий фаолиятдан олинган даромадларни легаллаштириш ҳамда терроризмни молиялаштириш, шунингдек, мазкур кичик банднинг иккинчи хатбошида назарда тутилган ҳолатлар бундан мустасно).

Юридик шахслар ва якка тартибдаги тадбиркорларнинг банкдаги ҳисобварақлари бўйича операцияларни ўн кундан кўп бўлмаган муддатга тўхтатиб туриш солиқ органи томонидан мазкур солиқ тўловчиларнинг (солиқ агентларининг) солиқ мажбуриятлари бажарилишини таъминлаш учун қуйидаги ҳолларда қўлланилиши мумкин:

ушбу солиқ тўловчи (солиқ агенти) томонидан солиқ органига молиявий ва (ёки) солиқ ҳисоботи бундай ҳисоботни тақдим этишнинг белгиланган муддати тугаганидан кейин ўн кун ичида тақдим этилмаганда;

солиқ тўловчи (солиқ агенти) томонидан солиқ органининг камерал солиқ текшируви натижалари бўйича талабномасига тушунтиришлар ва (ёки) тузатишлар белгиланган муддатда тақдим этилмаганда, шунингдек солиқ тўловчи томонидан солиқ органи талаб қилган ҳужжатлар тақдим этилмаганда;

солиқ текширувини ўтказаётган солиқ органларининг мансабдор шахсларини кўрсатилган ҳудудга ёки бинога (бундан турар жойлар мустасно) киришига тўсқинлик қилишда. Солиқ органи мансабдор шахсининг киришига тўсқинлик қилиниши унинг ўзи ва текширилаётган шахс томонидан имзоланадиган далолатнома билан расмийлаштирилади. Бундай далолатнома асосида солиқ органи банкдаги ҳисобварақлар бўйича операцияларни тўхтатиб туради;

солиқ тўловчининг (солиқ агентининг) ўзи кўрсатган манзилда йўқлигида»;

«25)» кичик банддан «Хўжалик юритувчи субъектларга нисбатан молиявий санкциялар суд тартибда қўлланади, улар содир этилган ҳуқуқбузарликлардаги айбини эътироф этган ва молиявий санкциялар суммасини ихтиёрий равишда тўлаган ҳолатлар бундан мустасно» сўзлари чиқариб ташлансин;

қуйидаги мазмундаги 36-кичик банд билан тўлдирилсин:

«36) Солиқ ва йиғимларни йиғиш мақсадида давлат солиқ хизмати органларининг бюджетдан ташқари маблағлари ҳисобидан тўғридан-тўғри шартнома орқали қайтариш шарти билан тижорат банкларига «0» фоиз ставкада депозитга маблағ жойлаштириш»;

қуйидаги мазмундаги 37-кичик банд билан тўлдирилсин:

«37) тижорат банкларида корпоратив банк карталарини очиш ва улардан назорат харидларини амалга ошириш мақсадида фойдаланиш».

15-банд учинчи хатбошисида «32» рақамидан кейин «ва 36» жумласи билан тўлдирилсин;

28-банд қуйидаги таҳрирда баён этилсин:

«28. Солиқ органлари солиқ тўловчининг айнан битта давр учун айнан бир хил солиқлар бўйича бир мартадан ортиқ солиқ аудитини ўтказишга ҳақли эмас, Солиқ кодексида белгиланган ҳолатлар бундан мустасно»;

59-бандда :

«а» кичик банд қуйидаги таҳрирда баён этилсин:

«а) лавозим маоши (давлат солиқ хизмати органлари ходимларининг лавозим маошини белгилашда Ягона тариф сеткаси бўйича меҳнатга ҳақ тўлашнинг тасдиқланган разрядларига мувофиқ тариф коэффициенти 1,7 бараварга оширилган миқдорда)»;

«б» кичик банд биринчи хатбошисидаги «устамалар» сўзидан кейин «ва бошқа тўловлар» сўзлари билан тўлдирилсин;

«б» кичик банд қуйидаги мазмундаги еттинчи-саккизинчи хатбошилар билан тўлдирилсин:

«икки ойлик меҳнат ҳақи фонди миқдоридаги мукофот ва бир ойлик меҳнат ҳақи миқдоридаги моддий ёрдам тўлови;

қонунчилик ҳужжатларида белгиланган бошқа тўловлар»;

«в» кичик банднинг учинчи ва тўртинчи хатбошиларидаги «энг кам ойлик иш ҳақининг» сўзлари «базавий ҳисоблаш миқдорининг» сўзлари билан алмаштирилсин;

59 1 -банд қуйидаги таҳрирда баён этилсин:

«59 1 . Давлат солиқ хизмати органлари ходимларига мазкур низомнинг 59-банди а) ва б) кичик бандларида кўрсатилган лавозим маоши, устама ва бошқа тўловларни молиялаштириш бюджет маблағлари ҳисобидан, в) кичик бандидаги бошқа тўловларни молиялаштириш Ўзбекистон Республикаси Давлат солиқ қўмитасининг Моддий ёрдам, ижтимоий муҳофаза, солиқ органларини ривожлантириш ҳамда кўзда тутилмаган харажатлар махсус жамғармаси маблағлари ҳисобидан амалга оширилади»;

б) Йирик солиқ тўловчилар бўйича ҳудудлараро давлат солиқ инспекцияси тўғрисидаги низомда :

11-банднинг «б» кичик бандида :

иккинчи хатбоши қуйидаги таҳрирда баён этилсин:

«камерал солиқ текшируви, шунингдек, йирик солиқ тўловчи томонидан тақдим этилган маълумотлар ишончлилигини ҳамда солиқ тўловчининг ҳисоботларида акс эттирилган солиқ ва божхона имтиёзлари қўлланилишининг қонунийлигини тасдиқлаш учун қонунчилик ҳужжатларида белгиланган тартибда жойига чиққан ҳолда сайёр солиқ текширувларини амалга оширади»;

ўнинчи хатбоши қуйидаги таҳрирда баён этилсин:

«йирик солиқ тўловчиларда солиқ аудити ўтказиш жараёнида солиқлар ва йиғимларнинг тўғри ҳисобланганлиги ва тўланганлигини, назорати солиқ органлари зиммасига юклатилган қонунчилик ҳужжатларига риоя қилинганлигини солиқ тўловчининг бухгалтерия, молия, статистика, банк ҳужжатлари ҳамда бошқа ҳужжатларни, маълумотларни ўрганиш ва таҳлил қилиш йўли билан текширади»;

ўн биринчи хатбошидаги «молия-хўжалик фаолиятини текшириш (тафтиш қилиш)» сўзлари «солиқ аудитини ўтказиш» сўзлари билан алмаштирилсин;

12-банднинг :

«4» кичик банди қуйидаги таҳрирда баён этилсин:

«4) йирик солиқ тўловчи томонидан тақдим этилган маълумотлар ишончлилигини ҳамда йирик солиқ тўловчининг ҳисоботларида акс эттирилган солиқ ва божхона имтиёзлари қўлланилишининг қонунийлигини тасдиқлаш учун камерал солиқ текшируви натижаси бўйича қонунчилик ҳужжатларида белгиланган тартибда жойига чиққан ҳолда сайёр солиқ текширувларини амалга ошириш»;

«20» кичик бандидан «фойда солиғи» сўзлари чиқариб ташлансин;

в) Ўзбекистон Республикаси давлат солиқ хизмати органларида хизматни ўташ тўғрисидаги низомнинг 3-бандида :

ўн олтинчи хатбоши қуйидаги таҳрирда баён этилсин:

«ҳар 100 минг нафар аҳолига ҳисоблаб чиққанда (кўп томонга яхлитланадиган 1:2 нисбатда) 1 штат бирлиги — туман (шаҳар) давлат солиқ инспекцияларида»;

йигирма иккинчи хатбоши қуйидаги таҳрирда баён этилсин:

«солиқ тўловчиларнинг бухгалтерия ҳисобини юритиш ва ҳуқуқий қўллаб-қувватлаш хизматида (давлат солиқ бошқармаларида ва туман (шаҳар) давлат солиқ инспекцияларида) — 2 штат бирлиги»;

15. Вазирлар Маҳкамасининг 2019 йил 22 апрелдаги 343-сон қарори билан тасдиқланган Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматларини кўрсатиш тартиби тўғрисида низомнинг 8-банди иккинчи хатбошиси ва 11-бандидаги «бошқа мажбурий тўловлар» сўзлари «йиғимлар» сўзи билан алмаштирилсин.

16. Вазирлар Маҳкамасининг 2019 йил 16 майдаги 410-сон қарори билан тасдиқланган Импорт қилинган товарлар ҳаракатини мониторинг қилиш тартиби тўғрисида низомда :

а) 8-банддаги «камерал назоратдан» сўзлари «камерал солиқ текшируви» сўзлари билан алмаштирилсин;

б) 9-банддаги «Камерал назорат» ва «70-моддасида» сўзлари тегишинча «Камерал солиқ текшируви» ва «138-моддасида» сўзлари билан алмаштирилсин;

в) 10-банддаги «Камерал назорат» ва «мавзули экспресс-ўрганиш» сўзлари тегишинча «Камерал солиқ текшируви» ва «сайёр солиқ текширувлари» сўзлари билан алмаштирилсин;

г) 11-банд қуйидаги таҳрирда баён этилсин:

«11. Камерал солиқ текшируви ва сайёр солиқ текшируви натижасига кўра:

импорт қилинган товарлар реализация қилинганлиги ҳужжат билан тасдиқланганда, товарларни реализация қилишдан тушган тушум суммасининг ҳисобга олиш регистрларида акс эттирилмаганлиги, товарлар реализация қилинганлигидан далолат берувчи ҳужжатлар алмаштирилганлиги, сохталаштирилганлиги ёки йўқ қилинганлиги, ҳисобда реализация қилинмаган деб кўрсатилган товарларнинг омборда ёки реализация қилиш жойида мавжуд эмаслиги аниқланган тақдирда, Ўзбекистон Республикасининг Солиқ кодексида белгиланган тартибда солиқлар ва йиғимлар ҳисобланади;

солиқ ва божхона тўловлари бўйича имтиёзлар берилиши натижасида бўшаган маблағлардан мақсадли ва белгиланган муддатларда фойдаланилмаган ёки импорт қилинган товарларнинг имтиёзли давр тугашига қадар бошқаларга берилиши (сотилиши), шунингдек, ўз эҳтиёжи (ишлаб чиқариши) учун импорт қилинган товарлар реализация қилинганлиги аниқланганда, солиқларни қонунчилик ҳужжатларида белгиланган тартибда ундириш чоралари кўрилади»;

12-банддаги «Мавзули экспресс-ўрганишлар» ва «қонун ҳужжатларида» сўзлари тегишинча «Сайёр солиқ текширувлари» ва «қонунчилик ҳужжатларида» сўзлари билан алмаштирилсин;

д) иловада :

3-босқич учинчи устунидаги «камерал назорат» ва «70-моддасида» сўзлари тегишинча «камерал солиқ текширувидан» ва «138-моддасида» сўзлари билан, тўртинчи устунидаги «1 иш куни мобайнида» сўзлари «2 кун муддатда» сўзлари билан алмаштирилсин;

4-босқич учинчи устуни қуйидаги таҳрирда баён этилсин:

«Агар солиқ тўловчи аниқлаштирилган солиқ ҳисоботини тақдим этмаса (шу жумладан аниқлаштирилган талабномадан кейин), ёхуд аниқланган тафовутлар бўйича асосномаларни тақдим этмаса, ёки у тақдим этган асосномалар етарли эмас деб топилса, солиқ тўловчида сайёр солиқ текширувини тайинлаш чораларини кўради»;

4-босқич тўртинчи устунидаги «7 календарь кун» сўзлари «30 иш куни» сўзлари билан алмаштирилсин.

17. Вазирлар Маҳкамасининг 2019 йил 27 майдаги 433-сон қарори билан тасдиқланган Инвесторларга янги меҳмонхона қуриш ва уни жиҳозлаш учун субсидия ажратиш ҳамда ташкилотларни франчайзинг тўғрисидаги шартнома асосида қисман молиялаштириш учун Давлат бюджетидан маблағ ажратиш тартиби ҳақидаги низомнинг 5-банди иккинчи хатбошисидаги «бошқа мажбурий тўловлар» сўзлари «йиғимлар» сўзи билан алмаштирилсин.

18. Вазирлар Маҳкамасининг 2019 йил 18 июндаги 512-сон қарори билан тасдиқланган Уруғчилик кластерларини ташкил этиш учун танловларни ўтказиш тартиби тўғрисида низомнинг 14-банди учинчи хатбошисидаги «бошқа мажбурий тўловлар» сўзлари «йиғимлар» сўзи билан алмаштирилсин.

19. Вазирлар Маҳкамасининг «Тошкент шаҳрида Вестминстер халқаро мактабини ташкил этиш тўғрисида» 2019 йил 25 июндаги 527-сон қарорининг 10-банди «а» кичик банди иккинчи хатбошисидаги «солиқ ва давлат мақсадли жамғармасига мажбурий тўловлардан (ягона ижтимоий тўловдан ташқари)» сўзлари «солиқлар (ижтимоий солиқдан ташқари) ва йиғимлардан» сўзлари билан алмаштирилсин.

21. Вазирлар Маҳкамасининг 2019 йил 15 июлдаги 589-сон қарори билан тасдиқланган Дастурий маҳсулотлар ва ахборот технологиялари технологик парки фаолиятини ташкил этиш тартиби тўғрисида низомда :

а) 9-банди қуйидаги мазмундаги г) кичик банди билан тўлдирилсин:

«г) солиқ солиш объектлари ва солиқ солиш билан боғлиқ объектларга тааллуқли бухгалтерия ҳисоби регистрлари ҳамда бошқа бошланғич ҳужжатларини автоматлаштириш йўналишларида ишлаб чиқиладиган автоматлаштирилган ҳисобга олиш ўлчов воситаларини (ахборот тизимлари, дастурий маҳсулотлари) мажбурий равишда солиқ органларининг ахборот тизимлари билан интеграция қилинишини таъминлаш»;

б) 14-банд қуйидаги мазмундаги хатбоши билан тўлдирилсин:

«солиқ солиш объектлари ва солиқ солиш билан боғлиқ объектларга тааллуқли бухгалтерия ҳисоби регистрлари ҳамда бошқа бошланғич ҳужжатларини автоматлаштириш йўналишларида ишлаб чиқилган автоматлаштирилган ҳисобга олиш ўлчов воситалари (ахборот тизимлари, дастурий маҳсулотлари) солиқ органларининг ахборот тизимлари билан интеграция қилинмаган ҳолда қўлланилганлиги»;

в) 18-банд қуйидаги мазмундаги тўққизинчи хатбоши билан тўлдирилсин:

«солиқ солиш объектлари ва солиқ солиш билан боғлиқ объектларга тааллуқли бухгалтерия ҳисоби регистрлари ҳамда бошқа бошланғич ҳужжатларини автоматлаштириш йўналишларида ишлаб чиқиладиган автоматлаштирилган ҳисобга олиш ўлчов воситаларини (ахборот тизимлари, дастурий маҳсулотлари) мажбурий равишда солиқ органларининг ахборот тизимлари билан интеграция қилинишини таъминлаш»;

тўққизинчи хатбоши ўнинчи хатбоши деб ҳисоблансин;

г) 21-банд қуйидаги мазмундаги тўққизинчи хатбоши билан тўлдирилсин:

«солиқ солиш объектлари ва солиқ солиш билан боғлиқ объектларга тааллуқли бухгалтерия ҳисоби регистрлари ҳамда бошқа бошланғич ҳужжатларини автоматлаштириш йўналишларида ишлаб чиқилган автоматлаштирилган ҳисобга олиш ўлчов воситалари (ахборот тизимлари, дастурий маҳсулотлари) солиқ органларининг ахборот тизимлари билан интеграция қилинмаган ҳолда қўлланилганда»;

тўққизинчи хатбоши ўнинчи хатбоши деб ҳисоблансин;

д) 27-банддаги «бошқа мажбурий тўловларни» сўзлари «йиғимларни» сўзи билан алмаштирилсин.

23. Вазирлар Маҳкамасининг 2019 йил 13 августдаги 668-сон қарори билан тасдиқланган Ўзбекистон Республикаси Миллий гвардияси қўриқлаш бўлинмалари томонидан жисмоний ва юридик шахслар мол-мулки ҳамда объектларини қўриқлаш борасида кўрсатиладиган хизматлар тарифларини белгилаш методикасида :

3-банддаги «бошқа мажбурий тўловлар» сўзлари «йиғимлар» сўзи билан алмаштирилсин;

6-банднинг ўн биринчи хатбошисидаги «мажбурий тўловлар» сўзлари «йиғимлар» сўзи билан алмаштирилсин.

25. Вазирлар Маҳкамасининг 2019 йил 9 сентябрдаги 750-сон қарори билан тасдиқланган Ички ишлар органларининг кинолог ходимларига қўшимча устамалар тўланадиган махсус малака тоифасини бериш тартиби тўғрисидаги низомнинг 12-иловаси 7-бандидаги «мажбурий тўловлар» сўзлари «солиқлар» сўзи билан алмаштирилсин.

26. Вазирлар Маҳкамасининг «Онлайн назорат-касса машиналари ва виртуал касса тизими қўлланилишини таъминлаш чора-тадбирлари тўғрисида» 2019 йил 23 ноябрдаги 943-сон қарорида :

а) 2-банди қуйидаги таҳрирдаги учинчи хатбоши билан тўлдирилсин:

«Аҳоли билан пулли ҳисоб-китобларни амалга оширишда электрон тўлов тизими орқали электрон фискал чек тақдим қилиш тартиби тўғрисидаги низом 1а-иловага мувофиқ»;

учинчи — бешинчи хатбошилари тегишинча тўртинчи — олтинчи хатбошилар деб ҳисоблансин;

б) 1-иловасида :

1-бандида «виртуал кассаларни» сўзларидан кейин «ҳамда электрон тўлов тизимларини» сўзлари қўшилсин;

2-банд :

қуйидаги таҳрирдаги учинчи хатбоши билан тўлдирилсин:

«Маҳсулотлар (товар ва хизматлар) электрон миллий каталогининг товарлар ва хизматларнинг идентификация коди — бу маҳсулот ёки хизматларнинг маълум бир турига тайёрланган белгилар (рақамлар) тўплам кўринишдаги идентификация коди»;

тўртинчи — ўн тўққизинчи хатбошилари тегишинча бешинчи — йигирманчи хатбошилар деб ҳисоблансин;

олтинчи хатбошисидаги «виртуал кассалар» сўзларидан кейин «Маркетплейс» сўзлари қўшилсин;

еттинчи хатбошисидаги «ёрдамида» сўзи «ёки электрон рақамли имзо орқали» сўзлари билан алмаштирилсин;

тўққизинчи хатбошисидаги «виртуал кассадан» сўзларидан кейин «ёки Маркетплейсдан» сўзлари қўшилсин;

3-банди қуйидаги таҳрирда баён этилсин:

«3. Ўзбекистон Республикаси ҳудудида фақат белгиланган тартибда Давлат реестрига киритилган онлайн-НКМ ва виртуал кассалар ёки Маркетплейсдан фойдаланишга рухсат этилади. Бунда онлайн-НКМ, виртуал касса, Маркетплейс тушунчалари солиқ тўғрисидаги қонунчилик ҳужжатларида «назорат-касса техникаси» номи билан қўлланилади. Давлат реестрига киритилмаган, касса чекларида маҳсулотлар (товарлар ва хизматлар) ягона электрон миллий каталоги идентификациялаш кодлари акс эттирилмайдиган, шунингдек, штрих-кодлар ва рақамли маркировка белгиларини эркин ўқиш ҳамда аниқлаш қурилмаларини улаш имкониятига эга бўлмаган онлайн-НКМ ва виртуал касса ёки Маркетплейслардан фойдаланишга йўл қўйилмайди»;

4-банди қуйидаги таҳрирдаги иккинчи-учинчи хатбошилар билан тўлдирилсин:

«Чакана савдо ва умумий овқатланиш хизматларини кўрсатувчи тадбиркорлик субъектлари томонидан фойдаланилаётган автоматлаштирилган ҳисобга олиш ўлчов воситаларини (ахборот тизимлари, дастурий маҳсулотлари) мажбурий равишда солиқ органларининг ахборот тизимлари билан интеграция қилиниши ва Давлат реестрига киритиши лозим. Бунда, ўз автоматлаштирилган ҳисоб юритиш комплексларини виртуал касса сифатида Давлат реестрига киритишда (киритгандан кейин) тадбиркорлик субъектлари ва техник хизмат кўрсатиш марказлари томонидан рўйхатга олинган виртуал касса сонидан келиб чиқиб, ваколатли органнинг депозит ҳисоб-рақамига захира суммасини қўйиш талаби татбиқ этилмайди.

Харид чекини тўлиқ миқдорда шакллантирилиши ҳамда белгиланган тартибда харидорга тақдим этилиши учун масъулият тадбиркорлик субъектлари зиммасига юклатилади»;

6-банди қуйидаги таҳрирда баён этилсин:

«6. Онлайн-НКМ ёки виртуал кассадан фойдаланишга ўтган тадбиркорлик субъектлари томонидан тўлов терминали орқали қабул қилинган тўловлар учун харидорларга тўлов терминали чеки билан бирга шунингдек жойларда харид қилинган маҳсулот ва хизматлар учун электрон тўлов тизимлари орқали амалга оширилган тўловлар учун онлайн-НКМ ёки виртуал касса чеки ёки виртуал кассанинг электрон чеки берилиши шарт.

Техник имкониятга эга онлайн-НКМ қурилмалари банк карталаридан тўловларни қабул қилиш тизимларига мажбурий уланиши, шунингдек, барча онлайн-НКМ ва виртуал кассаларда мажбурий равишда 2d сканер қурилмаси қўлланилиши шарт»;

7-банди :

иккинчи хатбошисидаги «виртуал касса» сўзларидан кейин «ёки Маркетплейс орқали шакллантириладиган» сўзлари қўшилсин;

қуйидаги саккизинчи хатбоши билан тўлдирилсин:

«Комитент (воситачи) СТИРи»;

тўққизинчи хатбошисидаги «коди» сўзи «белгиси» сўзи билан алмаштирилсин;

қуйидаги ўн учинчи ва ўн тўртинчи хатбошилар билан тўлдирилсин:

«ўлчов бирлиги;

олиб ташлаш»;

қуйидаги таҳрирдаги йигирма учинчи- йигирма олтинчи хатбошилар билан тўлдирилсин:

«тўлов тури (сотув, қайтариш, бўнак, бўлиб тўлаш, кредит). Бунда тўловнинг бўнак, бўлиб тўлаш, кредит турлари бўйича шакллантирилган чекларда QR-код ва фискал белги мавжуд бўлмайди;

Операторга юбориладиган чекдаги товарлар ва хизматлар кодлари (улар мавжуд бўлган ҳолларда) халқаро «GS1» ёки бошқа глобал тизимлар, шунингдек ваколатли орган томонидан шакллантирилган товарлар ва хизматлар кодлари асосида юритиладиган рақамлар билан бир хил бўлиши лозим;

«Бўлиб тўлаш» ва «Бўнак» сифатида шакллантирилган касса чекларида QR-код ва фискал белги акс эттирилмайди»;

саккизинчи — йигирма олтинчи хатбошилари тегишинча тўққизинчи — ўттиз биринчи хатбошилари деб ҳисоблансин.

9-банди қуйидаги таҳрирдаги иккинчи-учинчи хатбошилар билан тўлдирилсин:

«ТХКМга тўловлар фақат кўрсатилган хизматлар учун шартномада назарда тутилган шарт ва миқдорда амалга оширилади. Бунда, шартнома шартлари тадбиркорлик субъекти томонидан бажарилмаганда ҳам унга кўрсатиладиган хизматларнинг тўхтатиб қўйилишига йўл қўйилмайди ва шартномага оид низоли ҳолатлар суд тартибида ҳал этилади.

