📅 2022-yil 20-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 20 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 20 мая 2022 г. · Указы Президента
Официальный текст. Официальный документ. Редакционные примечания не включены.
📅 20 May 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Доривор ўсимликлар хом ашё базасидан самарали фойдаланиш, қайта ишлашни қўллаб-қувватлаш орқали қўшимча қиймат занжирини яратиш чора-тадбирлари тўғрисида
Доривор ўсимликлар хом ашё базасидан самарали фойдаланиш, касалликларнинг олдини олиш ва даволашда доривор ўсимликларни кенг қўллаш, доривор ўсимликларнинг маданий плантацияларини барпо этаётган тадбиркорлик субъектларини қўллаб-қувватлаш орқали чуқур қайта ишлашни ташкил этиш ҳамда қўшимча қиймат занжирини яратиш мақсадида:
1. Белгилансинки:
туманлар қизилмия, заъфарон, каврак, лаванда, стевия, мойчечак, наъматак, равоч, маврак, далачой, тоғрайҳон, бўймадарон, кийик ўти, ковул, қалампир ялпиз ва бошқа доривор ўсимликлар етиштириш бўйича ҳудудлар кесимида ихтисослаштирилади. Бунда, 2022 йилдан 2026 йилгача 36 000 гектар майдонда янги доривор ўсимликлар плантациялари ташкил этилади;
яратилаётган ҳар 10 гектар ер майдонидаги доривор ўсимликларнинг маданий плантацияларига сув чиқариш учун бурғиланган қудуқ қазиш, шунингдек, дарёлар, каналлар ҳамда бошқа сув ҳавзаларидан сувни тортиш мақсадида насос станциясини қуришга сув тежовчи технологияларни қўллаш шарти билан ҳар бир метри учун 600 минг сўмдан, аммо 120 миллион сўмдан ошмайдиган миқдорда Давлат геология ва минерал ресурслар қўмитасининг тегишли далолатномасига асосан республика бюджетидан тегишинча Боғдорчилик ва иссиқхона хўжалигини ривожлантириш жамғармаси орқали субсидия ажратилади;
доривор ўсимликларни маданий плантация ташкил қилиш орқали етиштириш учун белгиланган тартибда ажратилган ер участкаларига бошқа турдаги қишлоқ хўжалиги экинларини жойлаштиришга йўл қўйилмайди;
экспортбоп доривор ўсимликлар етиштиришни кенгайтириш мақсадида, Ўзбекистон Республикаси Президентининг 2021 йил 5 августдаги «Маҳаллаларда тадбиркорликни янада қўллаб-қувватлаш ва тадбиркорлик субъектлари билан аҳоли ўртасида кооперацияни ривожлантиришнинг қўшимча чора-тадбирлари тўғрисида»ги ПҚ-5214-сон қарори 4-бандида назарда тутилган имтиёз ва молиялаштириш тартиблари доривор ўсимликларни етиштириш билан шуғулланувчи тадбиркорлик субъектларига ҳам татбиқ этилади.
2. Шундай тартиб ўрнатилсинки, унга кўра 2022 йил 1 июндан бошлаб Қишлоқ хўжалигини давлат томонидан қўллаб-қувватлаш жамғармасининг 100 миллиард сўм маблағлари ҳисобидан тижорат банклари орқали қуйидагиларга:
фермер, деҳқон хўжаликлари ва бошқа маҳсулот етиштирувчиларга — доривор ўсимликларни етиштириш учун йиллик 14 фоиз (шундан 2 фоизи банк маржаси) ставкада 6 ойлик имтиёзли давр билан 12 ой муддатга кредитлар ажратилади;
доривор ўсимликларни қайта ишловчи, сақловчи ва экспорт қилувчиларга — етиштирилган маҳсулотни харид қилишга талаб этиладиган айланма маблағларни тўлдириш учун йиллик 14 фоиз (шундан 2 фоизи банк маржаси) ставкада 12 ойлик «револьвер» кредитлар ажратилади. Бунда, ушбу кредит ҳисобидан кластер ва кооперацияларнинг тижорат банкларидан олинган бошқа кредитларини сўндиришга йўл қўйилмайди.
