📅 2022-yil 18-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 18 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 мая 2022 г. · Постановления Президента
Официальный текст. Официальный документ. Редакционные примечания не включены.
📅 18 May 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро рейтинг ва индекслар билан ишлашда илмий салоҳият ҳамда амалий фаолият уйғунлигини таъминлаш чора-тадбирлари тўғрисида
Ўзбекистон Республикаси Президентининг 2022 йил 28 январдаги ПФ-60-сон Фармони билан тасдиқланган 2022 — 2026 йилларга мўлжалланган Янги Ўзбекистоннинг тараққиёт стратегиясини жадал амалга ошириш, шунингдек, Ўзбекистон Республикасининг устувор халқаро рейтинг ва индекслардаги кўрсаткичларини яхшилашга йўналтирилган ислоҳотларни амалга ошириш юзасидан таклифлар ишлаб чиқишга мамлакат илмий салоҳиятини кенг жалб этиш ва лойиҳавий бошқарувнинг халқаро стандартларидан фойдаланиш, давлат хизматчиларининг соҳадаги билим ва кўникмаларини ошириш мақсадида:
2. 2022 йил 1 июндан бошлаб халқаро рейтинг ва индекслар бириктирилган илмий ташкилотлар томонидан Ўзбекистон Республикаси Президентининг 2022 йил 28 январдаги ПФ-60-сон Фармони билан тасдиқланган 2022 — 2026 йилларга мўлжалланган Янги Ўзбекистоннинг тараққиёт стратегиясини (кейинги ўринларда — Тараққиёт стратегияси) амалга оширишга оид давлат дастурларига ўзларига бириктирилган устувор халқаро рейтинг ва индекслардан келиб чиқиб таклифлар ишлаб чиқилиши ҳамда тегишли вазирлик ва идораларга киритиб борилиши учун қуйидагиларни назарда тутувчи тартиб жорий этилсин:
устувор халқаро рейтинг агентликларининг йиллик ҳисоботлари эълон қилиниши билан, тегишли халқаро рейтинг билан ишлаш учун масъул бўлган халқаро рейтинг ва индекслар бириктирилган илмий ташкилотлар 20 кун муддат ичида паст кўрсаткичли индикаторлар учун масъул давлат органларига ахборот-таҳлилий маълумотнома киритади;
паст кўрсаткичли индикаторлар учун масъул давлат органлари Олий таълим, фан ва инновациялар вазирлиги ҳузуридаги Инновацион ривожланиш агентлигига паст кўрсаткичли индикаторлар бўйича соҳа ва тармоқлардаги мавжуд тизимли хатоликларни бартараф этиш лойиҳаларини ишлаб чиқиш учун илмий грантларга буюртма беради;
Олий таълим, фан ва инновациялар вазирлиги ҳузуридаги Инновацион ривожланиш агентлиги танлов асосида илмий грантлар ажратади;
илмий тадқиқот ва олий таълим муассасалари лойиҳавий бошқарувнинг PMI PMBOK — «Лойиҳаларни бошқариш бўйича билимлар жамланмаси» халқаро стандарти (кейинги ўринларда — PMI PMBOK халқаро стандарти) асосида паст кўрсаткичли индикаторлар бўйича соҳа ва тармоқлардаги мавжуд тизимли хатоликларни бартараф этиш лойиҳаларини ишлаб чиқади;
Халқаро рейтинг ва индекслар билан ишлаш бўйича республика кенгашининг (кейинги ўринларда — Республика кенгаши) ишчи органлари (Иқтисодиёт ва молия вазирлиги ҳамда Адлия вазирлиги) паст кўрсаткичли индикаторларга масъул давлат органлари бўйича соҳа ва тармоқлардаги мавжуд тизимли хатоликларни бартараф этиш лойиҳаларини Тараққиёт стратегиясини амалга оширишга қаратилган ҳар йиллик давлат дастурларига киритади;
паст кўрсаткичли индикаторларга масъул давлат органлари давлат дастурига киритилган лойиҳаларни амалга оширади ҳамда Республика кенгашига лойиҳани амалга ошириш натижалари бўйича ахборот бериб боради.
