📅 2022-yil 20-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 20 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 мая 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 20 May 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«ЙЎЛ ХАРИТА»
Космик тадқиқотлар ва технологиялар агентлиги фаолиятини янада такомиллаштириш чора-тадбирлари тўғрисида
Космик мониторинг ишларини амалга ошириш ва давлат бошқарув органларини космик суратлар билан таъминлаш, шунингдек космик технологияларни қўллаш орқали ижтимоий-иқтисодий, илм-фан, мудофаа ва хавфсизлик соҳаларида космик фаолият натижаларидан самарали фойдаланишни йўлга қўйиш мақсадида Вазирлар Маҳкамаси қарор қилади:
1. Вазирлар Маҳкамаси ҳузуридаги Космик тадқиқотлар ва технологиялар агентлиги (кейинги ўринда — «Ўзбеккосмос» агентлиги) ҳамда Ахборот технологиялари ва коммуникацияларини ривожлантириш вазирлигининг «Ўзбеккосмос» агентлиги тизимида «Космик мониторинг ва геоахборот технологиялари маркази» давлат унитар корхонасини (кейинги ўринда — Марказ) ташкил этиш тўғрисидаги таклифи маъқуллансин.
2. Қуйидагилар Марказнинг асосий вазифалари этиб белгилансин:
космик мониторингни амалга ошириш;
сунъий йўлдош аппаратлари орқали ерни масофадан зондлаш, унинг маълумотларини қабул қилиш, сақлаш, қайта ишлаш ва узатиш;
космик соҳага оид хизматларни (космик фаолият натижаларини қайта ишлаш ҳамда уни жисмоний ва юридик шахсларга тақдим этиш, космик фаолиятга оид масалалар бўйича консалтинг хизматлари ва бошқалар) кўрсатиш;
космик соҳага илмий ва инновацион технологияларни кенг жалб этиш мақсадида мазкур соҳадаги илмий ва инновацион ишларни амалга ошириш;
космик ва геоахборот технологиялари, шунингдек, учувчисиз учиш аппаратлари ёрдамида иқтисодиёт тармоқлари, мудофаа ва хавфсизлик соҳалари ҳамда ҳудудларнинг ижтимоий-иқтисодий фаолияти самарадорлигини оширишга кўмаклашиш.
Марказ томонидан давлат органлари ва ташкилотлари, хўжалик бирлашмалари, маҳаллий ижро этувчи ҳокимият органлари, жисмоний ва юридик шахсларга космик мониторинг, сунъий йўлдош ҳамда учувчисиз учиш аппаратлари орқали ерни масофадан зондлаш маълумотларини тақдим этиш ва космик соҳага оид бошқа хизматлар кўрсатиш шартнома асосида амалга оширилиши мумкин.
Бунда Марказ томонидан маълумотларни тақдим этиш ва бошқа космик хизматлар кўрсатиш қонунчилик ҳужжатларида белгиланган тартибда амалга оширилади.
3. Белгилансинки:
«Ўзбеккосмос» агентлиги Марказнинг муассиси ҳисобланади;
Марказ директори «Ўзбеккосмос» агентлиги бош директори томонидан лавозимга тайинланади ва лавозимидан озод қилинади;
Марказнинг молия йили якунига кўра соф фойдаси «Ўзбеккосмос» агентлиги бош директорининг буйруғига мувофиқ Космик тармоқни ривожлантириш жамғармасига, Марказнинг моддий-техник базасини мустаҳкамлаш ва ходимларни моддий рағбатлантиришга йўналтирилади;
Марказ ходимларининг меҳнатига ҳақ тўлаш, уларни моддий рағбатлантириш ва ижтимоий ҳимоя қилиш тартиби «Ўзбеккосмос» агентлиги томонидан белгиланади.
4. «Ўзбеккосмос» агентлиги бир ой муддатда Марказнинг:
уставини тасдиқлаш ва белгиланган тартибда давлат рўйхатидан ўтказиш;
тузилмаси ва штатлар жадвалини тасдиқлаш;
вазирлик ва идоралар билан ҳамкорлик алоқаларини ўрнатиш;
устав фондини «Ўзбеккосмос» агентлигига жорий йил учун ажратилган бюджет маблағлари ҳисобидан шакллантириш ҳамда уни малакали кадрлар билан таъминлаш чораларини кўрсин.
5. Қуйидагилар Марказ фаолиятини молиялаштириш манбалари этиб белгилансин:
«Ўзбеккосмос» агентлиги буюртмалари ва топшириқлари асосида бажарилган ишлар учун тўланадиган маблағлар;
фаолият ихтисослиги бўйича кўрсатиладиган космик хизматлардан олинадиган даромадлар;
халқаро молия институтлари, хорижий ташкилотлар, донор мамлакатлар ва ташкилотларнинг грантлари;
қонунчилик ҳужжатлари билан тақиқланмаган бошқа манбалар.
6. Марказга ўз маблағлари ҳисобидан «Ўзбеккосмос» агентлиги билан келишилган ҳолда:
малакали маҳаллий ва хорижий мутахассисларни, хорижда фаолият юритаётган ватандошларни ишга қабул қилишга;
космик соҳани ривожлантиришга кўмаклашиш доирасида Марказга давлат органлари ва ташкилотлари, хўжалик бирлашмалари, лойиҳа институтлари, илмий ва олий таълим ташкилотлари, етакчи халқаро ва хорижий ташкилотларнинг мутахассисларини, шунингдек, космик технологиялар соҳасидаги экспертларни тегишли шартнома асосида маслаҳатчи сифатида жалб этишга рухсат берилсин.
7. Марказнинг 2022 йил якунига қадар амалга оширадиган лойиҳалари бўйича «йўл харита» иловага мувофиқ тасдиқлансин:
Бунда қуйидаги лойиҳаларга устувор аҳамият берилсин:
Чимқўрғон ва Жанубий-Сурхон сув омборларининг лойқа оқизиқлар билан тўлиб бориш динамикасини космик мониторинг қилиш;
Тошкент шаҳри ва Тошкент вилоятидаги жами 800 квадрат километр ҳудудда ноқонуний бино ва ерни ўзбошимчалик билан эгаллаб олиш, Бўстонлиқ туманида умумий майдони 870 квадрат километр ерларда ноқонуний ўрмон кесиш ҳолатларини ўрганиш;
Самарқанд шаҳридаги умумий 1160 квадрат километр ерларда транспорт инфратузилмасини инвентаризация қилиш, Самарқанд ва Фарғона вилоятларидаги умумий 23,5 минг квадрат километр ҳудудда ер ости бойликларини қазиб олиш ҳолатларини мониторинг қилиш;
Жомбой, Пайариқ ва Оқдарё туманларидаги умумий 2,2 минг квадрат километр ҳудудда сувдан оқилона фойдаланиш, экинларнинг ривожланишини баҳолаш ҳамда ҳосилдорликни прогнозлаш амалиётини йўлга қўйиш.
8. Белгилансинки:
космик технологиялардан кенг фойдаланиш бўйича лойиҳаларни амалга ошириш жараёнида зарур бўлган маълумотларни масъул вазирлик ва идоралар «Ўзбеккосмос» агентлигига ўз вақтида сифатли тақдим этиб борадилар;
Марказ ўз ташаббуси билан ёки грант асосида амалга ошириладиган лойиҳалар ҳақида манфаатдор вазирлик, идора ва давлат ташкилотларини хабардор қилади.