3. Қишлоқ хўжалиги вазирлиги (Ж.А. Ходжаев) Молия вазирлиги (Т.А. Ишметов) билан биргаликда доривор ўсимликларни чуқур қайта ишлашни (доривор ўсимликларни қайта ишлаш асосида тайёр маҳсулотлар ишлаб чиқаришни) молиялаштириш учун Жаҳон банкининг «Қишлоқ хўжалигини модернизация қилиш», «Фарғона водийсида қишлоқ тадбиркорлигини ривожлантириш» лойиҳалари ва Қишлоқ хўжалигини ривожлантириш халқаро жамғармасининг «Қишлоқ хўжалигини диверсификация ва модернизация қилиш» лойиҳаси доирасида 20 миллион АҚШ доллари миқдоридаги маблағларни тижорат банкларига ажратиш чораларини кўрсин. Бунда:
ушбу маблағлар миллий валютада йиллик 14 фоиз ставкада тижорат банкларига ресурс сифатида жойлаштирилади;
тижорат банклари 5 йиллик имтиёзли давр билан 10 йил муддатга йиллик 17 фоиз ставкада (шундан 3 фоизи банк маржаси) тижорат кредити ажратади.
Қишлоқ хўжалиги вазири Ж.А. Ходжаев, Ўрмон хўжалиги давлат қўмитаси раиси Н.Ж. Бакиров, Фармацевтика тармоғини ривожлантириш агентлиги директори С.Х. Кариев Қорақалпоғистон Республикаси Вазирлар Кенгаши Раиси, вилоят ҳокимлари билан биргаликда икки ой муддатда ҳар бир ҳудудда камида биттадан доривор ўсимликлар кластерини ташкил этиш бўйича лойиҳа таклифларини ишлаб чиқсин.
Вазирлар Маҳкамаси бир ой муддатда 2022-2023 йилларда доривор ўсимликларни қайта ишлаш бўйича амалга ошириладиган лойиҳаларнинг манзилли рўйхатини тасдиқласин.
4. Белгилансинки:
2025 йил 1 январга қадар доривор ўсимликларни етиштиришдан олган даромадлари жорий ҳисобот (солиқ) даври якунлари бўйича жами даромаднинг камида 80 фоизини ташкил этадиган тадбиркорлик субъектларидан олинадиган ер солиғи, фойда солиғи ва мол-мулк солиғи ставкалари 50 фоизга камайтирилади. Бунда, мазкур хатбошига асосан солиқлардан озод қилинадиган маблағлар доривор ўсимликлар плантацияларини кенгайтиришга йўналтирилиши шарт;
доривор ўсимликлар хом ашёсидан биологик фаол қўшимчалар, эссенциялар ва экстрактлар ишлаб чиқарувчилар томонидан ўз эҳтиёжлари учун олиб келинадиган Ўзбекистон Республикасида ишлаб чиқарилмайдиган технологик ва лаборатория ускуналари, уларнинг бутловчи ва эҳтиёт қисмлари, сэндвич-панеллар ва вентиляция тизимлари ҳамда биологик фаол қўшимчалар ишлаб чиқариш учун ишлатиладиган хом ашё ва материаллар, қадоқлаш материаллари белгиланган тартибда шакллантириладиган рўйхатлар бўйича 2025 йил 1 январга қадар божхона божидан озод қилинади;
доривор ўсимликларни етиштириш ва қайта ишлаш учун фойдаланиладиган технологик ва лаборатория ускуналари, уларнинг бутловчи ва эҳтиёт қисмлари, сэндвич-панеллар ва вентиляция тизимлари, асбоб-ускуналар, хом ашё, материаллар, кимёвий препаратлар ҳамда ҳимоя воситаларини олиб киришда қўшимча қиймат солиғини 180 кунга кечиктириб тўлаш имконияти берилади.
5. Соғлиқни сақлаш вазирлиги Фармацевтика тармоғини ривожлантириш агентлиги билан биргаликда 2022 йил 1 сентябрдан бошлаб дорихона сотув зали пештахталарининг камида 10 фоизига доривор ўсимликлар хом ашёсидан тайёрланган биологик фаол қўшимчалар ва дори воситаларини жойлаштиришни дори воситалари ва тиббий буюмларни чакана реализация қилишнинг лицензия талаблари ва шартларига киритиш чораларини кўрсин.
