📅 2022-yil 25-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 25 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 мая 2022 г. · Постановления Президента
Официальный текст. Официальный документ. Редакционные примечания не включены.
📅 25 May 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Аҳолининг ижтимоий ҳимояга муҳтож қатламларини манзилли қўллаб-қувватлашга оид қўшимча чора-тадбирлар тўғрисида
Аҳолининг ижтимоий ҳимояга муҳтож қатламларини, жумладан кам таъминланган болали оилаларни аниқ йўналтирилган тарзда давлат томонидан қўллаб-қувватлаш, уларнинг моддий фаровонлик даражасини ошириш, кекса авлод вакиллари манфаатларининг ҳимоя қилинишини таъминлаш, шунингдек, инсонпарварлик, меҳр-оқибат, саховат тадбирларини изчил давом эттириш мақсадида:
1. Давлат бюджети маблағлари ҳисобидан ижтимоий ҳимояга муҳтож аҳолининг қуйидаги қатламларига бир марталик моддий ёрдам кўрсатилсин:
а) ёшга доир, ногиронлик пенсияси ва нафақасини олувчиларга, болаликдан ногиронлик нафақасини ҳамда боқувчисини йўқотганлик пенсиясини ва нафақасини олувчи ҳар бир оила аъзосига ҳамда ўзгалар парваришига муҳтож ногиронлиги бўлган 18 ёшгача болаларнинг парваришлаш нафақасини олувчиларга:
Қорақалпоғистон Республикаси ва вилоятларда — 300 минг сўмдан;
Тошкент шаҳрида — 400 минг сўмдан.
Ўзбекистон Республикаси республика бюджети ҳисобидан бошқа органлар орқали пенсия олувчиларга тегишли вазирлик ва идоралар томонидан мазкур банднинг «а» кичик бандида назарда тутилган шартларда ва миқдорларда бир марталик моддий ёрдам кўрсатилади;
б) «Ижтимоий ҳимоя ягона реестри» ахборот тизими орқали кам таъминланган сифатида моддий ёрдам олувчи оилаларга ҳамда кам таъминланган сифатида болалар нафақасини олувчи оилаларнинг ҳар бир 18 ёшга тўлмаган боласига — 200 минг сўмдан.
Бир нечта тоифа бўйича бир марталик моддий ёрдам олиш ҳуқуқига эга бўлган шахсларга бир марталик моддий ёрдам ҳар бир тоифа бўйича тўлаб берилади.
2. Ўзбекистон Республикаси Вазирлар Маҳкамаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Марказий банк ва тижорат банклари мазкур қарорда белгиланган бир марталик моддий ёрдам тўловларининг икки ҳафта муддатда тўлиқ тўланишини таъминласин.
3. Молия вазирлиги бир ҳафта муддатда мазкур қарор билан боғлиқ тадбирларни молиялаштириш учун зарур бўлган маблағларни Ўзбекистон Республикасининг республика бюджетидан Пенсия жамғармасига ҳамда тегишли вазирлик ва идораларга ажратилишини таъминласин.
4. Ушбу қарорга мувофиқ кўрсатилаётган бир марталик моддий ёрдамнинг мақсадли ва манзилли етказилишини таъминлаш юзасидан қуйидагилар масъул этиб белгилансин:
Пенсия жамғармаси — бир марталик моддий ёрдам учун шакллантирилган тўлов қайдномалари бир кунда Ўзбекистон Республикаси акциядорлик тижорат Халқ банки ва бошқа тижорат банкларига етказилишини таъминлаш бўйича;
Ўзбекистон Республикаси акциядорлик тижорат Халқ банки, бошқа пенсия ва нафақа тарқатувчи тижорат банклари, Ўзбекистон Республикаси республика бюджети ҳисобидан пенсия тайинловчи вазирлик ва идоралар — тегишлилиги бўйича бир марталик моддий ёрдам пуллари эгаларига ўз вақтида манзилли етказилишини ташкил этиш бўйича;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари — бир марталик моддий ёрдамнинг ўз вақтида манзилли тарқатилишини таъминлаш ҳамда назорат қилиш юзасидан зарур чора-тадбирларни ташкил этиш бўйича;
Молия вазирлиги — зарур маблағларнинг бюджетдан ташқари Пенсия жамғармаси ҳамда пенсия тайинловчи тегишли вазирлик ва идораларга тўлиқ ва ўз вақтида ажратилиши бўйича.
