📅 2022-yil 1-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 1 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июня 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 1 June 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент шаҳрида барпо этилаётган ер усти метро линиялари остида жойлашган ер участкаларидан самарали фойдаланиш чора-тадбирлари тўғрисида
Тошкент шаҳрида барпо этилаётган ер усти метро линиялари остида жойлашган ер майдонларидан самарали фойдаланиш, бунда ер усти метро линиясига яқин ҳудудда истиқомат қилаётган аҳолига қулай шароитларга эга бўлган дам олиш ва соғломлаштириш зоналарини барпо этиш ҳамда хизмат кўрсатиш ва сервис соҳасида қўшимча янги иш ўринлари яратиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Тошкент шаҳрида ер усти ҳалқа метро линияларининг қурилиши» лойиҳасини амалга ошириш чора-тадбирлари тўғрисида» 2017 йил 19 майдаги ПҚ-2979-сон қарори доирасида:
узунлиги 11,2 километр бўлган «Дўстлик-Қўйлиқ» ва 6,9 километр бўлган «Сергели-Олмазор» йўналишлари бўйича ер усти метро линияси барпо этилганлиги ва фойдаланишга топширилганлиги;
узунлиги 8,5 километр бўлган «Қўйлиқ — Қурувчилар» йўналишида ҳозирда қурилиш-монтаж ишлари олиб борилаётганлиги;
ер усти метро линиясининг концепциясига асосан 2023 — 2025 йилларда босқичма-босқич метронинг кейинги йўналишларида қурилиш ишлари амалга оширилиши режалаштирилганлиги маълумот учун қабул қилинсин.
2. Тошкент шаҳар ҳокимлиги ва Транспорт вазирлигининг Оҳангарон шоҳ кўчасида жойлашган Тошкент метрополитенининг «Дўстлик-Қўйлиқ» ер усти метро йўналиши 1 — 5 бекатлари оралиғидаги ер майдонларидан самарали фойдаланиш мақсадида пиёдалар ва велосипед йўлаклари, автотураргоҳлар, аҳоли сайр қилиши учун сайилгоҳлар, болалар ва спорт майдончаларини ташкил этиш ҳамда ҳудудни ободонлаштириш ва кўкаламзорлаштириш тўғрисидаги таклифларига розилик берилсин.
3. Белгилансинки:
Тошкент метрополитенининг ер усти метро йўналишлари остида жойлашган Транспорт вазирлиги ҳузуридаги «Тошкент метрополитени» ДУКга доимий фойдаланиш ҳуқуқи билан ажратилган ер майдонлари хатловдан ўтказилган ҳолда уларнинг ер усти метро йўналишлари фаолиятига таъсир қилмайдиган қисми (метро устунлари ва устуннинг икки метр радиусидан ташқари қисми) Тошкент шаҳар ҳокимлиги захирасига ўтказилади;
Тошкент шаҳар ҳокимлиги захирасига олинган ер майдонлари шаҳар архитектура қиёфасини сақлаган ҳолда фудтрак ҳамда енгил турдаги қурилмаларни қуриш ва жойлаштириш учун «E-Auksion» электрон савдо платформаси (кейинги ўринларда — аукцион савдолари) орқали 5 йил муддатга ижара ҳуқуқи билан, истисно тариқасида, 12 ойда тенг улушларда бўлиб тўлаш шарти билан савдога чиқарилади;
аукцион савдолари орқали олинган ер участкаларида савдо ва хизмат кўрсатиш, тайёр ҳолдаги овқатланиш маҳсулотлари билан савдо қилиш шохобчалари, китоб дўконлари, шунингдек, автотураргоҳлар ҳамда маданий ҳордиқ чиқариш ва спорт масканларини (кейинги ўринларда — тадбиркорлик ва ижтимоий лойиҳалар) барпо этишга рухсат берилади.
