📅 2022-yil 28-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 28 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 мая 2022 г. · Постановления Президента
Официальный текст. Официальный документ. Редакционные примечания не включены.
📅 28 May 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Ғаллани етиштириш ва сотишда бозор тамойилини жорий этишнинг қўшимча чора-тадбирлари тўғрисида
Фермер хўжаликлари ва ғаллачилик кластерларининг моддий манфаатдорлигини ошириш, ички бозорни буғдой ва ун маҳсулотлари билан узлуксиз таъминлаш, ғаллани давлат эҳтиёжлари учун зарур ҳажмдан ортиқ харид қилишдан воз кечиш орқали соҳанинг инвестициявий жозибадорлигини ошириш мақсадида:
1. Қишлоқ хўжалиги вазирлиги, Қорақалпоғистон Республикаси Вазирлар Кенгаши ва вилоятлар ҳокимликларининг 2022 йил ҳосилидан суғориладиган майдонларнинг ҳар гектаридан ўртача 2,5 тоннадан жами 2 550 минг тонна буғдойнинг:
1 783,5 минг тоннасини товар буғдой давлат ресурси сифатида ҳамда 266,5 минг тоннасини уруғлик учун Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси (кейинги ўринларда — Жамғарма) маблағлари ҳисобидан харид қилиш;
500 минг тоннасини фермер хўжаликлари ҳамда бошқа ғалла етиштирувчилар (кейинги ўринларда — буғдой етиштирувчилар) томонидан кейинчалик биржа савдоларида сотиш учун Жамғарманинг тижорат вакилида вақтинчалик сақлашга қабул қилиш тўғрисидаги таклифлари маъқуллансин.
2. Белгилаб қўйилсинки, 2022 йил ҳосили учун:
а) «Ўздонмаҳсулот» АК тизимидаги корхоналар товар буғдойни Жамғарма номидан буғдой етиштирувчилардан сотиб олиш, сақлаш, шунингдек, харидорларга жўнатиш тадбирларини амалга ошириш бўйича тижорат вакили ҳисобланади;
б) давлат ресурсларига харид қилинган товар буғдой учун тўловлар буғдой етиштирувчиларга тижорат вакили томонидан Жамғарма маблағлари ҳисобидан қуйидаги босқичларда амалда оширилади:
дастлабки босқичда — Вазирлар Маҳкамаси томонидан белгиланадиган нархларда;
кейинги босқичда — биржада шаклланган ўртача нархдан (ўртача котировкадан) келиб чиқиб, буғдой етиштирувчилар билан тўлиқ қайта ҳисоб-китоб қилинади;
в) буғдой етиштирувчилардан тижорат вакилида вақтинчалик сақлаш учун қабул қилинган товар буғдой 2022 йилнинг июль-август ойларида биржа савдолари орқали сотилади. Бунда:
буғдойни ташиш (шу жумладан ички ташиш), қабул қилиш, сақлаш ва харидорларга жўнатиш харажатлари тижорат вакили ва буғдой етиштирувчилар ўртасида тузилган шартнома шартларидан келиб чиқиб, Жамғарма маблағлари ҳисобидан қопланади;
буғдойни қабул қилиш, сақлаш ва харидорларга жўнатиш жараёнида юзага келадиган табиий камайиш миқдори Вазирлар Маҳкамаси томонидан тасдиқланган тартиб асосида ҳисобдан чиқарилади;
буғдойнинг сифати ва сақланиши бўйича назорат Вазирлар Маҳкамаси ҳузуридаги Агросаноат мажмуи устидан назорат қилиш инспекцияси томонидан амалга оширилади.
3. Шундай тартиб ўрнатилсинки, унга кўра Жамғарма маблағлари ҳисобидан харид қилинган ва буғдой етиштирувчилардан вақтинчалик сақлаш учун қабул қилинган:
3 ва ундан юқори синфлардаги буғдой — мулкчилик шаклидан қатъи назар, биржадан харид қилинган буғдойнинг 75 фоизидан кам бўлмаган миқдордаги унни биржа савдолари орқали сотиш мажбуриятини олган, ун ишлаб чиқариш қувватларига эга бўлган тадбиркорлик субъектларига;
4- ва 5-синфлардаги буғдой — барча тадбиркорлик субъектларига Вазирлар Маҳкамаси томонидан тасдиқланган график асосида биржа савдолари орқали ҳеч қандай чекловларсиз сотилади.
