📅 2022-yil 13-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 13 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 13 июня 2022 г. · Указы Президента
Официальный текст. Официальный документ. Редакционные примечания не включены.
📅 13 June 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Махсус иқтисодий, кичик саноат, ёшлар саноат ва тадбиркорлик зоналари фаолияти самарадорлигини оширишнинг қўшимча чора-тадбирлари тўғрисида
Махсус иқтисодий, кичик саноат, ёшлар саноат ва тадбиркорлик зоналари (кейинги ўринларда — саноат зоналари) фаолиятини мувофиқлаштириш ва бошқариш тизимини янада соддалаштириш, инвестициялар жалб қилиш учун шароитларни яхшилаш, инвестиция лойиҳаларини жадал амалга оширишни таъминлаш, шу асосда янги иш ўринларини ташкил этиш ва аҳоли даромадларини ошириш мақсадида:
1. Қорақалпоғистон Республикаси, вилоятлар ва Тошкент шаҳридаги давлат муассасаси шаклидаги кичик саноат зоналарини бошқариш бўйича ягона дирекциялар кичик ва ёшлар саноат зоналарини бошқариш бўйича ягона дирекциялар (кейинги ўринларда — ягона дирекциялар) сифатида қайта ташкил этилсин ҳамда уларга қўшимча равишда ёшлар саноат ва тадбиркорлик зоналарини ривожлантириш, улар ҳудудидаги ер майдонлари, бино ва иншоотларни электрон онлайн-аукционга чиқариш вазифалари юклатилсин.
2. Қорақалпоғистон Республикаси, вилоятлар ва Тошкент шаҳри махсус иқтисодий зоналар ва кичик саноат зоналари маъмурий кенгашлари тугатилиб, уларнинг вазифалари тегишинча махсус иқтисодий зоналар дирекцияларига ҳамда ягона дирекцияларга юклатилсин.
3. Махсус иқтисодий зоналар ҳудудида инвестиция лойиҳаларининг бизнес-режалари ёки техник-иқтисодий асосларига «Лойиҳалар ва импорт контрактларини комплекс экспертиза қилиш маркази» ДУКнинг хулосасини олиш талаби бекор қилинсин.
Бунда, махсус иқтисодий зоналар ҳудудида амалга ошириш учун таклиф этилаётган лойиҳаларнинг «Махсус иқтисодий зоналар тўғрисида»ги Ўзбекистон Республикасининг Қонунида белгиланган талабларга мувофиқлиги тўғрисида хулоса махсус иқтисодий зоналар дирекциялари томонидан мустақил равишда қабул қилинади.
4. 2022 йил 1 июлдан бошлаб шундай тартиб ўрнатилсинки, унга мувофиқ:
саноат зоналари ҳудудида инвестиция лойиҳаларини жойлаштириш бўйича қарорлар махсус иқтисодий зоналар дирекциялари ҳамда ягона дирекциялар томонидан ўн иш кунида қабул қилинади;
махсус иқтисодий зоналар ҳудудида аукционга чиқарилган ер майдонларини ижарага бериш бўйича аукционда бир иштирокчи қатнашган тақдирда ҳам савдолар ўтказилган ҳисобланади;
саноат зоналари ҳудудида реализация қилинадиган ер участкасига бўлган ижара ҳуқуқи учун тўловни тўлиқ амалга оширган харидорларга мазкур ижара ҳуқуқини кредит маблағларини ушбу ер участкасида лойиҳани амалга ошириш учун йўналтириш шарти билан кредит таъминоти сифатида гаровга қўйиш ҳуқуқи берилади;
саноат зоналарида бино-иншоотларни электрон онлайн-аукцион орқали ижарага беришда сотиб олиш тўловларини йигирма тўрт ой муддатда бўлиб-бўлиб тўлашга рухсат этилади;
махсус иқтисодий зоналар иштирокчилари томонидан ишлаб чиқариш ва маҳсулотларни экспортга реализация қилиш учун фойдаланадиган хомашё, материаллар ва бутловчи қисмларни олиб киришда божхона имтиёзлари фақат товарлар «божхона ҳудудида қайта ишлаш» божхона режимига жойлаштирилган тақдирда қўлланилади;
махсус иқтисодий, кичик саноат, ёшлар саноат ва тадбиркорлик зоналарида инвестиция лойиҳаларини амалга ошириш учун аукцион орқали ер ижарага олинганда ижара тўловлари лойиҳа ишга тушгунга қадар, бироқ 2 йилдан кўп бўлмаган муддатга кечиктириб тўланиши мумкин.