9. Ахборот технологиялари ва коммуникацияларини ривожлантириш вазирлиги Марказни белгиланган тартибда зарур алоқа воситалари, шу жумладан, ҳукумат алоқаси билан таъминласин.
10. Марказ Тошкент шаҳрининг Чилонзор тумани Чилонзор кўчасидаги 53-уй манзилида жойлашган «Ўзбеккосмос» агентлигининг биносига текин фойдаланиш ҳуқуқи асосида жойлаштирилсин.
11. Мазкур қарорнинг бажарилишини назорат қилиш Вазирлар Маҳкамасининг IT-технологиялар, телекоммуникациялар ва илмий фаолиятни ривожлантириш масалалари департаментига ҳамда Космик тадқиқотлар ва технологиялар агентлиги бош директори в.б. Ш. Кадиров зиммасига юклансин.
Вазирлар Маҳкамасининг 2022 йил 20 майдаги 274-сон қарорига ИЛОВА
«Космик мониторинг ва геоахборот технологиялари маркази» давлат унитар корхонасининг 2022 йил якунига қадар амалга оширадиган лойиҳалари бўйича
Т/р Лойиҳалар Амалга ошириш механизми Ижро муддати Молиялаштириш манбаи Масъуллар I. Сув хўжалиги соҳасида 1. Ўзбекистон Республикасининг Чимқўрғон ва Жанубий-Сурхон сув омборларининг лойқа оқизиқлар билан тўлиб бориш динамикасини космик мониторинг қилиш. 1. Синов лойиҳасини амалга ошириш учун малакали мутахассислардан, шу жумладан, хорижий экспертлардан иборат ишчи гуруҳни шакллантириш. 2022 йил 30 сентябрь «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Сув хўжалиги вазирлиги ( А. Назаров) 2. Лойиҳани амалга ошириш учун барча зарур маълумотлар билан алмашиш. 2022 йил 10 ноябрь 3. Лойиҳа-техник ҳужжатларини ишлаб чиқиш. 2022 йил 30 ноябрь 4. Лойиҳа-техник ҳужжатларига асосан космик мониторинг орқали сув омборларини лойқа оқизиқлар билан тўлиб бориш динамикасини баҳолаш. 2022 йил 25 декабрь 5. Космик мониторинг натижасида олинган маълумотларни ваколатли давлат органларига тақдим этиш. Тизимли равишда 2. Самарқанд вилоятининг умумий майдони 2,2 минг км 2 бўлган Жомбой, Пайариқ ва Оқдарё туманлари кесимида қишлоқ хўжалиги ерларининг мелиоротив ҳолати ва сув билан таъминланганлик даражасини баҳолаш бўйича космик мониторинг тизимини жорий этиш. 1. Лойиҳани амалга ошириш учун малакали мутахассислардан, шу жумладан, хорижий экспертлардан иборат ишчи гуруҳни шакллантириш. 2022 йил 30 июнь Франция ҳукуматининг грант маблағлари ҳамда «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Сув хўжалиги вазирлиги ( А. Назаров), Қишлоқ хўжалиги вазирлиги (Қ. Юлдашев), Самарқанд вилояти ҳокимлиги ( Э. Турдимов ) 2. Лойиҳани амалга ошириш учун барча зарур маълумотлар билан алмашиш. 2022 йил 15 июль 3. Лойиҳа-техник ҳужжатларини ишлаб чиқиш. 2022 йил 31 июль 4. Лойиҳа-техник ҳужжатларига асосан космик мониторингни амалга ошириш. Лойиҳа-техник ҳужжатларида белгиланган муддатларда 5. Лойиҳа доирасида жамланган маълумотлар базасида геоахборот тизимини шакллантириш. 6. Космик мониторинг натижасида аниқланган маълумотларни ваколатли давлат органларига тақдим этиш. 3. Чимқўрғон ва Жанубий-Сурхон сув омборлари сув сатҳи режимини космик мониторинг қилиш. 1. Синов лойиҳасини амалга ошириш учун малакали мутахассислардан, шу жумладан, хорижий экспертлардан иборат ишчи гуруҳни шакллантириш. 2022 йил 25 сентябрь «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Сув хўжалиги вазирлиги ( А. Назаров) 2. Лойиҳани амалга ошириш учун барча зарур маълумотлар билан алмашиш. 2022 йил 20 октябрь 3. Лойиҳа-техник ҳужжатларини ишлаб чиқиш. 2022 йил 25 ноябрь 4. Лойиҳа-техник ҳужжатларига асосан космик мониторинг орқали сув омборларининг акваториясини мониторинг қилиш. 2022 йил 20 декабрь 5. Космик мониторинг натижасида аниқланган маълумотларни ваколатли давлат органларига тақдим этиш. Тизимли равишда 4. Ўзбекистондаги барча сув омборлари акваториясини космик мониторинг қилиш, шу жумладан, мониторинг натижалари асосида ноқонуний қурилиш объектлари бўйича таҳлилий маълумотларни ваколатли давлат органларига тақдим этиш. 1. Синов лойиҳасини амалга ошириш учун малакали мутахассислардан, шу жумладан хорижий экспертлардан иборат ишчи гуруҳни шакллантириш. 2022 йил 15 октябрь Ижрочиларнинг бюджет ва бюджетдан ташқари маблағлари доирасида «Ўзбеккосмос» агентлиги (Ш. Кадиров), Сув хўжалиги вазирлиги ( А. Назаров), Кадастр агентлиги (Ф. Пулатов) 2. Лойиҳани амалга ошириш учун барча зарур маълумотлар билан алмашиш. 2022 йил 10 ноябрь 3. Лойиҳа-техник ҳужжатларини ишлаб чиқиш. 2022 йил 30 ноябрь 4. Лойиҳа-техник ҳужжатларига асосан космик мониторингни амалга ошириш. 2022 йил 30 декабрь 5. Космик мониторинг натижасида аниқланган маълумотларни ваколатли давлат органларига тақдим этиш. Тизимли равишда II. Сейсмик хавфсизликни таъминлаш соҳасида 5. Ўзбекистон Республикасидаги энг сейсмик фаол, ўрта фаол ва тинч ҳудудлар ҳамда майдонларни ўзида мужассамлаштирган интерактив геоахборот тизимини ишлаб чиқиш. 1. Ишчи гуруҳ тузиш. Объект бўйича фонд материалларини ўрганиш. 2022 йил 1 июль Сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасини қўллаб-қувватлаш жамғармаси маблағлари «Ўзбеккосмос» агентлиги (Ш. Кадиров), Фанлар академияси (Б. Юлдашев) 2. Республикадаги энг сейсмик фаол, ўрта фаол ва тинч ҳудудларни аниқлаш. 2022 йил 25 июль 3. Техник топшириқлар, лойиҳа сметалари ва иш режасини ишлаб чиқиш. 2022 йил 1 август 4. Республикадаги энг сейсмик фаол, ўрта фаол ва тинч ҳудудлар ҳамда майдонларни ўзида мужассамлаштирган интерактив онлайн харитани ишлаб чиқиш. 2022 йил 25 декабрь 6. Сейсмик фаоллиги ўта юқори бўлган ҳудудларда жойлашган бино ва иншоотлар майдонининг зилзилалар оқибатида деформацияси, силжиши, чўкиши каби омилларни аниқлашга мўлжалланган космик мониторинг тизимини синов тариқасида жорий этиш. 1. Ишчи гуруҳ тузиш. Таҳлилий материалларини ўрганиш. 2022 йил 15 сентябрь Сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасини қўллаб-қувватлаш жамғармаси маблағлари «Ўзбеккосмос» агентлиги (Ш. Кадиров), Фанлар академияси (Б. Юлдашев) 2. Техник топшириқлар, лойиҳа сметалари ва иш режасини ишлаб чиқиш. 