📅 2022-yil 2-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 2 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 июня 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 2 June 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ЖАДВАЛИ
Ўзбекистон Республикасининг Халқаро меҳнат ташкилоти (ХМТ) олдидаги аъзолик бадалидан қарздорлигини қоплаш чора-тадбирлари тўғрисида
Халқаро меҳнат ташкилоти билан яқин ҳамкорликни мустаҳкамлаш, халқаро ташкилотда Ўзбекистон Республикасининг овоз бериш ҳуқуқини сақлаб қолиш, шунингдек, мамлакатнинг сиёсий имижини яхшилаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикасининг халқаро шартномаларидан ва халқаро ташкилотларга аъзоликдан келиб чиқадиган мажбуриятларини бажариш тартибини такомиллаштириш чора-тадбирлари тўғрисида» 2020 йил 22 июндаги ПҚ-4756-сон қарорига мувофиқ Ўзбекистон Республикасининг халқаро шартномалари ва халқаро ташкилотларга аъзолик бўйича мажбуриятларидан келиб чиқадиган бадалларни тўлаш бўйича қарздорлиги бюджет маблағлари ҳисобидан Вазирлар Маҳкамасининг алоҳида қарори асосида сўндирилиши белгиланганлиги маълумот учун қабул қилинсин.
2. Ўзбекистон Республикаси Бандлик ва меҳнат муносабатлари вазирлиги ҳамда Молия вазирлигининг Халқаро меҳнат ташкилоти олдида Ўзбекистон Республикасининг аъзолик бадали тўловлари бўйича аввалги йилларда юзага келган 747 минг 400 Швейцария франки миқдоридаги қарздорликни (кейинги ўринларда — қарздорлик) 2024 йилга қадар босқичма-босқич қоплаш тўғрисидаги таклифи маъқуллансин.
3. Ўзбекистон Республикаси Бандлик ва меҳнат муносабатлари вазирлиги қарздорликни иловадаги жадвал асосида қоплаш масаласининг Халқаро меҳнат ташкилоти билан белгиланган тартибда келишилишини ҳамда келишилган жадвал асосида қарздорликнинг 2022 — 2024 йиллар давомида Ўзбекистон Республикаси Давлат бюджети маблағлари ҳисобидан босқичма-босқич қопланишини таъминласин.
4. Ўзбекистон Республикаси Молия вазирлиги:
иловадаги жадвалга асосан 2022 йилда Халқаро меҳнат ташкилотига тўлаб берилиши зарур бўлган маблағларни 2022 йилги Давлат бюджети параметрларида халқаро ташкилотларга аъзолик бадали тўловлари учун назарда тутилган маблағлар доирасида молиялаштирсин;
2023 йилдан бошлаб Бандлик ва меҳнат муносабатлари вазирлигининг сўровига асосан Давлат бюджети параметрларида иловадаги жадвал асосида Ўзбекистон Республикасининг Халқаро меҳнат ташкилоти олдидаги аъзолик бадалидан қарздорлигини сўндириш учун зарур маблағлар назарда тутиб борилишини таъминласин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси бандлик ва меҳнат муносабатлари вазири Н.Б. Хусанов зиммасига юклансин.
