UzbekAI

Ўзбекистон Республикаси Президентининг

Қарори

ПАРАМЕТРЛАРИ *

Цемент-бетон қопламали автомобиль йўллари тармоғини кенгайтириш чора-тадбирлари тўғрисида

Йўл-транспорт инфратузилмасини янада ривожлантириш, аҳоли, энг аввало қишлоқ жойларда яшовчиларнинг ҳаёт фаолияти учун қулай шарт-шароитлар яратиш, шаҳарлар ва бошқа аҳоли пунктларининг кўчалари ҳамда хўжаликлараро қишлоқ автомобиль йўллари (кейинги ўринларда — ички йўллар) ҳолатини яхшилаш ва улардан фойдаланиш сифатини ошириш мақсадида, шунингдек, 2022 — 2026 йилларга мўлжалланган Янги Ўзбекистоннинг тараққиёт стратегиясини «Инсон қадрини улуғлаш ва фаол маҳалла йили»да амалга оширишга оид давлат дастурига мувофиқ:

1. Андижон вилоятининг олис ва чекка ҳудудларида ички йўлларни цемент ишлаб чиқарувчилар томонидан 10 йил мобайнида сақлаб туриш шарти билан цемент-бетон қопламага, тажриба тариқасида, ўтказилганлиги маълумот учун қабул қилинсин.

2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Транспорт вазирлиги, Қурилиш вазирлиги, Инвестициялар ва ташқи савдо вазирлиги, Автомобиль йўллари қўмитаси ва «Ўзсаноатқурилишматериаллари» уюшмасининг 2022 йилда цемент ёки бетон ишлаб чиқарувчиларни жалб қилган ҳолда цемент-бетон қопламали ички йўлларни қуриш ва таъмирлаш ишларини кластер усулида (кейинги ўринларда — кластер усулида цемент-бетон қопламали ички йўлларни қуриш) амалга ошириш ҳақидаги таклифи маьқуллансин.

Бунда, кластер усулида цемент-бетон қопламали ички йўлларнинг қуриш қўшилган қиймат занжирини яратиш асосида бетон қоришмасини ишлаб чиқариш, йўл конструкцияси асосини тайёрлаш, қопламани ётқизиш ҳамда қурилган йўлларни сақлаш ишларини назарда тутади.

3. Қорақалпоғистон Республикаси, вилоятлар ва Тошкент шаҳрида 2022 йилда цемент-бетон қопламали ички йўлларни қуриш параметрлари иловага мувофиқ тасдиқлансин.

4. Белгилансинки, 2022 йилда кластер усулида цемент-бетон қопламали ички йўлларни қуриш ишлари бўйича:

манзилли рўйхатлар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан секторлар раҳбарларининг жойларда жамоатчилик фикри ва талабини инобатга олган ҳолда билдирган таклифлари асосида шакллантирилади ҳамда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари томонидан тасдиқланади;

халқаро молия институтлари маблағлари ҳисобига объектларни қуриш — Автомобиль йўллари қўмитаси ҳузуридаги «Автойўлинвест» агентлиги буюртмаси асосида амалга оширилади, бошқа объектлар бўйича — Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги «Ягона буюртмачи хизмати» ИК ДУКлар буюртмачи этиб белгиланади;

лойиҳа ташкилотларини жалб этиш, масъул ташкилотлар билан техник шартларни келишиш, ишлари;

ишлаб чиқилган лойиҳа-смета ҳужжатлари ҳамда шакллантирилган нархлар Қурилиш вазирлигининг «Шаффоф қурилиш» электрон платформаси орқали шаҳарсозлик ҳужжатлари экспертизасини амалга оширувчи ваколатли ташкилотлар томонидан давлат экспертизасидан ўтказилади;

кластер усулида ички йўлларни қуриш ишларини амалга оширувчи бош пудратчи (кейинги ўринларда — бош пудратчи) ташкилот Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари томонидан энг яхши таклифларни танлаб олиш орқали аниқланади;

қурилиш ишлари якунланиб, объектлар фойдаланишга қабул қилингандан сўнг шаҳар ва туман ободонлаштириш бошқармалари тасарруфига берилади ҳамда ушбу ички йўлларни бош пудратчи томонидан ўз маблағлари ҳисобидан 5 йил давомида кафолатли соз ҳолатда сақлаш ва эксплуатация қилиш ишларини амалга ошириш бўйича бош пудратчи билан шартнома тузилади. Бунда, бош пудратчиларга нисбатан эксплуатация қилувчи ташкилотлар учун қонунчилик ҳужжатларида белгиланган барча талаблар, ҳуқуқ ва мажбуриятлар амал қилади;

объектларнинг лойиҳа-смета ҳужжатларига асосан ажратилган маблағлар етишмаган тақдирда, қўшимча харажатлар тегишлича Қорақалпоғистон Республикасининг республика бюджети, вилоятлар ва Тошкент шаҳар маҳаллий бюджети ҳамда унинг қўшимча манбалари ҳисобидан қопланади.