2022 йил 25 октябрь 3. Сейсмик фаол ҳудудларда жойлашган бино ва иншоотлар майдонининг зилзилалар оқибатида деформацияси, силжиши, чўкиши каби омилларни аниқлашга мўлжалланган радиолокацион космик мониторинг тизимни жорий этиш. 2022 йил 15 декабрь III. Ер муносабатлари соҳасида 7. Тошкент шаҳрининг Мирзо Улуғбек ва Юнусобод туманлари ҳамда Тошкент вилоятининг Қибрай ва Тошкент туманларида ўзбошимчалик билан эгалланган ер участкаларини ҳамда ноқонуний бино ва иншоотларни космик суратларини қайта ишлаш орқали аниқлаш ишларини амалга ошириш. 1. Лойиҳани амалга ошириш учун ишчи гуруҳ тузиш. 2022 йил 30 июнь Ижрочиларнинг бюджетдан ташқари маблағлари «Ўзбеккосмос» агентлиги (Ш. Кадиров), Кадастр агентлиги (Ф. Пулатов) 2. Лойиҳани амалга ошириш учун барча зарур маълумотлар билан алмашиш. 2022 йил 20 июль 3. Лойиҳа-техник ҳужжатларини ишлаб чиқиш. 2022 йил 25 сентябрь 4. Лойиҳа-техник ҳужжатларига асосан белгиланган ишларни амалга ошириш. 2022 йил 25 октябрь 5. Кадастр агентлигининг «E-Yer nazorat» автоматлаштирилган ахборот тизимига олинган натижаларани интеграция қилиш учун тақдим этиш. 2022 йил 30 октябрь 6. Лойиҳа доирасида олинган натижаларни республика миқёсида жорий этиш юзасидан дастурий маҳсулот ишлаб чиқиш бўйича Вазирлар Маҳкамасига таклиф киритиш. 2022 йил 30 декабрь 8. Республиканинг 135 минг км 2 майдони учун топографик, шунингдек, 1:10 000 ва 1:25 000 масштабдаги ер, қишлоқ ва бошқа турдаги тематик хариталарни яратиш ва янгилашда ваколатли давлат органининг эҳтиёжларига мувофиқ 0,5 см/пиксель аниқликдаги космик суратлар билан таъминлаш. 1. Лойиҳа-техник ҳужжатларини ишлаб чиқиш. 2022 йил 25 июль «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Кадастр агентлиги (Ф. Пулатов) 2. Лойиҳа-техник ҳужжатларига асосан космик суратларни ваколатли давлат органига тақдим этиш. 2022 йил 20 ноябрь IV. Геология ва минерал ресурслар соҳасида 9. Тошкент, Самарқанд, Жиззах ва Фарғона вилоятларида ер қаъри участкаларида ноқонуний геологик қидирув ишларини амалга ошириш, қазиш ва рухсат этилган чегара бузилиши эҳтимоли юқори бўлган ҳолатларни аниқлаш мақсадида космик мониторингни амалга ошириш 1. Лойиҳани амалга ошириш учун ишчи гуруҳ тузиш. 2022 йил 15 июнь «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Давлат геология қўмитаси (Ш. Алимов) 2. Лойиҳани амалга ошириш учун барча зарур маълумотлар билан алмашиш. 2022 йил 30 июнь 3. Лойиҳа-техник ҳужжатларини ишлаб чиқиш. 2022 йил 20 июль 4. Лойиҳа-техник ҳужжатларига асосан космик мониторингни амалга ошириш. 2022 йил 25 октябрь 5. Аниқланган қонунбузарликлар бўйича маълумотларни ваколатли давлат органига тақдим этиш. 2022 йил 30 октябрь 6. Лойиҳа натижаларига кўра республика миқёсида космик мониторингни жорий этиш. 2023 йилдан бошлаб доимий 10. Геологик қидирув ишларини ҳамда космогеологик тадқиқотларни амалга ошириш учун ваколатли давлат органини ўз эҳтиёжларига кўра космик суратлар билан таъминлаш. 1. Лойиҳа-техник ҳужжатларини ишлаб чиқиш. 2022 йил 30 июль «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Давлат геология қўмитаси (Ш. Алимов) 2. Лойиҳа-техник ҳужжатларига асосан космик суратлар билан таъминлаш. 2022 йил 25 сентябрь V. Ўрмон хўжалиги соҳасида 11. Аэрокосмик технологиялардан фойдаланган ҳолда Тошкент вилояти кесимида ўрмонларни инвентаризация қилиш. 1. Лойиҳани амалга ошириш учун ишчи гуруҳ тузиш. 2022 йил 25 июнь «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Ўрмон хўжалиги давлат қўмитаси (Н. Бакиров) 2. Лойиҳани амалга ошириш учун барча зарур маълумотлар билан алмашиш. 2022 йил 30 июль 3. Лойиҳа-техник ҳужжатларини ишлаб чиқиш. 2022 йил 20 август 4. Лойиҳа-техник ҳужжатларига асосан аэрокосмик мониторингни амалга ошириш. 2022 йил 25 октябрь 5. Аэрокосмик мониторинг натижасида аниқланган маълумотлар базасида геоахборот тизимини шакллантириш. 2022 йил 30 ноябрь 6. Геоахборот тизимига юкланган маълумотларга тегишли ваколатли органлар учун мазкур тизимдан фойдаланиш имкониятини яратиш. 2022 йил 15 декабрь 12. Тошкент вилоятининг Бўстонлиқ тумани ўрмон фонди ерлари кесимида ноқонуний қурилиш объектларини аниқлашда, ерни масофадан зондлаш ҳамда космик мониторинг технологиясини жорий этиш. 1. Лойиҳани амалга ошириш учун ишчи гуруҳни тузиш. 2022 йил 25 июнь «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Ўрмон хўжалиги давлат қўмитаси (Н. Бакиров) 2. Лойиҳани амалга ошириш учун барча зарур маълумотлар билан алмашиш. 2022 йил 20 июль 3. Лойиҳа-техник ҳужжатларини ишлаб чиқиш. 2022 йил 20 август 4. Лойиҳа-техник ҳужжатларига асосан космик мониторингни амалга ошириш. 2022 йил 15 октябрь 5. Космик мониторинг натижасида аниқланган маълумот базасида геоахборот тизимини шакллантириш. 2022 йил 25 ноябрь 6. Геоахборот тизимига юкланган маълумотларга тегишли ваколатли органлар учун мазкур тизимдан фойдаланиш имкониятини яратиш. 2022 йил 5 декабрь VI. Гидрометеорология соҳасида 13. Гидрометеорология ва иқлим ўзгариши соҳасида космик мониторинг тизимини жорий этиш. 1. Лойиҳани амалга ошириш учун барча зарур маълумотлар билан алмашиш. 2022 йил 25 июль «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Гидрометеорология хизмати маркази (Ш. Хабибуллаев) 2. Лойиҳа-техник ҳужжатларини ишлаб чиқиш. 2022 йил 15 август 3. Лойиҳа-техник ҳужжатларига асосан космик мониторингни амалга ошириш. 2022 йил 20 октябрь 4. Космик мониторинг натижасида аниқланган маълумот базасида геоахборот тизимини яратиш. 2022 йил 20 ноябрь 14. Сел-сув тошқинлари хавфи мавжуд ҳудудларда аҳоли ва ҳудудларни ҳимоя қилиш юзасидан берилган кўрсатмаларни ижросини космик мониторинг тизими орқали кузатишни йўлга қўйиш. 