UzbekAI

Ўзбекистон Республикаси Вазирлар Маҳкамасининг

қарори

низом

СХЕМАСИ

СХЕМАСИ

СХЕМАСИ

СХЕМАСИ

СХЕМАСИ

Давлат харидларини амалга ошириш билан боғлиқ тартиб-таомилларни ташкил этиш ва ўтказиш тартиби тўғрисидаги низомни тасдиқлаш ҳақида

Ўзбекистон Республикасининг «Давлат харидлари тўғрисида»ги Қонуни ижросини таъминлаш, шунингдек, давлат харидларини амалга оширишнинг рақобатли усулларини амалиётга жорий этиш мақсадида Вазирлар Маҳкамаси қарор қилади:

1. Ўзбекистон Республикасининг «Давлат харидлари тўғрисида»ги Қонунининг энг яхши таклифларни танлаш ва тендер харид қилиш тартиб-таомилларини мажбурий тартибда электрон шаклда ўтказиш тўғрисидаги талаби 2022 йил 1 январдан бошлаб кучга кирганлиги маълумот учун қабул қилинсин.

2. Қуйидагиларни назарда тутувчи Давлат харидларини амалга ошириш билан боғлиқ тартиб-таомилларни ташкил этиш ва ўтказиш тартиби тўғрисидаги низом иловага мувофиқ тасдиқлансин:

давлат харидларини электрон шаклда ўтказишнинг умумий қоидалари ва шартлари;

харид қилиш тартиб-таомилларини амалга ошириш турлари ҳамда давлат харидларини ўтказиш мезонлари ва тартиблари;

бошланғич нархни пасайтириш учун ўтказиладиган аукцион орқали давлат харидларини амалга оширишда товарларни етказиб бериш муддатлари;

энг яхши таклифларни танлаш ва тендер бўйича харид қилиш ҳужжатларида иштирокчиларнинг асосий бенефициар мулкдор тўғрисидаги маълумотларни ошкор этиши тўғрисидаги талаб;

ҳадли келишув тартиб-таомили орқали давлат харидларини амалга ошириш шартлари;

тўғридан-тўғри шартномалар бўйича давлат харидларини амалга ошириш тартиби;

давлат буюртмачилари томонидан тузилган давлат харидлари тўғрисидаги Шартномаларнинг ягона реестрини юритиш қоидалари.

3. Ўзбекистон Республикаси Молия вазирлиги:

икки ой муддатда давлат харидларига тадбиркорлик субъектларини кенг жалб қилиш, шунингдек, иштирокчиларнинг электрон шаклда ўтказиладиган харид тартиб-таомилларида иштирокини соддалаштирилган кўринишда ташкил этиш юзасидан таклифларни;

2023 йил 1 мартга қадар манфаатдор вазирликлар ва идоралар билан биргаликда халқаро молия институтларини жалб қилган ҳолда 2023 — 2027 йиллар мобайнида Ўзбекистон Республикаси давлат харидлари соҳасини янада ривожлантириш ва такомиллаштириш стратегиясини Ўзбекистон Республикаси Вазирлар Маҳкамасига киритсин.

3 1 . Шундай тартиб ўрнатилсинки, унга мувофиқ:

Саноат кооперацияси ва давлат харидлари агентлиги Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Ўзбекистон техник жиҳатдан тартибга солиш агентлиги ҳамда «Лойиҳалар ва харидлар самарадорлигини ошириш маркази» ДМ билан биргаликда ҳар йилнинг якунига кўра Ягона етказиб берувчилар реестридаги рўйхатни қайта кўриб чиқади ҳамда уни доимий тарзда янгилаб боради;

2026 йил 1 январдан бошлаб товарлар бўйича бюджет буюртмачиси ўзи жойлаштирган режа-жадвалларга маҳаллий ишлаб чиқарувчиларнинг бириктирилган оферталарини ўрганиб чиқиб, ўз талаблари ва эҳтиёжларига мос келган офертани танлайди, офертадаги товарнинг техник параметрлари мос келмаганда давлат буюртмачиси харид қилиш тартиб-таомилининг бошқа турларидан фойдаланиши мумкин.

4. Ўзбекистон Республикаси Молия вазирлиги мазкур қарор билан жорий этилаётган тартибнинг мазмун-моҳияти ва аҳамияти оммавий ахборот воситаларида кенг ёритилишини ташкил этсин.

5. Ўзбекистон Республикаси Молия вазирлиги манфаатдор вазирликлар ва идоралар билан биргаликда икки ой муддатда ўзлари қабул қилган норматив-ҳуқуқий ҳужжатлар мазкур қарор талабларига мувофиқлаштирилишини таъминласин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисод ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси молия вазири Т.А. Ишметов зиммасига юклансин.

Вазирлар Маҳкамасининг 2022 йил 20 майдаги 276-сон қарорига ИЛОВА

Давлат харидларини амалга ошириш билан боғлиқ тартиб-таомилларни ташкил этиш ва ўтказиш тартиби тўғрисида

1-боб. Умумий қоидалар

1. Мазкур Низом Ўзбекистон Республикасининг «Давлат харидлари тўғрисида»ги Қонунига (кейинги ўринларда — Қонун) мувофиқ давлат харидларини амалга ошириш билан боғлиқ тартиб-таомилларни ташкил этиш ва ўтказиш тартибини белгилайди.

2. Мазкур Низомда қуйидаги асосий тушунчалардан фойдаланилади:

аванс тўлови — қонунчиликда белгиланган тартибда давлат буюртмачиси ва харид қилиш тартиб-таомиллари иштирокчиси томонидан киритиладиган, давлат харидларининг электрон тизими операторининг воситачилик йиғимини ва томонларнинг закалатини ўз ичига олган молиявий маблағлар суммаси;

ваколатли орган — Ўзбекистон Республикаси Саноат кооперацияси ва давлат харидлари агентлиги;

воситачилик йиғими — давлат харидларининг электрон тизими операторининг харид қилиш тартиб-таомилларини амалга ошириш билан боғлиқ хизматлари учун ундириладиган йиғим;

закалат — корпоратив буюртмачи томонидан электрон дўкон ёки бошланғич нархни пасайтириш учун ўтказиладиган аукцион натижасида тузилган шартнома бўйича тўловлар тўлиқ ҳажмда амалга оширилишини таъминлаш ҳамда харид қилиш тартиб-таомиллари иштирокчилари томонидан ўзларининг таклифларини таъминлаш усули;

давлат буюртмачиси — давлат харидларини амалга оширувчи юридик шахс;

Давлат харидлари соҳасидаги шикоятларни кўриб чиқиш бўйича комиссия — ваколатли орган томонидан шикоятларни адолатли, тезкор ва самарали кўриб чиқиш мақсадида Вазирлар Маҳкамаси томонидан давлат органлари, давлат харидлари электрон тизимининг операторлари ва жамоатчилик вакилларидан иборат таркибда тузиладиган комиссия;

давлат харидларининг режа-жадвали — давлат буюртмачиси томонидан йил ва чорак давомида харид қилиниши режалаштирилган товарлар (ишлар, хизматлар) тўғрисидаги маълумотларни назарда тутувчи ҳужжат;

давлат харидларининг электрон тизими — электрон давлат харидлари жараёнидаги харид қилиш тартиб-таомилларини ўтказишда давлат харидларининг субъектлари ҳамкорлигини таъминлайдиган ташкилий, ахборотга оид ва техник ечимларнинг дастурий мажмуи;

давлат харидлари электрон тизимининг оператори (кейинги ўринларда — оператор) — давлат харидларининг субъектларига давлат харидларининг электрон тизимларида харид қилиш тартиб-таомилларини амалга ошириш билан боғлиқ хизматлар кўрсатадиган, ваколатли орган томонидан белгиланадиган махсус ваколатли юридик шахс;

лот — турли белгилари бўйича гуруҳлаштирилган (фойдаланиш, техник ва функционал хусусиятларига кўра) бир хил турдаги товарларнинг (ишларнинг, хизматларнинг) жамланмаси сифатида давлат буюртмачиси томонидан белгиланган ва алоҳида давлат харидлари тўғрисидаги шартнома бўйича харид предмети ҳисобаландиган миқдорий қисм;

шахсий кабинет — электрон давлат харидларида иштирок этишни ҳамда зарур ахборотни жойлаштиришни ва ундан фойдаланишни таъминлайдиган, давлат харидлари субъектлари, харид комиссиясининг масъул котиби, харид қилиш тартиб-таомилларининг давлат назоратини амалга оширувчи давлат органларининг махсус ахборот порталидаги ва (ёки) давлат харидларининг электрон тизимидаги индивидуал саҳифаси;

электрон таклиф — энг яхши таклифларни танлаш ва тендер тартиб-таомилида қатнашиш учун харид қилиш тартиб-таомиллари иштирокчиси ўз шахсий кабинети орқали электрон кўринишда юборадиган таклиф;

қадам ўлчови — бошланғич нархни пасайтириш учун ўтказиладиган аукционнинг бошланғич ва/ёки ўзидан олдинги харид қилиш тартиб-таомили иштирокчисининг нархини пасайтиришнинг фоиз кўринишида белгиланадиган интервали;

ҳисоб-китоб-клиринг палатаси (кейинги ўринларда — ҲККП) — аванс тўловларини депонентлаш ва уларни ҳисобга олиш йўли билан давлат харидлари тўғрисидаги шартномалар бўйича мажбуриятларни бажара оладиган харид қилиш тартиб-таомиллари иштирокчилари электрон давлат харидларига киришини таъминловчи давлат харидлари электрон тизимининг таркибий бўлинмаси.

3. Корпоратив буюртмачилар 2022 йил 1 июлдан бошлаб давлат харидини амалга оширишда ушбу Низомнинг 7-бобига мувофиқ ҳадли келишув тартиб-таомилидан ҳам фойдаланиши мумкин.

4. Давлат буюртмачисининг давлат харидларига тайёргарлиги қуйидагиларни ўз ичига олади:

махсус ахборот порталида давлат харидларининг режа-жадвалларини жойлаштириш;

қонунчилик ҳужжатларида белгиланган ҳолларда электрон давлат харидларида иштирок этиш учун аванс тўловларини киритиш;

давлат харидларининг электрон тизимига давлат харидлари ўтказилиши ҳақидаги эълонларни жойлаштириш;

махсус ахборот порталида давлат буюртмачиси ўзи билан аффилланган шахслар ҳақидаги маълумотларни жойлаштириш.

5. Давлат харидларининг йиллик ва чораклик режа-жадвалларини махсус ахборот порталида жойлаштириш тартиби ва муддатлари Қонуннинг 29-моддасига асосан белгиланади.

Давлат буюртмачилари давлат харидларининг йиллик ва чораклик режа-жадвалларига ўзгартириш ва қўшимчалар киритиши мумкин.

Бунда харид қилиш тартиб-таомили ўтказилишидан камида уч иш куни олдин давлат харидлари режа-жадвалларига ўзгартириш ва қўшимчалар киритилишига йўл қўйилади.

6. Давлат харидларининг режа-жадвали қуйидаги маълумотларни ўз ичига олиши керак:

харид предмети;

харид предметининг миқдори ва нархи;

харид ўтказиладиган ой;

давлат буюртмачисининг номи ва манзили;

харид предметини молиялаштириш манбалари ва муддатлари;

товарларни етказиб бериш, ишларни бажариш ва хизматларни кўрсатиш жойи (манзили).

6 1 . Бюджет буюртмачиси томонидан махсус ахборот порталига товарлар бўйича режа-жадваллар жойлаштирилган пайтда ушбу маълумотлар маҳаллий ишлаб чиқарувчиларга автомат равишда электрон хабарнома орқали юборилади.

Бунда электрон хабарнома келиб тушган пайтдан эътиборан савдолар бошлангунига қадар товарлар ишлаб чиқарувчиларининг тегишли товарлар бўйича оферталари режа-жадвалларга бириктирилади.

7. Давлат буюртмачиси билан манфаатлар тўқнашувига эга бўлган хўжалик юритувчи субъект харид қилиш тартиб-таомиллари иштирокчиси (кейинги ўринларда — иштирокчи) бўлиши мумкин эмас.

2-боб. Электрон давлат харидларини ўтказишнинг умумий шартлари

8. Электрон давлат харидларида иштирок этиш учун:

корпоратив буюртмачи ва иштирокчилар операторнинг воситачилик йиғимини ва томонларнинг закалатини (бундан харид комиссияси томонидан закалат тўлаш талаби белгиламаган ҳоллар мустасно);

бюджет буюртмачиси операторнинг воситачилик йиғимини ҲККПдаги шахсий ҳисобварақларига ўтказадилар.

Бюджет буюртмачиси электрон давлат харидларида иштирок этиш учун закалатни ҲККПга ўтказиши талаб этилмайди.

9. Давлат буюртмачиси ва иштирокчилар электрон давлат харидларидаги иштирокларини электрон рақамли имзолардан (кейинги ўринларда — ЭРИ) фойдаланган ҳолда амалга оширади. Давлат буюртмачиси ва иштирокчининг ЭРИдан фойдаланиб давлат харидларининг электрон тизими орқали тузган давлат харидлари тўғрисидаги шартномалари ҳақиқий ҳисобланади.

10. Бюджет буюртмачилари эълон ёки оферта бўйича Молия вазирлигининг давлат молиясини бошқариш ахборот тизими (кейинги ўринларда — ДМБАТ) томонидан банд қўйилган суммасининг, шунингдек, уларнинг ҲККПдаги ҳисобварақларида операторнинг воситачилик йиғими суммасининг етарли миқдори мавжуд бўлган тақдирда, электрон давлат харидларида иштирок этадилар.

11. Корпоратив буюртмачилар ва иштирокчилар, уларнинг ҲККПдаги ҳисобварақларида давлат харидларининг электрон тизими операторининг воситачилик йиғими ва томонларнинг закалати суммасини тўлаш учун етарли бўлган аванс тўловини ўтказгандан сўнг электрон давлат харидларида иштирок этадилар.

12. Бюджет буюртмачиси томонидан шахсий кабинет орқали аукцион, танлаш ва тендер ўтказилиши тўғрисидаги эълон жойлаштирилиб ёки электрон дўконда иштирокчининг офертаси танланиб, давлат харидларининг электрон тизими электрон давлат харидлари якунларига кўра тузиладиган шартномавий мажбуриятларни бажариш учун молиялаштириш манбаларини инобатга олган ҳолда керакли суммага банд қўйиш тўғрисидаги ахборотни ДМБАТдан олгандан сўнг ушбу эълонни ёки танланган оферта бўйича нархлар сўрови механизмини фаоллаштиради.

13. Аукцион иштирокчиси закалати бошқа иштирокчи томонидан ундан кўра пастроқ нархдаги таклиф берилгунга қадар банд қилиб қўйилади.

Электрон дўкон иштирокчиларининг закалати ғолиб аниқлангунга қадар оператор томонидан банд қилиб қўйилади.

Электрон дўкон ва аукцион ўтказишда корпоратив буюртмачи ва давлат харидлари ижрочисининг (кейинги ўринларда — ижрочи) киритган закалатлари шартнома бўйича мажбуриятлар тўлиқ бажарилган ёки белгиланган тартибда бекор қилингунга қадар банд қилиб қўйилади.

14. Корпоратив буюртмачилар ва иштирокчилар ҲККПдаги шахсий ҳисобварақларига:

электрон дўконда иштирок этишдан олдин иштирокчининг офертаси қийматининг 3 фоизи миқдорида;

аукционда иштирок этишдан олдин аукционнинг бошланғич нархидан 3 фоиз миқдорида закалат ўтказадилар.

15. Давлат буюртмачиси томонидан танлаш ёки тендер ўтказишда иштирокчилар томонидан закалат киритиш зарурати ҳамда киритиладиган закалат миқдори харид комиссияси томонидан белгиланади. Иштирокчиларнинг закалати оператор томонидан ғолиб аниқлангунга қадар банд қилиб қўйилади.

Танлаш ёки тендер ғолибининг закалати шартнома тузилгунига қадар банд қилиб қўйилади. Бунда ғолиб шартнома тузишни рад этган тақдирда, унга закалат суммаси қайтариб берилмайди ва мазкур маблағлар оператор томонидан давлат буюртмачиларининг тегишли ҳисобварағига (бюджет буюртмачисининг бюджетдан ташқари тегишли ҳисобварағига) ўтказиб берилади.

Танлаш ёки тендер бўйича харид қилиш ҳужжатларида назарда тутилган ҳолларда ижрочининг киритган закалати шартнома бўйича мажбуриятлар тўлиқ бажарилган ёки белгиланган тартибда бекор қилингунга қадар банд қилиб қўйилади.

Закалат миқдори танлашни ўтказишда товар (иш, хизмат) қийматининг 3 фоизидан, тендер ўтказишда эса 5 фоизидан ошмаган ҳолда белгиланишига йўл қўйилади. Бунда харид комиссияси иштирокчиларга нисбатан таклифларнинг гаров ёки кафолат тарзида ёхуд қонунчиликда назарда тутилган бошқа усулда таъминланиши зарурлиги тўғрисидаги талабни белгилашга ҳақли.

16. Оператор томонидан давлат буюртмачиси ва иштирокчилардан ундириладиган воситачилик йиғими миқдори ваколатли орган томонидан белгиланади ва барча операторлар учун ягона ҳисобланади.

17. Оператор ҳисоб-китобларни ташкил этиш, ҳисобини юритиш, ҳамда корпоратив буюртмачилар ва иштирокчиларнинг шартномавий мажбуриятлари бажарилишини таъминлаш мақсадида операторга хизмат кўрсатувчи банкда ҲККП учун алоҳида иккиламчи банк ҳисобварағини очади.

Оператор шартномавий мажбуриятлар бажарилишини таъминлаш ва алоҳида ҳисобини юритиш бўйича корпоратив буюртмачилар ва иштирокчилар учун ҲККПда алоҳида ҳисобварақ очади.

18. Молия вазирлиги бюджет буюртмачиларининг ҳисоб-китобларини ташкил этиш, шартнома бўйича мажбуриятлари бажарилиши ҳисобини юритиш ва таъминлаш мақсадида оператор учун Молия вазирлигининг ахборот тизимида шахсий ғазна ҳисобварақлари очади ва унга ушбу ҳисобварақлардаги маблағларни бошқариш учун рухсат беради.

Оператор бюджет буюртмачиларига ҳисобни алоҳида-алоҳида юритиш ва шартнома бўйича мажбуриятлар бажарилишини таъминлаш учун ҲККПда ҳисобварақлар очади.

19. Давлат харидларининг электрон тизими автоматик режимда қуйидагиларни амалга оширади:

давлат буюртмачиси ва иштирокчига киритилган аванс суммасига мувофиқ ҳар бир лот бўйича электрон давлат харидларидан фойдаланиш имкониятини яратиш;

электрон давлат харидларини ўтказиш;

иштирокчиларни аниқлаш ва шартномани шакллантириш;

электрон давлат харидлари иштирокчиларининг таклифларини Солиқ қўмитаси, Иқтисодиёт ва молия вазирлиги, Қурилиш ва уй-жой коммунал хўжалиги вазирлиги, Адлия вазирлиги маълумотлар базаларига интеграциялашуви орқали баҳолаш учун зарур бўлган маълумотлар билан давлат буюртмачиси ва харид комиссиясини таъминлайди;

электротехника маҳсулотларининг давлат харидларида чет эллик етказиб берувчилар билан бир қаторда учта ва ундан ортиқ маҳаллий ишлаб чиқарувчи иштирок этган тақдирда 15 фоиз, иккита маҳаллий ишлаб чиқарувчи иштирок этган тақдирда 12 фоиз, битта маҳаллий ишлаб чиқарувчи иштирок этган тақдирда 8 фоиз миқдорида импорт товарларининг DDP (Ўзбекистон) нархидан преференция ҳисоблайди. Бунда корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидларида преференциялар қўлланмайди.

20. Операторлар маълумотлар базаларининг электрон ҳамкорлиги орқали Давлат солиқ қўмитаси, Молия вазирлиги, Қурилиш вазирлиги, Адлия вазирлиги ва бошқа манфаатдор вазирликлар ва идоралар билан электрон ҳужжатлар айланмасини ҳамда давлат харидларини ташкил этиш учун зарур бўлган ахборот алмашинувини таъминлайди.

21. Электрон давлат харидларининг якунига кўра давлат харидларининг электрон тизими томонидан автоматик равишда намунавий шакл асосида шартнома шакллантирилади ва шартнома томонларининг шахсий кабинетларига юборилади, шунингдек, тузилган шартномалар электрон реестрига киритиш орқали рўйхатдан ўтказилади.

22. Оператор тузилган шартномалар бўйича ахборотни Молия вазирлиги ва операторнинг маълумотлар базалари электрон ҳамкорлиги орқали Молия вазирлигига юборади.

23. Молия вазирлиги шартномалар тузилганлиги тўғрисидаги ахборотни қабул қилгандан сўнг бюджет буюртмачиларининг шартномаларини бир иш куни мобайнида автоматик тартибда ДМБАТда рўйхатдан ўтказади ёки ҳисобга олади, шунингдек, электрон дўкон ёки аукцион орқали тузилган шартнома суммасини ҲККПга ўтказиб беради.

Бюджет буюртмачиси танлаш ёки тендер натижасида тузилган шартнома бўйича тўловларни ҲККПдаги шахсий ҳисобварақларидан фойдаланмаган ҳолда амалга оширади. Бунда олдиндан тўлов шартлари шартномада назарда тутилади.

24. Корпоратив буюртмачилар электрон дўкон ёки аукцион натижасида тузилган шартнома бўйича тўловларни тўлиқ ҳажмда амалга ошириш учун ушбу шартнома давлат харидларининг электрон тизимида рўйхатга олинган пайтдан бошлаб ўн иш куни мобайнида ўзларининг ҲККПдаги ҳисобварағига маблағларни ўтказадилар. Бунда закалат шартнома бўйича тўлов суммасига қўшиб ҳисобланиши мумкин.

Корпоратив буюртмачилар танлаш ёки тендер натижасида тузилган шартнома бўйича тўловларни ҲККПдаги шахсий ҳисобварақларидан фойдаланган ҳолда амалга ошириши мумкин.

25. Агарда корпоратив буюртмачи электрон дўкон ёки аукцион орқали тузилган шартномада белгиланган муддатда тўловни амалга оширмаса, унинг закалати бир иш кунида ижрочининг ҲККПдаги тегишли ҳисобварағига ўтказилади.

26. ҲККП давлат буюртмачисидан электрон дўкон ёки аукцион орқали тузилган шартнома бўйича тушган тўлов суммасини банд қилиб қўяди ва маблағлар тушган кундан кейинги иш кунидан кечиктирмасдан бу ҳақида ижрочига хабарнома юборади.

Мазкур хабарнома ижрочига товарларни (ишларни, хизматларни) етказиб бериш учун асос бўлиб хизмат қилади.

27. Ижрочи ҲККП томонидан маблағ тушганлиги тўғрисидаги хабарнома юборилишидан олдин товарларни (ишларни, хизматларни) етказиб берган тақдирда, давлат буюртмачиси томонидан қабул қилинган товарлар (ишлар, хизматлар) бўйича тўлов амалга оширилмаслиги билан боғлиқ хатарлар ижрочининг зиммасида бўлади.

28. Корпоратив буюртмачи электрон дўкон ёки аукцион орқали тузилган шартнома асосида товарни (ишни, хизматни) тўлиқ қабул қилганидан кейин уч иш куни мобайнида бу тўғрисидаги ахборотни ўзининг шахсий кабинетидан фойдаланган ҳолда операторга юборишга мажбур.

29. Бюджет буюртмачиси электрон дўкон ёки аукцион орқали тузилган шартнома асосида товарни (ишни, хизматни) тўлиқ қабул қилгандан сўнг уч иш куни мобайнида бу тўғрисидаги ахборотни бюджет ташкилотларининг ҳисоби ва ҳисоботлари автоматлаштирилган тизимининг дастурий комплекси орқали ДМБАТга киритишга ва юборишга мажбур.

30. ДМБАТ бюджет буюртмачисининг шартнома асосида товарни (ишни, хизматни) қабул қилганлиги тўғрисидаги ахборотни олгандан кейин уни бир иш куни мобайнида маълумотлар базаларининг электрон алмашинуви орқали операторга юборади.

31. Оператор товарлар (ишлар, хизматлар) электрон дўкон ёки аукцион орқали тузилган шартнома бўйича тўлиқ ҳажмда етказилганлиги ҳақидаги маълумотни олгандан сўнг бир иш куни давомида:

электрон тўлов топшириқномасини шакллантиради ва ДМБАТга юборади, у эса тўлов топшириқномасини олгандан сўнг бир иш куни давомида бюджет буюртмачиларининг пул маблағларини ижрочига юборади;

электрон тўлов топшириқномасини шакллантиради ва операторга хизмат кўрсатувчи банкка юборади, у эса тўлов топшириқномасини олгандан сўнг бир иш куни мобайнида корпоратив буюртмачиларнинг маблағларини ижрочига юборади;

ижрочининг закалатига қўйилган бандни бекор қилади ва тегишли шахсий ҳисобварағига қайтаради;

закалатни банддан ечади ва корпоратив буюртмачининг тегишли шахсий ҳисобварағига қайтаради, бундан закалат шартнома бўйича тўлаш суммасига қўшиб ҳисобланган ҳоллар мустасно;

электрон дўкон ёки аукцион орқали тузилган шартнома бўйича мажбуриятларнинг бажарилганлиги ҳақидаги маълумотни давлат харидларининг электрон тизимига жойлаштиради.

32. Оператор танлаш ёки тендер натижасида шартнома тузилганидан сўнг бир иш куни давомида закалатни банддан ечади ва уни ижрочининг тегишли шахсий ҳисобварағига қайтаради.

Корпоратив буюртмачи томонидан ўтказилган танлаш ёки тендерда иштирокчилар ва ижрочи томонидан киритилган закалат шартнома тузилганидан сўнг оператор томонидан бир иш куни давомида банддан ечилади ва уларнинг тегишли шахсий ҳисобварағига қайтарилади.

Агар танлаш ёки тендер бўйича харид қилиш ҳужжатларида ижрочининг киритган закалати шартнома бўйича мажбуриятлар тўлиқ бажарилган ёки белгиланган тартибда бекор қилингунга қадар банд қилиб қўйилишини назарда тутувчи талаб белгиланган бўлса, закалат ушбу талаблар бажарилгунга қадар банддан ечилмайди.

33. Электрон дўкон ёки аукцион орқали тузилган шартнома бўйича етказиб бериш муддати тугагандан сўнг товарлар (ишларни, хизматлар) етказиб берилганлиги ҳақидаги маълумот мавжуд бўлмаса, давлат харидларининг электрон тизими бир иш куни мобайнида автоматик режимда давлат буюртмачиси ва Молия вазирлигини хабардор қилади.

34. Давлат буюртмачиси томонидан электрон дўкон ёки аукцион орқали тузилган шартнома бўйича товарлар (ишлар, хизматлар) етказиб берилганлиги ҳақидаги маълумот тақдим қилинмаганда, ҲККП ушбу шартнома бўйича товарлар (ишлар, хизматлар)ни етказиб бериш муддати тугагач уч иш кунидан сўнг:

бюджет буюртмачиларнинг шартнома бўйича маблағларига суд ёки Давлат харидлари соҳасидаги шикоятларни кўриб чиқиш бўйича комиссиянинг тегишли қарори қабул қилингунига ёки шартнома бекор қилингунга қадар банд қўяди;

корпоратив буюртмачи томонидан ушбу шартнома бўйича киритилган маблағлардан бандни бекор қилади, бундан закалат суммаси мустасно;

корпоратив буюртмачи ва ижрочининг закалатига суд ёки Давлат харидлари соҳасидаги шикоятларни кўриб чиқиш бўйича комиссиянинг тегишли қарори қабул қилингунига ёки шартнома бекор қилингунга қадар банд қўяди;

бажарилмаган шартномалар бўйича маълумотларни Молия вазирлигига юборади.

35. ҲККП суднинг қонуний кучга кирган қарори ёки Давлат харидлари соҳасидаги шикоятларни кўриб чиқиш бўйича комиссия қарори асосида закалатни банддан ечишни ва (ёки) тегишли ҳисобвараққа ўтказишни амалга оширади.

Бунда ҲККП ижрочининг закалати бюджет буюртмачисига ўтказилиши тўғрисидаги суднинг қонуний кучга кирган қарори ёки Давлат харидлари соҳасидаги шикоятларни кўриб чиқиш бўйича комиссия қарори асосида закалатни бюджет буюртмачисининг бюджетдан ташқари тегишли ҳисобварағига ўтказишни амалга оширади.

36. Операторнинг воситачилик йиғими давлат харидларининг якунларига кўра битимнинг ҳақиқий суммасидан келиб чиқиб давлат буюртмачиси ва иштирокчининг аванс тўловларидан давлат харидларининг электрон тизими томонидан ушлаб қолинади.

37. Иштирокчиларнинг ва корпоратив буюртмачиларнинг банди бекор қилинган маблағлари уларнинг топшириқларига асосан бошқа электрон давлат харидларида аванс тўловлари сифатида фойдаланилиши мумкин ёки уларга хизмат кўрсатадиган банклардаги ҳисобварақларига қайтарилади.

37 1 . Давлат буюртмачилари харид қилиниши назарда тутилган товарларни (ишларни, хизматларни) биринчи навбатда new.cooperation.uz порталида рўйхатдан ўтган маҳаллий ишлаб чиқарувчилардан харид қилиш имкониятини мажбурий тартибда ўрганади. Бунда давлат харидлари учун зарур бўлган маҳсулотлар new.cooperation.uz порталида мавжуд бўлмаган тақдирдагина портал маълумотномаси асосида давлат харидларининг электрон тизими орқали харид қилади.

37 2 . Давлат харидларида электротехника маҳсулотларини (кучланишли кабеллар ва техник мақсадли қурилмалар) етказиб бериш муддати ўттиз кундан кам бўлмаслиги керак. Бунда етказиб берувчи товарларни шартномада белгиланган муддатдан олдин етказиб бериши мумкин.

3-боб. Электрон дўкон

1-§. Электрон дўкон воситасида давлат харидларини амалга оширишнинг умумий шартлари

38. Электрон дўкон воситасидаги давлат харидлари Қонуннинг 5-боби ҳамда ушбу Низомга 1-иловада келтирилган схемага мувофиқ амалга оширилади.

39. Электрон дўкон воситасидаги давлат хариди Қонуннинг 49-моддасида белгиланган мезонларга мувофиқ амалга оширилади.

Бюджет буюртмачиси томонидан электрон дўкон орқали товарларнинг (ишларнинг, хизматларнинг) миллий классификаторига мувофиқ гуруҳлаштирилган айни бир турдаги товарларнинг давлат хариди бир молия йили давомида базавий ҳисоблаш миқдорининг ўн минг бараваригача амалга оширилиши мумкин.

Бюджет буюртмачиси томонидан электрон дўкон орқали товарларнинг (ишларнинг, хизматларнинг) миллий классификаторига мувофиқ гуруҳлаштирилган айни бир турдаги ишларнинг, хизматларнинг давлат хариди бир молия йили давомида базавий ҳисоблаш миқдорининг беш юз бараваригача (корпоратив буюртмачилар учун — базавий ҳисоблаш миқдорининг бир минг бараваригача) амалга оширилиши мумкин.

40. Иштирокчи томонидан электрон дўконда жойлаштирилган таклифда Қонуннинг 50-моддасида қайд этилган маълумотлар ва товарни етказиб бериш муддати кўрсатилади.

Иштирокчи электрон дўконда ўзи жойлаштирган ахборотнинг ишончлилиги бўйича жавобгар бўлади.

2-§. Электрон дўкон орқали давлат харидларини амалга ошириш

41. Электрон дўкон орқали давлат харидлари нархлар сўрови механизмидан фойдаланган ҳолда Қонуннинг 51-моддасига мувофиқ амалга оширилади.

42. Нархлар сўрови механизми давлат буюртмачисига ўхшаш товарларни (ишларни, хизматларни) таклиф этаётган иштирокчилардан пастроқ нархни сўраш имкониятини тақдим этадиган давлат харидларининг электрон тизими функциясидан иборат.

Давлат харидларининг электрон тизими электротехника маҳсулотларининг давлат харидларида чет эллик етказиб берувчилар билан бир қаторда учта ва ундан ортиқ маҳаллий ишлаб чиқарувчи иштирок этган тақдирда 15 фоиз, иккита маҳаллий ишлаб чиқарувчи иштирок этган тақдирда 12 фоиз, битта маҳаллий ишлаб чиқарувчи иштирок этган тақдирда 8 фоиз миқдорида импорт товарларининг DDP (Ўзбекистон) нархидан преференция ҳисоблайди. Бунда корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидларида преференциялар қўлланмайди.

43. Агар нарх сўрови мобайнида иштирокчи томонидан таклиф қилинган сумма давлат буюртмачиси томонидан танланган суммадан 20 ва ундан ортиқ фоизга паст бўлса, иштирокчи давлат буюртмачиси томонидан танланган офертанинг суммаси ва ўзи томонидан таклиф этилган сумманинг фарқи миқдоридаги қўшимча закалатни олдиндан киритиши шарт. Бунда офертанинг суммаси:

базавий ҳисоблаш миқдорининг икки минг беш юз бараваридан ошмайдиган ҳолларда қўшимча закалат суммаси базавий ҳисоблаш миқдорининг юз бараваридан;

базавий ҳисоблаш миқдорининг икки минг беш юз бараваридан ошган ҳолларда қўшимча закалат суммаси базавий ҳисоблаш миқдорининг бир минг бараваридан ошмаслиги керак.