5. Транспорт вазирлиги ҳузуридаги Йўл-қурилиш ишлари сифатини назорат қилиш инспекцияси цемент-бетон қопламага ўтказилаётган ички йўлларнинг Қурилиш вазирлиги томонидан тасдиқланган махсус йўриқномалар, шаҳарсозлик нормалари ва қоидалари, техник жиҳатдан тартибга солиш соҳасидаги бошқа норматив ҳужжатлар талабларига мослиги устидан доимий назорат ўрнатсин.

6. Цемент-бетон қопламали ички йўлларни қуриш учун цемент маҳсулотлари ва инерт материалларни Бухоро, Сирдарё ва Хоразм вилоятларига ташиш бўйича амалдаги темир йўл юк ташувлари тарифларига 50 фоиз чегирма жорий этилсин.

7. 2022 йилда кластер усулида цемент-бетон қопламали ички йўлларни қуриш ишларини молиялаштириш учун:

а) Молия вазирлиги — Ўзбекистон Республикаси Президенти топшириқларига асосан ҳудудларни ижтимоий-иқтисодий ривожлантириш тадбирлари учун бюджет параметрларида назарда тутилган маблағлар ҳисобидан қўшимча 430 млрд сўм ажратсин;

б) Инвестициялар ва ташқи савдо вазирлиги Молия вазирлиги билан биргаликда:

икки ой муддатда халқаро молия институтлари иштирокида амалга оширилаётган лойиҳалар доирасида иқтисод қилинган маблағлар ҳисобидан 40 млн АҚШ доллари миқдоридаги маблағни йўналтириш;

жорий йилнинг 1 сентябрига қадар қўшимча 40 млн АҚШ доллари миқдорида халқаро молия институтлари маблағларини жалб қилиш чораларини кўрсин;

в) Иқтисодий тараққиёт ва камбағалликни қисқартириш вазирлиги, Автомобиль йўллари қўмитаси — 2022 йил тасдиқланган дастурларга киритилган автомобиль йўлларини қуриш, реконструкция қилиш ва таъмирлаш ишларига ажратилган маблағларни қайта тақсимлаш ҳисобига 70,5 млрд сўм йўналтирсин;

г) Тошкент шаҳар ҳокимлиги — маҳаллий бюджет ва унинг қўшимча манбалари, шунингдек, 2022 йилда «Обод маҳалла» дастури учун йўналтирилган маблағларни қайта тақсимлаш ҳисобидан 200 млрд сўм ажратсин.

8. 2023 йил ва келгуси йилларда кластер усулида цемент-бетон қопламали ички йўлларни қуриш ишларини молиялаштириш учун:

Иқтисодий тараққиёт ва камбағалликни қисқартириш вазирлиги Молия вазирлиги билан биргаликда 2023 йил ва келгуси йиллар учун ижтимоий ва ишлаб чиқариш инфратузилмасини ривожлантириш дастурларини шакллантиришда тегишли маблағларни кўзда тутсин;

Инвестициялар ва ташқи савдо вазирлиги Автомобиль йўллари қўмитаси билан биргаликда халқаро молия институтларидан 200 млн АҚШ доллари миқдоридаги маблағларни жалб қилиш бўйича 2023 йил 15 мартга қадар қарз келишуви имзоланишини таъминласин.

9. Буюртмачи ташкилотларга Инвестициялар ва ташқи савдо вазирлиги ҳамда Транспорт вазирлиги тавсияларига кўра ички йўлларни цемент-бетон қопламага ўтказиш ишлари сифатли олиб борилишини таъминлаш мақсадида хорижий экспертларни ҳамда халқаро сертификатга эга инженер-консультантларни тўғридан-тўғри жалб қилиш ҳуқуқи берилсин.

