📅 2022-yil 30-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 30 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 мая 2022 г. · Постановления Президента
Официальный текст. Официальный документ. Редакционные примечания не включены.
📅 30 May 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Адвокатура фаолиятига замонавий ахборот-коммуникация технологияларини кенг жорий этиш чора-тадбирлари тўғрисида
Сўнгги йилларда мамлакатимизда барча соҳаларга замонавий ахборот-технологияларини жорий қилиш орқали уларни рақамлаштириш, бунинг натижасида аҳолига хизмат кўрсатиш сифатини янада кучайтириш ва бир қатор соҳалар вакиллари фаолиятининг самарадорлигини ошириш бўйича кенг қамровли ислоҳотлар амалга оширилмоқда.
Бугунги кунда ушбу йўналишда белгиланган вазифалар амалга оширилишининг тизимлилиги ва изчиллигини таъминлаш, бунинг доирасида адвокатура фаолиятига ахборот-коммуникация технологияларини жорий қилиш орқали жисмоний ва юридик шахсларга юридик ёрдам кўрсатишни янги босқичга олиб чиқиш зарурати мавжуд.
Адвокатура фаолиятида ортиқча сансалорлик, бюрократия ҳамда қоғозбозликка чек қўйиш, унинг фаолиятида судлар, ҳуқуқни муҳофаза қилувчи органлар ва бошқа давлат органлари билан электрон ҳужжатлар алмашинувини йўлга қўйиш мақсадида, шунингдек, 2022 — 2026 йилларга мўлжалланган Янги Ўзбекистоннинг тараққиёт стратегиясини «Инсон қадрини улуғлаш ва фаол маҳалла йили»да амалга оширишга оид давлат дастурига мувофиқ:
1. Қуйидагилар адвокатура фаолиятига замонавий ахборот-коммуникация технологияларини жорий этишнинг устувор вазифалари этиб белгилансин:
замонавий ахборот-коммуникация технологияларини жорий этиш ва инсон омилини бартараф этиш орқали адвокатура институтининг давлат органлари ва бошқа тузилмалардан мустақиллигини ошириш;
адвокатлик фаолиятини амалга ошириш учун зарур бўлган маълумотларнинг тезкорлик билан олинишини таъминлаш мақсадида адвокатура, суд ва ҳуқуқни муҳофаза қилувчи органлар ҳамда бошқа давлат органлари ўртасида электрон маълумот алмашинувини самарали йўлга қўйиш;
адвокатлар томонидан махсус ахборот дастури орқали жисмоний ва юридик шахсларга онлайн юридик ёрдам кўрсатиш имкониятларини кенгайтириш;
адвокатура фаолияти учун зарур ахборот тизимлари, маълумотлар базалари ва бошқа дастурий маҳсулотларни шакллантириш ҳамда уларда сақланадиган маълумотларнинг комплекс ҳимоя қилиниши ва махфийлигини таъминлаш чораларини кўриш.
2. Шундай тартиб ўрнатилсинки, унга мувофиқ 2023 йил 1 январдан бошлаб:
а) адвокатлик фаолияти билан шуғулланиш ҳуқуқи учун лицензия бериш, талабгор томонидан малака имтиҳонини топширишининг амалдаги тартиби сақланган ҳолда, «Лицензия» ахборот тизими орқали амалга оширилади ва расмийлаштириб борилади.
Бунда:
талабгорнинг малака имтиҳонини муваффақиятли топширганлиги ҳақидаги қарор ва тегишли ҳужжатлар «Лицензия» ахборот тизими орқали расмийлаштирилади ва адвокатларнинг электрон реестрига киритилади;
малака имтиҳонини муваффақиятли топширган талабгорга адвокатлик лицензиясини олиш учун тегишли адлия органига мурожаат қилмасдан исталган вақтда «Лицензия» ахборот тизими орқали олиш имконияти яратилади;
лицензиянинг амал қилиши тўхтатиб турилган ёки тугатилган ҳолатлар «Лицензия» ахборот тизимида автоматик равишда қайд этиб борилади;
б) адвокатлик тузилмаларини давлат рўйхатидан ўтказиш, қайта рўйхатдан ўтказиш ва тугатиш Ўзбекистон Республикаси Ягона интерактив давлат хизматлари портали орқали «ягона дарча» тамойили асосида фақат электрон тарзда амалга оширилади.
