📅 2022-yil 20-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 20 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 мая 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 20 May 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАҚСИМОТИ
ЧОРА-ТАДБИРЛАР
«Қўнғирот сода заводи» МЧЖ қўшма корхонасида 2022 — 2025 йилларда кальцийланган сода ишлаб чиқаришни йилига 250 минг тоннага етказиш бўйича инвестиция лойиҳасини амалга ошириш чора-тадбирлар тўғрисида
Ички ва ташқи бозорда барқарор талабга эга бўлган кальцийланган сода маҳсулотини ишлаб чиқаришни кенгайтириш, кимё саноатининг экспорт салоҳиятини янада ошириш ва янги иш ўринларини яратиш мақсадида Вазирлар Маҳкамаси қарор қилади:
1. Қуйидагилар:
Ўзбекистон Республикаси Президентининг «Кимё саноатини янада ислоҳ қилиш ва унинг инвестициявий жозибадорлигини ошириш чора-тадбирлари тўғрисида» 2019 йил 3 апрелдаги ПҚ-4265-сон қарорига асосан «Қўнғирот сода заводи» МЧЖ қўшма корхонасида (кейинги ўринларда — қўшма корхона) ишлаб чиқариш қувватини 200 минг тоннадан 450 минг тоннагача ошириш лойиҳаси бўйича танлов ўтказилганлиги;
танлов якунлари юзасидан қўшма корхона ва «САЛЮС» МЧЖ (Россия) ўртасида лойиҳалаш, қуриш, жиҳозларни етказиб бериш ва ишга тушириш бўйича дастлабки шартнома имзоланганлиги;
лойиҳани ишга тушириш натижасида 300 та янги иш ўринлари яратилиши ва корхона ишчи-ходимлари учун Қўнғирот тумани «Елабат» посёлкасида «Янги Ўзбекистон» массивини барпо этиш белгиланганлиги;
«Янги Ўзбекистон» массивида 2022-2023 йилларда 20 та кўп қаватли уйлар қуриш, ташқи йўл-транспорт ва муҳандислик коммуникация инфратузилмалари учун қўшма корхона томонидан буюртмачи сифатида 2021 йил молия-хўжалик фаолияти якунлари бўйича олинган соф фойдадан 40,0 млрд сўм ва қолган қисми бошқа кимё саноати тармоқ корхоналарининг 2021 йил якуни бўйича прогноз кўрсаткичларидан ортиқ олинган соф фойдасининг бир қисмини ажратиш ҳисобига амалга оширилиши белгиланганлиги маълумот учун қабул қилинсин.
2. Қорақалпоғистон Республикаси Вазирлар Кенгаши, Инвестициялар ва ташқи савдо вазирлиги, Давлат солиқ қўмитаси ҳузуридаги Кадастр агентлиги ва «Ўзкимёсаноат» АЖнинг инвестиция лойиҳасини амалга оширишда лойиҳа қийматининг 10 фоиз кафолат маблағини махсус ҳисоб варақга қўймасдан 1-иловага мувофиқ бўш турган қишлоқ хўжалигига мўлжалланмаган 76,5 гектар ер майдонларини қўшма корхонага ижара ҳуқуқи асосида ажратиш тўғрисидаги таклифи маъқуллансин.
3. «Ўзкимёсаноат» АЖ, Энергетика вазирлиги, Уй-жой коммунал хизмат кўрсатиш вазирлиги, Автомобиль йўллари қўмитаси ва «Ўзсувтаъминот» АЖ тегишли вазирлик ва идоралар билан биргаликда бир ой муддатда қўшма корхонани 2-иловага мувофиқ зарур ташқи муҳандислик-коммуникация тармоқларига улаш бўйича лойиҳа-смета ҳужжатлари ишлаб чиқилишини ва экспертизадан ўтказилишини таъминласин.
4. Молия вазирлиги, Иқтисодий тараққиёт ва камбағалликни қисқартириш вазирлиги, Энергетика вазирлиги, Автомобиль йўллари қўмитаси, Уй-жой коммунал хизмат кўрсатиш вазирлиги, «Ўзсувтаъминот» АЖ ва Қорақалпоғистон Республикаси Вазирлар Кенгаши бир ой муддатда қўшма корхонани зарур ташқи муҳандислик-коммуникация тармоқлари билан таъминлаш ишлари учун ишлаб чиқилган лойиҳа-смета ҳужжатларига мувофиқ Ўзбекистон Республикаси Президентининг «Инвестиция лойиҳаларини ташқи инфратузилма билан таъминлаш чора-тадбирлари тўғрисида» 2021 йил 25 августдаги ПҚ-5233-сон қарорида кўрсатилган манбалар ҳисобидан зарур маблағлар ажратилишини таъминласин.