6. Бош прокуратура (Ш.Ж. Рахимов) ва Ҳисоб палатаси (Б.Т. Турабов) доривор ўсимликларни қайта ишлаш бўйича амалга ошириладиган лойиҳалар доирасидаги маблағларнинг мақсадли ажратилиши ва сарфланиши устидан доимий назорат ўрнатсин ҳамда ҳар ярим йилда Ўзбекистон Республикаси Президенти Администрациясига ахборот киритиб борсин.
7. Ўзбекистон Республикаси Олий Мажлис палаталарига доривор ўсимликларни табиий муҳитдан териб олишга квота ажратиш ва унинг шартларига қатъий риоя қилиниши устидан парламент ва жамоатчилик назоратини ўрнатиш тавсия этилсин.
8. Ахборот ва оммавий коммуникациялар агентлиги (А.А. Ходжаев), Ўзбекистон Миллий ахборот агентлиги (А.К. Кўчимов), Ўзбекистон Миллий телерадиокомпанияси (А.Ж. Хаджаев) Қишлоқ хўжалиги вазирлиги (Ж.А. Ходжаев), Ўзбекистон фермер, деҳқон хўжаликлари ва томорқа ер эгалари кенгаши (А.А. Хаитов) билан биргаликда оммавий ахборот воситаларида мазкур Фармоннинг мазмун-моҳиятини аҳолига тушунтиришга оид материаллар, туркум телекўрсатувлар намойиш этилишини ташкил этсин.
9. Фармацевтика тармоғини ривожлантириш агентлиги, Қишлоқ хўжалиги вазирлиги, Ипакчилик ва жун саноатини ривожлантириш қўмитаси манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур Фармоннинг ижросини ташкил қилишга масъул ва шахсий жавобгар этиб қишлоқ хўжалиги вазири Ж.А. Ходжаев, соғлиқни сақлаш вазири Б.А. Мусаев, Ўрмон хўжалиги давлат қўмитаси раиси Н.Ж. Бакиров, Ипакчилик ва жун саноатини ривожлантириш қўмитаси раиси Б.Қ. Шарипов, Ўзбекистон фермер, деҳқон хўжаликлари ва томорқа ер эгалари кенгаши раиси А.А. Хаитов белгилансин.
Фармон ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ш.М. Ғаниев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 20 май,
ПФ-139-сон
Oʻzbekiston Respublikasi Prezidentining
Farmoni
Dorivor oʻsimliklar xom ashyo bazasidan samarali foydalanish, qayta ishlashni qoʻllab-quvvatlash orqali qoʻshimcha qiymat zanjirini yaratish chora-tadbirlari toʻgʻrisida
Dorivor oʻsimliklar xom ashyo bazasidan samarali foydalanish, kasalliklarning oldini olish va davolashda dorivor oʻsimliklarni keng qoʻllash, dorivor oʻsimliklarning madaniy plantatsiyalarini barpo etayotgan tadbirkorlik subyektlarini qoʻllab-quvvatlash orqali chuqur qayta ishlashni tashkil etish hamda qoʻshimcha qiymat zanjirini yaratish maqsadida:
1. Belgilansinki:
tumanlar qizilmiya, zaʼfaron, kavrak, lavanda, steviya, moychechak, naʼmatak, ravoch, mavrak, dalachoy, togʻrayhon, boʻymadaron, kiyik oʻti, kovul, qalampir yalpiz va boshqa dorivor oʻsimliklar yetishtirish boʻyicha hududlar kesimida ixtisoslashtiriladi. Bunda, 2022-yildan 2026-yilgacha 36 000 gektar maydonda yangi dorivor oʻsimliklar plantatsiyalari tashkil etiladi;
yaratilayotgan har 10 gektar yer maydonidagi dorivor oʻsimliklarning madaniy plantatsiyalariga suv chiqarish uchun burgʻilangan quduq qazish, shuningdek, daryolar, kanallar hamda boshqa suv havzalaridan suvni tortish maqsadida nasos stansiyasini qurishga suv tejovchi texnologiyalarni qoʻllash sharti bilan har bir metri uchun 600 ming soʻmdan, ammo 120 million soʻmdan oshmaydigan miqdorda Davlat geologiya va mineral resurslar qoʻmitasining tegishli dalolatnomasiga asosan respublika budjetidan tegishincha Bogʻdorchilik va issiqxona xoʻjaligini rivojlantirish jamgʻarmasi orqali subsidiya ajratiladi;
dorivor oʻsimliklarni madaniy plantatsiya tashkil qilish orqali yetishtirish uchun belgilangan tartibda ajratilgan yer uchastkalariga boshqa turdagi qishloq xoʻjaligi ekinlarini joylashtirishga yoʻl qoʻyilmaydi;
eksportbop dorivor oʻsimliklar yetishtirishni kengaytirish maqsadida, Oʻzbekiston Respublikasi Prezidentining 2021-yil 5-avgustdagi “Mahallalarda tadbirkorlikni yanada qoʻllab-quvvatlash va tadbirkorlik subyektlari bilan aholi oʻrtasida kooperatsiyani rivojlantirishning qoʻshimcha chora-tadbirlari toʻgʻrisida”gi PQ-5214-son qarori 4-bandida nazarda tutilgan imtiyoz va moliyalashtirish tartiblari dorivor oʻsimliklarni yetishtirish bilan shugʻullanuvchi tadbirkorlik subyektlariga ham tatbiq etiladi.
