📅 2022-yil 1-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 1 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июня 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 1 June 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
ПРОГНОЗ КЎРСАТКИЧЛАРИ
Андижон вилоятида замонавий агросаноат кластерини ташкил этиш чора-тадбирлари тўғрисида
Андижон вилоятида мева-сабзавотчилик тармоғини янада ривожлантиришга тўғридан-тўғри инвестицияларни кенг жалб қилиш, вилоятнинг табиий-иқлим шароитига мос, серҳосил ва экспортбоп мева-сабзавот экинлари навларини жойлаштириш, маҳсулотни етиштириш, сақлаш, қайта ишлаш ва сотиш жараёнини тўлиқ қамраб олувчи тизимни кенг жорий этиш ва янги иш ўринларини яратиш мақсадида Вазирлар Маҳкамаси қарор қилади:
1. Қуйидагилар:
Инвестициялар ва ташқи савдо вазирлиги билан Бирлашган Араб Амирликларининг «E20 Investment Limited» компанияси (кейинги ўринларда — «E20» компанияси) ўртасида 2019 йил 24 мартда ўзаро ҳамкорлик меморандуми имзоланганлиги;
Андижон вилояти ҳокимлиги билан «E20» компанияси ўртасида 28,5 млн доллар миқдорида тўғридан-тўғри хорижий инвестицияларни жалб қилиш ҳисобига Андижон вилоятининг Пахтаобод туманида қишлоқ хўжалигига мўлжалланган 470 гектар ер майдонида гилос ва резавор меваларни етиштириш, сақлаш ва чуқур қайта ишлашга мўлжалланган замонавий агросаноат кластерини ташкил этиш бўйича 2021 йил 29 ноябрда меморандум имзоланганлиги;
«2U» МЧЖ хорижий корхонасининг таъсисчиси бўлган «E20» компанияси томонидан корхонанинг дастлабки устав фонди (капитали) шакллантирилганлиги маълумот учун қабул қилинсин.
2. Андижон вилояти ҳокимлиги, Қишлоқ хўжалиги вазирлиги ҳамда Инвестициялар ва ташқи савдо вазирлигининг:
Пахтаобод туманида «2U» МЧЖ хорижий корхонаси томонидан гилос ва резавор меваларни етиштириш, сақлаш ва чуқур қайта ишлашни ташкил этиш бўйича мева-сабзавотчилик кластерини (кейинги ўринларда — агросаноат кластери) ташкил этиш бўйича инвестиция лойиҳасини амалга ошириш;
«2U» МЧЖ хорижий корхонасига лойиҳани амалга ошириш учун Пахтаобод тумани ҳокимлиги захирасидаги қишлоқ хўжалигига мўлжалланган 470 гектар ер майдонини 25 йил муддатга ижарага олиш ҳуқуқининг бозор қийматида 1,5 млрд сўм ҳақ тўлаш шарти билан ажратиш тўғрисидаги таклифига розилик берилсин.
3. Андижон вилояти Пахтаобод тумани ҳокимлиги захирасидаги мазкур қарорга 1-иловада белгиланган 470 гектар ер участкалари «2U» МЧЖ хорижий корхонасига 25 йил муддатга ижарага берилсин.
Андижон вилояти ҳокимлиги Қишлоқ хўжалиги вазирлиги билан биргаликда «2U» МЧЖ хорижий корхонаси томонидан 1,5 млрд сўм маблағ Ўзбекистон Республикасининг Давлат бюджетига тўлиқ ўтказилганидан сўнг Пахтаобод тумани ҳокимлиги ва «2U» МЧЖ хорижий корхонаси ўртасида ер ижара шартномаси тузилишини, шунингдек, ер участкасига ижара ҳуқуқи белгиланган тартибда давлат рўйхатидан ўтказилишини таъминласин.