Қўшимча закалат мавжуд бўлмаган тақдирда, ушбу таклифлар давлат харидларининг электрон тизими томонидан автоматик равишда рад этилади.

44. Ижрочи ва иштирокчилар тўғрисидаги маълумот (уларнинг номи, СТИР, таклиф суммалари) ғолиб аниқланган пайтда давлат харидларининг электрон тизимида акс эттирилади.

45. Давлат буюртмачилари электрон дўконнинг қўшимча саҳифасидан фойдаланган ҳолда давлат харидларини ҳудудлар (Қорақалпоғистон Республикаси, вилоятлар ва Тошкент шаҳри) бўйича маҳаллий ишлаб чиқарувчилар (ишни бажарувчилар, хизмат кўрсатувчилар) ўртасида амалга ошириши мумкин.

Бунда электрон дўконнинг қўшимча саҳифасидан фойдаланиш қуйидаги кетма-кетликда амалга оширилади:

буюртмачи электрон дўконда «миллий дўкон» ячейкасини танлайди;

давлат харидларининг электрон тизими буюртмачи жойлашган ҳудуд бўйича маҳаллий ишлаб чиқарувчиларнинг (ишни бажарувчиларнинг, хизмат кўрсатувчиларнинг) таклифлари жойлаштирилган қўшимча саҳифани очади.

«Миллий дўкон» ячейкасининг «қидирув» тугмасидан фойдаланилганда давлат харидларининг электрон тизими буюртмачи жойлашган ҳудуддаги маҳаллий ишлаб чиқарувчилар (ишни бажарувчилар, хизмат кўрсатувчилар) томонидан етказиб бериладиган товарни (ишни, хизматни) қидиради.

46. «Миллий дўкон» орқали харидларни амалга оширишда давлат харидларининг электрон тизими нархлар сўрови механизмини фақат буюртмачи жойлашган ҳудуддаги (Қорақалпоғистон Республикаси, вилоятлар ва Тошкент шаҳри) маҳаллий ишлаб чиқарувчилар (ишни бажарувчилар, хизмат кўрсатувчилар) орасида юборилишини таъминлайди.

4-боб. Аукцион

1-§. Аукцион воситасида давлат харидларини амалга оширишнинг умумий шартлари

47. Аукцион воситасидаги давлат харидлари Қонуннинг 6-боби ва ушбу Низомга 2-иловада келтирилган схемага мувофиқ амалга оширилади.

48. Аукцион воситасидаги давлат хариди Қонуннинг 52-моддасида белгиланган мезонлар бир вақтнинг ўзида бажарилган тақдирда амалга оширилади.

2-§. Аукцион орқали давлат харидларини амалга ошириш

49. Аукцион орқали давлат харидларини амалга ошириш учун давлат буюртмачиси махсус ахборот портали орқали давлат харидларининг электрон тизимига давлат харидларининг режа-жадвалига мувофиқ аукцион тугайдиган санадан камида беш иш куни аввал эълонни жойлаштиради.

50. Аукцион ўтказилиши тўғрисидаги эълонда Қонуннинг 53-моддасида белгиланган маълумотлар бўлиши керак.

51. Аукцион давлат буюртмачисининг эълонида баён этилган талабларни инобатга олган ҳолда ўтказилади.

52. Аукцион давлат харидларининг электрон тизимида бошланғич нархни қадам-бақадам пасайтириш йўли билан ўтказилади. Қадам ўлчови оператор томонидан ваколатли орган билан келишилган ҳолда белгиланади, лекин аукционнинг бошланғич нархининг 3 фоиз миқдоридан ортиқ бўлиши мумкин эмас.

Бунда бир иштирокчи белгиланган қадам ўлчови миқдорида бошланғич нархни кетма-кет бир неча бор пасайтириш ҳуқуқига эга.

53. Давлат харидларининг электрон тизими бюджет буюртмачисининг эълонини у жойлаштирилган вақтдан ва Молия вазирлигининг давлат молиясини бошқариш ахборот тизимидан маълумотлар алмашинуви орқали маблағлар мавжудлиги ҳақидаги тасдиғи олингандан сўнг фаоллаштиради ва иштирокчиларнинг таклифларини қабул қилишни бошлайди.

54. Агар таклиф нархи давлат буюртмачиси томонидан берилган бошланғич нархдан паст ва/ёки бошқа иштирокчининг таклиф қилган нархидан паст бўлса, давлат харидларининг электрон тизими иштирокчиларнинг таклифларини қабул қилишни таъминлайди.

Аукционни ўтказиш чоғида иштирокчилар аукцион бошланган пайтдан эътиборан ва у тамом бўладиган пайтга қадар бутун муддат ичида нарх бўйича таклифларни чекланмаган миқдорда беришга ҳақли.

Аукцион уни ўтказиш ҳақидаги эълонда кўрсатилган муддатда (сана ва вақт), бироқ охирги таклиф келиб тушган вақтдан сўнг ўн дақиқадан кам бўлмаган вақтда тугаган деб ҳисобланади.

Мазкур вақт ичида янги таклиф берилган тақдирда, иштирокчилардан таклифларни қабул қилиш муддати охирги таклиф олингандан сўнг яна ўн дақиқага узайтирилади.

Иштирокчиларнинг номи ва улар билан боғланишга доир маълумотлар аукцион ғолиби аниқланмагунига қадар давлат харидларининг электрон тизимида акс эттирилмайди.

Агар аукцион мобайнида иштирокчи томонидан таклиф қилинган нарх бошланғич нархдан 20 ва ундан ортиқ фоизга паст бўлса, иштирокчи бошланғич нарх ва ўзи томонидан таклиф этилган нархнинг фарқи миқдоридаги қўшимча закалатни олдиндан киритиши шарт. Бунда бошланғич нарх:

базавий ҳисоблаш миқдорининг икки минг беш юз бараваридан ошмайдиган ҳолларда қўшимча закалат суммаси базавий ҳисоблаш миқдорининг юз бараваридан;

базавий ҳисоблаш миқдорининг икки минг беш юз бараваридан ошган ҳолларда қўшимча закалат суммаси базавий ҳисоблаш миқдорининг бир минг бараваридан ошмаслиги керак.

Қўшимча закалат мавжуд бўлмаган тақдирда, ушбу таклифлар давлат харидларининг электрон тизими томонидан автоматик равишда рад этилади.

54 1 . Давлат харидларининг электрон тизими электротехника маҳсулотларининг давлат харидларида чет эллик етказиб берувчилар билан бир қаторда учта ва ундан ортиқ маҳаллий ишлаб чиқарувчи иштирок этган тақдирда 15 фоиз, иккита маҳаллий ишлаб чиқарувчи иштирок этган тақдирда 12 фоиз, битта маҳаллий ишлаб чиқарувчи иштирок этган тақдирда 8 фоиз миқдорида импорт товарларининг DDP (Ўзбекистон) нархидан преференция ҳисоблайди. Бунда корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидларида преференциялар қўлланмайди.

55. Аукцион орқали давлат харидларини амалга оширишда товарларни етказиб бериш муддати уларнинг миқдоридан, ҳажмидан, ноёблигидан, ишлаб чиқаришга ва (ёки) республика ҳудудига импорт қилишга кетадиган вақтидан ва бошқа хусусиятларидан келиб чиққан ҳолда етти кундан кам бўлмаслиги керак. Бунда етказиб берувчи товарларни шартномада белгиланган муддатдан олдин етказиб бериши мумкин.

56. Агар аукционда бир нафар иштирокчи иштирок этган бўлса ёки ҳеч ким иштирок этмаган бўлса, аукцион ўтказилмаган деб ҳисобланади ва ғолиб аниқланмайди. Давлат буюртмачиси аукционни уч иш кунига узайтириши ёки харидни Қонун ва мазкур Низом талабларига мувофиқ электрон дўкон (белгиланган мезонлар доирасида) ёки энг яхши таклифларни танлаш орқали амалга ошириши мумкин.

56 1 . Бюджет буюртмачилари аукционнинг қўшимча саҳифасидан фойдаланган ҳолда товарларнинг давлат харидларини маҳаллий ишлаб чиқарувчилар ўртасида шартнома қиймати билан боғлиқ чекловларсиз амалга ошириши мумкин.

Аукционнинг қўшимча саҳифасидан фойдаланиш қуйидаги кетма-кетликда амалга оширилади:

бюджет буюртмачиси аукционда «маҳаллий аукцион» ячейкаси орқали савдолар ўтказилиши тўғрисидаги эълонни камида икки иш кунига жойлаштиради;

давлат харидларининг электрон тизими давлат буюртмачилари томонидан товарлар бўйича аукцион ўтказилиши тўғрисидаги эълон жойлаштирилган пайтда эълон маълумотларини маҳаллий ишлаб чиқарувчиларга автоматик равишда электрон хабарнома орқали юборади.

5-боб. Танлаш

1-§. Танлаш воситасида давлат харидларини амалга ошириш шартлари

57. Танлаш воситасидаги давлат харидлари Қонуннинг 7-боби ва ушбу Низомга 3-иловада келтирилган схемага мувофиқ амалга оширилади.

Танлаш электрон шаклда ўтказилади.

58. Танлаш воситасидаги давлат хариди Қонуннинг 56-моддасида белгиланган шартлар бир вақтнинг ўзида бажарилган тақдирда амалга оширилади.

2-§. Танлашни ўтказишда харид комиссияси фаолиятини тартибга солиш

59. Танлашни ўтказишда харид комиссияси Қонуннинг 20 ва 57-моддаларида белгиланган тартибда шакллантирилади ва тарқатиб юборилади.

60. Харид комиссиясининг масъул котиби:

иштирокчиларнинг таклифларини танлаш бўйича харид қилиш ҳужжатларининг расмийлаштириш талабларига мос келиши бўйича текширишни амалга оширади ва текшириш натижаларини харид комиссиясига кўриб чиқиш учун тақдим қилади;

танлаш бўйича харид қилиш ҳужжатларида белгиланган мезонлар бўйича иштирокчиларнинг таклифларини баҳолаш натижаларини давлат харидларининг электрон тизимига киритади.

61. Давлат буюртмачиси харид комиссиясининг ҳар бир аъзосига ва масъул котибига ўз вазифаларини амалга ошириш учун давлат харидларининг электрон тизимида шахсий кабинет очади.

62. Харид комиссиясининг ваколатига киритилган масалаларни кўриб чиқиш учун харид комиссиясининг аъзолари ва масъул котибининг мулоқот қилиш имконияти давлат харидларининг электрон тизими томонидан ёпиқ чат орқали таъминланади.

63. Давлат харидларининг электрон тизимидаги шахсий кабинетга биринчи маротаба кирилаётганда харид комиссиясининг ҳар бир аъзоси, шу жумладан, унинг раиси хўжалик юритувчи субъектлар, шу жумладан, тадбиркорлик субъектлари билан аффилланганлик хусусиятига эга алоқалари мавжудлиги тўғрисида маълумотларни киритиши шарт. Оператор харид комиссияси аъзолари томонидан киритилган маълумотларнинг махфийлигини таъминлаш бўйича жавобгар бўлади.

64. Харид комиссияси раисининг аффилланганлик хусусиятига эга алоқалари мавжуд бўлса, танлашни ўтказиш жараёни давлат буюртмачиси томонидан янги харид комиссияси раиси тайинлангунига қадар тўхтатилади.

65. Харид комиссиясининг ҳар бир аъзоси ўзининг шахсий кабинети орқали овоз беришда ёқлаб овоз бериши, қарши овоз бериши ёки унда иштирок этишдан бош тортиши мумкин. Белгиланган муддатларда харид комиссияси аъзоси шахсий кабинети орқали овоз беришдан бўйин товлаган тақдирда, у овоз беришдан бош тортган деб тан олинади. Харид комиссияси раиси ёки унинг вазифасини бажарувчи овоз беришдан бош тортишга ҳақли эмас.

3-§. Танлаш бўйича харид қилиш ҳужжатларини ишлаб чиқиш ва танлаш ўтказилиши тўғрисидаги эълонни жойлаштириш

66. Давлат буюртмачиси томонидан танлаш ўтказиш тўғрисидаги қарор қабул қилинганидан сўнг давлат буюртмачисининг мутахассислари ёки танлашни ташкил этиш ва ўтказиш учун масъул шахс томонидан танлаш бўйича харид қилиш ҳужжатлари, шартнома ва танлашни ўтказиш ҳақидаги эълоннинг матни ишлаб чиқилади.

67. Танлаш таклифининг техник ва нарх қисми бўйича давлат буюртмачисининг товарларга (ишларга, хизматларга) бўлган эҳтиёжларини қондириш учун таклифнинг ҳар бир қисмини баҳолаш аҳамиятига қараб нисбий қиймати белгиланади.

68. Давлат буюртмачиси иштирокчиларнинг танлаш таклифларини баҳолаш усулини (энг паст нарх усулини ёки балл усулини) ва мезонларини ишлаб чиқади ва харид комиссиясига келишиш учун киритади. Танлаш бўйича харид қилиш ҳужжатларида танлаш таклифларини баҳолаш учун қўлланиладиган балларнинг бошланғич қийматлари белгиланиши мумкин ва улардан ўтмаган иштирокчи танлашдан четлатилади.

69. Танлаш таклифининг техник қисми учун миқдорий ёки миқдорий бўлмаган (эксперт) кўрсаткичлардан келиб чиққан ҳолда баҳолаш мезонлари белгиланади.

70. Танлаш бўйича харид қилиш ҳужжатлари намунавий шаклларини тўлдиришда миқдорий (ўлчов бирлигини белгилаган ҳолда) ва миқдорий бўлмаган (эксперт) мезонлар харид комиссияси томонидан тасдиқланади.

71. Балл усулидан фойдаланганда танлаш таклифининг ҳар бир баҳолаш мезони бўйича нисбий қиймат белгиланиши мумкин. Энг паст нарх усулидан фойдаланганда иштирокчининг танлаш таклифи танлаш бўйича харид қилиш ҳужжатларида белгиланган талабларга мос келиши ёки мос келмаслигини аниқловчи мезонлар белгиланиши мумкин.

72. Танлаш бўйича харид қилиш ҳужжатларида мажбурий бўлган мезонлар белгиланиши мумкин. Бунда танлаш таклифининг мажбурий этиб белгиланган мезонларга мос келмаслиги иштирокчини давлат харидларининг электрон тизими орқали танлашнинг ҳар қандай босқичида четлатишга олиб келади.

Бунда мажбурий мезонлар белгиланишида Қонуннинг 34-моддасига мувофиқ иштирокчиларга нисбатан рақобатни чекловчи талаблар киритилишига йўл қўйилмайди.

73. Давлат буюртмачиси танлаш бўйича харид қилиш ҳужжатларини келишиш учун электрон шаклда харид комиссиясига киритади.

74. Харид комиссияси танлаш бўйича харид қилиш ҳужжатларининг мажлисда ёки масофадан туриб Қонун талабларига мувофиқлигини кўриб чиқади ва қуйидагиларни белгилайди:

танлаш таклифлари қабул қилинадиган муддатлар;

танлаш таклифларини баҳолаш усуллари ва мезонлари;

танлаш таклифлари қисмларининг ва зарур ҳолларда техник қисмининг ҳар бир баҳолаш мезонларининг нисбий қиймати;

танлаш таклифини таъминлаш ҳажми ва шакли.

75. Танлашни ўтказиш ҳақида қарор танлаш бўйича харид қилиш ҳужжатлари харид комиссияси томонидан келишилганидан сўнг қабул қилинади.

76. Танлаш бўйича харид қилиш ҳужжатларида камчиликлар аниқланган тақдирда, аниқланган камчиликлар бартараф этилганидан сўнг харид комиссияси томонидан танлаш бўйича харид қилиш ҳужжатлари қайта келишилиши керак.

77. Давлат буюртмачиси харид комиссияси билан келишилган танлаш бўйича харид қилиш ҳужжатларини ЭРИ билан тасдиқлайди.

78. Тасдиқланган танлаш бўйича харид қилиш ҳужжатлари, шартнома лойиҳаси, шунингдек, танлаш ўтказиш ҳақидаги эълон танлаш иштирокчиларининг таклифларини қабул қилиш муддати тугашидан камида беш иш куни олдин давлат буюртмачиси томонидан давлат харидларининг электрон тизимига жойлаштирилади.

79. Зарур бўлган ҳолларда давлат буюртмачиси харид комиссияси қарори билан танлаш таклифларини бериш муддатини узайтириши ёки танлаш иштирокчиларига танлаш таклифларининг амал қилиш муддатини маълум вақтга узайтириш таклифи билан мурожаат қилиши мумкин.

4-§. Танлашда иштирок этиш учун таклифини бериш тартиби

80. Танлаш ўтказилганда иштирокчилар танлаш бўйича электрон таклифларни ўзларининг шахсий кабинетлари орқали эълонда кўрсатилган муддатдан кечиктирмай тақдим этадилар.

81. Иштирокчининг танлаш таклифининг ажралмас қисми бўлган электрон ҳужжатлар оператор томонидан белгиланган намунавий шакллар асосида тақдим этилади. Давлат харидларининг электрон тизимига жойлаштирилган танлаш таклифи иштирокчи томонидан тасдиқланади.

82. Танлаш таклифи билан биргаликда иштирокчилар эскизлар, расмлар, чизмалар, фотосуратлар ва бошқа ҳужжатларни файл сифатида жойлаштиришлари мумкин.

Бунда иштирокчиларнинг танлаш таклифлари давлат харидларининг электрон тизимидаги намунавий шаклларга мувофиқ ҳужжатларни бириктириш орқали тақдим этилади. Иштирокчининг танлаш таклифидаги маълумотлар бириктирилган ҳужжатлардаги маълумотларга мос келиши керак.

83. Танлаш таклифларини очиш муддати етиб келгунга қадар улар иштирокчилар, шунингдек, харид комиссияси масъул котиби ва аъзолари томонидан кўрилишига йўл қўйилмайди, бундан ушбу таклифларни тақдим этган иштирокчи мустасно. Мазкур талабнинг бажарилишига оператор жавобгар ҳисобланади.

84. Танлаш иштирокчиси битта лотга фақат битта танлаш таклифини беришга ҳақли.

85. Танлаш иштирокчиси тақдим этилаётган ахборот (маълумот) ва ҳужжатларнинг ҳақиқийлиги ва тўғрилиги учун жавоб беради.

86. Танлаш иштирокчиси тақдим этилган танлаш таклифларини бериш муддати тугагунига қадар берилган танлаш таклифини чақириб олишга ёки унга ўзгартиришлар киритишга ҳақли.

87. Жойлаштирилган эълонда кўрсатилган муддат ва вақтда давлат харидларининг электрон тизими танлаш таклифларини қабул қилишни тўхтатади.

Танлаш иштирокчиси танлаш бўйича харид қилиш ҳужжатларидаги талабларни тушунтириш талаби билан давлат буюртмачисига очиқ электрон чат орқали сўров юборишга ҳақли.

Давлат буюртмачиси сўров тушган санадан эътиборан икки иш куни ичида ушбу сўровга очиқ электрон чат орқали тушунтириш юбориши шарт. Танлаш бўйича харид қилиш ҳужжатларининг қоидаларига доир тушунтиришлар уларнинг мазмун-моҳиятини ўзгартирмаслиги керак.

Давлат буюртмачиси томонидан танлаш таклифларининг таъминланиши зарурлиги белгилаган тақдирда, иштирокчи танлаш таклифлари юборилгунига қадар таъминотнинг мақбуллигини тасдиқлаш тўғрисида очиқ электрон чат орқали сўров юборишга ҳақли. Давлат буюртмачиси бундай сўровга бир иш куни ичида жавоб беради.

5-§. Танлаш натижаларини сарҳисоб қилиш

88. Танлаш харид комиссияси томонидан белгиланган муддатда ўтказилганда давлат харидларининг электрон тизими автоматик равишда иштирокчилар томонидан жойлаштирилган ва уларнинг танлаш таклифларини ташкил этувчи электрон ҳужжатларни кўриш имкониятини беради.

89. Иштирокчи томонидан бириктирилган файллар унинг танлаш таклифида кўрсатилган маълумотларига мос бўлиши ҳамда давлат харидларининг электрон тизимидаги тўлдирилиши мажбурий бўлган электрон майдонлар тўлдирилиши керак.

90. Давлат харидларининг электрон тизими иштирокчи таклиф этган нархни бошланғич нархга мувофиқлигини ва электрон майдонларнинг тўлдирилганлигини ҳамда бириктирилган файлларнинг мавжудлигини текширади. Иштирокчи томонидан таклиф этилган нарх бошланғич нархдан юқори бўлса, шунингдек, тўлдирилиши мажбурий бўлган майдонлар тўлдирилмаган бўлса ёки бириктирилиши мажбурий бўлган файллар мавжуд бўлмаса, давлат харидларининг электрон тизими рад этиш сабабини кўрсатган ҳолда иштирокчининг таклифини рад этади. Бириктирилган файллардаги маълумотларнинг иштирокчининг танлаш таклифида кўрсатилган маълумотларга мувофиқлигини текшириш харид комиссиясининг масъул котиби томонидан амалга оширилади.

91. Агар танлаш таклифи Қонуннинг ва танлаш бўйича харид қилиш ҳужжатлари талабларига мувофиқ бўлса, у тегишли тарзда расмийлаштирилган деб топилади. Танлаш таклифи тегишли тарзда расмийлаштирилганлиги ёки расмийлаштирилмаганлиги бўйича харид комиссияси масъул котибининг қарори унинг асосланган сабаблари билан харид комиссияси томонидан тасдиқланиши лозим.

Иштирокчининг танлаш таклифи талабларга мос келмаганлиги тўғрисидаги қарор, ушбу қарор қабул қилинган кунда иштирокчининг шахсий кабинетига юборилади.

Танлаш ғолибини аниқлаш учун танлаш таклифларини баҳолаш танлаш бўйича харид қилиш ҳужжатларида белгиланган мезонлар ва усул асосида амалга оширилади.

92. Танлаш таклифларини баҳолаш вақтида харид комиссиясининг масъул котиби танлаш иштирокчиларидан уларнинг танлаш таклифлари юзасидан тушунтиришлар сўрашга ҳақли. Мазкур жараён электрон шаклда ўтказилади.

93. Танлаш таклифи танлаш бўйича харид қилиш ҳужжатлари билан белгиланган муддат мобайнида кучда қолади.

94. Танлаш таклифининг миқдорий кўрсаткичларини, шу жумладан, нарх қисмини баҳолаш давлат харидларининг электрон тизими томонидан автоматик равишда амалга оширилади.

95. Миқдор кўрсаткичларига эга бўлмаган таклифнинг техник қисмининг мезонлари бўйича иштирокчиларнинг таклифларини баҳолаш ва таққослаш харид комиссияси томонидан овоз бериш орқали амалга оширилади.

95 1 . Танлаш таклифларини балл усулидан фойдаланган ҳолда баҳолашда маҳаллий ишлаб чиқарувчилар томонидан тақдим этилган таклифларга маҳаллийлаштириш даражасига мутаносиб равишда қўшимча балл берилади.

Бунда қўшимча баллар ишлаб чиқарувчи томонидан тўпланган балларнинг 15 фоизидан ҳисоб-китоб қилинади.

Маҳаллийлаштириш даражаси Вазирлар Маҳкамасининг 2024 йил 28 октябрдаги 712-сон қарори билан тасдиқланган Маҳаллий ишлаб чиқарилган товарларни аниқлаш тартиби тўғрисидаги низомга мувофиқ аниқланади.

Давлат харидлари электрон тизими ишлаб чиқарувчига бериладиган қўшимча балларни автоматик равишда ҳисоблайди ва электрон баённомада қайд этади.

Агар ишлаб чиқарувчи томонидан тақдим этилган нарх таклифи бошқа иштирокчилар томонидан таклиф этилган энг паст нархнинг 15 фоизидан юқори бўлса, қўшимча баллар берилмайди.

Қўшимча баллар қуйидаги формула асосида ҳисобланади:

ҚБ = ТБ * 15 % * МД,

бу ерда:

ҚБ — қўшимча баллар;

ТБ — ишлаб чиқарувчи томонидан тўпланган баллар;

МД — маҳаллийлаштириш даражаси (фоизда).

95 2 . Давлат харидларининг электрон тизими электротехника маҳсулотларининг давлат харидларида чет эллик етказиб берувчилар билан бир қаторда учта ва ундан ортиқ маҳаллий ишлаб чиқарувчи иштирок этган тақдирда 15 фоиз, иккита маҳаллий ишлаб чиқарувчи иштирок этган тақдирда 12 фоиз, битта маҳаллий ишлаб чиқарувчи иштирок этган тақдирда 8 фоиз миқдорида импорт товарларининг DDP (Ўзбекистон) нархидан преференция ҳисоблайди. Бунда корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидларида преференциялар қўлланмайди.

96. Танлаш бўйича харид қилиш ҳужжатларида белгиланган шартлардан келиб чиқиб давлат харидларининг электрон тизими автоматик равишда:

танлаш таклифининг техник ва нарх қисмларини баҳолашни ҳисобга олган ҳолда энг юқори балл тўплаган иштирокчини (балл усулидан фойдаланганда);

танлаш таклифларининг техник қисмини баҳолаш натижаларига кўра танлашда иштирок этишни давом эттиришга рухсат берилган иштирокчилар орасидан энг паст нархни таклиф этган иштирокчини (энг паст нарх усулидан фойдаланганда) ғолиб сифатида аниқлайди.

Танлаш таклифларини балл усулидан фойдаланган ҳолда баҳолаш натижасига кўра икки ёки ундан ортиқ иштирокчилар бир хил балл тўплаган бўлса, энг паст нарх таклиф этган иштирокчи ғолиб деб топилади.

Танлаш таклифларини энг паст нарх усулидан фойдаланган ҳолда баҳолаш натижасига кўра икки ёки ундан ортиқ иштирокчилар бир хил балл тўплаган бўлса, техник қисми бўйича энг мақбул таклифни берган иштирокчи ғолиб деб топилади.

Захирадаги ғолибни аниқлаш мазкур бандда белгиланган тартибда амалга оширилади.

97. Танлаш таклифларини кўриб чиқиш ҳамда баҳолаш натижалари давлат харидларининг электрон тизимида автоматик равишда шаклланган дастлабки электрон баённомада қайд этилади ва танлаш ўтказиш бўйича харид комиссияси аъзолари томонидан ЭРИдан фойдаланган ҳолда имзоланади.

Бунда дастлабки электрон баённомада қуйидаги ахборот бўлиши керак:

танлаш таклифлари кўриб чиқиладиган ҳамда баҳоланадиган сана ва вақт;

харид комиссияси аъзоларининг ва танлаш иштирокчилари ваколатли вакилларининг таркиби;

танлаш таклифлари кўриб чиқилган танлаш иштирокчилари;

хар бир танлаш таклифини баҳолаш натижаларининг ёйилмаси;

танлаш таклифлари уларни рад этишнинг аниқ сабаблари кўрсатилган ва асосланган ҳолда рад этилган танлаш иштирокчилари;

танлаш ғолиби тўғрисида қабул қилинган қарор ҳақида маълумот;

танлаш ғолибининг номи (юридик шахслар учун), Ф.И.О. (жисмоний шахслар учун), жойлашган жойи (почта манзили).

98. Дастлабки электрон баённома у расмийлаштирилган кунда давлат харидларининг электрон тизимида муҳокама қилиш учун икки иш кунига жойлаштирилади.

99. Танлашнинг исталган иштирокчиси дастлабки электрон баённома эълон қилинганидан сўнг давлат буюртмачисига танлаш ўтказиш натижалари бўйича давлат харидларининг электрон тизими орқали эътирозлар юборишга ҳақли.

100. Агар икки иш куни ичида танлаш иштирокчилари томонидан танлаш ўтказиш натижалари бўйича эътирозлар тушмаган бўлса, бу тўғрисида харид комиссиясининг тегишли мажлиси электрон баённомаси расмийлаштирилади ва давлат буюртмачиси билан ғолиб деб топилган иштирокчи ўртасида шартнома тузилади.

101. Танлаш ўтказиш натижалари бўйича танлаш иштирокчиларидан эътирозлар тушганда, харид комиссияси эътирозларни икки иш куни ичида кўриб чиқади ва тегишли қарор қабул қилади.

102. Давлат буюртмачиси томонидан харид комиссиясига тақдим этилган муҳокама натижалари тўғрисидаги ахборот асосида харид комиссиясининг тегишли мажлиси электрон баённомаси расмийлаштирилади ва имзоланган кундан бошлаб уч иш куни ичида давлат харидларининг электрон тизимига жойлаштирилади.

6-§. Танлаш натижалари бўйича шартнома тузиш

103. Танлаш натижаларига доир шартнома танлаш бўйича харид қилиш ҳужжатларида ва ўзи билан шартнома тузилаётган танлаш иштирокчиси томонидан тақдим этилган таклифда назарда тутилган шартлар асосида ғолиб аниқланган вақтдан бошлаб ўн иш кунидан кечиктирмасдан тузилади.

104. Танлашни ўтказиш натижаларига кўра шартнома электрон шаклда тузилади ҳамда шартномаларнинг ягона реестрига киритилади.

105. Буюртмачилар томонидан ходимларни фуқаролик-ҳуқуқий тусдаги шартнома асосида жалб этишни ва халқаро рейтингларни олишни назарда тутувчи харид қилиш тартиб-таомилларини электрон шаклда ўтказиш мажбурий ҳисобланмайди.

Бунда харид комиссияси фаолиятини тартибга солиш, танлаш иштирокчилари томонидан таклифларни бериш, танлаш иштирокчиларининг таклифларини кўриб чиқиш ва баҳолаш, ғолиб ва захира ғолибни аниқлаш, танлаш натижаларини расмийлаштириш Қонунда белгиланган тартибда амалга оширилади.

6-боб. Тендер

1-§. Тендерни ўтказиш шартлари

106. Тендер воситасидаги давлат харидлари Қонуннинг 8-бобига , ушбу Низомга 4-иловада келтирилган схемага мувофиқ амалга оширилади.

Тендер электрон шаклда ўтказилади.

107. Тендер воситасидаги давлат хариди Қонуннинг 64-моддасида белгиланган шартлар бир вақтнинг ўзида бажарилган тақдирда амалга оширилади.

2-§. Тендерни ўтказишда харид комиссияси фаолиятини тартибга солиш

108. Тендерни ўтказишда харид комиссияси Қонуннинг 20 ва 65-моддаларида белгиланган тартибда шакллантирилади ва тарқатиб юборилади.

109. Харид комиссиясининг масъул котиби:

иштирокчиларнинг таклифларини тендер бўйича харид қилиш ҳужжатларини расмийлаштириш талабларига мос келиши бўйича текширишни амалга оширади ва текшириш натижаларини харид комиссиясига кўриб чиқиш учун тақдим қилади;

тасдиқланган мезонлар бўйича иштирокчиларнинг таклифларини баҳолаш натижаларини давлат харидларининг электрон тизимида жойлаштиради.

110. Давлат буюртмачиси харид комиссиясининг ҳар бир аъзосига ва масъул котибига ўз вазифаларини амалга ошириш учун давлат харидларининг электрон тизимида шахсий кабинет очади.

111. Харид комиссиясининг ваколатига киритилган масалаларни кўриб чиқиш учун харид комиссиясининг аъзолари ва масъул котибининг мулоқот қилиш имконияти давлат харидларининг электрон тизими томонидан ёпиқ чат орқали таъминланади.

112. Давлат харидларининг электрон тизимидаги шахсий кабинетга биринчи маротаба кирилаётганда харид комиссиясининг ҳар бир аъзоси, шу жумладан, унинг раиси хўжалик юритувчи субъектлар, шу жумладан, тадбиркорлик субъектлари билан аффилланганлик хусусиятига эга алоқалар мавжудлиги тўғрисида маълумотларни киритиши шарт. Оператор харид комиссияси аъзолари томонидан киритилган маълумотларнинг махфийлигини таъминлаш бўйича жавоб беради.

113. Харид комиссияси раисининг аффилланганлик хусусиятига эга алоқалари мавжуд бўлса, тендерни ўтказиш жараёни давлат буюртмачиси томонидан харид комиссиясининг вақтинчалик янги раиси тайинлангунига қадар тўхтатилади.

114. Харид комиссиясининг ҳар бир аъзоси ўзининг шахсий кабинети орқали овоз беришда ёқлаб овоз бериши, қарши овоз бериши ёки унда иштирок этишдан бош тортиши мумкин. Белгиланган муддатларда харид комиссия аъзоси шахсий кабинети орқали овоз беришдан бош тортган тақдирда, унинг овози бетараф сифатида қабул қилинади. Харид комиссия раиси ёки унинг вазифасини бажарувчи овоз беришдан бош тортишга ҳақли эмас.

3-§. Тендер бўйича харид қилиш ҳужжатларини ишлаб чиқиш ва тендер ўтказилиши тўғрисидаги эълонни жойлаштириш

115. Давлат буюртмачиси томонидан тендер ўтказиш тўғрисидаги қарор қабул қилинганидан сўнг давлат буюртмачисининг мутахассислари ёки тендерни ташкил этиш ва ўтказиш учун масъул шахс томонидан тендер бўйича харид қилиш ҳужжатлари, шартнома ва тендер ўтказиш ҳақидаги эълоннинг матни ишлаб чиқилади.

116. Тендер таклифининг техник ва нарх қисми бўйича давлат буюртмачисининг товарларга (ишларга, хизматларга) бўлган эҳтиёжларини қондириш учун таклифнинг ҳар бир қисмини баҳолаш аҳамиятига қараб нисбий қиймати белгиланади.