10. Давлат дастурлари ижро этилишини назорат қилиш ва мувофиқлаштириш бўйича республика штаби (Э.Т. Юлдашев) мазкур қарор доирасидаги маблағларнинг мақсадли ажратилиши ва сарфланиши устидан доимий назорат ўрнатсин ҳамда ҳар ярим йилда Ўзбекистон Республикаси Президенти Администрациясига ахборот киритиб борсин.

11. Коррупцияга қарши курашиш агентлиги (А.Э. Бурханов) мазкур қарор доирасида ажратилган маблағларнинг мақсадли ишлатилиши жараёнида очиқлик ва ошкораликни таъминлаш устидан доимий назорат ўрнатсин.

12. Транспорт вазирлиги икки ой муддатда автомобиль йўллари ва сунъий иншоатларни қуриш, реконструкция қилиш, мукаммал ва жорий таъмирлаш ишлари якуни бўйича уларнинг кафолат муддатини белгиловчи норматив ҳужжат ишлаб чиқсин ва тасдиқласин.

13. Ўзбекистон Миллий телерадиокомпанияси ва Ўзбекистон Миллий ахборот агентлигига Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда оммавий ахборот воситаларида кластер усулида ички йўлларни цемент-бетон қопламага ўтказиш бўйича амалга оширилаётган ишларни кенг кўламда ёритиш тавсия этилсин.

14. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари ажратилган маблағлардан самарали фойдаланиш ҳамда белгиланган режа кўрсаткичлари ижросини ўз муддатида таъминлаш юзасидан шахсий жавобгар этиб белгилансин.

15. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари A.Ж. Раматов ва С.У. Умурзаков зиммасига юклансин.

Ўзбекистон Республикаси Президентининг 2022 йил 18 майдаги 249-сон қарорига ИЛОВА

Қорақалпоғистон Республикаси, вилоятлар ва Тошкент шаҳрида 2022 йилда цемент-бетон қопламали ички йўлларни қуриш

Т/р ҳудудлар 2022 йилда қуриладиган цемент-бетон қопламали йўллар узунлиги (км) шундан: қўшимча ажратиладиган маблағ: 2022 йил «Обод қишлоқ» дастури доирасида (км) ** кластер усулида цемент-бетон қопламага ўтказиладиган ички йўллар (км) бюджет маблағлари (млрд сўм) халқаро молия институтлари маблағлари (млрд сўм) ** амалдаги дастурларни оптималлаштириш ҳисобига (млрд сўм) Жами 2 606 803 1 803 429,8 456,0 270,5 1. Қорақалпоғистон Республикаси 160 27 133 41,8 44,4 5,0 2. Андижон вилояти 270 110 160 42,1 44,6 3,0 3. Бухоро вилояти 170 70 100 29,2 31,0 5,0 4. Жиззах вилояти 170 40 130 36,9 39,1 3,0 5. Қашқадарё вилояти 190 70 120 35,1 37,2 12,0 6. Навоий вилояти 130 32 98 26,4 28,0 3,0 7. Наманган вилояти 180 72 108 29,6 31,4 5,0 8. Самарқанд вилояти 181 75 106 28,6 30,3 10,0 9. Сурхондарё вилояти 170 70 100 27,0 28,6 7,0 10. Сирдарё вилояти 150 22 128 37,6 39,9 1,5 11. Тошкент вилояти 190 80 110 29,7 31,5 3,0 12. Фарғона вилояти 201 85 116 31,3 33,2 8,0 13. Хоразм вилояти 160 50 110 34,6 36,7 5,0 14. Тошкент шаҳри 284 284 200,0

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 18 май,

ПҚ-249-сон

(Қонунчилик маълумотлари миллий базаси, 19.05.2022 й., 07/22/249/0429-сон)

lex.uz

Oʻzbekiston Respublikasi Prezidentining

Qarori

PARAMETRLARI *

Sement-beton qoplamali avtomobil yoʻllari tarmogʻini kengaytirish chora-tadbirlari toʻgʻrisida

Yoʻl-transport infratuzilmasini yanada rivojlantirish, aholi, eng avvalo qishloq joylarda yashovchilarning hayot faoliyati uchun qulay shart-sharoitlar yaratish, shaharlar va boshqa aholi punktlarining koʻchalari hamda xoʻjaliklararo qishloq avtomobil yoʻllari (keyingi oʻrinlarda — ichki yoʻllar) holatini yaxshilash va ulardan foydalanish sifatini oshirish maqsadida, shuningdek, 2022 — 2026-yillarga moʻljallangan Yangi Oʻzbekistonning taraqqiyot strategiyasini “Inson qadrini ulugʻlash va faol mahalla yili”da amalga oshirishga oid davlat dasturiga muvofiq:

1. Andijon viloyatining olis va chekka hududlarida ichki yoʻllarni sement ishlab chiqaruvchilar tomonidan 10 yil mobaynida saqlab turish sharti bilan sement-beton qoplamaga, tajriba tariqasida, oʻtkazilganligi maʼlumot uchun qabul qilinsin.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Transport vazirligi, Qurilish vazirligi, Investitsiyalar va tashqi savdo vazirligi, Avtomobil yoʻllari qoʻmitasi va “Oʻzsanoatqurilishmateriallari” uyushmasining 2022-yilda sement yoki beton ishlab chiqaruvchilarni jalb qilgan holda sement-beton qoplamali ichki yoʻllarni qurish va taʼmirlash ishlarini klaster usulida (keyingi oʻrinlarda — klaster usulida sement-beton qoplamali ichki yoʻllarni qurish) amalga oshirish haqidagi taklifi maqullansin.

Bunda, klaster usulida sement-beton qoplamali ichki yoʻllarning qurish qoʻshilgan qiymat zanjirini yaratish asosida beton qorishmasini ishlab chiqarish, yoʻl konstruksiyasi asosini tayyorlash, qoplamani yotqizish hamda qurilgan yoʻllarni saqlash ishlarini nazarda tutadi.

3. Qoraqalpogʻiston Respublikasi, viloyatlar va Toshkent shahrida 2022-yilda sement-beton qoplamali ichki yoʻllarni qurish parametrlari ilovaga muvofiq tasdiqlansin.

4. Belgilansinki, 2022-yilda klaster usulida sement-beton qoplamali ichki yoʻllarni qurish ishlari boʻyicha:

manzilli roʻyxatlar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan sektorlar rahbarlarining joylarda jamoatchilik fikri va talabini inobatga olgan holda bildirgan takliflari asosida shakllantiriladi hamda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan tasdiqlanadi;

xalqaro moliya institutlari mablagʻlari hisobiga obyektlarni qurish — Avtomobil yoʻllari qoʻmitasi huzuridagi “Avtoyoʻlinvest” agentligi buyurtmasi asosida amalga oshiriladi, boshqa obyektlar boʻyicha — Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” IK DUKlar buyurtmachi etib belgilanadi;

loyiha tashkilotlarini jalb etish, masʼul tashkilotlar bilan texnik shartlarni kelishish, ishlari;

ishlab chiqilgan loyiha-smeta hujjatlari hamda shakllantirilgan narxlar Qurilish vazirligining “Shaffof qurilish” elektron platformasi orqali shaharsozlik hujjatlari ekspertizasini amalga oshiruvchi vakolatli tashkilotlar tomonidan davlat ekspertizasidan oʻtkaziladi;

klaster usulida ichki yoʻllarni qurish ishlarini amalga oshiruvchi bosh pudratchi (keyingi oʻrinlarda — bosh pudratchi) tashkilot Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan eng yaxshi takliflarni tanlab olish orqali aniqlanadi;

qurilish ishlari yakunlanib, obyektlar foydalanishga qabul qilingandan soʻng shahar va tuman obodonlashtirish boshqarmalari tasarrufiga beriladi hamda ushbu ichki yoʻllarni bosh pudratchi tomonidan oʻz mablagʻlari hisobidan 5 yil davomida kafolatli soz holatda saqlash va ekspluatatsiya qilish ishlarini amalga oshirish boʻyicha bosh pudratchi bilan shartnoma tuziladi. Bunda, bosh pudratchilarga nisbatan ekspluatatsiya qiluvchi tashkilotlar uchun qonunchilik hujjatlarida belgilangan barcha talablar, huquq va majburiyatlar amal qiladi;

obyektlarning loyiha-smeta hujjatlariga asosan ajratilgan mablagʻlar yetishmagan taqdirda, qoʻshimcha xarajatlar tegishlicha Qoraqalpogʻiston Respublikasining respublika budjeti, viloyatlar va Toshkent shahar mahalliy budjeti hamda uning qoʻshimcha manbalari hisobidan qoplanadi.