2. Shunday tartib oʻrnatilsinki, unga koʻra 2022-yil 1-iyundan boshlab Qishloq xoʻjaligini davlat tomonidan qoʻllab-quvvatlash jamgʻarmasining 100 milliard soʻm mablagʻlari hisobidan tijorat banklari orqali quyidagilarga:
fermer, dehqon xoʻjaliklari va boshqa mahsulot yetishtiruvchilarga — dorivor oʻsimliklarni yetishtirish uchun yillik 14 foiz (shundan 2 foizi bank marjasi) stavkada 6 oylik imtiyozli davr bilan 12 oy muddatga kreditlar ajratiladi;
dorivor oʻsimliklarni qayta ishlovchi, saqlovchi va eksport qiluvchilarga — yetishtirilgan mahsulotni xarid qilishga talab etiladigan aylanma mablagʻlarni toʻldirish uchun yillik 14 foiz (shundan 2 foizi bank marjasi) stavkada 12 oylik “revolver” kreditlar ajratiladi. Bunda, ushbu kredit hisobidan klaster va kooperatsiyalarning tijorat banklaridan olingan boshqa kreditlarini soʻndirishga yoʻl qoʻyilmaydi.
3. Qishloq xoʻjaligi vazirligi (J.A. Xodjayev) Moliya vazirligi (T.A. Ishmetov) bilan birgalikda dorivor oʻsimliklarni chuqur qayta ishlashni (dorivor oʻsimliklarni qayta ishlash asosida tayyor mahsulotlar ishlab chiqarishni) moliyalashtirish uchun Jahon bankining “Qishloq xoʻjaligini modernizatsiya qilish”, “Fargʻona vodiysida qishloq tadbirkorligini rivojlantirish” loyihalari va Qishloq xoʻjaligini rivojlantirish xalqaro jamgʻarmasining “Qishloq xoʻjaligini diversifikatsiya va modernizatsiya qilish” loyihasi doirasida 20 million AQSh dollari miqdoridagi mablagʻlarni tijorat banklariga ajratish choralarini koʻrsin. Bunda:
ushbu mablagʻlar milliy valyutada yillik 14 foiz stavkada tijorat banklariga resurs sifatida joylashtiriladi;
tijorat banklari 5 yillik imtiyozli davr bilan 10 yil muddatga yillik 17 foiz stavkada (shundan 3 foizi bank marjasi) tijorat krediti ajratadi.
Qishloq xoʻjaligi vaziri J.A. Xodjayev, Oʻrmon xoʻjaligi davlat qoʻmitasi raisi N.J. Bakirov, Farmatsevtika tarmogʻini rivojlantirish agentligi direktori S.X. Kariyev Qoraqalpogʻiston Respublikasi Vazirlar Kengashi Raisi, viloyat hokimlari bilan birgalikda ikki oy muddatda har bir hududda kamida bittadan dorivor oʻsimliklar klasterini tashkil etish boʻyicha loyiha takliflarini ishlab chiqsin.