117. Давлат буюртмачиси иштирокчиларнинг тендер таклифларини баҳолаш усулини (энг паст нарх усулини ёки балл усулини) ва мезонларини ишлаб чиқади ва харид комиссиясига келишиш учун киритади. Тендер бўйича харид қилиш ҳужжатларида тендер таклифларини баҳолаш учун қўлланиладиган балларнинг бошланғич қийматлари белгиланиши мумкин ва улардан ўтмаган иштирокчи тендердан четлатилади.

118. Тендер таклифининг техник қисми учун миқдорий ёки миқдорий бўлмаган (эксперт) кўрсаткичлардан келиб чиққан ҳолда баҳолаш мезонлари белгиланади.

119. Тендер бўйича харид қилиш ҳужжатларининг намунавий шаклларини тўлдиришда миқдорий (ўлчов бирлигини белгилаган ҳолда) ва миқдорий бўлмаган (эксперт) мезонлар харид комиссияси билан келишилган ҳолда буюртмачи томонидан тасдиқланади.

120. Балл усулидан фойдаланганда тендер таклифининг ҳар бир баҳолаш мезони бўйича нисбий қиймат белгиланиши мумкин. Энг паст нарх усулидан фойдаланганда иштирокчининг таклифи тендер бўйича харид қилиш ҳужжатларида белгиланган талабларга мос келиши ёки мос келмаслигини аниқловчи мезонлар белгиланиши мумкин.

121. Тендер бўйича харид қилиш ҳужжатларида мажбурий бўлган мезонлар белгиланиши мумкин. Бунда тендер таклифининг мажбурийлиги белгиланган мезонларга мос келмаслиги иштирокчининг давлат харидларининг электрон тизими орқали тендернинг ҳар қандай босқичида четлатилишига олиб келади.

Бунда мажбурий мезонлар белгиланишида Қонуннинг 34-моддасига мувофиқ иштирокчиларга нисбатан рақобатни чекловчи талаблар киритилишига йўл қўйилмайди.

122. Давлат буюртмачиси тендер бўйича харид қилиш ҳужжатларини келишиш учун электрон шаклда харид комиссиясига киритади.

123. Харид комиссияси ўзининг мажлисида ёки масофадан туриб тендер бўйича харид қилиш ҳужжатлари лойиҳасининг Қонун талабларига мувофиқлиги бўйича кўриб чиқади ва қуйидагиларни белгилайди:

тендер таклифлари қабул қилинадиган муддатлар;

тендер таклифларини баҳолаш усуллари ва мезонлари;

тендер таклифи қисмларининг ва зарур ҳолларда техник қисмининг ҳар бир баҳолаш мезони бўйича нисбий қиймати;

тендер таклифини таъминлаш ҳажми ва шакли.

124. Тендер бўйича харид қилиш ҳужжатлари лойиҳаси унда белгиланган талаблар билан бирга муҳокамага қўйилади.

125. Харид комиссияси томонидан тендер бўйича харид қилиш ҳужжатлари лойиҳаси маъқулланган ҳолда тендер ўтказиш ҳақида қарор қабул қилинади.

126. Тендер бўйича харид қилиш ҳужжатлари маъқулланмаган ҳолларда улар қайта ишлаш учун қайтариб юборилиши ёки харид комиссияси мажлисида қайта ишланиши мумкин.

127. Маъқулланган тендер бўйича харид қилиш ҳужжатларини давлат буюртмачиси ЭРИ билан тасдиқлайди.

128. Тасдиқланган тендер бўйича харид қилиш ҳужжатлари, шунингдек, тендер ўтказиш тўғрисидаги эълон тендер иштирокчиларидан тендер таклифларини қабул қилиш муддати тугайдиган санадан камида ўн икки иш куни олдин ва кўпи билан ўттиз иш куни олдин давлат харидларининг электрон тизимига давлат буюртмачиси томонидан жойлаштирилади.

129. Зарур бўлган ҳолларда давлат буюртмачиси харид комиссияси қарори билан тендер таклифларини бериш муддатини узайтириши ёки тендер иштирокчиларига тендер таклифларининг амал қилиш муддатини маълум вақтга узайтириш таклифи билан мурожаат қилиши мумкин.

130. Тендер бўйича харид қилиш ҳужжатларида давлат буюртмачиси ҳар бир товар (иш, хизмат) харид қилиш тартиб-таомилининг алоҳида бирлиги (лот) сифатида кўриб чиқилишини эълон қилиши мумкин. Бу ҳолатда давлат буюртмачиси турли товарларни (ишларни, хизматларни) етказиб бериш учун тендернинг бир нечта иштирокчиси билан шартномалар тузиши мумкин, бунда ҳар бир лот учун фақат битта ғолиб аниқланиши мумкин.

4-§. Тендерда иштирок этиш учун таклиф бериш тартиби

131. Тендер иштирокчилари тендер бўйича электрон таклифларни ўзларининг шахсий кабинетлари орқали эълонда кўрсатилган муддатдан кечиктирмай тақдим этадилар.

132. Иштирокчининг тендер таклифини ташкил этувчи электрон ҳужжатлар оператор томонидан белгиланган намунавий шакллар асосида тақдим этилади. Давлат харидларининг электрон тизимига жойлаштирилган тендер таклифи иштирокчи томонидан тасдиқланади.

133. Тендер таклифи билан биргаликда иштирокчилар эскизлар, расмлар, чизмалар, фотосуратлар ва бошқа ҳужжатларни файл сифатида жойлаштиришлари мумкин.

Бунда иштирокчиларнинг тендер таклифлари давлат харидларининг электрон тизимида намунавий шаклларга мувофиқ ҳужжатларни бириктириш орқали тақдим этилади. Иштирокчининг тендер таклифларида кўрсатилган маълумотлар бириктирилган ҳужжатлардаги маълумотларга мос келиши керак.

134. Тендер таклифларини очиш муддати етиб келгунга қадар улар тендер иштирокчилари, шунингдек, харид комиссияси масъул котиби ва аъзолари томонидан кўрилишига йўл қўйилмайди, бундан ушбу таклифларни тақдим этган иштирокчи мустасно. Мазкур талабнинг бажарилишига оператор жавобгар ҳисобланади.

135. Тендер иштирокчиси битта лотга фақат битта тендер таклифини беришга ҳақли.

136. Тендер иштирокчиси тақдим этилаётган ахборот (маълумот) ва ҳужжатларнинг ҳақиқийлиги ва тўғрилиги учун жавоб беради.

137. Тендер иштирокчиси тендер таклифларини бериш муддати тугагунига қадар берилган тендер таклифини қайтариб олишга ёки унга ўзгартиришлар киритишга ҳақли.

138. Жойлаштирилган эълонда кўрсатилган муддат ва вақтда давлат харидларининг электрон тизими тендер таклифларини қабул қилишни тўхтатади.

139. Тендер таклифлари тендер бўйича харид қилиш ҳужжатларида кўрсатилган муддатда ўз кучида қолади.

140. Тендер иштирокчиси тендер бўйича харид қилиш ҳужжатларидаги талабларни тушунтириш талаби билан давлат буюртмачисига очиқ электрон чат орқали сўров юборишга ҳақли.

141. Давлат буюртмачиси сўров тушган санадан эътиборан икки иш куни ичида ушбу сўровга очиқ электрон чат орқали тушунтириш юбориши шарт. Тендер бўйича харид қилиш ҳужжатларининг қоидаларига доир тушунтиришлар уларнинг мазмун-моҳиятини ўзгартирмаслиги керак.

142. Давлат буюртмачиси томонидан тендер таклифларининг таъминланиши зарурлиги белгилаган тақдирда, иштирокчи тендер таклифлари юборилгунига қадар таъминотнинг мақбуллигини тасдиқлаш тўғрисида очиқ электрон чат орқали сўров юборишга ҳақли. Давлат буюртмачиси бундай сўровга бир иш куни ичида жавоб беради.

5-§. Тендер натижаларини сарҳисоб қилиш

143. Тендер харид комиссияси томонидан белгиланган муддатда ўтказилганда давлат харидларининг электрон тизими автоматик равишда иштирокчилар томонидан жойлаштирилган ва уларнинг тендер таклифларини ташкил этувчи электрон ҳужжатларни кўриш имкониятини беради.

144. Иштирокчи томонидан бириктирилган ҳужжатлар унинг тендер таклифида кўрсатилган маълумотларига мос бўлиши ҳамда давлат харидларининг электрон тизимидаги тўлдирилиши мажбурий бўлган электрон майдонлар тўлдирилган бўлиши керак.

145. Давлат харидларининг электрон тизими иштирокчи таклиф этган нархнинг бошланғич нархга мувофиқлигини ва электрон майдонларнинг тўлдирилганлигини ҳамда бириктирилган ҳужжатларнинг мавжудлигини текширади. Иштирокчи томонидан таклиф этилган нарх бошланғич нархдан юқори бўлса, шунингдек, тўлдирилиши мажбурий бўлган тўлдирилмаган майдонлар мавжуд бўлса ёки бириктирилиши мажбурий бўлган ҳужжатлар мавжуд бўлмаса, давлат харидларининг электрон тизими аниқ сабабни кўрсатган ҳолда иштирокчининг тендер таклифини рад этади. Бириктирилган ҳужжатлардаги маълумотларнинг иштирокчининг тендер таклифида кўрсатилган маълумотларга мувофиқлигини текшириш харид комиссиясининг масъул котиби томонидан амалга оширилади.

146. Тендер таклифларини баҳолаш қуйидаги кетма-кетликда амалга оширилади:

тендер таклифининг тендер бўйича харид қилиш ҳужжатларида кўрсатилган талабларга мос равишда расмийлаштирилганлигини текшириш;

иштирокчининг малака талабларга (тендер бўйича харид қилиш ҳужжатларида назарда тутилган бўлса) мувофиқлигини баҳолаш;

тендер таклифининг техник қисмини баҳолаш;

тендер таклифининг нарх қисмини баҳолаш.

Бунда давлат харидларининг электрон тизими тендер таклифининг малака, техник ва нарх қисмларида мавжуд бўлган маълумотлар тендер таклифининг олдинги қисми баҳоланиши якунлангандан сўнг кетма-кетлик билан ошкор қилинишини таъминлайди.

147. Тендер таклифи тендер бўйича харид қилиш ҳужжатларининг талабларига мувофиқлиги ёки номувофиқлиги бўйича харид комиссияси масъул котибининг қарори унинг асосланган сабаблари билан харид комиссияси томонидан тасдиқланиши лозим.

148. Иштирокчининг тендер таклифи талабларга мос келмаганлиги тўғрисидаги қарор ушбу қарор қабул қилинган кунда иштирокчининг шахсий кабинетига юборилади.

149. Тендер ғолибини аниқлаш учун тендер таклифларини баҳолаш тендер бўйича харид қилиш ҳужжатларида белгиланган мезонлар ва усул асосида амалга оширилади.

150. Тендер таклифларини баҳолаш вақтида харид комиссияси масъул котиби тендер иштирокчиларидан уларнинг тендер таклифлари юзасидан тушунтиришлар сўрашга ҳақли. Мазкур жараён электрон шаклда ўтказилади.

151. Тендер таклифининг миқдорий кўрсаткичларини, шу жумладан, нарх қисмини баҳолаш давлат харидларининг электрон тизими томонидан автоматик равишда амалга оширилади.

152. Миқдор кўрсаткичларига эга бўлмаган таклифнинг техник қисмининг мезонлари бўйича иштирокчиларнинг таклифларини баҳолаш ва таққослаш харид комиссияси томонидан овоз бериш орқали амалга оширилади.

152 1 . Давлат харидларининг электрон тизими электротехника маҳсулотларининг давлат харидларида чет эллик етказиб берувчилар билан бир қаторда учта ва ундан ортиқ маҳаллий ишлаб чиқарувчи иштирок этган тақдирда 15 фоиз, иккита маҳаллий ишлаб чиқарувчи иштирок этган тақдирда 12 фоиз, битта маҳаллий ишлаб чиқарувчи иштирок этган тақдирда 8 фоиз миқдорида импорт товарларининг DDP (Ўзбекистон) нархидан преференция ҳисоблайди. Бунда корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидларида преференциялар қўлланмайди.

153. Миқдор кўрсаткичларига асосланган мезонларни баҳолашда:

тендер бўйича харид қилиш ҳужжатларида кўрсаткичларнинг энг кам ва энг кўп қийматлари белгиланиши мумкин;

миқдор кўрсаткичлари энг кам ва энг кўп ҳисобга олинадиган қийматлари оралиғида бўлган иштирокчилар учун балл коэффициенти унинг миқдор кўрсаткичининг энг кам ва энг кўп ҳисобга олинадиган қийматларининг фарқига бўлган нисбатини аниқлаш орқали ҳисобланади;

агар маълум бир мезон бўйича иштирокчининг миқдор кўрсаткичи тендер бўйича харид қилиш ҳужжатларида белгиланган шартларга мувофиқ энг кам ҳисобга олинадиган қийматдан кам бўлса, иштирокчига энг кам балл қўйилади;

агар маълум бир мезон бўйича иштирокчининг миқдор кўрсаткичи энг кўп ҳисобга олинадиган қийматдан юқори бўлса, унинг кўрсаткичи энг кўп ҳисобга олинадиган қийматдан қай даражада юқорилигидан қатъи назар унга ушбу мезон бўйича энг юқори балл берилади;

миқдорий ёки миқдорий бўлмаган (эксперт) мезонни баҳолаш давлат харидларининг электрон тизими томонидан баллни ушбу мезоннинг ҳисобга олинадиган қийматига кўпайтириш орқали автоматик равишда амалга оширилади.

154. Харид қилинаётган товарнинг (ишнинг, хизматнинг) ўзига хос хусусиятларидан келиб чиқиб харид комиссияси иштирокчиларга шартномани бажариш учун зарур профессионал ва техник малака маълумотларига, касбий ва техник компетенцияга, молиявий ресурсларга, жиҳозларга ва бошқа моддий имкониятларга, бошқарув малакасига, ишончлиликка, тажрибага ва обрўга, шунингдек, инсон ресурсларига эга эканлигига ишонч ҳосил қилиш учун қўшимча мезон ва талабларни белгилаш ҳуқуқига эга.

Бунда иштирокчиларни камситишга, савдоларнинг битта ёки бир нечта иштирокчисига савдоларда қатнашиш учун имтиёзли шарт-шароитлар яратиб беришга, рақобатни чеклашга олиб келадиган ёки олиб келиши мумкин бўлган мезонларни, талабларни ва тартиб-таомилларни қўллашга йўл қўйилмайди.

155. Тендер бўйича харид қилиш ҳужжатларида тендер иштирокчисининг малака талабларига мос келишини тасдиқловчи ҳужжатларнинг давлат харидларининг электрон тизимига бириктирилиши назарда тутилиши мумкин. Давлат буюртмачиси тендер бўйича харид қилиш ҳужжатларида назарда тутилмаган мезонлар бўйича иштирокчининг малакасини баҳолашга ёки тендер бўйича харид қилиш ҳужжатларида назарда тутилмаган ҳужжатлар тақдим этилишини талаб қилишга ҳақли эмас.

155 1 . Тендер таклифларини балл усулидан фойдаланган ҳолда баҳолашда маҳаллий ишлаб чиқарувчилар томонидан тақдим этилган таклифларга маҳаллийлаштириш даражасига мутаносиб равишда қўшимча балл берилади.

Бунда қўшимча баллар ишлаб чиқарувчи томонидан тўпланган балларнинг 15 фоизидан ҳисоб-китоб қилинади.

Маҳаллийлаштириш даражаси Вазирлар Маҳкамасининг 2024 йил 28 октябрдаги 712-сон қарори билан тасдиқланган Маҳаллий ишлаб чиқарилган товарларни аниқлаш тартиби тўғрисидаги низомга мувофиқ аниқланади.

Давлат харидлари электрон тизими ишлаб чиқарувчига бериладиган қўшимча балларни автоматик равишда ҳисоблайди ва электрон баённомада қайд этади.

Агар ишлаб чиқарувчи томонидан тақдим этилган нарх таклифи бошқа иштирокчилар томонидан таклиф этилган энг паст нархнинг 15 фоизидан юқори бўлса, қўшимча баллар берилмайди.

Қўшимча баллар қуйидаги формула асосида ҳисобланади:

ҚБ = ТБ * 15 % * МД,

бу ерда:

ҚБ — қўшимча баллар;

ТБ — ишлаб чиқарувчи томонидан тўпланган баллар;

МД — маҳаллийлаштириш даражаси (фоизда).

156. Тендер бўйича харид қилиш ҳужжатларида белгиланган шартлардан келиб чиқиб давлат харидларининг электрон тизими автоматик равишда:

тендер таклифининг техник ва нарх қисмларини баҳолашни ҳисобга олган ҳолда энг юқори балл тўплаган иштирокчини (балл усулидан фойдаланганда);

тендер таклифларининг техник қисмини баҳолаш натижаларига кўра тендерда иштирок этишни давом эттиришга рухсат берилган иштирокчилар орасидан энг паст нархни таклиф этган иштирокчини (энг паст нарх усулидан фойдаланганда) ғолиб сифатида аниқлайди.

Тендер таклифларини балл усулидан фойдаланган ҳолда баҳолаш натижасига кўра икки ёки ундан ортиқ иштирокчилар бир хил балл тўплаган бўлса, энг паст нарх таклиф этган иштирокчи ғолиб деб топилади.

Тендер таклифларини энг паст нарх усулидан фойдаланган ҳолда баҳолаш натижасига кўра икки ёки ундан ортиқ иштирокчилар бир хил балл тўплаган бўлса, техник қисми бўйича энг мақбул таклифни берган иштирокчи ғолиб деб топилади.

Захирадаги ғолибни аниқлаш мазкур бандда белгиланган тартибда амалга оширилади.

157. Харид комиссияси аъзолари давлат харидларининг электрон тизимида автоматик равишда шаклланган йиғилишнинг электрон баённомаларини ЭРИдан фойдаланган ҳолда тасдиқлайди. Электрон баённомадан кўчирма давлат харидларининг электрон тизимида автоматик равишда эълон қилинади.

158. Тендер таклифларини кўриб чиқиш ва баҳолаш баённомасида:

тендер таклифлари кўриб чиқиладиган ҳамда баҳоланадиган сана ва вақт тўғрисидаги;

ҳозир бўлган харид комиссияси аъзоларининг ва тендер иштирокчилари ваколатли вакилларининг таркиби ҳақидаги;

тендер таклифлари кўриб чиқилган тендер иштирокчилари тўғрисидаги;

хар бир тендер таклифларини баҳолаш натижаларининг ёйилмаси ҳақидаги;

тендер таклифлари уларни рад этишнинг аниқ сабаблари кўрсатилган ва асосланган ҳолда рад этилган тендер иштирокчилари ҳақидаги;

тендер ғолиби (захира ғолиби) тўғрисида қабул қилинган қарор ҳақидаги;

тендер ғолибининг номи (юридик шахс учун), фамилияси, исми, отасининг исми (жисмоний шахс учун), жойлашган жойи (почта манзили) ҳақидаги ахборот бўлиши керак.

159. Давлат буюртмачиси ғолиб бўлган таклиф акцептига қадар исталган вақтда тендерни бекор қилиш ҳуқуқига эга. Тендер бекор қилинган тақдирда давлат буюртмачиси давлат харидларининг электрон тизимида мазкур қарорнинг асосланган сабабларини эълон қилади.

160. Давлат буюртмачиси тендер бекор қилинганлиги учун жавобгар бўлмайди, бундан тендер давлат буюртмачисининг ғайриқонуний ҳаракатлари (ҳаракатсизлиги) оқибатида бекор қилинган ҳоллар мустасно.

6-§. Тендер натижалари бўйича шартнома тузиш

161. Тендер натижалари бўйича шартнома тендер бўйича харид қилиш ҳужжатларида ва шартнома тузилаётган тендер иштирокчиси томонидан берилган таклифда кўрсатилган шартлар асосида ғолиб аниқланган вақтдан бошлаб ўн иш кунидан кечиктирмасдан тузилади.

162. Давлат буюртмачиси тендер шартларига мувофиқ қабул қилган таъминот суммаси ёки таъминотига оид бошқа ҳужжатлар қуйидаги ҳолатлардан бири рўй берган тақдирда, иштирокчига ёки ижрочига дарҳол қайтарилишини таъминлайди:

таклифни таъминотига оид ҳужжатнинг амал қилиш муддати тугаган бўлса;

шартноманинг кучга кириши ва ушбу шартноманинг бажарилиши таъминланиши, агар бундай таъминлаш давлат хариди шартларида талаб этилса;

давлат харидлари бекор қилинса;

таклифларни юборишнинг охирги муддати тугагунига қадар таклифнинг чақириб олиниши, агар давлат хариди шартларида бундай қайтариб олишга йўл қўйилмаслиги айтиб ўтилмаган бўлса.

163. Тендер иштирокчилари тендер шартлари ва тендерни ўтказиш тартиб-таомиллари бузилган ҳолатларда тендер натижаларидан белгиланган тартибда шикоят қилишлари мумкин.

164. Харид комиссияси давлат харидларининг бошқа субъектлари томонидан амалга ошириладиган ҳаракатлар учун жавобгар бўлмайди.

165. Харид комиссиясининг ўз ваколати доирасида қабул қиладиган қарорлари Қонуннинг 20-моддасига асосан барча иштирокчилар учун мажбурий ҳисобланади.

166. Тендер натижалари бўйича тузилган шартнома электрон ҳужжат шаклида тузилади ва оператор томонидан Шартномаларнинг ягона реестрига киритилади.

167. Буюртмачилар томонидан ходимларни фуқаролик-ҳуқуқий тусдаги шартнома асосида жалб этишни ва халқаро рейтингларни олишни назарда тутувчи харид қилиш тартиб-таомилларини электрон шаклда ўтказиш мажбурий ҳисобланмайди.

Бунда харид комиссияси фаолиятини тартибга солиш, тендер иштирокчилари томонидан таклифларни бериш, тендер иштирокчиларининг таклифларини кўриб чиқиш ва баҳолаш, ғолиб ва захира ғолибни аниқлаш, тендер натижаларини расмийлаштириш Қонунда белгиланган тартибда амалга оширилади.

7-боб. Ҳадли келишув

1-§. Ҳадли келишув тартиб-таомили орқали давлат харидларини амалга ошириш шартлари

168. Ҳадли келишув воситасидаги давлат харидлари ушбу Низомга 5-иловада келтирилган схемага мувофиқ амалга оширилади.

Бюджет буюртмачиси ҳадли келишув тартиб-таомили орқали давлат харидларини амалга ошира олмайди.

169. Ҳадли келишув икки босқичли харид қилиш тартиб-таомили ҳисобланиб, унинг биринчи босқичи ҳадли келишувнинг томони сифатида камида учта иштирокчини аниқлаш, иккинчи босқичи эса ҳадли келишувнинг томони ҳисобланган иштирокчилардан бири билан шартнома тузиш учун ўтказилади.

170. Ҳадли келишув воситасидаги давлат хариди қуйидаги шартлар бир вақтнинг ўзида бажарилган тақдирда амалга оширилади:

ғолибни аниқлаш мезонлари товарнинг (ишнинг, хизматнинг) нафақат пул билан баҳоланишини, балки миқдорий ва сифат жиҳатидан баҳоланишини ҳам ўз ичига олади;

товарларнинг (ишларнинг, хизматларнинг) қиймати бир ҳадли келишув бўйича базавий ҳисоблаш миқдорининг йигирма беш минг бараваридан ортиқ миқдорни ташкил этади;

муайян (кўпи билан уч йилгача) муддат давомида корпоратив буюртмачилар фаолиятида жорий ишлаб чиқариш жараёнларида фойдаланиладиган товарларни (ишларни, хизматларни) харид қилиш узлуксизлигини таъминлаш зарурати юзага келиши.

171. Харид комиссияси ҳадли келишувнинг иккинчи босқичида иштирокчиларга нисбатан таклифларнинг гаров, кафолат, закалат тарзида таъминланиши зарурлиги тўғрисидаги талабни белгилаши мумкин.

2-§. Ҳадли келишувни амалга ошириш ва натижаларини сарҳисоб қилиш тартиби

172. Ҳадли келишувнинг биринчи босқичи натижасига кўра ушбу босқичдан ўтган камида уч нафар иштирокчи билан ҳадли келишув имзоланади.

173. Ҳадли келишувнинг амал қилиш муддати уч йилдан кўп бўлмаслиги керак.

174. Ҳадли келишув тўғрисидаги ахборот у тузилган санадан эътиборан уч иш куни ичида махсус ахборот порталига жойлаштирилиши шарт.

175. Ҳадли келишув орқали давлат харидларини амалга оширишнинг биринчи босқичида харид комиссиясининг фаолиятини, харид қилиш ҳужжатларини ишлаб чиқиш ва харид қилиш тартиб-таомилини ўтказиш тўғрисидаги эълонни жойлаштиришни ҳамда харид қилиш тартиб-таомилида иштирок этиш учун таклиф беришни тартибга солишда мазкур Низомнинг 6-бобига мувофиқ тендер ўтказиш тартиб-таомиллари қўлланилади.

Бунда биринчи босқичда:

харид ҳужжатларига таклифнинг фақат техник қисми тақдим этилиши, шунингдек, ҳадли келишув тузиладиган муддат давомида товарларни (ишларни, хизматларни) умумий ҳажми ва бошланғич нархи доирасида етказиб бериши лозимлиги юзасидан талаблар киритилади;

иштирокчиларнинг товарлар (ишлар, хизматлар) бўйича нарх таклифлари тақдим этилмайди.

176. Ҳадли келишув орқали давлат харидларини амалга оширишда корпоратив буюртмачи харид қилиш ҳужжатларида ва харид қилиш тартиб-таомилларини ўтказилиши тўғрисидаги эълонда камида уч нафар иштирокчи билан ҳадли келишув тузилишини назарда тутиши ҳамда ҳадли келишув орқали давлат харидларини амалга оширишнинг асословчи сабаб ва шароитларини баён этиши шарт.

Бунда харид қилиш ҳужжатларига унинг ажралмас қисми бўлган ҳадли келишув ва шартнома лойиҳалари илова қилинади.

177. Ҳадли келишув тузиш учун таклифлар бериш муддати тугаган вақтда иштирокчилардан камида учта таклиф олинган бўлса, иштирокчиларнинг таклифлари харид комиссияси томонидан кўриб чиқилади.

Иштирокчи бундай таклифларни бериш муддати тугагунига қадар берилган таклифни қайтариб олишга ёки унга ўзгартишлар киритишга ҳақли.

178. Ҳадли келишувнинг харид қилиш тартиб-таомилида учта иштирокчидан кам иштирокчи иштирок этса, ёки ҳеч ким иштирок этмаган бўлса, шунингдек, камида учта иштирокчининг таклифлари харид қилиш ҳужжатлари талабларига мос келмаса, харид қилиш тартиб-таомили ўтказилмаган деб топилади.

Бундай ҳолда давлат буюртмачиси харид қилиш тартиб-таомилини айни ўша шартларда ҳамда товарга (ишга, хизматга) доир айни ўша мезонларга ва талабларга мувофиқ такроран амалга ошириши шарт.

Товарга (ишга, хизматга) доир баҳолаш шартлари, мезонларини ва талабларни ўзгартириш ёки ҳадли келишув тузиш бўйича талабни чиқариб ташлаб тендер ўтказиш зарур бўлганда, харид комиссияси асосларни кўрсатган ҳолда тегишли қарорни қабул қилади.

179. Ҳадли келишув тартиб-таомилининг биринчи босқични баҳолаш муддати таклифлар бериш тугаган пайтдан эътиборан қирқ беш иш кунидан ошиши мумкин эмас.

180. Ҳадли келишув тартиб-таомилининг иккинчи босқичида корпоратив буюртмачи шартномани тузиш учун биринчи босқичдан ўтиб, ҳадли келишув тузилган барча иштирокчиларга иштирок этиш учун давлат харидларининг электрон тизими орқали нарх сўровини юборади.

Бунда ҳадли келишув тузилган иштирокчилар нарх сўровида иштирок этиш тўғрисидаги таклиф давлат харидларининг электрон тизими томонидан юборилган пайтдан эътиборан камида беш иш куни ичида ўз таклифларини беришга ҳақли.

181. Корпоратив буюртмачи томонидан электрон тизим орқали нарх сўрови юборилишида биринчи босқич натижасига кўра тузилган ҳадли келишувга ҳавола, товарнинг (ишнинг, хизматнинг) айни вақтда талаб этиладиган ҳажми, таклифларни юборишнинг охирги муддати белгиланиши лозим.

182. Таклифларни юборишнинг охирги муддати якунланганидан сўнг давлат харидлари электрон тизими ҳадли келишув тузилган иштирокчиларнинг нарх таклифларини баҳолайди ва ғолибни аниқлайди.

Бунда ҳадли келишув тузилган иштирокчиларнинг нарх таклифлари биринчи босқичда корпоратив буюртмачи томонидан белгиланган бошланғич нарх доирасида бўлиши лозим.

183. Ҳар бир ўтказиладиган нарх сўрови ва якуний баҳолаш натижасига кўра фақат битта ғолиб аниқланади ва харид қилиш ҳужжатларида ва ғолиб деб топилган иштирокчининг таклифида кўрсатилган шартлар асосида ўн иш кунидан кечиктирмасдан шартнома тузилади.

184. Ҳадли келишув асосида тузилган шартнома у тузилган санадан эътиборан уч иш куни ичида махсус ахборот порталига жойлаштирилиши шарт.

8-боб. Тўғридан-тўғри шартномалар бўйича амалга ошириладиган давлат харидлари

1-§. Тўғридан-тўғри шартномалар бўйича давлат харидларини амалга ошириш тартиби

185. Тўғридан-тўғри шартномалар бўйича давлат харидлари Қонуннинг 71-моддасида белгиланган ҳолларда амалга оширилиши мумкин.

186. Давлат буюртмачилари тўғридан-тўғри шартномалар тузилганлиги тўғрисидаги ахборотни шартнома тузилган пайтдан эътиборан уч иш куни ичида махсус ахборот порталига жойлаштириши шарт, бундан қонунчиликда назарда тутилган ҳоллар мустасно.

187. Тўғридан-тўғри шартномалар тузилганлиги тўғрисидаги ахборот махсус ахборот порталига жойлаштирилмаган бўлса, ушбу шартномалар бўйича тўловлар амалга оширилмайди, бундан қонунчиликда назарда тутилган ҳоллар мустасно.

188. Давлат буюртмачиси ушбу параграфда назарда тутилган давлат харидларини амалга ошириш чоғида харид қилиш тартиб-таомилларининг бошқа рақобатли турларидан ҳам Қонун ва ушбу Низом талабларига мувофиқ фойдаланиши мумкин.

189. Агар Ўзбекистон Республикаси Президентининг фармонлари ва қарорларида, шунингдек, Вазирлар Маҳкамасининг қарорларида товарнинг (ишнинг, хизматнинг) давлат харидини тўғридан-тўғри шартнома асосида амалга оширишга рухсат берилса, товарларнинг (ишларнинг, хизматларнинг) қиймати бир шартнома бўйича базавий ҳисоблаш миқдорининг йигирма беш минг (бюджет буюртмачилари учун олти минг) баравари миқдоригача бўлган шартнома ва шартномага оид қўшимча келишувлар Комплекс экспертиза қилиш марказида комплекс экспертизадан ўтказилмайди.

2-§. Ягона етказиб берувчидан давлат хариди

190. Ягона етказиб берувчидан давлат хариди Қонуннинг 72-моддасида белгиланган ҳолларда амалга оширилади.

3-§. Ягона етказиб берувчилар билан шартнома тузиш

191. Ягона етказиб берувчилардан харидни амалга ошириш учун давлат буюртмачилари ягона етказиб берувчилар реестридан (кейинги ўринларда — Реестр) фойдаланади.

192. Ягона етказиб берувчидан товар (иш, хизмат) олиш зарур бўлган тақдирда, етказиб берувчи ҳамда давлат буюртмачиси ўртасида тўғридан-тўғри шартнома тузилади ва бу шартнома тўғрисидаги ахборот у тузилган пайтдан эътиборан уч иш куни ичида махсус ахборот порталига жойлаштирилиши лозим.

4-§. Ягона етказиб берувчилар реестрини юритиш

193. Ягона етказиб берувчилар реестри ваколатли орган томонидан махсус ахборот порталида юритиладиган ахборот ресурсидир.

194. Ягона етказиб берувчилар реестри ягона етказиб берувчидан давлат харидини амалга ошириш учун рухсат этилган товарлар (ишлар, хизматлар) рўйхати ва ягона етказиб берувчилар рўйхатидан иборатдир.

195. Реестрда контрагент мавжуд бўлмаса, давлат буюртмачиси тўғридан-тўғри шартномани тузишга ҳақли эмас.

196. Реестрдан ҳамма эркин фойдаланиши мумкин.

9-боб. Давлат буюртмачилари билан тузилган Шартномаларнинг ягона реестри

206. Шартномаларнинг ягона реестри ваколатли орган томонидан давлат харидларининг электрон тизимидан фойдаланган ҳолда юритилади.

207. Шартномаларнинг ягона реестри электрон дўкон, аукцион, танлаш, тендер, ҳадли келишув натижалари ва тўғридан-тўғри тузилган шартномалар, шу жумладан, ягона етказиб берувчидан амалга оширилган харидлар якунлари, шунингдек, қонунчиликка мувофиқ тузилган бошқа давлат харидлари тўғрисидаги шартномалар бўйича шакллантирилади.

208. Электрон дўкон, аукцион, танлаш, тендер ва ҳадли келишув орқали тузилган шартномалар давлат харидларининг электрон тизимида рўйхатга олинганидан сўнг автоматик режимда Шартномаларнинг ягона реестрига киритилади.

