📅 2022-yil 17-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 17 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 17 мая 2022 г. · Указы Президента
Официальный текст. Официальный документ. Редакционные примечания не включены.
📅 17 May 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тиббиёт муассасалари ходимларини моддий қўллаб-қувватлаш ҳамда рағбатлантиришни кучайтириш чора-тадбирлари тўғрисида
Давлат тиббиёт муассасалари ходимлари фаолияти самарадорлигини ошириш, юқори самарали меҳнатга интилиши учун муносиб шарт-шароитлар яратиш, уларнинг ўз касбий даражасини ошириб боришдан манфаатдорлигини таъминлаш, шунингдек, 2022 йил 18 март куни ўтказилган Ўзбекистон Республикаси Президентининг соғлиқни сақлаш соҳаси вакиллари билан «Тиббиётдаги ислоҳотлар — инсон қадри учун» мавзусидаги очиқ мулоқоти доирасида белгиланган вазифалар ижросини таъминлаш мақсадида:
1. Белгилансинки, 2022 йил 1 июндан бошлаб давлат тиббиёт муассасалари тиббиёт, фармацевтика ва бошқа ходимларининг ойлик лавозим маошлари:
олий ва биринчи малака тоифаларига эга бўлган тиббиёт ва фармацевтика ходимлари учун — 15 фоизга;
иккинчи малака тоифасига эга бўлган ва тоифага эга бўлмаган, шунингдек, бошқа тиббиёт ва фармацевтика ходимлари учун — 10 фоизга;
тиббиёт муассасаларининг бошқа ходимлари учун — 15 фоизга оширилади.
Бунда, тиббиёт муассасаси ходимларининг тариф ставкаларини ҳисоблаш амалдаги меҳнатга ҳақ тўлаш разрядлари бўйича тариф коэффициентларини тегишинча 1,15 ва 1,1 баробарга кўпайтириш орқали амалга оширилади.
Мазкур бандда белгиланган қоидалар 2024 йил 1 январдан бошлаб:
Ички ишлар вазирлиги тизимидаги тиббиёт ва фармацевтика ходимларига (махсус ва ҳарбий унвонга эга бўлган ходим ҳамда ҳарбий хизматчилардан ташқари);
Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги санаторийлар ва Ногиронлиги бўлган шахсларни реабилитация қилиш ва протезлаш миллий маркази ҳамда унинг ҳудудий марказлари, шунингдек, тиббий-ижтимоий эксперт комиссияларининг ходимларига нисбатан ҳам татбиқ этилади.
2. 2022 йил 1 июндан бошлаб Тиббиёт муассасаларининг моддий рағбатлантириш ва ривожлантириш жамғармасини (кейинги ўринларда — Жамғарма) шакллантириш учун Давлат бюджетидан ажратиладиган маблағлар миқдори тиббиёт муассасаси учун ажратиладиган бюджет маблағларининг умумий ҳажмига нисбатан қуйидаги миқдорларда белгилансин:
бирламчи тиббий-санитария ёрдами муассасалари, туман (шаҳар) тиббиёт бирлашмалари, шошилинч ва тез тиббий ёрдам хизмати, болалар тиббиёт муассасалари, Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси ҳамда ижтимоий касалликларга (сил, буйрак етишмовчилиги, онкологик, руҳий, наркологик, эндокрин, мохов (лепра), юқумли, жинсий йўл билан юқтириладиган, ОИТС) ихтисослашган тиббиёт муассасаларида — умумий харажатларнинг 10 фоизи;
республика ва вилоят даражасидаги бошқа соғлиқни сақлаш муассасаларида — умумий харажатларнинг 5 фоизи.
Белгилаб қўйилсинки, Жамғарма маблағларининг 75 фоизи гуруҳидан қатъи назар барча давлат тиббиёт муассасалари ходимларини моддий рағбатлантиришга, 25 фоизи — тиббиёт муассасасининг моддий-техника базасини мустаҳкамлаш, модернизация қилиш ҳамда таъмирлашга йўналтирилади.
Бунда:
ходимларни моддий рағбатлантиришга ажратилган маблағлар ҳисобидан давлат тиббиёт муассасасининг юқори малакали, алоҳида натижага эришган, ҳалол ва виждонан ишлаётган тиббиёт ҳамда фармацевтика ходимларига ойлик лавозим маошининг 100 фоизигача ҳамда бошқа ходимларга 75 фоизигача ойлик устамалар;
янги иш бошлаган салоҳиятли ёш шифокорларга 1 миллион сўмгача махсус ойлик устамалар;
оилавий шифокор пунктлари, оилавий поликлиникалар ва кўп тармоқли марказий поликлиникаларда кундузги стационар иш вақтини соат 20:00 гача узайтириш ҳисобига иккинчи сменада ишловчи шифокор ҳамда ҳамшираларга лавозим маошининг 30 фоизигача ойлик қўшимча устамалар тўлаб берилади.
Соғлиқни сақлаш вазирлиги Бандлик ва меҳнат муносабатлари вазирлиги ҳамда Молия вазирлиги билан биргаликда бир ой муддатда Жамғарма маблағлари ҳисобидан тиббиёт муассасалари ходимларини моддий рағбатлантириш тартибини тасдиқласин.