Vazirlar Mahkamasi bir oy muddatda 2022-2023-yillarda dorivor oʻsimliklarni qayta ishlash boʻyicha amalga oshiriladigan loyihalarning manzilli roʻyxatini tasdiqlasin.
4. Belgilansinki:
2025-yil 1-yanvarga qadar dorivor oʻsimliklarni yetishtirishdan olgan daromadlari joriy hisobot (soliq) davri yakunlari boʻyicha jami daromadning kamida 80 foizini tashkil etadigan tadbirkorlik subyektlaridan olinadigan yer soligʻi, foyda soligʻi va mol-mulk soligʻi stavkalari 50 foizga kamaytiriladi. Bunda, mazkur xatboshiga asosan soliqlardan ozod qilinadigan mablagʻlar dorivor oʻsimliklar plantatsiyalarini kengaytirishga yoʻnaltirilishi shart;
dorivor oʻsimliklar xom ashyosidan biologik faol qoʻshimchalar, essensiyalar va ekstraktlar ishlab chiqaruvchilar tomonidan oʻz ehtiyojlari uchun olib kelinadigan Oʻzbekiston Respublikasida ishlab chiqarilmaydigan texnologik va laboratoriya uskunalari, ularning butlovchi va ehtiyot qismlari, sendvich-panellar va ventilyatsiya tizimlari hamda biologik faol qoʻshimchalar ishlab chiqarish uchun ishlatiladigan xom ashyo va materiallar, qadoqlash materiallari belgilangan tartibda shakllantiriladigan roʻyxatlar boʻyicha 2025-yil 1-yanvarga qadar bojxona bojidan ozod qilinadi;
dorivor oʻsimliklarni yetishtirish va qayta ishlash uchun foydalaniladigan texnologik va laboratoriya uskunalari, ularning butlovchi va ehtiyot qismlari, sendvich-panellar va ventilyatsiya tizimlari, asbob-uskunalar, xom ashyo, materiallar, kimyoviy preparatlar hamda himoya vositalarini olib kirishda qoʻshimcha qiymat soligʻini 180 kunga kechiktirib toʻlash imkoniyati beriladi.
5. Sogʻliqni saqlash vazirligi Farmatsevtika tarmogʻini rivojlantirish agentligi bilan birgalikda 2022-yil 1-sentabrdan boshlab dorixona sotuv zali peshtaxtalarining kamida 10 foiziga dorivor oʻsimliklar xom ashyosidan tayyorlangan biologik faol qoʻshimchalar va dori vositalarini joylashtirishni dori vositalari va tibbiy buyumlarni chakana realizatsiya qilishning litsenziya talablari va shartlariga kiritish choralarini koʻrsin.
6. Bosh prokuratura (Sh.J. Raximov) va Hisob palatasi (B.T. Turabov) dorivor oʻsimliklarni qayta ishlash boʻyicha amalga oshiriladigan loyihalar doirasidagi mablagʻlarning maqsadli ajratilishi va sarflanishi ustidan doimiy nazorat oʻrnatsin hamda har yarim yilda Oʻzbekiston Respublikasi Prezidenti Administratsiyasiga axborot kiritib borsin.
7. Oʻzbekiston Respublikasi Oliy Majlis palatalariga dorivor oʻsimliklarni tabiiy muhitdan terib olishga kvota ajratish va uning shartlariga qatʼiy rioya qilinishi ustidan parlament va jamoatchilik nazoratini oʻrnatish tavsiya etilsin.
8. Axborot va ommaviy kommunikatsiyalar agentligi (A.A. Xodjayev), Oʻzbekiston Milliy axborot agentligi (A.K. Koʻchimov), Oʻzbekiston Milliy teleradiokompaniyasi (A.J. Xadjayev) Qishloq xoʻjaligi vazirligi (J.A. Xodjayev), Oʻzbekiston fermer, dehqon xoʻjaliklari va tomorqa yer egalari kengashi (A.A. Xaitov) bilan birgalikda ommaviy axborot vositalarida mazkur Farmonning mazmun-mohiyatini aholiga tushuntirishga oid materiallar, turkum telekoʻrsatuvlar namoyish etilishini tashkil etsin.