209. Тўғридан-тўғри тузилган шартномалар тўғрисидаги маълумотлар давлат буюртмачиси томонидан махсус ахборот порталига киритилгандан сўнг автоматик режимда ахборот шакллантирилади ва Шартномаларнинг ягона реестрига киритилади.

210. Шартномаларнинг ягона реестрига Қонуннинг 47-моддаси иккинчи қисмида назарда тутилган маълумотлар киритилади.

211. Шартномаларнинг ягона реестридаги ахборот танишиб чиқиш учун бепул ва очиқ бўлиши керак.

212. Махсус ахборот портали ва ДМБАТ ўртасидаги маълумотлар базаси электрон ҳамкорлиги орқали давлат буюртмачилари билан тузилган Шартномаларнинг ягона реестри бўйича онлайн маълумот алмашинуви амалга оширилади.

213. Қайси шартномалар тўғрисидаги ахборот Шартномаларнинг ягона реестрига киритилмаган бўлса, ўша шартномалар бўйича тўловлар амалга оширилмайди.

10-боб. Якунловчи қоидалар

214. Давлат харидларини расмийлаштириш, тузилган шартномалар бўйича ҳисоб-китоб қилиш, шартномавий мажбуриятлар бажарилишини мониторинг қилиш, шикоятларни, низо ва келишмовчиликларни кўриб чиқиш ҳамда харид қилиш тартиб-таомилларининг давлат назорати қонунчиликка мувофиқ амалга оширилади.

215. Харид қилиш тартиб-таомили натижаси бўйича тузилган шартноманинг қуйидаги муҳим шартларини:

товарни (ишни, хизматни) ўзгартиришга;

товарнинг (ишнинг, хизматнинг) сифатини ва ассортиментини ўзгартиришга;

товарнинг миқдорини ва баҳосини оширишга;

етказиб бериш муддатини узайтиришга (бундан форс-мажор ҳолатлар мустасно);

амалга оширилиши лозим бўлган қўшимча ишлар ва хизматлар қийматини шартнома бўйича унинг умумий бошланғич суммасининг 10 фоизидан кўп бўлган суммага оширишга йўл қўйилмайди.

Қонунчилик ҳужжатларига мувофиқ тўғридан-тўғри тузилган шартномаларнинг муҳим шартларини ўзгартириш бўйича ушбу шартнома шартларига мувофиқ қўшимча келишув тузилиши мумкин.

216. Давлат буюртмачиси ва давлат харидларининг электрон тизими оператори томонидан харид қилиш тартиб-таомилига оид барча ҳужжатлар белгиланган муддатларда сақланиши лозим.

217. Давлат буюртмачилари қонунчилик ҳужжатларига риоя этилиши, шартномалар қонунчилик ҳужжатларига мувофиқ тузилиши ва шартнома бўйича ўз зиммасига юклатилган мажбуриятлар лозим даражада бажарилиши учун, шунингдек, махсус ахборот порталига жойлаштирилган маълумотларнинг, ваколатли давлат органларига тақдим этилган ҳужжатларнинг ҳаққонийлигига ва ҳужжатларнинг қоғоз ва электрон шаклининг ўзаро мувофиқлигига жавоб беради.

Операторлар ўз мажбуриятларининг лозим даражада бажарилиши, шу жумладан, давлат буюрмачилари ва иштирокчилар олдидаги тўлов мажбуриятларни ўз вақтида бажарилиши учун жавобгар ҳисобланади.

218. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Давлат харидларини амалга ошириш билан боғлиқ тартиб-таомилларини ташкил этиш ва ўтказиш тартиби тўғрисидаги низомга 1-ИЛОВА

Электрон дўкон воситасида давлат харидларини амалга ошириш

Босқичлар Субъектлар Чора-тадбирлар Муддатлар 1-босқич Иштирокчи Электрон дўконга ўз офертасини ўн беш иш кунига жойлаштиради. Ихтиёрий равишда 2-босқич Давлат буюртмачиси Электрон дўконда иштирокчиларнинг оферталарини ўрганиш йўли билан ўзи учун зарур бўлган товарни (ишни, хизматни) танлайди ва нарх сўрови механизмидан фойдаланади. Ихтиёрий 3-босқич Давлат харидларининг электрон тизими Танлаб олинган офертани таклиф қилган иштирокчига, шунингдек, электрон дўконда ўхшаш товарларни (ишларни, хизматларни) таклиф этаётган барча иштирокчиларга нархлар сўрови механизмини амалга оширган ҳолда харид қилиш тартиб-таомилида иштирок этиш тўғрисида таклифларни юборади. Автоматик равишда 4-босқич Таклифларни олган иштирокчи Нархлар сўровида иштирок этиш тўғрисида таклиф тушгандан сўнг ўз таклифларини бериши мумкин. Қирқ саккиз соат ичида 5-босқич Давлат харидларининг электрон тизими 1. Иштирокчилар томонидан берилган нарх бўйича таклифларни таққослашни амалга оширади. Бунда электротехника маҳсулотларининг давлат харидларида чет эллик етказиб берувчилар билан бир қаторда учта ва ундан ортиқ маҳаллий ишлаб чиқарувчи иштирок этган тақдирда 15 фоиз, иккита маҳаллий ишлаб чиқарувчи иштирок этган тақдирда 12 фоиз, битта маҳаллий ишлаб чиқарувчи иштирок этган тақдирда 8 фоиз миқдорида импорт товарларининг DDP (Ўзбекистон) нархидан преференция ҳисоблайди (корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидлари бундан мустасно). 2. Давлат буюртмачиси томонидан танланган иштирокчининг офертасида баён этилган шартларга мувофиқ ҳамда иштирокчилар томонидан таклиф этилган энг паст нархда шартномани шакллантиради. 3. Тузилган шартнома тўғрисидаги маълумотларни шартномаларнинг ягона реестрига киритади. 4. Агар харид қилиш тартиб-таомилининг якунига кўра фақат танлаб олинган офертани таклиф қилган иштирокчигина иштирок этган бўлса, давлат буюртмачиси ва иштирокчи ўртасида электрон шаклда савдолашиш имконини яратади ва савдолар якунига кўра шартномани шакллантиради ёки харид қилиш тартиб-таомилини ўтказилмаган деб топади. Автоматик равишда

Давлат харидларини амалга ошириш билан боғлиқ тартиб-таомилларини ташкил этиш ва ўтказиш тартиби тўғрисидаги низомга 2-ИЛОВА

Бошланғич нархни пасайтириш учун ўтказиладиган аукцион воситасида давлат харидларини амалга ошириш

Босқичлар Субъектлар Чора-тадбирлар Муддатлар 1-босқич Давлат буюртмачиси Давлат харидларининг электрон тизимига давлат харидларининг режа-жадвалига мувофиқ эълон жойлаштиради. Ихтиёрий равишда 2-босқич Давлат харидларининг электрон тизими Эълон жойлаштирилган вақтдан эътиборан аукцион бўйича иштирокчиларнинг таклифларини қабул қилишни бошлайди. Эълон жойлаштирилган вақтдан бошлаб камида беш иш куни давомида 3-босқич Иштирокчи Аукцион давомида нарх бўйича таклифларни чекланмаган миқдорда бериши мумкин. Эълонда кўрсатилган муддат давомида 4-босқич Давлат харидларининг электрон тизими 1. Аукцион якунига кўра берилган таклифлар орасида энг паст нархни таклиф қилган иштирокчини аукцион ғолиби сифатида саралаб олади ҳамда у ва давлат буюртмачиси ўртасидаги шартномани шакллантиради. Бунда электротехника маҳсулотларининг давлат харидларида чет эллик етказиб берувчилар билан бир қаторда учта ва ундан ортиқ маҳаллий ишлаб чиқарувчи иштирок этган тақдирда 15 фоиз, иккита маҳаллий ишлаб чиқарувчи иштирок этган тақдирда 12 фоиз, битта маҳаллий ишлаб чиқарувчи иштирок этган тақдирда 8 фоиз миқдорида импорт товарларининг DDP (Ўзбекистон) нархидан преференция ҳисоблайди (корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидлари бундан мустасно). 2. Тузилган шартнома тўғрисидаги маълумотларни Шартномаларнинг ягона реестрига киритади. 3. Агар аукционда бир нафар иштирокчи иштирок этган бўлса ёки ҳеч ким иштирок этмаган бўлса, аукционни ўтказилмаган деб ҳисобланади. Автоматик равишда

Давлат харидларини амалга ошириш билан боғлиқ тартиб-таомилларини ташкил этиш ва ўтказиш тартиби тўғрисидаги низомга 3-ИЛОВА

Энг яхши таклифларни танлаш воситасида давлат харидларини амалга ошириш

Босқичлар Субъектлар Чора-тадбирлар Муддатлар 1-босқич Давлат буюртмачиси 1. Тоқ сонли ва камида беш нафар аъзодан иборат таркибда харид комиссиясини тузади. 2. Харид комиссиясининг ҳар бир аъзосига ва масъул котибига давлат харидларининг электрон тизимида шахсий кабинет очади. 3. Танлаш ўтказиш ҳақидаги эълон, танлаш бўйича харид қилиш ҳужжати лойиҳаси матнини ишлаб чиқади ва харид комиссиясига келишиш учун электрон шаклда киритади. Заруратга кўра 2-босқич Харид комиссияси Танлаш бўйича харид қилиш ҳужжатларини қонунчиликка мувофиқлиги юзасидан кўриб чиқади ва келишади. Заруратга кўра 3-босқич Давлат буюртмачиси Харид комиссияси билан келишилган танлаш бўйича харид қилиш ҳужжатларини ЭРИ билан тасдиқлайди. Заруратга кўра 4-босқич Давлат буюртмачиси Тасдиқланган танлаш бўйича харид қилиш ҳужжатлари, шунингдек, танлаш ўтказиш ҳақидаги эълонни давлат харидларининг электрон тизимига жойлаштиради. Таклифларини қабул қилиш муддати тугашидан камида беш иш куни олдин 5-босқич Иштирокчи Танлаш бўйича электрон таклифни ўзининг шахсий кабинети орқали тақдим этади. Эълонда кўрсатилган муддатдан кечиктирмай 6-босқич Давлат харидларининг электрон тизими 1. Танлаш таклифи иштирокчилар, харид комиссияси масъул котиби ва аъзолари ва бошқа шахслар томонидан кўрилишига йўл қўймайди, бундан ушбу таклифни тақдим этган иштирокчи мустасно. 2. Иштирокчи таклиф этаётган нархнинг бошланғич нархга мувофиқлигини ва электрон майдонларнинг тўлдирилганлигини ҳамда бириктирилган файлларнинг мавжудлигини текширади. 3. Иштирокчи томонидан таклиф этилаётган нарх бошланғич нархдан юқори бўлса, шунингдек, тўлдирилиши мажбурий бўлган майдонлар тўлдирилмаган бўлса ёки бириктирилиши мажбурий бўлган файллар мавжуд бўлмаса, рад этиш сабабини кўрсатган ҳолда иштирокчининг таклифини рад этади. Танлаш таклифларини очиш муддати етиб келгунга қадар 7-босқич Давлат харидларининг электрон тизими Иштирокчилар томонидан жойлаштирилган ва уларнинг танлаш таклифларини ташкил этувчи электрон ҳужжатларни харид комиссияси масъул котиби ва аъзоларига кўриш имкониятини беради. Таклифларни қабул қилиш муддати тугагандан сўнг дарҳол 8-босқич Харид комиссиясининг масъул котиби 1. Бириктирилган файллардаги маълумотларнинг иштирокчининг танлаш таклифида кўрсатилган маълумотларга мувофиқлигини текширади. 2. Танлаш таклифи тегишли тарзда расмийлаштирилганлиги ёки расмийлаштирилмаганлиги бўйича қарорни унинг асосланган сабаблари билан тасдиқлаш учун харид комиссиясига киритади. Таклифлар бериш тугаган пайтдан эътиборан ўн иш кунидан кўп бўлмаган муддатда 9-босқич Давлат харидларининг электрон тизими Иштирокчининг танлаш таклифи талабларга мос келмаганлиги тўғрисидаги қарорни иштирокчининг шахсий кабинетига юборади. Қарор қабул қилинган кунда 10-босқич Давлат харидларининг электрон тизими Танлаш таклифининг миқдорий кўрсаткичларини, шу жумладан, нарх қисмини баҳолайди. Бунда электротехника маҳсулотларининг давлат харидларида чет эллик етказиб берувчилар билан бир қаторда учта ва ундан ортиқ маҳаллий ишлаб чиқарувчи иштирок этган тақдирда 15 фоиз, иккита маҳаллий ишлаб чиқарувчи иштирок этган тақдирда 12 фоиз, битта маҳаллий ишлаб чиқарувчи иштирок этган тақдирда 8 фоиз миқдорида импорт товарларининг DDP (Ўзбекистон) нархидан преференция ҳисоблайди (корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидлари бундан мустасно). Таклифлар бериш тугаган пайтдан эътиборан ўн иш кунидан кўп бўлмаган муддатда 11-босқич Харид комиссияси Миқдор кўрсаткичларига эга бўлмаган таклифнинг техник қисмининг мезонлари (эксперт мезонлари) бўйича иштирокчиларнинг таклифларини овоз бериш орқали таққослашни амалга оширади ва баҳолайди. Таклифлар бериш тугаган пайтдан эътиборан ўн иш кунидан кўп бўлмаган муддатда 12-босқич Давлат харидларининг электрон тизими 1. Танлаш бўйича харид қилиш ҳужжатларида белгиланган шартлардан келиб чиқиб: танлаш таклифининг техник ва нарх қисмларини баҳолашни ҳисобга олган ҳолда энг юқори балл тўплаган иштирокчини (балл усулидан фойдаланганда); танлаш таклифларининг техник қисмини баҳолаш натижаларига кўра танлашда иштирок этишни давом эттиришга рухсат берилган иштирокчилар орасидан энг паст нархни таклиф этган иштирокчини (энг паст нарх усулидан фойдаланганда) ғолиб сифатида аниқлайди. 2. Икки ёки ундан ортиқ иштирокчилар бир хил балл тўплаган бўлса (балл усулидан фойдаланганда) ёки бир хил нарх таклиф қилган бўлса (энг паст нарх усулидан фойдаланганда), танлаш таклифини барчадан олдин жойлаштирган иштирокчини ғолиб деб топади. 3. Танлаш таклифларини кўриб чиқиш ҳамда баҳолаш натижаларини автоматик равишда шаклланадиган дастлабки электрон баённомада қайд этади. Таклифлар бериш тугаган пайтдан эътиборан ўн иш кунидан кўп бўлмаган муддатда 13-босқич Харид комиссияси аъзолари Дастлабки электрон баённомани ЭРИдан фойдаланган ҳолда имзолайди. Таклифлар бериш тугаган пайтдан эътиборан ўн иш кунидан кўп бўлмаган муддатда 14-босқич Давлат харидларининг электрон тизими Дастлабки электрон баённомани муҳокама учун жойлаштиради. Дастлабки баённома расмийлаштирилган кундан эътиборан икки иш кунида 15-босқич Харид комиссияси 1. Агар икки иш куни ичида танлаш иштирокчилари томонидан танлаш ўтказиш натижалари бўйича эътирозлар тушмаган бўлса, бу тўғрисида тегишли электрон баённомани расмийлаштиради. 2. Танлаш ўтказиш натижалари бўйича танлаш иштирокчиларидан эътирозлар тушганда ушбу эътирозларни кўриб чиқади ва тегишли қарор қабул қилади. Таклифлар бериш тугаган пайтдан эътиборан ўн иш кунидан кўп бўлмаган муддатда 16-босқич Давлат буюртмачиси Ғолиб деб топилган иштирокчи билан электрон шаклда шартнома тузади. Ғолиб аниқланган вақтдан бошлаб ўн иш кунида 17-босқич Давлат харидларининг электрон тизими Тузилган шартнома тўғрисидаги маълумотларни Шартномаларнинг ягона реестрига жойлаштиради. Автоматик равишда

Давлат харидларини амалга ошириш билан боғлиқ тартиб-таомилларини ташкил этиш ва ўтказиш тартиби тўғрисидаги низомга 4-ИЛОВА

Тендер воситасида давлат харидларини амалга ошириш

Босқичлар Субъектлар Чора-тадбирлар Муддатлар 1-босқич Давлат буюртмачиси 1. Тоқ сонли ва камида етти нафар аъзодан иборат таркибда харид комиссиясини тузади. 2. Харид комиссиясининг ҳар бир аъзосига ва масъул котибига давлат харидларининг электрон тизимида шахсий кабинет очади. 3. Тендер ўтказиш ҳақидаги эълоннинг, тендер бўйича харид қилиш ҳужжатининг ва шартнома лойиҳасининг матнини ишлаб чиқади ва харид комиссиясига келишиш учун электрон шаклда киритади. Заруратга кўра 2-босқич Харид комиссияси Тендер бўйича харид қилиш ҳужжатларини қонунчиликка мувофиқлиги юзасидан кўриб чиқади ва келишади. Заруратга кўра 3-босқич Давлат буюртмачиси Харид комиссияси билан келишилган тендер бўйича харид қилиш ҳужжатларини ЭРИ билан тасдиқлайди. Заруратга кўра 4-босқич Давлат буюртмачиси Тасдиқланган тендер бўйича харид қилиш ҳужжатлари, шунингдек, тендер ўтказиш ҳақидаги эълонни давлат харидларининг электрон тизимига жойлаштиради. Таклифларини қабул қилиш муддати тугашидан камида ўн икки иш куни олдин ва кўпи билан ўттиз иш куни олдин 5-босқич Иштирокчи Тендер таклифини электрон таклиф кўринишида ўзининг шахсий кабинети орқали тақдим этади. Эълонда кўрсатилган муддатдан кечиктирмай 6-босқич Давлат харидларининг электрон тизими 1. Тендер таклифи иштирокчилар, харид комиссияси масъул котиби ва аъзолари ва бошқа шахслар томонидан кўрилишига йўл қўймайди, бундан ушбу таклифни тақдим этган иштирокчи мустасно. 2. Иштирокчи таклиф этаётган нархнинг бошланғич нархга мувофиқлигини ва электрон майдонларнинг тўлдирилганлигини ҳамда бириктирилган файлларнинг мавжудлигини текширади. 3. Иштирокчи томонидан таклиф этилаётган нарх бошланғич нархдан юқори бўлса, шунингдек, тўлдирилиши мажбурий бўлган майдонлар тўлдирилмаган бўлса ёки бириктирилиши мажбурий бўлган файллар мавжуд бўлмаса, рад этиш сабабини кўрсатган ҳолда иштирокчининг таклифини рад этади. Тендер таклифларини очиш муддати етиб келгунга қадар 7-босқич Давлат харидларининг электрон тизими 1. Иштирокчилар томонидан жойлаштирилган ва уларнинг тендер таклифларини ташкил этувчи электрон ҳужжатларни харид комиссияси масъул котиби ва аъзоларига кўриш имкониятини беради. 2. Тендер таклифининг малака, техник ва нарх қисмларида мавжуд бўлган маълумотлар тендер таклифининг олдинги қисми баҳоланиши якунлангандан сўнг кетма-кетлик билан ошкор қилинишини таъминлайди. Таклифларни қабул қилиш муддати тугагандан сўнг дарҳол 8-босқич Харид комиссиясининг масъул котиби 1. Бириктирилган файллардаги маълумотларнинг иштирокчининг тендер таклифида кўрсатилган маълумотларга мувофиқлигини текширади. 2. Тендер таклифи тендер бўйича харид қилиш ҳужжатларининг талабларига мувофиқлиги ёки номувофиқлиги бўйича қарорни унинг асосланган сабаблари билан тасдиқлаш учун харид комиссиясига киритади. Таклифлар бериш тугаган пайтдан эътиборан қирқ беш иш кунидан кўп бўлмаган муддатда 9-босқич Давлат харидларининг электрон тизими Тендер таклифининг миқдорий кўрсаткичларини, шу жумладан, нарх қисмини баҳолайди. Бунда электротехника маҳсулотларининг давлат харидларида чет эллик етказиб берувчилар билан бир қаторда учта ва ундан ортиқ маҳаллий ишлаб чиқарувчи иштирок этган тақдирда 15 фоиз, иккита маҳаллий ишлаб чиқарувчи иштирок этган тақдирда 12 фоиз, битта маҳаллий ишлаб чиқарувчи иштирок этган тақдирда 8 фоиз миқдорида импорт товарларининг DDP (Ўзбекистон) нархидан преференция ҳисоблайди (корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидлари бундан мустасно). Таклифлар бериш тугаган пайтдан эътиборан қирқ беш иш кунидан кўп бўлмаган муддатда 10-босқич Харид комиссияси Миқдор кўрсаткичларига эга бўлмаган таклифнинг техник қисмининг мезонлари (эксперт мезонлари) бўйича иштирокчиларнинг таклифларини овоз бериш орқали таққослашни амалга оширади ва баҳолайди. Таклифлар бериш тугаган пайтдан эътиборан қирқ беш иш кунидан кўп бўлмаган муддатда 11-босқич Давлат харидларининг электрон тизими 1. Тендер бўйича харид қилиш ҳужжатларида белгиланган шартлардан келиб чиқиб: тендер таклифининг техник ва нарх қисмларини баҳолашни ҳисобга олган ҳолда энг юқори балл тўплаган иштирокчини (балл усулидан фойдаланганда); тендер таклифларининг техник қисмини баҳолаш натижаларига кўра тендерда иштирок этишни давом эттиришга рухсат берилган иштирокчилар орасидан энг паст нархни таклиф этган иштирокчини (энг паст нарх усулидан фойдаланганда) ғолиб сифатида аниқлайди. 2. Икки ёки ундан ортиқ иштирокчилар бир хил балл тўплаган бўлса (балл усулидан фойдаланганда) ёки бир хил нарх таклиф қилган бўлса (энг паст нарх усулидан фойдаланганда), тендер таклифини барчадан олдин жойлаштирган иштирокчини ғолиб деб ҳисоблайди. 3. Тендер таклифларини кўриб чиқиш ҳамда баҳолаш натижаларини автоматик равишда шаклланадиган электрон баённомада қайд этади. Таклифлар бериш тугаган пайтдан эътиборан қирқ беш иш кунидан кўп бўлмаган муддатда 12-босқич Харид комиссияси аъзолари Электрон баённомани ЭРИдан фойдаланган ҳолда имзолайди. Таклифлар бериш тугаган пайтдан эътиборан қирқ беш иш кунидан кўп бўлмаган муддатда 13-босқич Давлат буюртмачиси Ғолиб деб топилган иштирокчи билан электрон шаклда шартнома тузади. Ғолиб аниқланган вақтдан бошлаб ўн иш кунида 14-босқич Давлат харидларининг электрон тизими Тузилган шартнома тўғрисидаги маълумотларни Шартномаларнинг ягона реестрига жойлаштиради. Автоматик равишда

Давлат харидларини амалга ошириш билан боғлиқ тартиб-таомилларини ташкил этиш ва ўтказиш тартиби тўғрисидаги низомга 5-ИЛОВА

Ҳадли келишув воситасида давлат харидларини амалга ошириш

Босқичлар Субъектлар Чора-тадбирлар Муддатлар 1-босқич Корпоратив буюртмачиси 1. Тоқ сонли ва камида етти нафар аъзодан иборат таркибда харид комиссиясини тузади. 2. Харид комиссиясининг ҳар бир аъзосига ва масъул котибига давлат харидларининг электрон тизимида шахсий кабинет очади. 3. Ҳадли келишув орқали харидларни амалга ошириш ҳақидаги эълоннинг, харид қилиш ҳужжатларининг, ҳадли келишув ва шартнома лойиҳасининг матнини ишлаб чиқади ва харид комиссиясига келишиш учун электрон шаклда киритади. Заруратга кўра 2-босқич Харид комиссияси Харид қилиш ҳужжатларини қонунчиликка мувофиқлиги юзасидан кўриб чиқади ва келишади. Заруратга кўра 3-босқич Корпоратив буюртмачиси Харид комиссияси билан келишилган харид қилиш ҳужжатларини ЭРИ билан тасдиқлайди. Заруратга кўра 4-босқич Корпоратив буюртмачиси Харид қилиш ҳужжатлари, ҳадли келишув ва шартнома лойиҳаси, шунингдек, ҳадли келишув орқали харидлар ўтказиш ҳақидаги эълонни давлат харидларининг электрон тизимига жойлаштиради. Таклифларини қабул қилиш муддати тугашидан камида ўн икки иш куни олдин ва кўпи билан ўттиз иш куни олдин 5-босқич Иштирокчи Ҳадли келишув таклифини электрон таклиф кўринишида ўзининг шахсий кабинети орқали тақдим этади. Эълонда кўрсатилган муддатдан кечиктирмай 6-босқич Давлат харидларининг электрон тизими 1. Ҳадли келишув таклифи иштирокчилар, харид комиссияси масъул котиби ва аъзолари ва бошқа шахслар томонидан кўрилишига йўл қўймайди, бундан ушбу таклифни тақдим этган иштирокчи мустасно. 2. Иштирокчи таклиф этаётган нархнинг бошланғич нархга мувофиқлигини ва электрон майдонларнинг тўлдирилганлигини ҳамда бириктирилган файлларнинг мавжудлигини текширади. 3. Иштирокчи томонидан таклиф этилаётган нарх бошланғич нархдан юқори бўлса, шунингдек, тўлдирилиши мажбурий бўлган майдонлар тўлдирилмаган бўлса ёки бириктирилиши мажбурий бўлган файллар мавжуд бўлмаса, рад этиш сабабини кўрсатган ҳолда иштирокчининг таклифини рад этади. Ҳадли келишув таклифларини очиш муддати етиб келгунга қадар 7-босқич Давлат харидларининг электрон тизими Иштирокчилар томонидан жойлаштирилган ва уларнинг ҳадли келишув таклифларини ташкил этувчи электрон ҳужжатларни харид комиссияси масъул котиби ва аъзоларига кўриш имкониятини беради. Таклифларни қабул қилиш муддати тугагандан сўнг дарҳол 8-босқич Харид комиссиясининг масъул котиби 1. Бириктирилган файллардаги маълумотларнинг иштирокчининг ҳадли келишув таклифида кўрсатилган маълумотларга мувофиқлигини текширади. 2. Ҳадли келишув таклифи харид қилиш ҳужжатларининг талабларига мувофиқлиги ёки номувофиқлиги бўйича қарорни унинг асосланган сабаблари билан тасдиқлаш учун харид комиссиясига киритади. Таклифлар бериш тугаган пайтдан эътиборан қирқ беш иш кунидан кўп бўлмаган муддатда 9-босқич Давлат харидларининг электрон тизими Ҳадли келишув таклифининг миқдорий кўрсаткичларини баҳолайди. Таклифлар бериш тугаган пайтдан эътиборан қирқ беш иш кунидан кўп бўлмаган муддатда 10-босқич Харид комиссияси Миқдор кўрсаткичларига эга бўлмаган таклифнинг техник қисмининг мезонлари (эксперт мезонлари) бўйича иштирокчиларнинг таклифларини овоз бериш орқали таққослашни амалга оширади ва баҳолайди. Таклифлар бериш тугаган пайтдан эътиборан қирқ беш иш кунидан кўп бўлмаган муддатда 11-босқич Давлат харидларининг электрон тизими 1. Харид қилиш ҳужжатларида белгиланган шартларга мувофиқ бўлган иштирокчиларни аниқлайди. 2. Харид қилиш ҳужжатларида белгиланган шартларга мувофиқ бўлган иштирокчиларнинг сони учтадан кам бўлган тақдирда, ҳадли келишув бўйича харид қилиш тартиб-таомилини бўлиб ўтмаган деб ҳисоблайди. 3. Ҳадли келишув таклифларини кўриб чиқиш ҳамда баҳолаш натижаларини автоматик равишда шаклланадиган биринчи босқичнинг электрон баённомасида қайд этади. Таклифлар бериш тугаган пайтдан эътиборан қирқ беш иш кунидан кўп бўлмаган муддатда 12-босқич Харид комиссияси аъзолари Электрон баённомани ЭРИдан фойдаланган ҳолда имзолайди. Таклифлар бериш тугаган пайтдан эътиборан қирқ беш иш кунидан кўп бўлмаган муддатда 13-босқич Корпоратив буюртмачи Ҳадли келишув тартиб-таомилининг биринчи босқичи натижаларига кўра харид қилиш ҳужжатларида белгиланган шартларга мувофиқ бўлган камида уч нафар иштирокчи билан ҳадли келишувни имзолайди. Ғолиб аниқланган вақтдан бошлаб ўн иш кунида 14-босқич Корпоратив буюртмачи 1. Ҳадли келишув тартиб-таомилининг иккинчи босқичида корпоратив буюртмачи шартномани тузиш учун биринчи босқичдан ўтиб, ҳадли келишув тузилган барча иштирокчиларга иштирок этиш учун давлат харидларининг электрон тизими орқали нарх сўровини юборади. 2. Нарх сўрови ва якуний баҳолаш натижаларига кўра аниқланган ғолиб билан ҳадли келишувнинг умумий суммаси ва амал қилиш муддати доирасида шартнома тузади. Ҳадли келишувнинг амал қилиш муддати доирасида 15-босқич Давлат харидларининг электрон тизими Тузилган шартнома тўғрисидаги маълумотларни Шартномаларнинг ягона реестрига жойлаштиради. Автоматик равишда

Ўзбекистон Республикасининг Бош вазири А. АРИПОВ

Тошкент ш.,

2022 йил 20 май,

276-сон

(Қонунчилик маълумотлари миллий базаси, 20.05.2022 й., 09/22/276/0436-сон; 01.01.2023 й., 09/23/734/0002-сон; 01.01.2023 й., 07/23/471/0001-сон; 26.02.2024 й., 09/24/100/0152-сон; 19.02.2025 й., 09/25/102/0159-сон; 18.03.2025 й., 09/25/159/0250-сон; 22.10.2025 й., 09/25/662/0964-сон; 27.12.2025 й., 06/25/259/1224-сон; 21.07.2026 й., 09/26/393/0764-сон; 16.09.2026 й., 07/26/325/0940-сон)

lex.uz

Oʻzbekiston Respublikasi Vazirlar Mahkamasining

qarori

nizom

SXEMASI

SXEMASI

SXEMASI

SXEMASI

SXEMASI

Davlat xaridlarini amalga oshirish bilan bogʻliq tartib-taomillarni tashkil etish va oʻtkazish tartibi toʻgʻrisidagi nizomni tasdiqlash haqida

Oʻzbekiston Respublikasining “Davlat xaridlari toʻgʻrisida”gi Qonuni ijrosini taʼminlash, shuningdek, davlat xaridlarini amalga oshirishning raqobatli usullarini amaliyotga joriy etish maqsadida Vazirlar Mahkamasi qaror qiladi:

1. Oʻzbekiston Respublikasining “Davlat xaridlari toʻgʻrisida”gi Qonunining eng yaxshi takliflarni tanlash va tender xarid qilish tartib-taomillarini majburiy tartibda elektron shaklda oʻtkazish toʻgʻrisidagi talabi 2022-yil 1-yanvardan boshlab kuchga kirganligi maʼlumot uchun qabul qilinsin.

2. Quyidagilarni nazarda tutuvchi Davlat xaridlarini amalga oshirish bilan bogʻliq tartib-taomillarni tashkil etish va oʻtkazish tartibi toʻgʻrisidagi nizom ilovaga muvofiq tasdiqlansin:

davlat xaridlarini elektron shaklda oʻtkazishning umumiy qoidalari va shartlari;

xarid qilish tartib-taomillarini amalga oshirish turlari hamda davlat xaridlarini oʻtkazish mezonlari va tartiblari;

boshlangʻich narxni pasaytirish uchun oʻtkaziladigan auksion orqali davlat xaridlarini amalga oshirishda tovarlarni yetkazib berish muddatlari;

eng yaxshi takliflarni tanlash va tender boʻyicha xarid qilish hujjatlarida ishtirokchilarning asosiy benefitsiar mulkdor toʻgʻrisidagi maʼlumotlarni oshkor etishi toʻgʻrisidagi talab;

hadli kelishuv tartib-taomili orqali davlat xaridlarini amalga oshirish shartlari;

toʻgʻridan-toʻgʻri shartnomalar boʻyicha davlat xaridlarini amalga oshirish tartibi;

davlat buyurtmachilari tomonidan tuzilgan davlat xaridlari toʻgʻrisidagi Shartnomalarning yagona reyestrini yuritish qoidalari.

3. Oʻzbekiston Respublikasi Moliya vazirligi:

ikki oy muddatda davlat xaridlariga tadbirkorlik subyektlarini keng jalb qilish, shuningdek, ishtirokchilarning elektron shaklda oʻtkaziladigan xarid tartib-taomillarida ishtirokini soddalashtirilgan koʻrinishda tashkil etish yuzasidan takliflarni;

2023-yil 1-martga qadar manfaatdor vazirliklar va idoralar bilan birgalikda xalqaro moliya institutlarini jalb qilgan holda 2023 — 2027-yillar mobaynida Oʻzbekiston Respublikasi davlat xaridlari sohasini yanada rivojlantirish va takomillashtirish strategiyasini Oʻzbekiston Respublikasi Vazirlar Mahkamasiga kiritsin.