Белгилансинки, уйида вақтинча бўлмаганлиги ёки бошқа сабабларга кўра бир марталик моддий ёрдам пулларини ўз вақтида ололмаган фуқаролар тўланмаган моддий ёрдам пулларини 2022 йил 1 сентябрга қадар олиш ҳуқуқига эга.
5. Қорақалпоғистон Республикаси Вазирлар Кенгаши Раиси, вилоятлар, Тошкент шаҳар, туман (шаҳар) ҳокимлари, сектор раҳбарлари:
а) «Темир дафтар»га киритилган ҳамда мазкур қарорга асосан бир марталик моддий ёрдам пулларини олмаган эҳтиёжманд оилалар рўйхатини шакллантирсин ҳамда «Саховат ва кўмак» жамғармаси маблағлари ҳисобидан ушбу оилаларнинг ҳар бир аъзосига 20 килограммдан бепул ун тарқатсин;
б) ижтимоий аҳволи оғир бўлган оилаларга «Саховат ва кўмак» жамғармаси ва бошқа манбалар ҳисобидан бепул ун тарқатишни ёки нақд пул кўринишида моддий ёрдам кўрсатиб боришни таъминласин.
Бунда, 2022 йил давомида маҳалла фуқаролар йиғинлари раислари ҳоким ёрдамчилари билан биргаликда ҳар бир маҳалла фуқаролар йиғинларида эҳтиёжманд оилаларнинг аҳволини мунтазам равишда ўрганиб боради.
6. Молия вазирлиги (Т.А. Ишметов) бир ҳафта муддатда Ўзбекистон Республикаси Вазирлар Маҳкамасининг захира жамғармаси ҳисобидан Қорақалпоғистон Республикаси ҳамда вилоятларнинг маҳаллий бюджетлари орқали ҳудудий «Саховат ва кўмак» жамғармаларига иловага мувофиқ маблағ ажратилишини таъминласин.
7. Молия вазирлиги, Иқтисодий тараққиёт ва камбағалликни қисқартириш вазирлиги Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги билан биргаликда ушбу қарор мақсади ва вазифаларини оммавий ахборот воситаларида ва Интернет тармоғида кенг ёритиш ишларини ташкил қилсин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2022 йил 25 майдаги ПҚ-258-сон қарорига ИЛОВА
Ўзбекистон Республикаси Вазирлар Маҳкамасининг захира жамғармаси ҳисобидан маҳаллий бюджетлар орқали ҳудудий «Саховат ва кўмак» жамғармаларига ажратиладиган маблағлар
Т/р Ҳудуд номи Ажратиладиган маблағ (млрд сўмда) 1. Қорақалпоғистон Республикаси 3,0 2. Андижон вилояти 3,0 3. Бухоро вилояти 3,0 4. Жиззах вилояти 3,0 5. Қашқадарё вилояти 5,0 6. Навоий вилояти 2,0 7. Наманган вилояти 3,0 8. Самарқанд вилояти 4,0 9. Сирдарё вилояти 3,0 10. Сурхондарё вилояти 4,0 11. Тошкент вилояти 3,0 12. Фарғона вилояти 4,0 13. Хоразм вилояти 3,0 Жами 43,0
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 25 май,
ПҚ-258-сон
Oʻzbekiston Respublikasi Prezidentining
Qarori
Aholining ijtimoiy himoyaga muhtoj qatlamlarini manzilli qoʻllab-quvvatlashga oid qoʻshimcha chora-tadbirlar toʻgʻrisida
Aholining ijtimoiy himoyaga muhtoj qatlamlarini, jumladan kam taʼminlangan bolali oilalarni aniq yoʻnaltirilgan tarzda davlat tomonidan qoʻllab-quvvatlash, ularning moddiy farovonlik darajasini oshirish, keksa avlod vakillari manfaatlarining himoya qilinishini taʼminlash, shuningdek, insonparvarlik, mehr-oqibat, saxovat tadbirlarini izchil davom ettirish maqsadida:
1. Davlat budjeti mablagʻlari hisobidan ijtimoiy himoyaga muhtoj aholining quyidagi qatlamlariga bir martalik moddiy yordam koʻrsatilsin:
a) yoshga doir, nogironlik pensiyasi va nafaqasini oluvchilarga, bolalikdan nogironlik nafaqasini hamda boquvchisini yoʻqotganlik pensiyasini va nafaqasini oluvchi har bir oila aʼzosiga hamda oʻzgalar parvarishiga muhtoj nogironligi boʻlgan 18 yoshgacha bolalarning parvarishlash nafaqasini oluvchilarga:
Qoraqalpogʻiston Respublikasi va viloyatlarda — 300 ming soʻmdan;
Toshkent shahrida — 400 ming soʻmdan.