ТХКМ томонидан тадбиркорлик субъектларининг талаблари бўйича фақат кўрсатилган хизматлар учун тўлов ундирилиши лозим»;

11-банддаги «виртуал касса носозлиги даврида,» сўзларидан кейин «йўқотилган ёки ўғирланган ҳолларда» сўзлари билан тўлдирилсин;

12-банди қуйидаги таҳрирдаги иккинчи хатбоши билан тўлдирилсин:

«Фискал модуллар тадбиркорлик субъекти томонидан ТХКМга қайтариш жараёнида ТХКМ онлайн-НКМ ва виртуал кассадаги чек маълумотларини операторнинг маълумотлар базасига юборилмай қолган қисмини юбориши шарт»;

31-банддаги «оффлайн режимда шаклланган чекни» сўзларидан кейин «48 соат ичида, шунингдек, онлайн режимига ўтгандан кейин» сўзлари билан тўлдирилсин;

32-банддаги «ҳолларда» сўзидан кейин «шунингдек, фаолиятини вақтинча тўхтатганда» сўзлари қўшилсин;

38-банди қуйидаги таҳрирдаги иккинчи хатбоши билан тўлдирилсин:

«Бунда фойдаланувчи томонидан қайтариш касса чек шакллантирилади»;

қуйидаги мазмундаги 38 1 -банд билан тўлдирилсин:

«38 1 . Илгари амалга оширилган ҳисоб-китобларга ўзгартиришлар киритиш зарур бўлган ҳолларда фойдаланувчи томонидан тузатувчи касса чеки шакллантирилади.

Тузатувчи касса чеки фойдаланувчи томонидан илгари онлайн-НКМдан фойдаланмасдан ҳисоб-китоб қилган ҳолларда онлайн-НКМдан фойдаланиш мажбуриятини бажарилишини таъминлаш мақсадида ёки онлайн-НКМдан ушбу Низом талаблари бузилган ҳолда фойдаланилганда шакллантирилади.

Тузатувчи касса чеки тафовут аниқланган ойдан кейинги ойнинг ўнинчи кундан кечиктирмай шакллантирилади».

55-банд :

қуйидаги мазмундаги учинчи хатбоши билан тўлдирилсин:

«Тўловларни белгиланган муддатда тўлаб берилмаслик ҳолатлари тадбиркорлик субъектига кўрсатиладиган хизматларни тўхтатиб қўйишга асос бўла олмайди»;

в) қарор қуйидаги таҳрирдаги 1а-илова билан тўлдирилсин:

«Вазирлар Маҳкамасининг 2019 йил 23 ноябрдаги 943-сон қарорига 1а-ИЛОВА

Аҳоли билан пулли ҳисоб-китобларни амалга оширишда электрон тўлов ташкилоти ва (ёки) электрон тижорат платформалари (Маркетплейс) орқали электрон фискал чек тақдим қилиш тартиби тўғрисида НИЗОМ

1-боб. Умумий қоидалар

1. Ушбу Низом аҳоли билан Маркетплейс орқали амалга оширилган пулли ҳисоб китоблар учун харидорларга электрон фискал чек тақдим қилиш тартибини белгилайди.

2. Ушбу Низом талаблари қуйидагиларга татбиқ этилади:

Маркетплейс орқали аҳоли билан пулли ҳисоб-китобларни амалга оширилганда харидорларга электрон фискал чек тақдим қилиш;

тадбиркорлик субъектлари томонидан харидорларга жойларда харид қилинган маҳсулот ва хизматлар учун Маркетплейс орқали амалга оширилган тўловлар учун онлайн-НКМ ёки виртуал касса чекларини тақдим қилиш;

жойларда амалга оширилган тўловлар тўғрисидаги маълумотларни операторга юбориш.

3. Мазкур Низомда қуйидаги асосий тушунчалардан фойдаланилади:

фискал маълумотлар — ҳисоб-китоблар тўғрисидаги маълумотлар, ҳисоб-китобларни амалга оширувчи тадбиркорлик субъекти тўғрисида маълумот, ҳисоб-китобда фойдаланиладиган Маркетплейс орқали яратилган бошқа маълумотлар;

виртуал фискал модул рақами — оператор томонидан очиқ калит сертификати кўринишида бериладиган махсус дастурий таъминот;

Маркетплейс — оператор тизимига боғланиш имкониятига эга бўлган, операторга тақдим қилган чек маълумотлари асосида онлайн режимда фискал белгиларни қабул қилувчи, чекларни электрон шаклда харидорларга юбориш функциясига эга бўлган техника воситаларидан, ахборот технологияларидан ва ахборот тизимлари хизматларидан фойдаланган ҳолда электрон тўлов ҳужжатлари воситасида нақд ёки нақд пулсиз ҳисоб-китобларни амалга ошириш тизими;

Маркетплейс реестри — қонунчилик ҳужжатларида белгиланган тартибда Давлат реестрига киритилган Маркетплейслар рўйхати.

Маркетплейс фойдаланувчиси — товарлар (бажарилган ишлар ва кўрсатилган хизматлар) учун аҳоли билан пулли ҳисоб китобларни амалга оширишда фискал маълумотларни Маркетплейс сервери орқали операторга юборувчи тадбиркорлик субъекти.

4. Фискал чек маълумотларни операторга юборилиши Маркетплейснинг электрон рақамли имзоси билан тасдиқлаш орқали амалга оширилади.

5. Операторга юбориладиган маълумотларнинг тўғрилиги ва ишончлилиги бўйича Маркетплейс жавобгар ҳисобланади.

2-боб. Операторга электрон фискал чек маълумотларини юбориш тартиби

6. Маркетплейслар тартиб рақам билан электрон фискал чек маълумотларини операторга юборади.

7. Оператор томонидан чек маълумотларига фискал белги яратиб, QR-код билан Маркетплейсларга қайтарилади.

8. Маркетплейс орқали харид чеки электрон шаклда тақдим этилганда, оператордан олинган электрон фискал чекнинг ҳаволасини харидор кўрсатган абонент рақамига ёки электрон почта манзилига, ёхуд харидорнинг шахсий кабинетига юборишини таъминлайди.

9. Маркетплейс орқали реализация қилинган товар (хизмат) учун чек қоғоз шаклда тақдим этилган тақдирда, қоғоз чек ушбу қарорнинг 1-илова 7-банди талабларига мос равишда шаклланиши лозим.

3-боб. Маркетплейс вазифалари ва мажбуриятлари

10. Маркетплейслар харидорларга электрон фискал чек тақдим қилиш учун операторнинг махсус ахборот тизими билан интеграция қилади.

11. Маркетплейслар:

фискал чек маълумотларни шакллантириш, юбориш, қабул қилиш ва сақлаш имкониятини берадиган ахборот тизимига;

call-марказига эга бўлиши лозим.

12. Маркетплейслар ўзининг маълумотлар базасида шакллантирилган фискал чек маълумотларни камида 5 йил давомида сақланишини ва фойдаланувчиларнинг шахсий маълумотлари ҳимоя қилиниши уларнинг конфиденциаллигини таъминлаши шарт, қонунчилик ҳужжатларида белгиланган ҳолатлар бундан мустасно.

4-боб. Маркетплейсларни Давлат реестрига киритиш

13. Маркетплейсларни Давлат реестрига киритилиши учун ваколатли органга 1-иловага мувофиқ белгиланган шаклда Маркетплейслар томонидан ариза билан мурожаат қилинади.

14. Ваколатли орган томонидан ариза берувчига Маркетплейсларга Давлат реестрига киритиш тўғрисидаги қарор нусхаси ёки уни рад этиш сабаби кўрсатилган жавоб хати ҳужжатлар тақдим этилган кундан бошлаб ўн беш иш кунида электрон ёки ёзма тарзда мурожаатчига тақдим этилади.

15. Давлат реестрига киритиш рад этилганда, ариза берувчи камчиликларни бартараф этиб, ваколатли органга такроран мурожаат қилиши мумкин.

5-боб. Маркетплейсларни Давлат реестридан чиқариш

16. Маркетплейсларни қуйидаги ҳолларда Давлат реестридан чиқарилади:

Маркетплейс тугатилганда, банкрот деб эътироф этилганда;

унинг фаолиятига нисбатан қонунчилик ҳужжатлари талаблари ўзгарганда;

ваколатли органга қилган мурожаатига мувофиқ.

17. Қонунчиликда белгиланган талаблар бажарилмаган тақдирда ваколатли орган томонидан Давлат реестрига киритилган Маркетплейсни ёзма огоҳлантирилган ҳолда оператор тармоғидан вақтинчалик ёки бутунлай узиши ва Давлат реестридан чиқариши мумкин.

18. Маркетплейсни Давлат реестридан чиқариш ваколатли органнинг қарори асосида амалга оширилади.

6-боб. Фойдаланувчиларни рўйхатдан ўтказиш

19. Маркетплейс орқали аҳоли билан пулли ҳисоб китобларни амалга оширувчи тадбиркорлик субъектлари 2-иловага мувофиқ Маркетплейс билан ўзаро шартнома тузади.

20. Маркетплейс ўзаро шартнома тақдим қилган тадбиркорлик субъекти маълумотларини операторнинг махсус ахборот тизимида қайд этади.

21. Юборилган аризанинг маълумотларни нотўғри ёки белгиланган тартибда тўлдирилмаган бўлса Давлат солиқ хизмати органлари ходими томонидан рад қилинади. Маркетплейс камчиликларни бартараф қилиб 2-бандга мувофиқ қайта ариза юбориши мумкин.

7-боб. Якуний қоидалар

22. Ваколатли орган ва оператор ушбу Низом талабларига риоя этилиши юзасидан қонунчилик ҳужжатларига мувофиқ назоратни амалга оширадилар.

23. Ушбу Низом талабларини бузган шахслар қонунчилик ҳужжатларида белгиланган тартибда жавоб берадилар»;

г) 2-илованинг 3-банди :

еттинчи хатбошида «техник жиҳатдан имконият бўлганда» сўзлари «реал вақт режимида автоматлаштирилган кузатиш тизими (GPS) билан жиҳозланган бўлиши» сўзлари билан алмаштирилсин.

қуйидаги таҳрирдаги ўнинчи-ўн учинчи хатбошилар билан тўлдирилсин:

«электрон тўлов тизимларига мажбурий уланиши;

штрих-кодлар ва рақамли маркировка кодларини тўғри ўқишни ва аниқлашни таъминловчи махсус қурилмаларга (2D-сканерлар, маълумотларни йиғувчи терминаллар ёки бошқа турдаги махсус қурилмалар) эга бўлиши;

Маҳсулотлар (товар ва хизматлар) ягона электрон миллий каталоги бўйича идентификациялаш кодлари тўғрисидаги маълумотларни реал вақт режимида қурилма хотирасига юклаш имконияти;

банк карталари орқали тўловларни қабул қилиш имконияти»;

ўнинчи — ўн учинчи хатбошилари тегишинча ўн тўртинчи — ўн еттинчи хатбошилари деб ҳисоблансин;

6-банд қуйидаги таҳрирдаги саккизинчи — ўнинчи хатбошилар билан тўлдирилсин:

«штрих-кодлар ва рақамли маркировка кодларини тўғри ўқишни ва аниқлашни таъминловчи махсус қурилмаларга (2D-сканерлар, маълумотларни йиғувчи терминаллар ёки бошқа турдаги махсус қурилмалар) эга бўлиши;

Маҳсулотлар (товар ва хизматлар) ягона электрон миллий каталоги бўйича идентификациялаш кодлари тўғрисидаги маълумотларни реал вақт режимида қурилма хотирасига юклаш имконияти;

банк карталари орқали тўловларни қабул қилиш имконияти»;

саккизинчи — ўнинчи хатбошилари тегишинча тўққизинчи — ўн биринчи хатбошилари деб ҳисоблансин.

д) 3-илова :

6-банд қуйидаги таҳрирда баён этилсин:

«6. ТХКМ:

тадбиркорлик субъектларида ўрнатилган онлайн-НКМ қурилмалари ва виртуал кассаларни мажбурий тартибда бир йилда бир марта техник ва дастурий кўрикдан ўтказиш ва ўрганиш натижаларини уч иш кунида махсус ахборот тизимида қайд этади, шунингдек, солиқ тўловчининг шахсий кабинетига хабарнома юборишга;

матрицали штрихли кодни (QR-код) сканерлаш ёки чекларнинг фискал белгисини киритиш орқали солиқ органларининг махсус мобил иловасида рўйхатдан ўтказилиши мумкин бўлган онлайн-НКМ ва виртуал касса чекларининг сифатли чоп этилишини;

солиқ органларига тегишли сўровлар юбориш йўли билан кунига камида бир марта маҳсулот (товарлар ва хизматлар)нинг электрон миллий каталоги товарларнинг (хизматларнинг) идентификация кодлари реестрини уларнинг маълумотлар базаларида янгилаб боришини таъминлашга мажбур».

9-банди тўққизинчи хатбошисидаги «ва (ёки) ишончсиз ҳужжатлар тақдим этилган» сўзлари чиқариб ташлансин;

19-банди учинчи хатбошиси «(виртуал кассага техник хизмат кўрсатиш маркази бундан мустасно)» сўзлари билан тўлдирилсин;

Онлайн-НКМ ва (ёки) виртуал кассаларга техник хизмат кўрсатиш марказларининг давлат реестрини юритиш ҳамда уларга қўйиладиган алоҳида талабларга илованинг 1-банди «(виртуал кассага техник хизмат кўрсатиш маркази бундан мустасно)» сўзлари билан тўлдирилсин;

25-банд қуйидаги мазмундаги еттинчи ва саккизинчи хатбошилари билан тўлдирилсин:

«аҳолига матрицали штрихли код (QR-код) ёки фискал хусусиятни киритиш орқали чекларнинг фискал белгисини сканерлаш орқали солиқ органларининг махсус мобил иловасида рўйхатдан ўтказилмайдиган онлайн-НКМ ва виртуал касса чеклари берилганда;

маҳсулотлар (товарлар ва хизматлар) электрон миллий каталогининг товарлар (хизматлар) идентификация кодлари реестри уларнинг маълумотлар базаларида янгиланмаганлиги ёки хизмат кўрсатилаётган мижозлар томонидан касса чекларида нотўғри акс эттирилганлиги ҳолатлари аниқланганда.»

е) 4-иловада :

8-банднинг биринчи хатбошисидаги «ва виртуал касса» сўзлари чиқариб ташлансин;

10-банднинг биринчи хатбошисидаги «ёки виртуал касса дастурий таъминоти» сўзлари чиқариб ташлансин;

10-банднинг иккинчи хатбошисидаги «ва (ёки) виртуал касса» сўзлари чиқариб ташлансин;

10-банднинг саккизинчи хатбошисидаги «ва (ёки) ишончсиз ҳужжатлар тақдим этилган» сўзлари чиқариб ташлансин;

11-банд учинчи хатбошиси «(виртуал касса бундан мустасно)» сўзлари билан тўлдирилсин;

11-банд қуйидаги мазмундаги ўн учинчи хатбоши билан тўлдирилсин:

«Бунда «Киберхавфсизлик маркази» давлат унитар корхонаси томонидан экспертиза хулосаси ариза келиб тушган кундан бошлаб 15 иш кунидан кечиктирмасдан тақдим этилади»;

19-банди олтинчи хатбошиси қуйидаги таҳрирда баён этилсин:

«онлайн-НКМ ёки виртуал касса ёхуд Маркетплейс техник талабларга мувофиқ бўлмаган ҳолатда қўлланилганда ва ушбу ҳолатлар ваколатли орган томонидан огоҳлантирилгандан кейин ҳам бартараф этилмаганда»;

қуйидаги мазмундаги 20 1 -20 2 -бандлари билан тўлдирилсин:

«20 1 . Мазкур Низомнинг 19-банди иккинчи — тўртинчи ва олтинчи хатбошиларида белгиланган асослардан бири ёки бир нечтаси мавжуд бўлганда, онлайн-НКМ ёки виртуал касса ёхуд Маркетплейс ишлаб чиқарувчи юридик шахсга (агар чет эл корхонаси бўлса унинг ваколатли вакилига) ваколатли орган томонидан ушбу ҳолатларни ўн кун ичида бартараф этиш ҳақида огоҳлантириш хати юборилади.

20 2 . Ваколатли органнинг огоҳлантириш хати юборилган санадан бошлаб ўн кун ичида унда кўрсатилган ҳолатлар бартараф этилмаганда, онлайн-НКМ ёки виртуал касса ёхуд Маркетплейсни Давлат реестридан чиқариш тўғрисида ваколатли органнинг қарори қабул қилинади»;

Ўзбекистон Республикаси ҳудудида қўлланиши рухсат этилган онлайн назорат-касса машиналари ва виртуал кассаларнинг Давлат реестрини юритиш тартиби тўғрисидаги низомга 2-илованинг 1-банди «(виртуал касса бундан мустасно)» сўзлари билан тўлдирилсин.

27. Вазирлар Маҳкамасининг «Сув истеъмолчилари уюшмалари фаолиятини такомиллаштириш чора-тадбирлари тўғрисида» 2019 йил 11 декабрдаги 982-сон қарорида :

а) 9-банднинг учинчи хатбошисидаги ва 10-бандидаги «бошқа мажбурий тўловлар» сўзлари «йиғимлар» сўзи билан алмаштирилсин;

б) 2-илованинг :

номидаги «бошқа мажбурий тўловлар» сўзлари «йиғимлар» сўзи билан алмаштирилсин;

жадвал шакли олтинчи-ўнинчи устунлари сарлавҳасидаги «бошқа мажбурий тўловлардан» сўзлари «йиғимлардан» сўзи билан алмаштирилсин.

28. Вазирлар Маҳкамасининг 2020 йил 8 январдаги 8-сон қарори билан тасдиқланган Республика ҳудудларида тадбиркорликнинг ривожланганлик даражасини баҳолаш тартиби тўғрисидаги низомда :

а) 2-илованинг 13-банди бешинчи хатбошисидаги , 17-банди биринчи ва бешинчи хатбошиларидаги «бошқа мажбурий тўловлар» сўзлари «йиғимлар» сўзи билан алмаштирилсин;

б) 2-иловага 1-илованинг 10-банди биринчи позицияси тўртинчи графасидаги «бошқа мажбурий тўловлар» сўзлари «йиғимлар» сўзи билан алмаштирилсин.

29. Вазирлар Маҳкамасининг 2020 йил 10 январдаги 16-сон қарори билан тасдиқланган Ўзбекистон Республикаси Соғлиқни сақлаш вазирлиги тузилмасидаги ташкилотларда аутсорсинг хизматлари кўрсатиш тартиби тўғрисидаги низомнинг 10-банди тўртинчи хатбошисидаги «бошқа мажбурий тўловлардан» сўзлари «йиғимлардан» сўзи билан алмаштирилсин.

30. Вазирлар Маҳкамасининг «Республика ҳудудларида пахта ҳосили теримини механизациялаш даражасини ошириш чора-тадбирлари тўғрисида» 2020 йил 14 январдаги 21-сон қарорининг 8-банди иккинчи хатбошисидаги «бюджет олдидаги бошқа мажбурий тўловлар» сўзлари «йиғимлар» сўзи билан алмаштирилсин.

31. Вазирлар Маҳкамасининг 2020 йил 10 февралдаги 76-сон қарори билан тасдиқланган Товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш тартиби тўғрисидаги низомнинг 10-банди учинчи хатбошисидаги «бошқа мажбурий тўловларни» сўзлари «йиғимларни» сўзлари билан алмаштирилсин.

32. Вазирлар Маҳкамасининг 2020 йил 16 мартдаги 156-сон қарори билан тасдиқланган Хусусий амалиёт билан шуғулланувчи нотариуслар фаолиятини ташкил этиш тартиби тўғрисидаги низомнинг 22-бандидаги «бошқа тўловлар» сўзлари «йиғимлар» сўзи билан алмаштирилсин.

34. Вазирлар Маҳкамасининг 2020 йил 9 октябрдаги 636-сон қарори билан тасдиқланган Узоқ масофада жойлашган ва муҳим аҳамиятга эга бўлган объектларда қурилиш-монтаж ишларини амалга оширишнинг вахта усули тўғрисидаги низомнинг 2-банди биринчи хатбошиси қуйидаги таҳрирда баён этилсин:

«2. Вахта усули корхонадан узоқ масофада жойлашган шароитда ишларни меҳнат ресурсларидан фойдаланиш асосида ташкил қилишнинг шакли ҳисобланади. Вахта усули чекка ва узоқ ҳудудлардаги ижтимоий соҳа ва муҳим объектларда қурилиш, таъмирлаш, ишлаб чиқариш объектларини реконструкция қилиш, бошқа саноат ишлари амалга ошириладиган, лекин маҳаллий меҳнат ресурслари билан таъминламаган ҳудудларда қурилиш муддатларини қисқартириш мақсадида қўлланади».

35. Вазирлар Маҳкамасининг 2020 йил 20 ноябрдаги 736-сон қарори билан тасдиқланган Солиқ мониторингини ўтказиш тартиби тўғрисидаги низомнинг 1-бандидаги «ўн» сўзи «беш» сўзи билан алмаштирилсин.

36. Вазирлар Маҳкамасининг 2021 йил 7 январдаги 1-сон қарори билан тасдиқланган Солиқ текширувларини ташкил этиш тартиби тўғрисидаги низомда :

а) 18-банднинг бешинчи хатбошисидаги «ўн кун муддатда» сўзлари «беш кун ичида» сўзлари билан алмаштирилсин;

б) 19-бандда қуйидаги мазмундаги йигирма бешинчи хатбоши билан тўлдирилсин:

«жисмоний шахсларнинг солиққа оид ҳуқуқбузарликлар тўғрисида мурожаатлари бўйича улар тўғрисида қонунчилик ҳужжатларида мукофот тўлаш назарда тутилган бўлса, солиқ тўловчи томонидан солиқ қонунчилигида белгиланган бошқа мажбуриятларнинг бажарилишини текширмаслик, агар улар сайёр солиқ текшируви предмети ҳисобланмаса ва солиқ органининг ушбу текширишни тайинлаш тўғрисидаги буйруғида кўрсатилмаган бўлса»;

йигирма бешинчи — ўттиз биринчи хатбошилар тегишлича йигирма олтинчи — ўттиз иккинчи хатбошилар деб ҳисоблансин;

в) II бўлим номланишидаги «камерал солиқ текширувини» сўзлари «солиқ текширувларини» сўзлари билан алмаштирилсин;

г) 21-банд қуйидаги мазмундаги иккинчи хатбоши тўлдирилсин:

«текширувдан олдинги таҳлил натижаларида аниқланган тафовутлар бўйича солиқ тўловчига солиқ органи томонидан юборилган хабарномага жавобан хабарнома олинган кундан эътиборан ўн кун муддатда солиқ тўловчи томонидан аниқлаштирилган солиқ ҳисоботи ёхуд асослантиришлар тақдим этилмаганда»;

д) иккинчи — олтинчи хатбошилар тегишинча учинчи — еттинчи хатбошилар деб ҳисоблансин;

е) қуйидаги мазмундаги 21 1 — 21 4 -бандлар билан тўлдирилсин:

«21 1 . Солиқ органлари камерал солиқ текшируви ўтказилиши бошлангунига қадар текширувдан олдинги таҳлилни ўтказиши мумкин.

Текширувдан олдинги таҳлил тақдим этилган солиқ ҳисоботи ва солиқ тўловчининг фаолияти тўғрисидаги бошқа ахборотнинг солиқ органлари томонидан ахборот тизимларидан фойдаланган ҳолда, солиқ тўловчининг иштирокисиз ўтказиладиган автоматлаштирилган таҳлилини ифода этади.

21 2 . Текширувдан олдинги таҳлил солиқ органи раҳбарининг (раҳбар ўринбосарининг) буйруғисиз ва солиқ тўловчини жалб қилмаган ҳолда амалга оширилади.

