📅 2022-yil 25-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 25 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 25 мая 2022 г. · Указы Президента
Официальный текст. Официальный документ. Редакционные примечания не включены.
📅 25 May 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ҳисоб-китоб тизимини такомиллаштириш ва хўжалик юритувчи субъектларнинг тўлов интизомини ошириш чора-тадбирлари тўғрисида
Барча тоифадаги хўжалик юритувчи субъектлар учун тенг рақобат шароити яратилишини давом эттириш, шунингдек, ҳисоб-китоб тизимининг шаффофлигини ошириш ва хўжалик юритувчи субъектларнинг тўлов интизомини янада мустаҳкамлаш мақсадида:
1. Белгилансинки:
а) 2022 йил 15 июндан бошлаб хўжалик юритувчи субъектларнинг тижорат банкларида очилган қонунчилик ҳужжатларига мувофиқ ундирувга йўл қўйилмайдиган махсус мақсадли ҳисобварақлари (кейинги ўринларда — махсус мақсадли ҳисобварақлар) тугатилади.
Бунда, хўжалик юритувчи субъектларнинг тугатилган махсус мақсадли ҳисобварақларидаги маблағлар қолдиғи уларнинг асосий ёки иккиламчи ҳисобварақларига ўтказилади;
б) махсус мақсадли ҳисобварақлар Вазирлар Маҳкамасининг қарори асосида очилади ва ёпилади;
в) махсус мақсадли ҳисобварақларни очиш ва (ёки) ёпиш бўйича Вазирлар Маҳкамасининг қарорлари лойиҳалари Молия вазирлиги, Давлат солиқ қўмитаси ва Марказий банк билан мажбурий равишда келишилади.
2. Вазирлар Маҳкамаси икки ҳафта муддатда айрим хўжалик юритувчи субъектларга қонунчилик ҳужжатларига мувофиқ ундирувга йўл қўйилмайдиган махсус мақсадли ҳисобварақлардан вақтинча фойдаланишга рухсат бериш тўғрисидаги қарорни тасдиқласин.
3. Давлат солиқ қўмитаси манфаатдор вазирлик ва идоралар билан биргаликда бир ой муддатда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
4. Мазкур Фармоннинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 25 май,
ПФ-141-сон
Oʻzbekiston Respublikasi Prezidentining
Farmoni
Hisob-kitob tizimini takomillashtirish va xoʻjalik yurituvchi subyektlarning toʻlov intizomini oshirish chora-tadbirlari toʻgʻrisida
Barcha toifadagi xoʻjalik yurituvchi subyektlar uchun teng raqobat sharoiti yaratilishini davom ettirish, shuningdek, hisob-kitob tizimining shaffofligini oshirish va xoʻjalik yurituvchi subyektlarning toʻlov intizomini yanada mustahkamlash maqsadida:
1. Belgilansinki:
a) 2022-yil 15-iyundan boshlab xoʻjalik yurituvchi subyektlarning tijorat banklarida ochilgan qonunchilik hujjatlariga muvofiq undiruvga yoʻl qoʻyilmaydigan maxsus maqsadli hisobvaraqlari (keyingi oʻrinlarda — maxsus maqsadli hisobvaraqlar) tugatiladi.
Bunda, xoʻjalik yurituvchi subyektlarning tugatilgan maxsus maqsadli hisobvaraqlaridagi mablagʻlar qoldigʻi ularning asosiy yoki ikkilamchi hisobvaraqlariga oʻtkaziladi;
b) maxsus maqsadli hisobvaraqlar Vazirlar Mahkamasining qarori asosida ochiladi va yopiladi;
v) maxsus maqsadli hisobvaraqlarni ochish va (yoki) yopish boʻyicha Vazirlar Mahkamasining qarorlari loyihalari Moliya vazirligi, Davlat soliq qoʻmitasi va Markaziy bank bilan majburiy ravishda kelishiladi.
2. Vazirlar Mahkamasi ikki hafta muddatda ayrim xoʻjalik yurituvchi subyektlarga qonunchilik hujjatlariga muvofiq undiruvga yoʻl qoʻyilmaydigan maxsus maqsadli hisobvaraqlardan vaqtincha foydalanishga ruxsat berish toʻgʻrisidagi qarorni tasdiqlasin.
3. Davlat soliq qoʻmitasi manfaatdor vazirlik va idoralar bilan birgalikda bir oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
4. Mazkur Farmonning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 25-may,
PF-141-son
Президента Республики Узбекистан
Указ
О мерах по совершенствованию системы расчетов и повышению платежной дисциплины хозяйствующих субъектов
В целях продолжения создания равных конкурентных условий для всех категорий хозяйствующих субъектов, а также повышения прозрачности системы расчетов и дальнейшего укрепления платежной дисциплины хозяйствующих субъектов:
1. Установить, что:
а) начиная с 15 июня 2022 года закрываются открытые в коммерческих банках специальные целевые счета хозяйствующих субъектов, на которые в соответствии с актами законодательства взыскание не обращается (далее — специальные целевые счета).
При этом остаток денежных средств на закрытых специальных целевых счетах хозяйствующих субъектов подлежит зачислению на их основной или вторичный счета;
б) специальные целевые счета открываются и закрываются на основании постановления Кабинета Министров;
в) проекты постановлений Кабинета Министров, предусматривающие открытие и (или) закрытие специальных целевых счетов, в обязательном порядке согласовываются с Министерством финансов, Государственным налоговым комитетом и Центральным банком.
2. Кабинету Министров в двухнедельный срок утвердить постановление о предоставлении разрешения отдельным хозяйствующим субъектам на временное использование специальных целевых счетов, на которые в соответствии с актами законодательства взыскание не обращается.
3. Государственному налоговому комитету совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
4. Контроль за исполнением настоящего Указа возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
25 мая 2022 г.,
№ УП-141