📅 2022-yil 7-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 7 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 июня 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 7 June 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Қишлоқ хўжалигида фойдаланилмаётган ерларни фойдаланишга киритишда ирригация ва мелиорация объектларини қуриш ва реконструкция қилиш билан боғлиқ харажатларни қоплаб бериш тартиби тўғрисидаги низомга ўзгартиришлар ва қўшимча киритиш тўғрисида
Ўзбекистон Республикаси Президентининг «2022 — 2026 йилларга мўлжалланган Янги Ўзбекистоннинг тараққиёт стратегияси тўғрисида» 2022 йил 28 январдаги ПФ-60-сон Фармони ижросини таъминлаш мақсадида Вазирлар Маҳкамаси қарор қилади:
1. Вазирлар Маҳкамасининг 2020 йил 24 февралдаги 109-сон қарори билан тасдиқланган Қишлоқ хўжалигида фойдаланилмаётган ерларни фойдаланишга киритишда ирригация ва мелиорация объектларини қуриш ва реконструкция қилиш билан боғлиқ харажатларни қоплаб бериш тартиби тўғрисидаги низомга иловага мувофиқ ўзгартиришлар ва қўшимча киритилсин.
2. Ўзбекистон Республикаси Сув хўжалиги вазирлиги Қишлоқ хўжалиги вазирлиги, манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев зиммасига юклансин.
Вазирлар Маҳкамасининг 2022 йил 7 июндаги 316-сон қарорига ИЛОВА
Вазирлар Маҳкамасининг 2020 йил 24 февралдаги 109-сон қарори билан тасдиқланган Қишлоқ хўжалигида фойдаланилмаётган ерларни фойдаланишга киритишда ирригация ва мелиорация объектларини қуриш ва реконструкция қилиш билан боғлиқ харажатларни қоплаб бериш тартиби тўғрисидаги низомга киритилаётган ўзгартиришлар ва қўшимча
1. 1-банддаги «вертикал суғориш қудуқларини бурғилаш ва ишга тушириш» сўзлари «вертикал суғориш қудуқларини бурғилаш, насос агрегатини ўрнатиш ҳамда ишга тушириш» сўзлари билан алмаштирилсин.
2. 2-банднинг учинчи хатбошисидаги «ажратилган ерларга» сўзлари «ажратилган ерларга, шунингдек, лалми ва адир ерларга» сўзлари билан алмаштирилсин.
3. 5-бандда :
биринчи хатбоши қуйидаги таҳрирда баён этилсин:
«5. Қишлоқ хўжалигида фойдаланилмаётган ҳар бир гектар ерни фойдаланишга киритиш билан боғлиқ харажатларнинг 50 фоизи, бироқ базавий ҳисоблаш миқдорининг 50 баробаридан ошмаган, ерларни фойдаланишга киритишда вертикал суғориш қудуғини бурғилаш ва насос агрегатини ўрнатиш ҳамда ишга тушириш билан боғлиқ харажатларнинг эса 50 фоизи, бироқ 120 миллион сўмгача бўлган қисми Ўзбекистон Республикаси Давлат бюджети (кейинги ўринларда — Давлат бюджети) маблағлари ҳисобидан (субсидия сифатида) тузилган инвестиция шартномаси ёки давлат-хусусий шериклик битими доирасида бир марта қоплаб берилади»;
тўртинчи хатбошидаги «қоплаш учун ажратилади» сўзлари чиқариб ташлансин;
қуйидаги мазмундаги бешинчи хатбоши билан тўлдирилсин:
«қишлоқ хўжалигида фойдаланилмаётган ерларни фойдаланишга киритиш учун вертикал суғориш қудуғини бурғилаш ва насос агрегатини ўрнатиш ҳамда ишга тушириш билан боғлиқ харажатларнинг 50 фоизи, бироқ 120 миллион сўмгача бўлган қисмини қоплаш учун ажратилади»;
бешинчи хатбоши олтинчи хатбоши деб ҳисоблансин;
олтинчи хатбошидаги «вертикал суғориш қудуқларини бурғулаш ва ишга тушириш» сўзлари «вертикал суғориш қудуқларини бурғилаш ва насос агрегатини ўрнатиш ҳамда ишга тушириш» сўзлари билан алмаштирилсин.
4. 11-банддаги таҳрирда баён этилсин:
«11. Ўзбекистон Республикаси Сув хўжалиги вазирлиги қишлоқ хўжалигида фойдаланилмаётган ерларни фойдаланишга киритиш билан боғлиқ бўлган қуриш ва реконструкция қилиш ишлари учун Давлат бюджетидан ҳар бир гектар ерга 50 фоизи, бироқ базавий ҳисоблаш миқдорининг 50 баробаридан ошмаган, ерларни фойдаланишга киритишда вертикал суғориш қудуғини бурғилаш ва насос агрегатини ўрнатиш ҳамда ишга тушириш билан боғлиқ харажатларнинг эса 50 фоизи, бироқ 120 миллион сўмгача қопланадиган қисмини қуриш ва реконструкция қилиш ишлари бўйича тасдиқланган манзилли дастурига асосан мазкур мақсадлар учун марказлашган харажатлар сметасида назарда тутилган маблағлар доирасида аниқлайди».