Вазирлар Маҳкамасининг 2022 йил 2 июндаги 298-сон қарорига ИЛОВА
Ўзбекистон Республикасининг Халқаро меҳнат ташкилоти бюджетига аъзолик бадаллари учун вужудга келган қарздорликни қоплаш
Т/р Йиллар Валюта Тўлов миқдори 1. 2022 йил Шв. франки (СНҒ) 298 000 2. 2023 йил Шв. франки (СНҒ) 224 700 3. 2024 йил Шв. франки (СНҒ) 224 700 Жами 747 400
Ўзбекистон Республикасининг Бош вазири А. АРИПОВ
Тошкент ш.,
2022 йил 2 июнь,
298-сон
Oʻzbekiston Respublikasi Vazirlar Mahkamasining
qarori
JADVALI
Oʻzbekiston Respublikasining Xalqaro mehnat tashkiloti (XMT) oldidagi aʼzolik badalidan qarzdorligini qoplash chora-tadbirlari toʻgʻrisida
Xalqaro mehnat tashkiloti bilan yaqin hamkorlikni mustahkamlash, xalqaro tashkilotda Oʻzbekiston Respublikasining ovoz berish huquqini saqlab qolish, shuningdek, mamlakatning siyosiy imijini yaxshilash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasining xalqaro shartnomalaridan va xalqaro tashkilotlarga aʼzolikdan kelib chiqadigan majburiyatlarini bajarish tartibini takomillashtirish chora-tadbirlari toʻgʻrisida” 2020-yil 22-iyundagi PQ-4756-son qaroriga muvofiq Oʻzbekiston Respublikasining xalqaro shartnomalari va xalqaro tashkilotlarga aʼzolik boʻyicha majburiyatlaridan kelib chiqadigan badallarni toʻlash boʻyicha qarzdorligi budjet mablagʻlari hisobidan Vazirlar Mahkamasining alohida qarori asosida soʻndirilishi belgilanganligi maʼlumot uchun qabul qilinsin.
2. Oʻzbekiston Respublikasi Bandlik va mehnat munosabatlari vazirligi hamda Moliya vazirligining Xalqaro mehnat tashkiloti oldida Oʻzbekiston Respublikasining aʼzolik badali toʻlovlari boʻyicha avvalgi yillarda yuzaga kelgan 747 ming 400 Shveysariya franki miqdoridagi qarzdorlikni (keyingi oʻrinlarda — qarzdorlik) 2024-yilga qadar bosqichma-bosqich qoplash toʻgʻrisidagi taklifi maʼqullansin.
3. Oʻzbekiston Respublikasi Bandlik va mehnat munosabatlari vazirligi qarzdorlikni ilovadagi jadval asosida qoplash masalasining Xalqaro mehnat tashkiloti bilan belgilangan tartibda kelishilishini hamda kelishilgan jadval asosida qarzdorlikning 2022 — 2024-yillar davomida Oʻzbekiston Respublikasi Davlat budjeti mablagʻlari hisobidan bosqichma-bosqich qoplanishini taʼminlasin.
4. Oʻzbekiston Respublikasi Moliya vazirligi:
ilovadagi jadvalga asosan 2022-yilda Xalqaro mehnat tashkilotiga toʻlab berilishi zarur boʻlgan mablagʻlarni 2022-yilgi Davlat budjeti parametrlarida xalqaro tashkilotlarga aʼzolik badali toʻlovlari uchun nazarda tutilgan mablagʻlar doirasida moliyalashtirsin;
2023-yildan boshlab Bandlik va mehnat munosabatlari vazirligining soʻroviga asosan Davlat budjeti parametrlarida ilovadagi jadval asosida Oʻzbekiston Respublikasining Xalqaro mehnat tashkiloti oldidagi aʼzolik badalidan qarzdorligini soʻndirish uchun zarur mablagʻlar nazarda tutib borilishini taʼminlasin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi bandlik va mehnat munosabatlari vaziri N.B. Xusanov zimmasiga yuklansin.
Vazirlar Mahkamasining 2022-yil 2-iyundagi 298-son qaroriga ILOVA
Oʻzbekiston Respublikasining Xalqaro mehnat tashkiloti budjetiga aʼzolik badallari uchun vujudga kelgan qarzdorlikni qoplash
T/r Yillar Valyuta Toʻlov miqdori 1. 2022-yil Shv. franki (SNGʻ) 298 000 2. 2023-yil Shv. franki (SNGʻ) 224 700 3. 2024-yil Shv. franki (SNGʻ) 224 700 Jami 747 400
Oʻzbekiston Respublikasining Bosh vaziri A. ARIPOV
Toshkent sh.,
2022-yil 2-iyun,
298-son