4. Агросаноат кластерларининг асосий вазифалари этиб қуйидагилар белгилансин:
мева-сабзавот ва бошқа қишлоқ хўжалиги экинларини етиштиришнинг замонавий усулларини, илм-фан ютуқларини ҳамда илғор инновация ва сув тежайдиган технологияларни кенг жорий этиш;
тўғридан-тўғри хорижий инвестицияларни жалб этган ҳолда мева-сабзавот маҳсулотларини чуқур қайта ишлашнинг самарали усуллари ва технологияларидан фойдаланиш;
касалликлардан холи бўлган мевали дарахт кўчатларини етиштириш учун замонавий «in-vitro» лабораторияси ҳамда кўчатхоналарни ташкил этиш;
қўшилган қийматга эга рақобатбардош маҳсулотларни ишлаб чиқариш орқали экспорт ҳажмларини кўпайтириш;
тупроқ унумдорлигини ва қишлоқ хўжалиги экинлари ҳосилдорлигини ошириб бориш, ерлардан оқилона ва самарали фойдаланиш ҳамда уларни муҳофаза қилиш тадбирларини амалга ошириш.
5. Андижон вилояти Пахтаобод туманида «2U» МЧЖ хорижий корхонаси томонидан гилос ва резавор меваларни етиштириш, сақлаш, чуқур қайта ишлаш ҳамда сотиш жараёнини тўлиқ қамраб олувчи замонавий агросаноат корхонасини ташкил этиш лойиҳасининг 2022 — 2025 йилларга мўлжалланган прогноз кўрсаткичлари 2-иловага мувофиқ маъқуллансин.
6. Белгилансинки, «2U» МЧЖ хорижий корхонаси томонидан мазкур қарорда белгиланган инвестиция мажбуриятлари бажарилмаган ва ер ижара шартномасида назарда тутилган талабларга риоя қилинмаган тақдирда, шунингдек, Ер кодексининг 36-37-моддаларида назарда тутилган ҳолларда, ер участкасини ижарага олиш ҳуқуқи бекор қилинади.
7. Андижон вилояти ҳокимлиги Сув хўжалиги вазирлиги билан биргаликда хўжаликлараро суғориш ва мелиоратив тармоқларининг техник ҳолатидан келиб чиқиб, белгиланган тартибда таъмирлаш-тиклаш ишларини амалга оширсин ҳамда Андижон вилоятига белгиланган лимит доирасида экин майдонларини сув билан таъминласин.
8. Давлат солиқ қўмитаси ҳузуридаги Кадастр агентлиги ҳузуридаги «Геоинновация маркази» давлат унитар корхонаси «2U» МЧЖ хорижий корхонасининг буюртманомаларига биноан қишлоқ хўжалиги маҳсулотларини етиштириш жараёнини самарали бошқариш, назорат қилиш ва мониторинг олиб боришда белгиланган тартибда учувчисиз учиш аппаратларидан фойдаланишга кўмаклашсин.
9. Бандлик ва меҳнат муносабатлари вазирлиги Андижон вилояти ҳокимлигининг буюртманомаларига биноан жалб этилаётган хорижий мутахассисларга (Ўзбекистон Республикаси фуқаролари орасида бундай мутахассислар бўлмаган тақдирда) Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков ва Андижон вилояти ҳокими Ш.К. Абдураҳманов зиммасига юклансин.