5. 2022 йил 1 сентябрдан бошлаб Ўзбекистон Республикаси Президенти ҳузуридаги Давлат сиёсати ва бошқаруви академиясида (кейинги ўринларда — Академия) давлат органларининг бошқарув кадрлари учун устувор халқаро рейтинг ва индекслар бўйича ҳар йили бир маротаба қисқа муддатли малака ошириш курслари (кейинги ўринларда — малака ошириш курслари) жорий этилсин.
Белгилансинки:
Бошқарув самарадорлиги агентлиги ҳар йили 1 январга қадар устувор халқаро рейтинг ва индексларнинг таркибий индикаторлари доирасида баҳоланадиган соҳалар бўйича малака ошириш курсларида иштирок этадиган давлат хизматчилари контингентини Академияга тақдим этади;
малака ошириш курсларининг ўқув режа-дастури Академия томонидан ишлаб чиқилади ва Республика кенгашининг ишчи органлари билан келишилади;
малака ошириш курсларининг ўқув-услубий материаллари Академия томонидан халқаро рейтинг ва индекслар бириктирилган илмий ташкилотлар билан ҳамкорликда ишлаб чиқилади;
малака ошириш курсларига жалб этилган Академия профессор-ўқитувчилари ва илмий ходимлари илғор хорижий тажриба билан танишиш ва илмий салоҳиятини янада ошириш учун нуфузли хорижий университетлар, илмий марказлар ҳамда халқаро ташкилотларга малака ошириш курслари ва стажировкага юборилади;
давлат органлари ходимлари учун ўқув-услубий материалларни тайёрлаш, малака ошириш курсларини ташкил этиш ва ўтказиш билан боғлиқ харажатлар Давлат хизматини ривожлантиришни қўллаб-қувватлаш жамғармаси маблағлари ҳисобидан қопланади;
давлат органларининг ҳудудий тузилмалари бошқарув ходимлари учун малака ошириш курслари масофавий тарзда ташкил этилади;
хўжалик жамиятлари ва бошқа ташкилотлар бошқарув кадрларининг устувор халқаро рейтинг ва индекслар бўйича малакасини ошириш харажатлари шартнома асосида буюртмачилар маблағлари ҳисобидан қопланади.
6. Халқаро рейтинг ва индекслар билан ишлашга масъул давлат хизматчиларига Академияда қуйидаги билим ва кўникмалар ўргатилишига алоҳида эътибор қаратилсин:
давлат органлари фаолиятини глобал миқёсда баҳолаб борувчи тегишли устувор халқаро рейтинг агентликлари ва уларнинг фаолияти;
рейтинг агентликларининг баҳолаш методикалари, мезон, индикатор ва субиндикаторлари;
рейтинг агентликларининг йиллик ҳисоботларида мамлакатимиз соҳа ва тармоқларининг мунтазам паст баҳоланаётган субиндикаторлари ва уларнинг сабаблари;
паст кўрсаткичли мезонлар бўйича глобал рейтингда пешқадам мамлакатлар ҳамда мазкур мезонлар бўйича ўз кўрсаткичларини тез суръатлар билан яхшилаб бораётган мамлакатларнинг тажрибаси ва амалга ошираётган ислоҳотлари;
паст кўрсаткичли субиндикаторлар бўйича мамлакат соҳа-тармоқларидаги тизимли хатоликларни бартараф этиш лойиҳаларини ишлаб чиқиш амалиёти.