5. Transport vazirligi huzuridagi Yoʻl-qurilish ishlari sifatini nazorat qilish inspeksiyasi sement-beton qoplamaga oʻtkazilayotgan ichki yoʻllarning Qurilish vazirligi tomonidan tasdiqlangan maxsus yoʻriqnomalar, shaharsozlik normalari va qoidalari, texnik jihatdan tartibga solish sohasidagi boshqa normativ hujjatlar talablariga mosligi ustidan doimiy nazorat oʻrnatsin.

6. Sement-beton qoplamali ichki yoʻllarni qurish uchun sement mahsulotlari va inert materiallarni Buxoro, Sirdaryo va Xorazm viloyatlariga tashish boʻyicha amaldagi temir yoʻl yuk tashuvlari tariflariga 50 foiz chegirma joriy etilsin.

7. 2022-yilda klaster usulida sement-beton qoplamali ichki yoʻllarni qurish ishlarini moliyalashtirish uchun:

a) Moliya vazirligi — Oʻzbekiston Respublikasi Prezidenti topshiriqlariga asosan hududlarni ijtimoiy-iqtisodiy rivojlantirish tadbirlari uchun budjet parametrlarida nazarda tutilgan mablagʻlar hisobidan qoʻshimcha 430 mlrd soʻm ajratsin;

b) Investitsiyalar va tashqi savdo vazirligi Moliya vazirligi bilan birgalikda:

ikki oy muddatda xalqaro moliya institutlari ishtirokida amalga oshirilayotgan loyihalar doirasida iqtisod qilingan mablagʻlar hisobidan 40 mln AQSh dollari miqdoridagi mablagʻni yoʻnaltirish;

joriy yilning 1-sentabriga qadar qoʻshimcha 40 mln AQSh dollari miqdorida xalqaro moliya institutlari mablagʻlarini jalb qilish choralarini koʻrsin;

v) Iqtisodiy taraqqiyot va kambagʻallikni qisqartirish vazirligi, Avtomobil yoʻllari qoʻmitasi — 2022-yil tasdiqlangan dasturlarga kiritilgan avtomobil yoʻllarini qurish, rekonstruksiya qilish va taʼmirlash ishlariga ajratilgan mablagʻlarni qayta taqsimlash hisobiga 70,5 mlrd soʻm yoʻnaltirsin;

g) Toshkent shahar hokimligi — mahalliy budjet va uning qoʻshimcha manbalari, shuningdek, 2022-yilda “Obod mahalla” dasturi uchun yoʻnaltirilgan mablagʻlarni qayta taqsimlash hisobidan 200 mlrd soʻm ajratsin.

8. 2023-yil va kelgusi yillarda klaster usulida sement-beton qoplamali ichki yoʻllarni qurish ishlarini moliyalashtirish uchun:

Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda 2023-yil va kelgusi yillar uchun ijtimoiy va ishlab chiqarish infratuzilmasini rivojlantirish dasturlarini shakllantirishda tegishli mablagʻlarni koʻzda tutsin;

Investitsiyalar va tashqi savdo vazirligi Avtomobil yoʻllari qoʻmitasi bilan birgalikda xalqaro moliya institutlaridan 200 mln AQSh dollari miqdoridagi mablagʻlarni jalb qilish boʻyicha 2023-yil 15-martga qadar qarz kelishuvi imzolanishini taʼminlasin.

9. Buyurtmachi tashkilotlarga Investitsiyalar va tashqi savdo vazirligi hamda Transport vazirligi tavsiyalariga koʻra ichki yoʻllarni sement-beton qoplamaga oʻtkazish ishlari sifatli olib borilishini taʼminlash maqsadida xorijiy ekspertlarni hamda xalqaro sertifikatga ega injener-konsultantlarni toʻgʻridan toʻgʻri jalb qilish huquqi berilsin.

10. Davlat dasturlari ijro etilishini nazorat qilish va muvofiqlashtirish boʻyicha respublika shtabi (E.T. Yuldashev) mazkur qaror doirasidagi mablagʻlarning maqsadli ajratilishi va sarflanishi ustidan doimiy nazorat oʻrnatsin hamda har yarim yilda Oʻzbekiston Respublikasi Prezidenti Administratsiyasiga axborot kiritib borsin.

11. Korrupsiyaga qarshi kurashish agentligi (A.E. Burxanov) mazkur qaror doirasida ajratilgan mablagʻlarning maqsadli ishlatilishi jarayonida ochiqlik va oshkoralikni taʼminlash ustidan doimiy nazorat oʻrnatsin.