Бунда:
адвокатлик тузилмаларини давлат рўйхатидан ўтказиш (ҳисобга олиш), қайта рўйхатдан ўтказиш ва тугатиш (ҳисобдан чиқариш) учун зарур ҳужжатлар электрон тарзда Ўзбекистон Республикаси Ягона интерактив давлат хизматлари порталига киритилади;
адвокатлик тузилмаларининг таъсис ҳужжатларини адлия органининг муҳри билан тасдиқлаш, «рўйхатдан ўтказилган» белгисини қўйиш амалиёти бекор қилиниб, уларга электрон QR-код ва идентификация рақамларини бериш тартиби жорий этилади;
адвокатлик тузилмаси номини рўйхатдан ўтказишда бир хил ёки ўхшаш номларнинг йўқлиги тўғрисидаги маълумот онлайн тарзда олинади;
в) адвокатлик фаолиятини бошлашда малака имтиҳонини топшириш, адвокатлик фаолияти учун лицензия олиш ва адвокатлик бюросини давлат рўйхатидан ўтказиш бўйича композит хизмат кўрсатиш имконияти яратилади.
Бунда:
малака имтиҳонини топшириш учун тегишли ҳужжатларнинг қоғоз шаклини талабгордан олиш тартиби бекор қилинади ва уларни электрон тарзда юбориш амалиёти йўлга қўйилади;
адвокат мақомига эга бўлишга талабгорнинг белгиланган талабларга мослигини текширган ҳолда имтиҳон вақти ва жойи ҳақида электрон хабар бериш тартиби жорий этилади;
адвокатлик гувоҳномасини махсус QR-код қўйилган ҳолда бериш тартиби жорий этилиб, бу орқали адвокатнинг мақоми ҳақида маълумот олиш имконияти яратилади.
Адлия вазирлиги (Р. Давлетов) уч ой муддатда:
адвокатлик тузилмаларини давлат рўйхатидан ўтказишнинг (ҳисобга олишнинг) амалдаги тартибини қайта кўриб чиқсин;
Ахборот технологиялари ва коммуникацияларини ривожлантириш вазирлиги (Ш. Шерматов) билан биргаликда мазкур бандда назарда тутилган тартибни назарда тутувчи норматив-ҳуқуқий ҳужжат лойиҳасини Вазирлар Маҳкамасига киритиш ҳамда зарур бўлган ташкилий-техник тадбирларни бажариш чораларини кўрсин.
3. Адлия вазирлигининг 2023 йил 1 январдан фуқароларга юридик ёрдам кўрсатиш жараёнларини рақамлаштириш, адвокатура соҳасини судлар ва ҳуқуқни муҳофаза қилувчи органлар ҳамда бошқа давлат органлари фаолияти билан интеграция қилишни назарда тутувчи «Юридик ёрдам» ахборот тизимини ишга тушириш тўғрисидаги таклифига розилик берилсин.
Белгилансинки, «Юридик ёрдам» ахборот тизими доирасида:
адвокатлар электрон реестри ва адвокатларнинг шахсий электрон кабинети шакллантирилади;
адвокатнинг шахсий электрон кабинети орқали жисмоний ва юридик шахслар билан онлайн мулоқот қилиш, электрон рақамли имзодан фойдаланган ҳолда ишонч билдирувчи шахс хоҳишига асосан масофадан туриб юридик ёрдам кўрсатиш тўғрисида онлайн битимлар (шартномалар) тузиш ва онлайн юридик ёрдам кўрсатиш имконияти яратилади;
адвокатура, судлар, ҳуқуқни муҳофаза қилувчи органлар ва бошқа давлат органлари ўртасида электрон ҳужжатлар алмашинуви йўлга қўйилади (бундан қонун билан муҳофаза қилинадиган сирни ташкил этувчи ахборотлар мустасно);
терговга қадар текширувни амалга оширувчи органнинг мансабдор шахси, суриштирувчи, терговчи, прокурор ёки суд томонидан терговга қадар текширув, суриштирув, тергов ҳаракатлари ёки суд мажлиси ўтказилиш вақти ва жойи тўғрисида адвокатга электрон хабар бериш имконияти яратилади;
адвокат сўровини электрон юбориш ва адвокат сўрови асосида юридик ёрдам кўрсатиш учун зарур бўлган ҳужжатларни электрон шаклда тақдим этиш амалиёти йўлга қўйилади;
адвокатнинг ўз аризасига кўра адвокатлик мақомини тўхтатиб туриш электрон тарзда адвокат томонидан хабарнома бериш шаклида амалга оширилади.