Вазирлар Маҳкамасига Иқтисодий тараққиёт ва камбағалликни қисқартириш вазирлигининг манфаатдор вазирлик ва идоралар билан келишилган таклифи асосида мазкур бандда назарда тутилган тартибга ўзгартириш ва қўшимчалар киритиш ваколати берилсин.
Иқтисодий тараққиёт ва камбағалликни қисқартириш вазирлиги 2023 йил 1 майга қадар Вазирлар Маҳкамасига мазкур бандда назарда тутилган тартибни 2023 йил ҳосили учун сақлаб қолиш ёки биржа савдоларини чекловларсиз ташкил этиш юзасидан таклиф киритсин.
4. Молия вазирлиги «Ўздонмаҳсулот» АК тизимидаги корхоналарга биржадан буғдой сотиб олиш учун револьвер кредитларни молиялаштириш мақсадида Жамғарма маблағлари ҳисобидан 800 млрд сўмгача тижорат банкларига Марказий банкнинг асосий ставкасида ресурс жойлаштирилишини таъминласин.
4 1 . Жамғарма 2022 йил 1 июндан бошлаб тўлақонли қўшилган қиймат солиғи тўловчиси сифатида эътироф этилсин.
5. Адлия вазирлиги манфаатдор вазирлик ва идоралар билан биргаликда бир ҳафта муддатда буғдой етиштирувчилар томонидан етиштирилган буғдойни харид қилиш, вақтинчалик сақлашга қабул қилиш бўйича, Жамғарма ва тижорат вакили ўртасида тузиладиган шартномаларнинг намунавий лойиҳаларини ишлаб чиқсин ҳамда амалиётга жорий этилишини таъминласин.
6. Қорақалпоғистон Республикаси Вазирлар Кенгаши ва вилоятлар ҳокимликларининг олис, бориш қийин бўлган ва тоғли ҳудудларга ун ва ун маҳсулотларини етказиб бериш бўйича транспорт харажатларининг 50 фоизидан ошмаган қисмини маҳаллий бюджетларнинг қўшимча манбалари ҳисобидан қоплаш тўғрисидаги таклифига розилик берилсин.
7. Жамғарма томонидан харид қилинадиган ва биржа савдолари орқали сотиладиган буғдойнинг ҳисобини юритиш, харидорлар билан ўзаро ҳисоб-китобларни амалга ошириш мақсадида Бандлик ва меҳнат муносабатлари вазирлиги ҳудудий бошқармаларидаги мавжуд штат бирликларини қисқартириш ҳисобига Жамғармага қўшимча 6 та штат бирлиги ажратилсин.
8. Ғаллани сотиб олиш ва сотишда янги тизим шаффофлиги, тўлақонли ва адолатли ишлаб кетишини ҳамда буғдой етиштирувчилар манфаатдорлигини таъминлаш, ички бозорда ун ва дон маҳсулотлари нархининг ўсиши ва тақчиллигининг олдини олиш бўйича Республика штаби иловага мувофиқ таркибда ташкил этилсин.
Қуйидагилар Республика штабининг (Н. Йўлдошев) асосий вазифалари этиб белгилансин:
буғдойни етиштириш, қайта ишлаш, сақлаш, реализация қилиш ва бошоқли дон экинлари етиштирилишини молиялаштириш устидан назорат механизмини такомиллаштириш бўйича таклиф тайёрлаш;
ғаллани ўз вақтида йиғиштириб олиш, даладан дон қабул қилиш шохобчаларига нест-нобуд қилмасдан олиб келиш ва график асосида биржа савдоларига чиқариш ишларини ташкил этиш;
тақчилликка йўл қўймаслик ва нархлар барқарорлигини таъминлаш мақсадида ҳудуддаги истеъмол талаби учун зарур бўлган ун ва ун маҳсулотларини республиканинг бошқа ҳудудларидан ва четдан олиб келиш ҳамда «Ўздонмаҳсулот» АК тизимидаги корхоналарнинг ишлаб чиқариш ҳажмлари сақлаб қолинишини назорат қилиш;
ғаллани тасдиқланган график асосида биржа савдоларига чиқариш ҳамда тўловларнинг амалга оширилиши устидан кунлик назорат ўрнатиш;
ғаллани сотиб олиш ва сотиш бўйича янги тизим шаффофлиги, тўлақонли ва адолатли ишлаб кетишини ҳамда буғдой етиштирувчилар манфаатдорлигини таъминлаш.