4 1 . Саноат зоналари бош режасига мувофиқ:
саноат зоналари инфратузилма билан таъминлангандан ва давлат қабул комиссияси томонидан қабул қилингандан сўнг улар ҳудудидаги ер участкалари аукцион савдоларига чиқарилади;
саноат зоналарида ишлаб чиқариш фаолиятини йўлга қўйиш мақсадида хусусий инвесторларга Вазирлар Маҳкамаси томонидан белгиланган тартибда инфратузилма билан таъминлаш ишларини амалга оширишга рухсат берилади ҳамда кейинчалик ушбу харажатларни саноат зоналарининг маблағлари ҳисобидан қоплаб бериш тартиби жорий этилади.
5. Ташқи савдо ва логистика ҳамда ишлаб чиқариш корхоналарига махсус иқтисодий зоналар ҳудудида хизмат кўрсатиш йўналишида инвестиция лойиҳаларини амалга оширишга ва қонунчиликда белгиланган талабларга мувофиқ бўлган ҳолларда иштирокчи мақомини олишга рухсат берилсин.
6. Инвестициялар ва ташқи савдо вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг қуйидаги таклифларига розилик берилсин:
Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашларига зарур ҳолларда Инвестициялар ва ташқи савдо вазирлиги билан келишилган ҳолда, туман (шаҳар)ларда кичик ва ёшлар саноат зоналарини бошқариш дирекцияларини ташкил этиш ҳуқуқини бериш;
махсус иқтисодий зоналар дирекциялари ва ягона дирекцияларга ҳар бир лойиҳа учун алоҳида лойиҳа менежерлари фаолиятини йўлга қўйиш;
махсус иқтисодий зоналар дирекциялари ва ягона дирекциялар раҳбарларига дирекциялар тузилмаларига, зарур ҳолларда, ўзгартириш киритиш ваколатини бериш;
кичик саноат зоналари ҳамда ёшлар саноат ва тадбиркорлик зоналари ҳудудидаги бино-иншоотларни ҳамда ер участкаларини электрон онлайн-аукцион орқали сотишдан Қорақалпоғистон Республикаси Вазирлар Кенгаши ва вилоятлар ҳокимликлари ҳузуридаги тадбиркорлик инфратузилмасини ривожлантириш жамғармаларига ҳамда Тошкент шаҳрини ривожлантириш жамғармасига тушадиган пул маблағларини ягона дирекцияларга қарашли зоналарда белгиланган тартибда инфратузилма яратиш, уларнинг бош режаларини ишлаб чиқиш ва ягона дирекцияларнинг талабномасига асосан уларнинг ходимларини моддий рағбатлантиришга йўналтириш.
7. Белгилаб қўйилсинки:
саноат зоналари имкониятларидан самарали фойдаланиш, уларнинг дирекциялари фаолиятини мувофиқлаштириш ва назорат қилиш Инвестициялар ва ташқи савдо вазирлиги томонидан амалга оширилади;
махсус иқтисодий зоналар ҳудудида амалга ошириладиган лойиҳалар бўйича инвестиция буюртманомалари Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокими томонидан беш кун муддатда тасдиқланади;
ягона дирекциялар раҳбарларини тайинлаш ҳамда белгиланган тартибда махсус иқтисодий зоналар бош режаларини тасдиқлаш Инвестициялар ва ташқи савдо вазирлиги билан келишилган ҳолда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари томонидан амалга оширилади;
кичик саноат ҳамда ёшлар саноат ва тадбиркорлик зоналарининг бош режалари туман (шаҳар) ҳокимлари томонидан тасдиқланади.
8. Вазирлар Маҳкамаси бир ой муддатда кичик саноат, ёшлар саноат ва тадбиркорлик зоналари ҳудудида ер ва бино-иншоот муносабатларини тартибга солиш, шу жумладан уларни хусусийлаштириш масалалари бўйича ҳукумат қарорини тасдиқласин.
9. Инвестициялар ва ташқи савдо вазирлиги Давлат активларини бошқариш агентлиги, Адлия вазирлиги ҳамда Ахборот технологиялари ва коммуникацияларини ривожлантириш вазирлиги билан биргаликда икки ой муддатда инвесторларнинг махсус иқтисодий зоналар дирекциялари ва ягона дирекциялар ҳамда давлат идоралари билан ҳамкорлик жараёнларида «ягона дарча» тамойили асосида хизмат кўрсатиш тизимини жорий қилсин.
10. Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги, Кадастр агентлиги ҳамда Қишлоқ хўжалиги вазирлигининг:
«Қорақалпоқ-агро» эркин иқтисодий зонаси фаолиятини тугатиш ҳамда унга ажратилган ер майдонларини кейинчалик ушбу ер майдонларида боғдорчилик ва узумчилик лойиҳаларини амалга ошириш учун тегишли ҳокимликлар захирасига қайтариш;
фармацевтика соҳасига ихтисослашган махсус саноат зоналари ҳудудларида ушбу зоналарнинг асосий йўналиши бўйича жойлаштирилган ишлаб чиқариш корхоналари фаолиятига зарар етказмайдиган бошқа йўналишдаги корхоналарни ўрнатилган тартибда жойлаштириш тўғрисидаги таклифлари маъқуллансин.
11. Кадастр агентлиги, Қорақалпоғистон Республикаси Вазирлар Кенгаши Қишлоқ хўжалиги вазирлиги билан биргаликда бир ой муддатда «Қорақалпоқ-агро» эркин иқтисодий зонаси таркибига кирувчи ер майдонларининг шаҳар ва туманлар ҳокимликлари захирасига қайтарилишини ва давлат мулки сифатида давлат рўйхатидан ўтказилишини таъминласин.
12. Инвестициялар ва ташқи савдо вазирлиги икки ой муддатда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Ўзбекистон Республикаси Президентининг айрим ҳужжатларига иловага мувофиқ ўзгартиришлар ва қўшимча киритилсин.
14. Мазкур Фармоннинг ижросини самарали ташкил қилишга масъул ва шахсий жавобгар этиб инвестициялар ва ташқи савдо вазирининг биринчи ўринбосари А.Б. Воитов белгилансин.
Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари С.У. Умурзаков зиммасига юклансин.
Ўзбекистон Республикаси Президентининг 2022 йил 13 июндаги ПФ-153-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар ва қўшимча
1. Ўзбекистон Республикаси Президентининг 2018 йил 21 декабрдаги «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида»ги ПФ-5600-сон Фармонида :
а) 1-бандда :
учинчи хатбошидаги «маъмурий кенгашларининг» сўзлари «дирекцияларининг» сўзлари билан алмаштирилсин;
бешинчи хатбошидаги «махсус иқтисодий зоналар маъмурий кенгашлари» сўзлари «Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари» сўзлари билан алмаштирилсин;
ўн биринчи хатбоши қуйидаги таҳрирда баён этилсин:
«махсус иқтисодий зоналар иштирокчилари томонидан божхона имтиёзлари қўлланган ҳолда импорт қилинадиган ўхшаши бўлмаган технологик ускуналар ва республикада ишлаб чиқарилмайдиган қурилиш материаллари божхона расмийлаштируви товарлар рўйхатини ҳар томонлама экспертизадан ўтказиш натижалари бўйича Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» (кейинги ўринларда — Марказ) ДУКнинг ижобий хулосаси мавжуд бўлган тақдирда амалга оширилади»;
ўн иккинчи хатбошидаги «ўн беш» сўзлари «беш» сўзи билан алмаштирилсин;
саккизинчи , тўққизинчи , ўнинчи , ўн учинчи , ўн тўртинчи , ўн бешинчи хатбошилар чиқариб ташлансин;
ўн биринчи , ўн иккинчи ва ўн олтинчи хатбошилар тегишинча саккизинчи — ўнинчи хатбошилари деб ҳисоблансин;
б) 3-банднинг «в» кичик банди , 5-банднинг учинчи хатбошиси ва 2-илова ўз кучини йўқотган деб ҳисоблансин.
2. Ўзбекистон Республикаси Президентининг 2017 йил 25 октябрдаги «Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида»ги ПҚ-3356-сон қарорида 1 ва 4-бандлар , 6-банднинг олтинчи хатбошиси ҳамда 3-илова ўз кучини йўқотган деб ҳисоблансин.
3. Ўзбекистон Республикаси Президентининг 2019 йил 21 июндаги «Кичик саноат зоналари фаолиятини мувофиқлаштириш ва бошқаришни янада такомиллаштириш чора-тадбирлари тўғрисида»ги ПҚ-4363-сон қарори 6-бандидаги «2022» рақами «2025» рақами билан алмаштирилсин.