4. Шундай тартиб ўрнатилсинки, унга мувофиқ 2023 йил 1 февралдан бошлаб:
а) адвокатлик тузилмалари томонидан адвокатларга муайян ишни олиб бориш учун бериладиган анъанавий шаклдаги ордер (кейинги ўринларда — ордер) мақомига тенг бўлган махсус QR-код қўйилган «Электрон адвокатлик ордери»ни бериш амалиёти йўлга қўйилади;
Бунда:
адвокатлик тузилмаси томонидан ишонч билдирувчи шахс билан тузилган барча шартномаларнинг фақат реквизитлари (шартнома рақами ва унинг тузилган санаси) тўғридан-тўғри «Юридик ёрдам» ахборот тизимига киритилади ва бу QR-код қўйилган «Электрон адвокатлик ордери»ни олиш учун асос бўлади;
адвокат сўрови юборилган давлат органи ёки ташкилот, тегишли ишни кўриб чиқаётган суд ёки ҳуқуқни муҳофаза қилувчи орган томонидан адвокатнинг муайян ишга ваколатлилигини аниқлаш муқобил равишда QR-код қўйилган «Электрон адвокатлик ордери» орқали ҳам амалга оширилиши имконияти яратилади;
б) ордер муқобиллик асосида қоғоз шаклда расмийлаштирилганида, ушбу ордер ҳақидаги маълумотни «Юридик ёрдам» ахборот тизимига киритиш мажбурий ҳисобланади;
в) адвокат сўрови шаклига қўйилган талаблар, шу жумладан унга ордернинг кўчирма нусхасини илова қилиш, ордерни қайд этиш дафтарини юритиш талаблари бекор қилинади.
5. Белгилаб қўйилсинки, «Юридик ёрдам» ахборот тизими жорий этилиши муносабати билан:
давлат ҳисобидан адвокатларни ишга жалб этиш инсон омилисиз, электрон тартибда тасодифий танлаш йўли билан аниқланади;
адвокатларнинг онлайн малака оширишини ташкил этиш ва малака оширганлигини тасдиқловчи ҳужжатларни электрон шаклда бериш тартиби жорий этилади;
адвокатлик тузилмаларидан статистик маълумотларни анъанавий шаклда йиғиш бекор қилиниб, статистик маълумотлар автоматик равишда умумлаштирилади.
Адлия вазирлиги (Р. Давлетов) Ахборот технологиялари ва коммуникацияларини ривожлантириш вазирлиги (Ш. Шерматов) билан биргаликда 2023 йил 1 январга қадар «Юридик ёрдам» ахборот тизими фаолияти тартиби тўғрисидаги норматив-ҳуқуқий ҳужжат лойиҳаси тасдиқланишини, мазкур тизимнинг ишга туширилишини, шунингдек, унинг махсус мобил иловаси яратилишини таъминласин.
Адлия вазирлиги «Юридик ёрдам» ахборот тизимининг бошқа ахборот-коммуникация тизимлари билан интеграция қилиниши, унинг узлуксиз ишлаши, ахборот хавфсизлиги таъминланиши ҳамда адвокатлик сири ошкор этилмаслигини таъминлаш учун масъул давлат бошқаруви органи этиб белгилансин.
6. «Юридик ёрдам» ахборот тизимини ишга тушириш, унга техник хизмат кўрсатиш ва уни қўллаб-қувватлаш билан боғлиқ харажатлар Адлия органлари ва муассасаларини ривожлантириш жамғармаси маблағлари ҳамда қонунчилик ҳужжатлари билан тақиқланмаган бошқа манбалар ҳисобидан молиялаштирилиши белгилаб қўйилсин.
7. Адлия вазирлиги Адвокатлар палатаси билан биргаликда 2022 йил 1 ноябрга қадар «Юридик ёрдам» ахборот тизими жорий этилиши муносабати билан адвокатларнинг касбий тайёргарлиги ва малака ошириш дастурларига адвокатларнинг рақамли саводхонлигини ва малакасини ошириш, уларни ахборот технологиялари ва ахборот хавфсизлиги бўйича ўқитиш масалаларини киритиш чораларини кўрсин.
8. Адлия вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини самарали ташкил қилишга масъул ва шахсий жавобгар этиб адлия вазири Р.Қ. Давлетов белгилансин.