7. Республика кенгаши ишчи органлари (Т. Ишметов, Р. Давлетов) малака ошириш курсларини сифатли ташкил этиш ва ўтказиш мақсадида Академияга қуйидагилар юзасидан кўмаклашиб борсин:
устувор халқаро рейтинг ва индексларда мамлакатнинг ўрнини яхшилаш бўйича давлат органларининг малакали ҳамда тажрибали мутахассисларини ва хорижий экспертларни ташкил этиладиган малака ошириш курсларига жалб этиш;
Академияда нуфузли хорижий университетлар ва илмий марказлар ҳамда халқаро ташкилотлар билан ҳамкорликда устувор халқаро рейтинг ва индексларни амалиётга самарали жорий этишга қаратилган халқаро илмий-амалий анжуманлар ташкил этиш.
8. Ўзбекистон Республикасининг устувор халқаро рейтинг ва индекслар, уларнинг паст кўрсаткичли индикатор ва субиндикаторларидаги ўрнини яхшилаш бўйича қуйидагиларни назарда тутувчи янги тартиб жорий этилсин:
халқаро рейтинг ва индекслар бириктирилган илмий ташкилотлар — ҳар йили 1 январга қадар паст кўрсаткичли индикатор ва субиндикаторлар бўйича соҳа, тармоқ ҳамда ҳудудлардаги тизимли муаммоларни аниқлаш ва уларни бартараф этиш юзасидан илмий-тадқиқот лойиҳаларини амалга ошириш бўйича йиллик режаларни ишлаб чиқиб Республика кенгашининг ишчи органларига киритади;
Республика кенгашининг ишчи органлари — халқаро рейтинг ва индекслар бириктирилган илмий ташкилотлар томонидан паст кўрсаткичли индикаторлар бўйича амалга ошириладиган тадқиқотларнинг йиллик режалари Республика кенгашининг навбатдаги йиғилишида атрофлича кўриб чиқилишини ташкил этади;
Республика кенгаши — ўзининг навбатдаги йиғилишида халқаро рейтинг ва индекслар бириктирилган илмий ташкилотларнинг йиллик режаларини кўриб чиқади, шу жумладан қўшма илмий тадқиқотларни ўтказишни назарда тутган ҳолда тасдиқлайди ёки қайта ишлаш учун қайтаради.
9. Олий таълим, фан ва инновациялар вазирлиги ҳузуридаги Инновацион ривожланиш агентлиги.
ҳар йили 1 мартга қадар халқаро рейтинг ва индекслар бириктирилган илмий ташкилотларнинг Республика кенгаши томонидан тасдиқланган йиллик режалари ҳамда халқаро рейтинг ва индекслар бўйича мустақил изланувчиларнинг қўшимча талаби асосида илмий лойиҳаларнинг мавзулари портфелини шакллантирсин;
Давлат бюджети маблағлари ҳисобидан молиялаштириладиган фундаментал, амалий тадқиқотлар ҳамда инновацион лойиҳаларга ажратилган маблағлар ҳақида ҳар чоракда Республика кенгашига маълумот киритиб борсин;
дастурларни ишлаб чиқишга қаратилган илмий тадқиқот лойиҳаларини экспертизадан ўтказиш ва натижаларини қабул қилиб олиш бўйича тегишли илмий-техник кенгаш таркибига Республика кенгаши ишчи органларининг ҳамда масъул давлат органларининг ходимлари таркибидан вакилларни жалб этсин;
Академияда малака ошириш курсларига жалб этиладиган илмий-педагогик кадрлар салоҳиятини янада оширишга кўмаклашиш мақсадида давлат сиёсати ва бошқаруви соҳасига оид устувор халқаро рейтинг ва индексларни тадқиқ этишга қаратилган илмий грантларни ажратишни назарда тутсин.
10. Мазкур қарор ижросини самарали ташкил қилишга масъул ва шахсий жавобгар этиб молия вазири Т.А. Ишметов ҳамда адлия вазири Р.Қ. Давлетов белгилансин.