4. Ўзбекистон Республикаси Президентининг 2020 йил 28 январдаги «Tashkent Pharma Park» инновацион илмий-ишлаб чиқариш фармацевтика кластерини ташкил этиш тўғрисида»ги ПҚ-4574-сон қарорининг 7-банди қуйидаги мазмундаги «д» кичик банди билан тўлдирилсин:
«д) Кластер ҳудудида ер участкаларини ажратиш уларни Дирекция томонидан электрон онлайн аукционга чиқариш орқали Ўзбекистон Республикаси Президентининг 2018 йил 21 декабрдаги «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида»ги ПФ-5600-сон Фармонида белгиланган тартибда амалга оширилади».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 13 июнь,
ПФ-153-сон
Oʻzbekiston Respublikasi Prezidentining
Farmoni
Maxsus iqtisodiy, kichik sanoat, yoshlar sanoat va tadbirkorlik zonalari faoliyati samaradorligini oshirishning qoʻshimcha chora-tadbirlari toʻgʻrisida
Maxsus iqtisodiy, kichik sanoat, yoshlar sanoat va tadbirkorlik zonalari (keyingi oʻrinlarda — sanoat zonalari) faoliyatini muvofiqlashtirish va boshqarish tizimini yanada soddalashtirish, investitsiyalar jalb qilish uchun sharoitlarni yaxshilash, investitsiya loyihalarini jadal amalga oshirishni taʼminlash, shu asosda yangi ish oʻrinlarini tashkil etish va aholi daromadlarini oshirish maqsadida:
1. Qoraqalpogʻiston Respublikasi, viloyatlar va Toshkent shahridagi davlat muassasasi shaklidagi kichik sanoat zonalarini boshqarish boʻyicha yagona direksiyalar kichik va yoshlar sanoat zonalarini boshqarish boʻyicha yagona direksiyalar (keyingi oʻrinlarda — yagona direksiyalar) sifatida qayta tashkil etilsin hamda ularga qoʻshimcha ravishda yoshlar sanoat va tadbirkorlik zonalarini rivojlantirish, ular hududidagi yer maydonlari, bino va inshootlarni elektron onlayn-auksionga chiqarish vazifalari yuklatilsin.
2. Qoraqalpogʻiston Respublikasi, viloyatlar va Toshkent shahri maxsus iqtisodiy zonalar va kichik sanoat zonalari maʼmuriy kengashlari tugatilib, ularning vazifalari tegishincha maxsus iqtisodiy zonalar direksiyalariga hamda yagona direksiyalarga yuklatilsin.
3. Maxsus iqtisodiy zonalar hududida investitsiya loyihalarining biznes-rejalari yoki texnik-iqtisodiy asoslariga “Loyihalar va import kontraktlarini kompleks ekspertiza qilish markazi” DUKning xulosasini olish talabi bekor qilinsin.
Bunda, maxsus iqtisodiy zonalar hududida amalga oshirish uchun taklif etilayotgan loyihalarning “Maxsus iqtisodiy zonalar toʻgʻrisida”gi Oʻzbekiston Respublikasining Qonunida belgilangan talablarga muvofiqligi toʻgʻrisida xulosa maxsus iqtisodiy zonalar direksiyalari tomonidan mustaqil ravishda qabul qilinadi.
4. 2022-yil 1-iyuldan boshlab shunday tartib oʻrnatilsinki, unga muvofiq:
sanoat zonalari hududida investitsiya loyihalarini joylashtirish boʻyicha qarorlar maxsus iqtisodiy zonalar direksiyalari hamda yagona direksiyalar tomonidan oʻn ish kunida qabul qilinadi;
maxsus iqtisodiy zonalar hududida auksionga chiqarilgan yer maydonlarini ijaraga berish boʻyicha auksionda bir ishtirokchi qatnashgan taqdirda ham savdolar oʻtkazilgan hisoblanadi;
sanoat zonalari hududida realizatsiya qilinadigan yer uchastkasiga boʻlgan ijara huquqi uchun toʻlovni toʻliq amalga oshirgan xaridorlarga mazkur ijara huquqini kredit mablagʻlarini ushbu yer uchastkasida loyihani amalga oshirish uchun yoʻnaltirish sharti bilan kredit taʼminoti sifatida garovga qoʻyish huquqi beriladi;
sanoat zonalarida bino-inshootlarni elektron onlayn-auksion orqali ijaraga berishda sotib olish toʻlovlarini yigirma toʻrt oy muddatda boʻlib-boʻlib toʻlashga ruxsat etiladi;
maxsus iqtisodiy zonalar ishtirokchilari tomonidan ishlab chiqarish va mahsulotlarni eksportga realizatsiya qilish uchun foydalanadigan xomashyo, materiallar va butlovchi qismlarni olib kirishda bojxona imtiyozlari faqat tovarlar “bojxona hududida qayta ishlash” bojxona rejimiga joylashtirilgan taqdirda qoʻllaniladi;
maxsus iqtisodiy, kichik sanoat, yoshlar sanoat va tadbirkorlik zonalarida investitsiya loyihalarini amalga oshirish uchun auksion orqali yer ijaraga olinganda ijara toʻlovlari loyiha ishga tushgunga qadar, biroq 2 yildan koʻp boʻlmagan muddatga kechiktirib toʻlanishi mumkin.