3 1 . Shunday tartib oʻrnatilsinki, unga muvofiq:

Sanoat kooperatsiyasi va davlat xaridlari agentligi Raqobatni rivojlantirish va isteʼmolchilar huquqlarini himoya qilish qoʻmitasi, Oʻzbekiston texnik jihatdan tartibga solish agentligi hamda “Loyihalar va xaridlar samaradorligini oshirish markazi” DM bilan birgalikda har yilning yakuniga koʻra Yagona yetkazib beruvchilar reyestridagi roʻyxatni qayta koʻrib chiqadi hamda uni doimiy tarzda yangilab boradi;

2026-yil 1-yanvardan boshlab tovarlar boʻyicha budjet buyurtmachisi oʻzi joylashtirgan reja-jadvallarga mahalliy ishlab chiqaruvchilarning biriktirilgan ofertalarini oʻrganib chiqib, oʻz talablari va ehtiyojlariga mos kelgan ofertani tanlaydi, ofertadagi tovarning texnik parametrlari mos kelmaganda davlat buyurtmachisi xarid qilish tartib-taomilining boshqa turlaridan foydalanishi mumkin.

4. Oʻzbekiston Respublikasi Moliya vazirligi mazkur qaror bilan joriy etilayotgan tartibning mazmun-mohiyati va ahamiyati ommaviy axborot vositalarida keng yoritilishini tashkil etsin.

5. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda ikki oy muddatda oʻzlari qabul qilgan normativ-huquqiy hujjatlar mazkur qaror talablariga muvofiqlashtirilishini taʼminlasin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisod va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi moliya vaziri T.A. Ishmetov zimmasiga yuklansin.

Vazirlar Mahkamasining 2022-yil 20-maydagi 276-son qaroriga ILOVA

Davlat xaridlarini amalga oshirish bilan bogʻliq tartib-taomillarni tashkil etish va oʻtkazish tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasining “Davlat xaridlari toʻgʻrisida”gi Qonuniga (keyingi oʻrinlarda — Qonun) muvofiq davlat xaridlarini amalga oshirish bilan bogʻliq tartib-taomillarni tashkil etish va oʻtkazish tartibini belgilaydi.

2. Mazkur Nizomda quyidagi asosiy tushunchalardan foydalaniladi:

avans toʻlovi — qonunchilikda belgilangan tartibda davlat buyurtmachisi va xarid qilish tartib-taomillari ishtirokchisi tomonidan kiritiladigan, davlat xaridlarining elektron tizimi operatorining vositachilik yigʻimini va tomonlarning zakalatini oʻz ichiga olgan moliyaviy mablagʻlar summasi;

vakolatli organ — Oʻzbekiston Respublikasi Sanoat kooperatsiyasi va davlat xaridlari agentligi;

vositachilik yigʻimi — davlat xaridlarining elektron tizimi operatorining xarid qilish tartib-taomillarini amalga oshirish bilan bogʻliq xizmatlari uchun undiriladigan yigʻim;

zakalat — korporativ buyurtmachi tomonidan elektron doʻkon yoki boshlangʻich narxni pasaytirish uchun oʻtkaziladigan auksion natijasida tuzilgan shartnoma boʻyicha toʻlovlar toʻliq hajmda amalga oshirilishini taʼminlash hamda xarid qilish tartib-taomillari ishtirokchilari tomonidan oʻzlarining takliflarini taʼminlash usuli;

davlat buyurtmachisi — davlat xaridlarini amalga oshiruvchi yuridik shaxs;

Davlat xaridlari sohasidagi shikoyatlarni koʻrib chiqish boʻyicha komissiya — vakolatli organ tomonidan shikoyatlarni adolatli, tezkor va samarali koʻrib chiqish maqsadida Vazirlar Mahkamasi tomonidan davlat organlari, davlat xaridlari elektron tizimining operatorlari va jamoatchilik vakillaridan iborat tarkibda tuziladigan komissiya;

davlat xaridlarining reja-jadvali — davlat buyurtmachisi tomonidan yil va chorak davomida xarid qilinishi rejalashtirilgan tovarlar (ishlar, xizmatlar) toʻgʻrisidagi maʼlumotlarni nazarda tutuvchi hujjat;

davlat xaridlarining elektron tizimi — elektron davlat xaridlari jarayonidagi xarid qilish tartib-taomillarini oʻtkazishda davlat xaridlarining subyektlari hamkorligini taʼminlaydigan tashkiliy, axborotga oid va texnik yechimlarning dasturiy majmui;

davlat xaridlari elektron tizimining operatori (keyingi oʻrinlarda — operator) — davlat xaridlarining subyektlariga davlat xaridlarining elektron tizimlarida xarid qilish tartib-taomillarini amalga oshirish bilan bogʻliq xizmatlar koʻrsatadigan, vakolatli organ tomonidan belgilanadigan maxsus vakolatli yuridik shaxs;

lot — turli belgilari boʻyicha guruhlashtirilgan (foydalanish, texnik va funksional xususiyatlariga koʻra) bir xil turdagi tovarlarning (ishlarning, xizmatlarning) jamlanmasi sifatida davlat buyurtmachisi tomonidan belgilangan va alohida davlat xaridlari toʻgʻrisidagi shartnoma boʻyicha xarid predmeti hisobalandigan miqdoriy qism;

shaxsiy kabinet — elektron davlat xaridlarida ishtirok etishni hamda zarur axborotni joylashtirishni va undan foydalanishni taʼminlaydigan, davlat xaridlari subyektlari, xarid komissiyasining masʼul kotibi, xarid qilish tartib-taomillarining davlat nazoratini amalga oshiruvchi davlat organlarining maxsus axborot portalidagi va (yoki) davlat xaridlarining elektron tizimidagi individual sahifasi;

elektron taklif — eng yaxshi takliflarni tanlash va tender tartib-taomilida qatnashish uchun xarid qilish tartib-taomillari ishtirokchisi oʻz shaxsiy kabineti orqali elektron koʻrinishda yuboradigan taklif;

qadam oʻlchovi — boshlangʻich narxni pasaytirish uchun oʻtkaziladigan auksionning boshlangʻich va/yoki oʻzidan oldingi xarid qilish tartib-taomili ishtirokchisining narxini pasaytirishning foiz koʻrinishida belgilanadigan intervali;

hisob-kitob-kliring palatasi (keyingi oʻrinlarda — HKKP) — avans toʻlovlarini deponentlash va ularni hisobga olish yoʻli bilan davlat xaridlari toʻgʻrisidagi shartnomalar boʻyicha majburiyatlarni bajara oladigan xarid qilish tartib-taomillari ishtirokchilari elektron davlat xaridlariga kirishini taʼminlovchi davlat xaridlari elektron tizimining tarkibiy boʻlinmasi.

3. Korporativ buyurtmachilar 2022-yil 1-iyuldan boshlab davlat xaridini amalga oshirishda ushbu Nizomning 7-bobiga muvofiq hadli kelishuv tartib-taomilidan ham foydalanishi mumkin.

4. Davlat buyurtmachisining davlat xaridlariga tayyorgarligi quyidagilarni oʻz ichiga oladi:

maxsus axborot portalida davlat xaridlarining reja-jadvallarini joylashtirish;

qonunchilik hujjatlarida belgilangan hollarda elektron davlat xaridlarida ishtirok etish uchun avans toʻlovlarini kiritish;

davlat xaridlarining elektron tizimiga davlat xaridlari oʻtkazilishi haqidagi eʼlonlarni joylashtirish;

maxsus axborot portalida davlat buyurtmachisi oʻzi bilan affillangan shaxslar haqidagi maʼlumotlarni joylashtirish.

5. Davlat xaridlarining yillik va choraklik reja-jadvallarini maxsus axborot portalida joylashtirish tartibi va muddatlari Qonunning 29-moddasiga asosan belgilanadi.

Davlat buyurtmachilari davlat xaridlarining yillik va choraklik reja-jadvallariga oʻzgartirish va qoʻshimchalar kiritishi mumkin.

Bunda xarid qilish tartib-taomili oʻtkazilishidan kamida uch ish kuni oldin davlat xaridlari reja-jadvallariga oʻzgartirish va qoʻshimchalar kiritilishiga yoʻl qoʻyiladi.

6. Davlat xaridlarining reja-jadvali quyidagi maʼlumotlarni oʻz ichiga olishi kerak:

xarid predmeti;

xarid predmetining miqdori va narxi;

xarid oʻtkaziladigan oy;

davlat buyurtmachisining nomi va manzili;

xarid predmetini moliyalashtirish manbalari va muddatlari;

tovarlarni yetkazib berish, ishlarni bajarish va xizmatlarni koʻrsatish joyi (manzili).

6 1 . Budjet buyurtmachisi tomonidan maxsus axborot portaliga tovarlar boʻyicha reja-jadvallar joylashtirilgan paytda ushbu maʼlumotlar mahalliy ishlab chiqaruvchilarga avtomat ravishda elektron xabarnoma orqali yuboriladi.

Bunda elektron xabarnoma kelib tushgan paytdan eʼtiboran savdolar boshlanguniga qadar tovarlar ishlab chiqaruvchilarining tegishli tovarlar boʻyicha ofertalari reja-jadvallarga biriktiriladi.

7. Davlat buyurtmachisi bilan manfaatlar toʻqnashuviga ega boʻlgan xoʻjalik yurituvchi subyekt xarid qilish tartib-taomillari ishtirokchisi (keyingi oʻrinlarda — ishtirokchi) boʻlishi mumkin emas.

2-bob. Elektron davlat xaridlarini oʻtkazishning umumiy shartlari

8. Elektron davlat xaridlarida ishtirok etish uchun:

korporativ buyurtmachi va ishtirokchilar operatorning vositachilik yigʻimini va tomonlarning zakalatini (bundan xarid komissiyasi tomonidan zakalat toʻlash talabi belgilamagan hollar mustasno);

budjet buyurtmachisi operatorning vositachilik yigʻimini HKKPdagi shaxsiy hisobvaraqlariga oʻtkazadilar.

Budjet buyurtmachisi elektron davlat xaridlarida ishtirok etish uchun zakalatni HKKPga oʻtkazishi talab etilmaydi.

9. Davlat buyurtmachisi va ishtirokchilar elektron davlat xaridlaridagi ishtiroklarini elektron raqamli imzolardan (keyingi oʻrinlarda — ERI) foydalangan holda amalga oshiradi. Davlat buyurtmachisi va ishtirokchining ERIdan foydalanib davlat xaridlarining elektron tizimi orqali tuzgan davlat xaridlari toʻgʻrisidagi shartnomalari haqiqiy hisoblanadi.

10. Budjet buyurtmachilari eʼlon yoki oferta boʻyicha Moliya vazirligining davlat moliyasini boshqarish axborot tizimi (keyingi oʻrinlarda — DMBAT) tomonidan band qoʻyilgan summasining, shuningdek, ularning HKKPdagi hisobvaraqlarida operatorning vositachilik yigʻimi summasining yetarli miqdori mavjud boʻlgan taqdirda, elektron davlat xaridlarida ishtirok etadilar.

11. Korporativ buyurtmachilar va ishtirokchilar, ularning HKKPdagi hisobvaraqlarida davlat xaridlarining elektron tizimi operatorining vositachilik yigʻimi va tomonlarning zakalati summasini toʻlash uchun yetarli boʻlgan avans toʻlovini oʻtkazgandan soʻng elektron davlat xaridlarida ishtirok etadilar.

12. Budjet buyurtmachisi tomonidan shaxsiy kabinet orqali auksion, tanlash va tender oʻtkazilishi toʻgʻrisidagi eʼlon joylashtirilib yoki elektron doʻkonda ishtirokchining ofertasi tanlanib, davlat xaridlarining elektron tizimi elektron davlat xaridlari yakunlariga koʻra tuziladigan shartnomaviy majburiyatlarni bajarish uchun moliyalashtirish manbalarini inobatga olgan holda kerakli summaga band qoʻyish toʻgʻrisidagi axborotni DMBATdan olgandan soʻng ushbu eʼlonni yoki tanlangan oferta boʻyicha narxlar soʻrovi mexanizmini faollashtiradi.

13. Auksion ishtirokchisi zakalati boshqa ishtirokchi tomonidan undan koʻra pastroq narxdagi taklif berilgunga qadar band qilib qoʻyiladi.

Elektron doʻkon ishtirokchilarining zakalati gʻolib aniqlangunga qadar operator tomonidan band qilib qoʻyiladi.

Elektron doʻkon va auksion oʻtkazishda korporativ buyurtmachi va davlat xaridlari ijrochisining (keyingi oʻrinlarda — ijrochi) kiritgan zakalatlari shartnoma boʻyicha majburiyatlar toʻliq bajarilgan yoki belgilangan tartibda bekor qilingunga qadar band qilib qoʻyiladi.

14. Korporativ buyurtmachilar va ishtirokchilar HKKPdagi shaxsiy hisobvaraqlariga:

elektron doʻkonda ishtirok etishdan oldin ishtirokchining ofertasi qiymatining 3 foizi miqdorida;

auksionda ishtirok etishdan oldin auksionning boshlangʻich narxidan 3 foiz miqdorida zakalat oʻtkazadilar.

15. Davlat buyurtmachisi tomonidan tanlash yoki tender oʻtkazishda ishtirokchilar tomonidan zakalat kiritish zarurati hamda kiritiladigan zakalat miqdori xarid komissiyasi tomonidan belgilanadi. Ishtirokchilarning zakalati operator tomonidan gʻolib aniqlangunga qadar band qilib qoʻyiladi.

Tanlash yoki tender gʻolibining zakalati shartnoma tuzilguniga qadar band qilib qoʻyiladi. Bunda gʻolib shartnoma tuzishni rad etgan taqdirda, unga zakalat summasi qaytarib berilmaydi va mazkur mablagʻlar operator tomonidan davlat buyurtmachilarining tegishli hisobvaragʻiga (budjet buyurtmachisining budjetdan tashqari tegishli hisobvaragʻiga) oʻtkazib beriladi.

Tanlash yoki tender boʻyicha xarid qilish hujjatlarida nazarda tutilgan hollarda ijrochining kiritgan zakalati shartnoma boʻyicha majburiyatlar toʻliq bajarilgan yoki belgilangan tartibda bekor qilingunga qadar band qilib qoʻyiladi.

Zakalat miqdori tanlashni oʻtkazishda tovar (ish, xizmat) qiymatining 3 foizidan, tender oʻtkazishda esa 5 foizidan oshmagan holda belgilanishiga yoʻl qoʻyiladi. Bunda xarid komissiyasi ishtirokchilarga nisbatan takliflarning garov yoki kafolat tarzida yoxud qonunchilikda nazarda tutilgan boshqa usulda taʼminlanishi zarurligi toʻgʻrisidagi talabni belgilashga haqli.

16. Operator tomonidan davlat buyurtmachisi va ishtirokchilardan undiriladigan vositachilik yigʻimi miqdori vakolatli organ tomonidan belgilanadi va barcha operatorlar uchun yagona hisoblanadi.

17. Operator hisob-kitoblarni tashkil etish, hisobini yuritish, hamda korporativ buyurtmachilar va ishtirokchilarning shartnomaviy majburiyatlari bajarilishini taʼminlash maqsadida operatorga xizmat koʻrsatuvchi bankda HKKP uchun alohida ikkilamchi bank hisobvaragʻini ochadi.

Operator shartnomaviy majburiyatlar bajarilishini taʼminlash va alohida hisobini yuritish boʻyicha korporativ buyurtmachilar va ishtirokchilar uchun HKKPda alohida hisobvaraq ochadi.

18. Moliya vazirligi budjet buyurtmachilarining hisob-kitoblarini tashkil etish, shartnoma boʻyicha majburiyatlari bajarilishi hisobini yuritish va taʼminlash maqsadida operator uchun Moliya vazirligining axborot tizimida shaxsiy gʻazna hisobvaraqlari ochadi va unga ushbu hisobvaraqlardagi mablagʻlarni boshqarish uchun ruxsat beradi.

Operator budjet buyurtmachilariga hisobni alohida-alohida yuritish va shartnoma boʻyicha majburiyatlar bajarilishini taʼminlash uchun HKKPda hisobvaraqlar ochadi.

19. Davlat xaridlarining elektron tizimi avtomatik rejimda quyidagilarni amalga oshiradi:

davlat buyurtmachisi va ishtirokchiga kiritilgan avans summasiga muvofiq har bir lot boʻyicha elektron davlat xaridlaridan foydalanish imkoniyatini yaratish;

elektron davlat xaridlarini oʻtkazish;

ishtirokchilarni aniqlash va shartnomani shakllantirish;

elektron davlat xaridlari ishtirokchilarining takliflarini Soliq qoʻmitasi, Iqtisodiyot va moliya vazirligi, Qurilish va uy-joy kommunal xoʻjaligi vazirligi, Adliya vazirligi maʼlumotlar bazalariga integratsiyalashuvi orqali baholash uchun zarur boʻlgan maʼlumotlar bilan davlat buyurtmachisi va xarid komissiyasini taʼminlaydi;

elektrotexnika mahsulotlarining davlat xaridlarida chet ellik yetkazib beruvchilar bilan bir qatorda uchta va undan ortiq mahalliy ishlab chiqaruvchi ishtirok etgan taqdirda 15 foiz, ikkita mahalliy ishlab chiqaruvchi ishtirok etgan taqdirda 12 foiz, bitta mahalliy ishlab chiqaruvchi ishtirok etgan taqdirda 8 foiz miqdorida import tovarlarining DDP (Oʻzbekiston) narxidan preferensiya hisoblaydi. Bunda korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlarida preferensiyalar qoʻllanmaydi.

20. Operatorlar maʼlumotlar bazalarining elektron hamkorligi orqali Davlat soliq qoʻmitasi, Moliya vazirligi, Qurilish vazirligi, Adliya vazirligi va boshqa manfaatdor vazirliklar va idoralar bilan elektron hujjatlar aylanmasini hamda davlat xaridlarini tashkil etish uchun zarur boʻlgan axborot almashinuvini taʼminlaydi.

21. Elektron davlat xaridlarining yakuniga koʻra davlat xaridlarining elektron tizimi tomonidan avtomatik ravishda namunaviy shakl asosida shartnoma shakllantiriladi va shartnoma tomonlarining shaxsiy kabinetlariga yuboriladi, shuningdek, tuzilgan shartnomalar elektron reyestriga kiritish orqali roʻyxatdan oʻtkaziladi.

22. Operator tuzilgan shartnomalar boʻyicha axborotni Moliya vazirligi va operatorning maʼlumotlar bazalari elektron hamkorligi orqali Moliya vazirligiga yuboradi.

23. Moliya vazirligi shartnomalar tuzilganligi toʻgʻrisidagi axborotni qabul qilgandan soʻng budjet buyurtmachilarining shartnomalarini bir ish kuni mobaynida avtomatik tartibda DMBATda roʻyxatdan oʻtkazadi yoki hisobga oladi, shuningdek, elektron doʻkon yoki auksion orqali tuzilgan shartnoma summasini HKKPga oʻtkazib beradi.

Budjet buyurtmachisi tanlash yoki tender natijasida tuzilgan shartnoma boʻyicha toʻlovlarni HKKPdagi shaxsiy hisobvaraqlaridan foydalanmagan holda amalga oshiradi. Bunda oldindan toʻlov shartlari shartnomada nazarda tutiladi.

24. Korporativ buyurtmachilar elektron doʻkon yoki auksion natijasida tuzilgan shartnoma boʻyicha toʻlovlarni toʻliq hajmda amalga oshirish uchun ushbu shartnoma davlat xaridlarining elektron tizimida roʻyxatga olingan paytdan boshlab oʻn ish kuni mobaynida oʻzlarining HKKPdagi hisobvaragʻiga mablagʻlarni oʻtkazadilar. Bunda zakalat shartnoma boʻyicha toʻlov summasiga qoʻshib hisoblanishi mumkin.

Korporativ buyurtmachilar tanlash yoki tender natijasida tuzilgan shartnoma boʻyicha toʻlovlarni HKKPdagi shaxsiy hisobvaraqlaridan foydalangan holda amalga oshirishi mumkin.

25. Agarda korporativ buyurtmachi elektron doʻkon yoki auksion orqali tuzilgan shartnomada belgilangan muddatda toʻlovni amalga oshirmasa, uning zakalati bir ish kunida ijrochining HKKPdagi tegishli hisobvaragʻiga oʻtkaziladi.

26. HKKP davlat buyurtmachisidan elektron doʻkon yoki auksion orqali tuzilgan shartnoma boʻyicha tushgan toʻlov summasini band qilib qoʻyadi va mablagʻlar tushgan kundan keyingi ish kunidan kechiktirmasdan bu haqida ijrochiga xabarnoma yuboradi.

Mazkur xabarnoma ijrochiga tovarlarni (ishlarni, xizmatlarni) yetkazib berish uchun asos boʻlib xizmat qiladi.

27. Ijrochi HKKP tomonidan mablagʻ tushganligi toʻgʻrisidagi xabarnoma yuborilishidan oldin tovarlarni (ishlarni, xizmatlarni) yetkazib bergan taqdirda, davlat buyurtmachisi tomonidan qabul qilingan tovarlar (ishlar, xizmatlar) boʻyicha toʻlov amalga oshirilmasligi bilan bogʻliq xatarlar ijrochining zimmasida boʻladi.

28. Korporativ buyurtmachi elektron doʻkon yoki auksion orqali tuzilgan shartnoma asosida tovarni (ishni, xizmatni) toʻliq qabul qilganidan keyin uch ish kuni mobaynida bu toʻgʻrisidagi axborotni oʻzining shaxsiy kabinetidan foydalangan holda operatorga yuborishga majbur.

29. Budjet buyurtmachisi elektron doʻkon yoki auksion orqali tuzilgan shartnoma asosida tovarni (ishni, xizmatni) toʻliq qabul qilgandan soʻng uch ish kuni mobaynida bu toʻgʻrisidagi axborotni budjet tashkilotlarining hisobi va hisobotlari avtomatlashtirilgan tizimining dasturiy kompleksi orqali DMBATga kiritishga va yuborishga majbur.

30. DMBAT budjet buyurtmachisining shartnoma asosida tovarni (ishni, xizmatni) qabul qilganligi toʻgʻrisidagi axborotni olgandan keyin uni bir ish kuni mobaynida maʼlumotlar bazalarining elektron almashinuvi orqali operatorga yuboradi.

31. Operator tovarlar (ishlar, xizmatlar) elektron doʻkon yoki auksion orqali tuzilgan shartnoma boʻyicha toʻliq hajmda yetkazilganligi haqidagi maʼlumotni olgandan soʻng bir ish kuni davomida:

elektron toʻlov topshiriqnomasini shakllantiradi va DMBATga yuboradi, u esa toʻlov topshiriqnomasini olgandan soʻng bir ish kuni davomida budjet buyurtmachilarining pul mablagʻlarini ijrochiga yuboradi;

elektron toʻlov topshiriqnomasini shakllantiradi va operatorga xizmat koʻrsatuvchi bankka yuboradi, u esa toʻlov topshiriqnomasini olgandan soʻng bir ish kuni mobaynida korporativ buyurtmachilarning mablagʻlarini ijrochiga yuboradi;

ijrochining zakalatiga qoʻyilgan bandni bekor qiladi va tegishli shaxsiy hisobvaragʻiga qaytaradi;

zakalatni banddan yechadi va korporativ buyurtmachining tegishli shaxsiy hisobvaragʻiga qaytaradi, bundan zakalat shartnoma boʻyicha toʻlash summasiga qoʻshib hisoblangan hollar mustasno;

elektron doʻkon yoki auksion orqali tuzilgan shartnoma boʻyicha majburiyatlarning bajarilganligi haqidagi maʼlumotni davlat xaridlarining elektron tizimiga joylashtiradi.

32. Operator tanlash yoki tender natijasida shartnoma tuzilganidan soʻng bir ish kuni davomida zakalatni banddan yechadi va uni ijrochining tegishli shaxsiy hisobvaragʻiga qaytaradi.

Korporativ buyurtmachi tomonidan oʻtkazilgan tanlash yoki tenderda ishtirokchilar va ijrochi tomonidan kiritilgan zakalat shartnoma tuzilganidan soʻng operator tomonidan bir ish kuni davomida banddan yechiladi va ularning tegishli shaxsiy hisobvaragʻiga qaytariladi.

Agar tanlash yoki tender boʻyicha xarid qilish hujjatlarida ijrochining kiritgan zakalati shartnoma boʻyicha majburiyatlar toʻliq bajarilgan yoki belgilangan tartibda bekor qilingunga qadar band qilib qoʻyilishini nazarda tutuvchi talab belgilangan boʻlsa, zakalat ushbu talablar bajarilgunga qadar banddan yechilmaydi.

33. Elektron doʻkon yoki auksion orqali tuzilgan shartnoma boʻyicha yetkazib berish muddati tugagandan soʻng tovarlar (ishlarni, xizmatlar) yetkazib berilganligi haqidagi maʼlumot mavjud boʻlmasa, davlat xaridlarining elektron tizimi bir ish kuni mobaynida avtomatik rejimda davlat buyurtmachisi va Moliya vazirligini xabardor qiladi.

34. Davlat buyurtmachisi tomonidan elektron doʻkon yoki auksion orqali tuzilgan shartnoma boʻyicha tovarlar (ishlar, xizmatlar) yetkazib berilganligi haqidagi maʼlumot taqdim qilinmaganda, HKKP ushbu shartnoma boʻyicha tovarlar (ishlar, xizmatlar)ni yetkazib berish muddati tugagach uch ish kunidan soʻng:

budjet buyurtmachilarning shartnoma boʻyicha mablagʻlariga sud yoki Davlat xaridlari sohasidagi shikoyatlarni koʻrib chiqish boʻyicha komissiyaning tegishli qarori qabul qilinguniga yoki shartnoma bekor qilingunga qadar band qoʻyadi;

korporativ buyurtmachi tomonidan ushbu shartnoma boʻyicha kiritilgan mablagʻlardan bandni bekor qiladi, bundan zakalat summasi mustasno;

korporativ buyurtmachi va ijrochining zakalatiga sud yoki Davlat xaridlari sohasidagi shikoyatlarni koʻrib chiqish boʻyicha komissiyaning tegishli qarori qabul qilinguniga yoki shartnoma bekor qilingunga qadar band qoʻyadi;

bajarilmagan shartnomalar boʻyicha maʼlumotlarni Moliya vazirligiga yuboradi.

35. HKKP sudning qonuniy kuchga kirgan qarori yoki Davlat xaridlari sohasidagi shikoyatlarni koʻrib chiqish boʻyicha komissiya qarori asosida zakalatni banddan yechishni va (yoki) tegishli hisobvaraqqa oʻtkazishni amalga oshiradi.

Bunda HKKP ijrochining zakalati budjet buyurtmachisiga oʻtkazilishi toʻgʻrisidagi sudning qonuniy kuchga kirgan qarori yoki Davlat xaridlari sohasidagi shikoyatlarni koʻrib chiqish boʻyicha komissiya qarori asosida zakalatni budjet buyurtmachisining budjetdan tashqari tegishli hisobvaragʻiga oʻtkazishni amalga oshiradi.

36. Operatorning vositachilik yigʻimi davlat xaridlarining yakunlariga koʻra bitimning haqiqiy summasidan kelib chiqib davlat buyurtmachisi va ishtirokchining avans toʻlovlaridan davlat xaridlarining elektron tizimi tomonidan ushlab qolinadi.

37. Ishtirokchilarning va korporativ buyurtmachilarning bandi bekor qilingan mablagʻlari ularning topshiriqlariga asosan boshqa elektron davlat xaridlarida avans toʻlovlari sifatida foydalanilishi mumkin yoki ularga xizmat koʻrsatadigan banklardagi hisobvaraqlariga qaytariladi.

37 1 . Davlat buyurtmachilari xarid qilinishi nazarda tutilgan tovarlarni (ishlarni, xizmatlarni) birinchi navbatda new.cooperation.uz portalida roʻyxatdan oʻtgan mahalliy ishlab chiqaruvchilardan xarid qilish imkoniyatini majburiy tartibda oʻrganadi. Bunda davlat xaridlari uchun zarur boʻlgan mahsulotlar new.cooperation.uz portalida mavjud boʻlmagan taqdirdagina portal maʼlumotnomasi asosida davlat xaridlarining elektron tizimi orqali xarid qiladi.

37 2 . Davlat xaridlarida elektrotexnika mahsulotlarini (kuchlanishli kabellar va texnik maqsadli qurilmalar) yetkazib berish muddati oʻttiz kundan kam boʻlmasligi kerak. Bunda yetkazib beruvchi tovarlarni shartnomada belgilangan muddatdan oldin yetkazib berishi mumkin.

3-bob. Elektron doʻkon

1-§. Elektron doʻkon vositasida davlat xaridlarini amalga oshirishning umumiy shartlari

38. Elektron doʻkon vositasidagi davlat xaridlari Qonunning 5-bobi hamda ushbu Nizomga 1-ilovada keltirilgan sxemaga muvofiq amalga oshiriladi.

39. Elektron doʻkon vositasidagi davlat xaridi Qonunning 49-moddasida belgilangan mezonlarga muvofiq amalga oshiriladi.

Budjet buyurtmachisi tomonidan elektron doʻkon orqali tovarlarning (ishlarning, xizmatlarning) milliy klassifikatoriga muvofiq guruhlashtirilgan ayni bir turdagi tovarlarning davlat xaridi bir moliya yili davomida bazaviy hisoblash miqdorining oʻn ming baravarigacha amalga oshirilishi mumkin.

Budjet buyurtmachisi tomonidan elektron doʻkon orqali tovarlarning (ishlarning, xizmatlarning) milliy klassifikatoriga muvofiq guruhlashtirilgan ayni bir turdagi ishlarning, xizmatlarning davlat xaridi bir moliya yili davomida bazaviy hisoblash miqdorining besh yuz baravarigacha (korporativ buyurtmachilar uchun — bazaviy hisoblash miqdorining bir ming baravarigacha) amalga oshirilishi mumkin.

40. Ishtirokchi tomonidan elektron doʻkonda joylashtirilgan taklifda Qonunning 50-moddasida qayd etilgan maʼlumotlar va tovarni yetkazib berish muddati koʻrsatiladi.

Ishtirokchi elektron doʻkonda oʻzi joylashtirgan axborotning ishonchliligi boʻyicha javobgar boʻladi.

2-§. Elektron doʻkon orqali davlat xaridlarini amalga oshirish

41. Elektron doʻkon orqali davlat xaridlari narxlar soʻrovi mexanizmidan foydalangan holda Qonunning 51-moddasiga muvofiq amalga oshiriladi.

42. Narxlar soʻrovi mexanizmi davlat buyurtmachisiga oʻxshash tovarlarni (ishlarni, xizmatlarni) taklif etayotgan ishtirokchilardan pastroq narxni soʻrash imkoniyatini taqdim etadigan davlat xaridlarining elektron tizimi funksiyasidan iborat.

Davlat xaridlarining elektron tizimi elektrotexnika mahsulotlarining davlat xaridlarida chet ellik yetkazib beruvchilar bilan bir qatorda uchta va undan ortiq mahalliy ishlab chiqaruvchi ishtirok etgan taqdirda 15 foiz, ikkita mahalliy ishlab chiqaruvchi ishtirok etgan taqdirda 12 foiz, bitta mahalliy ishlab chiqaruvchi ishtirok etgan taqdirda 8 foiz miqdorida import tovarlarining DDP (Oʻzbekiston) narxidan preferensiya hisoblaydi. Bunda korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlarida preferensiyalar qoʻllanmaydi.

43. Agar narx soʻrovi mobaynida ishtirokchi tomonidan taklif qilingan summa davlat buyurtmachisi tomonidan tanlangan summadan 20 va undan ortiq foizga past boʻlsa, ishtirokchi davlat buyurtmachisi tomonidan tanlangan ofertaning summasi va oʻzi tomonidan taklif etilgan summaning farqi miqdoridagi qoʻshimcha zakalatni oldindan kiritishi shart. Bunda ofertaning summasi:

bazaviy hisoblash miqdorining ikki ming besh yuz baravaridan oshmaydigan hollarda qoʻshimcha zakalat summasi bazaviy hisoblash miqdorining yuz baravaridan;

bazaviy hisoblash miqdorining ikki ming besh yuz baravaridan oshgan hollarda qoʻshimcha zakalat summasi bazaviy hisoblash miqdorining bir ming baravaridan oshmasligi kerak.

Qoʻshimcha zakalat mavjud boʻlmagan taqdirda, ushbu takliflar davlat xaridlarining elektron tizimi tomonidan avtomatik ravishda rad etiladi.

44. Ijrochi va ishtirokchilar toʻgʻrisidagi maʼlumot (ularning nomi, STIR, taklif summalari) gʻolib aniqlangan paytda davlat xaridlarining elektron tizimida aks ettiriladi.

45. Davlat buyurtmachilari elektron doʻkonning qoʻshimcha sahifasidan foydalangan holda davlat xaridlarini hududlar (Qoraqalpogʻiston Respublikasi, viloyatlar va Toshkent shahri) boʻyicha mahalliy ishlab chiqaruvchilar (ishni bajaruvchilar, xizmat koʻrsatuvchilar) oʻrtasida amalga oshirishi mumkin.

Bunda elektron doʻkonning qoʻshimcha sahifasidan foydalanish quyidagi ketma-ketlikda amalga oshiriladi:

buyurtmachi elektron doʻkonda “milliy doʻkon” yacheykasini tanlaydi;

davlat xaridlarining elektron tizimi buyurtmachi joylashgan hudud boʻyicha mahalliy ishlab chiqaruvchilarning (ishni bajaruvchilarning, xizmat koʻrsatuvchilarning) takliflari joylashtirilgan qoʻshimcha sahifani ochadi.