5. Инвестициялар ва ташқи савдо вазирлиги ва «Ўзкимёсаноат» АЖ ҳар чорак якуни бўйича мазкур қарорда белгиланган топшириқлар ижроси юзасидан Вазирлар Маҳкамасига ахборот киритиб борсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг Геология, энергетика, саноат ва унинг базавий тармоқларини ривожлантириш масалалари бўйича маслаҳатчиси — Давлат геология ва минерал ресурслар қўмитаси раиси Б.Ф. Исламов ва Қорақалпоғистон Республикаси Вазирлар Кенгашининг Раиси Қ.Р. Сариев зиммасига юклансин.
Вазирлар Маҳкамасининг 2022 йил 20 майдаги 279-сон қарорига 1-ИЛОВА
«Қўнғирот сода заводи» МЧЖ қўшма корхонасида ишлаб чиқариш қувватини 200 минг тоннадан 450 минг тоннага ошириш инвестиция лойиҳаси юзасидан ер майдони ажратиш
Т/р Ер майдони ажратишдан мақсад Ер майдони ўлчами (гектар) Қўнғирот тумани 1. «Қўнғирот сода заводи» МЧЖ қўшма корхонасида кальцийланган сода ва бошқа маҳсулотлар ишлаб чиқаришни кенгайтириш инвестиция лойиҳасини амалга ошириш учун 40,0 2. «Борсакелмас» туз кони ёнидан тузни қайта ишлашда ҳосил бўлган чиқиндиларни ташлаш учун 5,0 3. Қўнғирот тумани «Елабад» посёлкасидан қурувчилар учун вақтинчалик турар жойлар объектларини қуриш учун 18,5 4. Қўнғирот тумани «Елабад» посёлкасида «Янги Ўзбекистон» массивини барпо этиш учун 10,0 Қораўзак ва Беруний туманлари 1. Қораўзак ва Беруний тумани ҳудудидаги «Жамансой» оҳактош конида 3,5 км сув қувурини тортиш учун 3,0
Вазирлар Маҳкамасининг 2022 йил 20 майдаги 279-сон қарорига 2-ИЛОВА
«Қўнғирот сода заводи» МЧЖ қўшма корхонасида ишлаб чиқариш қувватини 200 минг тоннадан 450 минг тоннага ошириш инвестиция лойиҳасини амалга оширишда корхонани зарур ташқи муҳандислик-коммуникация тармоқларига улаш бўйича амалга ошириладиган
Т/р Амалга ошириладиган тадбирлар Масъуллар Ижро муддати 1. Қароқалпоғистон 220/110/10 кВ ним станциясидан 110 кВ очиқ тақсимлаш қурилмасини кенгайтириш орқали 1 км масофага 110 кВли ҳаво узатиш тармоғини тортиб келиш ва янги 110/10/6кВли ним станция қуриш. Энергетика вазирлиги, «Ҳудудий электр тармоқлари» АЖ 2022 йил декабрь 2. «Қўнғирот минтақавий газ қувурлари бошқармаси»га қарашли саноат газ тармоғи уланиш нуқтасига янги АГТС, очиб ёпиш мосламаси, газ қувурига электркимёвий химоя қурилмаси билан жами 20,5 км масофага газ қувурини тортиб келиш. Энергетика вазирлиги, «Ўзтрансгаз» АЖ, «Ҳудудгазтаъминот» АЖ 2022 йил декабрь 3. «Туямуюн-Нукус» минтақалараро сув қувурларидан фойдаланиш бошқармаси ДУКга тегишли «Тахиатош-Қўнғирот» сув қувурларига уланиш учун 40 км масофага сув қувурини тортиб келиш ва уланиш нуқтасига янги насос станцияси ҳамда сув ҳавзаси (резервуар) қуриш. Уй-жой коммунал хизмат кўрсатиш вазирлиги, «Ўзсувтаъминот» АЖ 2022 йил декабрь 4. 110 кВли ҳаво узатиш электр тармоғи объектлари (ўлчамлари 220 кВ) ва 110/35/6 кВ «КСЗ» нимстанциясини «Қўнғирот сода заводи» МЧЖ қўшма корхонаси балансидан тегишли етказиб берувчи ташкилот балансига беғараз ўтказиш. Энергетика вазирлиги, «Ҳудудий электр тармоқлари» АЖ 2022 йил август 5. Ташқи автомобиль йўлларини қуриш, реконструкция қилиш ва таъмирлаш. Автомобиль йўллари қўмитаси 2022 йил декабрь
Ўзбекистон Республикасининг Бош вазири А. АРИПОВ
Тошкент ш.,
2022 йил 20 май,
279-сон
Oʻzbekiston Respublikasi Vazirlar Mahkamasining
qarori
TAQSIMOTI
CHORA-TADBIRLAR