Қарор ижросини назорат қилиш, ижро учун масъул ташкилотлар фаолиятини мувофиқлаштириш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 18 май,
ПҚ-246-сон
Oʻzbekiston Respublikasi Prezidentining
Qarori
Xalqaro reyting va indekslar bilan ishlashda ilmiy salohiyat hamda amaliy faoliyat uygʻunligini taʼminlash chora-tadbirlari toʻgʻrisida
Oʻzbekiston Respublikasi Prezidentining 2022-yil 28-yanvardagi PF-60-son Farmoni bilan tasdiqlangan 2022 — 2026-yillarga moʻljallangan Yangi Oʻzbekistonning taraqqiyot strategiyasini jadal amalga oshirish, shuningdek, Oʻzbekiston Respublikasining ustuvor xalqaro reyting va indekslardagi koʻrsatkichlarini yaxshilashga yoʻnaltirilgan islohotlarni amalga oshirish yuzasidan takliflar ishlab chiqishga mamlakat ilmiy salohiyatini keng jalb etish va loyihaviy boshqaruvning xalqaro standartlaridan foydalanish, davlat xizmatchilarining sohadagi bilim va koʻnikmalarini oshirish maqsadida:
2. 2022-yil 1-iyundan boshlab xalqaro reyting va indekslar biriktirilgan ilmiy tashkilotlar tomonidan Oʻzbekiston Respublikasi Prezidentining 2022-yil 28-yanvardagi PF-60-son Farmoni bilan tasdiqlangan 2022 — 2026-yillarga moʻljallangan Yangi Oʻzbekistonning taraqqiyot strategiyasini (keyingi oʻrinlarda — Taraqqiyot strategiyasi) amalga oshirishga oid davlat dasturlariga oʻzlariga biriktirilgan ustuvor xalqaro reyting va indekslardan kelib chiqib takliflar ishlab chiqilishi hamda tegishli vazirlik va idoralarga kiritib borilishi uchun quyidagilarni nazarda tutuvchi tartib joriy etilsin:
ustuvor xalqaro reyting agentliklarining yillik hisobotlari eʼlon qilinishi bilan, tegishli xalqaro reyting bilan ishlash uchun masʼul boʻlgan xalqaro reyting va indekslar biriktirilgan ilmiy tashkilotlar 20 kun muddat ichida past koʻrsatkichli indikatorlar uchun masʼul davlat organlariga axborot-tahliliy maʼlumotnoma kiritadi;
past koʻrsatkichli indikatorlar uchun masʼul davlat organlari Oliy taʼlim, fan va innovatsiyalar vazirligi huzuridagi Innovatsion rivojlanish agentligiga past koʻrsatkichli indikatorlar boʻyicha soha va tarmoqlardagi mavjud tizimli xatoliklarni bartaraf etish loyihalarini ishlab chiqish uchun ilmiy grantlarga buyurtma beradi;
Oliy taʼlim, fan va innovatsiyalar vazirligi huzuridagi Innovatsion rivojlanish agentligi tanlov asosida ilmiy grantlar ajratadi;
ilmiy tadqiqot va oliy taʼlim muassasalari loyihaviy boshqaruvning PMI PMBOK — “Loyihalarni boshqarish boʻyicha bilimlar jamlanmasi” xalqaro standarti (keyingi oʻrinlarda — PMI PMBOK xalqaro standarti) asosida past koʻrsatkichli indikatorlar boʻyicha soha va tarmoqlardagi mavjud tizimli xatoliklarni bartaraf etish loyihalarini ishlab chiqadi;
Xalqaro reyting va indekslar bilan ishlash boʻyicha respublika kengashining (keyingi oʻrinlarda — Respublika kengashi) ishchi organlari (Iqtisodiyot va moliya vazirligi hamda Adliya vazirligi) past koʻrsatkichli indikatorlarga masʼul davlat organlari boʻyicha soha va tarmoqlardagi mavjud tizimli xatoliklarni bartaraf etish loyihalarini Taraqqiyot strategiyasini amalga oshirishga qaratilgan har yillik davlat dasturlariga kiritadi;
past koʻrsatkichli indikatorlarga masʼul davlat organlari davlat dasturiga kiritilgan loyihalarni amalga oshiradi hamda Respublika kengashiga loyihani amalga oshirish natijalari boʻyicha axborot berib boradi.