Ўзбекистон Республикасининг Бош вазири А. АРИПОВ
Тошкент ш.,
2022 йил 7 июнь,
316-сон
Oʻzbekiston Respublikasi Vazirlar Mahkamasining
qarori
Qishloq xoʻjaligida foydalanilmayotgan yerlarni foydalanishga kiritishda irrigatsiya va melioratsiya obyektlarini qurish va rekonstruksiya qilish bilan bogʻliq xarajatlarni qoplab berish tartibi toʻgʻrisidagi nizomga oʻzgartirishlar va qoʻshimcha kiritish toʻgʻrisida
Oʻzbekiston Respublikasi Prezidentining “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida” 2022-yil 28-yanvardagi PF-60-son Farmoni ijrosini taʼminlash maqsadida Vazirlar Mahkamasi qaror qiladi:
1. Vazirlar Mahkamasining 2020-yil 24-fevraldagi 109-son qarori bilan tasdiqlangan Qishloq xoʻjaligida foydalanilmayotgan yerlarni foydalanishga kiritishda irrigatsiya va melioratsiya obyektlarini qurish va rekonstruksiya qilish bilan bogʻliq xarajatlarni qoplab berish tartibi toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.
2. Oʻzbekiston Respublikasi Suv xoʻjaligi vazirligi Qishloq xoʻjaligi vazirligi, manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.
Vazirlar Mahkamasining 2022-yil 7-iyundagi 316-son qaroriga ILOVA
Vazirlar Mahkamasining 2020-yil 24-fevraldagi 109-son qarori bilan tasdiqlangan Qishloq xoʻjaligida foydalanilmayotgan yerlarni foydalanishga kiritishda irrigatsiya va melioratsiya obyektlarini qurish va rekonstruksiya qilish bilan bogʻliq xarajatlarni qoplab berish tartibi toʻgʻrisidagi nizomga kiritilayotgan oʻzgartirishlar va qoʻshimcha
1. 1-banddagi “vertikal sugʻorish quduqlarini burgʻilash va ishga tushirish” soʻzlari “vertikal sugʻorish quduqlarini burgʻilash, nasos agregatini oʻrnatish hamda ishga tushirish” soʻzlari bilan almashtirilsin.
2. 2-bandning uchinchi xatboshisidagi “ajratilgan yerlarga” soʻzlari “ajratilgan yerlarga, shuningdek, lalmi va adir yerlarga” soʻzlari bilan almashtirilsin.
3. 5-bandda :
birinchi xatboshi quyidagi tahrirda bayon etilsin:
“5. Qishloq xoʻjaligida foydalanilmayotgan har bir gektar yerni foydalanishga kiritish bilan bogʻliq xarajatlarning 50 foizi, biroq bazaviy hisoblash miqdorining 50 barobaridan oshmagan, yerlarni foydalanishga kiritishda vertikal sugʻorish qudugʻini burgʻilash va nasos agregatini oʻrnatish hamda ishga tushirish bilan bogʻliq xarajatlarning esa 50 foizi, biroq 120 million soʻmgacha boʻlgan qismi Oʻzbekiston Respublikasi Davlat budjeti (keyingi oʻrinlarda — Davlat budjeti) mablagʻlari hisobidan (subsidiya sifatida) tuzilgan investitsiya shartnomasi yoki davlat-xususiy sheriklik bitimi doirasida bir marta qoplab beriladi”;
toʻrtinchi xatboshidagi “qoplash uchun ajratiladi” soʻzlari chiqarib tashlansin;
quyidagi mazmundagi beshinchi xatboshi bilan toʻldirilsin:
“qishloq xoʻjaligida foydalanilmayotgan yerlarni foydalanishga kiritish uchun vertikal sugʻorish qudugʻini burgʻilash va nasos agregatini oʻrnatish hamda ishga tushirish bilan bogʻliq xarajatlarning 50 foizi, biroq 120 million soʻmgacha boʻlgan qismini qoplash uchun ajratiladi”;
beshinchi xatboshi oltinchi xatboshi deb hisoblansin;
oltinchi xatboshidagi “vertikal sugʻorish quduqlarini burgʻulash va ishga tushirish” soʻzlari “vertikal sugʻorish quduqlarini burgʻilash va nasos agregatini oʻrnatish hamda ishga tushirish” soʻzlari bilan almashtirilsin.
4. 11-banddagi tahrirda bayon etilsin:
“11. Oʻzbekiston Respublikasi Suv xoʻjaligi vazirligi qishloq xoʻjaligida foydalanilmayotgan yerlarni foydalanishga kiritish bilan bogʻliq boʻlgan qurish va rekonstruksiya qilish ishlari uchun Davlat budjetidan har bir gektar yerga 50 foizi, biroq bazaviy hisoblash miqdorining 50 barobaridan oshmagan, yerlarni foydalanishga kiritishda vertikal sugʻorish qudugʻini burgʻilash va nasos agregatini oʻrnatish hamda ishga tushirish bilan bogʻliq xarajatlarning esa 50 foizi, biroq 120 million soʻmgacha qoplanadigan qismini qurish va rekonstruksiya qilish ishlari boʻyicha tasdiqlangan manzilli dasturiga asosan mazkur maqsadlar uchun markazlashgan xarajatlar smetasida nazarda tutilgan mablagʻlar doirasida aniqlaydi”.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 7-iyun,
316-son