21 3 . Агар текширувдан олдинги таҳлил чоғида солиқ органи томонидан тақдим этилган солиқ ҳисоботида солиқ органида мавжуд бўлган маълумотлар билан тафовутлар ва (ёки) хатолар аниқланса, солиқ тўловчига солиқ тўловчининг шахсий кабинети орқали солиқ ҳисоботига тегишли тузатишлар киритиш тўғрисида 3-а-иловага мувофиқ шаклда хабарнома юборилади.

Солиқ тўловчи кўрсатилган хабарномани олган кундан эътиборан ўн кун муддатда аниқлаштирилган солиқ ҳисоботини ёки аниқланган тафовутларнинг асосномасини тақдим этиши шарт.

21 4 . Текширувдан олдинги таҳлил аниқлаштирилган солиқ ҳисоботи ёки аниқланган тафовутлар асосномаси солиқ тўловчи томонидан тақдим этилган ёхуд камерал солиқ текшируви тайинлаган санадан эътиборан якунланган ҳисобланади»;

ж) 24-банддаги «ўн» сўзи «беш» сўзи билан алмаштирилсин;

з) 39-банддаги «ўн кун муддатда» сўзлари «беш кун ичида» сўзлари билан алмаштирилсин;

и) 48-бандда :

биринчи хатбошидаги «Солиқ кодексининг 223 ёки 224-моддаларида назарда тутилган солиққа оид ҳуқуқбузарликлар бундан мустасно» сўзлари чиқариб ташлансин;

иккинчи хатбоши чиқариб ташлансин;

к) 49-банд қуйидаги таҳрирда баён этилсин:

«49. Солиққа оид ҳуқуқбузарлик тўғрисидаги далолатнома ва камерал солиқ текширувининг бошқа материаллари кўриб чиқилганидан кейин натижалари бўйича беш кун ичида солиқ органи раҳбари (раҳбар ўринбосари) қўшимча солиқлар ва пеня ҳисоблаш ёки уларни рад этишни назарда тутувчи қарор қабул қилади»;

л) 50-банддаги «солиқ тўловчини жавобгарликка тортиш ва қўшимча солиқларни ҳисоблаш» сўзлари «солиқ тўловчига нисбатан қўшимча солиқларни ва пеняни ҳисоблаш» сўзлари билан алмаштирилсин;

м) 51-банд ўз кучини йўқотган деб ҳисоблансин;

н) 54-банднинг биринчи хатбошисидаги «солиқ, пеня ва молиявий жарималар» ҳамда иккинчи хатбошисидаги «солиқлар, пеня ва молиявий жарималар» сўзлари тегишинча «солиқлар ва пенялар» сўзлари билан алмаштирилсин;

о) 57-банд қуйидаги мазмундаги тўққизинчи хатбоши билан тўлдирилсин:

«Кўрсатилган солиққа оид ҳуқуқбузарлик ҳолатлари ва уларни содир этган жисмоний шахсларнинг мурожаати солиқ органларига аввал келиб тушган ва унинг асосида солиқ органлари томонидан сайёр солиқ текшируви ўтказаётган ёки сайёр солиқ текшируви материалларини кўриб чиқиш натижалари бўйича солиқ органининг раҳбари (раҳбар ўринбосари) томонидан тегишли қарор қабул қилинаётган бўлса, солиқ органлари қонунчилик ҳужжатларида эвазига ҳақ тўланиши назарда тутилган солиққа оид ҳуқуқбузарлик ҳолатлари ва уларни содир этган шахслар тўғрисида такрор келиб тушган хабарлар асосида сайёр солиқ текширувларини ўтказмаслик ҳуқуқига эга»;

п) 83-банд қуйидаги таҳрирда баён этилсин:

«83. Назорат харидини ўтказишда нақд пул маблағлари ва банк пластик карталаридаги маблағлардан ҳам фойдаланиш мумкин.

Назорат харидини ўтказишда фойдаланиш учун нақд пул маблағлари Давлат солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси маблағлари ҳисобидан ажратилади.

Сайёр солиқ текширувини ўтказувчи мансабдор шахс назорат харидини ўтказиш учун нақд пул маблағларини тегишли солиқ органи кассасидан олади.

Нақд пул маблағларини сайёр солиқ текширувини ўтказиш учун мансабдор шахсга беришда уларнинг қиймати, банкнота серияси ва рақамлари алоҳида варақда қайд этилиб, чиқим касса ордерига илова қилинади. Мазкур варақ нусхаси сайёр солиқ текширувини ўтказувчи мансабдор шахсга берилади.

Ўзбекистон Республикаси Давлат солиқ қўмитаси тижорат банкларида корпоратив банк карталарини очиш ва сайёр солиқ текширувларини ўтказишда назорат харидларини амалга ошириш учун улардан фойдаланиш ҳуқуқига эга.

Банк карталаридан фойдаланган ҳолда назорат харидини амалга ошириш пайтида жисмоний шахснинг шахсий банк картасидан ёки Давлат солиқ қўмитаси томонидан тижорат банкларида очилган корпоратив банк карталаридан фойдаланилади.

Солиқ органлари томонидан корпоратив банк карталаридан фойдаланган ҳолда ўтказиладиган назорат харидлари Давлат солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси маблағлари ҳисобидан амалга оширилади.

Назорат харидларини амалга ошириш учун Давлат солиқ қўмитаси томонидан тижорат банкларида очилган корпоратив банк карталарини сақлаш функцияларини бажарувчи ваколатли шахслар сайёр солиқ текширувларини ўтказишни амалга оширувчи бўлинмаларнинг раҳбарлари (раҳбар ўринбосарлари) ҳисобланади.

Назорат харидларини амалга ошириш учун олинган маблағларнинг мақсадли сарфланиши учун солиқ органларининг сайёр солиқ текширувларини ўтказадиган бўлинмаларининг раҳбарлари (раҳбар ўринбосарлари) шахсан жавобгардир.

Корпоратив банк карталаридан фойдаланган ҳолда назорат харидларини амалга ошириш учун зарур бўлган маблағлар миқдори Давлат солиқ қўмитаси томонидан белгиланади.

Назорат хариди жараёнида банк карталаридан фойдаланилган пул маблағларини қайтариб бериш вазифаси назорат хариди ўтказилган солиқ тўловчи зиммасига юкланади»;

р) 117-банд қуйидаги мазмундаги учинчи — бешинчи хатбошилар билан тўлдирилсин:

«Сайёр солиқ текшируви доирасидаги ҳаракатлар амалга оширилганлигини тасдиқловчи далолатнома ва бошқа ҳужжатлар планшет ёки компьютер техникаси ёрдамида электрон рақамли имзодан (бармоқ изи ёки график имзо) фойдаланган ҳолда электрон шаклда тузилиши мумкин.

Агар электрон шаклдаги солиқ текшируви ҳужжатларида махсус QR-код мавжуд бўлса, бу ҳужжатлар қоғоз шаклидаги ҳужжатларга тенглаштирилади.

Электрон шаклда тузилган далолатнома текшириш кунидан кечиктирмай солиқ тўловчининг шахсий кабинети орқали солиқ тўловчига юборилади. Агар солиқ тўловчининг шахсий кабинетининг ҳолати фаол бўлмаган тақдирда, далолатнома қоғоз кўринишида почта орқали юборилади».

с) 177-бандда «солиқ органи раҳбари» сўзларидан кейин «(раҳбар ўринбосари)» сўзлари қўшилсин.

т) қуйидаги мазмундаги 3-а-илова билан тўлдирилсин:

«Солиқ текширувларини ташкил этиш ва ўтказиш тартиби тўғрисидаги низомга 3-а-ИЛОВА

‎ ‎ ‎ ‎ ‎‎ ‎‎____________________________________ га ‎солиқ тўловчининг номи ‎СТИР ________________________________ ‎ солиқ тўловчининг идентификация рақами ______________________________________ ‎ жойлашган манзили (почта манзили) ‎ ‎ ‎ ‎ ‎ ‎ ‎ ‎‎‎СОЛИҚ ҲИСОБОТИГА ТУЗАТИШЛАР КИРИТИШ ҲАҚИДА ХАБАРНОМА ‎ ‎ ‎‎Ўзбекистон Республикаси Солиқ кодексининг 21-моддасига мувофиқ солиқ тўловчи солиқ солиш объектларини ҳисобга олишда, солиқларни ҳисоблаб чиқариш ва тўлашда ўзи йўл қўйган хатоларни мустақил равишда тузатиш ҳуқуқига эга. ‎Солиқ кодексининг 138-моддасига асосан ўтказилган текширувдан олдинги таҳлилда солиқ ҳисоботларингизда жами ____________ сўм тафовут ва (ёки) хатолар мавжудлиги аниқланди. Жумладан: ‎ Т/р‎ Мезон рақами‎ Тафовут ва хатонинг келиб ‎чиқиш сабаби‎ Солиқ ‎ тури коди‎ Солиқ ‎тури‎ Солиқ ‎ даври‎ Тафовут ‎суммаси ‎ (сўмда) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ушбу хабарнома олинган кундан эътиборан 10 кун муддатда аниқлаштирилган солиқ ҳисоботларини ёки тафовутларнинг асосномасини солиқ органига тақдим этишингиз шарт. ‎Тафовутларни асословчи ҳужжатлар ёхуд аниқлаштирилган солиқ ҳисоботини белгиланган муддатда тақдим этмаслик, солиқ органи томонидан солиқ тўловчида камерал солиқ текширувининг ўтказилишига асос бўлади. ‎ ‎Мазкур хабарнома Давлат солиқ қўмитасининг марказий маълумотлар базаси ахборотлари асосида автоматик шакллантирилган.»

37. Вазирлар Маҳкамасининг 2021 йил 10 майдаги 294-сон қарори билан тасдиқланган Ёш тадбиркорларни қўллаб-қувватлаш жамғармаси тўғрисидаги низомнинг 1-иловаси 4-банди қуйидаги таҳрирда баён этилсин:

« 4. Солиқ қарзи (Мавжуд эмас ёки __ млн. сўм миқдорида солиқ қарздорлик мавжудлиги кўрсатилади) » .

Ўзбекистон Республикасининг Бош вазири А. АРИПОВ

Тошкент ш.,

2022 йил 12 май,

255-сон

(Қонунчилик маълумотлари миллий базаси, 13.05.2022 й., 09/22/255/0412-сон, 22.08.2022 й., 09/22/471/0767-сон; 10.02.2023 й., 06/23/21/0085-сон; 22.11.2023 й., 09/23/612/0874-сон; 15.12.2023 й., 09/23/661/0937-сон; 10.01.2024 й., 07/24/13/0013-сон; 10.01.2025 й., 09/25/1/0020-сон; 18.06.2025 й., 09/25/369/0513-сон; 01.07.2025 й., 09/25/400/0556-сон; 26.01.2026 й., 09/26/26/0076-сон; 17.07.2026 й., 09/26/389/0748-сон; 15.10.2026 й., 09/26/563/1041-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

SXEMASI

NIZOM

SXEMASI

Savdo va xizmat koʻrsatish sohasida jamoatchilik nazorati samaradorligini oshirishga doir qoʻshimcha chora-tadbirlar toʻgʻrisida

Oʻzbekiston Respublikasi Prezidentining “Chakana savdo va xizmat koʻrsatish sohasida nazorat-kassa texnikasidan foydalanishni takomillashtirishga doir qoʻshimcha chora-tadbirlar toʻgʻrisida” 2021-yil 4-oktabrdagi PQ-5252-son qarorining ijrosini taʼminlash maqsadida Vazirlar Mahkamasi qaror qiladi:

1. Quyidagilarni nazarda tutuvchi:

a) Sotib olingan tovarlar (xizmatlar) qiymatining bir qismini jismoniy shaxslarga qaytarishning maʼmuriy reglamenti 1-ilovaga muvofiq:

jismoniy shaxslar tomonidan sotib olingan tovarlar (xizmatlar) qiymatining bir foizini ularning fiskal belgili cheklari soliq organlarining maxsus mobil ilovasi yoki Oʻzbekiston Respublikasi Yagona interaktiv davlat xizmatlari portali orqali roʻyxatdan oʻtkazilgandan soʻng qaytarish;

chakana savdo, umumiy ovqatlanish va maishiy xizmat koʻrsatish obyektlarida naqd pul yoki bank kartalari (korporativ bank kartalaridan tashqari) orqali sotib olingan tovarlar (xizmatlar) qiymatining bir qismini jismoniy shaxslarning bank kartalariga Oʻzbekiston Respublikasi milliy valyutasida qaytarish;

b) Maxsus dastur orqali soliqqa oid huquqbuzarliklar aniqlangan holatlar haqida soliq organlarini xabardor qilgan jismoniy shaxslarga pul mukofotini toʻlash toʻgʻrisidagi nizom 2-ilovaga muvofiq tasdiqlansin:

soliq organlarini jismoniy shaxslar tomonidan aniqlangan soliqqa oid huquqbuzarliklar aniqlangan holatlar haqida “Soliq hamkor” maxsus axborot tizimi orqali xabardor qilish;

soliqqa oid huquqbuzarliklar aniqlangan holatlar haqida soliq organlarini xabardor qilganlik uchun bir martalik pul mukofoti shaklida ragʻbatlantirishni Oʻzbekiston Respublikasi Soliq kodeksining 221-moddasi birinchi qismida nazarda tutilgan soliq huquqbuzarliklari uchun belgilangan jarimalarning yigirma foizi miqdorida belgilash;

xaridorlarga naqd pul mablagʻlari yoki plastik kartalar boʻyicha toʻlov shakliga qarab narxlar sunʼiy ravishda oshirilganligi yoki pasaytirilganligi, tadbirkorlik faoliyati davlat roʻyxatidan oʻtmasdan amalga oshirilganligi, identifikatsiya vositalari orqali majburiy raqamli markirovkalash nazarda tutilgan mahsulotlarda qalbaki markirovka qoʻllanilganligi yoki markirovka mavjud emasligi, shuningdek, savdo va xizmatlar koʻrsatish qoidalarining buzilishi aniqlangan boshqa holatlar toʻgʻrisida soliq organlarini xabardor qilganlik uchun jismoniy shaxslarga bir martalik pul mukofotini toʻlash.

2. Belgilansinki:

soliq organlarining maxsus mobil ilovasida roʻyxatdan oʻtkazib boʻlmaydigan cheklarni chop etuvchi (shakllantiriladigan) onlayn nazorat-kassa mashinasi qurilmalari hamda virtual kassa dasturiy mahsulotlari aniqlanganda;

mahsulotlar (tovarlar va xizmatlar) elektron milliy katalogining tovarlar (xizmatlar) identifikatsiya kodlari reyestri yangilanmaganligi yoki kassa cheklarida notoʻgʻri aks ettirilganligi holatlari aniqlanganda Oʻzbekiston Respublikasi Davlat soliq qoʻmitasi texnik xizmat koʻrsatish markazlarini Davlat reyestridan chiqaradi.

3. Shunday tartib oʻrnatilsinki, unga muvofiq:

mazkur qarorga 1 va 2-ilovalarga muvofiq tovarlar (xizmatlar) qiymatining bir qismi va soliqqa oid huquqbuzarliklar aniqlangan holatlar haqida soliq organlarini xabardor qilganlik uchun bir martalik pul mukofoti Oʻzbekiston Respublikasi Davlat soliq qoʻmitasi tomonidan belgilanadigan vakolatli bank orqali toʻlanadi;

soliq organlarining maxsus mobil ilovasi yoki Oʻzbekiston Respublikasi Yagona interaktiv davlat xizmatlari portali orqali roʻyxatdan oʻtkazilgan fiskal belgili cheklar boʻyicha sotib olingan tovarlar (xizmatlar) qiymatining bir qismi ushbu cheklar mazkur qarorda belgilangan tartibda rasmiylashtirilgan oydan keyingi oyning yigirma beshinchi kunidan keyin qaytariladi.

Soliq organlariga sayyor soliq tekshiruvlarini oʻtkazish doirasida mobil telefon, planshetlar va boshqa kompyuter texnikasidan foydalanish, shuningdek, sayyor soliq tekshiruvlari bilan bogʻliq hujjatlarni elektron raqamli imzodan (barmoq izi yoki grafik imzo) yoxud Face-ID va qonunchilikka muvofiq boshqa elektron tasdiqlash usulidan foydalangan holda elektron shaklda rasmiylashtirish huquqi berilsin.

4. Oʻzbekiston Respublikasi Prezidentining “Chakana savdo va xizmat koʻrsatish sohasida onlayn nazorat-kassa texnikasidan foydalanishni takomillashtirishga doir qoʻshimcha chora-tadbirlar toʻgʻrisida” 2021-yil 4-oktabrdagi PQ-5252-son qaroriga muvofiq:

2022-yil 1-yanvardan boshlab raqamli markirovkalangan mahsulotlar chakana savdosi bilan shugʻullanadigan tadbirkorlik subyektlari uchun onlayn nazorat-kassa mashinasi va virtual kassaga ulangan, shtrix-kodlar va raqamli markirovkalash kodlarini toʻgʻri oʻqish va aniqlashni taʼminlaydigan maxsus qurilmalardan (2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalar) majburiy foydalanish talabi belgilanganligi;

2023-yil 1-yanvarga qadar tadbirkorlik subyektlariga hisoblangan va toʻlanishi lozim boʻlgan foyda soligʻi yoki aylanmadan olinadigan soliq yoxud yakka tartibdagi tadbirkorlar tomonidan toʻlanadigan jismoniy shaxslardan olinadigan daromad soligʻi summalarini onlayn nazorat-kassa mashinasi hamda maxsus qurilmalarning har birini sotib olish bilan bogʻliq xarajatlar summasiga, lekin bitta qurilma uchun bazaviy hisoblash miqdorining 4 baravaridan koʻp boʻlmagan miqdorda kamaytirish huquqi berilganligi maʼlumot uchun qabul qilinsin.

5. Oʻzbekiston Respublikasi Davlat soliq qoʻmitasi:

raqamli markirovkalangan mahsulotlar chakana savdosini amalga oshiruvchi tadbirkorlik subyektlari tomonidan onlayn nazorat-kassa mashinasi va virtual kassaga ulangan, shtrix-kodlar va raqamli markirovkalash kodlarini toʻgʻri oʻqish va aniqlashni taʼminlovchi maxsus qurilmalardan (2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalar) majburiy foydalanish talabiga rioya etilishini taʼminlasin;

onlayn nazorat-kassa mashinasi hamda raqamli markirovkalash kodlarini toʻgʻri oʻqish va aniqlashni taʼminlovchi maxsus qurilmalarni (2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalar) sotib olgan tadbirkorlik subyektlariga soliq imtiyozlari berilishi toʻgʻrisida keng targʻibot ishlari boʻyicha kompleks chora-tadbirlarni amalga oshirsin.

6. Oʻzbekiston Respublikasi Davlat soliq qoʻmitasi Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi bilan birgalikda mazkur qarorning mazmun-mohiyatini ommaviy axborot vositalarida muntazam va keng yoritib borsin.

7. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

8. Ushbu qarorning 2-bandi rasmiy eʼlon qilingan kundan boshlab uch oy oʻtgach kuchga kiradi.

9. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi Davlat soliq qoʻmitasi raisi Sh.D. Kudbiyev zimmasiga yuklansin.

Vazirlar Mahkamasining 2022-yil 12-maydagi 255-son qaroriga 1-ILOVA

Sotib olingan tovarlar (xizmatlar) qiymatining bir qismini jismoniy shaxslarga qaytarishning

1-bob. Umumiy qoidalar

1. Mazkur Maʼmuriy reglament (keyingi oʻrinlarda — Reglament) aholiga sotib olingan tovarlar (xizmatlar) qiymatining bir qismini qaytarish tartibini belgilaydi.

2. Ushbu Reglament qoidalari Oʻzbekiston Respublikasi va chet davlatlar fuqarolariga hamda fuqaroligi boʻlmagan shaxslarga (keyingi oʻrinlarda — jismoniy shaxslar) nisbatan qoʻllaniladi.

3. Jismoniy shaxslar tomonidan bir oy davomida sotib olingan tovarlar (xizmatlar) qiymatining bazaviy hisoblash miqdorining 60 baravaridan oshmagan qismidan bir foizi (keyingi oʻrinlarda — tovarlar (xizmatlar) qiymatining bir qismi) ularning fiskal belgili cheklari soliq organlarining maxsus mobil ilovasi yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali roʻyxatdan oʻtkazilgan taqdirda qaytariladi.

4. Sotib olingan tovarlar (xizmatlar) qiymatining bir qismi naqd pul yoki bank kartalari (korporativ bank kartalaridan tashqari) orqali chakana savdo, umumiy ovqatlanish va maishiy xizmat koʻrsatish obyektlarida qaytariladi.

5. Naqd pul yoki bank kartalari (korporativ bank kartalaridan tashqari) orqali sotib olingan tovarlar (xizmatlar) qiymatining bir qismi jismoniy shaxsning bank kartasiga Oʻzbekiston Respublikasi milliy valyutasida qaytariladi.

2-bob. Fiskal belgili cheklarni roʻyxatdan oʻtkazish va sotib olingan tovarlar (xizmatlar) qiymatining bir qismini qaytarib olish tartibi

6. Jismoniy shaxslar tomonidan onlayn nazorat-kassa texnikasi cheki soliq organlarining maxsus mobil ilovasida xarid chekining fiskal belgisini matritsali shtrix-kod (QR-kod) yordamida skanerlash yoki fiskal belgisini kiritish, shuningdek, soliq organlarining axborot tizimlariga integratsiya qilingan elektron tijorat platformalari — Marketpleyslar orqali mobil telefon raqamini koʻrsatgan holda amalga oshiriladi.

Ushbu Reglamentda nazarda tutilgan sotib olingan tovarlar (xizmatlar) qiymatining bir qismini qaytarib olish maqsadida soliq organlarining maxsus mobil ilovasida yoki YIDXPda identifikatsiya va roʻyxatdan oʻtish soliq organlarining maxsus dasturida koʻrsatilgan jismoniy shaxslarning mobil telefon raqamiga kelib tushgan havola boʻyicha roʻyxatga olish kodini kiritish orqali amalga oshiriladi.

Soliq organlari chekni roʻyxatdan oʻtkazayotgan shaxsni aniqlash maqsadida, u tomonidan sotib olingan tovarlar (xizmatlar) qiymatining bir qismini qaytarib olish uchun maxsus mobil ilova yoki YIDXP orqali onlayn nazorat-kassa texnikasi chekini roʻyxatdan oʻtkazishda jismoniy shaxslarning shaxsiy identifikatsiya raqamini koʻrsatishni talab qilishi mumkin.

7. Jismoniy shaxslar tomonidan sotib olingan tovarlar (xizmatlar) qiymatining bir qismi qaytarib olinishida quyidagi fiskal belgili onlayn nazorat-kassa mashinalari cheklari soliq organlarining maxsus mobil ilovasida hamda YIDXPda roʻyxatdan oʻtkazilmaydi:

berilgan kundan boshlab oʻn kalendar kun oʻtgan cheklar;

avval roʻyxatdan oʻtkazilgan yoki sotib olingan tovarlar (xizmatlar) qiymatining bir qismi qaytarilgan cheklar;

avtomobil, havo va temir yoʻl chiptalarini sotib olish natijasida olingan, shuningdek, aloqa va kommunal xizmatlar uchun amalga oshirilgan toʻlov cheklari;

shubhali xaridorlar reyestriga kiritilgan jismoniy shaxslar cheklari;

jismoniy shaxslar tomonidan oʻzini oʻzi band qilgan shaxslardan xarid qilingan tovarlar (xizmatlar) cheklari.