1. Лойиҳани амалга ошириш учун ишчи гуруҳ тузиш. 2022 йил 25 июнь «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Гидрометеорология хизмати маркази (Ш. Хабибуллаев) 2. Лойиҳани амалга ошириш учун барча зарур маълумотлар билан алмашиш. 2022 йил 30 июль 3. Лойиҳа-техник ҳужжатларини ишлаб чиқиш. 2022 йил 25 август 4. Лойиҳа-техник ҳужжатларига асосан космик мониторингни амалга ошириш. 2022 йил 30 октябрь 5. Космик мониторинг натижасида аниқланган маълумот базасида геоахборот тизимини шакллантириш. 2022 йил 25 ноябрь VII. Қишлоқ хўжалиги соҳасида 15. Самарқанд вилоятининг Жомбой, Пайариқ ва Оқдарё туманларида қишлоқ хўжалиги ер майдонларини ҳисоблаш ва уларнинг аниқ чегараларини белгилаш, қишлоқ хўжалиги ерларини инвентаризация қилиш ҳамда ҳақиқий экин экилган майдонларни аниқлаш бўйича космик мониторинг тизимини жорий этиш. 1. Лойиҳани амалга ошириш учун малакали мутахассислардан, шу жумладан, хорижий экспертлардан иборат ишчи гуруҳни шакллантириш. 2022 йил 30 июнь Франция ҳукуматининг грант маблағлари ҳамда «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Қишлоқ хўжалиги вазирлиги (Қ. Юлдашев) 2. Лойиҳани амалга ошириш учун барча зарур маълумотлар билан алмашиш. 2022 йил заруратга кўра 3. Лойиҳа-техник ҳужжатларини ишлаб чиқиш. 2022 йил 30 июль 4. Лойиҳа-техник ҳужжатларига асосан космик мониторингни амалга ошириш. Лойиҳа-техник ҳужжатларида белгиланган муддатларда 5. Космик мониторинг натижасида аниқланган маълумот базасида геоахборот тизимини яратиш. 16. Қишлоқ хўжалиги вазирлигининг эҳтиёжларига кўра 135 000 км 2 қишлоқ хўжалиги ерларида ишлаб чиқариш циклларининг ер чегараларини идентификация қилиш ҳамда 1:5000 масштабли топографик хариталарни яратиш мақсадида 50 см/пиксель аниқликдаги космик суратлар билан таъминлаш. 1. Лойиҳа-техник ҳужжатларини ишлаб чиқиш. 2022 йил 15 сентябрь «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Қишлоқ хўжалиги вазирлиги (Қ. Юлдашев) 2. Лойиҳа-техник ҳужжатларига асосан космик суратлар билан таъминлаш. 2022 йил 20 октябрь VIII. Экология ва атроф-муҳитни муҳофаза қилиш соҳасида 17. Тошкент вилояти кесимида рухсат этилган чиқиндиларни сақлаш жойларининг чегаралари бузилиши, сувнинг ифлосланиши, экологик хавфли объектлар ва янги ноқонуний чиқинди зоналарини аниқлаш бўйича космик мониторинг тизимини жорий этиш. 1. Лойиҳани амалга ошириш учун ишчи гуруҳ тузиш. 2022 йил 25 июнь «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Экология ва атроф-муҳитни муҳофаза қилиш давлат қўмитаси (Н. Обломурадов) 2. Лойиҳани амалга ошириш учун барча зарур маълумотлар билан алмашиш. 2022 йил 15 июль 3. Лойиҳа-техник ҳужжатларини ишлаб чиқиш. 2022 йил 30 июль 4. Лойиҳа-техник ҳужжатларига асосан космик мониторингни амалга ошириш. 2022 йил 30 октябрь 5. Шакллантирилган таҳлилий маълумотларни ваколатли давлат органларига тақдим этиш. 2022 йил 25 ноябрь 18. Тошкент вилояти кесимида муҳофаза этиладиган зоналарда табиий муҳитга салбий таъсир этувчи ҳолатларни аниқлаш бўйича космик мониторинг тизимини жорий этиш. 1. Лойиҳани амалга ошириш учун ишчи гуруҳ тузиш. 2022 йил 30 июль «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Экология ва атроф-муҳитни муҳофаза қилиш давлат қўмитаси (Н. Обломурадов) 2. Лойиҳани амалга ошириш учун барча зарур маълумотлар билан алмашиш. 2022 йил 15 август 3. Лойиҳа-техник ҳужжатларини ишлаб чиқиш. 2022 йил 30 сентябрь 4. Лойиҳа-техник ҳужжатларига асосан космик мониторингни амалга ошириш. 2022 йил 25 ноябрь 5. Шакллантирилган таҳлилий маълумотларни ваколатли давлат органларига тақдим этиш. 2022 йил 20 декабрь IX. Фавқулодда вазиятлар соҳасида 19. Республикада табиий ва техноген хусусиятли фавқулодда вазиятлар ва ёнғинларнинг келиб чиқиш хавфини барвақт аниқлаш мақсадида космик мониторинг тизимини жорий этиш. 1. Лойиҳани амалга ошириш учун барча зарур маълумотлар билан алмашиш. 2022 йил 15 июль «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Фавқулодда вазиятлар вазирлиги (А. Латифжонов) 2. Лойиҳа-техник ҳужжатларини ишлаб чиқиш. 2022 йил 25 август 3. Лойиҳа-техник ҳужжатларига асосан космик мониторингни амалга ошириш. 2022 йил 10 октябрь 4. Космик мониторинг натижасида аниқланган маълумот базасида геоахборот тизимини яратиш. 2022 йил 15 ноябрь 20. «Ўзбеккосмос» агентлиги имкониятларидан келиб чиқиб, фавқулодда вазиятлар вазирлигини фавқулодда вазиятлар ҳудуди бўйича тезкор космик суратлар билан таъминлаш. 1. Лойиҳа-техник ҳужжатларини ишлаб чиқиш. 2022 йил 15 август «Ўзбеккосмос» агентлигига давлат бюджетидан ажратилган маблағлар доирасида «Ўзбеккосмос» агентлиги (Ш. Кадиров), Фавқулодда вазиятлар вазирлиги (А. Латифжонов) 2. Лойиҳа-техник ҳужжатларига асосан космик суратлар билан таъминлаш. 2022 йил 20 сентябрь
Ўзбекистон Республикасининг Бош вазири А. АРИПОВ
Тошкент ш.,
2022 йил 20 май,
274-сон
Oʻzbekiston Respublikasi Vazirlar Mahkamasining
qarori
“YOʻL XARITA”
Kosmik tadqiqotlar va texnologiyalar agentligi faoliyatini yanada takomillashtirish chora-tadbirlari toʻgʻrisida
Kosmik monitoring ishlarini amalga oshirish va davlat boshqaruv organlarini kosmik suratlar bilan taʼminlash, shuningdek kosmik texnologiyalarni qoʻllash orqali ijtimoiy-iqtisodiy, ilm-fan, mudofaa va xavfsizlik sohalarida kosmik faoliyat natijalaridan samarali foydalanishni yoʻlga qoʻyish maqsadida Vazirlar Mahkamasi qaror qiladi:
1. Vazirlar Mahkamasi huzuridagi Kosmik tadqiqotlar va texnologiyalar agentligi (keyingi oʻrinda — “Oʻzbekkosmos” agentligi) hamda Axborot texnologiyalari va kommunikatsiyalarini rivojlantirish vazirligining “Oʻzbekkosmos” agentligi tizimida “Kosmik monitoring va geoaxborot texnologiyalari markazi” davlat unitar korxonasini (keyingi oʻrinda — Markaz) tashkil etish toʻgʻrisidagi taklifi maʼqullansin.