3. Тиббиёт муассасаларида Соғлиқни сақлаш вазирлиги томонидан белгиланадиган рўйхатга мувофиқ юқори технологик мураккаб операцияларни бажарган шифокор-хирурглар лавозим маошининг 25 фоизи миқдорида қўшимча устама жорий этилсин.
Соғлиқни сақлаш вазирлиги Молия вазирлиги билан келишилган ҳолда икки ҳафта муддатда юқори технологик мураккаб операциялар рўйхатини тасдиқласин.
4. Шундай тартиб ўрнатилсинки, унга мувофиқ:
а) 2022 йил 1 сентябрдан бошлаб даволаш-профилактика муассасаларининг ходимларига уларнинг тиббиёт соҳасидаги илмни ривожлантиришга қўшаётган ҳиссасини инобатга олган ҳолда, Давлат бюджети маблағлари ҳисобидан фан доктори (Doctor of Science) илмий даражаси учун лавозим маошининг 60 фоизигача ва фан номзоди ёки фалсафа доктори (PhD) илмий даражаси учун лавозим маошининг 30 фоизигача миқдорда ҳар ойлик қўшимча ҳақ тўланади.
Соғлиқни сақлаш вазирлиги Инновацион ривожланиш вазирлиги, Фанлар академияси ва Молия вазирлиги билан биргаликда бир ой муддатда даволаш-профилактика муассасаларининг илмий даражага эга бўлган ходимларига қўшимча ҳақ тўлаш тартиби тўғрисидаги Вазирлар Маҳкамасининг қарори лойиҳасини киритсин;
б) барча тиббиёт ходимлари Давлат бюджети маблағлари ҳисобидан дастлабки ва даврий тиббий кўрикдан бепул ўтказилади.
Соғлиқни сақлаш вазирлиги Молия вазирлиги билан биргаликда тиббиёт ходимларини тиббий кўрикдан ўтказиш билан боғлиқ харажатлар учун зарур маблағларни доимий равишда тиббиёт муассасаларининг харажатлар сметасида кўзда тутилишини таъминласин.
5. Белгилаб қўйилсинки, 2022 йил 1 июлдан бошлаб вилоятлар ҳамда Тошкент шаҳридан, шунингдек, хорижий давлатлардан Қорақалпоғистон Республикасининг Тахтакўпир, Чимбой, Қораўзак, Бўзатов, Шуманай, Қўнғирот туманларига бориб ишловчи шифокорларнинг ойлик лавозим маошига дастлабки уч йил давомида 100 фоиз, Мўйноқ туманида эса 200 фоиз миқдорида қўшимча ҳар ойлик устама тўловлари Давлат бюджети маблағлари ҳисобидан тўланади.
Бунда, мазкур бандда кўрсатилган устамани олиш учун шифокор бошқа ҳудудда камида икки йил ишлаган ҳамда камида иккинчи даражали малака тоифасига эга бўлган бўлиши лозим.
6. Маданият вазирлиги, Кинематография агентлиги, Соғлиқни сақлаш вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда бюджет ва бюджетдан ташқари маблағлар ҳисобидан:
тиббиёт ходимларининг машаққатли ва шарафли фаолияти тасвирланган бадиий, саҳна ва кино асарларини ҳамда сериалларни кўпайтирсин;
тиббиёт ходимларини йилда бир марта театр ва концерт томошаларига бепул олиб бориш тизимини ташкил этсин.
7. Соғлиқни сақлаш вазирлиги Молия вазирлиги ҳамда Бандлик ва меҳнат муносабатлари вазирлиги билан биргаликда 2022 йил 1 июлга қадар тиббиёт муассасаларининг бошқа (бошқарув, техник ва хизмат кўрсатувчи) ходимларининг меҳнатига ҳақ тўлаш тариф разрядларини уларнинг иш стажи ва малака тоифасини инобатга олган ҳолда тасдиқласин.
8. Ўзбекистон Республикаси Президентининг 2021 йил 5 майдаги «Соғлиқни сақлаш тизимида олиб борилаётган ислоҳотларни изчил давом эттириш ва тиббиёт ходимларининг салоҳиятини ошириш учун зарур шарт-шароитлар яратиш тўғрисида»ги ПФ-6221-сон Фармонида марказий туман (шаҳар) шифохоналари ўрин фондининг бюджетдан ташқари ўрин фондига ўтказилиши белгиланган қисми учун Давлат бюджетидан молиялаштириш тартибини сақлаб қолиш ҳисобига эҳтиёждан келиб чиқиб (бундан шошилинч, болалар, юқумли касалликлар, туғуруқ ҳамда гемодиализ ўринлари мустасно), тор ихтисосликдаги неврология, кардиология ҳамда эндокринология ўринлари ташкил этилсин.
9. Молия вазирлиги Соғлиқни сақлаш вазирлиги билан биргаликда мазкур Фармон билан белгиланган тадбирларни амалга ошириш билан боғлиқ харажатларни молиялаштириш учун:
икки ой муддатда «2022 йил учун Ўзбекистон Республикасининг Давлат бюджети тўғрисида»ги Қонунга ўзгартириш ва қўшимчалар киритиш бўйича Вазирлар Маҳкамасига таклиф киритсин;
2023 йилдан бошлаб Давлат бюджети параметрларини шакллантиришда зарур маблағлар кўзда тутилишини таъминласин.