5. 2022-yil 1-sentabrdan boshlab Oʻzbekiston Respublikasi Prezidenti huzuridagi Davlat siyosati va boshqaruvi akademiyasida (keyingi oʻrinlarda — Akademiya) davlat organlarining boshqaruv kadrlari uchun ustuvor xalqaro reyting va indekslar boʻyicha har yili bir marotaba qisqa muddatli malaka oshirish kurslari (keyingi oʻrinlarda — malaka oshirish kurslari) joriy etilsin.
Belgilansinki:
Boshqaruv samaradorligi agentligi har yili 1-yanvarga qadar ustuvor xalqaro reyting va indekslarning tarkibiy indikatorlari doirasida baholanadigan sohalar boʻyicha malaka oshirish kurslarida ishtirok etadigan davlat xizmatchilari kontingentini Akademiyaga taqdim etadi;
malaka oshirish kurslarining oʻquv reja-dasturi Akademiya tomonidan ishlab chiqiladi va Respublika kengashining ishchi organlari bilan kelishiladi;
malaka oshirish kurslarining oʻquv-uslubiy materiallari Akademiya tomonidan xalqaro reyting va indekslar biriktirilgan ilmiy tashkilotlar bilan hamkorlikda ishlab chiqiladi;
malaka oshirish kurslariga jalb etilgan Akademiya professor-oʻqituvchilari va ilmiy xodimlari ilgʻor xorijiy tajriba bilan tanishish va ilmiy salohiyatini yanada oshirish uchun nufuzli xorijiy universitetlar, ilmiy markazlar hamda xalqaro tashkilotlarga malaka oshirish kurslari va stajirovkaga yuboriladi;
davlat organlari xodimlari uchun oʻquv-uslubiy materiallarni tayyorlash, malaka oshirish kurslarini tashkil etish va oʻtkazish bilan bogʻliq xarajatlar Davlat xizmatini rivojlantirishni qoʻllab-quvvatlash jamgʻarmasi mablagʻlari hisobidan qoplanadi;
davlat organlarining hududiy tuzilmalari boshqaruv xodimlari uchun malaka oshirish kurslari masofaviy tarzda tashkil etiladi;
xoʻjalik jamiyatlari va boshqa tashkilotlar boshqaruv kadrlarining ustuvor xalqaro reyting va indekslar boʻyicha malakasini oshirish xarajatlari shartnoma asosida buyurtmachilar mablagʻlari hisobidan qoplanadi.
6. Xalqaro reyting va indekslar bilan ishlashga masʼul davlat xizmatchilariga Akademiyada quyidagi bilim va koʻnikmalar oʻrgatilishiga alohida eʼtibor qaratilsin:
davlat organlari faoliyatini global miqyosda baholab boruvchi tegishli ustuvor xalqaro reyting agentliklari va ularning faoliyati;
reyting agentliklarining baholash metodikalari, mezon, indikator va subindikatorlari;
reyting agentliklarining yillik hisobotlarida mamlakatimiz soha va tarmoqlarining muntazam past baholanayotgan subindikatorlari va ularning sabablari;
past koʻrsatkichli mezonlar boʻyicha global reytingda peshqadam mamlakatlar hamda mazkur mezonlar boʻyicha oʻz koʻrsatkichlarini tez surʼatlar bilan yaxshilab borayotgan mamlakatlarning tajribasi va amalga oshirayotgan islohotlari;
past koʻrsatkichli subindikatorlar boʻyicha mamlakat soha-tarmoqlaridagi tizimli xatoliklarni bartaraf etish loyihalarini ishlab chiqish amaliyoti.