8. Shubhali xaridorlarning reyestriga boshqa shaxsga tegishli boʻlgan onlayn nazorat-kassa texnikasi chekini uning ruxsatisiz olib qoʻyish va (yoki) huquqbuzarlik sodir etish, shuningdek, jismoniy shaxslar tomonidan sotib olingan tovarlar (xizmatlar) qiymatining bir qismini qaytarib olish huquqidan foydalanishini cheklashga olib keladigan boshqa holatlar orqali tovarlar (xizmatlar) qiymatining bir qismini qaytarish va (yoki) toʻgʻridan-toʻgʻri qaytarish huquqini olgan jismoniy shaxslar roʻyxati kiritiladi.

Shubhali xaridorlar reyestri Oʻzbekiston Respublikasi Soliq qoʻmitasi (keyingi oʻrinlarda — Soliq qoʻmitasi) tomonidan yuritiladi.

Shubhali xaridorlar reyestriga jismoniy shaxslarni kiritish maxsus mobil ilova yoki YIDXP orqali oʻn besh yoki undan ortiq shaxslar tomonidan onlayn nazorat-kassa texnikasining chekini ularning ruxsatisiz olib qoʻyish va (yoki) huquqbuzarlik sodir etish orqali tovarlar (xizmatlar) qiymatining bir qismini qaytarib olish va (yoki) toʻgʻridan-toʻgʻri qaytarib olish huquqini olganligi toʻgʻrisida shikoyat qilingan taqdirda amalga oshiriladi.

9. Soliq qoʻmitasi quyidagi hollarda jismoniy shaxslarni shubhali operatsiyalar reyestridan chiqaradi:

jismoniy shaxslar tomonidan tovarlar (xizmatlar) qiymatining bir qismini qaytarish huquqini olishning qonuniyligini tasdiqlovchi hujjatlar yoki sud qarori taqdim etilganda;

jismoniy shaxslar shubhali xaridorlar reyestriga kiritilgan kundan boshlab oʻn ikki kalendar oy oʻtganidan keyin.

10. Jismoniy shaxslarga sotib olingan tovarlar (xizmatlar) qiymatining bir qismi Oʻzbekiston Respublikasi Iqtisodiyot va moliya vazirligi (keyingi oʻrinlarda — Iqtisodiyot va moliya vazirligi) tomonidan Oʻzbekiston Respublikasi respublika budjeti hisobidan qaytariladi.

Jismoniy shaxslarga sotib olingan tovarlar (xizmatlar) qiymatining bir qismini qaytarish mazkur Reglamentga ilovada keltirilgan sxemaga muvofiq amalga oshiriladi.

11. Jismoniy shaxslarga sotib olingan tovarlar (xizmatlar) qiymatining bir qismi soliq organlarining maxsus mobil ilovasida yoki YIDXPda fiskal belgili cheklar roʻyxatdan oʻtkazilgan oydan keyingi oyning yigirma beshinchi kunidan keyin qaytariladi.

12. Soliq qoʻmitasi har oyning yigirma beshinchi sanasidan kechiktirmay avvalgi kalendar oyida jismoniy shaxslar tomonidan soliq organlarining maxsus mobil ilovasida yoki YIDXPda roʻyxatdan oʻtkazilgan fiskal belgili cheklar toʻgʻrisidagi axborotni va ular boʻyicha jismoniy shaxslarga qaytariladigan summalar boʻyicha buyurtmani Iqtisodiyot va moliya vazirligiga taqdim etadi.

13. Iqtisodiyot va moliya vazirligi Soliq qoʻmitasining buyurtmasiga koʻra Iqtisodiyot va moliya vazirligi Gʻaznachiligidagi Soliq qoʻmitasining maxsus hisobvaragʻiga buyurtma olgan kundan soʻng bir ish kunidan kechiktirmay jismoniy shaxslarning soliq organlarining maxsus mobil ilovasida yoki YIDXPda roʻyxatdan oʻtkazilgan fiskal belgili cheklari asosida qaytarib berish uchun mablagʻlarni oʻtkazadi.

Iqtisodiyot va moliya vazirligi tomonidan toʻlab berilgan mablagʻlar yetarli boʻlmaganda yoki Soliq qoʻmitasining Iqtisodiyot va moliya vazirligi Gʻaznachiligidagi maxsus hisobvaragʻida mablagʻlar boʻlmagan holatlarda Soliq qoʻmitasi sotib olingan tovarlar (xizmatlar) qiymatining bir qismini jismoniy shaxslarga Soliq qoʻmitasining moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi hisobidan toʻlab berish huquqiga ega.

14. Soliq qoʻmitasi Iqtisodiyot va moliya vazirligi tomonidan pul mablagʻlari oʻtkazilgandan keyin bir ish kunidan kechiktirmay ularni Iqtisodiyot va moliya vazirligi huzuridagi Gʻaznachiligidagi maxsus hisobvaragʻidan vakolatli bankda ochilgan hisobvaragʻiga oʻtkazadi.

15. Soliq qoʻmitasi tovarlar (xizmatlar) qiymatining bir qismini qaytarib olish huquqiga ega boʻlgan jismoniy shaxslarning reyestrlarini vakolatli bankka har oyda, keyingi oyning yigirma beshinchi sanasiga qadar taqdim etadi.

16. Soliq qoʻmitasi topshirigʻiga asosan, vakolatli bank pul mablagʻlarini keyingi oyning yigirma beshinchi sanasidan soʻng sotib olingan tovarlar (xizmatlar) qiymatining bir qismini soliq organlarining maxsus mobil ilovasida yoki YIDXPda roʻyxatdan oʻtgan fiskal belgili cheklar asosida qaytarish huquqiga ega boʻlgan jismoniy shaxslarning bank kartalariga oʻtkazadi. Bunda jismoniy shaxsning ixtiyoriga koʻra mablagʻlarini daraxt koʻchatlarini ekishga yoʻnaltirish maqsadida Ekologiya va iqlim oʻzgarishi milliy qoʻmitasi huzuridagi Yashil xayriya jamgʻarmasiga oʻtkazishi mumkin.

17. Oʻzbekiston Respublikasi Soliq kodeksining 369-moddasi ikkinchi qismi 16-bandiga muvofiq, jismoniy shaxs tomonidan sotib olingan tovarlar (xizmatlar) qiymatining bir qismini qaytarib olinishi ushbu jismoniy shaxsning jami daromadiga kiritilmaydi.

18. Maxsus mobil ilovada yoki YIDXPda roʻyxatdan oʻtgan onlayn nazorat-kassa texnikasining cheklari asosida soliq organlari tomonidan jismoniy shaxslarga toʻlangan tovarlar (xizmatlar) qiymatining bir qismi summalari qaytarib berilmaydi va soliq organlari tomonidan ularning undirilishi amalga oshirilmaydi. Shu bilan birga, huquqbuzarliklar sodir etish orqali tovarlar (xizmatlar) qiymatining bir qismini qaytarib olgan shaxslar qonun hujjatlarida belgilangan tartibda javobgarlikka tortiladi.

19. Agar, jismoniy shaxs onlayn nazorat-kassa texnikasi chekini maxsus mobil ilovasida yoki YIDXPda roʻyxatdan oʻtkazishda, ushbu onlayn nazorat-kassa texnikasi cheki boshqa shaxs tomonidan maxsus mobil ilovada roʻyxatga olinganligini aniqlasa, ushbu jismoniy shaxs tovarlar (xizmatlar) qiymatining bir qismini qaytarish huquqidan onlayn nazorat-kassa texnika chekini maxsus mobil ilovasida yoki YIDXPda roʻyxatdan oʻtkazgan shaxs foydasiga voz kechishi yoki ushbu shaxs tomonidan tovarlar (xizmatlar) qiymatining bir qismini qaytarish va (yoki) qaytarish huquqini onlayn-kassa texnikasi chekini noqonuniy tarzda egallagan holda va (yoki) huquqbuzarlik sodir etgan holda olganligi toʻgʻrisida shikoyat qoldirishi mumkin.

Boshqa jismoniy shaxs tomonidan bunday chek va tovarlar (xizmatlar) qiymatining bir qismini qaytarib olish huquqi olinganligi munosabati bilan tovarlarni (xizmatlarni) sotib olgan va maxsus mobil ilovada yoki YIDXPda onlayn nazorat-kassa texnikasining chekini roʻyxatdan oʻtkazolmagan jismoniy shaxs qonun hujjatlarida belgilangan tartibda sudga murojaat qilish huquqiga ega.

Agar jismoniy shaxs tomonidan ushbu bandda nazarda tutilgan shikoyat, tovarlar (xizmatlar) qiymatining bir qismini qaytarish uchun onlayn nazorat-kassa mashinasi chekini maxsus mobil ilova yoki YIDXP orqali roʻyxatdan oʻtkazgan jismoniy shaxsga toʻlov amalga oshirilgunga qadar qoldirilgan boʻlsa, Soliq qoʻmitasi onlayn nazorat-kassa mashinasi chekini roʻyxatdan oʻtkazgan jismoniy shaxsga tovar qiymatining bir qismini toʻlashni toʻxtatib turadi. Bunday holatda, tovarlar (xizmatlar) qiymatining bir qismini qaytarish, taqdim etilgan hujjatlar orqali yoki boshqa maʼlumotlar orqali tovarlar (xizmatlar) xaridi amalga oshirilganligi va onlayn nazorat-kassa texnikasi cheki olinganligini tasdiqlagan jismoniy shaxsga amalga oshiriladi.

Tovarlarni (xizmatlarni) sotib olish va onlayn nazorat-kassa mashinalarining chekini olganlik faktini aniqlashning iloji boʻlmagan taqdirda, tovarlar (xizmatlar) qiymatining bir qismini qaytarish sud qarori asosida amalga oshiriladi.

20. Soliq qoʻmitasi quyidagi hollarda tovarlar (xizmatlar) qiymatining bir qismini qaytarib berishni toʻliq yoki qisman rad etish toʻgʻrisida qaror qabul qilishga haqli:

tovarlar (xizmatlar) sotuvchisi tomonidan soliq organlariga soliq hisobotlari taqdim etilmaganda va (yoki) 1 million soʻmdan ortiq soliq qarzdorligi mavjud boʻlganda;

aholi bilan hisob-kitoblar toʻgʻrisida onlayn rejimda kelib tushadigan maʼlumotlar va soliq organlarida mavjud boʻlgan boshqa maʼlumotlar asosida tovarlarni sotish va sotib olishda tovarlar (xizmatlar) qiymatining bir qismini qaytarib olishga qaratilgan huquqbuzarlik belgilari aniqlanganda;

onlayn nazorat-kassa texnikasi chekini roʻyxatdan oʻtkazgan jismoniy shaxsning shubhali xaridorlar reyestriga kiritilganligi;

sotib olingan tovarlar nomenklaturasida boʻlmagan tovarlar bilan savdo qilinganda yoki sotilgan tovarlar soni sotib olingan tovarlar sonidan koʻp boʻlganda;

onlayn nazorat-kassa texnikalari cheklarida identifikatsiya kodlari va shtrix-kodlari notoʻgʻri aks ettirilishi aniqlanganda yoki ularda soliq organlari maʼlumotlar bazasida yoʻq identifikatsiya kodlari va shtrix-kodlari bilan aks ettirilganda;

soliq organlarining axborot tizimlarida jismoniy shaxslar tomonidan onlayn nazorat-kassa mashinalari cheklarini roʻyxatga olinganligi toʻgʻrisidagi maʼlumotlarning yoʻqligi;

jismoniy shaxslar tomonidan roʻyxatdan oʻtkazilgan onlayn-nazorat kassa texnikalari cheklari bilan bogʻliq boʻlgan tovarlarni (xizmatlarni) sotishdan tushgan daromad summalarini sotuvchi tomonidan soliq hisobotida aks ettirilmasligi.

Soliq qoʻmitasi onlayn nazorat kassa texnikasi chekini soliq organlarining mobil ilovasida yoki YIDXPda roʻyxatdan oʻtkazgan jismoniy shaxsdan uning haqiqiy xaridlari toʻgʻrisidagi tasdigʻini soʻrab olishga, xarid haqiqatda ushbu jismoniy shaxs tomonidan amalga oshirganligi shubhali boʻlgan taqdirda tovarlar (xizmatlar) qiymatining bir qismini qaytarishni rad etish toʻgʻrisida qaror qabul qilishga haqli.

21. Ushbu Reglament maqsadlarida maishiy xizmat turlari deb onlayn nazorat-kassa texnikasidan majburiy foydalanilgan holda aholiga koʻrsatiladigan pullik barcha xizmatlar turlari tushuniladi, bundan havo va temir yoʻl transporti orqali yoʻlovchi tashish xizmatlari hamda aloqa va kommunal xizmatlar mustasno.

22. Ushbu Reglament maqsadlarida umumiy ovqatlanish xizmatlari deb qandolatchilik va boshqa oziq-ovqat mahsulotlarini tayyorlash, sotish va isteʼmol qilishni tashkil etish faoliyati tushuniladi.

3-bob. Onlayn nazorat-kassa texnikasi cheklariga tuzatish kiritilishining bajarilishini nazorat qilish

23. Jismoniy shaxs tomonidan sotib olingan tovarlar (xizmatlar) qiymatining bir qismini qaytarish uchun soliq organlarining maxsus mobil ilovasi yoki YIDXP orqali roʻyxatdan oʻtkazilgan fiskal belgili chekka tovarlar (xizmatlar) sotuvchisi tomonidan tuzatish kiritish Oʻzbekiston Respublikasi Soliq qoʻmitasining xulosasi asosida amalga oshiriladi.

24. Jismoniy shaxs tomonidan sotib olingan tovarlar (xizmatlar) qiymatining bir qismini qaytarish uchun maxsus mobil ilovada yoki YIDXPda roʻyxatdan oʻtkazilgan fiskal belgili chekka tuzatish kiritish uchun tovarlar (xizmatlar) sotuvchilari soliq toʻlovchining shaxsiy kabineti orqali Soliq qoʻmitasiga tegishli ariza yuboradilar.

25. Soliq qoʻmitasi ariza kelib tushgan kundan boshlab uch kun ichida jismoniy shaxs tomonidan xarid qilingan tovarlar (xizmatlar) qiymatining bir qismini qaytarib olish uchun soliq organlarining maxsus mobil ilovasi yoki YIDXP orqali roʻyxatga olingan onlayn-kassa cheklarini maxsus mobil ilovada tuzatish kiritish imkoniyati bor yoki yoʻqligi toʻgʻrisida tovarlar (xizmatlar) sotuvchisiga xulosa yuboradi.

26. Sotib olingan tovarlar (xizmatlar) qiymatining bir qismini qaytarib olish uchun maxsus mobil ilovasi orqali roʻyxatdan oʻtkazilgan onlayn-kassa cheklariga tuzatish kiritish jismoniy shaxs tomonidan ushbu holatlarning yuzaga kelganlik sabablari maxsus mobil ilovada yoki YIDXPda koʻrsatilgan taqdirda amalga oshiriladi.

27. Soliq qoʻmitasi xarid qilingan tovarlar (xizmatlar) qiymatining bir qismini jismoniy shaxsga qoplab berilishining hamda jismoniy shaxs tomonidan xarid qilingan tovarlar (xizmatlar) qiymatining bir qismini qaytarib olish uchun maxsus mobil ilovada yoki YIDXPda roʻyxatdan oʻtkazilgan fiskal belgili onlayn NKM cheklariga sotuvchilar tomonidan tuzatishlar kiritilishining asosliligini tekshiradi.

4-bob. Yakunlovchi qoidalar

28. Ushbu Reglamentni qoʻllashda yuzaga keladigan nizolar qonunchilikda belgilangan tartibda hal etiladi.

29. Mazkur Reglament talablarining buzilishida aybdor boʻlgan shaxslar qonunchilikka muvofiq javob beradilar.

Sotib olingan tovarlar (xizmatlar) qiymatining bir qismini jismoniy shaxslarga qaytarishning maʼmuriy reglamentiga ILOVA

Sotib olingan tovarlar (xizmatlar) qiymatining bir qismini jismoniy shaxslarga qaytarish

Bosqichlar Subyektlar Chora-tadbirlar Muddatlar I. Soliq organlariga sotib olish qiymatining bir qismini qaytarish huquqi toʻgʻrisida xabar berish 1-bosqich Tovar (xizmat) xaridori Onlayn nazorat-kassa mashinalari cheklari soliq organlarining maxsus mobil ilovasida yoki YIDXPda roʻyxatdan oʻtkaziladi Chek olingan kundan boshlab 10 kalendar kundan kechiktirmasdan 2-bosqich Soliq qoʻmitasi Oʻtgan kalendar oyida jismoniy shaxslar tomonidan soliq organlarining maxsus mobil ilovasida yoki YIDXPda roʻyxatdan oʻtkazilgan fiskal belgili cheklar toʻgʻrisidagi axborot va ular boʻyicha jismoniy shaxslarga qaytariladigan summalar boʻyicha buyurtmalar haqqoniyligini tekshiradi Jismoniy shaxs tomonidan tovarlar (xizmatlar ) xarid qilingan oydan keyingi oyning 25-sanasiga qadar II. Tovarlar (xizmatlar) qiymatining bir qismini qaytarish 3-bosqich Soliq qoʻmitasi Oʻtgan kalendar oyida jismoniy shaxslar tomonidan roʻyxatga olingan fiskal belgi qoʻyilgan cheklar toʻgʻrisidagi maʼlumotlarni soliq organlarining maxsus mobil ilovasida yoki YIDXPda va ular boʻyicha jismoniy shaxslarga qaytariladigan summalar toʻgʻrisidagi arizalarni Oʻzbekiston Respublikasi Iqtisodiyot va moliya vazirligiga taqdim yetadi Jismoniy shaxs tomonidan xarid qilingan oydan keyingi oyning 25-sanasiga qadar 4-bosqich Iqtisodiyot va moliya vazirligi Davlat soliq qoʻmitasining maxsus hisobraqamiga jismoniy shaxslarning soliq organlarining maxsus mobil ilovasida yoki YIDXPda roʻyxatdan oʻtkazilgan fiskal belgili cheklar asosida qaytarib berish uchun mablagʻlarni oʻtkazadi. Buyurtma olgan kundan soʻng bir ish kunidan kechiktirmasdan 5-bosqich Soliq qoʻmitasi Qabul qilingan mablagʻlarni vakolatli bankda ochilgan hisob raqamiga oʻtkazadi Bir kundan kechiktirmasdan 6-bosqich Soliq qoʻmitasi Vakolatli bankka tovarlar (xizmatlar) qiymatining bir qismini qaytarish huquqiga ega boʻlgan jismoniy shaxslar reyestrini taqdim yetadi Har oyning 25-sanasiga qadar 7-bosqich Bank Soliq organlarining maxsus mobil ilovasida yoki YIDXPda fiskal belgisi qoʻyilgan roʻyxatdan oʻtgan cheklar asosida sotib olingan tovarlar (xizmatlar) qiymatining bir qismini qaytarish huquqiga ega boʻlgan jismoniy shaxslarning bank kartalariga pul mablagʻlarini oʻtkazadi. Bunda jismoniy shaxsning ixtiyoriga koʻra mablagʻlarini daraxt koʻchatlarini ekishga yoʻnaltirish maqsadida Ekologiya va iqlim oʻzgarishi milliy qoʻmitasi huzuridagi Yashil xayriya jamgʻarmasiga oʻtkazishi mumkin. Har oy keyingi oyning 25-sanasidan boshlab

Vazirlar Mahkamasining 2022-yil 12-maydagi 255-son qaroriga 2-ILOVA

Maxsus dastur orqali soliqqa oid huquqbuzarliklar aniqlangan holatlar haqida soliq organlarini xabardor qilgan jismoniy shaxslarga pul mukofotini toʻlash toʻgʻrisida

1-bob. Umumiy qoidalar

1. Ushbu Nizom jismoniy shaxslar tomonidan aniqlangan soliqqa oid huquqbuzarliklar holatlari haqida soliq organlarini xabardor qilish va ularni mukofot toʻlash yoʻli bilan ragʻbatlantirish tartibini belgilaydi.

2. Ushbu Nizomda jismoniy shaxslar deb Oʻzbekiston Respublikasi fuqarolari, xorijiy davlat fuqarolari hamda fuqaroligi boʻlmagan shaxslar eʼtirof etiladi.

3. Jismoniy shaxslar tomonidan aniqlangan soliqqa oid huquqbuzarliklar holatlari haqida soliq organlari soliq organlarining “Soliq hamkor” (keyingi oʻrinlarda — maxsus dastur) maxsus axborot tizimi orqali xabardor qilinadi.

4. Aniqlangan soliqqa oid huquqbuzarliklar holatlari haqida soliq organlarini maxsus dastur orqali xabardor qilgan jismoniy shaxslar uchun bir martalik pul mukofoti shaklidagi ragʻbatlantirish belgilanadi.

5. Jismoniy shaxslarga aniqlangan soliqqa oid huquqbuzarliklar holatlari haqida soliq organlarini xabardor qilganlik uchun bir martalik pul mukofoti Oʻzbekiston Respublikasi milliy valyutasida toʻlanadi.

6. Jismoniy shaxslarga bir martalik pul mukofoti onlayn nazorat-kassa texnikasi va hisob-kitob terminallarini qoʻllash tartibi buzilganligi, naqd pul mablagʻlari yoki plastik kartochkalar boʻyicha toʻlov shakliga qarab narxlar sunʼiy ravishda oshirilganligi yoki pasaytirilganligi, tadbirkorlik faoliyati davlat roʻyxatidan oʻtmasdan amalga oshirilganligi, identifikatsiya vositalari orqali majburiy raqamli markirovkalash nazarda tutilgan mahsulotlarda qalbaki markirovka qoʻllanilganligi yoki markirovka mavjud emasligi, shuningdek, savdo va xizmatlar koʻrsatish qoidalarining buzilishi aniqlangan boshqa holatlar toʻgʻrisida soliq organlarini xabardor qilganlik uchun toʻlanadi.

7. Aniqlangan soliqqa oid huquqbuzarliklar aniqlangan holatlar haqida soliq organlarini xabardor qilganlik uchun bir martalik pul mukofoti tarzidagi ragʻbatlantirish Oʻzbekiston Respublikasi Soliq kodeksining 221-moddasi birinchi qismida nazarda tutilgan soliq huquqbuzarliklari uchun belgilangan jarimalarning yigirma foizi miqdorida yumshatuvchi yoki ogʻirlashtiruvchi holatlar hisobga olingan holda belgilanadi.

Oʻzbekiston Respublikasi Soliq qoʻmitasi (keyingi oʻrinlarda — Soliq qoʻmitasi) ushbu bandda koʻrsatilgan bir martalik pul mukofoti tarzidagi ragʻbatlantirishni soliqqa oid huquqbuzarlikni sodir etgan shaxs (keyingi oʻrinlarda — aybdor shaxs) jarima summasini toʻlagunga qadar Soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi hisobidan toʻlab berish huquqiga ega.

Bunda jismoniy shaxsga bir martalik pul mukofotini toʻlash uchun qilingan xarajatlar keyinchalik aybdor shaxs tomonidan toʻlangan jarimalar hisobidan qoplanadi.

8. Ushbu Nizomning 4-bandida nazarda tutilgan mukofotlar aybdor shaxsdan undirilgan jarimalari hisobidan quyidagi tartibda moliyalashtiriladi:

undirilgan jarimaning 20 foizi jismoniy shaxsga toʻlab beriladi;

undirilgan summaning 80 foizi qonunchilikda belgilangan tartibda Davlat budjeti va Soliq qoʻmitasining moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi oʻrtasida taqsimlanadi.

9. Ragʻbatlantirish, agar jismoniy shaxs tomonidan taqdim etilgan maʼlumotlar haqiqatga mos boʻlsa va aybdor shaxsga nisbatan soliq organining yoki sudning javobgarlikka tortish toʻgʻrisidagi qarori qonuniy kuchga kirgan boʻlsa, amalga oshiriladi.