10. Ўзбекистон Республикаси Президентининг ҳамда Ўзбекистон Республикаси Ҳукуматининг айрим ҳужжатларига иловага мувофиқ ўзгартиришлар ва қўшимча киритилсин.
11. Соғлиқни сақлаш вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур Фармоннинг ижросини назорат қилиш, ижро учун масъул ташкилотлар фаолиятини мувофиқлаштириш Ўзбекистон Республикасининг Бош вазири А.Н. Арипов ва Ўзбекистон Республикаси Президенти маслаҳатчисининг биринчи ўринбосари Л.Н. Тўйчиев зиммасига юклансин.
Ўзбекистон Республикаси Президентининг 2022 йил 17 майдаги ПФ-136-сон Фармонига ИЛОВА
Ўзбекистон Республикаси Президентининг ҳамда Ўзбекистон Республикаси Ҳукуматининг айрим ҳужжатларига киритилаётган ўзгартиришлар ва қўшимча
1. Ўзбекистон Республикаси Президентининг 2021 йил 5 майдаги «Соғлиқни сақлаш тизимида олиб борилаётган ислоҳотларни изчил давом эттириш ва тиббиёт ходимларининг салоҳиятини ошириш учун зарур шарт-шароитлар яратиш тўғрисида»ги ПФ-6221-сон Фармонининг 3-банди ўз кучини йўқотган деб ҳисоблансин.
2. Ўзбекистон Республикаси Президентининг 2005 йил 1 декабрдаги «Тиббиёт ходимлари меҳнатига ҳақ тўлаш тизимини такомиллаштириш тўғрисида»ги ПҚ-229-сон қарорининг 3-бандида :
а) иккинчи хатбоши қуйидаги мазмундаги иккинчи ва учинчи хатбошилар билан алмаштирилсин:
«бирламчи тиббий-санитария ёрдами муассасалари, туман (шаҳар) тиббиёт бирлашмалари, шошилинч ва тез тиббий ёрдам хизмати, болалар тиббиёт муассасалари, Санитария-эпидемиологик осойишталик ва жамоат саломатлиги хизмати ҳамда ижтимоий касалликларга (сил, буйрак етишмовчилиги, онкология, руҳий, наркология, эндокрин, мохов (лепра), юқумли, жинсий йўл билан юқтириладиган, ОИТС) ихтисослашган тиббиёт муассасаларида — умумий харажатларнинг 10 фоизи;
республика ва вилоят даражасидаги бошқа соғлиқни сақлаш муассасаларида — умумий харажатларнинг 5 фоизи»;
б) учинчи — еттинчи хатбошилар тегишинча тўртинчи — саккизинчи хатбошилар деб ҳисоблансин.
3. Ўзбекистон Республикаси Президентининг 2021 йил 28 июлдаги «Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш чора-тадбирлари тўғрисида»ги ПҚ-5199-сон қарорининг 4-бандида :
а) қуйидаги мазмундаги иккинчи хатбоши билан тўлдирилсин:
«Бунда, ихтисослаштирилган муассасалар билан тузиладиган шартноманинг намунавий шакли, олдиндан тўлов миқдорлари Давлат тиббий суғуртаси жамғармасининг Кузатув кенгаши томонидан тасдиқланади»;
б) иккинчи ва учинчи хатбошилар тегишинча учинчи ва тўртинчи хатбошилар деб ҳисоблансин.
4. Вазирлар Маҳкамасининг 2005 йил 21 декабрдаги «Тиббиёт ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида»ги 276-сон қарори 3-иловасининг матни қуйидаги таҳрирда баён этилсин:
«Тиббиёт муассасасининг моддий рағбатлантириш ва ривожлантириш жамғармасини шакллантириш ва унинг маблағларини сарфлаш йўналишлари
Тиббиёт муассасалари гуруҳлари Жамғармани шакллантириш манбалари Жамғарма маблағларини сарфлаш йўналишлари моддий рағбатлантиришга моддий-техника базасини мустаҳкамлаш, модернизация қилиш ва таъмирлашга муассасаларнинг I гуруҳи тиббиёт муассасасига ажратиладиган бюджет маблағлари умумий ҳажмининг 5 фоизи (алоҳида муассасаларда 10 фоиз) миқдорида бюджетдан ажратила-диган маблағлар фаолият ихтисослиги бўйича товарларни (ишларни, хизматларни) реализация қилишдан олинган даромадлар ҳисобот чорагининг сўнгги иш куни охирида харажатлар сметаси бўйича тежалган маблағлар, капитал қўйилмалар учун назарда тутилган маблағлар бундан мустасно белгиланган тартибда бюджет ташкилотлари тасарруфида қолдириладиган маблағлар ва ҳомийликдан олинган маблағлар 75 фоиз 25 фоиз муассасаларнинг II гуруҳи муассасаларнинг III гуруҳи муассасаларнинг IV гуруҳи
».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 17 май,
ПФ-136-сон
Oʻzbekiston Respublikasi Prezidentining
Farmoni
Tibbiyot muassasalari xodimlarini moddiy qoʻllab-quvvatlash hamda ragʻbatlantirishni kuchaytirish chora-tadbirlari toʻgʻrisida
Davlat tibbiyot muassasalari xodimlari faoliyati samaradorligini oshirish, yuqori samarali mehnatga intilishi uchun munosib shart-sharoitlar yaratish, ularning oʻz kasbiy darajasini oshirib borishdan manfaatdorligini taʼminlash, shuningdek, 2022-yil 18-mart kuni oʻtkazilgan Oʻzbekiston Respublikasi Prezidentining sogʻliqni saqlash sohasi vakillari bilan “Tibbiyotdagi islohotlar — inson qadri uchun” mavzusidagi ochiq muloqoti doirasida belgilangan vazifalar ijrosini taʼminlash maqsadida:
1. Belgilansinki, 2022-yil 1-iyundan boshlab davlat tibbiyot muassasalari tibbiyot, farmatsevtika va boshqa xodimlarining oylik lavozim maoshlari:
oliy va birinchi malaka toifalariga ega boʻlgan tibbiyot va farmatsevtika xodimlari uchun — 15 foizga;
ikkinchi malaka toifasiga ega boʻlgan va toifaga ega boʻlmagan, shuningdek, boshqa tibbiyot va farmatsevtika xodimlari uchun — 10 foizga;
tibbiyot muassasalarining boshqa xodimlari uchun — 15 foizga oshiriladi.