Қарор ижроси учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти маслаҳатчиси Б.Д. Исламов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 30 май,
ПҚ-263-сон
Oʻzbekiston Respublikasi Prezidentining
Qarori
Advokatura faoliyatiga zamonaviy axborot-kommunikatsiya texnologiyalarini keng joriy etish chora-tadbirlari toʻgʻrisida
Soʻnggi yillarda mamlakatimizda barcha sohalarga zamonaviy axborot-texnologiyalarini joriy qilish orqali ularni raqamlashtirish, buning natijasida aholiga xizmat koʻrsatish sifatini yanada kuchaytirish va bir qator sohalar vakillari faoliyatining samaradorligini oshirish boʻyicha keng qamrovli islohotlar amalga oshirilmoqda.
Bugungi kunda ushbu yoʻnalishda belgilangan vazifalar amalga oshirilishining tizimliligi va izchilligini taʼminlash, buning doirasida advokatura faoliyatiga axborot-kommunikatsiya texnologiyalarini joriy qilish orqali jismoniy va yuridik shaxslarga yuridik yordam koʻrsatishni yangi bosqichga olib chiqish zarurati mavjud.
Advokatura faoliyatida ortiqcha sansalorlik, byurokratiya hamda qogʻozbozlikka chek qoʻyish, uning faoliyatida sudlar, huquqni muhofaza qiluvchi organlar va boshqa davlat organlari bilan elektron hujjatlar almashinuvini yoʻlga qoʻyish maqsadida, shuningdek, 2022 — 2026-yillarga moʻljallangan Yangi Oʻzbekistonning taraqqiyot strategiyasini “Inson qadrini ulugʻlash va faol mahalla yili”da amalga oshirishga oid davlat dasturiga muvofiq:
1. Quyidagilar advokatura faoliyatiga zamonaviy axborot-kommunikatsiya texnologiyalarini joriy etishning ustuvor vazifalari etib belgilansin:
zamonaviy axborot-kommunikatsiya texnologiyalarini joriy etish va inson omilini bartaraf etish orqali advokatura institutining davlat organlari va boshqa tuzilmalardan mustaqilligini oshirish;
advokatlik faoliyatini amalga oshirish uchun zarur boʻlgan maʼlumotlarning tezkorlik bilan olinishini taʼminlash maqsadida advokatura, sud va huquqni muhofaza qiluvchi organlar hamda boshqa davlat organlari oʻrtasida elektron maʼlumot almashinuvini samarali yoʻlga qoʻyish;
advokatlar tomonidan maxsus axborot dasturi orqali jismoniy va yuridik shaxslarga onlayn yuridik yordam koʻrsatish imkoniyatlarini kengaytirish;
advokatura faoliyati uchun zarur axborot tizimlari, maʼlumotlar bazalari va boshqa dasturiy mahsulotlarni shakllantirish hamda ularda saqlanadigan maʼlumotlarning kompleks himoya qilinishi va maxfiyligini taʼminlash choralarini koʻrish.
2. Shunday tartib oʻrnatilsinki, unga muvofiq 2023-yil 1-yanvardan boshlab:
a) advokatlik faoliyati bilan shugʻullanish huquqi uchun litsenziya berish, talabgor tomonidan malaka imtihonini topshirishining amaldagi tartibi saqlangan holda, “Litsenziya” axborot tizimi orqali amalga oshiriladi va rasmiylashtirib boriladi.
Bunda:
talabgorning malaka imtihonini muvaffaqiyatli topshirganligi haqidagi qaror va tegishli hujjatlar “Litsenziya” axborot tizimi orqali rasmiylashtiriladi va advokatlarning elektron reyestriga kiritiladi;
malaka imtihonini muvaffaqiyatli topshirgan talabgorga advokatlik litsenziyasini olish uchun tegishli adliya organiga murojaat qilmasdan istalgan vaqtda “Litsenziya” axborot tizimi orqali olish imkoniyati yaratiladi;
litsenziyaning amal qilishi toʻxtatib turilgan yoki tugatilgan holatlar “Litsenziya” axborot tizimida avtomatik ravishda qayd etib boriladi;
b) advokatlik tuzilmalarini davlat roʻyxatidan oʻtkazish, qayta roʻyxatdan oʻtkazish va tugatish Oʻzbekiston Respublikasi Yagona interaktiv davlat xizmatlari portali orqali “yagona darcha” tamoyili asosida faqat elektron tarzda amalga oshiriladi.