2-bob. Soliqqa oid huquqbuzarliklar aniqlangan holatlar haqida soliq organlarini xabardor qilish

10. Soliq organlari aniqlangan soliqqa oid huquqbuzarliklar holatlari haqida soliq organlarining maxsus dasturi orqali quyidagi maʼlumotlar koʻrsatilgan holda xabardor qilinadi:

sodir etilgan soliqqa oid huquqbuzarlik turi;

soliqqa oid huquqbuzarlik sodir etgan xoʻjalik yurituvchi subyekt joylashgan joy.

11. Aniqlangan soliqqa oid huquqbuzarliklar holatlari haqida soliq organlarini xabardor qilishda, jismoniy shaxs soliq organlarining maxsus dasturida quyidagi maʼlumotlarni koʻrsatadi:

mobil telefon raqami;

bank kartasi raqami.

Soliq organlarini soliqqa oid huquqbuzarliklar aniqlangan holatlar haqida xabardor qilgan va bir martalik pul mukofoti toʻlanishi kerak boʻlgan jismoniy shaxsni aniqlash va hisobga olish ushbu Nizomda nazarda tutilgan tartibda jismoniy shaxsning mobil telefon raqamiga kelib tushgan havola orqali soliq organlarining maxsus dasturida roʻyxatga olish kodini kiritish yoʻli bilan amalga oshiriladi.

Bir martalik pul mukofotini olish uchun soliqqa oid huquqbuzarliklar aniqlangan holatlar haqida soliq organlariga xabar bergan shaxsni aniqlash maqsadida soliq organlari ulardan maxsus mobil ilova orqali jismoniy shaxsning shaxsiy identifikatsiya raqamini koʻrsatishni talab qilishi mumkin.

12. Ushbu Nizomning 10 va 11-bandlarida nazarda tutilgan maʼlumotlar toʻliq taqdim etilmaganda, soliq organlari jismoniy shaxsning aniqlangan soliqqa oid huquqbuzarliklar holatlari haqida xabarnomasini koʻrib chiqmaydi.

13. Soliqqa oid huquqbuzarliklar boʻyicha aniqlangan holatlar va materiallar Oʻzbekiston Respublikasi Soliq kodeksida belgilangan tartibda koʻrib chiqiladi.

14. Aynan bitta xoʻjalik yurituvchi subyekt boʻyicha sodir etilgan soliqqa oid huquqbuzarliklar haqidagi xabarlar bir nechta jismoniy shaxslardan olingan taqdirda, xabarlarni koʻrib chiqish va bir martalik pul mukofotini toʻlash soliq organlari tomonidan har bir tadbirkorlik subyekti boʻyicha alohida va faqat soliq organlarining axborot tizimida birinchi navbatda tan olingan va aniqlangan jismoniy shaxsning xabarnomasiga koʻra amalga oshiriladi.

Ushbu bandda nazarda tutilgan xabarlarning qolgan qismi boʻyicha, shuningdek, soliq organlarining axborot tizimida ilgari tan olingan va aniqlashtirilgan jismoniy shaxsning xabarnomasi asosida soliq organlari tomonidan sayyor soliq tekshiruvi oʻtkazish va aybdor shaxsni javobgarlikka tortish toʻgʻrisida tegishli qaror qabul qilish jarayonida kelib tushgan xabarlar soliq organlari tomonidan koʻrib chiqilmaydi va bir martalik pul mukofoti toʻlanmaydi.

Shu bilan birga, Soliq qoʻmitasi soliq organlarining maxsus dasturi orqali bunday shaxslarga ilgari soliq organiga boshqa jismoniy shaxs tomonidan murojaat kelib tushganligi, shu asosda joylarda soliq tekshiruvi boshlanganligi yoki oʻtkazilayotganligi yoxud oʻtkazilgan sayyor soliq tekshiruvi materiallarini koʻrib chiqish natijalari asosida qaror qabul qilinayotganligi toʻgʻrisida xabar beradi.

3-bob. Soliqqa oid huquqbuzarliklar aniqlangan holatlar haqida soliq organlarini xabardor qilgan jismoniy shaxslarni ragʻbatlantirish

15. Bir martalik pul mukofoti soliq organlarini maxsus dastur orqali soliqqa oid huquqbuzarlik aniqlangan holatlar haqida xabardor qilgan jismoniy shaxsning bank kartasiga toʻlab beriladi.

Maxsus dastur orqali soliqqa oid huquqbuzarliklar aniqlangan holatlar haqida soliq organlarini xabardor qilgan jismoniy shaxslarga pul mukofotini toʻlash mazkur Nizomga ilovada keltirilgan sxemaga muvofiq amalga oshiriladi.

16. Soliq qoʻmitasi aybdor shaxs tomonidan jarima toʻlangan kundan keyin uch kundan kechiktirmasdan, jismoniy shaxsga toʻlanishi lozim boʻlgan bir martalik pul mukofoti sifatidagi toʻlovni vakolatli bankda ochilgan hisobraqamga oʻtkazib beradi.

Soliq qoʻmitasi soliq huquqbuzarliklari toʻgʻrisida aniqlangan faktlar haqida soliq organlariga xabar bergan jismoniy shaxsni soliq organlarining maxsus dasturi orqali toʻlanishi lozim boʻlgan pul mukofoti miqdori toʻgʻrisida xabardor qiladi.

17. Vakolatli bank Soliq qoʻmitasining topshirigʻiga asosan pul mablagʻini soliq organlarining maxsus dasturi orqali soliqqa oid huquqbuzarliklar aniqlangan holatlar haqida soliq organlarini maxsus dastur orqali xabardor qilganligi uchun bir martalik pul mukofoti olish huquqiga ega boʻlgan jismoniy shaxslarning bank kartalariga koʻchirib beradi.

18. Soliq qoʻmitasi ushbu Nizomning 6-bandida nazarda tutilgan soliqqa oid huquqbuzarliklarni sodir etganlikda ayblanuvchi shaxsni javobgarlikka tortish toʻgʻrisida soliq organining qarori asosida bir martalik pul mukofotining butun summasini soliqqa oid huquqbuzarliklar aniqlangan holatlar haqida soliq organlarini xabardor qilgan jismoniy shaxsga Soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi hisobidan toʻlashga haqli.

Bunda, aybdor shaxs tomonidan soliq organining soliqqa oid huquqbuzarlik uchun javobgarlikka tortish toʻgʻrisidagi qarori olingan kundan eʼtiboran oʻn kunlik muddatda jarima summasi ixtiyoriy ravishda toʻlanmagan taqdirda, soliq organlariga soliqqa oid huquqbuzarlik toʻgʻrisida aniqlangan faktlar toʻgʻrisida xabar bergan jismoniy shaxsga belgilangan pul mukofoti toʻlab beriladi.

19. Oʻzbekiston Respublikasi Soliq kodeksining 369-moddasi ikkinchi qismi 16-bandiga muvofiq jismoniy shaxs tomonidan olingan bir martalik pul mukofoti bunday jismoniy shaxsning jami daromadiga kiritilmaydi.

20. Soliqqa oid huquqbuzarliklarning aniqlangan holatlari haqida soliq organlarini maxsus dastur orqali xabardor qilgan jismoniy shaxs bir martalik pul mukofotini olishni rad qilgan taqdirda, bu haqda maxsus dasturda koʻrsatadi. Bunda soliq organlari bunday shaxsni qimmatbaho sovgʻalar bilan taqdirlashi mumkin.

4-bob. Yakunlovchi qoidalar

21. Soliqqa oid huquqbuzarliklar aniqlangan holatlar haqida soliq organlarini maxsus dastur orqali xabardor qilgan jismoniy shaxslar toʻgʻrisidagi maʼlumotlarni oshkor qilishga yoʻl qoʻyilmaydi, qonunchilik hujjatlarida nazarda tutilgan hollar bundan mustasno.

22. Mukofot olish maqsadida soliqqa oid huquqbuzarliklar haqida xabardor qilgan jismoniy shaxs tomonidan haqiqatda xaridlar amalga oshirilganligini tovarning surati, toʻlov terminalining cheki va boshqa usullar bilan tasdiqlashini talab qilishga, shuningdek, haqiqatda xaridlar amalga oshirilganligiga shubha tugʻilsa, soliq organlari undan kelib tushgan murojaatni koʻrib chiqish uchun asoslar yetarli emasligi toʻgʻrisida qaror qabul qilishga haqli.

23. Soliq organlarini soliqqa oid huquqbuzarliklar aniqlangan holatlar haqida maxsus dastur orqali xabardor qilgan jismoniy shaxslarni ragʻbatlantirish boʻyicha soliq organlarining harakati yoki harakatsizligi boʻyicha sudga shikoyat qilinishi mumkin.

24. Ushbu Nizomni qoʻllashda yuzaga keladigan nizolar qonunchilikda belgilangan tartibda hal etiladi.

25. Mazkur Nizom talablarining buzilishida aybdor boʻlgan shaxslar qonunchilikka muvofiq javob beradilar.

Maxsus dastur orqali soliqqa oid huquqbuzarliklar aniqlangan holatlar haqida soliq organlarini xabardor qilgan jismoniy shaxslarga pul mukofotini toʻlash toʻgʻrisida nizomga ILOVA

Soliq organlariga soliq huquqbuzarliklari toʻgʻrisida xabar berganlik uchun jismoniy shaxslarga pul mukofotini toʻlash

Bosqichlar Subyektlar Chora-tadbirlar Muddatlar I. Aniqlangan soliq huquqbuzarliklari toʻgʻrisida soliq organlariga xabar berish 1-bosqich Ariza beruvchi Soliq organlarining maxsus dasturi orqali soliqqa oid huquqbuzarliklarning aniqlangan faktlari toʻgʻrisida soliq organlariga xabar beradi. Soliq qonunchiligi buzilishi holatlari aniqlanganda 2-bosqich Soliq qoʻmitasi Qabul qilingan ariza asosida sayyor soliq tekshiruvini oʻtkazadi. Oʻzbekiston Respublikasi Soliq kodeksida belgilangan muddatda (oʻn kun davomida) II. Pul mukofotini toʻlash 3-bosqich Soliq qoʻmitasi Jismoniy shaxslarga bir martalik pul mukofoti sifatida toʻlanishi lozim boʻlgan summani vakolatli bankda ochilgan hisobvaragʻiga oʻtkazib beradi. Jarima toʻlangan kundan keyin uch kundan kechiktirmasdan 4-bosqich Bank Aniqlangan soliqqa oid huquqbuzarliklar toʻgʻrisida soliq organlarining maxsus dasturi orqali xabardor qilinganlik uchun bir martalik pul mukofoti olish huquqiga ega boʻlgan jismoniy shaxslarning bank kartalariga pul mablagʻlarini oʻtkazadi. Toʻlov topshiriqnomasiga asosan qonunchilik hujjatlarida belgilangan tartibda

Vazirlar Mahkamasining 2022-yil 12-maydagi 255-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻzbekiston Respublikasi davlat chegarasiga tutash hududlarda yerdan foydalanishni tartibga solish toʻgʻrisida” 1994-yil 26-sentabrdagi 480-son qarori 4-bandining ikkinchi xatboshisi chiqarib tashlansin.

2. Vazirlar Mahkamasining “Aholiga shoshilinch tibbiy yordam xizmatini yanada takomillashtirish chora-tadbirlari toʻgʻrisida” 2003-yil 2-dekabrdagi 537-son qarori 1-bandining yettinchi xatboshisi chiqarib tashlansin.

3. Vazirlar Mahkamasining “Shohi Zinda yodgorlik majmuasida qayta tiklash va obodonlashtirish ishlarini tashkil etish toʻgʻrisida” 2004-yil 16-iyuldagi 337-son qarori 4-bandining uchinchi xatboshisi chiqarib tashlansin.

4. Vazirlar Mahkamasining “Toshkent shahrida yoʻlovchi transporti tizimini yanada takomillashtirish chora-tadbirlari toʻgʻrisida” 2006-yil 31-yanvardagi 11-son qarori 4-bandida :

ikkinchi xatboshisi chiqarib tashlansin;

uchinchi xatboshi ikkinchi xatboshi deb hisoblansin.

5. Vazirlar Mahkamasining “Yakka tartibdagi tadbirkorlar shugʻullanishi mumkin boʻlgan faoliyat turlari roʻyxatini tasdiqlash toʻgʻrisida” 2011-yil 7-yanvardagi 6-son qarorining 1-ilovasi quyidagi mazmundagi 88-band bilan toʻldirilsin:

“88. Koʻp kvartirali uyni boshqarish (malaka (attestatsiya) sertifikatiga ega boʻlganlar)”.

6. Vazirlar Mahkamasining “Toshkent shahar yoʻlovchi tashish avtobuslari parkini yanada yangilash chora-tadbirlari toʻgʻrisida” 2013-yil 3-maydagi 119-son qarorining rus tilidagi matnidagi 10-band quyidagi tahrirda bayon etilsin:

“10. Ustanovit, chto peredavayemie aksionernoy kompaniyey “Toshshaxartransxizmat” strukturnim podrazdeleniyam 100 gorodskix passajirskix avtobusov modeli “Mercedes-Benz Conecto Low Floor”, zapasnie chasti i diagnosticheskiye pribori k nim ne yavlyayutsya obyektom oblojeniya nalogom na dobavlennuyu stoimost”.

7. Vazirlar Mahkamasining 2014-yil 12-iyundagi 155-son qarori bilan tasdiqlangan Garov reyestrini yuritish tartibi toʻgʻrisidagi nizomning 16-bandi “b” kichik bandi quyidagi tahrirda bayon etilsin:

“b) davlat soliq xizmati organlari tomonidan — sud yoki davlat soliq xizmati organining (bank hisobvaraqlari boʻyicha operatsiyalarni toʻxtatib turish uchun) tegishli qarori qabul qilingan sana va tartib raqami yoki soliq qarzini uzish toʻgʻrisidagi talabnomalarning sanasi va raqami”.

9. Vazirlar Mahkamasining “Chet elda ishlayotgan Oʻzbekiston Respublikasi fuqarolari hamda ish vaqtini hisobga olib boʻlmaydigan shaxslarning ayrim toifalari tomonidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga yagona ijtimoiy toʻlov toʻlash tartibini, shuningdek ularning pensiyani hisoblash uchun olinadigan ish stajini va ish haqi miqdorini hisobga olish tartibi toʻgʻrisidagi nizomni tasdiqlash haqida” 2016-yil 22-fevraldagi 46-son qarorida :

a) nomidagi va 1-banddagi “yagona ijtimoiy toʻlov” soʻzlari “ijtimoiy soliq” soʻzlari bilan almashtirilsin;

kirish qismi quyidagi tahrirda bayon etilsin:

“Oʻzbekiston Respublikasi Soliq kodeksining 408-moddasiga muvofiq hamda chet elda ishlagan shaxslar va ish vaqtini hisobga olib boʻlmaydigan shaxslarning ayrim toifalari tomonidan ijtimoiy soliqni toʻlashning yagona mexanizmini tashkil etish orqali pensiya qonunchiligini yanada takomillashtirish maqsadida Vazirlar Mahkamasi qaror qiladi”;

b) 1-ilovada :

nomidagi va 1-banddagi “yagona ijtimoiy toʻlov” va “yagona ijtimoiy toʻlovni” soʻzlari tegishincha “ijtimoiy soliq” va “ijtimoiy soliqni” soʻzlari bilan almashtirilsin;

2-bandning uchinchi xatboshisidagi “sugʻurta badallarini” soʻzlari “ijtimoiy soliqni” soʻzlari bilan almashtirilsin;

3-bandda :

birinchi — toʻrtinchi xatboshilardagi “yagona ijtimoiy toʻlovni” soʻzlari “ijtimoiy soliqni” soʻzlari bilan almashtirilsin;

beshinchi xatboshidagi “yagona ijtimoiy toʻlov” soʻzlari “ijtimoiy soliq” soʻzlari bilan almashtirilsin;

4-band quyidagi tahrirda bayon etilsin:

“4. Ushbu Nizomning 3-bandida koʻrsatib oʻtilgan shaxslar Pensiya jamgʻarmasiga:

2019-yil 1-yanvarga qadar boʻlgan davr uchun — Oʻzbekiston Respublikasining Moliya vazirligi huzuridagi budjetdan tashqari Pensiya jamgʻarmasiga sugʻurta badallari;

2019-yil 1-yanvardan 2019-yil 31-dekabrgacha boʻlgan davr uchun yagona ijtimoiy toʻlov;

2020-yil 1-yanvardan keyingi davr uchun — ijtimoiy soliq toʻlash sharti bilan Qonunga muvofiq davlat pensiya taʼminoti huquqiga ega boʻladilar.

Bunda pensiya miqdori Pensiya jamgʻarmasiga toʻlangan ijtimoiy soliq (sugʻurta badali, yagona ijtimoiy toʻlov) miqdori va ish stajining davomiyligiga bogʻliq boʻladi”;

5-band quyidagi tahrirda bayon etilsin:

“5. Pensiya jamgʻarmasiga:

2019-yil 1-yanvarga qadar boʻlgan davr uchun — Oʻzbekiston Respublikasining Moliya vazirligi huzuridagi budjetdan tashqari Pensiya jamgʻarmasiga sugʻurta badallari;

2019-yil 1-yanvardan 2019-yil 31-dekabrgacha boʻlgan davr uchun yagona ijtimoiy toʻlov;

2020-yil 1-yanvardan keyingi davr uchun ijtimoiy soliq qaytarib berilmaydi, Oʻzbekiston Respublikasi Soliq kodeksining 103-moddasida nazarda tutilgan holatlar bundan mustasno.”;

II bob va 1 — 3-paragraflarning nomidagi “yagona ijtimoiy toʻlovni” soʻzlari “ijtimoiy soliqni” soʻzlari bilan almashtirilsin;

6-bandning birinchi xatboshisidagi “yagona ijtimoiy toʻlovni” soʻzlari “ijtimoiy soliqni” soʻzlari bilan almashtirilsin;

8-band quyidagi tahrirda bayon etilsin:

“8. Chet elda yollangan holda ishlovchi shaxs pensiya bilan taʼminlanish miqdoridan kelib chiqib Pensiya jamgʻarmasiga ijtimoiy soliq miqdorini mustaqil ravishda, biroq yiliga Pensiya jamgʻarmasiga ijtimoiy soliq toʻlash sanasida qonunchilik hujjatlarida belgilangan bazaviy hisoblash miqdorining toʻrt yarim barobari miqdorda belgilashi mumkin”;

9-bandning birinchi va toʻrtinchi xatboshilaridagi “yagona ijtimoiy toʻlov” soʻzlari “ijtimoiy soliq” soʻzlari bilan va toʻrtinchi xatboshisidagi “STIR” soʻzi “JSHSHIR” soʻzi bilan almashtirilsin;

10-bandda :

birinchi xatboshidagi “yagona ijtimoiy toʻlov” soʻzlari “ijtimoiy soliq” soʻzlari bilan almashtirilsin;

ikkinchi xatboshidagi “yagona ijtimoiy toʻlovni” soʻzlari “ijtimoiy soliqni” soʻzlari bilan almashtirilsin;

11-bandning birinchi va ikkinchi xatboshilaridagi “yagona ijtimoiy toʻlov” va “yagona ijtimoiy toʻlovning” soʻzlari tegishincha “ijtimoiy soliq” va “ijtimoiy soliqning” soʻzlari bilan almashtirilsin;

12-banddagi “yagona ijtimoiy toʻlovni” soʻzlari tegishincha “ijtimoiy soliqni” soʻzlari bilan almashtirilsin;

13-banddagi “yagona ijtimoiy toʻlov” soʻzlari “ijtimoiy soliq” soʻzlari bilan almashtirilsin;

14-bandda :

birinchi xatboshidagi “yagona ijtimoiy toʻlovni” soʻzlari “ijtimoiy soliqni” soʻzlari bilan almashtirilsin;

ikkinchi xatboshidagi “yagona ijtimoiy toʻlov” soʻzlari tegishincha “ijtimoiy soliq” soʻzlari bilan, “STIR” soʻzi “JSHSHIR” soʻzi bilan almashtirilsin;

15-16-bandlar quyidagi tahrirda bayon etilsin:

“15. Yakka tartibdagi tadbirkor va dehqon xoʻjaligi aʼzosi oʻzi uchun oʻzidagi mavjud imkoniyatlardan va pensiya bilan taʼminlanishning miqdoridan kelib chiqib Pensiya jamgʻarmasiga ijtimoiy soliq miqdorini mustaqil ravishda, biroq Oʻzbekiston Respublikasi Soliq kodeksining 408-moddasida belgilangan ijtimoiy soliqning eng kam miqdoridan kam boʻlmagan miqdorda belgilaydi.

Yakka tartibdagi tadbirkor oilaviy tadbirkorlik subyektining har bir aʼzosi, shuningdek, mehnat shartnomasi boʻyicha yakka tartibdagi tadbirkor tomonidan yollangan har bir xodim uchun Pensiya jamgʻarmasiga har oyda eng kam oylik ish haqining 50 foizi miqdorida ijtimoiy soliq toʻlaydi.

16. Ijtimoiy soliq:

yakka tartibdagi tadbirkor va oilaviy tadbirkorlik subyekti oila aʼzolari tomonidan — har oyda, tadbirkorlik faoliyati amalga oshirilgan oyning 15-kunidan kechikmay toʻlanadi;

dehqon xoʻjaligi aʼzosi tomonidan — hisobot yilining 1-oktabrigacha toʻlanadi. Bunda ijtimoiy soliqning miqdori toʻlov kuniga belgilangan bazaviy hisoblash miqdoridan kelib chiqqan holda hisoblab chiqariladi.

Yangi roʻyxatdan oʻtgan yakka tartibdagi tadbirkorlar va oilaviy tadbirkorlik subyekti oila aʼzolari tomonidan ijtimoiy soliqni toʻlash ular yakka tartibdagi tadbirkor sifatida davlat roʻyxatidan oʻtkazilgan oydan keyingi oydan eʼtiboran amalga oshiriladi.

Pensiya jamgʻarmasiga ijtimoiy soliq naqd pulsiz hisob-kitob boʻyicha toʻlangan taqdirda ijtimoiy soliq toʻlanganligi toʻgʻrisidagi toʻlov hujjatida koʻrsatilgan sana ijtimoiy soliq toʻlangan kun hisoblanadi. Toʻlov hujjatida familiyasi, ismi, otasining ismi, JSHSHIR va toʻlov amalga oshirilayotgan davr albatta koʻrsatilishi shart. Bunda oilaviy tadbirkorlik subyekti oila aʼzolari va dehqon xoʻjaligi aʼzolari boʻyicha toʻlov hujjati har bir oila aʼzosi uchun alohida-alohida yoziladi. Agar toʻlov xujjatida davr koʻrsatilmagan boʻlsa, toʻlov u amalga oshirilayotgan oy (dehqon xoʻjaliklari aʼzolari uchun — yil) uchun toʻlangan deb hisoblanadi”;

17-banddagi “Yagona ijtimoiy toʻlov” soʻzlari “Ijtimoiy soliq” soʻzlari bilan almashtirilsin;

18-bandda :

birinchi xatboshidagi “yagona ijtimoiy toʻlovni” soʻzlari “ijtimoiy soliqni” soʻzlari bilan almashtirilsin;

ikkinchi xatboshidagi “yagona ijtimoiy toʻlov” soʻzlari “ijtimoiy soliq” soʻzlari bilan almashtirilsin;

III bobning nomidagi “yagona ijtimoiy toʻlovni” soʻzlari “ijtimoiy soliqni” soʻzlari bilan almashtirilsin;

19-bandning birinchi va toʻrtinchi xatboshilaridagi “yagona ijtimoiy toʻlov” soʻzlari “ijtimoiy soliq” soʻzlari bilan almashtirilsin;

20-bandda :

birinchi va ikkinchi xatboshilardagi “yagona ijtimoiy toʻlov” soʻzlari tegishincha “ijtimoiy soliq” soʻzlari bilan almashtirilsin;

uchinchi xatboshidagi “60-moddasiga” soʻzlari “116-moddasiga” soʻzlari bilan almashtirilsin;

21 va 33-bandlardagi “yagona ijtimoiy toʻlov” soʻzlari “ijtimoiy soliq” soʻzlari bilan almashtirilsin;

23-band quyidagi tahrirda bayon etilsin:

“23. Pensiya jamgʻarmasiga:

2019-yil 1-yanvarga qadar boʻlgan davr uchun — Oʻzbekiston Respublikasining Moliya vazirligi huzuridagi budjetdan tashqari Pensiya jamgʻarmasiga sugʻurta badallari;

2019-yil 1-yanvardan 2019-yil 31-dekabrgacha boʻlgan davr uchun yagona ijtimoiy toʻlov;

2020-yil 1-yanvardan keyingi davr uchun ijtimoiy soliq toʻlanganligini tasdiqlovchi asosiy hujjatlar sifatida:

2018-yilgacha — Pensiya jamgʻarmasiga sugʻurta badallarining toʻlanganligini tasdiqlovchi bank kvitansiyalari va toʻlov hujjatlari;

2018-yildan boshlab — davlat soliq xizmati organlarining maʼlumotlari hisoblanadi.”;

34 va 35-bandlar quyidagi tahrirda bayon etilsin:

“34. Pensiya tayinlash uchun yakka tartibdagi tadbirkorning (dehqon xoʻjaligi rahbarining va oilaviy tadbirkorlik subyekti oila aʼzosining) ish stajini hisoblab chiqishda, agar Pensiya jamgʻarmasiga toʻlangan ijtimoiy soliq summasi ushbu yilning barcha oylari uchun belgilangan eng kam ijtimoiy soliqdan kam boʻlmasa (toʻlangan penyalarni hisobga olmagan holda) ish stajiga kalendar yil qoʻshiladi.