Bunda, tibbiyot muassasasi xodimlarining tarif stavkalarini hisoblash amaldagi mehnatga haq toʻlash razryadlari boʻyicha tarif koeffitsiyentlarini tegishincha 1,15 va 1,1 barobarga koʻpaytirish orqali amalga oshiriladi.
Mazkur bandda belgilangan qoidalar 2024-yil 1-yanvardan boshlab:
Ichki ishlar vazirligi tizimidagi tibbiyot va farmatsevtika xodimlariga (maxsus va harbiy unvonga ega boʻlgan xodim hamda harbiy xizmatchilardan tashqari);
Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi sanatoriylar va Nogironligi boʻlgan shaxslarni reabilitatsiya qilish va protezlash milliy markazi hamda uning hududiy markazlari, shuningdek, tibbiy-ijtimoiy ekspert komissiyalarining xodimlariga nisbatan ham tatbiq etiladi.
2. 2022-yil 1-iyundan boshlab Tibbiyot muassasalarining moddiy ragʻbatlantirish va rivojlantirish jamgʻarmasini (keyingi oʻrinlarda — Jamgʻarma) shakllantirish uchun Davlat budjetidan ajratiladigan mablagʻlar miqdori tibbiyot muassasasi uchun ajratiladigan budjet mablagʻlarining umumiy hajmiga nisbatan quyidagi miqdorlarda belgilansin:
birlamchi tibbiy-sanitariya yordami muassasalari, tuman (shahar) tibbiyot birlashmalari, shoshilinch va tez tibbiy yordam xizmati, bolalar tibbiyot muassasalari, Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi hamda ijtimoiy kasalliklarga (sil, buyrak yetishmovchiligi, onkologik, ruhiy, narkologik, endokrin, moxov (lepra), yuqumli, jinsiy yoʻl bilan yuqtiriladigan, OITS) ixtisoslashgan tibbiyot muassasalarida — umumiy xarajatlarning 10 foizi;
respublika va viloyat darajasidagi boshqa sogʻliqni saqlash muassasalarida — umumiy xarajatlarning 5 foizi.
Belgilab qoʻyilsinki, Jamgʻarma mablagʻlarining 75 foizi guruhidan qatʼi nazar barcha davlat tibbiyot muassasalari xodimlarini moddiy ragʻbatlantirishga, 25 foizi — tibbiyot muassasasining moddiy-texnika bazasini mustahkamlash, modernizatsiya qilish hamda taʼmirlashga yoʻnaltiriladi.
Bunda:
xodimlarni moddiy ragʻbatlantirishga ajratilgan mablagʻlar hisobidan davlat tibbiyot muassasasining yuqori malakali, alohida natijaga erishgan, halol va vijdonan ishlayotgan tibbiyot hamda farmatsevtika xodimlariga oylik lavozim maoshining 100 foizigacha hamda boshqa xodimlarga 75 foizigacha oylik ustamalar;
yangi ish boshlagan salohiyatli yosh shifokorlarga 1 million soʻmgacha maxsus oylik ustamalar;
oilaviy shifokor punktlari, oilaviy poliklinikalar va koʻp tarmoqli markaziy poliklinikalarda kunduzgi statsionar ish vaqtini soat 20:00 gacha uzaytirish hisobiga ikkinchi smenada ishlovchi shifokor hamda hamshiralarga lavozim maoshining 30 foizigacha oylik qoʻshimcha ustamalar toʻlab beriladi.
Sogʻliqni saqlash vazirligi Bandlik va mehnat munosabatlari vazirligi hamda Moliya vazirligi bilan birgalikda bir oy muddatda Jamgʻarma mablagʻlari hisobidan tibbiyot muassasalari xodimlarini moddiy ragʻbatlantirish tartibini tasdiqlasin.
3. Tibbiyot muassasalarida Sogʻliqni saqlash vazirligi tomonidan belgilanadigan roʻyxatga muvofiq yuqori texnologik murakkab operatsiyalarni bajargan shifokor-xirurglar lavozim maoshining 25 foizi miqdorida qoʻshimcha ustama joriy etilsin.