Вазирлар Маҳкамасининг 2022 йил 1 июндаги 293-сон қарорига 1-ИЛОВА
Андижон вилояти Пахтаобод тумани ҳокимлиги захирасидаги «2U» МЧЖ хорижий корхонасига ижарага берилаётган ер участкаларининг контурлар кесимидаги
Т/р Контур рақами Умумий ер майдони (гектар) Шу жумладан: Экин ерлар Кўп йиллик дарахтзорлар Жами қишлоқ хўжалиги ер турлари Сув фонди ерлари Йўл ости ерлар Қурилишлар Бошқа ерлар жами шундан, суғориладиган Жами шундан боғ узум тутзор 1. 290а 4,80 4,70 4,70 0,10 0,10 4,80 2. 292а 6,30 6,10 6,10 0,10 0,10 6,20 0,10 3. 291ак 7,60 7,40 7,40 7,40 0,20 4. 293ак 3,20 3,00 3,00 3,00 0,20 5. 92к 14,62 13,85 13,85 13,85 0,63 0,14 6. 90 13,08 12,14 12,14 12,14 0,94 7. 91 6,72 4,75 4,75 4,75 0,56 1,41 8. 100к 9,77 9,36 9,36 9,36 0,41 9. 86 0,12 0,12 10. 98к 1,22 1,22 1,22 1,22 11. 298а 6,73 6,33 6,33 6,33 0,15 0,10 0,15 12. 295ак 38,40 37,20 37,20 37,20 0,80 0,30 0,10 13. 95к 5,50 5,40 5,40 5,40 0,10 14. 93 0,44 0,06 0,07 0,31 15. 97к 12,74 11,94 11,94 11,94 0,50 0,20 0,10 16. 92к 5,50 5,41 5,41 5,41 0,09 17. 98к 5,00 4,59 4,59 4,59 0,31 0,10 18. 94 7,46 7,00 7,00 7,00 0,23 0,23 19. 95к 22,53 21,40 21,40 0,10 0,10 21,50 0,60 0,43 20. 96 21,57 19,70 19,70 0,20 0,20 19,90 0,99 0,44 0,24 21. 95 6,40 6,00 6,00 6,00 0,20 0,20 22. 298ак 6,62 6,40 6,40 6,40 0,22 23. 298ак 9,45 8,97 8,97 8,97 0,33 0,10 0,05 24. 298ак 3,50 3,30 3,30 3,30 0,20 89 1,86 1,54 1,54 1,54 0,17 0,05 0,10 25. 294ак 3,80 3,30 3,30 3,30 0,20 0,10 0,10 0,10 26. 293а 3,20 3,20 3,20 3,20 27. 291ак 5,50 5,40 5,40 5,40 0,10 28. 291ак 2,10 2,00 2,00 2,00 0,10 29. 297ак 5,20 5,00 5,00 5,00 0,20 30. 88 10,26 9,87 9,87 9,87 0,28 0,11 31. 95 5,60 5,30 5,30 5,30 0,20 0,10 32. 19 3,00 2,90 2,90 2,90 0,10 33. 296а 2,40 2,30 2,30 2,30 0,10 34. 297ак 5,30 1,41 1,41 3,69 3,69 5,10 0,10 0,10 35. 297ак 5,30 5,00 5,00 5,00 0,20 0,10 36. 290а 2,00 1,90 1,90 1,90 0,10 37. 415 9,70 9,40 9,40 9,40 0,30 38. 417к 30,00 29,40 29,40 29,40 0,30 0,20 0,10 39. 412 4,20 3,70 3,70 3,70 0,50 40. 413 20,50 20,10 20,10 20,10 0,30 0,10 41. 414к 3,90 3,80 3,80 3,80 0,10 42. 411к 6,20 6,00 6,00 6,00 0,20 43. 411к 23,90 23,50 23,50 0,20 0,20 23,70 0,20 44. 408 2,70 2,60 2,60 2,60 0,10 45. 409 19,00 18,00 18,00 0,30 0,30 18,30 0,50 0,20 46. 407к 21,50 20,50 20,50 20,50 0,90 0,10 47. 406 1,40 1,30 1,30 1,30 0,10 48. 396к 0,80 0,80 49. 414к 8,20 8,00 8,00 8,00 0,20 50. 416 16,40 15,90 15,90 15,90 0,50 51. 410 9,70 9,40 9,40 0,10 0,10 9,50 0,20 52. 411к 8,90 5,60 5,60 3,00 3,00 8,60 0,30 53. 413 5,30 4,70 4,70 4,70 0,50 0,10 54. 413к 3,10 3,00 3,00 3,00 0,10 Жами 470,19 430,18 430,18 17,79 8,00 8,69 1,10 447,97 14,97 4,27 0,61 2,37
Вазирлар Маҳкамасининг 2022 йил 1 июндаги 293-сон қарорига 2-ИЛОВА
Андижон вилояти Пахтаобод туманида «2U» МЧЖ хорижий корхонаси томонидан гилос ва резавор меваларни етиштириш, сақлаш, чуқур қайта ишлаш ҳамда сотиш жараёнини тўлиқ қамраб олувчи замонавий агросаноат корхонасини ташкил этиш лойиҳасининг 2022 — 2025 йилларга мўлжалланган