35. Dehqon xoʻjaligi aʼzosiga, shuningdek, maydoni toʻrt sotixdan kam boʻlmagan dehqon xoʻjaligida, tomorqa yerida band boʻlgan yoki ushbu maydonda qoramol boqayotgan yoxud 50 boshdan kam boʻlmagan parranda parvarishlayotgan jismoniy shaxslarga pensiya tayinlash uchun ish stajini hisoblab chiqishda Oʻzbekiston Respublikasi Soliq kodeksining 408-moddasida belgilangan Pensiya jamgʻarmasiga ijtimoiy soliq miqdori toʻlanganda ish stajiga bir yil qoʻshiladi”;

36 va 37-bandlardagi “yagona ijtimoiy toʻlov” soʻzlari “ijtimoiy soliq” soʻzlari bilan almashtirilsin;

38-band quyidagi tahrirda bayon etilsin:

“38. Yakka tartibdagi tadbirkor (chet elda yollangan holda ishlovchi shaxs, soliq agenti hisoblanmaydigan ish beruvchidan daromad oluvchi xodim, dehqon xoʻjaligi aʼzosi va oilaviy tadbirkorlik subyekti oila aʼzosi) tomonidan Pensiya jamgʻarmasiga:

2019-yil 1-yanvarga qadar boʻlgan davr uchun — Oʻzbekiston Respublikasining Moliya vazirligi huzuridagi budjetdan tashqari Pensiya jamgʻarmasiga sugʻurta badallari;

2019-yil 1-yanvardan 2019-yil 31-dekabrgacha boʻlgan davr uchun yagona ijtimoiy toʻlov;

2020-yil 1-yanvardan keyingi davr uchun ijtimoiy soliqni toʻlash dalili guvohlar koʻrsatmalari bilan tasdiqlanmaydi”;

39-band quyidagi tahrirda bayon etilsin:

“39. Pensiya miqdorini hisoblab chiqishda hisobga olinadigan aniq bir oy (yil) uchun yakka tartibdagi tadbirkorning (chet elda yollangan holda ishlovchi shaxsning, soliq agenti hisoblanmaydigan ish beruvchidan daromad oluvchi xodimning va dehqon xoʻjaligi aʼzosining) daromadi Pensiya jamgʻarmasiga toʻlangan oylik (yillik):

2019-yil 1-yanvarga qadar boʻlgan davr uchun — sugʻurta badallari summasini Pensiya jamgʻarmasiga sugʻurta badallarini toʻlash davrida amalda boʻlgan yagona ijtimoiy toʻlov (mikrofirmalar va kichik korxonalar, shuningdek, fermer xoʻjaliklari uchun) va fuqarolarning sugʻurta badallarining umumiy stavkasiga;

2019-yil 1-yanvardan 2019-yil 31-dekabrgacha boʻlgan davr uchun — yagona ijtimoiy toʻlov summasini Pensiya jamgʻarmasiga yagona ijtimoiy toʻlovni toʻlash davrida amalda boʻlgan yagona ijtimoiy toʻlov (mikrofirmalar va kichik korxonalar, shuningdek, fermer xoʻjaliklari uchun) stavkasiga;

2020-yil 1-yanvardan keyingi davr uchun — ijtimoiy soliq summasini Pensiya jamgʻarmasiga ijtimoiy soliqni toʻlash davrida amalda boʻlgan ijtimoiy soliq (mikrofirmalar va kichik korxonalar, shuningdek, fermer xoʻjaliklari uchun) stavkasiga boʻlish hamda olingan natijani 100 ga koʻpaytirish yoʻli bilan aniqlanadi.

Yakka tartibdagi tadbirkor tomonidan yollangan xodimning, shuningdek, oilaviy tadbirkorlik subyekti oila aʼzosining pensiya miqdorini hisoblab chiqishda hisobga olinadigan aniq bir oy uchun daromadi:

2019-yil 1-yanvarga qadar boʻlgan davr uchun — Pensiya jamgʻarmasiga sugʻurta badallari toʻlangan oydagi;

2019-yil 1-yanvardan 2019-yil 31-dekabrgacha boʻlgan davr uchun — Pensiya jamgʻarmasiga yagona ijtimoiy toʻlov toʻlangan oydagi;

2020-yil 1-yanvardan keyingi davr uchun — Pensiya jamgʻarmasiga ijtimoiy soliq toʻlangan oydagi mehnatga haq toʻlashning qonunchilik xujjatlarida belgilangan pensiyani hisoblashning bazaviy miqdoriga teng qilib olinadi”;

41-banddagi “sugʻurta badallarini” soʻzlari “ijtimoiy soliqni (sugʻurta badali, yagona ijtimoiy toʻlov)” soʻzlari bilan almashtirilsin.

10. Vazirlar Mahkamasining 2017-yil 9-fevraldagi 66-son qarori bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisida nizomning 40-bandi yettinchi xatboshisi quyidagi tahrirda bayon etilsin:

“yuridik shaxsning manzilini oʻzgartirish, shuningdek, yuridik shaxsni boshqa yuridik shaxsga qoʻshib yuborish, qoʻshib olish, boʻlish bilan bogʻliq qayta roʻyxatdan oʻtkazishda yuridik shaxsning bazaviy hisoblash miqdorining ellik baravaridan ortiq soliq qarzi mavjudligi yoki amalga oshirilgan tovar aylanma yoxud tovarlar importi boʻyicha realizatsiya hajmining soliq hisobotlarida toʻliq aks ettirilmaganligi, shuningdek, soliq hisobotlarini belgilangan muddatlarda topshirmaganligi”.

11. Vazirlar Mahkamasining 2018-yil 9-oktabrdagi 811-son qarori bilan tasdiqlangan Oʻzbekiston Respublikasi Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi toʻgʻrisidagi nizomda :

a) 2-bandning ikkinchi xatboshisi quyidagi tahrirda bayon etilsin:

“davlat soliq xizmati organlari tomonidan oʻtkazilgan tekshirishlar natijasida qoʻshimcha undirilgan summalar (Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining budjetdan tashqari jamgʻarmasiga oʻtkaziladigan mablagʻlardan tashqari), shu jumladan, penyalar hamda soliq qonunchiligini buzganlik uchun qoʻllanilgan moliyaviy jazo choralari summalarining 40 foizi”;

b) 3-bandning uchinchi xatboshisi quyidagi tahrirda bayon etilsin:

“Bunda Maxsus jamgʻarmaga mablagʻlarni oʻtkazish uchun Qoraqalpogʻiston Respublikasi, viloyatlar va Toshkent shahar davlat soliq boshqarmalari, tuman (shahar) davlat soliq inspeksiyalari, Yirik soliq toʻlovchilar boʻyicha hududlararo davlat soliq inspeksiyasi, Oʻzbekiston Respublikasi Davlat soliq qoʻmitasining tarkibidagi davlat muassasalari uchun tegishli shaxsiy gʻazna hisobvaraqlari ochiladi”;

v) 12-bandi “g” kichik bandi quyidagi mazmundagi xatboshi bilan toʻldirilsin:

“Sayyor soliq tekshiruvlarini oʻtkazish doirasida nazorat xaridlarini amalga oshirish xarajatlari”;

g) 14-bandning birinchi xatboshisidagi “5 foizi miqdorida” soʻzlari “25 foizi miqdorigacha” soʻzlari bilan almashtirilsin.

13. Vazirlar Mahkamasining “Toshkent viloyatining Quyi Chirchiq tumanida zamonaviy agrosanoat klasterini tashkil etish chora-tadbirlari toʻgʻrisida” 2018-yil 1-dekabrdagi 974-son qarori 7-bandining uchinchi xatboshisi chiqarib tashlansin.

14. Vazirlar Mahkamasining “Davlat soliq xizmati organlari faoliyatini yanada takomillashtirish chora-tadbirlari toʻgʻrisida” 2019-yil 17-apreldagi 320-son qarorida :

a) Oʻzbekiston Respublikasi Davlat soliq qoʻmitasi toʻgʻrisidagi nizomda :

9-bandning oʻn uchinchi xatboshi quyidagi tahrirda bayon etilsin:

“Soliq maʼlumotlarini qayta ishlash markazi” davlat unitar korxonasi”;

11-band “a” kichik bandining birinchi xatboshisidagi “boshqa majburiy toʻlovlarning” soʻzlari “yigʻimlarning” soʻzi bilan almashtirilsin;

11-band “a” kichik bandining toʻqqizinchi xatboshisidagi “moliya-xoʻjalik faoliyatini tekshirish (taftish qilish)” soʻzlari “soliq auditini oʻtkazish” soʻzlari bilan almashtirilsin;

14-bandda :

“23)” kichik band quyidagi tahrirda bayon etilsin:

“23) Soliq toʻlovchining (soliq agentining) bankdagi hisobvaraqlari boʻyicha operatsiyalarni oʻn kundan koʻp boʻlmagan muddatga toʻxtatib turish. Soliq toʻlovchining (soliq agentining) bankdagi hisobvaraqlari boʻyicha operatsiyalarni oʻn kundan koʻp muddatga toʻxtatib turish boʻyicha sud tartibida choralar koʻrish (jinoiy faoliyatdan olingan daromadlarni legallashtirish hamda terrorizmni moliyalashtirish, shuningdek, mazkur kichik bandning ikkinchi xatboshida nazarda tutilgan holatlar bundan mustasno).

Yuridik shaxslar va yakka tartibdagi tadbirkorlarning bankdagi hisobvaraqlari boʻyicha operatsiyalarni oʻn kundan koʻp boʻlmagan muddatga toʻxtatib turish soliq organi tomonidan mazkur soliq toʻlovchilarning (soliq agentlarining) soliq majburiyatlari bajarilishini taʼminlash uchun quyidagi hollarda qoʻllanilishi mumkin:

ushbu soliq toʻlovchi (soliq agenti) tomonidan soliq organiga moliyaviy va (yoki) soliq hisoboti bunday hisobotni taqdim etishning belgilangan muddati tugaganidan keyin oʻn kun ichida taqdim etilmaganda;

soliq toʻlovchi (soliq agenti) tomonidan soliq organining kameral soliq tekshiruvi natijalari boʻyicha talabnomasiga tushuntirishlar va (yoki) tuzatishlar belgilangan muddatda taqdim etilmaganda, shuningdek soliq toʻlovchi tomonidan soliq organi talab qilgan hujjatlar taqdim etilmaganda;

soliq tekshiruvini oʻtkazayotgan soliq organlarining mansabdor shaxslarini koʻrsatilgan hududga yoki binoga (bundan turar joylar mustasno) kirishiga toʻsqinlik qilishda. Soliq organi mansabdor shaxsining kirishiga toʻsqinlik qilinishi uning oʻzi va tekshirilayotgan shaxs tomonidan imzolanadigan dalolatnoma bilan rasmiylashtiriladi. Bunday dalolatnoma asosida soliq organi bankdagi hisobvaraqlar boʻyicha operatsiyalarni toʻxtatib turadi;

soliq toʻlovchining (soliq agentining) oʻzi koʻrsatgan manzilda yoʻqligida”;

“25)” kichik banddan “Xoʻjalik yurituvchi subyektlarga nisbatan moliyaviy sanksiyalar sud tartibda qoʻllanadi, ular sodir etilgan huquqbuzarliklardagi aybini eʼtirof etgan va moliyaviy sanksiyalar summasini ixtiyoriy ravishda toʻlagan holatlar bundan mustasno” soʻzlari chiqarib tashlansin;

quyidagi mazmundagi 36-kichik band bilan toʻldirilsin:

“36) Soliq va yigʻimlarni yigʻish maqsadida davlat soliq xizmati organlarining budjetdan tashqari mablagʻlari hisobidan toʻgʻridan-toʻgʻri shartnoma orqali qaytarish sharti bilan tijorat banklariga “0” foiz stavkada depozitga mablagʻ joylashtirish”;

quyidagi mazmundagi 37-kichik band bilan toʻldirilsin:

“37) tijorat banklarida korporativ bank kartalarini ochish va ulardan nazorat xaridlarini amalga oshirish maqsadida foydalanish”.

15-band uchinchi xatboshisida “32” raqamidan keyin “va 36” jumlasi bilan toʻldirilsin;

28-band quyidagi tahrirda bayon etilsin:

“28. Soliq organlari soliq toʻlovchining aynan bitta davr uchun aynan bir xil soliqlar boʻyicha bir martadan ortiq soliq auditini oʻtkazishga haqli emas, Soliq kodeksida belgilangan holatlar bundan mustasno”;

59-bandda :

“a” kichik band quyidagi tahrirda bayon etilsin:

“a) lavozim maoshi (davlat soliq xizmati organlari xodimlarining lavozim maoshini belgilashda Yagona tarif setkasi boʻyicha mehnatga haq toʻlashning tasdiqlangan razryadlariga muvofiq tarif koeffitsiyenti 1,7 baravarga oshirilgan miqdorda)”;

“b” kichik band birinchi xatboshisidagi “ustamalar” soʻzidan keyin “va boshqa toʻlovlar” soʻzlari bilan toʻldirilsin;

“b” kichik band quyidagi mazmundagi yettinchi-sakkizinchi xatboshilar bilan toʻldirilsin:

“ikki oylik mehnat haqi fondi miqdoridagi mukofot va bir oylik mehnat haqi miqdoridagi moddiy yordam toʻlovi;

qonunchilik hujjatlarida belgilangan boshqa toʻlovlar”;

“v” kichik bandning uchinchi va toʻrtinchi xatboshilaridagi “eng kam oylik ish haqining” soʻzlari “bazaviy hisoblash miqdorining” soʻzlari bilan almashtirilsin;

59 1 -band quyidagi tahrirda bayon etilsin:

“59 1 . Davlat soliq xizmati organlari xodimlariga mazkur nizomning 59-bandi a) va b) kichik bandlarida koʻrsatilgan lavozim maoshi, ustama va boshqa toʻlovlarni moliyalashtirish budjet mablagʻlari hisobidan, v) kichik bandidagi boshqa toʻlovlarni moliyalashtirish Oʻzbekiston Respublikasi Davlat soliq qoʻmitasining Moddiy yordam, ijtimoiy muhofaza, soliq organlarini rivojlantirish hamda koʻzda tutilmagan xarajatlar maxsus jamgʻarmasi mablagʻlari hisobidan amalga oshiriladi”;

b) Yirik soliq toʻlovchilar boʻyicha hududlararo davlat soliq inspeksiyasi toʻgʻrisidagi nizomda :

11-bandning “b” kichik bandida :

ikkinchi xatboshi quyidagi tahrirda bayon etilsin:

“kameral soliq tekshiruvi, shuningdek, yirik soliq toʻlovchi tomonidan taqdim etilgan maʼlumotlar ishonchliligini hamda soliq toʻlovchining hisobotlarida aks ettirilgan soliq va bojxona imtiyozlari qoʻllanilishining qonuniyligini tasdiqlash uchun qonunchilik hujjatlarida belgilangan tartibda joyiga chiqqan holda sayyor soliq tekshiruvlarini amalga oshiradi”;

oʻninchi xatboshi quyidagi tahrirda bayon etilsin:

“yirik soliq toʻlovchilarda soliq auditi oʻtkazish jarayonida soliqlar va yigʻimlarning toʻgʻri hisoblanganligi va toʻlanganligini, nazorati soliq organlari zimmasiga yuklatilgan qonunchilik hujjatlariga rioya qilinganligini soliq toʻlovchining buxgalteriya, moliya, statistika, bank hujjatlari hamda boshqa hujjatlarni, maʼlumotlarni oʻrganish va tahlil qilish yoʻli bilan tekshiradi”;

oʻn birinchi xatboshidagi “moliya-xoʻjalik faoliyatini tekshirish (taftish qilish)” soʻzlari “soliq auditini oʻtkazish” soʻzlari bilan almashtirilsin;

12-bandning :

“4” kichik bandi quyidagi tahrirda bayon etilsin:

“4) yirik soliq toʻlovchi tomonidan taqdim etilgan maʼlumotlar ishonchliligini hamda yirik soliq toʻlovchining hisobotlarida aks ettirilgan soliq va bojxona imtiyozlari qoʻllanilishining qonuniyligini tasdiqlash uchun kameral soliq tekshiruvi natijasi boʻyicha qonunchilik hujjatlarida belgilangan tartibda joyiga chiqqan holda sayyor soliq tekshiruvlarini amalga oshirish”;

“20” kichik bandidan “foyda soligʻi” soʻzlari chiqarib tashlansin;

v) Oʻzbekiston Respublikasi davlat soliq xizmati organlarida xizmatni oʻtash toʻgʻrisidagi nizomning 3-bandida :

oʻn oltinchi xatboshi quyidagi tahrirda bayon etilsin:

“har 100 ming nafar aholiga hisoblab chiqqanda (koʻp tomonga yaxlitlanadigan 1:2 nisbatda) 1 shtat birligi — tuman (shahar) davlat soliq inspeksiyalarida”;

yigirma ikkinchi xatboshi quyidagi tahrirda bayon etilsin:

“soliq toʻlovchilarning buxgalteriya hisobini yuritish va huquqiy qoʻllab-quvvatlash xizmatida (davlat soliq boshqarmalarida va tuman (shahar) davlat soliq inspeksiyalarida) — 2 shtat birligi”;

15. Vazirlar Mahkamasining 2019-yil 22-apreldagi 343-son qarori bilan tasdiqlangan Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida pullik taʼlim xizmatlarini koʻrsatish tartibi toʻgʻrisida nizomning 8-bandi ikkinchi xatboshisi va 11-bandidagi “boshqa majburiy toʻlovlar” soʻzlari “yigʻimlar” soʻzi bilan almashtirilsin.

16. Vazirlar Mahkamasining 2019-yil 16-maydagi 410-son qarori bilan tasdiqlangan Import qilingan tovarlar harakatini monitoring qilish tartibi toʻgʻrisida nizomda :

a) 8-banddagi “kameral nazoratdan” soʻzlari “kameral soliq tekshiruvi” soʻzlari bilan almashtirilsin;

b) 9-banddagi “Kameral nazorat” va “70-moddasida” soʻzlari tegishincha “Kameral soliq tekshiruvi” va “138-moddasida” soʻzlari bilan almashtirilsin;

v) 10-banddagi “Kameral nazorat” va “mavzuli ekspress-oʻrganish” soʻzlari tegishincha “Kameral soliq tekshiruvi” va “sayyor soliq tekshiruvlari” soʻzlari bilan almashtirilsin;

g) 11-band quyidagi tahrirda bayon etilsin:

“11. Kameral soliq tekshiruvi va sayyor soliq tekshiruvi natijasiga koʻra:

import qilingan tovarlar realizatsiya qilinganligi hujjat bilan tasdiqlanganda, tovarlarni realizatsiya qilishdan tushgan tushum summasining hisobga olish registrlarida aks ettirilmaganligi, tovarlar realizatsiya qilinganligidan dalolat beruvchi hujjatlar almashtirilganligi, soxtalashtirilganligi yoki yoʻq qilinganligi, hisobda realizatsiya qilinmagan deb koʻrsatilgan tovarlarning omborda yoki realizatsiya qilish joyida mavjud emasligi aniqlangan taqdirda, Oʻzbekiston Respublikasining Soliq kodeksida belgilangan tartibda soliqlar va yigʻimlar hisoblanadi;

soliq va bojxona toʻlovlari boʻyicha imtiyozlar berilishi natijasida boʻshagan mablagʻlardan maqsadli va belgilangan muddatlarda foydalanilmagan yoki import qilingan tovarlarning imtiyozli davr tugashiga qadar boshqalarga berilishi (sotilishi), shuningdek, oʻz ehtiyoji (ishlab chiqarishi) uchun import qilingan tovarlar realizatsiya qilinganligi aniqlanganda, soliqlarni qonunchilik hujjatlarida belgilangan tartibda undirish choralari koʻriladi”;

12-banddagi “Mavzuli ekspress-oʻrganishlar” va “qonun hujjatlarida” soʻzlari tegishincha “Sayyor soliq tekshiruvlari” va “qonunchilik hujjatlarida” soʻzlari bilan almashtirilsin;

d) ilovada :

3-bosqich uchinchi ustunidagi “kameral nazorat” va “70-moddasida” soʻzlari tegishincha “kameral soliq tekshiruvidan” va “138-moddasida” soʻzlari bilan, toʻrtinchi ustunidagi “1 ish kuni mobaynida” soʻzlari “2 kun muddatda” soʻzlari bilan almashtirilsin;

4-bosqich uchinchi ustuni quyidagi tahrirda bayon etilsin:

“Agar soliq toʻlovchi aniqlashtirilgan soliq hisobotini taqdim etmasa (shu jumladan aniqlashtirilgan talabnomadan keyin), yoxud aniqlangan tafovutlar boʻyicha asosnomalarni taqdim etmasa, yoki u taqdim etgan asosnomalar yetarli emas deb topilsa, soliq toʻlovchida sayyor soliq tekshiruvini tayinlash choralarini koʻradi”;

4-bosqich toʻrtinchi ustunidagi “7 kalendar kun” soʻzlari “30 ish kuni” soʻzlari bilan almashtirilsin.

17. Vazirlar Mahkamasining 2019-yil 27-maydagi 433-son qarori bilan tasdiqlangan Investorlarga yangi mehmonxona qurish va uni jihozlash uchun subsidiya ajratish hamda tashkilotlarni franchayzing toʻgʻrisidagi shartnoma asosida qisman moliyalashtirish uchun Davlat budjetidan mablagʻ ajratish tartibi haqidagi nizomning 5-bandi ikkinchi xatboshisidagi “boshqa majburiy toʻlovlar” soʻzlari “yigʻimlar” soʻzi bilan almashtirilsin.

18. Vazirlar Mahkamasining 2019-yil 18-iyundagi 512-son qarori bilan tasdiqlangan Urugʻchilik klasterlarini tashkil etish uchun tanlovlarni oʻtkazish tartibi toʻgʻrisida nizomning 14-bandi uchinchi xatboshisidagi “boshqa majburiy toʻlovlar” soʻzlari “yigʻimlar” soʻzi bilan almashtirilsin.