Sogʻliqni saqlash vazirligi Moliya vazirligi bilan kelishilgan holda ikki hafta muddatda yuqori texnologik murakkab operatsiyalar roʻyxatini tasdiqlasin.
4. Shunday tartib oʻrnatilsinki, unga muvofiq:
a) 2022-yil 1-sentabrdan boshlab davolash-profilaktika muassasalarining xodimlariga ularning tibbiyot sohasidagi ilmni rivojlantirishga qoʻshayotgan hissasini inobatga olgan holda, Davlat budjeti mablagʻlari hisobidan fan doktori (Doctor of Science) ilmiy darajasi uchun lavozim maoshining 60 foizigacha va fan nomzodi yoki falsafa doktori (PhD) ilmiy darajasi uchun lavozim maoshining 30 foizigacha miqdorda har oylik qoʻshimcha haq toʻlanadi.
Sogʻliqni saqlash vazirligi Innovatsion rivojlanish vazirligi, Fanlar akademiyasi va Moliya vazirligi bilan birgalikda bir oy muddatda davolash-profilaktika muassasalarining ilmiy darajaga ega boʻlgan xodimlariga qoʻshimcha haq toʻlash tartibi toʻgʻrisidagi Vazirlar Mahkamasining qarori loyihasini kiritsin;
b) barcha tibbiyot xodimlari Davlat budjeti mablagʻlari hisobidan dastlabki va davriy tibbiy koʻrikdan bepul oʻtkaziladi.
Sogʻliqni saqlash vazirligi Moliya vazirligi bilan birgalikda tibbiyot xodimlarini tibbiy koʻrikdan oʻtkazish bilan bogʻliq xarajatlar uchun zarur mablagʻlarni doimiy ravishda tibbiyot muassasalarining xarajatlar smetasida koʻzda tutilishini taʼminlasin.
5. Belgilab qoʻyilsinki, 2022-yil 1-iyuldan boshlab viloyatlar hamda Toshkent shahridan, shuningdek, xorijiy davlatlardan Qoraqalpogʻiston Respublikasining Taxtakoʻpir, Chimboy, Qoraoʻzak, Boʻzatov, Shumanay, Qoʻngʻirot tumanlariga borib ishlovchi shifokorlarning oylik lavozim maoshiga dastlabki uch yil davomida 100 foiz, Moʻynoq tumanida esa 200 foiz miqdorida qoʻshimcha har oylik ustama toʻlovlari Davlat budjeti mablagʻlari hisobidan toʻlanadi.
Bunda, mazkur bandda koʻrsatilgan ustamani olish uchun shifokor boshqa hududda kamida ikki yil ishlagan hamda kamida ikkinchi darajali malaka toifasiga ega boʻlgan boʻlishi lozim.
6. Madaniyat vazirligi, Kinematografiya agentligi, Sogʻliqni saqlash vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda budjet va budjetdan tashqari mablagʻlar hisobidan:
tibbiyot xodimlarining mashaqqatli va sharafli faoliyati tasvirlangan badiiy, sahna va kino asarlarini hamda seriallarni koʻpaytirsin;
tibbiyot xodimlarini yilda bir marta teatr va konsert tomoshalariga bepul olib borish tizimini tashkil etsin.
7. Sogʻliqni saqlash vazirligi Moliya vazirligi hamda Bandlik va mehnat munosabatlari vazirligi bilan birgalikda 2022-yil 1-iyulga qadar tibbiyot muassasalarining boshqa (boshqaruv, texnik va xizmat koʻrsatuvchi) xodimlarining mehnatiga haq toʻlash tarif razryadlarini ularning ish staji va malaka toifasini inobatga olgan holda tasdiqlasin.
8. Oʻzbekiston Respublikasi Prezidentining 2021-yil 5-maydagi “Sogʻliqni saqlash tizimida olib borilayotgan islohotlarni izchil davom ettirish va tibbiyot xodimlarining salohiyatini oshirish uchun zarur shart-sharoitlar yaratish toʻgʻrisida”gi PF-6221-son Farmonida markaziy tuman (shahar) shifoxonalari oʻrin fondining budjetdan tashqari oʻrin fondiga oʻtkazilishi belgilangan qismi uchun Davlat budjetidan moliyalashtirish tartibini saqlab qolish hisobiga ehtiyojdan kelib chiqib (bundan shoshilinch, bolalar, yuqumli kasalliklar, tugʻuruq hamda gemodializ oʻrinlari mustasno), tor ixtisoslikdagi nevrologiya, kardiologiya hamda endokrinologiya oʻrinlari tashkil etilsin.
9. Moliya vazirligi Sogʻliqni saqlash vazirligi bilan birgalikda mazkur Farmon bilan belgilangan tadbirlarni amalga oshirish bilan bogʻliq xarajatlarni moliyalashtirish uchun:
ikki oy muddatda “2022-yil uchun Oʻzbekiston Respublikasining Davlat budjeti toʻgʻrisida”gi Qonunga oʻzgartirish va qoʻshimchalar kiritish boʻyicha Vazirlar Mahkamasiga taklif kiritsin;
2023-yildan boshlab Davlat budjeti parametrlarini shakllantirishda zarur mablagʻlar koʻzda tutilishini taʼminlasin.