Т/р Чора-тадбирлар Амалга ошириш муддатлари Қиймати (АҚШ доллари) 1. Тупроқни тайёрлаш, ёмғир ва дўлга қарши ҳимоя тизимини ўрнатиш 2022-2023 йиллар 12 000 000 2. Замонавий томчилатиб суғориш тизимини жорий қилиш 2022 — 2025 йиллар 3 500 000 шу жумладан: 2.1 сув сақлаш омбори (100,000 куб. метр) ва сув олиш насос станцияларини қуриш 2022-2023 йиллар 800 000 2.2 гилос ва узум плантациясида томчилатиб суғориш тизимини жорий қилиш (155 гектар) 2022-2023 йиллар 775 000 2.3 резавор экинлар (малина, қулупнай, голубика ва черника) майдонида томчилатиб суғориш тизимини жорий қилиш (45 гектар) 2022-2023 йиллар 450 000 2.4 сувнинг кислоталиги, тескари осмоз ва бошқа ферментация тизимларини ўрнатиш ферментация кимёвий моддалари ва тескари осмоз тизимининг сарф материалларини харид қилиш 2022 — 2025 йиллар 1 475 000 3. Агрологистика, омбор ва хизмат иншоотларини қуриш 2022-2023 йиллар 3 000 000 4. Махсус, қишлоқ хўжалиги ва хизмат транспорт воситаларини харид қилиш 2022-2023 йиллар 675 000 5. Гилос ва резавор кўчатлари 2022-2023 йиллар 3 300 000 6. Замонавий ўстириш тизимларини йўлга қўйиш 2023 йил 1 300 000 7. Қўшимча капитал ва операцион харажатлар 2022 — 2025 йиллар 4 700 000
Ўзбекистон Республикасининг Бош вазири А. АРИПОВ
Тошкент ш.,
2022 йил 1 июнь,
293-сон
Oʻzbekiston Respublikasi Vazirlar Mahkamasining
qarori
ROʻYXATI
PROGNOZ KOʻRSATKICHLARI
Andijon viloyatida zamonaviy agrosanoat klasterini tashkil etish chora-tadbirlari toʻgʻrisida
Andijon viloyatida meva-sabzavotchilik tarmogʻini yanada rivojlantirishga toʻgʻridan-toʻgʻri investitsiyalarni keng jalb qilish, viloyatning tabiiy-iqlim sharoitiga mos, serhosil va eksportbop meva-sabzavot ekinlari navlarini joylashtirish, mahsulotni yetishtirish, saqlash, qayta ishlash va sotish jarayonini toʻliq qamrab oluvchi tizimni keng joriy etish va yangi ish oʻrinlarini yaratish maqsadida Vazirlar Mahkamasi qaror qiladi:
1. Quyidagilar:
Investitsiyalar va tashqi savdo vazirligi bilan Birlashgan Arab Amirliklarining “E20 Investment Limited” kompaniyasi (keyingi oʻrinlarda — “E20” kompaniyasi) oʻrtasida 2019-yil 24-martda oʻzaro hamkorlik memorandumi imzolanganligi;
Andijon viloyati hokimligi bilan “E20” kompaniyasi oʻrtasida 28,5 mln dollar miqdorida toʻgʻridan-toʻgʻri xorijiy investitsiyalarni jalb qilish hisobiga Andijon viloyatining Paxtaobod tumanida qishloq xoʻjaligiga moʻljallangan 470 gektar yer maydonida gilos va rezavor mevalarni yetishtirish, saqlash va chuqur qayta ishlashga moʻljallangan zamonaviy agrosanoat klasterini tashkil etish boʻyicha 2021-yil 29-noyabrda memorandum imzolanganligi;
“2U” MCHJ xorijiy korxonasining taʼsischisi boʻlgan “E20” kompaniyasi tomonidan korxonaning dastlabki ustav fondi (kapitali) shakllantirilganligi maʼlumot uchun qabul qilinsin.