19. Vazirlar Mahkamasining “Toshkent shahrida Vestminster xalqaro maktabini tashkil etish toʻgʻrisida” 2019-yil 25-iyundagi 527-son qarorining 10-bandi “a” kichik bandi ikkinchi xatboshisidagi “soliq va davlat maqsadli jamgʻarmasiga majburiy toʻlovlardan (yagona ijtimoiy toʻlovdan tashqari)” soʻzlari “soliqlar (ijtimoiy soliqdan tashqari) va yigʻimlardan” soʻzlari bilan almashtirilsin.

21. Vazirlar Mahkamasining 2019-yil 15-iyuldagi 589-son qarori bilan tasdiqlangan Dasturiy mahsulotlar va axborot texnologiyalari texnologik parki faoliyatini tashkil etish tartibi toʻgʻrisida nizomda :

a) 9-bandi quyidagi mazmundagi g) kichik bandi bilan toʻldirilsin:

“g) soliq solish obyektlari va soliq solish bilan bogʻliq obyektlarga taalluqli buxgalteriya hisobi registrlari hamda boshqa boshlangʻich hujjatlarini avtomatlashtirish yoʻnalishlarida ishlab chiqiladigan avtomatlashtirilgan hisobga olish oʻlchov vositalarini (axborot tizimlari, dasturiy mahsulotlari) majburiy ravishda soliq organlarining axborot tizimlari bilan integratsiya qilinishini taʼminlash”;

b) 14-band quyidagi mazmundagi xatboshi bilan toʻldirilsin:

“soliq solish obyektlari va soliq solish bilan bogʻliq obyektlarga taalluqli buxgalteriya hisobi registrlari hamda boshqa boshlangʻich hujjatlarini avtomatlashtirish yoʻnalishlarida ishlab chiqilgan avtomatlashtirilgan hisobga olish oʻlchov vositalari (axborot tizimlari, dasturiy mahsulotlari) soliq organlarining axborot tizimlari bilan integratsiya qilinmagan holda qoʻllanilganligi”;

v) 18-band quyidagi mazmundagi toʻqqizinchi xatboshi bilan toʻldirilsin:

“soliq solish obyektlari va soliq solish bilan bogʻliq obyektlarga taalluqli buxgalteriya hisobi registrlari hamda boshqa boshlangʻich hujjatlarini avtomatlashtirish yoʻnalishlarida ishlab chiqiladigan avtomatlashtirilgan hisobga olish oʻlchov vositalarini (axborot tizimlari, dasturiy mahsulotlari) majburiy ravishda soliq organlarining axborot tizimlari bilan integratsiya qilinishini taʼminlash”;

toʻqqizinchi xatboshi oʻninchi xatboshi deb hisoblansin;

g) 21-band quyidagi mazmundagi toʻqqizinchi xatboshi bilan toʻldirilsin:

“soliq solish obyektlari va soliq solish bilan bogʻliq obyektlarga taalluqli buxgalteriya hisobi registrlari hamda boshqa boshlangʻich hujjatlarini avtomatlashtirish yoʻnalishlarida ishlab chiqilgan avtomatlashtirilgan hisobga olish oʻlchov vositalari (axborot tizimlari, dasturiy mahsulotlari) soliq organlarining axborot tizimlari bilan integratsiya qilinmagan holda qoʻllanilganda”;

toʻqqizinchi xatboshi oʻninchi xatboshi deb hisoblansin;

d) 27-banddagi “boshqa majburiy toʻlovlarni” soʻzlari “yigʻimlarni” soʻzi bilan almashtirilsin.

23. Vazirlar Mahkamasining 2019-yil 13-avgustdagi 668-son qarori bilan tasdiqlangan Oʻzbekiston Respublikasi Milliy gvardiyasi qoʻriqlash boʻlinmalari tomonidan jismoniy va yuridik shaxslar mol-mulki hamda obyektlarini qoʻriqlash borasida koʻrsatiladigan xizmatlar tariflarini belgilash metodikasida :

3-banddagi “boshqa majburiy toʻlovlar” soʻzlari “yigʻimlar” soʻzi bilan almashtirilsin;

6-bandning oʻn birinchi xatboshisidagi “majburiy toʻlovlar” soʻzlari “yigʻimlar” soʻzi bilan almashtirilsin.

25. Vazirlar Mahkamasining 2019-yil 9-sentabrdagi 750-son qarori bilan tasdiqlangan Ichki ishlar organlarining kinolog xodimlariga qoʻshimcha ustamalar toʻlanadigan maxsus malaka toifasini berish tartibi toʻgʻrisidagi nizomning 12-ilovasi 7-bandidagi “majburiy toʻlovlar” soʻzlari “soliqlar” soʻzi bilan almashtirilsin.

26. Vazirlar Mahkamasining “Onlayn nazorat-kassa mashinalari va virtual kassa tizimi qoʻllanilishini taʼminlash chora-tadbirlari toʻgʻrisida” 2019-yil 23-noyabrdagi 943-son qarorida :

a) 2-bandi quyidagi tahrirdagi uchinchi xatboshi bilan toʻldirilsin:

“Aholi bilan pulli hisob-kitoblarni amalga oshirishda elektron toʻlov tizimi orqali elektron fiskal chek taqdim qilish tartibi toʻgʻrisidagi nizom 1a-ilovaga muvofiq”;

uchinchi — beshinchi xatboshilari tegishincha toʻrtinchi — oltinchi xatboshilar deb hisoblansin;

b) 1-ilovasida :

1-bandida “virtual kassalarni” soʻzlaridan keyin “hamda elektron toʻlov tizimlarini” soʻzlari qoʻshilsin;

2-band :

quyidagi tahrirdagi uchinchi xatboshi bilan toʻldirilsin:

“Mahsulotlar (tovar va xizmatlar) elektron milliy katalogining tovarlar va xizmatlarning identifikatsiya kodi — bu mahsulot yoki xizmatlarning maʼlum bir turiga tayyorlangan belgilar (raqamlar) toʻplam koʻrinishdagi identifikatsiya kodi”;

toʻrtinchi — oʻn toʻqqizinchi xatboshilari tegishincha beshinchi — yigirmanchi xatboshilar deb hisoblansin;

oltinchi xatboshisidagi “virtual kassalar” soʻzlaridan keyin “Marketpleys” soʻzlari qoʻshilsin;

yettinchi xatboshisidagi “yordamida” soʻzi “yoki elektron raqamli imzo orqali” soʻzlari bilan almashtirilsin;

toʻqqizinchi xatboshisidagi “virtual kassadan” soʻzlaridan keyin “yoki Marketpleysdan” soʻzlari qoʻshilsin;

3-bandi quyidagi tahrirda bayon etilsin:

“3. Oʻzbekiston Respublikasi hududida faqat belgilangan tartibda Davlat reyestriga kiritilgan onlayn-NKM va virtual kassalar yoki Marketpleysdan foydalanishga ruxsat etiladi. Bunda onlayn-NKM, virtual kassa, Marketpleys tushunchalari soliq toʻgʻrisidagi qonunchilik hujjatlarida “nazorat-kassa texnikasi” nomi bilan qoʻllaniladi. Davlat reyestriga kiritilmagan, kassa cheklarida mahsulotlar (tovarlar va xizmatlar) yagona elektron milliy katalogi identifikatsiyalash kodlari aks ettirilmaydigan, shuningdek, shtrix-kodlar va raqamli markirovka belgilarini erkin oʻqish hamda aniqlash qurilmalarini ulash imkoniyatiga ega boʻlmagan onlayn-NKM va virtual kassa yoki Marketpleyslardan foydalanishga yoʻl qoʻyilmaydi”;

4-bandi quyidagi tahrirdagi ikkinchi-uchinchi xatboshilar bilan toʻldirilsin:

“Chakana savdo va umumiy ovqatlanish xizmatlarini koʻrsatuvchi tadbirkorlik subyektlari tomonidan foydalanilayotgan avtomatlashtirilgan hisobga olish oʻlchov vositalarini (axborot tizimlari, dasturiy mahsulotlari) majburiy ravishda soliq organlarining axborot tizimlari bilan integratsiya qilinishi va Davlat reyestriga kiritishi lozim. Bunda, oʻz avtomatlashtirilgan hisob yuritish komplekslarini virtual kassa sifatida Davlat reyestriga kiritishda (kiritgandan keyin) tadbirkorlik subyektlari va texnik xizmat koʻrsatish markazlari tomonidan roʻyxatga olingan virtual kassa sonidan kelib chiqib, vakolatli organning depozit hisob-raqamiga zaxira summasini qoʻyish talabi tatbiq etilmaydi.

Xarid chekini toʻliq miqdorda shakllantirilishi hamda belgilangan tartibda xaridorga taqdim etilishi uchun masʼuliyat tadbirkorlik subyektlari zimmasiga yuklatiladi”;

6-bandi quyidagi tahrirda bayon etilsin:

“6. Onlayn-NKM yoki virtual kassadan foydalanishga oʻtgan tadbirkorlik subyektlari tomonidan toʻlov terminali orqali qabul qilingan toʻlovlar uchun xaridorlarga toʻlov terminali cheki bilan birga shuningdek joylarda xarid qilingan mahsulot va xizmatlar uchun elektron toʻlov tizimlari orqali amalga oshirilgan toʻlovlar uchun onlayn-NKM yoki virtual kassa cheki yoki virtual kassaning elektron cheki berilishi shart.

Texnik imkoniyatga ega onlayn-NKM qurilmalari bank kartalaridan toʻlovlarni qabul qilish tizimlariga majburiy ulanishi, shuningdek, barcha onlayn-NKM va virtual kassalarda majburiy ravishda 2d skaner qurilmasi qoʻllanilishi shart”;

7-bandi :

ikkinchi xatboshisidagi “virtual kassa” soʻzlaridan keyin “yoki Marketpleys orqali shakllantiriladigan” soʻzlari qoʻshilsin;

quyidagi sakkizinchi xatboshi bilan toʻldirilsin:

“Komitent (vositachi) STIRi”;

toʻqqizinchi xatboshisidagi “kodi” soʻzi “belgisi” soʻzi bilan almashtirilsin;

quyidagi oʻn uchinchi va oʻn toʻrtinchi xatboshilar bilan toʻldirilsin:

“oʻlchov birligi;

olib tashlash”;

quyidagi tahrirdagi yigirma uchinchi- yigirma oltinchi xatboshilar bilan toʻldirilsin:

“toʻlov turi (sotuv, qaytarish, boʻnak, boʻlib toʻlash, kredit). Bunda toʻlovning boʻnak, boʻlib toʻlash, kredit turlari boʻyicha shakllantirilgan cheklarda QR-kod va fiskal belgi mavjud boʻlmaydi;

Operatorga yuboriladigan chekdagi tovarlar va xizmatlar kodlari (ular mavjud boʻlgan hollarda) xalqaro “GS1” yoki boshqa global tizimlar, shuningdek vakolatli organ tomonidan shakllantirilgan tovarlar va xizmatlar kodlari asosida yuritiladigan raqamlar bilan bir xil boʻlishi lozim;

“Boʻlib toʻlash” va “Boʻnak” sifatida shakllantirilgan kassa cheklarida QR-kod va fiskal belgi aks ettirilmaydi”;

sakkizinchi — yigirma oltinchi xatboshilari tegishincha toʻqqizinchi — oʻttiz birinchi xatboshilari deb hisoblansin.

9-bandi quyidagi tahrirdagi ikkinchi-uchinchi xatboshilar bilan toʻldirilsin:

“TXKMga toʻlovlar faqat koʻrsatilgan xizmatlar uchun shartnomada nazarda tutilgan shart va miqdorda amalga oshiriladi. Bunda, shartnoma shartlari tadbirkorlik subyekti tomonidan bajarilmaganda ham unga koʻrsatiladigan xizmatlarning toʻxtatib qoʻyilishiga yoʻl qoʻyilmaydi va shartnomaga oid nizoli holatlar sud tartibida hal etiladi.

TXKM tomonidan tadbirkorlik subyektlarining talablari boʻyicha faqat koʻrsatilgan xizmatlar uchun toʻlov undirilishi lozim”;

11-banddagi “virtual kassa nosozligi davrida,” soʻzlaridan keyin “yoʻqotilgan yoki oʻgʻirlangan hollarda” soʻzlari bilan toʻldirilsin;

12-bandi quyidagi tahrirdagi ikkinchi xatboshi bilan toʻldirilsin:

“Fiskal modullar tadbirkorlik subyekti tomonidan TXKMga qaytarish jarayonida TXKM onlayn-NKM va virtual kassadagi chek maʼlumotlarini operatorning maʼlumotlar bazasiga yuborilmay qolgan qismini yuborishi shart”;

31-banddagi “offlayn rejimda shakllangan chekni” soʻzlaridan keyin “48 soat ichida, shuningdek, onlayn rejimiga oʻtgandan keyin” soʻzlari bilan toʻldirilsin;

32-banddagi “hollarda” soʻzidan keyin “shuningdek, faoliyatini vaqtincha toʻxtatganda” soʻzlari qoʻshilsin;

38-bandi quyidagi tahrirdagi ikkinchi xatboshi bilan toʻldirilsin:

“Bunda foydalanuvchi tomonidan qaytarish kassa chek shakllantiriladi”;

quyidagi mazmundagi 38 1 -band bilan toʻldirilsin:

“38 1 . Ilgari amalga oshirilgan hisob-kitoblarga oʻzgartirishlar kiritish zarur boʻlgan hollarda foydalanuvchi tomonidan tuzatuvchi kassa cheki shakllantiriladi.

Tuzatuvchi kassa cheki foydalanuvchi tomonidan ilgari onlayn-NKMdan foydalanmasdan hisob-kitob qilgan hollarda onlayn-NKMdan foydalanish majburiyatini bajarilishini taʼminlash maqsadida yoki onlayn-NKMdan ushbu Nizom talablari buzilgan holda foydalanilganda shakllantiriladi.

Tuzatuvchi kassa cheki tafovut aniqlangan oydan keyingi oyning oʻninchi kundan kechiktirmay shakllantiriladi”.

55-band :

quyidagi mazmundagi uchinchi xatboshi bilan toʻldirilsin:

“Toʻlovlarni belgilangan muddatda toʻlab berilmaslik holatlari tadbirkorlik subyektiga koʻrsatiladigan xizmatlarni toʻxtatib qoʻyishga asos boʻla olmaydi”;

v) qaror quyidagi tahrirdagi 1a-ilova bilan toʻldirilsin:

“Vazirlar Mahkamasining 2019-yil 23-noyabrdagi 943-son qaroriga 1a-ILOVA

Aholi bilan pulli hisob-kitoblarni amalga oshirishda elektron toʻlov tashkiloti va (yoki) elektron tijorat platformalari (Marketpleys) orqali elektron fiskal chek taqdim qilish tartibi toʻgʻrisida NIZOM

1-bob. Umumiy qoidalar

1. Ushbu Nizom aholi bilan Marketpleys orqali amalga oshirilgan pulli hisob kitoblar uchun xaridorlarga elektron fiskal chek taqdim qilish tartibini belgilaydi.

2. Ushbu Nizom talablari quyidagilarga tatbiq etiladi:

Marketpleys orqali aholi bilan pulli hisob-kitoblarni amalga oshirilganda xaridorlarga elektron fiskal chek taqdim qilish;

tadbirkorlik subyektlari tomonidan xaridorlarga joylarda xarid qilingan mahsulot va xizmatlar uchun Marketpleys orqali amalga oshirilgan toʻlovlar uchun onlayn-NKM yoki virtual kassa cheklarini taqdim qilish;

joylarda amalga oshirilgan toʻlovlar toʻgʻrisidagi maʼlumotlarni operatorga yuborish.

3. Mazkur Nizomda quyidagi asosiy tushunchalardan foydalaniladi:

fiskal maʼlumotlar — hisob-kitoblar toʻgʻrisidagi maʼlumotlar, hisob-kitoblarni amalga oshiruvchi tadbirkorlik subyekti toʻgʻrisida maʼlumot, hisob-kitobda foydalaniladigan Marketpleys orqali yaratilgan boshqa maʼlumotlar;

virtual fiskal modul raqami — operator tomonidan ochiq kalit sertifikati koʻrinishida beriladigan maxsus dasturiy taʼminot;

Marketpleys — operator tizimiga bogʻlanish imkoniyatiga ega boʻlgan, operatorga taqdim qilgan chek maʼlumotlari asosida onlayn rejimda fiskal belgilarni qabul qiluvchi, cheklarni elektron shaklda xaridorlarga yuborish funksiyasiga ega boʻlgan texnika vositalaridan, axborot texnologiyalaridan va axborot tizimlari xizmatlaridan foydalangan holda elektron toʻlov hujjatlari vositasida naqd yoki naqd pulsiz hisob-kitoblarni amalga oshirish tizimi;

Marketpleys reyestri — qonunchilik hujjatlarida belgilangan tartibda Davlat reyestriga kiritilgan Marketpleyslar roʻyxati.

Marketpleys foydalanuvchisi — tovarlar (bajarilgan ishlar va koʻrsatilgan xizmatlar) uchun aholi bilan pulli hisob kitoblarni amalga oshirishda fiskal maʼlumotlarni Marketpleys serveri orqali operatorga yuboruvchi tadbirkorlik subyekti.

4. Fiskal chek maʼlumotlarni operatorga yuborilishi Marketpleysning elektron raqamli imzosi bilan tasdiqlash orqali amalga oshiriladi.

5. Operatorga yuboriladigan maʼlumotlarning toʻgʻriligi va ishonchliligi boʻyicha Marketpleys javobgar hisoblanadi.

2-bob. Operatorga elektron fiskal chek maʼlumotlarini yuborish tartibi

6. Marketpleyslar tartib raqam bilan elektron fiskal chek maʼlumotlarini operatorga yuboradi.

7. Operator tomonidan chek maʼlumotlariga fiskal belgi yaratib, QR-kod bilan Marketpleyslarga qaytariladi.

8. Marketpleys orqali xarid cheki elektron shaklda taqdim etilganda, operatordan olingan elektron fiskal chekning havolasini xaridor koʻrsatgan abonent raqamiga yoki elektron pochta manziliga, yoxud xaridorning shaxsiy kabinetiga yuborishini taʼminlaydi.

9. Marketpleys orqali realizatsiya qilingan tovar (xizmat) uchun chek qogʻoz shaklda taqdim etilgan taqdirda, qogʻoz chek ushbu qarorning 1-ilova 7-bandi talablariga mos ravishda shakllanishi lozim.

3-bob. Marketpleys vazifalari va majburiyatlari

10. Marketpleyslar xaridorlarga elektron fiskal chek taqdim qilish uchun operatorning maxsus axborot tizimi bilan integratsiya qiladi.

11. Marketpleyslar:

fiskal chek maʼlumotlarni shakllantirish, yuborish, qabul qilish va saqlash imkoniyatini beradigan axborot tizimiga;

call-markaziga ega boʻlishi lozim.

12. Marketpleyslar oʻzining maʼlumotlar bazasida shakllantirilgan fiskal chek maʼlumotlarni kamida 5 yil davomida saqlanishini va foydalanuvchilarning shaxsiy maʼlumotlari himoya qilinishi ularning konfidensialligini taʼminlashi shart, qonunchilik hujjatlarida belgilangan holatlar bundan mustasno.

4-bob. Marketpleyslarni Davlat reyestriga kiritish

13. Marketpleyslarni Davlat reyestriga kiritilishi uchun vakolatli organga 1-ilovaga muvofiq belgilangan shaklda Marketpleyslar tomonidan ariza bilan murojaat qilinadi.

14. Vakolatli organ tomonidan ariza beruvchiga Marketpleyslarga Davlat reyestriga kiritish toʻgʻrisidagi qaror nusxasi yoki uni rad etish sababi koʻrsatilgan javob xati hujjatlar taqdim etilgan kundan boshlab oʻn besh ish kunida elektron yoki yozma tarzda murojaatchiga taqdim etiladi.

15. Davlat reyestriga kiritish rad etilganda, ariza beruvchi kamchiliklarni bartaraf etib, vakolatli organga takroran murojaat qilishi mumkin.

5-bob. Marketpleyslarni Davlat reyestridan chiqarish

16. Marketpleyslarni quyidagi hollarda Davlat reyestridan chiqariladi:

Marketpleys tugatilganda, bankrot deb eʼtirof etilganda;

uning faoliyatiga nisbatan qonunchilik hujjatlari talablari oʻzgarganda;

vakolatli organga qilgan murojaatiga muvofiq.

17. Qonunchilikda belgilangan talablar bajarilmagan taqdirda vakolatli organ tomonidan Davlat reyestriga kiritilgan Marketpleysni yozma ogohlantirilgan holda operator tarmogʻidan vaqtinchalik yoki butunlay uzishi va Davlat reyestridan chiqarishi mumkin.

18. Marketpleysni Davlat reyestridan chiqarish vakolatli organning qarori asosida amalga oshiriladi.

6-bob. Foydalanuvchilarni roʻyxatdan oʻtkazish

19. Marketpleys orqali aholi bilan pulli hisob kitoblarni amalga oshiruvchi tadbirkorlik subyektlari 2-ilovaga muvofiq Marketpleys bilan oʻzaro shartnoma tuzadi.

20. Marketpleys oʻzaro shartnoma taqdim qilgan tadbirkorlik subyekti maʼlumotlarini operatorning maxsus axborot tizimida qayd etadi.

21. Yuborilgan arizaning maʼlumotlarni notoʻgʻri yoki belgilangan tartibda toʻldirilmagan boʻlsa Davlat soliq xizmati organlari xodimi tomonidan rad qilinadi. Marketpleys kamchiliklarni bartaraf qilib 2-bandga muvofiq qayta ariza yuborishi mumkin.

7-bob. Yakuniy qoidalar

22. Vakolatli organ va operator ushbu Nizom talablariga rioya etilishi yuzasidan qonunchilik hujjatlariga muvofiq nazoratni amalga oshiradilar.

23. Ushbu Nizom talablarini buzgan shaxslar qonunchilik hujjatlarida belgilangan tartibda javob beradilar”;

g) 2-ilovaning 3-bandi :

yettinchi xatboshida “texnik jihatdan imkoniyat boʻlganda” soʻzlari “real vaqt rejimida avtomatlashtirilgan kuzatish tizimi (GPS) bilan jihozlangan boʻlishi” soʻzlari bilan almashtirilsin.

quyidagi tahrirdagi oʻninchi-oʻn uchinchi xatboshilar bilan toʻldirilsin:

“elektron toʻlov tizimlariga majburiy ulanishi;

shtrix-kodlar va raqamli markirovka kodlarini toʻgʻri oʻqishni va aniqlashni taʼminlovchi maxsus qurilmalarga (2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalar) ega boʻlishi;

Mahsulotlar (tovar va xizmatlar) yagona elektron milliy katalogi boʻyicha identifikatsiyalash kodlari toʻgʻrisidagi maʼlumotlarni real vaqt rejimida qurilma xotirasiga yuklash imkoniyati;

bank kartalari orqali toʻlovlarni qabul qilish imkoniyati”;

oʻninchi — oʻn uchinchi xatboshilari tegishincha oʻn toʻrtinchi — oʻn yettinchi xatboshilari deb hisoblansin;

6-band quyidagi tahrirdagi sakkizinchi — oʻninchi xatboshilar bilan toʻldirilsin:

“shtrix-kodlar va raqamli markirovka kodlarini toʻgʻri oʻqishni va aniqlashni taʼminlovchi maxsus qurilmalarga (2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalar) ega boʻlishi;

Mahsulotlar (tovar va xizmatlar) yagona elektron milliy katalogi boʻyicha identifikatsiyalash kodlari toʻgʻrisidagi maʼlumotlarni real vaqt rejimida qurilma xotirasiga yuklash imkoniyati;

bank kartalari orqali toʻlovlarni qabul qilish imkoniyati”;

sakkizinchi — oʻninchi xatboshilari tegishincha toʻqqizinchi — oʻn birinchi xatboshilari deb hisoblansin.

d) 3-ilova :

6-band quyidagi tahrirda bayon etilsin:

“6. TXKM:

tadbirkorlik subyektlarida oʻrnatilgan onlayn-NKM qurilmalari va virtual kassalarni majburiy tartibda bir yilda bir marta texnik va dasturiy koʻrikdan oʻtkazish va oʻrganish natijalarini uch ish kunida maxsus axborot tizimida qayd etadi, shuningdek, soliq toʻlovchining shaxsiy kabinetiga xabarnoma yuborishga;

matritsali shtrixli kodni (QR-kod) skanerlash yoki cheklarning fiskal belgisini kiritish orqali soliq organlarining maxsus mobil ilovasida roʻyxatdan oʻtkazilishi mumkin boʻlgan onlayn-NKM va virtual kassa cheklarining sifatli chop etilishini;

soliq organlariga tegishli soʻrovlar yuborish yoʻli bilan kuniga kamida bir marta mahsulot (tovarlar va xizmatlar)ning elektron milliy katalogi tovarlarning (xizmatlarning) identifikatsiya kodlari reyestrini ularning maʼlumotlar bazalarida yangilab borishini taʼminlashga majbur”.