Bunda:
advokatlik tuzilmalarini davlat roʻyxatidan oʻtkazish (hisobga olish), qayta roʻyxatdan oʻtkazish va tugatish (hisobdan chiqarish) uchun zarur hujjatlar elektron tarzda Oʻzbekiston Respublikasi Yagona interaktiv davlat xizmatlari portaliga kiritiladi;
advokatlik tuzilmalarining taʼsis hujjatlarini adliya organining muhri bilan tasdiqlash, “roʻyxatdan oʻtkazilgan” belgisini qoʻyish amaliyoti bekor qilinib, ularga elektron QR-kod va identifikatsiya raqamlarini berish tartibi joriy etiladi;
advokatlik tuzilmasi nomini roʻyxatdan oʻtkazishda bir xil yoki oʻxshash nomlarning yoʻqligi toʻgʻrisidagi maʼlumot onlayn tarzda olinadi;
v) advokatlik faoliyatini boshlashda malaka imtihonini topshirish, advokatlik faoliyati uchun litsenziya olish va advokatlik byurosini davlat roʻyxatidan oʻtkazish boʻyicha kompozit xizmat koʻrsatish imkoniyati yaratiladi.
Bunda:
malaka imtihonini topshirish uchun tegishli hujjatlarning qogʻoz shaklini talabgordan olish tartibi bekor qilinadi va ularni elektron tarzda yuborish amaliyoti yoʻlga qoʻyiladi;
advokat maqomiga ega boʻlishga talabgorning belgilangan talablarga mosligini tekshirgan holda imtihon vaqti va joyi haqida elektron xabar berish tartibi joriy etiladi;
advokatlik guvohnomasini maxsus QR-kod qoʻyilgan holda berish tartibi joriy etilib, bu orqali advokatning maqomi haqida maʼlumot olish imkoniyati yaratiladi.
Adliya vazirligi (R. Davletov) uch oy muddatda:
advokatlik tuzilmalarini davlat roʻyxatidan oʻtkazishning (hisobga olishning) amaldagi tartibini qayta koʻrib chiqsin;
Axborot texnologiyalari va kommunikatsiyalarini rivojlantirish vazirligi (Sh. Shermatov) bilan birgalikda mazkur bandda nazarda tutilgan tartibni nazarda tutuvchi normativ-huquqiy hujjat loyihasini Vazirlar Mahkamasiga kiritish hamda zarur boʻlgan tashkiliy-texnik tadbirlarni bajarish choralarini koʻrsin.
3. Adliya vazirligining 2023-yil 1-yanvardan fuqarolarga yuridik yordam koʻrsatish jarayonlarini raqamlashtirish, advokatura sohasini sudlar va huquqni muhofaza qiluvchi organlar hamda boshqa davlat organlari faoliyati bilan integratsiya qilishni nazarda tutuvchi “Yuridik yordam” axborot tizimini ishga tushirish toʻgʻrisidagi taklifiga rozilik berilsin.
Belgilansinki, “Yuridik yordam” axborot tizimi doirasida:
advokatlar elektron reyestri va advokatlarning shaxsiy elektron kabineti shakllantiriladi;
advokatning shaxsiy elektron kabineti orqali jismoniy va yuridik shaxslar bilan onlayn muloqot qilish, elektron raqamli imzodan foydalangan holda ishonch bildiruvchi shaxs xohishiga asosan masofadan turib yuridik yordam koʻrsatish toʻgʻrisida onlayn bitimlar (shartnomalar) tuzish va onlayn yuridik yordam koʻrsatish imkoniyati yaratiladi;
advokatura, sudlar, huquqni muhofaza qiluvchi organlar va boshqa davlat organlari oʻrtasida elektron hujjatlar almashinuvi yoʻlga qoʻyiladi (bundan qonun bilan muhofaza qilinadigan sirni tashkil etuvchi axborotlar mustasno);
tergovga qadar tekshiruvni amalga oshiruvchi organning mansabdor shaxsi, surishtiruvchi, tergovchi, prokuror yoki sud tomonidan tergovga qadar tekshiruv, surishtiruv, tergov harakatlari yoki sud majlisi oʻtkazilish vaqti va joyi toʻgʻrisida advokatga elektron xabar berish imkoniyati yaratiladi;
advokat soʻrovini elektron yuborish va advokat soʻrovi asosida yuridik yordam koʻrsatish uchun zarur boʻlgan hujjatlarni elektron shaklda taqdim etish amaliyoti yoʻlga qoʻyiladi;
advokatning oʻz arizasiga koʻra advokatlik maqomini toʻxtatib turish elektron tarzda advokat tomonidan xabarnoma berish shaklida amalga oshiriladi.