9. Farmatsevtika tarmogʻini rivojlantirish agentligi, Qishloq xoʻjaligi vazirligi, Ipakchilik va jun sanoatini rivojlantirish qoʻmitasi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur Farmonning ijrosini tashkil qilishga masʼul va shaxsiy javobgar etib qishloq xoʻjaligi vaziri J.A. Xodjayev, sogʻliqni saqlash vaziri B.A. Musayev, Oʻrmon xoʻjaligi davlat qoʻmitasi raisi N.J. Bakirov, Ipakchilik va jun sanoatini rivojlantirish qoʻmitasi raisi B.Q. Sharipov, Oʻzbekiston fermer, dehqon xoʻjaliklari va tomorqa yer egalari kengashi raisi A.A. Xaitov belgilansin.
Farmon ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 20-may,
PF-139-son
Президента Республики Узбекистан
Указ
О мерах по созданию цепочки добавленной стоимости посредством эффективного использования сырьевой базы и поддержки переработки лекарственных растений
В целях эффективного использования сырьевой базы лекарственных растений, широкого применения лекарственных растений в профилактике и лечении болезней, организации глубокой переработки путем поддержки субъектов предпринимательства, занимающихся сооружением культурных плантаций лекарственных растений, а также создания цепочки добавленной стоимости:
1. Установить, что:
районы специализируются на выращивании солодки, шафрана, ферулы, лаванды, стевии, ромашки, шиповника, ревеня, шалфея, зверобоя, душицы, тысячелистника, зизифоры, каперсов, мяты перечной и других лекарственных растений в разрезе регионов. При этом в 2022 — 2026 годах на площади 36 000 гектаров будут созданы новые плантации лекарственных растений;
в целях бурения буровых скважин для добычи воды на каждые 10 гектаров земельной площади создаваемых культурных плантаций лекарственных растений, а также строительства насосных станций для откачки воды из рек, каналов и других водоемов на основании соответствующего акта Государственного комитета по геологии и минеральным ресурсам через Фонд развития садоводства и тепличного хозяйства за счет республиканского бюджета предоставляется субсидия соответственно по 600 тысяч сумов за каждый метр, но не более 120 миллионов сумов, с условием применения водосберегающих технологий;
размещение других видов сельскохозяйственных культур на земельных участках, выделенных в установленном порядке для выращивания лекарственных растений путем создания культурных плантаций, не допускается;
в целях расширения выращивания экспортоориентированных лекарственных растений льготы и порядок финансирования, предусмотренные пунктом 4 постановления Президента Республики Узбекистан от 5 августа 2021 года № ПП-5214 «О дополнительных мерах по дальнейшей поддержке предпринимательства и развитию кооперации между субъектами предпринимательства и населением в махаллях», распространяются также на субъекты предпринимательства, занимающиеся выращиванием лекарственных растений.
2. Установить порядок, в соответствии с которым:
с 1 июня 2022 года за счет средств Фонда государственной поддержки сельского хозяйства в размере 100 миллиардов сумов через коммерческие банки выделяются:
кредиты на выращивание лекарственных растений на срок 12 месяцев, включая шестимесячный льготный период, по ставке 14 процентов годовых (включая маржу банка — 2 процента) — фермерским, дехканским хозяйствам и другим производителям продукции;
«револьверные» кредиты на пополнение оборотных средств, требуемых для закупки выращенной продукции, на срок 12 месяцев по ставке 14 процентов годовых (включая маржу банка — 2 процента) — переработчикам, хранителям и экспортерам лекарственных растений.
При этом не допускается погашение иных кредитов, полученных кластерами и кооперациями за счет указанных кредитов в коммерческих банках.
3. Министерству сельского хозяйства (Ж.А. Ходжаев) совместно с Министерством финансов (Т.А. Ишметов) в целях финансирования глубокой переработки лекарственных растений (производства готовой продукции на основе глубокой переработки лекарственных растений) принять меры по выделению коммерческим банкам средств в размере 20 миллионов долларов США в рамках проектов Всемирного банка «Модернизация сельского хозяйства» и «Развитие сельского предпринимательства в Ферганской долине», а также проекта Международного фонда сельскохозяйственного развития «Диверсификация и модернизация сельского хозяйства». При этом:
данные средства размещаются в коммерческих банках в качестве ресурсов в национальной валюте по ставке 14 процентов годовых;
коммерческие банки выделяют коммерческие кредиты на срок 10 лет, включая пятилетний льготный период, по ставке 17 процентов годовых (включая маржу банка — 3 процента).