Oʻzbekiston Respublikasi respublika budjeti hisobidan boshqa organlar orqali pensiya oluvchilarga tegishli vazirlik va idoralar tomonidan mazkur bandning “a” kichik bandida nazarda tutilgan shartlarda va miqdorlarda bir martalik moddiy yordam koʻrsatiladi;
b) “Ijtimoiy himoya yagona reyestri” axborot tizimi orqali kam taʼminlangan sifatida moddiy yordam oluvchi oilalarga hamda kam taʼminlangan sifatida bolalar nafaqasini oluvchi oilalarning har bir 18 yoshga toʻlmagan bolasiga — 200 ming soʻmdan.
Bir nechta toifa boʻyicha bir martalik moddiy yordam olish huquqiga ega boʻlgan shaxslarga bir martalik moddiy yordam har bir toifa boʻyicha toʻlab beriladi.
2. Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Markaziy bank va tijorat banklari mazkur qarorda belgilangan bir martalik moddiy yordam toʻlovlarining ikki hafta muddatda toʻliq toʻlanishini taʼminlasin.
3. Moliya vazirligi bir hafta muddatda mazkur qaror bilan bogʻliq tadbirlarni moliyalashtirish uchun zarur boʻlgan mablagʻlarni Oʻzbekiston Respublikasining respublika budjetidan Pensiya jamgʻarmasiga hamda tegishli vazirlik va idoralarga ajratilishini taʼminlasin.
4. Ushbu qarorga muvofiq koʻrsatilayotgan bir martalik moddiy yordamning maqsadli va manzilli yetkazilishini taʼminlash yuzasidan quyidagilar masʼul etib belgilansin:
Pensiya jamgʻarmasi — bir martalik moddiy yordam uchun shakllantirilgan toʻlov qaydnomalari bir kunda Oʻzbekiston Respublikasi aksiyadorlik tijorat Xalq banki va boshqa tijorat banklariga yetkazilishini taʼminlash boʻyicha;
Oʻzbekiston Respublikasi aksiyadorlik tijorat Xalq banki, boshqa pensiya va nafaqa tarqatuvchi tijorat banklari, Oʻzbekiston Respublikasi respublika budjeti hisobidan pensiya tayinlovchi vazirlik va idoralar — tegishliligi boʻyicha bir martalik moddiy yordam pullari egalariga oʻz vaqtida manzilli yetkazilishini tashkil etish boʻyicha;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari — bir martalik moddiy yordamning oʻz vaqtida manzilli tarqatilishini taʼminlash hamda nazorat qilish yuzasidan zarur chora-tadbirlarni tashkil etish boʻyicha;
Moliya vazirligi — zarur mablagʻlarning budjetdan tashqari Pensiya jamgʻarmasi hamda pensiya tayinlovchi tegishli vazirlik va idoralarga toʻliq va oʻz vaqtida ajratilishi boʻyicha.
Belgilansinki, uyida vaqtincha boʻlmaganligi yoki boshqa sabablarga koʻra bir martalik moddiy yordam pullarini oʻz vaqtida ololmagan fuqarolar toʻlanmagan moddiy yordam pullarini 2022-yil 1-sentabrga qadar olish huquqiga ega.
5. Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tuman (shahar) hokimlari, sektor rahbarlari:
a) “Temir daftar”ga kiritilgan hamda mazkur qarorga asosan bir martalik moddiy yordam pullarini olmagan ehtiyojmand oilalar roʻyxatini shakllantirsin hamda “Saxovat va koʻmak” jamgʻarmasi mablagʻlari hisobidan ushbu oilalarning har bir aʼzosiga 20 kilogrammdan bepul un tarqatsin;
b) ijtimoiy ahvoli ogʻir boʻlgan oilalarga “Saxovat va koʻmak” jamgʻarmasi va boshqa manbalar hisobidan bepul un tarqatishni yoki naqd pul koʻrinishida moddiy yordam koʻrsatib borishni taʼminlasin.
Bunda, 2022-yil davomida mahalla fuqarolar yigʻinlari raislari hokim yordamchilari bilan birgalikda har bir mahalla fuqarolar yigʻinlarida ehtiyojmand oilalarning ahvolini muntazam ravishda oʻrganib boradi.
6. Moliya vazirligi (T.A. Ishmetov) bir hafta muddatda Oʻzbekiston Respublikasi Vazirlar Mahkamasining zaxira jamgʻarmasi hisobidan Qoraqalpogʻiston Respublikasi hamda viloyatlarning mahalliy budjetlari orqali hududiy “Saxovat va koʻmak” jamgʻarmalariga ilovaga muvofiq mablagʻ ajratilishini taʼminlasin.
7. Moliya vazirligi, Iqtisodiy taraqqiyot va kambagʻallikni qisqartirish vazirligi Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi bilan birgalikda ushbu qaror maqsadi va vazifalarini ommaviy axborot vositalarida va Internet tarmogʻida keng yoritish ishlarini tashkil qilsin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2022-yil 25-maydagi PQ-258-son qaroriga ILOVA
Oʻzbekiston Respublikasi Vazirlar Mahkamasining zaxira jamgʻarmasi hisobidan mahalliy budjetlar orqali hududiy “Saxovat va koʻmak” jamgʻarmalariga ajratiladigan mablagʻlar
T/r Hudud nomi Ajratiladigan mablagʻ (mlrd soʻmda) 1. Qoraqalpogʻiston Respublikasi 3,0 2. Andijon viloyati 3,0 3. Buxoro viloyati 3,0 4. Jizzax viloyati 3,0 5. Qashqadaryo viloyati 5,0 6. Navoiy viloyati 2,0 7. Namangan viloyati 3,0 8. Samarqand viloyati 4,0 9. Sirdaryo viloyati 3,0 10. Surxondaryo viloyati 4,0 11. Toshkent viloyati 3,0 12. Fargʻona viloyati 4,0 13. Xorazm viloyati 3,0 Jami 43,0
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 25-may,
PQ-258-son
Президента Республики Узбекистан
Постановление
О дополнительных мерах по адресной поддержке нуждающихся в социальной защите слоев населения
В целях государственной адресной поддержки нуждающихся в социальной защите слоев населения, в том числе малообеспеченных семей с детьми, повышения уровня их материального благосостояния, обеспечения защиты интересов представителей старшего поколения, а также последовательного продолжения мероприятий в духе гуманизма, щедрости и милосердия:
1. Оказать единовременную материальную помощь нижеследующим слоям населения, нуждающимся в социальной защите, за счет средств Государственного бюджета:
а) получателям пенсии и пособия по возрасту, пенсии и пособия по инвалидности, пособия инвалида с детства, каждому члену семьи получателя пенсии и пособия по случаю потери кормильца, а также получателям пособия по уходу за ребенком-инвалидом в возрасте до 18 лет, нуждающимся в постороннем уходе:
в Республике Каракалпакстан и областях — по 300 тысяч сумов;
в городе Ташкенте — по 400 тысяч сумов.
Получателям пенсий за счет республиканского бюджета Республики Узбекистан, назначенных иными органами, единовременная материальная помощь оказывается соответствующими министерствами и ведомствами на условиях и в размерах, предусмотренных подпунктом «а» настоящего пункта;
б) семьям, получающим материальную помощь в качестве малообеспеченных, а также каждому ребенку до 18 лет из семей, получающих детское пособие в качестве малообеспеченных, назначенные посредством информационной системы «Единый реестр социальной защиты», — по 200 тысяч сумов.
Лицам, имеющим право на получение единовременной материальной помощи по нескольким категориям, единовременная материальная помощь выплачивается по каждой категории.