10. Oʻzbekiston Respublikasi Prezidentining hamda Oʻzbekiston Respublikasi Hukumatining ayrim hujjatlariga ilovaga muvofiq oʻzgartirishlar va qoʻshimcha kiritilsin.
11. Sogʻliqni saqlash vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur Farmonning ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisining birinchi oʻrinbosari L.N. Toʻychiyev zimmasiga yuklansin.
Oʻzbekiston Respublikasi Prezidentining 2022-yil 17-maydagi PF-136-son Farmoniga ILOVA
Oʻzbekiston Respublikasi Prezidentining hamda Oʻzbekiston Respublikasi Hukumatining ayrim hujjatlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2021-yil 5-maydagi “Sogʻliqni saqlash tizimida olib borilayotgan islohotlarni izchil davom ettirish va tibbiyot xodimlarining salohiyatini oshirish uchun zarur shart-sharoitlar yaratish toʻgʻrisida”gi PF-6221-son Farmonining 3-bandi oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2005-yil 1-dekabrdagi “Tibbiyot xodimlari mehnatiga haq toʻlash tizimini takomillashtirish toʻgʻrisida”gi PQ-229-son qarorining 3-bandida :
a) ikkinchi xatboshi quyidagi mazmundagi ikkinchi va uchinchi xatboshilar bilan almashtirilsin:
“birlamchi tibbiy-sanitariya yordami muassasalari, tuman (shahar) tibbiyot birlashmalari, shoshilinch va tez tibbiy yordam xizmati, bolalar tibbiyot muassasalari, Sanitariya-epidemiologik osoyishtalik va jamoat salomatligi xizmati hamda ijtimoiy kasalliklarga (sil, buyrak yetishmovchiligi, onkologiya, ruhiy, narkologiya, endokrin, moxov (lepra), yuqumli, jinsiy yoʻl bilan yuqtiriladigan, OITS) ixtisoslashgan tibbiyot muassasalarida — umumiy xarajatlarning 10 foizi;
respublika va viloyat darajasidagi boshqa sogʻliqni saqlash muassasalarida — umumiy xarajatlarning 5 foizi”;
b) uchinchi — yettinchi xatboshilar tegishincha toʻrtinchi — sakkizinchi xatboshilar deb hisoblansin.
3. Oʻzbekiston Respublikasi Prezidentining 2021-yil 28-iyuldagi “Sogʻliqni saqlash sohasida ixtisoslashtirilgan tibbiy yordam koʻrsatish tizimini yanada takomillashtirish chora-tadbirlari toʻgʻrisida”gi PQ-5199-son qarorining 4-bandida :
a) quyidagi mazmundagi ikkinchi xatboshi bilan toʻldirilsin:
“Bunda, ixtisoslashtirilgan muassasalar bilan tuziladigan shartnomaning namunaviy shakli, oldindan toʻlov miqdorlari Davlat tibbiy sugʻurtasi jamgʻarmasining Kuzatuv kengashi tomonidan tasdiqlanadi”;
b) ikkinchi va uchinchi xatboshilar tegishincha uchinchi va toʻrtinchi xatboshilar deb hisoblansin.
4. Vazirlar Mahkamasining 2005-yil 21-dekabrdagi “Tibbiyot xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi 276-son qarori 3-ilovasining matni quyidagi tahrirda bayon etilsin:
“Tibbiyot muassasasining moddiy ragʻbatlantirish va rivojlantirish jamgʻarmasini shakllantirish va uning mablagʻlarini sarflash yoʻnalishlari
Tibbiyot muassasalari guruhlari Jamgʻarmani shakllantirish manbalari Jamgʻarma mablagʻlarini sarflash yoʻnalishlari moddiy ragʻbatlantirishga moddiy-texnika bazasini mustahkamlash, modernizatsiya qilish va taʼmirlashga muassasalarning I guruhi tibbiyot muassasasiga ajratiladigan budjet mablagʻlari umumiy hajmining 5 foizi (alohida muassasalarda 10 foiz) miqdorida budjetdan ajratila-digan mablagʻlar faoliyat ixtisosligi boʻyicha tovarlarni (ishlarni, xizmatlarni) realizatsiya qilishdan olingan daromadlar hisobot choragining soʻnggi ish kuni oxirida xarajatlar smetasi boʻyicha tejalgan mablagʻlar, kapital qoʻyilmalar uchun nazarda tutilgan mablagʻlar bundan mustasno belgilangan tartibda budjet tashkilotlari tasarrufida qoldiriladigan mablagʻlar va homiylikdan olingan mablagʻlar 75 foiz 25 foiz muassasalarning II guruhi muassasalarning III guruhi muassasalarning IV guruhi
”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 17-may,
PF-136-son
Президента Республики Узбекистан
Указ
О мерах по усилению материальной поддержки и стимулирования работников медицинских учреждений
В целях повышения эффективности деятельности работников государственных медицинских учреждений, создания достойных условий для стремления к высокоэффективному труду, обеспечения их заинтересованности в повышении уровня своей профессиональной подготовки, а также обеспечения исполнения задач, определенных в рамках проведенного 18 марта 2022 года Президентом Республики Узбекистан открытого диалога с представителями сферы здравоохранения на тему «Реформы в медицине — во имя человеческого достоинства»:
1. Установить, что с 1 июня 2022 года повышаются месячные должностные оклады медицинских, фармацевтических и других работников государственных медицинских учреждений, в частности:
медицинских и фармацевтических работников, имеющих высшую и первую квалификационную категории — на 15 процентов;
медицинских и фармацевтических работников, имеющих вторую квалификационную категорию и не имеющих квалификационную категорию, а также других медицинских и фармацевтических работников — на 10 процентов;
других работников медицинских учреждений — на 15 процентов.