4. Shunday tartib oʻrnatilsinki, unga muvofiq 2023-yil 1-fevraldan boshlab:
a) advokatlik tuzilmalari tomonidan advokatlarga muayyan ishni olib borish uchun beriladigan anʼanaviy shakldagi order (keyingi oʻrinlarda — order) maqomiga teng boʻlgan maxsus QR-kod qoʻyilgan “Elektron advokatlik orderi”ni berish amaliyoti yoʻlga qoʻyiladi;
Bunda:
advokatlik tuzilmasi tomonidan ishonch bildiruvchi shaxs bilan tuzilgan barcha shartnomalarning faqat rekvizitlari (shartnoma raqami va uning tuzilgan sanasi) toʻgʻridan-toʻgʻri “Yuridik yordam” axborot tizimiga kiritiladi va bu QR-kod qoʻyilgan “Elektron advokatlik orderi”ni olish uchun asos boʻladi;
advokat soʻrovi yuborilgan davlat organi yoki tashkilot, tegishli ishni koʻrib chiqayotgan sud yoki huquqni muhofaza qiluvchi organ tomonidan advokatning muayyan ishga vakolatliligini aniqlash muqobil ravishda QR-kod qoʻyilgan “Elektron advokatlik orderi” orqali ham amalga oshirilishi imkoniyati yaratiladi;
b) order muqobillik asosida qogʻoz shaklda rasmiylashtirilganida, ushbu order haqidagi maʼlumotni “Yuridik yordam” axborot tizimiga kiritish majburiy hisoblanadi;
v) advokat soʻrovi shakliga qoʻyilgan talablar, shu jumladan unga orderning koʻchirma nusxasini ilova qilish, orderni qayd etish daftarini yuritish talablari bekor qilinadi.
5. Belgilab qoʻyilsinki, “Yuridik yordam” axborot tizimi joriy etilishi munosabati bilan:
davlat hisobidan advokatlarni ishga jalb etish inson omilisiz, elektron tartibda tasodifiy tanlash yoʻli bilan aniqlanadi;
advokatlarning onlayn malaka oshirishini tashkil etish va malaka oshirganligini tasdiqlovchi hujjatlarni elektron shaklda berish tartibi joriy etiladi;
advokatlik tuzilmalaridan statistik maʼlumotlarni anʼanaviy shaklda yigʻish bekor qilinib, statistik maʼlumotlar avtomatik ravishda umumlashtiriladi.
Adliya vazirligi (R. Davletov) Axborot texnologiyalari va kommunikatsiyalarini rivojlantirish vazirligi (Sh. Shermatov) bilan birgalikda 2023-yil 1-yanvarga qadar “Yuridik yordam” axborot tizimi faoliyati tartibi toʻgʻrisidagi normativ-huquqiy hujjat loyihasi tasdiqlanishini, mazkur tizimning ishga tushirilishini, shuningdek, uning maxsus mobil ilovasi yaratilishini taʼminlasin.
Adliya vazirligi “Yuridik yordam” axborot tizimining boshqa axborot-kommunikatsiya tizimlari bilan integratsiya qilinishi, uning uzluksiz ishlashi, axborot xavfsizligi taʼminlanishi hamda advokatlik siri oshkor etilmasligini taʼminlash uchun masʼul davlat boshqaruvi organi etib belgilansin.
6. “Yuridik yordam” axborot tizimini ishga tushirish, unga texnik xizmat koʻrsatish va uni qoʻllab-quvvatlash bilan bogʻliq xarajatlar Adliya organlari va muassasalarini rivojlantirish jamgʻarmasi mablagʻlari hamda qonunchilik hujjatlari bilan taqiqlanmagan boshqa manbalar hisobidan moliyalashtirilishi belgilab qoʻyilsin.
7. Adliya vazirligi Advokatlar palatasi bilan birgalikda 2022-yil 1-noyabrga qadar “Yuridik yordam” axborot tizimi joriy etilishi munosabati bilan advokatlarning kasbiy tayyorgarligi va malaka oshirish dasturlariga advokatlarning raqamli savodxonligini va malakasini oshirish, ularni axborot texnologiyalari va axborot xavfsizligi boʻyicha oʻqitish masalalarini kiritish choralarini koʻrsin.
8. Adliya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini samarali tashkil qilishga masʼul va shaxsiy javobgar etib adliya vaziri R.Q. Davletov belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisi B.D. Islamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 30-may,
PQ-263-son
Президента Республики Узбекистан
Постановление
О мерах по широкому внедрению современных информационно-коммуникационных технологий в деятельность адвокатуры
В последние годы в стране проводятся широкомасштабные реформы по цифровизации всех сфер путем внедрения современных информационных технологий, дальнейшего улучшения в результате качества услуг, оказываемых населению, а также повышению эффективности деятельности представителей ряда сфер.