2. Quyidagilar Markazning asosiy vazifalari etib belgilansin:
kosmik monitoringni amalga oshirish;
sunʼiy yoʻldosh apparatlari orqali yerni masofadan zondlash, uning maʼlumotlarini qabul qilish, saqlash, qayta ishlash va uzatish;
kosmik sohaga oid xizmatlarni (kosmik faoliyat natijalarini qayta ishlash hamda uni jismoniy va yuridik shaxslarga taqdim etish, kosmik faoliyatga oid masalalar boʻyicha konsalting xizmatlari va boshqalar) koʻrsatish;
kosmik sohaga ilmiy va innovatsion texnologiyalarni keng jalb etish maqsadida mazkur sohadagi ilmiy va innovatsion ishlarni amalga oshirish;
kosmik va geoaxborot texnologiyalari, shuningdek, uchuvchisiz uchish apparatlari yordamida iqtisodiyot tarmoqlari, mudofaa va xavfsizlik sohalari hamda hududlarning ijtimoiy-iqtisodiy faoliyati samaradorligini oshirishga koʻmaklashish.
Markaz tomonidan davlat organlari va tashkilotlari, xoʻjalik birlashmalari, mahalliy ijro etuvchi hokimiyat organlari, jismoniy va yuridik shaxslarga kosmik monitoring, sunʼiy yoʻldosh hamda uchuvchisiz uchish apparatlari orqali yerni masofadan zondlash maʼlumotlarini taqdim etish va kosmik sohaga oid boshqa xizmatlar koʻrsatish shartnoma asosida amalga oshirilishi mumkin.
Bunda Markaz tomonidan maʼlumotlarni taqdim etish va boshqa kosmik xizmatlar koʻrsatish qonunchilik hujjatlarida belgilangan tartibda amalga oshiriladi.
3. Belgilansinki:
“Oʻzbekkosmos” agentligi Markazning muassisi hisoblanadi;
Markaz direktori “Oʻzbekkosmos” agentligi bosh direktori tomonidan lavozimga tayinlanadi va lavozimidan ozod qilinadi;
Markazning moliya yili yakuniga koʻra sof foydasi “Oʻzbekkosmos” agentligi bosh direktorining buyrugʻiga muvofiq Kosmik tarmoqni rivojlantirish jamgʻarmasiga, Markazning moddiy-texnik bazasini mustahkamlash va xodimlarni moddiy ragʻbatlantirishga yoʻnaltiriladi;
Markaz xodimlarining mehnatiga haq toʻlash, ularni moddiy ragʻbatlantirish va ijtimoiy himoya qilish tartibi “Oʻzbekkosmos” agentligi tomonidan belgilanadi.
4. “Oʻzbekkosmos” agentligi bir oy muddatda Markazning:
ustavini tasdiqlash va belgilangan tartibda davlat roʻyxatidan oʻtkazish;
tuzilmasi va shtatlar jadvalini tasdiqlash;
vazirlik va idoralar bilan hamkorlik aloqalarini oʻrnatish;
ustav fondini “Oʻzbekkosmos” agentligiga joriy yil uchun ajratilgan budjet mablagʻlari hisobidan shakllantirish hamda uni malakali kadrlar bilan taʼminlash choralarini koʻrsin.
5. Quyidagilar Markaz faoliyatini moliyalashtirish manbalari etib belgilansin:
“Oʻzbekkosmos” agentligi buyurtmalari va topshiriqlari asosida bajarilgan ishlar uchun toʻlanadigan mablagʻlar;
faoliyat ixtisosligi boʻyicha koʻrsatiladigan kosmik xizmatlardan olinadigan daromadlar;
xalqaro moliya institutlari, xorijiy tashkilotlar, donor mamlakatlar va tashkilotlarning grantlari;
qonunchilik hujjatlari bilan taqiqlanmagan boshqa manbalar.
6. Markazga oʻz mablagʻlari hisobidan “Oʻzbekkosmos” agentligi bilan kelishilgan holda:
malakali mahalliy va xorijiy mutaxassislarni, xorijda faoliyat yuritayotgan vatandoshlarni ishga qabul qilishga;
kosmik sohani rivojlantirishga koʻmaklashish doirasida Markazga davlat organlari va tashkilotlari, xoʻjalik birlashmalari, loyiha institutlari, ilmiy va oliy taʼlim tashkilotlari, yetakchi xalqaro va xorijiy tashkilotlarning mutaxassislarini, shuningdek, kosmik texnologiyalar sohasidagi ekspertlarni tegishli shartnoma asosida maslahatchi sifatida jalb etishga ruxsat berilsin.
7. Markazning 2022-yil yakuniga qadar amalga oshiradigan loyihalari boʻyicha “yoʻl xarita” ilovaga muvofiq tasdiqlansin:
Bunda quyidagi loyihalarga ustuvor ahamiyat berilsin:
Chimqoʻrgʻon va Janubiy-Surxon suv omborlarining loyqa oqiziqlar bilan toʻlib borish dinamikasini kosmik monitoring qilish;
Toshkent shahri va Toshkent viloyatidagi jami 800 kvadrat kilometr hududda noqonuniy bino va yerni oʻzboshimchalik bilan egallab olish, Boʻstonliq tumanida umumiy maydoni 870 kvadrat kilometr yerlarda noqonuniy oʻrmon kesish holatlarini oʻrganish;
Samarqand shahridagi umumiy 1160 kvadrat kilometr yerlarda transport infratuzilmasini inventarizatsiya qilish, Samarqand va Fargʻona viloyatlaridagi umumiy 23,5 ming kvadrat kilometr hududda yer osti boyliklarini qazib olish holatlarini monitoring qilish;
Jomboy, Payariq va Oqdaryo tumanlaridagi umumiy 2,2 ming kvadrat kilometr hududda suvdan oqilona foydalanish, ekinlarning rivojlanishini baholash hamda hosildorlikni prognozlash amaliyotini yoʻlga qoʻyish.
8. Belgilansinki:
kosmik texnologiyalardan keng foydalanish boʻyicha loyihalarni amalga oshirish jarayonida zarur boʻlgan maʼlumotlarni masʼul vazirlik va idoralar “Oʻzbekkosmos” agentligiga oʻz vaqtida sifatli taqdim etib boradilar;
Markaz oʻz tashabbusi bilan yoki grant asosida amalga oshiriladigan loyihalar haqida manfaatdor vazirlik, idora va davlat tashkilotlarini xabardor qiladi.