“Milliy doʻkon” yacheykasining “qidiruv” tugmasidan foydalanilganda davlat xaridlarining elektron tizimi buyurtmachi joylashgan hududdagi mahalliy ishlab chiqaruvchilar (ishni bajaruvchilar, xizmat koʻrsatuvchilar) tomonidan yetkazib beriladigan tovarni (ishni, xizmatni) qidiradi.

46. “Milliy doʻkon” orqali xaridlarni amalga oshirishda davlat xaridlarining elektron tizimi narxlar soʻrovi mexanizmini faqat buyurtmachi joylashgan hududdagi (Qoraqalpogʻiston Respublikasi, viloyatlar va Toshkent shahri) mahalliy ishlab chiqaruvchilar (ishni bajaruvchilar, xizmat koʻrsatuvchilar) orasida yuborilishini taʼminlaydi.

4-bob. Auksion

1-§. Auksion vositasida davlat xaridlarini amalga oshirishning umumiy shartlari

47. Auksion vositasidagi davlat xaridlari Qonunning 6-bobi va ushbu Nizomga 2-ilovada keltirilgan sxemaga muvofiq amalga oshiriladi.

48. Auksion vositasidagi davlat xaridi Qonunning 52-moddasida belgilangan mezonlar bir vaqtning oʻzida bajarilgan taqdirda amalga oshiriladi.

2-§. Auksion orqali davlat xaridlarini amalga oshirish

49. Auksion orqali davlat xaridlarini amalga oshirish uchun davlat buyurtmachisi maxsus axborot portali orqali davlat xaridlarining elektron tizimiga davlat xaridlarining reja-jadvaliga muvofiq auksion tugaydigan sanadan kamida besh ish kuni avval eʼlonni joylashtiradi.

50. Auksion oʻtkazilishi toʻgʻrisidagi eʼlonda Qonunning 53-moddasida belgilangan maʼlumotlar boʻlishi kerak.

51. Auksion davlat buyurtmachisining eʼlonida bayon etilgan talablarni inobatga olgan holda oʻtkaziladi.

52. Auksion davlat xaridlarining elektron tizimida boshlangʻich narxni qadam-baqadam pasaytirish yoʻli bilan oʻtkaziladi. Qadam oʻlchovi operator tomonidan vakolatli organ bilan kelishilgan holda belgilanadi, lekin auksionning boshlangʻich narxining 3 foiz miqdoridan ortiq boʻlishi mumkin emas.

Bunda bir ishtirokchi belgilangan qadam oʻlchovi miqdorida boshlangʻich narxni ketma-ket bir necha bor pasaytirish huquqiga ega.

53. Davlat xaridlarining elektron tizimi budjet buyurtmachisining eʼlonini u joylashtirilgan vaqtdan va Moliya vazirligining davlat moliyasini boshqarish axborot tizimidan maʼlumotlar almashinuvi orqali mablagʻlar mavjudligi haqidagi tasdigʻi olingandan soʻng faollashtiradi va ishtirokchilarning takliflarini qabul qilishni boshlaydi.

54. Agar taklif narxi davlat buyurtmachisi tomonidan berilgan boshlangʻich narxdan past va/yoki boshqa ishtirokchining taklif qilgan narxidan past boʻlsa, davlat xaridlarining elektron tizimi ishtirokchilarning takliflarini qabul qilishni taʼminlaydi.

Auksionni oʻtkazish chogʻida ishtirokchilar auksion boshlangan paytdan eʼtiboran va u tamom boʻladigan paytga qadar butun muddat ichida narx boʻyicha takliflarni cheklanmagan miqdorda berishga haqli.

Auksion uni oʻtkazish haqidagi eʼlonda koʻrsatilgan muddatda (sana va vaqt), biroq oxirgi taklif kelib tushgan vaqtdan soʻng oʻn daqiqadan kam boʻlmagan vaqtda tugagan deb hisoblanadi.

Mazkur vaqt ichida yangi taklif berilgan taqdirda, ishtirokchilardan takliflarni qabul qilish muddati oxirgi taklif olingandan soʻng yana oʻn daqiqaga uzaytiriladi.

Ishtirokchilarning nomi va ular bilan bogʻlanishga doir maʼlumotlar auksion gʻolibi aniqlanmaguniga qadar davlat xaridlarining elektron tizimida aks ettirilmaydi.

Agar auksion mobaynida ishtirokchi tomonidan taklif qilingan narx boshlangʻich narxdan 20 va undan ortiq foizga past boʻlsa, ishtirokchi boshlangʻich narx va oʻzi tomonidan taklif etilgan narxning farqi miqdoridagi qoʻshimcha zakalatni oldindan kiritishi shart. Bunda boshlangʻich narx:

bazaviy hisoblash miqdorining ikki ming besh yuz baravaridan oshmaydigan hollarda qoʻshimcha zakalat summasi bazaviy hisoblash miqdorining yuz baravaridan;

bazaviy hisoblash miqdorining ikki ming besh yuz baravaridan oshgan hollarda qoʻshimcha zakalat summasi bazaviy hisoblash miqdorining bir ming baravaridan oshmasligi kerak.

Qoʻshimcha zakalat mavjud boʻlmagan taqdirda, ushbu takliflar davlat xaridlarining elektron tizimi tomonidan avtomatik ravishda rad etiladi.

54 1 . Davlat xaridlarining elektron tizimi elektrotexnika mahsulotlarining davlat xaridlarida chet ellik yetkazib beruvchilar bilan bir qatorda uchta va undan ortiq mahalliy ishlab chiqaruvchi ishtirok etgan taqdirda 15 foiz, ikkita mahalliy ishlab chiqaruvchi ishtirok etgan taqdirda 12 foiz, bitta mahalliy ishlab chiqaruvchi ishtirok etgan taqdirda 8 foiz miqdorida import tovarlarining DDP (Oʻzbekiston) narxidan preferensiya hisoblaydi. Bunda korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlarida preferensiyalar qoʻllanmaydi.

55. Auksion orqali davlat xaridlarini amalga oshirishda tovarlarni yetkazib berish muddati ularning miqdoridan, hajmidan, noyobligidan, ishlab chiqarishga va (yoki) respublika hududiga import qilishga ketadigan vaqtidan va boshqa xususiyatlaridan kelib chiqqan holda yetti kundan kam boʻlmasligi kerak. Bunda yetkazib beruvchi tovarlarni shartnomada belgilangan muddatdan oldin yetkazib berishi mumkin.

56. Agar auksionda bir nafar ishtirokchi ishtirok etgan boʻlsa yoki hech kim ishtirok etmagan boʻlsa, auksion oʻtkazilmagan deb hisoblanadi va gʻolib aniqlanmaydi. Davlat buyurtmachisi auksionni uch ish kuniga uzaytirishi yoki xaridni Qonun va mazkur Nizom talablariga muvofiq elektron doʻkon (belgilangan mezonlar doirasida) yoki eng yaxshi takliflarni tanlash orqali amalga oshirishi mumkin.

56 1 . Budjet buyurtmachilari auksionning qoʻshimcha sahifasidan foydalangan holda tovarlarning davlat xaridlarini mahalliy ishlab chiqaruvchilar oʻrtasida shartnoma qiymati bilan bogʻliq cheklovlarsiz amalga oshirishi mumkin.

Auksionning qoʻshimcha sahifasidan foydalanish quyidagi ketma-ketlikda amalga oshiriladi:

budjet buyurtmachisi auksionda “mahalliy auksion” yacheykasi orqali savdolar oʻtkazilishi toʻgʻrisidagi eʼlonni kamida ikki ish kuniga joylashtiradi;

davlat xaridlarining elektron tizimi davlat buyurtmachilari tomonidan tovarlar boʻyicha auksion oʻtkazilishi toʻgʻrisidagi eʼlon joylashtirilgan paytda eʼlon maʼlumotlarini mahalliy ishlab chiqaruvchilarga avtomatik ravishda elektron xabarnoma orqali yuboradi.

5-bob. Tanlash

1-§. Tanlash vositasida davlat xaridlarini amalga oshirish shartlari

57. Tanlash vositasidagi davlat xaridlari Qonunning 7-bobi va ushbu Nizomga 3-ilovada keltirilgan sxemaga muvofiq amalga oshiriladi.

Tanlash elektron shaklda oʻtkaziladi.

58. Tanlash vositasidagi davlat xaridi Qonunning 56-moddasida belgilangan shartlar bir vaqtning oʻzida bajarilgan taqdirda amalga oshiriladi.

2-§. Tanlashni oʻtkazishda xarid komissiyasi faoliyatini tartibga solish

59. Tanlashni oʻtkazishda xarid komissiyasi Qonunning 20 va 57-moddalarida belgilangan tartibda shakllantiriladi va tarqatib yuboriladi.

60. Xarid komissiyasining masʼul kotibi:

ishtirokchilarning takliflarini tanlash boʻyicha xarid qilish hujjatlarining rasmiylashtirish talablariga mos kelishi boʻyicha tekshirishni amalga oshiradi va tekshirish natijalarini xarid komissiyasiga koʻrib chiqish uchun taqdim qiladi;

tanlash boʻyicha xarid qilish hujjatlarida belgilangan mezonlar boʻyicha ishtirokchilarning takliflarini baholash natijalarini davlat xaridlarining elektron tizimiga kiritadi.

61. Davlat buyurtmachisi xarid komissiyasining har bir aʼzosiga va masʼul kotibiga oʻz vazifalarini amalga oshirish uchun davlat xaridlarining elektron tizimida shaxsiy kabinet ochadi.

62. Xarid komissiyasining vakolatiga kiritilgan masalalarni koʻrib chiqish uchun xarid komissiyasining aʼzolari va masʼul kotibining muloqot qilish imkoniyati davlat xaridlarining elektron tizimi tomonidan yopiq chat orqali taʼminlanadi.

63. Davlat xaridlarining elektron tizimidagi shaxsiy kabinetga birinchi marotaba kirilayotganda xarid komissiyasining har bir aʼzosi, shu jumladan, uning raisi xoʻjalik yurituvchi subyektlar, shu jumladan, tadbirkorlik subyektlari bilan affillanganlik xususiyatiga ega aloqalari mavjudligi toʻgʻrisida maʼlumotlarni kiritishi shart. Operator xarid komissiyasi aʼzolari tomonidan kiritilgan maʼlumotlarning maxfiyligini taʼminlash boʻyicha javobgar boʻladi.

64. Xarid komissiyasi raisining affillanganlik xususiyatiga ega aloqalari mavjud boʻlsa, tanlashni oʻtkazish jarayoni davlat buyurtmachisi tomonidan yangi xarid komissiyasi raisi tayinlanguniga qadar toʻxtatiladi.

65. Xarid komissiyasining har bir aʼzosi oʻzining shaxsiy kabineti orqali ovoz berishda yoqlab ovoz berishi, qarshi ovoz berishi yoki unda ishtirok etishdan bosh tortishi mumkin. Belgilangan muddatlarda xarid komissiyasi aʼzosi shaxsiy kabineti orqali ovoz berishdan boʻyin tovlagan taqdirda, u ovoz berishdan bosh tortgan deb tan olinadi. Xarid komissiyasi raisi yoki uning vazifasini bajaruvchi ovoz berishdan bosh tortishga haqli emas.

3-§. Tanlash boʻyicha xarid qilish hujjatlarini ishlab chiqish va tanlash oʻtkazilishi toʻgʻrisidagi eʼlonni joylashtirish

66. Davlat buyurtmachisi tomonidan tanlash oʻtkazish toʻgʻrisidagi qaror qabul qilinganidan soʻng davlat buyurtmachisining mutaxassislari yoki tanlashni tashkil etish va oʻtkazish uchun masʼul shaxs tomonidan tanlash boʻyicha xarid qilish hujjatlari, shartnoma va tanlashni oʻtkazish haqidagi eʼlonning matni ishlab chiqiladi.

67. Tanlash taklifining texnik va narx qismi boʻyicha davlat buyurtmachisining tovarlarga (ishlarga, xizmatlarga) boʻlgan ehtiyojlarini qondirish uchun taklifning har bir qismini baholash ahamiyatiga qarab nisbiy qiymati belgilanadi.

68. Davlat buyurtmachisi ishtirokchilarning tanlash takliflarini baholash usulini (eng past narx usulini yoki ball usulini) va mezonlarini ishlab chiqadi va xarid komissiyasiga kelishish uchun kiritadi. Tanlash boʻyicha xarid qilish hujjatlarida tanlash takliflarini baholash uchun qoʻllaniladigan ballarning boshlangʻich qiymatlari belgilanishi mumkin va ulardan oʻtmagan ishtirokchi tanlashdan chetlatiladi.

69. Tanlash taklifining texnik qismi uchun miqdoriy yoki miqdoriy boʻlmagan (ekspert) koʻrsatkichlardan kelib chiqqan holda baholash mezonlari belgilanadi.

70. Tanlash boʻyicha xarid qilish hujjatlari namunaviy shakllarini toʻldirishda miqdoriy (oʻlchov birligini belgilagan holda) va miqdoriy boʻlmagan (ekspert) mezonlar xarid komissiyasi tomonidan tasdiqlanadi.

71. Ball usulidan foydalanganda tanlash taklifining har bir baholash mezoni boʻyicha nisbiy qiymat belgilanishi mumkin. Eng past narx usulidan foydalanganda ishtirokchining tanlash taklifi tanlash boʻyicha xarid qilish hujjatlarida belgilangan talablarga mos kelishi yoki mos kelmasligini aniqlovchi mezonlar belgilanishi mumkin.

72. Tanlash boʻyicha xarid qilish hujjatlarida majburiy boʻlgan mezonlar belgilanishi mumkin. Bunda tanlash taklifining majburiy etib belgilangan mezonlarga mos kelmasligi ishtirokchini davlat xaridlarining elektron tizimi orqali tanlashning har qanday bosqichida chetlatishga olib keladi.

Bunda majburiy mezonlar belgilanishida Qonunning 34-moddasiga muvofiq ishtirokchilarga nisbatan raqobatni cheklovchi talablar kiritilishiga yoʻl qoʻyilmaydi.

73. Davlat buyurtmachisi tanlash boʻyicha xarid qilish hujjatlarini kelishish uchun elektron shaklda xarid komissiyasiga kiritadi.

74. Xarid komissiyasi tanlash boʻyicha xarid qilish hujjatlarining majlisda yoki masofadan turib Qonun talablariga muvofiqligini koʻrib chiqadi va quyidagilarni belgilaydi:

tanlash takliflari qabul qilinadigan muddatlar;

tanlash takliflarini baholash usullari va mezonlari;

tanlash takliflari qismlarining va zarur hollarda texnik qismining har bir baholash mezonlarining nisbiy qiymati;

tanlash taklifini taʼminlash hajmi va shakli.

75. Tanlashni oʻtkazish haqida qaror tanlash boʻyicha xarid qilish hujjatlari xarid komissiyasi tomonidan kelishilganidan soʻng qabul qilinadi.

76. Tanlash boʻyicha xarid qilish hujjatlarida kamchiliklar aniqlangan taqdirda, aniqlangan kamchiliklar bartaraf etilganidan soʻng xarid komissiyasi tomonidan tanlash boʻyicha xarid qilish hujjatlari qayta kelishilishi kerak.

77. Davlat buyurtmachisi xarid komissiyasi bilan kelishilgan tanlash boʻyicha xarid qilish hujjatlarini ERI bilan tasdiqlaydi.

78. Tasdiqlangan tanlash boʻyicha xarid qilish hujjatlari, shartnoma loyihasi, shuningdek, tanlash oʻtkazish haqidagi eʼlon tanlash ishtirokchilarining takliflarini qabul qilish muddati tugashidan kamida besh ish kuni oldin davlat buyurtmachisi tomonidan davlat xaridlarining elektron tizimiga joylashtiriladi.

79. Zarur boʻlgan hollarda davlat buyurtmachisi xarid komissiyasi qarori bilan tanlash takliflarini berish muddatini uzaytirishi yoki tanlash ishtirokchilariga tanlash takliflarining amal qilish muddatini maʼlum vaqtga uzaytirish taklifi bilan murojaat qilishi mumkin.

4-§. Tanlashda ishtirok etish uchun taklifini berish tartibi

80. Tanlash oʻtkazilganda ishtirokchilar tanlash boʻyicha elektron takliflarni oʻzlarining shaxsiy kabinetlari orqali eʼlonda koʻrsatilgan muddatdan kechiktirmay taqdim etadilar.

81. Ishtirokchining tanlash taklifining ajralmas qismi boʻlgan elektron hujjatlar operator tomonidan belgilangan namunaviy shakllar asosida taqdim etiladi. Davlat xaridlarining elektron tizimiga joylashtirilgan tanlash taklifi ishtirokchi tomonidan tasdiqlanadi.

82. Tanlash taklifi bilan birgalikda ishtirokchilar eskizlar, rasmlar, chizmalar, fotosuratlar va boshqa hujjatlarni fayl sifatida joylashtirishlari mumkin.

Bunda ishtirokchilarning tanlash takliflari davlat xaridlarining elektron tizimidagi namunaviy shakllarga muvofiq hujjatlarni biriktirish orqali taqdim etiladi. Ishtirokchining tanlash taklifidagi maʼlumotlar biriktirilgan hujjatlardagi maʼlumotlarga mos kelishi kerak.

83. Tanlash takliflarini ochish muddati yetib kelgunga qadar ular ishtirokchilar, shuningdek, xarid komissiyasi masʼul kotibi va aʼzolari tomonidan koʻrilishiga yoʻl qoʻyilmaydi, bundan ushbu takliflarni taqdim etgan ishtirokchi mustasno. Mazkur talabning bajarilishiga operator javobgar hisoblanadi.

84. Tanlash ishtirokchisi bitta lotga faqat bitta tanlash taklifini berishga haqli.

85. Tanlash ishtirokchisi taqdim etilayotgan axborot (maʼlumot) va hujjatlarning haqiqiyligi va toʻgʻriligi uchun javob beradi.

86. Tanlash ishtirokchisi taqdim etilgan tanlash takliflarini berish muddati tugaguniga qadar berilgan tanlash taklifini chaqirib olishga yoki unga oʻzgartirishlar kiritishga haqli.

87. Joylashtirilgan eʼlonda koʻrsatilgan muddat va vaqtda davlat xaridlarining elektron tizimi tanlash takliflarini qabul qilishni toʻxtatadi.

Tanlash ishtirokchisi tanlash boʻyicha xarid qilish hujjatlaridagi talablarni tushuntirish talabi bilan davlat buyurtmachisiga ochiq elektron chat orqali soʻrov yuborishga haqli.

Davlat buyurtmachisi soʻrov tushgan sanadan eʼtiboran ikki ish kuni ichida ushbu soʻrovga ochiq elektron chat orqali tushuntirish yuborishi shart. Tanlash boʻyicha xarid qilish hujjatlarining qoidalariga doir tushuntirishlar ularning mazmun-mohiyatini oʻzgartirmasligi kerak.

Davlat buyurtmachisi tomonidan tanlash takliflarining taʼminlanishi zarurligi belgilagan taqdirda, ishtirokchi tanlash takliflari yuborilguniga qadar taʼminotning maqbulligini tasdiqlash toʻgʻrisida ochiq elektron chat orqali soʻrov yuborishga haqli. Davlat buyurtmachisi bunday soʻrovga bir ish kuni ichida javob beradi.

5-§. Tanlash natijalarini sarhisob qilish

88. Tanlash xarid komissiyasi tomonidan belgilangan muddatda oʻtkazilganda davlat xaridlarining elektron tizimi avtomatik ravishda ishtirokchilar tomonidan joylashtirilgan va ularning tanlash takliflarini tashkil etuvchi elektron hujjatlarni koʻrish imkoniyatini beradi.

89. Ishtirokchi tomonidan biriktirilgan fayllar uning tanlash taklifida koʻrsatilgan maʼlumotlariga mos boʻlishi hamda davlat xaridlarining elektron tizimidagi toʻldirilishi majburiy boʻlgan elektron maydonlar toʻldirilishi kerak.

90. Davlat xaridlarining elektron tizimi ishtirokchi taklif etgan narxni boshlangʻich narxga muvofiqligini va elektron maydonlarning toʻldirilganligini hamda biriktirilgan fayllarning mavjudligini tekshiradi. Ishtirokchi tomonidan taklif etilgan narx boshlangʻich narxdan yuqori boʻlsa, shuningdek, toʻldirilishi majburiy boʻlgan maydonlar toʻldirilmagan boʻlsa yoki biriktirilishi majburiy boʻlgan fayllar mavjud boʻlmasa, davlat xaridlarining elektron tizimi rad etish sababini koʻrsatgan holda ishtirokchining taklifini rad etadi. Biriktirilgan fayllardagi maʼlumotlarning ishtirokchining tanlash taklifida koʻrsatilgan maʼlumotlarga muvofiqligini tekshirish xarid komissiyasining masʼul kotibi tomonidan amalga oshiriladi.

91. Agar tanlash taklifi Qonunning va tanlash boʻyicha xarid qilish hujjatlari talablariga muvofiq boʻlsa, u tegishli tarzda rasmiylashtirilgan deb topiladi. Tanlash taklifi tegishli tarzda rasmiylashtirilganligi yoki rasmiylashtirilmaganligi boʻyicha xarid komissiyasi masʼul kotibining qarori uning asoslangan sabablari bilan xarid komissiyasi tomonidan tasdiqlanishi lozim.

Ishtirokchining tanlash taklifi talablarga mos kelmaganligi toʻgʻrisidagi qaror, ushbu qaror qabul qilingan kunda ishtirokchining shaxsiy kabinetiga yuboriladi.

Tanlash gʻolibini aniqlash uchun tanlash takliflarini baholash tanlash boʻyicha xarid qilish hujjatlarida belgilangan mezonlar va usul asosida amalga oshiriladi.

92. Tanlash takliflarini baholash vaqtida xarid komissiyasining masʼul kotibi tanlash ishtirokchilaridan ularning tanlash takliflari yuzasidan tushuntirishlar soʻrashga haqli. Mazkur jarayon elektron shaklda oʻtkaziladi.

93. Tanlash taklifi tanlash boʻyicha xarid qilish hujjatlari bilan belgilangan muddat mobaynida kuchda qoladi.

94. Tanlash taklifining miqdoriy koʻrsatkichlarini, shu jumladan, narx qismini baholash davlat xaridlarining elektron tizimi tomonidan avtomatik ravishda amalga oshiriladi.

95. Miqdor koʻrsatkichlariga ega boʻlmagan taklifning texnik qismining mezonlari boʻyicha ishtirokchilarning takliflarini baholash va taqqoslash xarid komissiyasi tomonidan ovoz berish orqali amalga oshiriladi.

95 1 . Tanlash takliflarini ball usulidan foydalangan holda baholashda mahalliy ishlab chiqaruvchilar tomonidan taqdim etilgan takliflarga mahalliylashtirish darajasiga mutanosib ravishda qoʻshimcha ball beriladi.

Bunda qoʻshimcha ballar ishlab chiqaruvchi tomonidan toʻplangan ballarning 15 foizidan hisob-kitob qilinadi.

Mahalliylashtirish darajasi Vazirlar Mahkamasining 2024-yil 28-oktabrdagi 712-son qarori bilan tasdiqlangan Mahalliy ishlab chiqarilgan tovarlarni aniqlash tartibi toʻgʻrisidagi nizomga muvofiq aniqlanadi.

Davlat xaridlari elektron tizimi ishlab chiqaruvchiga beriladigan qoʻshimcha ballarni avtomatik ravishda hisoblaydi va elektron bayonnomada qayd etadi.

Agar ishlab chiqaruvchi tomonidan taqdim etilgan narx taklifi boshqa ishtirokchilar tomonidan taklif etilgan eng past narxning 15 foizidan yuqori boʻlsa, qoʻshimcha ballar berilmaydi.

Qoʻshimcha ballar quyidagi formula asosida hisoblanadi:

QB = TB * 15 % * MD,

bu yerda:

QB — qoʻshimcha ballar;

TB — ishlab chiqaruvchi tomonidan toʻplangan ballar;

MD — mahalliylashtirish darajasi (foizda).

95 2 . Davlat xaridlarining elektron tizimi elektrotexnika mahsulotlarining davlat xaridlarida chet ellik yetkazib beruvchilar bilan bir qatorda uchta va undan ortiq mahalliy ishlab chiqaruvchi ishtirok etgan taqdirda 15 foiz, ikkita mahalliy ishlab chiqaruvchi ishtirok etgan taqdirda 12 foiz, bitta mahalliy ishlab chiqaruvchi ishtirok etgan taqdirda 8 foiz miqdorida import tovarlarining DDP (Oʻzbekiston) narxidan preferensiya hisoblaydi. Bunda korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlarida preferensiyalar qoʻllanmaydi.

96. Tanlash boʻyicha xarid qilish hujjatlarida belgilangan shartlardan kelib chiqib davlat xaridlarining elektron tizimi avtomatik ravishda:

tanlash taklifining texnik va narx qismlarini baholashni hisobga olgan holda eng yuqori ball toʻplagan ishtirokchini (ball usulidan foydalanganda);

tanlash takliflarining texnik qismini baholash natijalariga koʻra tanlashda ishtirok etishni davom ettirishga ruxsat berilgan ishtirokchilar orasidan eng past narxni taklif etgan ishtirokchini (eng past narx usulidan foydalanganda) gʻolib sifatida aniqlaydi.

Tanlash takliflarini ball usulidan foydalangan holda baholash natijasiga koʻra ikki yoki undan ortiq ishtirokchilar bir xil ball toʻplagan boʻlsa, eng past narx taklif etgan ishtirokchi gʻolib deb topiladi.

Tanlash takliflarini eng past narx usulidan foydalangan holda baholash natijasiga koʻra ikki yoki undan ortiq ishtirokchilar bir xil ball toʻplagan boʻlsa, texnik qismi boʻyicha eng maqbul taklifni bergan ishtirokchi gʻolib deb topiladi.

Zaxiradagi gʻolibni aniqlash mazkur bandda belgilangan tartibda amalga oshiriladi.

97. Tanlash takliflarini koʻrib chiqish hamda baholash natijalari davlat xaridlarining elektron tizimida avtomatik ravishda shakllangan dastlabki elektron bayonnomada qayd etiladi va tanlash oʻtkazish boʻyicha xarid komissiyasi aʼzolari tomonidan ERIdan foydalangan holda imzolanadi.

Bunda dastlabki elektron bayonnomada quyidagi axborot boʻlishi kerak:

tanlash takliflari koʻrib chiqiladigan hamda baholanadigan sana va vaqt;

xarid komissiyasi aʼzolarining va tanlash ishtirokchilari vakolatli vakillarining tarkibi;

tanlash takliflari koʻrib chiqilgan tanlash ishtirokchilari;

xar bir tanlash taklifini baholash natijalarining yoyilmasi;

tanlash takliflari ularni rad etishning aniq sabablari koʻrsatilgan va asoslangan holda rad etilgan tanlash ishtirokchilari;

tanlash gʻolibi toʻgʻrisida qabul qilingan qaror haqida maʼlumot;

tanlash gʻolibining nomi (yuridik shaxslar uchun), F.I.O. (jismoniy shaxslar uchun), joylashgan joyi (pochta manzili).

98. Dastlabki elektron bayonnoma u rasmiylashtirilgan kunda davlat xaridlarining elektron tizimida muhokama qilish uchun ikki ish kuniga joylashtiriladi.

99. Tanlashning istalgan ishtirokchisi dastlabki elektron bayonnoma eʼlon qilinganidan soʻng davlat buyurtmachisiga tanlash oʻtkazish natijalari boʻyicha davlat xaridlarining elektron tizimi orqali eʼtirozlar yuborishga haqli.

100. Agar ikki ish kuni ichida tanlash ishtirokchilari tomonidan tanlash oʻtkazish natijalari boʻyicha eʼtirozlar tushmagan boʻlsa, bu toʻgʻrisida xarid komissiyasining tegishli majlisi elektron bayonnomasi rasmiylashtiriladi va davlat buyurtmachisi bilan gʻolib deb topilgan ishtirokchi oʻrtasida shartnoma tuziladi.

101. Tanlash oʻtkazish natijalari boʻyicha tanlash ishtirokchilaridan eʼtirozlar tushganda, xarid komissiyasi eʼtirozlarni ikki ish kuni ichida koʻrib chiqadi va tegishli qaror qabul qiladi.

102. Davlat buyurtmachisi tomonidan xarid komissiyasiga taqdim etilgan muhokama natijalari toʻgʻrisidagi axborot asosida xarid komissiyasining tegishli majlisi elektron bayonnomasi rasmiylashtiriladi va imzolangan kundan boshlab uch ish kuni ichida davlat xaridlarining elektron tizimiga joylashtiriladi.

6-§. Tanlash natijalari boʻyicha shartnoma tuzish

103. Tanlash natijalariga doir shartnoma tanlash boʻyicha xarid qilish hujjatlarida va oʻzi bilan shartnoma tuzilayotgan tanlash ishtirokchisi tomonidan taqdim etilgan taklifda nazarda tutilgan shartlar asosida gʻolib aniqlangan vaqtdan boshlab oʻn ish kunidan kechiktirmasdan tuziladi.

104. Tanlashni oʻtkazish natijalariga koʻra shartnoma elektron shaklda tuziladi hamda shartnomalarning yagona reyestriga kiritiladi.

105. Buyurtmachilar tomonidan xodimlarni fuqarolik-huquqiy tusdagi shartnoma asosida jalb etishni va xalqaro reytinglarni olishni nazarda tutuvchi xarid qilish tartib-taomillarini elektron shaklda oʻtkazish majburiy hisoblanmaydi.

Bunda xarid komissiyasi faoliyatini tartibga solish, tanlash ishtirokchilari tomonidan takliflarni berish, tanlash ishtirokchilarining takliflarini koʻrib chiqish va baholash, gʻolib va zaxira gʻolibni aniqlash, tanlash natijalarini rasmiylashtirish Qonunda belgilangan tartibda amalga oshiriladi.

6-bob. Tender

1-§. Tenderni oʻtkazish shartlari

106. Tender vositasidagi davlat xaridlari Qonunning 8-bobiga , ushbu Nizomga 4-ilovada keltirilgan sxemaga muvofiq amalga oshiriladi.

Tender elektron shaklda oʻtkaziladi.

107. Tender vositasidagi davlat xaridi Qonunning 64-moddasida belgilangan shartlar bir vaqtning oʻzida bajarilgan taqdirda amalga oshiriladi.

2-§. Tenderni oʻtkazishda xarid komissiyasi faoliyatini tartibga solish

108. Tenderni oʻtkazishda xarid komissiyasi Qonunning 20 va 65-moddalarida belgilangan tartibda shakllantiriladi va tarqatib yuboriladi.

109. Xarid komissiyasining masʼul kotibi:

ishtirokchilarning takliflarini tender boʻyicha xarid qilish hujjatlarini rasmiylashtirish talablariga mos kelishi boʻyicha tekshirishni amalga oshiradi va tekshirish natijalarini xarid komissiyasiga koʻrib chiqish uchun taqdim qiladi;

tasdiqlangan mezonlar boʻyicha ishtirokchilarning takliflarini baholash natijalarini davlat xaridlarining elektron tizimida joylashtiradi.

110. Davlat buyurtmachisi xarid komissiyasining har bir aʼzosiga va masʼul kotibiga oʻz vazifalarini amalga oshirish uchun davlat xaridlarining elektron tizimida shaxsiy kabinet ochadi.

111. Xarid komissiyasining vakolatiga kiritilgan masalalarni koʻrib chiqish uchun xarid komissiyasining aʼzolari va masʼul kotibining muloqot qilish imkoniyati davlat xaridlarining elektron tizimi tomonidan yopiq chat orqali taʼminlanadi.

112. Davlat xaridlarining elektron tizimidagi shaxsiy kabinetga birinchi marotaba kirilayotganda xarid komissiyasining har bir aʼzosi, shu jumladan, uning raisi xoʻjalik yurituvchi subyektlar, shu jumladan, tadbirkorlik subyektlari bilan affillanganlik xususiyatiga ega aloqalar mavjudligi toʻgʻrisida maʼlumotlarni kiritishi shart. Operator xarid komissiyasi aʼzolari tomonidan kiritilgan maʼlumotlarning maxfiyligini taʼminlash boʻyicha javob beradi.

113. Xarid komissiyasi raisining affillanganlik xususiyatiga ega aloqalari mavjud boʻlsa, tenderni oʻtkazish jarayoni davlat buyurtmachisi tomonidan xarid komissiyasining vaqtinchalik yangi raisi tayinlanguniga qadar toʻxtatiladi.

114. Xarid komissiyasining har bir aʼzosi oʻzining shaxsiy kabineti orqali ovoz berishda yoqlab ovoz berishi, qarshi ovoz berishi yoki unda ishtirok etishdan bosh tortishi mumkin. Belgilangan muddatlarda xarid komissiya aʼzosi shaxsiy kabineti orqali ovoz berishdan bosh tortgan taqdirda, uning ovozi betaraf sifatida qabul qilinadi. Xarid komissiya raisi yoki uning vazifasini bajaruvchi ovoz berishdan bosh tortishga haqli emas.

3-§. Tender boʻyicha xarid qilish hujjatlarini ishlab chiqish va tender oʻtkazilishi toʻgʻrisidagi eʼlonni joylashtirish

115. Davlat buyurtmachisi tomonidan tender oʻtkazish toʻgʻrisidagi qaror qabul qilinganidan soʻng davlat buyurtmachisining mutaxassislari yoki tenderni tashkil etish va oʻtkazish uchun masʼul shaxs tomonidan tender boʻyicha xarid qilish hujjatlari, shartnoma va tender oʻtkazish haqidagi eʼlonning matni ishlab chiqiladi.