10. Вазирлар Маҳкамаси бир ҳафта муддатда мазкур қарорда белгиланган вазифалар ижросини назарда тутувчи қарорни ишлаб чиқсин.
11. Молия вазирлиги икки ой муддатда манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини самарали ташкил қилишга масъул ва шахсий жавобгар этиб, қишлоқ хўжалиги вазири Ж. Ходжаев, молия вазири Т. Ишметов, Қорақалпоғистон Республикаси Вазирлар Кенгаши Раиси ва вилоятлар ҳокимлари белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва Ш.М. Ғаниев зиммасига юклансин.
Ўзбекистон Республикаси Президентининг 2022 йил 28 майдаги ПҚ-262-сон қарорига ИЛОВА
Ғаллани сотиб олиш ва сотишда янги тизим шаффофлиги, тўлақонли ва адолатли ишлаб кетишини ҳамда буғдой етиштирувчилар манфаатдорлигини таъминлаш, ички бозорда ун ва дон маҳсулотлари нархининг ўсиши ва тақчиллигининг олдини олиш бўйича Республика штаби
1. Н.Т. Йўлдошев — Бош прокурор, Республика штаби раҳбари 2. Ж.А. Қўчқоров — Бош вазир ўринбосари, Республика штаби раҳбарининг ўринбосари 3. Ш.М. Ғаниев — Бош вазир ўринбосари, Республика штаби раҳбарининг ўринбосари 4. Б.Т. Турабов — Ҳисоб палатаси раисининг биринчи ўринбосари 5. Ж.А. Ходжаев — қишлоқ хўжалиги вазири 6. Т.А. Ишметов — молия вазири 7. П.Р. Бобожонов — ички ишлар вазири 8. Р.М. Джураев — Миллий гвардия қўмондони 9. Ш.Д. Қудбиев — Давлат солиқ қўмитаси раиси 10. И.И. Норқулов — иқтисодий тараққиёт ва камбағалликни қисқартириш вазирининг биринчи ўринбосари 11. А.Я. Ҳайдаров — молия вазири ўринбосари 12. А.В. Ваҳобов — Агросаноат мажмуи устидан назорат қилиш инспекцияси бошлиғи 13. А.Ж. Ортиқов — Давлат активларини бошқариш агентлиги директори 14. Ш.Ш. Шарахмедов — Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси 15. Б.Э. Зохидов — Марказий банк раисининг биринчи ўринбосари 16. С.А. Нишанбаев — ички ишлар вазирининг ўринбосари 17. Ш.Ж. Рахимов — Бош прокурорнинг ўринбосари 18. Д.Ф. Рахимов — Бош прокуратура ҳузуридаги Иқтисодий жиноятларга қарши курашиш департаменти бошлиғи 19. А.А. Исроилов — Қишлоқ хўжалигини давлат томонидан қўллаб-қувватлаш жамғармаси директори 20. З.Б. Бадриддинов — «ЎзРТХБ» АЖ бошқаруви раиси 21. Ш.А. Узаков — «Ўздонмаҳсулот» АК бошқаруви раиси в.б. 22. Лавозимига кўра — Республика тижорат банклари раҳбарлари 23. Лавозимига кўра — Қорақалпоғистон Республикаси Вазирлар Кенгаши Раиси ва вилоятлар ҳокимлари 24. Лавозимига кўра — Қорақалпоғистон Республикаси ва вилоятлар прокурорлари
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 28 май,
ПҚ-262-сон
Oʻzbekiston Respublikasi Prezidentining
Qarori
TARKIBI
Gʻallani yetishtirish va sotishda bozor tamoyilini joriy etishning qoʻshimcha chora-tadbirlari toʻgʻrisida
Fermer xoʻjaliklari va gʻallachilik klasterlarining moddiy manfaatdorligini oshirish, ichki bozorni bugʻdoy va un mahsulotlari bilan uzluksiz taʼminlash, gʻallani davlat ehtiyojlari uchun zarur hajmdan ortiq xarid qilishdan voz kechish orqali sohaning investitsiyaviy jozibadorligini oshirish maqsadida:
1. Qishloq xoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklarining 2022-yil hosilidan sugʻoriladigan maydonlarning har gektaridan oʻrtacha 2,5 tonnadan jami 2 550 ming tonna bugʻdoyning:
1 783,5 ming tonnasini tovar bugʻdoy davlat resursi sifatida hamda 266,5 ming tonnasini urugʻlik uchun Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan xarid qilish;
500 ming tonnasini fermer xoʻjaliklari hamda boshqa gʻalla yetishtiruvchilar (keyingi oʻrinlarda — bugʻdoy yetishtiruvchilar) tomonidan keyinchalik birja savdolarida sotish uchun Jamgʻarmaning tijorat vakilida vaqtinchalik saqlashga qabul qilish toʻgʻrisidagi takliflari maʼqullansin.