7. Respublika kengashi ishchi organlari (T. Ishmetov, R. Davletov) malaka oshirish kurslarini sifatli tashkil etish va oʻtkazish maqsadida Akademiyaga quyidagilar yuzasidan koʻmaklashib borsin:
ustuvor xalqaro reyting va indekslarda mamlakatning oʻrnini yaxshilash boʻyicha davlat organlarining malakali hamda tajribali mutaxassislarini va xorijiy ekspertlarni tashkil etiladigan malaka oshirish kurslariga jalb etish;
Akademiyada nufuzli xorijiy universitetlar va ilmiy markazlar hamda xalqaro tashkilotlar bilan hamkorlikda ustuvor xalqaro reyting va indekslarni amaliyotga samarali joriy etishga qaratilgan xalqaro ilmiy-amaliy anjumanlar tashkil etish.
8. Oʻzbekiston Respublikasining ustuvor xalqaro reyting va indekslar, ularning past koʻrsatkichli indikator va subindikatorlaridagi oʻrnini yaxshilash boʻyicha quyidagilarni nazarda tutuvchi yangi tartib joriy etilsin:
xalqaro reyting va indekslar biriktirilgan ilmiy tashkilotlar — har yili 1-yanvarga qadar past koʻrsatkichli indikator va subindikatorlar boʻyicha soha, tarmoq hamda hududlardagi tizimli muammolarni aniqlash va ularni bartaraf etish yuzasidan ilmiy-tadqiqot loyihalarini amalga oshirish boʻyicha yillik rejalarni ishlab chiqib Respublika kengashining ishchi organlariga kiritadi;
Respublika kengashining ishchi organlari — xalqaro reyting va indekslar biriktirilgan ilmiy tashkilotlar tomonidan past koʻrsatkichli indikatorlar boʻyicha amalga oshiriladigan tadqiqotlarning yillik rejalari Respublika kengashining navbatdagi yigʻilishida atroflicha koʻrib chiqilishini tashkil etadi;
Respublika kengashi — oʻzining navbatdagi yigʻilishida xalqaro reyting va indekslar biriktirilgan ilmiy tashkilotlarning yillik rejalarini koʻrib chiqadi, shu jumladan qoʻshma ilmiy tadqiqotlarni oʻtkazishni nazarda tutgan holda tasdiqlaydi yoki qayta ishlash uchun qaytaradi.
9. Oliy taʼlim, fan va innovatsiyalar vazirligi huzuridagi Innovatsion rivojlanish agentligi.
har yili 1-martga qadar xalqaro reyting va indekslar biriktirilgan ilmiy tashkilotlarning Respublika kengashi tomonidan tasdiqlangan yillik rejalari hamda xalqaro reyting va indekslar boʻyicha mustaqil izlanuvchilarning qoʻshimcha talabi asosida ilmiy loyihalarning mavzulari portfelini shakllantirsin;
Davlat budjeti mablagʻlari hisobidan moliyalashtiriladigan fundamental, amaliy tadqiqotlar hamda innovatsion loyihalarga ajratilgan mablagʻlar haqida har chorakda Respublika kengashiga maʼlumot kiritib borsin;
dasturlarni ishlab chiqishga qaratilgan ilmiy tadqiqot loyihalarini ekspertizadan oʻtkazish va natijalarini qabul qilib olish boʻyicha tegishli ilmiy-texnik kengash tarkibiga Respublika kengashi ishchi organlarining hamda masʼul davlat organlarining xodimlari tarkibidan vakillarni jalb etsin;
Akademiyada malaka oshirish kurslariga jalb etiladigan ilmiy-pedagogik kadrlar salohiyatini yanada oshirishga koʻmaklashish maqsadida davlat siyosati va boshqaruvi sohasiga oid ustuvor xalqaro reyting va indekslarni tadqiq etishga qaratilgan ilmiy grantlarni ajratishni nazarda tutsin.