В настоящее время существует необходимость обеспечения системности и последовательности в реализации задач, установленных в данном направлении, в рамках которых требуется поднятие оказания юридической помощи физическим и юридическим лицам на новый уровень посредством внедрения информационно-коммуникационных технологий в деятельность адвокатуры.
В целях устранения бюрократии и излишней бумажной волокиты, внедрения электронного документооборота с судами, правоохранительными органами и иными государственными органами в деятельность адвокатуры, а также в соответствии с Государственной программой по реализации Стратегии развития Нового Узбекистана на 2022 — 2026 годы в «Год обеспечения интересов человека и развития махалли»:
1. Определить приоритетными задачами внедрения современных информационно-коммуникационных технологий в деятельность адвокатуры:
повышение независимости института адвокатуры от государственных органов и иных структур путем внедрения современных информационно-коммуникационных технологий и исключения человеческого фактора;
эффективную организацию электронного обмена данными между адвокатурой, судом, правоохранительными органами и иными государственными органами в целях обеспечения оперативного получения информации, необходимой для осуществления адвокатской деятельности;
расширение возможности оказания адвокатами юридической помощи физическим и юридическим лицам в режиме онлайн посредством специальной информационной программы;
формирование информационных систем, баз данных и иных программных продуктов, необходимых для деятельности адвокатуры, а также принятие мер по обеспечению комплексной защиты и конфиденциальности хранящейся в них информации.
2. Установить порядок, в соответствии с которым с 1 января 2023 года:
а) выдача лицензии на право занятия адвокатской деятельностью осуществляется и оформляется посредством информационной системы «Лицензия» с сохранением действующего порядка сдачи претендентом квалификационного экзамена.
При этом:
решение об успешной сдаче претендентом квалификационного экзамена и соответствующие документы оформляются и вносятся в электронный реестр адвокатов посредством информационной системы «Лицензия»;
претендентам, успешно сдавшим квалификационный экзамен, предоставляется возможность получения адвокатской лицензии посредством информационной системы «Лицензия» в любое время без обращения в соответствующий орган юстиции;
факты приостановления или прекращения действия лицензии автоматически регистрируются в информационной системе «Лицензия»;
б) государственная регистрация, перерегистрация и ликвидация адвокатских структур осуществляются исключительно в электронной форме в соответствии с принципом «одно окно» посредством Единого портала интерактивных государственных услуг Республики Узбекистан.
При этом:
документы, необходимые для государственной регистрации (принятия на учет), перерегистрации и ликвидации (снятия с учета) адвокатских структур, размещаются на Едином портале интерактивных государственных услуг Республики Узбекистан в электронной форме;
отменяется практика заверения учредительных документов адвокатских структур печатью органа юстиции, проставления отметки «зарегистрирован» с внедрением порядка присвоения им электронного QR-кода и идентификационного номера;
при регистрации наименования адвокатской структуры информация об отсутствии одинаковых или аналогичных наименований получается в режиме онлайн;
в) для начала адвокатской деятельности предоставляются композитные услуги по сдаче квалификационного экзамена, получению лицензии на осуществление адвокатской деятельности и государственной регистрации адвокатских бюро.
При этом:
отменяется порядок истребования от претендентов соответствующих документов в бумажной форме для сдачи квалификационного экзамена с внедрением практики их направления в электронной форме;
внедряется порядок электронного уведомления о времени и месте проведения экзамена с проверкой соответствия претендента на получение статуса адвоката установленным требованиям;
внедряется порядок выдачи удостоверения адвоката с нанесенным специальным QR-кодом, предоставляющим возможность получения информации о статусе адвоката.
Министерству юстиции (Р. Давлетов) в трехмесячный срок:
пересмотреть действующий порядок государственной регистрации (принятия на учет) адвокатских структур;
совместно с Министерством по развитию информационных технологий и коммуникаций (Ш. Шерматов) внести в Кабинет Министров проект нормативно-правового акта, устанавливающего порядок, предусмотренный настоящим пунктом, а также принять меры по проведению необходимых организационно-технических мероприятий.
3. Согласиться с предложением Министерства юстиции о запуске с 1 января 2023 года информационной системы «Юридическая помощь», предусматривающей цифровизацию процессов оказания юридической помощи гражданам, интеграцию сферы адвокатуры с деятельностью судов, правоохранительных органов и иных государственных органов.