2. Belgilab qoʻyilsinki, 2022-yil hosili uchun:
a) “Oʻzdonmahsulot” AK tizimidagi korxonalar tovar bugʻdoyni Jamgʻarma nomidan bugʻdoy yetishtiruvchilardan sotib olish, saqlash, shuningdek, xaridorlarga joʻnatish tadbirlarini amalga oshirish boʻyicha tijorat vakili hisoblanadi;
b) davlat resurslariga xarid qilingan tovar bugʻdoy uchun toʻlovlar bugʻdoy yetishtiruvchilarga tijorat vakili tomonidan Jamgʻarma mablagʻlari hisobidan quyidagi bosqichlarda amalda oshiriladi:
dastlabki bosqichda — Vazirlar Mahkamasi tomonidan belgilanadigan narxlarda;
keyingi bosqichda — birjada shakllangan oʻrtacha narxdan (oʻrtacha kotirovkadan) kelib chiqib, bugʻdoy yetishtiruvchilar bilan toʻliq qayta hisob-kitob qilinadi;
v) bugʻdoy yetishtiruvchilardan tijorat vakilida vaqtinchalik saqlash uchun qabul qilingan tovar bugʻdoy 2022-yilning iyul-avgust oylarida birja savdolari orqali sotiladi. Bunda:
bugʻdoyni tashish (shu jumladan ichki tashish), qabul qilish, saqlash va xaridorlarga joʻnatish xarajatlari tijorat vakili va bugʻdoy yetishtiruvchilar oʻrtasida tuzilgan shartnoma shartlaridan kelib chiqib, Jamgʻarma mablagʻlari hisobidan qoplanadi;
bugʻdoyni qabul qilish, saqlash va xaridorlarga joʻnatish jarayonida yuzaga keladigan tabiiy kamayish miqdori Vazirlar Mahkamasi tomonidan tasdiqlangan tartib asosida hisobdan chiqariladi;
bugʻdoyning sifati va saqlanishi boʻyicha nazorat Vazirlar Mahkamasi huzuridagi Agrosanoat majmui ustidan nazorat qilish inspeksiyasi tomonidan amalga oshiriladi.
3. Shunday tartib oʻrnatilsinki, unga koʻra Jamgʻarma mablagʻlari hisobidan xarid qilingan va bugʻdoy yetishtiruvchilardan vaqtinchalik saqlash uchun qabul qilingan:
3 va undan yuqori sinflardagi bugʻdoy — mulkchilik shaklidan qatʼi nazar, birjadan xarid qilingan bugʻdoyning 75 foizidan kam boʻlmagan miqdordagi unni birja savdolari orqali sotish majburiyatini olgan, un ishlab chiqarish quvvatlariga ega boʻlgan tadbirkorlik subyektlariga;
4- va 5-sinflardagi bugʻdoy — barcha tadbirkorlik subyektlariga Vazirlar Mahkamasi tomonidan tasdiqlangan grafik asosida birja savdolari orqali hech qanday cheklovlarsiz sotiladi.
Vazirlar Mahkamasiga Iqtisodiy taraqqiyot va kambagʻallikni qisqartirish vazirligining manfaatdor vazirlik va idoralar bilan kelishilgan taklifi asosida mazkur bandda nazarda tutilgan tartibga oʻzgartirish va qoʻshimchalar kiritish vakolati berilsin.