9. Axborot texnologiyalari va kommunikatsiyalarini rivojlantirish vazirligi Markazni belgilangan tartibda zarur aloqa vositalari, shu jumladan, hukumat aloqasi bilan taʼminlasin.
10. Markaz Toshkent shahrining Chilonzor tumani Chilonzor koʻchasidagi 53-uy manzilida joylashgan “Oʻzbekkosmos” agentligining binosiga tekin foydalanish huquqi asosida joylashtirilsin.
11. Mazkur qarorning bajarilishini nazorat qilish Vazirlar Mahkamasining IT-texnologiyalar, telekommunikatsiyalar va ilmiy faoliyatni rivojlantirish masalalari departamentiga hamda Kosmik tadqiqotlar va texnologiyalar agentligi bosh direktori v.b. Sh. Kadirov zimmasiga yuklansin.
Vazirlar Mahkamasining 2022-yil 20-maydagi 274-son qaroriga ILOVA
“Kosmik monitoring va geoaxborot texnologiyalari markazi” davlat unitar korxonasining 2022-yil yakuniga qadar amalga oshiradigan loyihalari boʻyicha
T/r Loyihalar Amalga oshirish mexanizmi Ijro muddati Moliyalashtirish manbai Masʼullar I. Suv xoʻjaligi sohasida 1. Oʻzbekiston Respublikasining Chimqoʻrgʻon va Janubiy-Surxon suv omborlarining loyqa oqiziqlar bilan toʻlib borish dinamikasini kosmik monitoring qilish. 1. Sinov loyihasini amalga oshirish uchun malakali mutaxassislardan, shu jumladan, xorijiy ekspertlardan iborat ishchi guruhni shakllantirish. 2022-yil 30-sentabr “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Suv xoʻjaligi vazirligi ( A. Nazarov) 2. Loyihani amalga oshirish uchun barcha zarur maʼlumotlar bilan almashish. 2022-yil 10-noyabr 3. Loyiha-texnik hujjatlarini ishlab chiqish. 2022-yil 30-noyabr 4. Loyiha-texnik hujjatlariga asosan kosmik monitoring orqali suv omborlarini loyqa oqiziqlar bilan toʻlib borish dinamikasini baholash. 2022-yil 25-dekabr 5. Kosmik monitoring natijasida olingan maʼlumotlarni vakolatli davlat organlariga taqdim etish. Tizimli ravishda 2. Samarqand viloyatining umumiy maydoni 2,2 ming km 2 boʻlgan Jomboy, Payariq va Oqdaryo tumanlari kesimida qishloq xoʻjaligi yerlarining meliorotiv holati va suv bilan taʼminlanganlik darajasini baholash boʻyicha kosmik monitoring tizimini joriy etish. 1. Loyihani amalga oshirish uchun malakali mutaxassislardan, shu jumladan, xorijiy ekspertlardan iborat ishchi guruhni shakllantirish. 2022-yil 30-iyun Fransiya hukumatining grant mablagʻlari hamda “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Suv xoʻjaligi vazirligi ( A. Nazarov), Qishloq xoʻjaligi vazirligi (Q. Yuldashev), Samarqand viloyati hokimligi ( E. Turdimov ) 2. Loyihani amalga oshirish uchun barcha zarur maʼlumotlar bilan almashish. 2022-yil 15-iyul 3. Loyiha-texnik hujjatlarini ishlab chiqish. 2022-yil 31-iyul 4. Loyiha-texnik hujjatlariga asosan kosmik monitoringni amalga oshirish. Loyiha-texnik hujjatlarida belgilangan muddatlarda 5. Loyiha doirasida jamlangan maʼlumotlar bazasida geoaxborot tizimini shakllantirish. 6. Kosmik monitoring natijasida aniqlangan maʼlumotlarni vakolatli davlat organlariga taqdim etish. 3. Chimqoʻrgʻon va Janubiy-Surxon suv omborlari suv sathi rejimini kosmik monitoring qilish. 1. Sinov loyihasini amalga oshirish uchun malakali mutaxassislardan, shu jumladan, xorijiy ekspertlardan iborat ishchi guruhni shakllantirish. 2022-yil 25-sentabr “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Suv xoʻjaligi vazirligi ( A. Nazarov) 2. Loyihani amalga oshirish uchun barcha zarur maʼlumotlar bilan almashish. 2022-yil 20-oktabr 3. Loyiha-texnik hujjatlarini ishlab chiqish. 2022-yil 25-noyabr 4. Loyiha-texnik hujjatlariga asosan kosmik monitoring orqali suv omborlarining akvatoriyasini monitoring qilish. 2022-yil 20-dekabr 5. Kosmik monitoring natijasida aniqlangan maʼlumotlarni vakolatli davlat organlariga taqdim etish. Tizimli ravishda 4. Oʻzbekistondagi barcha suv omborlari akvatoriyasini kosmik monitoring qilish, shu jumladan, monitoring natijalari asosida noqonuniy qurilish obyektlari boʻyicha tahliliy maʼlumotlarni vakolatli davlat organlariga taqdim etish. 1. Sinov loyihasini amalga oshirish uchun malakali mutaxassislardan, shu jumladan xorijiy ekspertlardan iborat ishchi guruhni shakllantirish. 2022-yil 15-oktabr Ijrochilarning budjet va budjetdan tashqari mablagʻlari doirasida “Oʻzbekkosmos” agentligi (Sh. Kadirov), Suv xoʻjaligi vazirligi ( A. Nazarov), Kadastr agentligi (F. Pulatov) 2. Loyihani amalga oshirish uchun barcha zarur maʼlumotlar bilan almashish. 2022-yil 10-noyabr 3. Loyiha-texnik hujjatlarini ishlab chiqish. 2022-yil 30-noyabr 4. Loyiha-texnik hujjatlariga asosan kosmik monitoringni amalga oshirish. 2022-yil 30-dekabr 5. Kosmik monitoring natijasida aniqlangan maʼlumotlarni vakolatli davlat organlariga taqdim etish. Tizimli ravishda II. Seysmik xavfsizlikni taʼminlash sohasida 5. Oʻzbekiston Respublikasidagi eng seysmik faol, oʻrta faol va tinch hududlar hamda maydonlarni oʻzida mujassamlashtirgan interaktiv geoaxborot tizimini ishlab chiqish. 1. Ishchi guruh tuzish. Obyekt boʻyicha fond materiallarini oʻrganish. 2022-yil 1-iyul Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi mablagʻlari “Oʻzbekkosmos” agentligi (Sh. Kadirov), Fanlar akademiyasi (B. Yuldashev) 2. Respublikadagi eng seysmik faol, oʻrta faol va tinch hududlarni aniqlash. 2022-yil 25-iyul 3. Texnik topshiriqlar, loyiha smetalari va ish rejasini ishlab chiqish. 2022-yil 1-avgust 4. Respublikadagi eng seysmik faol, oʻrta faol va tinch hududlar hamda maydonlarni oʻzida mujassamlashtirgan interaktiv onlayn xaritani ishlab chiqish. 2022-yil 25-dekabr 6. Seysmik faolligi oʻta yuqori boʻlgan hududlarda joylashgan bino va inshootlar maydonining zilzilalar oqibatida deformatsiyasi, siljishi, choʻkishi kabi omillarni aniqlashga moʻljallangan kosmik monitoring tizimini sinov tariqasida joriy etish. 