4 1 . Sanoat zonalari bosh rejasiga muvofiq:
sanoat zonalari infratuzilma bilan taʼminlangandan va davlat qabul komissiyasi tomonidan qabul qilingandan soʻng ular hududidagi yer uchastkalari auksion savdolariga chiqariladi;
sanoat zonalarida ishlab chiqarish faoliyatini yoʻlga qoʻyish maqsadida xususiy investorlarga Vazirlar Mahkamasi tomonidan belgilangan tartibda infratuzilma bilan taʼminlash ishlarini amalga oshirishga ruxsat beriladi hamda keyinchalik ushbu xarajatlarni sanoat zonalarining mablagʻlari hisobidan qoplab berish tartibi joriy etiladi.
5. Tashqi savdo va logistika hamda ishlab chiqarish korxonalariga maxsus iqtisodiy zonalar hududida xizmat koʻrsatish yoʻnalishida investitsiya loyihalarini amalga oshirishga va qonunchilikda belgilangan talablarga muvofiq boʻlgan hollarda ishtirokchi maqomini olishga ruxsat berilsin.
6. Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining quyidagi takliflariga rozilik berilsin:
Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga zarur hollarda Investitsiyalar va tashqi savdo vazirligi bilan kelishilgan holda, tuman (shahar)larda kichik va yoshlar sanoat zonalarini boshqarish direksiyalarini tashkil etish huquqini berish;
maxsus iqtisodiy zonalar direksiyalari va yagona direksiyalarga har bir loyiha uchun alohida loyiha menejerlari faoliyatini yoʻlga qoʻyish;
maxsus iqtisodiy zonalar direksiyalari va yagona direksiyalar rahbarlariga direksiyalar tuzilmalariga, zarur hollarda, oʻzgartirish kiritish vakolatini berish;
kichik sanoat zonalari hamda yoshlar sanoat va tadbirkorlik zonalari hududidagi bino-inshootlarni hamda yer uchastkalarini elektron onlayn-auksion orqali sotishdan Qoraqalpogʻiston Respublikasi Vazirlar Kengashi va viloyatlar hokimliklari huzuridagi tadbirkorlik infratuzilmasini rivojlantirish jamgʻarmalariga hamda Toshkent shahrini rivojlantirish jamgʻarmasiga tushadigan pul mablagʻlarini yagona direksiyalarga qarashli zonalarda belgilangan tartibda infratuzilma yaratish, ularning bosh rejalarini ishlab chiqish va yagona direksiyalarning talabnomasiga asosan ularning xodimlarini moddiy ragʻbatlantirishga yoʻnaltirish.
7. Belgilab qoʻyilsinki:
sanoat zonalari imkoniyatlaridan samarali foydalanish, ularning direksiyalari faoliyatini muvofiqlashtirish va nazorat qilish Investitsiyalar va tashqi savdo vazirligi tomonidan amalga oshiriladi;
maxsus iqtisodiy zonalar hududida amalga oshiriladigan loyihalar boʻyicha investitsiya buyurtmanomalari Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimi tomonidan besh kun muddatda tasdiqlanadi;
yagona direksiyalar rahbarlarini tayinlash hamda belgilangan tartibda maxsus iqtisodiy zonalar bosh rejalarini tasdiqlash Investitsiyalar va tashqi savdo vazirligi bilan kelishilgan holda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan amalga oshiriladi;
kichik sanoat hamda yoshlar sanoat va tadbirkorlik zonalarining bosh rejalari tuman (shahar) hokimlari tomonidan tasdiqlanadi.
8. Vazirlar Mahkamasi bir oy muddatda kichik sanoat, yoshlar sanoat va tadbirkorlik zonalari hududida yer va bino-inshoot munosabatlarini tartibga solish, shu jumladan ularni xususiylashtirish masalalari boʻyicha hukumat qarorini tasdiqlasin.
9. Investitsiyalar va tashqi savdo vazirligi Davlat aktivlarini boshqarish agentligi, Adliya vazirligi hamda Axborot texnologiyalari va kommunikatsiyalarini rivojlantirish vazirligi bilan birgalikda ikki oy muddatda investorlarning maxsus iqtisodiy zonalar direksiyalari va yagona direksiyalar hamda davlat idoralari bilan hamkorlik jarayonlarida “yagona darcha” tamoyili asosida xizmat koʻrsatish tizimini joriy qilsin.
10. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi, Kadastr agentligi hamda Qishloq xoʻjaligi vazirligining:
“Qoraqalpoq-agro” erkin iqtisodiy zonasi faoliyatini tugatish hamda unga ajratilgan yer maydonlarini keyinchalik ushbu yer maydonlarida bogʻdorchilik va uzumchilik loyihalarini amalga oshirish uchun tegishli hokimliklar zaxirasiga qaytarish;
farmatsevtika sohasiga ixtisoslashgan maxsus sanoat zonalari hududlarida ushbu zonalarning asosiy yoʻnalishi boʻyicha joylashtirilgan ishlab chiqarish korxonalari faoliyatiga zarar yetkazmaydigan boshqa yoʻnalishdagi korxonalarni oʻrnatilgan tartibda joylashtirish toʻgʻrisidagi takliflari maʼqullansin.
11. Kadastr agentligi, Qoraqalpogʻiston Respublikasi Vazirlar Kengashi Qishloq xoʻjaligi vazirligi bilan birgalikda bir oy muddatda “Qoraqalpoq-agro” erkin iqtisodiy zonasi tarkibiga kiruvchi yer maydonlarining shahar va tumanlar hokimliklari zaxirasiga qaytarilishini va davlat mulki sifatida davlat roʻyxatidan oʻtkazilishini taʼminlasin.
12. Investitsiyalar va tashqi savdo vazirligi ikki oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar va qoʻshimcha kiritilsin.
14. Mazkur Farmonning ijrosini samarali tashkil qilishga masʼul va shaxsiy javobgar etib investitsiyalar va tashqi savdo vazirining birinchi oʻrinbosari A.B. Voitov belgilansin.
Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidentining 2022-yil 13-iyundagi PF-153-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmonida :
a) 1-bandda :
uchinchi xatboshidagi “maʼmuriy kengashlarining” soʻzlari “direksiyalarining” soʻzlari bilan almashtirilsin;
beshinchi xatboshidagi “maxsus iqtisodiy zonalar maʼmuriy kengashlari” soʻzlari “Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari” soʻzlari bilan almashtirilsin;
oʻn birinchi xatboshi quyidagi tahrirda bayon etilsin:
“maxsus iqtisodiy zonalar ishtirokchilari tomonidan bojxona imtiyozlari qoʻllangan holda import qilinadigan oʻxshashi boʻlmagan texnologik uskunalar va respublikada ishlab chiqarilmaydigan qurilish materiallari bojxona rasmiylashtiruvi tovarlar roʻyxatini har tomonlama ekspertizadan oʻtkazish natijalari boʻyicha Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” (keyingi oʻrinlarda — Markaz) DUKning ijobiy xulosasi mavjud boʻlgan taqdirda amalga oshiriladi”;
oʻn ikkinchi xatboshidagi “oʻn besh” soʻzlari “besh” soʻzi bilan almashtirilsin;
sakkizinchi , toʻqqizinchi , oʻninchi , oʻn uchinchi , oʻn toʻrtinchi , oʻn beshinchi xatboshilar chiqarib tashlansin;
oʻn birinchi , oʻn ikkinchi va oʻn oltinchi xatboshilar tegishincha sakkizinchi — oʻninchi xatboshilari deb hisoblansin;
b) 3-bandning “v” kichik bandi , 5-bandning uchinchi xatboshisi va 2-ilova oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2017-yil 25-oktabrdagi “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida”gi PQ-3356-son qarorida 1 va 4-bandlar , 6-bandning oltinchi xatboshisi hamda 3-ilova oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2019-yil 21-iyundagi “Kichik sanoat zonalari faoliyatini muvofiqlashtirish va boshqarishni yanada takomillashtirish chora-tadbirlari toʻgʻrisida”gi PQ-4363-son qarori 6-bandidagi “2022” raqami “2025” raqami bilan almashtirilsin.
4. Oʻzbekiston Respublikasi Prezidentining 2020-yil 28-yanvardagi “Tashkent Pharma Park” innovatsion ilmiy-ishlab chiqarish farmatsevtika klasterini tashkil etish toʻgʻrisida”gi PQ-4574-son qarorining 7-bandi quyidagi mazmundagi “d” kichik bandi bilan toʻldirilsin:
“d) Klaster hududida yer uchastkalarini ajratish ularni Direksiya tomonidan elektron onlayn auksionga chiqarish orqali Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmonida belgilangan tartibda amalga oshiriladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 13-iyun,
PF-153-son
Президента Республики Узбекистан
Указ
О дополнительных мерах повышения эффективности деятельности специальных экономических, малых промышленных, молодежных промышленных и предпринимательских зон
В целях дальнейшего упрощения системы координации и управления деятельностью специальных экономических, малых промышленных, молодежных промышленных и предпринимательских зон (далее — промышленные зоны), улучшения условий для привлечения инвестиций, обеспечения ускоренной реализации инвестиционных проектов, создания на данной основе новых рабочих мест и увеличения доходов населения:
1. Преобразовать единые дирекции по управлению малыми промышленными зонами в форме государственного учреждения в Республике Каракалпакстан, областях и городе Ташкенте в единые дирекции по управлению малыми и молодежными промышленными зонами (далее — единые дирекции) и возложить на них дополнительные задачи по развитию молодежных промышленных и предпринимательских зон и выставлению на электронный онлайн-аукцион находящихся на их территории земельных площадей, зданий и сооружений.