Iqtisodiy taraqqiyot va kambagʻallikni qisqartirish vazirligi 2023-yil 1-mayga qadar Vazirlar Mahkamasiga mazkur bandda nazarda tutilgan tartibni 2023-yil hosili uchun saqlab qolish yoki birja savdolarini cheklovlarsiz tashkil etish yuzasidan taklif kiritsin.
4. Moliya vazirligi “Oʻzdonmahsulot” AK tizimidagi korxonalarga birjadan bugʻdoy sotib olish uchun revolver kreditlarni moliyalashtirish maqsadida Jamgʻarma mablagʻlari hisobidan 800 mlrd soʻmgacha tijorat banklariga Markaziy bankning asosiy stavkasida resurs joylashtirilishini taʼminlasin.
4 1 . Jamgʻarma 2022-yil 1-iyundan boshlab toʻlaqonli qoʻshilgan qiymat soligʻi toʻlovchisi sifatida eʼtirof etilsin.
5. Adliya vazirligi manfaatdor vazirlik va idoralar bilan birgalikda bir hafta muddatda bugʻdoy yetishtiruvchilar tomonidan yetishtirilgan bugʻdoyni xarid qilish, vaqtinchalik saqlashga qabul qilish boʻyicha, Jamgʻarma va tijorat vakili oʻrtasida tuziladigan shartnomalarning namunaviy loyihalarini ishlab chiqsin hamda amaliyotga joriy etilishini taʼminlasin.
6. Qoraqalpogʻiston Respublikasi Vazirlar Kengashi va viloyatlar hokimliklarining olis, borish qiyin boʻlgan va togʻli hududlarga un va un mahsulotlarini yetkazib berish boʻyicha transport xarajatlarining 50 foizidan oshmagan qismini mahalliy budjetlarning qoʻshimcha manbalari hisobidan qoplash toʻgʻrisidagi taklifiga rozilik berilsin.
7. Jamgʻarma tomonidan xarid qilinadigan va birja savdolari orqali sotiladigan bugʻdoyning hisobini yuritish, xaridorlar bilan oʻzaro hisob-kitoblarni amalga oshirish maqsadida Bandlik va mehnat munosabatlari vazirligi hududiy boshqarmalaridagi mavjud shtat birliklarini qisqartirish hisobiga Jamgʻarmaga qoʻshimcha 6 ta shtat birligi ajratilsin.
8. Gʻallani sotib olish va sotishda yangi tizim shaffofligi, toʻlaqonli va adolatli ishlab ketishini hamda bugʻdoy yetishtiruvchilar manfaatdorligini taʼminlash, ichki bozorda un va don mahsulotlari narxining oʻsishi va taqchilligining oldini olish boʻyicha Respublika shtabi ilovaga muvofiq tarkibda tashkil etilsin.
Quyidagilar Respublika shtabining (N. Yoʻldoshev) asosiy vazifalari etib belgilansin:
bugʻdoyni yetishtirish, qayta ishlash, saqlash, realizatsiya qilish va boshoqli don ekinlari yetishtirilishini moliyalashtirish ustidan nazorat mexanizmini takomillashtirish boʻyicha taklif tayyorlash;
gʻallani oʻz vaqtida yigʻishtirib olish, daladan don qabul qilish shoxobchalariga nest-nobud qilmasdan olib kelish va grafik asosida birja savdolariga chiqarish ishlarini tashkil etish;
taqchillikka yoʻl qoʻymaslik va narxlar barqarorligini taʼminlash maqsadida hududdagi isteʼmol talabi uchun zarur boʻlgan un va un mahsulotlarini respublikaning boshqa hududlaridan va chetdan olib kelish hamda “Oʻzdonmahsulot” AK tizimidagi korxonalarning ishlab chiqarish hajmlari saqlab qolinishini nazorat qilish;
gʻallani tasdiqlangan grafik asosida birja savdolariga chiqarish hamda toʻlovlarning amalga oshirilishi ustidan kunlik nazorat oʻrnatish;
gʻallani sotib olish va sotish boʻyicha yangi tizim shaffofligi, toʻlaqonli va adolatli ishlab ketishini hamda bugʻdoy yetishtiruvchilar manfaatdorligini taʼminlash.