10. Mazkur qaror ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov hamda adliya vaziri R.Q. Davletov belgilansin.
Qaror ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 18-may,
PQ-246-son
Президента Республики Узбекистан
Постановление
О мерах по обеспечению гармонизации научного потенциала и практической деятельности в работе с международными рейтингами и индексами
В целях ускоренной реализации Стратегии развития Нового Узбекистана на 2022 — 2026 годы, утвержденной Указом Президента Республики Узбекистан от 28 января 2022 года № УП-60, широкого привлечения научного потенциала страны к разработке предложений по осуществлению реформ, направленных на улучшение показателей Республики Узбекистан в приоритетных международных рейтингах и индексах, использования международных стандартов проектного управления, а также повышения знаний и совершенствования навыков государственных служащих в данной сфере:
2. Установить с 1 июня 2022 года порядок разработки и внесения в соответствующие министерства и ведомства научными организациями, закрепленными за международными рейтингами и индексами, предложений в государственные программы по реализации Стратегии развития Нового Узбекистана на 2022 — 2026 годы (далее — Стратегия развития), утвержденной Указом Президента Республики Узбекистан от 28 января 2022 года № УП-60, исходя из закрепленных за ними международных рейтингов и индексов, в соответствии с которым:
после опубликования годовых отчетов агентств приоритетных международных рейтингов научные организации, закрепленные за международными рейтингами и индексами, ответственные за работу с соответствующими международными рейтингами, в течение 20 дней вносят информационно-аналитическую информацию в государственные органы, ответственные за низкопоказательные индикаторы;
государственные органы, ответственные за низкопоказательные индикаторы, представляют в Агентство инновационного развития при Министерстве высшего образования, науки и инноваций заказы на научные гранты для разработки проектов устранения системных ошибок, имеющихся в сферах и отраслях по низкопоказательным индикаторам;
Агентство инновационного развития при Министерстве высшего образования, науки и инноваций выделяет научные гранты на конкурсной основе;
научные организации, закрепленные за международными рейтингами и индексами, разрабатывают проекты устранения системных ошибок, имеющихся в сферах и отраслях по низкопоказательным индикаторам, на основе международного стандарта проектного управления PMI PMBOK «Свод знаний по управлению проектами» (далее — международный стандарт PMI PMBOK);
рабочие органы (Министерство экономики и финансов, а также Министерство юстиции) Республиканского совета по работе с международными рейтингами и индексами (далее — Республиканский совет) включают проекты устранения системных ошибок, имеющихся в сферах и отраслях, по государственным органам, ответственным за низкопоказательные индикаторы, в ежегодные государственные программы, направленные на реализацию Стратегии развития;
государственные органы, ответственные за низкопоказательные индикаторы, реализуют проекты, включенные в государственные программы, и представляют в Республиканский совет информацию о результатах реализации проекта.
5. Начиная с 1 сентября 2022 года ввести в Академии государственного управления при Президенте Республики Узбекистан (далее — Академия) ежегодные краткосрочные курсы повышения квалификации (далее — курсы повышения квалификации) для управленческих кадров государственных органов по приоритетным международным рейтингам и индексам.
Определить, что:
Агентство эффективности управления ежегодно до 1 января представляет в Академию контингент государственных служащих, участвующих в курсах повышения квалификации по сферам, оцениваемым в рамках составных индикаторов приоритетных международных рейтингов и индексов;
учебный план-программа курсов повышения квалификации разрабатывается Академией и согласовывается с рабочими органами Республиканского совета;
учебно-методические материалы курсов повышения квалификации разрабатываются Академией в сотрудничестве с научными организациями, закрепленными за международными рейтингами и индексами;
профессора-преподаватели и научные работники Академии, привлеченные к курсам повышения квалификации, направляются на курсы повышения квалификации и стажировки в престижные зарубежные университеты, научные центры и международные организации в целях ознакомления с передовым зарубежным опытом и дальнейшего повышения своего научного потенциала;
расходы, связанные с подготовкой учебно-методических материалов, организацией и проведением курсов повышения квалификации для работников государственных органов, покрываются за счет средств Фонда поддержки развития государственной службы;
курсы повышения квалификации для управленческого персонала территориальных структур государственных органов проводятся в дистанционной форме;
расходы на повышение квалификации по приоритетным международным рейтингам и индексам управленческих кадров хозяйственных обществ и иных организаций покрываются за счет средств заказчиков на договорной основе.