При этом тарифные ставки работников медицинских учреждений рассчитываются путем увеличения тарифных коэффициентов по действующим разрядам оплаты труда соответственно в 1,15 и 1,1 раза.
Порядки, установленные в настоящем пункте, начиная с 1 января 2024 года распространяются:
на медицинских и фармацевтических работников (за исключением сотрудников и военнослужащих, имеющих специальное и воинское звание) системы Министерства внутренних дел;
на работников санаториев и работников Национального центра реабилитации и протезирования лиц с инвалидностью, и его региональных центров в системе Национального агентства социальной защиты при Президенте Республики Узбекистан, а также медико-социальных экспертных комиссий.
2. Определить, что с 1 июня 2022 года размер средств, выделяемых из Государственного бюджета на формирование Фонда материального стимулирования и развития медицинских учреждений (далее — Фонд), по отношению к общему объему бюджетных средств, выделяемых медицинским учреждениям, составляет:
в учреждениях первичной медико-санитарной помощи, районных (городских) медицинских объединениях, службе экстренной и скорой медицинской помощи, детских медицинских учреждениях, Комитете санитарно-эпидемиологического благополучия и общественного здоровья при Министерстве здравоохранения, а также медицинских учреждениях, специализированных на социальных заболеваниях (туберкулезе, почечной недостаточности, онкологических, психических, наркологических, эндокринных, проказе (лепре), инфекционных, передающихся половым путем, СПИДе) — 10 процентов общих расходов;
в иных учреждениях здравоохранения республиканского и областного уровня — 5 процентов общих расходов.
Установить, что 75 процентов средств Фонда направляется на материальное стимулирование работников всех государственных медицинских учреждений независимо от группы, 25 процентов — на укрепление, модернизацию материально-технической базы и ремонт медицинских учреждений.
При этом в государственных медицинских учреждениях за счет средств, выделенных на материальное стимулирование работников, выплачиваются:
ежемесячная надбавка высококвалифицированным медицинским и фармацевтическим работникам, показавшим высокие результаты, честно и добросовестно исполняющим свои обязанности, — в размере до 100 процентов месячного должностного оклада, другим работникам — в размере до 75 процентов месячного должностного оклада;
специальная ежемесячная надбавка в размере до 1 миллиона сумов — начинающим, обладающим потенциалом молодым врачам;
ежемесячная дополнительная надбавка в размере до 30 процентов должностного оклада — врачам и медицинским сестрам, осуществляющим деятельность во второй смене за счет продления до 20:00 времени работы дневных стационаров в пунктах семейного врача, семейных поликлиниках и многопрофильных центральных поликлиниках.
Министерству здравоохранения совместно с Министерством занятости и трудовых отношений и Министерством финансов в месячный срок утвердить Порядок материального стимулирования работников государственных медицинских учреждений за счет средств Фонда.
3. Установить дополнительную надбавку в размере 25 процентов должностного оклада врачам-хирургам, выполняющим высокотехнологичные сложные операции в медицинских учреждениях, в соответствии с перечнем, определяемым Министерством здравоохранения.
Министерству здравоохранения по согласованию с Министерством финансов в двухнедельный срок утвердить перечень высокотехнологичных сложных операций.
4. Установить порядок, в соответствии с которым:
а) с 1 сентября 2022 года, учитывая вклад, вносимый в развитие науки в сфере медицины работникам лечебно-профилактических учреждений, выплачивается ежемесячная доплата за ученую степень доктора наук (Doctor of Science) — в размере до 60 процентов должностного оклада, за ученую степень кандидата наук или доктора философии (PhD) — в размере до 30 процентов должностного оклада за счет средств Государственного бюджета.
Министерству здравоохранения совместно с Министерством инновационного развития, Академией наук и Министерством финансов в месячный срок внести проект постановления Кабинета Министров о порядке выплаты доплаты работникам лечебно-профилактических учреждений, имеющих ученую степень;
б) все медицинские работники проходят предварительный и периодические медицинские осмотры за счет средств Государственного бюджета на бесплатной основе.
Министерству здравоохранения совместно с Министерством финансов обеспечить предусмотрение в смете расходов медицинских учреждений средств, необходимых на расходы, связанные с проведением медицинских осмотров медицинских работников, на постоянной основе.
5. Установить, что с 1 июля 2022 года врачам, перешедшим на работу из областей, города Ташкента и зарубежных государств, в течение первых трех лет выплачивается дополнительная ежемесячная надбавка за счет средств Государственного бюджета в размере 100 процентов должностного оклада — осуществляющим трудовую деятельность в Тахтакупырском, Чимбайском, Караузякском, Бозатауском, Шуманайском, Кунградском районах Республики Каракалпакстан, в размере 200 процентов должностного оклада — осуществляющим трудовую деятельность в Муйнакском районе.
При этом для получения надбавки, указанной в настоящем пункте, врач должен проработать в другом регионе не менее двух лет и иметь как минимум вторую квалификационную категорию.
