📅 2022-yil 8-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 8 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 июня 2022 г. · Постановления Президента
Официальный текст. Официальный документ. Редакционные примечания не включены.
📅 8 June 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Иккинчи жаҳон уруши қатнашчилари ва фахрийларининг моддий таъминотини яхшилаш ҳамда ёлғиз кексалар ва ногиронлиги бўлган шахсларни қўллаб-қувватлаш тизимини янада такомиллаштириш тўғрисида
Иккинчи жаҳон уруши фахрийлари, фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқаролар, кексалар, ногиронлиги бўлган шахсларни манзилли ижтимоий ҳимоя қилишни кучайтириш, уларга кўрсатилаётган ижтимоий хизматлар сифатини янада ошириш ҳамда ушбу фуқароларни давлат томонидан қўллаб-қувватлашнинг шаффоф ва самарали механизмларини жорий этиш мақсадида:
1. Шундай тартиб ўрнатилсинки, унга мувофиқ:
1941 — 1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга бепул етказиб бериладиган озиқ-овқат маҳсулотлари ҳамда гигиена товарлари ўрнига ҳар ойда базавий ҳисоблаш миқдорининг бир баравари миқдорида қўшимча тўлов (кейинги ўринларда — қўшимча тўлов) тўлаб борилади;
1941 — 1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга бепул етказиб бериладиган зарур кийим-кечак ва пойабзаллар ўрнига кийим-кечак хариди учун ҳар йили август ойида базавий ҳисоблаш миқдорининг 15 баравари миқдорида тўланадиган компенсация (кейинги ўринларда — компенсация) жорий этилади.
Белгилансинки, компенсация ва қўшимча тўловлар мазкур бандда келтирилган шахсларга, уларнинг пенсиялари ва нафақалари тўланадиган тартибда тўланади.
2. Қўшимча тўлов ва компенсацияларни молиялаштириш қуйидагилар:
а) Пенсия жамғармаси ҳисобида турган пенсия олувчиларга:
қўшимча тўловлар — Пенсия жамғармаси маблағлари;
компенсациялар — Ўзбекистон Республикасининг республика бюджети маблағлари;
б) Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Ўзбекистон Республикаси Президенти давлат хавфсизлик хизмати, Олий суд, Конституциявий суд, Судьялар олий кенгаши, Бош прокуратура, Электрон технологияларни ривожлантириш маркази, Миллий гвардия, Иқтисодиёт ва молия вазирлиги ҳузуридаги Божхона қўмитаси ва Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан тайинланган пенсия ва нафақаларни олувчиларга қўшимча тўловлар ва компенсациялар мазкур вазирлик ва идораларга ажратилган бюджет маблағлари ҳисобидан амалга оширилсин.
3. Молия вазирлиги ушбу қарорда кўзда тутилган тадбирларни амалга ошириш учун зарур бўлган маблағлар 2022 йилда Давлат бюджети параметрларида 1941 — 1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга, шунингдек, ўзгалар парваришига муҳтож бўлган ёлғиз кексалар ва ногиронлиги бўлган шахсларга бепул етказиб бериладиган озиқ-овқат маҳсулотлари, гигиена товарлари ва кийим-кечаклар учун назарда тутилган маблағларнинг чекланган миқдорлари доирасида ажратилишини таъминласин.
4. Иқтисодий тараққиёт ва камбағалликни қисқартириш вазирлиги, Маҳалла ва нуронийларни қўллаб-қувватлаш вазирлиги, Оила ва хотин-қизлар давлат қўмитаси, Ёшлар ишлари агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари мазкур қарорнинг 1-бандида келтирилган имтиёзли тоифадаги шахсларга маҳаллий бюджет, «Саховат ва кўмак» жамғармаси, «Ёшлар дафтари»га киритилган ёшларни қўллаб-қувватлаш жамғармаси ва «Аёллар дафтари» рўйхатига киритилган хотин-қизларни қўллаб-қувватлаш жамғармаси маблағлари ҳисобидан қўшимча равишда моддий кўмак ва ижтимоий ёрдам кўрсатиб боришни таъминласин.
5. Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги ушбу қарорнинг мақсад ва вазифалари босма ва электрон ахборот воситаларида, шу жумладан Интернет жаҳон ахборот тармоғи орқали аҳоли ўртасида мунтазам, тизимли ва кенг кўламда ёритиб борилишини таъминласин.