2. Andijon viloyati hokimligi, Qishloq xoʻjaligi vazirligi hamda Investitsiyalar va tashqi savdo vazirligining:
Paxtaobod tumanida “2U” MCHJ xorijiy korxonasi tomonidan gilos va rezavor mevalarni yetishtirish, saqlash va chuqur qayta ishlashni tashkil etish boʻyicha meva-sabzavotchilik klasterini (keyingi oʻrinlarda — agrosanoat klasteri) tashkil etish boʻyicha investitsiya loyihasini amalga oshirish;
“2U” MCHJ xorijiy korxonasiga loyihani amalga oshirish uchun Paxtaobod tumani hokimligi zaxirasidagi qishloq xoʻjaligiga moʻljallangan 470 gektar yer maydonini 25 yil muddatga ijaraga olish huquqining bozor qiymatida 1,5 mlrd soʻm haq toʻlash sharti bilan ajratish toʻgʻrisidagi taklifiga rozilik berilsin.
3. Andijon viloyati Paxtaobod tumani hokimligi zaxirasidagi mazkur qarorga 1-ilovada belgilangan 470 gektar yer uchastkalari “2U” MCHJ xorijiy korxonasiga 25 yil muddatga ijaraga berilsin.
Andijon viloyati hokimligi Qishloq xoʻjaligi vazirligi bilan birgalikda “2U” MCHJ xorijiy korxonasi tomonidan 1,5 mlrd soʻm mablagʻ Oʻzbekiston Respublikasining Davlat budjetiga toʻliq oʻtkazilganidan soʻng Paxtaobod tumani hokimligi va “2U” MCHJ xorijiy korxonasi oʻrtasida yer ijara shartnomasi tuzilishini, shuningdek, yer uchastkasiga ijara huquqi belgilangan tartibda davlat roʻyxatidan oʻtkazilishini taʼminlasin.
4. Agrosanoat klasterlarining asosiy vazifalari etib quyidagilar belgilansin:
meva-sabzavot va boshqa qishloq xoʻjaligi ekinlarini yetishtirishning zamonaviy usullarini, ilm-fan yutuqlarini hamda ilgʻor innovatsiya va suv tejaydigan texnologiyalarni keng joriy etish;
toʻgʻridan-toʻgʻri xorijiy investitsiyalarni jalb etgan holda meva-sabzavot mahsulotlarini chuqur qayta ishlashning samarali usullari va texnologiyalaridan foydalanish;
kasalliklardan xoli boʻlgan mevali daraxt koʻchatlarini yetishtirish uchun zamonaviy “in-vitro” laboratoriyasi hamda koʻchatxonalarni tashkil etish;
qoʻshilgan qiymatga ega raqobatbardosh mahsulotlarni ishlab chiqarish orqali eksport hajmlarini koʻpaytirish;
tuproq unumdorligini va qishloq xoʻjaligi ekinlari hosildorligini oshirib borish, yerlardan oqilona va samarali foydalanish hamda ularni muhofaza qilish tadbirlarini amalga oshirish.
5. Andijon viloyati Paxtaobod tumanida “2U” MCHJ xorijiy korxonasi tomonidan gilos va rezavor mevalarni yetishtirish, saqlash, chuqur qayta ishlash hamda sotish jarayonini toʻliq qamrab oluvchi zamonaviy agrosanoat korxonasini tashkil etish loyihasining 2022 — 2025-yillarga moʻljallangan prognoz koʻrsatkichlari 2-ilovaga muvofiq maʼqullansin.
6. Belgilansinki, “2U” MCHJ xorijiy korxonasi tomonidan mazkur qarorda belgilangan investitsiya majburiyatlari bajarilmagan va yer ijara shartnomasida nazarda tutilgan talablarga rioya qilinmagan taqdirda, shuningdek, Yer kodeksining 36-37-moddalarida nazarda tutilgan hollarda, yer uchastkasini ijaraga olish huquqi bekor qilinadi.