10. Vazirlar Mahkamasi bir hafta muddatda mazkur qarorda belgilangan vazifalar ijrosini nazarda tutuvchi qarorni ishlab chiqsin.
11. Moliya vazirligi ikki oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini samarali tashkil qilishga masʼul va shaxsiy javobgar etib, qishloq xoʻjaligi vaziri J. Xodjayev, moliya vaziri T. Ishmetov, Qoraqalpogʻiston Respublikasi Vazirlar Kengashi Raisi va viloyatlar hokimlari belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va Sh.M. Gʻaniyev zimmasiga yuklansin.
Oʻzbekiston Respublikasi Prezidentining 2022-yil 28-maydagi PQ-262-son qaroriga ILOVA
Gʻallani sotib olish va sotishda yangi tizim shaffofligi, toʻlaqonli va adolatli ishlab ketishini hamda bugʻdoy yetishtiruvchilar manfaatdorligini taʼminlash, ichki bozorda un va don mahsulotlari narxining oʻsishi va taqchilligining oldini olish boʻyicha Respublika shtabi
1. N.T. Yoʻldoshev — Bosh prokuror, Respublika shtabi rahbari 2. J.A. Qoʻchqorov — Bosh vazir oʻrinbosari, Respublika shtabi rahbarining oʻrinbosari 3. Sh.M. Gʻaniyev — Bosh vazir oʻrinbosari, Respublika shtabi rahbarining oʻrinbosari 4. B.T. Turabov — Hisob palatasi raisining birinchi oʻrinbosari 5. J.A. Xodjayev — qishloq xoʻjaligi vaziri 6. T.A. Ishmetov — moliya vaziri 7. P.R. Bobojonov — ichki ishlar vaziri 8. R.M. Djurayev — Milliy gvardiya qoʻmondoni 9. Sh.D. Qudbiyev — Davlat soliq qoʻmitasi raisi 10. I.I. Norqulov — iqtisodiy taraqqiyot va kambagʻallikni qisqartirish vazirining birinchi oʻrinbosari 11. A.Ya. Haydarov — moliya vaziri oʻrinbosari 12. A.V. Vahobov — Agrosanoat majmui ustidan nazorat qilish inspeksiyasi boshligʻi 13. A.J. Ortiqov — Davlat aktivlarini boshqarish agentligi direktori 14. Sh.Sh. Sharaxmedov — Raqobatni rivojlantirish va isteʼmolchilar huquqlarini himoya qilish qoʻmitasi raisi 15. B.E. Zoxidov — Markaziy bank raisining birinchi oʻrinbosari 16. S.A. Nishanbayev — ichki ishlar vazirining oʻrinbosari 17. Sh.J. Raximov — Bosh prokurorning oʻrinbosari 18. D.F. Raximov — Bosh prokuratura huzuridagi Iqtisodiy jinoyatlarga qarshi kurashish departamenti boshligʻi 19. A.A. Isroilov — Qishloq xoʻjaligini davlat tomonidan qoʻllab-quvvatlash jamgʻarmasi direktori 20. Z.B. Badriddinov — “OʻzRTXB” AJ boshqaruvi raisi 21. Sh.A. Uzakov — “Oʻzdonmahsulot” AK boshqaruvi raisi v.b. 22. Lavozimiga koʻra — Respublika tijorat banklari rahbarlari 23. Lavozimiga koʻra — Qoraqalpogʻiston Respublikasi Vazirlar Kengashi Raisi va viloyatlar hokimlari 24. Lavozimiga koʻra — Qoraqalpogʻiston Respublikasi va viloyatlar prokurorlari
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 28-may,
PQ-262-son
Президента Республики Узбекистан
Постановление
СОСТАВ
О дополнительных мерах по внедрению рыночного принципа при выращивании и реализации зерна
В целях повышения материальной заинтересованности фермерских хозяйств и зерновых кластеров, бесперебойного обеспечения внутреннего рынка пшеницей и мучной продукцией, повышения инвестиционной привлекательности отрасли за счет отказа от закупки сверх необходимого количества зерна для государственных нужд:
1. Одобрить предложения Министерства сельского хозяйства, Совета Министров Республики Каракалпакстан и хокимиятов областей о производстве в общей сложности 2 550 тысяч тонн пшеницы в среднем по 2,5 тонны с каждого гектара орошаемых площадей урожая 2022 года, из них:
о закупке 1 783,5 тысяч тонн пшеницы в качестве товарной пшеницы государственного ресурса и 266,5 тысячи тонн семян за счет средств Фонда государственной поддержки сельского хозяйства при Министерстве финансов (далее — Фонд);
о приемке 500 тысяч тонн зерна на временное хранение у коммерческого представителя Фонда для дальнейшей реализации на биржевых торгах фермерскими хозяйствами и другими производителями зерна (далее — производители пшеницы).