2. Кабинету Министров Республики Узбекистан, Совету Министров Республики Каракалпакстан, хокимиятам областей и города Ташкента, Центральному банку и коммерческим банкам в двухнедельный срок обеспечить полную выплату платежей единовременной материальной помощи, определенных настоящим постановлением.
3. Министерству финансов в недельный срок обеспечить выделение Пенсионному фонду, соответствующим министерствам и ведомствам средств, необходимых для финансирования мероприятий, связанных с настоящим постановлением, из республиканского бюджета Республики Узбекистан.
4. Возложить ответственность за обеспечение целевой и адресной доставки единовременной материальной помощи, оказываемой в соответствии с настоящим постановлением, на:
Пенсионный фонд — за обеспечение доставки платежных ведомостей, сформированных для выплаты единовременной материальной помощи, Акционерно-коммерческому Народному банку Республики Узбекистан и другим коммерческим банкам в течение одного дня;
Акционерно-коммерческий Народный банк Республики Узбекистан, другие коммерческие банки, выплачивающие пенсии и пособия, а также министерства и ведомства, назначающие пенсии за счет республиканского бюджета Республики Узбекистан, — за организацию своевременной доставки получателям денежных средств единовременной материальной помощи по подведомственности;
Совет Министров Республики Каракалпакстан, хокимияты областей и города Ташкента — за организацию необходимых мер по обеспечению и контролю за своевременной адресной выплатой единовременной материальной помощи;
Министерство финансов — за полное и своевременное выделение необходимых средств внебюджетному Пенсионному фонду, а также назначающим пенсии соответствующим министерствам и ведомствам.
Установить, что граждане, своевременно не получившие денежные средства единовременной материальной помощи по причине временного отсутствия по адресу постоянного проживания или иным обстоятельствам, имеют право получения невыплаченных денежных средств материальной помощи до 1 сентября 2022 года.
5. Председателю Совета Министров Республики Каракалпакстан, хокимам областей, города Ташкента, районов (городов) и руководителям секторов:
а) сформировать список нуждающихся семей, включенных в «Железную тетрадь», не получивших денежные средства единовременной материальной помощи на основании настоящего постановления, предоставить по 20 килограммов муки каждому члену данных семей на безвозмездной основе за счет средств Фонда «Доброта и поддержка»;
б) обеспечить регулярное предоставление муки на безвозмездной основе либо оказание материальной помощи в форме наличных денежных средств семьям, находящимся в тяжелом социальном положении, за счет Фонда «Доброта и поддержка» и иных источников.
При этом в течение 2022 года совместно с председателями махаллинских сходов граждан и помощниками хокимов проводить изучение состояния нуждающихся семей в каждом махаллинском сходе граждан на постоянной основе.
6. Министерству финансов (Т.А. Ишметов) в недельный срок обеспечить выделение средств из резервного фонда Кабинета Министров Республики Узбекистан территориальным подразделениям Фонда «Доброта и поддержка» посредством местных бюджетов Республики Каракалпакстан и областей согласно приложению .
7. Министерству финансов и Министерству экономического развития и сокращения бедности совместно с Национальным информационным агентством Узбекистана, Национальной телерадиокомпанией Узбекистана и Агентством информации и массовых коммуникаций организовать работу по широкому освещению целей и задач настоящего постановления в средствах массовой информации и сети Интернет.
8. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 25 мая 2022 года № ПП-258
Средства, выделяемые территориальным подразделениям Фонда «Доброта и поддержка» из резервного фонда Кабинета Министров Республики Узбекистан посредством местных бюджетов
№ Наименование регионов Выделяемые средства (млрд сумов) 1. Республика Каракалпакстан 3,0 2. Андижанская область 3,0 3. Бухарская область 3,0 4. Джизакская область 3,0 5. Кашкадарьинская область 5,0 6. Навоийская область 2,0 7. Наманганская область 3,0 8. Самаркандская область 4,0 9. Сырдарьинская область 3,0 10. Сурхандарьинская область 4,0 11. Ташкентская область 3,0 12. Ферганская область 4,0 13. Хорезмская область 3,0 Всего 43,0
Президент Республики Узбекистан Ш. МИРЗИЁЕВ
г. Ташкент,
25 мая 2022 г.,
№ ПП-258