12. Transport vazirligi ikki oy muddatda avtomobil yoʻllari va sunʼiy inshoatlarni qurish, rekonstruksiya qilish, mukammal va joriy taʼmirlash ishlari yakuni boʻyicha ularning kafolat muddatini belgilovchi normativ hujjat ishlab chiqsin va tasdiqlasin.

13. Oʻzbekiston Milliy teleradiokompaniyasi va Oʻzbekiston Milliy axborot agentligiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ommaviy axborot vositalarida klaster usulida ichki yoʻllarni sement-beton qoplamaga oʻtkazish boʻyicha amalga oshirilayotgan ishlarni keng koʻlamda yoritish tavsiya etilsin.

14. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari ajratilgan mablagʻlardan samarali foydalanish hamda belgilangan reja koʻrsatkichlari ijrosini oʻz muddatida taʼminlash yuzasidan shaxsiy javobgar etib belgilansin.

15. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari A.J. Ramatov va S.U. Umurzakov zimmasiga yuklansin.

Oʻzbekiston Respublikasi Prezidentining 2022-yil 18-maydagi 249-son qaroriga ILOVA

Qoraqalpogʻiston Respublikasi, viloyatlar va Toshkent shahrida 2022-yilda sement-beton qoplamali ichki yoʻllarni qurish

T/r hududlar 2022-yilda quriladigan sement-beton qoplamali yoʻllar uzunligi (km) shundan: qoʻshimcha ajratiladigan mablagʻ: 2022-yil “Obod qishloq” dasturi doirasida (km) ** klaster usulida sement-beton qoplamaga oʻtkaziladigan ichki yoʻllar (km) budjet mablagʻlari (mlrd soʻm) xalqaro moliya institutlari mablagʻlari (mlrd soʻm) ** amaldagi dasturlarni optimallashtirish hisobiga (mlrd soʻm) Jami 2 606 803 1 803 429,8 456,0 270,5 1. Qoraqalpogʻiston Respublikasi 160 27 133 41,8 44,4 5,0 2. Andijon viloyati 270 110 160 42,1 44,6 3,0 3. Buxoro viloyati 170 70 100 29,2 31,0 5,0 4. Jizzax viloyati 170 40 130 36,9 39,1 3,0 5. Qashqadaryo viloyati 190 70 120 35,1 37,2 12,0 6. Navoiy viloyati 130 32 98 26,4 28,0 3,0 7. Namangan viloyati 180 72 108 29,6 31,4 5,0 8. Samarqand viloyati 181 75 106 28,6 30,3 10,0 9. Surxondaryo viloyati 170 70 100 27,0 28,6 7,0 10. Sirdaryo viloyati 150 22 128 37,6 39,9 1,5 11. Toshkent viloyati 190 80 110 29,7 31,5 3,0 12. Fargʻona viloyati 201 85 116 31,3 33,2 8,0 13. Xorazm viloyati 160 50 110 34,6 36,7 5,0 14. Toshkent shahri 284 284 200,0

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 18-may,

PQ-249-son

(Qonunchilik maʼlumotlari milliy bazasi, 19.05.2022-y., 07/22/249/0429-son)

lex.uz

Президента Республики Узбекистан

Постановление

ПАРАМЕТРЫ

О мерах по расширению сети автомобильных дорог с цементобетонным покрытием

В целях дальнейшего развития дорожно-транспортной инфраструктуры, создания комфортных условий для жизнедеятельности населения, прежде всего проживающих в сельской местности, улучшения состояния улиц городов и иных населенных пунктов, межхозяйственных сельских автомобильных дорог (далее — внутренние дороги) и повышения качества их эксплуатации, а также в соответствии с Государственной программой по реализации Стратегии развития Нового Узбекистана на 2022 — 2026 годы в «Год обеспечения интересов человека и развития махалли»:

1. Принять к сведению, что в отдаленных и труднодоступных районах Андижанской области производителями цемента внутренние дороги в порядке эксперимента переведены на цементобетонное покрытие с условием их содержания в течение 10 лет.