2. Определить, что для урожая 2022 года:
а) предприятия системы АК «Уздонмахсулот» являются коммерческими представителями от имени Фонда по закупке у производителей пшеницы, хранению, а также отгрузке товарной пшеницы покупателям;
б) платежи за товарную пшеницу, закупленную для государственных ресурсов, производятся коммерческим представителем производителям пшеницы за счет средств Фонда на следующих этапах:
на начальном этапе — по ценам, устанавливаемым Кабинетом Министров;
на следующем этапе — исходя из средней цены (средней котировки), сформированной на бирже, производится полный перерасчет с производителями пшеницы;
в) товарная пшеница, принятая от производителей пшеницы на временное хранение к коммерческим представителям, реализуется в июле-августе 2022 года на биржевых торгах. При этом:
расходы по транспортировке (в том числе внутренней транспортировке), приемке, хранению и отгрузке пшеницы покупателю покрываются за счет средств Фонда исходя из условий договора, заключенного между коммерческим представителем и производителями пшеницы;
сумма естественной убыли в процессе приемки, хранения и отгрузки пшеницы покупателям списывается в порядке, утвержденном Кабинетом Министров;
контроль за качеством и хранением пшеницы осуществляется Инспекцией по контролю за агропромышленным комплексом при Кабинете Министров.
3. Установить порядок, в соответствии с которым пшеница нижеследующих классов, закупленная за счет средств Фонда и принятая на временное хранение от производителей пшеницы, реализуется через биржевые торги по графикам, утвержденным Кабинетом Министров, без каких-либо ограничений:
пшеница 3 класса и выше — субъектам предпринимательства, независимо от формы собственности, имеющим мощности по производству муки, взявшим на себя обязательства по реализации не менее 75 процентов закупленной на бирже пшеницы посредством биржевых торгов;
пшеница 4 и 5 классов — всем субъектам предпринимательства.
Предоставить Кабинету Министров полномочие вносить изменения и дополнения в порядок, предусмотренный настоящим пунктом, на основании предложения Министерства экономического развития и сокращения бедности, согласованного с соответствующими министерствами и ведомствами.
Министерству экономического развития и сокращения бедности в срок до 1 мая 2023 года внести в Кабинет Министров предложение о сохранении порядка, предусмотренного настоящим пунктом, для урожая 2023 года или об организации биржевых торгов без ограничений.
4. Министерству финансов обеспечить за счет средств Фонда размещение ресурсов в размере до 800 млрд сумов по базовой ставке Центрального банка в коммерческих банках в целях финансирования револьверных кредитов на закупку пшеницы на бирже предприятиям системы АК «Уздонмахсулот».
4 1 . Считать Фонд с 1 июня 2022 года полноценным плательщиком налога на добавленную стоимость.
5. Министерству юстиции совместно с заинтересованными министерствами и ведомствами в недельный срок разработать и обеспечить внедрение на практике типовых проектов договоров закупки, приемки на временное хранение пшеницы, выращенной производителями пшеницы, заключаемых между Фондом и коммерческим представителем.
6. Согласиться с предложением Совета Министров Республики Каракалпакстан и хокимиятов областей о покрытии части транспортных расходов, не превышающих 50 процентов, на поставку муки и мучной продукции в отдаленные, труднодоступные и горные местности за счет дополнительных источников местных бюджетов.
7. Выделить Фонду дополнительно 6 штатных единиц за счет сокращения штатной численности в территориальных управлениях Министерства занятости и трудовых отношений в целях ведения учета и расчетов с покупателями закупаемой и реализуемой Фондом пшеницы на биржевых торгах.