7. Andijon viloyati hokimligi Suv xoʻjaligi vazirligi bilan birgalikda xoʻjaliklararo sugʻorish va meliorativ tarmoqlarining texnik holatidan kelib chiqib, belgilangan tartibda taʼmirlash-tiklash ishlarini amalga oshirsin hamda Andijon viloyatiga belgilangan limit doirasida ekin maydonlarini suv bilan taʼminlasin.
8. Davlat soliq qoʻmitasi huzuridagi Kadastr agentligi huzuridagi “Geoinnovatsiya markazi” davlat unitar korxonasi “2U” MCHJ xorijiy korxonasining buyurtmanomalariga binoan qishloq xoʻjaligi mahsulotlarini yetishtirish jarayonini samarali boshqarish, nazorat qilish va monitoring olib borishda belgilangan tartibda uchuvchisiz uchish apparatlaridan foydalanishga koʻmaklashsin.
9. Bandlik va mehnat munosabatlari vazirligi Andijon viloyati hokimligining buyurtmanomalariga binoan jalb etilayotgan xorijiy mutaxassislarga (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov va Andijon viloyati hokimi Sh.K. Abdurahmanov zimmasiga yuklansin.
Vazirlar Mahkamasining 2022-yil 1-iyundagi 293-son qaroriga 1-ILOVA
Andijon viloyati Paxtaobod tumani hokimligi zaxirasidagi “2U” MCHJ xorijiy korxonasiga ijaraga berilayotgan yer uchastkalarining konturlar kesimidagi
T/r Kontur raqami Umumiy yer maydoni (gektar) Shu jumladan: Ekin yerlar Koʻp yillik daraxtzorlar Jami qishloq xoʻjaligi yer turlari Suv fondi yerlari Yoʻl osti yerlar Qurilishlar Boshqa yerlar jami shundan, sugʻoriladigan Jami shundan bogʻ uzum tutzor 1. 290a 4,80 4,70 4,70 0,10 0,10 4,80 2. 292a 6,30 6,10 6,10 0,10 0,10 6,20 0,10 3. 291ak 7,60 7,40 7,40 7,40 0,20 4. 293ak 3,20 3,00 3,00 3,00 0,20 5. 92k 14,62 13,85 13,85 13,85 0,63 0,14 6. 90 13,08 12,14 12,14 12,14 0,94 7. 91 6,72 4,75 4,75 4,75 0,56 1,41 8. 100k 9,77 9,36 9,36 9,36 0,41 9. 86 0,12 0,12 10. 98k 1,22 1,22 1,22 1,22 11. 298a 6,73 6,33 6,33 6,33 0,15 0,10 0,15 12. 295ak 38,40 37,20 37,20 37,20 0,80 0,30 0,10 13. 95k 5,50 5,40 5,40 5,40 0,10 14. 93 0,44 0,06 0,07 0,31 15. 97k 12,74 11,94 11,94 11,94 0,50 0,20 0,10 16. 92k 5,50 5,41 5,41 5,41 0,09 17. 98k 5,00 4,59 4,59 4,59 0,31 0,10 18. 94 7,46 7,00 7,00 7,00 0,23 0,23 19. 95k 22,53 21,40 21,40 0,10 0,10 21,50 0,60 0,43 20. 96 21,57 19,70 19,70 0,20 0,20 19,90 0,99 0,44 0,24 21. 95 6,40 6,00 6,00 6,00 0,20 0,20 22. 298ak 6,62 6,40 6,40 6,40 0,22 23. 298ak 9,45 8,97 8,97 8,97 0,33 0,10 0,05 24. 298ak 3,50 3,30 3,30 3,30 0,20 89 1,86 1,54 1,54 1,54 0,17 0,05 0,10 25. 294ak 3,80 3,30 3,30 3,30 0,20 0,10 0,10 0,10 26. 293a 3,20 3,20 3,20 3,20 27. 291ak 5,50 5,40 5,40 5,40 0,10 28. 291ak 2,10 2,00 2,00 2,00 0,10 29. 297ak 5,20 5,00 5,00 5,00 0,20 30. 88 10,26 9,87 9,87 9,87 0,28 0,11 31. 95 5,60 5,30 5,30 5,30 0,20 0,10 32. 