2. Одобрить предложение Совета Министров Республики Каракалпакстан, хокимиятов областей и города Ташкента, Министерства транспорта, Министерства строительства, Министерства инвестиций и внешней торговли, Комитета по автомобильным дорогам и Ассоциации «Узсаноаткурилишматериаллари» о проведении в 2022 году работ по строительству и ремонту внутренних дорог с цементобетонным покрытием кластерным методом (далее — строительство внутренних дорог с цементобетонным покрытием кластерным методом) с привлечением производителей цемента или бетона.

При этом строительство внутренних дорог с цементобетонным покрытием кластерным методом предусматривает работы по производству бетонной смеси, подготовке основания дорожной конструкции, укладке покрытия и содержанию построенных дорог на основе создания цепочки добавленной стоимости.

3. Утвердить Параметры строительства внутренних дорог с цементобетонным покрытием в Республике Каракалпакстан, областях и городе Ташкенте в 2022 году согласно приложению .

4. Установить, что в рамках работ по строительству внутренних дорог с цементобетонным покрытием кластерным методом в 2022 году:

адресные перечни формируются Советом Министров Республики Каракалпакстан, хокимиятами областей и города Ташкента на основании предложений руководителей секторов с учетом мнения и требований общественности на местах и утверждаются Жокаргы Кенесом Республики Каракалпакстан, Кенгашами народных депутатов областей и города Ташкента;

заказчиком строительства объектов за счет средств международных финансовых институтов является Агентство «Автойулинвест» при Комитете по автомобильным дорогам, по другим объектам — ИК ГУП «Служба единого заказчика» при Совете Министров Республики Каракалпакстан, хокимиятах областей и города Ташкента;

привлечение проектных организаций, согласование технических условий с ответственными организациями, организация разработки и проведения государственной экспертизы проектно;

государственная экспертиза разработанной проектно-сметной документации и сформированных цен проводится уполномоченными организациями, осуществляющими экспертизу градостроительной документации, посредством электронной платформы «Шаффоф курилиш» Министерства строительства;

генеральная подрядная организация по строительству внутренних дорог с цементобетонным покрытием кластерным методом (далее — генеральный подрядчик) определяется Жокаргы Кенесом Республики Каракалпакстан, Кенгашами народных депутатов областей и города Ташкента путем отбора наилучших предложений;

после завершения строительных работ и приемки объектов в эксплуатацию они передаются в распоряжение управлений благоустройства городов и районов, с генеральным подрядчиком заключается договор на проведение работ по гарантированному содержанию в исправном состоянии и эксплуатации внутренних дорог в течение пяти лет за счет его собственных средств. При этом на генерального подрядчика распространяются все требования, права и обязательства, установленные актами законодательства для эксплуатирующих организаций;

при недостаточности средств, выделенных на основании проектно-сметной документации объектов, дополнительные расходы покрываются соответственно за счет республиканского бюджета Республики Каракалпакстан, местных бюджетов областей и города Ташкента, их дополнительных источников.

5. Инспекции по контролю за качеством дорожно-строительных работ при Министерстве транспорта установить постоянный контроль за соответствием внутренних дорог, переводимых на цементобетонное покрытие, специальным инструкциям, утвержденным Министерством строительства, а также градостроительным нормам и правилам, требованиям иных нормативных актов в области технического регулирования.

6. Предоставить 50-процентную скидку на действующие тарифы железнодорожных перевозок цементной продукции и инертных материалов в Бухарскую, Сырдарьинскую и Хорезмскую области для строительства внутренних дорог с цементобетонным покрытием.

7. В целях финансирования работ по строительству внутренних дорог с цементобетонным покрытием кластерным методом в 2022 году:

а) Министерству финансов — выделить дополнительно 430 млрд сумов за счет средств, предусмотренных в параметрах бюджета на мероприятия по социально-экономическому развитию регионов на основании поручений Президента Республики Узбекистан;

б) Министерству инвестиций и внешней торговли совместно с Министерством финансов принять меры:

в двухмесячный срок — по направлению средств в размере 40 млн долларов США за счет средств, сэкономленных в рамках проектов, реализуемых с участием международных финансовых институтов;

в срок до 1 сентября текущего года — по привлечению дополнительных средств международных финансовых институтов в размере 40 млн долларов США;

в) Министерству экономического развития и сокращения бедности и Комитету по автомобильным дорогам — направить 70,5 млрд сумов за счет перераспределения средств, выделенных на работы по строительству, реконструкции и ремонту автомобильных дорог, включенных в утвержденные программы на 2022 год;

г) хокимияту города Ташкента — выделить 200 млрд сумов за счет средств местного бюджета и его дополнительных источников, а также перераспределения средств, направленных на программу «Обод махалла» на 2022 год.