“Qoʻngʻirot soda zavodi” MCHJ qoʻshma korxonasida 2022 — 2025-yillarda kalsiylangan soda ishlab chiqarishni yiliga 250 ming tonnaga yetkazish boʻyicha investitsiya loyihasini amalga oshirish chora-tadbirlar toʻgʻrisida
Ichki va tashqi bozorda barqaror talabga ega boʻlgan kalsiylangan soda mahsulotini ishlab chiqarishni kengaytirish, kimyo sanoatining eksport salohiyatini yanada oshirish va yangi ish oʻrinlarini yaratish maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasi Prezidentining “Kimyo sanoatini yanada isloh qilish va uning investitsiyaviy jozibadorligini oshirish chora-tadbirlari toʻgʻrisida” 2019-yil 3-apreldagi PQ-4265-son qaroriga asosan “Qoʻngʻirot soda zavodi” MCHJ qoʻshma korxonasida (keyingi oʻrinlarda — qoʻshma korxona) ishlab chiqarish quvvatini 200 ming tonnadan 450 ming tonnagacha oshirish loyihasi boʻyicha tanlov oʻtkazilganligi;
tanlov yakunlari yuzasidan qoʻshma korxona va “SALYUS” MCHJ (Rossiya) oʻrtasida loyihalash, qurish, jihozlarni yetkazib berish va ishga tushirish boʻyicha dastlabki shartnoma imzolanganligi;
loyihani ishga tushirish natijasida 300 ta yangi ish oʻrinlari yaratilishi va korxona ishchi-xodimlari uchun Qoʻngʻirot tumani “Yelabat” posyolkasida “Yangi Oʻzbekiston” massivini barpo etish belgilanganligi;
“Yangi Oʻzbekiston” massivida 2022-2023-yillarda 20 ta koʻp qavatli uylar qurish, tashqi yoʻl-transport va muhandislik kommunikatsiya infratuzilmalari uchun qoʻshma korxona tomonidan buyurtmachi sifatida 2021-yil moliya-xoʻjalik faoliyati yakunlari boʻyicha olingan sof foydadan 40,0 mlrd soʻm va qolgan qismi boshqa kimyo sanoati tarmoq korxonalarining 2021-yil yakuni boʻyicha prognoz koʻrsatkichlaridan ortiq olingan sof foydasining bir qismini ajratish hisobiga amalga oshirilishi belgilanganligi maʼlumot uchun qabul qilinsin.
2. Qoraqalpogʻiston Respublikasi Vazirlar Kengashi, Investitsiyalar va tashqi savdo vazirligi, Davlat soliq qoʻmitasi huzuridagi Kadastr agentligi va “Oʻzkimyosanoat” AJning investitsiya loyihasini amalga oshirishda loyiha qiymatining 10 foiz kafolat mablagʻini maxsus hisob varaqga qoʻymasdan 1-ilovaga muvofiq boʻsh turgan qishloq xoʻjaligiga moʻljallanmagan 76,5 gektar yer maydonlarini qoʻshma korxonaga ijara huquqi asosida ajratish toʻgʻrisidagi taklifi maʼqullansin.
3. “Oʻzkimyosanoat” AJ, Energetika vazirligi, Uy-joy kommunal xizmat koʻrsatish vazirligi, Avtomobil yoʻllari qoʻmitasi va “Oʻzsuvtaʼminot” AJ tegishli vazirlik va idoralar bilan birgalikda bir oy muddatda qoʻshma korxonani 2-ilovaga muvofiq zarur tashqi muhandislik-kommunikatsiya tarmoqlariga ulash boʻyicha loyiha-smeta hujjatlari ishlab chiqilishini va ekspertizadan oʻtkazilishini taʼminlasin.
4. Moliya vazirligi, Iqtisodiy taraqqiyot va kambagʻallikni qisqartirish vazirligi, Energetika vazirligi, Avtomobil yoʻllari qoʻmitasi, Uy-joy kommunal xizmat koʻrsatish vazirligi, “Oʻzsuvtaʼminot” AJ va Qoraqalpogʻiston Respublikasi Vazirlar Kengashi bir oy muddatda qoʻshma korxonani zarur tashqi muhandislik-kommunikatsiya tarmoqlari bilan taʼminlash ishlari uchun ishlab chiqilgan loyiha-smeta hujjatlariga muvofiq Oʻzbekiston Respublikasi Prezidentining “Investitsiya loyihalarini tashqi infratuzilma bilan taʼminlash chora-tadbirlari toʻgʻrisida” 2021-yil 25-avgustdagi PQ-5233-son qarorida koʻrsatilgan manbalar hisobidan zarur mablagʻlar ajratilishini taʼminlasin.