1. Ishchi guruh tuzish. Tahliliy materiallarini oʻrganish. 2022-yil 15-sentabr Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi mablagʻlari “Oʻzbekkosmos” agentligi (Sh. Kadirov), Fanlar akademiyasi (B. Yuldashev) 2. Texnik topshiriqlar, loyiha smetalari va ish rejasini ishlab chiqish. 2022-yil 25-oktabr 3. Seysmik faol hududlarda joylashgan bino va inshootlar maydonining zilzilalar oqibatida deformatsiyasi, siljishi, choʻkishi kabi omillarni aniqlashga moʻljallangan radiolokatsion kosmik monitoring tizimni joriy etish. 2022-yil 15-dekabr III. Yer munosabatlari sohasida 7. Toshkent shahrining Mirzo Ulugʻbek va Yunusobod tumanlari hamda Toshkent viloyatining Qibray va Toshkent tumanlarida oʻzboshimchalik bilan egallangan yer uchastkalarini hamda noqonuniy bino va inshootlarni kosmik suratlarini qayta ishlash orqali aniqlash ishlarini amalga oshirish. 1. Loyihani amalga oshirish uchun ishchi guruh tuzish. 2022-yil 30-iyun Ijrochilarning budjetdan tashqari mablagʻlari “Oʻzbekkosmos” agentligi (Sh. Kadirov), Kadastr agentligi (F. Pulatov) 2. Loyihani amalga oshirish uchun barcha zarur maʼlumotlar bilan almashish. 2022-yil 20-iyul 3. Loyiha-texnik hujjatlarini ishlab chiqish. 2022-yil 25-sentabr 4. Loyiha-texnik hujjatlariga asosan belgilangan ishlarni amalga oshirish. 2022-yil 25-oktabr 5. Kadastr agentligining “E-Yer nazorat” avtomatlashtirilgan axborot tizimiga olingan natijalarani integratsiya qilish uchun taqdim etish. 2022-yil 30-oktabr 6. Loyiha doirasida olingan natijalarni respublika miqyosida joriy etish yuzasidan dasturiy mahsulot ishlab chiqish boʻyicha Vazirlar Mahkamasiga taklif kiritish. 2022-yil 30-dekabr 8. Respublikaning 135 ming km 2 maydoni uchun topografik, shuningdek, 1:10 000 va 1:25 000 masshtabdagi yer, qishloq va boshqa turdagi tematik xaritalarni yaratish va yangilashda vakolatli davlat organining ehtiyojlariga muvofiq 0,5 sm/piksel aniqlikdagi kosmik suratlar bilan taʼminlash. 1. Loyiha-texnik hujjatlarini ishlab chiqish. 2022-yil 25-iyul “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Kadastr agentligi (F. Pulatov) 2. Loyiha-texnik hujjatlariga asosan kosmik suratlarni vakolatli davlat organiga taqdim etish. 2022-yil 20-noyabr IV. Geologiya va mineral resurslar sohasida 9. Toshkent, Samarqand, Jizzax va Fargʻona viloyatlarida yer qaʼri uchastkalarida noqonuniy geologik qidiruv ishlarini amalga oshirish, qazish va ruxsat etilgan chegara buzilishi ehtimoli yuqori boʻlgan holatlarni aniqlash maqsadida kosmik monitoringni amalga oshirish 1. Loyihani amalga oshirish uchun ishchi guruh tuzish. 2022-yil 15-iyun “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Davlat geologiya qoʻmitasi (Sh. Alimov) 2. Loyihani amalga oshirish uchun barcha zarur maʼlumotlar bilan almashish. 2022-yil 30-iyun 3. Loyiha-texnik hujjatlarini ishlab chiqish. 2022-yil 20-iyul 4. Loyiha-texnik hujjatlariga asosan kosmik monitoringni amalga oshirish. 2022-yil 25-oktabr 5. Aniqlangan qonunbuzarliklar boʻyicha maʼlumotlarni vakolatli davlat organiga taqdim etish. 2022-yil 30-oktabr 6. Loyiha natijalariga koʻra respublika miqyosida kosmik monitoringni joriy etish. 2023-yildan boshlab doimiy 10. Geologik qidiruv ishlarini hamda kosmogeologik tadqiqotlarni amalga oshirish uchun vakolatli davlat organini oʻz ehtiyojlariga koʻra kosmik suratlar bilan taʼminlash. 1. Loyiha-texnik hujjatlarini ishlab chiqish. 2022-yil 30-iyul “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Davlat geologiya qoʻmitasi (Sh. Alimov) 2. Loyiha-texnik hujjatlariga asosan kosmik suratlar bilan taʼminlash. 2022-yil 25-sentabr V. Oʻrmon xoʻjaligi sohasida 11. Aerokosmik texnologiyalardan foydalangan holda Toshkent viloyati kesimida oʻrmonlarni inventarizatsiya qilish. 1. Loyihani amalga oshirish uchun ishchi guruh tuzish. 2022-yil 25-iyun “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Oʻrmon xoʻjaligi davlat qoʻmitasi (N. Bakirov) 2. Loyihani amalga oshirish uchun barcha zarur maʼlumotlar bilan almashish. 2022-yil 30-iyul 3. Loyiha-texnik hujjatlarini ishlab chiqish. 2022-yil 20-avgust 4. Loyiha-texnik hujjatlariga asosan aerokosmik monitoringni amalga oshirish. 2022-yil 25-oktabr 5. Aerokosmik monitoring natijasida aniqlangan maʼlumotlar bazasida geoaxborot tizimini shakllantirish. 2022-yil 30-noyabr 6. Geoaxborot tizimiga yuklangan maʼlumotlarga tegishli vakolatli organlar uchun mazkur tizimdan foydalanish imkoniyatini yaratish. 2022-yil 15-dekabr 12. Toshkent viloyatining Boʻstonliq tumani oʻrmon fondi yerlari kesimida noqonuniy qurilish obyektlarini aniqlashda, yerni masofadan zondlash hamda kosmik monitoring texnologiyasini joriy etish. 1. Loyihani amalga oshirish uchun ishchi guruhni tuzish. 2022-yil 25-iyun “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Oʻrmon xoʻjaligi davlat qoʻmitasi (N. Bakirov) 2. Loyihani amalga oshirish uchun barcha zarur maʼlumotlar bilan almashish. 2022-yil 20-iyul 3. Loyiha-texnik hujjatlarini ishlab chiqish. 2022-yil 20-avgust 4. Loyiha-texnik hujjatlariga asosan kosmik monitoringni amalga oshirish. 2022-yil 15-oktabr 5. Kosmik monitoring natijasida aniqlangan maʼlumot bazasida geoaxborot tizimini shakllantirish. 2022-yil 25-noyabr 6. Geoaxborot tizimiga yuklangan maʼlumotlarga tegishli vakolatli organlar uchun mazkur tizimdan foydalanish imkoniyatini yaratish. 2022-yil 5-dekabr VI. Gidrometeorologiya sohasida 13. Gidrometeorologiya va iqlim oʻzgarishi sohasida kosmik monitoring tizimini joriy etish. 1. Loyihani amalga oshirish uchun barcha zarur maʼlumotlar bilan almashish. 