8. В целях финансирования работ по строительству внутренних дорог с цементобетонным покрытием кластерным методом в 2023 году и последующие годы:

Министерству экономического развития и сокращения бедности совместно с Министерством финансов — предусмотреть соответствующие средства при формировании программ развития социальной и производственной инфраструктуры на 2023 год и последующие годы;

Министерству инвестиций и внешней торговли совместно с Комитетом по автомобильным дорогам — обеспечить подписание в срок до 15 марта 2023 года заемного соглашения о привлечении средств международных финансовых институтов в размере 200 млн долларов США.

9. Предоставить организациям-заказчикам право на прямое привлечение зарубежных экспертов и обладающих международным сертификатом инженеров-консультантов в целях обеспечения качественного выполнения работ по переводу внутренних дорог на цементобетонное покрытие в соответствии с рекомендациями Министерства инвестиций и внешней торговли и Министерства транспорта.

10. Республиканскому штабу по контролю и координации реализации государственных программ (Э.Т. Юлдашев) установить постоянный контроль за целевым выделением и расходованием средств в рамках настоящего постановления и каждые полгода вносить в Администрацию Президента Республики Узбекистан соответствующую информацию.

11. Агентству по противодействию коррупции (А.Э. Бурханов) установить постоянный контроль за обеспечением открытости и гласности в процессе целевого использования средств, выделенных в рамках настоящего постановления.

12. Министерству транспорта в двухмесячный срок разработать и утвердить нормативный акт, устанавливающий гарантийный срок для автомобильных дорог и искусственных сооружений по итогам их строительства, реконструкции, капитального и текущего ремонта.

13. Рекомендовать Национальной телерадиокомпании Узбекистана и Национальному информационному агентству Узбекистана широко освещать совместно с Советом Министров Республики Каракалпакстан, хокимиятами областей и города Ташкента в средствах массовой информации проводимую работу по переводу внутренних дорог на цементобетонное покрытие кластерным методом.

14. Возложить на Председателя Совета Министров Республики Каракалпакстан, хокимов областей и города Ташкента персональную ответственность за эффективное использование выделенных средств и обеспечение своевременного исполнения установленных плановых показателей.

15. Контроль за исполнением настоящего постановления возложить на заместителей Премьер-министра Республики Узбекистан А.Ж. Раматова и С.У. Умурзакова.

ПРИЛОЖЕНИЕ к постановлению Президента Республики Узбекистан от 18 мая 2022 года № ПП-249

строительства внутренних дорог с цементобетонным покрытием в Республике Каракалпакстан, областях и городе Ташкенте в 2022 году *

№ Регионы Протяженность строящихся дорог с цементобетонным покрытием в 2022 году (км) Из них: Дополнительно выделяемые средства: в рамках программы «Обод кишлок» на 2022 год (км) ** внутренние дороги, покрываемые цементобетоном кластерным методом (км) бюджетные средства (млрд сумов) средства международных финансовых институтов (млрд сумов) ** за счет оптимизации действующих программ (млрд сумов) Всего 2 606 803 1 803 429,8 456,0 270,5 1. Республика Каракалпакстан 160 27 133 41,8 44,4 5,0 2. Андижанская область 270 110 160 42,1 44,6 3,0 3. Бухарская область 170 70 100 29,2 31,0 5,0 4. Джизакская область 170 40 130 36,9 39,1 3,0 5. Кашкадарьинская область 190 70 120 35,1 37,2 12,0 6. Навоийская область 130 32 98 26,4 28,0 3,0 7. Наманганская область 180 72 108 29,6 31,4 5,0 8. Самаркандская область 181 75 106 28,6 30,3 10,0 9. Сурхандарьинская область 170 70 100 27,0 28,6 7,0 10. Сырдарьинская область 150 22 128 37,6 39,9 1,5 11. Ташкентская область 190 80 110 29,7 31,5 3,0 12. Ферганская область 201 85 116 31,3 33,2 8,0 13. Хорезмская область 160 50 110 34,6 36,7 5,0 14. город Ташкент 284 284 200,0

Президент Республики Узбекистан Ш. МИРЗИЁЕВ

г. Ташкент,

18 мая 2022 г.,

№ ПП-249

(Национальная база данных законодательства, 19.05.2022 г., № 07//22/249/0429)

lex.uz