Определить, что в рамках информационной системы «Юридическая помощь»:
формируются электронный реестр адвокатов и персональный электронный кабинет адвоката;
посредством персонального электронного кабинета адвоката предоставляется возможность онлайн-диалога с физическими и юридическими лицами, онлайн-заключения по желанию доверителя соглашения (договора) о дистанционном оказании юридической помощи с использованием электронной цифровой подписи, а также оказания юридической помощи в режиме онлайн;
внедряется электронный документооборот между адвокатурами, судами, правоохранительными и иными государственными органами (за исключением сведений, составляющих охраняемую законом тайну);
создается возможность электронного уведомления адвоката должностными лицами органа, осуществляющего доследственную проверку, дознавателем, следователем, прокурором или судом о времени и месте проведения доследственной проверки, дознания, следственных действий или судебного заседания;
внедряется практика направления запроса адвоката в электронной форме и представления необходимых документов для оказания юридической помощи на основании запроса адвоката в электронной форме;
приостановление статуса адвоката по заявлению самого адвоката производится в электронной форме путем направления адвокатом уведомления.
4. Установить порядок, в соответствии с которым с 1 февраля 2023 года:
а) внедряется практика выдачи адвокатскими структурами «Электронного ордера адвоката» с нанесенным специальным QR-кодом, приравненным к статусу ордера традиционной формы (далее — ордер), адвокату для ведения определенного дела;
При этом:
непосредственно в информационную систему «Юридическая помощь» вносятся исключительно реквизиты (номер и дата заключения договора) всех договоров, заключенных адвокатской структурой с доверителем, являющиеся основанием для получения «Электронного ордера адвоката» с нанесенным QR-кодом;
в качестве альтернативы создается возможность установления полномочий адвоката на ведение определенного дела также посредством «Электронного ордера адвоката» с нанесенным QR-кодом государственным органом или организацией, в которую направлен адвокатский запрос, судом или правоохранительным органом, рассматривающим соответствующее дело;
б) при оформлении в качестве альтернативы ордера в бумажной форме внесение в информационную систему «Юридическая помощь» сведений о данном ордере является обязательным;
в) отменяются требования, предъявляемые к форме адвокатского запроса, включая приложение к нему копии ордера, а также к ведению книги учета ордеров.
5. Установить, что в связи с внедрением информационной системы «Юридическая помощь»:
привлечение адвоката к работе за счет государства производится путем случайного электронного отбора с исключением человеческого фактора;
внедряется порядок организации повышения квалификации адвокатов в режиме онлайн и выдачи документов, подтверждающих повышение квалификации, в электронной форме;
отменяется сбор статистической информации от адвокатских структур в традиционной форме с внедрением автоматического обобщения данной информации.
Министерству юстиции (Р. Давлетов) совместно с Министерством по развитию информационных технологий и коммуникаций (Ш. Шерматов) в срок до 1 января 2023 года обеспечить утверждение проекта нормативно-правового акта о порядке деятельности информационной системы «Юридическая помощь», а также запуск и создание специального мобильного приложения данной системы.
Определить Министерство юстиции ответственным органом государственного управления за интеграцию информационной системы «Юридическая помощь» с другими информационно-коммуникационными системами, ее бесперебойное функционирование, а также обеспечение информационной безопасности и неразглашение адвокатской тайны.
6. Установить, что финансирование расходов, связанных с вводом в эксплуатацию, техническим обслуживанием и поддержкой информационной системы «Юридическая помощь», осуществляется за счет средств Фонда развития органов и учреждений юстиции и иных источников, не запрещенных актами законодательства.
7. Министерству юстиции совместно с Палатой адвокатов в связи с внедрением информационной системы «Юридическая помощь» принять в срок до 1 ноября 2022 года меры по включению в программы профессиональной подготовки и повышения квалификации адвокатов вопросов повышения цифровой грамотности и квалификации, обучения адвокатов информационным технологиям и информационной безопасности.
8. Министерству юстиции совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Возложить на министра юстиции Р.К. Давлетова персональную ответственность за эффективную организацию исполнения настоящего постановления.
Осуществление координации и контроля за деятельностью ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова и советника Президента Республики Узбекистан Б.Д. Исламова.
Президент Республики Узбекистан Ш. МИРЗИЁЕВ
г. Ташкент,
30 мая 2022 г.,
№ ПП-263