4. Транспорт вазирлиги Давлат солиқ қўмитаси ҳузуридаги Кадастр агентлиги билан биргаликда бир ой муддатда «Тошкент метрополитени» ДУКга доимий фойдаланиш ҳуқуқи билан ажратилган ер майдонларининг ер усти метро йўналиши фаолиятига таъсир қилмайдиган қисмини тўлиқ хатловдан ўтказсин ҳамда хатлов натижалари бўйича аниқланган ер майдонларини белгиланган тартибда Тошкент шаҳар ҳокимлиги захирасига топширсин.
5. Транспорт вазирлиги Қурилиш вазирлиги, Фавқулодда вазиятлар вазирлиги, Тошкент шаҳар ҳокимлиги ва Транспорт вазирлиги ҳузуридаги «Тошкент метрополитени» ДУК биргаликда икки ой муддатда:
тадбиркорлик ва ижтимоий лойиҳаларни жойлаштириш ва мувофиқлаштириш, бунда ер усти метро йўналишлари таянч устунлари ва метро йўлига зарар етказмаслик, ертўла қисмини қурмаслик ҳамда метро таянч устунлари ҳимоя ҳудудини муҳофаза қилиш талабларини;
ер усти метро йўналишлари остида жойлашган ер участкаларида рухсат берилмайдиган фаолият турлари рўйхатини тасдиқласин.
6. Тошкент шаҳар ҳокимлиги ва Қурилиш вазирлиги бир ой муддатда Тошкент метрополитенининг «Дўстлик-Қўйлик» ер усти метро йўналиши 1 — 5 бекатлари оралиғидаги ер майдонларида тадбиркорлик ва ижтимоий лойиҳаларни амалга ошириш концепциясини тасдиқласин ҳамда қурилиш-монтаж ишлари шаҳарсозлик нормалари ва қоидаларига риоя қилинган ҳолда бажарилишини қатъий назоратга олсин.
7. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Тошкент шаҳар ҳокими Ж.А. Артикходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2022 йил 1 июнь,
291-сон
Oʻzbekiston Respublikasi Vazirlar Mahkamasining
qarori
Toshkent shahrida barpo etilayotgan yer usti metro liniyalari ostida joylashgan yer uchastkalaridan samarali foydalanish chora-tadbirlari toʻgʻrisida
Toshkent shahrida barpo etilayotgan yer usti metro liniyalari ostida joylashgan yer maydonlaridan samarali foydalanish, bunda yer usti metro liniyasiga yaqin hududda istiqomat qilayotgan aholiga qulay sharoitlarga ega boʻlgan dam olish va sogʻlomlashtirish zonalarini barpo etish hamda xizmat koʻrsatish va servis sohasida qoʻshimcha yangi ish oʻrinlari yaratish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Toshkent shahrida yer usti halqa metro liniyalarining qurilishi” loyihasini amalga oshirish chora-tadbirlari toʻgʻrisida” 2017-yil 19-maydagi PQ-2979-son qarori doirasida:
uzunligi 11,2 kilometr boʻlgan “Doʻstlik-Qoʻyliq” va 6,9 kilometr boʻlgan “Sergeli-Olmazor” yoʻnalishlari boʻyicha yer usti metro liniyasi barpo etilganligi va foydalanishga topshirilganligi;
uzunligi 8,5 kilometr boʻlgan “Qoʻyliq — Quruvchilar” yoʻnalishida hozirda qurilish-montaj ishlari olib borilayotganligi;
yer usti metro liniyasining konsepsiyasiga asosan 2023 — 2025-yillarda bosqichma-bosqich metroning keyingi yoʻnalishlarida qurilish ishlari amalga oshirilishi rejalashtirilganligi maʼlumot uchun qabul qilinsin.