9-bandi toʻqqizinchi xatboshisidagi “va (yoki) ishonchsiz hujjatlar taqdim etilgan” soʻzlari chiqarib tashlansin;

19-bandi uchinchi xatboshisi “(virtual kassaga texnik xizmat koʻrsatish markazi bundan mustasno)” soʻzlari bilan toʻldirilsin;

Onlayn-NKM va (yoki) virtual kassalarga texnik xizmat koʻrsatish markazlarining davlat reyestrini yuritish hamda ularga qoʻyiladigan alohida talablarga ilovaning 1-bandi “(virtual kassaga texnik xizmat koʻrsatish markazi bundan mustasno)” soʻzlari bilan toʻldirilsin;

25-band quyidagi mazmundagi yettinchi va sakkizinchi xatboshilari bilan toʻldirilsin:

“aholiga matritsali shtrixli kod (QR-kod) yoki fiskal xususiyatni kiritish orqali cheklarning fiskal belgisini skanerlash orqali soliq organlarining maxsus mobil ilovasida roʻyxatdan oʻtkazilmaydigan onlayn-NKM va virtual kassa cheklari berilganda;

mahsulotlar (tovarlar va xizmatlar) elektron milliy katalogining tovarlar (xizmatlar) identifikatsiya kodlari reyestri ularning maʼlumotlar bazalarida yangilanmaganligi yoki xizmat koʻrsatilayotgan mijozlar tomonidan kassa cheklarida notoʻgʻri aks ettirilganligi holatlari aniqlanganda.”

e) 4-ilovada :

8-bandning birinchi xatboshisidagi “va virtual kassa” soʻzlari chiqarib tashlansin;

10-bandning birinchi xatboshisidagi “yoki virtual kassa dasturiy taʼminoti” soʻzlari chiqarib tashlansin;

10-bandning ikkinchi xatboshisidagi “va (yoki) virtual kassa” soʻzlari chiqarib tashlansin;

10-bandning sakkizinchi xatboshisidagi “va (yoki) ishonchsiz hujjatlar taqdim etilgan” soʻzlari chiqarib tashlansin;

11-band uchinchi xatboshisi “(virtual kassa bundan mustasno)” soʻzlari bilan toʻldirilsin;

11-band quyidagi mazmundagi oʻn uchinchi xatboshi bilan toʻldirilsin:

“Bunda “Kiberxavfsizlik markazi” davlat unitar korxonasi tomonidan ekspertiza xulosasi ariza kelib tushgan kundan boshlab 15 ish kunidan kechiktirmasdan taqdim etiladi”;

19-bandi oltinchi xatboshisi quyidagi tahrirda bayon etilsin:

“onlayn-NKM yoki virtual kassa yoxud Marketpleys texnik talablarga muvofiq boʻlmagan holatda qoʻllanilganda va ushbu holatlar vakolatli organ tomonidan ogohlantirilgandan keyin ham bartaraf etilmaganda”;

quyidagi mazmundagi 20 1 -20 2 -bandlari bilan toʻldirilsin:

“20 1 . Mazkur Nizomning 19-bandi ikkinchi — toʻrtinchi va oltinchi xatboshilarida belgilangan asoslardan biri yoki bir nechtasi mavjud boʻlganda, onlayn-NKM yoki virtual kassa yoxud Marketpleys ishlab chiqaruvchi yuridik shaxsga (agar chet el korxonasi boʻlsa uning vakolatli vakiliga) vakolatli organ tomonidan ushbu holatlarni oʻn kun ichida bartaraf etish haqida ogohlantirish xati yuboriladi.

20 2 . Vakolatli organning ogohlantirish xati yuborilgan sanadan boshlab oʻn kun ichida unda koʻrsatilgan holatlar bartaraf etilmaganda, onlayn-NKM yoki virtual kassa yoxud Marketpleysni Davlat reyestridan chiqarish toʻgʻrisida vakolatli organning qarori qabul qilinadi”;

Oʻzbekiston Respublikasi hududida qoʻllanishi ruxsat etilgan onlayn nazorat-kassa mashinalari va virtual kassalarning Davlat reyestrini yuritish tartibi toʻgʻrisidagi nizomga 2-ilovaning 1-bandi “(virtual kassa bundan mustasno)” soʻzlari bilan toʻldirilsin.

27. Vazirlar Mahkamasining “Suv isteʼmolchilari uyushmalari faoliyatini takomillashtirish chora-tadbirlari toʻgʻrisida” 2019-yil 11-dekabrdagi 982-son qarorida :

a) 9-bandning uchinchi xatboshisidagi va 10-bandidagi “boshqa majburiy toʻlovlar” soʻzlari “yigʻimlar” soʻzi bilan almashtirilsin;

b) 2-ilovaning :

nomidagi “boshqa majburiy toʻlovlar” soʻzlari “yigʻimlar” soʻzi bilan almashtirilsin;

jadval shakli oltinchi-oʻninchi ustunlari sarlavhasidagi “boshqa majburiy toʻlovlardan” soʻzlari “yigʻimlardan” soʻzi bilan almashtirilsin.

28. Vazirlar Mahkamasining 2020-yil 8-yanvardagi 8-son qarori bilan tasdiqlangan Respublika hududlarida tadbirkorlikning rivojlanganlik darajasini baholash tartibi toʻgʻrisidagi nizomda :

a) 2-ilovaning 13-bandi beshinchi xatboshisidagi , 17-bandi birinchi va beshinchi xatboshilaridagi “boshqa majburiy toʻlovlar” soʻzlari “yigʻimlar” soʻzi bilan almashtirilsin;

b) 2-ilovaga 1-ilovaning 10-bandi birinchi pozitsiyasi toʻrtinchi grafasidagi “boshqa majburiy toʻlovlar” soʻzlari “yigʻimlar” soʻzi bilan almashtirilsin.

29. Vazirlar Mahkamasining 2020-yil 10-yanvardagi 16-son qarori bilan tasdiqlangan Oʻzbekiston Respublikasi Sogʻliqni saqlash vazirligi tuzilmasidagi tashkilotlarda autsorsing xizmatlari koʻrsatish tartibi toʻgʻrisidagi nizomning 10-bandi toʻrtinchi xatboshisidagi “boshqa majburiy toʻlovlardan” soʻzlari “yigʻimlardan” soʻzi bilan almashtirilsin.

30. Vazirlar Mahkamasining “Respublika hududlarida paxta hosili terimini mexanizatsiyalash darajasini oshirish chora-tadbirlari toʻgʻrisida” 2020-yil 14-yanvardagi 21-son qarorining 8-bandi ikkinchi xatboshisidagi “budjet oldidagi boshqa majburiy toʻlovlar” soʻzlari “yigʻimlar” soʻzi bilan almashtirilsin.

31. Vazirlar Mahkamasining 2020-yil 10-fevraldagi 76-son qarori bilan tasdiqlangan Tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizomning 10-bandi uchinchi xatboshisidagi “boshqa majburiy toʻlovlarni” soʻzlari “yigʻimlarni” soʻzlari bilan almashtirilsin.

32. Vazirlar Mahkamasining 2020-yil 16-martdagi 156-son qarori bilan tasdiqlangan Xususiy amaliyot bilan shugʻullanuvchi notariuslar faoliyatini tashkil etish tartibi toʻgʻrisidagi nizomning 22-bandidagi “boshqa toʻlovlar” soʻzlari “yigʻimlar” soʻzi bilan almashtirilsin.

34. Vazirlar Mahkamasining 2020-yil 9-oktabrdagi 636-son qarori bilan tasdiqlangan Uzoq masofada joylashgan va muhim ahamiyatga ega boʻlgan obyektlarda qurilish-montaj ishlarini amalga oshirishning vaxta usuli toʻgʻrisidagi nizomning 2-bandi birinchi xatboshisi quyidagi tahrirda bayon etilsin:

“2. Vaxta usuli korxonadan uzoq masofada joylashgan sharoitda ishlarni mehnat resurslaridan foydalanish asosida tashkil qilishning shakli hisoblanadi. Vaxta usuli chekka va uzoq hududlardagi ijtimoiy soha va muhim obyektlarda qurilish, taʼmirlash, ishlab chiqarish obyektlarini rekonstruksiya qilish, boshqa sanoat ishlari amalga oshiriladigan, lekin mahalliy mehnat resurslari bilan taʼminlamagan hududlarda qurilish muddatlarini qisqartirish maqsadida qoʻllanadi”.

35. Vazirlar Mahkamasining 2020-yil 20-noyabrdagi 736-son qarori bilan tasdiqlangan Soliq monitoringini oʻtkazish tartibi toʻgʻrisidagi nizomning 1-bandidagi “oʻn” soʻzi “besh” soʻzi bilan almashtirilsin.

36. Vazirlar Mahkamasining 2021-yil 7-yanvardagi 1-son qarori bilan tasdiqlangan Soliq tekshiruvlarini tashkil etish tartibi toʻgʻrisidagi nizomda :

a) 18-bandning beshinchi xatboshisidagi “oʻn kun muddatda” soʻzlari “besh kun ichida” soʻzlari bilan almashtirilsin;

b) 19-bandda quyidagi mazmundagi yigirma beshinchi xatboshi bilan toʻldirilsin:

“jismoniy shaxslarning soliqqa oid huquqbuzarliklar toʻgʻrisida murojaatlari boʻyicha ular toʻgʻrisida qonunchilik hujjatlarida mukofot toʻlash nazarda tutilgan boʻlsa, soliq toʻlovchi tomonidan soliq qonunchiligida belgilangan boshqa majburiyatlarning bajarilishini tekshirmaslik, agar ular sayyor soliq tekshiruvi predmeti hisoblanmasa va soliq organining ushbu tekshirishni tayinlash toʻgʻrisidagi buyrugʻida koʻrsatilmagan boʻlsa”;

yigirma beshinchi — oʻttiz birinchi xatboshilar tegishlicha yigirma oltinchi — oʻttiz ikkinchi xatboshilar deb hisoblansin;

v) II boʻlim nomlanishidagi “kameral soliq tekshiruvini” soʻzlari “soliq tekshiruvlarini” soʻzlari bilan almashtirilsin;

g) 21-band quyidagi mazmundagi ikkinchi xatboshi toʻldirilsin:

“tekshiruvdan oldingi tahlil natijalarida aniqlangan tafovutlar boʻyicha soliq toʻlovchiga soliq organi tomonidan yuborilgan xabarnomaga javoban xabarnoma olingan kundan eʼtiboran oʻn kun muddatda soliq toʻlovchi tomonidan aniqlashtirilgan soliq hisoboti yoxud asoslantirishlar taqdim etilmaganda”;

d) ikkinchi — oltinchi xatboshilar tegishincha uchinchi — yettinchi xatboshilar deb hisoblansin;

e) quyidagi mazmundagi 21 1 — 21 4 -bandlar bilan toʻldirilsin:

“21 1 . Soliq organlari kameral soliq tekshiruvi oʻtkazilishi boshlanguniga qadar tekshiruvdan oldingi tahlilni oʻtkazishi mumkin.

Tekshiruvdan oldingi tahlil taqdim etilgan soliq hisoboti va soliq toʻlovchining faoliyati toʻgʻrisidagi boshqa axborotning soliq organlari tomonidan axborot tizimlaridan foydalangan holda, soliq toʻlovchining ishtirokisiz oʻtkaziladigan avtomatlashtirilgan tahlilini ifoda etadi.

21 2 . Tekshiruvdan oldingi tahlil soliq organi rahbarining (rahbar oʻrinbosarining) buyrugʻisiz va soliq toʻlovchini jalb qilmagan holda amalga oshiriladi.

21 3 . Agar tekshiruvdan oldingi tahlil chogʻida soliq organi tomonidan taqdim etilgan soliq hisobotida soliq organida mavjud boʻlgan maʼlumotlar bilan tafovutlar va (yoki) xatolar aniqlansa, soliq toʻlovchiga soliq toʻlovchining shaxsiy kabineti orqali soliq hisobotiga tegishli tuzatishlar kiritish toʻgʻrisida 3-a-ilovaga muvofiq shaklda xabarnoma yuboriladi.

Soliq toʻlovchi koʻrsatilgan xabarnomani olgan kundan eʼtiboran oʻn kun muddatda aniqlashtirilgan soliq hisobotini yoki aniqlangan tafovutlarning asosnomasini taqdim etishi shart.

21 4 . Tekshiruvdan oldingi tahlil aniqlashtirilgan soliq hisoboti yoki aniqlangan tafovutlar asosnomasi soliq toʻlovchi tomonidan taqdim etilgan yoxud kameral soliq tekshiruvi tayinlagan sanadan eʼtiboran yakunlangan hisoblanadi”;

j) 24-banddagi “oʻn” soʻzi “besh” soʻzi bilan almashtirilsin;

z) 39-banddagi “oʻn kun muddatda” soʻzlari “besh kun ichida” soʻzlari bilan almashtirilsin;

i) 48-bandda :

birinchi xatboshidagi “Soliq kodeksining 223 yoki 224-moddalarida nazarda tutilgan soliqqa oid huquqbuzarliklar bundan mustasno” soʻzlari chiqarib tashlansin;

ikkinchi xatboshi chiqarib tashlansin;

k) 49-band quyidagi tahrirda bayon etilsin:

“49. Soliqqa oid huquqbuzarlik toʻgʻrisidagi dalolatnoma va kameral soliq tekshiruvining boshqa materiallari koʻrib chiqilganidan keyin natijalari boʻyicha besh kun ichida soliq organi rahbari (rahbar oʻrinbosari) qoʻshimcha soliqlar va penya hisoblash yoki ularni rad etishni nazarda tutuvchi qaror qabul qiladi”;

l) 50-banddagi “soliq toʻlovchini javobgarlikka tortish va qoʻshimcha soliqlarni hisoblash” soʻzlari “soliq toʻlovchiga nisbatan qoʻshimcha soliqlarni va penyani hisoblash” soʻzlari bilan almashtirilsin;

m) 51-band oʻz kuchini yoʻqotgan deb hisoblansin;

n) 54-bandning birinchi xatboshisidagi “soliq, penya va moliyaviy jarimalar” hamda ikkinchi xatboshisidagi “soliqlar, penya va moliyaviy jarimalar” soʻzlari tegishincha “soliqlar va penyalar” soʻzlari bilan almashtirilsin;

o) 57-band quyidagi mazmundagi toʻqqizinchi xatboshi bilan toʻldirilsin:

“Koʻrsatilgan soliqqa oid huquqbuzarlik holatlari va ularni sodir etgan jismoniy shaxslarning murojaati soliq organlariga avval kelib tushgan va uning asosida soliq organlari tomonidan sayyor soliq tekshiruvi oʻtkazayotgan yoki sayyor soliq tekshiruvi materiallarini koʻrib chiqish natijalari boʻyicha soliq organining rahbari (rahbar oʻrinbosari) tomonidan tegishli qaror qabul qilinayotgan boʻlsa, soliq organlari qonunchilik hujjatlarida evaziga haq toʻlanishi nazarda tutilgan soliqqa oid huquqbuzarlik holatlari va ularni sodir etgan shaxslar toʻgʻrisida takror kelib tushgan xabarlar asosida sayyor soliq tekshiruvlarini oʻtkazmaslik huquqiga ega”;

p) 83-band quyidagi tahrirda bayon etilsin:

“83. Nazorat xaridini oʻtkazishda naqd pul mablagʻlari va bank plastik kartalaridagi mablagʻlardan ham foydalanish mumkin.

Nazorat xaridini oʻtkazishda foydalanish uchun naqd pul mablagʻlari Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi mablagʻlari hisobidan ajratiladi.

Sayyor soliq tekshiruvini oʻtkazuvchi mansabdor shaxs nazorat xaridini oʻtkazish uchun naqd pul mablagʻlarini tegishli soliq organi kassasidan oladi.

Naqd pul mablagʻlarini sayyor soliq tekshiruvini oʻtkazish uchun mansabdor shaxsga berishda ularning qiymati, banknota seriyasi va raqamlari alohida varaqda qayd etilib, chiqim kassa orderiga ilova qilinadi. Mazkur varaq nusxasi sayyor soliq tekshiruvini oʻtkazuvchi mansabdor shaxsga beriladi.

Oʻzbekiston Respublikasi Davlat soliq qoʻmitasi tijorat banklarida korporativ bank kartalarini ochish va sayyor soliq tekshiruvlarini oʻtkazishda nazorat xaridlarini amalga oshirish uchun ulardan foydalanish huquqiga ega.

Bank kartalaridan foydalangan holda nazorat xaridini amalga oshirish paytida jismoniy shaxsning shaxsiy bank kartasidan yoki Davlat soliq qoʻmitasi tomonidan tijorat banklarida ochilgan korporativ bank kartalaridan foydalaniladi.

Soliq organlari tomonidan korporativ bank kartalaridan foydalangan holda oʻtkaziladigan nazorat xaridlari Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi mablagʻlari hisobidan amalga oshiriladi.

Nazorat xaridlarini amalga oshirish uchun Davlat soliq qoʻmitasi tomonidan tijorat banklarida ochilgan korporativ bank kartalarini saqlash funksiyalarini bajaruvchi vakolatli shaxslar sayyor soliq tekshiruvlarini oʻtkazishni amalga oshiruvchi boʻlinmalarning rahbarlari (rahbar oʻrinbosarlari) hisoblanadi.

Nazorat xaridlarini amalga oshirish uchun olingan mablagʻlarning maqsadli sarflanishi uchun soliq organlarining sayyor soliq tekshiruvlarini oʻtkazadigan boʻlinmalarining rahbarlari (rahbar oʻrinbosarlari) shaxsan javobgardir.

Korporativ bank kartalaridan foydalangan holda nazorat xaridlarini amalga oshirish uchun zarur boʻlgan mablagʻlar miqdori Davlat soliq qoʻmitasi tomonidan belgilanadi.

Nazorat xaridi jarayonida bank kartalaridan foydalanilgan pul mablagʻlarini qaytarib berish vazifasi nazorat xaridi oʻtkazilgan soliq toʻlovchi zimmasiga yuklanadi”;

r) 117-band quyidagi mazmundagi uchinchi — beshinchi xatboshilar bilan toʻldirilsin:

“Sayyor soliq tekshiruvi doirasidagi harakatlar amalga oshirilganligini tasdiqlovchi dalolatnoma va boshqa hujjatlar planshet yoki kompyuter texnikasi yordamida elektron raqamli imzodan (barmoq izi yoki grafik imzo) foydalangan holda elektron shaklda tuzilishi mumkin.

Agar elektron shakldagi soliq tekshiruvi hujjatlarida maxsus QR-kod mavjud boʻlsa, bu hujjatlar qogʻoz shaklidagi hujjatlarga tenglashtiriladi.

Elektron shaklda tuzilgan dalolatnoma tekshirish kunidan kechiktirmay soliq toʻlovchining shaxsiy kabineti orqali soliq toʻlovchiga yuboriladi. Agar soliq toʻlovchining shaxsiy kabinetining holati faol boʻlmagan taqdirda, dalolatnoma qogʻoz koʻrinishida pochta orqali yuboriladi”.

s) 177-bandda “soliq organi rahbari” soʻzlaridan keyin “(rahbar oʻrinbosari)” soʻzlari qoʻshilsin.

t) quyidagi mazmundagi 3-a-ilova bilan toʻldirilsin:

“Soliq tekshiruvlarini tashkil etish va oʻtkazish tartibi toʻgʻrisidagi nizomga 3-a-ILOVA

‎ ‎ ‎ ‎ ‎‎ ‎‎____________________________________ ga ‎soliq toʻlovchining nomi ‎STIR ________________________________ ‎ soliq toʻlovchining identifikatsiya raqami ______________________________________ ‎ joylashgan manzili (pochta manzili) ‎ ‎ ‎ ‎ ‎ ‎ ‎ ‎‎‎SOLIQ HISOBOTIGA TUZATISHLAR KIRITISH HAQIDA XABARNOMA ‎ ‎ ‎‎Oʻzbekiston Respublikasi Soliq kodeksining 21-moddasiga muvofiq soliq toʻlovchi soliq solish obyektlarini hisobga olishda, soliqlarni hisoblab chiqarish va toʻlashda oʻzi yoʻl qoʻygan xatolarni mustaqil ravishda tuzatish huquqiga ega. ‎Soliq kodeksining 138-moddasiga asosan oʻtkazilgan tekshiruvdan oldingi tahlilda soliq hisobotlaringizda jami ____________ soʻm tafovut va (yoki) xatolar mavjudligi aniqlandi. Jumladan: ‎ T/r‎ Mezon raqami‎ Tafovut va xatoning kelib ‎chiqish sababi‎ Soliq ‎ turi kodi‎ Soliq ‎turi‎ Soliq ‎ davri‎ Tafovut ‎summasi ‎ (soʻmda) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ushbu xabarnoma olingan kundan eʼtiboran 10 kun muddatda aniqlashtirilgan soliq hisobotlarini yoki tafovutlarning asosnomasini soliq organiga taqdim etishingiz shart. ‎Tafovutlarni asoslovchi hujjatlar yoxud aniqlashtirilgan soliq hisobotini belgilangan muddatda taqdim etmaslik, soliq organi tomonidan soliq toʻlovchida kameral soliq tekshiruvining oʻtkazilishiga asos boʻladi. ‎ ‎Mazkur xabarnoma Davlat soliq qoʻmitasining markaziy maʼlumotlar bazasi axborotlari asosida avtomatik shakllantirilgan.”

37. Vazirlar Mahkamasining 2021-yil 10-maydagi 294-son qarori bilan tasdiqlangan Yosh tadbirkorlarni qoʻllab-quvvatlash jamgʻarmasi toʻgʻrisidagi nizomning 1-ilovasi 4-bandi quyidagi tahrirda bayon etilsin:

“ 4. Soliq qarzi (Mavjud emas yoki __ mln. soʻm miqdorida soliq qarzdorlik mavjudligi koʻrsatiladi) ” .

Oʻzbekiston Respublikasining Bosh vaziri A. ARIPOV

Toshkent sh.,

2022-yil 12-may,

255-son

(Qonunchilik maʼlumotlari milliy bazasi, 13.05.2022-y., 09/22/255/0412-son, 22.08.2022-y., 09/22/471/0767-son; 10.02.2023-y., 06/23/21/0085-son; 22.11.2023-y., 09/23/612/0874-son; 15.12.2023-y., 09/23/661/0937-son; 10.01.2024-y., 07/24/13/0013-son; 10.01.2025-y., 09/25/1/0020-son; 18.06.2025-y., 09/25/369/0513-son; 01.07.2025-y., 09/25/400/0556-son; 26.01.2026-y., 09/26/26/0076-son; 17.07.2026-y., 09/26/389/0748-son; 15.10.2026-y., 09/26/563/1041-son)

lex.uz