2022-yil 25-iyul “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Gidrometeorologiya xizmati markazi (Sh. Xabibullayev) 2. Loyiha-texnik hujjatlarini ishlab chiqish. 2022-yil 15-avgust 3. Loyiha-texnik hujjatlariga asosan kosmik monitoringni amalga oshirish. 2022-yil 20-oktabr 4. Kosmik monitoring natijasida aniqlangan maʼlumot bazasida geoaxborot tizimini yaratish. 2022-yil 20-noyabr 14. Sel-suv toshqinlari xavfi mavjud hududlarda aholi va hududlarni himoya qilish yuzasidan berilgan koʻrsatmalarni ijrosini kosmik monitoring tizimi orqali kuzatishni yoʻlga qoʻyish. 1. Loyihani amalga oshirish uchun ishchi guruh tuzish. 2022-yil 25-iyun “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Gidrometeorologiya xizmati markazi (Sh. Xabibullayev) 2. Loyihani amalga oshirish uchun barcha zarur maʼlumotlar bilan almashish. 2022-yil 30-iyul 3. Loyiha-texnik hujjatlarini ishlab chiqish. 2022-yil 25-avgust 4. Loyiha-texnik hujjatlariga asosan kosmik monitoringni amalga oshirish. 2022-yil 30-oktabr 5. Kosmik monitoring natijasida aniqlangan maʼlumot bazasida geoaxborot tizimini shakllantirish. 2022-yil 25-noyabr VII. Qishloq xoʻjaligi sohasida 15. Samarqand viloyatining Jomboy, Payariq va Oqdaryo tumanlarida qishloq xoʻjaligi yer maydonlarini hisoblash va ularning aniq chegaralarini belgilash, qishloq xoʻjaligi yerlarini inventarizatsiya qilish hamda haqiqiy ekin ekilgan maydonlarni aniqlash boʻyicha kosmik monitoring tizimini joriy etish. 1. Loyihani amalga oshirish uchun malakali mutaxassislardan, shu jumladan, xorijiy ekspertlardan iborat ishchi guruhni shakllantirish. 2022-yil 30-iyun Fransiya hukumatining grant mablagʻlari hamda “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Qishloq xoʻjaligi vazirligi (Q. Yuldashev) 2. Loyihani amalga oshirish uchun barcha zarur maʼlumotlar bilan almashish. 2022-yil zaruratga koʻra 3. Loyiha-texnik hujjatlarini ishlab chiqish. 2022-yil 30-iyul 4. Loyiha-texnik hujjatlariga asosan kosmik monitoringni amalga oshirish. Loyiha-texnik hujjatlarida belgilangan muddatlarda 5. Kosmik monitoring natijasida aniqlangan maʼlumot bazasida geoaxborot tizimini yaratish. 16. Qishloq xoʻjaligi vazirligining ehtiyojlariga koʻra 135 000 km 2 qishloq xoʻjaligi yerlarida ishlab chiqarish sikllarining yer chegaralarini identifikatsiya qilish hamda 1:5000 masshtabli topografik xaritalarni yaratish maqsadida 50 sm/piksel aniqlikdagi kosmik suratlar bilan taʼminlash. 1. Loyiha-texnik hujjatlarini ishlab chiqish. 2022-yil 15-sentabr “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Qishloq xoʻjaligi vazirligi (Q. Yuldashev) 2. Loyiha-texnik hujjatlariga asosan kosmik suratlar bilan taʼminlash. 2022-yil 20-oktabr VIII. Ekologiya va atrof-muhitni muhofaza qilish sohasida 17. Toshkent viloyati kesimida ruxsat etilgan chiqindilarni saqlash joylarining chegaralari buzilishi, suvning ifloslanishi, ekologik xavfli obyektlar va yangi noqonuniy chiqindi zonalarini aniqlash boʻyicha kosmik monitoring tizimini joriy etish. 1. Loyihani amalga oshirish uchun ishchi guruh tuzish. 2022-yil 25-iyun “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Ekologiya va atrof-muhitni muhofaza qilish davlat qoʻmitasi (N. Oblomuradov) 2. Loyihani amalga oshirish uchun barcha zarur maʼlumotlar bilan almashish. 2022-yil 15-iyul 3. Loyiha-texnik hujjatlarini ishlab chiqish. 2022-yil 30-iyul 4. Loyiha-texnik hujjatlariga asosan kosmik monitoringni amalga oshirish. 2022-yil 30-oktabr 5. Shakllantirilgan tahliliy maʼlumotlarni vakolatli davlat organlariga taqdim etish. 2022-yil 25-noyabr 18. Toshkent viloyati kesimida muhofaza etiladigan zonalarda tabiiy muhitga salbiy taʼsir etuvchi holatlarni aniqlash boʻyicha kosmik monitoring tizimini joriy etish. 1. Loyihani amalga oshirish uchun ishchi guruh tuzish. 2022-yil 30-iyul “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Ekologiya va atrof-muhitni muhofaza qilish davlat qoʻmitasi (N. Oblomuradov) 2. Loyihani amalga oshirish uchun barcha zarur maʼlumotlar bilan almashish. 2022-yil 15-avgust 3. Loyiha-texnik hujjatlarini ishlab chiqish. 2022-yil 30-sentabr 4. Loyiha-texnik hujjatlariga asosan kosmik monitoringni amalga oshirish. 2022-yil 25-noyabr 5. Shakllantirilgan tahliliy maʼlumotlarni vakolatli davlat organlariga taqdim etish. 2022-yil 20-dekabr IX. Favqulodda vaziyatlar sohasida 19. Respublikada tabiiy va texnogen xususiyatli favqulodda vaziyatlar va yongʻinlarning kelib chiqish xavfini barvaqt aniqlash maqsadida kosmik monitoring tizimini joriy etish. 1. Loyihani amalga oshirish uchun barcha zarur maʼlumotlar bilan almashish. 2022-yil 15-iyul “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Favqulodda vaziyatlar vazirligi (A. Latifjonov) 2. Loyiha-texnik hujjatlarini ishlab chiqish. 2022-yil 25-avgust 3. Loyiha-texnik hujjatlariga asosan kosmik monitoringni amalga oshirish. 2022-yil 10-oktabr 4. Kosmik monitoring natijasida aniqlangan maʼlumot bazasida geoaxborot tizimini yaratish. 2022-yil 15-noyabr 20. “Oʻzbekkosmos” agentligi imkoniyatlaridan kelib chiqib, favqulodda vaziyatlar vazirligini favqulodda vaziyatlar hududi boʻyicha tezkor kosmik suratlar bilan taʼminlash. 1. Loyiha-texnik hujjatlarini ishlab chiqish. 2022-yil 15-avgust “Oʻzbekkosmos” agentligiga davlat budjetidan ajratilgan mablagʻlar doirasida “Oʻzbekkosmos” agentligi (Sh. Kadirov), Favqulodda vaziyatlar vazirligi (A. Latifjonov) 2. Loyiha-texnik hujjatlariga asosan kosmik suratlar bilan taʼminlash. 2022-yil 20-sentabr
Oʻzbekiston Respublikasining Bosh vaziri A. ARIPOV
Toshkent sh.,
2022-yil 20-may,
274-son