2. Упразднить административные советы специальных экономических зон и малых промышленных зон в Республике Каракалпакстан, областях и городе Ташкенте, возложить их задачи соответственно на дирекции специальных экономических зон и единые дирекции.
3. Отменить требование получения заключения ГУП «Центр комплексной экспертизы проектов и импортных контрактов» по бизнес-планам или технико-экономическим обоснованиям инвестиционных проектов на территории специальных экономических зон.
При этом заключение о соответствии проектов, предлагаемых к реализации на территории специальных экономических зон, требованиям Закона Республики Узбекистан «О специальных экономических зонах», принимается дирекциями специальных экономических зон самостоятельно.
4. Установить с 1 июля 2022 года порядок, в соответствии с которым:
решения о размещении инвестиционных проектов на территории промышленных зон принимаются дирекциями специальных экономических зон и едиными дирекциями в течение десяти рабочих дней;
торги считаются состоявшимися даже при участии в аукционе по передаче в аренду выставленных на аукцион земельных площадей на территории специальных экономических зон одного участника;
покупателям, осуществившим платеж в полном объеме за право аренды земельного участка, реализуемого на территории промышленной зоны, предоставляется право на передачу в залог указанного права аренды в качестве кредитного обеспечения, с условием направления кредитных средств на реализацию проекта на данном земельном участке;
при передаче в аренду зданий и сооружений в промышленных зонах посредством электронного онлайн-аукциона разрешается произведение платежей в рассрочку в течение двадцати четырех месяцев;
таможенные льготы при ввозе участниками специальных экономических зон сырья, материалов и комплектующих, используемых для производства и реализации на экспорт, применяются только в случае размещения товаров в таможенный режим «переработка на таможенной территории;
при получении в аренду земли через аукцион для реализации инвестиционных проектов в специальных экономических, малых промышленных, молодежных промышленных и предпринимательских зонах арендные платежи могут быть уплачены в рассрочку до начала проекта, но на срок не более 2 лет.
4 1 . В соответствии с генеральным планом промышленных зон:
земельные участки на территории промышленных зон выставляются на аукционные торги после обеспечения промышленных зон инфраструктурой и приемки государственной приемочной комиссией;
в целях налаживания производственной деятельности в промышленных зонах частным инвесторам разрешается проводить работы по обеспечению инфраструктурой в порядке, установленном Кабинетом Министров, и в дальнейшем внедряется порядок компенсации этих расходов за счет средств промышленных зон.
5. Разрешить предприятиям внешней торговли, логистики и производственным предприятиям осуществлять инвестиционные проекты в сфере обслуживания на территории специальных экономических зон и получить статус участника в случаях соответствия требованиям, установленным законодательством.
6. Согласиться с предложениями Министерства инвестиций и внешней торговли, Совета Министров Республики Каракалпакстан, хокимиятов областей и города Ташкента, предусматривающими:
предоставление при необходимости Жокаргы Кенесу Республики Каракалпакстан, Кенгашам народных депутатов областей и города Ташкента права на образование дирекций по управлению малыми и молодежными промышленными зонами в районах (городах) по согласованию с Министерством инвестиций и внешней торговли;
организацию деятельности проектных менеджеров отдельно для каждого проекта в дирекциях специальных экономических зон и единых дирекциях;
предоставление при необходимости руководителям дирекций специальных экономических зон и единых дирекций полномочий на внесение изменений в структуру дирекций;
направление денежных средств, поступающих в фонды развития инфраструктуры предпринимательства при Совете Министров Республики Каракалпакстан, хокимиятах областей и в фонд развития города Ташкента от реализации на электронных онлайн-аукционах зданий и сооружений, а также земельных участков на территории малых промышленных зон и молодежных промышленных и предпринимательских зон, на создание инфраструктуры, разработку генеральных планов и материальное стимулирование работников зон, подведомственных единым дирекциям, на основе заявки данных дирекций в установленном порядке.
7. Определить, что:
эффективное использование возможностей промышленных зон, осуществление координации и контроля за деятельностью их дирекций осуществляются Министерством инвестиций и внешней торговли;
инвестиционные заявки по проектам, реализуемым на территории специальных экономических зон, утверждаются Председателем Совета Министров Республики Каракалпакстан, хокимами областей и города Ташкента в пятидневный срок;
назначение руководителей единых дирекций и утверждение генеральных планов специальных экономических зон в установленном порядке осуществляются Председателем Совета Министров Республики Каракалпакстан, хокимами областей и города Ташкента по согласованию с Министерством инвестиций и внешней торговли;
генеральные планы малых промышленных и молодежных промышленных и предпринимательских зон утверждаются хокимами районов (городов).