116. Tender taklifining texnik va narx qismi boʻyicha davlat buyurtmachisining tovarlarga (ishlarga, xizmatlarga) boʻlgan ehtiyojlarini qondirish uchun taklifning har bir qismini baholash ahamiyatiga qarab nisbiy qiymati belgilanadi.

117. Davlat buyurtmachisi ishtirokchilarning tender takliflarini baholash usulini (eng past narx usulini yoki ball usulini) va mezonlarini ishlab chiqadi va xarid komissiyasiga kelishish uchun kiritadi. Tender boʻyicha xarid qilish hujjatlarida tender takliflarini baholash uchun qoʻllaniladigan ballarning boshlangʻich qiymatlari belgilanishi mumkin va ulardan oʻtmagan ishtirokchi tenderdan chetlatiladi.

118. Tender taklifining texnik qismi uchun miqdoriy yoki miqdoriy boʻlmagan (ekspert) koʻrsatkichlardan kelib chiqqan holda baholash mezonlari belgilanadi.

119. Tender boʻyicha xarid qilish hujjatlarining namunaviy shakllarini toʻldirishda miqdoriy (oʻlchov birligini belgilagan holda) va miqdoriy boʻlmagan (ekspert) mezonlar xarid komissiyasi bilan kelishilgan holda buyurtmachi tomonidan tasdiqlanadi.

120. Ball usulidan foydalanganda tender taklifining har bir baholash mezoni boʻyicha nisbiy qiymat belgilanishi mumkin. Eng past narx usulidan foydalanganda ishtirokchining taklifi tender boʻyicha xarid qilish hujjatlarida belgilangan talablarga mos kelishi yoki mos kelmasligini aniqlovchi mezonlar belgilanishi mumkin.

121. Tender boʻyicha xarid qilish hujjatlarida majburiy boʻlgan mezonlar belgilanishi mumkin. Bunda tender taklifining majburiyligi belgilangan mezonlarga mos kelmasligi ishtirokchining davlat xaridlarining elektron tizimi orqali tenderning har qanday bosqichida chetlatilishiga olib keladi.

Bunda majburiy mezonlar belgilanishida Qonunning 34-moddasiga muvofiq ishtirokchilarga nisbatan raqobatni cheklovchi talablar kiritilishiga yoʻl qoʻyilmaydi.

122. Davlat buyurtmachisi tender boʻyicha xarid qilish hujjatlarini kelishish uchun elektron shaklda xarid komissiyasiga kiritadi.

123. Xarid komissiyasi oʻzining majlisida yoki masofadan turib tender boʻyicha xarid qilish hujjatlari loyihasining Qonun talablariga muvofiqligi boʻyicha koʻrib chiqadi va quyidagilarni belgilaydi:

tender takliflari qabul qilinadigan muddatlar;

tender takliflarini baholash usullari va mezonlari;

tender taklifi qismlarining va zarur hollarda texnik qismining har bir baholash mezoni boʻyicha nisbiy qiymati;

tender taklifini taʼminlash hajmi va shakli.

124. Tender boʻyicha xarid qilish hujjatlari loyihasi unda belgilangan talablar bilan birga muhokamaga qoʻyiladi.

125. Xarid komissiyasi tomonidan tender boʻyicha xarid qilish hujjatlari loyihasi maʼqullangan holda tender oʻtkazish haqida qaror qabul qilinadi.

126. Tender boʻyicha xarid qilish hujjatlari maʼqullanmagan hollarda ular qayta ishlash uchun qaytarib yuborilishi yoki xarid komissiyasi majlisida qayta ishlanishi mumkin.

127. Maʼqullangan tender boʻyicha xarid qilish hujjatlarini davlat buyurtmachisi ERI bilan tasdiqlaydi.

128. Tasdiqlangan tender boʻyicha xarid qilish hujjatlari, shuningdek, tender oʻtkazish toʻgʻrisidagi eʼlon tender ishtirokchilaridan tender takliflarini qabul qilish muddati tugaydigan sanadan kamida oʻn ikki ish kuni oldin va koʻpi bilan oʻttiz ish kuni oldin davlat xaridlarining elektron tizimiga davlat buyurtmachisi tomonidan joylashtiriladi.

129. Zarur boʻlgan hollarda davlat buyurtmachisi xarid komissiyasi qarori bilan tender takliflarini berish muddatini uzaytirishi yoki tender ishtirokchilariga tender takliflarining amal qilish muddatini maʼlum vaqtga uzaytirish taklifi bilan murojaat qilishi mumkin.

130. Tender boʻyicha xarid qilish hujjatlarida davlat buyurtmachisi har bir tovar (ish, xizmat) xarid qilish tartib-taomilining alohida birligi (lot) sifatida koʻrib chiqilishini eʼlon qilishi mumkin. Bu holatda davlat buyurtmachisi turli tovarlarni (ishlarni, xizmatlarni) yetkazib berish uchun tenderning bir nechta ishtirokchisi bilan shartnomalar tuzishi mumkin, bunda har bir lot uchun faqat bitta gʻolib aniqlanishi mumkin.

4-§. Tenderda ishtirok etish uchun taklif berish tartibi

131. Tender ishtirokchilari tender boʻyicha elektron takliflarni oʻzlarining shaxsiy kabinetlari orqali eʼlonda koʻrsatilgan muddatdan kechiktirmay taqdim etadilar.

132. Ishtirokchining tender taklifini tashkil etuvchi elektron hujjatlar operator tomonidan belgilangan namunaviy shakllar asosida taqdim etiladi. Davlat xaridlarining elektron tizimiga joylashtirilgan tender taklifi ishtirokchi tomonidan tasdiqlanadi.

133. Tender taklifi bilan birgalikda ishtirokchilar eskizlar, rasmlar, chizmalar, fotosuratlar va boshqa hujjatlarni fayl sifatida joylashtirishlari mumkin.

Bunda ishtirokchilarning tender takliflari davlat xaridlarining elektron tizimida namunaviy shakllarga muvofiq hujjatlarni biriktirish orqali taqdim etiladi. Ishtirokchining tender takliflarida koʻrsatilgan maʼlumotlar biriktirilgan hujjatlardagi maʼlumotlarga mos kelishi kerak.

134. Tender takliflarini ochish muddati yetib kelgunga qadar ular tender ishtirokchilari, shuningdek, xarid komissiyasi masʼul kotibi va aʼzolari tomonidan koʻrilishiga yoʻl qoʻyilmaydi, bundan ushbu takliflarni taqdim etgan ishtirokchi mustasno. Mazkur talabning bajarilishiga operator javobgar hisoblanadi.

135. Tender ishtirokchisi bitta lotga faqat bitta tender taklifini berishga haqli.

136. Tender ishtirokchisi taqdim etilayotgan axborot (maʼlumot) va hujjatlarning haqiqiyligi va toʻgʻriligi uchun javob beradi.

137. Tender ishtirokchisi tender takliflarini berish muddati tugaguniga qadar berilgan tender taklifini qaytarib olishga yoki unga oʻzgartirishlar kiritishga haqli.

138. Joylashtirilgan eʼlonda koʻrsatilgan muddat va vaqtda davlat xaridlarining elektron tizimi tender takliflarini qabul qilishni toʻxtatadi.

139. Tender takliflari tender boʻyicha xarid qilish hujjatlarida koʻrsatilgan muddatda oʻz kuchida qoladi.

140. Tender ishtirokchisi tender boʻyicha xarid qilish hujjatlaridagi talablarni tushuntirish talabi bilan davlat buyurtmachisiga ochiq elektron chat orqali soʻrov yuborishga haqli.

141. Davlat buyurtmachisi soʻrov tushgan sanadan eʼtiboran ikki ish kuni ichida ushbu soʻrovga ochiq elektron chat orqali tushuntirish yuborishi shart. Tender boʻyicha xarid qilish hujjatlarining qoidalariga doir tushuntirishlar ularning mazmun-mohiyatini oʻzgartirmasligi kerak.

142. Davlat buyurtmachisi tomonidan tender takliflarining taʼminlanishi zarurligi belgilagan taqdirda, ishtirokchi tender takliflari yuborilguniga qadar taʼminotning maqbulligini tasdiqlash toʻgʻrisida ochiq elektron chat orqali soʻrov yuborishga haqli. Davlat buyurtmachisi bunday soʻrovga bir ish kuni ichida javob beradi.

5-§. Tender natijalarini sarhisob qilish

143. Tender xarid komissiyasi tomonidan belgilangan muddatda oʻtkazilganda davlat xaridlarining elektron tizimi avtomatik ravishda ishtirokchilar tomonidan joylashtirilgan va ularning tender takliflarini tashkil etuvchi elektron hujjatlarni koʻrish imkoniyatini beradi.

144. Ishtirokchi tomonidan biriktirilgan hujjatlar uning tender taklifida koʻrsatilgan maʼlumotlariga mos boʻlishi hamda davlat xaridlarining elektron tizimidagi toʻldirilishi majburiy boʻlgan elektron maydonlar toʻldirilgan boʻlishi kerak.

145. Davlat xaridlarining elektron tizimi ishtirokchi taklif etgan narxning boshlangʻich narxga muvofiqligini va elektron maydonlarning toʻldirilganligini hamda biriktirilgan hujjatlarning mavjudligini tekshiradi. Ishtirokchi tomonidan taklif etilgan narx boshlangʻich narxdan yuqori boʻlsa, shuningdek, toʻldirilishi majburiy boʻlgan toʻldirilmagan maydonlar mavjud boʻlsa yoki biriktirilishi majburiy boʻlgan hujjatlar mavjud boʻlmasa, davlat xaridlarining elektron tizimi aniq sababni koʻrsatgan holda ishtirokchining tender taklifini rad etadi. Biriktirilgan hujjatlardagi maʼlumotlarning ishtirokchining tender taklifida koʻrsatilgan maʼlumotlarga muvofiqligini tekshirish xarid komissiyasining masʼul kotibi tomonidan amalga oshiriladi.

146. Tender takliflarini baholash quyidagi ketma-ketlikda amalga oshiriladi:

tender taklifining tender boʻyicha xarid qilish hujjatlarida koʻrsatilgan talablarga mos ravishda rasmiylashtirilganligini tekshirish;

ishtirokchining malaka talablarga (tender boʻyicha xarid qilish hujjatlarida nazarda tutilgan boʻlsa) muvofiqligini baholash;

tender taklifining texnik qismini baholash;

tender taklifining narx qismini baholash.

Bunda davlat xaridlarining elektron tizimi tender taklifining malaka, texnik va narx qismlarida mavjud boʻlgan maʼlumotlar tender taklifining oldingi qismi baholanishi yakunlangandan soʻng ketma-ketlik bilan oshkor qilinishini taʼminlaydi.

147. Tender taklifi tender boʻyicha xarid qilish hujjatlarining talablariga muvofiqligi yoki nomuvofiqligi boʻyicha xarid komissiyasi masʼul kotibining qarori uning asoslangan sabablari bilan xarid komissiyasi tomonidan tasdiqlanishi lozim.

148. Ishtirokchining tender taklifi talablarga mos kelmaganligi toʻgʻrisidagi qaror ushbu qaror qabul qilingan kunda ishtirokchining shaxsiy kabinetiga yuboriladi.

149. Tender gʻolibini aniqlash uchun tender takliflarini baholash tender boʻyicha xarid qilish hujjatlarida belgilangan mezonlar va usul asosida amalga oshiriladi.

150. Tender takliflarini baholash vaqtida xarid komissiyasi masʼul kotibi tender ishtirokchilaridan ularning tender takliflari yuzasidan tushuntirishlar soʻrashga haqli. Mazkur jarayon elektron shaklda oʻtkaziladi.

151. Tender taklifining miqdoriy koʻrsatkichlarini, shu jumladan, narx qismini baholash davlat xaridlarining elektron tizimi tomonidan avtomatik ravishda amalga oshiriladi.

152. Miqdor koʻrsatkichlariga ega boʻlmagan taklifning texnik qismining mezonlari boʻyicha ishtirokchilarning takliflarini baholash va taqqoslash xarid komissiyasi tomonidan ovoz berish orqali amalga oshiriladi.

152 1 . Davlat xaridlarining elektron tizimi elektrotexnika mahsulotlarining davlat xaridlarida chet ellik yetkazib beruvchilar bilan bir qatorda uchta va undan ortiq mahalliy ishlab chiqaruvchi ishtirok etgan taqdirda 15 foiz, ikkita mahalliy ishlab chiqaruvchi ishtirok etgan taqdirda 12 foiz, bitta mahalliy ishlab chiqaruvchi ishtirok etgan taqdirda 8 foiz miqdorida import tovarlarining DDP (Oʻzbekiston) narxidan preferensiya hisoblaydi. Bunda korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlarida preferensiyalar qoʻllanmaydi.

153. Miqdor koʻrsatkichlariga asoslangan mezonlarni baholashda:

tender boʻyicha xarid qilish hujjatlarida koʻrsatkichlarning eng kam va eng koʻp qiymatlari belgilanishi mumkin;

miqdor koʻrsatkichlari eng kam va eng koʻp hisobga olinadigan qiymatlari oraligʻida boʻlgan ishtirokchilar uchun ball koeffitsiyenti uning miqdor koʻrsatkichining eng kam va eng koʻp hisobga olinadigan qiymatlarining farqiga boʻlgan nisbatini aniqlash orqali hisoblanadi;

agar maʼlum bir mezon boʻyicha ishtirokchining miqdor koʻrsatkichi tender boʻyicha xarid qilish hujjatlarida belgilangan shartlarga muvofiq eng kam hisobga olinadigan qiymatdan kam boʻlsa, ishtirokchiga eng kam ball qoʻyiladi;

agar maʼlum bir mezon boʻyicha ishtirokchining miqdor koʻrsatkichi eng koʻp hisobga olinadigan qiymatdan yuqori boʻlsa, uning koʻrsatkichi eng koʻp hisobga olinadigan qiymatdan qay darajada yuqoriligidan qatʼi nazar unga ushbu mezon boʻyicha eng yuqori ball beriladi;

miqdoriy yoki miqdoriy boʻlmagan (ekspert) mezonni baholash davlat xaridlarining elektron tizimi tomonidan ballni ushbu mezonning hisobga olinadigan qiymatiga koʻpaytirish orqali avtomatik ravishda amalga oshiriladi.

154. Xarid qilinayotgan tovarning (ishning, xizmatning) oʻziga xos xususiyatlaridan kelib chiqib xarid komissiyasi ishtirokchilarga shartnomani bajarish uchun zarur professional va texnik malaka maʼlumotlariga, kasbiy va texnik kompetensiyaga, moliyaviy resurslarga, jihozlarga va boshqa moddiy imkoniyatlarga, boshqaruv malakasiga, ishonchlilikka, tajribaga va obroʻga, shuningdek, inson resurslariga ega ekanligiga ishonch hosil qilish uchun qoʻshimcha mezon va talablarni belgilash huquqiga ega.

Bunda ishtirokchilarni kamsitishga, savdolarning bitta yoki bir nechta ishtirokchisiga savdolarda qatnashish uchun imtiyozli shart-sharoitlar yaratib berishga, raqobatni cheklashga olib keladigan yoki olib kelishi mumkin boʻlgan mezonlarni, talablarni va tartib-taomillarni qoʻllashga yoʻl qoʻyilmaydi.

155. Tender boʻyicha xarid qilish hujjatlarida tender ishtirokchisining malaka talablariga mos kelishini tasdiqlovchi hujjatlarning davlat xaridlarining elektron tizimiga biriktirilishi nazarda tutilishi mumkin. Davlat buyurtmachisi tender boʻyicha xarid qilish hujjatlarida nazarda tutilmagan mezonlar boʻyicha ishtirokchining malakasini baholashga yoki tender boʻyicha xarid qilish hujjatlarida nazarda tutilmagan hujjatlar taqdim etilishini talab qilishga haqli emas.

155 1 . Tender takliflarini ball usulidan foydalangan holda baholashda mahalliy ishlab chiqaruvchilar tomonidan taqdim etilgan takliflarga mahalliylashtirish darajasiga mutanosib ravishda qoʻshimcha ball beriladi.

Bunda qoʻshimcha ballar ishlab chiqaruvchi tomonidan toʻplangan ballarning 15 foizidan hisob-kitob qilinadi.

Mahalliylashtirish darajasi Vazirlar Mahkamasining 2024-yil 28-oktabrdagi 712-son qarori bilan tasdiqlangan Mahalliy ishlab chiqarilgan tovarlarni aniqlash tartibi toʻgʻrisidagi nizomga muvofiq aniqlanadi.

Davlat xaridlari elektron tizimi ishlab chiqaruvchiga beriladigan qoʻshimcha ballarni avtomatik ravishda hisoblaydi va elektron bayonnomada qayd etadi.

Agar ishlab chiqaruvchi tomonidan taqdim etilgan narx taklifi boshqa ishtirokchilar tomonidan taklif etilgan eng past narxning 15 foizidan yuqori boʻlsa, qoʻshimcha ballar berilmaydi.

Qoʻshimcha ballar quyidagi formula asosida hisoblanadi:

QB = TB * 15 % * MD,

bu yerda:

QB — qoʻshimcha ballar;

TB — ishlab chiqaruvchi tomonidan toʻplangan ballar;

MD — mahalliylashtirish darajasi (foizda).

156. Tender boʻyicha xarid qilish hujjatlarida belgilangan shartlardan kelib chiqib davlat xaridlarining elektron tizimi avtomatik ravishda:

tender taklifining texnik va narx qismlarini baholashni hisobga olgan holda eng yuqori ball toʻplagan ishtirokchini (ball usulidan foydalanganda);

tender takliflarining texnik qismini baholash natijalariga koʻra tenderda ishtirok etishni davom ettirishga ruxsat berilgan ishtirokchilar orasidan eng past narxni taklif etgan ishtirokchini (eng past narx usulidan foydalanganda) gʻolib sifatida aniqlaydi.

Tender takliflarini ball usulidan foydalangan holda baholash natijasiga koʻra ikki yoki undan ortiq ishtirokchilar bir xil ball toʻplagan boʻlsa, eng past narx taklif etgan ishtirokchi gʻolib deb topiladi.

Tender takliflarini eng past narx usulidan foydalangan holda baholash natijasiga koʻra ikki yoki undan ortiq ishtirokchilar bir xil ball toʻplagan boʻlsa, texnik qismi boʻyicha eng maqbul taklifni bergan ishtirokchi gʻolib deb topiladi.

Zaxiradagi gʻolibni aniqlash mazkur bandda belgilangan tartibda amalga oshiriladi.

157. Xarid komissiyasi aʼzolari davlat xaridlarining elektron tizimida avtomatik ravishda shakllangan yigʻilishning elektron bayonnomalarini ERIdan foydalangan holda tasdiqlaydi. Elektron bayonnomadan koʻchirma davlat xaridlarining elektron tizimida avtomatik ravishda eʼlon qilinadi.

158. Tender takliflarini koʻrib chiqish va baholash bayonnomasida:

tender takliflari koʻrib chiqiladigan hamda baholanadigan sana va vaqt toʻgʻrisidagi;

hozir boʻlgan xarid komissiyasi aʼzolarining va tender ishtirokchilari vakolatli vakillarining tarkibi haqidagi;

tender takliflari koʻrib chiqilgan tender ishtirokchilari toʻgʻrisidagi;

xar bir tender takliflarini baholash natijalarining yoyilmasi haqidagi;

tender takliflari ularni rad etishning aniq sabablari koʻrsatilgan va asoslangan holda rad etilgan tender ishtirokchilari haqidagi;

tender gʻolibi (zaxira gʻolibi) toʻgʻrisida qabul qilingan qaror haqidagi;

tender gʻolibining nomi (yuridik shaxs uchun), familiyasi, ismi, otasining ismi (jismoniy shaxs uchun), joylashgan joyi (pochta manzili) haqidagi axborot boʻlishi kerak.

159. Davlat buyurtmachisi gʻolib boʻlgan taklif akseptiga qadar istalgan vaqtda tenderni bekor qilish huquqiga ega. Tender bekor qilingan taqdirda davlat buyurtmachisi davlat xaridlarining elektron tizimida mazkur qarorning asoslangan sabablarini eʼlon qiladi.

160. Davlat buyurtmachisi tender bekor qilinganligi uchun javobgar boʻlmaydi, bundan tender davlat buyurtmachisining gʻayriqonuniy harakatlari (harakatsizligi) oqibatida bekor qilingan hollar mustasno.

6-§. Tender natijalari boʻyicha shartnoma tuzish

161. Tender natijalari boʻyicha shartnoma tender boʻyicha xarid qilish hujjatlarida va shartnoma tuzilayotgan tender ishtirokchisi tomonidan berilgan taklifda koʻrsatilgan shartlar asosida gʻolib aniqlangan vaqtdan boshlab oʻn ish kunidan kechiktirmasdan tuziladi.

162. Davlat buyurtmachisi tender shartlariga muvofiq qabul qilgan taʼminot summasi yoki taʼminotiga oid boshqa hujjatlar quyidagi holatlardan biri roʻy bergan taqdirda, ishtirokchiga yoki ijrochiga darhol qaytarilishini taʼminlaydi:

taklifni taʼminotiga oid hujjatning amal qilish muddati tugagan boʻlsa;

shartnomaning kuchga kirishi va ushbu shartnomaning bajarilishi taʼminlanishi, agar bunday taʼminlash davlat xaridi shartlarida talab etilsa;

davlat xaridlari bekor qilinsa;

takliflarni yuborishning oxirgi muddati tugaguniga qadar taklifning chaqirib olinishi, agar davlat xaridi shartlarida bunday qaytarib olishga yoʻl qoʻyilmasligi aytib oʻtilmagan boʻlsa.

163. Tender ishtirokchilari tender shartlari va tenderni oʻtkazish tartib-taomillari buzilgan holatlarda tender natijalaridan belgilangan tartibda shikoyat qilishlari mumkin.

164. Xarid komissiyasi davlat xaridlarining boshqa subyektlari tomonidan amalga oshiriladigan harakatlar uchun javobgar boʻlmaydi.

165. Xarid komissiyasining oʻz vakolati doirasida qabul qiladigan qarorlari Qonunning 20-moddasiga asosan barcha ishtirokchilar uchun majburiy hisoblanadi.

166. Tender natijalari boʻyicha tuzilgan shartnoma elektron hujjat shaklida tuziladi va operator tomonidan Shartnomalarning yagona reyestriga kiritiladi.

167. Buyurtmachilar tomonidan xodimlarni fuqarolik-huquqiy tusdagi shartnoma asosida jalb etishni va xalqaro reytinglarni olishni nazarda tutuvchi xarid qilish tartib-taomillarini elektron shaklda oʻtkazish majburiy hisoblanmaydi.

Bunda xarid komissiyasi faoliyatini tartibga solish, tender ishtirokchilari tomonidan takliflarni berish, tender ishtirokchilarining takliflarini koʻrib chiqish va baholash, gʻolib va zaxira gʻolibni aniqlash, tender natijalarini rasmiylashtirish Qonunda belgilangan tartibda amalga oshiriladi.

7-bob. Hadli kelishuv

1-§. Hadli kelishuv tartib-taomili orqali davlat xaridlarini amalga oshirish shartlari

168. Hadli kelishuv vositasidagi davlat xaridlari ushbu Nizomga 5-ilovada keltirilgan sxemaga muvofiq amalga oshiriladi.

Budjet buyurtmachisi hadli kelishuv tartib-taomili orqali davlat xaridlarini amalga oshira olmaydi.

169. Hadli kelishuv ikki bosqichli xarid qilish tartib-taomili hisoblanib, uning birinchi bosqichi hadli kelishuvning tomoni sifatida kamida uchta ishtirokchini aniqlash, ikkinchi bosqichi esa hadli kelishuvning tomoni hisoblangan ishtirokchilardan biri bilan shartnoma tuzish uchun oʻtkaziladi.

170. Hadli kelishuv vositasidagi davlat xaridi quyidagi shartlar bir vaqtning oʻzida bajarilgan taqdirda amalga oshiriladi:

gʻolibni aniqlash mezonlari tovarning (ishning, xizmatning) nafaqat pul bilan baholanishini, balki miqdoriy va sifat jihatidan baholanishini ham oʻz ichiga oladi;

tovarlarning (ishlarning, xizmatlarning) qiymati bir hadli kelishuv boʻyicha bazaviy hisoblash miqdorining yigirma besh ming baravaridan ortiq miqdorni tashkil etadi;

muayyan (koʻpi bilan uch yilgacha) muddat davomida korporativ buyurtmachilar faoliyatida joriy ishlab chiqarish jarayonlarida foydalaniladigan tovarlarni (ishlarni, xizmatlarni) xarid qilish uzluksizligini taʼminlash zarurati yuzaga kelishi.

171. Xarid komissiyasi hadli kelishuvning ikkinchi bosqichida ishtirokchilarga nisbatan takliflarning garov, kafolat, zakalat tarzida taʼminlanishi zarurligi toʻgʻrisidagi talabni belgilashi mumkin.

2-§. Hadli kelishuvni amalga oshirish va natijalarini sarhisob qilish tartibi

172. Hadli kelishuvning birinchi bosqichi natijasiga koʻra ushbu bosqichdan oʻtgan kamida uch nafar ishtirokchi bilan hadli kelishuv imzolanadi.

173. Hadli kelishuvning amal qilish muddati uch yildan koʻp boʻlmasligi kerak.

174. Hadli kelishuv toʻgʻrisidagi axborot u tuzilgan sanadan eʼtiboran uch ish kuni ichida maxsus axborot portaliga joylashtirilishi shart.

175. Hadli kelishuv orqali davlat xaridlarini amalga oshirishning birinchi bosqichida xarid komissiyasining faoliyatini, xarid qilish hujjatlarini ishlab chiqish va xarid qilish tartib-taomilini oʻtkazish toʻgʻrisidagi eʼlonni joylashtirishni hamda xarid qilish tartib-taomilida ishtirok etish uchun taklif berishni tartibga solishda mazkur Nizomning 6-bobiga muvofiq tender oʻtkazish tartib-taomillari qoʻllaniladi.

Bunda birinchi bosqichda:

xarid hujjatlariga taklifning faqat texnik qismi taqdim etilishi, shuningdek, hadli kelishuv tuziladigan muddat davomida tovarlarni (ishlarni, xizmatlarni) umumiy hajmi va boshlangʻich narxi doirasida yetkazib berishi lozimligi yuzasidan talablar kiritiladi;

ishtirokchilarning tovarlar (ishlar, xizmatlar) boʻyicha narx takliflari taqdim etilmaydi.

176. Hadli kelishuv orqali davlat xaridlarini amalga oshirishda korporativ buyurtmachi xarid qilish hujjatlarida va xarid qilish tartib-taomillarini oʻtkazilishi toʻgʻrisidagi eʼlonda kamida uch nafar ishtirokchi bilan hadli kelishuv tuzilishini nazarda tutishi hamda hadli kelishuv orqali davlat xaridlarini amalga oshirishning asoslovchi sabab va sharoitlarini bayon etishi shart.

Bunda xarid qilish hujjatlariga uning ajralmas qismi boʻlgan hadli kelishuv va shartnoma loyihalari ilova qilinadi.

177. Hadli kelishuv tuzish uchun takliflar berish muddati tugagan vaqtda ishtirokchilardan kamida uchta taklif olingan boʻlsa, ishtirokchilarning takliflari xarid komissiyasi tomonidan koʻrib chiqiladi.

Ishtirokchi bunday takliflarni berish muddati tugaguniga qadar berilgan taklifni qaytarib olishga yoki unga oʻzgartishlar kiritishga haqli.

178. Hadli kelishuvning xarid qilish tartib-taomilida uchta ishtirokchidan kam ishtirokchi ishtirok etsa, yoki hech kim ishtirok etmagan boʻlsa, shuningdek, kamida uchta ishtirokchining takliflari xarid qilish hujjatlari talablariga mos kelmasa, xarid qilish tartib-taomili oʻtkazilmagan deb topiladi.

Bunday holda davlat buyurtmachisi xarid qilish tartib-taomilini ayni oʻsha shartlarda hamda tovarga (ishga, xizmatga) doir ayni oʻsha mezonlarga va talablarga muvofiq takroran amalga oshirishi shart.

Tovarga (ishga, xizmatga) doir baholash shartlari, mezonlarini va talablarni oʻzgartirish yoki hadli kelishuv tuzish boʻyicha talabni chiqarib tashlab tender oʻtkazish zarur boʻlganda, xarid komissiyasi asoslarni koʻrsatgan holda tegishli qarorni qabul qiladi.

179. Hadli kelishuv tartib-taomilining birinchi bosqichni baholash muddati takliflar berish tugagan paytdan eʼtiboran qirq besh ish kunidan oshishi mumkin emas.

180. Hadli kelishuv tartib-taomilining ikkinchi bosqichida korporativ buyurtmachi shartnomani tuzish uchun birinchi bosqichdan oʻtib, hadli kelishuv tuzilgan barcha ishtirokchilarga ishtirok etish uchun davlat xaridlarining elektron tizimi orqali narx soʻrovini yuboradi.

Bunda hadli kelishuv tuzilgan ishtirokchilar narx soʻrovida ishtirok etish toʻgʻrisidagi taklif davlat xaridlarining elektron tizimi tomonidan yuborilgan paytdan eʼtiboran kamida besh ish kuni ichida oʻz takliflarini berishga haqli.

181. Korporativ buyurtmachi tomonidan elektron tizim orqali narx soʻrovi yuborilishida birinchi bosqich natijasiga koʻra tuzilgan hadli kelishuvga havola, tovarning (ishning, xizmatning) ayni vaqtda talab etiladigan hajmi, takliflarni yuborishning oxirgi muddati belgilanishi lozim.

182. Takliflarni yuborishning oxirgi muddati yakunlanganidan soʻng davlat xaridlari elektron tizimi hadli kelishuv tuzilgan ishtirokchilarning narx takliflarini baholaydi va gʻolibni aniqlaydi.

Bunda hadli kelishuv tuzilgan ishtirokchilarning narx takliflari birinchi bosqichda korporativ buyurtmachi tomonidan belgilangan boshlangʻich narx doirasida boʻlishi lozim.

183. Har bir oʻtkaziladigan narx soʻrovi va yakuniy baholash natijasiga koʻra faqat bitta gʻolib aniqlanadi va xarid qilish hujjatlarida va gʻolib deb topilgan ishtirokchining taklifida koʻrsatilgan shartlar asosida oʻn ish kunidan kechiktirmasdan shartnoma tuziladi.

184. Hadli kelishuv asosida tuzilgan shartnoma u tuzilgan sanadan eʼtiboran uch ish kuni ichida maxsus axborot portaliga joylashtirilishi shart.

8-bob. Toʻgʻridan-toʻgʻri shartnomalar boʻyicha amalga oshiriladigan davlat xaridlari

1-§. Toʻgʻridan-toʻgʻri shartnomalar boʻyicha davlat xaridlarini amalga oshirish tartibi

185. Toʻgʻridan-toʻgʻri shartnomalar boʻyicha davlat xaridlari Qonunning 71-moddasida belgilangan hollarda amalga oshirilishi mumkin.

186. Davlat buyurtmachilari toʻgʻridan-toʻgʻri shartnomalar tuzilganligi toʻgʻrisidagi axborotni shartnoma tuzilgan paytdan eʼtiboran uch ish kuni ichida maxsus axborot portaliga joylashtirishi shart, bundan qonunchilikda nazarda tutilgan hollar mustasno.

187. Toʻgʻridan-toʻgʻri shartnomalar tuzilganligi toʻgʻrisidagi axborot maxsus axborot portaliga joylashtirilmagan boʻlsa, ushbu shartnomalar boʻyicha toʻlovlar amalga oshirilmaydi, bundan qonunchilikda nazarda tutilgan hollar mustasno.

188. Davlat buyurtmachisi ushbu paragrafda nazarda tutilgan davlat xaridlarini amalga oshirish chogʻida xarid qilish tartib-taomillarining boshqa raqobatli turlaridan ham Qonun va ushbu Nizom talablariga muvofiq foydalanishi mumkin.

189. Agar Oʻzbekiston Respublikasi Prezidentining farmonlari va qarorlarida, shuningdek, Vazirlar Mahkamasining qarorlarida tovarning (ishning, xizmatning) davlat xaridini toʻgʻridan-toʻgʻri shartnoma asosida amalga oshirishga ruxsat berilsa, tovarlarning (ishlarning, xizmatlarning) qiymati bir shartnoma boʻyicha bazaviy hisoblash miqdorining yigirma besh ming (budjet buyurtmachilari uchun olti ming) baravari miqdorigacha boʻlgan shartnoma va shartnomaga oid qoʻshimcha kelishuvlar Kompleks ekspertiza qilish markazida kompleks ekspertizadan oʻtkazilmaydi.

2-§. Yagona yetkazib beruvchidan davlat xaridi

190. Yagona yetkazib beruvchidan davlat xaridi Qonunning 72-moddasida belgilangan hollarda amalga oshiriladi.

3-§. Yagona yetkazib beruvchilar bilan shartnoma tuzish

191. Yagona yetkazib beruvchilardan xaridni amalga oshirish uchun davlat buyurtmachilari yagona yetkazib beruvchilar reyestridan (keyingi oʻrinlarda — Reyestr) foydalanadi.

192. Yagona yetkazib beruvchidan tovar (ish, xizmat) olish zarur boʻlgan taqdirda, yetkazib beruvchi hamda davlat buyurtmachisi oʻrtasida toʻgʻridan-toʻgʻri shartnoma tuziladi va bu shartnoma toʻgʻrisidagi axborot u tuzilgan paytdan eʼtiboran uch ish kuni ichida maxsus axborot portaliga joylashtirilishi lozim.