5. Investitsiyalar va tashqi savdo vazirligi va “Oʻzkimyosanoat” AJ har chorak yakuni boʻyicha mazkur qarorda belgilangan topshiriqlar ijrosi yuzasidan Vazirlar Mahkamasiga axborot kiritib borsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining Geologiya, energetika, sanoat va uning bazaviy tarmoqlarini rivojlantirish masalalari boʻyicha maslahatchisi — Davlat geologiya va mineral resurslar qoʻmitasi raisi B.F. Islamov va Qoraqalpogʻiston Respublikasi Vazirlar Kengashining Raisi Q.R. Sariyev zimmasiga yuklansin.
Vazirlar Mahkamasining 2022-yil 20-maydagi 279-son qaroriga 1-ILOVA
“Qoʻngʻirot soda zavodi” MCHJ qoʻshma korxonasida ishlab chiqarish quvvatini 200 ming tonnadan 450 ming tonnaga oshirish investitsiya loyihasi yuzasidan yer maydoni ajratish
T/r Yer maydoni ajratishdan maqsad Yer maydoni oʻlchami (gektar) Qoʻngʻirot tumani 1. “Qoʻngʻirot soda zavodi” MCHJ qoʻshma korxonasida kalsiylangan soda va boshqa mahsulotlar ishlab chiqarishni kengaytirish investitsiya loyihasini amalga oshirish uchun 40,0 2. “Borsakelmas” tuz koni yonidan tuzni qayta ishlashda hosil boʻlgan chiqindilarni tashlash uchun 5,0 3. Qoʻngʻirot tumani “Yelabad” posyolkasidan quruvchilar uchun vaqtinchalik turar joylar obyektlarini qurish uchun 18,5 4. Qoʻngʻirot tumani “Yelabad” posyolkasida “Yangi Oʻzbekiston” massivini barpo etish uchun 10,0 Qoraoʻzak va Beruniy tumanlari 1. Qoraoʻzak va Beruniy tumani hududidagi “Jamansoy” ohaktosh konida 3,5 km suv quvurini tortish uchun 3,0
Vazirlar Mahkamasining 2022-yil 20-maydagi 279-son qaroriga 2-ILOVA
“Qoʻngʻirot soda zavodi” MCHJ qoʻshma korxonasida ishlab chiqarish quvvatini 200 ming tonnadan 450 ming tonnaga oshirish investitsiya loyihasini amalga oshirishda korxonani zarur tashqi muhandislik-kommunikatsiya tarmoqlariga ulash boʻyicha amalga oshiriladigan
T/r Amalga oshiriladigan tadbirlar Masʼullar Ijro muddati 1. Qaroqalpogʻiston 220/110/10 kV nim stansiyasidan 110 kV ochiq taqsimlash qurilmasini kengaytirish orqali 1 km masofaga 110 kVli havo uzatish tarmogʻini tortib kelish va yangi 110/10/6kVli nim stansiya qurish. Energetika vazirligi, “Hududiy elektr tarmoqlari” AJ 2022-yil dekabr 2. “Qoʻngʻirot mintaqaviy gaz quvurlari boshqarmasi”ga qarashli sanoat gaz tarmogʻi ulanish nuqtasiga yangi AGTS, ochib yopish moslamasi, gaz quvuriga elektrkimyoviy ximoya qurilmasi bilan jami 20,5 km masofaga gaz quvurini tortib kelish. Energetika vazirligi, “Oʻztransgaz” AJ, “Hududgaztaʼminot” AJ 2022-yil dekabr 3. “Tuyamuyun-Nukus” mintaqalararo suv quvurlaridan foydalanish boshqarmasi DUKga tegishli “Taxiatosh-Qoʻngʻirot” suv quvurlariga ulanish uchun 40 km masofaga suv quvurini tortib kelish va ulanish nuqtasiga yangi nasos stansiyasi hamda suv havzasi (rezervuar) qurish. Uy-joy kommunal xizmat koʻrsatish vazirligi, “Oʻzsuvtaʼminot” AJ 2022-yil dekabr 4. 110 kVli havo uzatish elektr tarmogʻi obyektlari (oʻlchamlari 220 kV) va 110/35/6 kV “KSZ” nimstansiyasini “Qoʻngʻirot soda zavodi” MCHJ qoʻshma korxonasi balansidan tegishli yetkazib beruvchi tashkilot balansiga begʻaraz oʻtkazish. Energetika vazirligi, “Hududiy elektr tarmoqlari” AJ 2022-yil avgust 5. Tashqi avtomobil yoʻllarini qurish, rekonstruksiya qilish va taʼmirlash. Avtomobil yoʻllari qoʻmitasi 2022-yil dekabr
Oʻzbekiston Respublikasining Bosh vaziri A. ARIPOV
Toshkent sh.,
2022-yil 20-may,
279-son