8. Кабинету Министров в месячный срок утвердить постановление правительства по вопросам регулирования отношений, связанных с земельными площадями, зданиями и сооружениями на территории малых промышленных и молодежных промышленных и предпринимательских зон, включая вопросы их приватизации.
9. Министерству инвестиций и внешней торговли совместно с Агентством по управлению государственными активами, Министерством юстиции и Министерством по развитию информационных технологий и коммуникаций в двухмесячный срок внедрить систему оказания услуг по принципу «единое окно» в процессе сотрудничества инвесторов с дирекциями специальных экономических зон, едиными дирекциями и государственными органами.
10. Одобрить предложения Министерства инвестиций и внешней торговли, Министерства экономического развития и сокращения бедности, Министерства финансов, Агентства по кадастру и Министерства сельского хозяйства, предусматривающие:
прекращение деятельности свободной экономической зоны «Каракалпак агро» и возвращение выделенных ей земельных участков в резерв соответствующих хокимиятов для последующей реализации на данных землях проектов садоводства и виноградарства;
размещение в установленном порядке на территории специализированных на фармацевтическую отрасль специальных промышленных зон предприятий иного профиля, не причиняющих ущерба деятельности профильных производственных предприятий, размещенных в данных зонах.
11. Агентству по кадастру и Совету Министров Республики Каракалпакстан совместно с Министерством сельского хозяйства в месячный срок обеспечить возврат земельных площадей, входивших в состав свободной экономической зоны «Каракалпак-агро», в резерв хокимиятов городов и районов, а также их государственную регистрацию в качестве государственной собственности.
12. Министерству инвестиций и внешней торговли в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
13. Внести изменения и дополнение в некоторые акты Президента Республики Узбекистан согласно приложению .
14. Возложить на первого заместителя министра инвестиций и внешней торговли А.Б. Воитова персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
ПРИЛОЖЕНИЕ к Указу Президента Республики Узбекистан от 13 июня 2022 года № УП-153
Изменения и дополнение, вносимые в некоторые акты Президента Республики Узбекистан
1. В Указе Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон»:
а) в пункте 1 :
в абзаце третьем слова «административных советов» заменить словами «дирекций»;
в абзаце пятом слова «административных советов специальных экономических зон» заменить словами «Совета Министров Республики Каракалпакстан, хокимиятов областей и города Ташкента»;
абзац одиннадцатый изложить в следующей редакции:
«таможенное оформление не имеющего аналогов технологического оборудования и не производимых в республике строительных материалов, импортируемых участниками специальных экономических зон с применением таможенных льгот, осуществляется по результатам всесторонней экспертизы перечней товаров при наличии положительного заключения ГУП «Центр комплексной экспертизы проектов и импортных контрактов» при Министерстве экономического развития и сокращения бедности Республики Узбекистан (далее — Центр)»;
в абзаце двенадцатом слово «пятнадцати» заменить словом «пяти»;
абзацы восьмой , девятый , десятый , тринадцатый , четырнадцатый , пятнадцатый исключить;
абзацы одиннадцатый , двенадцатый и шестнадцатый считать соответственно абзацами восьмым — десятым;
б) подпункт «в» пункта 3, абзац третий пункта 5 и приложение № 2 к Указу признать утратившими силу.
2. Пункты 1 и 4 , абзац шестой пункта 6 и приложение № 3 к постановлению Президента Республики Узбекистан от 25 октября 2017 года № ПП-3356 «О дополнительных мерах по повышению эффективности деятельности свободных экономических зон и малых промышленных зон» признать утратившими силу.
3. В пункте 6 постановления Президента Республики Узбекистан от 21 июня 2019 года № ПП-4363 «О мерах по дальнейшему совершенствованию координации и управления деятельностью малых промышленных зон» цифру «2022» заменить цифрой «2025».
4. Пункт 7 постановления Президента Республики Узбекистан от 28 января 2020 года № ПП-4574 «О создании инновационного научно-производственного фармацевтического кластера «Tashkent Pharma Park» дополнить подпунктом «д» следующего содержания:
«д) выделение земельных участков на территории кластера осуществляется в порядке, установленном Указом Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон», путем их выставления Дирекцией на электронный онлайн-аукцион».
Президент Республики Узбекистан Ш. МИРЗИЁЕВ
г. Ташкент,
13 июня 2022 г.,
№ УП-153