19 3,00 2,90 2,90 2,90 0,10 33. 296a 2,40 2,30 2,30 2,30 0,10 34. 297ak 5,30 1,41 1,41 3,69 3,69 5,10 0,10 0,10 35. 297ak 5,30 5,00 5,00 5,00 0,20 0,10 36. 290a 2,00 1,90 1,90 1,90 0,10 37. 415 9,70 9,40 9,40 9,40 0,30 38. 417k 30,00 29,40 29,40 29,40 0,30 0,20 0,10 39. 412 4,20 3,70 3,70 3,70 0,50 40. 413 20,50 20,10 20,10 20,10 0,30 0,10 41. 414k 3,90 3,80 3,80 3,80 0,10 42. 411k 6,20 6,00 6,00 6,00 0,20 43. 411k 23,90 23,50 23,50 0,20 0,20 23,70 0,20 44. 408 2,70 2,60 2,60 2,60 0,10 45. 409 19,00 18,00 18,00 0,30 0,30 18,30 0,50 0,20 46. 407k 21,50 20,50 20,50 20,50 0,90 0,10 47. 406 1,40 1,30 1,30 1,30 0,10 48. 396k 0,80 0,80 49. 414k 8,20 8,00 8,00 8,00 0,20 50. 416 16,40 15,90 15,90 15,90 0,50 51. 410 9,70 9,40 9,40 0,10 0,10 9,50 0,20 52. 411k 8,90 5,60 5,60 3,00 3,00 8,60 0,30 53. 413 5,30 4,70 4,70 4,70 0,50 0,10 54. 413k 3,10 3,00 3,00 3,00 0,10 Jami 470,19 430,18 430,18 17,79 8,00 8,69 1,10 447,97 14,97 4,27 0,61 2,37
Vazirlar Mahkamasining 2022-yil 1-iyundagi 293-son qaroriga 2-ILOVA
Andijon viloyati Paxtaobod tumanida “2U” MCHJ xorijiy korxonasi tomonidan gilos va rezavor mevalarni yetishtirish, saqlash, chuqur qayta ishlash hamda sotish jarayonini toʻliq qamrab oluvchi zamonaviy agrosanoat korxonasini tashkil etish loyihasining 2022 — 2025-yillarga moʻljallangan
T/r Chora-tadbirlar Amalga oshirish muddatlari Qiymati (AQSH dollari) 1. Tuproqni tayyorlash, yomgʻir va doʻlga qarshi himoya tizimini oʻrnatish 2022-2023-yillar 12 000 000 2. Zamonaviy tomchilatib sugʻorish tizimini joriy qilish 2022 — 2025-yillar 3 500 000 shu jumladan: 2.1 suv saqlash ombori (100,000 kub. metr) va suv olish nasos stansiyalarini qurish 2022-2023-yillar 800 000 2.2 gilos va uzum plantatsiyasida tomchilatib sugʻorish tizimini joriy qilish (155 gektar) 2022-2023-yillar 775 000 2.3 rezavor ekinlar (malina, qulupnay, golubika va chernika) maydonida tomchilatib sugʻorish tizimini joriy qilish (45 gektar) 2022-2023-yillar 450 000 2.4 suvning kislotaligi, teskari osmoz va boshqa fermentatsiya tizimlarini oʻrnatish fermentatsiya kimyoviy moddalari va teskari osmoz tizimining sarf materiallarini xarid qilish 2022 — 2025-yillar 1 475 000 3. Agrologistika, ombor va xizmat inshootlarini qurish 2022-2023-yillar 3 000 000 4. Maxsus, qishloq xoʻjaligi va xizmat transport vositalarini xarid qilish 2022-2023-yillar 675 000 5. Gilos va rezavor koʻchatlari 2022-2023-yillar 3 300 000 6. Zamonaviy oʻstirish tizimlarini yoʻlga qoʻyish 2023-yil 1 300 000 7. Qoʻshimcha kapital va operatsion xarajatlar 2022 — 2025-yillar 4 700 000
Oʻzbekiston Respublikasining Bosh vaziri A. ARIPOV
Toshkent sh.,
2022-yil 1-iyun,
293-son