8. Организовать Республиканский штаб по обеспечению прозрачности, полноценной и справедливой работы новой системы купли-продажи зерна, заинтересованности производителей пшеницы, недопущению роста цен и дефицита муки и зерновой продукции на внутреннем рынке в составе согласно приложению .
Определить основными задачами Республиканского штаба (Н. Йулдашев):
подготовку предложения по совершенствованию механизма контроля за выращиванием, переработкой, хранением, реализацией зерна и финансированием выращивания зерновых колосовых культур;
организацию работы для своевременной уборки зерна, доставки зерна с поля до хлебоприемных пунктов без потерь и его выставления на биржевые торги по графику;
в целях предотвращения дефицита и обеспечения ценовой стабильности ввоз необходимых для потребительского спроса на территории муки и мучной продукции из других регионов страны и из-за рубежа, осуществление контроля за сохранением объемов производства предприятий в системе АК «Уздонмахсулот»;
выставление зерна на биржевые торги по утвержденному графику и установление ежедневного контроля за осуществлением оплаты;
обеспечение прозрачности новой системы купли-продажи зерна, ее полноценного и справедливого функционирования, а также обеспечение заинтересованности производителей пшеницы.
10. Кабинету Министров в недельный срок разработать постановление, предусматривающее выполнение задач, указанных в настоящем постановлении.
11. Министерству финансов в двухмесячный срок совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
12. Возложить на министра сельского хозяйства Ж. Ходжаева, министра финансов Т. Ишметова, Председателя Совета Министров Республики Каракалпакстан и хокимов областей персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителей Премьер-министра Республики Узбекистан Д.А. Кучкарова и Ш.М. Ганиева.
ПРИЛОЖЕНИЕ к постановлению Президента Республики Узбекистан от 28 мая 2022 года № ПП-262
Республиканского штаба по обеспечению прозрачности, полноценной и справедливой работы новой системы купли-продажи зерна, заинтересованности производителей пшеницы, недопущению роста цен и дефицита муки и зерновой продукции на внутреннем рынке
1. Н.Т. Йулдошев — Генеральный прокурор, руководитель Республиканского штаба 2. Д.А. Кучкаров — заместитель Премьер-министра, заместитель руководителя Республиканского штаба 3. Ш.М. Ганиев — заместитель Премьер-министра, заместитель руководителя Республиканского штаба 4. Б.Т. Турабов — первый заместитель председателя Счетной палаты 5. Ж.А. Ходжаев — министр сельского хозяйства 6. Т.А. Ишметов — министр финансов 7. П.Р. Бобожонов — министр внутренних дел 8. Р.М. Джураев — командующий Национальной гвардией 9. Ш.Д. Кудбиев — председатель Государственного налогового комитета 10. И.И. Норкулов — первый заместитель министра экономического развития и сокращения бедности 11. А.Я. Хайдаров — заместитель министра финансов 12. А.В. Вахобов — начальник Инспекции по контролю за агропромышленным комплексом 13. А.Ж. Ортиков — директор Агентства по управлению государственными активами 14. Ш.Ш. Шарахмедов — председатель Комитета по развитию конкуренции и защите прав потребителей 15. Б.Э. Зохидов — первый заместитель председателя Центрального банка 16. С.А. Нишанбаев — заместитель министра внутренних дел 17. Ш.Ж. Рахимов — заместитель Генерального прокурора 18. Д.Ф. Рахимов — начальник Департамента по борьбе с экономическими преступлениями при Генеральной прокуратуре 19. А.А. Исроилов — директор Фонда государственной поддержки сельского хозяйства 20. З.Б. Бадриддинов — председатель правления АО «УзРТСБ» 21. Ш.А. Узаков — и.о. председателя правления АК «Уздонмахсулот» 22. По должности — руководители республиканских коммерческих банков 23. По должности — Председатель Совета Министров Республики Каракалпакстан и хокимы областей 24. По должности — прокуроры Республики Каракалпакстан и областей
Президент Республики Узбекистан Ш. МИРЗИЁЕВ
г. Ташкент,
28 мая 2022 г.,
№ ПП-262