📅 2022-yil 17-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 17 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 июня 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 17 June 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Давлат божхона қўмитасининг идоравий мансублигидаги мактабгача таълим ташкилоти фаолиятини тугатиш тўғрисида
«Мактабгача таълим ва тарбия тўғрисида»ги Ўзбекистон Республикаси Қонунига мувофиқ Вазирлар Маҳкамаси қарор қилади:
1. Ўзбекистон Республикаси Давлат божхона қўмитасининг идоравий мансублигидаги Қашқадарё вилояти Китоб туманининг «Тўпчоқ» ҚФЙдаги Жайрахона қишлоғи ҳудудида жойлашган 200 ўринли мактабгача таълим ташкилоти (кейинги ўринларда — мактабгача таълим ташкилоти) идоравий мансублигидан чиқарилсин.
2. Қашқадарё вилояти Китоб туманининг «Тўпчоқ» ҚФЙдаги, Жайрахона қишлоғи ҳудудида жойлашган Ўзбекистон Республикаси Давлат божхона қўмитасига тегишли бўлган мактабгача таълим ташкилотининг бино ва иншоотлари ҳамда моддий-техник базаси (кейинги ўринларда — объект) Мактабгача таълим вазирлигига оператив бошқарув ҳуқуқи билан бепул берилсин.
3. Ўзбекистон Республикаси Давлат божхона қўмитаси ва Мактабгача таълим вазирлиги объектни топшириш-қабул қилиш ишларини белгиланган тартибда амалга оширсин.
4. Ўзбекистон Республикаси Мактабгача таълим вазирлиги объектдан самарали ва мақсадли фойдаланилиши ҳамда унинг негизида ёш авлодни ҳар томонлама камол топтириш учун зарур барча қулайлик ва шарт-шароитларга эга мактабгача таълим ташкилотининг фаолиятини қонунчилик ҳужжатларида белгиланган тартибда ташкил этсин.
5. Вазирлар Маҳкамасининг «Ўзбекистон Республикаси Давлат божхона қўмитасининг идоравий мансублигидаги мактабгача таълим ташкилоти фаолиятини ташкил этиш чора-тадбирлари тўғрисида» 2021 йил 9 октябрдаги 632-сон қарори ўз кучини йўқотган деб ҳисоблансин.
6. Мазкур қарорнинг бажарилишини назорат қилиш Ўзбекистон Республикаси мактабгача таълим вазири А.В. Шин ва Ўзбекистон Республикаси Давлат божхона қўмитаси раиси А.Ю. Мавлонов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2022 йил 17 июнь,
334-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Davlat bojxona qoʻmitasining idoraviy mansubligidagi maktabgacha taʼlim tashkiloti faoliyatini tugatish toʻgʻrisida
“Maktabgacha taʼlim va tarbiya toʻgʻrisida”gi Oʻzbekiston Respublikasi Qonuniga muvofiq Vazirlar Mahkamasi qaror qiladi:
1. Oʻzbekiston Respublikasi Davlat bojxona qoʻmitasining idoraviy mansubligidagi Qashqadaryo viloyati Kitob tumanining “Toʻpchoq” QFYdagi Jayraxona qishlogʻi hududida joylashgan 200 oʻrinli maktabgacha taʼlim tashkiloti (keyingi oʻrinlarda — maktabgacha taʼlim tashkiloti) idoraviy mansubligidan chiqarilsin.
2. Qashqadaryo viloyati Kitob tumanining “Toʻpchoq” QFYdagi, Jayraxona qishlogʻi hududida joylashgan Oʻzbekiston Respublikasi Davlat bojxona qoʻmitasiga tegishli boʻlgan maktabgacha taʼlim tashkilotining bino va inshootlari hamda moddiy-texnik bazasi (keyingi oʻrinlarda — obyekt) Maktabgacha taʼlim vazirligiga operativ boshqaruv huquqi bilan bepul berilsin.
3. Oʻzbekiston Respublikasi Davlat bojxona qoʻmitasi va Maktabgacha taʼlim vazirligi obyektni topshirish-qabul qilish ishlarini belgilangan tartibda amalga oshirsin.
4. Oʻzbekiston Respublikasi Maktabgacha taʼlim vazirligi obyektdan samarali va maqsadli foydalanilishi hamda uning negizida yosh avlodni har tomonlama kamol toptirish uchun zarur barcha qulaylik va shart-sharoitlarga ega maktabgacha taʼlim tashkilotining faoliyatini qonunchilik hujjatlarida belgilangan tartibda tashkil etsin.
5. Vazirlar Mahkamasining “Oʻzbekiston Respublikasi Davlat bojxona qoʻmitasining idoraviy mansubligidagi maktabgacha taʼlim tashkiloti faoliyatini tashkil etish chora-tadbirlari toʻgʻrisida” 2021-yil 9-oktabrdagi 632-son qarori oʻz kuchini yoʻqotgan deb hisoblansin.
6. Mazkur qarorning bajarilishini nazorat qilish Oʻzbekiston Respublikasi maktabgacha taʼlim vaziri A.V. Shin va Oʻzbekiston Respublikasi Davlat bojxona qoʻmitasi raisi A.Y. Mavlonov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 17-iyun,
334-son