6. Министерству культуры, Агентству кинематографии и Министерству здравоохранения совместно с Советом Министров Республики Каракалпакстан, хокимиятами областей и города Ташкента за счет бюджетных и внебюджетных средств:
увеличить количество художественных, сценических и кинопроизведений, а также сериалов, повествующих о нелегкой и почетной деятельности медицинских работников;
создать систему бесплатного посещения медицинскими работниками театральных и концертных представлений один раз в год.
7. Министерству здравоохранения совместно с Министерством финансов и Министерством занятости и трудовых отношений в срок до 1 июля 2022 года утвердить тарифные разряды по оплате труда других работников медицинских учреждений (управленческого, технического и обслуживающего персонала) с учетом их стажа работы и квалификационной категории.
8. Организовать неврологические, кардиологические и эндокринологические койко-места узкой специализации (за исключением экстренных, детских, инфекционных, родильных и гемодиализных койко-мест) за счет части коечного фонда центральных районных (городских) больниц, установленной для перевода в коечный фонд, содержащийся за счет внебюджетных средств, Указом Президента Республики Узбекистан от 5 мая 2021 года № УП-6221 «О последовательном продолжении осуществляемых в системе здравоохранения реформ и создании необходимых условий для повышения потенциала медицинских работников», исходя из потребности с сохранением порядка финансирования из Государственного бюджета.
9. Министерству финансов совместно с Министерством здравоохранения в целях финансирования расходов, связанных с проведением мероприятий, определенных настоящим Указом:
в двухмесячный срок — внести в Кабинет Министров предложение о внесении изменений и дополнений в Закон «О Государственном бюджете Республики Узбекистан на 2022 год»;
с 2023 года — обеспечивать предусмотрение необходимых средств при формировании параметров Государственного бюджета.
10. Внести изменения и дополнение в некоторые акты Президента Республики Узбекистан и Правительства Республики Узбекистан согласно приложению .
11. Министерству здравоохранения совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
12. Осуществление контроля за исполнением настоящего Указа, а также координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова и первого заместителя советника Президента Республики Узбекистан Л.Н. Туйчиева.
ПРИЛОЖЕНИЕ к Указу Президента Республики Узбекистан от 17 мая 2022 года № УП-136
Изменения и дополнение, вносимые в некоторые акты Президента Республики Узбекистан и Правительства Республики Узбекистан
1. Пункт 3 Указа Президента Республики Узбекистан от 5 мая 2021 года № УП-6221 «О последовательном продолжении осуществляемых в системе здравоохранения реформ и создании необходимых условий для повышения потенциала медицинских работников» признать утратившим силу.
2. В пункте 3 постановления Президента Республики Узбекистан от 1 декабря 2005 года № ПП-229 «О совершенствовании системы оплаты труда медицинских работников»:
а) абзац второй заменить абзацами вторым и третьим следующего содержания:
«в учреждениях первичной медико—санитарной помощи, районных (городских) медицинских объединениях, службе экстренной и скорой медицинской помощи, детских медицинских учреждениях, Службе санитарно-эпидемиологического благополучия и общественного здоровья, а также медицинских учреждениях, специализированных на социальных заболеваниях (туберкулезе, почечной недостаточности, онкологических, психических, наркологических, эндокринных, проказе (лепре), инфекционных, передающихся половым путем, СПИДе) — 10 процентов общих расходов;
в иных учреждениях здравоохранения республиканского и областного уровня — 5 процентов общих расходов»;
б) абзацы третий — седьмой считать соответственно абзацами четвертым — восьмым.
3. В пункте 4 постановления Президента Республики Узбекистан от 28 июля 2021 года № ПП-5199 «О мерах по дальнейшему совершенствованию системы оказания специализированной медицинской помощи в сфере здравоохранения»:
а) дополнить абзацем вторым следующего содержания:
«При этом типовая форма договора, заключаемого со специализированными учреждениями, размеры предоплаты утверждаются Наблюдательным советом Государственного фонда медицинского страхования»;
б) абзацы второй и третий считать соответственно абзацами третьим и четвертым.
4. Текст приложения № 3 к постановлению Кабинета Министров от 21 декабря 2005 года № 276 «Об утверждении усовершенствованной системы оплаты труда медицинских работников» изложить в следующей редакции:
«Формирование и направления расходования средств Фонда материального стимулирования и развития медицинских учреждений
Группы медицинских учреждений Источники формирования Фонда Направления расходования средств Фонда на материальное стимулирование наукрепление и модернизацию материально-технической базы, а также ремонт I группа учреждений средства, выделяемые из бюджета в размере 5 процентов (в отдельных учреждениях 10 процентов) общего объема бюджетных средств, выделяемых медицинским учреждениям доходы, полученные от реализации товаров (работ, услуг) по профилю деятельности средства, сэкономленные по смете расходов на конец последнего рабочего дня отчетного квартала, за исключением средств, предусмотренных для капитальных вложений средства, оставляемые в установленном порядке в распоряжении бюджетных организаций, и средства, полученные от благотворительности 75 процентов 25 процентов II группа учреждений III группа учреждений IV группа учреждений
».
Президент Республики Узбекистан Ш. МИРЗИЁЕВ
г. Ташкент,
17 мая 2022 г.,
№ УП-136