6. Уделять особое внимание обучению в Академии государственных служащих, ответственных за работу с международными рейтингами и индексами, следующим знаниям и навыкам:
соответствующих приоритетных международных рейтинговых агентств, занимающихся оценкой деятельности государственных органов в глобальном масштабе, а также их деятельности;
методик и критериев оценки, индикаторов и субиндикаторов рейтинговых агентств;
субиндикаторов регулярно низко оцениваемых сфер и отраслей нашей страны в годовых отчетах рейтинговых агентств, а также их причин;
опыта стран, лидирующих в глобальном рейтинге по низко оцениваемым критериям и стремительными темпами улучшающих свои показатели по указанным критериям, а также осуществляемых ими реформ;
практики разработки проектов устранения системных ошибок по низко оцениваемым субиндикаторам в сферах и отраслях страны.
7. Рабочим органам Республиканского совета (Т. Ишметов, Р. Давлетов) оказывать содействие Академии в качественной организации и проведении курсов повышения квалификации, в частности по:
привлечению квалифицированных и опытных специалистов государственных органов и зарубежных экспертов к организуемым курсам повышения квалификации по улучшению позиций страны в приоритетных международных рейтингах и индексах;
организации в Академии международных научно-практических конференций, направленных на эффективное внедрение приоритетных международных рейтингов и индексов, в сотрудничестве с престижными зарубежными университетами, научными центрами и международными организациями.
8. Внедрить новый порядок по улучшению позиций Республики Узбекистан в приоритетных международных рейтингах и индексах, их индикаторах и субиндикаторах, в соответствии с которым:
научные организации, закрепленные за международными рейтингами и индексами, — ежегодно в срок до 1 января разрабатывают и вносят в рабочие органы Республиканского совета ежегодные планы реализации научно-исследовательских проектов выявления и решения системных проблем по низкопоказательным индикаторам и субиндикаторам в сферах, отраслях и регионах;
рабочие органы Республиканского совета — организуют подробное рассмотрение на очередном заседании Республиканского совета годовых планов исследований, проводимых по низко оцениваемым индикаторам научными организациями, закрепленными за международными рейтингами и индексами;
Республиканский совет — рассматривает на своем очередном заседании годовые планы научных организаций, закрепленных за международными рейтингами и индексами, включая их утверждение, предусматривая проведение совместных научных исследований, или возврат на переработку.
9. Агентству инновационного развития при Министерстве высшего образования, науки и инноваций:
ежегодно в срок до 1 марта формировать портфель тем научных проектов на основе годовых планов научных организаций, закрепленных за международными рейтингами и индексами, утверждаемых Республиканским советом, а также дополнительных требований независимых исследователей по международным рейтингам и индексам;
ежеквартально вносить в Республиканский совет информацию о средствах, выделенных на фундаментальные, прикладные исследования и инновационные проекты, финансируемые за счет средств Государственного бюджета;
привлечь представителей рабочих органов Республиканского совета и ответственных государственных органов в состав соответствующего научно-технического совета по проведению и утверждению результатов экспертизы научно-исследовательских проектов, направленных на разработку программ;
предусматривать выделение научных грантов, направленных на исследование приоритетных международных рейтингов и индексов в сфере государственной политики и управления, в целях оказания содействия в дальнейшем повышении потенциала научно-педагогических кадров, привлекаемых на курсы повышения квалификации в Академии.
10. Возложить на министра финансов Т.А. Ишметова и министра юстиции Р.К. Давлетова персональную ответственность за эффективную организацию исполнения настоящего постановления.
Осуществление контроля за исполнением настоящего постановления, а также координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
18 мая 2022 г.,
№ ПП-246