Министру сельского хозяйства Ж.А. Ходжаеву, председателю Государственного комитета по лесному хозяйству Н.Ж. Бакирову, директору Агентства по развитию фармацевтической отрасли С.Х. Кариеву совместно с Председателем Совета Министров Республики Каракалпакстан и хокимами областей в двухмесячный срок разработать проектные предложения по созданию не менее одного кластера лекарственных растений в каждом регионе.
Кабинету Министров в месячный срок утвердить Адресный перечень проектов по переработке лекарственных растений, реализуемых в 2022-2023 годах.
4. Определить, что:
на срок до 1 января 2025 года налоговые ставки земельного налога, налога на прибыль и налога на имущество, взимаемые с субъектов предпринимательства, доходы которых от выращивания лекарственных растений по итогам текущего отчетного (налогового) периода составляют не менее 80 процентов общего дохода, уменьшаются на 50 процентов.
При этом средства, освобождаемые от налогов на основании настоящего абзаца, должны быть направлены на расширение плантаций лекарственных растений;
не производимые в Республике Узбекистан технологическое и лабораторное оборудование, их комплектующие и запасные части, сэндвич-панели и вентиляционные системы, а также сырье, материалы и упаковочные материалы, используемые для производства биологически активных добавок, ввозимые для собственных нужд производителями биологически активных добавок, эссенций и экстрактов из лекарственного растительного сырья, по перечням, формируемым в установленном порядке, освобождаются от таможенной пошлины на срок до 1 января 2025 года;
при ввозе технологического и лабораторного оборудования, их комплектующих и запасных частей, сэндвич-панелей и вентиляционных систем, инструментов и приборов, сырья, материалов, химических препаратов и средств защиты, используемых для выращивания и переработки лекарственных растений, предоставляется возможность отсрочки уплаты налога на добавленную стоимость на срок 180 дней.
5. Министерству здравоохранения совместно с Агентством по развитию фармацевтической отрасли принять меры по включению с 1 сентября 2022 года в лицензионные требования и условия розничной реализации лекарственных средств и изделий медицинского назначения условия размещения биологически активных добавок и лекарственных средств, изготовленных из лекарственного растительного сырья, минимум в 10 процентах прилавок торговых залов аптек.
6. Генеральной прокуратуре (Ш.Ж. Рахимов) и Счетной палате (Б.Т. Турабов) установить постоянный контроль за целевым выделением и использованием средств в рамках проектов реализации переработки лекарственных растений, каждые полгода вносить в Администрацию Президента Республики Узбекистан соответствующую информацию.
7. Рекомендовать палатам Олий Мажлиса Республики Узбекистан установить парламентский и общественный контроль за выделением квот на сбор лекарственных растений из природной среды и строгим соблюдением их условий.
8. Агентству информации и массовых коммуникаций (А.А. Ходжаев), Национальному информационному агентству Узбекистана (А.К. Кучимов), Национальной телерадиокомпании Узбекистана (А.Ж. Хаджаев) совместно с Министерством сельского хозяйства (Ж.А. Ходжаев) и Советом фермерских, дехканских хозяйств и владельцев приусадебных земель Узбекистана (А.А. Хаитов) организовать опубликование материалов и демонстрацию цикла телепередач по разъяснению населению сути и содержания настоящего Указа в средствах массовой информации.
9. Агентству по развитию фармацевтической отрасли, Министерству сельского хозяйства, Комитету по развитию шелководства и шерстяной промышленности совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
10. Возложить на министра сельского хозяйства Ж.А. Ходжаева, министра здравоохранения Б.А. Мусаева, председателя Государственного комитета по лесному хозяйству Н.Ж. Бакирова, председателя Комитета по развитию шелководства и шерстяной промышленности Б.К. Шарипова, председателя Совета фермерских, дехканских хозяйств и владельцев приусадебных земель Узбекистана А.А. Хаитова персональную ответственность за эффективную организацию исполнения настоящего Указа.
Ежеквартальное обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Ш.М. Ганиева.
Президент Республики Узбекистан Ш. МИРЗИЁЕВ
г. Ташкент,
20 мая 2022 г.,
№ УП-139