4-§. Yagona yetkazib beruvchilar reyestrini yuritish

193. Yagona yetkazib beruvchilar reyestri vakolatli organ tomonidan maxsus axborot portalida yuritiladigan axborot resursidir.

194. Yagona yetkazib beruvchilar reyestri yagona yetkazib beruvchidan davlat xaridini amalga oshirish uchun ruxsat etilgan tovarlar (ishlar, xizmatlar) roʻyxati va yagona yetkazib beruvchilar roʻyxatidan iboratdir.

195. Reyestrda kontragent mavjud boʻlmasa, davlat buyurtmachisi toʻgʻridan-toʻgʻri shartnomani tuzishga haqli emas.

196. Reyestrdan hamma erkin foydalanishi mumkin.

9-bob. Davlat buyurtmachilari bilan tuzilgan Shartnomalarning yagona reyestri

206. Shartnomalarning yagona reyestri vakolatli organ tomonidan davlat xaridlarining elektron tizimidan foydalangan holda yuritiladi.

207. Shartnomalarning yagona reyestri elektron doʻkon, auksion, tanlash, tender, hadli kelishuv natijalari va toʻgʻridan-toʻgʻri tuzilgan shartnomalar, shu jumladan, yagona yetkazib beruvchidan amalga oshirilgan xaridlar yakunlari, shuningdek, qonunchilikka muvofiq tuzilgan boshqa davlat xaridlari toʻgʻrisidagi shartnomalar boʻyicha shakllantiriladi.

208. Elektron doʻkon, auksion, tanlash, tender va hadli kelishuv orqali tuzilgan shartnomalar davlat xaridlarining elektron tizimida roʻyxatga olinganidan soʻng avtomatik rejimda Shartnomalarning yagona reyestriga kiritiladi.

209. Toʻgʻridan-toʻgʻri tuzilgan shartnomalar toʻgʻrisidagi maʼlumotlar davlat buyurtmachisi tomonidan maxsus axborot portaliga kiritilgandan soʻng avtomatik rejimda axborot shakllantiriladi va Shartnomalarning yagona reyestriga kiritiladi.

210. Shartnomalarning yagona reyestriga Qonunning 47-moddasi ikkinchi qismida nazarda tutilgan maʼlumotlar kiritiladi.

211. Shartnomalarning yagona reyestridagi axborot tanishib chiqish uchun bepul va ochiq boʻlishi kerak.

212. Maxsus axborot portali va DMBAT oʻrtasidagi maʼlumotlar bazasi elektron hamkorligi orqali davlat buyurtmachilari bilan tuzilgan Shartnomalarning yagona reyestri boʻyicha onlayn maʼlumot almashinuvi amalga oshiriladi.

213. Qaysi shartnomalar toʻgʻrisidagi axborot Shartnomalarning yagona reyestriga kiritilmagan boʻlsa, oʻsha shartnomalar boʻyicha toʻlovlar amalga oshirilmaydi.

10-bob. Yakunlovchi qoidalar

214. Davlat xaridlarini rasmiylashtirish, tuzilgan shartnomalar boʻyicha hisob-kitob qilish, shartnomaviy majburiyatlar bajarilishini monitoring qilish, shikoyatlarni, nizo va kelishmovchiliklarni koʻrib chiqish hamda xarid qilish tartib-taomillarining davlat nazorati qonunchilikka muvofiq amalga oshiriladi.

215. Xarid qilish tartib-taomili natijasi boʻyicha tuzilgan shartnomaning quyidagi muhim shartlarini:

tovarni (ishni, xizmatni) oʻzgartirishga;

tovarning (ishning, xizmatning) sifatini va assortimentini oʻzgartirishga;

tovarning miqdorini va bahosini oshirishga;

yetkazib berish muddatini uzaytirishga (bundan fors-major holatlar mustasno);

amalga oshirilishi lozim boʻlgan qoʻshimcha ishlar va xizmatlar qiymatini shartnoma boʻyicha uning umumiy boshlangʻich summasining 10 foizidan koʻp boʻlgan summaga oshirishga yoʻl qoʻyilmaydi.

Qonunchilik hujjatlariga muvofiq toʻgʻridan-toʻgʻri tuzilgan shartnomalarning muhim shartlarini oʻzgartirish boʻyicha ushbu shartnoma shartlariga muvofiq qoʻshimcha kelishuv tuzilishi mumkin.

216. Davlat buyurtmachisi va davlat xaridlarining elektron tizimi operatori tomonidan xarid qilish tartib-taomiliga oid barcha hujjatlar belgilangan muddatlarda saqlanishi lozim.

217. Davlat buyurtmachilari qonunchilik hujjatlariga rioya etilishi, shartnomalar qonunchilik hujjatlariga muvofiq tuzilishi va shartnoma boʻyicha oʻz zimmasiga yuklatilgan majburiyatlar lozim darajada bajarilishi uchun, shuningdek, maxsus axborot portaliga joylashtirilgan maʼlumotlarning, vakolatli davlat organlariga taqdim etilgan hujjatlarning haqqoniyligiga va hujjatlarning qogʻoz va elektron shaklining oʻzaro muvofiqligiga javob beradi.

Operatorlar oʻz majburiyatlarining lozim darajada bajarilishi, shu jumladan, davlat buyurmachilari va ishtirokchilar oldidagi toʻlov majburiyatlarni oʻz vaqtida bajarilishi uchun javobgar hisoblanadi.

218. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Davlat xaridlarini amalga oshirish bilan bogʻliq tartib-taomillarini tashkil etish va oʻtkazish tartibi toʻgʻrisidagi nizomga 1-ILOVA

Elektron doʻkon vositasida davlat xaridlarini amalga oshirish

Bosqichlar Subyektlar Chora-tadbirlar Muddatlar 1-bosqich Ishtirokchi Elektron doʻkonga oʻz ofertasini oʻn besh ish kuniga joylashtiradi. Ixtiyoriy ravishda 2-bosqich Davlat buyurtmachisi Elektron doʻkonda ishtirokchilarning ofertalarini oʻrganish yoʻli bilan oʻzi uchun zarur boʻlgan tovarni (ishni, xizmatni) tanlaydi va narx soʻrovi mexanizmidan foydalanadi. Ixtiyoriy 3-bosqich Davlat xaridlarining elektron tizimi Tanlab olingan ofertani taklif qilgan ishtirokchiga, shuningdek, elektron doʻkonda oʻxshash tovarlarni (ishlarni, xizmatlarni) taklif etayotgan barcha ishtirokchilarga narxlar soʻrovi mexanizmini amalga oshirgan holda xarid qilish tartib-taomilida ishtirok etish toʻgʻrisida takliflarni yuboradi. Avtomatik ravishda 4-bosqich Takliflarni olgan ishtirokchi Narxlar soʻrovida ishtirok etish toʻgʻrisida taklif tushgandan soʻng oʻz takliflarini berishi mumkin. Qirq sakkiz soat ichida 5-bosqich Davlat xaridlarining elektron tizimi 1. Ishtirokchilar tomonidan berilgan narx boʻyicha takliflarni taqqoslashni amalga oshiradi. Bunda elektrotexnika mahsulotlarining davlat xaridlarida chet ellik yetkazib beruvchilar bilan bir qatorda uchta va undan ortiq mahalliy ishlab chiqaruvchi ishtirok etgan taqdirda 15 foiz, ikkita mahalliy ishlab chiqaruvchi ishtirok etgan taqdirda 12 foiz, bitta mahalliy ishlab chiqaruvchi ishtirok etgan taqdirda 8 foiz miqdorida import tovarlarining DDP (Oʻzbekiston) narxidan preferensiya hisoblaydi (korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlari bundan mustasno). 2. Davlat buyurtmachisi tomonidan tanlangan ishtirokchining ofertasida bayon etilgan shartlarga muvofiq hamda ishtirokchilar tomonidan taklif etilgan eng past narxda shartnomani shakllantiradi. 3. Tuzilgan shartnoma toʻgʻrisidagi maʼlumotlarni shartnomalarning yagona reyestriga kiritadi. 4. Agar xarid qilish tartib-taomilining yakuniga koʻra faqat tanlab olingan ofertani taklif qilgan ishtirokchigina ishtirok etgan boʻlsa, davlat buyurtmachisi va ishtirokchi oʻrtasida elektron shaklda savdolashish imkonini yaratadi va savdolar yakuniga koʻra shartnomani shakllantiradi yoki xarid qilish tartib-taomilini oʻtkazilmagan deb topadi. Avtomatik ravishda

Davlat xaridlarini amalga oshirish bilan bogʻliq tartib-taomillarini tashkil etish va oʻtkazish tartibi toʻgʻrisidagi nizomga 2-ILOVA

Boshlangʻich narxni pasaytirish uchun oʻtkaziladigan auksion vositasida davlat xaridlarini amalga oshirish

Bosqichlar Subyektlar Chora-tadbirlar Muddatlar 1-bosqich Davlat buyurtmachisi Davlat xaridlarining elektron tizimiga davlat xaridlarining reja-jadvaliga muvofiq eʼlon joylashtiradi. Ixtiyoriy ravishda 2-bosqich Davlat xaridlarining elektron tizimi Eʼlon joylashtirilgan vaqtdan eʼtiboran auksion boʻyicha ishtirokchilarning takliflarini qabul qilishni boshlaydi. Eʼlon joylashtirilgan vaqtdan boshlab kamida besh ish kuni davomida 3-bosqich Ishtirokchi Auksion davomida narx boʻyicha takliflarni cheklanmagan miqdorda berishi mumkin. Eʼlonda koʻrsatilgan muddat davomida 4-bosqich Davlat xaridlarining elektron tizimi 1. Auksion yakuniga koʻra berilgan takliflar orasida eng past narxni taklif qilgan ishtirokchini auksion gʻolibi sifatida saralab oladi hamda u va davlat buyurtmachisi oʻrtasidagi shartnomani shakllantiradi. Bunda elektrotexnika mahsulotlarining davlat xaridlarida chet ellik yetkazib beruvchilar bilan bir qatorda uchta va undan ortiq mahalliy ishlab chiqaruvchi ishtirok etgan taqdirda 15 foiz, ikkita mahalliy ishlab chiqaruvchi ishtirok etgan taqdirda 12 foiz, bitta mahalliy ishlab chiqaruvchi ishtirok etgan taqdirda 8 foiz miqdorida import tovarlarining DDP (Oʻzbekiston) narxidan preferensiya hisoblaydi (korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlari bundan mustasno). 2. Tuzilgan shartnoma toʻgʻrisidagi maʼlumotlarni Shartnomalarning yagona reyestriga kiritadi. 3. Agar auksionda bir nafar ishtirokchi ishtirok etgan boʻlsa yoki hech kim ishtirok etmagan boʻlsa, auksionni oʻtkazilmagan deb hisoblanadi. Avtomatik ravishda

Davlat xaridlarini amalga oshirish bilan bogʻliq tartib-taomillarini tashkil etish va oʻtkazish tartibi toʻgʻrisidagi nizomga 3-ILOVA

Eng yaxshi takliflarni tanlash vositasida davlat xaridlarini amalga oshirish

Bosqichlar Subyektlar Chora-tadbirlar Muddatlar 1-bosqich Davlat buyurtmachisi 1. Toq sonli va kamida besh nafar aʼzodan iborat tarkibda xarid komissiyasini tuzadi. 2. Xarid komissiyasining har bir aʼzosiga va masʼul kotibiga davlat xaridlarining elektron tizimida shaxsiy kabinet ochadi. 3. Tanlash oʻtkazish haqidagi eʼlon, tanlash boʻyicha xarid qilish hujjati loyihasi matnini ishlab chiqadi va xarid komissiyasiga kelishish uchun elektron shaklda kiritadi. Zaruratga koʻra 2-bosqich Xarid komissiyasi Tanlash boʻyicha xarid qilish hujjatlarini qonunchilikka muvofiqligi yuzasidan koʻrib chiqadi va kelishadi. Zaruratga koʻra 3-bosqich Davlat buyurtmachisi Xarid komissiyasi bilan kelishilgan tanlash boʻyicha xarid qilish hujjatlarini ERI bilan tasdiqlaydi. Zaruratga koʻra 4-bosqich Davlat buyurtmachisi Tasdiqlangan tanlash boʻyicha xarid qilish hujjatlari, shuningdek, tanlash oʻtkazish haqidagi eʼlonni davlat xaridlarining elektron tizimiga joylashtiradi. Takliflarini qabul qilish muddati tugashidan kamida besh ish kuni oldin 5-bosqich Ishtirokchi Tanlash boʻyicha elektron taklifni oʻzining shaxsiy kabineti orqali taqdim etadi. Eʼlonda koʻrsatilgan muddatdan kechiktirmay 6-bosqich Davlat xaridlarining elektron tizimi 1. Tanlash taklifi ishtirokchilar, xarid komissiyasi masʼul kotibi va aʼzolari va boshqa shaxslar tomonidan koʻrilishiga yoʻl qoʻymaydi, bundan ushbu taklifni taqdim etgan ishtirokchi mustasno. 2. Ishtirokchi taklif etayotgan narxning boshlangʻich narxga muvofiqligini va elektron maydonlarning toʻldirilganligini hamda biriktirilgan fayllarning mavjudligini tekshiradi. 3. Ishtirokchi tomonidan taklif etilayotgan narx boshlangʻich narxdan yuqori boʻlsa, shuningdek, toʻldirilishi majburiy boʻlgan maydonlar toʻldirilmagan boʻlsa yoki biriktirilishi majburiy boʻlgan fayllar mavjud boʻlmasa, rad etish sababini koʻrsatgan holda ishtirokchining taklifini rad etadi. Tanlash takliflarini ochish muddati yetib kelgunga qadar 7-bosqich Davlat xaridlarining elektron tizimi Ishtirokchilar tomonidan joylashtirilgan va ularning tanlash takliflarini tashkil etuvchi elektron hujjatlarni xarid komissiyasi masʼul kotibi va aʼzolariga koʻrish imkoniyatini beradi. Takliflarni qabul qilish muddati tugagandan soʻng darhol 8-bosqich Xarid komissiyasining masʼul kotibi 1. Biriktirilgan fayllardagi maʼlumotlarning ishtirokchining tanlash taklifida koʻrsatilgan maʼlumotlarga muvofiqligini tekshiradi. 2. Tanlash taklifi tegishli tarzda rasmiylashtirilganligi yoki rasmiylashtirilmaganligi boʻyicha qarorni uning asoslangan sabablari bilan tasdiqlash uchun xarid komissiyasiga kiritadi. Takliflar berish tugagan paytdan eʼtiboran oʻn ish kunidan koʻp boʻlmagan muddatda 9-bosqich Davlat xaridlarining elektron tizimi Ishtirokchining tanlash taklifi talablarga mos kelmaganligi toʻgʻrisidagi qarorni ishtirokchining shaxsiy kabinetiga yuboradi. Qaror qabul qilingan kunda 10-bosqich Davlat xaridlarining elektron tizimi Tanlash taklifining miqdoriy koʻrsatkichlarini, shu jumladan, narx qismini baholaydi. Bunda elektrotexnika mahsulotlarining davlat xaridlarida chet ellik yetkazib beruvchilar bilan bir qatorda uchta va undan ortiq mahalliy ishlab chiqaruvchi ishtirok etgan taqdirda 15 foiz, ikkita mahalliy ishlab chiqaruvchi ishtirok etgan taqdirda 12 foiz, bitta mahalliy ishlab chiqaruvchi ishtirok etgan taqdirda 8 foiz miqdorida import tovarlarining DDP (Oʻzbekiston) narxidan preferensiya hisoblaydi (korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlari bundan mustasno). Takliflar berish tugagan paytdan eʼtiboran oʻn ish kunidan koʻp boʻlmagan muddatda 11-bosqich Xarid komissiyasi Miqdor koʻrsatkichlariga ega boʻlmagan taklifning texnik qismining mezonlari (ekspert mezonlari) boʻyicha ishtirokchilarning takliflarini ovoz berish orqali taqqoslashni amalga oshiradi va baholaydi. Takliflar berish tugagan paytdan eʼtiboran oʻn ish kunidan koʻp boʻlmagan muddatda 12-bosqich Davlat xaridlarining elektron tizimi 1. Tanlash boʻyicha xarid qilish hujjatlarida belgilangan shartlardan kelib chiqib: tanlash taklifining texnik va narx qismlarini baholashni hisobga olgan holda eng yuqori ball toʻplagan ishtirokchini (ball usulidan foydalanganda); tanlash takliflarining texnik qismini baholash natijalariga koʻra tanlashda ishtirok etishni davom ettirishga ruxsat berilgan ishtirokchilar orasidan eng past narxni taklif etgan ishtirokchini (eng past narx usulidan foydalanganda) gʻolib sifatida aniqlaydi. 2. Ikki yoki undan ortiq ishtirokchilar bir xil ball toʻplagan boʻlsa (ball usulidan foydalanganda) yoki bir xil narx taklif qilgan boʻlsa (eng past narx usulidan foydalanganda), tanlash taklifini barchadan oldin joylashtirgan ishtirokchini gʻolib deb topadi. 3. Tanlash takliflarini koʻrib chiqish hamda baholash natijalarini avtomatik ravishda shakllanadigan dastlabki elektron bayonnomada qayd etadi. Takliflar berish tugagan paytdan eʼtiboran oʻn ish kunidan koʻp boʻlmagan muddatda 13-bosqich Xarid komissiyasi aʼzolari Dastlabki elektron bayonnomani ERIdan foydalangan holda imzolaydi. Takliflar berish tugagan paytdan eʼtiboran oʻn ish kunidan koʻp boʻlmagan muddatda 14-bosqich Davlat xaridlarining elektron tizimi Dastlabki elektron bayonnomani muhokama uchun joylashtiradi. Dastlabki bayonnoma rasmiylashtirilgan kundan eʼtiboran ikki ish kunida 15-bosqich Xarid komissiyasi 1. Agar ikki ish kuni ichida tanlash ishtirokchilari tomonidan tanlash oʻtkazish natijalari boʻyicha eʼtirozlar tushmagan boʻlsa, bu toʻgʻrisida tegishli elektron bayonnomani rasmiylashtiradi. 2. Tanlash oʻtkazish natijalari boʻyicha tanlash ishtirokchilaridan eʼtirozlar tushganda ushbu eʼtirozlarni koʻrib chiqadi va tegishli qaror qabul qiladi. Takliflar berish tugagan paytdan eʼtiboran oʻn ish kunidan koʻp boʻlmagan muddatda 16-bosqich Davlat buyurtmachisi Gʻolib deb topilgan ishtirokchi bilan elektron shaklda shartnoma tuzadi. Gʻolib aniqlangan vaqtdan boshlab oʻn ish kunida 17-bosqich Davlat xaridlarining elektron tizimi Tuzilgan shartnoma toʻgʻrisidagi maʼlumotlarni Shartnomalarning yagona reyestriga joylashtiradi. Avtomatik ravishda

Davlat xaridlarini amalga oshirish bilan bogʻliq tartib-taomillarini tashkil etish va oʻtkazish tartibi toʻgʻrisidagi nizomga 4-ILOVA

Tender vositasida davlat xaridlarini amalga oshirish

Bosqichlar Subyektlar Chora-tadbirlar Muddatlar 1-bosqich Davlat buyurtmachisi 1. Toq sonli va kamida yetti nafar aʼzodan iborat tarkibda xarid komissiyasini tuzadi. 2. Xarid komissiyasining har bir aʼzosiga va masʼul kotibiga davlat xaridlarining elektron tizimida shaxsiy kabinet ochadi. 3. Tender oʻtkazish haqidagi eʼlonning, tender boʻyicha xarid qilish hujjatining va shartnoma loyihasining matnini ishlab chiqadi va xarid komissiyasiga kelishish uchun elektron shaklda kiritadi. Zaruratga koʻra 2-bosqich Xarid komissiyasi Tender boʻyicha xarid qilish hujjatlarini qonunchilikka muvofiqligi yuzasidan koʻrib chiqadi va kelishadi. Zaruratga koʻra 3-bosqich Davlat buyurtmachisi Xarid komissiyasi bilan kelishilgan tender boʻyicha xarid qilish hujjatlarini ERI bilan tasdiqlaydi. Zaruratga koʻra 4-bosqich Davlat buyurtmachisi Tasdiqlangan tender boʻyicha xarid qilish hujjatlari, shuningdek, tender oʻtkazish haqidagi eʼlonni davlat xaridlarining elektron tizimiga joylashtiradi. Takliflarini qabul qilish muddati tugashidan kamida oʻn ikki ish kuni oldin va koʻpi bilan oʻttiz ish kuni oldin 5-bosqich Ishtirokchi Tender taklifini elektron taklif koʻrinishida oʻzining shaxsiy kabineti orqali taqdim etadi. Eʼlonda koʻrsatilgan muddatdan kechiktirmay 6-bosqich Davlat xaridlarining elektron tizimi 1. Tender taklifi ishtirokchilar, xarid komissiyasi masʼul kotibi va aʼzolari va boshqa shaxslar tomonidan koʻrilishiga yoʻl qoʻymaydi, bundan ushbu taklifni taqdim etgan ishtirokchi mustasno. 2. Ishtirokchi taklif etayotgan narxning boshlangʻich narxga muvofiqligini va elektron maydonlarning toʻldirilganligini hamda biriktirilgan fayllarning mavjudligini tekshiradi. 3. Ishtirokchi tomonidan taklif etilayotgan narx boshlangʻich narxdan yuqori boʻlsa, shuningdek, toʻldirilishi majburiy boʻlgan maydonlar toʻldirilmagan boʻlsa yoki biriktirilishi majburiy boʻlgan fayllar mavjud boʻlmasa, rad etish sababini koʻrsatgan holda ishtirokchining taklifini rad etadi. Tender takliflarini ochish muddati yetib kelgunga qadar 7-bosqich Davlat xaridlarining elektron tizimi 1. Ishtirokchilar tomonidan joylashtirilgan va ularning tender takliflarini tashkil etuvchi elektron hujjatlarni xarid komissiyasi masʼul kotibi va aʼzolariga koʻrish imkoniyatini beradi. 2. Tender taklifining malaka, texnik va narx qismlarida mavjud boʻlgan maʼlumotlar tender taklifining oldingi qismi baholanishi yakunlangandan soʻng ketma-ketlik bilan oshkor qilinishini taʼminlaydi. Takliflarni qabul qilish muddati tugagandan soʻng darhol 8-bosqich Xarid komissiyasining masʼul kotibi 1. Biriktirilgan fayllardagi maʼlumotlarning ishtirokchining tender taklifida koʻrsatilgan maʼlumotlarga muvofiqligini tekshiradi. 2. Tender taklifi tender boʻyicha xarid qilish hujjatlarining talablariga muvofiqligi yoki nomuvofiqligi boʻyicha qarorni uning asoslangan sabablari bilan tasdiqlash uchun xarid komissiyasiga kiritadi. Takliflar berish tugagan paytdan eʼtiboran qirq besh ish kunidan koʻp boʻlmagan muddatda 9-bosqich Davlat xaridlarining elektron tizimi Tender taklifining miqdoriy koʻrsatkichlarini, shu jumladan, narx qismini baholaydi. Bunda elektrotexnika mahsulotlarining davlat xaridlarida chet ellik yetkazib beruvchilar bilan bir qatorda uchta va undan ortiq mahalliy ishlab chiqaruvchi ishtirok etgan taqdirda 15 foiz, ikkita mahalliy ishlab chiqaruvchi ishtirok etgan taqdirda 12 foiz, bitta mahalliy ishlab chiqaruvchi ishtirok etgan taqdirda 8 foiz miqdorida import tovarlarining DDP (Oʻzbekiston) narxidan preferensiya hisoblaydi (korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlari bundan mustasno). Takliflar berish tugagan paytdan eʼtiboran qirq besh ish kunidan koʻp boʻlmagan muddatda 10-bosqich Xarid komissiyasi Miqdor koʻrsatkichlariga ega boʻlmagan taklifning texnik qismining mezonlari (ekspert mezonlari) boʻyicha ishtirokchilarning takliflarini ovoz berish orqali taqqoslashni amalga oshiradi va baholaydi. Takliflar berish tugagan paytdan eʼtiboran qirq besh ish kunidan koʻp boʻlmagan muddatda 11-bosqich Davlat xaridlarining elektron tizimi 1. Tender boʻyicha xarid qilish hujjatlarida belgilangan shartlardan kelib chiqib: tender taklifining texnik va narx qismlarini baholashni hisobga olgan holda eng yuqori ball toʻplagan ishtirokchini (ball usulidan foydalanganda); tender takliflarining texnik qismini baholash natijalariga koʻra tenderda ishtirok etishni davom ettirishga ruxsat berilgan ishtirokchilar orasidan eng past narxni taklif etgan ishtirokchini (eng past narx usulidan foydalanganda) gʻolib sifatida aniqlaydi. 2. Ikki yoki undan ortiq ishtirokchilar bir xil ball toʻplagan boʻlsa (ball usulidan foydalanganda) yoki bir xil narx taklif qilgan boʻlsa (eng past narx usulidan foydalanganda), tender taklifini barchadan oldin joylashtirgan ishtirokchini gʻolib deb hisoblaydi. 3. Tender takliflarini koʻrib chiqish hamda baholash natijalarini avtomatik ravishda shakllanadigan elektron bayonnomada qayd etadi. Takliflar berish tugagan paytdan eʼtiboran qirq besh ish kunidan koʻp boʻlmagan muddatda 12-bosqich Xarid komissiyasi aʼzolari Elektron bayonnomani ERIdan foydalangan holda imzolaydi. Takliflar berish tugagan paytdan eʼtiboran qirq besh ish kunidan koʻp boʻlmagan muddatda 13-bosqich Davlat buyurtmachisi Gʻolib deb topilgan ishtirokchi bilan elektron shaklda shartnoma tuzadi. Gʻolib aniqlangan vaqtdan boshlab oʻn ish kunida 14-bosqich Davlat xaridlarining elektron tizimi Tuzilgan shartnoma toʻgʻrisidagi maʼlumotlarni Shartnomalarning yagona reyestriga joylashtiradi. Avtomatik ravishda

Davlat xaridlarini amalga oshirish bilan bogʻliq tartib-taomillarini tashkil etish va oʻtkazish tartibi toʻgʻrisidagi nizomga 5-ILOVA

Hadli kelishuv vositasida davlat xaridlarini amalga oshirish

Bosqichlar Subyektlar Chora-tadbirlar Muddatlar 1-bosqich Korporativ buyurtmachisi 1. Toq sonli va kamida yetti nafar aʼzodan iborat tarkibda xarid komissiyasini tuzadi. 2. Xarid komissiyasining har bir aʼzosiga va masʼul kotibiga davlat xaridlarining elektron tizimida shaxsiy kabinet ochadi. 3. Hadli kelishuv orqali xaridlarni amalga oshirish haqidagi eʼlonning, xarid qilish hujjatlarining, hadli kelishuv va shartnoma loyihasining matnini ishlab chiqadi va xarid komissiyasiga kelishish uchun elektron shaklda kiritadi. Zaruratga koʻra 2-bosqich Xarid komissiyasi Xarid qilish hujjatlarini qonunchilikka muvofiqligi yuzasidan koʻrib chiqadi va kelishadi. Zaruratga koʻra 3-bosqich Korporativ buyurtmachisi Xarid komissiyasi bilan kelishilgan xarid qilish hujjatlarini ERI bilan tasdiqlaydi. Zaruratga koʻra 4-bosqich Korporativ buyurtmachisi Xarid qilish hujjatlari, hadli kelishuv va shartnoma loyihasi, shuningdek, hadli kelishuv orqali xaridlar oʻtkazish haqidagi eʼlonni davlat xaridlarining elektron tizimiga joylashtiradi. Takliflarini qabul qilish muddati tugashidan kamida oʻn ikki ish kuni oldin va koʻpi bilan oʻttiz ish kuni oldin 5-bosqich Ishtirokchi Hadli kelishuv taklifini elektron taklif koʻrinishida oʻzining shaxsiy kabineti orqali taqdim etadi. Eʼlonda koʻrsatilgan muddatdan kechiktirmay 6-bosqich Davlat xaridlarining elektron tizimi 1. Hadli kelishuv taklifi ishtirokchilar, xarid komissiyasi masʼul kotibi va aʼzolari va boshqa shaxslar tomonidan koʻrilishiga yoʻl qoʻymaydi, bundan ushbu taklifni taqdim etgan ishtirokchi mustasno. 2. Ishtirokchi taklif etayotgan narxning boshlangʻich narxga muvofiqligini va elektron maydonlarning toʻldirilganligini hamda biriktirilgan fayllarning mavjudligini tekshiradi. 3. Ishtirokchi tomonidan taklif etilayotgan narx boshlangʻich narxdan yuqori boʻlsa, shuningdek, toʻldirilishi majburiy boʻlgan maydonlar toʻldirilmagan boʻlsa yoki biriktirilishi majburiy boʻlgan fayllar mavjud boʻlmasa, rad etish sababini koʻrsatgan holda ishtirokchining taklifini rad etadi. Hadli kelishuv takliflarini ochish muddati yetib kelgunga qadar 7-bosqich Davlat xaridlarining elektron tizimi Ishtirokchilar tomonidan joylashtirilgan va ularning hadli kelishuv takliflarini tashkil etuvchi elektron hujjatlarni xarid komissiyasi masʼul kotibi va aʼzolariga koʻrish imkoniyatini beradi. Takliflarni qabul qilish muddati tugagandan soʻng darhol 8-bosqich Xarid komissiyasining masʼul kotibi 1. Biriktirilgan fayllardagi maʼlumotlarning ishtirokchining hadli kelishuv taklifida koʻrsatilgan maʼlumotlarga muvofiqligini tekshiradi. 2. Hadli kelishuv taklifi xarid qilish hujjatlarining talablariga muvofiqligi yoki nomuvofiqligi boʻyicha qarorni uning asoslangan sabablari bilan tasdiqlash uchun xarid komissiyasiga kiritadi. Takliflar berish tugagan paytdan eʼtiboran qirq besh ish kunidan koʻp boʻlmagan muddatda 9-bosqich Davlat xaridlarining elektron tizimi Hadli kelishuv taklifining miqdoriy koʻrsatkichlarini baholaydi. Takliflar berish tugagan paytdan eʼtiboran qirq besh ish kunidan koʻp boʻlmagan muddatda 10-bosqich Xarid komissiyasi Miqdor koʻrsatkichlariga ega boʻlmagan taklifning texnik qismining mezonlari (ekspert mezonlari) boʻyicha ishtirokchilarning takliflarini ovoz berish orqali taqqoslashni amalga oshiradi va baholaydi. Takliflar berish tugagan paytdan eʼtiboran qirq besh ish kunidan koʻp boʻlmagan muddatda 11-bosqich Davlat xaridlarining elektron tizimi 1. Xarid qilish hujjatlarida belgilangan shartlarga muvofiq boʻlgan ishtirokchilarni aniqlaydi. 2. Xarid qilish hujjatlarida belgilangan shartlarga muvofiq boʻlgan ishtirokchilarning soni uchtadan kam boʻlgan taqdirda, hadli kelishuv boʻyicha xarid qilish tartib-taomilini boʻlib oʻtmagan deb hisoblaydi. 3. Hadli kelishuv takliflarini koʻrib chiqish hamda baholash natijalarini avtomatik ravishda shakllanadigan birinchi bosqichning elektron bayonnomasida qayd etadi. Takliflar berish tugagan paytdan eʼtiboran qirq besh ish kunidan koʻp boʻlmagan muddatda 12-bosqich Xarid komissiyasi aʼzolari Elektron bayonnomani ERIdan foydalangan holda imzolaydi. Takliflar berish tugagan paytdan eʼtiboran qirq besh ish kunidan koʻp boʻlmagan muddatda 13-bosqich Korporativ buyurtmachi Hadli kelishuv tartib-taomilining birinchi bosqichi natijalariga koʻra xarid qilish hujjatlarida belgilangan shartlarga muvofiq boʻlgan kamida uch nafar ishtirokchi bilan hadli kelishuvni imzolaydi. Gʻolib aniqlangan vaqtdan boshlab oʻn ish kunida 14-bosqich Korporativ buyurtmachi 1. Hadli kelishuv tartib-taomilining ikkinchi bosqichida korporativ buyurtmachi shartnomani tuzish uchun birinchi bosqichdan oʻtib, hadli kelishuv tuzilgan barcha ishtirokchilarga ishtirok etish uchun davlat xaridlarining elektron tizimi orqali narx soʻrovini yuboradi. 2. Narx soʻrovi va yakuniy baholash natijalariga koʻra aniqlangan gʻolib bilan hadli kelishuvning umumiy summasi va amal qilish muddati doirasida shartnoma tuzadi. Hadli kelishuvning amal qilish muddati doirasida 15-bosqich Davlat xaridlarining elektron tizimi Tuzilgan shartnoma toʻgʻrisidagi maʼlumotlarni Shartnomalarning yagona reyestriga joylashtiradi. Avtomatik ravishda

Oʻzbekiston Respublikasining Bosh vaziri A. ARIPOV

Toshkent sh.,

2022-yil 20-may,

276-son

(Qonunchilik maʼlumotlari milliy bazasi, 20.05.2022-y., 09/22/276/0436-son; 01.01.2023-y., 09/23/734/0002-son; 01.01.2023-y., 07/23/471/0001-son; 26.02.2024-y., 09/24/100/0152-son; 19.02.2025-y., 09/25/102/0159-son; 18.03.2025-y., 09/25/159/0250-son; 22.10.2025-y., 09/25/662/0964-son; 27.12.2025-y., 06/25/259/1224-son; 21.07.2026-y., 09/26/393/0764-son; 16.09.2026-y., 07/26/325/0940-son)

lex.uz