6. Молия вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарор ижросини самарали ташкил қилишга масъул ва шахсий жавобгар этиб молия вазири Т.А. Ишметов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 8 июнь,
ПҚ-274-сон
Oʻzbekiston Respublikasi Prezidentining
Qarori
Ikkinchi jahon urushi qatnashchilari va faxriylarining moddiy taʼminotini yaxshilash hamda yolgʻiz keksalar va nogironligi boʻlgan shaxslarni qoʻllab-quvvatlash tizimini yanada takomillashtirish toʻgʻrisida
Ikkinchi jahon urushi faxriylari, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolar, keksalar, nogironligi boʻlgan shaxslarni manzilli ijtimoiy himoya qilishni kuchaytirish, ularga koʻrsatilayotgan ijtimoiy xizmatlar sifatini yanada oshirish hamda ushbu fuqarolarni davlat tomonidan qoʻllab-quvvatlashning shaffof va samarali mexanizmlarini joriy etish maqsadida:
1. Shunday tartib oʻrnatilsinki, unga muvofiq:
1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul yetkazib beriladigan oziq-ovqat mahsulotlari hamda gigiyena tovarlari oʻrniga har oyda bazaviy hisoblash miqdorining bir baravari miqdorida qoʻshimcha toʻlov (keyingi oʻrinlarda — qoʻshimcha toʻlov) toʻlab boriladi;
1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul yetkazib beriladigan zarur kiyim-kechak va poyabzallar oʻrniga kiyim-kechak xaridi uchun har yili avgust oyida bazaviy hisoblash miqdorining 15 baravari miqdorida toʻlanadigan kompensatsiya (keyingi oʻrinlarda — kompensatsiya) joriy etiladi.
Belgilansinki, kompensatsiya va qoʻshimcha toʻlovlar mazkur bandda keltirilgan shaxslarga, ularning pensiyalari va nafaqalari toʻlanadigan tartibda toʻlanadi.
2. Qoʻshimcha toʻlov va kompensatsiyalarni moliyalashtirish quyidagilar:
a) Pensiya jamgʻarmasi hisobida turgan pensiya oluvchilarga:
qoʻshimcha toʻlovlar — Pensiya jamgʻarmasi mablagʻlari;
kompensatsiyalar — Oʻzbekiston Respublikasining respublika budjeti mablagʻlari;
b) Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Oʻzbekiston Respublikasi Prezidenti davlat xavfsizlik xizmati, Oliy sud, Konstitutsiyaviy sud, Sudyalar oliy kengashi, Bosh prokuratura, Elektron texnologiyalarni rivojlantirish markazi, Milliy gvardiya, Iqtisodiyot va moliya vazirligi huzuridagi Bojxona qoʻmitasi va Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan tayinlangan pensiya va nafaqalarni oluvchilarga qoʻshimcha toʻlovlar va kompensatsiyalar mazkur vazirlik va idoralarga ajratilgan budjet mablagʻlari hisobidan amalga oshirilsin.
3. Moliya vazirligi ushbu qarorda koʻzda tutilgan tadbirlarni amalga oshirish uchun zarur boʻlgan mablagʻlar 2022-yilda Davlat budjeti parametrlarida 1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga, shuningdek, oʻzgalar parvarishiga muhtoj boʻlgan yolgʻiz keksalar va nogironligi boʻlgan shaxslarga bepul yetkazib beriladigan oziq-ovqat mahsulotlari, gigiyena tovarlari va kiyim-kechaklar uchun nazarda tutilgan mablagʻlarning cheklangan miqdorlari doirasida ajratilishini taʼminlasin.
4. Iqtisodiy taraqqiyot va kambagʻallikni qisqartirish vazirligi, Mahalla va nuroniylarni qoʻllab-quvvatlash vazirligi, Oila va xotin-qizlar davlat qoʻmitasi, Yoshlar ishlari agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari mazkur qarorning 1-bandida keltirilgan imtiyozli toifadagi shaxslarga mahalliy budjet, “Saxovat va koʻmak” jamgʻarmasi, “Yoshlar daftari”ga kiritilgan yoshlarni qoʻllab-quvvatlash jamgʻarmasi va “Ayollar daftari” roʻyxatiga kiritilgan xotin-qizlarni qoʻllab-quvvatlash jamgʻarmasi mablagʻlari hisobidan qoʻshimcha ravishda moddiy koʻmak va ijtimoiy yordam koʻrsatib borishni taʼminlasin.
5. Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi ushbu qarorning maqsad va vazifalari bosma va elektron axborot vositalarida, shu jumladan Internet jahon axborot tarmogʻi orqali aholi oʻrtasida muntazam, tizimli va keng koʻlamda yoritib borilishini taʼminlasin.
6. Moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qaror ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 8-iyun,
PQ-274-son
Президента Республики Узбекистан
Постановление
О дальнейшем совершенствовании системы улучшения материального обеспечения участников и ветеранов Второй мировой войны, а также поддержки одиноких престарелых и лиц с инвалидностью
В целях усиления адресной социальной защиты ветеранов Второй мировой войны, бывших несовершеннолетних узников фашистских концлагерей и граждан, работавших в период блокады города Ленинграда, престарелых и лиц с инвалидностью, дальнейшего повышения качества оказываемых им социальных услуг, а также внедрения прозрачных и эффективных механизмов государственной поддержки данных граждан:
1. Установить порядок, в соответствии с которым:
ветеранам войны 1941 — 1945 годов, бывшим несовершеннолетним узникам фашистских концлагерей и гражданам, работавшим в период блокады города Ленинграда вместо продовольственной продукции и гигиенических товаров, доставляемых на бесплатной основе, вводится ежемесячная выплата дополнительной платы в однократном размере базовой расчетной величины (далее — доплата);
ветеранам войны 1941 — 1945 годов и бывшим несовершеннолетним узникам фашистских концлагерей и гражданам, работавшим в период блокады города Ленинграда, вместо необходимых одежды и обуви, доставляемых на бесплатной основе, вводится компенсация для приобретения одежды, ежегодно выплачиваемая в августе месяце в 15-кратном размере базовой расчетной величины (далее — компенсация).
Определить, что компенсация и доплата выплачиваются лицам, приведенным в настоящем пункте, в действующем порядке выплаты их пенсий и пособий.
2. Финансирование доплат и компенсаций произвести:
а) получателям пенсий, состоящим на учете в Пенсионном фонде:
доплат — за счет средств Пенсионного фонда;
компенсаций — за счет средств республиканского бюджета Республики Узбекистан;
б) получателям пенсий и пособий, назначенных Министерством обороны, Министерством внутренних дел, Министерством по чрезвычайным ситуациям, Службой государственной безопасности, Государственной службой безопасности Президента Республики Узбекистан, Верховным судом, Конституционным судом, Высшим судейским советом, Генеральной прокуратурой, Центром развития электронных технологий, Национальной гвардией, Таможенным комитетом при Министерстве экономики и финансов и Национальным агентством социальной защиты при Президенте Республики Узбекистан, — за счет бюджетных средств, выделенных данным министерствам и ведомствам.
3. Министерству финансов обеспечить выделение средств, необходимых для осуществления мероприятий, предусмотренных настоящим постановлением, в рамках предельного размера средств, предусмотренных в 2022 году в параметрах Государственного бюджета, для доставки на бесплатной основе продовольственной продукции, гигиенических товаров и одежды ветеранам войны 1941 — 1945 годов, бывшим несовершеннолетним узникам фашистских концлагерей и гражданам, работавшим в период блокады города Ленинграда, а также нуждающимся в постороннем уходе одиноким престарелым и лицам с инвалидностью.
4. Министерству экономического развития и сокращения бедности, Министерству по поддержке махалли и старшего поколения, Государственному комитету семьи и женщин, Агентству по делам молодежи, Совету Министров Республики Каракалпакстан, хокимиятам областей и города Ташкента обеспечить регулярное оказание дополнительной материальной поддержки и социальной помощи лицам льготной категории, перечисленным в пункте 1 настоящего постановления, за счет средств местных бюджетов, Фонда «Доброта и поддержка», Фонда поддержки молодежи — включенным в «Молодежную тетрадь», Фонда поддержки женщин — включенным в «Женскую тетрадь».
5. Рекомендовать Национальному информационному агентству Узбекистана, Национальной телерадиокомпании Узбекистана и Агентству информации и массовых коммуникаций регулярно в широком масштабе освещать среди населения цели и задачи настоящего постановления в печатных и электронных средствах массовой информации, в том числе посредством всемирной информационной сети Интернет, на системной основе.
6. Министерству финансов совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
7. Возложить на министра финансов Т.А. Ишметова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
8 июня 2022 г.,
№ ПП-274