2. Toshkent shahar hokimligi va Transport vazirligining Ohangaron shoh koʻchasida joylashgan Toshkent metropolitenining “Doʻstlik-Qoʻyliq” yer usti metro yoʻnalishi 1 — 5 bekatlari oraligʻidagi yer maydonlaridan samarali foydalanish maqsadida piyodalar va velosiped yoʻlaklari, avtoturargohlar, aholi sayr qilishi uchun sayilgohlar, bolalar va sport maydonchalarini tashkil etish hamda hududni obodonlashtirish va koʻkalamzorlashtirish toʻgʻrisidagi takliflariga rozilik berilsin.
3. Belgilansinki:
Toshkent metropolitenining yer usti metro yoʻnalishlari ostida joylashgan Transport vazirligi huzuridagi “Toshkent metropoliteni” DUKga doimiy foydalanish huquqi bilan ajratilgan yer maydonlari xatlovdan oʻtkazilgan holda ularning yer usti metro yoʻnalishlari faoliyatiga taʼsir qilmaydigan qismi (metro ustunlari va ustunning ikki metr radiusidan tashqari qismi) Toshkent shahar hokimligi zaxirasiga oʻtkaziladi;
Toshkent shahar hokimligi zaxirasiga olingan yer maydonlari shahar arxitektura qiyofasini saqlagan holda fudtrak hamda yengil turdagi qurilmalarni qurish va joylashtirish uchun “E-Auksion” elektron savdo platformasi (keyingi oʻrinlarda — auksion savdolari) orqali 5 yil muddatga ijara huquqi bilan, istisno tariqasida, 12 oyda teng ulushlarda boʻlib toʻlash sharti bilan savdoga chiqariladi;
auksion savdolari orqali olingan yer uchastkalarida savdo va xizmat koʻrsatish, tayyor holdagi ovqatlanish mahsulotlari bilan savdo qilish shoxobchalari, kitob doʻkonlari, shuningdek, avtoturargohlar hamda madaniy hordiq chiqarish va sport maskanlarini (keyingi oʻrinlarda — tadbirkorlik va ijtimoiy loyihalar) barpo etishga ruxsat beriladi.
4. Transport vazirligi Davlat soliq qoʻmitasi huzuridagi Kadastr agentligi bilan birgalikda bir oy muddatda “Toshkent metropoliteni” DUKga doimiy foydalanish huquqi bilan ajratilgan yer maydonlarining yer usti metro yoʻnalishi faoliyatiga taʼsir qilmaydigan qismini toʻliq xatlovdan oʻtkazsin hamda xatlov natijalari boʻyicha aniqlangan yer maydonlarini belgilangan tartibda Toshkent shahar hokimligi zaxirasiga topshirsin.
5. Transport vazirligi Qurilish vazirligi, Favqulodda vaziyatlar vazirligi, Toshkent shahar hokimligi va Transport vazirligi huzuridagi “Toshkent metropoliteni” DUK birgalikda ikki oy muddatda:
tadbirkorlik va ijtimoiy loyihalarni joylashtirish va muvofiqlashtirish, bunda yer usti metro yoʻnalishlari tayanch ustunlari va metro yoʻliga zarar yetkazmaslik, yertoʻla qismini qurmaslik hamda metro tayanch ustunlari himoya hududini muhofaza qilish talablarini;
yer usti metro yoʻnalishlari ostida joylashgan yer uchastkalarida ruxsat berilmaydigan faoliyat turlari roʻyxatini tasdiqlasin.
6. Toshkent shahar hokimligi va Qurilish vazirligi bir oy muddatda Toshkent metropolitenining “Doʻstlik-Qoʻylik” yer usti metro yoʻnalishi 1 — 5 bekatlari oraligʻidagi yer maydonlarida tadbirkorlik va ijtimoiy loyihalarni amalga oshirish konsepsiyasini tasdiqlasin hamda qurilish-montaj ishlari shaharsozlik normalari va qoidalariga rioya qilingan holda bajarilishini qatʼiy nazoratga olsin.
7. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Toshkent shahar hokimi J.A. Artikxodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 1-iyun,
291-son